Jim Carter ပါဝင်သော ဇာတ်ကားများ

Downton Abbey: The Grand Finale (2025) IMDb Rating (7.6) / Rotten Tomatoes (92%) Downton Abbey လို့ဆိုလိုက်တာနဲ့ ဒီ franchise ကိုမသိသေးတဲ့ ရုပ်ရှင်ပရိသတ်တွေကတော့ ခပ်ရှားရှားပါပဲ။ ၂၀၁၀ ကနေ ၂၀၁၅ အထိ တီဗီရုပ်သံဇာတ်လမ်းတွဲအနေနဲ့စတင်ကတည်းက အောင်မြင်မှုရရှိခဲ့ပြီး အဲဒီကတည်းကနေ ရုပ်ရှင်ဇာတ်လမ်းတစ်ကားပြီးတစ်ကားရိုက်ခဲ့ရာမှာ အခုဆိုရင် Grand Finale arc ကို ရောက်လာပြီလို့ဆိုရမှာပါ။ စက်တင်ဘာလဆန်းကမှထွက်ထားပေမယ့်လည်း trailer ထွက်ကတည်းက နာမည်ကြီးဇာတ်ဝင်ခန်းတချို့ပါနေလို့ စတင်ထုတ်လွှင့်ပြီးချင်း တစ်လအတွင်းမှာပဲ IMDB မှာ 7.6 နဲ့ Rotton Tomatoes မှာလည်း tomato meter 92 ရာခိုင်နှုန်းအထိရရှိထားပြီးသားဖြစ်ပါတယ်။ ဇာတ်အိမ်ကတောင့်ပြီးသားဖြစ်တဲ့အလျောက် သရုပ်ဆောင်မင်းသားမင်းသမီးတွေရဲ့ ဇာတ်လမ်းဇာတ်ကွက်အပေါ် ဘယ်လိုပညာသားပါပါပို့ချပေးမလဲဆိုတာကို ဒီဇာတ်ကားထဲမှာထပ်ပြီးတော့ရှုမြင်ခံစားရမှာပဲဖြစ်ပါတယ်။ ဇာတ်လမ်းနောက်ခံ Downton Abby: A new Era မှာ ခရော်လီမိသားစုဝင်များ ပြင်သစ်နိုင်ငံတောင်ဘက်ခြမ်းခရီးသွားအပြီးပြန်လာတဲ့အချိန်မှာ ခရော်လီမိသားစုရဲ့ ဘဏ္ဍာရေးပြဿနာတွေပိုပြီး အတိအလင်းဖြစ်လာပါတယ်။ တစ်ချိန်တည်းမှာပဲ လေဒီမေရီဟာလည်း အိမ်ထောင်ရေးပြဿနာတက်ပြီး အရှုပ်အရှင်းကိစ္စများရှိလာကာ အိမ်ထောင်ကွဲသွားပြီး အမွေဆက်ခံရမယ့်သူဖြစ်ပေမယ့်လည်း မိသားစုအတွင်းမှာကော အသိုင်းအဝိုင်းကြားထဲမှာပါ မျက်နှာမတင့်တယ်နိုင်ဖြစ်နေပါတယ်။ ဒီလိုနဲ့ အိမ်ထောင်ကွဲတစ်ယောက်ဖြစ်တဲ့ မေရီတစ်ယောက် သူ့ရဲ့အိမ်ထောင်ရေးအလွန်က ဘဝခရီးစဉ်ကို ဘယ်လိုဆက်လျှောက်မလဲ၊ ခရော်လီမိသားစုဝင်တွေရဲ့အနာဂတ်ရှေ့ရေးက ဘယ်လိုဖြစ်လဲဆိုတာကို ဒီရုပ်ရှင်ဇာတ်လမ်းမှာ စိတ်ဝင်တစား ရှုမြင်ခံစားရမှာပဲဖြစ်ပါတယ်။ File size… (5 GB) / (1.6 GB) / (960 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama Duration…. .02:04:11 Subtitle…. Myanmar Subtitle (Hardsub)

Wonka (2023)  ~ IMDb - 7.3/10, RT - 82%, Meta - 66% ~ အားလုံးမျှော်နေတဲ့ ချစ်စရာ Willy Wonka ရဲ့ မအောင်မြင်ခင်အရွယ်က Musical ဇာတ်လမ်းလေး လာပါပြီ။ ဒီဇာတ်လမ်းမှာ ဝမ်ကာဟာ ငယ်ငယ်က သူ့အမေနဲ့ ထားခဲ့တဲ့ ကတိတစ်ခု ရည်ရွယ်ချက်တစ်ခုကို ဖြည့်ဆည်းဖို့၊ သူ့ရဲ့ ချောကလက်ပညာတွေကို ထုတ်ပြဖို့ မြို့လေးတစ်မြို့ကို ရောက်ခဲ့ပါတယ်။ အောင်မြင်မှုဆိုတာတော့ လွယ်လွယ်နဲ့ မရနိုင်တာ လူတိုင်းအသိပါ။ အလားတူပဲ ဝမ်ကာဟာလည်း သူ့ရဲ့ ပန်းတိုင်ကို လျှောက်လှမ်းတဲ့ ခရီးမှာ အခက်အခဲတွေ ပြဿနာတွေ ရန်သူတွေ မိတ်ဆွေတွေ ရခဲ့ပါတယ်။ မိမိဘက်က လက်မလျှော့သ၍ အိပ်မက်တွေဟာ ပျက်စီးမသွားဘူးဆိုတဲ့ Message လေးကို အကအလှတွေ မြိုင်ဆိုင်တဲ့ သီချင်းတွေ သီဆိုရင်း Timothée Chalamet က အဓိကဦးဆောင် တင်ဆက်ထားပြီး ဟောလိဝုဒ်ရဲ့ အ‌ကျော်အမော်တွေဖြစ်တဲ့ အော်စကာဆုရှင် Olivia Colman, မင်းသားကြီး Rowan Atkinson နဲ့ Hugh Grant တို့အပြင် ဟာသမင်းသား Keegan-Michael Key ကလည်း ဇာတ်ရံနေရာကနေ အကောင်းဆုံးပါဝင်အားဖြည့်ပေးထားပါသေးတယ်။ ဂန္ထဝင်မင်းသားကြီး Gene Wilder နဲ့ Johnny Depp တို့ရဲ့ အရင်နှစ်ကားက Willy Wonka အတိတ်ဘဝဇာတ်ကြောင်းအစစ်ရယ်မဟုတ်ဘဲ Standalone ခွဲထွက်ထားတာဖြစ်လို့ ဒါကြည့်ဖို့ အရင်ကားတွေကို ကြည့်စရာမလိုပါဘူး။ အဲဒီတော့ ဒီအတိုင်း Musical ကားတစ်ကားအနေနဲ့ပဲ အကအလှတွေ ခံစားနားဆင်လိုက်ကြပါဦး။ (အညွှန်းကို Act Molemy ကရေးသားပေးထားပြီး ဇာတ်ကားကိုတော့ Mr. Anderson နဲ့ Act Molemy တို့က တင်ဆက်ပေးထားပါတယ်) Size - 3.8GB, 1.9GB. 1GB Quality - 4K HEVC, 1080p, 720p IMDb Rating - 7.3/10 Format - mp4 Duration - 1H 56Min Genre - Adventure, Comedy, Family Subtitle - Myanmar Subtitle (Hardsub) Translated by Mr. Anderson & Act Molemy Encoded by Ka Naung

မေစီဟာ ပင်လယ်မုဆိုးမျိုးရိုးက ဆင်းသက်လာတဲ့ ကောင်မလေးတစ်ယောက်ပါ။ မိဘနှစ်ပါးလုံး ပင်လယ်တိုက်ပွဲမှာ သေဆုံးသွားလို့ မိဘမဲ့ဖြစ်နေပေမယ့် သူကိုယ်တိုင်လည်း မိဘတွေလို မုဆိုးဖြစ်ချင်နေတယ်။ ဒါကြောင့် မုဆိုးသင်္ဘောတွေထဲမှာ နာမည်အကြီးဆုံးဖြစ်တဲ့ အင်အက်ဗစ်ထဘဲသင်္ဘောပေါ်ကို ခိုးတက်ပြီး လိုက်သွားခဲ့ပါတယ်။ သင်္ဘောပေါ်မှာ ကပ္ပတိန်ခရိုးနဲ့ သူ့မွေးစားသားလည်းဖြစ်၊ လက်ထောက်လည်းဖြစ်တဲ့ ဂျေကော့တို့ ရှိနေကြတယ်။ မေစီက သူတို့နဲ့အတူ ပင်လယ်ပြင်မှာ စွန့်စားခန်းတွေ ကြုံရပါတော့တယ်။ ပင်လယ်ထဲက ထူးဆန်းတဲ့ သားရဲကြီးတွေနဲ့ ပင်လယ်မုဆိုးတို့ရဲ့ တိုက်ပွဲကို အခြေခံထားပြီး သတ္တဝါတွေကို ချစ်စရာပုံစံတွေနဲ့ ပုံဖော်ထားတဲ့ ကာတွန်းပါ။ ဒါရိုက်တာ ခရစ်ဝီလီယံ ရိုက်ကူးထားတဲ့ Netflix ကာတွန်းရုပ်ရှင်ဖြစ်ပါတယ်။

လူလိမ်အဘိုးကြီးတစ်ယောက်ဖြစ်တဲ့ Roy Courtney က သူ့ရဲ့နောက်ဆုံးပစ်မှတ်အနေနဲ့ သန်းချီချမ်းသာတဲ့ ပူပူနွေးနွေးမုဆိုးမ Betty McLeish ဆီကို ချဉ်းကပ်လာခဲ့ပါတယ်။ အရမ်းပီရိတဲ့ လူလိမ်အဘိုးကြီးက အဘွားကြီးဆီက သန်းချီတဲ့ ပိုက်ဆံတွေကို ဘယ်လိုနည်းတွေနဲ့ လိမ်လည်ယူမလဲ။ အဘိုးကြီးရဲ့ အတိတ်ကပြစ်မှုတွေက ဘယ်လိုတွေ လာအနှောင့်အယှက်ဖြစ်နေမလဲ။ နောက်ဆုံးမှာ သန်းချီတဲ့ပိုက်ဆံတွေကို အဘွားကြီးဆီက လိမ်လို့ရသွားမလားဆိုတာ ရင်ခုန်စွာနဲ့ ကြည့်ရှုရမှာဖြစ်ပါတယ်။ မထင်ထားတဲ့လှည့်ကွက်ပေါင်းများစွာပါတဲ့အတွက် အညွှန်းအရှည်ကြီးရေးရင် spoiler ဖြစ်မှာစိုးလို့ တိုတိုနဲ့ လိုရင်းပဲ ညွှန်းလိုက်ပါတယ်။ File Size : ( 1 GB , 330 MB ) Quality : BluRay 720p Running Time : 1 hr 49min Format : Mp4 Genre : Crime , Drama , Mystery Subtitle : Myanmar Subtitle (Hard Sub) Translated by Ye Man Aung Encoded by Moe Myint Lwin

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

၅ ကားမြောက် ထရန်စဖော်မာကားကို တင်ပေးထားပါတယ်။ အရင်ဇာတ်လမ်းမှာ အော့ပ်တိမက်စ် ပရိုင်းဟာ သူ့ရဲ့ဖန်ဆင်းရှင်တွေကို ရှာဖို့ အာကာသထဲကိုထွက်သွားပြီး ပြန်မလာခဲ့ပါဘူး။ သူမရှိချိန်အတွင်းမှာ လူသားတွေဟာ အရင်ရုပ်ရှင်က တိုက်ပွဲအကျိုးဆက်အဖြစ် အော်တိုဘော့တွေကိုပါ တရားမဝင်ကြေညာပြီး တိုက်ခိုက်နေပါပြီ။ ခေါင်းဆောင်မဲ့နေတဲ့ အော်တိုဘော့တွေကို ကိတ်ရေဂါက ဖွက်ပေးထားစောင့်ရှောက်ထားရပါတယ်။ ဒီဇာတ်လမ်း အစကတော့ ဘုရင်အာသာနဲ့ မာလင်ခေတ်က ထရန်စဖော်မာတွေရဲ့ လျို့ဝှက်သမိုင်းကြောင်းကို အခြေခံထားပါတယ်။ အော့ပ်တိမက်စ်ရဲ့ ဖန်ဆင်းရှင်က ကမ္ဘာကိုဖျက်ပြီး ဆိုက်ဘာထရွန်ကို ပြန်မွေးဖွားဖို့ကြိုးစားတာကို အော်တိုဘော့တွေ၊ မာလင်ရဲ့မျိုးဆက် နဲ့ ရွေးချယ်ခံရတဲ့ နောက်ဆုံးသူရဲကောင်းစစ်သည်တို့ စုပေါင်းကာကွယ်ကြပုံကို တွေ့ရပါလိမ့်မယ်။ (Transformers ဇာတ်ကားအားလုံးကို  https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(8.2 GB)/(4.2 GB)/(1.5 GB) Quality….BluRay 4K HDR HEVC/1080p HEVC /720p Format…mkv/mp4 Duration….02:34:38 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo

My Week with Marilyn (2011) ~ IMDb - 6.9/10, Rotten Tomatoes - 83% ~ ဒီရုပ်ရှင်ကို ကောလင်းကလတ်ရေးတဲ့ The Prince, The Showgirl and Me နဲ့ My Week with Marilyn ဆိုတဲ့ ဒိုင်ယာရီစာအုပ်နှစ်အုပ်ကနေ ရိုက်ထားတာ။ The Prince and the Showgirl (1957) ကို မာရီလင်မွန်ရိုးနဲ့ လောရန့်အိုလီဗာတို့ ရိုက်ခဲ့ကြတုန်းက အကြောင်းပေါ့။ ဒီဇာတ်လမ်းကို သူ့ခေါင်းစဉ်အတိုင်းပဲ စာရေးဆရာ ကောလင်းကလတ်ရဲ့ ရှုထောင့်ကနေပဲ ပုံဖော်ထားတယ်။ ဒီဇာတ်လမ်းရဲ့ အဓိကက ကောလင်းလို့ပြောလို့ရပေမဲ့ သူက ဒီဇာတ်လမ်းထဲ အားကောင်းလှတဲ့ ဇာတ်ကောင်တော့ မဟုတ်နေဘူး။ သူက မွန်ရိုးကိုချစ်မိတဲ့ တတိယအဆင့်လက်ထောက်ဒါရိုက်တာနေရာက သူ့အမြင်ကို ဖော်ပြသွားရုံပဲ။ ဒီဇာတ်လမ်းရဲ့ အားအကောင်းဆုံး ဇာတ်ကောင်၂ကောင်ကတော့ မွန်ရိုးနဲ့ ဆာလောရန့်ပါပဲ။ မွန်ရိုးဘယ်သူလဲတော့ ဘယ်သူမှ ရေခင်းပြစရာမလိုပါဘူး။ ဆာလောရန့်ကလည်း ခေသူတော့မဟုတ်ပါဘူး။ အော်စကာလေးဆုနဲ့ တခြား ရွှေကမ္ဘာလုံးဆုတွေ ဘာတွေ အစုံရထားဖူးတဲ့ဘဲပါ။ သူယူထားတဲ့မိန်းမဆိုလည်း လေရူးသုန်သုန်ရုပ်ရှင်ထဲက မင်းသမီး Vivien Leigh... ဆာလောရန့်က ဒါရိုက်တာလုပ် မင်းသားလည်းလုပ်ပြီး The Prince and the Showgirl ကို ရိုက်ဖို့လုပ်တယ်။ မာရီလင်မွန်ရိုးနဲ့ဆို အရာရာအဆင်ပြေမယ်လို့ သူမျှော်လင့်ခဲ့တာပေါ့။ တကယ်တမ်းကျ မွန်ရိုးနဲ့ ရိုက်ကာမှပဲ သူ့ဆီမှာ ခေါင်းအစားဆုံးအခြေအနေတွေဖြစ်လာတယ်။ ဇာတ်အရတော့ မာရီလင်မွန်ရိုးကို အဲဒီခေတ်ကတည်းက အခမ်းနားဆုံးမင်းသမီးလို့ လက်ခံထားကြပြီးသား၊ ဒါပေမဲ့ ခေတ်တစ်ခေတ်ရဲ့ အခမ်းနားဆုံး မင်းသမီးဖြစ်နေပေမဲ့လည်း မာရီလင်မွန်ရိုးမှာ မိန်းမဆန်တဲ့စိတ်က အပြည့်ရှိနေတယ်။ အားငယ်တတ် သံသယများတတ် အချစ်ခံချင် မျက်ရည်လွယ် စိတ်ဓာတ်ကျလွယ် စိတ်ပျော်လွယ် ဆိုတဲ့ အချက်တွေလို့ပဲ ယေဘုယျထားပါတော့...။ သာမန်မိန်းမတစ်ယောက်အတွက်တောင် ဒီအရာတွေက သူ့စိတ်ကို ဒုက္ခပေးနိုင်တဲ့ နှုန်းမြင့်တယ်။ မာရီလွန်မွန်ရိုးဟာ သူ့ခေတ်ရဲ့ ဟိုးထိပ်ဆုံးကလူဖြစ်သလို လုပ်နေတဲ့အလုပ်ကလည်း မြင့်တက်ဖို့ခက်ပေမဲ့ ပြုတ်ကျဖို့လွယ်တဲ့ သရုပ်ဆောင်အလုပ်။ ဒီအလုပ်နဲ့ ဒီလောက်မိန်းမဆန်ခြင်း အပြည့်ရှိနေတဲ့ မာရီလင်မွန်ရိုး ဘယ်လောက်တောင် ဒုက္ခများမလဲ တွေးကြည့်လို့ရတယ်။ ဆာလောရန့်အတွက်လည်း ဒုက္ခတော်တော်များခဲ့တယ်။ သူက ဒါရိုက်တာဆိုတော့ ရိုက်ကွင်းထဲ မင်းသမီးလုပ်သမျှတွေက သူ့ကိုရိုက်ခတ်နေတာကိုး။ အားလုံးကတော့ မာရီလင်မွန်ရိုးကို စတားဆိုတဲ့ စိတ်နဲ့ ခွင့်လွှတ်ပေးလို့ရနေပေမဲ့ ဆာလောရန့်ကိုယ်တိုင်ကလည်း သူ့ခေတ်ရဲ့စတားဆိုတော့ မာနတော့ရှိသေးတယ်။ ဒီတော့ မွန်ရိုးအပေါ် သူက ခက်ထန်တယ်။ အဲဒီလိုခက်ထန်လေ မွန်ရိုးဘက်က အခြေအနေပိုဆိုးလာလေနဲ့ ရုပ်ရှင်ရိုက်ဖို့က တော်တော်လေး ဂျာအေးသူ့အမေရိုက်နေခဲ့တယ်။ ဒီလိုနဲ့ ဆာလောရန့်ခန့်ထားတဲ့ တတိယလက်ထောက်ဒါရိုက်တာ ကောလင်းက ဒီနှစ်ယောက်ကြား ပေါင်းကူးပေးဖို့ဖြစ်လာတယ်။ သူက ဒီ၂ယောက်ကြားက အခြေအနေကို ကောင်းကောင်းနားလည်သလို မွန်ရိုးကိုလည်း ချစ်မိသွားတဲ့လူဆိုတော့ သူက မွန်ရိုးကို ကောင်းကောင်းနားလည်ပေးပြီး ပေါင်းကူးပေးနိုင်ခဲ့တယ်။ စိတ်ပျော့တဲ့ မွန်ရိုးနဲ့ ခုမှ လူလားစမြောက်တဲ့ သူနဲ့ကြားလည်း အချစ်ဇာတ်လမ်းတစ်ပုဒ်ဖြစ်လာခဲ့တယ်။ မာရီလင်မွန်ရိုးဟာ သူ့အချစ်ဦးဖြစ်လာခဲ့တယ်။ ဒီဇာတ်လမ်းဟာ မွန်ရိုးတို့ဘက်ကိုကြည့်ရင် ဟောလိဝုဒ်ရဲ့ သမိုင်းကို ပြန်လွမ်းမောရယ့် ဘိုင်အိုဂရပ်ဖီရုပ်ရှင်ပေါ့။ တစ်ခေတ်တစ်ခါက စတားတွေအများကြီးရဲ့ စရိုက်တွေ ခံယူချက်တွေ အချိုးအကွေ့တွေကို မြင်ရမယ့် ရုပ်ရှင်ပေါ့။ တကယ်လို့သာ ခင်ဗျား ကောလင်းဘက်က ကြည့်ခဲ့ရင်တော့ ဒီဇာတ်လမ်းဟာ လူငယ်လေးတစ်ယောက်ရဲ့ အချစ်ဦးဇာတ်လမ်းတစ်ပုဒ်ပဲ။ အချစ်ဦးဇာတ်လမ်းတွေဆိုတာ အမြဲဆိုသလို နာကျင်ဖွယ် ချိုမြိန်ခြင်းများအတိနဲ့ ကဗျာတွေပဲ။ ပြောရရင် ဒီဇာတ်လမ်းဟာ နာကျင်ဖွယ် ချိုမြိန်ခြင်းများအကြောင်းပါပဲ။ သူ့ရဲ့မွန်ရိုးတမ်းချင်းလို့ ပြောလည်းရတယ်။ ဒီရုပ်ရှင်ရဲ့ စီနီမာတိုဂရပ်ဖာ Ben Smithardက ၂၀၂၀တုန်းက အန်သိုနီဟော့ကင်းမင်းသားဆုရသွားပြီး ဇာတ်ညွှန်းဆုပါရသွားတဲ့ The Father ရဲ့ စီနီမာတိုဂရပ်ဖာဖြစ်တယ်။ Primetime Emmy Award for Outstanding Cinematography ဆုလည်းရဖူးတယ်။ သရုပ်ဆောင်တွေကလည်း ဟောလိဝုဒ်ရုပ်ရှင်တွေနဲ့ သေချာကျွမ်းဝင်တဲ့လူတွေ ထိတ်ထိတ်ကြဲတွေလို့ လက်ခံပြီးသားလူတွေချည်း။ မွန်ရိုးနေရာက Michelle Williams... မနှစ်က Blonde ထဲက မွန်ရိုးထက် သူ့မွန်ရိုးက ပိုသာတာတော့ သေချာတယ်။ ဒါလည်း ထည့်ပြောစရာမလိုပါဘူး။ မစ်ချဲလ်ဝီလီယမ် ဘယ်သူလဲ သိတဲ့လူတွေ မပြောလည်း သိကြမယ့်အချက်ပဲ။ ပြီးတော့ Eddie Redmayne... သူ့ကိုတော့ The Theory of Everything တို့၊ The Danish Girl တို့နဲ့ အားလုံးသိကြမှာပဲ။ သရုပ်ဆောင်စကေးကလည်း ပြောပြဖို့မလိုနေဘူး။ နောက် အခုဆို ဟာကျူလီပွာရိုတွေချည်း ဆက်တိုက်ရိုက်နေတဲ့ Kenneth Branagh, ဂျိမ်းစဘွန်းထဲက M တစ်ဖြစ်လဲ မင်းသမီးကြီး Judi Dench, နောက် အင်္ဂလန်ရဲ့ကျက်သရေဆောင် Emma Watson... ဒီထဲမှာမှ မစ်ချဲလ်နဲ့ ကန်းနက်တို့က အော်စကာမှာ မင်းသမီးဆုနဲ့ ဇာတ်ပို့ဆု အသီးသီးဆန်ခါတင်ဝင်ခဲ့ကြတယ်။ ထုတ်ထားတဲ့ ဘဲကလည်း လက်ရှိဟောလိဝုဒ်ရဲ့ နာမည်အပျက်ဆုံးလူလို့ ပြောလို့ရတဲ့ အဲဒီပျက်တဲ့နာမည်နဲ့ မလိုက်အောင်ဘဲ သူထုတ်တဲ့ ကားမှန်သမျှ ဂေါ်ထွက်နေတဲ့ ဟာဗေးဝင်းစတိန်း။ အဘက်ဘက်ကတော့ သူ့နည်းသူ့ဟန်နဲ့ ဟုတ်နေတာပါပဲ။ ကြည့်ဖို့မကြည့်ဖို့ကတော့ ခင်ဗျားတို့အလုပ်ပေါ့။ မာရီလင် မွန်ရိုးသို့ တမ်းချင်း "ဆင်းရဲခြင်းက ဒုက္ခ"တဲ့။ နီလာရောင် ရေချိုးခန်း "ပဲရစ်"ရေမွှေး ဖျန်းထားသော ပန်းခြံ မရန်းရောင် ရှမ်ပိန်၊ ရေခဲစိမ် "မာတနီ" ငွေခြည်ရောင် ရေခဲသေတ္တာတို့ ကြားမှာ အဆိပ်သောက် သေဆုံးသွားသော ဟောလိဝုဒ်၏ ကြယ်ပွင့်အပြာ အို၊ မာရီလင် မွန်ရိုး။ "ချမ်းသာခြင်းမှာ ဘာဒုက္ခများ တွေ့ခဲ့လဲ"။  ။ ~ သုခမိန်လှိုင် (ဂျွန်လ၏ မိုးရေများ - ၁၉၇၀) (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.55GB, 730MB Quality - 1080p, 720p IMDb Rating - 6.9/10 Format - mp4 Duration - 1H 39Min Genre - Biography, Drama Subtitle - Myanmar Subtitle (Hardsub) Translated by WiRa Aung Encoded by Y

The Oxford Murders (2008) IMDb Rating (6.0) / Rotten Tomatoes (23%) Lord of the Rings မင်းသား Elijah Wood နဲ့ ဝါရင့်မင်းသားကြီး John Hurt တို့ရဲ့ ဆရာတပည့် အတွဲညီညီ သရုပ်ဆောင်ထားတဲ့ ဂဏန်းသင်္ချာအမှတ်အသားတွေနောက်ကွယ်က လူသတ်သမားကို ရှာဖွေတဲ့ဇာတ်လမ်းကောင်းတစ်ပုဒ်ပါ။ သင်္ချာပညာရပ်နဲ့ လူသတ်မှုပဟေဠိတွေကို အချိုးကျကျ ပေါင်းစပ်ထားတဲ့ Mystery / Thriller ကားကောင်းတစ်ကားဖြစ်ပြီး အာဂျင်တီးနားစာရေးဆရာ Guillermo Martínez ရဲ့ နာမည်ကြီး ဝတ္ထုကို အခြေခံပြီး ရိုက်ကူးထားတာ ဖြစ်ပါတယ်။ ဇာတ်လမ်းကတော့ အောက်စ်ဖို့ဒ်တက္ကသိုလ်ကို ပညာတော်သင်ရောက်လာတဲ့ အမေရိကန်ကျောင်းသား Martin (Elijah Wood) အကြောင်းပါ။ သူဟာ နာမည်ကြီး သင်္ချာပညာရှင်ကြီး Arthur Seldom (John Hurt) ဆီမှာ ပညာသင်ကြားဖို့ ရည်မှန်းထားသူပါ။ ဒါပေမဲ့ Martin ရောက်ပြီး မကြာခင်မှာပဲ သူနေထိုင်တဲ့ အိမ်ရှင်ကတော်ကြီးဟာ ရက်ရက်စက်စက် သတ်ဖြတ်ခံလိုက်ရပါတယ်။ ထူးခြားတာက လူသတ်သမားဟာ အခင်းဖြစ်ပွားတဲ့နေရာမှာ "သင်္ချာအမှတ်အသား" (Mathematical Symbol) တစ်ခုကို ချန်ထားခဲ့တာပါ။ ဆရာဖြစ်သူ Seldom က ဒါဟာကွင်းဆက်လူသတ်မှုတွေရဲ့ အစဖြစ်နိုင်ကြောင်း သတိပြုမိသွားပြီး Martin နဲ့အတူတူ ဒီသင်္ချာပုစ္ဆာလို ရှုပ်ထွေးလှတဲ့ လူသတ်မှုတွေကို တားဆီးဖို့ ကြိုးစားကြပါတယ်။ လူသတ်သမားက သင်္ချာနည်းကျကျနဲ့ သူတို့ကို စိန်ခေါ်နေတာလား၊ ဒါမှမဟုတ် တခြားလျှို့ဝှက်ချက်တွေ ရှိနေတာလားဆိုတာကို ရင်ခုန်စရာ တွေ့မြင်ရမယ့် စုံထောက်ရုပ်ရှင်တစ်ခုပါ။ File size… (2 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Crime,Mystery,Thriller Duration…. 01:49:19 Subtitle…. Myanmar Subtitle (Hardsub)

ဒီဇာတ်ကားကတော့ နည်းပညာကို အလွန်အကျွံအားကိုးပြီး သူစိမ်းတွေကို ယုံမိရင် ဘယ်လိုဒုက္ခရောက်နိုင်လဲဆိုတာကို ပြထားတဲ့ သည်းထိတ်ရင်ဖိုကားပါ။ ဇာတ်လမ်းက Jessie တို့မောင်နှမ ပျောက်သွားတဲ့ဖုန်းကို App သုံးပြီး လိုက်ရှာရင်းနဲ့မှ လူသတ်သမားတွေရဲ့ အိမ်ကြီးဆီ ရောက်သွားတာကို ရိုက်ပြထားတာဖြစ်ပါတယ်။ ဒီကားမှာ အကြိုက်ဆုံးကတော့ မထင်ထားတဲ့ ဇာတ်ကွက်အလှည့်အပြောင်းပါပဲ၊ သားကောင်လို့ ထင်ထားတဲ့ Kim က တကယ်တမ်းကျတော့ လူသတ်သမားမိသားစုဝင် ဖြစ်နေပြီး မိသားစုအသစ်ဖွဲ့ဖို့ Jessie ကို တမင်သက်သက် မျှားခေါ်လာမှန်း သိလိုက်ရတဲ့အချိန်မှာ တကယ်ကို ကြက်သီးထစရာပါ။ ဇာတ်သိမ်းပိုင်းကလည်း ရက်စက်လွန်းပြီး မျှော်လင့်ချက်မဲ့နေတဲ့ပုံစံမျိုးမို့ Horror ကားကြိုက်သူတွေ သဘောကျမယ့် ဇာတ်ကားတစ်ကား ဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

The Golden Compass (2007) Fantasy Fiction ဇာတ်လမ်းကောင်း တစ်ကားကို မိတ်ဆက်ပေးပါရစေ။ Main characterတွေအနေဖြင့် ကျွန်တော်တို့ရဲ့ ဂျိမ်းစ်ဘွန်း မင်းသားကြီး Daniel Craigနဲ့ The Secret of Moonacre၊ Dustbin Babyနဲ့ Endeavourတိုရဲ့ မင်းသမီး Dakota Blue Richardsက ဦးဆောင် သရုပ်ဆောင် ပါဝင်ထားပါတယ်။ ဗီလိန်တွေအနေနဲ့လည်း အထူးတလည်မိတ်ဆက်ပေးစရာ မလိုတဲ့ Nicole Kidmanက ဇာတ်အိမ်ကို ပိုမိုခိုင်လုံအောင် အားဖြည့်ပေးထားပါတယ်။ ဒါ့အပြင် Eva Green, Sam Elliott, Freddie Highmore, Ian McKellenတို့နှင့် တခြားသော ဝါရင့် ပါရမီရှင် သရုပ်ဆောင်တွေ ပါဝင်ထားတော့ ယခု ရုပ်ရှင်ဟာ Castတွေနဲ့တင် တန်နေပါပြီ။ ကျွန်တော်တို့ စကြာဝဋ္ဌာတွေကြားမှာ အချင်းချင်းအပြိုင်ဖြစ်နေကြတဲ့ စကြဝဠာတွေ ကမ္ဘာတွေ အများကြီး ရှိနိုင်ပါတယ်။ ကျွန်တော်တို့ ကမ္ဘာမှာဆိုရင် လူတွေရဲ့ဝိညာဉ်တွေက ခန္ဓာကိုယ်ထဲမှာ နေထိုင်ကြတယ်။ Parallel Universeထဲက ကမ္ဘာတစ်ခုမှာတော့ ဝိညာဥ်တွေက လူသားတို့နဲ့အတူတူ ရောထွေးနေထိုင်ကြပါတယ်။ သူတို့ကမ္ဘာမှာတော့ နတ်ဆိုးလို့ ခေါ်ကြပါတယ်။ သူတို့ရဲ့ကမ္ဘာမှာ စကော်လာတွေက အမှန်တရားကို တိုင်းတာ သိရှိနိုင်တဲ့ အလိသီအိုမီတာကို တည်ထွင်ခဲ့ပါတယ်။ ရွှေရောင်သံလိုက်အိမ်မြှောင်လို့လည်း ခေါ်ကြပါသေးတယ်။ အဲဒီသံလိုက်အိမ်မြှောင်က ဖုန်းကွယ်ထားတာမှန်သမျှကို ပြပေးတဲ့စက်ဖြစ်ပါတယ်။ ပြောရရင် လိမ်ချင်တိုင်း လိမ်လို့ မရတော့ဘူးပေါ့။ လူတွေကို ထိန်းချုပ်ဖို့ မှော်ဝင်ရေးရာဝန်ကြီးဌာနက နည်းမျိုးစုံ သုံးပြီး လိမ်လည်ကြရပါတယ်။ အဲဒီလို လိမ်လည်ခြယ်လှယ်နေရတဲ့ မှော်ဝင်ရေးရာဝန်ကြီးဌာနက သူတို့အလိမ်တွေ ပေါသွားမှာစိုးလို့ အလိသီအိုမီတာတွေကို ဖျက်စီးလာပါတော့တယ်။ အဲဒီလိုနဲ့ အလိသီအိုမီတာတွေကို ဖျက်စီးလာလိုက်တာ အ​ချိန် တစ်ခုထိ ရောက်လာပြီး လူငယ်မျိုးဆက်တွေဆိုရင် အလိသီအိုမီတာ ရှိမှန်းတောင် မသိကြတော့ပါဘူး။ လိုင်ရာဘယ်လာကွာက မိဘတွေမရှိတော့လို့ ဦးလေးဖြစ်သူ အက်စ်ရီရယ်က ပြုစုစောင့်ရှောက်ပေးထားတဲ့ ဂျော်ဒန်ကောလိပ်မှာ တက်ရောက်နေတဲ့ ကျောင်းသူလေးဖြစ်ပါတယ်။ လောဒ့် အက်စ်ရီရယ်က ဒက်စ်လို့ခေါ်တဲ့ စကြာဝဋ္ဌာတွေကြား ခုန်ကူးနိုင်မယ့် အမှုန်တွေကိုလေ့လာနေသူပါ။ မှော်ဝင်ရေးရာဝန်ကြီးဌာနက အဆိုပါ ဒက်စ်တွေရဲ့အကြောင်းကို လူတွေ မသိအောင် ဖျောက်ဖျက်ထားတာ ကြာပါပြီ။ ဒက်စ် အမှုန်တွေကလည်း ပျောက်ကွယ်သွားတာ ကြာလှပါပြီ။ အဲဒီလိုနဲ့ တနေ့ကြတော့ ရုတ်တရပ် မြောက်ဝင်ရိုးစွန်းမှာ ဒက်စ်တွေ ပြန်လည်ပေါ်ပေါက် လာပါတယ်။ အဲဒီလိုနဲ့ အက်စ်ရီရယ် တစ်ယောက် မြောက်ဝင်ရိုးစွန်းကို သွားရောက်လေ့လာပါတော့တယ်။ လိုင်ရာကလည်း စူးစမ်းချင်သူပီပီ မစ္စ ကော့တလာနဲ့အတူတူ ဦးလေးဖြစ်သူ သွားရာ မြေက်ဝင်ရိုးစွန်းဘက်ကို လိုက်သွားပါတော့တယ်။ ဒက်စ်အကြောင်း သွားရောက်လေ့လာတဲ့ အက်စ်ရီရယ်က ဘယ်လိုအခက်ခဲတွေ ကြုံရမလဲ .... ဦးလေးနောက် လိုက်သွားတဲ့ လိုင်ရာလေးကိုရော မကောင်းတဲ့လူတွေက ဘယ်လိုဒုက္ခပေးကြမလဲ ....ဂေါ်ဘလာလို့ခေါ်တဲ့ ကလေးဖမ်းတဲ့လူတွေကရော ဘယ်သူတွေလဲ ....ဘာကြောင့် ကလေးတွေကို လိုက်ဖမ်းနေတာလဲ ..... လက်ကျန် အလိသီအိုမီတာကိုရော ဘယ်လိုအသုံးချကြမလဲ ... ဒီဇာတ်ကားရဲ့ ဉာဏ်ကွန့်နိုင်စွမ်းကတော့ အင်မတန်မှ လှပလွန်းပါတယ်။ Battle scene တွေဆိုရင်လည်း တော်တော်မိုက်ပါတယ်။ ဇာတ်လမ်းကလည်း ၂နာရီမပြည့်တပြည့်လေးမှာကိုတင် ပြည့်ပြည့်စုံစုံနဲ့ တင်ပြထားနိုင်ပါတယ်။ နိဂုံးချုပ်ပြောရရင် ကလေးလူကြီးမရွေး စိတ်ကူးဉာဏ် ကွန့်မြူးချင်သူတွေ ဒီရုပ်ရှင်ကို အကြိုက်တွေ့စေမှာ ဖြစ်ပါတယ်။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။

The Thief Lord (2006) ဇာတ်လမ်းအညွှန်း- ဘွန်နီဖေ့ ဆိုတဲ့ အသက် ၆ နှစ်အရွယ်ကောင်လေးနဲ့ အစ်ကိုဖြစ်သူ ပရော်စပါတိုဟာ အမေဖြစ်သူဆုံးပါးသွားတဲ့အခါမှာတော့ တစ်ယောက်က အဒေါ်ဇနီးမောင်နှံရဲ့ ခေါ်ယူမွေးစားခံလိုက်ရပြီး တစ်ယောက်ကတော့ မိဘမဲ့ဂေဟာရောက်သွားခဲ့ပါတယ်။ ဒီအဖြစ်ကို မလိုချင်တဲ့အတွက် အစ်ကိုဖြစ်သူဟာ မိဘမဲ့ဂေဟာကနေ ခိုးထွက်ခဲ့ပြီး အဒေါ်တိုအိမ်ရောက်နေတဲ့ ညီငယ်လေးကိုသွားခေါ်ကာ အဝေးတစ်နေရာက ဗင်းနစ်မြိုကို ထွက်လာခဲ့တာပေါ့။ ဗင်းနစ်မြိုမှာ မလည်မဝယ်ဖြစ်နေရှာတဲ့ ညီအစ်ကိုနှစ်ယောက်ဟာ လမ်းဘေးမှာ ဒုက္ခရောက်နေတုန်း သူခိုးဘုရင် ဆိုတဲ့ အသက် ၁၆နှစ်အရွယ် စကစ်ဆိုတဲ့ကောင်လေးရဲ့ခေါ်ယူစောင့်ရှောက်ခြင်းကို ခံထားရပါတယ်။ တစ်ဖက်မှာလည်း ဘွန်နီဖေ့ လေးကို ပြန်လိုချင်တဲ့ အဒေါ်ဇနီးမောင်နှံဟာ စုံထောက် ဗစ်တာကို အလုပ်အပ်ပြီး ဘွန်နီဖေ့ လေးကို လိုက်ရှာနေခဲ့ပါတယ်။ ဒီဇာတ်ကားလေးမှာတော့ ဘွန်နီဖေ့ တို ညီအစ်ကိုနှစ်ဦး ဘယ်လိုတွေကြုံတွေ့ရမလဲ၊ စုံထောက်ဗစ်တာနဲ့ရော ဘယ်လိုတွေဇာတ်လမ်းသွားကြမလဲ၊ ဗင်းနစ်မြိုရဲ့ အခက်အခဲတွေကိုရော ဘယ်လိုရင်ကြရမလဲဆိုတာကို ပေါ့ပေါ့ပါးပါးလေး ကြည့်ရှုကြရမှာပါ။ File Size ~~~(1.8GB)/ (816 MB) Quality  ~~~ Web Rip (1080p)/ (720p) Duration ~~~ 1h 39m Genre~~~ Family/Adventure Subtitle~~~ Myanmar Subtitle Translated by Wil Encoded by Treasure Htet

ဖရဲလ်မြို့လေးမှာ မွေးဖွားလာတဲ့ အယ်လာကို အရက်သောက်တတ်ပြီး ကပေါက်တိကပေါက်ချာနိုင်တဲ့ နတ်သမီးတစ်ပါးက ဆုတစ်ခု ပေးသွားပါတယ်။ အဲဒီဆုကတော့ နာခံတတ်သူဖြစ်စေမယ့် မှော်အတတ်ပါ။ နာခံတတ်တာ ကောင်းတယ်ဆိုပေမဲ့ အယ်လာအတွက်တော့ ဘယ်သူက ဘာခိုင်းခိုင်း ငြင်းလို့မရဘဲ လိုက်လုပ်ပေးရတဲ့ဘဝနဲ့ ကြီးပြင်းလာရတာပါ။ သူနေတဲ့တိုင်းပြည်မှာ အရင်က လူထွားကြီးတွေ၊ နတ်သူငယ်တွေ၊ နတ်သမီးတွေနဲ့ ဘီလူးတွေ အတူနေထိုင်ခဲ့ကြတယ်။ ဘုရင်ကြီး နတ်ရွာစံပြီး သူ့ညီနဲ့ သားတော်တို့လက်ထက် ရောက်လာချိန်မှာတော့ လူသားတွေ ကြီးစိုးလာပါတယ်။ ဘီလူးတွေကို နှင်ထုတ်ပြီး လူထွားကြီးတွေကို ခိုင်းစားကြသလို နတ်သူငယ်တွေကိုလည်း ဖျော်ဖြေရေးသမားတွေအဖြစ် လုပ်ကိုင်စေကြတယ်။ အယ်လာရဲ့ဖခင် နောက်အိမ်ထောင်ပြုတဲ့အခါ မိထွေးနဲ့အတူ သမီးနှစ်ယောက် ပါလာပါတယ်။ အဲဒီညီအစ်မက အယ်လာဟာ အမိန့်ကို မငြင်းနိုင်မှန်း သိသွားတော့ သူ့ကို အမျိုးမျိုး အနိုင်ကျင့်ကြတယ်။ အယ်လာကလည်း ဒီကျိန်စာကနေ လွတ်မြောက်ဖို့ ကြိုးစားရင်း တိုင်းပြည်ရဲ့ အရှုပ်အထွေးတွေကြားမှာ အခက်အခဲတွေ ကြုံလာရပါတယ်။ Anne Hathaway နဲ့ Hugh Dancy တို့ အဓိကပါဝင်ထားတဲ့ မိသားစုကြည့် ဟာသစိတ်ကူးယဉ်ဇာတ်ကားဖြစ်ပြီး အင်္ဂလန်၊ အမေရိကန်နဲ့ အိုင်ယာလန်တို့က ရုပ်ရှင်ကုမ္ပဏီသုံးခု ပူးပေါင်းရိုက်ကူးထားတာပါ။ ရုံတင်ဝင်ငွေမှာတော့ အရှုံးပေါ်ခဲ့ပါတယ်။

Disney ကနေ Emma Stone ပါ၀င် သရုပ်ဆောင်ထားတဲ့ Cruella ဇာတ်လမ်းလည်း ထွက်လာတော့မှာဆိုတော့ အရင်တုန်းက Cruella de Vil အကြောင်းတွေထဲက တစ်ပုဒ်ဖြစ်တဲ့ 102 Dalmatians လေးကိုလည်း ပြန်ကြည့်ပြီး အတိတ်ကို ပြန်သွားကြရအောင်ပါ CM ပရိသတ်ကြီးရေ သိပြီးသားသူတွေအတွက်ရော မသိသေးသူတွေအတွက်ပါ မိတ်ဆက်ပေးရမယ်ဆိုရင်တော့ Cruella de Vil ဆိုတာ ချစ်စရာခွေးလေးတွေကိုမှ လိုက်ပြီး အန္တရာယ်ပေးတတ် ဒုက္ခပေးတတ်တဲ့ ဗီလိန်မကြီးပါပဲ ဘာသာပြန်သူအနေနဲ့ကလည်း ခွေးချစ်တတ်သူဆိုတော့ Cruella ဟာ ဘာသာပြန်သူရဲ့ အမုန်းဆုံး Disney villain ပါပဲ နာမည်ကိုက Cruel (ရက်စက်ကြမ်းကြုတ်သော) ဆိုတဲ့ စကားလုံးကနေ ဖြစ်တည်နေတာသာ ကြည့်ပါတော့ ဒီ 102 Dalmatians ကားလေးကတော့ 101 Dalmatians ရဲ့ sequel အဖြစ် 2000 ခုနှစ်မှာ ထပ်မံထွက်ရှိလာတဲ့ကားလေးပါ 101 Dalmatians မှာ ခွေးလေးတွေကို ဒုက္ခပေးမိလို့ Cruella တစ်ယောက် ထောင်ကျသွားအပြီး နောက်ပိုင်းကို ဆက်လက်ရိုက်ကူးထားတာပါ ထူးဆန်းတာက 102 Dalmatians ရောက်တဲ့အခါ Cruella တစ်ယောက် ထောင်ကနေ ခံ၀န်ချုပ်နဲ့ လွတ်လာပြီး ခွေးချစ်သူပါ ဖြစ်သွားရုံမက ခွေးဂေဟာတစ်ခုကိုပါ ၀ယ်ပြီး ခွေးသခင်ဖြစ်သွားတော့တာပဲ သူ့ကိုယ်သူတောင် Cruella မဟုတ် Ella လို့ပြောင်းခေါ်စေလောက်အောင် အင်မတန် နူးညံ့သူကြီး ဖြစ်သွားပါတော့တယ် ဒါပေမယ့် ဒီအဖြစ်က ကြာရှည်ခံပါ့မလား Cruella is always cruel ဆိုတဲ့အတိုင်း သူ့ရဲ့ ပြောင်းလဲမှုဟာ စိတ်ချယုံကြည်ရပါ့မလား IMDb rating နည်းပေမယ့်လည်း သူ့ခေတ်သူ့အခါနဲ့ ယှဉ်ရင် Disney ရဲ့ ဇာတ်လမ်းကောင်းတစ်ပုဒ်လို့ ပြောလို့ရပါတယ်။ ခွေးချစ်တတ်သူတွေအတွက်လည်း အပန်းဖြေကြည့်သင့်တဲ့ ဇာတ်ကားလေးတစ်ကားဖြစ်ပါတယ် File size…(1.5 GB) and (1 Gb) Quality….BluRay 1080p and 720p Format…mp4 Duration….01:43:00 Subtitle….Myanmar Subtitle (Hardsub) Encoder….Mr.Anderson Translated by Yoon Sandi Aung

တိုနီဆိုတဲ့ ကောင်လေးဟာ သွေးစုပ်ဖုတ်ကောင်တွေအကြောင်း အမြဲလိုလို အိပ်မက်မက်တတ်ပါတယ်။ သူ့အိပ်မက်တွေထဲမှာ သွေးစုပ်ဖုတ်ကောင်တို့ရဲ့ ဒဏ္ဍာရီတွေနဲ့အတူ အဆောင်ပစ္စည်းလေးတစ်ခုလည်း အမြဲ ပါနေတယ်။ တစ်နေ့တော့ သူ့အခန်းထဲကို ရွယ်တူသွေးစုပ်ဖုတ်ကောင်လေးတစ်ယောက် ရောက်လာပါတယ်။ နှစ်ယောက်သား အပြန်အလှန် ကူညီပေးကြရင်း သူငယ်ချင်းဖြစ်သွားကြတယ်။ ဒါပေမဲ့ သွေးစုပ်ဖုတ်ကောင်တွေမှာ အရေးတကြီး လုပ်ရမယ့်ကိစ္စတစ်ခု ရှိနေပါတယ်။ ပျောက်ဆုံးနေတဲ့ အဆောင်ပစ္စည်းလေးကို ရှာမတွေ့ရင် သူတို့အားလုံး ဒုက္ခရောက်ကြရတော့မှာပါ။ သွေးစုပ်ဖုတ်ကောင်တွေနဲ့ ဆက်စပ်နေတဲ့ တိုနီနဲ့ သူ့သူငယ်ချင်းလေးတို့ ဘယ်လိုစွန့်စားခန်းတွေ ကြုံလာကြမလဲဆိုတာကို ဟာသနဲ့အတူ တင်ဆက်ထားတဲ့ မိသားစုကြည့်ဇာတ်ကားပါ။

Legionnaire (1998) IMDb Rating (5.5) / Rotten Tomatoes (29%) အက်ရှင်မင်းသား Van Damme အဓိကပါဝင်သရုပ်ဆောင်ထားတဲ့ အက်ရှင်ဒရမ်မာကားဖြစ်တဲ့ Légionnaire ဟာဆိုရင် ၁၉၂၀ ပြည့်နှစ်လောက်က မြောက်အာဖရိကမှာရှိတဲ့ ပြင်သစ်နိုင်ငံခြားတပ်ရင်းရဲ့ ကြမ်းတမ်းတဲ့ပတ်ဝန်းကျင်ကို အဓိကထားထားတဲ့ သမိုင်းနောက်ခံစစ်ကားဖြစ်ပါတယ်။ နေရာအသီးသီးကနေ အကြောင်းအမျိုးမျိုးကြောင့် Légion လို့ခေါ်တဲ့ နိုင်ငံခြားတပ်ရင်းထဲရောက်လာကြသူတွေအနေနဲ့ နောက်ခံဇာတ်လမ်းတွေမတူညီကြပါဘူး။ သို့ပေမယ့် ဒီနေရာကိုရောက်လာချိန်မှာတော့ ညီအစ်ကိုတွေလို့ခံယူပြီး သစ္စာစောင့်သိသူတွေဖြစ်လာကြပါတယ်။ ဒီဇာတ်ကားဟာဆိုရင် အက်ရှင်ကားဆိုပေမယ့် ဂုဏ်သိက္ခာ၊ သစ္စာဖောက်မှု၊ ရှင်သန်ရေးနဲ့ မိတ်ဆွေတွေကြားက သံယောဇဉ်တွေကို မီးမောင်းထိုးပြထားပါတယ်။ Van Damme ရဲ့ ပုံမှန်အက်ရှင်ကားတွေနဲ့မတူညီဘဲ ကွဲထွက်နေတဲ့ဇာတ်ကားတစ်ကားဆိုရင်လည်းမမှားပါဘူး။ ဒီတော့ ပြင်သစ်နိုင်ငံခြားတပ်ရင်းတပ်သား(Légionnaire) တွေရဲ့ဘဝတွေက ဘယ်လိုမျိုးရှိတာလဲ။ မော်ရိုကိုမှာရှိတဲ့ Rif လူမျိုးတွေနဲ့တိုက်ခိုက်ရတဲ့အခါမှာတော့ ဘာတွေဆက်ဖြစ်သွားကြမှာလဲ.... ဒါတွေအပြင် လူတွေကြားထဲကသံယောဇဉ် အစရှိတာတွေကို သေချာလေးခံစားချင်ရင်တော့ ကြည့်ဖြစ်အောင်ကြည့်ဖို့ တိုက်တွန်းလိုက်ပါရစေ။ (အညွှန်းနဲ့ဘာသာပြန်ကတော့ Theint Waddy Lynn ဖြစ်ပါတယ်။) File size…(1.9 GB) / (920 MB) Quality….Blu-Ray 1080p HEVC / 720p Format…. mkv/mp4 Genre….Action,Adventure,History,War Duration….01:39:28 Subtitle….Myanmar Subtitle (Hardsub) Encoder….Double K Translated by Theint Waddy Lynn