Jeremy Renner ပါဝင်သော ဇာတ်ကားများ

Wake Up Dead Man: A Knives Out Mystery (2025) ++++++++++++++++++++++ IMDb Rating (7.9) / Rotten Tomatoes (92%) ဒီရုပ်ရှင်ကတော့ ပရိသတ်တွေ အားပေးကြတဲ့ Knives Out စီးရီးရဲ့ တတိယမြောက် ဇာတ်ကားဖြစ်ပြီး၊ နာမည်ကျော် စုံထောက်ကြီး Benoit Blanc (ဘီနွိုက် ဘလန့်ခ်) အဖြစ် Daniel Craig ကပဲ ပြန်လည်ဦးဆောင် ပါဝင်ထားပါတယ်.... ဇာတ်လမ်းအကျဉ်းချုပ် ++++++++++ ဒီတစ်ခါ ဇာတ်လမ်းကတော့ နယူးယောက်မြို့ မြောက်ပိုင်းက ဝေးလံတဲ့ ဒေသတစ်ခုမှာရှိတဲ့ ကက်သလစ် ဘုရားကျောင်းတစ်ခုကို နောက်ခံထားပါတယ်... ဇာတ်လမ်းအစမှာ ဖာသာ ဂျဒ်လို့ခေါ်တဲ့ ဘုန်းတော်ကြီးတစ်ပါးဟာ ပြဿနာတစ်ခုကြောင့် ဒီနယ်က ဘုရားကျောင်းကို ပြောင်းရွှေ့ခံလိုက်ရပါတယ် အဲဒီဘုရားကျောင်းကို အုပ်ချုပ်နေတာကတော့ သြဇာအာဏာကြီးပြီး ဒေါသကြီးတဲ့ မွန်ဆီညော် ဝစ်ခ်စ် ဖြစ်ပါတယ်.. တစ်ရက်မှာတော့... ဘုရားကျောင်းဝတ်ပြုပွဲ လုပ်နေတုန်းမှာပဲ မွန်ဆီညော် ဝစ်ခ်စ်ဟာ ဓားထိုးခံရပြီး သေဆုံး သွားပါတယ် လူသတ်သမားက ဘယ်သူမှန်း မသိရသလို၊ အဲဒီအချိန်မှာ လူတွေအများကြီး ဝိုင်းနေတဲ့ကြားကနေ ဘယ်သူမှ မသိလိုက်ဘဲ ဖြစ်သွားတဲ့ "Locked Room Mystery" (အခန်းပိတ် လူသတ်မှု) ပုံစံမျိုးပါ ဒီအမှုမှာ အဓိက သံသယရှိသူက ဖာသာ ဂျဒ်ဖြစ်နေပေမဲ့၊ စုံထောက်ကြီး ဘလန့်ခ်ရောက်လာပြီးတဲ့နောက်မှာတော့ သူတို့နှစ်ယောက် ပေါင်းပြီး တကယ့်တရားခံကို ရှာဖွေကြပါတော့တယ်... ဒီဇာတ်ကားက အရင်ကားတွေထက် ပိုပြီး Dark ဖြစ်သလို၊ ဘာသာရေး ယုံကြည်မှုနဲ့ ယုတ္တိဗေဒကြားက အားပြိုင်မှုတွေကို ထည့်သွင်းရိုက်ကူးထားပါတယ် Daniel Craig အပြင် Josh O'Connor, Josh Brolin, Glenn Close, Jeremy Renner, Mila Kunis, Andrew Scott စတဲ့ နာမည်ကြီး သရုပ်ဆောင်တွေ အများကြီး ပါဝင်ထားပါတယ်... အနှစ်ချုပ်ကတော့... ဘုရားကျောင်းထဲက လျှို့ဝှက်ဆန်းကြယ်တဲ့ လူသတ်မှုကို စုံထောက်ကြီး ဘလန့်ခ်က ဘယ်လို ဖြေရှင်းပြမလဲဆိုတာကို ရင်ခုန်ပြီးကြည့်ရမယ့် Whodunit (တရားခံဘယ်သူလဲ) ဆိုတဲ့ဇာတ်ကားကောင်း တစ်ကားဖြစ်ပါတယ်ဗျ..... File Size… (3.49GB) / (1.14GB) Quality… WEB-DL 1080p HEVC /720p Format…mkv / mp4 Duration…2h 24m Genre … Comedy , Crime , Drama , Mystery , Thriller Subtitle….Myanmar Subtitle (Hard Sub)

Mayor of Kingstown (2021-2025) Season 1 to 3 (complete) Season 4 (Ongoing) ဒီစီးရီးကတော့ အတော့်ကို ကောင်းပါတယ်။ လတ်တလော နှစ်ပိုင်းထွက်ထားတာကို tmdb rating 10/10 ရထားပြီး။ ရိုက်ထားတာကလည်း ရုပ်ရှင်အဆင့်လောက်ရှိတယ်။မင်းသားတွေကလည်း ဆရာတွေချည်းပဲ။ကြည့်ကြည့်လိုက်ပါ။ တစ်ပတ်တစ်ပိုင်း ထွက်မှာပါ။ ကင်းစ်တောင်းမြို့ ( Kingstown )ဆိုတာ ၇ မိုင် ပတ်လည်တိုင်းမှာ ထောင် ၁ ခုရှိပြီး ထောင်သူ/သားတွေ နေထိုင်ရာ မြို့ဖြစ်ပါတယ်။ ဒီမြို့မှာ မက်လက်စကီ မိသားစုက အာဏာကိုချုပ်ကိုင်ထားတဲ့ သူတွေဖြစ်ပြီး မြို့တော်ဝန် မိသားစုလို့ လူတွေက ခေါ်ကြတယ်။ မစ်ချ်၊ ဂျိမ်းစ်၊ ကိုင်းလ်တို့ ညီအစ်ကိုသုံးယောက်ဟာ ထောင်သားတွေကို ပြင်ပကမ္ဘာနဲ့ အဆက်အသွယ်လုပ်ပေးတဲ့သူတွေဖြစ်ပြီး ဒါနဲ့ပဲ မိသားစုတစ်သက် အသက်မွေးဝမ်းကြောင်းလုပ်နေတဲ့သူတွေပါ။ မြို့ရဲ့ ရဲတွေ တရားစီရင်ရေးတွေ ထောင်အစောင့်တွေ အာဏာပိုင်တွေကို အိပ်ကပ်ထဲထည့်ထားပြီး ဉပဒေကို လိုသလိုအသုံးချတဲ့ မြို့တော်ဝန်ညီအစ်ကိုဖြစ်ပါတယ်။ တစ်နေ့ ထောင်ထဲက မစ်ချ်ရဲ့ မိတ်ဆွေဟောင်း မိုင်လို အကူညီတောင်းတာကို လုပ်ပေးရင်းနဲ့ မြို့တော်ဝန်မစ်ချ် အသတ်ခံလိုက်ရာကနေ ဇာတ်လမ်းစပါတော့တယ်။ ရဲ၊ထောင်၊ရာဇဝတ်သားတွေနဲ့ ဉပဒေကိုအသုံးချသူတွေကြားကဖြစ်တဲ့ အရှုပ်အရှင်းတွေကို ကြည့်ရမဲ့ Crime ဇာတ်လမ်းတွဲကောင်းတစ်ခုဖြစ်ပြီး Main lead အနေနဲ့ Hawkeye မင်းသား Jeremy Renner က ပါဝင်ထားပါတယ်။ File size… (1.4 GB) / (500 MB) Quality…. WEB-DL 1080p HEVC / 720p Format…. mkv/mp4 Genre…. Crime,Drama, Thriller Duration…. 50min Subtitle…. Myanmar Subtitle (Hardsub)

အားလုံးစောင့်နေတဲ့ စီးရီးအသစ်တစ်ခုလာပါပြီ။ မာဗယ်အဗန်ဂျာ ဟော့ခ်အိုင်းပါပဲ။ စုစုပေါင်း ၆ ပိုင်း ရှိပြီး အခုအပတ် ၂ ပိုင်း နောက်အပတ်စဉ် တစ်ပိုင်းဆီ တင်ဆက်သွားမှာပါ။ 720p ရော 1080p ရော ရပါမယ်။ လူဝင်အရမ်းများပြီး ဝဘ်ဆိုက်လေးနေလို့ error ပြရင် ခဏခဏ refresh လုပ်ပေးရင်ရပါတယ်။ ဒီဇာတ်လမ်းကတော့ Endgame အပြီးကာလကို ဇာတ်အိမ်တည်ထားတာဖြစ်ပါတယ်။ ဟော့ခ်အိုင်းတစ်ယောက် မိသားစုနဲ့ကလေးတွေနဲ့ ပျော်ပျော်ရွှင်ရွှင်အနားယူနေချိန်၊ နယူးယောက်မြို့ရဲ့ လေလံပွဲကြီးတစ်ခုမှာ နှစ်ပေါင်းအတော်ကြာ ပျောက်ကွယ်နေတဲ့၊ ဒုစရိုက်ဂိုဏ်းတွေကို ရက်ရက်စက်စက် နှိမ်နင်းခဲ့တဲ့ ရိုနင်ရဲ့ ဝတ်စုံနဲ့ ဓားကိုလေလံဆွဲနေချိန်မှ ာ ပေါက်ကွဲမှုကြီးတစ်ခုဖြစ်ပြီး လူဆိုးဂိုဏ်းတွေနဲ့ အရှုပ်အထွေးတွေ ဖြစ်လာတဲ့အခါ ဟော့ခ်အိုင်းတစ်ယောက် မျိုးဆက်သစ် လေးသည်တော်လေးနဲ့အတူ စွန့်စားခန်းတွေ ဖွင့်ရပါတော့တယ်။ Translated by Mr.Anderson, Thiha Yan Naing, Thaung Htike Zaw

ဘလက်ဝစ်ဒိုးအဖြစ် စကားလက် ဂျိုဟန်ဆန်နောက်ဆုံးသရုပ်ဆောင်တဲ့ ရုပ်ရှင်ကြီး ရပါပြီ။ ဒီဇာတ်လမ်းကိုတော့ Civil War အပြီး ကာလမှာ တည်ဆောက်ထားတာပါ။ ဆိုကိုဗီယားသဘောတူညီချက်ကို ချိုးဖောက်လို့ အဗန်ဂျာတွေ ပြိုကွဲပီးလိုက်ဖမ်းခံနေရပါတယ်။ ကပ် နဲ့ နာတာရှာကတာ့ ဝရမ်းပြေးတွေပေါ့။ အဲဒီအချိန်မတိုင်ခင် Age of Ultron ရုပ်ရှင်မှာတုန်းက နာတာရှာရဲ့ အတိတ်ကို ဖြတ်ခနဲ မြင်လိုက်ရသေးတယ်မဟုတ်လား။ လူသတ်သမား သူလျှိုတွေကို လေ့ကျင့်ပေးတဲ့ ခန်းဆောင်နီဆိုတဲ့ အဖွဲ့အစည်းတစ်ခုပေါ့။ အခုရုပ်ရှင်မှာတော့ အဲဒီခန်းဆောင်နီနဲ့ ပတ်သက်တဲ့အတိတ်တွေက နောက်က လိုက်လာပြီး သူ့လိုပဲ ဝစ်ဒိုးတွေ အများကြီးနဲ့ ရင်ဆိုင်ရတော့မှာပါ။ နောက်ပြီးတော့ ဘလက်ဝစ်ဒိုး အသစ်ဖြစ်လာမယ့်သူလည်း ပါသလို နောင်လာမယ့် ရုပ်ရှင်တွေနဲ့ ဆက်စပ်လို့ရမှာတွေကို ပြသွားပါတယ်။ ထုံးစံအတိုင်း စာတန်းထိုးပြီးရင် အပိုပါတဲ့ တစ်ခန်းကိုကြည့်ဖို့တော့ မမေ့နဲ့ပေါ့ဗျာ.... File Size : (2.1 GB) , (1.2GB) Quality : WEB-DL 1080P ,720p Format…mp4 Duration…02:13:00 Genre : Action , Sci-Fi , Adventure Subtitle : Myanmar Subtitle (Hard Sub) Translated by  CM Encoded by Phyo Pyae

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Avengers: Endgame (2019) IMDb Raing (8.4) / Rotten Tomatoes (94%) "Avengers: Endgame" သည် MCU Phase 3 ရဲ့ အထွတ်အထိပ်နဲ့ Infinity Saga ရဲ့ အဆုံးသတ်ဇာတ်ကားဖြစ်ပြီး၊ 11 နှစ်တာ MCU ဇာတ်လမ်းတွဲရဲ့ နိဂုံးချုပ်အဖြစ် ရပ်တည်ကာ ရုပ်ရှင်သမိုင်းမှာ အကြီးကျယ်ဆုံး box office အောင်မြင်မှုများ ရရှိခဲ့ပါတယ်။ "Infinity War" မှာ Mad Titan ဖြစ်တဲ့ Thanos ဟာ စကြဝဠာကြီး အဓွန့်ရှည်ဖို့ Infinity Stones အနန္တကျောက်တုံးတွေကိုသုံးပြီး သက်ရှိ တစ်ဝက်တိတိကို ဖျောက်ပစ်ခဲ့ပါတယ်။ ဒီအဖြစ်အပျက်ပြီး 5 နှစ်အကြာမှာတော့ ကျန်ရစ်သူ Avengers များဟာ အချိန်ခရီးသွားပြီး Infinity Stones များကို ပြန်လည်စုဆောင်းပြီး Snap ကို ပြန်ဖျက်မယ့် မဟာဗျူဟာကိုကြံဆောင်တဲ့အခါ Thanos နဲ့ ဘယ်လိုထိပ်တိုက်တွေ့ကြမလဲဆိုတာ အံ့ဩဘနန်းကြည့်ရှုရမယ့် စူပါဟီးရိုးသမိုင်းရဲ့ အကြီးကျယ်ဆုံးသော ရုပ်ရှင်ကားဖြစ်ပါတယ်။ Budget $356-400 million ကုန်ကျခဲ့ပြီး Box office ဝင်ငွေ $2.799 billion ထိပြန်လည်ရရှိခဲ့တာကြောင့် အအောင်မြင်ဆုံး MCU ဇာတ်ကားဖြစ်လာပါတယ်။ Infinity Stones အကြောင်းတွေနဲ့ MCU အကြောင်းကို အကြမ်းဖျဉ်းမိတ်ဆက်ရရင် Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေပါတယ်။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ကဲ Thanos ကြီးရဲ့အကြံအစည် အောင်မြင်ပါ့မလားဆိုတာ....။ File size…(7.4 GB)/ (3.6 GB )/(1.8 GB) Quality…WEB-DL IMAX 4K HEVC/ 1080p HEVC / 720p Format…mkv/mp4 Duration….03:01:00 Subtitle….Myanmar Subtitle (Hardsub) Encoder….Ka Naung Translated by Littleneo

"အသက်ကြီးလာလို့ ကစားတာရပ်လိုက်တာမဟုတ်ဘူး၊ ကစားတာရပ်လိုက်တာလို့ အသက်ကြီးလာတာ" ဆိုတဲ့ဆောင်ပုဒ်က သူတို့ရဲ့လက်သုံးဆောင်ပုဒ်တစ်ခုပေါ့။ သူတို့ဆိုတာ Hogan, Bob, Chilli, Sable, Jerry တို့သူငယ်ချင်းငါးယောက်အဖွဲ့ကိုရည်ညွှန်းတာပါ။ ဟိုးငယ်ငယ်လေးကတည်းက ကျောင်းနေဖက် ဆော့ဖော်ဆော့ဖက်တွေဖြစ်တဲ့အတွက် တစ်ယောက်ကိုတစ်ယောက်လည်း သံယောဇဉ်အတော်ရှိကြပါတယ်။ အသက်ကြီးလာတဲ့အခါကိုယ့်လမ်းကိုလျှောက်ပြီး တစ်ယောက်နဲ့တစ်ယောက် သူစိမ်းတွေလိုတကွဲတပြားမဖြစ်ချင်တဲ့သူတို့သူငယ်ချင်းတစ်သိုက်ဟာ အချိန်တန်ရင်ခွဲခွာရမယ်ဆိုတဲ့ လောကကြီးရဲ့နိယာမကို ဆန့်ကျင်ဖို့နည်းလမ်းတစ်ခုကိုတီထွင်ခဲ့ပါတယ်တော့တယ်။ အဲဒါကတော့ အသက်ကြီးတဲ့အချိန် ငယ်ငယ်တုန်းကလို ဆက်ပြီးဆော့ကစားတဲ့နည်းပါပဲ။ သူတို့ဆော့တဲ့ကစားနည်းကို မြန်မာလိုခေါ်ရရင်တော့ စိန်ပြေးလိုက်တမ်းပေါ့ဗျာ။ သူတို့သူငယ်ချင်းတွေဟာ အဲဒီစိန်ပြေးလိုက်တမ်းကို နှစ်တိုင်းရဲ့မေလတိုင်းမှာ ကစားလေ့ရှိတယ်။ ဒါပေမယ့် အရင်တုန်းကလို လူစုလူဝေးနဲ့ကွင်းပြင်ကျယ်ကြီးထဲမှာဆော့ကြတာမဟုတ်ပါဘူး။ မေလအတွင်းတစ်ရက်ရက်မှာခွေးရူးဖြစ်တဲ့သူက ကိုယ်ဖမ်းချင်တဲ့လူရှိတဲ့နေရာကို ရောက်အောင်လာပြီး ဖမ်းရတာပဲဖြစ်ပါတယ်။ ဒါ့အပြင်ကိုယ့်ကိုမြင်ရင်လည်း အဖမ်းခံရတဲ့သူက ထွက်ပြေးနိုင်တဲ့အတွက် မမှတ်မိအောင်ရုပ်တွေဘာတွေ ဖျက်ပြီးအနားရောက်မှအမိဖမ်းရပါတယ်။ ထူးခြားချက်တစ်ခုကတော့ သူတို့သူငယ်ချင်းထဲမှာ Jerry ဆိုတဲ့တစ်ယောက်က အဲဒီကစားနည်းစဆော့ပါပြီဆိုကတည်းက နှစ် ၃၀ တိုင်အောင် တစ်ခါမှအဖမ်းမခံရသေးပါဘူး။ ၃၁ နှစ်မြောက်မှာတော့ Jerry တစ်ယောက်အိမ်ထောင်ပြုပြီးတော့ ဒီကစားပွဲကနေအကောင်းဆုံးစံချိန်နဲ့ အပြီးတိုင်အနားယူတော့မယ်ဆိုတဲ့သတင်းကို သိသွားတဲ့ Hogan ဟာ ကျန်တဲ့သူငယ်ချင်းသုံးယောက်ကိုအမြန်စုပြီးတော့ မင်္ဂလာပွဲမှာခြေချုပ်မိနေမယ့် Jerry ကိုဖမ်းပြီး သူ့ရဲ့နှစ် ၃၀ အဖမ်းမခံရတဲ့စံချိန်ကိုချိုးပစ်ဖို့အတွက် စီစဉ်ပါတော့တယ်။ ဇာတ်လမ်းရဲ့အသွားအလာကိုကြည့်ပြီး ဟာသကားဖြစ်မယ်ဆိုတာ အားလုံးသိလောက်မှာပါ။ ဒါ့အပြင်ဇာတ်လမ်းကိုရုတ်တရက်ကြည့်ရင်တော့ စိတ်ကူးယဉ်ဆန်ပြီး အတင်းလုပ်ယူသလိုကြီးဖြစ်နေပါလိမ့်မယ်။ ဒါပေမယ့် ဒီဇာတ်ကားဟာ တကယ့်ဖြစ်ရပ်မှန်ကိုအခြေခံပြီးရိုက်ကူးထားတာပဲဖြစ်ပါတယ်။ တော်တော်ကြည့်ပျော်တဲ့ဇာတ်ကားလေးဖြစ်ပြီး Adult Joke တွေလည်းမပါသလောက်နည်းပါးတဲ့အတွက် မိသားစုနဲ့အတူစိတ်လွတ်ကိုယ်လွတ်ကြည့်ချင်တယ်ဆိုတဲ့သူတွေအတွက် ဒီဇာတ်ကားလေးကို ညွှန်းဆိုပေးလိုက်ပါတယ်။ ဒါ့အပြင် သူပေးချင်တဲ့ Message လေးကတော်တော်ကောင်းပြီးတော့ ကြည့်ပြီးတဲ့အခါမှာလည်း တချို့ဟာသကားတွေလိုကြည့်ပြီးခဏနဲ့ မေ့မေ့ပျောက်ပျောက်ဖြစ်သွားမယ့်ဇာတ်ကားမျိုးမဟုတ်ဘဲ ရင်ထဲတစ်ခုခုကျန်ခဲ့မယ်ဆိုတာကိုတော့.....။ (ဇာတ်လမ်းအညွှန်း နဲ့ ဘာသာပြန်သူကတော့ Myo Thant Kyaw ပါ) File Size : (800 MB) and (380 MB) Quality : Blu-Ray 720p Running Time : 1hr 40min Format : Mp4 Genre : Comedy Subtitle : Myanmar Subtitle (Hard Sub) Source : 720p.BluRay.x264-GECKOS Translated by Myo Thant Kyaw Encoded by Thanhtike Zaw

Wind River (2017) IMDb Rating (7.7) / Rotten Tomatoes (87%) Hawkeye မင်းသားကြီး Jeremy Renner နဲ့ Wanda မင်းသမီး Elizabeth Olsen တို့ ဦးဆောင်ပါဝင်ထားတဲ့ ဒီဇာတ်ကားက အင်ဒီးယန်းနယ်မြေက ဖြစ်ရပ်မှန်ကိုအခြေခံထားတဲ့ Rating မြင့် ရသစုံရုပ်ရှင်ကားကြီးပါ။ ဇာတ်လမ်းကတော့... ကော်ရိုဟာ နှင်းတွေအမြဲဖုံးလွှမ်းနေတဲ့ အင်ဒီးယန်းရေခဲတောင်တွေပေါ်မယ် သားရဲမုဆိုးအဖြစ် အသက်မွေးနေသူတစ်ယောက်ဖြစ်ပါတယ်... တစ်နေ့မှာ သူခြင်္သေ့လိုက်ထွက်ရင်း နှင်းတောထဲမှာ မိန်းမပျိုလေးတစ်ဦးရဲ့အလောင်းကို တွေ့ရှိလိုက်ရပါတယ်... ဒီအမှုကိုစုံစမ်းဖို့အတွက် FBIက အတွေ့အကြုံမရှိတဲ့ စုံထောက်မလေး ဂျိမ်းကို စေလွှတ်လိုက်ပါတယ်... မနူးမနပ် ဆတ်ဆတ်ကြဲ ဂျိမ်းဟာ လူအင်အားကလည်းမလုံလောက် သူကလည်းအတွေ့အကြုံမရှိ အမှုကလည်းရှုပ်ထွေးလာနဲ့မကြံတတ် မစည်တတ်ဖြစ်လာရတဲ့အတွက် ကော်ရိုရဲ့အကူအညီကိုတောင်းခံပြီး အတူတကွ ဆက်လက်စုံစမ်းကြရတာပေါ့... ဒီလိုစုံစမ်းနေတဲ့အချိန်မှာပဲ ရေခဲတောင်ပေါ်မှာ နောက်ထပ်အလောင်းတစ်လောင်းကို ထပ်ပြီးတွေ့ရှိလိုက်ရတဲ့အခါမှာတော့ ......... ဇာတ်အိမ်ဖွဲ့ပုံသေသပ်လှတဲ့အတွက် ဇာတ်ကားတလျှောက်လုံး ရင်တထိတ်ထိတ်နဲ့ တရားခံဘယ်သူဖြစ်နိုင်မလဲ.... ကိုယ့်ကိုယ်ကိုသတ်သေလိုက်တာရော မဖြစ်နိုင်ဘူးလား....စသဖြင့် စိတ်ဝင်တစားကြည့်ရှုရမှာဖြစ်ပါတယ်.... ရုပ်ရှင်တစ်ခုလုံးမှာလည်း နှင်းတွေရေခဲတွေနဲ့အမြဲဖုံးလွှမ်းနေတဲ့အတွက် နှင်းတောင်တန်းရဲ့ ရသအပြည့်ပုံစံနဲ့ ခံစားရမှာပါ။ File size…(6.5 GB)/ (1.6 GB )/(999 MB) Quality….BluRay 4K HEVC/ 1080p HEVC / 720p Format…mkv/mp4 Duration….01:47:00 Subtitle….Myanmar Subtitle (Hardsub) Encoder….Ka Naung Trasnlated by May Thazin Myint

Arrival (2016) IMDb Rating (7.9) / Rotten Tomatoes (94%) Mystery/Science fiction Arrival ဆိုတာ လေဆိပ်မှာဆိုရင်တော့ ဆိုက်ရောက်ပေါ့ဗျာ.. ဒီဇာတ်ကားထဲမှာလဲ တစ်စုံတစ်ဦးက တစ်နေရာရာကို ဆိုက်ရောက်လာတာနဲ့ပတ်သက်ပြီး ဖြစ်ပေါ်လာတဲ့အကျိုးဆက်တွေကိုမြင်တွေ့ရမှာပါ။ အမှန်ပြောရရင် ကျွန်တော်ဒီကားကို Trailer လည်းမကြည့်ဖြစ်တော့ ဇာတ်ကားမကြည့်ခင်အထိ အာကာသနဲ့ ပတ်သက်တဲ့ ဇာတ်ကားလို့ပဲထင်ခဲ့ဖူးတယ်။ တကယ်တမ်းမှာ ကမ္ဘာမြေကို ရောက်ရှိလာတဲ့ ဧည့်သည်တွေနဲ့ ပတ်သက်တဲ့ ဇာတ်ကားဖြစ်နေတာပါ။.. ဇာတ်ကားအမျိုးအစားကို Mystery/Science fiction လို့ ဖော်ပြကြပေမယ့် ကျွန်တော်ကတော့ Drama ဇာတ်ကားကောင်းတစ်ကားကို ကြည့်ခွင့်ရလိုက်တယ်လို့ပဲ ခံစားရပါတယ်။ Director Denis Villeneuve က ရိုက်ကူးပြီး မင်းသမီး Amy Adams နဲ့ မင်းသား Jeremy Renner တို့က အဓိကပါဝင်သရုပ်ဆောင်ထားပါတယ်။ ဇာတ်လမ်းအကြောင်းပြောရမယ်ဆိုရင်တော့…. Dr. Louise Banks ရဲ့ ဘဝဇာတ်ကြောင်းနဲ့ အစပြုထားပါတယ်။ သူမက ကလေးငယ်တစ်ဦးရဲ့ မိခင်တစ်ယောက်ဖြစ်ပြီး သမီးလေးကို တစ်ဦးတည်း ထိန်းကြောင်းနေတဲ့ ပုံရိပ်တွေကိုမြင်တွေ့ရမှာပါ။ လက်မှာ လက်ထပ်လက်စွပ်လည်းဝတ်ထားပြီး ခင်ပွန်းအကြောင်းကို မရိုက်ပြထားတော့ မုဆိုးမ / တစ်ခုလပ်အနေနဲ့ပဲ ဘဝကို သမီးလေးနဲ့ အတူဖြတ်သန်းနေပုံတွေကို အဆင့်ဆင့်ဖော်ပြထားကာ နောက်ဆုံးမှာ သူ့သမီးလေးက ဆယ်ကျော်သက်အရွယ်ရောက်တဲ့အခါမှာ ရောဂါဝေဒနာတစ်ခုကိုခံစားရပြီး ဆေးရုံတက်နေရင်းနဲ့ သူမရဲ့ လက်ထက်မှာပဲသေဆုံးသွားခဲ့ပါတယ်။ သူမက ဘာသာဗေဒနဲ့ပတ်သက်ပြီး Doctor ဘွဲ့ရရှိထားတာဖြစ်ပြီး တက္ကသိုလ်တစ်ခုမှာ စာပြလျက်ရှိပါတယ်။ တစ်နေ့တော့ သူမရဲ့ စာသင်ခန်းမှာ သာမန်ထက်ကျောင်းသားတွေ ပိုနည်းနေပြီး စာသင်နေရင်းနဲ့ တွေ့ရှိရတဲ့ သတင်းတစ်ခုကတော့.. ကမ္ဘာမြေပေါ်ကို အမည်မသိ ယာဉ်ပျံကြီး (၁၂)စင်း ရောက်ရှိနေပြီး မတူညီတဲ့ နိုင်ငံ (၁၂)ခုမှာ ဆင်းသက်ရပ်နားထားတယ်ဆိုတဲ့ .. သတင်းပါ။ သက်ဆိုင်ရာ နိုင်ငံအသီးသီးက အစိုးရတွေကလည်း ဒီယာဉ်ပျံတွေနဲ့ပတ်သက်ပြီး စုံစမ်းစစ်ဆေးနေဆဲဖြစ်သလို .. အံ့သြစရာကောင်းလောက်အောင် ကြီးမားနေတာကြောင့် ပြည်သူလူထုကလည်း အထိပ်တလန့်နဲ့ လှုပ်လှုပ်ရှားရှားဖြစ်ကုန်ပါတယ်။ ဒါဟာ နိုင်ငံတစ်နိုင်ငံထဲရဲ့ အရေးမဟုတ်တော့ပဲ.. တစ်ကမ္ဘာလုံးရဲ့ အရေးဖြစ်တာကြောင်း United Nation (UN) ကဝင်ရောက်ကိုင်တွယ်နေသလို ကမ္ဘာ့နိုင်ငံအသီးသီးကလည်း တစ်နိုင်ငံနဲ့ တစ်နိုင်ငံ ဆက်သွယ်ပြီး သတင်းအချက်အလက်များ ဖလှယ်ကာ စုံစမ်းဖော်ထုတ်လျက်ရှိပါတယ်။ Dr. Louise Banks တို့ တက္ကသိုလ်ကလည်း အခြေအနေမတည်ငြိမ်မှုတွေကြောင့် ကျောင်းရှိလူကုန်ကို အိမ်ပြန်စေပါတယ်။ Dr. Louise Banks ကတော့ သူမတစ်ဦးတည်း နေထိုင်တဲ့ အိမ်ကို သက်သက်သာသာပဲပြန်လာခဲ့လိုက်ပါတယ်။ နောက်ရက်မှာတော့ သူမက တာဝန်အရ ကျောင်းကို ပြန်သွားခဲ့ပါတယ်။ ဒါပေမယ့် သူမတပည့်တွေကတော့ ဘယ်သူမှ ကျောင်းလာမတက်ကြတော့ပါဘူး.. သူမရုံးခန်းမှာရှိနေစဉ်မှာ မဖိတ်ခေါ်ထားတဲ့ ဧည့်သည်အမျိုးသား (၃)ဦးရောက်ရှိလာခဲ့ပြီး သူမကို ဘာသာပြန်ပေးဖို့အလုပ်အပ်ပါတယ်။ ဒါပေမယ့် ဘာသာပြန်ပေးရမှာက အသံသွင်းထားတဲ့ စက်ထဲက ထူးထူးဆန်းဆန်းအသံတွေကိုပါ။ အချက်အလက်မပြည့်စုံပဲ.စကားပြောဆိုတဲ့သူကိုလည်း မတွေ့ရတာကြောင့် သူမက ဘာသာပြန်ဖို့ဆိုတာမဖြစ်နိုင်ဘူးလို့ ငြင်းခဲ့ပါတယ်။ ဒါပေမယ့် နောက်တစ်နေ့ မနက်အစောပိုင်းမှာပဲ သူမရဲ့ အိမ်ကို ရောက်ရှိလာပြီး ဒီတစ်ခါတော့ အသံသွင်းထားတဲ့ File ကို ဘာသာပြန်ရမှာမဟုတ်ပဲ.. အသံထွက်တဲ့ နေရာအထိခေါ်သွားဖို့အတွက် ရောက်ရှိလာတာပါ… အဲဒီနောက်မှာတော့ … စစ်သုံးရဟတ်ယာဉ်ပေါ်မှာ Ian Donnelly ဆိုတဲ့ ရူပဗေဒသိပ္ပံပညာရှင်နဲ့ တွေ့ဆုံပြီး သူတို့အလုပ်အတူတွဲလုပ်ရမှာဖြစ်ပါတယ်။ သူတို့နှစ်ဦးတွေ့ဆုံမှုမှာ ပထမဆုံးပြောတဲ့ Dialogue လေးတွေက စိတ်ဝင်စားစရာကောင်းတာကြောင့် ပြန်လည်ဖော်ပြလိုက်ပါတယ်။ Ian က Louise ရေးသားတဲ့ ဘာသာဗေဒ စာအုပ်ထဲက စာသားအချို့ကို ရွတ်ပြခဲ့ပါတယ်။ “ Language is the foundation of civilization. It is the glue that holds the People together. It is the First weapon drawn in a conflict” (ဘာသာစကားဆိုတာ.. လူ့အဖွဲ့အစည်းရဲ့ အခြေခံ အုတ်မြစ်ဖြစ်ပြီး လူသားတွေကို အတူတကွရှိနေစေတဲ့ ကြားခံတစ်ခုပါ။ ရှုပ်ထွေးမှုတွေ အငြင်းပွားမှုတွေကိုဖြစ်စေတဲ့ ပထမဆုံးလက်နက်တစ်ခုလည်းဖြစ်တယ်။ ) Ian ရဲ့ စာသားအပေါ်မှတ်ချက်ကတော့ “It is great. Even if it is wrong” (မှားနေပေမယ့် ရေးထားတာအရမ်းကောင်းပါတယ်တဲ့) Louise က သံယောင်လိုက်ပြီး ပြန်မေးပါတယ်။ “It is wrong?” မှားနေတာလား ?? အဲဒီအခါမှာ Ian က သူ့ရဲ့ သဘောထားကို ပြန်ပြောခဲ့ပါတယ်။ “ The cornerstone of civilization isn’t language. It’s Science” (လူ့အဖွဲ့အစည်းရဲ့ အခြေခံအုတ်မြစ်က ဘာသာစကားမဟုတ်ပါဘူး.. သိပ္ပံပညာသာဖြစ်ပါတယ်) တဲ့ … အယူအဆမတူတဲ့ သူနှစ်ဦးက အလုပ်တစ်ခုကို တွဲလုပ်ကြရတော့မှာပါ… အဲဒီနောက်မှာတော့ ယာဉ်ပျံတစ်စီးရှိနေတဲ့ အရပ်ကို ရောက်ရှိလာပါပြီ… လေထုပြသနာရှိတာကြောင့် ၁၈နာရီမှာမှ တစ်ကြိမ် (နာရီအနည်းငယ်ခန့်)သာ ယာဉ်ပျံပေါ်တက်ရောက်ပြီး ဂြိုလ်သားတွေ့နဲ့ တွေ့ဆုံခွင့်ရှိတာကြောင့် ပထမဆုံး ဆုံတွေ့ချင်းမှာ.. တစ်ယောက်ပြောတဲ့ စကားကို တစ်ယောက်က နားမလည်ခဲ့တာပါဘူး။ ဒုတိယအကြိမ်မှာတော့ တစ်ယောက်နဲ့ တစ်ယောက် အက္ခရာချင်းဖလှယ်လို့ရအောင် ကြိုးစားပါတော့တယ်… အဲဒီမှာသိလာရတာက စက်ဝိုင်းပုံတစ်ပုံဟာ ဝါကျတစ်ကြောင်းဖြစ်ပြီး ပါဝင်တဲ့ အစက်ကလေးတွေနဲ့ ပုံသဏ္ဍာန်တွေအပေါ်မှာ မူတည်ပြီး အဓိပ္ပာယ်တွေကွဲပြားသွားပါတယ်။ တစ်ဖက်မှာလည်း ..လူတွေက ဒီယာဉ်ပျံကြီးတွေနဲ့ပတ်သက်လို့ ကြောက်ရွံ့ထိပ်လန့်မှုတွေပိုမိုတိုးပွားလာလျက်ရှိပြီး တစ်ပြိုင်နက်တည်းမှာပဲ.. အကြောက်တရားနဲ့ အတ္တတို့ပေါင်းစပ်ကာ.. တိုင်းပြည်မငြိမ်သက်မှုများ.. ဆူပူအုံကြွမှုများ နဲ့ အစိုးရပေါ်ဖိအားပေးမှုတွေရှိလာပါတော့တယ်။ Ian နဲ့ Louise တို့ကြိုးစားအဖြေရှာနေကြသလိုပဲ.. တခြားနိုင်ငံတွေကလည်း ဘာသာစကားကို နားလည်ဖို့ကြိုးစားနေကြပါတယ်။ သူတို့ အဓိကသိချင်ကြတဲ့ မေးခွန်းတွေကတော့.. ဂြိုလ်သားတွေ ကမ္ဘာမြေကို ရောက်ရှိလာတဲ့ ရည်ရွယ်ချက်ပါပဲ… အဲဒီလိုအဖြေရှာနေစဉ်ကာလအတွင်းမှာ Louise က သူမရဲ့ သမီးလေးနဲ့ပတ်သက်ပြီး မကြာခဏ သတိရလာသလို တိုက်ဆိုင်မှုတွေကိုလည်း မြင်နေရပါတယ်။ စိတ်ရောကိုယ်ပါ ပင်ပန်းနေတဲ့ Louise တစ်ယောက် အက္ခရာတွေကို ဖော်ထုတ်အဖြေရှာနိုင်ပါ့မလားဆိုတာ… အဲဒီအချိန်မှာပဲ တရုတ်နိုင်ငံက General Shang က ဘာသာစကားနဲ့ ပတ်သက်ပြီး သူတို့ ဖော်ထုတ်လို့ရတာက … Use the weapon လို့ အဖြေထုတ်လိုက်ပါတယ်။ ဒါဟာတစ်နည်းအားဖြင့် စစ်ကြေညာတာလို့ သူတို့က နားလည်လက်ခံလိုက်ပါတယ်။ Louise က အဖြေထုတ်ရာမှာတော့ Offer weapon လို့ အဖြေထုတ်ပါတယ်။ တနည်းအားဖြင့် နည်းပညာ/ လက်နက်တစ်ခုခုကို စီးပွားရေးဆန်ဆန် လာရောက်ရောင်းချတာမျိုးဖြစ်နိုင်တယ်လို့ သူမက ယုံကြည်ပါတယ်။ ဆိုတော့ကာ… တရုတ်အပါအဝင် အခြားနိုင်ငံတော်တော်များများက ယာဉ်ပျံတွေကို ၂၄ နာရီအတွင်း ကမ္ဘာမြေကထွက်ခွာဖို့ သတိပေးလိုက်ပြီး မထွက်ခွာပါက တိုက်ခိုက်မယ်လို့ ဆုံးဖြတ်လိုက်ပါပြီ.. Russia နိုင်ငံကဲ့သို့ စစ်အင်အားကြီးနိုင်ငံအပါအဝင် Sudan, Pakistan အစရှိတဲ့နိုင်ငံတွေကပါ တရုတ်နိုင်ငံနဲ့ ပူးပေါင်းပြီး စစ်ရေးအရပဲ ဖြေရှင်းဖို့ ကြိုးစားနေကြပါတယ်။ Louise တို့ရဲ့စခန်းနဲ့လည်း အဆက်အသွယ်မလုပ်တော့သလို သတင်းအချက်အလက်များကိုလည်း ဝေမျှခြင်းမရှိတော့ပဲ…သိပ်မကြာခင်မှာ နိုင်ငံတော်တော်များများက ကမ္ဘာတစ်ဝှန်းလုံးက ယာဉ်ပျံတွေကို စစ်ကြေညာပြီး ထွက်ခွာဖို့ တောင်းဆိုလိုက်ပါတယ်။ ဒီယာဉ်ပျံတွေကရော အလွယ်တကူ ထွက်ခွာသွားမလား.. ကမ္ဘာမြေကရော အန္တရာယ်ကင်းပါ့မလားဆိုတာ…. “Full Spoiler Alert” Louise က မတည်ငြိမ်တဲ့အခြေအနေတစ်ခုမှာ .. တော်တော်များများကလည်း စခန်းကို သိမ်းဆည်းနေပြီး စစ်ကြေညာဖို့ပြင်ဆင်နေတာကြောင့် .. သူမက အရဲစွန့်ပြီး ယာဉ်ပျံရှိရာဆီကို တစ်ဦးတည်း သွားရောက်ပြီး ဂြိုလ်သားနဲ့ ဆက်သွယ်ဖို့ကြိုးစားပါတယ်။ အဲဒီမှာပဲ သူမသဘောပေါက်လိုက်တာက သူမက အနာဂတ်ကို ကြိုမြင်တဲ့ အစွမ်းရှိနေတာပါ။ ကျွန်တော်တို့ဇာတ်လမ်းအစမှာ ကြည့်ခဲ့ရတဲ့ သူမနဲ့ သူမရဲ့ သမီးလေးဆိုတာကလည်း တကယ်တမ်းတော့ Louise ကြိုမြင်နေရတဲ့အရာတွေပါ။ သမီးရဲ့ဖခင်ကတော့ သူမရဲ့လုပ်ဖော်ကိုင်ဖက် ရူပဗေဒသိပ္ပံပညာရှင် Ian ပဲဖြစ်ပါတယ်။ ဒါပေမယ့် Louise က သူမရဲ့အနာဂတ်ကို ကြိုမြင်နိုင်စွမ်းကို ခင်ပွန်းဖြစ်သူ ရူပဗေဒသိပ္ပံပညာရှင် Ian ကို ဖွင့်ပြောခဲ့တာကြောင့် Ian ကလက်မခံနိုင်ပဲ အချင်းများရာက လမ်းခွဲလိုက်ကြပုံပါပဲ။ နောက်ဆုံးမှာတော့ Louise က သူမရဲ့ အနာဂတ်အကြောင်းကို သိရှိခဲ့ရသလိုပဲ.. သူမရဲ့ အနာဂတ် ကြိုမြင်နိုင်စွမ်းကို အသုံးချကာ တရုတ်နိုင်ငံက General Shang ကို နားလည်အောင်ရှင်းပြနိုင်ခဲ့တာကြောင့် စစ်ဖြစ်ပွားခြင်းမရှိတော့ပဲ ငြိမ်းချမ်းစွာဖြေရှင်းနိုင်ခဲ့ပါတယ်။ တကယ်တမ်းမှာ Louise ဘာသာပြန်ခဲ့သလို Offer weapon မဟုတ်ပဲ Offer Gift ဖြစ်နေတာပါ။ ဂြိုလ်သားနဲ့ ဆက်သွယ်ရင်းနဲ့ Louise က အနာဂတ်ကို ကြိုမြင်နိုင်စွမ်းတဲ့လက်ဆောင်ကို ရရှိခဲ့ခြင်းပဲဖြစ်ပါတယ်။ ဂြိုလ်သားတွေလာရောက်ဆက်သွယ်တဲ့ကိစ္စကလည်း တကယ်တမ်းမှာ သူတို့တွေအနေနဲ့ နောင်တစ်ချိန်မှာ လူသားတွေရဲ့အကူအညီလိုအပ်လာမှာဖြစ်လို့အခုကတည်းက လာရောက်ဆယ်သွယ်ထားခြင်းပဲဖြစ်ပါတယ်။ ဇာတ်လမ်းရဲ့ အဆုံးသတ်မှာ ဂြိုလ်သားတွေ အကြောင်းကို အသေးစိတ်ရှင်းမပြခဲ့ပဲ လက်ရှိရင်ဆိုင်နေရတဲ့ အခက်အခဲတွေ အဆင်ပြေကျော်လွှားနိုင်ခဲ့တယ်ဆိုတာလောက်ပဲ ပြသသွားခဲ့ပါတယ်။ ဒီဇာတ်ကားကိုကြည့်ပြီး ခံစားမိတာကတော့.. လူတွေက ကြောက်စိတ်နဲ့ အတ္တပေါင်းစပ်လာရင် ကြမ်းတမ်းခက်ထန်လာတတ်တာပါပဲ.. ..(လူတွေက ဒီယာဉ်ပျံကြီးတွေနဲ့ပတ်သက်လို့ သေချာမသိရသေးခင်မှာပဲ စိုးရိမ်ပူပန်မှုတွေလွန်ကဲကာ အကြောက်တရားနဲ့ အတ္တတို့ပေါင်းစပ်ပြီး .. တိုင်းပြည်မငြိမ်သက်မှုများ.. ဆူပူအုံကြွမှုများ နဲ့ အစိုးရပေါ်ဖိအားပေးမှုတွေရှိလာပါတယ်လို့ ကျွန်တော်ထင်ပါတယ်။ ) နောက်ထပ်ခံစားမိတာတစ်ခုက အက္ခရာတွေကို အဓိပ္ပာယ်ဖော်တဲ့နေရာမှာ “use the weapon” နဲ့ “offer weapon” လို့ ဘာကြောင့်အဓိပ္ပာယ်ကွဲသွားရတာလဲဆိုတဲ့အချက်ပါ.. ကျွန်တော့်ရဲ့အမြင်အရတော့ Louise ရဲ့ စိတ်အခံက ဂြိုလ်သားတွေနဲ့ပတ်သက်ပြီး ရင်နှီး နှစ်လိုဖွယ်ရှိပြီး General Shang တို့ကတော့ နဂိုစိတ်ရင်းမှာကိုက ဂြိုလ်သားတွေအပေါ်မှာသံသယထားပြီး နှစ်မြို့ပုံမရတာကြောင့် ဘာသာပြန်တဲ့နေရာမှာအဓိပ္ပာယ်ကွဲပြားသွားတယ်လို့ ကျွန်တော်မြင်ပါတယ်။ လက်တွေ့ဘဝမှာလည်း လူတွေက မိမိတို့ကြားနေမြင်နေတာတွေကို ကိုယ့်ရဲ့စိတ်ခံစားချက်ပေါ်မူတည်ပြီးအဓိပ္ပာယ်ကောက်လေ့ရှိကြတယ်မဟုတ်ပါလား…. ဒါကြောင့် ချစ်သောစိတ်ဖြင့် မြင်နိုင်ကြားနိုင်ကြပါစေလို့ ဆုတောင်းရင်း…. #Arrival_2016, #Nucleon_Content, #Admin_N (ရုပ်ရှင်အညွှန်းကို Nucleon FB Page မှကူးယူဖော်ပြပါသည်။) File size…(2.8 GB )/(910 MB)/ (730 MB) Quality….BluRay 4K HEVC/ 1080p HEVC / 720p Format…mkv/mp4 Duration….01:56:31 Subtitle….Myanmar Subtitle (Hardsub) Encoder….Ka Naung

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Captain America: Civil War (2016) IMDb Rating (7.8 ) / Rotten Tomatoes (90 %) "Captain America: Civil War" သည် MCU Phase 3 ပထမဆုံး ဇာတ်ကားဖြစ်ပြီး၊ Avengers အဖွဲ့ရဲ့ အတွင်းရေးပဋိပက္ခ၊ နိုင်ငံတကာ နိုင်ငံရေးဖိအားများနဲ့ Infinity Saga အတွက် အရေးပါတဲ့အချက်တွေကို မိတ်ဆက်ပေးခဲ့ပါတယ်။ ဒီဇာတ်ကားထဲမှာ Black Panther, Spider-Man တို့လို ပရိတ်သတ်အကြိုက်ဇာတ်ကောင်သစ်တွေမိတ်ဆက်ပေးနိုင်ခဲ့ပါတယ်။ "Civil War" ရုပ်ရှင်ဟာ Phase 3 ရဲ့ အရှိန်အဟုန်ကို စတင်ပေးခဲ့သော ဇာတ်ကားဖြစ်ပြီး၊ Avengers အဖွဲ့ရဲ့ ပြိုကွဲမှု၊ ဇာတ်ကောင်အသစ်များ နဲ့ Thanos ရဲ့ ခြိမ်းခြောက်မှုတို့ကို ချိတ်ဆက်ပေးခဲ့တာမလို့ သည်ဇာတ်ကားပြီးမှသာ Infinity Saga ရဲ့အရှိန်က အပြည့်အဝ ရောက်ရှိလာခဲ့တာလို့ ဆိုရမှာဖြစ်ပါတယ်။ Budget $250 million ကုန်ကျခဲ့ပြီး Box office ဝင်ငွေ $1.155 billion ထိပြန်လည်ရရှိခဲ့ပါတယ်။ File size…(6.1 GB)/ (2.4 GB )/(1.2 GB) Quality…BluRay IMAX  4K HEVC/1080p HEVC / 720p Format…mkv/mp4 Duration….02:28:00 Subtitle….Myanmar Subtitle (Hardsub) Encoder….Ka Naung Translated by Littleneo

Marvel Cinematic Universe: Phase Two ကတော့ Phase One ရဲ့ အောင်မြင်မှုကြောင့် ပရိတ်သတ်အများအပြားရဲ့ယုံကြည်မှုနဲ့ အားပေးမှုကို အရံသင့်ရရှိခဲ့ပြီး ခန့်ညားထည်ဝယ်စွာဆက်လက်တင်ဆက်နိုင်ခဲ့ပါတယ်။Phase 2 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်အကြောင်းတွေ ပိုမိုပါဝင်လာခဲ့ပါပြီ။ Phase 1 တုန်းက Solo မိတ်ဆက်ခဲ့တဲ့ လူစွမ်းကောင်းတွေကို Phase 2 မှာ ပိုမိုစုစည်းမြင်တွေ့လာရပြီး MCU ရဲ့ ကြီးမားကျယ်ပြန့်တဲ့ Universe ကို ထပ်မံချပြနိုင်ခဲ့ပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 2 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man 3 (2013) Thor: The Dark World (2013) Captain America: The Winter Soldier (2014) Guardians of the Galaxy (2014) Avengers: Age of Ultron (2015) Ant-Man (2015) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Avengers: Age of Ultron (2015) IMDb Rating (7.3 ) / Rotten Tomatoes (76 %) "Avengers: Age of Ultron" (2015) သည် Marvel Cinematic Universe (MCU) Phase 2 ရဲ့ ပဉ္စမမြောက် ဇာတ်ကားဖြစ်ပြီး၊ Avengers အဖွဲ့ရဲ့ စုပေါင်းစွမ်းအားကို ဒုတိယအကြိမ်ချပြခဲ့တဲ့ရုပ်ရှင်ကားဖြစ်ပါတယ်။ ဇာတ်လမ်းကတော့ Tony Stark (Iron Man) နဲ့ Bruce Banner (Hulk) တို့ရဲ့ ကြိုးပမ်းမှုကြောင့် Ultron လို့ခေါ်တဲ့ ဉာဏ်ရည်တု AI စနစ်ကို ဖန်တီးမိပြီး၊ ဒီ AI စနစ်ဟာ လူသားတွေကို ဖျက်ဆီးဖို့ ဆုံးဖြတ်လိုက်ပါတယ်။ Ultron ဟာ သူ့ရဲ့ ရည်ရွယ်ချက်ကို အကောင်အထည်ဖော်ဖို့အတွက် Vision နဲ့ Scarlet Witch တို့လို စွမ်းအားရှိသူတွေကို ဖန်တီးပါတယ်။ Avengers အဖွဲ့ဟာ Ultron ရဲ့ ခြိမ်းခြောက်မှုကို တားဆီးဖို့အတွက် ပြန်လည်စုစည်းခုခံဖို့ဖြစ်လာတဲ့အခါမှာတော့....။ Vision ရဲ့ နဖူးမှာ တပ်ဆင်ထားတဲ့ Mind Stone ဟာ Infinity Stones တွေထဲက တစ်ခုဖြစ်ပြီး၊ MCU ရဲ့ နောက်ကားတွေအတွက် စကြာဝဠာကျောက်တုံးတွေကို တခုပြီးတခုမိတ်ဆက်နေခဲ့ပါတယ်၊ Budget $444–495.2 million ကုန်ကျခဲ့ပြီး Box office ဝင်ငွေ $1.405 billion ထိပြန်လည်ရရှိခဲ့ပါတယ်။ File size…(6.7 GB)/ (2.6 GB )/(1.8 GB) Quality…BluRay  4K HEVC/1080p HEVC / 720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Translated by CM Team

Tom Cruise ပါဝင်တဲ့ Mission: Impossible ရဲ့ ငါးကားမြောက်ဇာတ်ကားဖြစ်ပြီး Ghost Protocol အဆုံးမှာ Ethan Hunt ရခဲ့တဲ့ Syndicate အဖွဲ့ကို ခြေရာခံဖို့တာဝန်ကနေ ဆက်ထားပါတယ်။ ဒီတစ်ခါမှာ Hunt ဟာ အာရုံကြောအဆိပ်ဓာတ်ငွေ့တွေ အကြမ်းဖက်သမားတွေလက်ထဲ မရောက်အောင် တားဆီးရင်း Syndicate အကြောင်းကို စုံစမ်းနေတယ်။ လန်ဒန်မှာ နောက်ထပ်တာဝန်အကြောင်း နားထောင်နေတုန်းမှာပဲ အဲဒီအဖွဲ့ရဲ့ ဖမ်းဆီးတာကို ခံလိုက်ရပါတယ်။ တစ်ဖက်မှာလည်း IMF ကို ဖျက်သိမ်းပြီး CIA လက်အောက်ကို ပေါင်းထည့်လိုက်တာကြောင့် Hunt အတွက် အားကိုးစရာ နည်းသွားတယ်။ IMF ရဲ့ အဓိကသုံးသပ်ရေးအရာရှိ William Brandt လည်း CIA အရာရှိ Alan Hunley လက်အောက်ကို ရောက်သွားပြီး Hunt ကို မကူညီနိုင်တော့ပါဘူး။ Hunt ကတော့ ဗြိတိန်ထောက်လှမ်းရေး MI6 က အမျိုးသမီးလျှို့ဝှက်အေးဂျင့်တစ်ယောက်ရဲ့ အကူအညီနဲ့ Syndicate လက်ထဲကနေ လွတ်လာပါတယ်။ အဲဒီနောက် အဖွဲ့ခေါင်းဆောင် Solomon Lane ကို ရှာဖွေပြီး သူ့အကြံအစည်တွေကို တားဆီးဖို့ ဆက်ကြိုးစားရတယ်။ Syndicate ရဲ့နောက်ခံမှာ နိုင်ငံအသီးသီးက သူလျှိုတွေကို စုဆောင်းပြီး လျှို့ဝှက်စစ်ဆင်ရေးတွေ လုပ်ခိုင်းဖို့ ရည်ရွယ်ထားတဲ့ ဗြိတိန်အစီအစဉ်တစ်ခု ရှိနေပါတယ်။ ဝန်ကြီးချုပ်က ခွင့်မပြုခဲ့ပေမယ့် တရားမဝင် ဆက်လုပ်နေရာက Solomon Lane ဟာ သစ္စာဖောက်ပြီး ခွဲထွက်သွားခဲ့တာပါ။ Christopher McQuarrie ရိုက်ကူးထားတဲ့ ဒီဇာတ်ကားမှာ MI6 အေးဂျင့်အဖြစ် Rebecca Ferguson ပါဝင်ထားပြီး Tom Cruise နဲ့အတူ Jeremy Renner၊ Simon Pegg နဲ့ Luther Stickell အဖြစ် Ving Rhames တို့လည်း ပြန်ပါလာကြပါတယ်။ ရှေ့ကားတွေကိုတော့ Brian De Palma၊ John Woo၊ J.J. Abram နဲ့ Brad Bird တို့က အစဉ်လိုက် ရိုက်ကူးထားကြတာပါ။

စုန်းမတွေကို သတ်ဖို့ အကောင်းဆုံးနည်းက မီးရှို့တာပဲ Hanel and Gretel ဆိုပြီး တောထဲမှာ လမ်းပျောက်ပြီး သကြားလုံးတွေနဲ့ အိမ်မှာ စုန်းမတစ်ယောက် ဖမ်းဆီးခြင်းကို ခံရတဲ့ ပုံပြင်လေးကို ကျွန်တော်တို့ ပုံပြင်အဖြစ်ရော ဇာတ်လမ်းတွေ အဖြစ်ပါ ကြားဖူး မြင်ဖူးကြမှာပါ ဒီတစ်ခါမှာတော့ အဲဒီ ပုံပြင်ကိုပဲ အခြေတည်ရိုက်ကူးထားပြီး Marvel က ကျွန်တော်တို့နဲ့ ရင်းနှီးပြီးသား Haekeye မင်းသား Jeremy Renner ပါဝင်သရုပ်ဆောင်ထားတဲ့ ဇာတ်ကားကောင်းလေးကို တင်ဆက်ပေးချင်ပါတယ် ဇာတ်လမ်းအကျဥ်းကတော့ ငယ်စဥ်မှာ မိဘတွေရဲ့ စွန့်ပစ်ခြင်းကို ခံခဲ့ရတဲ့ Hansel နဲ့ Gretel ဟာ တောထဲမှာ မျက်စိလည် လမ်းမှားပြီး စုန်းမ တစ်ယောက်ရဲ့ ဖမ်းဆီးခြင်းကို ခံခဲ့ရပါတယ် စုန်းမကို မီးဖိုထဲ တွန်းချ ထွက်ပြေးခဲ့တဲ့ နောက်မှာတော့ စုန်းမုဆိုးတွေ အဖြစ် အသက်မွေးဝမ်းကြောင်းပြုပြီး နေထိုင်ခဲ့ပါတယ် ဒီလိုနဲ့ ကြီးလာတဲ့အခါမှာ နာမည်ကြီး စုန်းမုဆိုးတွေ ဖြစ်လာပြီး အော့စ်ဘာ့ဂ်ဆိုတဲ့ မြို့လေးမှာ ကလေးတွေ အများကြီး စုန်းမတွေ ဖမ်းဆီးနေတာကြောင့် သူတို့ကို အလုပ်အပ်လာပါတယ် အဲဒီအချိန်မှာ အကြီးစား စုန်မတွေရဲ့ အကြံကို သိလိုက်ရပြီး သူတို့ တားဆီးအနိုင်ယူနိုင်မှာလား သူတို့ရဲ့ မိဘတွေက ဘာလို့ စွန့်ပစ်သွားတာလဲဆိုတာကို‌ရော သူတို့ သိရမှာလား ဆိုတာကို ကြည့်ရှု ခံစားလိုက်ပါ File Size :  4.3 GB, 1.6 GB, 946 MB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC and AC-3 Genre : Animation, Adventure, Comedy Subtitle : Myanmar Subtitle (Hard Sub) Translated by : Zin Sann Oo Encode by : Thit San Khant

1921 မှာ Ewa Cybulska နဲ့သူ့အမဟာ သူတိုရဲ့ အမေရိကန် အိပ်မက်ကိုအကောင်အထည်ဖော်ဖိုအတွက် မွေးရပ်ပိုလန်မြေကနေ ပြီးတော့ New York မြိုကိုထွက်လာခဲ့ပါတယ်။ ကံမကောင်းအကြောင်းမလှစွာပဲ Ellis ကျွန်းပေါ်ရောက်တဲ့ အချိန်မှာတော့ သူ့အမဟာ နာမကျန်းဖြစ်နေတဲ့အတွက် ညီအမ နှစ်ယောက်ခွဲရပါတော့တယ်။ မန်ဟန်တန်ရဲ့လမ်းမတွေပေါ်မှာ သွားစရာနေရာမရှိချိန် နာမကျန်းဖြစ်လိုသီးသန့်ထားခံထားရတဲ့ သူ့အမ Magda ကို ကယ်တင်ဖို ကြံရာမရဖြစ်‌နေချိန်မှာ Ewa ဟာ Bruno Weiss ရဲ့အကူအညီကိုရယူပြီး Bruno ရဲ့ ပြည့်တန်ဆာ လုပ်ငန်းထဲ ဝင်ရောက်ရပါတော့တယ်။ ပြင်သစ်မင်းသမီးချော Marion Cotillard , Joker မင်းသား Joaquin Phoenix နဲ့ Hawkeye မင်းသား Jeremy Renner တို့ ပါဝင်သရုပ်ဆောင်ထားတဲ့ ၁၉၀၀ နှစ်အစောပိုင်းကာလများဆီက immigrants တွေရဲ့ ဘဝဖြစ်ရပ်မှန်တွေကို အခြေခံရိုက်ကူးထားတဲ့ ဇာတ်ကားကောင်းလေးပဲဖြစ်ပါတယ်...... File size…1.24GB / 562MB Quality…Blu-Ray 1080p  / 720p Format…mp4 Duration….2h Genre …..Drama , Romance Subtitle….Myanmar Subtitle (Hard Sub) Encoder….Min Wai Translated by Aerin

ဒါရိုက်တာကြီး David O. Russell ရိုက်ကူးထားပြီး Christian Bale, Amy Adams, Bradley Cooper, Jeremy Renner, Robert DeNiro နဲ့ Jennifer Lawrence တို့ သရုပ်ဆောင်ထားတဲ့ ၂၀၁၃က ရုပ်ရှင်လေးတစ်ကားကို တင်ဆက်ပေးလိုက်ပါပြီ...... IMDb - 7.2, RT - 92% ထိရရှိခဲ့တဲ့ ဇာတ်ကားလေးတစ်ကားပါ။ အဲဒီလောက်ရလို့ ဆုအနေနဲ့ကြည့်ရင်လည်း အော်စကာ နိုမီက ၁၀ခု တကယ်ရရှိသွားတဲ့ ဆုက ၇၀ နဲ့ နိုမီချည်းပဲကို စုစုပေါင်း ၂၂၇ခုထိ ရရှိခဲ့တဲ့ကားလေးပါပဲ..... ဇာတ်လမ်းလေးကတော့ မာဖီးယားဂိုဏ်းနဲ့ ရဲတွေရဲ့အရှုပ်တော်ပုံအကြောင်းပါပဲ ဇာတ်လမ်းကို သိပ်ညွှန်းစရာမလိုလောက်အောင် ဒါရိုက်တာတွေနဲ့ ပါဝင်ထားတဲ့ သရုပ်ဆောင်တွေကိုကြည့်လိုက်တာနဲ့ "မီးလက်ဝါး"လိုကားတောင် ကြည့်ကောင်းသွားမယ်ဆိုတာ ရဲရဲကြီးအာမခံရင်းနဲ့ပဲ စောင့်မျှော်နေသူတွေရော တကယ့် ရုပ်ရှင်ကားကောင်းကိုကြည့်ချင်သူတွေရောပါ လက်မလွှတ်တမ်းကြည့်လိုက်ကြပါဦးလို့............. File size…(2 GB)/(1 GB) Quality….Webrip 1080p / 720p Format…mp4 Duration….02:18:00 Genre...Drama, Crime Subtitle….Myanmar Subtitle (Hardsub) Encoder….Garfield

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ The Avengers (2012) IMDb Rating (8.0) / Rotten Tomatoes (91 %) MCU ရဲ့  ဆဌမမြောက်ရုပ်ရှင်ကားဖြစ်ပြီး ရှေ့မှာမိတ်ဆက်ခဲ့ပြီးသား စူပါဟီးရီုးတွေကို တပေါင်းတစည်းထဲ စတင်မြင်တွေ့ရမယ့်ရုပ်ရှင်ဖြစ်ပြီး Marvel Cinematic Universe ဆိုတာ ဒါမျိုးလို့ ကြွေးကြော်နိုင်တဲ့ထိ အောင်မြင်မှုရရှိခဲ့ပါတယ်။ Infinity Stone ခေါ် စကြာဝဠာကျောက်တုံး(၆) တုံးထဲက Space Stone ခေါ် Tesseract (Blue) ကျောက်တုံးရဲ့ စွမ်းအားတွေနဲ့ စူပါဟီးရိုးတွေရဲ့ အခန်းကဏ္ဍကို ကျယ်ကျယ်ပြန့်ပြန့်မိတ်ဆက်လာနိုင်ပါတယ်။ Budget $220–225 million ကုန်ကျခဲ့ပြီး Box office ဝင်ငွေ $1.521 billion ထိပြန်လည်ရရှိခဲ့လို့ MCU ရဲ့ ပထမဆုံး ဘီလီယံကျော်တဲ့ရုပ်ရှင်ကားအဖြစ်အောင်မြင်ခဲ့ပါတယ်။ File size…(6.9 GB)/ (3 GB )/(1.9 GB) Quality…BluRay 4K HEVC/1080p HEVC / 720p Format…mkv/mp4 Duration….02:23:00 Subtitle….Myanmar Subtitle (Hardsub) Encoder….Ka Naung

IMDb - 6.7/10 ဒီဇာတ်ကားဖြန့်ချိရေးကို ကမ္ဘာကျော်ရုပ်ရှင် ထုတ်လုပ်ရေး ကုမ္ပဏီကြီး Universal Pictures က တာဝန်ယူထားသည်။ ကျော်ကြားသော အမေရိကန်စပိုင်ရုပ်ရှင် The Bourne ဇာတ်ကားများ၏ အဆက်ဖြစ်ပြီး ယခုဇာတ်ကားသည် ၄ ကားမြောက်အဖြစ် အသစ်ထွက်ရှိသည်။ ဇာတ်ညွှန်းကို တိုနီဂေးရွိုင်းနှင့် ညီဖြစ်သူ ဒန်ဂေးရွိုင်းနှင့် ပူးတွဲရေးသားပြီး သူကိုယ်တိုင် ဒါရိုက်တာအဖြစ် ရိုက်ကူးခြယ်မှုန်းပေးထားသည်။ ဇာတ်ကားထုတ်လုပ်မှု ကုန်ကျစရိတ် ဒေါ်လာသန်း ၉၀ ရှိပြီး ယခင်ဇာတ်ကားများနည်းတူ အက်ရှင်ဇာတ်ဝင်ခန်းများနှင့် ဇာတ်လမ်း၊ ဇာတ်အိမ်ကောင်းမွန်သည်။ ထူးခြားမှုတစ်ခုမှာ ယခင်ဇာတ်ကားများတုန်းက သရုပ်ဆောင်ခဲ့သည့် မင်းသားမက်ဒေါမွန်ကို ပြန်လည်သုံးစွဲခြင်း မပြုတော့ဘဲ မင်းသားသစ် ဂျယ်ရီရမီးရန်နာကို အဓိက ခေါင်းဆောင်မင်းသားအဖြစ် ယခုဇာတ်ကားမှ ပွဲထုတ်ထားခြင်း ဖြစ်သည်။ စာရေးဆရာ အဲရစ်ဗန်လက်စဗန်ဒါ၏ The Bourne Legacy ဝတ္ထုအား ရုပ်ရှင်အဖြစ် အသက်သွင်းလိုက်ခြင်း ဖြစ်သည်။ ဇာတ်လမ်းအကျဉ်း The Bourne Ultimateum ဇာတ်ကားတုန်းက အဖြစ်အပျက်များကြောင့် ပြည်သူလူထုနှင့် နိုင်ငံရေးသမားများသည် လမ်းများပေါ်သို့ ထွက်လာကာ CIA နှင့် ရင်ဆိုင်လာသည်။ ထို့ကြောင့် CIA သည် ပြဿနာအရှုပ်အထွေးတွေ ယခုထက် ပိုမိုများပြားမလာခင် သူတို့၏ Operation Outcome ပရော်ဂျက်ကြီးအား လက်စတုံးဖျောက်ဖျက်ပစ်ဖို့ ကြံရွယ်လာခဲ့ကြသည်။ သဲလွန်စတစ်ခုမကျန် မြေကြီးထဲ မြှပ်နှံပစ်ဖို့ အမိန့်ပေးခဲ့သည်။ ထို့ကြောင့် စေခိုင်းခြင်းခံရသူ စပိုင်များသည် Operation Outcome ၏ လူအားလုံးကို သတ်တော့သည်။ အေရွန်ခရော့စ် (ဂျယ်ရီမီးရန်နာ) က Operation Outcome ၏ အေးဂျင့်တစ်ဦး ဖြစ်သောကြောင့် လုပ်ကြံသူများလက်ကနေ လွတ်မြောက်အောင် ကိုယ်လွတ်ရုန်းပြေးရတော့သည်။ ပြေးရင်းလွှားရင်း သူနှင့်ဘဝတူအဖြစ် ဆုံစည်းလာသူက ဒေါက်တာစတီဗင်စနိုက်ဒါ (မင်းသမီးချော ရေချယ်ဝိုက်စ်) ဖြစ်သည်။ ဒေါက်တာစတီဗင်သည် Outcome အေးဂျင့်များကို ဖန်တီးပုံဖော်ရာတွင် အဓိက အကူအညီပေးခဲ့သည့် ဆရာဝန်တစ်ဦးဖြစ်တာကြောင့် သူလည်းလုပ်ကြံသူများ လက်ကနေ လွတ်မြောက်အောင် မနည်းကြိုးစားရရှာသည်။ သူတို့ကို နောက်ကနေ အသေအလဲ လိုက်လံလုပ်ကြံနေသူက ဇာတ်ကားအစမှာကတည်းက ရန်သူတော်တစ်ဦး ဖြစ်သည့် စီအိုင်အေအေးဂျင့်ဗျာ (အင်ဒ်ဝပ်နော်တန်) ဖြစ်သည်။ သူက အေးရွန်ခရော့စ်နှင့် ဒေါက်တာစတီဗင်တို့အား အငြိုးကြီးကြီးဖြင့် သတ်ဖြတ်ဖို့ ကြိုးစားသည်။ အေရွန်ခရော့စ်တို့ စုံတွဲကလည်း ပြေးရင်းလွှားရင်းနှင့်ပင် အမှန်တရားကို ဖော်ထုတ်ကာ သူတို့၏ လွတ်မြောက်ရာလမ်းကို ရှာဖွေကြမည်။ ဇာတ်ကားတစ်ကားလုံး ပြေးလွှားပစ်ခတ်ကြသည်များကို အသည်းတယားယား၊ ရင်တဖိုဖို ကြည့်ကြရမည်။ CIA က Operation Outcome အဖွဲ့ကို မြေမြှပ်ဖို့ ဆုံးဖြတ်ချက်ချပြီး အမိန့်ထုတ်ပြန်လိုက်ကတည်းက The was never justone တစ်ယောက်မှ မကျန်စေနဲ့ဆိုတဲ့ ကြောက်စရာစကားလုံးကြီး အောက်ကနေ အေရွခရော့စ်တို့ ဘယ်လိုရုန်းထွက်ပြီး လွတ်မြောက်အောင် ပြေးကြမလဲဆိုတာကတော့ စိတ်ဝင်တစားကြည့်ရမှာ ဖြစ်ပါတယ်

အကြမ်းဖက်သမားတွေ ကရင်မလင်နန်းတော်ကို ဗုံးခွဲတာ မတားဆီးနိုင်ခဲ့တဲ့နောက် အီသန်ဟန့်နဲ့ IMF ထောက်လှမ်းရေးအဖွဲ့တစ်ခုလုံး နုတ်ထွက်လိုက်ရပါတယ်။ အဖွဲ့အစည်းရဲ့ အထောက်အပံ့မရှိတော့ပေမယ့် အီသန်က လက်မလျှော့ပါဘူး။ သူ့နာမည်နဲ့ အေဂျင်စီရဲ့ ဂုဏ်သတင်းကို ကာကွယ်ဖို့၊ နောက်ထပ် အကြမ်းဖက်တိုက်ခိုက်မှုတွေ မဖြစ်လာအောင် တားဆီးဖို့ ဆက်ကြိုးစားလာတယ်။ ဒါပေမယ့် သူ့အဖွဲ့ထဲမှာတင် သူနဲ့ ရည်မှန်းချက်မတူတဲ့သူတွေ ပါနေပါတယ်။ အကူအညီမရတဲ့အခြေအနေမှာ အဖွဲ့တွင်းက မတူညီမှုတွေကိုပါ ရင်ဆိုင်ရင်း အီသန်တစ်ယောက် မှန်ကန်တဲ့ ဆုံးဖြတ်ချက်တွေ ချနိုင်မလား၊ IMF ကို ပြန်ကယ်တင်နိုင်မလားဆိုတာ စောင့်ကြည့်ရမှာပါ။

၂၀၁၁ ခုနှစ်ထွက် Thor ဟာ Marvel Cinematic Universe ရဲ့ စတုတ္ထမြောက်ရုပ်ရှင်ဖြစ်ပြီး Chris Hemsworth သရုပ်ဆောင်တဲ့ မိုးကြိုးနတ်ဘုရား Thor ကို မိတ်ဆက်ထားပါတယ်။ လူသားစူပါဟီးရိုးတွေဆီကနေ နတ်ဘုရားတွေပါ ပါဝင်တဲ့အထိ MCU ရဲ့ဇာတ်လမ်းကမ္ဘာကို ချဲ့ထွင်ထားပြီး Loki ဇာတ်ကောင်ကိုလည်း ဒီကားမှာ တွေ့ရပါတယ်။ Thor ပါဝင်တဲ့ Phase One က MCU ရဲ့အစဖြစ်ပြီး ဇာတ်ကောင်တွေကို တစ်ဦးချင်းစီ မိတ်ဆက်တဲ့ ရုပ်ရှင်တွေနဲ့ စတင်ထားတာပါ။ ဒီအဆင့်မှာ Iron Man (2008)၊ The Incredible Hulk (2008)၊ Iron Man 2 (2010)၊ Thor (2011)၊ Captain America: The First Avenger (2011) နဲ့ The Avengers (2012) ဆိုပြီး ရုပ်ရှင်ခြောက်ကား ပါဝင်ပါတယ်။ Phase One၊ Two နဲ့ Three ကို The Infinity Saga လို့ စုပေါင်းခေါ်ပြီး Phase Four၊ Five နဲ့ Six ကိုတော့ The Multiverse Saga လို့ ခေါ်ကြပါတယ်။ မူရင်းမှာ ဖော်ပြထားတဲ့ ထုတ်လုပ်မှုအချက်အလက်အရ Thor ကို အမေရိကန်ဒေါ်လာ သန်း ၁၅၀ အကုန်အကျခံ ရိုက်ကူးခဲ့ပြီး ရုံဝင်ငွေ ဒေါ်လာ ၄၄၉.၃ သန်း ရရှိခဲ့ပါတယ်။

The Town (2010) FBI ရဲတွေ ဒေါသအရမ်းထွက်နေကြတယ်...FBIအဖွဲ့ခေါင်းဆောင်ကလည်း ဆဲဆိုသံနဲ့အတူ " ဒီသောက်ဘဏ်ဓားပြတွေက သောက်ချဉ်တော့မဟုတ်ဘူးကွ" ဆိုပြီးအော်ဟစ်နေတယ်... ဘာကြောင့် ဒီလိုဖြစ်နေတာလဲဆိုတော့ ဘဏ်ကိုဓားပြတိုက်ခံရပြီး အချိန်မီ အချက်ပေးသံကြောင့် ဘဏ်ကိုရဲတွေဝိုင်းခဲ့ပေမယ့် တစ်ယောက်မှမမိလိုက်ဘူး.. ..မှုခင်းသဲလွန်စတွေရှာပြန်တော့လည်း cctv မှတ်တမ်းတွေဖျက်ဆီးသွားတဲ့အပြင် လက်ဗွေရာတစ်စွန်းတစ်စတောင် မကျန်အောင် ဆပ်ပြာရည်တွေ ဘဏ်အတွင်းပက်ပြန်းသွားလို့ပါပဲ....တစ်ခုတော့ရှိတယ် ... ဘဏ်ဓားပြတွေက ဓားစာခံအဖြစ် ဘဏ်စာရေးမတစ်ယောက်ကို ဖမ်းခေါ်သွားပါတယ်.. ..ဒီကားရဲ့ ဒါရိုက်တာက  Ben Affleck  ဖြစ်ပါတယ်... Gone Baby Gone ကိုလည်း သူကိုယ်တိုင်ရိုက်ကူးခဲ့ပြီး အဲ့ဒီကားမှာ သူ့ရဲ့အရည်အချင်းကိုကြည့်ဖူးသူတိုင်း မချီးကျူးဘဲမနေနိုင်အောင်ဖြစ်ခဲ့ကြမှာပါ... မှုခင်း ဘဏ်ဓားပြ နဲ့အချစ်ဇာတ်လမ်းလေးတွေ အချိုးကျတင်ဆက်ထားလေတော့ ခံစားကြည့်လိုက်ပါဦးလို့.... File size…2.5GB / 1.03GB Quality… BluRay 1080p/ 720p Format…mp4 Duration….2h 31m Genre ….. Chrime, Drama, Thriller Subtitle….Myanmar Subtitle (Hard Sub) Translated by May Myat Thu Encoded by AHtet

The Hurt Locker (2008) IMDb Rating - 7.6/10 Rotten Tomatoes 97% ( War, Thrilller, Drama ) ဒီကားကတော့ ၂၀၀၈ ခုနှစ်ကထွက်ခဲ့ပြီး ကြည့်ရှုသင့်တဲ့ War film‌ ​တွေထဲမှာ ထိပ်တန်းနေရာက ပါ၀င်ပါတယ်။ ၂၀၀၈ Academy award မှာ ဒါရိုက်တာ ဂျိမ်းကင်မရွန်းရဲ့ Avatar ရုပ်ရှင်ကို ကျော်လွန်ပြီး Nomination 9 မှာ Best Director အပါအ၀င် Oscarsတွေ ၆ ခုတိတိ သိမ်းပိုက်ခဲ့တဲ့ကားဖြစ်ပါတယ်။ Marvel ဇာတ်ကောင် စူပါစတား တွေဖြစ်တဲ့ Hawkeye & Falcon နေရာမှာသရုပ်ဆောင်ခဲ့တဲ့ Jeremy Renner နဲ့ Anthony Mackie တို့ကလည်း အတွဲညီညီပါ၀င်ထားပါတယ်။ ဇာတ်လမ်းအညွှန်း ကမ္ဘာပေါ်မှာ စစ်တိုက်ရတာ အန္တရာယ်အရှိဆုံးအလုပ်တစ်ခုဆိုရင် စစ်မြေပြင်မှာ ဗုံးရှင်းလင်းရေးအလုပ်ကလည်း ဒုတိယအန္တရာယ်အရှိဆုံးဖြစ်ပါတယ်။ US နဲ့ အရှေ့အလယ်ပိုင်းနိုင်ငံတစ်ခုဖြစ်တဲ့ အီရတ်စစ်မြေပြင်မှာ EOD ဆိုတဲ့ ဗုံးရှင်းလင်းရေး အဖွဲ့ရှိပါတယ် ။အဲ့ဒီအဖွဲ့ရဲ့ ခေါင်းဆောင်ဟာ မတော်တဆ လုပ်ကြံ‌ေဖာက်ခွဲမှုမှာ သေဆုံးသွားတဲ့ အခါ သူ့နေရာကို တပ်ကြပ် ဝီလီယံ ဂျိန်း ဟာ အစားထိုးရောက်ရှိလာပါတယ်။ ဂျိန်းဟာ တဇွတ်ထိုးလုပ်တတ်တဲ့ ဂွစာ တစ်ယောက်ဖြစ်ပေမယ့် ကျွမ်းကျင်တဲ့ ဗုံးရှင်းလင်းရေးတပ်သားလည်းဖြစ်ပါတယ်။ သူ့ရဲ့ ပုံစံအတိုင်း EOD အဖွဲ့၀င် ဟောင်းတွေနဲ့ ကတောက်ကဆတွေဖြစ်လာပါတယ် ။ သူနဲ့ အဖွဲ့ကြားက ဆက်ဆံရေးကရော ဘယ်လိုဖြစ်လာမလဲ ?? အီရတ်မှာကော ဗုံး disposal mission တွေကို ဘယ်လိုသက်စွန့်ဆံဖျားလုပ်သွားမလဲဆိုတာကိုတော့ မိနစ်တိုင်းကို မျက်တောင်မခတ်ကြည့်ရှုသွားဖို့ အကြုံပြုလိုက်ရပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Thiha Yan Naing ပဲ ဖြစ်ပါတယ်။) Quality – 1080p, 720p BluRay Duration - 2hr 11 min Subtitle – Myanmar Hardsub Format – Mp4 Genre : Drama, Thriller, War Source : 1080p.BluRay.5.1CH Translator – Thiha Yan Naing Encoder – SWM

Zombie ကားလိုမျိုး တစ်တိုင်းပြည်လုံးဗိုင်းရပ်စ်ကူးစက်ခံရလို့ပြေးရတဲ့ Survival ကားမျိုးကြိုက်သူတွေအတွက် 2007ခုနစ်ခုနှစ်ကထွက်ရှိထားတဲ့ 28 weeks later ဆိုတဲ့ဇာတ်ကားလေးကိုတင်ဆက်ပေးချင်ပါတယ် ဒီဇာတ်ကားမှာ Jeremy Rennerလည်းပါဝင်သရုပ်ဆောင်ထားပါတယ် ဇာတ်လမ်းအကျဥ်းလေးကတော့ အင်္ဂလန်နိုင်ငံမှာ ကုသလို့မရတဲ့ဗိုင်းရပ်စ်တစ်မျိုးကူးစက်ပြန့်ပွားနေပြီး တစ်နိုင်ငံလုံးနီးပါးရောဂါကူးစက်ခံထားရပါတယ် ခြောက်လအကြာမှာတော့ ကူးစက်ခံထားသူတွေဟာအစာငတ်မွတ်မှုကြောင့်သေဆုံးသွားကြပါတယ် လန်ဒန်ကနေရာတစ်ခုမှာ ဗိုင်းရပ်ကင်းစင်တဲ့နယ်မြေအဖြစ်သတ်မှတ်ပြီး အသက်ရှင်လွတ်မြောက်လာတဲ့သူတွေကအဲ့မှညပဲနေရပါတယ် အမေရိကန်စစ်တပ်နဲ့ဆေးအဖွဲ့ကလည်း ပြန်လည်ထူထောင်ရေးအတွက်ကူညီပေးနေပါတယ် တမ်မီနဲ့အန်ဒီတို့မောင်နှမနှစ်ယောက်ဟာ ကျောင်းလေ့လာရေးခရီးသွားနေတာကြောင့် ဒီဖြစ်ရပ်နဲ့မကြုံတွေ့လိုက်ရပါဘူး သူတို့ပြန်ရောက်လာတဲ့အခါမှာတော့ အသက်ရှင်သူတွေထဲမှာ သူတို့အဖေပဲပါလာပြီး သူတို့အမေပါမလာတော့တာကိုတွေ့လိုက်ရပါတယ် သူတို့နှစ်ယောက်သူ့အမေရဲ့ဓာတ်ပုံကိုလိုချင်လို့ လုံခြုံတယ်လို့သတ်မှတ်ထားတဲ့နေရာကိုကျော်ပြီး သူတို့အရင်အိမ်ကိုပြန်သွားရာကနေ ဗိုင်းရပ်စ်ပိုးပြန်လည်ပြန့်ပွားလာတဲ့အခါ........

2005ခုနှစ်ကထွက်ရှိထားပြီး IMDb 7.3/10ထိ ရရှိထားတဲ့ Trial Drama ဇာတ်ကားကောင်းလေးတစ်ခုကို တင်ဆက်ပေးမှာဖြစ်ပါတယ် ဒီဇာတ်ကားမှာတော့ ဂျိုစီအိမ်းဆိုတဲ့ အမျိုးသမီးဟာ ကလေးနှစ်ယောက်မိခင်ပါ အကြီးကောင်လေး ဆမ်မီကိုတော့ အဖေမပေါ်ဘဲ မွေးထားတာဖြစ်ပြီး သမီးလေး ခယ်ရန်ကိုတော့ လက်ရှိအိမ်ထောင်က ရရှိခဲ့တာပါ သူအိမ်ထောင်ကွဲတဲ့အချိန်မှာတော့ မိဘတွေဆီကို ပြန်လာနေပြီး သတ္ထုတွင်းမှာ အလုပ်လုပ်ရင်း ကလေးတွေကို ထောက်ပံ့နိုင်အောင် ကြိုးစားပါတော့တယ် ယောက်ျားတွေနဲ့ ရင်ဘောင်တန်းပြီး လုပ်ကိုင်နေတဲ့ သတ္ထုတွင်းက အမျိုးသမီးတွေဟာ လိင်ပိုင်းဆိုင်ရာ စော်ကားမှုကို နေ့စဉ်နဲ့အမျှ ခံစားနေခဲ့ရတာပါ ဂျိုစီတစ်ယောက်ယောက်အလုပ်ဝင်ချိန်မှာတော့ လိင်ပိုင်းဆိုင်ရာ စော်ကားမှု မခံရအောင် ကြိုးစားပါတော့တယ် အဖေမပေါ်ဘဲ ကလေးတစ်ယောက် မွေးထားသူဖြစ်တာကြောင့် တစ်မြို့လုံးမှာ နာမည်ဆိုးထွက်နေတဲ့ ဂျိုစီဟာ လိင်ပိုင်းဆိုင်ရာ စော်ကားမှုကို တွန်းလှန်ရာမှာ အခက်အခဲများစွာနဲ့ ကြုံတွေ့ရပါတော့တယ် အမျိုးသမီး လုပ်ဖော်ကိုင်ဖက်တွေဟာလည်း အလုပ်ပြုတ်မှာစိုးရိမ်တဲ့အတွက် သူ့ဘက်က ရပ်တည်မပေးခဲ့ကြပါဘူး ဂျိုစီတစ်ယောက် တရားမျှတမှုရရှိအောင် ဆောင်ရွက်နိုင်မှာလား ဆိုတာကိုတော့ ကြည့်ရှုလိုက်ကြပါဦးခင်ဗျာ...... File size…(2 GB)/(950 Mb) Quality….Webrip 1080p / 720p Format…mp4 Duration….02:06:00 Genre...Drama Subtitle….Myanmar Subtitle (Hardsub) Encoder….Garfield Translated by Ban

ပင်လယ်ကမ်းခြေမြို့လေးတစ်မြို့မှာ တိုနီ၊ ဂျေးနဲ့ စတေဆီတို့ သူငယ်ချင်းသုံးယောက်ဟာ ရေလွှာစီးလိုက်၊ စကိတ်စီးလိုက်နဲ့ ဆယ်ကျော်သက်ဘဝကို ပျော်ပျော်ဖြတ်သန်းနေကြပါတယ်။ စကိတ်ကို ရူးရူးမူးမူးစွဲလမ်းကြတဲ့ သူတို့အတွက် စီးနေရဖို့က အရေးအကြီးဆုံးဖြစ်ပြီး သူများခြံထဲ ခိုးဝင်စီးကြတာမျိုးတောင် ရှိပါတယ်။ စကိတ်စီးတာ ခေတ်စားလာတော့ စီးပွားရေးသမားတွေက ဒီကောင်လေးတွေရဲ့အစွမ်းကို အသုံးချပြီး ငွေရှာဖို့ ကြံလာကြတယ်။ သူတို့ကိုယ်တိုင်လည်း စကိတ်စီးနေရရင် ကျေနပ်နေတဲ့အရွယ်ကနေ ငွေရေးကြေးရေးနဲ့ အချစ်ရေးတွေကိုပါ စိတ်နှစ်လာရတဲ့အရွယ် ရောက်လာကြပါတယ်။ အဲဒီအပြောင်းအလဲတွေကြားမှာ သူငယ်ချင်းအချင်းချင်း စိတ်ဝမ်းကွဲမှုတွေ ရှိလာသလို မိသားစုလို တွယ်တာကြတဲ့ သံယောဇဉ်တွေလည်း ရှိနေတယ်။ Heath Ledger ပါဝင်သရုပ်ဆောင်ထားပြီး စကိတ်ဝါသနာတူ သူငယ်ချင်းသုံးယောက်ရဲ့ ဖြစ်ရပ်မှန်ကို အခြေခံထားတဲ့ ဇာတ်ကားပါ။

ရဲဌာနလက်အောက်က SWAT အဖွဲ့ဟာ အန္တရာယ်များတဲ့ အခြေအနေတွေကို ထိန်းသိမ်းဖို့နဲ့ ဓားစာခံတွေကို ကယ်ထုတ်ဖို့ ဖွဲ့စည်းထားတဲ့ အထူးစစ်ဆင်ရေးအဖွဲ့ပါ။ တစ်နေ့မှာ လော့စ်အိန်ဂျယ်လ်ရဲဌာနက မူးယစ်ဆေးကုန်ကူးမှု၊ မှောင်ခိုမှုနဲ့ လူသတ်မှုတွေအတွက် နိုင်ငံ ၁၂ နိုင်ငံကျော်မှာ အလိုရှိနေတဲ့ ရာဇဝတ်သားတစ်ယောက်ကို မမျှော်လင့်ဘဲ ဖမ်းမိလိုက်ပါတယ်။ ဖမ်းခံထားရပေမယ့် အဲဒီလူက မီဒီယာတွေရှေ့မှာ သူ့ကို ကယ်ထုတ်ပေးနိုင်သူ ဘယ်သူ့ကိုမဆို အမေရိကန်ဒေါ်လာ သန်းတစ်ရာ ပေးမယ်လို့ အတိအလင်း ကြေညာလိုက်တယ်။ လော့စ်အိန်ဂျယ်လ် SWAT အဖွဲ့က သူ့ကို ဗဟိုအကျဉ်းထောင်ဆီ လွှဲပြောင်းပို့ဆောင်ရတဲ့အခါ ဆုကြေးလိုချင်လို့ အပြိုင်အဆိုင် ကယ်ထုတ်ဖို့ ကြိုးစားသူတွေနဲ့ ရင်ဆိုင်ရပါတော့တယ်။ အကျဉ်းသားကို ပို့ဆောင်နိုင်ဖို့ သူတို့ ဘယ်လိုနည်းဗျူဟာတွေ သုံးပြီး စစ်ဆင်ရေးဆောင်ရွက်ကြမလဲဆိုတာ ဆက်တွေ့ရမှာပါ။

Dahmer (2002) IMDb Rating (5.6) / Rotten Tomatoes (73%) အမေရိကန်နိုင်ငံတစ်ခုလုံးကိုသာမက ကမ္ဘာကိုပါတုန်လှုပ်သွားစေခဲ့တဲ့ကွင်းဆက်လူသတ်သမား ဂျက်ဖရီဒါးမားအကြောင်း ရိုက်ကူးထားတဲ့ဖြစ်ရပ်မှန်နာမည်ကြီးဇတ်ကားဖြစ်ပါတယ်။ ဂျက်ဖရီဒါးမားကို ၁၉၆၀ခုနှစ်မှာမီဝေါကီး ဝစ္စကွန်ဆင်ပြည်နယ်မှာမွေးဖွားခဲ့ပါတယ်။သူက အသက်၁၈ နှစ်အရွယ်မှာပထမဆုံးလူသတ်မှုကိုကျူးလွန်ခဲ့ပါတယ်။ ဂျက်ဖရီဒါးမားဟာ ၁၉၇၈ ကနေ ၁၉၉၁ အတွင်း အရွယ်ရောက်ပြီးယောကျာ်းနဲ့ ယောကျာ်းလေးငယ်ပေါင်း (၁၇) ယောက်ကိုသတ်ခဲ့ပါတယ်။ ဒါးမားကသူ့ရဲ့သားကောင်တွေကို ဂေးဘားတွေစျေးဝယ်စင်တာတွေဘတ်စကားမှတ်တိုင်တွေမှာရှာပြီးလိင်ကိစ္စဒါမှမဟုတ် ပိုက်ဆံနဲ့ဖျားယောင်းပြီးသူ့အခန်းကိုခေါပြီး သတ်ဖြတ်ပါတယ်။ အလောင်းကောင်နဲ့မဖွယ်မရာလုပ်ပြီးတဲ့အခါလောင်းကိုတစ်စစီဖျက်ပြီး စွန့်ပစ်ပါတယ်။ ဦးခေါင်းတွေလိင်အဂ်ါတွေနဲ့ကိုယ်ခန္ဓာအစိပ်အပိုင်းတစ်ချို့ကို အမှတ်တရပစ္စည်းအဖြစ်နဲ့သိမ်းထားတတ်ပါတယ်။ လူသားကိုလည်းစားကြည့်သလို တစ်ချို့သူတွေကိုတော့ခေါင်းကိုDrillနဲ့ဖောက်ပြီးဇွန်ဘီးလိင်ကျွန်လုပ်ပြီးမှသတ်ဖြတ်ပါတယ်။ သူရဲ့သားကောင်တွေကိုသတ်တာနဲ့အလောင်းဖျက်တဲ့ဖြစ်စဥ်အဆင့်ဆင့်မှာ ဓါတ်ပုံမှတ်တမ်းတင်တတ်ပါသေးတယ်။သူဟာ ၁၉၈၁ - ၁၉၈၂ နဲ့ ၁၉၈၆ မှာလည်း အများပြည်သူရှေ့မဖွယ်မရာပြမှုတွေနဲ့ဖမ်းခံရပါတယ်။ ၁၉၉၂မှာဖမ်းခံရပြီး လူသတ်မှု(၁၅)မှုအတွက် စွဲချက်တင်ခံရပြီးထောင်ဒဏ် ၉၅၇နှစ် ပြစ်ဒဏ်ချမှတ်ခံရပါတယ်။ အရက်စွဲနေတဲ့အပြင် လိင်စိတ်မူမမှန်တာရှိနေပြီး လိင်တူချင်းတပ်မက်ရာမှလိုအင်မပြည့်တဲ့အတွက် ဒေါသအလျောက်လူစသတ်မိပြီး လူသတ်တာကိုစွဲလမ်းသွားရာက တစ်ဆင့်ထက်တစ်ဆင့် လူမဆန်တဲ့ဖြစ်ရပ်တွေနဲ့ဆန်းပြားတဲ့အမူအကျင့်တွေကိုလုပ်လာတာဖြစ်တယ် ။ သူရဲ့တိုက်ခန်းကိုရှာဖွေတဲ့အခါသူ့ရဲ့အအေးခန်းသေတ္တာထဲကလူခေါင်းပြတ်တွေနှလုံးတွေကတော့လုပ်သက်(၁၇)နှစ်ရှိတဲ့ရဲတွေကိုတောင်ကြောက်ရွံ့တုန်လှုပ်ပြီး တစ်သက်တာမေ့မရတဲ့မြင်ကွင်းဖြစ်သွားစေခဲ့ပါတယ်လို့ ရဲတွေကပြောပြခဲ့ပါတယ်။ သူ့ကိုလွှတ်ပေးရင်တောင် သူကဒီလိုပဲဆက်သတ်နေမှာပဲလို့သူကရဲတွေကိုဖြေခဲ့ပါတယ်။ထောင်ကျပြီး (၂)နှစ်ကြာတဲ့အခါမှာ ထောင်သားတစ်ယောက်ကရိုက်သတ်တဲ့အတွက် ၁၉၉၄ မှာ ဂျက်ဖရီဒါးမားသေဆုံးခဲ့ပါတယ်။ ဂျက်ဖရီဒါးမားနဲ့ပါတ်သက်လို့စာအုပ်တွေလည်းထွက်ထားသလိုရုပ်ရှင်နဲ့တီဗွီစီးရီးစ်မတွေလည်းထွက်ရှိထားပါတယ်။ Dahmer( 2002) ရုပ်ရှင်ကတော့အစောဆုံးထွက်လာတဲ့ရုပ်ရှင်ဖြစ်ပါတယ်။ဒီဇတ်ကားက ဂျက်ဖရီဒါးမားအဖြစ်သရုပ်ဆောင်တဲ့ Jeremy Renner( ဂျယ်ရမ်မီရမ်းနား) ကိုအောင်မြင်တဲ့သရုပ်ဆောင်တစ်ယောက်ဖြစ်စေခဲ့ပါတယ်။ “ယောကျာ်းလေးတွေပဲ ဘာစိတ်ပူစရာရှိလဲ ထောင်အပြင်တန်းမရှိဘူး“ပြောတတ်ကြပေမယ့် လိင်စိတ်မူမမှန်သူတွေရှိနေတတ်တာကို ဒီဇတ်ကားကမီးမောင်းထိုးပြထားပါတယ်။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size…(3 GB) / (1.6 GB) Quality….Blu-Ray 1080p HEVC / 720p Format…. mkv/mp4 Genre….Crime, Drama, Horror, Thriller Duration….01:42:32 Subtitle….Myanmar Subtitle (Hardsub) Encoder….Benjamin Translated by Khin Sakar Khin