Jared Harris ပါဝင်သော ဇာတ်ကားများ

A House of Dynamite (2025) IMDb Rating (7.3) / Rotten Tomatoes (79%) ဒီဇာတ်ကားလေးကတော့ ယနေ့ခေတ် ကမ္ဘာပေါ်မှာရှိတဲ့ နူကလီးယားလက်နက်များစုဆောင်းမှုရဲ့ အန္တရာယ်ကို သတိပေးထားတဲ့ Political Drama အမျိုးအစားဇာတ်လမ်းလေးဖြသ်ပါတယ်။ ဒါရိုက်တာ Kathryn Bigelow ရိုက်ကူးထားပြီး Idris Elba , Rebecca Ferguson တို့လို နာမည်ကြီး သရုပ်ဆောင်တွေ ပါဝင်ထားပါတယ်။ IMDb rating အနေနဲ့လည်း 7.3 ထိရရှိထားပါတယ်။ အမေရိကန် ပြည်ထောင်စုရဲ့ အဓိကမြို့တစ်မြို့ဖြစ်တဲ့ ချီကာဂိုမြို့ကို အမည်မသိရန်သူတစ်ဦးမှ ပစ်လိုက်တဲ့ ပဲ့ထိန်းဒုံးကျည်တစ်စင်းဟာ ဦးတည်ပြီးလာနေခဲ့ပါတယ်။ဒုံးကျည်ကျရောက်ရန် မိနစ် ၂၀ သာ အချိန်ရတဲ့အတွက် အမေရိကန်ရဲ့ အကြီးဆုံးခေါင်းဆောင်ပိုင်းတွေ စစ်ရေးဗျူဟာမှူးတွေနဲ့ ထောက်လှမ်းရေးအရာရှိတွေဟာ မကြုံစဖူးဖိအားနဲ့ကြုံတွေ့ရပါတော့တယ်။ သူတို့အနေနဲ့ ဒုံးကျည် ကို ဘယ်နိုင်ငံက ပစ်လိုက်လဲဆိုတဲ့ မေးခွန်းတွေကို စစ်ဆေးအတည်ပြုပုံ၊ ကြားဖြတ်ပစ်ချရန် အပြင်းအထန် ကြိုးပမ်းပုံ ၊ လက်တုံ့ပြန်ဖို့ ဆုံးဖြတ်ချက်ချပုံတွေကို ရှုထောင့်သုံးမျိုးနဲ့ ကြည့်ရှူရမှာဖြစ်ပြီး ဇာတ်လမ်းပြီးဆုံးတဲ့အထိ ရင်တမမ စိတ်လှုပ်ရှားဖွယ်ကြည့်ရမယ့် ရုပ်ရှင်လေးဖြစ်ပါတယ်။ File size… (6.1 GB) / (2 GB) / (1.1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Thriller,War Duration…. 01:55:24 Subtitle…. Myanmar Subtitle (Hardsub)

Brave the Dark (2025) IMDb Rating (6.6) / Rotten Tomatoes (74%) ဒီ Movie ကတော့ ထုတ်လုပ်သူနေသန်နီရယဲဒင်းရဲ့ ငယ်ဘ၀ကို ရိုက်ကူးထားတဲ့ကားပါ။ ဇာတ်ကြောင်းကတော့ သူ့အမေကို အဖေကမျက်စိရှေ့မှာတင် သတ်လိုက်တာကို မြင်လိုက်ရတဲ့ နိတ်ဆိုတဲ့ကောင်လေးတစ်ယောက်က ပတ်၀န်းကျင်ရဲ့အပြောတွေကြားမှာ ဆိုးဆိုးဝါးဝါးနဲ့ ဂရုစိုက်မှုမခံရပဲကြီးပြင်းလာခဲ့ပါတယ်။ မိဘတွေမရှိတော့ပဲ ဆွေမျိုးတွေက ပစ်ထားတော့ ဖြစ်ချင်တိုင်းဖြစ်ပြီး ကားပေါ်မှာနေနေရပါတယ်။ ဒါပေမဲ့ သူ့ရဲ့ဆရာဖြစ်သူစတန်ဒင်းက သူ့ကျောင်းသားရဲ့ကောင်းကွက်ကိုမြင်ခဲ့ပြီး အကူအညီပေးခဲ့ပါတယ်။ မိဘမေတ္တာငတ်နေတဲ့ ကလေးတစ်ယောက်က သူ့ရဲ့ဆရာဖြစ်သူရဲ့ ကြီးကြပ်စောင့်ရှောက်ပေးမှုအောက်မှာ ဘ၀စတင်ပြောင်းလဲလာခဲ့ပါတယ်။ လမ်းမှားရောက်တော့မယ့် ကလေးတစ်ယောက်ကို အခြားသူတွေလို ပစ်မထားပဲ အတတ်နိုင်ဆုံး လမ်းမှန်ပေါ်ဆွဲတင်ပေးခဲ့တဲ့ ဆရာတစ်ယောက်ရဲ့ မေတ္တာကို ရိုးရိုးလေးရိုက်ကူးပြထားတဲ့ကားပါ။ ဒီကားကိုဖန်တီးခဲ့တာကလည်း သူ့ဘ၀ရဲ့မှောင်မိုက်နေတဲ့အချိန်တွေမှာ အလင်းဆောင်ကျဉ်းပေးပြီး လမ်းမှန်ပြပေးခဲ့တဲ့ ဆရာဖြစ်သူရဲ့စေတနာမေတ္တာကို ပြပေးချင်ခဲ့တာကြောင့်ပါ။ Plot twist တွေဘာတွေမပါတဲ့ ပေါ့ပေါ့ပါးပါးကားလေးမို့ ကြည့်ရတန်ပါတယ်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(1.5 GB) / (740 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:51:17 Subtitle….Myanmar Subtitle (Hardsub) Encoder….Double K Translated by Phu Thet Khin

ဒီဇာတ်ကားလေးကတော့ ၂၀၂၄ ခုနှစ်တုန်းကထွက်ရှိခဲ့တဲ့ British Drama ဇာတ်ကားတစ်ကားဖြစ်ပြီးတော့ ဒါရိုက်တာ Virginia Gilbert က ရိုက်ကူးထားပါတယ်။ အဓိကဇာတ်ဆောင်တွေအဖြစ် Jared Harris, Juliet Stevenson နဲ့ Erin Doherty တို့က ပါဝင်ထားပါတယ်။ ဇာတ်လမ်းအကျဉ်းကတော့ ဂျွန်နဲ့မယ်ရီတို့ဟာ ပျောက်သွားတဲ့ သူတို့ရဲ့ ၁၄ နှစ်အရွယ်သမီးလေးကလဲရ်ကို လိုက်ရှာနေခဲ့ ပါတယ်။ ဆယ်နှစ်ကြာပြီးနောက် တစ်နေ့မှာတော့ မမျှော်လင့် ထားပဲနဲ့ ကလဲရ်က အိမ်ပြန်ရောက်လာပါတယ်။ နှစ်ပေါင်းများစွာကြာပြီဖြစ်တာကြောင့် မိဘဖြစ်သူတွေကလည်း မမှတ်မိကြတော့ပါဘူး။ ဒီလိုနဲ့ နောက်ဆုံးမှာတော့ မိသားစုလေး ပြန်လည်ဆုံဆည်းဖြစ်သွားပါပြီ။ ဒါပေမယ့် သူက တကယ့်ကလဲရ်အစစ်အမှန်ရောဟုတ်ရဲ့လား။ ဘာလို့ ဆယ်နှစ်ကြာပြီးမှ ပြန်ရောက်လာတာလဲ စတဲ့မေးခွန်း တွေရဲ့အဖြေကို ဒီဇာတ်ကားထဲမှာ စိတ်ဝင်စားဖွယ်ကြည့်ရှုရမှာပါ။ သမီးဖြစ်သူ ပျောက်ဆုံးသွားတာနဲ့ပတ်သတ်ပြီး မဖြေရှင်းနိုင်တဲ့ ပဟေဠိတွေနဲ့ ရင်ဆိုင်နေရတဲ့ မိဘဖြစ်သူနှစ်ယောက်ရဲ့ခံစားချက်ကို ပေါ်လွင်အောင်ဖော်ပြထားပါတယ်။ IMDb မှာ rating ကောင်းတစ်ခုကို ရရှိထားပြီးတော့ အရမ်း ကြည့်လို့ကောင်းတဲ့ ဒရာမာဇာတ်ကားလေးဖြစ်တာကြောင့် ကြည့်ကြည့်ဖို့ တိုက်တွန်းချင်ပါတယ်။ File size… (1.01 GB) / (468 MB) Quality… WEB-DL 1080p HEVC / 720p Format…mkv / mp4 Duration….1h 34m Genre …. Thriller Subtitle….Myanmar Subtitle (Hard Sub) Encoder….Min Wai Translated by Austin

ဒေါက်တာ မိုက်ကယ် မောဘီးယက်စ်ဟာ မှော်အစွမ်းကြောင့်မဟုတ်ဘဲ သိပ္ပံစမ်းသပ်မှုတစ်ခုကနေ သွေးစုပ်ကောင်ဖြစ်လာသူပါ။ ဂျားရက်လေတို သရုပ်ဆောင်ထားတဲ့ ဒီရုပ်ရှင်က သူဘယ်လိုပြောင်းလဲလာခဲ့သလဲဆိုတဲ့ အစပြုဇာတ်လမ်းကို ပြထားပါတယ်။ မောဘီးယက်စ်ဆိုတဲ့ ဇာတ်ကောင်က စပိုက်ဒါမန်းကာတွန်းတွေထဲမှာ ပါဝင်ခဲ့သူဖြစ်ပြီး ဗန်နွန်လိုပဲ လူကောင်း၊ လူဆိုးဆိုပြီး တစ်ဖက်တည်း သတ်မှတ်လို့မရတဲ့ ဇာတ်ကောင်မျိုးပါ။ သွေးစုပ်ကောင်မုဆိုး ဘလိတ်ရဲ့ ဇာတ်လမ်းတွေထဲမှာလည်း ပါဝင်ဖူးပါတယ်။

မေစီဟာ ပင်လယ်မုဆိုးမျိုးရိုးက ဆင်းသက်လာတဲ့ ကောင်မလေးတစ်ယောက်ပါ။ မိဘနှစ်ပါးလုံး ပင်လယ်တိုက်ပွဲမှာ သေဆုံးသွားလို့ မိဘမဲ့ဖြစ်နေပေမယ့် သူကိုယ်တိုင်လည်း မိဘတွေလို မုဆိုးဖြစ်ချင်နေတယ်။ ဒါကြောင့် မုဆိုးသင်္ဘောတွေထဲမှာ နာမည်အကြီးဆုံးဖြစ်တဲ့ အင်အက်ဗစ်ထဘဲသင်္ဘောပေါ်ကို ခိုးတက်ပြီး လိုက်သွားခဲ့ပါတယ်။ သင်္ဘောပေါ်မှာ ကပ္ပတိန်ခရိုးနဲ့ သူ့မွေးစားသားလည်းဖြစ်၊ လက်ထောက်လည်းဖြစ်တဲ့ ဂျေကော့တို့ ရှိနေကြတယ်။ မေစီက သူတို့နဲ့အတူ ပင်လယ်ပြင်မှာ စွန့်စားခန်းတွေ ကြုံရပါတော့တယ်။ ပင်လယ်ထဲက ထူးဆန်းတဲ့ သားရဲကြီးတွေနဲ့ ပင်လယ်မုဆိုးတို့ရဲ့ တိုက်ပွဲကို အခြေခံထားပြီး သတ္တဝါတွေကို ချစ်စရာပုံစံတွေနဲ့ ပုံဖော်ထားတဲ့ ကာတွန်းပါ။ ဒါရိုက်တာ ခရစ်ဝီလီယံ ရိုက်ကူးထားတဲ့ Netflix ကာတွန်းရုပ်ရှင်ဖြစ်ပါတယ်။

Foundation (2021-2025) Season 01/02/03 (စ/ဆုံး) ဒီ Seriesဟာ Apple Tvက​နေ ထုတ်လွှင့်ထားတဲ့ Scientific drama seriesပဲဖြစ်ပါတယ်။ အ​မေရိကန်စာ​ရေးဆရာ Issac Asimov ရဲ့ နာမည်​ကျော် Foundation ဝတ္ထုသုံးအုပ်တွဲကို အ​ခြေခံရိုက်ကူးထားတာပါ။ ဇာတ်လမ်းအညွှန်းက​တော့ မ​ဝေး​တော့တဲ့အနာဂတ်မှာဖြစ်လာမယ့် Galactic Empireထဲက သင်္ချာပညာရှင် Hari Seldonဟာသူကျွမ်းကျင်တဲ့ Psychohistory ပညာရပ်မှတဆင့် ဒီ Empireကြီးဟာ ​နောက်လာမယ့် ရာစုနှစ်အတွင်း ပျက်​ဆီးခြင်းကပ်ဆိုက်​တော့မှာကို ကြိုတင်ခန့်မှန်းနိုင်ခဲ့ပါတယ်။ Psychohistroyဆိုတာက လူသားမျိုးနွယ်စုတစ်ခုလုံးရဲ့ အပြုအမူ​တွေက​နေ အနာဂတ်ကို သင်္ချာနည်းနဲ့ကြိုတင်ခန့်မှန်းတဲ့ ပညာရပ်ပါ။ ကောင်းတဲ့သူတတ်​မြောက်သွားရင် အကျိုးရှိသ​လောက်၊ မ​ကောင်းတဲ့သူ တတ်​မြောက်သွားရင် လူသားမျိုးနွယ်ကြီး ပျက်စီးမယ့်ကိန်းဆိုက်နိုင်တဲ့ ပညာပါ။ အဲ့ဒီပျက်စီးခြင်းကပ် လူသား​တွေရဲ့အ​မှောင်ခတ် (Dark Age) ဟာ လုံးဝမလွှဲ​ရှောင်နိုင်ပဲ ကျိန်း​သေဖြစ်​ပေါ်လာပြီး နှစ်​ပေါင်း ၃၀၀၀၀အထိ ကြာမြင့်နိုင်တာ​ကြောင့် Hail Seldonတစ်​ယောက် အနှစ် ၁၀၀၀​​လောက်ပဲ ကြာမယ့်နည်းလမ်းကို စဉ်းစားရပါ​တော့တယ်။ သူ​တွေ့တဲ့အ​ဖြေက​တော့ လက်ရှိ​ခေတ်ရဲ့ဗဟုသုတ​တွေ၊ နည်းပညာ​တွေကို Dark Age ရောက်တဲ့အထိ ထိန်းသိမ်းထားနိုင်တဲ့ Foundationဆိုတဲ့အဖွဲ့ကြီးကိုတည်​ထောင်ဖို့ပါ၊ ဒီနည်းလမ်းနဲ့ပဲDark Ageရဲ့သက်တမ်းကို ချုံ့နိုင်မယ်လို့ယုံကြည်ထားတာပါ၊ ဒီလိုနဲ့ပဲ Hail Seldonနဲ့ သူ့ရဲ့ဉာဏ်ကြီးရှင်တပည့်မ​လေး Gaal Dornickတို့ဟာ Empireသ​ဘောမတူတဲ့ကြားက​နေ Foundationကို တည်ထောင်ဖို့ ကြိုးစားကြပါ​တော့တယ်။ တစ်ဖက်မှာလည်း Empireတို့ရဲ့ထုံးစံအတိုင်း Galaxy ထဲက တစ်နိုင်ငံနဲ့ တစ်နိုင်ငံစစ်ပွဲ​တွေ၊ Psychohistory ပညာရပ်ကို လုယူဖို့ ကြံစည်သူ​တွေ၊ Foundationကို ဖျက်ဆီးမယ့် ရန်စွယ်​တွေ စသဖြင့် ​ခေတ်လွန်သိပ္ပံဇာတ်လမ်း​ကောင်းတစ်ခုကို Apple Tv shows​တွေရဲ့ ထုံးစံအတိုင်း ဇာတ်အိမ်ခိုင်ခိုင်၊ VFX​ ကောင်း​ကောင်း၊ Sound quality​ကောင်း​ကောင်းနဲ့ ခမ်းနားကြီးကျယ်စွာ ကြည့်ရှုခံစားရမှာပါ။ File size… (900 MB) / (450 MB) Quality…. WEB-DL 1080p HEVC / 720p Format…. mkv/mp4 Genre…. Drama, Sci-Fi Duration…. 50min Subtitle…. Myanmar Subtitle (Hardsub) Encoder…. Benjamin Translated by Jim X. Thet Hni Hsu . Esther, Moh Moh, Matteo

Chernobyl (2019) ဇာတ်လမ်းအညွှန်း ~~~~~~~~~~~~~~~~~~~~~~ လူတစ်သိန်းလောက်ရဲ့ vote နဲ့ Imdb မှာ 9.7 ရပါတယ်လို့ ပြောရင် ဆက်ညွှန်းစရာမလိုဘဲတောင် ကြည့်ချင်ကြမယ်ထင်ပါတယ်။ ဒါပေမယ့် နည်းနည်းလေး လျှာထပ်ရှည်ပါရစေ။ ဒီစီးရီးကို HBO က ပြသခဲ့ပြီး အပိုင်း ၅ ပိုင်းပါဝင်မှာဖြစ်ပါတယ်။ HBO ရဲ့ အအောင်မြင်ဆုံးစီးရီးတွေထဲက တစ်ခုပါပဲ။ ၁၉၈၆ ဧပရယ်လမှာ ဆိုဗီယက်ပြည်ထောင်စု၊ ယူကရိန်း နဲ့ ဘီလာရုစ် နယ်မြေကြား ချာနိုဘယ်မှာဖြစ်ခဲ့တဲ့ ကမ္ဘာကျော် အနုမြူဓာတ်အားပေးစက်ရုံ ပေါက်ကွဲမှုအကြောင်း ဖြစ်ရပ်မှန်ကို အခြေခံပြီး တင်ဆင်ထားတာပါ။ ဒီကပ်ဆိုးကို ထိန်းသိမ်းဖို့ ရူဘယ် ၁၈ ဘီလီယံကျော်ကုန်ကျခဲ့ပြီး လူသိန်းနဲ့ချီပြီး လုပ်ကိုင်ခဲ့ရတာပါ။ အမေရိကန် နဲ့ အားပြိုင်နေချိန်မှာ ဖြစ်ခဲ့တဲ့ အဖြစ်ဆိုးဖြစ်တဲ့အတွက် တရားဝင်ကြေညာတဲ့ အသေအပျောက်စာရင်းဟာ အတော်ကိုလျှော့ပေါ့ထားမယ့်ပုံပေါ်ပါတယ်။ သမိုင်းရဲ့အကြီးဆုံးအနုမြူကပ်ဘေးကို ကျော်လွှားဖို့ ပါဝင်ခဲ့ကြတဲ့ သူရဲကောင်းတွေအကြောင်းကို အဓိက ဇာတ်ကောင် သိပ္ပံပညာရှင်နှစ်ယောက်ကို အခြေတည်ပြီး ရိုက်ကူးပြထားပါတယ်။ မပြန်လမ်းမှန်းသိသိကြီးနဲ့ ဝင်သွားခဲ့တဲ့ သူရဲကောင်းတွေ၊ ဝင်လိုက်တာနဲ့ သေမိန့်ချပြီးသားလိုဖြစ်နေတဲ့ နယ်မြေထဲမှာ အကြာကြီး လုပ်ကိုင်ခဲ့ကြတာတွေကို တွေ့ပါလိမ့်မယ်။ စီးရီးဆိုပေမယ့် ၅ နာရီစာ ရုပ်ရှင်ကောင်းကြီးတစ်ခုကို ကြည့်လိုက်ရသလိုပါပဲ။ အပိုအလိုမရှိတဲ့ ဇာတ်လမ်း၊ ဒိုင်ယာလော့၊ ရိုက်ချက်၊ အသံ အကုန်ကောင်းမွန်ပါတယ်။ ဒီစီးရီးရဲ့ ဇာတ်လမ်းကို ခံစားနိုင်ရုံတင်မကဘဲ၊ အနုမြူအန္တရာယ်အကြောင်း ဗဟုသုတတွေ၊ သူတို့တွေ လုပ်ပုံကိုင်ပုံတွေကိုပါ ဗဟုသုတအဖြစ် ရှင်းရှင်းလင်းလင်းမြင်ရမှာပါ။ ဇာတ်လမ်းအစကိုတော့ ဓာတ်ပေါင်းဖိုပေါက်ကွဲတာကနေစထားတာမို့ စကတည်းက အရှိန်က တက်သွားလိုက်တာ ပြန်ကိုမကျတော့ပါဘူး။ အဲဒီအစမှာတော့ ဝန်ထမ်းတွေ တရားရစရာလေးတွေ တွေ့ပါဦးမယ်။ ပြဿနာကြီးဖြစ်တာနဲ့ အပြစ်တင်စရာလူပတ်ရှာတဲ့ လူကြီးတွေ၊ အထက်ကို ဖုံးဖုံးဖိဖိ တင်ပြကြတဲ့ လူကြီးတွေက စတာပါပဲ။ အဲဒီနောက်မှာတော့ ပြဿနာကိုဖြေရှင်းဖို့အပြင် နိုင်ငံသိက္ခာမကျဖို့ ဖုံးဖုံးကွယ်ကွယ်လုပ်ကြတာပါ။ ပေါင်းလိုက်တော့ မသေသင့်ဘဲ သေသွားရတဲ့ လူဦးရေ အတော်ကိုများသွားခဲ့မှာပါပဲ။ ကြည့်မိတဲ့လူအားလုံးကြိုက်ကြမယ်ထင်ပါတယ်။ ကြည့်ကိုကြည့်သင့်တဲ့ စီးရီးတစ်ခုပါပဲ။ သိပ္ပံအသုံးအနှုန်းလေးတွေ အဆင်ပြေသလို ဘာသာပြန်ထားတာကိုတော့ သည်းခံကြည့်ပေးကြပါဦး။ Quality ~~~ 4K/1080p, 720p Duration ~~~ 1hr 4 min Genre ~~~ Drama/ History/ Thriller Format ~~~ mp4 / Mkv

Allied (2016) IMDb Rating (7.1) / Rotten Tomatoes (60%) မင်းသား Brad Pitt နဲ့ ပြင်သစ်မင်းသမီး Marion Cotillard တို့အဓိကပါဝင်သရုပ်ဆောင်ထားတဲ့ ဒီရုပ်ရှင်က ဒုတိယကမ္ဘာစစ်အတွင်းကာလ လျှို့ဝှက်စပိုင်အခြေပြု ဒရမ်မာဇာတ်ကားကြီးဖြစ်ပါတယ်။ ပြင်သစ်မင်းသမီး Marion Cotillard ကို ထိပ်တန်းရုပ်ရှင်တော်တော်များများမှာ မြင်နေကျဆိုပေမယ့် ဒီရုပ်ရှင်မှာတော့ သူမရဲ့သွင်ပြင်လက္ခဏာတွေ လုံးဝကိုပေါ်လွင်ထင်ရှင်းနေခဲ့ပြီး မျက်လုံးအရွေ့ မျက်တောင်အခတ်လေးမှာတောင် ခဏခဏပြန်ကြည့်ချင်လောက်အောင် အထာကျကျ သရုပ်ဆောင်သွားခဲ့ပါတယ်... မင်းသားကလဲ ဘရတ်ပစ်ဆိုတော့ ပြောစရာမလိုတော့ပါဘူး... သူတို့နှစ်ယောက်စလုံးရဲ့လှုပ်ရှားမှုတိုင်း စကားလုံးတွေတိုင်းအသက်ဝင်နေပြီး ကြည့်ရှုသူကိုယ်တိုင်မျောပါသွားရမယ့်ရုပ်ရှင်ဇာတ်ကားကြီးဖြစ်ပါတယ်။ အဝတ်အစားဒီဇိုင်းတွေ ဆက်တင်တွေလဲ ခမ်းနားလှပပြီး အော်စကာဆုပေးပွဲမှာလဲ ဇကာတင်ဝင်ခဲ့ပါသေးတယ်။ ဇာတ်လမ်းလေးကလဲ အတော်ကိုစိတ်ဝင်စားစရာပါပဲ ဒါပေမယ့် ဇာတ်လမ်းကိုမသိဘဲ ဒီတိုင်းထိုင်ကြည့်လိုက်တာက ပိုအရသာရှိမှာမလို့ သိပ်မရေးပြတော့ပါဘူး။ ဒုတိယကမ္ဘာစစ်ကာလ ဂျာမန်နဲ့ အင်္ဂလန်တို့ရဲ့ တစ်ဖက်ကိုတစ်ဖက် သူလျှိုထားလုပ်ကြံကြဖို့စီစဉ်ကြတာတွေ သူလျှိုတွေရဲ့ပိရိသေသပ်မှုတွေ စစ်အတွင်းကာလအနိဌာရုံတွေ ယုံကြည်ဖို့ခက်ခဲတဲ့မစ်ရှင်တွေနဲ့ တော်တော်ကိုမှ ကောင်းမွန်သေသပ်အဆင့်မြင့်တဲ့ရုပ်ရှင်တစ်ကားဖြစ်ပါတယ်။ File size…(3.5 GB)/ (1.3 GB ) / (860 MB) Quality….BluRay 4K HEVC/ 1080p HEVC/ 720p Format…mkv/mp4 Duration….02:04:35 Subtitle….Myanmar Subtitle (Hardsub) Encoder….Ka Naung Translated by Tariq L Walker

The Man From U.N.C.L.E (2015) IMDb Rating (7.3) / Rotten Tomatoes (68%) Superman ကိုယ်တော်ကြီး Henry Cavill ရဲ့ ဒီရုပ်ရှင်ကားက အက်ရှင်စပိုင်ရုပ်ရှင်ကားထဲမှာ Rating မြင့်ပြီး ကြည့်ကောင်းတဲ့အထဲပါပါတယ်။ ဒါရိုက်တာ Guy Ritchie ရဲ့လက်ရာဖြစ်ပြီး သူ့စတိုင်အတိုင်း ဉရောပရဲ့ Gentleman အထာဝင့်ကြွားမှုအပြည့်နဲ့ ခမ်းခမ်းနားနားလှလှပပရိုက်ကူးထားတာပါ။ ဇာတ်လမ်းကတော့.... စစ်အေးခေတ် Cold War  ကာလကိုအခြေခံထားတာမလို့ အမေရိကန်ရဲ့ CIA အေးဂျင့်ရယ်...ရုရှားရဲ့ KGB အေးဂျင့်ရယ် နာဇီဂျာမဏီအကြောင်းတို့ကို မြင်တွေ့ရမှာဖြစ်ပြီး တစ်နိုင်ငံနဲ့တစ်နိုင်ငံအပြိုင်အဆိုင် နျူကလီးယားလက်နက်တပ်ဆင်ကြတဲ့ကာလမလို့ နာဇီဂျာမဏီတို့လက်ထဲမှာ ဒီကမ္ဘာဖျက်လက်နက်ကြီး မကျရောက်ဖို့ ကြိုးစားကြပုံတွေကို အသည်းတယားယားစွန့်စားခန်းတွေကြားမှာ လှလှပပ စမတ်ကျကျမင်းသားမင်းသမီးတွေနဲ့ ဟာသလေးတွေနဲ့ ချစ်ကြည်နူးစရာလေးတွေနဲ့ပါ ရှုစားကြရမှာပါ။ File size…(6.1 GB)/(1.8 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:56:00 Subtitle….Myanmar Subtitle (Hardsub) Encoder….Ka Naung Translated by Garfield

အဲရစ်နဲ့ အေမီတို့ မိသားစုဟာ ဈေးသက်သာတဲ့ အိမ်တစ်လုံးကို လိုက်ရှာရင်း မထင်ထားလောက်အောင် ဈေးတန်တဲ့ အိမ်ကြီးတစ်အိမ်ကို ရလိုက်ကြပါတယ်။ မကြာသေးခင်ကမှ အလုပ်ပြုတ်ထားတဲ့ အဲရစ်ကလည်း ဒီအိမ်မှာ ဘဝသစ်တစ်ခု ပြန်စနိုင်မယ်လို့ မျှော်လင့်ထားတယ်။ ဒါပေမဲ့ နေရင်းနဲ့ အိမ်ထဲမှာ ထူးဆန်းတဲ့အသံတွေ ကြားလာရပြီး ပစ္စည်းတွေလည်း သူ့အလိုလို ရွေ့နေကြတယ်။ တစ်နေ့ထက်တစ်နေ့ ဒီလိုအဖြစ်တွေ ဆက်တိုက်ဖြစ်လာရာက မိသားစုကိုပါ ဒုက္ခပေးလာတဲ့အခါ သူတို့မျှော်လင့်ထားတဲ့ နေရာသစ်မှာ အေးအေးချမ်းချမ်း နေလို့မရတော့ပါဘူး။ ဒီဇာတ်ကားက ၁၉၈၂ ခုနှစ်က Poltergeist ကို ပြန်လည်ရိုက်ကူးထားတာပါ။

Coraline နဲ့ ParaNorman တို့လို နာမည်ကြီး Stop-motion အန်နီမေးရှင်း ဇာတ်ကားကောင်းတွေကို ဖန်တီးခဲ့တဲ့ Laika စတူဒီယိုရဲ့ နောက်ထပ် လက်ရာမြောက် ဇာတ်ကားတစ်ကားဖြစ်တဲ့ "The Boxtrolls (၂၀၁၄)" ကို ဒီနေ့မှာတင်ဆက် ပေးချင်ပါတယ်။ စာရေးဆရာ Alan Snow ရဲ့ Here Be Monsters! ဝတ္ထုကို အခြေခံရိုက်ကူးထားတဲ့ ဒီဇာတ်ကားလေးဟာ ထူးခြားဆန်းပြားတဲ့ စိတ်ကူးစိတ်သန်းတွေနဲ့ မိသားစု မေတ္တာတရားကို လှလှပပ ပုံဖော်ထားတဲ့ ဇာတ်ကားကောင်းလေး ဖြစ်ပါတယ်။ ဇာတ်လမ်းဟာ ချိစ်ဘရစ်ချ် (Cheesebridge) လို့ခေါ်တဲ့ ဗစ်တိုးရီးယားခေတ် စိတ်ကူးယဉ် တောင်ပေါ်မြို့လေးတစ်ခုမှာ အခြေခံထားပါတယ်။ အဲဒီမြို့က လူချမ်းသာ အထက်တန်းလွှာတွေဟာ စည်းစိမ်ဥစ္စာနဲ့ ဒိန်ခဲ (Cheese) အရသာမြည်းစမ်းတာကို အလွန်အမင်း ရူးသွပ်ကြသူတွေပါ။ မြို့ရဲ့ မြေအောက်လိုဏ်ဂူတွေထဲမှာတော့ စက္ကူပုံးလေးတွေကို ဝတ်စုံလို ဝတ်ဆင်ထားတတ်ပြီး၊ ညဘက်ရောက်ရင် မြို့ပေါ်တက်ကာ အသုံးမလိုတော့တဲ့ စက်ပစ္စည်းအပိုင်းအစတွေကို လိုက်လံကောက်ယူတတ်တဲ့ "Boxtrolls" လို့ခေါ်တဲ့ သတ္တဝါလေးတွေ နေထိုင်ကြပါတယ်။ Boxtrolls လေးတွေဟာ တကယ်တော့ အန္တရာယ်မပေးတတ်ဘဲ ရိုးသားကြင်နာတတ်တဲ့ သတ္တဝါလေးတွေဖြစ်ပြီး၊ အက်ဂ်စ် လို့ခေါ်တဲ့ မိဘမဲ့ လူသားကောင်လေးတစ်ယောက်ကို ငယ်စဉ်ကတည်းက မွေးစားပြုစုပေးထားကြတာပါ။ ဒါပေမယ့် အထက်တန်းလွှာ အသိုင်းအဝိုင်းရဲ့ အမှတ်အသားဖြစ်တဲ့ "ဦးထုပ်အဖြူ" (White Hat) ကို ရယူချင်နေတဲ့ လူဆိုးကြီး အာချီဘောလ် စနက်ချ က Boxtrolls တွေကို ကလေးဖမ်းစားတဲ့ မကောင်းဆိုးဝါးတွေအဖြစ် မြို့သူမြို့သားတွေ အထင်လွဲအောင် ဝါဒဖြန့်ပြီး အမြစ်ပြတ် ဖမ်းဆီးသုတ်သင်ဖို့ ကြိုးစားလာပါတော့တယ်။ သူ့ရဲ့ မိသားစုလို ချစ်ရတဲ့ Boxtrolls လေးတွေ ဖမ်းဆီးခံရတဲ့အခါ အက်ဂ်စ် တစ်ယောက် မြေပေါ်လူသားကမ္ဘာကို တက်လာပြီး၊ မြို့တော်ဝန်ကြီးရဲ့ ရဲရင့်တဲ့ သမီးလေး ဝင်နီ နဲ့ ပူးပေါင်းကာ စနက်ချာရဲ့ ကောက်ကျစ်တဲ့ အကြံအစည်တွေကို ဘယ်လို ဖော်ထုတ်ကယ်တင်မလဲ ဆိုတာကို စိတ်လှုပ်ရှားဖွယ် ရိုက်ကူးထားတာပါ။ ဒါရိုက်တာ Graham Annable နဲ့ Anthony Stacchi တို့ဟာ Laika စတူဒီယိုရဲ့ ထုံးစံအတိုင်း အရုပ်လေးတွေကို တစ်ကွက်ချင်းစီ အသေးစိတ် ရိုက်ကူးရတဲ့ Stop-motion နည်းပညာနဲ့ ခေတ်မီ Visual Effects တွေကို အကောင်းဆုံး ပေါင်းစပ်ထားပါတယ်။ မြေအောက်ကမ္ဘာက Boxtrolls လေးတွေရဲ့ တီထွင်ဖန်တီးထားတဲ့ စက်ပစ္စည်းတွေနဲ့ မြို့တော်ဝန်အိမ်တော်က ကပွဲအခန်းလို ပြကွက်တွေဟာ အနုပညာမြောက်လွန်းလို့ ကြည့်ရှုသူကို မှင်သက်သွားစေမှာပါ။ Eggs အဖြစ် အသံဝင်ပေးထားတဲ့ Isaac Hempstead Wright နဲ့ Winnie အဖြစ် အသံဝင်ထားတဲ့ Elle Fanning တို့ရဲ့ အပေးအယူက လိုက်ဖက်ညီသလို၊ အဓိက ဗီလိန် Archibald Snatcher အဖြစ် အသံသရုပ်ဆောင်ထားတဲ့ ဝါရင့်မင်းသားကြီး Ben Kingsley ရဲ့ အသံကလည်း ဇာတ်ကောင်ရဲ့ ကောက်ကျစ်ပြီး အာဏာမက်မောတဲ့ စရိုက်ကို အပြည့်အဝ ပေါ်လွင်စေပါတယ်။ ဒါ့အပြင် စနက်ချာရဲ့ တပည့်တွေဖြစ်တဲ့ Mr. Trout (Nick Frost) နဲ့ Mr. Pickles (Richard Ayoade) တို့ရဲ့ ကိုယ့်လိပ်ပြာကိုယ် မလုံဘဲ အပြန်အလှန် ဆွေးနွေးကြတဲ့ အခန်းတွေကလည်း ဇာတ်ကားရဲ့ အကောင်းဆုံး ဟာသအခန်းတွေ ဖြစ်ပါတယ်။ ကလေးကြည့် အန်နီမေးရှင်းဆိုပေမယ့် လူတန်းစား ခွဲခြားမှု၊ အာဏာမက်မောမှုနဲ့ အမှန်တရားကို မျက်ကွယ်ပြုပြီး အကြောက်တရားနဲ့ ကောလာဟလတွေကို အလွယ်တကူ ယုံကြည်တတ်တဲ့ လူ့အဖွဲ့အစည်းရဲ့ သဘာဝကို ဒိန်ခဲနဲ့ ဦးထုပ်အဖြူတွေကို သင်္ကေတပြုပြီး လှလှပပ သရော်ထားပါတယ်။ တစ်ချိန်တည်းမှာပဲ သွေးသားမတော်စပ်ပေမယ့် အက်ဂ်စ် နဲ့ သူ့ကို မွေးစားခဲ့တဲ့ Fish တို့ကြားက စစ်မှန်တဲ့ မိသားစု မေတ္တာတရားကို နွေးထွေးစွာ ပြသထားပါတယ်။ "The Boxtrolls (၂၀၁၄)" ဟာ ပုံမှန် မြင်တွေ့နေကျ အန်နီမေးရှင်း ဇာတ်ကားတွေနဲ့ မတူဘဲ အနည်းငယ် ထူးခြားဆန်းပြားတဲ့ ဟာသ (Quirky dark humor) နဲ့ ချစ်စရာကောင်းတဲ့ စွန့်စားခန်းတွေကို ပေါင်းစပ်ထားတဲ့ ဇာတ်ကားကောင်း တစ်ကားဖြစ်ပါတယ်။ (ဇာတ်ကားအဆုံးသတ် End Credits မှာလည်း Stop-motion အရုပ်လေးတွေကို လက်တွေ့ ဘယ်လိုရွှေ့ပြီး ရိုက်ကူးရသလဲ ဆိုတာကို ထူးထူးခြားခြား ထည့်သွင်းပြသထားလို့ အဆုံးထိ ကြည့်ရှုဖို့ တိုက်တွန်းချင်ပါတယ်။) File size… 2.43 GB/ 1.26 GB Quality… Blu-ray 1080p / 720p Format… mp4 Duration…. 1h 36m Genre ..... Animation, Adventure, Comedy, Family, Fantasy Subtitle…. Myanmar Subtitle (Hard Sub)

Pompeii (2014) Genre – Action, Adventure, Romance, History 79 CE လောက်မှာ အီတလီနိုင်ငံက ရိုမန်အင်ပါယာလက်အောက် မြို့တော် Pompeii ဟာ အနားမှာ တည်ရှိတဲ့ မီးတောင် Mount Visuvius ရုတ်တရက် ပေါက်ကွဲခဲ့တဲ့အတွက် လူပေါင်းများစွာ သေကြေပျက်စီးခဲ့ရပြီး ၁၆ ရာစုနှောင်းပိုင်း ပြန်လည်ရှာဖွေဖော်ထုတ်ထားခဲ့တဲ့ သမိုင်းဖြစ်ရပ်မှန် အကြောင်းတစ်ခုပါ။ ဒီဇာတ်ကားလေးကတော့ Resident Evil ရုပ်ရှင်တွေ ဆက်တိုက်ရိုက်ကူးခဲ့တဲ့ ဒါရိုက်တာ Paul WS Anderson တစ်ယောက် ဒီ ဖြစ်ရပ်မှန်ကို ကိုးကားထည့်သွင်းပြီး ပြည်သူ့အချစ်တော် GOT က Jon Snow သရုပ်ဆောင်ဖြစ်တဲ့ Kit Harington ကို ခေါင်းဆောင်တင်ကာ ရိုက်ကူးထားတဲ့ သမိုင်းနောက်ခံ အချစ် စွန့်စားခန်း ရုပ်ရှင်လေးပဲ ဖြစ်ပါတယ်။ ဇာတ်လမ်းအကျဉ်းလေးကတော့ ပျက်စီးခြစားမှုတွေနဲ့ ရိုမန်လက်အောက်ခံခေတ် Pompeii မြို့က Gladiator လေး Milo ဟာ မျိုးရိုးမြင့်မိသားစုက ကောင်မလေးနဲ့ ချစ်သူ ဖြစ်ခဲ့ပါတယ်။ ဒါပေမဲ့လည်း မိဘဖြစ်သူတွေက ရိုမန်အမတ်ဆိုးတစ်ယောက်နဲ့ လက်ထပ်ပေးဖို့ စီစဉ်နေတဲ့အချိန် အနားက မီးတောင်ကြီးကလည်း ရုတ်တရက် ထပေါက်ကွဲတဲ့အချိန် Milo တစ်ယောက် ချစ်သူလေးကို သူစိမ်းလက်မရောက်အောင် မီးတောင်ပေါက်တဲ့ကြားကနေ စွန့်စားမှုတွေ ပြုလုပ်သွားရမှာကို စိတ်ဝင်စားစွာ ကြည့်ရှုရမှာပဲ ဖြစ်ပါတယ်။ Sucker Punch ရုပ်ရှင်ထဲက ချစ်စရာလည်းကောင်း သောက်ရမ်းလည်း ကြမ်းတဲ့ Baby Doll မင်းသမီးလေး Emily Browning လေးပဲ ပါဝင်ထားပါသေးတယ်။ File size…    2.4 GB /  1 GB Quality… BluRay 1080p / 720p Format… mp4 Duration…. 1h 45m Genre ..... Action/Adventure Subtitle…. Myanmar Subtitle (Hard Sub) Encoder…. Thit San Khant

The Mortal Instruments: City of Bones (2013) ++++++++++++++++++++ Stranger Things စီးရီးထဲမှာ Vecnaအဖြစ်သရုပ်ဆောင်ထားတဲ့ မင်းသား Jamie Campbell Bower နဲ့ Emily in Paris စီးရီးထဲက မင်းသမီး Lily Collins တို့ကအဓိကပါဝင်ထားတဲ့ ရုပ်ရှင်ကားလေးကို တင်ဆက်ပေးလိုက်ချင်ပါတယ်။ ဒီရုပ်ရှင်က Cast line တောင့်ရုံတင်မကဘဲ နာမည်ကျော် Fantasy ဝတ္ထုစီးရီးဖြစ်တဲ့ The Mortal Instruments ဝတ္ထုတွဲတွေထဲက ပထမဆုံးစာအုပ် "City of Bones" ကို ရုပ်ရှင်အဖြစ်ရိုက်ကူးထားတာပဲဖြစ်ပါတယ်။ အဓိကဇာတ်ကောင် ကလယ်ရီဟာ သာမန်နေ့စဉ်ဘဝမှာ နေထိုင်ရင်းကနေ ထူးဆန်းတဲ့အမှတ်အသားတွေ ပုံတွေကို ရေးဆွဲမိလာပြီး အဲဒီအမှတ်အသားတွေကို တဖြည်းဖြည်း သတိပြုလာမိပါတယ်။ ဒီလိုနဲ့ မွေးနေ့မှာ ကလပ်ကိုသွားရာကနေ ထူးဆန်းတဲ့လူသတ်မှုတစ်ခုကို မျက်မြင်တွေ့လိုက်ရပြီး မကြာခင်မှာပဲ ကလယ်ရီရဲ့အမေဟာလည်းပျောက်ဆုံးသွားပါတယ်။ ပျောက်ဆုံးသွားတဲ့အမေကိုရှာဖို့နဲ့ သူကြုံနေရတဲ့ ပဟေဠိဆန်ဆန် အရာတွေကို အဖြေရှာဖို့ ကြိုးစားနေတဲ့ ကလယ်ရီဆီကို ဂျေ့စ်ဆိုတဲ့ လူတစ်ယောက်ကရောက်လာခဲ့ပြီး ကလယ်ရီဟာ သာမန်လူသားမဟုတ်ဘဲ သူတို့လိုမျိုး နတ်ဆိုးတွေကို နှိမ်နင်းသုတ်သင်ရတဲ့ Shadowhunter တစ်ဦးဖြစ်ကြောင်းကို ပြောပြပါတော့တယ်။ အဲဒီကနေတစ်ဆင့် ကလယ်ရီဟာ သူမကြုံဖူးမတွေ့ဖူးခဲ့တဲ့ သဘာဝလွန် မှော်လောကကြီးထဲ စတင်ခြေလှမ်းမိပြီး လျှို့ဝှက်ချက်တွေကနေတစ်ဆင့် အမေဖြစ်သူကိုရှာဖို့ကြိုးစားပါတော့တယ်။ ဒီရုပ်ရှင်ဟာ Twilight တို့ Harry Potter တို့လိုမျိုး Fantasy ကားတွေကို ကြိုက်နှစ်သက်သူတွေအနေနဲ့ ကြည့်သင့်တဲ့ ရုပ်ရှင်ကားပါပဲ။ Stranger Things ပြီးသွားလို့ ဗက်ဂနာ/No.1 ကိုကြည့်မဝသေးဘူးဆိုတဲ့သူတွေအတွက်လည်း ဒီကားထဲမှာ Jamie ကို အလန်းစား ခပ်မိုက်မိုက်ပုံစံနဲ့မြင်တွေ့ရဦးမှာပဲဖြစ်ပါတယ်။ File Size… (2.34GB) / (1.14GB) Quality… WEB-DL 1080p HEVC /720p Format…mkv / mp4 Duration…2h 10m Genre … Action , Adventure, Fantasy , Horror , Mystery , Romance Subtitle….Myanmar Subtitle (Hard Sub)

Lincoln (2012) IMDb Rating = 7.3/10 Directed By Steven Spielberg အေဘရာဟမ်လင်ကွန်းဆိုတဲ့ နာမည်ကြားရင် ၁၆ဆက်မြောက် အမေရိကန်သမ္မတဆိုတဲ့ဂုဏ်ပုဒ်ထက် ငွေဝယ်ကျွန်စနစ်ကို တိုက်ဖျက်ခဲ့သူဆိုတဲ့ ဂုဏ်ပုဒ်နဲ့ ပိုသိကြတယ်။ ဂျော့ဝါရှင်တန် သောမတ်ဂျက်ဖာဆန်၊ အေဘရာဟမ်လင်ကွန်း၊ သီအိုဒိုးရုစဘဲ့စတဲ့ Mount Rushmoreမှာ ထွင်းထုထားတဲ့ အကြီးကျယ်ဆုံးအမေရိကန်သမ္မတ လေးယောက်ထဲကတစ်ယောက်။ သူကသစ်လုံးအိမ်ကလေးကနေ သမ္မတဖြစ်လာသူ၊ အသွားအပြန်ရထားပေါ်စာဖတ်ရင်းလေ့လာခဲ့တဲ့သူ စသဖြင့် အချက်တွေနဲ့လည်း နာမည်ကျော်တယ်။ တစ်ချိန်တည်းမှာပဲ အမေရိကန်သမိုင်းရဲ့ လုပ်ကြံသတ်ဖြတ် ခံရတဲ့လေးဦးတည်းသော သမ္မတတွေထဲက တစ်ယောက်ဖြစ်တယ်။ ဒီရုပ်ရှင်ဟာ သူ့နာမည်ကြီးတပ်ထားပေမဲ့ သူ့အတ္ထုပ္ပတ္တိကို ရိုက်ပြထားတာတော့ မဟုတ်ဘူး။ ငွေဝယ်ကျွန်စနစ်ကို ဖျက်သိမ်းဖို့ ဘယ်လိုဘယ်ပုံ အားလုံးကြိုးပမ်းခဲ့ရလဲဆိုတဲ့ အကြောင်းအရာဘက် ပိုသွားတယ်။ အဲ့ဒီကာလအကြောင်းသိထားမှပဲ ဒီရုပ်ရှင်ကြည့်ရတာ ပိုအဆင်ပြေ‌လောက်မယ်။ လုပ်ကြံမခံရခင်အထိ ၁၈၆၁- ၁၈၆၅ လင်ကွန်းရဲ့ သမ္မသက်တမ်းတစ်လျှောက်ဟာ ပြည်တွင်းစစ် ဖြစ်ရာကာလနဲ့ အတူတူပဲ။ ပြည်တွင်းစစ်ဟာ တောင်ပိုင်းပြည်နယ် ၁၁ခုက ခွဲထွက်ဖို့ကြိုးစားရာက စခဲ့တယ်။ အဲ့ဒီတောင်ပိုင်းပြည်နယ်တွေကို ကွန်ဖက်ဒရိတ်စီလို့ ခေါ်ပြီး ဂျက်ဖာဆန်ဒေးဗစ်က ဦးဆောင်ခဲ့တယ်။ အဲ့ဒီတောင်ပိုင်းနဲ့ ပြည်တွင်းစစ်ကို လင်ကွန်းဖြေရှင်းခဲ့တဲ့ပုံကို ကျွန်တော်တို့ ဒီရုပ်ရှင်မှာ တွေ့ရလိမ့်မယ်။ ‌ဒါရိုက်တာ စတီဗင်စပီးဘတ်ချ်က အမေရိကန်ရဲ့ လက်ရှိခေတ်အထိအကြီးကျယ်ဆုံး ပြိုင်ဘက်ပါတီနှစ်ခုဖြစ်တဲ့ ရီပတ်ဘလစ်ကန်နဲ့ ဒီမိုကရက်တွေရဲ့ ငွေဝယ်ကျွန်စနစ်ဖျက်သိမ်းရေးနဲ့ ပက်သက်ပြီး အခြေအတင်တွေကိုပါ မြင်သာအောင်ပြသွားတယ်။ နောက်ရီပတ်ဘလစ်ကန်မှာမှ ကွန်ဆာဗေးတစ် ရီပတ်ဘလစ်ကန်နဲ့ ရဒီကယ်ရီပတ်ဘလစ်ကန်တို့ရဲ့ သဘောထားကွဲလွဲမှုတွေကို ရောပေါ့။ ငွေဝယ်ကျွန်စနစ်ကိစ္စနဲ့ပက်သက်ပြီး တောင်ပိုင်းရဲ့အမြင်တစ်ချို့ကို ကျွန်တော်တို့လေရူးသုန်သုန်မှာမြင်နိုင်တယ်။ ကျွန်တွေရဲ့ဘဝကိုတော့ အန်ကယ်တွမ်ရဲ့တဲကလေးတို့ ၊ 12 YEARS A SLAVE တို့မှာ မြင်နိုင်တယ်။ အခုကတော့ ကျွန်စနစ်ဖျက်သိမ်းဖို့ ဘယ်လို ကြိုးပမ်းခဲ့တယ်ဆိုတဲ့ အကြောင်းပေါ့။ ဒီလောက်ထိသိရင်ကိုပဲ ကြည့်လို့ အဆင်ပြေပါပြီ။ ကျန်တာကိုတော့ စပီးဘတ်ချ်က သူ့နည်းသူ့ဟန်နဲ့ အဖွဲ့ပေါင်းစုံရဲ့ အမြင်ပေါင်းစုံကို မြင်သာအောင် ပြောပြထားတယ်။ ပုဂ္ဂလိကအမြင်ရတော့ သူတို့ပြဿနာတွေဟာ ကျွန်တော်တို့လက်ရှိ ပြဿနာတွေနဲ့ ကျောရိုးသဘောလောက်ဆင်နေတယ်။ အကြီးဆုံး ပြဿနာကြီး၂ခုကို သူ့သက်တမ်းမှာတင် ပြေလည်အောင် ဖြေရှင်းနိုင်ခဲ့တဲ့ လင်ကွန်းရဲ့နိုင်ငံရေး စွမ်းဆောင်ရည်ကိုလည်း စပီးဘတ်ချ်က သေချာ ပြထားတယ်။နောက်လင်ကွန်းရဲ့ အတ္တကိုရောပေါ့။ ချီးကျုးထားပေမဲ့ သူတော်ကောင်းလုံးလုံးကြီး အဖြစ်တော့ ပုံဖော်မထားဘူး။ လင်ကွန်းကို အတော်များများက အချိန်ဆွဲတဲ့လူလို့ပြောကြတယ် သိတဲ့ တတ်တဲ့လူတွေပြောကြတာတော့ နိုင်ငံရေးမှာ စိတ်ရှည်တဲ့လူက အနိုင်ပဲတဲ့ ဒီရုပ်ရှင်ကြည့်ပြီးနောက် ကျွန်တော်လင်ကွန်းကို တကယ်တော်တဲ့ နိုင်ငံရေးသမားကောင်းတစ်ယောက်ဆိုတာကို သိသွားခဲ့တယ်။ စတီဗင်စပီးဘတ်ချ်ဟာ အချက်အလက်တွေကို စုံစေ့အောင် သုံးပြီး ရိုက်ပြသွားနိုင်ခဲ့တယ်။ ဒန်နီရယ်ဒေးလူးဝစ်ဟာ ဒီရုပ်ရှင်နဲ့ BEST ACTOR IN A LEADING ROLE အော်စကာဆုကို ရသွားခဲ့တယ်။ဆန်ခါတင်တွေလည်း အတော်ဝင်ခဲ့တယ်။ Terminal , Catch Me If You Can, AI, Schindler's List, Saving Private Ryan နဲ့Indiana Jonesကားတွေကို ရိုက်ထားတဲ့ ဒါရိုက်တာ စတီဗင်စပီးဘတ်ချ်ကိုတော့ အားလုံး ရင်းနှီးပြီးသား ဖြစ်မှာပါပဲ။ တစ်ခုရှိတာက ဒါရိုက်တာရဲ့ တင်ပြပုံဟာ တော်တော်တော့ ဖျော်ဖြေရေးမဆန်ဘူး။ နိုင်ငံရေးဘက် စိတ်ဝင်စား သူတွေတော့ ကြည့်သင့်တဲ့ကားပါပဲ။ ၂နာရီခွဲအတွင်းမှာ ၁၉ရာစုရဲ့ အကြီးကျယ်ဆုံးဖြစ်ရပ်ကြီးနဲ့ အမေရိကန်ရဲ့ ပြည်တွင်းစစ်အခြေအနေ၊ နိုင်ငံရေးအခြေအနေအပါအဝင် တခြားအကြောင်းအရာတွေကိုပါ အနုလုံပဋိလုံ‌ကြေကြေနဲ့ ရိုက်ပြသွားနိုင်တာကတော့ လက်ဖျားခါလောက်စရာပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) Quality__1080p , 720p IMDb Rating__7.3/10 Format__mp4 Duration__02:30:00 Type__Biography , Drama , History , War Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Sherlock Holmes: A Game of Shadows (2011) IMDB : 7.4 Rotten Tomatoes : 60% Genre : Action / Thriller / Mystery Sherlock Holmes: A Game of Shadows ကတော့ Sherlock Holmes (2009) ရဲ့ အဆက် ဒါရိုက်တာ Guy Ritchie ရဲ့ လက်ရာ ရုပ်ရှင်ဖြစ်ပါတယ်။ ဒီရုပ်ရှင်မှာတော့ ရှားလော့ဟာ မဟာပြိုင်ဘက် ပရော်ဖက်ဆာ ဂျိမ်းစ်မော်ရီရာတီနဲ့ ဉာဏ်ချင်းပြိုင်ရတော့မှာဖြစ်ပါတယ်။ ဇာတ်ညွှန်း ဥရောပတခွင်မှာ ဗုံးခွဲတာတွေ နိုင်ငံရေးသမား လုပ်ကြံခံရတာတွေက ခပ်စိတ်စိတ်ဖြစ်လာခဲ့ပါတယ်။ ဒါတွေက သာမန် အစီအစဉ်မကျတဲ့ လုပ်ရပ်မျိုးမဟုတ်ပဲ နောက်ကွယ်မှာ သင်္ချာပညာရှင် ပရော်ဖက်ဆာ ဂျိမ်းစ်မော်ရီရာတီရှိတာကို ရှားလော့ရိပ်မိသွားခဲ့ပါတယ်။ ဒီလိုနဲ့ ရှားလော့တစ်ယောက် ဂျိမ်းစ်ကို လိုက်လံတားဆီးဖို့ကြိုးစားခဲ့ပါတယ်။ ဒါပေမဲ့ ခက်တာက ဂျိမ်းစ်ဆိုတာ Evil Sherlock လို့ဆိုရလောက်အောင် ရှားလော့လိုမျိုး ဉာဏ်ပြေးတယ် အကွက်မြင်တယ် ရှားလော့တစ်လှမ်းဆိုသူက တစ်လှမ်း တစ်ခါတလေ နှစ်လှမ်း သုံးလှမ်းလောက်တောင်ရှေ့ကိုကြိုရောက်နေသူဖြစ်ပါတယ်။ ဒီလိုနဲ့ လက်တွဲဖော်ကြီး ဒေါက်တာဝပ်ဆန်နဲ့ ဘယ်လိုမျိုး တားဆီးသွားမှာလဲဆိုတာကို ခံစားကြည့်လိုက်ကြပါခင်ဗျာ။ File size…    2.8 GB / 1 GB Quality… Blu-ray 1080p / 720p Format… mp4 Duration…. 2h 09m Genre ..... Action / Thriller / Mystery Subtitle…. Myanmar Subtitle (Hard Sub)

The Ward (2010) မင်းသမီး Amber Heard အဓိကပါဝင်ထားပြီး Sydney Sweeney နဲ့ အခြားမင်းသမီးတွေ အရံအဖြစ်ပါဝင်ထားတဲ့ ဒီရုပ်ရှင်ကားက Psychological Horror အမျိုးအစားဇာတ်ကားပါ။ ဇာတ်လမ်းကတော့.... Kristen ဆိုတဲ့ ခပ်ဆိုးဆိုးကောင်မလေးတစ်ယောက်ဟာ ယာအိမ်တစ်လုံးကို မီးရှို့ပစ်ခဲ့ပါတယ်... ဒီမီးရှို့မှုနဲ့ သူဟာ ဖမ်းဆီးခံခဲ့ရပြီး စိတ်ကျန်းမာရေးဆေးရုံတစ်ခုမှာ ထိန်းသိမ်းခြင်းခံခဲ့ရပါတယ်... Kristen ဟာ ဆေးရုံမှာ နေထိုင်ချိန်အတွင်း Dr. Geral Stringer, Emily, Sarah, Zoey, Iris ဆိုတဲ့ မိန်းကလေးတွေနဲ့ ရင်းနှီးခဲ့ပါတယ်... ဆေးရုံတိုင်းလိုလို နာနာဘဝ မကောင်းဆိုးဝါးဆိုတာ ရှိစမြဲပါ... ဒီလိုပဲ Kristen တစ်ယောက်လဲ ရေချိုးရင်း သရဲမ တစ်ကောင်နဲ့ ပတ်ပင်းတိုးခဲ့ပါတယ်... Kristen သရဲမကို မြင်ပြီးနောက်မှာတော့ သူ့သူငယ်ချင်း Iris ဟာလဲ သရဲမကို တွေ့ခဲ့ပြီး အသက်နှုတ်ယူခံခဲ့ရပါတယ်... Iris ပျောက်ဆုံးသတင်းကို ကြားပြီးနောက်မှာတော့ မိန်းကလေးတွေဟာ Iris ကို ရှာဖွေခဲ့ကြပါတယ်... ကံဆိုးချင်တော့ Sarah, Emily တစ်ယောက်ပြီး တစ်ယောက် သေဆုံးခဲ့ကြပါတယ်.... Kristen ကတော့ ကံကောင်းထောက်မပြီး လွတ်မြောက်ခဲ့ပါတယ်... သူဟာ ကျန်ရှိနေတဲ့ သူငယ်ချင်း Zoey ကို ကယ်တင်ဖို့ ကြိုးစားခဲ့ပါတယ်... သို့ပေမဲ့ Zoey ဟာလဲ သရဲမ ဖမ်းဆီးခြင်းခံခဲ့ရပါတယ်... Kristen တစ်ယောက်ကြံရာမရဖြစ်ပြီး သူ့အသိ Dr.Geral Stringer ဆီကို အပြေးအလွှားသွားခဲ့ပါတယ်... Dr. ဆီရောက်တဲ့အချိန်မှာတော့ သူ သရဲမ အကြောင်းကို သိခဲ့ပါတယ်... သရဲမ နာမည်က Alice ဖြစ်ပြီး Kristen သူ့အကြောင်းကို အလုံးစုံသိလိုက်ရချိန်မှာတော့.... Kristen တစ်ယောက် Zoey ကိုကယ်ပြီး လွတ်မြောက်နိုင်မလား... သရဲမ Alice က ဘာလို့ လိုက်သတ်နေတာလဲ...စတဲ့အကြောင်းအရာတွေကို စိတ္တဇဆန်ဆန် ရိုက်ကူးထားပါတယ်... သဲထိတ်ရင်ဖိုဇာတ်လမ်း ကြိုက်နှစ်သက်တဲ့ ပရိတ်သတ်တွေအတွက်တော့ လက်လွတ်မခံသင့်တဲ့ Horror တစ်ကားပါပဲ။ File size…(2.5 GB )/(950 MB) Quality….WEB-DL 1080p HEVC / 720p Format…mkv/mp4 Duration….01:30:00 Subtitle….Myanmar Subtitle (Hardsub) Encoder….RGB

အချိန်တွေသာ နောက်ပြန်လည်သွားခဲ့ရင် အဲဒီဖြစ်စဉ်ရဲ့နောက်ဆက်တွဲတွေက လူတွေရဲ့ဘဝကို ဘယ်လိုအကျိုးသက်ရောက်မှု‌တွေရှိစေမလဲ။ နာရီလက်တံတွေ ဆန့်ကျင်ဘက်လည်ပတ်ကုန်မလား။ အနောက်အရပ်က နေထွက်ပြီး အရှေ့အရပ်မှာ နေဝင်သွားမလား။ ကမ္ဘာကြီး ပြောင်းပြန်လည်သွားမလား။ လူသားတွေရဲ့ဘ‌ဝတွေ ကမောက်ကမဖြစ်ကုန်မလား။ အသက်‌တွေကြီးရာကနေ တဖြည်းဖြည်းငယ်ကုန်မလား။ အချိန်ရဲ့ရက်စက်မှုတွေကို ဘယ်လိုလူမျိုးကမှ အနိုင်မယူနိုင်၊ ‌မကျော်လွှားနိုင်။ ဇာတ်လမ်းအကျဉ်း- ဘန်ဂျမင်ဘက်တွန်ဆိုတဲ့ကောင်လေးဟာ အသက် ၈၀ အရွယ်အဘိုးကြီးတစ်ယောက်ရဲ့ခန္ဓာကိုယ် ရုပ်ပိုင်းဆိုင်ရာ အခြေအနေတွေနဲ့အတူ မွေးဖွားလာတယ်။ သူ့အမေကလည်း သူ့ကိုမီးဖွားပြီးချိန်မှာပဲ ဆုံးပါးသွားခဲ့တယ်။ ဒါနဲ့ သူ့အဖေ သောမတ်ဘက်တွန်က ဒီလို အဘိုးကြီးခန္ဓာကိုယ်နဲ့ကောင်လေးကို မကောင်းဆိုးဝါးအထင်နဲ့ ဘိုးဘွားဂေဟာမှာ သွားပစ်ထားခဲ့တယ်။ အဲဒီဂေဟာက အမျိုးသမီးက ကလေးကိုတွေ့သွားပြီး မွေးစားဖို့ဆုံးဖြတ်လိုက်တယ်။ ဒါပေမဲ့ ဒီကောင်လေးကို ဘယ်သူကမှ ကြာကြာခံမယ်လို့မထင်ကြဘူး။ ဒါပေမဲ့ ဘန်ဂျမင်ဟာ အချိန်တွေတရွေ့ရွေ့ကုန်ဆုံးလာတာနဲ့အမျှ အသက်ကြီးရာကနေ တဖြည်းဖြည်းချင်း နုပျိုလာခဲ့တယ်။ ဒီဇာတ်ကားဟာ ဟောင်းပေမဲ့ ရွှေလို့ပြောလို့ရတဲ့ဇာတ်ကားတစ်ကားဖြစ်တယ်။ ဇာတ်လမ်းဟာ အချိန်အားဖြင့် ၃ နာရီနီးပါးကြာမြင့်ပြီး ဝတ္ထုရှည်တစ်ပုဒ်ကို အေးအေးဆေးဆေးထိုင်ဖတ်နေရသလို ခံစားချက်မျိုးပေးမယ့် Masterpiece ရုပ်ရှင်တစ်ပုဒ်ဖြစ်ပါတယ်။ တချို့ဇာတ်ကားတွေလို တစ်ခါကြည့်ပြီးတာနဲ့မေ့မေ့ပျောက်ပျောက်ဖြစ်သွားမယ့်ဇာတ်လမ်းမျိုးမဟုတ်ဘဲ ဇာတ်လမ်းထဲကို စီးမြောဝင်သွားပြီး ရုပ်ရှင်ပြီးတဲ့အခါ အတွေးပေါင်းများစွာနဲ့ ရင်ထဲမှာတသသကျန်ခဲ့မယ့် ရုပ်ရှင်လို့ပြောလို့ရတယ်။ လူတိုင်း ဘဝမှာ တစ်ခါတော့ကြည့်ဖူးသင့်တဲ့ရုပ်ရှင်ဖြစ်တာကြောင့် ခံစားကြည့်ရှုလိုက်ကြပါဦး။

(18+ အခန်းတချို့ပါဝင်၍ အသက်ရွယ်မပြည့်သူများနှင့် မိသားစုဝင်များအတူတကွ ကြည့်ရှုရန်မသင့်တော်ပါ) Comedy, Drama, Romance IMDB Rating: 7.1/10 ဒီဇာတ်ကားကတော့ ခင်ဗျားတို့ မြင်ဖူးတဲ့ Romance ကားတွေနဲ့ မတူ တော်တော်ထူးခြားနေမှာပါ။ Ben ဆိုတဲ့ အနုပညာကျောင်းသား ပန်းချီဆရာ‌လေးတစ်ယောက် သူ့ကောင်မလေးနဲ့ လမ်းခွဲပြီးနောက်ပိုင်းInsomnia လို့ခေါ်တဲ့ အိပ်မရတဲ့ ရောဂါတစ်မျိုး စွဲကပ်လာပါတော့တယ်။ အဲဒီတော့ ‌အိပ်မရတဲ့ ၈နာရီဟာအချိန်ပိုဖြစ်လာတဲ့ အတူတူ အကျိုးရှိအောင်ဆိုပြီးတော့ ‌စူပါမားကတ်တခုမှာ အချိန်၈နာရီနဲ့ ‌‌ငွေနဲ့လဲလှယ်ဖြစ်လာခဲ့ပါတော့တယ်(cashback)။ အဲဒီအလုပ်မှာပဲ Ben ဟာသူအချိန်ကို ရပ်နိုင်တယ်ဆိုတဲ့ စွမ်းအားရှိကြောင်း သိရှိလာခဲ့ပါတယ်။ အဲဒီလိုနဲ့ပဲ Ben ရဲ့စိတ်ကူးယဥ် လက်တွေ့မဆန်တဲ့ကမ္ဘာမှာ နေနေတုန်း လောကကြီးရဲ့ အလှတရားတွေ ရပ်တန့်နေတဲ့ ကမ္ဘာမှာ မိန်းမတွေရဲ့ အလှတရားတွေအကုန်လုံးကို ခံစားမိလာပြီးတော့ သူ့ဘဝကြီးရဲ့ အဓိပ္ပာယ်နဲ့ အလှတရားကို ရှာတွေ့သွားပါတော့တယ်။ Ben ဟာ သူနဲ့ အလုပ်အတူတူလုပ်တဲ့ Sharon ဆိုတဲ့ ကောင်မလေးကို သဘောကျသွားမိပြီးတော့သူ့အတိတ်ကိုမေ့ထားပြီး ပစ္စုပ္ပာန်ကို တန်ဖိုးထားတတ်လာပါတော့တယ်။ ဒီ Cashback ဆိုတဲ့ ဇာတ်ကားလေးမှာ ဆိုရင်တော့ဖြင့် အချစ်၊ လမ်းခွဲခြင်း၊ ပြောင်းလဲတတ်ခြင်း စတဲ့အရာတွေကိုခံစားရမှာဖြစ်ပြီးတော့ Ben ရဲ့အကြောင်းကို ကြည့်ရင်းနဲ့ ကျွန်တော်တို့အတွေးတွေ တခုခုတော့ပြောင်းလဲသွားမှာပါခင်ဗျာ။ IMDB 7.1 လဲရထားတာမလို့ ကြည့်ရတန်တဲ့ ဇာတ်ကားတကား ဖြစ်မှာပါလို့ ကျွန်တော်တော့ထင်ပါတယ်။ ရှုစားကြပါအုံးခင်ဗျာ။ File size…    1.7 GB /  821 MB Quality… BluRay 1080p / 720p Format… mp4 Duration…. 1h 42m Genre ..... Comedy/Drama/Romance Subtitle…. Myanmar Subtitle (Hard Sub) Encoder…. Hein Tayza Translated by Dr Zac

Ocean's Eleven (2001) IMDb Rating (6.5) / Rotten Tomatoes (55 %) George Clooney ၊ Brad Pitt ၊ Matt Damon ၊Don Cheadle ၊ Bernie Mac ၊ Julia Roberts ၊ Catherine Zeta‑Jones တို့လို နာမည်ကြီး မင်းသားမင်းသမီးတွေအပြင် တခြား နာမည်ကျော် သရုပ်ဆောင်များစွာလဲ ပါဝင်ထားလို့ ဒိတ်ဒိတ်ကြဲတွေကို တစ်ချိန်တည်းမြင်တွေ့ရမယ့် ဇာတ်ကားပါ၊ ကဲ Ocean 11 ရဲ့ နောက်ဆက်တွဲ Ocean 12 ပါဗျား... 2004 ခုနှစ်မှာ ထွက်ရှိခဲ့တာဖြစ်ပြီး ဒါရိုက်တာနဲ့ ထုတ်လုပ်သူကတော့ ပထမဇာတ်လမ်းက ပုဂ္ဂိုလ်များပဲဖြစ်ပါတယ်။ ဆုတံဆိပ် ၄ ခုနဲ့ စံကာတင်စာရင်း ၁၀ ခု ဝင်ခဲ့ပါတယ်။ Rating တွေနဲ့ ဆုပိုင်းမှာ အနည်းငယ် လျော့သွားတာကိုတော့ သတိထားမိမယ် ထင်ပါတယ်ခင်ဗျ။ ဒါပေမယ့်လည်း ဒီလို အလှည့်အပတ်ဇာတ်လမ်းလေးတွေကိုမှ ကြိုက်သူတွေအတွက်ကတော့ Mr.Bean ရဲ့ ဝက်ဝံရုပ်ပါပဲဗျာ.... LA က ကာစီနိုတွေကို တစ်ညတည်းနဲ့ ဖြောင်ခဲ့အပြီးမှာတော့ Danny Ocean (George Clooney) နဲ့ သူ့အဖွဲ့ဟာ ပြဿနာအကြီးစားကြီးကို နဖူးတွေ့ဒူးတွေ့ တွေ့လိုက်ရပါပြီ။ အဲဒါကတော့ LA သမိုင်းမှာ အကြီးစားလုယက်မှုအဖြစ် တမ်းဝင်သွားခဲ့ပေမယ့်လည်း သူတို့အဖွဲ့သားတွေဟာ ခိုးလာတဲ့ ပိုက်ဆံတော်တော်များများကို သုံးဖြုန်းပစ်လိုက်မိပါပြီ။ ကာစီနိုသူဌေး Terry Benedict (Andy Garcia) က သူ့ငွေတွေ ဆုံးရှုံးသွားတဲ့အတွက် ဒေါသူပုန်ထလို့ မပြီးနိုင် သေးပါဘူးခင်ဗျ။ ဒီတော့ကာ Ocean အဖွဲ့ကို သူ့ပိုက်ဆံတွေအပြင် နောက်ထပ် million နည်းနည်းလောက် ထပ်ဆောင်းပေးဖို့ တောင်းဆိုလို့လာပြန်ပါတယ်။ ပြောရရင်တော့ ပေးမလား Jail မလားပေါ့ဗျာ။ ဒီမှာတင် အကုန် အကြပ်ရိုက်ကုန်ကြပြီ။ ခြူးကလည်း တစ်ပြားမှ ပြန်မထုတ်နိုင်ဆိုတော့ တစ်ဖွဲ့လုံး နောက်ထပ်ဂွင်ဖန်ရင်ကောဆိုတဲ့ စိတ်တွေရောက်သွားကြပါတယ်။ ဒီတစ်ခါကတော့.... ဟဲ ဟဲ ဟဲ ဥရောပတစ်ခွင် ဗြန်းဗြန်းဆင်ပေါ့ဗျာ...။ (ရုပ်ရှင်အညွှန်းကို KAT & BROS Facebook Page မှကူးယူဖော်ပြပါသည်။) Ocean's ဇာတ်ကားအားလုံးကို https://channelmyanmar.to/?s=ocean%27s နဲ့ CM App https://www.cmapp.tv/?share=EE6FEB606C26455 မှာဒေါင်းလို့ရပါတယ်။ File size…(8.7 GB)/ (2.8 GB )/(1.2 GB) Quality…WEB-DL 4K HEVC/1080p HEVC / 720p Format…mkv/mp4 Duration….02:05:00 Subtitle….Myanmar Subtitle (Hardsub) Encoder….Ka Naung Translated by MgKing

ဒီဇာတ်ကားက Franchiseရဲ့ ဒုတိယ​မြောက်ကားပဲ ဖြစ်ပါတယ်။ ဒီထဲမှာ ဂိမ်းထဲက အဓိကprotagonistတစ်​ယောက်ဖြစ်တဲ့ ​ဂျေး ဗယ်လန်တိုင်း စတင်ပါဝင်လာခဲ့သလို Nemesisဆိုတဲ့ zombie ဗီလိန်ကြီးကိုလည်း မြင်​တွေ့ရမှာဖြစ်ပါတယ်။ ပထမဇာတ်ကားရဲ့ အဆုံးသတ်နဲ့ တိုက်ရိုက်ချိတ်ထားပြီး Hiveက​နေ ပြန်လွတ်လာတဲ့ အဲလစ်နဲ့မတ်ကို အမ်ဘရဲလားကလူ​တွေ ဖမ်းဆီးသွားတာနဲ့ ဇာတ် စဖွင့်ထားပါတယ်။ Hiveထဲမှာ ပျံ့သွားတဲ့ ဗိုင်းရပ်ပိုးက သူ့အ​ပေါ်က ရက်ကွန်မြို့ကို ပျံ့နှံ့သွားခဲ့ပြီး တစ်မြို့လုံးမှာ ဇွန်ဘီကပ်ကြီး ဖြစ်သွားခဲ့ပါတယ်။ အဲဒီမှာ အမ်ဘရဲလားက အ​ထက်လူကြီး​တွေကိုပဲ ကယ်ထုတ်ပြီး ပြည်သူ​တွေကို​တော့ ကွာရန်တင်းသ​​ဘော ပိတ်ဆို့ထားပြီး မြို့ကို ​နူကလီယားဗုံးနဲ့ဖောက်ခွဲကာ ပိုးဆက်မပျံ့​အောင် ထိန်းဖို့ကြိုးစား ခဲ့တာပါ။ အဲဒီအချိန် သမီးဖြစ်သူ အန်ဂျလာအက်ရှ်ဖို့ဒ် မြို့ထဲမှာ ကျန်​နေခဲ့တဲ့အခါ အမ်ဘရဲလားရဲ့သု​တေသနပညာရှင် ​ဒေါက်တာ ချားစ်အက်ရှ်ဖို့ဒ်က ရက်ကွန်းမြို့က​နေ ထွက်နိုင်မယ့်နည်းလမ်းနဲ့ သူ့သမီးကို အလဲအလှယ်လုပ်ဖို့ ​ကမ်းလှမ်းခဲ့ပါတယ်။ အဲလစ်၊ဂျေးလ်နဲ့ ​ကြေးစားစစ်သားတစ်စုဟာ ဇွန်ဘီ​တွေပြည့်​နေတဲ့ ရက်ကွန်မြို့ထဲမှာ အက်ရှ်ဖို့ဒ်ရှာပုံ​တော်ထွက်ရင်း ဘယ်လိုကိစ္စ​တွေ ကြုံရမလဲ၊ အက်ရှ်ဖို့ဒ်ကို ရှာ​တွေ့ပါ့မလား၊ မြို့ကို ရှင်းပစ်ချင်​နေတဲ့ အမ်ဘရဲလားရဲ့လူ​တွေလက်က လွတ်ပါ့မလားဆိုတာ ကြည့်ရှူရမှာ ဖြစ်ပါတယ်။ File size…     2.8 GB / 1.5 GB /    692 MB Quality… BluRay 4K / 1080p / 720p Format… mp4,mkv Duration…. 1h 34m Genre ..... Action/Horror Subtitle…. Myanmar Subtitle (Hard Sub) Encoder…. Thit San Khant Translated by JimX

ဒီဇာတ်ကားလေးကတော့ The Pianist နဲ့ Oscar ရခဲ့တဲ့ Adrien Brodyတို့၊ Resident Evil မင်းသမီးကြီး Vera Farmiga တို့အပြင် Resident Evil မင်းသမီး Milla Jovovich ပါ ပါဝင်သရုပ်ဆောင်ထားတဲ့ Romance-Comedy ကားကောင်းလေးတစ်ကားဖြစ်ပါတယ်။ 2000ခုနှစ်အငွေ့အသက်တွေအများ ကြီးပါပြီး အဲဒီခေတ်ကခေတ်စားတဲ့ pop-rockဇာတ်ဝင်တေးလေးတွေနဲ့ Nostalgicဖြစ်ဖြစ်နဲ့ ခံစားကြည့်ရှုရမယ့် ကားဟောင်း၊ကားကောင်းလေးတစ် ကားပါ။ ဇာတ်လမ်းအကျဉ်းလေးကတော့ စတီဗင်က ငယ်ငယ်ကတည်းက ရုပ်သေးနဲ့ အသံတုလုပ်ပြီးဖျော်ဖြေသူတစ်ယောက်ဖြစ်ချင်ခဲ့ပေမယ့် သာမန်အလုပ်လေး တစ်ခုမှာပဲ လုပ်နေခဲ့တဲ့ ခပ်အေးအေးကောင်လေးတစ်ယောက်ဖြစ်ပါတယ်။ သူ့မှာသူငယ်ချင်းဆိုလို့ သူနဲ့ဘဝတူ မိဘအိမ်မှာပဲနေနေတဲ့ အဆိုတော်ရူးမလေး တစ်ယောက်ပဲရှိပါတယ်။ စတီဗင်တစ်ယောက် အလုပ်ထွက်ပြီး အိပ်မက်နောက် လိုက်ဖို့ကြိုးစားခဲ့တဲ့အချိန်မှာ သူကြုံရတဲ့အခက်အခဲတွေကြားထဲကနေ မိန်းက လေးတစ်ယောက်ကိုပါ သဘောကျမိသွားပြန်ပါသေးတယ်။ အလုပ်အကိုင်မယ် မယ်ရရမရှိ၊ မိဘအိမ်မှာနေနေတဲ့ သက်လတ်ပိုင်းလူတစ်ယောက်ရဲ့ဘဝအကြောင်း တွေ၊ မိသားစုပြဿနာတွေနဲ့ တခြားလေးနက်တဲ့အကြောင်းအရာတွေကို တင်ဆက် ထားလို့ Rom-Comဆိုပေမယ့် Dramaအရသာတွေလည်းခံစားရမယ့် ဇာတ်ကား ကောင်းတစ်ကားဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Zayar Maw ဖြစ်ပါတယ်) File Size..........(1.95 GB) / (792 MB) Quality............WEB-DL 1080p / 720p Duration.........1Hr 31Min Subtitle...........Myanmar Hardsub Format............MP4 Genre..............Comedy, Drama, Romance Translator.......Zayar Maw Encoder..........SWM

ဘလိတ်မီဒီယာကို ဦးဆောင်နေတဲ့ ပရက်စတန်ဘလိတ် ကွယ်လွန်သွားတဲ့အခါ သူချန်ခဲ့တဲ့ အမွေပစ္စည်းတွေနဲ့ ရှယ်ယာတွေကို ဆက်ခံမယ့်သူ လိုက်ရှာကြပါတယ်။ အဲဒီလိုရှာရင်း လူသိနည်းတဲ့ မြို့လေးတစ်မြို့မှာ နေထိုင်နေတဲ့ သူ့တူ လောင်းဖဲလိုးဒိစ်ကို တွေ့သွားကြတယ်။ ဒိစ်က ရိုးရိုးအေးအေးနေတတ်ပြီး သူများကို ကူညီချင်စိတ်အပြည့်ရှိတဲ့သူပါ။ အမွေဆိုင်ရာ စာရွက်စာတမ်းကိစ္စတွေ လုပ်ဖို့ နယူးယောက်ကို လိုက်လာရင်း မီဒီယာတစ်ခုက သတင်းထောက် ပန်ဒေါ်ဆန်နဲ့ တွေ့ဆုံလာပါတယ်။ ဒီတွေ့ဆုံမှုကနေ ဒိစ် ဘယ်လိုပြဿနာတွေ ကြုံရမလဲဆိုတာ ဆက်ပြထားတဲ့ အချစ်ဟာသဇာတ်လမ်းပါ။ ဒါရိုက်တာ Steven Brill ရိုက်ကူးထားပြီး ဒိစ်အဖြစ် Adam Sandler နဲ့ ပန်ဒေါ်ဆန်အဖြစ် Winona Ryder တို့ ပါဝင်သရုပ်ဆောင်ထားပါတယ်။

ဒီဇာတ်လမ်းက နယူးယောက်မြို့က မဂ္ဂဇင်းတိုက်တွေ၊ ဖက်ရှင် မော်ဒယ်တွေ၊ ဒီဇိုင်နာတွေ၊ အဝတ်အစားကုမ္ပဏီကြီးတွေအကြား ဖြစ်တတ်တဲ့ အတွင်းကျကျ ပြဿနာတွေ၊ အဆင်မပြေမှုတွေနဲ့ ပဋိပက္ခ‌တွေကို ရိုက်ကူးပြသထားတဲ့ ဇာတ်ကားမျိုးပါ။ ဇာတ်လမ်း ရည်ရွယ်ချက်က ကောင်းပေမဲ့ ဇာတ်လမ်းတင်ပြပုံမကောင်းလို့ Ratingတွေကတော့ အတော်လေးနည်းပါတယ်။ ဒါပေမဲ့ နယူးယောက်ရဲ့ Lifestyleတွေ၊ လူသိပ်မသိတဲ့ ဖက်ရှင်နယ်ပယ်နောက်ကွယ်က တချို့ ပြဿနာတွေ၊ ဇာတ်ရှုပ်တွေကို စိတ်ဝင်စားတယ်ဆိုရင်တော့ ဒီကားက မြည်းစမ်းကြည့်သင့်တယ်လို့ပဲ ပြောရမှာပါ။ ဇာတ်လမ်းပိုင်းတွေ၊ သရုပ်ဆောင်ပိုင်းတွေ ကောင်းမှ ကြိုက်တတ်တဲ့သူဆိုရင်တော့ ဒီကားက သင့်ကို အားရစေမှာ မဟုတ်ပါဘူး။ File Size :  2.9 GB / 930 MB Quality : WEB-DL 1080p / 720p Running Time : 1hr 46min Format : Mp4 Genre : Comedy, Drama Subtitle : Myanmar Subtitle (Hard Sub) Translated by : JimX Encode by : Thit San Khant

ဒီဇာတ်ကားကတော့ ၁၉၆၅ခုနှစ်မှာ ထွက်ရှိခဲ့တဲ့ နာမည်ကြီးတီဗွီစီးရီးတစ်ခုကို အခြေခံပြီး ပြန်လည်ရိုက်ကူးထားတဲ့သိပ္ပံစွန့်စားခန်းအမျိုးအစား ရုပ်ရှင်ဖြစ်ပါတယ်။ အနာဂတ်ကာလ၂၀၅၈ခုနှစ်မှာဇာတ်တည်ထားပြီး ကမ္ဘာမြေကြီးက သဘာဝပြဿနာတွေနဲ့ လူတွေက ပေးတဲ့ပြဿနာတွေကြောင့် ပျက်စီးခါနီးအခြေအ နေကိုရောက်လုနီးပါးဖြစ်နေပါပြီ။ ဒီတော့လဲလူသားတွေရဲ့ထုံးစံအတိုင်း လူတွေနေနိုင်မယ့် ဂြိုလ်အသစ်တစ်ခုကိုထပ်ရှာကြတာပေါ့။ လိုက်ရှာကြရင်းနဲ့ ကံကောင်းထာက်မစွာနဲ့ပဲ(အယ်ဖာပရိုင်း)ဆိုတဲ့ကမ္ဘာ မြေနဲ့အရမ်းတူတဲ့ဂြိုလ်တစ်ခုကိုသွားတွေ့တယ်။ အဲဒီလို တွေ့ပြီးနောက်မှာ အဲဒီဂြိုလ်ကို ဉာဏ်ကြီးရှင်မိသားစုဖြစ်တဲ့ရော်ဘင်ဆန်မိသားစုကို လေ့လာဖို့တာဝန်ပေးခံရပါတယ်။ ဒါပေမဲ့ သူတို့သွားပြီမကြာဘူး အာကာသယာဉ်ပေါ်မှာဒုက္ခပေးဖို့လိုက်လာတဲ့ ဒေါက်တာစမစ်ဆိုသူကြောင့် အရာရာဟာအလွဲလွဲအချော်ချော်တွေဖြစ်ပြီး အာကာသထဲမှာတစ်မိသားစုလုံး လမ်းပျောက်ကုန်ကြပါတယ်။ အဲဒီကနေမှ မထင်မှတ်ထားတဲ့အန္တရာယ်အသွယ်သွယ်ကိုဖြတ်ကျော်ပြီး သူတို့ဦးတည်ရာကို ရောက်နိုင်မလားဆိုတာကတော့ ကိုယ်တိုင်ကြည့်ရှုရင်းနဲ့ပဲ ခံစားပေးကြပါဦး။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Science Fiction, Adventure Subtitle….Myanmar Subtitle (Hardsub) Encoder….Swan Min Htet Translated by Mastero

Tall Tale (1995) ဒီဇာတ်ကားကတော့ ၁၉၉၅ ခုနှစ်ကထွက်ရှိခဲ့တဲ့ ဂန္တဝင်အနောက်တိုင်းရုပ်ရှင်အမျိုးအစားတစ်ခုပဲဖြစ်ပါတယ်။ ၁၉ ရာစုဝန်းကျင် အနောက်တိုင်းရဲ့အငွေ့အသက်တွေနဲ့ လူနေမှုဘဝပုံစံတွေကို မျက်မြင်ကြုံတွေ့ရမှာဖြစ်ပါတယ်။ ဇာတ်လမ်းအကျဉ်းကတော့ ဒန်နီရယ်ဆိုတဲ့ကောင်လေးဟာ သူ့အဖေရဲ့လယ်မြေတွေကို လောဘကြီးတဲ့ မြေရှင်ဆီကနေ ပြန်ယူဖို့ကြိုးစားရင်း အနောက်တိုင်းရဲ့ဂန္တဝင်သူရဲကောင်းတွေနဲ့တွေ့ဆုံတဲ့အကြောင်းကို စိတ်ကူးဆန်ဆန်ရိုက်ကူးထားတာဖြစ်ပါတယ်။ နောက်ပိုင်းမှာတော့ ဒီလိုသူရဲကောင်းတွေဆီကနေ စိတ်ကူးစိတ်သန်းတွေကို လေ့လာသင်ယူရင်း မကောင်းမှုကိုတိုက်ဖျက်ဖို့အတွက် ကြိုးစားသွားတာကို ကြည့်ရှုရမှာပါ။ အနောက်တိုင်းရုပ်ရှင်တွေကို ခံစားတတ်တဲ့သူတွေအဖို့တော့ ဒီဇာတ်လမ်းလေးက ကြည့်လို့အဆင်ပြေတဲ့ဇာတ်ကားလေးတစ်ကားပဲဖြစ်ပါတယ်။ File size…    1.5 GB /  800MB Quality… Web-DL 1080p / 720p Format… mp4 Audio... AAC Duration…. 1h 36m Genre ..... Adventure / Family Subtitle…. Myanmar Subtitle (Hard Sub) Encoder…. Thit San Khant Translated... by Vader ft Riley

မစ်ကီနဲ့ မယ်လိုရီတို့ဟာ ငယ်စဉ်ကတည်းက စိတ်ဒဏ်ရာကိုယ်စီနဲ့ ကြီးပြင်းလာခဲ့ကြသူတွေပါ။ သူတို့နှစ်ယောက် တွေ့ဆုံပြီးနောက် မယ်လိုရီရဲ့ အနိုင်ကျင့်တတ်တဲ့ မိဘတွေကို သတ်ပြီး အတူထွက်ပြေးကြပါတယ်။ အဲဒီနောက်မှာတော့ လူသတ်မှုတွေ ဆက်ကျူးလွန်တဲ့ စုံတွဲဖြစ်လာကြတယ်။ သူတို့ကားရပ်တဲ့ နေရာတိုင်းမှာ အနီးအနားက လူတွေကို သတ်ဖြတ်တတ်ကြပေမယ့် ဖြစ်ပျက်ခဲ့တာတွေကို ပြန်ပြောနိုင်ဖို့ လူတစ်ယောက်ကိုတော့ အသက်ချမ်းသာပေးထားတတ်ပါတယ်။ ဒီလိုနဲ့ နာမည်ကြီးလာတဲ့ ရာဇဝတ်စုံတွဲကို မီဒီယာတွေက မြှောက်ပင့်ဖော်ပြကြတဲ့အခါ တစ်နိုင်ငံလုံးကပါ သူတို့ကို ထောက်ခံအားပေးလာကြတယ်။ မစ်ကီနဲ့ မယ်လိုရီအဖြစ် Woody Harrelson နဲ့ Juliette Lewis တို့ သရုပ်ဆောင်ထားပြီး သတင်းထောက် ဝိန်းဂေးလ်အဖြစ် Robert Downey Jr. လည်း ပါဝင်ထားပါတယ်။

Tom Cruise နဲ့ Nicole Kidman တို့ရဲ့ 1992 ခုနစ်မှာ ထွက်ရှိခဲ့တဲ့ romance/drama ဇာတ်လမ်းတစ်ပုဒ်ပါ နှစ်ယောက်လုံးရဲ့ ဇာတ်ကောင်နဲ့ လိုက်ဖက်လှလွန်းတဲ့ အသက်ပါပါ သရုပ်ဆောင်ချက်တွေကို ဒီကားထဲမှာ ခံစားကြည့်ရှုရမှာပါ IMDb rating 6.6 နဲ့ Letterboxd မှာ 3.2 ရထားတဲ့ western film ကောင်းတစ်ခုပါပဲ ၁၈၉၀ ဝန်းကျင်ကာလ အိုင်ယာလန်ပြည်မှာ မြေရှင်တွေဟာ အမြတ်ကြီးစားပြီး မြေငှားခ မတရားတင်တဲ့အတွက် မြေငှားလယ်သမားတွေက အလွန်အမင်း မုန်းတီးစက်ဆုပ်ကြတယ် အဲဒီထဲမှာ လူငယ်လေး ဂျိုးဆက်ဖ်ဒေါ်နယ်လီ လည်း အပါအဝင်ပါပဲ တစ်နေ့ မြေငှားတွေနဲ့ မြေရှင် ရုန်းရင်းဆန်ခတ်ဖြစ်ကြချိန် ဂျိုးဆက်ဖ်ရဲ့ အဖေဟာ သေနတ်မှန်ပြီး ဆုံးသွားခဲ့တယ် သူ့အဖေအတွက် ကလဲ့စားချေဖို့ ဂျိုးဆက်ဖ်ဟာ မြေရှင်ဖြစ်သူ ဒန်နီရယ်ခရစ်စတီ ကို လိုက်ရှာခဲ့တယ် မြေရှင်ရဲ့အိမ်ကိုရောက်တော့ မြေရှင်ရဲ့ သမီးဖြစ်သူ ရှာနွန်ခရစ်စတီ နဲ့ ဆုံခဲ့ပြီး နှစ်ဦးသား အကြောင်းအရင်းကိုယ်စီအတွက် အမေရိကကို ထွက်ပြေးခဲ့ကြတယ် အမေရိကကို ရောက်ချိန်မှာ ကြံစည်ထားသလို မဖြစ်လာဘဲ လောကဓံနဲ့ ကြုံရပြီး သူတို့နှစ်ဦးရဲ့ အိပ်မက်ကို အကောင်အထည်ဖော်ဖို့အတွက် ဘယ်လိုရုန်းကန်ကြမလဲ ဆိုတာကို ရှုစားလိုက်ပါဦးခင်ဗျာ File size…(2.3 GB)/(1.2 GB) Quality….Blu-Ray 1080p / 720p Format… mp4 Duration…. 02:20:00 Genre... Adventure, Drama, Romance, Western Subtitle….Myanmar Subtitle (Hardsub) Encoder….Garfield Translated by Khey Ki

Won 1 Oscar, Another 6 wins & 17 nominations အကောင်းဆုံးဇာတ်ကားတွေထဲက တစ်ကားဖြစ်တဲ့ ဒီဇာတ်ကားဟာတော့ ၁၇ ရာစုက Red Indian လူမျိုးတွေနဲ့ ဗြိတိသျှနယ်ချဲ့တွေအကြောင်းကို အခြေခံပြီး ရိုက်ကူးထားတာပါ။ မင်းသားကြီး Daniel Day‑Lewis ကို မှတ်မှတ်ထင်ထင်ဖြစ်စေခဲ့တဲ့ ဇာတ်ကားဆိုလဲမမှားပါဘူး။ Rating တွေကြည့်တာနဲ့တင် ဘယ်လောက်ကောင်းတဲ့ဇာတ်ကားဆိုတာ အထူးတလည် ညွှန်းပြစရာမလိုတဲ့အတွက် ကိုယ်တိုင်ပဲ ခံစားကြည့်ရှုဖို့ဖိတ်ခေါ်ပါရစေ။ File size…(1.7 GB)/(850 Mb) Quality….Blu-Ray 1080p / 720p Format… mp4 Duration…. 01:52:00 Genre... Action, Adventure, Drama, Romance Subtitle….Myanmar Subtitle (Hardsub) Encoder….Garfield Translated by Myo Min Aung