Joan Cusack ပါဝင်သော ဇာတ်ကားများ

Toy Story 5 (2026) 4K HEVC ++++++++ IMDb Rating (7.5) / Rotten Tomatoes (93%) ကမ္ဘာကြီးရဲ့ တစ်ဟုန်ထိုး တိုးတက်ပြောင်းလဲလာမှုတွေနဲ့အတူ ကလေးတွေရဲ့ ပျော်ရွှင်မှုကို ရှာဖွေပုံကလည်း အလားတူ ပြောင်းလဲလာပါတယ်။ တစ်ချိန်က အရုပ်လေးတွေနဲ့ စကားပြောဆော့ကစားရင်း ပျော်ခဲ့ကြတဲ့ ကလေးတွေက အခုချိန်မှာ ဖုန်းဆိုတဲ့ အီလက်ထရောနစ် စက်ပစ္စည်း သူငယ်ချင်းအသစ်နဲ့ ပျော်မွေ့နေကြပါပြီ။ အရုပ်တွေနဲ့ ဆော့ကစားနေသေးတဲ့ ကလေးတစ်ယောက်ကို ဖုန်းကိုင်တဲ့ကလေးတွေက လူရာသွင်းသူငယ်ချင်း မလုပ်ချင်တော့တဲ့ အခြေအနေတစ်ခုကို ရောက်လာခဲ့တယ်။ ဒီမှိုင်းကိုမိသွားတဲ့ အရုပ်ချစ်သူ ကလေးတွေထဲမှာ ဘော်နီဆိုတဲ့ ကလေးမလေးလည်း အပါအဝင်ပေါ့။ အရုပ်တွေနဲ့ပဲ ဆော့နေသေးတဲ့ ဘော်နီ့ကို ဘယ်သူကမှ အဖက်လုပ်ပြီး သူငယ်ချင်းမလုပ်ချင်ကြတဲ့အခါ သူ့မိဘတွေက Lilypad ဆိုတဲ့ tablet လေး တစ်လုံး ဝယ်ပေးလိုက်ပါတယ်။ Lilypad လေး အိမ်ကို စရောက်လာကတည်းက ဘော်နီဟာ အရင်က သူအမြတ်တနိုးထားခဲ့ရတဲ့ နွားကျောင်းသူအရုပ်မလေး ဂျက်စီနဲ့ ဘက်ဇ် အပါအဝင် တခြားသောအရုပ်‌လေးတွေကို စိတ်မဝင်စားတော့ပါဘူး။ ဒီလိုနဲ့ စုံစမ်းကြည့်လိုက်တဲ့အခါ Lilypad လို စက်ပစ္စည်းတွေကြောင့် သူတို့အရုပ်တွေ ချောင်ထိုးခံရတာ ကြာပြီဆိုတာကို ဂျက်စီတို့ သိလိုက်ရပါတယ်။ ဒီအဖြစ်ဆိုးကြီးက သူတို့အပေါ်ကိုလည်း စပြီး ကျရောက်နေပြီဖြစ်လို့ အမေ့ပျောက်ခံ အရုပ်များ မဖြစ်ဖို့အရေး စစ်ဆင်ရေး စရပါတော့တယ်။ File Size… (5.07GB) /(2.03GB) / (1.14GB) Quality…WEB-DL 4K HEVC / 1080p HEVC / 720p Format…mkv / mp4 Duration…1h 42m Genre …Animation, Family, Comedy, and Adventure Subtitle….Myanmar Subtitle (Hard Sub)

ဒီတစ်ခါတော့ CM ပရိသတ်ကြီးအတွက် ချစ်စရာRomance ကားလေးကိုတင်ဆက်ပေးလိုက်ရပါတယ် နှင်းတွေထူထဲစွာကျတဲ့အချိန်မှာဖြစ်ပေါ်လာခဲ့တဲ့ အချစ်ဇာတ်လမ်းလေးတွေ အကြောင်းပေါ့ နှင်းတွေကြောင့်စိတ်အနှောင့်အယှက်ဖြစ်ရတာ ချော်လဲရတာ၊နှောင့်နှေးရတာတွေရှိပေမယ့် လှပတဲ့ နှင်းမှူန်လေးတွေကို လွတ်လွတ်လပ်လပ်ကျခွင့်ပေးလိုက်ပါလို့ ပြောထားတဲ့ဒီကားလေးက အခုလိုချမ်းအေးတဲ့တန်ဆောင်တိုင်ကာလမှာ ကြည့်လို့ကောင်းတဲ့ကားလေးဖြစ်လာမှာပါ။ နာမည်ကျော်သရုပ်ဆောင်တွေပါဝင်ထားတဲ့ ဒီကားလေးနာမည်ကတော့ Let it Snow (2019) ပါ။ File Size : 875 MB Quality :  WEB-DL 720p Running Time : 1 hr 32 min Format : Mp4 Genre : Comedy , Romance Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

ရုပ်ရှင်ချစ်သူတွေထဲမှာ တွိုင်းစတိုရီကို မကြည့်ဖူးဘဲ ကြီးပြင်းလာတဲ့သူဆိုတာ အတော်ရှားပါလိမ့်မယ်။ ငယ်ငယ်တုန်းကတည်းက တွိုင်းစတိုရီကိုကြည့်ပြီး ကိုယ့်အရုပ်လေးတွေ ဘယ်လိုများ အသက်ဝင်မလားမလဲတောင် ချောင်းကြည့်ဖူးကြတဲ့သူတွေ ရှိမလားမသိဘူး။ ဝုဒီတို့ ဘက်ဇ်တို့နဲ့ မိတ်ဆွေတစ်သိုက်ဟာ မိတ်ဆွေတွေတိုးရင်း စွန့်စားခန်းတွေ ဖွင့်ရင်း နေလာခဲ့တာ နှစ်ပေါင်းတွေ ကြာလာခဲ့ပါပြီ။ အရုပ်တွေအတွက ်သူတို့ရဲ့ ပိုင်ရှင် ကလေးငယ်ဆိုတာ ဘဝကြီးပါပဲ။ ဒါပေမယ့် အဲဒီပိုင်ရှင်တွေရဲ့ သက်တမ်းက တိုတောင်းပါတယ်။ သေဆုံးသွားတာ မဟုတ်ပေမယ့်လည်း ကြီးပြင်းလာတဲ့အချိန်မှာ အရုပ်တွေကို စွန့်ပစ်ကြတာ၊ ဒါမှမဟုတ် အခြားကလေးကို ပေးပစ်ကြတာတွေ လုပ်ကြတာပေါ့။ ဒီလိုနဲ့ ဘိုပိ ဟာလည်းအခြားပိုင်ရှင်တစ်ယောက်ဆီကို ရောက်သွားပြီး ဝုဒီတို့နဲ့ ကွဲကွာသွားခဲ့ပါပြီ။ ဒီတစ်ခေါက်မှာလည်း အန်ဒီဟာ ဘွန်နီဆိုတဲ့ ကလေးမလေးဆီကို သူ့ရဲ့အရုပ်တွေ ပေးပစ်လိုက်တာကနေ စတင်ပါတယ်။ ဘွန်နီဟာ အရုပ်လေးတွေကိုချစ်ပြီး နေ့တိုင်းကစားတတ်ပေမယ့် သူ ရွေးနေကျမဟုတ်ဘဲ ချန်ထားခဲ့တဲ့ အရုပ်လေးတွေ ရှိတတ်ပါတယ်။ အဲဒီအထဲမှာ တစ်ချိန်က အန်ဒီရဲ့ အချစ်တော် ဝုဒီလည်း ပါနေတာပေါ့။ ဒီလိုနဲ့ ဘွန်နီလေး ပထမဆုံး မူကြိုကို ကြောက်ကြောက်လန့်လန့်နဲ့ သွားရင်းနဲ့ ဇွန်းခရင်း တစ်ခါသုံးလေးကို ဖော့ကီဆိုတဲ့ အရုပ်အဖြစ် ဖန်တီးလိုက်မိပါတယ်။ ပြီးတော့ အဲဒီ ခရင်းရုပ်လေးက ဘွန်နီရဲ့ မူကြိုကျောင်းမှာ အားပေးမယ် အဖော်လေးဖြစ်လာပါတော့တယ်။ ဒါပေမယ့် ဖော့ကီဟာ မထင်မှတ်ဘဲ ဘွန်နီနဲ့ ကွဲကွာသွားတဲ့အခါမှာတော့ ဝုဒီဟာ ဖော့ကီကို လိုက်ကယ်ဖို့ သူ့မိတ်ဆွေတွေနဲ့ အတူ စွန့်စားခန်းတွေ ဖွင့်ရပါတော့မယ်…. တွိုင်းစတိုရီ-၄ ဟာလည်း အရင်ကားတွေလိုပဲ မိတ်ဆွေစိတ်တွေ၊ အရုပ်တွေနဲ့ ကလေးတွေရဲ့ သံယောဇဉ်တွေကို လှလှပပ ပုံဖော်ထားတာပဲမို့ ကြည့်တဲ့သူတွေ ကြိုက်ကြမှာပါ။ ရုပ်ရှင်ကားကို Little Neo က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။ File size…4.2GB / 1.67GB/ 829MB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by LittleNeo

ဂျက်စပါဟာ အဖေ့ရဲ့ စာပို့လုပ်ငန်းမှာ အလုပ်ကို ကြိုးကြိုးစားစားမလုပ်ဘဲ အခွင့်ထူးခံဘဝနဲ့ ပျင်းရိနေတဲ့ လူငယ်တစ်ယောက်ပါ။ သူ့ကို အပြစ်ပေးဖို့အတွက် အဖေက လူသူနဲ့ဝေးတဲ့ ကျွန်းတစ်ကျွန်းပေါ်က မြို့လေးမှာ စာပို့သမားလုပ်ဖို့ ပို့လိုက်ပါတယ်။ စမီရင်ဘာ့ဂ်ဆိုတဲ့ အဲဒီမြို့က အေးခဲပြီး ခေါင်ဖျားလွန်းသလို နေထိုင်သူတွေကလည်း ရိုင်းပြပြီး အမြဲဒေါသထွက်နေတတ်ကြတယ်။ ဂျက်စပါအနေနဲ့ တစ်နှစ်အတွင်း ဒီမြို့ကနေ ပေးစာ ၆၀၀၀ ထွက်လာအောင် လုပ်နိုင်မှ ပြန်ခွင့်ရမှာပါ။ မလုပ်နိုင်ရင်တော့ အဖေက အမွေပြတ်စွန့်လွှတ်မှာဖြစ်ပါတယ်။ ၂၀၁၉ ခုနှစ်ထွက် ဒီအန်နီမေးရှင်းဇာတ်ကားက ခရစ္စမတ်မှာ လက်ဆောင်တွေပေးတဲ့ စန်တာကလောက်စ်အကြောင်းကို အခြေခံထားပါတယ်။ လူတွေ အချင်းချင်း စာပို့ဆက်သွယ်ကြတဲ့အခါ အမုန်းအစား မေတ္တာကို ဝေမျှကြဖို့ဆိုတဲ့ အတွေးနဲ့ ခရစ္စမတ်ရဲ့ နွေးထွေးမှုကို တွဲဖက်ပုံဖော်ထားပါတယ်။

Instant Family (2018) IMDb Rating (7.3) / Rotten Tomatoes (82%) မင်းသားကြီး Mark Wahlberg ကို ဒီလို Family Comedy ရုပ်ရှင်မှာ သက်ဝင်စွာမြင်တွေ့ရတာ တကယ်ကောင်းတဲ့အခိုက်အတန့်တခုပါပဲ။ ဒီရုပ်ရှင်က ဇာတ်အိမ်လဲ ဆန်းသစ်ပြီးတော့ ဟာသရသ မိသားစုချစ်ခြင်းဖွဲ့ရသ ကြည်နူးဖွယ်ရသနဲ့ စိတ်နှလုံးကို တိမ်းးညွှတ်အောင်ဖမ်းစားနိုင်တဲ့ ဇာတ်ကားကောင်းတစ်ကားပါ.. မွေးကင်းစကလေးကိုပြုစုပျိုးထောင်ဖို့အတွက် အရွယ်လွန်သွားပြီလို့ယူဆထားကြတဲ့ အကြင်လင်မယားတွေဟာ မိသားစုဘဝရဲ့အနှစ်သာရကို ကျန်ရှိနေတဲ့ ဘဝတစ်လျှောက်လုံး ခံစားခွင့်မရှိတော့ဘူးလား.... အကြောင်းအမျိုးမျိုးကြောင့် မိဘအရင်းတွေရဲ့ စွန့်ပစ်ခြင်းကို ခံခဲ့ရတဲ့ ကလေးတွေကရော မေတ္တာအငွေ့အသက်တွေ လုံခြုံမှုတွေကို မရရှိနိုင်တော့ဘူးလား..... မိသားစုဆိုတဲ့စကားလုံးဟာ အင်မတန်ရိုးရှင်းပေမဲ့ သံယောဇဉ်တွေ နားလည်မှုတွေ ချစ်ခြင်းမေတ္တာတွေ အပြန်အလှန်လေးစားမှုတွေဆိုတဲ့ နက်နဲလှတဲ့သဘောတရားတွေနဲ့ ဖွဲ့စည်းထားတဲ့ ဒီကမ္ဘာမြေကြီးပေါ်က သေးငယ်တဲ့ကမ္ဘာလေးတစ်ခုဆိုရင်လည်းမမှားပါဘူး..... လူတစ်ယောက်ရဲ့ လက်တစ်ဖက်တည်းက လက်ချောင်းတွေ အတိုအရှည်မညီကြသလို.... သွေးရင်းဖြစ်တဲ့ မိသားစုတွေတောင် နားလည်မှုအမြဲထားနိုင်ကြတာမဟုတ်ပါဘူး..... ကိုယ်တိုင်ရွေးချယ်ဖန်တီးတော့မယ့် သွေးမတော်သားမစပ်မိသားစုတစ်ခုအတွက် အကောင်းဆုံးကြိုးစားပြီးပြင်ဆင်ထားပေမဲ့ တကယ်တန်းလက်တွေ့ကတော့ ထင်သလောက်မလွယ်လှဘူးလေ..... အကြင်လင်မယားနှစ်ယောက်ဟာ မိမိတို့ရဲ့ကလေးကို ကိုယ်ဝန်လွယ်ထားချိန်ကစလို့ မိဘစိတ်ကို တဖြည်းဖြည်းမွေးမြူလို့ရပေမဲ့..... ရုတ်တရက်ရောက်လာမယ့် ကလေးတွေအပေါ်မှာရော ချစ်ခြင်းမေတ္တာအပြင် မိဘပီသတဲ့စောင့်ရှောက်မှုတွေ နားလည်မှုတွေ အပြည့်အဝထားရှိနိုင်ပါ့မလား...... ဒီမေးခွန်းတွေအားလုံးရဲ့ သံသယတွေကို ဒီဇာတ်လမ်းလေးက ဖြေရှင်းပေးသွားမှာပါ..... ချစ်တာကလွဲပြီး ကျန်တာတွေကို နားမလည်နိုင်သေးတဲ့ မွေးစားမိဘနှစ်ပါးနဲ့.... မောင်လေးနဲ့ညီမလေးကို စောင့်ရှောက်ရင်း..... သူ့ကို ချစ်တဲ့လူ ဒီကမ္ဘာပေါ်မှာမရှိဘူးလို့ ထင်နေတဲ့ဆယ်ကျော်သက် ကောင်မလေးတစ်ယောက်တို့ နားလည်မှုတည်ဆောက်ကြတာကို ကြည်နူးမှုနဲ့ ဝမ်းနည်းမှုရသမြောက်အောင် ရိုက်ပြထားတာကိုတွေ့ရမှာပါ..... ငယ်ရွယ်တဲ့ကလေးတွေကို ချစ်ခြင်းမေတ္တာဂရုစိုက်မှုတွေပေးရုံနဲ့ မိဘနေရာကို ခံယူလို့ရပေမယ့်... မိခင်အရင်းကိုသိပ်ချစ်တဲ့ ၁၅ နှစ်အရွယ်ကောင်မလေးရဲ့ မိဘအဖြစ်အသိအမှတ်ပြုခြင်းကို ရဖို့ဆိုတာတော့ ချစ်ခြင်းတစ်ခုတည်းနဲ့ မဖြစ်နိုင်တော့ပါဘူး..... သူ့ဘဝကို လုံခြုံနွေးထွေးစေပြီး နားလည်မှုအပြည့်ပေးတဲ့ မိဘတွေကိုပဲ ပိုပြီးမက်မောတတ်တဲ့ အရွယ်ပေါ့...... စမ်းသပ်ကာလတစ်ခုအထိ အတူနေပြီး တရားဝင်မိသားစုဖြစ်လာဖို့ ကြိုးစားကြတဲ့ ပိ(ထ်)နဲ့အယ်လ်တို့ဟာ လစ်ဇီ ၊ ဂွမ်နဲ့ လီတာတို့ရဲ့ မိဘအဖြစ်အသိအမှတ်ပြုမှုကို နောက်ဆုံးမှာ ရရှိသွားပါ့မလားဆိုတာကိုတော့ ဇာတ်လမ်းလေးထဲမှာ အဖြေရှာရင်း လုံးဝကိုအကြိုက်တွေ့စေမယ့် ဇာတ်ကားလေးလို့ပဲ ညွှန်းဆိုပါရစေ။ File size…(4.5 GB)/(1.6 GB )/(1.1 GB) Quality….WEB-DL 4K HEVC/ 1080p HEVC/ 720p Format…mkv/mp4 Duration….01:58:00 Subtitle….Myanmar Subtitle (Hardsub) Encoder….Ka Naung Translated by Neve & Mg King

အန်မလီဟာ ကောင်လေးနဲ့အတူ အီကွေဒေါကို ခရီးသွားဖို့အတွက် ခရီးစဉ်အစအဆုံးကို ငွေချေပြီးသားပါ.. သွားခါနီးမှာပဲ ဘဝတက်လမ်းကြောင့်ဆိုပြီး လမ်းခွဲခံလိုက်ရပါတယ်။ အန်မလီတစ်ယောက် ရည်းစားနဲ့ပြတ်၊ အလုပ်ကလည်းပြုတ်၊ သူငယ်ချင်းလည်းတစ်ယောက်မှမရှိတဲ့အပြင် ဝယ်ထားတဲ့ ခရီးစဉ်ကလည်း ငွေပြန်အမ်းလို့မရတဲ့ခရီးစဉ်ဖြစ်နေတာကြောင့် အမေနဲ့အတူတူ ခရီးစဉ်ကိုသွားဖို့ဖြစ်လာပါတယ်။ ခပ်ပေါ့ပေါ့တွေးပြီး နေတတ်တဲ့အန်မလီနဲ့ ဂရုတစိုက် အ ားလုံးကို အသေးစိတ်တတ်တဲ့အန်မလီ့အမေတို့ ခရီးတစ်ခုတည်းအတူသွားတဲ့အခါ ဖြစ်လာတတ်တဲ့အလွဲလေးတွေအပြင် အယုံလွယ်တတ်တဲ့ အန်မလီကြောင့် သားအမိနှစ်ယောက် ပြန်ပေးဆွဲခံခဲ့ရတဲ့အခါမှာ ဘယ်လိုမျိုး ပြန်လွတ်အောင် ကြံဆောင်ကြမလဲ ဘယ်လိုအခက်အခဲတွေနဲ့တွေ့မလဲဆိုတာလေးတွေကို ဟာသလေးတွေနှောပြီး ရိုက်ကူးထားတဲ့အပြင် သားအမိနှစ်ယောက်ကြား ခံစားချက်လေးတွေပါ ကြည့်ရှုရမယ့်ဟာသအက်ရှင်ကားလေးပဲဖြစ်ပါတယ်။ File size…    1.7 GB /    828 MB Quality… BluRay 1080p / 720p Format… mp4 Duration…. 1h 39m Genre .....  Action , Comedy Subtitle…. Myanmar Subtitle (Hard Sub) Encoder…. Thit San Khant Translated by Jia

Now You See Me, The Social Network, Vivarium စတဲ့ဇာတ်ကားကောင်းတွေ အများကြီးထွက်ထားတဲ့ ကျွန်တော်တို့ရဲ့ DC Universe က Lex Luther တစ်ဖြစ်လဲ မင်းသားချော Jesse Eisenberg နဲ့အတူ How I Met Your Mother ထဲက လူရိုးကြီးမာရှယ်အဖြစ် ပရိတ်သတ်သိထားတဲ့ Jason Segel တို့နှစ်ယောက် အဓိကသရုပ်ဆောင်ထားတဲ့ကားဆိုတော့ ထွေထွေထူးထူး ပြောစရာမလိုဘူးထင်ပါတယ် 1996 ခုနှစ်တုန်းက ဆုတွေတစ်သီကြီးရခဲ့တဲ့ The Infinite Jest ဝတ္ထုရဲ့စာရေးဆရာ David Foster Wallace ကို ဂုဏ်ပြုတဲ့အနေနဲ့ ရိုက်ကူးထားတဲ့ ရုပ်ရှင်တစ်ခုဖြစ်ပါတယ် ဇာတ်လမ်းအကျဉ်းကတော့ ရိုးရိုးရှင်းရှင်းပဲ နာမည်အရမ်းကြီးနေတဲ့ ဝတ္ထုရေးဆရာကို သူ့ရဲ့စာအုပ်မိတ်ဆက်ပွဲလုပ်တဲ့ ငါးရက်တာခရီးစဉ်မှာ စာရေးဆရာပေါက်စ David Lipsky က အင်တာဗျူးလုပ်တဲ့အကြောင်းပါ David Lipsky ကိုယ်တိုင်ကလည်း နာမည်ကြီးစာရေးဆရာတစ်ယောက်ဆိုပေမယ့် ဒီအင်တာဗျူးလုပ်တဲ့အချိန်မှာတော့ စာအုပ်တစ်အုပ်ပဲ ထုတ်ရသေးတဲ့အချိန်ပေါ့ ဒီဇာတ်ကားထဲမှာ အဓိကမြင်တွေ့ရတာက David Foster Wallace တစ်ယောက်ရဲ့ စိတ်နေစိတ်ထား အတွေးအခေါ်နဲ့ အနုပညာကို တန်ဖိုးထားတာတွေပေါ့ David ရဲ့စာအုပ်တွေကို ဖတ်လိုက်လို့ရှိရင် ကိုယ်တိုင် David Foster ဖြစ်သွားတယ်လို့ပြောကြတယ် ဒီဇာတ်ကားမှာလည်း အဲ့လိုခံစားမှုမျိုးကိုပေးနိုင်စွမ်းရှိအောင် ဒါရိုက်တာက အားထုတ်ထားတဲ့ပုံပါပဲ David က သူ့ရဲ့စာပေအနုပညာတွေက ပရိတ်သတ်အတွက် အဆိပ်အတောက်ဖြစ်နေမှာ ဂျင်းဖြစ်နေမှာမျိုးတွေ သိပ်ကြောက်ပါတယ် အဲ့အတွက်ကြောင့်လည်း သူတော်တော်စိတ်ဖိစီးတဲ့ဒါဏ်ကို ခံစားရတယ် ဒါက ကျွန်တော်တို့ဆီက စာရေးဆရာဆိုတဲ့လူတွေ အနုပညာရှင်ဆိုတဲ့လူတွေနဲ့ မတူတဲ့အချက်ပေါ့ စာပေအနုပညာကို ချစ်မြတ်နိုးတယ်ဆိုရင် ဒီဇာတ်ကားက ကြည့်ကိုကြည့်သင့်တဲ့ကားပါ File size…    1.6 GB /  766 MB Quality… BluRay 1080p / 720p Format… mp4 Duration…. 1h 46m Genre ..... Biography / Drama Subtitle…. Myanmar Subtitle (Hard Sub) Encoder…. Thit San Khant Translated by Aries

The Perks of Being a Wallflower (2012) IMDb Rating (7.9) / Rotten Tomatoes (85%) - " ရှင်ဘာဖြစ်ချင်တာလဲ " - " ကိုယ်မင်းကိုပျော်စေချင်တာပါ..." Harry Potter မင်းသမီး Emma Watson ၊ Percy Jackson မင်းသား Logan Lerman ၊ Flash မင်းသား Ezra Miller တို့လို နာမည်ရ လူငယ်သရုပ်ဆောင်တွေနဲ့ ပုံဖော်ထားတဲ့ coming-of-age teen drama ဇာတ်ကားမျိုးပါ။ Stephen Chbosky က သူ့ရဲ့ နာမည်ကြီးစာအုပ် The perks of being a wallflower ကို ကိုယ်တိုင်ဒါရိုက်တာလုပ်ပြီး ရိုက်ကူးခဲ့တာပါ။ ဆယ်ကျော်သက်လူငယ်လူရွယ်တွေရဲ့ ခံစားချက်တွေ ထင်ဟပ်နေတဲ့ဇာတ်ကားမျိုးဖြစ်ပါတယ်။ ဒီလို Teen ဇာတ်လမ်းမျိုးဟာ Rating တွေမြင့်ဖို့ခက်ခဲပေမယ့် ဒီဇာတ်ကားကတော့ Rating အကြမ်းကြီးတွေ ရရှိထားတဲ့အပြင် ကြည့်ဖူးသူတိုင်းစွဲမက်ရတဲ့ဇာတ်ကားမျိုးပါ။ စတားတွေကလဲ ရင်းနှီးပြီးသားတွေမို့ လက်လွတ်မခံသင့်ပါဘူး။ ဇာတ်လမ်းတော့... အထက်တန်း ပထမနှစ်ကျောင်းသား Charlie ကတော့ သူငယ်ချင်းမရှိပါဘူး၊ သူ့ကို အခြားသူတွေ မမြင်ရဘူးတောင်ထင်နေတဲ့ အရှုံးသမားတစ်ယောက်ဖြစ်ပါတယ်။ သူ့မှာ စိတ်ရောဂါတစ်ခု ရှိပြီးတော့ အဲ့ဒါကြောင့်လည်း သူကိုယ်သူလည်းယုံကြည်မှုမရှိဘဲ ရုန်းကန်နေရတဲ့ ကျောင်းသားတစ်ယောက် ဖြစ်ပါတယ်။‌ ရည်းစားလည်းမထားဖူးသလို First Kiss လည်းမပေးဖူးသေးတဲ့ လူရိုးလည်းတစ်ယောက်ဖြစ်ပါတယ်။ နောက်တော့ ကျောင်းဘောလုံးပွဲတစ်ခုမှာ Patrick ဆိုတဲ့ သူငယ်ချင်းတစ်ယောက်စရလာပြီး Sam ဆိုတဲ့ ကောင်မလေးနဲ့ပါ ထပ်ခင်သွားကြပါတယ်။ Sam နှင့် Patrick က အဖေတူအမေကွဲ ‌တွေဖြစ်ပါတယ်။ Charlie ကတော့ Sam ကို သဘောကျနေပြီး သူကိုယ်သူတောင် ယုံကြည်မှုမရှိတာမလို့ ဖွင့်ပြောဖို့ဆိုတာ ဝေးလွန်းလှပါတယ်။ ဒါပေမယ့်လည်း Sam နှင့် Patrick တို့ကိုစတွေ့ပြီး သူငယ်ချင်းဖြစ်တဲ့နေ့ကတည်းက Charlie တစ်ယောက် စပျော်လာပါတယ်။ ဒီလိုနဲ့ Charlie လည်း ပုံမှန်လူတစ်ယောက်လိုပဲ ဖြစ်လာပြီး သူ့ရောဂါကလည်း သက်သာလာပါတယ်။ Charlie တစ်ယောက် Sam ကိုဖွင့်ပြောဖို့ကြောက်နေတုန်းမှာပဲ Sam အခြားတစ်ယောက်နဲ့တွဲသွားပါတယ်။ Charlie ကတော့ လက်မလျော့ပဲ Sam ပျော်ဖို့အတွက် ကျောင်းစာလုပ်တာအစ ကူညီပေးပါတယ်။ Charlie ကလည်း Sam သူငယ်ချင်း Mary နဲ့တွဲလိုက်ပါတယ်။ Charlie က သဘောမကျပေမယ့် ငြင်းရမှာ အားနာလို့ တွဲလိုက်တာဖြစ်ပါတယ်။ ဒီလိုနဲ့ နီးရက်နဲ့ဝေးနေတဲ့ Charlie နှင့် Sam တို့ရဲ့ အချစ်ရေးက ဘယ်လိုဆက်ဖြစ်မလဲ၊ Charlie တစ်ယောက် Sam ကို ဖွင့်ပြောရဲပေါ့မလား၊ Sam ကရော Charlie ရဲ့ အချစ်တွေကို လက်ခံပါ့မလားဆိုတာ......။ (ရုပ်ရှင်အညွှန်းကို Movie Shorts Pic FB Page မှ ကူးယူဖော်ပြပါသည်။) File size…(3.6 GB )/(1.4 GB) Quality….BluRay 1080p / 720p Format…mp4 Duration….01:43:00 Subtitle….Myanmar Subtitle (Hardsub) Encoder….Ka Naung Translated by မိုးသောက်

အန်နီမေးရှင်း ဇာတ်ကားတွေကို အားပေးကြတဲ့ ပရိသတ်ကြီးအတွက် ဒီနေ့တော့ ၂၀၀၅ ခုနှစ်က အောင်မြင်ခဲ့တဲ့ "Hoodwinked!" ဇာတ်ကားရဲ့ အဆက်အဖြစ် ထွက်ရှိလာတဲ့ "Hoodwinked Too! Hood vs. Evil (၂၀၁၁)" ကို တင်ဆက်ပေးချင်ပါတယ်။ ဒီဒုတိယပိုင်းမှာတော့ ခေါင်းဆောင်းနီလေး (Red)၊ ဝံပုလွေ (Wolf)၊ ရှဉ့်လေး (Twitchy) နဲ့ အဖွား (Granny) တို့ဟာ 'Happily Ever After' လို့ခေါ်တဲ့ လျှို့ဝှက်အေဂျင်စီ (HEA Agency) မှာ အေးဂျင့်တွေအဖြစ် အတူတူ အလုပ်လုပ်နေကြပါပြီ။ ဇာတ်လမ်းစစချင်းမှာပဲ Red ဟာ ညီအစ်မ 'Sisters of the Hood' ဆီမှာ သိုင်းပညာ သွားရောက်သင်ယူနေချိန်၊ ဟန်ဆယ်နဲ့ ဂရီတယ် (Hansel and Gretel) ကလေးနှစ်ယောက်ကို စုန်းမကြီးက ဖမ်းသွားတယ်ဆိုတဲ့ သတင်းကြောင့် အဖွား (Granny) က ကယ်တင်ဖို့ သွားခဲ့ပါတယ်။ ဒါပေမယ့် အဖွားပါ ထပ်ပြီး အဖမ်းခံလိုက်ရတဲ့အခါ، Red တစ်ယောက် သူမနဲ့ သိပ်ပြီး အဆင်မပြေတဲ့ လက်တွဲဖော် Wolf နဲ့အတူ ပူးပေါင်းပြီး အဖွားနဲ့ ကလေးတွေကို အချိန်မီ ကယ်တင်နိုင်ဖို့၊ ပြီးတော့ တကယ့် ဗီလိန်အစစ်က ဘယ်သူလဲဆိုတာကို စုံစမ်းဖော်ထုတ်ဖို့ ကြိုးစားရတဲ့ အက်ရှင်ဟာသ စွန့်စားခန်းကို ရိုက်ကူးထားတာပါ။ ပထမကားနဲ့ ယှဉ်လိုက်ရင် ၂၀၁၁ ခုနှစ်မှာ ထွက်ခဲ့တဲ့ ဒီဒုတိယကားရဲ့ 3D ရုပ်ထွက် ဟာ သိသိသာသာကို ပိုကောင်းလာပါတယ်။ အရောင်အသွေး ပိုစုံလင်ပြီး အက်ရှင်အခန်းတွေကလည်း ပိုပြီး သွက်လက်လာပါတယ်။ ဒါပေမယ့် ပထမကားတုန်းက ရုပ်ဆိုးပေမယ့် ချစ်စရာကောင်းတဲ့ အရသာမျိုးတော့ သိပ်မရတော့ပါဘူး။ အဖွား (Granny) နေရာမှာ Glenn Close နဲ့ Wolf နေရာမှာ Patrick Warburton တို့က ပြန်လည်ပါဝင်ပေးထားပေမယ့်၊ အဓိက ဇာတ်ကောင် Red နေရာမှာတော့ Anne Hathaway အစား Hayden Panettiere က အစားထိုး အသံဝင်ပေးထားပါတယ်။ Hayden ရဲ့ အသံက မဆိုးပေမယ့် Anne Hathaway ရဲ့ မူလ Red အသံကို မျှော်လင့်ထားတဲ့ ပရိသတ်တွေအတွက်တော့ နည်းနည်း ကွာဟသွားသလို ခံစားရနိုင်ပါတယ်။ ပထမကားကို ကြိုက်ခဲ့လို့ ဇာတ်ကောင်တွေရဲ့ နောက်ဆက်တွဲကို သိချင်တဲ့သူတွေ၊ ကလေးတွေနဲ့အတူတူ ပေါ့ပေါ့ပါးပါး ကြည့်ဖို့ အန်နီမေးရှင်းကား ရှာနေတဲ့သူတွေ အတွက်ကတော့ တစ်ခေါက်လောက် အပျော်ကြည့်လို့ ရတဲ့ ဇာတ်ကားမျိုး ဖြစ်ပါတယ်။ File size… 800 MB / 400 MB Quality… Blu-ray 1080p / 720p Format… mp4 Duration…. 1h 26m Genre ..... Animation, Action, Comedy, Family Subtitle…. Myanmar Subtitle (Hard Sub)

Merry Christmas ပါ CM ပရိတ်သတ် ကြီးရေ။ ခရစ္စမတ် ပိတ်ရက်မှာ အေးဆေးကြည့်ရအောင် ခရစ္စမတ်နဲ့ ဆိုင်တဲ့ ကာတွန်းကားလေး တစ်ကားတင်ဆက်ပေးလိုက်ရပာတယ်ခင်ဗျား။ မိသားစု သားသမီးတွေနဲ့ ပေါ့ပေါ့ ပါးပါး ရယ်ရယ်မောမော ကြည့်လို့အဆင်ပြေတာပေါ့ဗျာ။ ဒီကား လေးကတော့ IMDB 7.1 အထိရထားတယ်ဆိုတော့ သိပ်တော့ ပြောစရာ လိုမယ် မထင်ပါဘူး။ ခရစ္စမတ် ညမှာ ခလေးတိုင်း ရဲ့ အိမ်ကို ဆန်တာက လက်ဆောင်လေးတွေ လိုက်ပို့ တက်တယ် လို့ အယုံအကြည်ရှိကြပါတယ်။ ဒါပေမဲ့ ကမ္ဘာပေါ်က ဒီလောက်များတဲ့ကလေးတွေကို ဆန်တာ တစ်ယောက် ဘယ်လိုများ ပို့လဲ ပေါ့။ ဒီကားထဲမှာ အဲ့ အကြောင်းပြောပြထားပါတယ်။ တကယ်တော့ မြောက်ဝင်ရိုးစွန်းရဲ့ အောက်မှာ ဆန်တာ တို့က ခေတ်မှီ မြန်နှုန်းမြင့် စွပ်ဖားတွေ သုံးတာပေါ့။ ဒီနှစ်မှာလည်း လက်ဆောင် စုစုပေါင်း ၂ ဘီလီယံကို သယ်ပို့ပေးရမှာဆိုပါတော့။ ဒီလိုနဲ့ သယ်ပို့ ရေးလုပ်နေစဉ်မှာ မမျှော်လင့်တဲ့ အကြောင်းတစ်ခုကြောင့် လက်ဆောင်လေးတစ်ခုက ကျန်ခဲ့ပါတယ် အဲ့လက်ဆောင်လေးကို နတ်သူငယ်လေး တစ်ယောက်က တွေ့ပြီး အာသာ ကို အကြောင်းကြားတဲ့ အချိန်မှာ အာသာ တစ်ယောက် အဲ့လက်ဆောင်ကို အချိန်မှီ ပို့ပေးပို့ လုပ်ရပါတော့တယ်။ ခေတ်မှီ မြန်နှုန်း မြင့် စွပ်ဖား မရှိတော့တဲ့အချိန်မှာ ယခင်က ဒရယ်အိုတွေနဲ့ စွပ်ဖား အို ကြီး ပဲ ရှိပါတော့တယ် အဲ့စွပ်ဖား အိုကြီး နဲ့အတူ အာသာတစ်ယောက် လက်ဆောင် ကို အမြန်ဆုံး ဘယ်လို ရောက်အောင် ပို့မလဲ။ ဘယ်လို အလွဲလွဲ အချော်ချော် တွေဖြစ်မလဲ ဆိုတာကို ရယ်ရယ် မောမော ပေါ့ပေါ့ ပါးပါး နဲ့ ကြည့်ရှု့ရမှာပါ။ File Size : 2.3 GB / 1.1 GB Quality : WEB DL 1080p HEVC / 720p Running Time : 1h 37min Format : Mp4 Genre :Animation, Comedy, Adventure Subtitle : Myanmar Subtitle (Hard Sub) Source : 1080p BluRay x264 Subtitle by Gurelia Encoded by Tariq L Walker

Mars Needs Moms (2011) Disney နဲ့ ImageMovers တို့ ပူးပေါင်းထုတ်တဲ့ 3D Animated Film ဖြစ်ပါတယ်။ Disney လက်ရာနဲ့မတူဘဲ ကွဲထွက်နေတဲ့ လက်ရာကို မြင်ရမှာပါ။ ImageMovers Studio မပိတ်ခင် နောက်ဆုံးထုတ်ခဲ့တဲ့ ရုပ်ရှင်လည်းဖြစ်ပါတယ်။ ကုန်ကျတဲ့ Budget နဲ့ ပြန်ရတာ တအားကွာဟနေလို့ Disney အတွက် ဆုံးရှုံးမှု‌အတော်ကြီးခဲ့တဲ့ ကားဆိုရင်လည်း မမှားပါဘူး။ ဇာတ်လမ်းကတော့ ကိုးနှစ်အရွယ် မိုင်လိုဆိုတဲ့ကောင်လေးက မာရှန်တွေ (မားစ်ဂြိုဟ်သားတွေ) ပြန်ပေးဆွဲသွားတဲ့ သူ့အမေကို ကယ်တင်တဲ့အကြောင်းပါ။ မိုင်လိုက တစ်ညမှာ သူ့အမေနဲ့ စကားများပြီး သူ့မှာ အမေလုံး၀မရှိခဲ့ရင်ကောင်းမှာလို့ ပြောပစ်ပါတယ်။ တိုက်တိုက်ဆိုင်ဆိုင်ပဲ အဲဒီညမှာ မိုင်လိုရဲ့အမေကို မာရှန်တွေက မားစ်ဂြိုဟ်ဆီ ပြန်ပေးဆွဲသွားပါတယ်။ မိုင်လို သူ့အမေကို တောင်းပန်ဖို့ ဆင်းလာတဲ့အခါ တွေ့သွားပြီး လိုက်ခေါ်ရာက သူပါ မားစ်ဂြိုဟ်ပေါ် ပါသွားပါတယ်။ အဲဒီကနေ မာရှန်တွေ ပြန်ပေးဆွဲတဲ့ အကြောင်းရင်းကို သိသွားပြီး သူ့အမေကို ပြန်ခေါ်ဖို့ ကြိုးစားတာကို ကြည့်ရမှာပါ။ ဇာတ်ကွက်ကပဲ ရိုးနေလို့လား... လက်ရာကွဲသွားတာကြောင့် မအောင်မြင်တာလား အကဲဖြတ်ဖို့ အားပေးလိုက်ကြပါဦး။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.8GB, 710MB Quality - 1080p, 720p IMDb Rating - 5.4/10 Format - mp4 Duration - 1H 28Min Genre - Action, Adventure, Animation Subtitle - Myanmar Subtitle (Hardsub) Translated by Shune Lai KK Encoded by Y

ဒီဇာတ်ကားက ၂၀၁၀မှာထွက်ရှိခဲ့တာဖြစ်ပြီး animation တွေရဲ့ Villainစာရင်းမှာ ထိပ်ဆုံးနားအထိ စာရင်းချိတ်နိုင်တဲ့ ပန်းရောင် မွေးပွဝက်ဝံရုပ်ကြီး လော့ဆိုက ဒီဇာတ်ကားရဲ့ အမှတ်အသားလို ဖြစ်ခဲ့ပါတယ်။ ဒ ါ့အပြင် ဒီဇာတ်ကားက အန်ဒီဆိုတဲ့ ကောင်လေး တစ်ယောက်နဲ့ ဝူဒီတို့အရုပ်တွေကြားက နွေးထွေးတဲ့ ဆက်ဆံရေး ကို အကောင်းဆုံး အဆုံးသတ်ပေးနိုင်ခဲ့တဲ့ ဇာတ်လမ်းဆိုရင်လည်း မမှားပါဘူး။ အရွယ်ရောက်လာတဲ့ အန်ဒီက ကောလိပ်ကျောင်းကို သွားရတော့မှာမို့လို့ ဝူဒီကလွဲလို့ ကျန်တဲ့အရုပ်တွေကို ထပ်ခိုးထပ် ပေါ် ထားခဲ့ဖို့ လုပ်ခဲ့ပေမဲ့ မိသားစုချင်းနားလည်မှုလွဲကာ အမှိုက်ပုံး ထဲကို ရောက်သွားခဲ့ပါတယ်။ ဒါကိုအထင်လွဲသွားတဲ့ အရုပ်တွေက အမှိုက်ကားထဲ လိုက်သွားမယ့်အစား မူကြိုကျောင်းကိုသွားလှူမယ့် ပစ္စည်းပုံးထဲကို လိုက်သွားခဲ့ကြပါတယ်။ ဒီလိုနဲ့ ဆန်နီဆိုက်ဒ်ဆိုတဲ့ မူကြိုကျောင်းကို ရောက်လာပြီး အဲဒီမှာ နဂိုရှိပြီးသား လော့ဆိုတို့ အရုပ်အဖွဲ့ရဲ့ ကြိုဆိုမှုကြောင့် သူတို့တွေပြန်အဆင်ပြေတော့မှာလို့ ထင်ခဲ့ပေမဲ့ လက်တွေ့မှာ လော့ဆိုက မင်းသားမျက်နှာဖုံးနဲ့ ဘီလူး တစ်ယောက်လို ဖြစ်နေခဲ့တာကြောင့် မူကြိုကျောင်းကနေ အန်ဒီဆီ ပြန်ထွက်ပြေးလာဖို့ ကြိုးစားရပါတော့တယ်။ သူတို့ရဲ့ကြိုးစားမှုကအရာထင်ပါ့မလား၊ ကောက်ကျစ်ယုတ်မာတဲ့ လော့ဆိုတို့အဖွဲ့ကဘယ်လိုမျိုး ဒုက္ခပေးကြမလဲဆိုတာ ကြည့်ရှုရမှာပါ။ File size…5.5GB/ 2.4GB / 1.22GB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by JimX

အခုမိတ်ဆက်ပေမယ့် ဇာတ်လမ်းကတော့ ၂၀၀၉ ခုနှစ်က ထွက်ခဲ့ပြီး P.J.Hogan ရိုက်ကူးထားတဲ့ Confessions of A Shopaholic ဆိုတဲ့ ဇာတ်မြူးလေးပါ နယူးရော့ခ်မြို့ရဲ့ ပျော်ရွှင်စရာ ကမ္ဘာလေးထဲမှာ Rebecca Bloomwood ဟာ shopping ထွက်တဲ့နေရာမှာ တကယ်ကိုတော်တဲ့ ချစ်ဖို့ကောင်းတဲ့ ကောင်မလေးတစ်ယောက်ပါ တော်တယ်ဆိုတဲ့နေရာမှာ နည်းနည်းလေးတော့ တော်လွန်းနေသလိုပေါ့နော် သူဟာ သူ့ရဲ့အကြိုက်ဆုံး ဖက်ရှင်မဂ္ဂဇင်းမှာ အလုပ်လုပ်ဖို့ အိပ်မက်တစ်ခုလည်းရှိပါတယ် ဒါပေမယ့် အဲ့ဒီ company ကဘဲ ထုတ်ဝေတဲ့ စီးပွားရေး မဂ္ဂဇင်း အတွက် အကြံ ပေးအဖြစ် အလုပ်မလုပ်ခင်အထိ သူ့အိပ်မက်နားကို ခြေဦးတောင်မလှည့်နိုင်ခဲ့ပါဘူး နောက်ဆုံးတော့ သူ့အိပ်မက်တွေ တကယ်ဖြစ်လာခဲ့ချိန်မှာ သူ့အတိတ်တွေက သူ့ရဲ့လှပတဲ့အနာဂတ်ကိုဖျက်ဆီးမယ့် ရန်ကနေ ကာကွယ်ဖို့အတွက် ခါတိုင်းထက်ပိုရယ်စရာကောင်းပီး ပြင်းထန်တဲ့အားထုတ်မှုတွေကို သူကြိုးစားရပါတော့တယ် ဟာသဆန်ဆန် မြူးမြူးကြွကြွ ဇာတ်ကွက်လေးတွေနဲ့ မအီရအောင် ရိုက်ကူးထားတဲ့ ဇာတ်မြူးလေးမို့ Comedy ချစ် ပရိသတ်တွေ လက်မလွတ်သင့်တဲ့ ဇာတ်ကား လေးလို့ ညွှန်းပေးပါရစေ File Size : (800 MB) and (300 MB) Quality : Blu-Ray 720p Running Time : 1hr 44min Format : Mp4 Genre :Comedy, Family, Romance Subtitle : Myanmar Subtitle (Hard Sub) Source : 720p.BluRay.AC3.x264-UNiT3D Subtitle by Wai Linn Kyaw Encoded by Thanhtike Zaw

မမကြီး ကင်မရွန်းဒိုင်းယက်ဇ် ရဲ့ ၂၀၀၉ခုနှစ်ကဇာတ်ကားလေးပါ။ ဒီဇာတ်ကားလေးက စာရေးဆရာမ Jodi Picoult ရေးသားတဲ့ My sister 's keeper ဆိုတဲ့ ဝတ္ထုကိုပြန်လည်ရိုက်ကူးထားတာဖြစ်ပါတယ် ဒီဇာတ်လမ်းက အပြင်မှာတကယ်ဖြစ်ပျက်ခဲ့တဲ့ မော်လီနဲ့အဒန်မ်ဆိုတဲ့ ညီအစ်မနှစ်ယောက်အကြောင်းကိုအခြေခံထားတာဖြစ်ပါတယ် ဇာတ်လမ်းလေးက ဘရိုင်ယန်နဲ့ဆာရာတို့မှာ ဂျက်စီဆိုတဲ့သားလေးရယ် ကိတ်နဲ့အန်နာဆိုတဲ့သမီးနှစ်ယောက်ရယ်ရှိပါတယ် ဒါပေမဲ့ ကိတ်ဟာငယ်စဥ်ကတည်းက သွေးဖြူဥနည်းနေပြီး သွေးကင်ဆာစဖြစ်ခဲ့ပါတယ် ကိတ်ရဲ့သွေးကင်ဆာကိုကုသရာမှု လိုအပ်တဲ့ သွေးတစ်ရှူးတို့ ချဥ်ဆီရိုးတို့ပေးဖို့ကို ကိတ်ရဲ့မျိုးဗီဇနဲ့ကိုက်ညီတဲ့ အန်နာကပဲပေးရပါတယ် ဘရိုင်ယန်နဲ့ဆာရာဟာ ကိတ်နဲ့ကိုက်ညီမှုမရှိတာကြောင့် ကိတ်အတွက်ကိုယ်တွင်းအင်္ဂါလှူနိုင်မယ့်သူရှိအောင် အန်နာကိုထပ်မွေးခဲ့တာပါ အန်နာတစ်ယောက် မွေးကင်းစကတည်းကနေသူ့အစ်မအတွက် လှူပေးခဲ့ရတယ် နောက်တော့ ကျောက်ကပ်လှူရမယ်လုပ်တော့ သူမလှူချင်​တော့ပါဘူး ဒါကြောင့် သူမဟာ ဆေးကုသမှုနဲ့ပက်သက်ပြီး မိဘတွေရဲ့ထိန်းချုပ်မှုအောက်ကနေလွတ်မြောက်ဖို့အတွက် ရှေ့နေငှားပြီးတရားစွဲပါ​တော့တယ် ဒီဇာတ်ကားလေးမှာဆိုရင် အစ်မကိုအရေးပေးဂရုစိုက်လွန်းတဲ့မိဘတွေအကြားမှာအန်နာလေးရဲ့စိတ်ခံစားမှုတွေ ကိတ်ရဲ့ရောဂါခံစားနေရမှု အမေဖြစ်သူဆာရာရဲ့သမီးဇောနဲ့အတ္တကြီးမှုတွေကိုကြည့်ရှုရမှာပါ ဒီဇာတ်ကားလေးဟာ အဆုံးထိကြည့်ပြီးသွားပြီဆိုရင်တော့ စိတ်ထဲမှာတစ်ခုခုတော့ကျန်နေစေမယ့် ကားကောင်းလေးပါ။ File size…(1.5 GB)/(750 Mb) Quality….Webrip 1080p / 720p Format…mp4 Duration….01:49:00 Genre...Drama, Family Subtitle….Myanmar Subtitle (Hardsub) Encoder….Garfield Translated by Rubyjane

IMDb - 5.7/10 ကဲ ဒီတစ်ခေါက်တော့ ၂၀၀၅ လောက်က Animation Cartoon ကားကောင်း တစ်ခုဖြစ်တဲ့ Chicken Little ကို တင်ပေးလိုက်ပါတယ်.... CK Little လေးဟာ အမြဲတမ်း အကောင်သေးသေးလေးဖြစ်နေပြီး ဘယ်နေရာမှ လူဝင်မဆန့်ပါဘူး လူတိုင်းကလဲ သူနဲ့ မပေါင်းချင်သလို အကောင်ကြီးတွေကလဲ အမြဲပဲ သူ့ကို လိုက်စနေပါတယ် အဲ့ဒီလိုဖြစ်သွားရတဲ့ အကြောင်းအရင်းကလဲ တစ်ခါက မြိုကထဲက အရေးပေါ်ခေါင်းလောင်းကိုတီးပြီး ဂြိုလ်သားယဉ်ပျံရှိတယ်လို့ ပြောခဲ့ဖူးတဲ့ အတွက်ပါ အဲ့ဒီတုန်းက မြို့နေ လူအားလုံးဟာ အထိတ်တလန့်ဖြစ်ခဲ့ရပြီး CK Little ကိုလဲ ကျပ်မပြည့်တဲ့ ကြက်လေး လို့ မှတ်ယူလိုက်ကြပါတော့တယ် ဒါပေမယ့် တစ်နေ့မှာတော့ CK Little တို့ သူငယ်ချင်းအုပ်စုဟာ တကယ့် ဂြိုလ်သားယဉ် လာတာကို ရှာတွေ့သွားတဲ့ အခါမှာတော့..... ဒီကာတွန်းကားကို သီချင်းတွေက အစ ဘာသာပြန်ပေးထားသူကတော့ May Thazin Soe ဖြစ်ပြီး Thit San Khant မှ Encode ပေးထားပါတယ်။

၂၀၀၀ ခုနှစ်​ကျော်​ကာလတွေမှာ ခေတ်​စားခဲ့တဲ့ အမေရိကန်​ဟာသရုပ်ရှင်ကားတွေထဲက တစ်ကားနဲ့ မိတ်ဆက်​ပေးပါရစေ။ Family/Drama နဲ့ Comedy​ အမျိုး​အစား​ရုပ်ရှင်​ဖြစ်​ပြီး ၂၀၀၄ ခုနှစ်​က ထွက်ရှိ​ခဲ့ပါတယ်။ ဇာတ်လမ်း​အကျဥ်းကတော့ Helen Harris က နာမည်ကြီး​ ဖက်​ရှင်အေဂျင်စီတစ်ခုမှာ အလုပ်​လုပ်​တဲ့ ခေတ်​ဆန်​ဆန်မိန်းကလေးတစ်ဦးဖြစ်ပါတယ်။ တစ်နေ့​မှာ သူ့အစ်မအကြီးဆုံး Lindsay တို့​ဇနီး​မောင်နှံ​ ကား​မှောက်​ပြီး ကွယ်​လွန်​သွား​ကြပါတယ်။ Lindsay က သေတမ်းစာ​မှာ သူ့ရဲ့​သားသမီးသုံးယောက်ကို ညီမအလတ်ဖြစ်တဲ့ မိခင်​အဖြစ်​ အတွေ့အကြုံ​ရှိပြီးသား Jenny လက်​ထဲမအပ်ခဲ့ဘဲ ထူးဆန်း​စွာနဲ့ ညီမ​အငယ်ဆုံး Helen လက်​ထဲအပ်ခဲ့ပါတယ်။ ဒီလို​နဲ့ မိခင်​တစ်​ဦး​ဖြစ်ဖို့ အသင့်မဖြစ်သေးတဲ့ Helen နဲ့ ကလေး​သုံး​ဦး​တို့​ ဘယ်လိုစခန်းသွားကြမလဲဆိုတာကို ရယ်ရယ်မောမောကြည့်ရှုရမှာပါ။ ဟာသ​ရုပ်ရှင်​ဆို​ပေမဲ့​ မိသားစု၊ ချစ်​ခြင်း​မေတ္တာ​နဲ့ ကိုယ့်ကိုယ်ကို ပြန်​လည်ရှာဖွေခြင်း စတဲ့ theme တွေ ထိတွေ့​ထားတဲ့​ လေးနက်​ကြည်နူးဖွယ် Drama​ အငွေ့အသက်များလည်း ပါဝင်​ပါတယ်။ Lindsay​ က သူ့ကလေးတွေ အုပ်​ထိန်း​ခွင့်​ကို Helen လက်​ထဲ ဘာလို့​ထည့်ပေးခဲ့တာလဲ ဆိုတဲ့အဖြေကိုလည်း ဇာတ်လမ်း​အဆုံး​မှာ တွေ့မြင်​ရမှာဖြစ်ပါတယ်။ ၂၁ ရာစုအစပိုင်းက ဇာတ်ကား​ကောင်းလေးကို တစ်ဖန်ကြည့်ရှုခံစားလိုက်ကြပါဦး။ File size…(2.5 GB)/(1.3 GB) Quality….Webrip 1080p / 720p Format…mp4 Duration….01:49:00 Genre... Drama, Comedy, Romance  Subtitle….Myanmar Subtitle (Hardsub) Encoder….Mr. Anderson Translated by Wolfenheim

Looney Tunes: Back in Action ( 2003 ) ငယ်ငယ်က ဗီစီဒီနဲ့ အထပ်ထပ်ပြန်ကြည့်ရတဲ့ ရုပ်ရှင်ပေါ့။ Looney Tunesကာတွန်းဇာတ်ကောင်တွေရယ် ဝါနာဘရားသားက လူတွေရယ်ကို Fourth Wall Breakingသလို ပြပြီး ဂျိမ်းစ်ဘွန်းဆန်ဆန်ဇာတ်ကောင်ပါ ပေါင်းထည့်ထားတဲ့ စပိုင်ကားလိုလို ဟာသကားလိုလို စုံပလုံနေအောင် ဇာတ်ကွက်တွေစုံနေတဲ့ ရုပ်ရှင်ကိုး။ နောက် အင်ဒီယာနာဂျုန်းအခန်းတို့ The Psychoဇာတ်ဝင်ခန်းတို့ စတားဝါးတို့ အကုန်နီးပါး လျှောက်ထည့်ထားတယ်။ ဧရိယာ၅၁တွေရော ၅၂တွေရော ပါသလို နာမည်ကြီးပန်းချီဆရာတွေရဲ့ ပန်းချီကားတွေထဲ ဘတ်ဘန်နီနဲ့ ဒတ်ဖီ ဖြတ်ပြေးတဲ့အခန်းတွေလည်းပါတယ်။ ကစ်ဇုန်မှာ ဒီကမ္ဘာကျော်ပန်းချီကားတွေအကြောင်း မဖတ်ဖူးခင် မိုနာလီဇာကို ဒီရုပ်ရှင်ထဲ အရင်တေတွ့ဖူးတာဆိုရင်လည်း မမှားဘူး။ ရယ်လည်းရယ်ရသလို စပိုင်ကားအလန်းစားလိုလည်း ဖြစ်နေမယ့် အလန်းစားကားပါပဲ။ ငယ်ငယ်ကလည်း အထပ်ထပ်မရိုးခဲ့သလို အခုလည်းတော်တော်ကြည့်ကောင်းတဲ့ ရုပ်ရှင်ဖြစ်နေတုန်းပါပဲ။

ဂီတကိုရူးသွပ်တဲ့လူတစ်ယောက်....သူ့မှာ တီးကွက်ခပ်လှလှ သီချင်းစာသား ခပ်ရွရွတွေရှိပေမယ့် ကံတရားကြောင့်ပဲလား သူ့ရဲ့နေထိုင်မှုပုံစံကြောင့်ပဲလား မသိ အောင်မြင်မှုပန်းတိုင်ကိုရောက်ဖို့နေနေသာ အိမ်လခတောင်ပေးဖို့အနိုင်နိုင်....ကံကဆက်ဆိုးချင်တော့ တီးဝိုင်းအဖွဲ့ကလည်း သူ့ကို ထုတ်ပစ်လိုက်တယ်....လေလွင့်နေတဲ့သူဟာ အစားထိုးစာသင်ဖို့ကျောင်းဆရာအဖြစ်နဲ့လုပ်ရဖို့အကြောင်းဖန်လာတယ်...ကျောင်းရောက်တော့ .ကျောင်းသားကျောင်းသူတွေကိုသူတတ်တဲ့ဂီတပညာတွေသင်ပေးမိတယ် ဒီလိုနဲ့ ပါရီမီရှိတဲ့ကလေးတွေနဲ့သူ ဂီတပြိုင်ပွဲတစ်ခုအတွက် ကျောင်းမှာကြိုးစားလေကျင်ရင်း ပြင်ဆင်ကြတယ်....ဒီကားကိုကြည့်မိတော့ ခေါင်းဆောင်မင်းသား (Jack black)က ဂစ်တာတီးဟန် သီချင်းဆိုဟန်တွေကိုသတိထားမိတယ် .....ပြီးတော့ ကလေးတွေ ဒရမ်သမား ဂစ်တာသမား ဟာမိုနီသမားကောင်မလေးတွေ..ကီးဘုတ်တီးတဲ့သူ ....အားလုံးဟာ အပြင်မှာတကယ်တီးနေ ဆိုနေတာကိုရိုက်ထားသလားမှတ်နေရတယ်...ဒါကြောင့် school of rockဇာတ်ကားအကြောင်းနည်းနည်းစုံစမ်းကြည့်တော့  သရုပ်ဆောင်တွေအကုန်လုံးက အခုလက်ရှိအပြင်မှာလည်း Band တွေမှာနာမည်ရနေတဲ့လူငယ်လေးတွေပါတဲ့..ပြီးတော့the school of rockထဲကမှာသရုပ်ဆောင်ခဲ့တဲ့အတိုင်း အပြင်မှာ အတီးအဆိုနဲ့အောင်မြင်နေတဲ့သူတွေဖြစ်ပါတယ် ပြီးတော့ ခေါင်းဆောင်မင်းသား Jack Black ကအပြင်မှာလည်း ဂစ်တာစကေးကြီးဗျ...ကိုင်း   ဇာတ်လမ်းလန်းလန်းလေးနဲ့မြူးမြူးကြွကြွသချင်းလေးတွေခံစားချင်ရင်တော့.....IMDbကလည်း 7.1ဆိုတော့ ထွေထွေထူးထူးပြောစရာမလိုဘူးထင်ပါတယ်..... File Size…(885MB) and (355MB) Quality…BluRay 720p Format…mp4 Duration…01:48:00 Subtitle…Myanmar Subtitle(Hardsub) Encoder…..Phyo Pyae Subtitle by ...Honest Abe

High Fidelity (2000) IMDb Rating (7.4) / Rotten Tomatoes (91%) အသက် ၃၀ အရွယ် အခွေဆိုင်ပိုင်ရှင် ရော့က အချစ်ရေးမှာ ကျွန်းခံနေတဲ့သူတစ်ယောက်ပေါ့.. တွဲသမျှကောင်မလေးတိုင်းနဲ့အဆင်မပြေဖြစ်နေရတာကြောင့် သူဘာကြောင့် အချစ်ရေးမှာ ကံဆိုးရတာလဲဆိုတာကို သိချင်နေခဲ့တယ်.. သူတွဲခဲ့တဲ့ ကောင်မလေးတွေထဲက ထိပ်ဆုံး ၅ ယောက်နဲ့ ဘယ်လိုတွေ တွေ့ဆုံခဲ့ပြီး ဘယ်လိုတွေ ထားခဲ့ခံရမလဲ? ဒီအထဲကမှ သူတကယ်ချစ်ပြီး လက်ထပ်ချင်ခဲ့တာ ဘယ်သူလဲ? အချစ်ဆိုတာဘာလဲဆိုတာကို နားမလည်ခဲ့တဲ့ ရော့က နောက်ဆုံးမှာ သူ့အချစ်စစ်ကိုရှာတွေ့သွားမလား? ဆုံးရှုံးပြီးမှ တန်ဖိုးထားရကောင်းမှန်းသိခဲ့တဲ့ ရော့ဟာ သူတကယ်ချစ်တဲ့ ကောင်မလေးရဲ့ အချစ်ကို ပြန်လည်ရယူနိုင်ပါ့မလား? အချစ်ဟာသ ဇာတ်လမ်းတွဲလေးဖြစ်ပြီးတော့ ရှုပ်ထွေးတဲ့အချစ်ဇာတ်လမ်းကြားမှာ ရော့တစ်ယောက် ဘာတွေဆက်ဖြစ်မလဲဆိုတာကို ပေါ့ပေါ့ပါးပါးဟာသလေးတွေနဲ့ ပုံဖော်ရိုက်ကူးထားတဲ့ဇာတ်လမ်းကောင်းတစ်ပုဒ် ဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(8.3 GB) / (1.9 GB) / (1 GB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Comedy, Drama, Music, Romance Duration….01:53:59 Subtitle….Myanmar Subtitle (Hardsub) Encoder….Benjamin Translated by Su Mon

Where the Heart Is (2000) သည် စိတ်လှုပ်ရှားစရာ ၊ ရယ်စရာနှင့် ချစ်ခြင်းတွေကို ပေါင်းစပ်ဖော်ပြထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းအရ Novalee Nation (Natalie Portman)ကို သူ့ချစ်သူက Walmart မှာ ထားခဲ့တဲ့အတွက် တစ်ယောက်ထဲ နေထိုင်ဖို့ အခက်အခဲတွေကို ရင်ဆိုင်ကျော်ဖြတ်ခဲ့ရတယ် ။ ဒါပေမယ့် သူ့ရဲ့ ရယ်စရာလေးတွေ နှင့် အားပေးတတ်မှု ကြင်နာတတ်မှုတွေ နဲ့ ချစ်ခြင်းကို ရှာဖွေတွေ့ရှိခဲ့ပြီးတော့ အနာဂတ်သစ်တစ်ခု ပတ်ဝန်းကျင်အသစ်တစ်ခု စတင်နိုင်ခဲ့ပါတယ် ။ ဒါရိုက်တာ Matt Williams ရဲ့ရိုက်ကူးမှုကတော့ ဇာတ်လမ်းကို စိတ်လှုပ်ရှားစွာ ပြည့်စုံစေခဲပါတယ် Natalie Portman် အလှတရားနှင့် ဇာတ်ရုပ်တွေကြောင့် သူမရဲ့ Novalee ကို စိတ်ဝင်စားဖွယ်ဖြစ်စေပါတယ်။ ဇာတ်ပို့တွေဖြစ်တဲ့ Stockard Channing, Joan Cusack နှင့် Ashley Judd တို့ရဲ့ သရုပ်ဆောင်မှုတွေကလည်း ဇာတ်လမ်းကို ပိုမိုကောင်းမွန်စေပြီးတော့ ရယ်စရာတွေ နှင့် စိတ်ပျော်ရွှင်စရာလေးတွေ ဖြစ်စေမှာပါ ။ Where the Heart Is ကတော့ အချစ်နဲ့ ရယ်စရာဟာသလေးတွေကို လှပစွာ ပေါင်းစပ်ထားတဲ့ ရုပ်ရှင်တစ်ကား ဖြစ်ပြီးတော့ အားလုံးကို စိတ်ပျော်ရွှင်စေဖို့ နဲ့ အားတက်စရာလေးတွေဖြစ်စေမှာပါ ။ drama လေးတွေ ပျော်စရာလေးတွေသဘောကျတတ်တယ် စိတ်ကြည်ကြည်နဲ့ကြည့်ချင်တယ်ဆိုရင်တော့ ကြည့်ဖို့သင့်ပါတယ်။ File size…(2.3 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Romance, Comedy, Drama  Subtitle….Myanmar Subtitle (Hardsub) Encoder….Swan Min Htet Translated by Banyar Aung

Thriller/Crimeထဲမှာမှ Terroristဇာတ်ကားမျိုးဖြစ်ပါတယ်။ ဇာတ်လမ်းထဲမှာ "မိုက်ကယ်ဖာရာဒေး"နဲ့ "အော်လစ်ဗာလန်း"ကတော့ အဓိကဇာတ်ဆောင်တွေပေါ့။ "မိုက်ကယ်ဖာရာဒေး"ဆိုသူ သမိုင်းဘာသာရပ်ပါမောက္ခက သီးခြားနေတတ်ပေမဲ့ ဉာဏ်လည်းကောင်း၊စိတ်ရင်းလည်းကောင်းသူတစ်ဦးပါ။ ဒီလိုနဲ့ အာလင်တန်လမ်းမှာရှိတဲ့ ဖာရာဒေးရဲ့အိမ်ရှေ့မျက်စောင်းထိုးအိမ်ကို မိသားစုတစ်စုပြောင်းလာခဲ့တယ်။ ဖာရာဒေးရဲ့အိမ်နီးချင်းအသစ် အော်လစ်ဗာမှာ ကြောက်ဖို့ကောင်းတဲ့လျို့ဝှက်ချက်တစ်ခုရှိနေတယ်။ အဲဒီလျို့ဝှက်ချက်က ဘဝပေါင်း​များစွာကို နေ့ချင်းညချင်း ပြောင်းလဲသွားစေနိုင်တဲ့ လျို့ဝှက်ချက်မျိုးပါ။ ဖာရာဒေးရိပ်မိသွားတဲ့အခါ ဘာတွေဆက်ဖြစ်မလဲ FBIအေးဂျင့်တစ်ဦးဖြစ်ခဲ့တဲ့ဇနီးသည်လီရယ်ကို ဆုံးရှုံးထားတဲ့ဖာရာဒေးရဲ့ဘဝထဲမှာ အိမ်နီးချင်းအသစ်ရောက်လာတဲ့အခါ ဖာရာဒေးဘဝက ဘယ်လိုအပြောင်းအလဲတွေဖြစ်သွားမလဲ။ သမိုင်းမှာဘယ်လိုနာမည်မျိုးကျန်ရစ်မလဲ။ ရက်အနည်းငယ်အတွင်းမှာပဲ လူတစ်ယောက်ရဲ့ဘဝထဲမှာ အရာအားလုံးဖြစ်ပျက်သွားနိုင်ပါတယ်။ သရုပ်ဆောင်တွေက actingအရမ်းတော်ပြီး ဇာတ်လမ်းဇာတ်ကွက်ရော အဆင့်မြင့်မြင့်ရိုက်ကူးထားတဲ့ကားတစ်ကားမျိုးဖြစ်တာမို့လို့ အချိန်ပေးကြည့်ရတာအရမ်းတန်လို့ ဒေါင်းကြည့်ဖို့ကို recommendပေးပါတယ်နော် File size…(2 GB)/(1GB) Quality….Webrip 1080p / 720p Format…mp4 Duration….01:58:00 Genre...Drama,Crime,Thriller,Mystery Subtitle….Myanmar Subtitle (Hardsub) Encoder….Mr. Anderson Translated by Su Eaindra

ဒီဇာတ်လမ်းက ၁၉၉၉ခုနှစ်မှာ ထွက်ရှိခဲ့တာဖြစ်ပြီး ဂျက်စီဆိုတဲ့ ကောင်းဘွိုင်မလေးနဲ့ ဝူဒီရဲ့မြင်းလေး ဘူးလ်အိုင်းစ်တို့ စပါလာတဲ့ ဇာတ်ကားလေးပါ။ အန်ဒီတစ်ယောက်ဆော့နေရင်း ဝူဒီရဲ့လက်က မတော်တဆပြဲသွားတာကြောင့် နောက်မှပြန်ချုပ်ဖို့ သိမ်းထားချိန် အန်ဒီ့အမေရဲ့ နားလည်မှုလွဲမှုကြောင့် အိမ်ပစ္စည်းအဟောင်းတွေ ရောင်းမယ့်ပုံးထဲ ဝူဒီတစ်ယောက်ပါသွားခဲ့ပါတယ်။ အဲဒီအချိန်မှာ မြို့ထဲက အရုပ်ဆိုင်ပိုင်ရှင်က မြင်သွားပြီး ဝူဒီကို ရှားပါးအရုပ်မှန်း သိနေတာကြောင့် ပစ္စည်းပုံးထဲက ခိုးသွားခဲ့ပါတယ်။ အရုပ်သည်ရဲ့ ဆိုင်မှာ ဝူဒီရဲ့လူဆိုးဖမ်းဂိုဏ်းလို့ ပြောရမယ့် ဂျက်စီနဲ့ဘူးလ်အိုင်းစ် နှစ်ယောက်နဲ့ စဆုံခဲ့ပါတယ်။ အရုပ်သည်ရဲ့အကြံက ရှားပါးအရုပ် ဖြစ်တဲ့ ဝူဒီတို့ကို ဂျပန်ကအရုပ်ပြတိုက်ကို ရောင်းပစ်လိုက်ဖို့ပါပဲ။ အစပိုင်းမှာ ဝူဒီက အိမ်ပြန်ဖို့ကြိုးစားခဲ့ပေမဲ့ ဂျက်စီတို့အဖွဲ့ နားချ တာကြောင့် သူတို့နဲ့ပဲအတူနေဖို့ ဆုံးဖြတ်ခဲ့ပါတယ်။ အဲဒီအချိန်မှာ အရုပ်သည်လက်ထဲပါသွားတဲ့ ဝူဒီနောက်ကို ဘတ်ဇ်တို့တစ်သိုက် လိုက်ကယ်ဖို့ ကြိုးစားရင်းနဲ့ အရုပ်ဆိုင်ထိ ရောက်လာခဲ့ပါတယ်။ တစ်ချိန်ကျရင် အန်ဒီစွန့်ပစ်သွားမှာစိုးလို့ ပြန်မလိုက်ချင်တော့တဲ့ ဝူဒီကို ဘတ်ဇ်တို့အဖွဲ့ ပြန်ခေါ်နိုင်မှာလား၊ ဘယ်လိုအခက်အခဲတွေ ကြုံရဦးမလဲဆိုတာ ကြည့်ရှုရမှာပါ။ File size…4.8GB / 2.1GB / 1GB Quality…4k HEVC / BluRay 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….Thit San Khant Translated by JimX

ဆောင်းပါးရေးဆရာ Ike ဟာ အရက်ဆိုင်မှာ အမူးသမားတစ်ယောက် ပြောပြတဲ့အကြောင်းကို ကြားပြီး သူ့ပင်တိုင်ဆောင်းပါးအတွက် ရေးလိုက်ပါတယ်။ အကြောင်းအရာကတော့ မင်္ဂလာဆောင်ခါနီးတိုင်း ထွက်ပြေးတတ်တဲ့ သတို့သမီးတစ်ယောက်အကြောင်းပါ။ ဆောင်းပါးက ဟိုးလေးတကျော် ဖြစ်သွားပေမယ့် သူ့အရေးအသားတွေကြောင့် Ike ကို အမျိုးသမီးဝါဒဆန့်ကျင်သူအဖြစ် သတ်မှတ်ကြပြီး အလုပ်ပါ ပြုတ်သွားတယ်။ ဂုဏ်သိက္ခာကို ပြန်အဖတ်ဆယ်ဖို့နဲ့ အလုပ်ပြန်ရဖို့အတွက် Ike ဟာ အဲဒီသတို့သမီးနေတဲ့ မြို့ငယ်လေးဆီ သွားပြီး သူ့အကြောင်း စုံစမ်းပါတော့တယ်။ မင်္ဂလာဆောင်ခါနီးမှ ဘာကြောင့် အကြိမ်ကြိမ် ထွက်ပြေးရတာလဲ၊ မြို့ကိုရောက်လာတဲ့ Ike နဲ့ သူ့ကြားမှာ ဘယ်လိုအဖြစ်တွေ ပေါ်လာမလဲဆိုတာကို ဆက်ပြထားတဲ့ အချစ်ဟာသဇာတ်ကားပါ။ Richard Gere နဲ့ Julia Robert တို့ ပါဝင်သရုပ်ဆောင်ထားပါတယ်။

ဒီတစ်ခါမှာတော့ IMDB-7.3/10ရရှိထားတဲ့ Comedy action ဇာတ်ကားလေးတစ်ခုကိုတင်ဆက်ပေးချင်ပါတယ် John Cusack, Dan Aykroyd, Minnie Driver တို့က အဓိကပါဝင်သရုပ်ဆောင်ထားပါတယ် ဇာတ်လမ်းအကျဥ်း ပရော်ဖက်ရှင်နယ်ကြေးစားလူသတ်သမား မာတင်ဘလန့်ဟာ မီချီဂန်ပြည်နယ် ဂရော့စ်ပွိုင့်မှာ လုပ်ကြံရေးမစ်ရှင်တစ်ခုကိုလက်ခံလိုက်ပါတယ် သူ့ရဲ့မွေးရပ်မြေလည်းဖြစ်တာကြောင့် အဲ့ဒီကိုအလုပ်ကိစ္စနဲ့ရောက်ရင်း 10နှစ်ကြာခဲ့ပြီဖြစ်တဲ့ အထက်တန်းကျောင်းက ကျောင်းသားဟောင်းတွေ့ဆုံပွဲကိုတက်ဖို့စီစဥ်ခဲ့ပါတယ် ဘလန့်ဟာ သူကြီးပြင်းခဲ့တဲ့မြို့လေးကိုပြန်ရောက်ချိန်မှာ သူ့ရဲ့ငယ်သူငယ်ချင်းတွေရော သူ့ရဲ့မေ့မရတဲ့ငယ်ချစ်ဦးကိုလည်းပြန်တွေ့ရပြီး ဒီတစ်ခါမစ်ရှင်ပြီးရင် ဒီအလုပ်ကိုစွန့်လွှန့်ဖို့ဆုံးဖြတ်လိုက်ပါတယ် ဒါပေမဲ့ အဲ့ဒီမြို့မှာ သူ့ကိုပြန်လုပ်ကြံမယ့် တခြားသူတွေလည်းရှိနေတာကိုသိလိုက်ရတဲ့အခါမှာတော့...... File size…(1.6 GB)/(901 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

Gomez နဲ့ Morticia တို့မှာ ကလေးတစ်ယောက် ထပ်ရလာတဲ့အခါ Wednesday နဲ့ Pugsley တို့က မောင်ငယ်လေးကို သတ်ဖို့ ကြံကြပါတယ်။ ဒါပေမဲ့ သူတို့အကြံ မအောင်မြင်ဘဲ မိဘနှစ်ပါးရဲ့ ဆူပူတာကိုပဲ ခံလိုက်ရတယ်။ နောက်တော့ ကလေးကို ထိန်းပေးဖို့ Addams မိသားစုက Debbie ဆိုတဲ့ ကလေးထိန်းတစ်ယောက်ကို ငှားလိုက်ပါတယ်။ သူတို့မသိထားတာက Debbie ဟာ သူဌေးတွေနဲ့ လက်ထပ်ပြီး အမွေရဖို့ ခင်ပွန်းတွေကို သတ်တတ်တဲ့ ကွင်းဆက်လူသတ်သမား ဖြစ်နေတာပါ။ ဒီတစ်ခါ သူ့ပစ်မှတ်က Uncle Fester ဖြစ်လာတယ်။ အကင်းပါးတဲ့ Wednesday ကတော့ Debbie ကို မသင်္ကာစပြုလာပါပြီ။ ကိုယ့်မောင်လေးကို ကိုယ်ကလွဲလို့ ဘယ်သူမှ မနှိပ်စက်ရဘူးဆိုတဲ့ Wednesday တစ်ယောက် ဒီအန္တရာယ်ကနေ မိသားစုကို ဘယ်လိုကာကွယ်မလဲဆိုတာ ဆက်ကြည့်ရမှာပါ။ Addams မိသားစုဟာ ပတ်ဝန်းကျင်က လက်ခံထားတဲ့ ကျင့်ဝတ်တွေ၊ စံနှုန်းတွေနဲ့ အတော်ကွာခြားတဲ့သူတွေပါ။ ဟန်မဆောင်ဘဲ ယုတ်မာတတ်ကြသလို သဘောရိုးနဲ့လည်း တစ်ဖက်သားကို ခြေထိုးခံတတ်ကြတယ်။ အပြင်လူတွေက သူတို့ကို နားမလည်နိုင်ပေမဲ့ သဘောချင်းတူတဲ့ အမျိုးအဆွေတွေကြားမှာတော့ ချစ်ခင်လေးစားခံရတဲ့ မိသားစုဖြစ်ပါတယ်။ ဒီဇာတ်ကောင်တွေကို ၂၀ ရာစု အမေရိကန်မိသားစုတွေရဲ့ စံအတွေးအမြင်တွေကို သရော်ဖို့ ဖန်တီးခဲ့တာပါ။ အမေရိကန်ကာတွန်းဆရာ Charles Addams ဖန်တီးခဲ့တဲ့ ဒီမိသားစုကို The New Yorker မဂ္ဂဇင်းမှာ ၁၉၃၈ ခုနှစ်ကတည်းက စတင်ဖော်ပြခဲ့ပြီး Tom & Jerry ထက် နှစ်နှစ်စော ပေါ်လာခဲ့ပါတယ်။ ၁၉၆၄ ခုနှစ် The Addams Family တီဗီစီးရီးမှာမှ ဇာတ်ကောင်တွေကို နာမည်ပေးခဲ့တာဖြစ်ပြီး အဲဒီကနေ စီးရီးနဲ့ ရုပ်ရှင်တွေ ဆက်ထွက်လာခဲ့တယ်။ ၁၉၉၁ ကနေ ၁၉၉၉ အတွင်း ရုပ်ရှင်သုံးကား၊ ၂၀၁၉ နဲ့ ၂၀၂၁ မှာ အန်နီမေးရှင်းနှစ်ကား ထွက်ခဲ့ပြီး ၂၀၂၂ မှာတော့ တင်ဘာတန်ရဲ့ Wednesday ထွက်လာခဲ့ပါတယ်။ ဗီဒီယိုဂိမ်းတွေ၊ ပညာရပ်ဆိုင်ရာစာအုပ်တွေအထိ ရောက်ရှိလာတဲ့ Addams မိသားစုဟာ အမေရိကန်ကာတွန်း၊ ရုပ်ရှင်နဲ့ ရုပ်သံလောကမှာလည်း လွှမ်းမိုးမှုရှိခဲ့ပါတယ်။

၁၉၉၂ ခုနှစ်က ထွက်ရှိခဲ့တဲ့ "Toys" ရုပ်ရှင်ဟာ သာမန် ဟာသကားတစ်ကားထက် အများကြီး ပိုပါတယ်။ ကွယ်လွန်သူ သရုပ်ဆောင်ကြီး Robin Williams ခေါင်းဆောင်ပါဝင်ထားပြီး စိတ်ကူးယဉ်ဆန်ဆန်နဲ့ အရောင်အသွေးစုံလင်တဲ့ ကမ္ဘာလေးတစ်ခုကို ပန်းချီကားတစ်ချပ်လို ဖန်တီးပြထားတဲ့ ထူးခြားတဲ့ ဇာတ်ကားဟောင်းလေး တစ်ကားပါ။ ဇာတ်လမ်းလေးက ကလေးတွေအတွက် ရည်ရွယ်ပြီး အရုပ်တွေထုတ်လုပ်တဲ့ စက်ရုံပိုင်ရှင်ကြီး ဆုံးပါးသွားရာကနေ စတင်ပါတယ်။ စက်ရုံကို ဆက်ခံဖို့အတွက် ပိုင်ရှင်ကြီးက သူ့ရဲ့သားဖြစ်သူ Leslie (Robin Williams) ကို မပေးဘဲ စစ်တပ်က အငြိမ်းစား ဗိုလ်ချုပ်ဖြစ်တဲ့ သူ့အစ်ကိုကို လွှဲပေးခဲ့ပါတယ်။ ပြဿနာက အဲဒီဗိုလ်ချုပ်ကြီးဟာ ကလေးတွေဆော့တဲ့ ချစ်စရာအရုပ်တွေအစား အကြမ်းဖက်စစ်လက်နက်တွေ၊ တိုက်ခိုက်ရေးအရုပ်တွေကို ပြောင်းလဲထုတ်လုပ်ဖို့ ကြိုးစားလာတာပါပဲ။ ဒီတော့ ကလေးဆန်ပြီး အပြစ်ကင်းတဲ့ Leslie တစ်ယောက် ဖခင်ဖြစ်သူရဲ့ တန်ဖိုးထားရတဲ့ အရုပ်စက်ရုံလေးကို စစ်လက်နက်စက်ရုံအဖြစ် အပြောင်းမခံရအောင် ဘယ်လို ကာကွယ်မလဲဆိုတာကို ရိုက်ကူးတင်ဆက်ထားတာ ဖြစ်ပါတယ်။ ဒီဇာတ်ကားကို ကြည့်ရတဲ့ အရသာက ထူးဆန်းတဲ့ ပန်းချီပြခန်းတစ်ခုထဲ ရောက်သွားသလိုပါပဲ။ ရုပ်ရှင်ရဲ့ နောက်ခံအပြင်အဆင် (Set Design) တွေ၊ ဇာတ်ကောင်တွေရဲ့ ဝတ်စုံတွေနဲ့ အရောင်အသွေး အသုံးပြုထားပုံတွေက တကယ့်ကို အနုပညာဆန်လွန်းပါတယ်။ ဒါ့အပြင် လူတွေကို အမြဲ ပြုံးပျော်စေခဲ့တဲ့ Robin Williams ရဲ့ ပေါ့ပေါ့ပါးပါးနဲ့ သဘာဝကျကျ သရုပ်ဆောင်ချက်တွေကို ပြန်လည်လွမ်းဆွတ် မြင်တွေ့ရမှာပါ။ "Toys" ဟာ အက်ရှင်တွေ၊ အချိတ်အဆက်မိလွန်းတဲ့ ဇာတ်လမ်းသွားတွေထက်စာရင် အမြင်အာရုံ ခံစားမှု (Visual Art) နဲ့ စိတ်ကူးယဉ်ဆန်မှုကို ပိုပြီး ဦးစားပေးထားတဲ့ ကားမျိုးပါ။ ငယ်ဘဝက အမှတ်တရတွေကို ပြန်လည်ခံစားချင်သူတွေ၊ ခေတ်ဟောင်း ရုပ်ရှင်ကားတွေရဲ့ ဂန္ထဝင်ဆန်ဆန် ရိုက်ကူးတင်ဆက်မှုတွေကို သဘောကျတတ်သူတွေအတွက်တော့ အေးအေးဆေးဆေးနဲ့ သက်တောင့်သက်သာ ကြည့်ရှုခံစားနိုင်မယ့် ဇာတ်ကားကောင်းလေး တစ်ကားဖြစ်ကြောင်း ညွှန်းဆိုပေးလိုက်ပါတယ်။ File size…    3,32GB / 1,4 GB Quality…Blu-Ray 1080p / 720p Format… mp4 Duration…. 2h 2m Genre ..... Comedy , Fantasy , Sci- Fi Subtitle…. Myanmar Subtitle (Hard Sub)

Hero (1992) Super Hero ဇာတ်လမ်းမဟုတ်တဲ့ လက်တွေ့ဘဝထဲက လူသားဆန်တဲ့ သူရဲကောင်း ၂ ယောက်အကြောင်း ရိုက်ကူးထားတဲ့ Hero (1992) ကတော့ ဟာသ ဒရမ်မာဇာတ်ကားကောင်း တစ်ကားဖြစ်ပါတယ်။ ⸻ 🏆 ရရှိခဲ့သောဆုများ Outstanding Television Movie recognition at (the Satellite Awards) ⸻ 🎭 သရုပ်ဆောင်များ • Andy Garcia (Bernie LaPlante အဖြစ်) • Geena Davis (Gale Gayley အဖြစ်) • Dustin Hoffman (John Bubber အဖြစ်) • Joan Cusack (Evelyn အဖြစ်) • Maury Chaykin (Winston အဖြစ်) ⸻ 📖 ဇာတ်လမ်းအကျဉ်း Hero ဇာတ်ကားဟာ Bernie LaPlante ဆိုတဲ့ ချို့ယွင်းချက်တွေအများကြီးရှိတဲ့ သာမန်လူတစ်ယောက်ရဲ့ ဇာတ်လမ်းဖြစ်ပါတယ်။ လေယာဉ်ပျက်ကျတဲ့ ခရီးသည်တွေကို မတော်တဆ ကယ်တင်လိုက်ရာကနေ ဇာတ်လိုက်တစ်ယောက်ဖြစ်လာရပေမယ့်၊ အခြားလူတစ်ယောက်ဆီက ဒီဂုဏ်ပုဒ်ကို လုယူခံလိုက်ရပါတယ်။ Bernie ဟာ အမှန်တရား၊ ပင်ကိုယ်ရိုက်နဲ့ ဇာတ်လိုက်စစ်စစ်ဖြစ်ခြင်းရဲ့ အဓိပ္ပာယ်ကို ပြန်လည်ရှာဖွေရင်း ရုန်းကန်ရတဲ့ ဇာတ်လမ်းဖြစ်ပါတယ်။ စွမ်းရည်ပြည့် သရုပ်ဆောင်မှုတွေ၊ ဟာသ၊ ရင်သပ်ရှုမောဖွယ်နဲ့ စိတ်ထိခိုက်ဖွယ်အခြေအနေတွေ ရောစပ်ထားတဲ့ ဒီဇာတ်ကားထဲကနေ လူသားပီပီ သူရဲကောင်းဆန်တတ်စေဖို့ သင်ယူမိစေမှာလည်း ဖြစ်ပါတယ်။ File Size - 2.54 GB/ 1.05 GB Quality - WEB-DL 1080p/ 720p Duration - 2h Format - mp4 Genre - Comedy, Drama Subtitle - Myanmar Subtitle (Hard Sub)

Say Anything... (1989) ~ IMDb - 7.3/10, RT - 98%, Meta - 86% ~ Say Anything က Ghostတို့ Titanicတို့ 10 Things I Hate About You တို့လို When Harry Met Sally... တို့လို Classic Romance ကားပဲ။ အနီးစပ်ဆုံးအရသာတူတာကတော့ When Harry Met Sally... နဲ့လို့ ပြောရမယ်။ တစ်နှစ်တည်းထွက်တဲ့ ရိုမန့်ဟာသကားချင်းအတူတူကိုး။ သူ့ဇာတ်ကတော့ အထက်တန်းကျောင်း ကျောင်းဆင်းပွဲနေ့ကနေစတယ်။ ကျောင်းက အရာရာတော်နေတဲ့ ထက်မြက်တဲ့ကျောင်းသူလေးကို သွားကြိုက်မိတဲ့ ပေတေတေနေတဲ့ကောင်လေးတစ်ယောက်က သူအဲဒီကောင်မလေးကို ချစ်မိနေတဲ့အကြောင်း သူ့ဘော်ဒါနှစ်ယောက်ကို ပြောရာကစတယ်။ သူ့ဘော်ဒါမတွေကတော့ သူ့ကို မဖြစ်နိုင်တာတွေ မလုပ်နဲ့ ဘာညာ တားကြပေမဲ့ သူကတော့ ရအောင်လိုက်မယ်ဆိုပြီး လိုက်လေရဲ့။ ကောင်မလေးက သူ့ကို စိတ်ဝင်စားပေမဲ့လည်း အဖေတစ်ခုသမီးတစ်ခုနေနေတဲ့ သူတို့ဘဝမှာ သူ့အဖေရဲ့ အတွေးတွေက သူ့ကို လွှမ်းမိုးထားတော့ သူ့စိတ်အတိုင်းသွားရခက်နေခဲ့တယ်။ ဒီလိုနဲ့ကောင်လေးကပဲ ကောင်မလေးကို ပြောင်းလဲပေးနိုင်မလား။ ကောင်မလေးကပဲ ကောင်လေးကို ပြောင်းလဲပေးသွားမလားဆိုတဲ့ ဇာတ်ပေါ့။ A Walk to Remember နဲ့တောင် နည်းနည်းခပ်ဆင်ဆင်ပဲ။ ဒါပေမဲ့ Say Anything ကတော့ ကလပ်စစ်ပိုဖြစ်သလို သူ့ထဲက ကတ်ဆတ်ကြီးအကျယ်ကြီးဖွင့်ပြီး မ,လာပြီး ကောင်မလေးအိမ်ရှေ့ရောက်လာတဲ့အခန်းကတော့ ရိုမန့်ရုပ်ရှင်သမိုင်းရဲ့ Iconic အခန်းတွေထဲပါသလို သူ့ဇာတ်ကလည်း Reality တော်တော်ဆန်တဲ့ဘက်ကို သွားတယ်။ ဇာတ်ကြောင်းက Romanceကားပေမဲ့ Reality မတရားဆန်နေတော့ ဇာတ်ကြောင်းသစ်သလိုဖြစ်နေတယ်။ ရုပ်ရှင်ကတော့ ဆယ်ကျော်သက်ရုပ်ရှင်ဆန်ပေမဲ့ အတွင်းမှာ ပိုနက်နဲခါးသက်တဲ့အရာတွေကိုလည်း ထည့်ထားတဲ့ရုပ်ရှင်လို့ ပြောကြပေမဲ့လည်း တကယ်တမ်း ဒီရုပ်ရှင်ကြည့်ဖို့ ဒါတွေမလိုပါဘူး။ Say Anything ဟာ အတန်းထဲက ကိုယ်ကြိတ် Crushနေတဲ့ ကောင်မလေးကို ရဲရဲတင်းတင်းလိုက်ပိုးရင်း ကောင်မလေးဘက်က အခြေအနေပေးလာတဲ့ အချစ်ဇာတ်လမ်းလေးရဲ့ အခင်းအကျင်းမှာ ဘဝတွေအတိုင်း မိသားစု ကျောင်းစတဲ့ လွမ်းစရာဆွေးစရာ အဖြစ်တွေပေါ်လာတဲ့ ဇာတ်ပါပဲ။ တစ်ခါတလေ ဒါတွေက ကျွန်တော်တို့ငယ်ဘဝတွေပေါ့။ တစ်ခါတလေ လွမ်းစရာအတိနဲ့ ဇာတ်တွေ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.5GB, 930MB Quality - 1080p, 720p IMDb Rating - 7.3/10 Format - mp4 Duration - 1H 40Min Genre - Comedy, Drama, Romance Subtitle - Myanmar Subtitle (Hardsub) Translated by WiRa Aung Encoded by Y

Broadcast News (1987) IMDB : 7.3 Rotten Tomatoes : 98% Genre : Romance / Comedy James L. Brooks ရိုက်ကူးခဲ့တဲ့ ၁၉၈၇ ခုနှစ်ထွက် "Broadcast News" ဇာတ်ကားဟာ သတင်းလောကရဲ့ နောက်ကွယ်က အဖြစ်အပျက်တွေ၊ အချစ်ဇာတ်လမ်းနဲ့ လူသားတွေရဲ့ စိတ်နေစိတ်ထားတွေကို ဟာသနှောပြီး တင်ဆက်ထားတဲ့ ဂန္ထဝင်ရုပ်ရှင်ကားကောင်း တစ်ကားဖြစ်ပါတယ်။ ဇာတ်လမ်းအကျဉ်း ဝါရှင်တန်ဒီစီက ရုပ်သံသတင်းဌာနတစ်ခုမှာ အလုပ်လုပ်ကြတဲ့ လူသုံးယောက်အကြောင်းကို အဓိကထား ရိုက်ကူးထားပါတယ်။ Jane Craig (Holly Hunter): အလုပ်ကို အရမ်းကြိုးစားပြီး တိကျသေချာတဲ့ သတင်းထုတ်လုပ်သူ (Producer) တစ်ဦးပါ။ ဒါပေမဲ့ သူမရဲ့ ကိုယ်ရေးကိုယ်တာ ဘဝမှာတော့ စိတ်ခံစားချက်တွေကို ထိန်းချုပ်ဖို့ ခက်ခဲသူတစ်ယောက် ဖြစ်ပါတယ်။ Aaron Altman (Albert Brooks): ထက်မြက်ပြီး သတင်းလောကအကြောင်း နှံ့စပ်တဲ့ သတင်းထောက်တစ်ဦး ဖြစ်ပေမဲ့ ရုပ်ရည်နဲ့ တင်ဆက်ပုံမှာ ဆွဲဆောင်မှု အားနည်းတာကြောင့် သူလိုချင်တဲ့ Anchor (သတင်းကြေညာသူ) နေရာကို မရနိုင်ဘဲ ဖြစ်နေပါတယ်။ သူက Jane ကို တစ်ဖက်သတ် ချစ်နေသူလည်း ဖြစ်ပါတယ်။ Tom Grunick (William Hurt): ရုပ်ရည်ချောမောပြီး လူချစ်လူခင်များတဲ့ သတင်းကြေညာသူ အသစ်ပါ။ ဒါပေမဲ့ သတင်းပိုင်းဆိုင်ရာ အသိပညာနဲ့ အတွေ့အကြုံ နည်းပါးပါတယ်။ ဒီလူသုံးယောက်ကြားက သုံးပွင့်ဆိုင် အချစ်ဇာတ်လမ်းနဲ့အတူ သတင်းလောကမှာ "အနှစ်သာရ (Substance)" နဲ့ "အပေါ်ယံဟန်ပန် (Style)" ဘယ်အရာက ပိုအရေးကြီးသလဲ ဆိုတာကို အားပြိုင်ကြတဲ့ ဇာတ်လမ်းဖြစ်ပါတယ်။ ဒီဇာတ်ကားက လွန်ခဲ့တဲ့ နှစ်ပေါင်း ၃၀ ကျော်က ထွက်ခဲ့တာ ဖြစ်ပေမဲ့ ဒီနေ့ခေတ် သတင်းမီဒီယာလောကရဲ့ အခြေအနေနဲ့ အရမ်းကို ကိုက်ညီမှုရှိပါတယ်။ သတင်းစစ်မှန်မှု (News Integrity) နဲ့ ကြည့်ရှုသူ စိတ်ဝင်စားအောင် လုပ်ဆောင်မှု (Entertainment Value) ကြားက ပဋိပက္ခကို ကောင်းကောင်း မီးမောင်းထိုးပြထားပါတယ်။ ဥပမာ - Tom က သတင်းကြေညာရာမှာ တော်ပေမဲ့ သတင်းရဲ့ အတိမ်အနက်ကို နားမလည်တာ၊ Aaron က သတင်းကို နားလည်ပေမဲ့ ပရိသတ်ကို မဆွဲဆောင်နိုင်တာမျိုးတွေပါ။ Holly Hunter က Jane အဖြစ် သရုပ်ဆောင်ရာမှာ အလုပ်ခွင်မှာ ထက်မြက်တဲ့ ခေါင်းဆောင်တစ်ယောက် ဖြစ်သလို၊ တစ်ဖက်မှာလည်း စိတ်ဖိစီးမှုတွေနဲ့ ရုန်းကန်နေရတဲ့ အမျိုးသမီးတစ်ယောက်အဖြစ် ပိုင်ပိုင်နိုင်နိုင် သရုပ်ဆောင်သွားပါတယ်။ Albert Brooks ကတော့ ထက်မြက်ပေမဲ့ နေရာမရတဲ့ သတင်းထောက်အဖြစ် ဟာသရော၊ ဒရာမာပါ ပေါင်းစပ်ပြီး သရုပ်ဆောင်ထားတာ အလွန်ကောင်းမွန်ပါတယ်။ William Hurt ကလည်း ကိုယ့်အရည်အချင်းကို ကိုယ်တိုင် နားလည်ပြီး ရုန်းကန်နေရတဲ့၊ ဒါပေမဲ့ တစ်ဖက်မှာလည်း အခွင့်အရေးသမား ဆန်တဲ့ Tom နေရာကနေ သဘာဝကျကျ သရုပ်ဆောင်ထားပါတယ်။ "Broadcast News" ဟာ ရိုးရှင်းတဲ့ အချစ်ဇာတ်လမ်း တစ်ပုဒ် မဟုတ်ပါဘူး။ အလုပ်ခွင်ထဲက ဖိအားတွေ ကိုယ်ကျင့်တရားဆိုင်ရာ ရွေးချယ်မှုတွေနဲ့ လူ့သဘာဝတွေကို ပါးပါးနပ်နပ် တင်ပြထားတဲ့ ဇာတ်ကားပါ။ အထူးသဖြင့် ဇာတ်သိမ်းခန်းဟာ ပရိသတ်တွေ မျှော်လင့်ထားသလို ဖြစ်မလာဘဲ လက်တွေ့ဆန်ဆန် အဆုံးသတ်ထားတာက ဒီဇာတ်ကားရဲ့ အားသာချက် တစ်ခုပါ။ Oscar 7 ဆု ဇကာတင်ထားတာမလို့ လက်မလွှတ်တမ်းကြည့်သင့်တဲ့ ရုပ်ရှင်ကားကောင်းတစ်ကားမလို့ ခံစားကြည့်လိုက်ကြပါခင်ဗျာ။ File size… 2.6 GB / 1.2 GB Quality… WEB-DL 1080p / 720p Format… mp4 Duration…. 2h 13m Genre ..... Romance / Comedy Subtitle…. Myanmar Subtitle (Hard Sub)