Jason Segel ပါဝင်သော ဇာတ်ကားများ

Over Your Dead Body (2026) IMDb Rating (7.0) / Rotten Tomatoes (68%) ဒီကားလေးကတော့ ဒါရိုက်တာ Jorma Taccone ရိုက်ကူးထားတဲ့ Action, Comedy နဲ့ Thriller အမျိုးအစား ဇာတ်ကားတစ်ကားပါ။ အဓိက သရုပ်ဆောင်တွေအနေနဲ့ Jason Segel, Samara Weaving, Timothy Olyphant နဲ့ Juliette Lewis တို့က ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်း ဇာတ်လမ်းကတော့ အိမ်ထောင်ရေး အဆင်မပြေဖြစ်နေတဲ့ Dan နဲ့ Lisa တို့ လင်မယားနှစ်ယောက်အကြောင်းပါ။ သူတို့နှစ်ယောက်က ပြတ်လုနီးပါးဖြစ်နေတဲ့ အိမ်ထောင်ရေးကို ပြန်အဆင်ပြေအောင် လုပ်မယ်ဆိုတဲ့ အကြောင်းပြချက်နဲ့ ဝေးလံခေါင်ဖျားတဲ့ တောထဲက အိမ်လေးတစ်လုံးဆီကို အပန်းဖြေခရီး ထွက်လာကြတယ်။ ဒါပေမဲ့ တကယ့်လက်တွေ့မှာတော့ သူတို့နှစ်ယောက်စလုံးက တစ်ယောက်ကိုတစ်ယောက် သတ်ပစ်ဖို့ ကိုယ်စီ လျှို့ဝှက်အစီအစဉ်တွေ အတိအကျဆွဲပြီးမှ ဒီခရီးကို ထွက်လာကြတာ ဖြစ်နေတယ်။ အိမ်ရောက်လို့ နှစ်ယောက်သား အစီအစဉ်တွေ စတင်အကောင်အထည်ဖော်ဖို့ ကြိုးစားတဲ့အချိန်မှာပဲ သူတို့ထက်ပိုဆိုးတဲ့ လူဆိုးဂိုဏ်းတစ်ခုနဲ့ သွားပြီး ပက်ပင်းတိုးပါတော့တယ်။ အဲဒီအချိန်ကစပြီး လင်မယားနှစ်ယောက် အချင်းချင်းသတ်မယ့် အစီအစဉ်တွေ ဖျက်ပြီး အသက်လုဖို့အတွက် ဘယ်လိုတွေ တွဲတိုက်ကြမလဲဆိုတာကို ရယ်ရ၊ ကြမ်းရနဲ့ မြိုင်မြိုင်ဆိုင်ဆိုင် ကြည့်ရမယ့် ကားမျိုးပါ။ ဒီကားက ၂၀၂၁ တုန်းက တော်တော်လေး နာမည်ကြီးခဲ့တဲ့ နော်ဝေ ဇာတ်ကား "The Trip" (I Onde Dager) ကို Hollywood ကနေ အင်္ဂလိပ်လို ပြန်ရိုက်ထားတဲ့ (Remake) ကားပါ။ မူရင်းကားကလည်း တော်တော်လေးကို ကြည့်ကောင်းသလို၊ အခု အသစ်ပြန်ရိုက်တဲ့ ကားမှာလည်း Jason Segel နဲ့ Samara Weaving တို့လို နာမည်ကြီးတွေ ပါတာဆိုတော့ အက်ရှင်ခပ်ကြမ်းကြမ်းနဲ့ သွေးထွက်သံယို အခန်းတွေကြားမှာ ဟာသနှောထားတဲ့ Dark Comedy ကားမျိုး ကြိုက်တယ်ဆိုရင်တော့ အပန်းဖြေကြည့်ဖို့ ကွက်တိပါပဲ။ File size… (5.5 GB) / (1.4 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action,Comedy,Thriller Duration…. 01:45:36 Subtitle…. Myanmar Subtitle (Hardsub)

Shrinking (2023) Season 03 (Complete) ~ IMDb - 8/10, Rotten Tomatoes - 93% ~ လူတစ်​​ယောက်က Negative Vibe လို့​ခေါ်တဲ့ အပူ​တွေ စိတ်​​သောက​တွေကို သိပ်ပြီးများများစားစား ခံနိုင်ရည်မရှိလှပါဘူး။ အ​တော်​လေးခံနိုင်ရည်ရှိတဲ့ ပါရမီထူးတဲ့ လူတွေက​တော့ စိတ်ကုထုံးပညာရှင်​တွေအဖြစ်နဲ့ လာသမျှ လူနာ​သောင်း​ခြောက်​ထောင်ရဲ့ လူမှု​​ရေး စီးပွား​ရေး အချစ်​ရေး စုံစီနဖာရဲ့ သောက​ဗျာပါဒ​တွေကို ဒိုင်ခံနား​ထောင်​​​ပေးပြီး အကြံဉာဏ်​​တွေပေးကြတာ​ပေါ့။ ဒါ​ပေမဲ့ စိတ်​ကုထုံးဆရာတွေလည်း လူ​တွေပဲ​။ သူများ​ထက်ထူးပြီး နဖူးမှာ ချိုတက်​ပေါက်​နေတာမှ မဟုတ်ဘဲ​လေ။ အဲဒီ​တော့ သူတို့မှာလည်း သူများရဲ့အပူဒဏ်ကို ခံနိုင်တဲ့ Limit လေး ရှိတယ်ပဲ ဆိုပါ​စို့။ ဒီ Series က​တော့ အဲဒီ Limit လွန်သွားတဲ့ ကုထုံးဆရာတစ်​ယောက်ရဲ့အ​ကြောင်းပါ။ Shrinking လို့​ခေါ်တဲ့ ဒီ Series က Comedy Drama အမျိုးအစားပါ။ Comedy ဖြစ်​နေလို့ အထင်မ​သေးပါနဲ့။ ဇာတ်လိုက်​ကျော်၂​ယောက်က နာမည်ကျော် Sitcom Series ဖြစ်တဲ့ How I Met Your Mother ထဲက Jason Segel နဲ့ ​မိတ်ဆက်​နေစရာ လိုကိုမလိုတဲ့ မင်းသားကြီး Harrison Ford ပါ။ ၂ပိုင်းထွက်ထားပြီး‌ IMDb က 7.7/10 နဲ့ RT 82% ရှိနေပါပြီ။ ထုတ်ထားတဲ့ Production က Apple TV+ မို့ Quality အပိုင်းကို သိပ်​ပြောစရာ မလို​တော့ပါဘူး။ ဇာတ်လမ်းအကျဉ်းကို ဆက်ကြတာ​ပေါ့... ဂျင်မီဆိုတဲ့လူက စိတ်ကုထုံးပညာရှင်တစ်​ယောက်ပါ။ ကုထုံးဆရာဆိုတာ မှန်​ပေမယ့် အ​ပေါ်မှာ​ပြောခဲ့သလိုပဲ။ လူနာ​တွေရဲ့ မပဋာ​မြေလူးတာထက်ဆိုးတဲ့ ​အပူ​တွေကိုခံနိုင်တဲ့ ခန္တီစပါရမီ Limit ပျက်​နေတဲ့ကုထုံးဆရာပေါ့။ ပျက်ဆိုလည်း သူကိုယ်၌ကိုက မိသားစုရဲ့အပူ​တွေ ရင်ထဲရှိ​နေတာကိုး။ ဒီလိုနဲ့ လူနာ​တွေကို သည်းညည်းမခံနိုင်​တော့တဲ့ ဂျင်မီတစ်​ယောက် ကုထုံးဆရာ​ရဲ့ ကျင့်ဝတ်​နဲ့မညီတဲ့လုပ်ရပ်​တွေ စလုပ်ပါ​တော့တယ်။ ဥပမာ - လူနာတစ်​ယောက်က အိမ်​ထောင်​ရေးအဆင်မ​ပြေဘူးဆိုပါစို့။ ကုထုံးဆရာရဲ့အလုပ်က ပုံမှန်ဆို သူ​ပြောတာနား​ထောင်၊ ​ပြေရာ​​ပြေ​​ကြောင်း​ပြော​ပေး၊ နှစ်ဖက်စလုံးကို ညှိယူဖို့ ပြောပေးရတာပေါ့။ ဒါ​ပေမဲ့ ဇာတ်လိုက်​ကျော်ကြီး ဂျင်မီက​ ရှင်းပါတယ်။ အိမ်​ထောင်​ရေးအဆင်မ​ပြေတဲ့ လင်မယား​တွေဆို ကွာရှင်းခိုင်းတယ်။ စစ်ပွဲကရခဲ့တဲ့ စိတ်ဒဏ်ရာ​တွေ​ကြောင့် ​ဒေါသ​တွေကြီး ရန်​ပွဲ​တွေများနေတဲ့ စစ်ပြန်စစ်သားကို ​ဒေါသထိန်းဖို့ တရားထိုင်ဖို့ သူမတိုက်တွန်းပါဘူး။ MMA လက်​ဝှေ့သမား​တွေနဲ့ ထိုးခိုင်းပါတယ်။ လူနာ​တွေအ​ပေါ် သူရဲ့ကိုင်တွယ်​ဖြေရှင်းပုံက ကျင့်ဝတ်​ရေးရာအရကြည့်လိုက်ရင် အ​တော်လွဲ​မှားနေ​ပေမယ့် ​ထွက်လာတဲ့ရလဒ်​တွေက ​အ​တော်​ ​ကောင်း​နေပြန်​ရော။ လူ​တွေက Process ထက် Outcome ကိုပဲ ​တန်းမြင်ကြတာမလား။ ဒီ​လိုနဲ့ပဲ ကုထုံးဆရာကြီးဂျင်မီအ​နေနဲ့ သူ့ရဲ့နည်းလမ်းအမှား​တွေကိုပဲ သုံးရင်း၊ ရလဒ်​​တွေ​ကောင်း​နေရင်း၊ ထပ်သုံးရင်းနဲ့ သံသရာလည်ကာ အလွဲလွဲအမှားမှားဖြစ်နေပုံ​တွေကို အပြင်​လောကကြီးအ​ပေါ် လက်​တွေ့ကျတဲ့အမြင်နဲ့ တိုက်ကြည့်ရင်း တစိမ့်စိမ့်​တွေး၊ တ​ရေး​ရေး​ပေါ်၊ တခွိခွိရယ်​နေရမယ့် စီးရီး​ကောင်း တစ်ခုပါပဲ။ စုစုပေါင်း ၁၀ ပိုင်းရှိမှာဖြစ်ပြီး အပတ်စဉ်ထွက်ရှိသွားမှာမို့ CM မှ ပုံမှန်တင်​ဆက်​ပေးသွားပါမယ်။ (ဒီစီးရီးကို အညွှန်းရေးသား ဘာသာပြန်ပေးသူကတော့ X ပဲဖြစ်ပါတယ်) Size ~ 500MB+ Total - 10 Episodes Quality – 1080p Duration ~ 35min (@Episode) Subtitle – Myanmar Hardsub Format – Mp4 Genre : Comedy Source : ATVP.Web-dl.1080p Translator – X Encoder – Y Shrinking (2023) Season 02 Shrinking Season 2 ပထမ Season မှာ ကုထုံးဆရာဝန် ဂျင်မီတစ်ယောက် သူ့ဇနီးသည်ဆုံးပါးသွားရတဲ့အတွက် ပူဆွေးမှု အစောပိုင်းအဆင့်တွေကို ဖြတ်ကျော်ခဲ့ပြီးတော့ Season 2 မှာ နောက်ထပ် အဆင့်တွေကို ထပ်ပြီး ကျော်ဖြတ်ရပြန်ပါတယ်။ သမီးဖြစ်သူကိုလည်း ပူဆွေးတဲ့နေရာမှာ ကူညီပေးရင်း သားအဖ ဆက်ဆံရေးကို ပိုခိုင်မာလာဖို့ ဆက်ကြိုးစားနေပါတယ်။ သူတလွဲကုပေးမိတဲ့ လူနာတွေကိုလည်း ပြင်ဆင်ဖို့ ပေါလ်က အကူအညီပေးနေရပါတယ်။ ဆုံးသွားတဲ့ မိန်းမရဲ့ သူငယ်ချင်းအရင်းကြီး ဂတ်ဘီနဲ့ အိပ်နေတာကလည်း ဆက်ဖြစ်နေပြီး ဂတ်ဘီက ဂျင်မီနဲ့မတွေ့ဘဲမနေနိုင်အောင်ဖြစ်နေပါတယ်။ ဘေးအိမ်က စပ်စုတဲ့ အိမ်နီးချင်းမိသားစုကလည်း နေရာတကာ ဝင်ပါနေပါတယ်။ ပေါလ်ရဲ့ အကူအညီနဲ့ ဂျင်မီတစ်ယောက် ကုထုံးဆရာဝန်အနေနဲ့ ပြန်ပြီးရပ်တည်နိုင်အောင် ကြိုးစားနေတာကို တွေ့ရမှာပါ။ ပထမ Season လိုပဲ ထပ်ပြီးရယ်ရဦးမယ်လို့ ညွှန်းထားကြတဲ့သူတွေကတော့ တစ်ပြုံကြီးပါပဲ။ (ဒီစီးရီးကို အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 500MB+ Total - 12 Episodes Quality – 1080p Duration ~ 35min (@Episode) Subtitle – Myanmar Hardsub Format – Mp4 Genre : Comedy, Drama Source : ATVP.Web-dl.1080p Translator – 666 Encoder – Y

ဒီနေ့အတွက် Apple TV+ ကနေပြသသွားတဲ့ Drama, Music, Romance ကားသစ်လေးကိုတင်ဆက်ပေးချင်ပါတယ်။ ပူဆွေးသောကဆိုတာ နေ့တိုင်း တစ်ယောက်ယောက်က တံခါးလာခေါက်ပြီး ပျောက်ကွယ်သွားသလိုပဲ..... ဘဝမှာ ကိုယ်ချစ်ရတဲ့ သူတစ်ယောက်ကို ဆုံးရှုံးရရင် ကမ္ဘာတစ်ခုလုံး ပျက်လုမတတ် ခံစားရပါတယ်....... ဒီဇာတ်ကားထဲမှာလည်း 17 နှစ်အရွယ် ကောင်မလေးတစ်ယောက်၊ သူ့အစ်မ ရုတ်တရက် သေဆုံးသွားပြီးနောက်ပိုင်း သောကရောက်နေတဲ့ လင်နီဆိုတဲ့ ကောင်မလေးတစ်ယောက် အကြောင်းနဲ့ သူမရဲ့ အချစ်ရေးအကြောင်းကို ရိုက်ကူးထားတာပါ။ သူမသိပ်ချစ်ရတဲ့ အစ်မမရှိဘဲ သူမဘဝ ဘယ်လိုရပ်တည်မလဲ သောကရောက်နေတဲ့ သူမဘဝထဲ ကောင်လေး တစ်ယောက်ဝင်လာနိုင်ချိန်မှာတော့ အရင်လို သူမဘဝကို ကောင်းကောင်းမွန်မွန် ဖြတ်သန်း နိုင်မလားဆိုတာ ဆက်လက်ကြည့်ရှူပေးပါဦး...... 2022 ထွက် လူငယ်အကြိုက် ဒရမ်မာဇာတ်ကားလေးမို့ ကြိုက်နှစ်သက်မယ်လို့ မျှော်လင့်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်) File Size - (1.9 GB) /(855 MB) / (572 MB) Quality – WebDL 1080p / 720p/480p Duration - 1h 43mins Subtitle – Myanmar Hardsub Format – MP4 Genre : Drama, Music, Romance Translator – Parris Encoder – SWM

(IMDb 7.3 ) ဇတ်လမ်းအညွှန်း ဘဝမှာ လူတစ်ယောက်တိုင်းဆီက လူပေါင်းစုံနဲ့ ကြုံဖူးကျ နေဖူးကျမှာပါ...အဲ့ထဲမှာမှ ကိုယ်အရမ်းချစ်ရတဲ့မိသားစုတွေရှိကြတယ်...အရမ်းခင်ရတဲ့သူငယ်ချင်းတွေရှိကြတယ်...အဓိကပြောချင်တာကတော့ အရမ်းခင်ရတဲ့သူငယ်ချင်းဆိုတဲ့အကြောင်းလေးပါပဲ... အဲ့လိုသူငယ်ချင်းကို..ညီအစ်ကိုမောင်နှမလို ချစ်ပြီးရင်းနှီးခင်မင်ဖူးကြမှာပါ...အနေဝေးနေရင်တောင်မှ ဘယ်လောက်ရင်းနှီးကြတယ်ဆိုတာ ထုတ်ပြောစရာတောင်မလိုပါဘူး... အဲ့လိုသူငယ်ချင်းတွေထဲမှာမှ အသက်လတ်ပိုင်း လောက်မှာ စတော့ခင်ဖူးခဲ့တယ်...ဒါပေမဲ့ မိသားစုလိုဖြစ်သွားတဲ့ သူငယ်ချင်းတစ်ယောက်အကြောင်းကို ဒီဇာတ်ကားထဲမှာ ဖော်ပြထားပါတယ်... သူ့နာမည်က ဒိန်းတဲ့...ဒိန်းက ပျင်းစရာကောင်းတဲ့စာရင်းကိုင် အလုပ်ကိုလုပ်ပါတယ်...သူ့မှာ ကောင်မလေးလဲရှိတယ်... ဇာတ်ကားရဲ့အစမှာတော့ သူစပြီးပေါင်းဖြစ်သွားတဲ့ သူငယ်ချင်းနှစ်ယောက်ဖြစ်တဲ့ မက် နဲ့ နစ်ကိုးလ်တို့လင်မယားလေးအကြောင်းနဲ့ ပြထားပါတယ်......နစ်ကိုးလ်ဆိုတဲ့မိန်းကလေးက ကဇာတ်မှာသီချင်းဆိုတဲ့အလုပ်လုပ်တယ်...သူ့ယောက်ျားဖြစ်တဲ့ မက်က ဂျာနယ်ဌာနမှာ စာရေးတဲ့အလုပ်လုပ်တယ်...ဒိန်းက နစ်ကိုးလ်ဆိုတဲ့သူငယ်ချင်းမိန်းကလေးကို လူလွတ်ထင်ပြီး ချိန်းတွေ့ဖို့လုပ်ရင်းက ခင်သွားကြတာပါ အဲ့လိုနဲ့ တဖြည်းဖြည်းပေါင်းလာရင်းနဲ့ အချိန်တွေကြာလာတဲ့တစ်ရက်မှာ သူတို့ကြားထဲမှာ မထင်မှတ်တဲ့ ဝမ်းနည်းစရာအဖြစ်ဆိုးကြီးတစ်ခုကို ကြုံလိုက်ရပါတယ်...အဒါကတော့ နစ်ကိုးလ်မှာ ကင်ဆာရှိသွားတာပါပဲ..အဲ့အချိန် သူတို့လင်မယားမှာ သမီးလေး၂ယောက်လည်းရှိနေကြပြီ...ဒီလိုအခြေအနေ တွေ ခက်ခဲသွားပြီဖြစ်တဲ့အချိန်မှာ သူငယ်ချင်းတစ်ယောက်အနေနဲ့ ဒိန်းတစ်ယောက် ဘာတွေလုပ်မလဲ...သူတို့ဒီအခြေအနေကိုဘယ်လိုတွေတူတူကျော်ဖြတ်ကြလဲဆိုတာကို...ကြည့်ရှုမယ့် ရုပ်ရှင်ချစ်သူငယ်ချင်းအပေါင်းတို့ ဆက်လက်ခံစားကြည့်ကြပါဦး.. ဒီဇတ်ကားကိုဘာသာပြန်ပေးသူကတော့ Cynthia ဖြစ်ပါတယ်။ File Size : (1.1 GB, 1.8 GB, 636 MB) Quality : 720p.WEBRip Format…mp4 Duration… 2h 4min Genre :  Drama Subtitle : Myanmar Subtitle (Hard Sub) Translated by Cynthia Encoded by Myoko

Now You See Me, The Social Network, Vivarium စတဲ့ဇာတ်ကားကောင်းတွေ အများကြီးထွက်ထားတဲ့ ကျွန်တော်တို့ရဲ့ DC Universe က Lex Luther တစ်ဖြစ်လဲ မင်းသားချော Jesse Eisenberg နဲ့အတူ How I Met Your Mother ထဲက လူရိုးကြီးမာရှယ်အဖြစ် ပရိတ်သတ်သိထားတဲ့ Jason Segel တို့နှစ်ယောက် အဓိကသရုပ်ဆောင်ထားတဲ့ကားဆိုတော့ ထွေထွေထူးထူး ပြောစရာမလိုဘူးထင်ပါတယ် 1996 ခုနှစ်တုန်းက ဆုတွေတစ်သီကြီးရခဲ့တဲ့ The Infinite Jest ဝတ္ထုရဲ့စာရေးဆရာ David Foster Wallace ကို ဂုဏ်ပြုတဲ့အနေနဲ့ ရိုက်ကူးထားတဲ့ ရုပ်ရှင်တစ်ခုဖြစ်ပါတယ် ဇာတ်လမ်းအကျဉ်းကတော့ ရိုးရိုးရှင်းရှင်းပဲ နာမည်အရမ်းကြီးနေတဲ့ ဝတ္ထုရေးဆရာကို သူ့ရဲ့စာအုပ်မိတ်ဆက်ပွဲလုပ်တဲ့ ငါးရက်တာခရီးစဉ်မှာ စာရေးဆရာပေါက်စ David Lipsky က အင်တာဗျူးလုပ်တဲ့အကြောင်းပါ David Lipsky ကိုယ်တိုင်ကလည်း နာမည်ကြီးစာရေးဆရာတစ်ယောက်ဆိုပေမယ့် ဒီအင်တာဗျူးလုပ်တဲ့အချိန်မှာတော့ စာအုပ်တစ်အုပ်ပဲ ထုတ်ရသေးတဲ့အချိန်ပေါ့ ဒီဇာတ်ကားထဲမှာ အဓိကမြင်တွေ့ရတာက David Foster Wallace တစ်ယောက်ရဲ့ စိတ်နေစိတ်ထား အတွေးအခေါ်နဲ့ အနုပညာကို တန်ဖိုးထားတာတွေပေါ့ David ရဲ့စာအုပ်တွေကို ဖတ်လိုက်လို့ရှိရင် ကိုယ်တိုင် David Foster ဖြစ်သွားတယ်လို့ပြောကြတယ် ဒီဇာတ်ကားမှာလည်း အဲ့လိုခံစားမှုမျိုးကိုပေးနိုင်စွမ်းရှိအောင် ဒါရိုက်တာက အားထုတ်ထားတဲ့ပုံပါပဲ David က သူ့ရဲ့စာပေအနုပညာတွေက ပရိတ်သတ်အတွက် အဆိပ်အတောက်ဖြစ်နေမှာ ဂျင်းဖြစ်နေမှာမျိုးတွေ သိပ်ကြောက်ပါတယ် အဲ့အတွက်ကြောင့်လည်း သူတော်တော်စိတ်ဖိစီးတဲ့ဒါဏ်ကို ခံစားရတယ် ဒါက ကျွန်တော်တို့ဆီက စာရေးဆရာဆိုတဲ့လူတွေ အနုပညာရှင်ဆိုတဲ့လူတွေနဲ့ မတူတဲ့အချက်ပေါ့ စာပေအနုပညာကို ချစ်မြတ်နိုးတယ်ဆိုရင် ဒီဇာတ်ကားက ကြည့်ကိုကြည့်သင့်တဲ့ကားပါ File size…    1.6 GB /  766 MB Quality… BluRay 1080p / 720p Format… mp4 Duration…. 1h 46m Genre ..... Biography / Drama Subtitle…. Myanmar Subtitle (Hard Sub) Encoder…. Thit San Khant Translated by Aries

Sex Tape (2014) မင်းသမီး Cameron Diaz နဲ့ မင်းသား Jason Segel တို့ပါဝင်ပြီး ပွဲကြမ်းထားတဲ့ ဟာသဇာတ်ကားလေးပါ။ ဇာတ်လမ်းကတော့ လင်မယားတွေဖြစ်ကြတဲ့ Jay နဲ့ Annie တို့ဟာ ကလေးတွေမရှိတုန်း ငယ်မူပြန် ပွဲကြမ်းကြတာကို Video ရိုက်ထားမိကြပါတယ်... ဒီ Video ကြီးကို အမှတ်မထင်ဘဲ iPad တွေကို Sync လုပ်မိရာကတစ်ဆင့် Cloud ကနေ တခြားလူတွေဆီ ရောက်သွားပါတော့တယ်။ အစက ဒါကို သတိမထားမိသေးပဲ Jay ဖုန်းကို တစ်စုံတစ်ယောက်က အဲ့ဒါနဲ့ပတ်သတ်ပြီး စာပို့တော့မှ သတိထားမိတာပါ။ ဘယ်သူပို့လည်းတော့ မသိပါဘူး။ ဒါကြောင့် Annie နဲ့ Jay တို့ နှစ်ယောက် iPad ပေးထားတဲ့သူတွေဆီသွားပြီး အဲ့ဒီ ဗီဒီယိုဖိုင်ကို ဖျက်ဖို့ကြိုးစားကြရင်း message ကို ဘယ်သူပို့လည်းဆိုတာ စုံစမ်းပါတော့တယ်။ သူတို့နှစ်ယောက် iPad တွေ ပြန်ယူဖို့ကြိုးစားကြပုံကို ဟာသရောနှောကာ ရိုက်ကူးတင်ဆက်ထားပြီး အဲ့ဒီ စာပို့သူဟာ သူတို့ မထင်ထားတဲ့သူတစ်ယောက်ဖြစ်ပြီး ဘယ်လိုတွေဖြစ်ပျက်မလည်းဆိုတာကို ရယ်ကာမောကာကြည့်ကြရမှာပါ။ (R Rated ဇာတ်ကားမလို့ မိသားစုနဲ့ကြည့်ဖို့တော့ အဆင်မပြေလောက်ပါဘူး။) File size…(1.9 GB )/(930 MB) Quality…BluRay Remux 1080p HEVC / 720p Format…mkv/mp4 Duration….01:35:00 Subtitle….Myanmar Subtitle (Hardsub) Encoder….Ka Naung

IMDb 6.6 ရရှိထားတဲ့ဇာတ်ကားလေးဖြစ်ပြီး Dark Comedy/ Horror ကားပရိတ်သတ်တွေအတွက်ရည်ရွယ်ပါတယ် ဇာတ်ကားနာမည်နဲ့လိုက်ဖက်စွာပဲ ကမ္ဘာပျက်တဲ့အကြောင်းကိုရိုက်ကူးထားတာပါ ထူးခြားတာက တစ်ကားလုံးသရုပ်ဆောင်တွေဟာ သူတို့ရဲ့ နာမည်အရင်းတွေ career အစစ်တွေအဖြစ်ပါဝင်သရုပ်ဆောင်ထားတာပါပဲ Harry Potter မင်းသမီးလေး Emma Watson ရော Rihanna ရော ဧည့်သည်သရုပ်ဆောင်အဖြစ်ပါဝင်ထားပါတယ် ဇာတ်လမ်းအကျဉ်းလေးကတော့ နာမည်ကျော်မင်းသား James Franco ကသူ့ LA ကအိမ်သစ်ကြီးမှ အိမ်သစ်တက်ပွဲပါတီကျင်းပပါတယ် နာမည်ကျော်တို့ရဲ့ထုံးစံအတိုင်း ခမ်းခမ်းနားနားပါပဲ တခြားနာမည်ကြီးသရုပ်ဆောင်တွေအဆိုတော်တွေလည်း လာကြတာပေါ့ အဲ့အချိန်မှာမှ ကောင်းကင်ပေါ်ကအပြာရောင်အလင်းတန်းတွေ ကျလာပြီး လူတွေကိုခေါ်သွားတဲ့အခါမှာတော့... Translated & Review By May Myat Thu Encoded By LK

This is 40 ကိုတင့်တို့ ၄၀ အရွယ် လင်မယားတွေ ကြာလာရင် မမြင်ရလေ ကောင်း လေဆိုတာကို မြင်ဖူးကြမှာပါ တစ်ယောက် နဲ့ တစ်ယောက် သေးသေးလေးကအစ ဝေဖန် အပြစ်တင် ပြောဆိုပြီး တကျီကျီ ရန်ဖြစ်ကြရင်း ထို့အတူ ပိထ် ဆိုတဲ့   Paul Rudd က သီချင်းကုမ္ပဏီထောင်ထားသူ တစ်ဦး ဖြစ်ပြီး ခေတ် နောက်ကျ ကျန်ခဲ့ပြီဖြစ်တဲ့ သူ့ကုမ္ပဏီရဲ့ အဆိုကျော် ဂရေဟမ်ရဲ့ တေးသီချင်းတွေကို ပေါက်အောင် ကြိုးစားရင်း ရုန်းကန်နေသူ တစ်ဦးပါ။ တစ်ဖန် သူ့ မိန်းမ ဒက်ဘီကတော့ အထည်ဆိုင်ဖွင့်ထားသူ တစ်ဦးပါ။ သူတို့က ၄၀ ပြည့် ဘဝရဲ့ အချိုးအကွေ့ တစ်စိတ်တစ်ပိုင်းမှာ ဘဝ တိုးတက် ကောင်းမွန် ရေးအတွက် ပြုပြင်ဖို့ကြိုးစား နေကြပါတယ်။ သို့ပေမဲ့ သူတို့ရဲ့ အဖြစ်က ကသီနိုင်ပြီးတော့ ကပ်သီးကပ်သပ် ဖြစ်နေပါရော။ ပိထ်မှာ မိဘစရိတ် မနားတမ်း‌ တောင်းဆိုတတ်တဲ့ အဖေ တစ်ဦးရှိပြီး သူ့မှာကလည်း နောက်အိမ်ထောင်အပြင် အမြွှာကလေး သုံးယောက်နဲ့ပါ။ ဒက်ဘီမှာကျ ၁၅ နှစ်လုံး ပျောက်နေပြီး ၇ နှစ်မှ တစ်ခါပေါ်လာတတ်တဲ့ အဖေရှိ ပါတယ်။ အဲ့တာအပြင် အပျိုဖော်ဝင်စ သွေးသားပြောင်းလို့ ဒေါသ အမြဲတမ်းထွက်နေတဲ့ သမီးရယ်နဲ့ သူ့ညီမလေးရယ် ဘဝက ကကြိုးစုံနေပါတယ်။ ပိထ်ရဲ့ ကုမ္ပဏီဟာ ဒေဝါလီခံရမလို ဖြစ်နေပြီး အိမ်ရဲ့အကြွေးတွေကိုလည်း မဆပ်နိုင် တစ်ဖက်က အဖေဆီလည်း မိန်းမ မသိအောင် ခိုးထောက်ပံ့ရင်း ဗျာများ နေပါတယ်။ ကောင်းမွန်တဲ့ ဘဝဆီကို လျှောက်လှမ်းကြမယ်လို့ စိတ်ပိုင်းဖြတ်ထားတဲ့ သူတို့လင်မယား နှစ်ဦးဆီ ပြဿနာတွေ ချည်မျှင်တန်းသလို တစ်သီ ချင်းဝင်လာပါတယ်။ ပြဿနာတွေ ‌ကို ရင်ဆိုင်ရင်း ရှည်ကြာတဲ့ အိမ်ထောင်သက်ကို ဘယ်လိုကိုင်တွယ်ကြပုံကို ငိုတစ်လှည့် ရယ်တစ်လှည့် ဟာသနှောရင်း တွေ့မြင်ရမှာပါ။ သရုပ်ဆောင်တွေ အနေနဲ့ကတော့ ပရိသတ်တိုင်း မျက်နှာမစိမ်းတဲ့ Ant-Man မင်းသား Paul Rudd က ပိထ်နေရာက ပါဝင် သရုပ်ဆောင်ထားပြီး Lesile Mann ၊ Maude Apatow ၊ Iris Apatow ဒါရိုက်တာရဲ့ မိန်းမ ၊ သမီးကြီး ၊ သမီးငယ် သုံးယောက်လုံး မြိုင်မြိုင်ဆိုင်ဆိုင် ပါဝင်ထားတာကို တွေ့ရမှာပါ။ Euphoria ဖန်တွေ အနေနဲ့လည်း Lexi လေးရဲ့ ငယ်စဉ်တည်းက မခေတဲ့ သရုပ်ဆောင်ချက်တွေကို ကြည့်ရှုခွင့် ရကြမှာပါ။ ရှေ့တစ်ကား Knocked up မှာတုန်းကလည်း အောင်မြင်ခဲ့တဲ့ Director Judd Apatow ရဲ့ နောက်ဆက်တွဲ အောင်မြင်တဲ့ဇာတ်ကား ဆိုလည်း မမှားပါဘူး။ John Lithgow ၊ Melissa McCarthy ၊ Jason Segel တို့လည်းပါဝင်ထားပြီး ဂီတ ဘုရင် Billie Joe Armstrong ပါ ပါဝင်ထားတဲ့ သရုပ်ဆောင်မြိုင် ဇာတ်လမ်းပိုင်တဲ့ကားပါပဲ။ ဂေါင်းကြီးတို့အနေနဲ့ ဘောနပ်စ်ကတော့ Megan Fox ရဲ့ ရင်ဖိုစရာ အခန်းတွေ လှိုင်လှိုင်နဲ့မို့ ဘာမှမ ပြောတော့ဘဲ ဇာတ်လမ်းကိုသာ ကြည့်ဖို့ ညွှန်းလိုက်ပါတယ်။ File size…    2.1 GB /    1 GB Quality… BluRay 1080p / 720p Format… mp4 Duration…. 2h 14m Genre .....  Drama, Comedy Subtitle…. Myanmar Subtitle (Hard Sub) Encoder…. Thit San Khant Translated by Nwe Hnin Thazin

မားပက်ထ်ဆိုတာက ငယ်ငယ်က‌ကလေးတိုင်းရဲ့အကြိုက်ဆုံး တီဗီရှိုးတစ်ခုဖြစ်ခဲ့ပြီး မားပက်ထ် character တွေဟာလည်း အားလုံးရဲ့အချစ်ခံတွေ ဖြစ်ခဲ့တာပေါ့။ ဒါပေမဲ့လည်း ကမ္ဘာကြီးက တိုးတက်ပြောင်းလဲလာတာနဲ့အမျှ ပိုကောင်းပြီးလူကြိုက်များတဲ့ တီဗီရှိူးတွေက အစားထိုးဝင်ရောက်လာခဲ့ပြီး မားပက်ထ်ရှိုးကတော့ အပိုင်းသစ်ရိုက်ကူးခြင်းလည်းမရှိတော့သလို မားပက်ထ်ဇာတ်ကောင်တွေကိုယ်တိုင်လည်း တကွဲတပြားစီနဲ့ တိမ်မြုပ်ပျောက်ကွယ်ကုန်ကြပါတယ်။ မားပက်ထ်စတူရီယိုကိုယ်တိုင်တောင် ပရိသတ်တွေအတွက် အလည်အပတ်နေရာတစ်ခုအဖြစ်ပဲ ကျန်ရှိပါတော့တယ်။ ဝေါလ်တာကတော့ စမောတောင်းလို့ခေါ်တဲ့ မြို့ငယ်လေး‌တစ်မြို့က ကောင်လေးတစ်ယောက်ဖြစ်ပြီး မားပက်ထ်ကိုအရူးအမူးစွဲလမ်းသူပါ။ ဒီလိုနဲ့တစ်ရက်မှာတော့ ဝေါ်လ်တာရယ်၊ သူ့အစ်ကိုဂယ်ရီနဲ့ မယ်ရီတို့ဟာ အလည်အပတ်ခရီးထွက်ရင်း မားပက်ထ်စတူရီယိုကို ရောက်လာကြပါတယ်။ ဒီမှာတင်ထင်မှတ်မထားဘဲ ဆိုးဝါးတဲ့ရေနံလုပ်ငန်းရှင်တစ်ယောက်ရဲ့ စတူရီယိုကိုဖြိုချပြီး ရေနံတူးမဲ့အစီအစဉ်ကို ကြားခဲ့ရပါတယ်။ မားပက်ထ်တွေအနေနဲ့ကလည်း ပိုင်ဆိုင်မှုလွဲအပ်ကြောင်းစာချုပ်က ချုပ်ဆိုပြီးသားဖြစ်နေပြီး စာချုပ်ဖျက်သိမ်းဖို့ တစ်ခုတည်းသောနည်းလမ်းက ဒေါ်လာ (၁၀) မီလီယံလျော်ဖို့ပါပဲ။ ဒီလိုနဲ့သုံးယောက်သားဟာ မားပက်ထ်ကိုပြန်ကယ်တင်ဖို့ရည်ရွယ်ချက်နဲ့ တကွဲတပြားစီဖြစ်နေတဲ့ မားပက်ထ်တွေကို လိုက်လံစုစည်းပါတော့တယ်။ The Muppets ဇာတ်ကားဟာ 2011 တုန်းကထွက်ရှိခဲ့တဲ့ ဇာတ်ကားတစ်ကားဖြစ်ပြီး Musical ကားတစ်ကားဖြစ်ပေမဲ့ ပျင်းစရာကောင်းလောက်အောင် သီချင်းတွေဆိုနေတာမျိုးမဟုတ်ဘဲ comedy ဆန်ဆန်နဲ့ ကြည့်ရှုသူကိုဆွဲခေါ်သွားပြီး IMDB rating 7.1 အထိရရှိထားတာမို့ အားလပ်ရက်မှာ အပန်းဖြေရင်းကြည့်သင့်တဲ့ ဇာတ်ကားကောင်းတစ်ကားပါပဲ File size…(1.2 GB) Quality….Webrip 720p Format…mp4 Duration….01:43:00 Genre...Music, Comedy Subtitle….Myanmar Subtitle (Hardsub) Encoder….Mr. Anderson Translated by Mariposa

Friends with Benefits (2011) IMDb Rating (6.5) / Rotten Tomatoes (69 %) မင်းသားကတော့ နာမည်ကျော် အဆိုတော် ဂျက်စတင်တင်းဘားလိတ် (Justin Timberlake)... မင်းသမီးက နာမည်ကြီးမော်ဒယ်သရုပ်ဆောင် မီလာကူးနစ် (Mila Kunis )... ဒါ့အပြင် Emma Stone တို့ Woody Harrelson တို့လဲ အားဖြည့်ပါဝင်ထားပါသေးတယ်... ဂျက်စတင်က ဒီထဲမှာ Designer... မင်းသမီးက Company Agent... သူတို့နှစ်ယောက်စလုံးက အချစ်ရေးမှာ မျှော်လင့်ချက်တွေအကြီးကြီး ထားမိပြီး အဲ့ဒီ့မျှော်လင့်ချက်တွေ အလွယ်တကူကွဲအက်သွားတာကြောင့် မချိမဆန့်ခံစားနေရတဲ့ အချစ်နာနေသူတွေပါ။ တစ်နေ့မှာ သူတို့နှစ်ယောက် အလုပ်ကိစ္စတစ်ခုကြောင့် ထိပ်တိုက်တွေ့ဆုံ ခင်မင်လာရာကနေ.... အချစ်ဆိုရင် ကြောက်နေမိတဲ့ သူတို့နှစ်ယောက်  အချစ်မပါတဲ့ တွယ်ညှိမှုတွေကို တည်ဆောက်ကြပါတော့တယ်... ဒါကတော့...Friends with Benefits (အကျိုးအမြတ်သူငယ်ချင်းတွေ) ဆိုတဲ့အတိုင်း တစ်ယောက်ကိုတစ်ယောက် Just Sex ယုံကလွဲပြီး သူငယ်ချင်းလိုပဲ နေကြတာပါ။ သူငယ်ချင်းဘဝနဲ့ Just Sex ယုံကလွဲပြီး ကျန်တာ ဘာအကန့်မှမရှိဘူးဆိုတဲ့ FWB Relationship ကြီးနဲ့ သူတို့နှစ်ယောက် တယောက်ကိုတယောက်ဘယ်လောက်ထိ ယုံကြည်စိတ်ချပြီး ဘယ်လိုအဆုံးသတ်သွားမလဲဆိုတာ....။ အဖော်အချွတ်ခန်းတချို့နဲ့ ဂျက်စတင်တင်းဘားလိတ်ရော မီလာကူးနစ်ရော အမြင်မတော်အောင် အရမ်း Good နေလို့ မိသားစုနဲ့တော့ ကြည့်လို့မသင့်တော်ပါဘူးနော်။ File size…(7.8 GB)/ (2 GB )/(1 GB) Quality…BluRay 4K HEVC/1080p HEVC / 720p Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Ka Naung Translated by KoYe

Title ကိုက Bad Teacher ဆရာမအဆိုးလေးတဲ့။ Poster ပေါ်မှာလဲ  Eat me ငါ့ကိုစားပါတွေရော.. She doesn't give an "F." တွေရောနဲ့  R-Rated ဇာတ်ကားလေးပါ။ မင်းသမီးက ကင်မရွန်းဒိုင်ယာ့ဇ်..သူ့စတိုင်နဲ့ ဆရာမအဆိုးလေးဆိုတော့ ကွက်တိပေါ့... မင်းသားက အဆိုတော် ဂျက်စတင်တင်းဘားလိတ်...အူကြောင်ကြောင်နဲ့လိုက်တယ်.. မင်းသားကြီး Jason Segel လဲပါသေးတယ်...သူကတော့အတည်ပေါက်နဲ့နောက်တတ်သူပေါ့။ ဇာတ်လမ်းလေးကတော့ ... ဆရာမလေး ကင်မရွန်းဒိုင်ယာ့ဇ်ဟာ အပျင်းလဲထူသလို အရည်အချင်းလဲမရှိတဲ့အပြင် ခြူစားဖို့ကြံစည်ပြီး စေ့စပ်ထားတဲ့ သူဌေးသားလေးရဲ့ စွန့်ပစ်ခြင်းကိုပါခံလိုက်ရသူပါ... ဒါနဲ့ဘူနေတုန်းမှာပဲ...သူ့လိုပူပူနွေးနွေးလမ်းခွဲထားတဲ့ ကျောင်းဆရာ ဂျက်စတင်တင်းဘားလိတ်နဲ့ဆုံပြီး ဆွဲစားဖို့ထပ်ကြံပြန်တယ်...ပုရိသတစ်ယောက်ကိုဆွဲဆောင်ဖို့မှာ နို့ပြားရင် အဆင်မပြေဘူးဆိုပြီး ရင်သားအစားထိုးကုသဖို့ကြံစည်ရာကနေ ဘာတွေဆက်ဖြစ်ကြမလဲဆိုတာ....။ File size…(1.7 GB)/ (999 MB)/ (500 MB) Quality…BluRay Unrated 1080p /720p / 480p Format…mkv Duration….01:37:00 Subtitle….Myanmar Subtitle (Hardsub) Encoder….Nyeinsaeya Aung Translated by Nay Lin Thar

ဒီနေ့ ဘာဇာတ်ကားအသစ်ထွက်လဲ လျောက်မွေရင်းနဲ့ Despicable Me 2 အဆက်ဖြစ်တဲ့ Minion Short Film ၃ကား တွေ့လို့ ဆွဲကြည့်တာ တော်တော်လေးကို ကောင်းပါတယ်။ ရယ်လဲ ရယ်ရတာမို့ CMက အမျိုးတွေလဲ ကြိုက်ကြမယ်ထင်လို့ တင်ပေးလိုက်ပါတယ်။ ၂၀၁၅တောင်မှ ဒီနေ့မှ ထွက်တာမို့ စာတန်းထိုးဖိုင်တော့ မရသေးပါ။ ကျွန်တော်အတွက်ကတော့ ဘာစာတန်းထိုးမှ မပါလဲ Minionsတွေရဲ့ ချစ်စရာကောင်းပုံနဲ့တင်ကို ကြည့်ရတာ တန်လွန်းပါတယ်။ Minions (2015) အကြည်မထွက်သေးခင်တော့ ဒါလေးနဲ့ အပန်းဖြေထားလိုက်ကြပါဦး။ Quality  : 4K HEVC BluRay, 1080P , 720P Format…mkv/mp4 Subtitle….Myanmar Subtitle (Hardsub) Duration: 01:34:40 Encoder: TSK

Forgetting Sarah Marshall (2008) ဟာ ရိုးရိုးရှင်းရှင်းနဲ့ ရယ်ရတဲ့ Comedy ကားလေးဖြစ်ပေမဲ့ တကယ်တမ်း ကြည့်လိုက်တဲ့အခါမှာတော့ လမ်းခွဲပြတ်စဲခြင်းရဲ့ နာကျင်မှုကို တကယ်ထိထိမိမိ ခံစားရစေမယ့် ဇာတ်ကားကောင်းတစ်ကားပါ။ ဇာတ်လမ်းကတော့ ဂီတပညာရှင် Peter (Jason Segel) တစ်ယောက် သူ့ရဲ့ ချစ်သူ မင်းသမီးချောလေး Sarah Marshall (Kristen Bell) နဲ့ လမ်းခွဲလိုက်ရတာကနေ စတင်ပါတယ်။ အသည်းကွဲပြီး ကျန်ရစ်ခဲ့တဲ့ Peter ဟာ စိတ်ပြေလက်ပျောက်ဖြစ်အောင် Hawaii ကျွန်းကို အပန်းဖြေခရီးထွက်ခဲ့ပေမဲ့ ကံဆိုးချင်တော့ သူတည်းခိုတဲ့ Hotel မှာပဲ Sarah နဲ့ သူမရဲ့ ချစ်သူအသစ် Rock အဆိုတော်ကြီးတို့နဲ့ သွားတိုးပါတော့တယ်။ဒီကားက တစ်ချိန်လုံး ရယ်နေရသလို တစ်ဖက်မှာလည်း အသည်းကွဲနေတဲ့ လူတစ်ယောက်ရဲ့ ခံစားချက်ကို သရော်ပြီး ပြသွားတာ တော်တော်လေး ကောင်းပါတယ်။ Jason Segel ရဲ့ အူကြောင်ကြောင် နိုင်လှတဲ့ သရုပ်ဆောင်မှုအပြင်၊ Hotel ဧည့်ကြိုမလေးအဖြစ် သရုပ်ဆောင်တဲ့ Mila Kunis ကလည်း အရမ်းကို ချစ်ဖို့ကောင်းသလို၊ Russell Brand ရဲ့ ဗရုတ်သုတ်ခ ဇာတ်ကောင်ကလည်း ဇာတ်လမ်းကို ပိုကြွစေပါတယ်။ အတိတ်က လူတစ်ယောက်ကို မေ့ပစ်ဖို့ ကြိုးစားတာထက် ကိုယ့်ကိုယ်ကို ပြန်ရှာဖွေဖို့က ပိုအရေးကြီးတယ်ဆိုတဲ့ point လေးကို လှလှပပ တင်ဆက်ထားပါတယ်။ "Forgetting Sarah Marshall ဟာ အသည်းကွဲနေတဲ့သူတွေအတွက် ဆေးတစ်ခွက်ဖြစ်သလို၊ ဘဝကို ပေါ့ပေါ့ပါးပါးနဲ့ ပြန်စချင်သူတွေအတွက် ခွန်အားပေးမယ့် ဇာတ်ကားမျိုးပါ။" File size…2.4 GB /1.05 GB Quality… Blu - Ray 1080p / 720p Format… mp4 Duration…. 1h 51m Genre ..... Comedy , Drama Subtitle…. Myanmar Subtitle (Hard Sub)

IMDb 6.9 Rotten Tomatoes 89% Comedy ဇာတ်ကားတစ်ကား ဒီလောက် Rating မြင့်မားနေရင် မှတ်ထားလိုက်ပါတော့...ရှယ်ကောင်းလို့ပါပဲ။ မင်းသား Seth Rogen ,Paul Rudd,Jonah Hill,Jay Baruchel တို့လို ဟာသသရုပ်ဆောင်တွေမြိုင်ဆိုင်သလို မင်းသမီး Katherine Heigl,Leslie Mann တို့ဆိုတာကလဲ ဒီလိုဇာတ်ကားနဲ့ သိပ်လိုက်ဖက်လှတာပေါ့။ ဇာတ်လမ်းကလဲ R Rated ဆိုတဲ့အတိုင်း တကယ့်ဗရုတ်သုတ်ခပါပဲ... မူးမူးရူးရူးနဲ့ ဖြစ်မိတဲ့ တစ်ညတာ one night stand က မထင်မှတ်ဘဲ ကိုးလလွယ်ဆယ်လအထိကြာ‌အောင်ခံရမယ့် ဒုက္ခအဖြစ်သို့ ပြောင်းလဲသွားသောအခါ..... အယ်လီဆင် စကော့ ဟာ ရုပ်မြင်သံကြားဌာနတစ်ခုမှာ အလုပ်လုပ်နေတဲ့ ရည်မှန်းချက်ကြီးကြီး အိပ်မက်လှလှလေးတွေမက်နေတဲ့ မိန်းမပျိုလေးပါ ။ တစ်နေ့မှာတော့ အထက်လူကြီးတွေက သူ့ကို ရာထူးတိုးပေးလိုက်တော့ ပျော်လွန်းလို့ သူ့အစ်မ ဒက်ဘီ နဲ့အတူ ကလပ်တစ်ခုမှာ သွားပြီး အောင်ပွဲခံပါတော့တယ်။ အဲဒီမှာ ဘန် ဆိုတဲ့ကောင်လေးနဲ့ ဆုံမိကြပါတယ်။ ဘန် ကတော့ ဆေးခြောက်ပုံမှန်သုံးစွဲလေ့ရှိတဲ့ သူငယ်ချင်းတစ်စုနဲ့ အတူနေတဲ့ ငပျင်းတစ်ကောင်ပါပဲ။ တကယ်ဆိုရင် သူက အမေရိကန်မဟုတ်ဘူး။ ကနေဒါကနေ တရားမဝင် လာနေနေတာ။ တရားမဝင်နေတော့ အခွန်ဆောင်စရာမလိုတော့ဘူးပေါ့ဗျာ တဲ့။ ဆောင်ရအောင်လည်း သူ့မှာ ပိုက်ဆံမှမရှိဘဲ။ သူ ကျောင်းသားဘဝတုန်းက စာပို့ကားတက်ကြိတ်တာခံရလို့ အစိုးရက သူ့ကို လျော်ကြေး ဒေါ်လာ တစ်သောင်းလေးထောင် ပေးဖူးသတဲ့။ဘာမှမလုပ်ဘဲ အဲဒါကိုထိုင်စားလာတာ ဆယ်နှစ်ကျော်ပြီတဲ့။ ခုတောင် လက်ထဲ ဒေါ်လာကိုးရာလောက် ကျန်သေးတယ်ဆိုပဲ။ သူက ဆေးခြောက်နဲ့ စပါဂက်တီခေါက်ဆွဲဖိုးလောက်ပဲ ကုန်စရာရှိတာကိုး။ သူ့ဘော်ဒါတွေကလည်း သူနဲ့ထူးမခြားနားပါပဲ။ ဒီလောက်ဆိုရင် အယ်လီဆင် နဲ့ ဘန် တို့ဟာ ဘယ်လောက်ခြားနားတဲ့ အနေအထားရှိတယ်ဆိုတာ သိသာပါတယ်။ ဒါပေမဲ့ ဆန်းကြယ်တဲ့ကံတရားနဲ့ ဆန်းကြယ်သောစိတ်ကူးရှိသူ ဇာတ်ညွှန်းရေးဆရာကြီးတို့ရဲ့အလိုအရ သူတို့နှစ်ယောက် ဆုံဖြစ်အောင်ဆုံမိသွားကြပါတယ်။ သို့သော်လည်း one night stand က one nightနဲ့ ရပ်လို့မရဘဲ long-standingကိစ္စ ဖြစ်လာတဲ့အခါ နှစ်ယောက်လုံး တိုင်တွေပတ်ကုန်ကြပါတော့တယ်။ ဒီဇာတ်ကားမှာ နာမည်ကျော်ဟာသသရုပ်ဆောင်တွေ တပြုံကြီးပါဝင်ထားသလို ဧည့်သည်သရုပ်ဆောင် နာမည်ကျော်များကလည်း မထင်မှတ်တဲ့နေရာတွေကနေ အကွက်စေ့စေ့ ပါဝင်သရုပ်ဆောင်ထားကြပါတယ်။ Ratingကောင်းတွေ ရရှိခဲ့သလို ဝင်ငွေအရလည်း ဘတ်ဂျက် 25 millionsမှာ ဝင်ငွေ 219 millionsရရှိခဲ့တဲ့အတွက် စီးပွားရေးအရပါ အောင်မြင်တဲ့ကား ဖြစ်ခဲ့ပါတယ်။ ဒီဇာတ်ကားထဲမှာ ဇာတ်ကောင်တွေပြောတဲ့ ပြောစကားတွေထဲမှာ အမေရိကန်တွေ အနောက်တိုင်းသားတွေသာ ချက်ချင်းနားလည်မယ့် စကားလုံး၊စကားရပ်တွေ အသုံးအနှုန်းတွေအများအပြားပါဝင်နေပါတယ် ။ အထူးသဖြင့်တော့ Hollywood movie quotesတွေပေါ့။ သူတို့ပြောစကားထဲက နာမည်တွေလိုက်ပြီး Googlingလုပ်ရင်တောင် ဗဟုသုတ အတော်ပွားနိုင်စရာ ရှိပါတယ်။ ဇာတ်လမ်းကလည်း ရယ်ရရုံ ပျော်ရရုံသက်သက် မကဘဲ အိမ်ထောင်ရေးပဋိပက္ခတွေဖြစ်ရတဲ့ ဇစ်မြစ်၊ ကိုယ့်အတ္တနဲ့ တဖက်သားကို ဇွတ်ပြောင်းလဲလာအောင် ဖိအားပေးတတ်တဲ့စိတ်မျိုးတွေ ၊ တာဝန်ယူမှု တာဝန်ခံမှုဆိုတာ ဘယ်လောက်အရေးကြီးသလဲဆိုတာတွေကို သင်ခန်းစာယူနိုင်ကြပါလိမ့်မယ်။ ကြည့်ရှုခံစားပျော်ရွှင်နိုင်ကြပါစေ။ Unrated Version နဲ့တင်ဆက်ထားတာမို့ တချို့အခန်းတွေမှာတော့ မိသားစုနဲ့ကြည့်ဖို့သင့်တော်မှာမဟုတ်ပါဘူး။ (ရုပ်ရှင်အညွှန်းနဲ့ဘာသာပြန်ကို Thaman Myint မှ တင်ဆက်ထားပါတယ်။) File size…(2.6 GB)/(1 GB) Quality….BluRay Unrated 1080p / 720p Format…mkv Duration….02:12:57 Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint

မြို့ငယ်လေးတစ်မြို့က ဘာသာတရားကိုင်းရှိုင်းတဲ့ မိသားစုမှာ ကြီးပြင်းလာတဲ့ JB က ရော့ခ်ဂီတကို အရမ်းဝါသနာပါတယ်။ မိသားစုရဲ့ အစဉ်အလာနဲ့ ဆန့်ကျင်နေပေမယ့် ရော့ခ်ဂီတသမား ဖြစ်ချင်တဲ့စိတ်ကို မလျှော့ဘူး။ သူနေတဲ့ပတ်ဝန်းကျင်မှာ ဒီအိပ်မက်ကို အကောင်အထည်ဖော်ဖို့ မဖြစ်နိုင်ဘူးလို့ ယူဆပြီး အဆိုတော် Dio ရဲ့ လမ်းညွှန်မှုနဲ့ အိမ်ကထွက်လာရာက ဟောလိဝုဒ်ကို ရောက်သွားပါတယ်။ ဟောလိဝုဒ်မှာ လမ်းဘေးဖျော်ဖြေသူ KG နဲ့ တွေ့တော့ သူ့ရဲ့ ဂစ်တာလက်သံကို သဘောကျသွားတယ်။ ရော့ခ်ဂီတသမားကောင်းတစ်ယောက် ဖြစ်ချင်တဲ့ JB က KG ဆီမှာ တပည့်ခံပြီး သူပေးတဲ့ သင်ခန်းစာတွေနဲ့ စတင်လေ့ကျင့်ပါတယ်။ အောင်မြင်နေတဲ့ ရော့ခ်ဂီတသမားတွေကို လေ့လာရင်း သူတို့သုံးနေတဲ့ ဂစ်တာခတ်ပြားက တစ်မျိုးတည်းဖြစ်နေကြောင်းလည်း သိသွားကြတယ်။ ဒါနဲ့ သူတို့ရဲ့ သီချင်းတွေ ဂန္ထဝင်မြောက်လာဖို့ နတ်ဆိုးဂစ်တာခတ်ပြားကို ရအောင် လိုက်ရှာကြတော့တယ်။ ဒီခတ်ပြားကို ရှာတွေ့ရင် သူတို့မျှော်လင့်သလို အောင်မြင်လာမလား၊ ဆရာတင်ထားတဲ့ KG ရဲ့ သရုပ်မှန်ကရော ဘာဖြစ်မလဲဆိုတဲ့ မေးခွန်းတွေကြားမှာ ရော့ခ်သီချင်းတွေနဲ့ ဟာသတွေ ရောနှောထားပါတယ်။ ဂျက်ဘလက်ခ်နဲ့ ကိုင်းဂတ်စ်တို့က လက်တွေ့မှာလည်း Tenacious D ဆိုတဲ့ ရော့ခ်အဖွဲ့ကို ဖွဲ့ထားကြပြီး ကိုယ်တိုင်သီချင်းရေး၊ တီးခတ်၊ သီဆိုသူတွေပါ။ ဒီဇာတ်ကားကတော့ ဆဲဆိုမှုနဲ့ ရိုင်းစိုင်းတဲ့အကြောင်းအရာတွေ ပါဝင်တဲ့ R-rated ဂီတဟာသကား ဖြစ်ပါတယ်။

How I Met Your Mother (2005-2014) အခုတစ်ခါ တင်ဆက်ပေးမယ့် စီးရီးလေးကတော့ Sit-com လောကမှာ အကောင်းဆုံးစာရင်းဝင်တွေထဲက တစ်ခုဖြစ်တဲ့ How I met yor mother ဆိုတဲ့ စီးရီးလေးပါပဲ။ ခေါင်းစဉ်မှာပါတဲ့အတိုင်း ဒီစီးရီးက သူတို့အမေနဲ့ဆုံတွေ့ခဲ့ပုံကို ကလေးတွေကို အဖေကပြောပြနေတဲ့ပုံနဲ့ တင်ဆက်ထားတာပါပဲ။ ဒီစီးရီးက Rating လည်း လန်ပြန်ထွက်နေတဲ့အပြင်ကို ရုပ်ရှင်ပွဲတော်များစွာမှာ ဆုပေါင်း ၂၉ ခု အနိုင်ရထားပြီး ၁၀၂ ဆုအထိ ဆန်ကာတင်စာရင်းလည်း ပါထားပါသေးတယ်။ ပါဝင်တဲ့ဇာတ်ကောင်တွေကတော့ ငါးယောက်ဖြစ်ပြီး... မာရှယ်နဲ့လီလီတို့စုံတွဲရယ် တက်ဒ်..ရော်ဘင် နဲ့ ဒီစီးရီးကိုအဓိကဆွဲဆောင်မှုရှိစေတဲ့ ဘာနီတို့ပါပဲ။ မတူကွဲပြားတဲ့ဇာတ်ကောင်စရိုက်တွေနဲ့ နယူးယောက်မြို့ကြီးအလယ်မှာ ဇာတ်လမ်းအစုံ ပြသနာပေါင်းစုံကို နေ့စဉ်ရင်ဆိုင်ဖြတ်သန်းကြရင်းနဲ့ Sit-com ဇာတ်လမ်းတို့ထုံးစံ ရယ်ရယ်မောမောနဲ့ရှေ့ဆက်သွားပြီး တစ်ခါတစ်လေမှာလည်း မျက်ရည်စို့စရာ ရင်ထဲထိစရာဇာတ်လမ်းလေးတွေလည်း ပါပါသေးတယ်။ ဘဝမှာစိတ်မောစရာတွေနဲ့ ကြုံလာတဲ့အခါမှာ လူတိုင်းဟာ စိတ်ထွက်ပေါက်ရှာတတ်ကြတာ သဘာဝပါပဲ…။ Friends Reunion ဇာတ်ကားလေးကို ကြည့်ဖူးတဲ့သူတွေရှိရင် အဲ့ထဲမှာပါတဲ့ ဒေးဗစ်ဘက်ခမ်းရဲ့ စိတ်ဓာတ်ကျတိုင်း Friends ဇာတ်လမ်းတစ်ပိုင်းလောက် ခွေထိုးကြည့်လိုက်တာပဲဆိုတာကို ခံစားချက်ချင်းတူတဲ့သူတွေ နားလည်ကြပါလိမ့်မယ်။ ကျွန်တော်တို့ မြန်မာနိုင်ငံမှာက Sit-com show တွေကို လူသိတော့သိပ်မများသေးပါဘူး။ ဒါပေမဲ့ ကြည့်ဖူးသူတိုင်းတော့ ဒီလိုရှိုးတွေပဲအမြဲရှာကြည့်ချင်စိတ် ပေါက်သွားလောက်အောင်အထိ တကယ့်ကို ဘဝအမောတွေဖြေဖျောက်ပေးနိုင်တဲ့အရာပါပဲ။အပိုင်းတစ်ပိုင်းကို မိနစ်ပိုင်းပဲကြာတယ်…။ Season တစ်ခုပြီးတစ်ခု ဇာတ်ကောင်တွေနဲ့အတူ လိုက်ပါနေထိုင်ရင်းနဲ့ ဇာတ်လမ်း အဆုံးသတ်သွားရင်တောင် သူတို့ကိုလွမ်းကျန်ခဲ့သလိုဖြစ်နေတတ်တာလည်း သဘာဝပါပဲ။ အခု ဒီဇာတ်လမ်းလေးကလည်း ရင်မောစရာတွေများပြားလွန်းတဲ့ နေ့စဉ်ဘဝကြီးမှာ တစ်ရက်ကိုတစ်ပိုင်းလောက် ဖြစ်ဖြစ် အပျင်းပြေကြည့်ရင်းနဲ့ အချစ်ကိုကိုးကွယ်တဲ့တက်ဒ်ရဲ့ အချစ်ရေးတွေ….ကောင်မလေးတွေကို နည်းလမ်းပေါင်းစုံနဲ့ ကြံတတ်တဲ့ ဘာနီရဲ့ဇာတ်ရှုပ်တွေ…တက္ကသိုလ်ကျောင်းသားဘဝထဲက စချစ်ခဲ့ကြပြီး အိမ်ထောင်သည်တွေဖြစ်တဲ့အထိ စွယ်တော်ရွက်လိုမခွဲနိုင်ကြတဲ့ လီလီနဲ့မာရှယ်တို့ စုံတွဲ…လွတ်လပ်တဲ့မိန်းမသားဆိုတာ ဒီလိုလားဆိုတဲ့အထာကျပြီး အချစ်ကိုမယုံကြည်တဲ့ ရော်ဘင်တို့ငါးယောက်ရဲ့ အကြောင်းတွေကို တစ်ပိုင်းပြီးတစ်ပိုင်းခံစားရင်းနဲ့ ကိုယ့်ဘော်ဒါတွေလို ရင်းနှီးမိပြီးတော့ နေ့တိုင်းသူတို့နဲ့ဆုံဖြစ်ချင်နေမှာတော့ အသေအချာပါပဲ။ ဒီဇာတ်လမ်းရဲ့ထူးခြားတဲ့အချက်လို့ ပြောရမှာကတော့ တက်ဒ်ရဲ့ဖူးစာရှင် ကလေးတွေရဲ့မိခင်ကဘယ်သူလဲဆိုတာ ပရိသတ်တိုင်းသိချင်မိမယ့်အကြောင်းအရာပါပဲ ပေါ်လာတော့လေမလား တမျှော်မျှော်နဲ့ နောက်ဆုံး Season တွေထိ စောင့်မျှော်ကြည့်ရှုရမှာမို့ Spoiler တွေ အမိမခံဖို့တော့ ကြိုသတိပေးလိုပါတယ်။ ဒီဇာတ်လမ်းမှာ နောက်ထပ်ဘောနပ်စ်ကတော့ စော်ရှုပ်လွန်းတဲ့ဘာနီကြောင့် သူရှုပ်ဖို့အတွက် ပါဝင်သရုပ်ဆောင်ပေးရတဲ့ ချောချောလှလှမဟေသီပေါင်း များစွာပါပဲ။ ကြိုပြီးတော့ နည်းနည်းပါးပါးပြောပြရရင် ဘရစ်တနီစပီးယားတို့ ဂျနီဖာလိုပက်ဇ်တို့..ကေတီပယ်ရီတို့လို အကျော်အမော်တွေပါ ဘာနီနဲ့တစ်ပိုင်းတစ်လေ ပါဝင်အသုံးတော်ခံရင်း ဖြတ်လျှောက်ပါဝင်ထားပေးပါသေးတယ်။ တစ်ချိန်လုံးပေါက်ကရတွေပြော သူ့ဟာသူအဆန်းထွင်ပြီး တွေ့တာလျှောက်ပြောတတ်တဲ့ ဘာနီဇာတ်ကောင်ကြောင့် တချို့စကားလုံးတွေကိုတော့ အနီးစပ်ဆုံးအဓိပ္ပာယ်တူ ခံစားလို့ရအောင် ဘာသာပြန်ပေးထားပါတယ်။ ဇာတ်ကောင်ငါးယောက်ရယ် တစ်ကားလုံးပေါ်မလာနိုင် ဆဌမမြောက်အမေဇာတ်ကောင်ရယ်ပါမှ အဓိကဇာတ်ကောင် ခြောက်ယောက်ပဲပါပေမယ့် တခြားဇာတ်ပို့နေရာတွေဖြစ်တဲ့ မာရှယ်မိသားစုတို့ ဘာနီရဲ့ညီတို့ တက်ဒ်မိသားစု မာရှယ်ရဲ့အဖေနဲ့သူ့အကိုတွေ ရော်ဘင်ရဲ့သားပဲလိုချင်တဲ့အဖေတို့ စသဖြင့် သူနေရာနဲ့သူ ပြည့်စုံအောင်ပါဝင်ပေးထားပါသေးတယ်။ ဟာသအဓိကဇာတ်လမ်းဆိုတဲ့အတိုင်း အူတက်နေအောင်ရယ်ရတဲ့အပိုင်းတွေလည်း ပါသလို မိသားစုရေးရာ အချစ်ရေးရာ…ဘော်ဒါအပေါင်းအသင်းဆက်ဆံရေး စသဖြင့် ဆေးရောင်စုံပန်းချီကားတစ်ချပ်လို ရသစုံစွာခံစားကြည့်ရှုရမယ်ဆိုတာလည်း အာမခံပြီးတော့ ညွှန်းဆိုပေးလိုပါတယ်။ CM က တင်ဆက်ပြီး/တင်ဆက်ဆဲ Sitcom တွေဖြစ်တဲ့ Friends, The Bigbang Theory , The Office, Mordern Family တို့အပြီးမှာ ဘာဆက်ကြည့်ရမလဲမသိ ကြောင်ပျောက်နေရင်တော့ ဒီစီးရီးကိုပဲ အပြေးလေးလာကြည့်ဖို့ ညွှန်းဆိုရင်းနဲ့ပဲ တစ်ခန်းရပ်လိုက်ပါမယ်။ (ရုပ်ရှင်အညွှန်းနဲ့ဘာသာပြန်ကို Sai Thurein Lynn မှ တင်ဆက်ထားပါတယ်။) How I met your mother Sit-Com ကို 2005 ခုနှစ်မှာ စတင်ထုတ်လွှင့်ခဲ့ပြီး 2014 ခုနှစ်မှာ ဇာတ်သိမ်းခဲ့ပါတယ်။ Season ၉ ခုပါဝင်ပြီး အပိုင်းပေါင်း (၂၀၈) ပိုင်းရှိပါတယ်။ Channel Myanmar အနေနဲ့ စဆုံးကို အပတ်စဉ်သဘောမျိုး မနှေးမမြန် တင်ဆက်သွားပါမယ်။ File Size – (700 MB) / (250 MB) (Appx;) @Episode Quality – WEB-DL 1080p HEVC / 720p Duration – 25 min (@Episode) Season - 9 / Episode – 208 Subtitle – Myanmar Hardsub Format – mkv/mp4 Genre : Comedy,Drama,Romance Translated by Sai Thurein Lynn Encoder – Ka Naung

Imdb rating - 5.3/10 ဒီကားလေးကတော့ ၂၀၀၂ခုနှစ်တုန်းကထွက်ထားတဲ့ အချစ်ဟာသကားလေးပါ။ high school movie တွေ Campus movie တွေ ကြိုက်တတ်ရင် ကြည့်သင့်တဲ့ကား။လေးပါပဲ။ ဇာတ်လမ်းအကျဉ်းကတော့ - ဒေ့ဗ်တို့သူငယ်ချင်းသုံးယောက်က ပထမနှစ်ကတည်းက သူမတူတဲ့နည်းလမ်းတွေနဲ့ စာခိုးချတဲ့သူတွေပါ။ နောက်ဆုံးနှစ် နှစ်၀က်စာမေးပွဲမှာ ဒေ့ဗ် သူငယ်ချင်းဖြစ်သူဆမ်အတွက် မေးခွန်းခိုးပေးရင်း ကောင်မလေးတစ်ယာက်ကိုဖွန်ကြောင်လိုက်ရာမှစပြီး ပြဿနာတက်ပါတော့တယ်။ ကောင်မလေးကို ကြိုက်နေတဲ့ ဆိုက်ကိုဂိခ်ကောင် အီသန်က အငြိုးထားပြီးခြိမ်းခြောက်လို့ အီသန် စော်လိုက်တာကို ကူညီပေးဖို့ဖြစ်လာပါတော့တယ်။ ဒေ့ဗ်က ကောင်မလေးကို တကယ်ချစ်သွားတဲ့အခါ တဖက်ကလည်း ကျောင်းထုတ်ခံရမယ့်အကွက် တဖက်ကလည်းချစ်သူပစ်ခံရမယ့်အကွက်နဲ့ ဘယ်လိုနှစ်ပါးသွားဆက်ကမလဲ ရီရီမောမောကြည့်ရှုနိုင်မှာပါ။ ( အ၀တ်ဗလာဇာတ်၀င်ခန်းတချို့ပါပြီးစကားလုံးအချို့ သုံးနှုန်းမှုကြမ်းတမ်းပါသည်။) File size…(1.5 GB)/(943 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Romance  Subtitle….Myanmar Subtitle (Hardsub) Encoder….Swan Min Htet Translated by Winter May

Dead Man on Campus (1998) ဒီဇာတ်လမ်းမှာ ထူးချွန်ကျောင်းသား Josh နဲ့ အမြဲတမ်း ပါတီပွဲလုပ် ဆေးသုံးပြီး အလေလိုက်နေတဲ့ Cooper တိုနှစ်ယောက်က ကောလိပ်အဆောင်မှာ အခန်းဖော်တွေဖြစ်လာကြတယ်။ Cooper ရဲ့ အတတ်ဆိုးတွေကြောင့် အပျော်အပါးမက်မိပြီး တစ်ခါမှမကျဖူးတဲ့ စာမေးပွဲတွေအကုန် ကျသွားတဲ့ Josh နဲ့ စာမေးပွဲကို လာတောင်မဖြေတဲ့ Cooper တိုနှစ်ယောက်လုံး ရုတ်တရက်ကြီးမားတဲ့ ပြဿနာကိုယ်စီပေါ်လာပါတော့တယ်။ ဒါပေမဲ့ Josh နဲ့ Cooper တို စာမေးပွဲမအောင်လို သူတိုဘဝကြီးပျက်ဆီးလုနီးပါးအချိန်မှာပဲ တွေ့ရှိလိုက်ရတဲ့ ကောလိပ်စည်းမျဉ်းတစ်ခုကတော့ ကိုယ်နဲ့အတူအိပ်တဲ့ အခန်းဖော်‌တစ်ယောက် ကိုယ့်ကိုယ်ကိုယ်သတ်သေရင် ကျန်တဲ့အခန်းဖော်သူငယ်ချင်းကို နှစ်သိမ့်အားပေးဆုအနေနဲ့ စာမေးပွဲတွေအကုန်အအောင်ပေးရတာပဲဖြစ်ပါတယ်။ ဒီလိုနဲ့ Josh နဲ့ Cooper တို သူငယ်ချင်းနှစ်ယောက် သူတိုစာမေးပွဲတွေ အလိုလိုအောင်သွားတောင် ကိုယ့်ကိုယ်ကိုယ်သတ်သေတဲ့ အခန်းဖော်ရဖိုအတွက် နည်းဗျူဟာမျိုးစုံနဲ့ ဘယ်လိုတွေ ပူးပေါင်းကြံစည်ကြမလဲဆိုတာကို ဒီဟာသဇာတ်လမ်းထဲမှာ တစ်လွဲမျိုးစုံနဲ့ ဆက်လက်ကြည့်ရှုလိုရပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size… (2.8 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Comedy Duration…. 01:34:48 Subtitle…. Myanmar Subtitle (Hardsub) Encoder…. Benjamin Translated by Thwal Htoo Zin

1998 တုန်းက ထွက်ခဲ့တဲ့ ဇာတ်လမ်းကောင်းကောင်းနဲ့ တကယ်ရယ်ရတဲ့ Comedy ရုပ်ရှင်စစ်စစ်တစ်ကားပါ။ ဟန်တင်တန်ဟေးလ်စ် အထက်တန်းကျောင်းကြီးရဲ့ စီနီယာကျောင်းသားတွေဟာ အထက်တန်းပြီးတဲ့ အထိမ်းအမှတ်အနေနဲ့ အိမ်တစ်အိမ်မှာ ပါတီအကြီးကြီးတစ်ခု စုပြီးလုပ်ကြပါတယ်ဗျ။ ကျောင်းသားပါတီဖြစ်တဲ့အလျှောက် ပါတီတက်တဲ့ထဲမှာ ကောင်မလေးတစ်ယောက်ကို နှစ်အကြာကြီး တိတ်တိတ်လေး ကြိတ်ကြိုက်နေတဲ့သူ၊ စော်ကြည်ဘဲ၊ ကျောင်းကပွဲ ကွင်း၊ ဂိ၊ စတဲ့ ကျောင်းသားကျောင်းသူပေါင်းစုံ အများကြီး ပါဝင်ကြပါတယ်။ ကောလိပ်တက်ရမှာမလို့ လူကြီးပုံစံဖမ်းနေကြတဲ့ ကျောင်းသားကျောင်းသူတွေ ပုံစံပေါင်းစုံနဲ့ ဘရုတ်ကျပုံတွေကို ကျွန်တော်တို့မှာ တကယ်မရှိဖူးခဲ့တဲ့ ကျောင်းသားဘဝကို လွမ်းရင်း ရယ်ရယ်မောမောနဲ့ ကြည့်ရမယ့် ကျောင်းသားဟာသရုပ်ရှင်လေးပဲဖြစ်ပါတယ်ဗျ...။ File size…(2.49GB)  / (671MB) / (703MB) Quality…. Web 1080P / 720p / 480p Format…mp4 Duration….01:23:00 Genre... Comedy / Romance Subtitle….Myanmar Subtitle (Hardsub) Encoder….Mr. Anderson Translated by Zwe Yan Naing