Jessica Capshaw ပါဝင်သော ဇာတ်ကားများ

Influenced (2026) Mean Girls , Emily in Paris တို့လို Vibe မျိုးကိုမှ... ခနဲ့တဲ့တဲ့ ခေတ်သစ်လူမှုကွန်ရက် ရူးသွပ်မှုတွေကို သရော်ထားပြီး အဝတ်အစားဖက်ရှင် အပြင်အဆင်တွေနဲ့အတူ ပေါ့ပေါ့ပါးပါး ကြည့်ရှုချင်သူတွေအတွက် အထူးသင့်လျော်တဲ့ကားပါ ဇာတ်လမ်းကတော့ လူမှုကွန်ရက်ပေါ်မှာ Follower အမြောက်အမြားရရှိပြီး အောင်မြင်တဲ့ ထိပ်တန်း Influencer တစ်ဦးဖြစ်လာဖို့ အသည်းအသန် ကြိုးစားနေတဲ့ မိန်းကလေးငယ် "ဇန်နီရယ်" အကြောင်းကနေ စတင်ထားပါတယ်။ သူမဟာ သူမရဲ့ ရည်မှန်းချက်ဖြစ်တဲ့ "ဖော်လိုဝါ တစ်သန်း" ရရှိဖို့အတွက် နယူးယောက်မြို့ရဲ့ အချမ်းသာဆုံး အထက်တန်းလွှာတွေ နေထိုင်ရာ Upper East Side လူမှုပတ်ဝန်းကျင်ထဲကို ခြေချဝင်ရောက်လာခဲ့ပါတယ်။ ဒါပေမဲ့ အဆိုပါ ပတ်ဝန်းကျင်မှာရှိတဲ့ လူတွေဟာ အပြင်ပန်းမှာတော့ ပြီးပြည့်စုံနေကြပေမဲ့... နောက်ကွယ်မှာတော့ ပိုက်ဆံတွေကို ရေလိုသုံးဖြုန်းနေကြသူတွေ၊ ခေတ်စားနေတဲ့ ဝိတ်ကျဆေးတွေ သုံးစွဲပြီး အလှအပအတွက် အရူးအမူးဖြစ်နေကြသူများနဲ့ အတုအယောင်မိတ်ဆွေ တွေသာ ဖြစ်နေကြပါတယ်။ ဇန်နီရယ်ဟာ ထိုသူတွေကြားထဲမှာ ဖြတ်သန်းရင်း... မထင်မှတ်ထားတဲ့ အလွဲအချော် အခိုက်အတန့်တွေ ကြုံတွေ့ရပါတော့တယ်။ အဆိုပါ အတုအယောင် အဝိုင်းအဝန်းထဲကနေမှ... သူမဟာ ဘဝအတွက် ပထမဦးဆုံးသောသူငယ်ချင်းအစစ်တစ်ဦးကို ရှာတွေ့သွားပြီး၊ မိမိတန်ဖိုးကို ရှာဖွေတွေ့ရှိသွားပုံကို comedy ဆန်ဆန် ရိုက်ပြထားပါတယ်။

9-1-1 Nashville နာမည်ကျော် 9-1-1 စီးရီးရဲ့ Spin-off 9-1-1 Nashville ထွက်လာပါပြီ။ စီးရီးနာမည်အတိုင်း Nashville မြို့မှာ အခြေချထားတဲ့ မီးသတ်တပ်ခွဲ ၁၁၃ အကြောင်း ရိုက်ကူးထားတာဖြစ်ပါတယ်။ နက်ရှ်ဗီးလ် မီးသတ်တပ်ခွဲ ၁၁၃ က ကပ္ပတိန်ဒွန်ဟတ်ထ်ဟာ အားလပ်ချိန်မှာ သားဖြစ်သူ ရိုင်ယန်ဟတ်ထ်နဲ့အတူ မြင်းရိုင်းစီးလေ့ရှိပြီး နက်ရှ်ဗီးရဲ့ မြင်းရိုင်းစီးချန်ပီယံဖြစ်သလို မြင်းပေါ်က တစ်ခါမှ မကျဖူးသူလို့ ပြောစမှတ်တွင်သူဖြစ်ပါတယ်။ ဒါပေမယ့် နောက်ဆုံးတစ်ခေါက်ပြိုင်ပွဲမှာတော့ သူ့ရဲ့စီးတော်မြင်း ဒုခ်ဟာ ဒွန်ကို မကြံစဖူး ခါချရာကနေ သားဖြစ်သူ ရိုင်ယန်ဟာ ဖခင်မှာ ဖုံးကွယ်ထားတဲ့ ကိစ္စတစ်ခု ရှိနေတာကို သိသွားပါတယ်။ဒါပေမယ့်အဲ့ဒီအချိန်မှာပဲ နက်ရှ်ဗီးလ်မြို့ကို မုန်တိုင်းကြီးတစ်ခု ဦးတည်လာတဲ့ အခါမှာတော့ မိသားစုရေးထက် အလုပ်ကို ဦးစားပေးရဖို့ ဖြစ်လာပြီး ကယ်ဆယ်ရေးအတွက် ပြင်ဆင်ရပါတော့တယ်။ 9-1-1 Nashville ဟာ 9-1-1ရဲ့ Spin-off ဆိုပေမယ့် ဇာတ်ကောင်နဲ့ ဇာတ်လမ်းချိတ်ဆက်မှု မရှိသေးပဲ Universe တစ်ခုထဲ တစ်ချိန်ထဲမှာ ဇာတ်အိမ်တည်ထားတာသာ ဖြစ်လို့ မူလ 9-1-1ကို မကြည့်ရှုရသေးသူတွေလည်း ကြည့်လို့ရပါတယ်။ ထုံးစံအတိုင်း ဘာတေွဘယ်လို အထူးအဆန်းတွေနဲ့ကယ်တင်ကြဦးမှာလဲ။ ဘယ်ဇာတ်ကောင်တွေကို ဘယ်လောက်ထိ ကြည့်ရင်း သံယောဇဉ်တွယ်မိကြဦးမှာလဲဆိုတာကို ခံစားကြည့်လိုက်ကြပါဦးခင်ဗျာ။ File size…  1.2 GB / 556MB Quality… Web-DL 1080p / 720p Format… mp4 Duration…. 42m Genre ..... Action / Adventure Subtitle…. Myanmar Subtitle (Hard Sub)

စက်တင်ဘာ ၁၁ ရက် အမေရိကန်မှာ လူအများအပြား အသက်ဆုံးရှုံးခဲ့တဲ့နေ့မှာပဲ ဇိုဝီဆိုတဲ့ ကလေးမလေးလည်း ဆုံးသွားခဲ့ပါတယ်။ ဒါပေမယ့် သူ့သေဆုံးမှုက 9/11 ဖြစ်စဉ်ကြောင့်တော့ မဟုတ်ပါဘူး။ Dear Zoe က ဇိုဝီကို ဆုံးရှုံးလိုက်ရတဲ့ မိသားစုဝင်တွေ၊ အထူးသဖြင့် အစ်မဖြစ်သူ တက်စ်ရဲ့ ပူဆွေးမှုနဲ့ စိတ်ဒဏ်ရာတွေကို ပုံဖော်ထားပါတယ်။ တက်စ်က ညီမလေးသေဆုံးရတာ သူ့ကြောင့်လို့ ကိုယ့်ကိုယ်ကိုယ် အပြစ်တင်နေတယ်။ ဝမ်းနည်းပူဆွေးမှုအပြင် လိပ်ပြာမလုံတဲ့စိတ်ကိုပါ ခံစားနေရတဲ့ သူတစ်ယောက် ဒီဒဏ်ရာတွေကနေ ဘယ်လိုပြန်သက်သာလာနိုင်မလဲ၊ ညီမလေးကရော ဘယ်လိုဆုံးသွားခဲ့တာလဲဆိုတာ ဇာတ်လမ်းတစ်လျှောက် ဖော်ပြသွားမှာပါ။ တက်စ်အဖြစ် Sadie Sink က သရုပ်ဆောင်ထားပါတယ်။ သူဟာ Stranger Things နဲ့ Taylor Swift ရဲ့ All Too Well ဇာတ်လမ်းတိုမှာလည်း ပါဝင်ခဲ့သူပါ။

နှုတ်ခမ်းနီမလေးတွေအတွက် ခန့်ချောကြီး Lucke Bracey နဲ့ ညီအစ်တွေအတွက်ကတော့ Emma Robert တို့ရဲ့  မျက်နှာလေးနဲ့တင်ကို အတော်တန်နေတဲ့ ဇာတ်ကားပါပဲ။ မင်းသား၊ မင်းသမီးနဲ့ ဂျင်းထည့်တဲ့ကားတော့မဟုတ်တာ အာမခံပါတယ်။ အားလပ်ရက်တိုင်းမှာ အမြဲတမ်းတစ်ကိုယ်တည်းဖြစ်နေလို့ တစ်အိမ်လုံးက သူ့ရဲ့အချစ်ရေးကိုပါ  လိုက်ဂရုစိုက်ပေးနေရတဲ့ Sloane တစ်ယောက် ခရစ္စမတ်မှာတော့ ထူးထူးခြားခြား ကောင်လေးတစ်ယောက်နဲ့ဆုံခဲ့တယ်... တစ်ဘက်ကောင်လေးဟာလည်း ဘာတွေအဆင်မပြေဖြစ်လာတယ်မသိ...သူတို့(၂)ယောက်စဆုံးခြင်းဟာ ဘုနဲ့ဘောက်ပါပဲ... အချိုးမပြေတဲ့သူတွေအဖြစ် တစ်ယောက်ကိုတစ်ယောက်အသိအမှတ်ပြုသွားကြတယ်... အချစ်ကားလေးတွေမှာ ဘုဘောက်ကျရင်း အဆင်ပြေသွားတဲ့ဇာတ်လမ်းအမိုက်စားတွေကို သဘောကျတဲ့သူတွေအဖို့ တကယ်ကိုကြည့်လို့ကောင်းပါတယ်..ဘယ်လိုတွေဆက်ဖြစ်မလဲဆိုတာကိုတော့ ခံစားလိုက်ကြပါဉီးဗျို့... ဇာတ်လမ်းအညွှန်းနဲ့ဘာသာပြန်သူကတော့ d3monပဲဖြစ်ပါတယ်.. File Size :(979 MB) and (380 MB) Quality : WEB-DL 720p Format…mp4 Duration…01:43:00 Genre : Comedy  , Romance Subtitle : Myanmar Subtitle (Hard Sub) Translated by d3mom Encoded by Phyo Pyae

၂၀၅၄ ခုနှစ်မှာ အမေရိကန်ဖယ်ဒရယ်အစိုးရဟာ Precrime လို့ခေါ်တဲ့ မှုခင်းကြိုတင်တားဆီးရေးအဖွဲ့ကို နိုင်ငံတော်အဆင့် ဖွဲ့စည်းဖို့ ကြိုးစားနေပါတယ်။ ဒီအဖွဲ့က လူသတ်မှုတွေ မဖြစ်ခင် ကြိုတင်တားဆီးပေးတဲ့ အထူးရဲတပ်ဖွဲ့ပါ။ မျိုးဗီဇမွမ်းမံထားတဲ့ လူသားတွေဖြစ်တဲ့ precogs တွေက မှုခင်းဖြစ်မယ့် နေရာ၊ အချိန်နဲ့ ပါဝင်မယ့်လူတွေကို အတိအကျ ဟောကိန်းထုတ်ပေးတယ်။ အဲဒီအချက်အလက်တွေအတိုင်း precops လို့ခေါ်တဲ့ အထူးရဲတွေက အချိန်မီ သွားရောက်ဝန်းရံပြီး တားဆီးကြတာပါ။ အထူးရဲအဖွဲ့မှူး ဂျွန်အန်ဒါတန်ဟာ အိမ်ထောင်ကွဲထားပြီး မကြာသေးခင်က သားဖြစ်သူ ပျောက်ဆုံးသွားခဲ့သူပါ။ တာဝန်နဲ့ စစ်ဆင်ရေးတွေမှာ ကျေပွန်ပေမယ့် သားပျောက်သွားတဲ့ စိတ်ဒဏ်ရာကို ကုစားရင်း ဆေးစွဲနေပါတယ်။ သူ့နေရာမှာ တွမ်ခရုစ်က သရုပ်ဆောင်ထားတယ်။ Precrime ဟာ ကိုလံဘီယာခရိုင်မှာ စမ်းသပ်လည်ပတ်နေဆဲဖြစ်လို့ နိုင်ငံတော်အဆင့် တရားဝင်ဖွဲ့စည်းနိုင်ရေးအတွက် ဖယ်ဒရယ်အရာရှိတွေရဲ့ စစ်ဆေးမှုကို ခံနေရပါတယ်။ အထူးတာဝန်နဲ့ ရောက်လာတဲ့ ဖယ်ဒရယ်အေးဂျင့် ဒန်နီဝစ်တ်ဝါကလည်း မာန်တကြွကြွရှိသူမို့ အန်ဒါတန်တို့နဲ့ ထိပ်တိုက်တွေ့လာတယ်။ တစ်နေ့မှာ လူသတ်မှုတစ်ခုကို တားဆီးဖို့ precogs တွေ ခန့်မှန်းပေးလိုက်တဲ့ လူသတ်သမားအမည်ပါ ဘောလုံးအနီကို အန်ဒါတန် ကြည့်လိုက်မိပါတယ်။ အဲဒီအပေါ်မှာ ရေးထားတာက သူ့နာမည်ဖြစ်နေတာပါ။ Precrime ရဲ့ဟာကွက်ကို စောင့်ကြည့်နေပြီး သူ့ကိုလည်း မကြည်တဲ့ ဝစ်တ်ဝါက ထောင်ချောက်ဆင်တာလို့ အန်ဒါတန် သံသယဝင်လာကာ ထွက်ပြေးဖို့ ကြံစည်ပါတော့တယ်။ ဟောကိန်းထဲကအတိုင်း အန်ဒါတန် တကယ်လူသတ်မိမှာလား။ ပြီးပြည့်စုံတယ်လို့ ယူဆထားတဲ့ Precrime မှာ ဘယ်လိုအားနည်းချက်တွေ ရှိနေနိုင်သလဲ။ ဝစ်တ်ဝါကရော သူ့ကို တကယ်ပဲ ထောင်ချောက်ဆင်ထားတာလား။ စတီဗင်စပီးဘာ့ဂ် ရိုက်ကူးထားတဲ့ သိပ္ပံစိတ်ကူးယဉ် သည်းထိတ်ရင်ဖိုဇာတ်ကားက ဒီမေးခွန်းတွေနဲ့အတူ မှုခင်းတစ်ခုကို လိုက်လံဖော်ထုတ်ထားပါတယ်။

၁၉၈၈ တုန်းက ဂျူနီယာအထက်တန်းကျောင်းတစ်ကျောင်းရဲ့ဗယ်လင်တိုင်းနေ့ အထိမ်းအမှတ်ကပွဲဖြစ်ပါတယ်။ ဘယ်သူမှအရောမဝင်တဲ့ ဂျယ်ရမီဆိုတဲ့ကျောင်း သားလေးတစ်ယောက်ဟာ သူနဲ့တွဲကဖို့မိန်းကလေးတွေကို တစ်ယောက်ပြီးတစ် ယောက်လိုက်မေးနေခဲ့ပေမယ့် အားလုံးကလှောင်ပြောင်ငြင်းပယ်တာကိုခံခဲ့ရပါ တယ်။ အဲ့ဒီထဲကမှ သူဌေးသမီးတစ်ယောက်ဖြစ်တဲ့ ဒေါ်ရသီက သူ့ဖိတ်ကြားချက် ကို လက်ခံခဲ့သလိုနမ်းတာကိုလည်းလက်ခံခဲ့ပါတယ်။ ဒါပေမယ့် ကျောင်းသားကြီးတစ်ချို့နဲ့ဒေါ်ရသီ သူငယ်ချင်းတွေ သူတို့နှစ်ယောက် ကိုမြင်သွားတဲ့အချိန်မှာတော့..ဒေါ်ရသီက သူ့ကို ဂျယ်ရမီက အတင်းဝင်လုံးတာ ဖြစ်ကြောင်းငြင်းတဲ့အတွက် အားလုံး၀ိုင်းပြီးထိုးကြိတ်ကန်ကြောက်တာကို ဂျယ် ရမီခံခဲ့ရပြီးကျောင်းကထွက်တဲ့အထိဖြစ်သွားခဲ့ပါတယ်။ လက်ရှိခေတ်ကာလမှာတော့ အဲ့ဒီတုန်းက ဒေါ်ရသီနဲ့သူငယ်ချင်းတွေဖြစ်တဲ့ ကိတ်၊ လီလီ၊ ပေ့ချ် နဲ့ ရှယ်လီတို့ဟာ တစ်ယောက်တစ်ယောက်နေရာစီမှာ ကိုယ့်ဘ၀နဲ့ ကိုယ်ဖြစ်နေကြပါပြီ၊ သူတို့ကိုပြန်လည်ဆုံဆည်းစေခဲ့တာကတော့ ရှယ်လီတစ် ယောက်ရက်ရက်စက်စက်အသတ်ခံရတဲ့အမှုကြောင့်ဖြစ်ပြီး ဒီအမှုဟာ အစပဲရှိ သေးတာကို သိလိုက်ကြရချိန်မှာတော့ မေ့ထားချင်တဲ့အတိတ်ကို ပြန်အစဖော်ဖို့ ဖြစ်လာပါတော့တယ်။ Slasher ကားတွေခေတ်စားတဲ့ကာလ၊ထွက်တိုင်းလည်းပေါက်ခဲ့တဲ့ ကာလက ဇာတ်ကားဖြစ်ပါတယ်။ ကြောက်စရာကောင်းတဲ့ဇာတ်ကားမဟုတ်ပေမယ့် ဇာတ် လမ်းဇာတ်အိမ်၊ သရုပ်ဆောင်တွေနဲ့ twist တွေအရပါ ပေါ့ပေါ့ပါးပါးကြည့်ပျော် တာထက်ပိုတဲ့ကားပါ။ Denise richards ကလည်း အရမ်းလှပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size..........(1.5 GB) / (700 MB) Quality............WEB-DL 1080p / 720p Duration.........1Hr 36Min Subtitle...........Myanmar Hardsub Format............MP4 Genre..............Horror, Mystery, Thriller Translator.......Alias Encoder..........SWM