Jessica Alba ပါဝင်သော ဇာတ်ကားများ

မင်းသမီး Jessica Alba ရဲ့ Netflix အက်ရှင်ဇာတ်ကြမ်းကားသစ်လေးပါ... အမေရိကန်စစ်တပ်ရဲ့ လက်ရွေးစင်စစ်သမီး ပါကာဟာ အာဖဂန်မှာ စစ်မှုထမ်းပြီး ဖခင်ဆုံးသွားတာကြောင့် သူ့အဖေရှိရာ မြို့ငယ်လေးကိုပြန်လာခဲ့ပါတယ် သူ့အဖေရဲ့ ဘားဆိုင်ကို လက်လွှဲယူပြီး အေးဆေးဖြတ်သန်းနေရင်းနဲ့... သူ့ဖခင်ဆုံးသွားတာက သွေးရိုးသားရိုးမဟုတ်ဘဲ ... မြို့တွင်းက လက်နက်မှောင်ခိုအကျင့်ပျက်ခြစားနေတဲ့ ရဲဝန်ထမ်းနဲ့ လူမိုက်ဂိုဏ်းတွေ ပါဝင်ပတ်သက်နေကြောင်းသိလိုက်ရတဲ့အခါမှာတော့.... ဖခင်ရဲ့သေဆုံးမှုကို လက်စားချေရင်း ဒုစရိုက်မှုတွေကိုဖော်ထုတ်ရှင်းလင်းဖို့ ပါကာရဲ့တာဝန်ဖြစ်လာပါတော့တယ်။ Rating တွေ မကောင်းလှပေမယ့် ဂျက်စီကာအယ်လ်ဘာ ပရိတ်သတ်နဲ့ အက်ရှင်ပရိတ်သတ်တွေတော့ ကြည့်လို့ကောင်းမှာပါ။ (အညွန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ်) File size…(2.6 GB) / (1.2 GB)/(720 MB) Quality….Webrip 4K HEVC/1080p / 720p Format…mkv/mp4 Duration….01:47:00 Genre... Action,  Crime, Thriller  Subtitle….Myanmar Subtitle (Hardsub) Encoder….Mr. Anderson Translated by Thiha Yan Naing

နယူးယောက်မှာ မစ္စတာ ကာတွန်းနဲ့ အက်စတီဗင် ဆိုတဲ့ မက္ကဆီကန်နွယ်ဖွား ဘဲနှစ်ယောက်ရှိတယ် မစ္စတာ ကာတွန်းက တက်တူးထိုးတယ် ပန်းချီဆွဲတယ် အက်စ်တီဗင်က ဓာတ်ပုံရိုက်တယ် Snoop Dogg တို့ Eminem တို့လို နာမည်ကြီးတွေကို တက်တူးထိုးပေးတဲ့ တက်တူးဆရာ သူကအစက ကားဆေးမှုတ်တာကနေ ဒီဇိုင်းဆွဲတဲ့ဖက်ကနေ တက်တူးဖက်ရောက်လာတယ် သူတက်တူးထိုးတာတွေကို အက်စတီဗင်က မှတ်တမ်းတင်တယ် အက်စတီဗင်က ဓာတ်ပုံဆရာအပြင် Eminem တို့လိုနာမည်ကြီးတွေရဲ့ မြူးဇစ် ဗီဒီယိုတွေကိုလည်း ဒါရို်က်တာလုပ်တယ် Netflix က ပြတဲ့ ဒီ မှတ်တမ်းရုပ်ရှင်ဟာ သူတို့နှစ်ယောက်ရဲ့အကြောင်းကို ရိုက်ထားတာပါ ဒီထဲမှာ သူတို့ဟာ လော့အိန်ဂျယ်လိစ်က ဂရပ်ဖီတီ ယဉ်ကျေးမှုတွေ လိုးရိုက်ဒါ ယဉ်ကျေးမှုတွေမှာ ဘယ်လိုပါဝင်ပတ်သက်ခဲ့ကြတယ် ဆိုတာတွေနဲ့ အယ်လ်အေက အောက်ခြေဘဝတွေ အထက်တန်းစားဘဝတွေ ဂိုဏ်းစတားလောကတွေ နဲ့ ဟစ်ဟော့ ယဉ်ကျေးမှုတွေကို မြင်ရမှာဖြစ်ပါတယ် တစ်ခုကျန်ခဲ့သေးတယ် ကားသူခိုးလို့သိကြတဲ့ GTA ဂိမ်းက သူတို့ ဒီဇိုင်းဆွဲထားတာပါ IMDb - 7.3 နဲ့ Rotten tomatoes က 86 % အညွှန်းနဲ့ဘာသာပြန်သူကတော့ Zuel Khant Thwin ပဲဖြစ်ပါတယ်…. File Size : (700 MB) And (350 MB) Quality : NF WEB-DL 720p Running Time : 1hr 32min Format : Mp4 Genre : Documentary Subtitle : Myanmar Subtitle (Hard Sub) Source : 1080p.NF.WEBRip.DDP5.1.Atmos.x264-NTG Translated by Zuel Khant Thwin Encoded by Thanhtike Zaw

ဘစ်ရှော့ပ်ဟာ သူလုပ်ကြံခဲ့တဲ့သူတွေကို လူသတ်ခံရတာလို့တောင် မထင်ရဘဲ မတော်တဆသေဆုံးသွားသလို ဖြစ်အောင် ဖန်တီးနိုင်တဲ့ လုပ်ကြံရေးသမားပါ။ တည်ငြိမ်ပြီး သွေးအေးသလို အလုပ်လုပ်ရာမှာလည်း တိကျရက်စက်တဲ့သူဖြစ်ပါတယ်။ အခုတော့ အဲဒီဘဝကနေ အနားယူပြီး ဘရာဇီးမှာ ကိုယ့်အကြောင်းကို ဖုံးကွယ်နေထိုင်နေတယ်။ ဒါပေမဲ့ သူ့ဆီ မိန်းကလေးတစ်ယောက် ရောက်လာပြီး သူ့အကြောင်းကို ဖော်ထုတ်သွားတဲ့အခါ ပုန်းရှောင်နေတဲ့ဘဝက အဆုံးသတ်သွားပါတယ်။ သူ့ကို ပြန်အသုံးချချင်နေတာက ငယ်ငယ်ကတည်းက ရန်စရှိခဲ့တဲ့ ခရိန်းပါ။ ခရိန်းက ဘစ်ရှော့ပ်ရဲ့ လုပ်ကြံရေးအရည်အချင်းကို သုံးပြီး သူ့ရန်သူတွေကို ရှင်းပစ်ချင်သလို အရင်က ရန်ငြိုးအတွက်လည်း လက်စားချေချင်နေတယ်။ ဒီနှစ်ယောက်ကြား ဘာမှမဆိုင်တဲ့ ဂျီနာပါ ညပ်ပါလာရာက တစ်ယောက်အကွက်ကို တစ်ယောက်ကျော်ဖို့ ဉာဏ်ချင်းပြိုင်ကြရပါတယ်။ The Mechanic (2011) ရဲ့ အဆက်ဖြစ်ပြီး ဘစ်ရှော့ပ်အဖြစ် Jason Statham သရုပ်ဆောင်ထားပါတယ်။ Jessica Alba နဲ့ Michelle Yeoh တို့လည်း ပါဝင်ထားကြပါတယ်။

ဒီဇာတ်ကားလေးဟာတော့ဖြင့် Entourage ဆိုတဲ့ နာမည်ကြီး တီဗွီစီးရီးရဲ့ နောက်ဆက်တွဲဇာတ်ကားဖြစ်ပါတယ်။ အဲဒါကြောင့် Entourage စီးရီးဖန်တွေ သေချာပေါက် ကြည့်ရမဲ့ ဇာတ်ကားဖြစ်ပါတယ်၊ ဒါပေမဲ့ ဇာတ်လမ်းနဲ့ ဇာတ်အိမ်က စီးရီးမကြည့်ဖူးသေးသူတွေလည်း နားလည်နိုင်အောင် ဖွဲ့စည်းထားတာကြောင့် သူ့ရဲ့ဇာတ်လမ်းတွဲကို မကြည့်ရသေးသူတွေလည်း ကြည့်လို့အဆင်ပြေမှာပါ။ ဇာတ်လမ်းကတော့ နာမည်ကြီးရုပ်ရှင်မင်းသား Vince၊ အောင်မြင်တဲ့စတူဒီယိုတစ်ခုကို ဦးစီးနေနိုင်ပြီဖြစ်တဲ့ Ari နောက်တော့ Vince ရဲ့ မန်နေဂျာ Eric ရယ်၊ Vince ရဲ့အစ်ကို Johnny Drama ပြီးတော့ အဲအပေါင်းအပါအုပ်စုကြီးရဲ့ နောက်ဆုံး အဖွဲ့ဝင် Turtle တို့နဲ့အတူ Hollywoodရဲ့ ရှာရှာကြံကြံ အဖြစ်သနစ်တွေကို ဟာသနှောကာရိုက်ကူးထားတာဖြစ်ပါတယ်။ ဇာတ်ကားကတော့ အရင်ဇာတ်လမ်းတွဲဇာတ်သိမ်းသွားတဲ့နေရာကနေ စထားပါတယ်။ Ari ဟာ Vince ကို သူထုတ်လုပ်မဲ့ကားမှာ အဓိကဇာတ်ဆောင်အဖြစ် သရုပ်ဆောင်ပေးဖို့ကမ်းလှမ်းလိုက်ပါတယ်။ ဒါမဲ့ Vince ကတော့ သူ့ကိုဒါရိုက်တာပါ လုပ်ခွင့်ပေးမှ လုပ်ပါမယ်တဲ့။ အဲလိုနဲ့ ဇာတ်ကားရိုက်ပြီးလို့ အပြီးသတ်တဲ့အခါမှာ မှန်းထားတဲ့ဘတ်ဂျတ်ထက် ဒေါ်လာ ၁၀၀ မီလီယမ်လောက် ပိုများနေတဲ့အခါမှာတော့ Ari တစ်ယောက် သူမသွားချင်လှဆုံးမက္ကဆီကန် ရင်းနှီးမြှုပ်နှံသူဆီကို သွားစကားပြောရပါတော့တယ်။ အဲရင်နှီးမြှုပ်နှံသူက ဇာတ်ကားကို ကြည့်ပြီးမှ ပိုက်ဆံထက်ထုတ်ပေးနိုင်မယ်ဟုဆိုကာ သူ့သားဖြစ်သူ ကပျက်ကချော်ကောင်ကို ဇာတ်ကားအစမ်းပြပွဲကိုလိုက်ကြည့်ဖို့ထည့်ပေးလိုက်ပါတယ်။ သူတို့ထပ်လိုတဲ့ပိုက်ဆံရော ရနိုင်ပါ့မလား၊ သူတို့ရိုက်တဲ့ဇာတ်ကားကို အဆင်ပြေပြေနဲ့ ရုံတင်တဲ့ထိ လုပ်နိုင်ကြပါ့မလားဆိုတာကို စောင့်ကြည့်ရမှာဖြစ်ပါတယ်။ ဒါပေမဲ့ adult content, nudity အချို့နဲ့ s*x scenes အချို့ပါဝင်လို့ မိသားစုနဲ့အတူမကြည့်သင့်ပါဘူး။ Cast တွေကတော့ Eric အဖြစ် Kevin Connolly, Turtle အဖြစ် Jerry Ferrara, Johnny Drama အဖြစ် Kevin Dillon, Vince Chase အဖြစ် Adrian Grenier, Ari Gold အဖြစ် Jeremy Piven တို့ပါဝင်သရုပ်ဆောင်ထားပါတယ် File size…(1.72GB)  / (929MB) /469MB Quality…. Web 1080P / 720p / 480p Format…mp4 Duration….01:44:00 Genre...Comedy / Drama Subtitle….Myanmar Subtitle (Hardsub) Encoder….Mr. Anderson Translated by Myat Noe Cho

Barely Lethal (2015) " ဒီရုပ်ရှင်ဟာ ကလေးတွေကို လေ့ကျင့်ပေးပြီး လုပ်ကြံရေးသမားတွေအဖြစ်ခိုင်းတဲ့ အစိုးရလျှို့၀ှက်ကျောင်းက ဥက္ကဌ မာသားဖာ့ခ်ကာကြီးဟာ အတော်ဆုံးအေးဂျင့်လေးဖြစ်တဲ့ Bumblebee ထဲက စကီလေးကို ကွင်းဆင်းတာ၀န်ပေးရာက ကလေးဆိုတော့ အပြင်လောကကိုရောက်လာပြီးတဲ့နောက် သိချင်စိတ်များလာရာက သေချင်ယောင်ဆောင် ထွက်ပြေးသွားပြီး မွေးစားမိဘအိမ်တစ်အိမ်မှာနေရင်း အထက်တန်း ကျောင်းသူဘ၀ကို ဖြတ်သန်းရာက ဆယ်ကျော်သက်တွေ ကျောင်းမှာကြုံရတဲ့ ပြဿနာတွေကို ကြုံလာရတဲ့အပြင် သူဖမ်းထားခဲ့တဲ့လူဆိုးဖြစ်တဲ့ ဂျက်စီကာအယ်ဘာက လွတ်လာပြီး သူ့မွေးစားမိဘအိမ်ကိုပါ အန္တရာယ်ပေးဖို့ လုပ်လာတာကိုပါ တားဆီးဖို့လုပ်ရတာကို ဇာတ်အိမ်တည်ပြီး နာမည်ကြီးသရုပ်ဆောင်များစွာသုံးထားတဲ့ဆယ်ကျော်သက်သဘာ၀တို့ဘာတို့ကို မက်ဆေ့ပေးမယ့် Teenage Movieလေးတစ်ကားပါ" ဇာတ်လမ်းရဲ့အညွှန်းကတော့ ဒီစာတစ်ကြောင်းပါပဲ။ အောက်ကတော့ သူ့အရသာကို ထပ်ညွှန်းထားရုံပါ။ မဖတ်လည်းရပါတယ်။ ကျွန်တော်တို့ငယ်ငယ်က တိတ်ခွေခေတ်ကိုတော့ မှီလိုက်သေးတယ်။ အဲဒီကာလတွေမှာ Lion King တို့၊ Tom and Jerry တို့ Terminator တို့ ခေတ်စားခဲ့တာပေါ့။ ကျွန်တော်တို့ ညီအစ်ကိုတွေတော့ အဲဒီတုန်းက Lion King ကို အပိုင်ပါဝယ်ပြီး ခဏခဏပြန်ကြည့်ကြတဲ့အထိကြိုက်ခဲ့ကြတယ်။ ကာတွန်းကားလေးတွေရဲ့ ဘ၀ဖြစ်ခဲ့ခြင်းတွေပေါ့။ မရှေးမနှောင်းပါပဲ။ ဘာမှတောင် သိပ်မကြာလိုက်ဘူး။ VCDခေတ်ရောက်လာတယ်။အဲဒီကာလမှာတော့ ချောင်ယွန်ဖတ်တို့ ဂျက်လီတို့ ဂျက်ကီချမ်းတို့ ကား‌တွေ ပါဝါရိန်းဂျားကားတွေ ခေတ်စားလာရော။ ဒီကာလမှာ ကျွန်တော့်ရဲ့ အမှတ်ရစရာအဖြစ်ခဲ့ဆုံးကား ကလေးဘ၀က အကြိုက်ခဲ့ဆုံးကားက Sharkboy and lavagirl ပါပဲ။အဲဒီကားက ကလေးကားလေးပဲ။ တော်တော်လည်း ပေါတယ်။ CGIတွေဆို စုတ်ပြတ်နေချက်ပဲ။ သို့ပေမဲ့ပေါ့ ကျွန်တော်တို့ရဲ့ စိတ်ကူးယဉ်တတ်တဲ့ ကလေးဘ၀မှာ သူက စိတ်ကူးယဉ်တာတွေ တကယ်ဖြစ်နိုင်ပါတယ်ဆိုတဲ့ ပုံစံမျိုးနဲ့ အခုအခေါ် မက်ဆေ့ပေးသွားတယ်ပေါ့။ စိတ်ကူးယဉ်တာကို အားပေးထားတဲ့ ဒီကားကို စိတ်ကူးယဉ်တတ်တဲ့ကျွန်တော်က ဆိုင်ကိုပါ ပျောက်သွားတယ်ပြော ပြန်မအပ်ဘဲ ‌၂ထောင်လောက်လျော်ပြီး သိမ်းထားပြီး အကြိမ်ရေ ရေမရလောက်အောက်ကို ကြည့်ခဲ့ဖူးတယ်။ နောက်သဘောကျဖူးတဲ့ကားကတော့ ဘရေဒန် ဖရေဆာပါတဲ့ Bugs Bunny ရုပ်ရှင်တို့ ဂျင်ကာရေးရဲ့ A Series Of An Unfortunate Events တို့ပေါ့။ စိတ်ကူးယဉ်ဆန်ဆန် ကလေးကားတွေဟာလည်း ကျွန်တော်တို့အတွက် ဘ၀တစ်ခု ဖြစ်ဖူးကြမှာပါပဲ။ ဒီရုပ်ရှင်ကလည်း ထိုနည်း၎င်း ကလေးတွေကို ဦးတည် တားဂတ်ထားထားတဲ့ ကလေးကားလေးပါပဲ။ ကျွန်တော်တို့ငယ်ငယ်က ကြည့်ခဲ့ဖူးတဲ့ ရုပ်ရှင်တွေလို Vibeမျိုးပေးတယ်။ Teenage တွေဖြစ်တတ်တဲ့ ပြဿနာတွေကို Teenage သရုပ်ဆောင်တွေနဲ့ရိုက်ပြပြီး Teenageတွေအတွက် မက်ဆေ့တွေ ပေးသွားခဲ့တယ်။ ငယ်ငယ်က ကလေးကားလေးတွေနဲ့ ဒီရုပ်ရှင်ဟာ အရသာတူပေမဲ့ ဒီထဲက castတွေကတော့ လက်ရှိနာမည်ကြီး cast တွေပါပဲ။ Hawkeyeထဲ ကိတ်ဘစ်ရှော့ အဖြစ်ပါပြီး Bumblebeeတို့ Pitch Perfect တို့နဲ့ နာမည်ကြီးခဲ့တဲ့ Into the Spider-verseမှာ ဂွမ်စတေစီအဖြစ် အသံသရုပ်ဆောင်ထားတဲ့ Hailee Steinfeld။ ငယ်ဘ၀က ခွက်ရှ် ခုထိခွက်ရှ် ဂျက်စီကာအယ်ဘာ။ မားသားဖာ့ခ်ကာကြီး ဆင်မြူရယ်... သူလုံး၀မဆဲထားပါဘူး။ GOTရဲ့ ဆိုဖီ တန်နာတို့တွေပေါ့။ ကျွန်တော်တို့ငယ်ငယ်က ကြိုက်ခဲ့ဖူးတဲ့ တစ်ချို့ teenage ရုပ်ရှင်တွေဟာ ဒီဘက်ခေတ်ပြန်ကြည့်ရင် ပေါတောနေမှာပါ။ သို့ပေမဲ့ ကျွန်တော်တို့ ငယ်ဘ၀ရဲ့ ရုပ်ရှင်တွေအ‌ကြောင်းပြောကြရင် ဒီရုပ်ရှင်တွေဟာ မပါမဖြစ်ပါပဲ။ ဒီရုပ်ရှင်တွေကနေ တစ်စုံတရာသော ခံစားမှုကိုရခဲ့ဖူးတာကိုလည်း ပြန်တွေးတိုင်း အမှတ်ရနေဦးမှာပါ။ ငယ်ဘ၀ရဲ့ အမှတ်တရတွေအဖြစ် သူတို့က ထင်ကျန်နေဦးမှာပါပဲ။ တစ်ချို့teenageရုပ်ရှင်‌တွေက‌တော့ ပြန်ကြည့်လည်း အကြည့်ခံပါတယ်။ အကြည့်မခံလောက်ဘူးလို့ ယူဆရပြီး ကိုယ့်အတွက် အရေးပါတဲ့ရုပ်ရှင်ဖြစ်ခဲ့ဖူးတဲ့ teenage ရုပ်ရှင်တွေကိုတော့ ပြန်မကြည့်တာ အကောင်းဆုံးပါပဲ။ ကျွန်တော့်အတွက်ဆို Sharkboy and Lavagirl ရုပ်ရှင်ပေါ့။ ရည်းစားဟောင်းကို ရာဇ၀င်ထဲထားခဲ့ကြသလို အဲဒီရုပ်ရှင်တွေကိုလည်း ငယ်ဘ၀မှာသာ ထားခဲ့ကြပါ။ ဒါဆိုသတိရတဲ့အခါမှာ အမှတ်တရအဖြစ်ကျန်နေဦးမှာပါပဲ။ အဲဒီအစား ဒီရုပ်ရှင်ကိုပဲ အစားထိုး အာသီသပြေကြည့်လိုက်ပါ။ ဒီရုပ်ရှင်ဟာ ကျွန်တော်တို့ငယ်ငယ်က Teenage ရုပ်ရှင်တွေရဲ့ အရသာမျိူးကို ဒီဘက်ခေတ်အနေနဲ့ ပေးစွမ်းနိုင်မယ့် Teenage Movieတစ်ကားပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.8GB, 1.1GB Quality - 1080p, 720p IMDb Rating - 5.4/10 Format - mp4 Duration - 1H 38Min Type - Action, Comedy Subtitle - Myanmar Subtitle (Hardsub) Translated by WiRa Aung Encoded by Y

Sin City: A Dame to Kill For က ၂၀၀၅ ခုနှစ်ထွက် Sin City နဲ့ ဆက်စပ်နေတဲ့ ဇာတ်လမ်းတွေကို ပြန်ဆက်ထားပါတယ်။ ဒါပေမယ့် အဖြစ်အပျက်အားလုံးက ပထမကားရဲ့နောက်မှာ ဖြစ်တာမျိုးတော့ မဟုတ်ဘူး။ ခေါင်းစဉ်ပေးထားတဲ့ A Dame to Kill For အပိုင်းဟာ ပထမကားထဲက ဒွိုက်ရဲ့ဇာတ်လမ်းမတိုင်ခင်က အကြောင်းပါ။ ဇာတ်လမ်းတစ်ပုဒ်ကလွဲရင် ကျန်တာတွေက ပထမကားရဲ့ ရှေ့ပိုင်းနဲ့ နောက်ဆက်တွဲအဖြစ် ချိတ်ဆက်ထားကြတယ်။ ပထမကားမှာ အခန်းနာမည်တွေ သီးသန့်ပြပြီး ဇာတ်လမ်းတစ်ပိုင်းစီ ခွဲထားပေမယ့် ဒီတစ်ခါမှာတော့ တစ်ဆက်တည်းလို တင်ပြထားပါတယ်။ အချိန်အစဉ်လိုက် ပြန်စီကြည့်ချင်ရင် ဒီကားရဲ့ အစဉ်ကို အခြေခံပြီး ပထမကားက အပိုင်းတွေကို ဖြည့်ကြည့်ရမှာပါ။ Clive Owen ကလွဲလို့ အရင်ဇာတ်ကောင်တွေကို မူလသရုပ်ဆောင်တွေကပဲ ပြန်သရုပ်ဆောင်ထားပြီး သရုပ်ဆောင်အသစ်တွေလည်း ပါဝင်လာတယ်။ အီဗာဂရင်းနဲ့ ဂျက်စီကာအယ်ဘာတို့ရဲ့ ဆွဲဆောင်မှုကို သွေးထွက်သံယို မြင်ကွင်းတွေနဲ့ တွဲဖက်တင်ဆက်ထားပါတယ်။ ဒါရိုက်တာနှစ်ယောက်ထဲက တစ်ယောက်ဟာ မူရင်းဂရပ်ဖစ်ဝတ္ထုကို ရေးခဲ့သူဖြစ်ပြီး နောက်တစ်ယောက်ကတော့ တာရန်တီနိုနဲ့ ပူးပေါင်းဖန်တီးဖူးသူပါ။ သူ့ရဲ့လက်ရာတွေထဲမှာ Mexico Trilogy၊ Alita: Battle Angel၊ Once Upon a Time in Mexico၊ From Dusk Till Dawn နဲ့ Spy Kids ဇာတ်ကားတွေလည်း ရှိပါတယ်။ ပထမကားနဲ့ ယှဉ်ရင် ရက်စက်ကြမ်းကြုတ်မှု အနည်းငယ်လျော့သွားပေမယ့် ခပ်ကြမ်းကြမ်းတင်ဆက်ပုံကို ဆက်ထိန်းထားတယ်။ ရုပ်ရှင်တစ်ကားထက် neo-noir ကာတွန်းစာအုပ်တစ်အုပ်ကို ဖတ်နေရသလိုဖြစ်စေတဲ့ တင်ဆက်ပုံလည်း ပါရှိပါတယ်။

2010 ကထွက်ရှိထားတဲ့ Machete ဇာတ်ကားရဲ့ အဆက်ဖြစ်ပါတယ်... ထုံးစံအတိုင်း ပွဲကတော့ ရှယ်ကြမ်းပါတယ်... မင်းသမီးတွေသုံးထားတာလဲ အလန်း... Lady GaGa...Amber Heard....Jessica Alba...Michelle Rodriguez....Alexa PenaVega....Sofía Vergara စသည်ဖြင့် ရင်ကိုပူနွေးစေတာချည်းပဲ... မင်းသားတွေလဲ ဖိုက်တာတွေ..ခုတ်မယ် ဖြုတ်မယ် ဆိုတာချည်းပဲ... ငယ်ငယ်တုန်းက ဗွီဒီယိုရုံဆိုင်းဘုတ်လို ဒီဇာတ်ကားက " မင်းသမီးအလန်း..တကယ်စွမ်း...သေချင်ရာသေဇမ်း..အကြမ်းပတမ်း..မဟာဘဂျမ်း...ရုံတင်ပြီ" ။ Machete (2010) ကို မကြည့်ရသေးရင်ကြည့်ပါ။ File size…(1,9 GB) and (1.2 GB) Quality….BluRay 1080p and 720p 5.1CH Format…mp4 Duration….01:47:00 Subtitle….Myanmar Subtitle (Hardsub) Encoder….Nyeinsaeya Aung

IMDb (6.6) / Rotten Tomatoes (72%) မန်ချက်တေးဟာ ဖယ်ဒရယ်တပ်ဖွဲ့ဝင်ဟောင်းတစ်ယောက်ဖြစ်ပြီး လက်ရှိကတော့တက္ကဆက်နယ်စပ်မှာခိုးဝင်လုပ်သားတစ်ယောက်အနေနဲ့ဇာတ်မြုပ်နေပါတယ်၊ တစ်နေ့မှာ သူ့ကိုမြို့ခံစီးပွားရေးသမားတစ်ယောက်ကမြို့တော်ဝန်ကိုလုပ်ကြံဖို့ ဒေါ်လာ ၁၅၀၀၀၀ နဲ့ငှားရမ်းခဲ့ပါတယ်။ သူ့လိုနယ်စပ်က တရားမဝင်ခိုးဝင်လုပ်သားတွေကိုကူညီပေးနေတဲ့ မိန်းကလေး လုဇ်နဲ့ သူ့ကွန်ယက်အဖွဲ့ကို အထောက်အပံ့ပေးနိုင်ဖို့ ဒီကိစ္စကို လက်ခံခဲ့ပေမယ့် သူ့ကိုငှားရမ်းခဲ့တဲ့သူဟာ နိုင်ငံရေး တရားမဝင်မူးယစ်ဆေး စီးပွားရေးဆိုင်ရာ အကျိုးအမြတ်တွေအတွက် သူ့ကိုထောင်ချောက်ဆင်အသုံးချသွားတယ်ဆိုတာ မကြာခင်မှာပဲသိလိုက်ရပါတော့တယ်။ ဒါပေမယ့် အဲ့ဒီလူမသိလိုက်တာကတော့ သူဟာ အတိတ်က ဘယ်လောက်အထိကြမ်းခဲ့ရမ်းခဲ့ပြီး သူ့နာမည်ကြားတာနဲ့ ဖိန့်ဖိန့်တုန်သွားရလောက်တဲ့ အကြောင်းသိတွေ ရှိနေတယ်ဆိုတာကိုပါပဲ။ ကြမ်းတာကတော့ရှယ်ကြမ်းပါတယ်၊ သွေးသံရဲရဲငေါက်တောက်တွေ မြက်ရိတ်စက်ကြီးနဲ့ ယမ်းတာတွေ ဓားမကြီးနဲ့ ဆွဲခုတ်တာတွေ လုံးဝအသစ်အဆန်းတွေချည်းပါပဲ။ အဲ့ဒိအချိန်တုန်းက အတော်ကြီး Hype ဖြစ်ခဲ့ကြရတဲ့ကားပါ။ လူကြမ်းကြီးအဖြစ်တောက်လျှောက်လူသိခဲ့တဲ့ Danny Trejo ကိုခေါင်းဆောင်မင်းသားတင်ထားပြီးတော့ Robert De Niro, Jessica Alba, Don Johnson, Michelle Rodriguez, Steven Seagal, Lindsay Lohan စတဲ့ ဒိတ်ဒိတ်ကြဲတွေ အားလုံးက ဗီလိန်တွေ ဇာတ်ပို့တွေအဖြစ်သူ့ကိုပို့ပေးရတယ်ဆိုတာကိုက စိတ်ဝင်စားမှုကိုမြင့်တက်စေခဲ့ပြီး သွေးသံရဲရဲကြမ်းတမ်းတဲ့ပြကွက်တွေထဲမှာ satire ဆန်ဆန်တမင်ထည့်ထားတဲ့ဟာသကွက်တွေကလဲအပြည့်အဝဖျော်ဖြေမှုပေးနိုင်ပါတယ်။ နောက်ထပ်ပိုစိတ်ဝင်စားဖို့ကောင်းတဲ့အချက်က ဒီကားထဲကမင်းသမီးမှန်သမျှရဲ့ဝတ်လစ်စားလစ်ဇာတ်ဝင်ခန်းတွေပါ။ အပစ်အခတ် အညှစ်အသတ်နဲ့ အညစ်အပတ်တွေ ဒင်းကြမ်းနဲ့ အစကနေအဆုံးအထိ မနားတမ်းကြမ်းပြမယ့်ကားဖြစ်ပါတယ်။ (မိသားစုနဲ့တော့ မကြည့်သင့်ပါ။) File size…(2.3 GB) and (1.2 GB) Quality….BluRay 1080p and 720p 5.1CH Format…mp4 Duration….01:45:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Little Fockers (2010) ရုပ်ရှင်အညွှန်း သားမက် နဲ့ ယောက္ခထီးဆိုတာ များသောအားဖြင့်မတည့်ကြတာ များပါတယ် တည့်ပြန်ရင်လည်း သားမက်ဘက်ကနေ သည်းခံရတဲ့အပိုင်း‌တွေ ယောက္ခထီး အထင်ကြီးအောင်လို့လုပ်ယူနေရတဲ့အပိုင်းတွေရှိတာပါပဲ ဒီဇာတ်လမ်းကလည်း သားမက်နဲ့ ယောက္ခမ ကြားက အလွဲအချော်တွေ အထင်လွဲတာတွေကိုမှ အတည်ပေါက်ဟာသလေးတွေနှောပြီး ရိုက်ထားတဲ့ Meet The Parents trilogy ရဲ့ နောက်ဆုံး ရုပ်ရှင်ပဲဖြစ်ပါတယ် နောက်ဆုံး ရုပ်ရှင်ဖြစ်သလို အခွီရဆုံးလည်းဖြစ်မှာပါ မင်းသားကြီး Robert De Niro နဲ့ Ben Stiller တို့ရဲ့ bromance တွေ Dramatic moments တွေကို ပိုမြင်ရမယ့် အပိုင်းဆိုလည်း မမှားပါဘူး အဲ ယောက္ခထီးနဲ့ သားမက်ရဲ့ လက်ရုံးရည်ချင်းယှဉ်ကြတဲ့ အခန်းတွေလည်းပါသေးတယ်နော် ဇာတ်လမ်းကတော့ ဂရက်နဲ့ ပမ်နဲ့ လက်ထပ်ပြီးတဲ့ နောက် သားလေးတစ်ယောက် သမီးလေးတစ်ယောက် ဆိုပြီး အမြွှာနှစ်ယောက်ရခဲ့ပါတယ် ကလေးရပြီးတဲ့နောက်ပိုင်းမှာ သူတို့ အိမ်ထောင်ရေးအခြေအနေက အရင်လိုသာယာနိုင်ဦးမလား ဘယ်လိုအနှောင့်အယှက်တွေရှိလာဦးမလဲ ဂျက် ကလည်း သူတို့‌မြေးလေးနှစ်ယောက်ရဲ့ ငါးနှစ်ပြည့်မွေးနေ့ပါတီအတွက်အိမ်အလည်လာရင်းနဲ့ ဂရက်ရဲ့ တလွဲတချော်တွေကို ဘယ်လိုအထင်လွဲမိပြီး ဘယ်လို ပြန်အဆင်ပြေသွားမလဲ ဆိုတာ ကြည့်ရှုခံစားရမှာပါ (ဘာသာပြန်ပြီး အညွှန်းရေးသားထားသူကတော့ Thura Heinပဲ ဖြစ်ပါတယ်) File Size__(1.75GB) / (950MB) Quality__1080p, 720p IMDb Rating__5.5/10 Format__mp4 Duration__01:38:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

ပရိတ်သတ်ကြီးတို့ကိုဒီတစ်ခေါက်တင်ဆက်ပေးချင်တာကတော့ Thriller ဆန်ဆန်ရိုက်ကူးထားတဲ့ crime ရုပ်ရှင်ကားလေးပါ။ ဇာတ်လမ်းရဲ့အကျဉ်းချုပ်ကတော့ တက္ကဆက်အနောက်ပိုင်း နယ်မြို့လေးမှာတာဝန်ကျနေတဲ့ ရဲအရာရှိ လုဖော့ဒ်ဟာ သူ့ရဲ့မွေး စားအစ်ကိုဖြစ်သူ မိုက် သေဆုံးမှုနဲ့ပတ်သက်ပြီး လိုက်လံစုံစမ်းခဲ့ ရာကနေ အပျက်မကလေး ဂျိုစီနဲ့ မထင်မှတ်ဘဲ တွေ့ဆုံခဲ့ပါတယ်။ ဂျိုစီဆိုတဲ့ ကောင်မလေးကို မြို့ရဲ့မျက်နှာဖုံးလို့ဆိုရမယ့် သူဋ္ဌေးကြီး ကွန်ဝေးရဲ့သားဖြစ်သူ အယ်လ်မာကွန်ဝေးက စွဲလမ်းနေခဲ့တော့ သားဖြစ်သူကို အဲဒီအပျက်မလေးနဲ့ဝေးသွားအောင်လုပ်ပေးဖို့ လုဖော့ဒ်ကို သူဋ္ဌေးကြီးက အကူအညီတောင်းခဲ့ပါတယ်။ အဲဒီလိုကနေ လုဖော့ဒ်နဲ့ ဂျိုစီကြားမှာ သံယောဇဉ်တွေငြိတွယ် သွားခဲ့ပြီးတဲ့နောက်မှာတော့...ဂျိုစီနဲ့ အယ်လ်မာကို သတ်သွား ခဲ့တဲ့ တရားခံက ဘယ်သူလဲ၊ အဲဒီအမှုရဲ့ သံသယတရားခံ ဂျွန်နီ ပါပါကိုယ်တိုင်က ထောင်ထဲမှာ ကြိုးဆွဲချသေသွားခဲ့တာ ဘာ ကြောင့်လဲ၊ တကယ့် တရားခံအစစ်က အားလုံးထင်မှတ်မထားတဲ့ လူတစ်ယောက်ဖြစ်နေမယ်ဆိုတာကို သည်းထိတ်ရင်ဖို ဇာတ်လမ်းရဲ့ အဆုံးသတ်မှာ လျှို့ဝှက်ချက်တစ်ခုအဖြစ် ရှုမြင်ခံစားရမှာပဲဖြစ် ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ June ဖြစ်ပါတယ်) File Size..........(1.75 GB) / (607 MB) Quality............BLU-RAY 1080p / 720p Duration.........1Hr 49Min Subtitle...........Myanmar Hardsub Format............MP4 Genre..............Crime, Drama, Mystery Translator.......June Encoder..........Zin Phyo Aung

Valentine's Day 270ADရောမမှာ ကလောက်ဒီးယပ်စ်ဆိုတဲ့ ဘုရင်အုပ်ချုပ်ခဲ့တဲ့အချိန်ကာလတစ်ခုရှိဖူးပါတယ်။ ကလောက်ဒီးယပ်စ်ဟာစစ်မက်ပြီး ရက်စက်တဲ့ ဘုရင်တစ်ပါးပါ။ သူ့လက်ထက်မှာ စစ်သားတွေကို စိတ်ပျံ့မလွင့်စေဖို့ လက်ထပ်ခြင်းကိုတားမြစ်ခဲ့ပါတယ်။ အဲ့ဒီတစ်ချိန်တည်းမှာပဲချစ်ခြင်းမေတ္တာကို ယုံကြည်တဲ့ စိန့် ဗယ်လ်လင်တိုင်းဆိုတဲ့ ဘုန်းတော်ကြီးတစ်ပါးလည်းရှိခဲ့ပါတယ်။လူတိုင်းကိတိတ်တဆိတ်လက်ထပ်ပေးတဲ့ ဗယ်လင်တိုင်းကိုအကျဉ်းသွင်းလိုက်ပါတယ်။ အကျဉ်းသွင်းခံရတဲ့ ဗယ်လ်လင်တိုင်းဟာ Feb 14 မှာ နှုတ်ဆက်စာရေးပြီးသေဆုံးသွားခဲ့ပါတယ်။ ဒီရုပ်ရှင်ကတော့ ဗယ်လ်လင်တိုင်းဒေးမှာအချစ်ကစွန့်ပစ်သွားတဲ့။ ဗယ်လ်လင်တိုင်း‌ဒေးမှာအချစ်ကို တွေ့ရှိသွားတဲ့။ ဗယ်လ်လင်တိုင်းဒေးမှာ အချစ်ကို စွန့်ပစ်သွားတဲ့ လူတွေအကြောင်းပါ။ဒီရုပ်ရှင်က Fridayလိုမျိုး တစ်ရက်တည်းမှာဖြစ်နေတာတွေကို ရိုက်ပြသွားတဲ့ ရုပ်ရှင်မျိုးပါပဲ။ဒီရုပ်ရှင်ဟာ Ratingမကောင်းလှပေမယ့်Emotional ဖြစ်ပြီး Jessica Alba Anne Hathaway Emma Robertsတို့လိုမမတွေအပြင် Taylor Swift ၊Julia Robertတို့လို နာမည်ကျော်တွေပါ၀င်ထားတဲ့အတွက် ကြည့်ပျော်ပါတယ်။ လူတစ်ဦးချင်း တစ်ယောက်ချင်းစီရဲ့အဖြစ်သနစ်ကလေးတွေကို ဆက်စပ်ပြီးV Day Themeထဲမှာ အီမိုရှင်နယ်ဖြစ်စေတဲ့အခန်းများများသုံးထားတဲ့ ဒီရုပ်ရှင်မှာ ဇာတ်ကောင်တွေရဲ့ မိုးလင်းက မိုးချုပ်Vdayတစ်ရက်တာ ဘယ်လိုပြီးဆုံးသွားလဲ တရိပ်ရိပ်ခံစားရမှာပါ။လူရဲ့တစ်နေ့တာဟာပြဿနာတွေနဲ့စပြီး ပြဿနာတွေနဲ့ပဲဆုံးတတ်တဲ့ သဘာ၀တော့ရှိပါတယ်။ ကျွန်တော်တို့ရဲ့ V dayကရောဘယ်လိုများပြီးဆုံးသွားပါသလဲဆိုတာဒီရုပ်ရှင်အပြီးသတ်မှာ တစိမ့်စိမ့်ပြန်တွေးကြည့်ရင် အတော်တဿဖွယ်ကောင်းပါတယ်။စကားမစပ်ဗျာ ဒီရုပ်ရှင်ရဲ့ ရသအပြည့်အ၀ကို ဒီညမှာပဲရနိုင်မှာပါ။ File size__( 1.1 GB) Quality__Blu-720p IMDb Rating__5.7/10 Format__mp4 Duration__02:04:39 Type__Comedy, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Horror ကားလည်း ကြည့်ချင်တယ် .. သိပ်ပြီးတော့လည်း မကြောက်ချင်ဘူး .. ဒါပေမယ့် ဇာတ်ကားကလည်း ကြည့်ရတာ စိတ်ဝင်တစားဖြစ်ချင်တယ်ဆိုရင်တော့ နာမည်ကြီး မင်းသမီး Jessica Alba သရုပ်ဆောင်ထားတဲ့ The Eye ဆိုတဲ့ ဇာတ်ကားကို ကြည့်ပါ။ ဒီဇာတ်ကားထဲမှာ ဆစ်ဒနီဝဲလ်ဆိုတဲ့ မျက်မမြင် ကောင်မလေးနေရာမှာ Jessica Alba က အထူး သရုပ်ဆောင်ထားတာ ဖြစ်ပါတယ်။ ဆစ်ဒနီဝဲလ်က အသက်ငါးနှစ် အရွယ်တုန်းက မျက်စိကို ထိမှန်ပြီး ဗျောက်အိုးထိမှန်ပြီး မျက်စိကွယ်ခဲ့တဲ့သူ။ နောက် ဆယ့်ငါးနှစ် အကြာမှာ သူ့ရဲ့ မျက်စိကို မျက်ကြည်လွှာ အစားထိုးကုသခဲ့တယ်။ ဇာတ်လမ်းက ဒီမှာ စတာပါ။ မျက်စိက ကုသပြီးလို့ စစချင်း ဘာမှ သိပ်မမြင် ရသေးပေမယ့် ခက်တာက ကြောက်စရာကောင်းတဲ့ ပုံရိပ်တွေ .. မီးလောင်နေတာတွေ .. လူသေတွေ အဲဒါတွေကို သူ့အနေနဲ့ မြင်လာရတယ်။ သေမယ့် လူတွေကို ကြိုတင်ပြီး ပုံရိပ်တွေ မြင်နေရသလို ဖြစ်လာတယ် .. ဒီလိုတွေ မြင်လာရတာက ဘာကြောင့်လဲ? ဆစ်ဒနီအနေနဲ့ ဒါကို ဘယ်လိုမျိုး ကျော်ဖြတ်သွားမလဲ? ဆေးပညာနဲ့ ဒီကိစ္စက ဘယ်လိုမျိုး ဆက်သွယ်မှုတွေ ရှိနေသလဲ စတဲ့ စိတ်ဝင်စားစရာ အချက်တွေကို ဒီဇာတ်ကားထဲမှာ ဆက်လက်ပြီး ကြည့်ရှုသွားရမှာ ဖြစ်လို့ မလွှတ်တမ်း ကြည့်သင့်တဲ့ ဇာတ်ကားလေး တစ်ကားပါလို့ ပြောလိုက်ပါရစေ။ File size…1.6GB ,  656MB Quality…Blu-Ray 1080p / 720p Format…mp4 Duration….1h 38m Genre …..Horror , Mystery Subtitle….Myanmar Subtitle (Hard Sub) Encoder….Min Wai Translated by BZW

ဒီရုပ်ရှင်ကားလေးကို ရုပ်ရှင်ကြည့်သူများ လက်ထဲ အရောက်ပို့ဖို့ အတွက် မျက်ရည်တွေ ဝိုင်းပြီး ဘာသာပြန်ပေးခဲ့သူကတော့ Tariq L Walker ဖြစ်ပါတယ် ဘာသာပြန်ဖို့ စေခိုင်းသူကတော့ ကျနော်ပါ ဘာကြောင့်လဲဆိုတော့ ရုပ်ရှင်ချစ်သူတွေ ကြည့်သင့်တဲ့ ရုပ်ရှင်ကားကောင်း တစ်ခုဖြစ်တယ်လို့ နှလုံးသားထဲကနေ သိနေလို့ပါ... ဒီရုပ်ရှင်ကားမှာ ကျနော် ကြည့်စေ သိစေချင်တဲ့ အကြောင်းရာက ချစ်ခြင်းမေတ္တာတရားပါ ဇတ်လမ်း ပုံစံ ကတော့ အောင်မြင်နေတဲ့ လုပ်ငန်းရှင် တစ်ဦးဖြစ်တဲ့ ကလေ (Clay) ဟာ ဖခင် သေဆုံးမှု အပေါ် အမေ ဖြစ်သူရဲ့ အပြစ်မကင်းဟု မှတ်ယူပြီး အမေ နှင့် အစေးမကပ်တဲ့ သူဌေးသား တစ်ဦး ဖြစ်ကာ လက်ထပ် ယူတော့မယ့် ချစ်သူ ဆမ် လဲ ရှိနေပြီ ဖြစ်ပါတယ်.. ကလေ မှာ ချစ်ရသော ချစ်သူ ဆမ် အပြင် အချစ်ဆုံး သူငယ်ချင်းဖြစ်သော ဆရာဝန် ဖြစ်သူ ဂျက် လဲ ရှိပါသေးတယ်.... ကလေ ဟာ အရာအားလုံး ပြည့်စုံနေသော်လဲ နှလုံးရောဂါ ကြောင့် သက်တမ်းရှည်ရှည်နေနိုင်ဖို့ အခက်အခဲ ဖြစ်နေပြီး နှလုံးအစားထိုး ခွဲစိတ်ကုသဖို့ လိုအပ်နေသူ တစ်ဦးလဲ ဖြစ်ပါတယ်.. တစ်နေ့မှာတော့ ကလေ ဟာ သူ့အချစ်ဆုံး သူငယ်ချင်း ဖြစ်သူ ဂျက် ကိုယ်တိုင်ပါဝင်ခွဲစိတ်မယ့် နှလုံးအစားထိုး ခွဲစိတ်ကုသမှု ကို လက်ခံပြီး ခွဲစိတ်ကုသရန် ပြင်ဆင်ပါတော့တယ်... အရာအားလုံးအဆင်ပြေခါနီးမှ နှလုံးခွဲစိတ်နေရင်း ကလေ တစ်ယောက် သေအံ့ဆဲဆဲ အနေအထားဖြင့် စိတ်မျှောလွင့်ပြီး ဝိဉာဉ် အဖြစ် နှင့် သက်ရှိကိုယ် မှ ထွက်ခွာသွားခဲ့သော အခါ..... (သစ်ဆန်းခန့်)

Fantastic 4 ဟာ MCU မှာ မပါသေးတဲ့ Marvel ရဲ့ အကျော်ကြားဆုံး အဖွဲ့တစ်ခုပါ။ Leader Mr fantastic ဟာဆိုရင်လည်း 21 ရာစုရဲ့ အတော်ဆုံး လူတွေထဲက တစ်ယောက်ပါပဲ။ Reed နဲ့ Sunsan တို့ရဲ့ သား Frenklin Richard ကလည်း Mravel မှာ အစွမ်းဆုံး Omega Level Hero ပါပဲ။ ဒါဆို F4 ဆိုတာ Marvel မှာ မသေးတဲ့ အခန်းကဏ္ဍက ပါဝင်နေတာကိုတွေ့ရမှာပါ။ ဇာတ်လမ်းအကျဉ်းကတော့.. Reed နဲ့ Susan တို့ရဲ့ လက်ထက်ပွဲ ကျင်းပတော့မဲ့ အချိန်နဲ့ မရှေးမနှောင်းကာလ.. ဂြိုလ်တွေကို စားသုံးတဲ့ Galactus ရဲ့ ရှေ့ပြေးအနေနဲ့ Silver Surfer ဟာ ကမ္ဘာပေါ်ကို ရောက်လာခဲ့တယ်။ F4 အဖွဲ့အနေနဲ့ Silver Surferရဲ့ Power ကို ဘယ်လိုမှ မယှဉ်နိုင်တဲ့အခါ စစ်တပ်က F4 ရဲ့ ရန်သူတော်ကြီး Victorn Von Doom (ဝါ) Dr Doom ကို ကူညီဖို့ ခေါ်ခဲ့တယ်... Marvel ရဲ့ အစွမ်းဆုံး Villain တွေထဲ အပါအဝင် ဖြစ်တဲ့ Doom, Galactus တို့အပြင် Silver Sufer ကိုပါ F4 အနေနဲ့ ရင်ဆိုင်ရမှာပါ။ Invisible Woman အဖြစ်ပါတဲ့ Jessica Alba နဲ့တင် ဒီကားက ကျွန်တော့်အတွက်တော့ တော်တော်တန်နေပါပြီ။ စကားမစပ် Chris Evan ကြီးရဲ့ ပြောင်စပ်စပ် အခန်းတွေလည်း ပါပါတယ်။ File size...7 GB / 2GB / 1GB Quality…Blu-Ray 4K / 1080p / 720p Format…mp4 Duration….01:32:00 Subtitle….Myanmar Subtitle (Hardsub)

Good Luck Chuck ယခုအခါတင်ဆက်ပေးလိုက်တာကတော့ ၂၀၀၇ ခုနှစ်ထွက် အချစ်ဟာသဇာတ်လမ်းလေးပဲဖြစ်ပါတယ်။ ဇာတ်လမ်းလေးကပေါ့ပေါ့ပါးပါးနဲ့ စိတ်ကိုလွတ်လပ်ပေါ့ပါးစေမဲ့ကားလေပါ။ဆု‌တွေလည်းရရှိထားပါတယ်။ ဇာတ်လမ်းရဲ့အဓိကဇာတ်ဆောင်တွေကတော့ Dane Cook၊ Dan Foglerနဲ့ မင်းသမီးကတော့ Fantastic four ဇာတ်ကားထဲကမင်းသမီး Jessica Alba ကသရုပ်ဆောင်ထားပါတယ်။ ဇာတ်လမ်းကတော့ဆန်းဆန်းလေးနဲ့ရီရပါတယ်။ သွားဆရာဝန် ဒေါက်တာချာလီလိုဂန်ဟာ ငယ်စဉ်ကလေးဘဝတုန်းက ဆော့ကစားရင်နဲ့ ကလေးတစ်‌ယောက်ရဲ့ကျိန်စာအတိုက်ခံခဲ့ရပါတယ်။ သူနဲ့တွဲတဲ့မိန်းကလေးတိုင်း နောက်ကောင်တစ်ယောက်ဆီပါသွားစေရမယ်ဆိုပြီး ကျိန်စာတိုက်ခံလိုက်ရတာပါ။ အသက်ကြီးလာတော့ ရည်စားအများကြီးတွဲခဲ့ဖူးပေမဲ့လည်း အချစ်စစ်ကိုမခံစားဖူးခဲ့ပါဘူး။ သူဟာသူရည်းစားဟောင်းရဲ့မင်္ဂလာဆောင်ကိုသွားရင်းနဲ့ အမျိုးသမီးတွေကြားနာမည်ကျော်ကြားသွားပါတယ်။ သတို့သမီးကချာလီနဲ့ပြတ်ပြီးတော့မှ သူ့ရဲ့အချစ်စစ်ကိုတွေ့ရှိခဲ့ကြောင်းပြောလိုက်တဲ့အတွက် ချာလီကိုလာဘ်ကောင်လေး‌ဆိုပြီးအမျိုးသမီးတွေကထင်မှတ်လာကြပါတယ်။ ဒီတော့အမျိုးသမီးတွေကချာလီနဲ့အတူအိပ်ခွင့်ရဖို့ကြိုးစားလာကြပါတယ်။ ချာလီကတော့ ဒီကိစ္စကိုအယုံအကြည့်မရှိပေမဲ့လည်း သူ့သူငယ်ချင်း ‌ဒေါက်တာစတူရဲ့မြှောက်ပင့်ပြောဆိုမှုကြောင့် မိန်းကလေးတွေကိုပါရမီဖြည့်ပေးတဲ့အနေနဲ့ သူတို့နဲ့အတူအိပ်ပေးခဲ့ပါတယ်။ (အတော်ကံကောင်းတဲ့လူပါ) ကြာလာတဲ့အခါချာလီဟာဒီကိစ္စကိုစိတ်ကုန်လာပါတယ်။ အချစ်မပါတဲ့လိင်ဆက်ဆံရေးလည်းဖြစ်၊ဒီမိန်းကလေးတွေကလည်းသူနဲ့အတူဆက်ဆံနေချိန်မှာတောင် သူ့အပေါ်စိတ်မရောက်နေပဲ အချစ်စစ်ဖြစ်လာမဲ့ နောက်ကောင်တစ်ယောက်အကြောင်းတွေးနေကြလို့ပါ။ ချာလီဟာဒီလိုလာဘ်ကောင်ကိစ္စဖြစ်ပြီးတဲ့နောက်မှာ သူဟာအမျိုးသမီး‌တွေရဲ့အသုံးချခံပဲဖြစ်နေတယ်လို့ထင်မှတ်လာပြီး အချစ်စစ်ကိုလိုချင်လာပါတော့တယ်။ သူကသူရဲ့လက်တွဲဖော်ဟာ မင်္ဂလာဆောင်မှာတွေ့ခဲ့တဲ့ ပင်ဂွင်းစောင့်ရှောက်ရေးမှာအလုပ်လုပ်တဲ့ ကမ်ဝက်ဇ်လာလို့ထင်မှတ်ပါတယ်။ကမ်ဝက်ဇ်လာကတော့ချာလီရဲ့လာဘ်ကောင်ကိစ္စကြောင့်ချာလီကိုမတွဲချင်ခဲ့ပါဘူး။ ဒါပေမဲ့ ချာလီရဲ့ကြိုးစားမှုကြောင့်ကမ်ဝက်ဇ်လာကချိန်းတွေ့ကြဖို့သဘောတူလိုက်ပါတယ်။ အဲ့ဒီမှာပြဿနာစတာပါပဲ။ ချာလီဟာကမ်နဲ့အတူအိပ်လို့မရပါဘူး။ အိပ်လိုက်တာနဲ့နောက်ကောင်တစ်ယောက်ဆီကိုပါသွားမှာပါ။ ဒီတော့ချာလီနဲ့ကမ်တို့နှစ်ယောက် ဘယ်လိုဆက်ဖြစ်မလဲ...ပေါင်းဆက်ဖြစ်မလားဆိုတာကိုဆက်လက်ခံစားကြပါခင်ဗျာ။ ဒီဇာတ်လမ်းလေးကမထင်မှတ်ထားတဲ့အချိန်မှာ မထင်မှတ်ထားတဲ့ဟာသပြကွက်လေးတွေနဲ့ဆို‌တော့ကြည့်ပျော်ပါတယ်။ မင်းသမီးရဲ့နမော်နမဲ့နိုင်ပုံလေး‌တွေကလည်းချစ်ဖို့ကောင်းပါတယ်။ တစ်ခုရှိတာက 18 + ဇာတ်ဝင်ခန်းများ၊အသုံးအနှုန်းများပါဝင်တဲ့အတွက် ကလေးငယ်များကြည့်ရှုရန်မသင့်တော်ပါဘူးခင်ဗျာ။

IMDb 6.9 Rotten Tomatoes 89% Comedy ဇာတ်ကားတစ်ကား ဒီလောက် Rating မြင့်မားနေရင် မှတ်ထားလိုက်ပါတော့...ရှယ်ကောင်းလို့ပါပဲ။ မင်းသား Seth Rogen ,Paul Rudd,Jonah Hill,Jay Baruchel တို့လို ဟာသသရုပ်ဆောင်တွေမြိုင်ဆိုင်သလို မင်းသမီး Katherine Heigl,Leslie Mann တို့ဆိုတာကလဲ ဒီလိုဇာတ်ကားနဲ့ သိပ်လိုက်ဖက်လှတာပေါ့။ ဇာတ်လမ်းကလဲ R Rated ဆိုတဲ့အတိုင်း တကယ့်ဗရုတ်သုတ်ခပါပဲ... မူးမူးရူးရူးနဲ့ ဖြစ်မိတဲ့ တစ်ညတာ one night stand က မထင်မှတ်ဘဲ ကိုးလလွယ်ဆယ်လအထိကြာ‌အောင်ခံရမယ့် ဒုက္ခအဖြစ်သို့ ပြောင်းလဲသွားသောအခါ..... အယ်လီဆင် စကော့ ဟာ ရုပ်မြင်သံကြားဌာနတစ်ခုမှာ အလုပ်လုပ်နေတဲ့ ရည်မှန်းချက်ကြီးကြီး အိပ်မက်လှလှလေးတွေမက်နေတဲ့ မိန်းမပျိုလေးပါ ။ တစ်နေ့မှာတော့ အထက်လူကြီးတွေက သူ့ကို ရာထူးတိုးပေးလိုက်တော့ ပျော်လွန်းလို့ သူ့အစ်မ ဒက်ဘီ နဲ့အတူ ကလပ်တစ်ခုမှာ သွားပြီး အောင်ပွဲခံပါတော့တယ်။ အဲဒီမှာ ဘန် ဆိုတဲ့ကောင်လေးနဲ့ ဆုံမိကြပါတယ်။ ဘန် ကတော့ ဆေးခြောက်ပုံမှန်သုံးစွဲလေ့ရှိတဲ့ သူငယ်ချင်းတစ်စုနဲ့ အတူနေတဲ့ ငပျင်းတစ်ကောင်ပါပဲ။ တကယ်ဆိုရင် သူက အမေရိကန်မဟုတ်ဘူး။ ကနေဒါကနေ တရားမဝင် လာနေနေတာ။ တရားမဝင်နေတော့ အခွန်ဆောင်စရာမလိုတော့ဘူးပေါ့ဗျာ တဲ့။ ဆောင်ရအောင်လည်း သူ့မှာ ပိုက်ဆံမှမရှိဘဲ။ သူ ကျောင်းသားဘဝတုန်းက စာပို့ကားတက်ကြိတ်တာခံရလို့ အစိုးရက သူ့ကို လျော်ကြေး ဒေါ်လာ တစ်သောင်းလေးထောင် ပေးဖူးသတဲ့။ဘာမှမလုပ်ဘဲ အဲဒါကိုထိုင်စားလာတာ ဆယ်နှစ်ကျော်ပြီတဲ့။ ခုတောင် လက်ထဲ ဒေါ်လာကိုးရာလောက် ကျန်သေးတယ်ဆိုပဲ။ သူက ဆေးခြောက်နဲ့ စပါဂက်တီခေါက်ဆွဲဖိုးလောက်ပဲ ကုန်စရာရှိတာကိုး။ သူ့ဘော်ဒါတွေကလည်း သူနဲ့ထူးမခြားနားပါပဲ။ ဒီလောက်ဆိုရင် အယ်လီဆင် နဲ့ ဘန် တို့ဟာ ဘယ်လောက်ခြားနားတဲ့ အနေအထားရှိတယ်ဆိုတာ သိသာပါတယ်။ ဒါပေမဲ့ ဆန်းကြယ်တဲ့ကံတရားနဲ့ ဆန်းကြယ်သောစိတ်ကူးရှိသူ ဇာတ်ညွှန်းရေးဆရာကြီးတို့ရဲ့အလိုအရ သူတို့နှစ်ယောက် ဆုံဖြစ်အောင်ဆုံမိသွားကြပါတယ်။ သို့သော်လည်း one night stand က one nightနဲ့ ရပ်လို့မရဘဲ long-standingကိစ္စ ဖြစ်လာတဲ့အခါ နှစ်ယောက်လုံး တိုင်တွေပတ်ကုန်ကြပါတော့တယ်။ ဒီဇာတ်ကားမှာ နာမည်ကျော်ဟာသသရုပ်ဆောင်တွေ တပြုံကြီးပါဝင်ထားသလို ဧည့်သည်သရုပ်ဆောင် နာမည်ကျော်များကလည်း မထင်မှတ်တဲ့နေရာတွေကနေ အကွက်စေ့စေ့ ပါဝင်သရုပ်ဆောင်ထားကြပါတယ်။ Ratingကောင်းတွေ ရရှိခဲ့သလို ဝင်ငွေအရလည်း ဘတ်ဂျက် 25 millionsမှာ ဝင်ငွေ 219 millionsရရှိခဲ့တဲ့အတွက် စီးပွားရေးအရပါ အောင်မြင်တဲ့ကား ဖြစ်ခဲ့ပါတယ်။ ဒီဇာတ်ကားထဲမှာ ဇာတ်ကောင်တွေပြောတဲ့ ပြောစကားတွေထဲမှာ အမေရိကန်တွေ အနောက်တိုင်းသားတွေသာ ချက်ချင်းနားလည်မယ့် စကားလုံး၊စကားရပ်တွေ အသုံးအနှုန်းတွေအများအပြားပါဝင်နေပါတယ် ။ အထူးသဖြင့်တော့ Hollywood movie quotesတွေပေါ့။ သူတို့ပြောစကားထဲက နာမည်တွေလိုက်ပြီး Googlingလုပ်ရင်တောင် ဗဟုသုတ အတော်ပွားနိုင်စရာ ရှိပါတယ်။ ဇာတ်လမ်းကလည်း ရယ်ရရုံ ပျော်ရရုံသက်သက် မကဘဲ အိမ်ထောင်ရေးပဋိပက္ခတွေဖြစ်ရတဲ့ ဇစ်မြစ်၊ ကိုယ့်အတ္တနဲ့ တဖက်သားကို ဇွတ်ပြောင်းလဲလာအောင် ဖိအားပေးတတ်တဲ့စိတ်မျိုးတွေ ၊ တာဝန်ယူမှု တာဝန်ခံမှုဆိုတာ ဘယ်လောက်အရေးကြီးသလဲဆိုတာတွေကို သင်ခန်းစာယူနိုင်ကြပါလိမ့်မယ်။ ကြည့်ရှုခံစားပျော်ရွှင်နိုင်ကြပါစေ။ Unrated Version နဲ့တင်ဆက်ထားတာမို့ တချို့အခန်းတွေမှာတော့ မိသားစုနဲ့ကြည့်ဖို့သင့်တော်မှာမဟုတ်ပါဘူး။ (ရုပ်ရှင်အညွှန်းနဲ့ဘာသာပြန်ကို Thaman Myint မှ တင်ဆက်ထားပါတယ်။) File size…(2.6 GB)/(1 GB) Quality….BluRay Unrated 1080p / 720p Format…mkv Duration….02:12:57 Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint

ဒီဇာတ်ကားက ၂၀၀၅ ခုနှစ်ကထွက်ရှိခဲ့တဲ့ မူရင်း Fantastic Four ဇာတ်ကားဖြစ်ပြီး IMDb Rating (5.7/10) ရရှိထားပါတယ်။ ဒီဇာတ်ကားမှာ Captain America မင်းသား Chris Evans ၊ မင်းသမီး ဂျက်စီကာအယ်လ်ဘာ တို့နဲ့အတူ Ioan Gruffudd ၊ Michael Chiklis တို့က F4 စွမ်းအားရှင်တွေအဖြစ် ပါဝင်ထားပါတယ်။ Julian McMahon ကတော့ ဗစ်တာဗွန်ဒူးအဖြစ် အားပြိုင်ထားပါတယ်။ ဒီနှစ်ထဲထွက်ထားတဲ့ Fantastic Four(2015) နဲ့မတူကွဲပြားစွာခံစားရမှာပါ။ ကျွန်တော်ကတော့ ဂျက်စီကာအယ်လ်ဘာ ပရိတ်သတ်ဖြစ်တာနဲ့အညီ မူရင်း Fantastic Four ဖြစ်တဲ့ ဒီဇာတ်ကားကိုပိုနှစ်သက်မိပါတယ်။ ခံစားအားပေးကြပါဦး။ File size…8 GB / 3 GB / 1 GB Quality…Blu-Ray 4K / 1080p / 720p Format…mp4 Duration….01:46:00 Subtitle….Myanmar Subtitle (Hardsub)

IMDb Rating (5.9) ဆုံးသွားပြီဖြစ်တဲ့ Paul Walker နဲ့ Jessica Alba တို့ ပါဝင်သရုပ်ဆောင်ထားတဲ့ ဒီကားလေးမှာ ကားဆရာနဲ့ ကိုယ်ပျောက်မယ်တို့ကို ပင်လယ်ကမ်းခြေက ကမ်းခြေပျော် မောင်နှံလေးတွေ အဖြစ်တွေ့ရမှာပါ.. ကားဆရာက ကားမမောင်းပဲ ရေငုပ်ပြီး ရတနာလိုက်ရှာရတာ ဝါသနာပါသလို အမြဲတမ်းလည်း ရှာတွေ့ပါတယ်.. ဖြစ်ချင်တော့ သူတို့စုံတွဲရယ် မြို့ပေါ်က ဘော်ဒါစုံတွဲရယ် ပင်လယ်ထဲမှာ double date ရင်း ရေအပျော်ငုပ်ကြတုန်း ကိုကင်းတွေ အပြည့်နဲ့ လေယာဉ်ပျက်ကြီးကို တွေ့ရှိသွားတဲ့အခါမှာတော့ ... လုပ်နေကျ ရတနာအတိုအစလေးတွေပဲရှာဖွေယူပြီး ပြန်ကြမလား ... ကိုကင်းလေယာဉ်ပျက်ကြီးနဲ့ ဘယ်လိုစခန်းသွားကြမလဲ... ဘယ်လိုစွန့်စားဖြေရှင်းကြမလဲဆိုတာ.... ပေါ်ဝေါ်ကာအလွမ်းပြေကြည့်ရှုနိုင်သလို ဂျက်ဆီကာအယ်ဘာလေးရဲ့ ဘီကီနီနဲ့ ရေကူးနေတာလေးတွေလဲ အဝငမ်းနိုင်မယ့် ဇာတ်ကားပါ။ (ရုပ်ရှင်အညွှန်းနဲ့ဘာသာပြန်ကို Sai Thurein Lynn မှတင်ဆက်ထားတာဖြစ်ပါတယ်။) File size…(1.9 GB) / (1 GB) Quality…BluRay 1080p/720p Format…mp4 Duration….01:50:00 Subtitle….Myanmar Subtitle (Hardsub) Encoder….Nyeinsaeya Aung Translated by Sai Thurein Lynn

Sin City မှာ ဇာတ်လမ်းလေးပုဒ် ပါဝင်ပြီး အဲဒီဇာတ်လမ်းတွေရဲ့ အချိန်အစဉ်တွေက တစ်ခုနဲ့တစ်ခု ဆက်နွယ်နေပါတယ်။ ဘယ်အဖြစ်အပျက်က အရင်ဖြစ်ပြီး ဘယ်ဟာက နောက်မှဖြစ်တာလဲဆိုတာကိုတော့ တိုက်ရိုက်ရှင်းမပြဘဲ ကြည့်ရင်း ဆက်စပ်ယူရအောင် ချန်ထားပါတယ်။ ရာဇဝတ်မှုနဲ့ အက်ရှင်အကြောင်းတွေကို ဒီလိုဇာတ်လမ်းဖွဲ့စည်းပုံနဲ့ တင်ဆက်ထားတာပါ။ ပါဝင်တဲ့အပိုင်းတစ်ခုဖြစ်တဲ့ Customer Always Right ကို မူရင်းအညွှန်းမှာ မောင်မိုးသူရဲ့ ဘာသာပြန်ဝတ္ထု «သေနေ့» နဲ့ နှိုင်းယှဉ်ထားပါတယ်။ အဲဒီဝတ္ထုထဲမှာ ရောဂါနဲ့ သေတော့မယ်ထင်တဲ့ အမျိုးသမီးတစ်ယောက်က ကိုယ့်ကိုသတ်ဖို့ လူသတ်သမားကို တစ်ဆင့်ငှားထားပြီး ဘယ်သူလဲဆိုတာကိုတော့ မသိရပါဘူး။ ရောဂါရှိတယ်ဆိုတာ မှားနေကြောင်း သိလာတဲ့အခါ ငှားထားမိတဲ့ လူသတ်သမားဆီကနေ ပြန်ပြေးရတဲ့ အခြေအနေဖြစ်လာပါတယ်။ Customer Always Right က အဲဒီဝတ္ထုကို တခြားရှုထောင့်တစ်ခုကနေ ပြထားသလို ခံစားရကြောင်း မူရင်းရေးသူက နှိုင်းထားတာဖြစ်ပြီး ရုပ်ရှင်ရဲ့ဇာတ်လမ်းအကျဉ်းအဖြစ် ဖော်ပြထားတာတော့ မဟုတ်ပါဘူး။

IMDb Rating (6.6) / Rotten Tomatoes (67%) ဒီလိုအိမ်တွင်းအောင်းကာလမှာ တစိမ့်စိမ့်သောက်ရမယ့် လက်ဖက်ရည်ကျစိမ့်တစ်ခွက်ဆိုတာ ဒီလိုဇာတ်ကားပါပဲ... မင်းသမီး Jessica Alba နဲ့ မင်းသား Hugh Dancy တို့ပါဝင်ထားပြီး မလေးရှားနိုင်ငံက Sarawak ဆိုတဲ့နေရာမှာ ရိုက်ကူးထားတာပါ။ မလေးရှားတိုင်းရင်းသားရိုးရာအလှအပ အဝတ်အစားတွေနဲ့ ၁၉၃၀ ဝန်းကျင်ကာလကို သေချာတင်ဆက်ထားတာမို့ ဂျက်ဆီကာအယ်လ်ဘာကိုတောင် တိုင်းရင်းသူလေးအဖြစ် အမှတ်မှားသွားနိုင်ပါတယ်။ Romantic Drama ဇာတ်ကားမျိုးထဲမှာ မတူတဲ့ရသတစ်မျိုးနဲ့ အမြဲသတိရသွားစေမယ့်ရုပ်ရှင်မျိုးပါပဲ။ ဇာတ်လမ်းနာမည်လေးကလဲ ဆန်းတယ်.. အိပ်စက်ခြင်းအဘိဓာန်တဲ့ .. ဇာတ်လမ်းအကျဉ်းအနေနဲ့ကတော့ ရှေးကျတဲ့ Tiban လူမျိုးတွေနေထိုင်တဲ့ မလေးရှားက Sarawak ဒေသကို ယဉ်ကျေးမှုတွေဖလှယ်ပေးဖို့အတွက် အင်္ဂလိပ်လူငယ်လေးတစ်ယောက်ကို တာဝန်ပေးအပ်လိုက်ပါတယ် .. ထိုလူငယ်လေးဟာ မထင်မှတ်ဘဲ ဒေသခံမိန်းကလေးတစ်ယောက်နဲ့ချစ်ကြိုက်မိသွားခဲ့ပေမဲ့ ဂုဏ်သိက္ခာကိုရှေ့တန်းတင်တဲ့ အင်္ဂလိပ်လူမျိုးတွေဘက်ကတော့ လက်ထပ်ဖို့သဘောမတူခဲ့ပါဘူး .. ဒီလိုနဲ့ သူတို့တွေကြားမှာဖြစ်ပေါ်လာတဲ့တင်းမာမှုတွေ၊အချစ်ရဲ့ဂုဏ်သိက္ခာအကြောင်းတွေ Tiban လူမျိုးတွေရဲ့ယဉ်ကျေးမှုစရိုက်တွေကို အသစ်အဆန်းအနေနဲ့တွေ့ကြုံခံစားရမှာပဲဖြစ်ပါတယ် .. အေးတိအေးစက် အချစ်ဇာတ်လမ်းသိပ်မကြိုက်တဲ့ ကျွန်တော်တောင် ဒီရုပ်ရှင်ကိုသဘောကျပါတယ် .. "အိပ်စက်ခြင်း အဘိဓာန်" ကဘာလဲဆိုတာ ခံစားကြည့်စေလိုပါတယ်။ File size…(1.9 GB) / (1 GB) / (300 MB) Quality…BluRay 1080p / 720p / 360p Format…mp4 Duration….01:50:00 Subtitle….Myanmar Subtitle (Hardsub) Encoder….Nyeinsaeya Aung Translated by Nay Lin Thar

Never Been Kissed (1999) ~ IMDb - 6/10, Rotten Tomatoes - 55% ~ ဒီကားလေးဟာဆိုရင်ဖြင့် 90s အကျော်အမော် မင်းသမီးချော Drew Barrymore ရဲ့ ငယ်ရွယ်စဉ်အပျိုပေါက်အရွယ်တုန်းက ရိုက်ကူးခဲ့တဲ့ အချစ်ဟာသဇာတ်လမ်းလေးတစ်ပုဒ်ဖြစ်ပါတယ်။ ဂျိုစီဂယ်လာဆိုတဲ့ ၂၅နှစ်အရွယ် အမျိုးသမီးလေးတစ်ယောက်ဟာ Chicago Sun Times သတင်းစာတိုက်မှာအလုပ်လုပ်နေတဲ့ အငယ်ဆုံးဝန်ထမ်းတစ်ယောက်ဖြစ်ပါတယ်။ တစ်နေ့ အစည်းအဝေးမှာ အထက်လူကြီးက ဂျိုစီ့အတွက် ပထမဆုံးသူလျှိုသတင်းထောက်တာဝန်ကို ပေးခဲ့တယ်။ သူလျှိုသွားလုပ်ရမယ့်နေရာကတော့ ဂျိုစီရဲ့အိပ်မက်ဆိုးလို့ပြောလို့ရတဲ့ သူ့အတွက်မကောင်းတဲ့အမှတ်တရတွေအပြည့်နဲ့ သူတက်ခဲ့တဲ့ South Glen အထက်တန်းကျောင်းဖြစ်နေခဲ့တယ်။ တာဝန်အတွက် ကျောင်းပြန်တက်ဖို့သွားတဲ့အခါမှာလည်း အရင်တုန်းက အထက်တန်းကျောင်းသူ စာဂျပိုးဂျိုစီပုံစံ ပြန်ဖြစ်နေခဲ့တဲ့အပြင် ဆရာတွေထဲကတစ်ယောက်ဖြစ်တဲ့ ဆမ်ကိုလ်ဆင်ဟာ သူ့ကိုစိတ်ဒဏ်ရာပေးခဲ့တဲ့ အထက်တန်းကျောင်းဖော် ဒိတ်ဒိတ်ကြဲ ကောင်ချောလေး ဘီလီပရင့်စ်နဲ့ ရုပ်ဆင်‌နေခဲ့တယ်။ အရင်အတိုင်း ဝင်မဆံ့ဖြစ်နေတဲ့ညီမကို မကြည့်ရက်တော့တာကြောင့် အစ်ကိုဖြစ်သူ ရော့ဘ်ကပါ သူလျှိုဇာတ်ထဲ ဝင်ပါခဲ့ရပါတော့တယ်။ ဒီလိုနဲ့ ကလေးတွေရဲ့ဘဝကို မိဘတွေပိုသိလာဖို့အတွက် ဆောင်းပါးလည်းရေးရင်း ကျောင်းမှာလည်း လူဝင်ဆံ့လာပြီး ကျောင်းကပွဲမှာ အလှဘုရင်မရတဲ့အထိ ဖြစ်လာတယ်။ ဒါပေမဲ့ ကျောင်းကပွဲညမှာတင် ဖုံးကွယ်ထားတဲ့ အလိမ်အညာတွေပေါ်သွားခဲ့ပြီး ကျောင်းသားနဲ့ဆရာဝတ္တရားကြောင့် စောင့်ထိန်းထားခဲ့ရတဲ့ ဂျိုစီနဲ့ ကိုလ်ဆင်ကြားက ကံကြမ္မာက ဘယ်လိုပြောင်းလဲသွားမလဲဆိုတာကိုတော့ စိတ်ဝင်စားဖွယ်စောင့်ကြည့်ရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Jina မှ ပြန်ဆို ရေးသားထားပါတယ်) Size - 2GB, 895MB Quality - 1080p, 720p IMDb Rating - 6/10 Format - mp4 Duration - 1H 47Min Genre - Comedy, Drama, Romance Subtitle - Myanmar Subtitle (Hardsub) Translated by Jina Encoded by Y

အန်တွန်ဟာ တစ်နေ့တစ်နေ့ စားသောက်၊ တီဗီကြည့်၊ ဆေးရှူ၊ အာသာဖြေရင်းပဲ အချိန်ကုန်နေတဲ့ လူငယ်တစ်ယောက်ပါ။ ပျင်းလည်း အတော်ပျင်းပြီး ဆေးရှူဖော် သူငယ်ချင်းနှစ်ယောက်ဖြစ်တဲ့ မစ်ခ်နဲ့ ပနက်ဘ်ကလွဲလို့ အပေါင်းအသင်းလည်း သိပ်မရှိဘူး။ မော်လီဆိုတဲ့ မိန်းကလေးတစ်ယောက်ကိုတော့ ကြိတ်သဘောကျနေပါတယ်။ ဒီလိုနေလာတဲ့ အန်တွန်ရဲ့ လက်တစ်ဖက်ကို နတ်ဆိုးဝင်ပူးသွားတဲ့အခါ သူ့ဘဝက ကမောက်ကမဖြစ်လာတယ်။ တစ်ကိုယ်လုံးကို ပူးတာမဟုတ်ဘဲ လက်တစ်ဖက်တည်းက ကိုယ်ပိုင်အသိစိတ်ရှိသလို သွေးဆာတဲ့လုပ်ရပ်တွေ ဆက်တိုက်လုပ်လာတာပါ။ အမြဲအပျင်းထူနေတဲ့ အန်တွန်လည်း ဒီတစ်ခါတော့ ငြိမ်ငြိမ်နေလို့မရတော့ဘဲ ကိုယ့်လက်ကိုယ် ပြန်ရင်ဆိုင်ရပါတော့တယ်။ ၁၉၉၉ ခုနှစ်က ထွက်ရှိခဲ့ပြီး Jessica Alba ပါဝင်သရုပ်ဆောင်ထားတဲ့ ဒီဇာတ်ကားက သရဲခြောက်စရာတွေကို ဟာသနဲ့ ရောစပ်ထားပါတယ်။ အဖော်အချွတ်အခန်းတွေလည်း ပါဝင်ပါတယ်။