Jake Lacy ပါဝင်သော ဇာတ်ကားများ

Late Fame (2026) မင်းသားကြီး Willem Dafoe ဦးဆောင်ထားပြီး နယူးယောက်မြို့က ဂန္ထဝင် ကဗျာဆရာတစ်ဦးဖြစ်တဲ့ (Ed Saxberger) ရဲ့ လူသိများခြင်း မရှိတော့တဲ့ ရှေးဟောင်း လက်ရာတွေကို လူငယ် အနုပညာရှင် အုပ်စုတစ်စုက စတင် သတိထားမိလာရာကနေ၊ ဆရာကြီးရဲ့ အနုပညာ မီးတောက်တွေကို တစ်ကျော့ပြန် အသက်သွင်းပေးပုံနဲ့ မင်းသမီးချော ဂလိုရီယာ (Gloria) ရဲ့ ဆွဲဆောင်မှုရှိတဲ့ ပါဝင်ပတ်သက်မှုတွေကို ရိုက်ကူးထားတဲ့ အမေရိကန် Drama ရုပ်ရှင်ကားကြီး ဖြစ်ပါတယ်။ နယူးယောက်မြို့ရဲ့ အနုပညာ အငွေ့အသက်တွေ၊ ကဗျာဆန်တဲ့ စကားလုံးတွေနဲ့ လူငယ်တွေရဲ့ အိပ်မက်တွေကို အနုပညာမြောက်စွာ ပုံဖော်ထားပါတယ်။ အသက်ကြီးသွားတဲ့ ဂန္တဝင်ကဗျာဆရာတစ်ဦးနဲ့ ခေတ်ဆန်း လူငယ် အနုပညာရှင်တွေကြားက ယဉ်ကျေးမှုနဲ့ အမြင်ချင်း ဖလှယ်မှုတွေကို ထိမိစွာ တင်ဆက်ထားတဲ့ ဒရမ်မာကားကောင်းတစ်ကားပါ

Stranglehold (2026) +++++++ သေနတ်တွေ အက်ရှင်တွေလည်းပါရမယ်၊ ဇာတ်လမ်းကလည်း စိတ်ဝင်စားစရာလည်းကောင်းရမယ်၊ ရယ်လည်းရယ်ရမယ် ဆိုတဲ့ ဇာတ်ကားသစ်မျိုးကိုရှာနေရင်တော့ ဒီရုပ်ရှင်သစ်ကိုမလွတ်တမ်းကြည့်လိုက်ကြဖို့ အကြံပေးချင်ပါတယ်။ ဇာတ်လမ်းအကျဉ်းကတော့ ငွေကြေးကျပ်တည်းနေတဲ့ လင်မယားနှစ်ယောက်ဟာ သမီးလေးအတွက် ခရစ္စမတ်လက်ဆောင်ဝယ်ဖို့အရေး ဇနီးဖြစ်သူအလုပ်လုပ်တဲ့ အဖော်အချွတ်ကလပ်ကို ဓားပြတိုက်ဖို့ ကြံစည်ကြပါတယ်။ သူတို့ ဓားပြတိုက်ဖို့ ကြံစည်ထားတဲ့ နေ့ကလည်း သာမန်နေ့တစ်နေ့မဟုတ်ဘဲ အနယ်နယ်အရပ်ရပ်က ဂိုဏ်းခေါင်းဆောင်တွေ မူးယစ်ရာဇာ‌ေတွ စုဝေးပြီး အဲဒီ အဖော်အချွတ်ကလပ်မှာ ခရစ္စမတ်ပါတီလုပ်မဲ့‌ နေ့ပဲဖြစ်ပါတယ်။ တစ်ကားလုံးမှာ အမိုက်စား အက်ရှင်ခန်းတွေ၊ သွေးသံရဲရဲ ပစ်ခတ်မှုတွေနဲ့အတူ မမျှော်လင့်ထားတဲ့ ဟာသတွေကြောင့် ရယ်နေရမှာဖြစ်ပြီး လူ့လောကရဲ့ ငွေကြေးအခက်အခဲနဲ့ မိသားစုသံယောဇဉ်ကိုလည်း Dark Comedy ဆန်ဆန် သရော်ထားတာကို တွေ့ရမှာပါ။ မင်းသမီး Ashley Benson နဲ့ မင်းသား Jake Lacy တို့ရဲ့ အပေးအယူမျှမျှ သရုပ်ဆောင်မှုတွေအပြင်၊ Ron Perlman တို့လို ဝါရင့်သရုပ်ဆောင်တွေလည်း ပါဝင်ထားလို့ ဇာတ်ရှိန်ကျသွားတာမျိုးမရှိဘဲ ဇာတ်လမ်းအဆုံးထိ တောက်လျှောက်ကို ‌ဆွဲ‌ခေါ်သွားနိုင်ခဲ့ပါတယ်။ အလှည့်အပြောင်းတွေနဲ့ စိတ်လှုပ်ရှားဖို့ကောင်းပြီး ပေါ့ပေါ့ပါးပါးနဲ့ အပန်းဖြေကြည့်ရှုနိုင်မယ့် Crime Comedy ဇာတ်ကားကောင်းတစ်ကားမို့ ရုပ်ရှင်ချစ်ပရိသတ်တွေ လက်မလွတ်တမ်း ကြည့်ရှုသင့်တဲ့ ကားကောင်းလေးအဖြစ် ညွှန်းဆိုပေးလိုက်ချင်ပါတယ်။ File Size… (1.82GB) / (860MB) Quality… WEB-DL 1080p HEVC / 720p Format…mkv / mp4 Duration…1h 45m Genre …Action , Comedy , Crime Subtitle….Myanmar Subtitle (Hard Sub)

A Mosquito in the Ear (2026) IMDb Rating (6.4) / Rotten Tomatoes (100%) The White Lotus နဲ့ ထင်ရှားတဲ့ မင်းသား Jake Lacy နဲ့ The Lord of the Rings မင်းသမီး Nazanin Boniadi တို့ရဲ့ အိန္ဒိယနိုင်ငံ ဂိုအာမြို့မှာ ကလေး မွေးစားခြင်းနဲ့ မတူညီတဲ့ ယဉ်ကျေးမှု နှစ်ခုကြားက စိတ်ပိုင်းဆိုင်ရာ ပဋိပက္ခတွေကို ရိုက်ပြထားတဲ့ ဇာတ်လမ်းကောင်းတစ်ပုဒ်ဖြစ်ပါတယ်။ ဇာတ်လမ်းကတော့ အမေရိကန် ဇနီးမောင်နှံနှစ်ဦးဖြစ်ကြတဲ့ "အန်ဒရူး"နဲ့ "ဒန်နီအဲလာ" တို့အကြောင်းကနေ စတင်ထားတာပါ။ သူတို့ဟာ တရားဝင် မွေးစားထားတဲ့ အသက် ၄ နှစ်အရွယ် သမီးလေး "ဆာဗာရီ"ကို အမေရိကန်နိုင်ငံကို ပြန်လည် ခေါ်ဆောင်သွားဖို့အတွက် အိန္ဒိယနိုင်ငံ ဂိုအာမြို့လေးဆီကို ရောက်ရှိလာခဲ့ကြပါတယ်။ ဒါပေမဲ့ သူတို့ မထင်မှတ်မထားတဲ့ ကြီးမားတဲ့ အခက်အခဲတစ်ခုနဲ့ ရင်ဆိုင်လိုက်ရပါတော့တယ်။ ကလေးမလေး ဆာဗာရီဟာ သူမ ကြီးပြင်းခဲ့ရတဲ့ မိဘမဲ့ဂေဟာ၊ သူငယ်ချင်းတွေနဲ့ ပတ်ဝန်းကျင်ကို စိမ်းကားပြီး အမေရိကန်ဆီ လိုက်ပါဖို့ အပြင်းအထန် ငြင်းဆန်နေခဲ့တာပဲ ဖြစ်ပါတယ်။ နားထဲမှာ ခြင်တစ်ကောင် မြည်တွန်နေသလိုမျိုး စိတ္တဇဖြစ်စရာ၊ တင်းမာစရာ စိန်ခေါ်မှုတွေကြားမှာ ဒီဇနီးမောင်နှံနှစ်ဦးဟာ ကလေးမလေးရဲ့ နှလုံးသားကို နားလည်ဖို့ ကြိုးစားရင်း "မိသားစု ဆိုတာ တကယ်တော့ ဘာလဲ" ဆိုတဲ့ မေးခွန်းကို ရိုက်ပြထားတဲ့ဇာတ်လမ်း ဖြစ်ပါတယ်။ File size… (1.2 GB) / (800 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:29:52 Subtitle…. Myanmar Subtitle (Hardsub)

ဒီလထဲမှ လောလောလတ်လတ်ထွက်ရှိထားတဲ့ စီးရီးအသစ်လေးပဲဖြစ်ပါတယ်။ ဇာတ်လမ်းကိုတော့ Marissa Irvine ဆိုတဲ့ အမျိုးသမီးက သူ့ရဲ့ ငါးနှစ်အရွယ်သားလေးကို သူ့သူငယ်ချင်းအိမ်ကနေသွားကြိုတာနဲ့စထားပါတယ်။ ဒါပေမဲ့ သူသွားခေါ်တဲ့အိမ်မှာ သူ့သားလေးမရှိသလို သူ့သားသူငယ်ချင်းတို့အိမ်လည်းဟုတ်မနေပါဘူး။ ဒီလိုနဲ့ပဲ မိဘတစ်ယောက် မဖြစ်ချင်ဆုံးအိပ်မက်ဆိုးကြီး ဖြစ်လာပြီဆိုတာ သူသိသွားတဲ့နောက်မှာတော့ သူတို့ ကလေးကို ဘယ်လိုပြန်ရှာကြမလဲ၊ ကလေးကို ဘယ်သူခေါ်သွားတာလဲ၊ ဘာလို့ခေါ်သွားတာလဲဆိုတာနဲ့ ကလေးလေးကိုရှာရင်း သိခဲ့ရတဲ့ မိသားစုအရှုပ်အထွေးတွေကရော ဘာတွေဖြစ်မလဲဆိုတာ စူးစမ်းလိုစိတ်တွေနဲ့ ကိုယ်တိုင်အဖြေလိုက်ရှာရင်း ကြည့်ရမှာပါ။ IMDb 7.7 ထိလည်း ရရှိထားပြီးသားဖြစ်ပြီး Mystery စုံထောက်ရုပ်ရှင်တွေကြိုက်တဲ့လူတွေအဖို့ မှုခင်းဇာတ်လမ်းတစ်ခုကို စုံထောက်တွေနေရာကနေမဟုတ်ဘဲ ကလေးမိခင်တစ်ယောက်နေရာကနေ ခံစားကြည့်ရှုရမဲ့ ဇာတ်လမ်းတစ်ပုဒ်လည်း ဖြစ်ပါတယ်။ File size…  600 MB & 300 MB (Appx;)@Episode Quality… WEB DL 1080p & 720p Format… mp4 Duration…. 40m @Episode Genre ..... Crime, Drama, Mystery Subtitle…. Myanmar Subtitle (Hard Sub)

Family dramaကြိုက်တဲ့ CMပရိသတ်တို့အတွက် IMDb 6.9 ရထားတဲ့ peacock tv ရဲ့drama mystery ဇာတ်လမ်းတွဲလေးတစ်ခု တင်ဆက်ပေးချင်ပါတယ်။ ငွေကြေးချမ်းသာပြီး West Palmရဲ့ဂုဏ်သရေရှိမိသားစုလည်း ဖြစ်တဲ့ တင်းနစ်သင်တန်းကျောင်းဖွင့်ထားတဲ့ ဒလန်နီမိသားစုထဲက အရှုပ်အရှင်းတွေကို မြင်တွေ့ရမယ့် ဇာတ်လမ်းလေးတစ်ပုဒ်ပေါ့။ မြို့ရဲ့မျက်နှာဖုံး ဂုဏ်သရေရှိ တင်းနစ်ချန်ပီယံ ဂျွိုင်းနဲ့စတန်တို့မှာ ထရွိုင်း လိုဂန် ဘရွတ်ခ်နဲ့ အေမီဆိုတဲ့ သားသမီး ၄ ယောက်ရှိပြီး အောင်မြင်တဲ့ တင်းနစ်သင်တန်းကျောင်းကြီးကို ဦးစီးနေကြတာပေါ့။ သားသမီး ၄ ယောက်ထဲမှာ အဖေနဲ့အမေလို တင်းနစ်ပါရမီပါတဲ့ သူတွေရှိပေမဲ့လည်း ဘယ်သူမှ တင်းနစ်သင်တန်း‌ကျောင်းကို ဦးစီးမယ့်သူမရှိလေတော့ သူတို့အနားယူချိန်မှာ သင်တန်းကြီးကို ပိတ်လိုက်ရတာပေါ့။ လူတိုင်းက အလုပ်လုပ်နေရချိန်မှာတော့ ပင်စင်ယူချိန် အနားယူချိန်ကိုတမ်းတနေတတ်ကြပြီး အနားယူရင် ဘာလုပ်မယ် ညာလုပ်မယ် ကြိုတင်စီစဉ်နေပေမဲ့ တကယ်တမ်းပင်စင်ယူရချိန် မှာတော့ ရင်ထဲဟာပြီး အလိုမကျဖြစ် စိတ်ဆတ်တတ်ကြပါသတဲ့။ ဂျွိုင်းနဲ့စတန်တို့လည်း ဒီလူတွေထဲမှာ အပါအဝင်ပါပဲ။ ယှဉ်ပြိုင်လို စိတ်များပြီး တသက်လုံးအလုပ်နောက်လိုက်နေခဲ့တဲ့ စတန်နဲ့ဂျွိုင်းတို့ အချိန်တန်ပင်စင်ယူချိန်ရောက်တော့လည်း သားသမီး ၄ ‌ယောက်က အဖေနဲ့အမေအပေါ် နွေးနွေးထွေးထွေး မရှိကြပါဘူး။ အမြဲတမ်း miss callမြင်ရင် ဖုန်းပြန်မခေါ်တာမျိုး စာမပြန်တာမျိုး မရှိတဲ့ ဂျွိုင်းတစ်ယောက် စာမပြန်ချိန် ဖုန်းမကိုင်ဖြစ်ချိန်မှာတော့ သားသမီး ၄ ယောက် စပြီး‌တော့ စိတ်ပူပြီး အဖေ့ကိုဖုန်းဆက်၊ အဖေကလည်း အမေပျောက်နေတဲ့အကြောင်းကို လိမ်ပြီးလှည့်ပတ် ပြောနေလို့စုံစမ်းရာကနေ အမေပျောက်နေတာ ၄ ရက်ရှိပြီဆိုတာနဲ့ အမေမပျောက်ခင်မှာ သူတို့အိမ်မှာ ဆဗန်နာဆိုတဲ့မိန်းကလေး တစ်ယောက် အတူလာနေသွားတာကို သိလိုက်ရချိန်မှာတော့.... နွေးထွေးမှုတွေပျောက်ဆုံးနေတဲ့ မိသားစုပီပီ ခပ်တန်းတန်း‌‌နေခဲ့ရာကနေ တကယ်တမ်း အမေပျောက်သွားတော့မှ လိုက်စုံစမ်းရင်းနဲ့မှ ဘာလျှို့ဝှက်ချက်တွေ ထွက်လာမလဲဆိုတာ ကြည့်ရှုခံစားလိုက်ရအောင်ပါ။ File Size –  736 GB / 346 MB Quality –WEB-DL 1080p , 720p Duration – 54 Min  (@Episode) Total Episodes: 7 Eps Subtitle – Myanmar Hardsub Format – Mp4 Genre : Drama , Mystery Translator – TD , Aoi & Muse Encoder – Min Wai

A Friend of the Family (2022) Completed Limited Series ~ IMDb - 7.4/10, Rotten Tomatoes - 91% ~ Peacock ရဲ့ Rotten Tomatoes - 91% အထိရထားတဲ့ Limited စီးရီးအသစ်ပါ။ အစအဆုံးကြည့်ဖို့အတွက် ၇နာရီ၅၃မိနစ်ပဲ ကြာမြင့်မှာမို့ အချိန်သိပ်မပေးရဘဲ ကောင်းကောင်းကြည့်လို့ရမယ့် ဖြစ်ရပ်မှန် မှုခင်းရုပ်ရှင်အမျိုးအစားပါပဲ။ ရုပ်ရှင်တွေ မယ်မယ်ရရ မရိုက်ဖြစ်သေးပေမဲ့ စီးရီးလောကမှာတော့ တော်တော်ခရီးပေါက်နေပြီဖြစ်တဲ့ Tom Hanks ရဲ့သား Colin Hanks ရဲ့ကားအသစ်မို့ ဦးလေးတွမ်ရဲ့ ပရိသတ်တွေလည်း သဘောကျလောက်မယ့် မီနီစီးရီးပါပဲ။ ၁၉၇၀ ခုနှစ်ကာလ အမေရိကန်နိုင်ငံမှာ "ဘရိုဘာ့ဂ်" ဆိုတဲ့ မိသားစုတစ်ခု ကြုံတွေ့ခဲ့ရတဲ့ ဖြစ်ရပ်မှန်ဇာတ်လမ်းတစ်ပုဒ်အ‌ကြောင်းပါပဲ။ ဒီမိသားစုမှာ ဂျန်နီ ခယ်ရန် ဆူဇန် ဆိုတဲ့ သမီးလေး ၃ ယောက်ရှိပြီး တစ်မိသားစုလုံးဟာ ဘာသာရေးကိုင်းရှိုင်းကြသူတွေဖြစ်ပါတယ်။ တစ်ရက်မှာတော့ သူတို့နေတဲ့မြို့ကို "ဘာ့ခ်ျထိုး" ဆိုတဲ့ မိသားစုတစ်စုပြောင်းလာပြီး ဘာသာရေးလိုက်စားသူ အချင်းချင်းဖြစ်တဲ့အပြင် သက်တူရွယ်သူ သား ၃ ယောက်ရှိနေတဲ့အထိ တိုက်ဆိုင်မှုတွေကဖန်လာတော့ အိမ် ၂ အိမ်ဟာ ရုတ်ခြည်းဆိုသလို ရင်းနှီးကျွမ်းဝင် သွားကြပါတော့တယ်။ ဒီလိုနဲ့ဆွေမျိုးသားချင်းတွေလို နေလာခဲ့လိုက်တာ အချိန်တစ်ခုကြာလာတော့ ဘော့ဘ်ဘာ့ခ်ျထိုးဟာ တစ်ဖက်မိသားစုရဲ့ အကြီးဆုံးသမီးလေး "ဂျန်" ကို သူ့ရဲ့သားတွေအပါအဝင် အခြားကလေးတွေ အားလုံးထက်ပိုပြီး ထူးထူးခြားခြား အလေးပေးဆက်ဆံလာတာကို ဂျန် ရဲ့ ဖခင် မစ္စတာဘရိုဘာ့ဂ်က သတိထားမိလာပါတယ်။ သမီးဖြစ်သူ "ဂျန်" ကလည်း တချို့ကိစ္စတွေမှာ ဖခင်ထက်ပိုပြီး မစ္စတာဘာ့ခ်ျထိုးကို အားကိုးတာတွေ့လာရတော့ စိတ်ဘဝင်မကျဖြစ်လာတဲ့အတွက်သူ့မိသားစုကိုပိုပြီးအချိန်ပေးဖို့ ဆုံးဖြတ်လိုက်တဲ့နေ့မှာပဲ... ဘာ့ခ်ျထိုးဟာ "ဂျန်" ကို သူ့အဖေခွင့်မပြုတဲ့ကြားက မရရအောင်နည်းမျိုးစုံသုံးပြီး ကျောင်းကအပြန်မှာ မြင်းသွားစီးဖို့ ခေါ်သွားပါတော့တယ်… ညဉ့်နက်တဲ့အထိ "ဂျန်" ပြန်ရောက်မလာတဲ့အခါ အပူလုံးဆို့နေတဲ့မိဘတွေဟာ FBI ကို တိုင်ကြားလိုက်တော့ သူတို့သိလိုက်ရတဲ့ သတင်းဆိုးက မစ္စတာဘာ့ခ်ျထိုးဟာ "Phedophile" လို့ခေါ်တဲ့ အသက်မပြည့်တဲ့ ကလေးငယ်တွေကိုမှ တပ်မက်စွဲလမ်းတဲ့ စိတ်ရောဂါသည်တစ်ယောက် ဖြစ်နေတာပါပဲ… "ဂျန်" ရဲ့ မိဘတွေ ဘာဆက်လုပ်ကြမလဲ… ဘာ့ခ်ျထိုးတစ်ယောက် "ဂျန်" ကို ဘယ်လိုနည်းလမ်းတွေသုံးပြီး brainwash ထားလဲဆိုတာကိုတော့ဇာတ်လမ်းထဲမှာ ဆက်လက်ခံစားကြည့်ကြပါခင်ဗျာ။ (ဒီစီးရီးကို အညွှန်းရေးသား ဘာသာပြန်ပေးသူကတော့ Thar Htet ပဲဖြစ်ပါတယ်။) Size ~ 600MB+ Total ~ 9 Episodes Quality – 1080p Duration ~ 50min (@Episode) Subtitle – Myanmar Hardsub Format – Mp4 Genre : Biography, Crime, Drama Source : PCOK.Web-dl.1080p Translator – Thar Htet Encoder – Y

ရူ့သ်နဲ့ ဟယ်ရီက တောအုပ်တစ်ခုထဲကို စခန်းချခရီးထွက်လာကြတဲ့ ချစ်သူစုံတွဲပါ။ ဟယ်ရီက ဒီခရီးအတွက် စိတ်အားထက်သန်နေပေမယ့် ရူ့သ်ကတော့ သိပ်သွားချင်လှတာ မဟုတ်ဘူး။ ဒါပေမယ့် ချစ်သူက သွားချင်လွန်းနေတာကြောင့် ကျောပိုးအိတ်တစ်လုံးနဲ့ လိုက်လာခဲ့ပါတယ်။ ဟယ်ရီ့မှာ ရူ့သ်ကို တောထဲခေါ်လာရတဲ့ ရည်ရွယ်ချက်တစ်ခု ရှိနေတယ်။ သူက ဒီခရီးမှာ လက်ထပ်ခွင့်တောင်းချင်တာပါ။ ငယ်စဉ်က ရခဲ့တဲ့ စိတ်ဒဏ်ရာတွေရှိနေတဲ့ ရူ့သ်ကတော့ ငြင်းလိုက်ပြီး နှစ်ယောက်ကြား ဆက်ဆံရေးလည်း အက်ကြောင်းထင်သွားပါတယ်။ အဲဒီကြားမှာ ရူ့သ်က တောထဲ ခဏပျောက်သွားခဲ့သေးတယ်။ သူ့အတွက် ဘာတွေဖြစ်ခဲ့တာလဲ၊ သူတို့နှစ်ယောက်ရဲ့ ဆက်ဆံရေးကရော အရင်လို ပြန်အဆင်ပြေနိုင်ပါ့မလား။

အာရွန်ဆော့ကင်း ရိုက်ကူးပြီး မင်းသမီးကြီး နီကိုးကဒ်မန်း သရုပ်ဆောင်ထားတဲ့ အော်စကာ ဆန်ကာတင်ရုပ်ရှင်တစ်ခု ထွက်လာပါပြီ။ ဟောလိဝုဒ်ရွှေခေတ် တီဗွီမင်းသမီးကြီး Lucy Ball ဟာ သူ့ရဲ့ဇာတ်လမ်းတွဲ ဖြစ်တဲ့ I Love Lucy မှာ သူ့ခင်ပွန်းဖြစ်သူ Desi Arnez နဲ့တူတူ တွဲဖက်သရုပ်ဆောင်ပြီးဝက်ဝက်ကွဲအောင်မြင်နေပါတယ်။Sit-com တို့ရဲ့အစလို့တောင်ပြောလို့ရတဲ့ ဒီဇာတ်လမ်းတွဲကို အဖြူအမည်းခေတ်မှာပဲဘယ်လိုဖန်းတီးကြလဲ၊ဘယ်လိုသရုပ်ဆောင်ကြလဲဘယ်လိုရိုက်ကူးကြလဲဆိုတာ ကိုပြသထားပါတယ်။ဒါပေမယ့်လဲ Lucy နဲ့Desi တို့ဟာ ဟောလိဝုဒ် ရဲ့အကျော်ကြားဆုံးဇနီးမောင်နှံအဖြစ်ကနေ အိမ်ထောင်ရေးပြသနာတွေ နိုင်ငံရေး၊ ပုဂ္ဂိုလ်ရေးအရ စွပ်စွဲမှုတွေ ကြောင့် သူတို့ရဲ့လူနေမှုဘဝခြိမ်းခြောက်ခံနေရပါပြီ။ထိုခေတ်က အမေရိက လိုနိုင်ငံမှာလဲ ရိုးရိုးပြည်သူတွေဟာ ကွန်မြူနစ်လို့ သံသယဖြစ်ခံရတာနဲ့ ဘဝပျက်သွားနိုင်တာကိုပြထားပါတယ်။ တီ‌ဗီဇာတ်လမ်းတွဲတွေရဲ့သမိုင်းတလျှောက်အကျော်ကြားဆုံးထဲမှာပါတဲ့ မင်းသမီးကြီး Lucy Ballရဲ့ ဘဝကိုရိုက်ထားတာဖြစ်ပြီး Oscar ဆုရသရုပ်ဆောင်တွေဖြစ်တဲ့ Nicole Kidman Javier Bardem နဲ့ J.K Simmons တို့အစုံအလင်ပါဝင်ထားပါတယ်။ဒီရုပ်ရှင်ကိုကြည့်ရင်းနဲ့အတိတ်ကဟောလိဝုဒ်ဆီကိုပြန်လည်ခံစားနိုင်ပါတယ်။ File size…(2.1 GB) / (1.2 Mb) / (600 Mb) Quality….Webrip 1080p / 720p / 480p Format…mp4 Duration….02:11:00 Genre...Biography, Drama Subtitle….Myanmar Subtitle (Hardsub) Encoder….Mr. Anderson Translated by Sett Paing

အမေရိကန် အထူးတပ်ဖွဲ့ ဝင်ဟောင်းတစ်ဦးဖြစ်တဲ့ ဒေးဗစ်အိုကွေဟာ ဆန်ဒီရေးဂိုးတောရိုင်း တိရစ္ဆာန် ကာကွယ်စောင့်ရှောက် ရေးဌာနက ဂေါ်ရီလာမျောက်ဝံ တွေနဲ့ပတ်သက်ပြီး သုတေသန ပြုနေတဲ့ နာမည်ကြီး ပညာရှင် တစ်ယောက်ပါ။ မုဆိုးတွေလက်ကနေ ကယ် ဆယ်လာခဲ့တဲ့ ဂျော့ချ်ဆိုတဲ့ ဂေါ်ရီ လာမျောက်ဝံဖြူကြီးဟာ သာမန် မျောက်ဝံတွေနဲ့မတူဘဲ ထူးခြားတဲ့ အသိဉာဏ်ဖွံ့ဖြိုးမှုမျိုးရှိနေတယ်ဆိုတာ ဒေးဗစ်က သတိထားမိပြီး ဂျော့ချ်နဲ့လည်း ရင်းနှီးခဲ့ပါတယ်။ တစ်ရက်မှာတော့ ဂျော့ချ် နေတဲ့နေရာကို ထူးဆန်းတဲ့ ပစ္စည်းတစ်ခုကျလာပြီး အဲဒါကို ဂျော့ချ် က ထိလိုက်တဲ့အခါမှာတော့ ည တွင်းချင်းမှာကို ဂျော့ချ်စိတ်ရိုင်း ဝင်ကာ ခန္ဓာကိုယ်အရွယ်အစား ကလည်း အကြီးကြီးဖြစ်သွားခဲ့ပါ တယ်။ အဲဒီနောက်မှာတော့ ဒေးဗစ် ကို မျိုးရိုးဗီဇဆိုင်ရာ ပညာရှင် ဒေါက်တာကိတ်ကဲလ်ဝဲက ဆက် သွယ်ပြီး ဂျော့ချ် အခုလိုဖြစ်သွား တာဟာ Energyne ကုမ္ပဏီက စမ်းသပ်ထားတဲ့ သန္ဓေပြောင်း ပစ္စည်းကြောင့်လို့ပြောပါတယ်။ ဒေါက်တာကိတ်ကိုလည်း Energyne ကုမ္ပဏီက အလုပ် ထုတ်ပစ်ခဲ့သလို ကုမ္ပဏီနဲ့ စမ်း သပ်မှုတွေကို ထုတ်ပြောလို့ဆိုပြီး ထောင်ချပစ်ဖို့အထိပါ လုပ်ခဲ့ပါ တယ်။ ဂျော့ချ်ကို အေးဂျင့်ဟာဗေး ရက်ဆဲလ်ဦးဆောင်တဲ့ အစိုးရ အဖွဲ့အစည်းက လေယာဉ်နဲ့ ဖမ်း ဆီးခေါ်ဆောင်သွားပေမယ့် လေယာဉ်ကို ဖျက်ဆီးပြီး ဂျော့ချ်လွတ် မြောက်သွားသလို ရက်ဖ်ဆိုတဲ့ သန္ဓေပြောင်း ဝံပုလွေကြီးက လည်း သူ့ကိုလိုက်ဖမ်းတဲ့အဖွဲ့ကို အပြတ်ရှင်းပစ်ခဲ့ပါတယ်။ အဲဒီနောက် ဂျော့ချ်နဲ့ ရက်ဖ် တို့ ပေါင်းမိပြီး ချီကာဂိုမြို့တော် ကို ဝင်ရောက်ဖျက်ဆီး တိုက်ခိုက် ခဲ့ပါတော့တယ်။ ပြဿနာက အဲဒီ မှာတင် မပြီးသေးပါဘူး။ ကုန်းပေါ်မှာ ဂျော့ချ်နဲ့ ရက်ဖ်တို့ တိုက် ခိုက်ဖျက်ဆီးနေသလို လစ်ဇီဆို တဲ့ သန္ဓေပြောင်း မိကျောင်းကြီး ရန်ကလည်း ထပ်ပေါ်လာပါတော့ တယ်။ ဒေးဗစ်နဲ့ ဒေါက်တာကိတ် ဟာ စိတ်ရိုင်းဝင်ပြီး တွေ့သမျှ အန္တရာယ်ပြုနေတဲ့ သန္ဓေပြောင်း သတ္တဝါတွေကို ပုံမှန်အခြေအနေ ပြန်ဖြစ်အောင် လုပ်နိုင်မယ်လို့ ယုံကြည်ထားကာ ထိန်းချုပ်နိုင်ဖို့ အသည်းအသန် ကြိုးပမ်းခဲ့ကြပါ တယ်။ သန္ဓေပြောင်း သတ္တဝါတွေ က ဘယ်လိုတွေ ဒုက္ခပေးမှာလဲ၊ ဒေးဗစ်တို့ ယုံကြည်ထားသလို ဂျော့ချ်ကို မူလအနေအထားဖြစ် အောင် ပြန်လုပ်နိုင်ပါ့မလားဆို တာကို အမိုက်စား အထူးပြုလုပ် ချက်တွေ၊ အက်ရှင်ပြကွက်တွေနဲ့ ရိုက်ကူးထားတာမို့ ပရိသတ်တွေ သဘောကျမှာပါ။ ပရိသတ်အချစ်တော် အက် ရှင်မင်းသားကြီး ဒဝိန်းဂျွန်ဆင်က အဓိက သရုပ်ဆောင်ထားတာဖြစ် ပြီး နာအိုမီဟားရစ္စ၊ မာလင်အ ကာမန်၊ ဂျက်ဖရီးဒင်းန်မော်ဂန်၊ ဂျိတ်ခ်လေစီ၊ ဂျိုးမန်ဂါနီလို စသူ တွေပါဝင်ထားပါတယ်။ (ဇာတ်လမ်းအညွှန်းကိုတော့ http://7daydaily.com မှကူးယူဖော်ပြထားတာဖြစ်ပြီး ဘာသာပြန်သူကတော့ ကိုမျိုးသန့် နဲ့ ကိုဟိန်းမင်းထွန်းပါ) File Size : 1.8 GB / 849MB Quality : Blu-Ray 1080p 5.1 CH x264 / 720p Running Time : 1hr 47min Format : Mp4 Genre : Action, Adventure, Sci-Fi Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Myo Thant And Hein Min Encoded by Thanhtike Zaw

ဟက်ကာတစ်ယောက်က ဗြိတိန်ထောက်လှမ်းရေးအဖွဲ့က အေးဂျင့်တွေရဲ့ အချက်အလက်အားလုံးကို ဖွင့်ချလိုက်တဲ့အခါ ဝန်ကြီးချုပ် အခက်တွေ့သွားပါတယ်။ လက်ရှိအေးဂျင့်တွေ ဘယ်သူဘယ်ဝါဆိုတာ ပေါ်ကုန်ပြီဖြစ်လို့ ထောက်လှမ်းရေးအဖွဲ့မှာ ရွေးချယ်စရာ မကျန်တော့ဘဲ အေးဂျင့်ဟောင်းကြီး ဂျွန်နီအင်္ဂလစ်ရှ်ကို ပြန်ခေါ်သုံးရပါတော့တယ်။ ဒီလိုနဲ့ အင်္ဂလန်အတွက် ဂျွန်နီတစ်ယောက် အလုပ်ပြန်ဆင်းရပြန်ပါတယ်။ မျက်နှာတည်တည်နဲ့ လုပ်တတ်သမျှ လွဲတတ်တဲ့ သူ့ကို ဒီတစ်ခါ ဘယ်လိုအလွဲတွေကြားမှာ တွေ့ရဦးမလဲ။

စာရေးဆရာမVeronica Roth ရဲ့ နာမည်ကျော် Divergent Series ရဲ့ သုံးအုပ်မြောက်စာအုပ်ကိုအသက်သွင်းထားတဲ့ ရုပ်ရှင်ဇာတ်ကားပါ။ရှေ့က Divergent(2014) နဲ့ Insurgent(2015) ရုပ်ရှင်တွေကိုကြည့်ဖူးထားရင်တော့ အဆက်အစပ်မိပါလိမ့်မယ်။ ဇာတ်လမ်းရဲ့ကြောရိုး.... အနာဂတ်ကာလ Chicago မြို့မှာ တံတိုင်းကြီးကာထားပြီးနေထိုင်ကြတဲ့ မျိုးနွယ်စုတစ်စုရှိပါတယ်။သူတို့ထဲမှာ  Abnegation ( အတ္တကင်းမဲ့မှု)၊ Amity ( ကြင်နာမှု )၊ Candor ( ရိုးသားမှု)၊ Erudite ( ဉာဏ်ပညာထက်မြက်မှု)၊ နဲ့ Dauntless ( ရဲရင့်မှု ) စသည်ဖြင့်အမျိုးအစားခွဲထားပြီး  အဲ့ဒီအမျိုးအစားထဲကနေ ချွန်ပြီးထွက်နေတဲ့ Divergent လို့သတ်မှတ်သူတွေကိုတော့ ဒီမြို့ထဲမှာမထားပါဘူး...သတ်ပစ်ပါတယ်။ဒီလိုချိန်မှာ Abnegation အကြီးအကဲရဲ့သမီး Tris (မင်းသမီး Shaileen Woodley ) ကတော့ အမျိုးအစား(၃)ခုကျော်နေလို့  Divergent လို့ The System ကသတ်မှတ်ပြီး သတ်ပစ်ဖို့ကြိုးစားလာပါတယ်။ဘာကြောင့်လဲဆိုတော့ Divergent တွေဟာ The System ရဲ့လွှမ်းမိုးမှုကို လက်မခံဘဲ လူသားဆန်လွန်းမှန်းသိထားကြလို့ပါ။ဒီလိုအချိန်မှာ မင်းသမီးနဲ့ မင်းသားတို့အဖွဲ့ The System ကနေဖောက်ထွက်ရုန်းကန်ဖို့ကြိုးစားကြပုံတွေကို တင်ဆက်ထားတာပါ။ အခု Allegiant ဇာတ်ကားမှာလဲ ထို့အတူပါပဲ။ Insurgent ဇာတ်ကားရဲ့အဆုံးကနေပြန်ဆက်ထားပါတယ်။Science Fiction ဇာတ်ကားကြိုက်နှစ်သက်သူတွေ အကြိုက်တွေ့မှာဖြစ်သလို ဝတ္ထုရဲ့ ဆိုလိုရင်းဖြစ်တဲ့ လူငယ်လူရွယ်တွေရဲ့ အတွေးအခေါ်တွေ လွတ်လပ်မှုတွေကို ခံစားရမှာပါ။

အယ်လီဇဘတ် ဆလွန်းဟာ အောင်မြင်တဲ့ မဲဆွယ်သူတစ်ယောက်ဖြစ်ပြီး အလုပ်ကို အလွန်အလေးထားသူပါ။ စိတ်ဓာတ်မာကြောသလို ကိုယ်အောင်မြင်ဖို့ဆို ဘယ်သူ့ကိုမှ မငဲ့ညှာတတ်တာကြောင့် နိုင်ငံရေးနယ်ပယ်မှာ သူ့ကို မုန်းတီးသူတွေလည်း မနည်းပါဘူး။ သေနတ်ပစ်ခတ်မှုတွေကို တားဆီးဖို့ သေနတ်ဝယ်ယူခွင့်ကို ထိန်းချုပ်သင့်တယ်လို့ လူအများ ယူဆနေချိန်မှာ ဝယ်သူရဲ့ နောက်ခံအချက်အလက်ကို စိစစ်ပြီး မှတ်တမ်းတင်ထားဖို့ ဥပဒေတစ်ရပ်ကို အမေရိကန်လွှတ်တော်ဆီ တင်သွင်းလာပါတယ်။ ဆလွန်းက အဲဒီဥပဒေကို ထောက်ခံမဲရအောင် မဲဆွယ်ပေးဖို့ တာဝန်ယူလိုက်တယ်။ ဒါပေမဲ့ ဥပဒေကို ဆန့်ကျင်သူတွေက ဆလွန်းရဲ့ ကိုယ်ရေးကိုယ်တာအချက်အလက်တွေကိုပါ အသုံးချပြီး တိုက်ခိုက်လာကြပါတယ်။ ထက်မြက်တဲ့ ဆလွန်းဟာ ဒီတိုက်ခိုက်မှုတွေကို ဘယ်လိုလှည့်ကွက်တွေနဲ့ ပြန်ကိုင်တွယ်မလဲဆိုတာ ဆက်ကြည့်ရမှာပါ။

မိသားစုတိုင်းမှာ မတူညီတဲ့ နောက်ခံဇာတ်လမ်းတွေ အဖြစ်အပျက်တွေ ပျော်ရွှင်စရာတွေ ဝမ်းနည်းရတာတွေ မကျေမနပ်ဖြစ်ရတာတွေ ရှိကြပါတယ်။ လူတွေဟာ လူတွေဖြစ်နေတဲ့အတွက်ကြောင့်ကို ပြီးပြည့်စုံခြင်းမရှိနိုင်ကြပါဘူး။ ဒ ါကြောင့် ဘယ်လောက်ပဲမပြေလည်တာတွေရှိကြပေမယ့် အချိန်မနှောင်းခင်မှာ ပြေလည်မှုရဖို့ ကြိုးစားသင့်ကြပါတယ်။ ဘာလို့လဲဆိုတာ့ မိသားစုဖြစ်နေလို့ပါ။ တစ်သက်မှာ တစ်ခါပဲ ရနိုင်တဲ့ ရွေးချယ်ခွင့်လည်းမရှိတဲ့ ကိုယ့်ကို ချစ်ခြင်းမေတ္တာတွေသိသိသာသာဖြစ်ဖြစ် မသိမသာဖြစ်ဖြစ် ပေးနိုင်တဲ့သူတွေဖြစ်နေလို့ပါလေ။ သွေးက ရေထက်တော့ပြစ်တယ်လို့ဆိုကြတယ်မလား။ ချစ်ခြင်းမေတ္တာက ပြဿနာအားလုံးကိုဖြေရှင်းနိုင်မယ်လို့ ထင်ပါတယ်။ ဒီဇာတ်ကားလေးမှာလည်း သားသမီး‌တွေကို ထိန်းကျောင်းရင်း ကိုယ့်ဖာသာကိုယ်ပျောက်ဆုံးနေတဲ့ ဇနီးမောင်နှံနှစ်ယောက်ဟာ မိသားစုဝင်တွေအတွက် အမှတ်တရဖြစ်စေမဲ့ ခရစ်စမတ်ညစာလေးကိုဖန်တီးကြရင်း မပြေလည်တာတွေကို ပြေလည်အောင်လုပ်ပေးနိုင်ဖို့ ကြိုးစားကြပါတယ်။ ဒါပေမဲ့ အခက်အခဲတွေ ပြဿနာတွေ မထင်မှတ်တာတွေ ကြုံလာရတဲ့အခါ ဘယ်လိုကျော်ဖြတ်ကြလဲ နောက်ဆုံးမှာ ဘယ်လိုပြေလည်သွားကြလဲဆိုတာကို ခရစ်စမတ်အချိန်နောက်ခံလေး နဲ့ တင်ဆက်ပြထားတဲ့အတွက် ဆွတ်ပျံ့ကြည်နှူးဖွယ် ရယ်ရွှင်ဖွယ် ခံစားကြရမှာပါ။ 2015 ခုနှစ်ကထွက်ရှိခဲ့တဲ့ comedy drama အမျိုးအစားဇာတ်ကားဖြစ်ပြီး မိသားစု နဲ့ ချစ်ရသူတွေနဲ့ ကတောက်ကဆဖြစ်နေရတဲ့ အချိန်တွေမှာများကြည့်ဖြစ်ခဲ့မယ်ဆိုရင် ဇာတ်ကားဆုံးတာနဲ့ ရင်ထဲ အတွေးတစ်စကျန်ကောင်း ကျန်နေနိုင်ပါတယ်လို့ ပြောချင်ပါတယ်။ File size…    2 GB /  984 MB Quality… BluRay 1080p / 720p Format… mp4 Duration…. 1h 47m Genre ..... Comedy/Thriller Subtitle…. Myanmar Subtitle (Hard Sub) Encoder…. Thit San Khant Translated by Sophie

Carol (2015) IMDb Rating (7.3) / Rotten Tomatoes (94%) ဒီတစ်ခေါက်ကတော့ Patricia Highsmithe ရဲ့ The price of Salt Novel ကိုပြန်လည်ရိုက်ကူးထားတဲ့ rating မြင့်ဇာတ်လမ်းကောင်းတစ်ကားပါ။ ဒီကားကိုဒါရိုက်တာ Todd Haynes ခေါင်းဆောင်ရိုက်ကူးထားပြီး မင်းသမီးကြီး Cate Blanchett , Rooney Mara တို့ပါ၀င်ပါတယ်။ မင်းသမီးနှစ်ယောက်လုံး Oscar Nominations ၀င်ခဲ့တာမို့လို့ သရုပ်ဆောင်ကိုတော့အထူးတလည်ပြောပြစရာတောင်မလိုတော့ပါဘူး။ လူတိုင်းလူတိုင်းဘ၀မှာ ကိုယ်တိုင်ရဲ့တည်ရှိမှုကိုမေးခွန်းပြန်ထုတ်စေနိုင်တဲ့တစ်စုံတစ်ဦးကတော့ရှိစမြဲပဲ။ ဘာအကြောင်းပြချက်ကြီးကြီးမားမားမှမရှိပါပဲနဲ့ ဒီတစ်ယောက်ကိုမှအလိုလိုတောင့်တနေမိတာမျိုး။ နားလည်မပေးနိုင်တဲ့ချစ်သူကောင်လေး ၊ ငြီးငွေ့ဖွယ်အလုပ်တို့ထဲပိတ်မိနေသူ အသက်၂၀ သာရှိသေးတဲ့မိန်းမငယ်လေးတစ်ဦးအတွက်‌တော့ ကယ်ရိုလ်ဆိုတဲ့လူကုန်ထံအသိုင်းအဝိုင်းမှ သက်လတ်ပိုင်းအမျိုးသမီးက အဲ့လိုဖြစ်တည်မှုတစ်ခုဖြစ်လာခဲ့တယ်။ စူးရဲရဲအကြည့်၊ နီရဲရဲနှုတ်ခမ်းတို့နဲ့ ရင့်ကျက်တဲ့အလှတရားပိုင်ရှင် ကယ်ရိုလ်နေရာမှာသရုပ်ဆောင်တဲ့ မင်းသမီးကြီး Cate Blanchett ကအသံနဲ့တင်ဖမ်းစားနိုင်စွမ်းရှိတာမို့ကောင်လေးရောကောင်မလေးပါလက်မလွှတ်သင့်ပါဘူး။ age-gap relationship တွေကိုမှကြိုက်ပါတယ်ဆိုတဲ့သူတွေဆို ပိုလို့တောင်ကြည့်သင့်ပါသေးတယ်။ 1950s ခုနှစ်ပိုင်းတွေမှာ LGBTQ ဆက်ဆံရေးတွေအပေါ်လူတွေရဲ့အမြင်၊ ခေါင်းစဉ်တပ်ခွင့်မရှိတဲ့ဆက်ဆံရေးတစ်ခုအနေနဲ့ ဒီအမျိုးသမီးနှစ်ဦးအတွက်အဆုံးသတ်ရောကောင်းနိုင်ပါ့မလား ဒါတွေကိုတော့ကိုယ်တိုင်ပဲကြည့်လိုက်ကြနော်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(3.9 GB) / (1.3 GB) Quality….Blu-Ray 1080p HEVC /720p Format…. mkv/mp4 Genre….Drama,Romance Duration….02:00:28 Subtitle….Myanmar Subtitle (Hardsub) Encoder….Double K Translated by Phu Thet Khin

Obvious Child (2014) IMDb - 6.7/10 Rotten Tomatoes - 90% ဒီရုပ်ရှင်ကို နာမည်ကြီး A24 ကုမ္ပဏီက ထုတ်လုပ်ခဲ့ပြီး ဒါရိုက်တာ Gillian Robespierre ရဲ့ ပွဲဦးထွက်ရုပ်ရှင်လည်း ဖြစ်ပါတယ်။ ရုပ်ရှင်အမျိုးအစားကတော့ romantic comedy ပေါ့။ ရုပ်ရှင်ထဲမှာ ဟာသမင်းသမီးဖြစ်တဲ့ Jenny Slate က အဓိက နေရာကနေ ပါဝင်ထားပြီး တခြားသော နာမည်ကြီး ဟာသသရုပ်ဆောင်တွေလည်း ပါ,ပါတယ်။ ဇာတ်လမ်းသဘောကတော့ Donna ဆိုတဲ့ ကောင်မလေး‌တစ်ယောက်၊ သူက bar တွေမှာ လိုက်ပြီး စင်ပေါ်က ဟာသတွေ တင်ဆက်ပေးရတဲ့သူပေါ့။ တစ်ရက်ကျ သူ့ကောင်လေးက Donna အချစ်ဆုံးသူငယ်ချင်းနဲ့ ဖောက်ပြန်သွားရော။ ဒါနဲ့ သူတို့လည်း ပြတ်သွားကြတာပေါ့။ အဲ့နောက်ပိုင်း Donna တစ်ယောက် နေရာတိုင်းလိုလိုမှာ အဆင်မပြေဖြစ်လာခဲ့ပါတယ်။ ဒါပေမဲ့ တစ်ညမှာတော့ bar မှာ Donna က Max ဆိုတဲ့ ကောင်လေးတစ်ယောက်နဲ့ အမှတ်မထင် တွေ့ခဲ့ကြတယ်။ ဒီလိုနဲ့ပဲ သူနဲ့ တစ်ညတာဖြတ်သန်းလိုက်တာပေါ့။ တစ်ရက်ကျတော့ အမှတ်မထင်ပဲ Donna မှာ ကိုယ်ဝန်ရှိလာခဲ့တယ်။ ဒီကိစ္စကို Donna တစ်ယောက် ဘယ်လိုဖြေရှင်းမလဲဆိုတာကို ဒီရုပ်ရှင်မှာ ဟာသလေးတွေနဲ့ ကြည့်ရမှာဖြစ်ပါတယ်။ File size…    1 GB /  400MB Quality… BluRay 1080p / 720p Format… mp4 Duration…. 1h 30m Genre ..... Comedy/Romance Subtitle…. Myanmar Subtitle (Hard Sub) Encoder…. Thit San Khant Translated... by Stephan San