John Guerrasio ပါဝင်သော ဇာတ်ကားများ

ဟယ်ရီဟာ့ဖ်လို့လည်းခေါ်တဲ့ ဟက်ဇ်ကိုဟာ့ဖ်ဟာ ဒုတိယကမ္ဘာစစ်အတွင်းက အက်ရှ်ဝှစ်ဇ် နာဇီသုံ့ပန်းစခန်းကနေ အသက်ရှင်လွတ်မြောက်လာခဲ့တဲ့ ဂျူးလူမျိုးတစ်ယောက်ပါ။ စစ်ကြီးပြီးတဲ့နောက် အမေရိကန်နိုင်ငံမှာ လက်ဝှေ့သမားတစ်ယောက် ဖြစ်လာပေမဲ့ စခန်းထဲက အတွေ့အကြုံတွေနဲ့ စိတ်ဒဏ်ရာတွေက သူ့ဘဝကို ဆက်ပြီး ခြောက်လှန့်နေပါတယ်။ ၂၀၂၁ ခုနှစ်ထွက် အတ္ထုပ္ပတ္တိရုပ်ရှင် The Survivor က သူ့ရဲ့ဖြစ်ရပ်မှန်အကြောင်းကို ရိုက်ကူးထားတာပါ။ ရက်စက်ကြမ်းကြုတ်တဲ့ သုံ့ပန်းစခန်းမှာ အသက်ရှင်ဖို့ ဘယ်လိုရုန်းကန်ခဲ့ရသလဲ၊ အဲဒီကနေ ဘယ်လိုလွတ်မြောက်လာခဲ့သလဲဆိုတာကနေ အမေရိကန်မှာ လက်ဝှေ့သမားအဖြစ် အသက်မွေးရပ်တည်တဲ့အထိ ပြောပြထားပါတယ်။ အတိတ်က စိတ်ဒဏ်ရာတွေဟာ သူ့ကို ဘယ်လောက်အထိ ဒုက္ခပေးနေမလဲ၊ အဲဒီခြောက်လှန့်မှုတွေကို သူဘယ်လိုရင်ဆိုင်မလဲဆိုတာကိုလည်း အလေးအနက်ထား ရိုက်ကူးထားပါတယ်။

အခုလောလောလတ်လတ်ထွက်ရှိထားတဲ့ ခရစ္စမတ်ကားသစ်လေးတစ်ကားကိုတင်ဆက်ပေးချင်ပါတယ်။ ဇာတ်လမ်းလေးနာမည်ကတော့ The Christmas Prince:The Royal Baby(2019)ပါ။ ဇာတ်လမ်းလေးတော့ အယ်လ်ဒိုဗီးရားဆိုတဲ့ နိုင်ငံက ဘုရင်ဟာ လန်ဒန်က အမျိုးသမီးလေးတစ်ဦးနဲ့လက်ဆက်ခဲ့ပြီး အယ်လ်ဒိုဗီးရား ဘုရင်မအဖြစ်တင်မြှောက်ထားခဲ့ပါတယ်။ ဘုရင်မအန်းဘားက ပြည်သူတွေနဲ့ တစ်သားတည်းရှိပြီး ကြင်နာတတ်တဲ့ဘုရင်မပါ။ ဘုရင်မ အန်းဘားမှာ ဘုရင်ရောဘတ်ရဲ့ရင်သွေးလေးလဲလွယ်ထားရပါပြီ။ သူနေထိုင်တဲ့ အယ်လ်ဒိုဗီးရားပြည်ထောင်စုနဲ့ မဟာမိတ်နိုင်ငံတစ်ခုဖြစ်တဲ့ ပန်ဂလီရာပြည်ထောင်စုဟာ နှစ်ပေါင်းတစ်ရာပြည့်တိုင်း ငြိမ်းချမ်းရေးစာချုပ်လက်မှတ်ရေးထိုးရပါတယ် နှစ်တရာပြည့်မှာ လက်မှတ်ထိုးဖို့လာခဲ့ပေမယ့် စာချုပ်ကပျောက်သွားပါတော့တယ်။ စာချုပ်သာပျောက်သွားခဲ့ရင် ကျိန်စာတစ်ခုအသက်ဝင်လာပြီး ပထမဆုံးမွေးဖွားတဲ့ ကလေးအပေါ်သက်ရောက်မှာပါ။ အဲတော့ ဘုရင်မအန်းဘားတစ်ယောက်ဘယ်လိုစီစဉ်မလဲ? ကလေးကရောဘာဆက်ဖြစ်မှာလဲ? စတဲ့မေးခွန်းတွေနဲ့ အဆုံးထိကြည့်ရှုရမယ့်ကားကောင်းလေးပါ။ File Size : ( 799 MB ) Quality :  Web-DL 720p Running Time : 1 hr 24 min Format : Mp4 Genre :  Romance Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

ဒီဇာတ်လမ်းမှာတော့ Florence Foster Jenkins ဆိုတဲ့ အမျိုးသမီးကြီးရဲ့ ဘဝဇာတ်ကြောင်းကို တင်ဆက်ပေးထားတာ ဖြစ်ပါတယ်။ ဂီတကို ရိုးသားစွာချစ်မြတ်နိုးသူတစ်ယောက်အနေနဲ့ ကိုယ်ပိုင် ဗာဒီကလပ် ကို တည်ထောင်ပြီး နယူးယောက်မြို့အတွက် ဂီတကို ပေးဆပ်သူအဖြစ် ခံယူထားခဲ့ပါတယ်။ ဖလောရန့်စ်ဟာ ပထမအိမ်ထောင်က ကူးစက်လာတဲ့ ဆစ်ဖလစ်ရောဂါကို နှစ် (၅၀) ကြာ ခံစားလာခဲ့ရသူဖြစ်ပြီး သူ့ရဲ့ လက်ရှိအိမ်ထောင်လည်းဖြစ်၊ မန်နေဂျာလည်းဖြစ်တဲ့ မစ္စတာစိန့်ကလဲရ်ဘေးဖီးဒ်နဲ့ နှစ်များစွာ လက်တွဲလာခဲ့ပါတယ်။ ဂီတပွဲတစ်ခုအတွင်းက လီလီပွန်းစ်ရဲ့တင်ဆက်မှုကို မစ္စတာဘေးဖီးဒ်နဲ့အတူ ကြည့်ရှုခဲ့ပြီးနောက်မှာတော့ သူ့ရဲ့ သီချင်းဆိုလေ့ကျင့်ခန်းတွေကို ဆက်လက်ကြိုးစားဖို့ ဆုံးဖြတ်ခဲ့ပါတယ်။ စန္ဒရားဆရာဖြစ်သူကော့စမီးမက်မွန်း ကိုလည်း ငှ ားရမ်းပြီးတော့ ပင်တိုင်စန္ဒရားဆရာအဖြစ်အသုံးပြုခဲ့ပါတယ်။ စိန့်ကလဲရ်အနေနဲ့ ပွဲငယ်လေးတစ်ခုစီစဉ်ပြီး ပရိသတ်တွေကို လက်ရွေးစင်ရွေးချယ်ကာ သူ့မိန်းမ ဖလောရန့်စ်ကို သီချင်းဆိုကောင်းသူအဖြစ် ထင်ယောင်ထင်မှားဖြစ်အောင် ဖန်တီးခဲ့ပါတယ်။ ဂီတကိုရိုးသားစွာခုံမင်သူ ဖလောရန့်စ်အတွက်ကတော့ သူ့ရဲ့ကမ္ဘာလေးက သူစိတ်တိုင်းကျ ဖြစ်လာခဲ့ပြီလို့ ထင်ယောင်နေခဲ့ပါတယ်။ အမှန်တကယ်မှာတော့ သူ့ယောကျ်ားကိုယ်တိုင်ရဲ့ စေတနာနဲ့လှည့်စားမှုအောက်မှာ ပရိသတ်ကိုလိမ်ညာသူ ဖြစ်မှန်းမသိဖြစ်လာခဲ့ပါတယ်။ စိန့်ကလဲရ်ဖန်တီးပေးထားတဲ့ အကဲဖြတ်ချက်ကောင်းတွေကို ယုံကြည်မိသူ မဒမ်ဖလောရန့်စ်အနေနဲ့ ကော့စမီး မက်မွန်းနဲ့အတူ ကိုယ်ပိုင်သီချင်းတွေကိုပါ ဖန်တီးသီဆိုလာခဲ့ပြန်ပါတယ်။ သီချင်းတစ်ပုဒ်ပါရေဒီယိုမှာ လွှင့်ခွင့်ရခဲ့တဲ့အချိန် ပရိသတ်တွေက ဟာသနဲ့ အပျော်သဘောတောင်းဆိုမှုတွေ များလာခဲ့ပါတယ်။ မဒမ် ဖလောရန့်စ်အတွက် ကာနေဂီဟောလ်မှာ ဖျော်ဖြေဖို့အထိ အားအင်တွေ ရလာခဲ့ပြီး စိန့်ကလဲရ်အနေနဲ့ ကော့စမီးမက်မွန်းကိုပါ လေဒီဖလောရန့်စ်ကို ကူညီဖျော်ဖြေပေးဖို့ တိုက်တွန်းခဲ့ရပါတယ်။ လူ ၃၀၀၀ ခန့်ဆန့်တဲ့ နာမည်ရခန်းမတစ်ခုဖြစ်တဲ့ ကာနေဂီဟောလ်မှာ ဖျော်ဖြေရမယ့်အခွင့်အရေးကို လိုချင်ပေမယ့် လှောင်ပြောင်နှာခေါင်းရှုံ့မယ့်သူတွေနဲ့ အဖြစ်ဆိုးကြီးကို ကြိုမြင်နေသူ ကော့စမီးမက်မွန်း အနေနဲ့ စိတ်မသက်သာစွာပဲ သဘောတူခဲ့ပါတယ်။ လေဒီဖလောရန့်စ်ကိုယ်တိုင်ကလည်း တိုင်းပြည်အတွက် အနစ်နာခံပေးခဲ့သူ စစ်သားတွေကို ဒီဖျော်ဖြေပွဲကို တက်ရောက်နိုင်ဖို့ လက်မှတ် ၁၀၀၀လှူဒါန်းခဲ့ပါတယ်။ ဂီတပွဲကလည်း မထင်မှတ်ထားဘဲ နာမည်ကြီးတွေပါ တက်ရောက်အားပေးခဲ့ပြီး သောက်စားလာတဲ့အရှိန်ကြောင့် ရော နာမည်ကြီးမင်းသမီးတွေကိုပါ တွေ့ရလို့ အပျော်လွန်နေတဲ့ စစ်သားတွေဟာ မဒမ်ဖလောရန့်စ်ရဲ့ ဖျော်ဖြေမှုကို ဟားတိုက်လှောင်ပြောင်စော်ကား လာခဲ့ပါတော့တယ်။ မဒမ်ဖလောရန့်စ်ရဲ့ ဂီတအပေါ်ရှုးသွပ်မှုကို လောင်စာပေးခဲ့သူ စိန့်ကလဲရ်ကပဲ ဒီအဖြစ်ဆိုးရဲ့တရားခံလား။ ရိုးသားမှုမရှိဘဲ ငွေမျက်နှာကြောင့် မဒမ်ဖလောရန့်စ်အပေါ် အကဲဖြတ်ကောင်းတွေ ပေးခဲ့သူတွေ၊ ချီးကျူးခဲ့သူ အပေါင်းအသင်းတွေကပဲ တရားခံလား။ ဘယ်လိုပဲဖြစ်ဖြစ် ဂီတအပေါ် ရိုးသားစွာခုံမင်မိသူ မဒမ်ဖလောရန့်စ်အနေနဲ့ နှလုံးသည်းပွတ်ကြွေမတတ် သီဆိုဖျော်ဖြေနေခဲ့တာတွေက အများအမြင်မှာ ရယ်စရာဟာသတစ်ခုလို ဖြစ်နေခဲ့တဲ့အဖြစ်မှန်တွေကိုသိပြီး သူထင်မှတ်ထားတဲ့ ကမ္ဘာကြီးက ပြောင်းပြန်ဖြစ်နေခဲ့တယ်ဆိုတာကိုနှစ်များစွာကြာမှ သိခဲ့ရပါတော့တယ်။ အစစ်အမှန်ပဲဖြစ်ဖြစ် အတုအယောင်ပဲဖြစ်ဖြစ် မဒမ်ဖလောရန့်စ်အတွက်တော့ သူမရဲ့ဂီတဘဝမှာ လူတွေက သူ့ကို သီချင်းမဆိုနိုင်ဘူးလို့ ပြောလို့ရချင်ရမယ်၊ သီချင်းမဆိုခဲ့ဘူးလို့တော့ ပြောလို့မရပါဘူး။ File size…      1.6 GB /   620 MB Quality… BluRay 1080p / 720p Format… mp4 Duration…. 1h 51m Genre ..... Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali