Jason Stuart ပါဝင်သော ဇာတ်ကားများ

Ping Pong Playa (2008) IMDb Rating (5.9) / Rotten Tomatoes (64%) အာရှ-အမေရိကန် (Asian-American) မိသားစုဘဝက လူငယ်တစ်ယောက်ရဲ့ ရယ်မောစရာကောင်းတဲ့ အိပ်မက်တွေနဲ့ မိသားစုတာဝန်ကြားက ဟာသတွေကို ပေါ့ပေါ့ပါးပါး ရိုက်ကူးထားတဲ့ Indie Sports Comedy ကားလေးတစ်ကား ဖြစ်ပါတယ်။ ဇာတ်လမ်းကတော့ အမြဲတမ်း rapper တစ်ယောက်လိုနေပြီး ကိုယ့်ကိုယ်ကိုယ် ဘတ်စကက်ဘော အကျော်အမော်တစ်ယောက်ဖြစ်မယ်လို့ အိပ်မက်မက်နေတဲ့ Christopher "C-Dub" Wang အကြောင်းပါ။ လက်တွေ့မှာတော့ သူဟာ အလုပ်အကိုင်မယ်မယ်ရရမရှိ၊ အိမ်မှာပဲနေပြီး သူ့အမေရဲ့ ပင်ပေါင်သင်တန်းကျောင်းမှာ ကူညီပေးနေရသူပါ။ သူ့ရဲ့ ပင်ပေါင်ချန်ပီယံအကိုဖြစ်သူ နဲ့ အမေဖြစ်သူတို့ မတော်တဆဖြစ်ပြီး ဒဏ်ရာရသွားတဲ့အခါမှာတော့ မိသားစုရဲ့ ဂုဏ်သိက္ခာနဲ့ သင်တန်းကျောင်းကို ကယ်တင်ဖို့အတွက် C-Dub တစ်ယောက် သူအထင်သေးခဲ့တဲ့ ပင်ပေါင်ပြိုင်ပွဲကို ဝင်ပြိုင်ဖို့ ဖြစ်လာပါတော့တယ်။ သူဟာ ဘတ်စကက်ဘောကစားသလိုမျိုး စတိုင်တွေနဲ့ ပင်ပေါင်ကို ဘယ်လိုကစားမလဲ၊ မိသားစုရဲ့ မျှော်လင့်ချက်ကိုရော ပြည့်မီအောင် လုပ်နိုင်မလားဆိုတာကိုမြင်တွေ့ရမယ့် ဇာတ်လမ်းကောင်းလေးဖြစ်ပါတယ်။ File size… (2.6 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama Duration…. 01:36:25 Subtitle…. Myanmar Subtitle (Hardsub)

Vacation Franchise ၅ ကားရှိတဲ့အထဲက ဒီကားက စတုတ္ထမြောက် Vacation ဖြစ်တယ်။ မင်းသားမင်းသမီးကတော့ Chevy Chase နဲ့ Beverly D’angelo တို့ကပဲ ပါဝင်သရုပ်ဆောင်ထားပေမယ့် ရှေ့သုံးကားရဲ့ ဇာတ်လမ်းနဲ့ဇာတ်ညွှန်းရေးသူ တဖြစ်လဲ ပရိုဂျူဆာ John Hughes ရဲ့ ပါဝင်ပတ်သက်မှုမပါတဲ့ ရုပ်ရှင်ကားဖြစ်တယ်။ ရှေ့သုံးကားက National Lampoon’s Vacation၊ National Lampoon’s European Vacation နဲ့ National Lampoon’s Christmas Vacation ဆိုပြီး National Lampoon လေဘယ်ပါဝင်သော်ငြား ဒီဇာတ်ကားမှာတော့ National Lampoon လေဘယ်ပြုတ်သွားတာကိုမြင်ရပါတယ်။ ရုံတင်ဝင်ငွေကတော့ ဒေါ်လာ ၂၅သန်းရင်းတာ ၃၆သန်းကျော်ပြန်ရတယ်ဆိုတော့ မြတ်တယ်လို့ပဲဆိုရမှာပါ။ ဇာတ်လမ်းအကျဉ်း ကလက်ခ်ဂရစ္စဝေါဒ်က သူ့အလုပ်မှာ ဘောနပ်စ်အများကြီးရလာတဲ့အတွက် တစ်မိသားစုလုံး ဗီးဂတ်စ်ကို ခရီးထွက်ကြမယ်ဆိုပြီး စီစဉ်ပါတော့တယ်။ သားနဲ့သမီးကတော့ ၂၁ နှစ်မပြည့်သေးတော့ ဗီးဂတ်စ်ရောက်ပြီး ဟိုဟာလုပ်မရ ဒီဟာလုပ်မရနဲ့မလို့ စိတ်ညစ်ကြတာပေါ့။ ကလက်ခ်တစ်ယောက်တည်းကပဲ ကာစီနိုတွေ့ပြီး အပျော်ကြီးပျော်နေခဲ့တယ်။ ဒီလိုနဲ့ ဟိုတယ်ရောက်ရောက်ချင်းပဲ ကလက်ခ်က ဖဲဝင်ကစားလိုက်တာ ရှုံးသွားပါရော။ ရှုံးလေ လိုက်လေနဲ့ ရှုံးပြီးရင်းရှုံးတာမှ ရှုံးရှုံး ရှုံးရှုံးနဲ့တောင် မြည်နေပြီ။ ဒါပေမဲ့လည်း သူမရပ်တန့်နိုင်ဘူး။ သူ့အဖြစ်က ထမင်းမေ့ဟင်းမေ့မဟုတ်ဘူး၊ ဇနီးမေ့ သားသမီးမေ့ ဖြစ်သွားတာ။ ဒီတော့ ဇနီးနဲ့သားသမီးတွေလည်း ကိုယ်စီကိုယ်စီပြဿနာတွေ ... အဲ ... ပျော်စရာတွေ ဖန်တီးရတာပေါ့။ ဂရစ္စဝေါဒ်မိသားစုကြီး ဗီးဂတ်စ်မှာ ဘယ်လောက်ထိတလွဲတွေလုပ်ကြမလဲဆိုတာကို ကြည့်ရှုလိုက်ကြပါဦး။ File size…(1.2  GB)/(686 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy  Subtitle….Myanmar Subtitle (Hardsub)

"​ဂျွန်ကင်ဘဲလ်" ကတော့ ရဲလောကမှာ နာမည်ကြီးပြီး ခက်ထန်ပြတ်သားတဲ့ လော့စ်အိန်ဂျလိစ် မြို့ပြရဲအရာရှိတစ်ဦး ပါ သူဟာ နှစ်တော်တော်ကြာ လိုက်လံဖမ်းဆီးနေရတဲ့ မူးယစ်ဆေးဝါးမှောင်ခိုလောကက လူဆိုး "ကာလန်ခရစ်ပ်" ကို ဖမ်းဆီးဖို့ ကြိုးစားနေတာပါ။ ​ကာလန်ခရစ်ပ်ဟာ သူ့ရဲ့ ဇနီးဟောင်းနဲ့ သားဖြစ်သူဆီကနေ ငွေကြေးအမြောက်အမြားကို လုယူဖို့ လိုက်ရှာနေပြီး၊ အဲဒီသားအမိဟာ အော်ရီဂွန်ပြည်နယ်က မြို့လေးတစ်မြို့မှာ နာမည်ပြောင်းကာ ပုန်းအောင်းနေကြပါတယ်။ ကင်ဘဲလ်နဲ့ သူ့ရဲ့ လုပ်ဖော်ကိုင်ဖက် ရဲမေတို့ဟာ ကာလန်ခရစ်ပ်ရဲ့ သား တက်ရောက်နေတဲ့ မူကြိုကျောင်းကို စုံစမ်းသိရှိသွားပြီး ကာလန်ခရစ်ပ်ရဲ့ ဇနီးဟောင်းက ဘယ်သူလဲဆိုတာကို ဖော်ထုတ်ဖို့ စီမံကိန်းချလိုက်ပါတယ်။ ​အစပိုင်းမှာ ရဲမေက မူကြိုဆရာမအဖြစ် ကျောင်းထဲကို လျှို့ဝှက်ထိုးဖောက်ဝင်ရောက်ဖို ပြင်ဆင်ခဲ့ပေမဲ့ ရုတ်တရက် နေမကောင်းဖြစ်သွားတာကြောင့် ကင်ဘဲလ်တစ်ယောက် မူကြိုကျောင်းဆရာ အဖြစ် ရုပ်ဖျက်ပြီး တာဝန်ယူလိုက်ရပါတော့တယ်။ ​သေနတ်ကိုင်ပြီး လူဆိုးဖမ်းလာတဲ့ ရဲအရာရှိကြီးတစ်ယောက်အတွက် အော်ဟစ်ဆော့ကစားပြီး ဆိုးသွမ်းတတ်တဲ့ မူကြိုကလေးတစ်သိုက်ကို ထိန်းရင်း ကျောင်းက ဆရာမလေးတစ်ဦးနဲ့လည်း သံယောဇဉ်ဖြစ်လာပါတယ်။ ​ဒါပေမဲ့ အေးချမ်းသာယာနေတဲ့ မူကြိုကျောင်းလေးထဲကို လူဆိုးကာလန်ခရစ်ပ်နဲ့ သူ့ရဲ့အမေ ရောက်ရှိလာပြီး ကလေးကို ပြန်ပေးဆွဲဖို့ ကြိုးစားလာတဲ့အခါမှာတော့ ကင်ဘဲလ်တစ်ယောက် မူကြိုဆရာအဖြစ်ကနေ ကလေးတွေကို ကာကွယ်မယ့် ရဲအရာရှိအဖြစ် ဘယ်လိုတိုက်ခိုက်ပြီး ကာကွယ်ပေးသွားမလဲ..... ကင်ဘဲလ်တစ်ယောက် လူဆိုးတွေ ရိပ်မိမသွားခင် အချိန်မီ ဖော်ထုတ်နိုင်ပါ့မလား သူ့ရဲ့ တာဝန်ကိုရော၊ ကလေးတွေရဲ့ နှလုံးသားကိုရော ဘယ်လိုပုံစံနဲ့ အနိုင်ယူသွားမလဲဆိုတာ ဆက်လက်ကြည့်ရှုခံစားလိုက်ပါဦးနော်......