Jan Decleir ပါဝင်သော ဇာတ်ကားများ

Will (2024) ~ IMDb - 7.1/10, Rotten Tomatoes - 60% ~ ဒီကားလေးကတော့ ခုလပိုင်းအတွင်းကမှထွက်ရှိထားတဲ့ စစ်ပွဲကာလနောက်ခံ ဘယ်လ်ဂျီယမ်ကားလေးပါ။ ဇာတ်လမ်းကို WW2 ကာလအတွင်း အရေးပါတဲ့ Antwerp ဆိပ်ကမ်းမြို့မှာ ဇာတ်အိမ်တည်ထားပြီး ဂျူးတွေအများ‌အပြား‌ နေထိုင်ခဲ့ကြတဲ့မြို့လည်းဖြစ်ပါတယ်။ သင်တန်းဆင်းခါစရဲတပ်သား "ဝေလ်" နဲ့ရဲဘော်တစ်ယောက်က ဂျာမန်စစ်တပ်ရဲတစ်ယောက် ဂျူးရပ်ကွက်ကို လူသွားဖမ်းထားတာကို အစောင့်အရှောက်အဖြစ်လိုက်သွားရင်း မတော်တဆ စစ်တပ်ရဲကိုသတ်မိလိုက်ပါတယ်။ အဲဒီကနေမှ ဂျုးတွေကိုမုန်းတဲ့ပန်းချီဆရာတစ်ယောက်နဲ့ ပတ်သက်မိပါတယ်။ အဲဒါအပြင် ဝေလ်တစ်ယောက် သူငယ်ချင်းနဲ့ရည်းစားပါရာ ဂျူးအဖွဲ့အစည်းထဲပါ၀င်မိရာမှ အဲဒီအဖွဲ့အတွက်သူလျှိုလုပ်ပေးရင်း နဂိုစစ်တပ်ရဲကိုသတ်မှုကပါ နောက်မှာမီးခိုးကြွက်လျှောက်လိုက်လာတဲ့အခါမှာတော့... စစ်ပွဲတွေက လူ‌တွေရဲ့ကိုယ်ကျင့်တရားနဲ့ စာရိတ္တတွေကိုပါ တိုက်စားသွားနိုင်တဲ့အရာမျိုးပါပဲ။ ဝေလ်တစ်ယောက် ကြံ့ကြံ့ခံနိုင်ပါ့မလား... အများနည်းတူမိုးခါးရေသောက်မလား... ဆိုတာ စိတ်၀င်တစားကြည့်ရှုရမှာပါ။ ဝေဖန်ရေးသမားတွေဆီကနေ Review ကောင်းတွေ ရထားတဲ့ကားမလို့ ပေးရတဲ့အချိန်နဲ့တန်မှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.3GB, 1.05GB Quality - 1080p, 720p IMDb Rating - 7.1/10 Format - mp4 Duration - 1H 50Min Genre - Drama, History, War Subtitle - Myanmar Subtitle (Hardsub) Translated by Soe Thiri Swe Encoded by Y

လူမသိစေချင်တဲ့ သာယာမှုတွေကို ရှာဖို့ လူငါးယောက်က ထပ်ခိုးခန်းတစ်ခန်းကို မျှဝေသုံးနေကြပါတယ်။ အခန်းကို ဖွင့်နိုင်တဲ့သော့က ငါးချောင်းရှိပြီး တစ်ယောက်ကို တစ်ချောင်းစီ ကိုင်ထားကြတယ်။ ဇာတ်လမ်းစချိန်မှာတော့ အဲဒီအခန်းထဲကို ဘယ်လိုရောက်နေမှန်းမသိတဲ့ အလောင်းတစ်လောင်း ရှိနေပါတယ်။ လူရှေ့မှာ မပြကြတဲ့အခြမ်းကို ဆိတ်ကွယ်ရာမှာ ထုတ်ပြတတ်တဲ့ လူ့သဘာဝကို ဒီလူငါးယောက်ရဲ့အကြောင်းနဲ့ တွဲဖော်ပြထားတာပါ။ အိမ်ထောင်ရေးနဲ့ လိင်ဆန္ဒအကြောင်းတွေ ပါဝင်သလို အကျပ်အတည်းကြားက ဉာဏ်ကစားမှု၊ လှည့်စားမှုတွေကိုလည်း လျှို့ဝှက်ဆန်းကြယ် မှုခင်းပုံစံနဲ့ တင်ဆက်ထားပါတယ်။

အန်ဂျလို လဲဒါဟာ တစ်ချိန်က နာမည်ကြီးခဲ့တဲ့ ကြေးစားလူသတ်သမားတစ်ယောက်ပါ။ အခုတော့ အသက်ကြီးလာတဲ့အပြင် အယ်လ်ဇိုင်းမားရောဂါဒဏ်ကို ခံနေရလို့ အနားယူဖို့ စဉ်းစားနေပြီ။ မှတ်ဉာဏ်တွေ လျော့ပါးလာတဲ့ အခြေအနေနဲ့အတူ သူ့အလုပ်ကို ဆက်လုပ်ဖို့ကလည်း ခက်လာပါတယ်။ အနားမယူခင် ဘယ်လ်ဂျီယံနိုင်ငံကို သွားပြီး လူသတ်ပေးဖို့ အလုပ်တစ်ခု ရောက်လာတယ်။ နောက်ဆုံးတစ်ခေါက်အနေနဲ့ လုပ်ပေးဖို့ တောင်းဆိုတာကြောင့် အန်ဂျလိုက လက်ခံလိုက်ပါတယ်။ လူသတ်သမားဆိုပေမယ့် အန်ဂျလိုမှာ သူ့စည်းမျဉ်းနဲ့သူ ရှိတယ်။ အသက် ၁၃ နှစ်အောက် ကလေးတွေကို မသတ်သလို ကလေးတွေအပေါ် လိင်ပိုင်းဆိုင်ရာ ဖိနှိပ်တာနဲ့ အကြမ်းဖက်တာတွေကိုလည်း လက်မခံပါဘူး။ ဒါပေမယ့် နောက်ဆုံးအလုပ်ဆိုပြီး လက်ခံလိုက်တဲ့အမှုမှာ ကလေးတစ်ယောက်ကို သတ်ပေးရမယ့် အခြေအနေ ဖြစ်လာတယ်။ အလုပ်အပ်သူတွေကလည်း ဘယ်လ်ဂျီယံမှာ အာဏာရှိတဲ့ ထိပ်တန်းနိုင်ငံရေးသမားမိသားစု ဖြစ်နေပါတယ်။ အန်ဂျလိုက သူ့စည်းမျဉ်းကို ဖောက်ဖျက်မလား၊ ဒီအလုပ်ကို ဘယ်လိုဆက်လုပ်မလဲဆိုတာအပြင် ရောဂါဒဏ်နဲ့ လူသတ်သမားဘဝကို ဘယ်လိုရင်ဆိုင်မလဲဆိုတာပါ ဆက်ပြထားပါတယ်။ ၂၀၀၃ ခုနှစ်က ထွက်ရှိခဲ့တဲ့ ဒတ်ခ်ျဘာသာစကားပြော အက်ရှင်၊ မှုခင်းဒရာမာ ရုပ်ရှင်ပါ။

၁၉၉၇ ခုနှစ်မှာ ထွက်ရှိခဲ့ပြီး အကောင်းဆုံး နိုင်ငံခြားဘာသာစကားရုပ်ရှင်အဖြစ် အော်စကာဆုကို ဆွတ်ခူးခဲ့တဲ့ နယ်သာလန်-ဘယ်လ်ဂျီယံ ရုပ်ရှင်ကားကြီး ဖြစ်ပါတယ်။ ဒီဇာတ်ကားဟာ ဖခင်နဲ့ သားကြားက နာကျည်းမှု၊ အားပြိုင်မှုနဲ့ လူတစ်ယောက်ရဲ့ "စရိုက်" (Character) ဘယ်လိုပုံပေါ်လာသလဲဆိုတာကို အမှောင်ဘက်ခြမ်းကနေ ရိုက်ပြထားတဲ့ လက်ရာကောင်းတစ်ခုပါThe Godfather လိုမျိုး မိသားစုအရှုပ်တော်ပုံနဲ့ အာဏာ၊ မာနတွေကို အသားပေးထားတဲ့ Classic Drama ကားကောင်းတွေကို ကြိုက်နှစ်သက်သူတွေအတွက် ကြည့်သင့်တဲ့ကားပါ ၁၉၂၀ ပြည့်လွန်နှစ်များက ရော့တာဒမ်မြို့ (Rotterdam) ကို နောက်ခံထားထားပါတယ်။ ဇာတ်လမ်းအစမှာ ရှေ့နေငယ်လေး Jacob Katadreuffe ဟာ မြို့ရဲ့သြဇာအရှိဆုံးနဲ့ လူမုန်းအများဆုံး ငွေချေးသူကြီး Dreverhaven ကို သတ်မှုနဲ့ ဖမ်းဆီးခံလိုက်ရပါတယ်။ တကယ်တော့ အဲဒီအသတ်ခံရတဲ့သူဟာ Jacob ရဲ့ ဖခင်အရင်း ဖြစ်နေပါတယ်။Jacob ဟာ တရားမဝင်မွေးဖွားလာတဲ့ သားတစ်ယောက်ဖြစ်ပြီး သူ့ဘဝတစ်လျှောက်လုံးမှာ ဖခင်ဖြစ်သူ Dreverhaven က သူ့ကို ကူညီမယ့်အစား နည်းမျိုးစုံနဲ့ ဒုက္ခပေး၊ အတားအဆီးတွေလုပ်ပြီး နှိပ်စက်ခဲ့ပါတယ်။ Jacob ကလည်း ဖခင်ရဲ့ အနှောင့်အယှက်တွေကြားကနေ ရုန်းကန်ပြီး ရှေ့နေတစ်ယောက်ဖြစ်အောင် ကြိုးစားခဲ့ရတာပါ။ စစ်ဆေးမေးမြန်းခန်းတွေကနေတစ်ဆင့် သူတို့သားအဖနှစ်ယောက်ကြားက ဆယ်စုနှစ်ပေါင်းများစွာ ကြာခဲ့တဲ့ နာကျည်းမှုတွေနဲ့ ထိတ်လန့်စရာ အမှန်တရားတွေ တစ်ဖြည်းဖြည်း ပေါ်ပေါက်လာပုံကိုရင်နင့်စရာကြည့်ရမယ့် ဇာတ်ကိုနောက်ကြောင်းပြန်ကောက်တဲ့ ကားမျိုးဖြစ်ပါတယ် File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)