Jean Smart ပါဝင်သော ဇာတ်ကားများ

E.B. White's Charlotte's Web (2025) S1 +++++++++++++++++++ အပိုင်း ( ၁ မှ ၃ ) အထိ စ / ဆုံး ၂၀၂၅ ခုနှစ်၊ အောက်တိုဘာလတုန်းက HBO Max မှာ ပြသခဲ့တဲ့ အသစ်စက်စက် ကာတွန်းဗားရှင်း "Charlotte's Web" (2025) က အရင်ကလို ရုပ်ရှင်အရှည်ကြီး မဟုတ်ဘဲ ၃ ပိုင်းခွဲပြီး ရိုက်ကူးထားတဲ့ မီနီစီးရီး (Miniseries) ပုံစံမျိုး ဖြစ်သွားတာပါ။ ဒီစီးရီးလေးမှာ အပိုင်း ၃ ပိုင်း ပါဝင်ပြီး တစ်ပိုင်းကို ၄၅ မိနစ်စီ ကြာမြင့်ပါတယ်။ စာရေးဆရာ E.B. White ရဲ့ ၁၉၅၂ ခုနှစ်ထွက် ဂန္ထဝင်ကလေးပုံပြင်စာအုပ်ကို မူရင်းအတိုင်း အသေးစိတ် အသက်သွင်းပုံဖော်ထားတာပါ။ အော်စကာဆုရ ရုပ်ရှင်ဖန်တီးရှင် Luke Matheny က ကိုယ်တိုင်ဦးစီးပြီး ဇာတ်ညွှန်းရေးသားထားတာဖြစ်ပြီး၊ ကလေးအကြိုက် Sesame Street ကို ထုတ်လုပ်တဲ့ Sesame Workshop နဲ့ Guru Studio တို့ ပူးပေါင်းဖန်တီးထားတာ ဖြစ်ပါတယ်။ ခေတ်မီ 3D CGI ကာတွန်းစနစ်ကို အသုံးပြုထားတာမို့လို့ တိရစ္ဆာန်လေးတွေရဲ့ ပုံစံက ပိုအသက်ဝင်ကာ ချစ်စရာကောင်းနေပါတယ်။ ဒီဗားရှင်းသစ်မှာ နာမည်ကြီး ဟောလီဝုဒ်မင်းသား၊ မင်းသမီးတွေက အသံနဲ့ ပါဝင်အားဖြည့်ပေးထားကြတာမို့ အသံတွေကို နားထောင်ရုံနဲ့တင် တန်နေပါတယ်။ ဇာတ်လမ်းက Wilbur ဆိုတဲ့ ဝက်ကလေးကနေ စပါတယ်။ သူက မွေးကတည်းက အကောင်သေးလွန်းလို့ ပိုင်ရှင်က သတ်ပစ်ဖို့ လုပ်တဲ့အချိန်မှာ Fern ဆိုတဲ့ ကောင်မလေးက သနားပြီး မွေးစားလိုက်ပါတယ်။ အဲဒီလိုနဲ့ Wilbur လေးဟာ Fern ရဲ့ ဂရုစိုက်မှုအောက်မှာ ချစ်စရာကောင်းတဲ့ ဝက်ကလေးအဖြစ် ကြီးပြင်းလာပါတယ်။ Wilbur နည်းနည်းကြီးလာတော့ ဦးလေးဖြစ်သူရဲ့ ခြံကို ရောက်သွားပါတယ်။ အဲဒီခြံထဲမှာ တခြားတိရစ္ဆာန်တွေနဲ့အတူ နေရရင်း ခြံရဲ့ ထုတ်တန်းမှာနေတဲ့ Charlotte ဆိုတဲ့ ပင့်ကူမကြီးနဲ့ သူငယ်ချင်း ဖြစ်သွားပါတယ်။ ဝက်ဆိုတဲ့ အမျိုးက ဆောင်းရာသီရောက်ရင် အသားပေါ်ခံရမှာကို သိသွားတဲ့ Wilbur တစ်ယောက် အရမ်းကြောက်နေချိန်မှာ၊ ပင့်ကူမကြီး Charlotte က သူ့ကို မသေစေရဘူးဆိုပြီး ကတိပေးလိုက်ပါတယ်။ Wilbur ကို ကယ်ဖို့အတွက် Charlotte ဟာ သူ့ပင့်ကူအိမ်မှာ "Some Pig" (ထူးခြားတဲ့ ဝက်ကလေး)၊ "Terrific" (အံ့မခန်းပဲ) စတဲ့ စာသားလေးတွေကို ညဘက်မှာ ခက်ခက်ခဲခဲ ရက်လုပ်ပါတော့တယ်။ မနက်မိုးလင်းလို့ လူတွေတွေ့တဲ့အခါ Wilbur ဟာ သာမန်ဝက်မဟုတ်ဘူးဆိုပြီး ယုံကြည်သွားကြကာ သတ်မယ့်အစီအစဉ်ကို ဖျက်သိမ်းလိုက်ကြပါတယ်။ ဒီဇာတ်လမ်းက မူရင်းစာအုပ်အတိုင်းပဲ ဇာတ်ကောင်လေးတွေရဲ့ ကိုယ်ချင်းစာတရား၊ နှိမ့်ချမှု၊ ဇွဲလုံ့လရှိမှုနဲ့ သူငယ်ချင်းချင်းအပေါ် သစ္စာရှိပုံတွေကို အလေးပေး ပုံဖော်ထားပါတယ်။ ခေတ်မီ 3D ကာတွန်းရုပ်ထွက်နဲ့ ချစ်စရာကောင်းတဲ့ တိရစ္ဆာန်လေးတွေရဲ့ သရုပ်ဆောင်မှုတွေကြောင့် ကလေးငယ်လေးတွေအပါအဝင် မိသားစုလိုက် ပေါ့ပေါ့ပါးပါးနဲ့ စိတ်ချမ်းသာကိုယ်ချမ်းသာ ကြည့်ရှုဖို့ အကောင်းဆုံးအဆင့်သတ်မှတ်ချက်ရရှိထားတဲ့ မီနီစီးရီးကောင်းလေး တစ်ခုဖြစ်ပါတယ် .... Size – 660MB / 370MB Quality –WEB-DL 1080p HEVC / 720p Episodes -  3 Eps Duration -  46m Subtitle – Myanmar Hardsub Format – mkv /mp4 Genre :  Adventure , Animation , Comedy , Family , Fantasy

၁၉၂၀ ပြည့်နှစ်တွေ နှောင်းပိုင်း၊ ဟောလိဝုဒ်မှာ အသံတိတ်ရုပ်ရှင်ကနေ အသံထွက်ရုပ်ရှင်ဆီ ကူးပြောင်းနေချိန်ကို Babylon က ဇာတ်အိမ်တည်ထားပါတယ်။ ရုပ်ရှင်လောက ပြောင်းလဲလာတာနဲ့အမျှ အောင်မြင်သူတွေ ရှိသလို ကျရှုံးသွားသူတွေလည်း ရှိလာတယ်။ သရုပ်ဆောင်တွေနဲ့ ရုပ်ရှင်လောကသားတွေရဲ့ အိပ်မက်တွေ၊ အလုပ်အကိုင်နဲ့ ဘဝအကူးအပြောင်းတွေကို ဟောလိဝုဒ်ရွှေခေတ်ရဲ့ နောက်ခံနဲ့ တွဲဖော်ပြထားတာပါ။ La La Land ဒါရိုက်တာ Damien Chazelle ရိုက်ကူးထားပြီး Brad Pitt၊ Margot Robbie၊ Tobey Maguire တို့နဲ့အတူ အဲဒီအချိန်က လူသိနည်းသေးတဲ့ Diego Calva လည်း အဓိကပါဝင်ထားပါတယ်။ ဝါရင့်သရုပ်ဆောင် Jean Smart ကိုလည်း တွေ့ရမှာပါ။ အော်စကာဆုအတွက် မူရင်းနောက်ခံတေးဂီတ၊ ထုတ်လုပ်မှုဒီဇိုင်းနဲ့ ဝတ်စုံဒီဇိုင်းဆိုတဲ့ ကဏ္ဍသုံးခုမှာ ဆန်ခါတင်ဝင်ထားပါတယ်။ ဟောလိဝုဒ်ရဲ့ ခမ်းနားမှုကို ပြထားသလို အဲဒီအလှအပနောက်က အပုပ်အစပ်တွေကိုလည်း ထည့်ဖော်ထားတယ်။ တင်ဆက်ပုံမှာ သရော်ဟာသနဲ့ အလွန်အကျူးပုံဖော်မှုတွေ ပါပြီး ဒရာမာဘက်ကိုလည်း အလေးပေးထားပါတယ်။ မူရင်းအညွှန်းက ဟောလိဝုဒ်ကို ပုံဖော်ပုံအား Once Upon A Time In Hollywood နဲ့ နှိုင်းယှဉ်ထားသလို ဒရာမာပိုင်းမှာ Citizen Kane ရဲ့ အငွေ့အသက်တွေ ရှိတယ်လို့လည်း သုံးသပ်ထားပါတယ်။ သရုပ်ဆောင်ပိုင်းမှာ Brad Pitt နဲ့ Margot Robbie တို့ကို မြင်နေကျဟန်နဲ့ ဆက်စပ်မြင်နိုင်ပေမယ့် Tobey Maguire ကတော့ ပုံမှန်တွေ့နေကျနဲ့ ကွဲပြားတဲ့ ဇာတ်ရုပ်မျိုး ပါဝင်ထားတယ်လို့ မူရင်းက ဆိုထားပါတယ်။ Diego Calva ရဲ့ ဇာတ်ရုပ်နဲ့လိုက်ဖက်မှု၊ နာမည်ကြီးသရုပ်ဆောင်တွေကြားမှာ သူ့နေရာကို ထိန်းထားနိုင်မှုကိုလည်း ဖော်ပြထားပါတယ်။ ရုပ်ရှင်သမိုင်းကို ပြန်လည်ဂုဏ်ပြုတဲ့ အကိုးအကားတွေလည်း ပါဝင်တယ်။ ကူးဘရစ်၊ အင်ဂမာဘာ့ခ်မန်းနဲ့ ချာလီချက်ပလင်တို့ရဲ့ လက်ရာတွေကနေ Singing in the Rain၊ The Wizard of Oz၊ A Trip to the Moon နဲ့ ဘူတာရုံကို ရထားဝင်လာတဲ့ ရုပ်ရှင်အထိ ထည့်သွင်းရည်ညွှန်းထားပါတယ်။ အဲဒီထဲက လက်ရာအများစုဟာ ဇာတ်အိမ်တည်ထားတဲ့ခေတ်ထက် နောက်ကျမှ ထွက်လာတာဖြစ်ပေမယ့် ရုပ်ရှင်ရဲ့ အဆင့်ဆင့်ပြောင်းလဲလာမှုကို ပြန်ကြည့်တဲ့သဘောနဲ့ ပါလာတာပါ။ ဇာတ်ကောင်တွေက စိတ်ကူးယဉ်ဖန်တီးထားသူတွေဖြစ်ပေမယ့် တကယ်ရှိခဲ့တဲ့ ရုပ်ရှင်လောကသားတွေကို အခြေခံထားပါတယ်။ Brad Pitt ရဲ့ဇာတ်ကောင်ကို အဲဒီခေတ်က မင်းသား John Gilbert အပေါ် အခြေခံထားပြီး Margot Robbie သရုပ်ဆောင်တဲ့ နယ်လီကိုတော့ Clara Bow နဲ့ ဆက်စပ်ဖန်တီးထားတာပါ။ သုံးနာရီခန့်ကြာတဲ့ ဇာတ်ကားထဲမှာ ဟာသနဲ့ ဒရာမာကို တွဲတင်ဆက်ထားပြီး လူကြီးအကြောင်းအရာတွေလည်း ပါဝင်ပါတယ်။

အနုပညာရှင်တေွဟာ သူတို့ရဲ့မျက်နှာလှလှလေးထက်သူတို့ရဲ့အနုပညာကို ပိုထားဖိုးထားစေချင်ကြမှာပါ။ ကိတ်ဝင်းစလက်တစ်ယောက်ကတော့ မြို့ငယ်လေးရဲ့ စုံထောက်မကြီးနေရာကို ပေစုတ်စုတ်နဲ့ အကောင်းဆုံး ပြသွားပြီး rating 8.6 အထိ အရယူသွားပါပြီ။ Mare Easttown 2021 ဟာ tomatometer 93% ရထားပြီး IMDB 8.6 ရထားတဲ့အတွက် စီးရီးကောင်းတစ်ခုဆိုတာ အထူးပြောစရာမလိုလောက်ပါဘူး ပြီးတော့ မင်းသမီးကြီး ကိတ်ဝင်းစလတ်ကိုယ်တိုင် အဓိကဇာတ်ဆောင်နေရာက ပါဝင်ထားပါတယ် ခုလောက်ဆို စိတ်ဝင်စားနေလောက်ပြီဆိုတော့ ဇာတ်လမ်းကျောရိုးလေး ပြောပြပါမယ် မယ်ရာ ဟာ Easttown ဆိုတဲ့ မြို့ငယ်လေးမှာ တစ်သတ်လုံးနေလာတဲ့ အရမ်းတော်တဲ့ စုံထောက်တစ်ယောက်ပါ လူတိုင်းနဲ့သိပြီး အားလုံးကလည်း သူမကို ချစ်ခင်အားကိုးကြပါတယ် ဒါပေမယ့် သူမဘဝဟာ ခက်ခဲကြမ်းတမ်းပါတယ် မိသားစုအရေးကိစ္စတွေမှာလည်း အဆင်မပြေမှုတွေ ဆက်တိုက်ဖြစ်နေတဲ့ မယ်ရာဟာ သူ့ရဲ့မြို့လေးမှာ ဖြစ်နေတဲ့ လူသတ်မှုကို ဖြေရှင်းလည်း ကြိုးစားရပါတယ် လူတိုင်းအတွက် သူရဲကောင်းလုပ်ရတာဟာ လက်တွေ့မှာ ဘယ်လောက်ခက်ခဲပင်ပန်းတဲ့အရာလဲဆိုတာကို ပညာသားပါပါရိုက်ကူးပြထားလို့ ထူးခြားတဲ့စီးရီးလို့ ပြောရမှာပါ ဒီကားဟာ ပျော်ရွှင်မှု စိတ်ပျက်မှု ဝမ်းသာမှု နာကျင်မှုတွေ စတဲ့ကောင်းခြင်းဆိုးခြင်းတွေ ရောထွေးနေတဲ့ ဘဝတွေကို လက်တွေ့ကျကျပုံဖော်ပြထားတဲ့ လျှို့ဝှက်ဆန်းကျယ်မှုခင်းရုပ်ရှင် ဒရမ်မာကားကောင်တစ်ကားမို့ လက်မလွှတ်သင့်ဘူးလို့ အကြံပေးပါရစေ နောက်ပြီးတော့ ဒီကားရဲ့ ထူးခြားချက်လေးတွေကိုလည်း ပြောပြချင်ပါသေးတယ် ဒီကားမှာ ကိတ်ဝင်းစလတ် က မိတ်ကပ်မလိမ်း ဆံပင်မပြင်ဘဲ ရိုက်ကူးထားရုံသာမက ဇာတ်လမ်းအခြေစိုက်တဲ့ Pennsylvania ပြည်နယ်ရဲ့ လေသံကို လေ့ကျင့်ပြီး ပြောဆိုထားပါတယ် ဒီလောက်ဆို ဇာတ်ကောင်အတွက် သူဘယ်လောက်ထိ နှစ်မြှုပ်ထားလဲ သိနိုင်ပါတယ် Translated by Htet Wai Lwin Enocoded by Mr. Anderson

Superintelligence (2020) IMDB rating - 5.3/10 A.I ဆိုတာကတော့ ဒီခေတ်မှာလူတိုင်းလိုလိုရင်းနှီးနေကြမယ့် စကားလုံးတစ်လုံးဖြစ်မှာပါ။ ဒီကားထဲမှာတော့ Superintelligence လို့သူ့ဘာသူ နာမည်တပ်ထားတဲ့ A.I ကနေ ကမ္ဘာကြီးကို စစ်ပွဲတွေ၊  ရောဂါတွေမရှိတော့တဲ့အနေအထားထိ ပြုပြင်နိုင်တယ်လို့ တွက်ချက်ထားပါတယ်။ ဒါပေမယ့် အဲ့လိုအခြေအနေမျိုးဖြစ်ဖို့က လူသားအားလုံးကိုကယ်တင်မယ် (သို့) လူသားအားလုံးကို ကျွန်ပြုမယ် (သို့) လူသားအားလုံးကိုမျိုးတုံးပစ်မယ် ဆိုပြီး ဖြစ်နိုင်ချေသုံးခုရှိနေတယ်။ အဲ့ဒါကို A.I ကနေ သေသေချာချာဆုံးဖြတ်နိုင်ဖို့အတွက် လူသားအဆန်ဆုံးလူတစ်ယောက်ကိုရွေးပြီး အနီးကပ်လေ့ လာပါတော့တယ်။ တနည်းအားဖြင့် ကမ္ဘာကြီးရဲ့အဆုံးအဖြတ်က အဲ့ဒီလူအပေါ်မူတည်သွားတာပဲဖြစ်ပါ တယ်။ အဲ့ဒီလူက ကာရိုး ဆိုတဲ့အမျိုးသမီးတစ်ယောက်ဖြစ်ပြီး ကာရိုးအနေနဲ့ လူသားတွေက ကယ်တင် ထိုက်ပါတယ်ဆိုတာကို သတ်သေပြနိုင်သွားမလား ဆိုတာကတော့ ဇာတ်ကားထဲမှာ ဆက်လက်ကြည့်ရှု လိုက်ကြရအောင်နော် . . . ကားရိုးအဖြစ်သရုပ်ဆောင်ထားတဲ့ Melissa McCarthy ကတော့ ပရိသတ်တွေရင်းနှီးပြီးသားမင်းသမီးပါပဲ။ သူပါဝင်သရုပ်ဆောင်ထားတဲ့ The Spy (2015), The Heat (2015), Ghostbusters (2016)  စတဲ့ Comedy, Action ကားတွေဆိုအတော်များများ ကြည့်ဖူးကြမှာပါ။ ဒီကားထဲမှာလဲ လေးလေးနက်နက်တွေးမိစရာလေးတွေကို Comedy ဆန်ဆန် ပေါ့ပေါ့ပါးပါးနဲ့ ပါးပါးလေးတွေ ရိုက်သွင်းပြီး အူရွှင်ရအောင်ရိုက်ပြထားသလို ဒီကားထဲမှာလဲ သဘာ၀န်ဆန်ဆန် ဟာသတွေနဲ့ ဆွဲဆောင်ဦးမှာဖြစ်တာမလို့ ကိုဗစ်ကာလမှာလောင်နေကြမယ့်အစား မြူးရအောင် တင်ဆက်ပေးလိုက်ပါတယ်။ (ဒီဇာတ်လမ်းရဲ့ အညွှန်းကို Hein Min Tun မှရေးသားပေးပြီး၊ ဘာသာပြန်ရေးသားပေးသူကတော့ Thwal Yadi, May Thu, Hein Min, MTa တို့ပဲဖြစ်ပါတယ်။) Quality – 1080p, 720p WebRip Duration - 1h 46min Subtitle – Myanmar Hardsub Format – Mp4 Genre : Comedy, Romance, Sci-Fi Source : 1080p.WebRip Translator – Thwal Yadi, May Thu, Hein Min, MTa Encoder – SWM

DC ဖန်တွေနဲ့ လေးနက်တဲ့ စူပါဟီးရိုးကားတွေ ကြိုက်တဲ့သူတွေ မျှော်နေမယ့် စီးရီးတစ်ခု လာပါပြီ။ Watchmen ရုပ်ရှင်ကိုကြည့်ဖူးတဲ့သူ၊ ကောမစ် ဖတ်ဖူးတဲ့သူတွေကတော့ ပိုပြီးကြည့်ကောင်းမှာပါ။ ဒါပေမယ့် ဒီအတိုင်းလည်း တဖြည်းဖြည်း ရှင်းလာပြီး ကြည့်ကောင်းမှာပါပဲ။ ရိုက်ထားတာ အတော်ကို ကောင်းပါတယ်။ ဒီဇာတ်လမ်းထဲမှာတော့ watchmen ထဲက ဇာတ်ကောင်အချို့ကို ပြန်ယူပြီး ဇာတ်အိမ်ပြန်ဖွဲ့ထားတာပါပဲ။ ဒေါက်တာ မန်ဟက်တန် လည်း ပြန်ပါလာပါလိမ့်မယ်။ အပိုင်း ၁ ရဲ့ လက်ရှိ အခြေအနေအရတော့ alternate reality တစ်ခုမှာပါပဲ။ ရဲတွေဟာ ရန်ပြုခံနေရလွန်းလို့ လူမသိအောင် မျက်နှာဖုံးတွေနဲ့ တာဝန်ထမ်းဆောင်ရတဲ့ကာလပါ။ လူဖြူလူမျိုးကြီးဝါဒ အစွန်းရောက်အဖွဲ့ သတ္တမကယ်ဗရီ ပြန်ပေါ်လာပြီး စစ်ဆင်ရေးကြီးတစ်ခု လုပ်မယ်လို့ ချိန်းခြောက်လာပါတယ်။ ဒါကို စစ်စတာနိုက်တို့ ရက်ဒ်တို့ ဘယ်လိုရင်ဆိုင်ရမလဲဆိုတာနဲ့ အစပြုတာပါပဲ။ အတော်တော့ dark ပါလိမ့်မယ်။ fight scene တွေ bed scene တွေလည်း ကြမ်းတာမို့ ကလေးတွေ မကြည့်ရမယ့် စူပါဟီးရိုးစီးရီးပါ။ ကြိုက်တတ်တဲ့သူတွေ အတွက်ပဲ တင်ပေးထားလိုက်ပါတယ်။ Translated By : Little Neo Encoded By : XCode Quality : 1080P

A Simple Favor (2018) IMDb Rating (6.8) / Rotten Tomatoes (88%) ဒိတ်ဒိတ်ကြဲမင်းသမီးနှစ်ယောက်ဖြစ်တဲ့ Blake Lively နဲ့ Anna Kendrick တို့ တက်ညီလက်ညီသရုပ်ဆောင်ထားတဲ့ Comedy/Mystery ရုပ်ရှင်ကားလေးပါ ဇာတ်လမ်းနာမည်ကသာ A Simple Favor ဖြစ်ပေမယ့် တစ်ကားလုံး Twist တွေ Turn တွေအပြည့်နဲ့မို့ ကြည့်ရတာတန်စေရမယ်လို့အာမခံပါတယ် ဇာတ်လမ်းအကျဉ်းကတော့.. စတက်ဖနီက ငယ်ငယ်ရွယ်ရွယ်လေးနဲ့ မုဆိုးမဖြစ်ပြီး သားလေးမိုင်းစ်ကိုတစ်ကိုယ်တည်း ပျိုးထောင်နေသူလေးပါ ကျောင်းကိစ္စဆိုလည်း ဘယ်နေရာမဆိုတက်ကြွလွန်းလို့ တခြားကလေးမိဘတွေကတောင် အမြင်ကတ်ရသူဖြစ်ပါတယ်။ အမ်မလီကတော့ အထက်တန်းကျကျ ဖက်ရှင်ကုမ္ပဏီတစ်ခုရဲ့ အရေးပါအရာရောက်သူ အနေအထိုင် အပြောအဆိုကအစ ခေတ်ရှေ့ပြေးသလောက် သားဖြစ်သူနစ်ကီ့ကို အလုပ်ကိစ္စတွေကြောင့် အာရုံသိပ်မစိုက်နိုင်သူ စရိုက်မတူတဲ့သူတို့နှစ်ယောက် ကလေးတွေကိုအကြောင်းပြုပြီး ခင်မင်သွားကြပါတော့တယ် တစ်ရက်တော့ အလုပ်ကိစ္စကြောင့် နစ်ကီ့ကိုကြိုပေးဖို့ စတက်ဖနီကိုအကူအညီတောင်းပြီး အမ်မလီတစ်ယောက် ထူးဆန်းစွာ ပျောက်ဆုံးသွားပါတော့တယ်။ အချစ်ဆုံးသူငယ်ချင်းအမ်မလီကို စတက်ဖနီကိုယ်တိုင်ရှာပုံတော်ဖွင့်ရာမှ မထင်မှတ်တာတွေ တခုပြီးတခုထွက်ပေါ်လာတဲ့အခါမှာတော့...။ ဒါရိုက်တာ Paul Feig ကရိုက်ကူးထားပြီး Crazy Rich Asians က မင်းသားချော Henry Golding လည်းပါဝင်အားဖြည့်ထားပါတယ်။ File size…(5.5 GB)/(1.7 GB )/(1.1 GB) Quality…BluRay 4K HEVC/ 1080p HEVC / 720p Format…mkv/mp4 Duration….01:57:00 Subtitle….Myanmar Subtitle (Hardsub) Encoder….Ka Naung Translated by May Myat Thu

အသက်အလတ်ပိုင်းအရွယ်ရှိတဲ့လူငယ်တစ်ယောက် အိမ်နဲ့အဆင်မပြောဖြစ်ပြီး အိမ်ကနေထွက်လာခဲ့ပြီး ကိုယ့်ခြေထောက်ပေါ်ကိုယ်ရပ်တည်ခဲ့တယ် ထိုလူအရွယ်ရောက် အိမ်ထောင်ရပ်သားကျပြီး မိသားစု ပျော်ပျော်ရွှင်ရွှင်နေထိုင်နေချိန်မှာ ညီဖြစ်သူဆီက ဖုန်းလာပြီး အမေဖြစ်သူပျောက်နေတယ်ဆိုတဲ့သတင်းကို ကြားလိုက်ရတော့ အမေရှိတဲ့မြို့ဆီသွားပြီး အမေဖြစ်သူကို ရှာပါတော့တယ် အမေဖြစ်သူကိုရှာဖွေရင်း ထူးဆန်းတာတွေ တစ်ခုပြီးတစ်ခုဖြစ်လာပါတော့တယ် သူတို့ရဲ့အမေဖြစ်သူကို ရှာတွေနိုင်ပါ့မလား အဖြစ်ဆိုးတွေကနေ လွတ်မြောက်နိုင်ပါ့မလား ဆိုတာကတော့.... (ဇာတ်လမ်းအညွှန်းနဲ.ဘာသာပြန်က မကြီး Myint Thinzar ပါ) File Size : (600 MB) and (220MB) Quality : Webdl 720p Running Time : 1hr 23minutes Format : Mp4 Genre : Horror, Mystery, Thriller Subtitle : Myanmar Subtitle (Hardsub) Translated By Myint Thinzar Encode By Thanhtike Zaw

Ben Affleck ပါဝင်သရုပ်ဆောင်ထားတဲ့ အက်ရှင်နဲ့ မှုခင်းဇာတ်ကားပါ။ အဓိကဇာတ်ကောင်ဟာ ငယ်စဉ်က အော်တစ်ဇင်ရှိလို့ အထူးကျွမ်းကျင်သူတစ်ဦးဆီမှာ ကုသမှုခံယူရင်း နေခဲ့ရပါတယ်။ အရွယ်ရောက်လာတဲ့အခါမှာတော့ သင်္ချာဉာဏ်ထူးချွန်တဲ့ စာရင်းကိုင်တစ်ယောက် ဖြစ်လာတယ်။ သာမန်စာရင်းကိုင်တွေ တစ်နှစ်လောက်လုပ်ရမယ့် စာရင်းကို သူက တစ်ညတည်းနဲ့ လုပ်နိုင်သူပါ။ သူလုပ်ပေးနေတဲ့အလုပ်တွေက လူဆိုးဂိုဏ်းတွေရဲ့ ရှုပ်ထွေးနေတဲ့ ငွေစာရင်းတွေကို စစ်ဆေးပေးတာနဲ့ ငွေကြေးခဝါချပေးတာတွေ ဖြစ်ပါတယ်။ ဖုန်းထဲက အသံကိုပဲ ကြားရတဲ့ လျှို့ဝှက်မိန်းကလေးတစ်ယောက်ကလည်း သူ့ကို ကူညီပေးနေတယ်။ လူဆိုးဂိုဏ်းတွေကြားမှာ အလုပ်လုပ်ပေမယ့် သူဘယ်သူလဲဆိုတာကို ဖုံးကွယ်ထားနိုင်သလို တိုက်ခိုက်ရေးနဲ့ လက်နက်မျိုးစုံ အသုံးပြုရာမှာလည်း ကျွမ်းကျင်ပါတယ်။ တစ်ခါမှာတော့ သူဖော်ထုတ်လိုက်တဲ့ ငွေကြေးမသမာမှုတစ်ခုထဲ အပြစ်မဲ့မိန်းကလေးတစ်ယောက် ပါဝင်ပတ်သက်နေပါတယ်။ အဲဒီမိန်းကလေးကို ကြေးစားတွေက နှုတ်ပိတ်ဖို့ လိုက်လာကြတဲ့အခါ သူက ကယ်တင်ပေးရင်း ကိုယ်ဖော်ထုတ်မိတဲ့ကိစ္စကို အဆုံးအထိ လိုက်ရှင်းဖို့ ကြိုးစားရပါတော့တယ်။

Miss Meadows(2014) IMDb rating- 5.8 ဇာတ်လမ်းအညွှန်း မယ်ရီမဲဒိုးစ်ဟာ ငယ်ရွယ်ပြီး ချစ်စရာလည်းကောင်း၊ယဉ်ကျေးမှုလည်းရှိတဲ့ အမျိုးသမီးလေးတစ်ယောက်ပါ။ အိမ်သေးသေးလေးမှာ တစ်ယောက်တည်းနေထိုင်ပြီး သူ့ရဲ့တစ်နေ့တာလုပ်ငန်းဆောင်တာတွေကို သူ့အမေဆီ အမြဲဖုန်းဆက်ပြောပြတတ်ပါတယ်။ အခုကတော့ ပထမတန်းကလေးတွေအတွက် ယာယီဆရာမလေး လုပ်ပေးနေပါတယ်။ ဒီလိုအမျိုးသမီးလေးက အပြင်ပိုင်းမှာ တည်ငြိမ်ချစ်စရာကောင်းနေပေမယ့် သူ့ရဲ့တကယ့်သရုပ်မှန်ကိုတော့ ဘယ်သူမှမသိကြဘူးပါဘူး။ လူဆိုးတွေ၊ရာဇဝတ်ကောင်တွေ၊လူ့အဖွဲ့အစည်းအတွက် အန္တရာယ်ရှိတဲ့သူတွေကို သတ်ပစ်တဲ့သူ (vigilant) တရားဘက်တော်သားအနေနဲ့ ရှင်သန်နေသူတစ်ဦးပါ။ လောကကြီးမှာ လူဆိုးတွေရှိနေလို့မဖြစ်ဘူးလို့ စိတ်သွင်းထားတဲ့သူ့အတွက် ဘယ်လိုအတိတ်ဆိုးတွေများ ရှိနေမလဲ။ ဒီလိုနဲ့ တစ်နေ့တော့ ရဲမှူးနဲ့မစ်မဲဒိုးစ်တို့နှစ်ဦးသား တွေ့ဆုံချစ်ကြိုက်ကြပါလေရော။ အဲဒီနောက် ဘာတွေဆက်ဖြစ်လာမလဲပေါ့။ ကိုယ်ပိုင်စိတ်ကူးယဉ်ဆန်တဲ့ကမ္ဘာလေးမှာ နေထိုင်နေတဲ့ မယ်ရီမဲဒိုးစ်လေးတစ်ယောက် လက်တွေ့လောကကြီးဆီ ရုန်းထွက်လာနိုင်မယ့်ပုံလေး ရိုက်ကူးထားတာပါ။ ဒါပေမဲ့ လက်တွေ့လောကကြီးဆီ သူ တကယ်ပဲနီးစပ်လာနိုင်ခဲ့လား ဆိုတာကတော့ တွေးစရာလေးအဖြစ် ကျန်ရှိနေစေမယ့် ဇာတ်လမ်းမျိုးလေးပါ။ မစ်မဲဒိုးစ်အဖြစ် နာမည်ကြီးမင်းသမီးကြီး Kate Holmes က သရုပ်ဆောင်ထားပါတယ်။ ကလေးဆန်တဲ့ချစ်စရာအသွင်အပြင်လေးတွေ ညွှန်းပြစရာမလိုလောက်အောင် အပီအပြင်သရုပ်ဆောင်ထားတာ တွေ့ရမှာဖြစ်ပါတယ်။ ဆက်လက်ကြည့်ရှုကြပါဦး။ ဒီဇာတ်လမ်းရဲ့အညွှန်းနဲ့ ဘာသာပြန်ရေးသားသူက Orika ဖြစ်ပါတယ်။ File size…    2 GB /  844 MB Quality… BluRay 1080p / 720p Format… mp4 Duration…. 1h 28m Genre ..... Drama/Crime Subtitle…. Myanmar Subtitle (Hard Sub) Encoder…. Thit San Khant Translated by Orika

အဲရစ်မက်ဆာနဲ့ ဟောလီဘာရမ်ဆန်တို့ဟာ အချစ်ဆုံးသူငယ်ချင်းစုံတွဲက မိတ်ဆက်ပေးလို့ တစ်ခါမှမတွေ့ဖူးဘဲ ချိန်းတွေ့ခဲ့ကြပါတယ်။ ဒါပေမဲ့ အဲဒီချိန်းတွေ့မှုက အဆင်မပြေဘဲ တစ်ယောက်ကိုတစ်ယောက် မုန်းမိတဲ့အထိ ဖြစ်သွားခဲ့တယ်။ နောက်တော့ သူတို့ကို မိတ်ဆက်ပေးခဲ့တဲ့ သူငယ်ချင်းနှစ်ယောက် ကားမတော်တဆမှုနဲ့ ရုတ်တရက်ဆုံးပါးသွားပြီး သူတို့နှစ်ဦးရဲ့ဘဝလည်း ပြောင်းလဲလာပါတော့တယ်။ သူငယ်ချင်းစုံတွဲမှာ တစ်နှစ်အရွယ်သမီးလေး ဆိုဖီ ကျန်ရစ်ခဲ့တာကြောင့် မက်ဆာနဲ့ ဟောလီတို့ဟာ ကလေးကို စောင့်ရှောက်ဖို့ သူငယ်ချင်းတွေရဲ့ စံအိမ်ကြီးမှာ အတူနေကြရပါတယ်။ မတည့်တဲ့လူနှစ်ယောက် ကလေးတစ်ယောက်ကို အတူထိန်းကျောင်းရင်း သံယောဇဉ်တွေ ဖြစ်လာကြမလား၊ မိသားစုကပဲ တကွဲတပြား ဖြစ်သွားဦးမလား။ Greg Berlanti ရိုက်ကူးပြီး Josh Duhamel နဲ့ Katherine Heigi တို့ ပါဝင်ထားတဲ့ အချစ်ဟာသနဲ့ မိသားစုဒရာမာဇာတ်ကားပါ။

Lucky you (2007) IMDb - 5.9 ကျောင်းမှာ ကျုပ်တို့တွေ ဖဲရိုက်ဖူးကြတယ်မို့လား။ ဖဲဟာ လူငယ်လူလတ်တွေနဲ့ မကင်းတဲ့အရာပါပဲ။ ကျုပ်ဆိုကျုပ်ဘကြီး ကျောင်းမှာ ဆရာတွေနဲ့ ကျောင်းအုပ်ကြီးဆော့တာကို ကြည့်ရင်း တတ်လာတာပဲ။အဓိကက ပိုကာဒေါင်းတယ်။ အဲ့ဒီတုန်းကတော့ Texas HoldEM Pokerကို ကျုပ်တို့ခေါ်တာရှိူးပေါ့။ Full Houseတွေ Straightတွေ Flushတွေ ဘာမှမသိဘဲ ရမ်းတုတ် မှန်းတုတ်ဆော့ခဲ့ကြရတယ်။ ဖဲသမားအစစ်တွေက ဖဲချိုးမကောင်းတော့ရင် ဖဲထုပ်အသစ်ဖောက်ကြတာဆိုတော့ ဖဲထုတ်အဟောင်းတွေ ကျွန်တော်တို့ဆီ တစ်ပုံကြီးပဲ။ အဲ့ဒီဖဲထုတ်တွေကို လောင်းကြေးလုပ်ဆော့ခဲ့ကြတာပေါ့။ ပျော်ဖို့တော့ အတော်ကောင်းခဲ့သား။‌ ဒီရုပ်ရှင်က ဇာတ်အိမ် မရှိသလောက် ဖြစ်နေပေမဲ့ ကောင်းကွက်တစ်ကွက်တော့ရှိတယ်။ တခြားအခန်း အာစွတ်ရုံလောက်ထည့်ထားပြီး အစအဆုံးကို ဖဲဝိုင်းတွေ ဖဲသမားတွေရဲ့ဗျူဟာတွေချည်း ထည့်ထားတယ်။ ပြောရရင် ရုပ်ရှင်က လူသစ်လေးတွေကို Texas HoldEM Poker ကစားတတ်အောင် သေချာ သင်ပေးထားတယ်။ ပွဲတိုင်းက ဖဲတိုင်းကိုမြင်အောင်ပြပြီး ဘယ်ဖဲက ဘယ်လိုနိုင်တယ်ဆိုတာပြထားတယ်။ ကျုပ်လည်း အောက်ကမှတ်ချက်ထုတ်ရှင်းထားတယ်။ ဖျော်ဖြေရေးကြည့်တဲ့ရုပ်ရှင်မှာ ကွင်းစကွင်းပိတ်တွေနဲ့ ရှင်းလင်းရေးလုပ်တာက အတော်ကကြိုးကကြောင် နိုင်တယ်လို့ ကျုပ်လည်းထင်ပေမဲ့ ဒီရုပ်ရှင်ဟာ ဖဲကစားတတ်အောင်သင်ပေးတဲ့ ရုပ်ရှင်လို့ ဆိုလို့ရတော့ ပြည့်စုံအောင်ထည့်ထားလိုက်တယ်။ Castတွေတော့ လန်းတယ်ပြောရမယ် မူလ Hulk မင်းသား Eric Bana, မမ Drew BarryMore, နာမည်ကြီးကားတွေမှာပါခဲ့တဲ့ အဘိုးကြီးRobert Duvall, Ironmanမင်းသား Robert Downey, Jr. သရုပ်ဆောင်တွေကတော့ မိုက်ပါတယ်။ သေချာတာကတော့ ဒီရုပ်ရှင်ဟာ ခင်ဗျားကို Texas HoldEM Pokerကို ကစားတတ်အောင် သင်ပေးမယ့် ရုပ်ရှင်သက်သက်ပဲ။ ကစားနည်းတင် မဟုတ်ဘဲ ကစားဟန်ကိုပါ သင်ပေးလိမ့်မယ်။ ဒါကြည့်ပြီး ကျုပ်တော့ Governor of Poker 3 ဆော့လိုက်တာ တော်တော်တော့နိုင်သွားတယ်။ မဆော့ဖူးတဲ့လူဆိုရင်တော့ ဒီကားကြည့်ပြီး GOP3နည်းနည်းလောက်ဆော့ကြည့်ရင် ခင်ဗျားTexas HoldEM Pokerကို ကျွမ်းသွားမှာပဲ။ အဲ့ဒီကျကျောင်းမှာလည်း ဝင်နွဲလို့ရသပေါ့။ ဘယ်အတတ်မဆို တတ်ထားတာ‌တော့ အကောင်းဆုံးပဲဗျ။ ကစားနည်းတွေဟာ အပျော်တမ်းဆော့ရင် မိတ်ဆွေပေါစေမယ့်လမ်းစပဲ။ ဒီတော့ ပိုကာဆော့တတ်ရင် ခင်ဗျားသင်ထား သင့်တယ်လို့ အကြံပေးချင်တယ်။ သင်ပြီးရင်လည်း ကြေးကြီးနဲ့မဆော့မိအောင်ထိန်းပေါ့။ ပြောခဲ့တယ်မလား ကစားနည်းတွေဟာ မိတ်ဆွေရှာဖို့ပဲကောင်းတာ ငွေရှာဖို့မကောင်းဘူး။ ( အညွှန်းရေးသားထားသူကတော့ The Pooh ပါ ) Quality__1080p ,720p IMDb Rating__5.9/10 Format__mp4 Duration__02:00:00 Type__Drama , Romance , Sport Subtitle__Myanmar Subtitle (Hardsub) Translated by The Pooh Encoded by Naing Aung Latt

Bringing down the House (2003) Genre – Comedy IMDB – 5.6/10 ခွက်ထိုးလန် ရယ်ရတာမျိုး မဟုတ်ပဲ ပေါ့ပေါ့ပါးပါးနဲ့ ပြုံးရယ်နေရမယ့် ၂၀၀၃ ခုနှစ်တုန်းက ဟာသကားလေး တင်ဆက်ပေးချင်ပါတယ်ဗျ။ မင်းသားကတော့ Pink Panther တို့ Cheaper by Dozen တို့လို ဟာသကားကောင်းလေးတွေ ရိုက်ကူးခဲ့တဲ့ ဟာသမင်းသားကြီး Steve Martin ဖြစ်ပြီး အမွှေစိန်နေရာက မင်းသမီးတစ်ဖြစ်လဲ ရပ်ပ်အဆိုတော်လည်း ဖြစ်တဲ့ Queen Latifah တို့ အဓိက သရုပ်ဆောင်ပြီး ပံ့ပိုးထားကြတာပါ။ American Pie ရုပ်ရှင်တိုင်းမှာ ပါလေ့ရှိတဲ့ ဘဲကြီး Eugene Levy ကလည်း ဒီကားထဲ ပရမ်းပတာနဲ့ ဝင်ဖောက်ထားပါသေးတယ်။ ဒီကားလေးထဲမှာတော့ သက်လတ်ပိုင်းအရွယ် ကြုံဆုံရတဲ့ ဒုက္ခတွေနဲ့အတူ လူမျိုးရေး ခွဲခြားမှု အိမ်ထောင်ရေး ပြဿနာ အဆင့်အတန်း ခြားနားမှုတွေကို ခပ်ပါးပါး သရော်ထားတဲ့ ဟာသကားလေးဖြစ်ပါတယ်။ ဇာတ်လမ်းလေးကတော့ ပီတာဆိုတဲ့ အခွန်ရှေ့နေက အလုပ်ပဲအရမ်းလုပ်ပြီး ကလေး ၂ ယောက်ကို အချိန်မပေးနိုင်တဲ့အပြင် ဇနီးဖြစ်သူကိုပါ ချစ်ပေမဲ့လည်း ကွာရှင်းခံထားခဲ့ရတဲ့လူပါ။ အဲဒီမှာတင် လိုင်းပေါ်ကနေ ကောင်မလေးတစ်ယောက်နဲ့ ဥပဒေအကြောင်း တိုင်ပင်ဆွေးနွေးကြပြီး အပြင်မှာပါ တွေ့ဖို့ ချိန်းထားတဲ့အထိ အဆင်ပြေ ချောမွေ့နေတာပေါ့။ တစ်ရက်ကျ အလုပ်မှာ အပေါက်ဆိုး ဂုဏ်မောက်တဲ့ဖောက်သည် တစ်ယောက်ကိုလည်း အလုပ်ကိစ္စ စာချုပ်ရအောင် ချုပ်ရမယ့်အချိန် ကလေးနှစ်ယောက်ကိုလည်း အိမ်မှာခေါ်ထားရမယ့်အချိန် မတိုင်ခင်မှာ အွန်လိုင်းပေါ်က လူဖြူကောင်မလေးနဲ့ ညစာဒိတ်ထားလို့ စောင့်နေတာပေါ့။ ဒီမှာတင် ပေါက်ချလာတာက ပုံထဲမှာ ပြထားသလို လူဖြူမချောချောလေး မဟုတ်ပဲ ထောင်ထွက် ရာဇဝတ်သား လူမည်းအမျိုးသမီးကြီး ဖြစ်နေပြီး သူ့ကို တစ်ပတ်ရိုက် ဂျင်းထည့်ပြီး ရောက်လာတာနဲ့ ဖြစ်ပါတယ်။ အဲဒီမှာ ဘယ်လိုမှ နှင်ချမရတဲ့အဆုံး အိမ်ပေါ်ခေါ်တင်ထားပြီး ကလေးနှစ်ယောက်နဲ့ အပြင် ဖောက်သည် စာချုပ်ချုပ်ရမယ့်ကိစ္စတွေကြား ဒီ ဘွားတော်နဲ့ ပြဿနာတွေတက် တလွဲတွေ ဖြစ်ကြပြီး ဘယ်လိုဖြေရှင်းကြမလဲ ရယ်မောပြီး ကြည့်နေရမှာ ဖြစ်ပါတယ်။ File size…  1.73 GB /  833 MB Quality… BluRay 1080p / 720p Format… mp4 Duration…. 1h 45m Genre .....  Action , Comedy Subtitle…. Myanmar Subtitle (Hard Sub) Encoder…. Thit San Khant Translated by Thura Aung

မယ်လနီဟာ နယူးယော့ခ်ဆိုတဲ့ မြို့ကြီးပြကြီးမှာ အောင်မြင်တဲ့ ဖက်ရှင်ဒီဇိုင်နာ တစ်ယောက်အဖြစ် အသက်မွေး၀မ်းကျောင်းပြုနေတဲ့ မိန်းမချောလေးတစ်ဦးပါ အန်ဒရူးဆိုတဲ့ ချစ်ရတဲ့ကောင်လေး တစ်ဦးလည်းရှိသတဲ့ အန်ဒရူးဟာလည်း မြို့တော်၀န်ရဲ့သားဖြစ်သလို အတွင်း၀န်တစ်ယောက် အန်ဒရူးက မယ်လနီကို လက်ထပ်ခွင့်တောင်းတဲ့အခါမှာတော့ မယ်လနီတစ်ယောက်ရဲ့ဘ၀ဟာ ရှေ့ဆက် ပန်းခင်းတဲ့လမ်းချည်း ဖြစ်တော့မှာပါ ဒါပေမယ့် ပန်းခင်းလမ်းကိုရှေ့ဆက်ဖို့ဆိုရင်တော့ မယ်လနီဟာ သူမရဲ့အတိတ်ကနေ အရင်လွတ်မြောက်အောင် ထွက်ပြေးရမှာဖြစ်ပြီး သူမအလွတ်မြောက်ချင်ဆုံးအရာကတော့ အထက်တန်းကျောင်းပြီးတော့ သူနဲ့လက်ထပ်ခဲ့တဲ့ ဂျိတ်ဆိုတဲ့ ကောင်လေး ဖြစ်ပါတယ် ဒီတော့ မယ်လနီတစ်ယောက် အတိတ်ကို အပြီးသတ်ဖို့ရာ သူမရဲ့ ဇာတိမြို့လေးကို ပြန်လာရင်း ရှုပ်ထွေးမှုတွေကြား သောကရောက်ရပါတော့တယ် ခင်ပွန်းလောင်းအသစ်နဲ့ ခင်ပွန်းဟောင်းကြား ဗျာများရမယ့် မယ်လနီတစ်ယောက်အကြောင်းကို drama comedy အဖြစ် ပုံဖော်ရိုက်ကူးထားတဲ့ ဇာတ်လမ်းလေးဖြစ်ပါတယ် File size…(1.77GB)/(1.24GB) / (581MB) Quality….Webrip 1080p / 720p / 480p Format…mp4 Duration….01:48:00 Genre...Comedy / Romance Subtitle….Myanmar Subtitle (Hardsub) Encoder….Mr. Anderson Translated by ...Chuck

Snowday ဇာတ်လမ်းကတော့ 2000 ခုနှစ်ကထုတ်လွှင့်ထားတဲ့ ခရစ်စမတ်လို နှင်းတွေ မိသားစု drama ရယ် comedy ရယ် romance ရယ်ရောထားတဲ့ အမျိုးအစားဇာတ်ကားဖြစ်ပါတယ်။ အမေရိကမှာ ရိုးရိုး သာမန်နှင်းကျတဲ့နေ့နဲ့ နှင်းအရမ်းထူလို့ လမ်းတွေပိတ် ကျောင်းတွေပိတ် အလုပ်တွေပိတ်တဲ့နေ့ဆိုပြီးရှိပါတယ်။ အခု Snowday ကတော့ အဲ့လိုနှင်းထူပြီး ကျောင်းပိတ် အလုပ်ပိတ်ကာ ကလေးတွေ ပျော်ကြပြီး အားလပ်ရက် ၁ရက်တာရတဲ့အကြောင်းကို Drama လေးတွေနဲ့ရောထားတဲ့ ချစ်စရာ ဇာတ်လမ်းလေးတစ်ခုဖြစ်ပါတယ်။ မမျှော်လင့်တဲ့ နှင်းလွှမ်းမိုးမှုကြောင့် နယူးယောက်ပြည်နယ်မြောက်ပိုင်းရှိ မြို့တစ်မြို့ဟာ အလုပ်တွေကျောင်းတွေပိတ်ပြီး ရပ်ဆိုင်းသွားရတဲ့အခါမှာ Snowday ဖြစ်လာခဲ့ပါတယ်။ Snowday ဟာ နာတာလီ ဘရန်းစတန်လို့ ခေါ်တဲ့ ကလေးမလေး ဦးဆောင်တဲ့ မူလတန်းကျောင်းသားအဖွဲ့က ကျောင်းများကို ဆက်ပိတ်ထားစေဖို့ ကြိုးစားကြရင်းနဲ့ သူတို့အဖွဲ့က နှင်းလိုက်ရှင်းတဲ့ ကားကိုသိမ်းယူပစ်ဖို့ ကြိုးစားကြတဲ့အခါ၊ နာတာလီရဲ့ အကို ဟားလ်ကလဲ အဲဒီ့နေ့မှာ သူကြိုက်နေတဲ့ အထက်တန်းကျောင်းသူကလေး ကလယ်ရာဘိုနာကို အစွမ်းကုန် ဆွဲဆောင်ဖို့ ကြိုးစားနေခဲ့ပါတယ်။ ထို့အပြင် နာတာလီနဲ့ ဟားလ်ရဲ့ အဖေဖြစ်သူ မိုးလေဝသပညာရှင် အစီစဉ်ကြော်ငြာသူ တွန်ဘရန်စတန်ဟာလဲ ပြိုင်ဖက်သတင်းဌာနရဲ့ နာမည်ကြီးလာတဲ့ မိုလေဝသကြော်ငြာသူနဲ့ ပြိုင်ဆိုင်ရဖို့ ဖြစ်လာတဲ့အခါမှာ ဘယ်လိုမျိုး အလွဲတွေ ဟာသတွေ ရိုမန့်တွေနဲ့ ကလေးတွေ Snowday အတွက် ကြိုးစားကြပုံကို ပေါ့ပေါ့ပါးပါးလေး ကြည့်ရမှာဖြစ်ပါတယ်။ File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Family, Adventure  Subtitle….Myanmar Subtitle (Hardsub) Encoder….Swan Min Htet Translated by Kaung Myat Htoo

The Kid (2000) IMDb Rating (6.1) / Rotten Tomatoes (49%) ဒစ်စနေးကထုတ်တဲ့ အက်ရှင်မင်းသား Bruce Willis ရဲ့ ဒရာမာဇာတ်လမ်းကောင်းလေးပဲ ဖြစ်ပါတယ်။ ရပ်စ်က နာမည်ကျော် ရာထူးမြင့်လူတွေကို ပုဂ္ဂိုလ်ရေး၊ လူမှုရေးဆိုင်ရာ အကြံပေးတဲ့အလုပ်ကိုလုပ်ကိုင်ပြီး စိတ်ကသိကအောက်ဖြစ်စရာ စရိုက်လက္ခဏာကြောင့် လူတိုင်းတင်မက သူ့ရည်းစားကပါ အမြင်ကပ်ရပါတယ်။ အဖေဖြစ်သူနဲ့ စကားမပြောဘဲ ငယ်ဘဝကိုလည်း မေ့ဖျောက်ထားသူတစ်ယောက်ဖြစ်ပြီး အသက် ၄၀ ပြည့်ဖို့သိပ်မလိုတော့တဲ့အချိန် တစ်ညမှာ သူ့အိမ်ထဲကို ၈ နှစ်အရွယ် ဝတုတ်ကောင်လေး ခိုးဝင်လာပါတယ်။ ပထမတစ်ခါ လွတ်သွားပေမယ့် နောက်တစ်ခါလက်ပူးလက်ကြပ်မိတဲ့အခါ ကောင်လေးကို မေးမြန်းကြည့်ရင်း ၈ နှစ်ကလေးဟာ သူကိုယ်တိုင်ပဲဆိုတာ သိလိုက်ရတဲ့နောက်မှာတော့ သူ့မေ့ထားခဲ့တဲ့ အတိတ်ကို ပြန်လည်ရင်ဆိုင်ရဖို့ ဖြစ်လာပါတော့တယ်။ (အညွှန်းနဲ့ဘာသာပြန်ကတော့ Sike Tan ဖြစ်ပါတယ်။) File size…(3 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Comedy,Family,Fantasy Duration….01:46:19 Subtitle….Myanmar Subtitle (Hardsub) Encoder….Double K Translated by Sike Tan