Joe Baker ပါဝင်သော ဇာတ်ကားများ

Disney Princess ဆိုတာနဲ့လူတိုင်း သိကြမယ်လို့ထင်ပါတယ်။ ယခုပြောမှာကတော့ Disneyမင်းသမီးလေးတစ်ယောက် ဖြစ်တဲ့ ပိုကာဟွန်းတက်စ်(Pocahontas)ရဲ့ ဇာတ်လမ်းလေးအကြောင်းဖြစ်ပါတယ်။ ဒီကာတွန်းလေးကတော့ အော်စကာဆုနှစ်ဆုကို ထိုက်ထိုက်တန်တန်ရရှိခဲ့ပြီး အလွန်လူကြိုက်များခဲ့တဲ့ ဇာတ်လမ်းလေးဖြစ်ကာ ဇာတ်ကြောင်းတွေဟာဆိုလည်း တကယ်ရှိခဲ့တဲ့ ပိုကာဟွန်းတက်စ် မင်းသမီးလေးအပေါ် အနည်းငယ်အခြေခံထားတာတွေ့ရပါတယ်။ ဒီဇာတ်လမ်းထဲမှာလေးကတော့ အင်္ဂလန်ကနေ အမေရိကတိုက်ကို လာပြီး အခြေချကာ ရတနာတူးဖော်လိုသူတွေနဲ့ အမေရိကတိုက်ရဲ့ မူရင်းမျိုးနွယ် အင်ဒီးယန်းတွေကြားမှာ ဖြစ်ကြတဲ့ ရန်လိုစိတ်တွေကြား ရဲ့ရင်မှု၊စိတ်ထားဖြူစင်မှု၊ညဏ်ပညာအမျှော်အမြင်တွေနဲ့ ပိုကာဟွန်းတက်စ် တစ်ယောက် ဘယ်လို ငြိမ်းအေးအောင်လုပ်မလဲဆိုတဲ့အကြောင်းလေးပါပဲ။ ဒီကားလေးက စင်ဒရဲလားလိုကားလေး လုံးဝမဟုတ်တဲ့အတွက် ချိဖတို့လည်း မိန်းကလေးတွေရှေ့မှာ ရဲရဲကြည့်လို့ရတယ်နော်။ ဇာတ်လမ်းအညွှန်းနဲ့ဘာသာပြန်သူကတော့ ပဲဖြစ်ပါတယ်… File size…   1.5 GB / 666 MB Quality… BluRay 1080p / 720p Format… mp4 Duration…. 1h 21m Genre ..... Adventure / Animation / Drama Subtitle…. Myanmar Subtitle (Hard Sub) Encoder…. Thit San Khant Translated... by Ag Ko Khant

Lloyd Christmas နဲ့ Harry Dunne တို့က အချစ်ဆုံးသူငယ်ချင်းတွေ ဖြစ်ပေမယ့် လုပ်လိုက်သမျှ အလွဲလွဲအချော်ချော် ဖြစ်နေတတ်တဲ့ နှစ်ယောက်ပါ။ Jim Carrey သရုပ်ဆောင်ထားတဲ့ Lloyd က ဇိမ်ခံကားမောင်းတဲ့ ဒရိုင်ဘာဖြစ်ပြီး Jeff Daniels သရုပ်ဆောင်ထားတဲ့ Harry က ခွေးတွေကို ရေချိုးအလှပြင်ပေးတဲ့ဆိုင်မှာ အလုပ်လုပ်ပါတယ်။ အလုပ်အကိုင်ကလည်း နှစ်ယောက်စလုံး မမြဲချင်ဘဲ ဇာတ်လမ်းအစမှာတင် အလုပ်ပြုတ်သွားကြတယ်။ အလုပ်မပြုတ်ခင် Lloyd ဟာ Aspen ကို ခရီးသွားမယ့် Mary Swanson ကို လေဆိပ်ဆီ လိုက်ပို့ပေးခဲ့ရပါတယ်။ လမ်းမှာ စကားပြောကြရင်း Mary ကို မြင်မြင်ချင်း ချစ်မိသွားတယ်။ သူ လေဆိပ်ထဲဝင်သွားတာကို လိုက်ကြည့်နေတုန်း လက်ဆွဲသေတ္တာတစ်လုံး ကျန်ခဲ့တာတွေ့လို့ Lloyd က ပြေးယူထားလိုက်ပါတယ်။ တစ်ဖက်မှာလည်း Harry က ရေချိုးအလှပြင်ပေးထားတဲ့ ခွေးတွေကို ရှိုးပွဲဆီ အချိန်မီ မပို့နိုင်တဲ့အပြင် တခြားအလွဲတွေပါ လုပ်မိလို့ အလုပ်ပြုတ်လာတယ်။ အလုပ်လက်မဲ့ဖြစ်နေကြတဲ့ နှစ်ယောက်ဟာ လက်ဆွဲသေတ္တာကို ပြန်ပေးဖို့ Mary သွားတဲ့ Aspen ဆီ လိုက်သွားကြပါတယ်။ Lloyd ကတော့ သေတ္တာပြန်ပေးရင်း အချစ်ရေးလည်း အဆင်ပြေချင်နေတယ်။ ဒီလိုနဲ့ သူငယ်ချင်းနှစ်ယောက်ရဲ့ အလွဲတွေနဲ့ ပြည့်နေတဲ့ ခရီးစဉ် စလာပါတယ်။ လမ်းတစ်လျှောက် ဘာတွေ ထပ်လုပ်မိကြဦးမလဲ၊ Lloyd ရဲ့ မျှော်လင့်ချက်ကရော ပြည့်မလား၊ သူတို့တကူးတက သွားပို့တဲ့ လက်ဆွဲသေတ္တာကရော ဘယ်လိုသေတ္တာ ဖြစ်နေမလဲ။

ဒီရော်ဘင်ဟုဒ်ကတော့ တောထဲမှာနေပြီး လူဆိုးတွေဆီက လုယူသမျှကို လူကောင်းတွေဆီ ပြန်ဝေတဲ့ ပုံစံမျိုးနဲ့ ကွာပါတယ်။ သူ့မှာ အိမ်တစ်လုံးရှိပေမယ့် အကြွေးကြောင့် အဲဒီအိမ်ကိုပါ အသိမ်းခံထားရတယ်။ တစ်ဖက်မှာလည်း မင်းသမီးဟာ မင်းကြီးက သူမရဲ့ကိုယ်ခန္ဓာအောက်ပိုင်းကို သော့ခတ်ထားပြီး သော့ပျောက်နေတဲ့အဖြစ်နဲ့ ကြုံနေရပါတယ်။ ရော်ဘင်ဟုဒ်နဲ့ အကျင့်မကောင်းတဲ့ မင်းသားတစ်ယောက်တို့က မင်းသမီးကိုရဖို့ အပြိုင်ကြိုးစားကြရင်း အဲဒီဂွကျလှတဲ့သော့ကို ဘယ်လိုဖွင့်ကြမလဲဆိုတဲ့ အလွဲတွေ ဆက်ဖြစ်လာတယ်။ ရော်ဘင်ဟုဒ်ဇာတ်လမ်းကို ဟာသသရော်ပုံစံနဲ့ ပြန်ရိုက်ထားတာဖြစ်ပြီး Mel Brooks က ဇာတ်ညွှန်းရေး၊ ဒါရိုက်တာလုပ်၊ ထုတ်လုပ်ထားသလို ကိုယ်တိုင်လည်း ပါဝင်သရုပ်ဆောင်ထားပါတယ်။

နယူးယောက်မြိုရဲ့ သြဇာကြီးမားပြီး သပ်သပ်ရပ်ရပ် နေတတ်တဲ့ လူမိုက်ခေါင်းဆောင် ဘန်ဆီဂယ် ဟာ ကယ်လီဖိုးနီးယားတောင်ပိုင်းက လောင်းကစားဝိုင်းတွေကို နယ်မြေချဲ့ထွင်ဖို့ ၄ ရက်တာ ခရီးစဉ်အဖြစ် လော့စ်အိန်ဂျလိစ် (ဟောလိဝုဒ်) သို့ ရောက်ရှိလာခဲ့ပါတယ်။ ဟောလိဝုဒ်ရဲ့ လျှပ်ပေါ်လော်လီမှုတွေနဲ့ ရုပ်ရှင်လောက အသိုင်းအဝိုင်းကို သဘောကျသွားတဲ့ ဘန်ဟာ ရေရှည်အခြေစိုက်ဖို့ ဆုံးဖြတ်လိုက်ပြီး အဆိုတော် လောရင့်စ်ဆီက အိမ်ကိုပါ ချက်ချင်း ငွေပုံပေးဝယ်ယူလိုက်ပါတော့တယ်။ အဲဒီနောက် ဟောလိဝုဒ်မှာတင်ပဲ သူ့လိုပဲ လိုချင်တာကို မရရအောင်ယူတတ်ပြီး စရိုက်ပြင်းထန်တဲ့ မင်းသမီးချော ဗာဂျီးနီးယားဟေးလ် နဲ့ ဆုံတွေ့ပြီး ပြင်းထန်တဲ့ အချစ်ဇာတ်လမ်း စတင်ခဲ့ပါတယ်။ တစ်ဖက်မှာလည်း ဒေသခံလူမိုက် ဂျက်ဒရက်ဂ်နာ ကို ခြိမ်းခြောက်ပြီး နယ်မြေကို သိမ်းပိုက်သလို၊ သူတို့ဆီက ပိုက်ဆံခိုးသွားတဲ့ ဂျူးလူမိုက် မစ်ကီကိုဟန် ကို သတ်ပစ်မယ့်အစား သူ့ရဲ့ လက်အောက်ခံအဖြစ် သွေးဆောင်စည်းရုံးပြီး လုပ်ငန်းတွေကို အကြီးအကျယ် ချဲ့ထွင်ဖို့ ကြိုးစားလာပါတော့တယ်။ အချစ်၊ အာဏာနဲ့ ရာဇဝတ်မှုတွေကြားထဲမှာ "ဘတ်ဆီ" လို့ ခေါ်ရင် လုံးဝမကြိုက်တဲ့ လူမိုက်ကြီး ဘန် တစ်ယောက် ဘယ်လို ဆက်လက် အာဏာစက် ထူထောင်မလဲဆိုတာကို ရှုစားရမယ့် ဇာတ်ကားဖြစ်လို့ အခုပဲကြည့်လိုက်ရအောင်နော်

Waxwork (1988) IMDb Rating (6.1) / Rotten Tomatoes (60%) မာခ့်နဲ့သူငယ်ချင်းတစ်စုဟာ မြို့ကိုရုတ်တရက်ရောက်လာတဲ့ ဖယောင်းရုပ်တုပြတိုက်တစ်ခုကိုသွားလည်ခဲ့ကြပါတယ်။ အဲ့ဒီပြတိုက်ထဲမှာက ဂန္ဓဝင်ထိတ်လန့်သည်းဖိုကားတွေထဲက မကောင်းဆိုးဝါးဇာတ်ကောင်ပေါင်းစုံရဲ့ဖယောင်းရုပ်တုတွေကိုပြသထားတာပါ။ ဒါပေမယ့် သတိမထားမိပဲ ပြခန်းစည်းဝိုင်းကို ကျော်ဝင်မိလိုက်ရင် သူတို့ဟာ ဖယောင်းရုပ်တုတွေရဲ့ကမ္ဘာလောကထဲရောက်ရှိသွားပြီး အဲ့ဒီထဲက ဒရာကူလာလို၊ သမန်းဝံပုလွေလို မကောင်းဆိုးဝါးတွေရဲ့တိုက်ခိုက်မှုကိုခံရပါတော့တယ်။ အဲ့ဒီည လှည့်ပတ်ကြည့်ရှုရင်းစိတ်မသန့်တဲ့ခံစားချက်ကြောင့် မာ့ခ်က ဆာရာနဲ့အတူ ပြန်ထွက်လာခဲ့ပေမယ့် အတူသွားခဲ့တဲ့သူ့သူငယ်ချင်းတွေ အိမ်ပြန်မရောက်ဘူးဆိုတာ သိလိုက်ရချိန်မှာတော့ ဆာရာနဲ့အတူ ဒီဖယောင်းပြတိုက်နဲ့တကွ မကောင်းဆိုးဝါးတွေအားလုံးရဲ့နောက်ကွယ်က ပဟေဠိကိုအဖြေရှာရင်း သူငယ်ချင်းတွေကို ကယ်တင်ဖို့ကြိုးစားရပါတော့တယ်။ ဖယောင်းပြတိုက်ဆိုပေမယ့် ဇာတ်လမ်းဇာတ်အိမ်ဆန်းသစ်သလို ပြခန်းတစ်ခုစီမှာ နာမည်ကျော်မကောင်းဆိုးဝါးတစ်ကောင်စီရဲ့ကမ္ဘာငယ်တွေရှိနေတယ်ဆိုတဲ့ စိတ်ကူးကလည်း သူ့ခေတ်သူ့အခါအနေနဲ့ခေတ်ရှေ့ပြေးတဲ့စိတ်ကူးပါပဲ။ Dracula၊ Werewolf၊ Zombie၊ Phantom of the Opera၊ Marquis de Sade စတဲ့ဂန္ဓဝင်ဟော်ရာဇာတ်ကောင်ပေါင်းစုံကိုဇာတ်ကားတစ်ကားတည်းမှာတွေ့ရတာ ပျော်စရာလည်းကောင်း၊ စိတ်ဝင်စားစရာလည်းကောင်းပါတယ်။ ကြည့်သင့်တဲ့ Cult Classic တစ်ကားပါပဲ။ File size… (2.7 GB) / (1.3 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Horror Duration…. 01:37:31 Subtitle…. Myanmar Subtitle (Hardsub)