Jessica Tandy ပါဝင်သော ဇာတ်ကားများ

Donald Sullivan လို့ခေါ်တဲ့ Sully ဟာ သူငယ်ချင်း Rub နဲ့အတူ Carl Roebuck ရဲ့ ဆောက်လုပ်ရေးလုပ်ငန်းမှာ အလုပ်လုပ်နေတဲ့ အဘိုးကြီးတစ်ယောက်ပါ။ အလုပ်လုပ်ရင်း ရခဲ့တဲ့ ဒူးဒဏ်ရာအတွက် ခြေထောက်တစ်ဖက်သာရှိတဲ့ ရှေ့နေသူငယ်ချင်းကို အကူအညီတောင်းပြီး Carl ဆီက လျော်ကြေးရဖို့ တရားရုံးကနေ ကြိုးစားပေမယ့် ငြင်းပယ်ခံခဲ့ရတယ်။ အရင်က မိန်းမနဲ့သားကို ထားခဲ့ဖူးတဲ့ Sully ဟာ သားဖြစ်သူ Peter တို့မိသားစုနဲ့ ပြန်တွေ့ချိန်မှာတော့ မမျှော်လင့်ထားတဲ့ တာဝန်တွေကို ရင်ဆိုင်လာရပါတယ်။ တစ်ချိန်တည်းမှာပဲ အိမ်ရှင်အမျိုးသမီး Beryl ရဲ့သားက Sully ကို အိမ်မှာဆက်မထားဖို့ သူ့အမေကို ဖိအားပေးနေတယ်။ နေစရာကိစ္စနဲ့ မိသားစုကိစ္စတွေကြားမှာ Sully က Carl ရဲ့မိန်းမကိုလည်း အခွင့်ကြုံတိုင်း အီစီကလီလုပ်တတ်သေးတာမို့ Carl နဲ့ သူ့ကြားက တစ်ယောက်တစ်လှည့် အနိုင်ယူကြပုံတွေကို ဟာသနဲ့ တွဲဖော်ပြထားပါတယ်။ ဒီဇာတ်ကားဟာ အော်စကာဆုနှစ်ဆုအတွက် ဆန်ကာတင်ဝင်ခဲ့သလို တခြားဆုတွေအတွက်လည်း အမည်စာရင်းတင်သွင်းခံခဲ့ရပါတယ်။ ဇာတ်ညွှန်းရေးပြီး ရိုက်ကူးထားသူကတော့ Kramer vs. Kramer (1979) နဲ့ ဇာတ်ညွှန်းဆု၊ ဒါရိုက်တာဆု နှစ်ဆုလုံး အော်စကာရခဲ့တဲ့ Robert Benton ပါ။ သူဟာ Bonnie and Clyde (1967) နဲ့ Superman (1978) တို့မှာလည်း ပူးတွဲဇာတ်ညွှန်းရေးသားခဲ့သူဖြစ်ပါတယ်။ Sully အဖြစ် Paul Newman၊ Beryl အဖြစ် Jessica Tandy၊ Carl အဖြစ် Bruce Willis တို့ သရုပ်ဆောင်ထားပြီး Peter နေရာမှာတော့ Superman & Lois ထဲက Sam Lane အဖြစ် သရုပ်ဆောင်ဖူးတဲ့ Dylan Walsh ပါဝင်ထားပါတယ်။

ဒီဇာတ်ကားဟာ လက်ရှိနဲ့ အတိတ်ကာလ နှစ်ခုယှဉ်ပြီး ရိုက်ပြထားတဲ့ နာမည်ကြီး Drama / Comedy ဇာတ်ကားတစ်ကား ဖြစ်ပါတယ်။ အိမ်ထောင်ရေး အဆင်မပြေဘဲ စိတ်ဓာတ်ကျနေတဲ့ အသက်လတ်ပိုင်း အမျိုးသမီး အက်ဗလင်းဟာ လူအိုရုံတစ်ခုမှာ သက်ကြီးရွယ်အို အဘွားအို နင်နီသရက်ဂုဒ်နဲ့ ဆုံတွေ့ခဲ့ပါတယ်။ အဘွားအိုက ၁၉၃၀ ပြည့်လွန်နှစ်များဆီက အာလာဘားမားပြည်နယ်၊ Whistle Stop မြို့ငယ်လေးမှာ ဖြစ်ပျက်ခဲ့တဲ့ သူမရဲ့ အတိတ်ဇာတ်လမ်းတွေကို အက်ဗလင်းကို ပြောပြခဲ့ပါတယ်။ အဲဒီအချိန်ကသတ္တိရှိပြီး ရဲရင့်တဲ့ ယောကျာ်းလျာစတိုင် မိန်းကလေး "အစ်ဂျီ" နဲ့ နူးညံ့သိမ်မွေ့တဲ့ "ရုသ်" တို့ရဲ့ တစ်ယောက်ကိုတစ်ယောက် သံယောဇဉ်ကြီးပြီးချစ်ခဲ့ကြပုံကို အဓိက ရိုက်ကူးထားပါတယ်။ သူတို့နှစ်ဦးဟာ "Whistle Stop Cafe" ဆိုတဲ့ ဆိုင်လေးကို အတူတူဖွင့်လှစ်ပြီး နာမည်ကြီး "Fried Green Tomatoes" (ခရမ်းချဉ်သီးစိမ်းကြော်) ကို ရောင်းချခဲ့ကြပါတယ်။ အဲဒီလိုနေလာရင်း သူတို့ရဲ့ ဘဝထဲမှာ လူမျိုးရေး ခွဲခြားမှုတွေ ရုသ်ရဲ့ နှိပ်စက်တတ်တဲ့ ခင်ပွန်းဟောင်းကြောင့် ကြုံတွေ့ရတဲ့ ဒုက္ခတွေနဲ့ မမျှော်လင့်ဘဲ ဖြစ်ပွားခဲ့တဲ့ လူပျောက်ဆုံးမှုတွေကိုလည်း ခက်ခက်ခဲခဲအတူရင်ဆိုင်ကျော်လွှားခဲ့ကြရပါတယ်။ "နင်နီ" ပြောပြတဲ့ အတိတ်က အဖြစ်အပျက်တွေနဲ့ အခက်အခဲတွေကို ရင်ဆိုင်ခဲ့ပုံတွေဟာ အက်ဗလင်းရဲ့ စိတ်ဓာတ်ကို ခွန်အားရစေခဲ့ပြီး သူမရဲ့ လက်ရှိဘဝမှာခက်ခဲနေတဲ့အိမ်ထောင်ရေးကို ပြောင်းလဲပစ်ဖို့ သတ္တိတွေ ရရှိသွားစေခဲ့ပါတယ်။ ဒီဇာတ်ကားက အမျိုးသမီးတွေရဲ့ခိုင်မာတဲ့ ချစ်ခြင်းနဲ့ဘဝကို ရင်ဆိုင်ဖြတ်သန်းပုံတွေကို နွေးနွေးထွေးထွေး ပုံဖော်ထားတဲ့ ရုပ်ရှင်ကောင်းတစ်ကား ဖြစ်ပါတယ်။ အမျိုးသမီးတစ်ယောက်ရဲ့ ဘဝကိုခက်ခက်ခဲခဲ ဖြတ်သန်းရပုံကို တစ်ခြားအမျိုးသမီးတစ်ယောက်ပြန်ကြားရတဲ့အခါ သူ့ဘဝအတွက် ဘာတွေပြောင်းလဲသွားနိုင်လဲဆိုတာ ကိုတင်ဆက်ပေးထားတာပဲဖြစ်လို့ ကြည့်ရှုသင့်တဲ့ကားကောင်းလေးတစ်ကားပါပဲ။

ဒီဇာတ်ကား​​လေးကတော့ မင်းသားကြီး မော်ဂန်ဖရီးဖင်းနဲ့ မင်းသမီးကြီး ဂျက်ဆီကာတန်ဒီတို့ပါဝင်သရုပ်ဆောင်ထားတဲ့ အော်စကာလေးခုတောင်ရခဲ့တဲ့ 1989ခုနှစ်ကထွက်ရှိခဲ့တဲ့ ကားကောင်းတစ်ကားပါ ဇာတ်လမ်းကတော့ ကပ်စီးနဲဇီဇာကြောင်တဲ့လူဖြူဂျူးအဘွားကြီး မစ္စဒေစီနဲ့ သူ့ဆီမှာဒရိုင်ဘာအဖြစ်အလုပ်လုပ်မဲ့ ပျော်ပျော်ပြုံးပြုံးနဲ့စိတ်ရှည်သည်းခံတတ်တဲ့ လူမဲအဘိုးကြီးဟုတ်ခ်တို့ကြားက ​relationship လေးကို လှပစွာပုံဖော်ထားတာပဲဖြစ်ပါတယ် မစ္စဒေစီဟာ ဒရိုင်ဘာမလိုချင်ဘဲ သားဖြစ်သူကအတင်းတိုက်တွန်းလို့ခန့်ပေးထာတာကြောင့် ဟုတ်ခ်ကိုအမြင်မကြည်မကြည်ဖြူဖြစ်ရာကနေ ဟုတ်ခ်ရဲ့စိတ်ရှည်သည်းခံမှုတွေကြောင့် မစ္စဒေစီတစ်ယောက် ဟုတ်ခ်အပေါ်အမြင်တွေပြောင်းလဲလားမလားဆိုတာ.... တောင်ပိုင်းအမေရိကန်တွေရဲ့ လူမျိုးရေးခွဲခြားမှုနဲ့လူမှုဆက်ဆံရေးကိုလည်း တစေ့တစောင်းဖော်ပြထားသလို သိမ်မွေ့တဲ့စိတ်ခံစားချက်တွေကို သဘာဝကျကျသရုပ်ဆောင်ပြသွားတဲ့ သရုပ်ဆောင်နှစ်ယောက်ရဲ့ chemistry ကတော့ ဇာတ်ကားရဲ့အသက်မို့လို့ ကြည့်ရတာတန်မဲ့ဇာတ်ကားကောင်းလေးတစ်ကားပဲဖြစ်ပါတယ် ခံစားကြည့်ရှုလိုက်ကြပါအုံးနော်..... File size…(2.3 GB)/(1.1 GB) Quality….Blu-Ray 1080p / 720p Format… mp4 Duration…. 01:39:00 Genre... Comedy, Drama Subtitle….Myanmar Subtitle (Hardsub)

ဂါ့ပ် (Garp) ဆိုတဲ့ လူငယ်လေးဟာ သူ့ရဲ့ တစ်မူထူးခြားတဲ့ မိခင်ဖြစ်သူ ဂျင်းနီ ဖီးလ်ဒ် ရဲ့ ပြုစုပျိုးထောင်မှုအောက်မှာ ကြီးပြင်းလာခဲ့ရသူပါ။ ဂျင်းနီ ဟာ မိရိုးဖလာ စံနှုန်းတွေကို ဂရုမစိုက်ဘဲ သူမရဲ့ ကိုယ်ပိုင်ယုံကြည်ချက်အတိုင်း နေထိုင်သူဖြစ်သလို၊ နောက်ပိုင်းမှာတော့ စာအုပ်တစ်အုပ်ကြောင့် အမျိုးသမီးထုကြားမှာ သြဇာညောင်းတဲ့ ခေါင်းဆောင်တစ်ဦး ဖြစ်လာခဲ့ပါတယ်။ ဂါ့ပ် ဟာ ကောင်မလေးတစ်ယောက်ကို သဘောကျမိတဲ့အတွက် စာရေးဆရာတစ်ယောက်ဖြစ်ဖို့ ကြိုးစားခဲ့ပါတယ်။ ဒီလိုကြိုးစားရင်း စာအုပ်ထုတ်ဝေနိုင်တဲ့အခါမှာတော့ သူချစ်ရတဲ့မိန်းကလေးနဲ့ လက်ထပ်ခဲ့ပါတော့တယ်။ ဒီလိုနဲ့ သူ့ရဲ့ဘဝ၊ အချစ်နဲ့ မိသားစုအရေးတွေမှာ မမျှော်လင့်ထားတဲ့ အလှည့်အပြောင်းတွေ ရယ်စရာနဲ့ ဝမ်းနည်းစရာ အဖြစ်အပျက်ပေါင်းများစွာကို ကြုံတွေ့ရပါတော့တယ်။ လောကကြီးရဲ့ မရေရာမှုတွေကြားမှာ မိမိကိုယ်ကိုယ် ရှာဖွေရင်း ဂါ့ပ်တစ်ယောက် ဘယ်လိုအရာတွေရင်ဆိုင်ရမလဲဆိုတာကိုတော့ အတူစောင့်ကြည့်လိုက်ရအောင်ပါ

Classic Films တွေကြိုက်တဲ့သူဆို Alfred Hitchcock ကို သိကြမယ်ထင်ပါတယ်။ ဒီဇာတ်ကားက England က Sir ဘွဲ့ရထားတဲ့ directior တစ်ယောက်ဖြစ်သလို Film လောကမှာ influential အဖြစ်ဆုံးတွေထဲက တစ်ယောက်ဖြစ်တဲ့ Alfred Hitchcockရဲ့ လက်ရာဖြစ်ပါတယ်။ ‌ ထပ်ဆင့်အနေနဲ့ နာမည်ကြီး စာရေးဆရာမ Daphne Du Maurier ရဲ့ 'The Birds' အမည်ရ ၀တ္ထုကို ရုပ်ရှင် ပြန်ရိုက်ထားတာဖြစ်ပါတယ်။ 1963 က ထွက်တာဆိုပေမည့် ခုထိ မဟောင်းသွားဘဲ ကောင်းနေဆဲပါပဲ။ IMDb မှာ 7.6 ရရှိထားပါတယ်။ ဇာတ်လမ်းအကြောင်းတော့ အများကြီးပြောမနေတော့ပါဘူး။ ဒီတိုင်း ဘာမှမသိထားဘဲ ကြည့်လိုက်တာ ပိုကောင်းမယ် ယူဆပါတယ်။ File size…(2.7 GB)/(1.2 GB) Quality….Blu-Ray 1080p / 720p Format…mp4 Duration….01:59:00 Genre...Drama, Horror, Mystery Subtitle….Myanmar Subtitle (Hardsub) Encoder….Garfield Translated by BB