Josh Pais ပါဝင်သော ဇာတ်ကားများ

If I Had Legs I'd Kick You (2025) IMDb Rating (7.2) / Rotten Tomatoes (94%) တစ်ခါတလေတော့ ရုပ်ရှင်တွေဟာ ဇာတ်လမ်းတစ်ခုဆိုတာထက် အတွေ့အကြုံတစ်ခုကို ဝင်ပြီးခံစားကြည့်ရတာမျိုးပါ။ If I Had Legs I’d Kick You ကလည်း ပရိသတ်ကို "ငါသာဆိုလို့ကတော့..." ဆိုပြီး အဓိကောင်ဇာတ်ကောင် နေရာကနေ သူ့ပတ်ဝန်းကျင်ကအရာတွေကို ခံစားမိစေနိုင်တဲ့ ရုပ်ရှင်မျိုးပေါ့။ လင်ဒါ (Rose Byrne)ဟာ စိတ်ကျန်းမာရေးအတိုင်ပင်ခံတစ်ယောက်ဖြစ်ပြီး အလုပ်တစ်ဖက်နဲ့ ရောဂါသည်သမီးလေးကို စောင့်ရှောက်နေရသူပါ။ သင်္ဘောကပ္ပတိန်ဖြစ်သူခင်ပွန်းကလည်း အနားမှာမရှိပေးနိုင်ပဲ အရာရာကိုတစ်ကိုယ်တည်းဖြေရှင်းရင်း ကိုယ်တိုင်က စိတ်ကျန်းမာရေးဆွေးနွေးကုသမှုကို ခံယူလာရပါတယ်။ ဒီရုပ်ရှင်ကိုရိုက်ကူးသူဒါရိုက်တာ Mary Bronsteinကတော့ ဒါဟာဖြစ်ရပ်မှန်ဇာတ်လမ်းမဟုတ်သည့်တိုင် ခံစားချက်တွေကတော့ လက်တွေ့အပြင်ကအတိုင်းပါပဲ လို့ဆိုပါတယ်။ File size… (6.5 GB) / (2.1 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:53:59 Subtitle…. Myanmar Subtitle (Hardsub)

ဘက်နဲ့ ဒန်တို့ဟာ အယ်လီရော့ဆိုတဲ့ သားတစ်ယောက်ရှိပြီး နှစ်တွေကြာလာတဲ့အထိ ချစ်ခင်နေကြတဲ့ လင်မယားပါ။ ဘက်က စာရေးဆရာမ၊ ဒန်က ကုထုံးဆရာဝန်ဖြစ်ပြီး ဘက်ရဲ့ညီမ ဆာရာကတော့ အိမ်တွင်းအလှဆင်တဲ့အလုပ် လုပ်ပါတယ်။ ဘက်ရဲ့ အရင်စာအုပ်တစ်အုပ်က နာမည်ရခဲ့ပေမယ့် နောက်တစ်အုပ် ထုတ်ဖို့ပြင်တဲ့အခါ အေးဂျင့်က သဘောမကျဘူး။ ဒန်ကတော့ စာအုပ်ကို ကြိုက်တယ်လို့ ပြောပြီး ဘက်ကလည်း ခင်ပွန်းပြောတာကို ယုံထားပါတယ်။ ဒန်ကိုယ်တိုင်လည်း အလုပ်မှာ အဆင်မပြေတာတွေ ကြုံနေရတယ်။ ဆာရာတို့လင်မယားမှာလည်း အလုပ်နဲ့ပတ်သက်လို့ စိတ်မောစရာတွေ ရှိနေပြီး ပြဇာတ်သရုပ်ဆောင်ဖြစ်တဲ့ ဆာရာ့ခင်ပွန်း မက်က အလုပ်ပြုတ်သွားပါတယ်။ တစ်ရက်မှာ ဒန်နဲ့ မက်တို့ ဈေးဝယ်ရင်း စကားပြောနေကြတာကို ဘက် မထင်မှတ်ဘဲ ကြားလိုက်ရတယ်။ ဒန်က သူ့စာအုပ်ကို တကယ်တော့ မကြိုက်ဘူးလို့ ပြောနေတာပါ။ ခင်ပွန်းအပေါ် နှစ်ပေါင်းများစွာထားခဲ့တဲ့ ယုံကြည်မှုတွေ ပျောက်သွားသလို ဘက် ခံစားလိုက်ရပါတယ်။ ချစ်ရတဲ့သူကို စိတ်သက်သာစေချင်လို့ ပြောတဲ့ မုသားက အမှန်တရားပေါ်လာချိန်မှာ နာကျင်စရာဖြစ်သွားနိုင်တယ်။ ဒီလိုမုသားမျိုးကို ခွင့်လွှတ်သင့်သလားဆိုတဲ့ မေးခွန်းကို လင်မယားနှစ်ယောက်ရဲ့ အဖြစ်ကနေတစ်ဆင့် တင်ပြထားတဲ့ A24 ရဲ့ ဟာသဒရာမာဇာတ်ကားပါ။

Spoiler Alert မှာ The Big Bang Theory ထဲက မင်းသား Jim Parson က လိင်တူချစ်သူ အမျိုးသားမိုက်ကယ်အဖြစ် ပါဝင်ထားပါတယ်။ ဖြစ်ရပ်မှန်ကို အခြေခံရေးသားထားတဲ့ ဝတ္ထုတစ်ပုဒ်ကို ရုပ်ရှင်အဖြစ် ပြန်ရိုက်ထားတာဖြစ်ပြီး အချစ်အပေါ် လူတွေ အဓိပ္ပါယ်ဖွင့်ဆိုပုံနဲ့ မသေချာမှုတွေကို ပြောထားတဲ့ ဟာသဒရာမာပါ။ အချစ်ဆိုတာ စွန့်လွှတ်အနစ်နာခံတာလား၊ ရယူပိုင်ဆိုင်ချင်တာလား။ ကျားမ၊ အသက်အရွယ်၊ အသားအရောင် မတူကြသူတွေကြားမှာ အချစ်ကို မြင်ပုံချင်းလည်း ကွာနိုင်ပါတယ်။ မိဘနဲ့တောင် စိတ်အခန့်မသင့်လို့ စကားများတတ်ကြတဲ့အခါ သွေးသားမတော်စပ်တဲ့ လူတစ်ယောက်နဲ့ အချစ်တစ်ခုတည်းကြောင့် နှစ်ရှည်လများ အတူရှိနေနိုင်မလားဆိုတာ စဉ်းစားစရာပါ။ တကယ်ချစ်သူဆိုတာ ဘဝရဲ့အခက်ခဲဆုံးအချိန်မှာတောင် ကိုယ့်အနားက ထွက်မသွားသူလို့ ပြောကြပေမယ့် အဲဒီအချိန် တကယ်ရောက်လာရင်ရော သေချာနိုင်ပါ့မလား။ ကိုယ့်အတွက် သင့်တော်တဲ့သူကို တွေ့ခွင့်ရခဲ့ရင်တောင် တွေ့ဆုံတဲ့အချိန်ကပါ သင့်တော်နေမလားဆိုတဲ့ မေးခွန်းတွေကို မိုက်ကယ်ရဲ့အကြောင်းကနေတစ်ဆင့် တင်ပြထားပါတယ်။

ဒီကားလေးကတော့ Imbd 6.9 ရရှိထားပြီးဂျွန်နသန် ရဲ့ နာမည်ကျော်ဝတ္ထု ကိုအသက်သွင်းထားတာဖြစ်ပါတယ် ဇာတ်လမ်းကို ၁၉၅၀ ဝန်းကျင်ကာလနယူးယောက်မှာ နောက်ခံထားရိုက်ကူးထားပါတယ် အာရုံကြောဆိုင်ရာအားနည်းပြီးအဓိပ္ပါယ်မဲ့ စကားတွေကို ထိန်းမရပဲပြောတတ်တဲ့စုံထောက် လိုင်ရိုနယ်က တဖက်မှာလည်းထက်မြက်ပြီးဉာဏ်ကောင်းနေပြန်ပါတယ် တနေ့မှာ သူ့ရဲ့သူဌေးဖရန့်မီနာ ကမြို့တော်ဝန် မိုးစက်ရဲ့ ကိစ္စမှာဝင်ရှုပ်လို့ အသတ်ခံရပါတယ် အဲ့တာကိုမကျေနပ်ပြီးတော့လိုင်ရိုနယ်ကသတင်းထောက် အနေနဲ့ ဟန်ဆောင်ပြီးစုံစမ်းဖော်ထုတ်ချိန်မှာတော့ အဲ့မြို့ကိုထိန်းချုပ်ထားတဲ့အာဏာပိုင်တွေရဲ့ အရှုပ်တော်ပုံ တွေ့လိုက်ရတဲ့အခါမှာ အာဏာရူးတွေရဲ့ အကြောင်းကို ထဲထဲဝင်ဝင်သိရှိသွားပြီးတော့ လူမည်းတွေကိုခွဲခြား ဆက်ဆံတာတွေ လာဘ်စားမှုတွေ ပါဝါပြမှုတွေကိုပါ ရှာဖွေတွေ့ရှိသွားပြီး မြို့ရဲ့ အန္တရာယ် အရှိဆုံးသော သမိုင်းဝင်မဲ့အာဏာရှင်နဲ့ တည့်တည့်တိုးပါတော့တယ် ဂန္ထဝင်ဆုရ စုံထောက်ဇာတ်ကားကောင်းလေးမို့ ကြည့်ရှုသင့်ပါကြောင်း .......... File Size : ( 1 GB , 434 MB ) Quality : WEB-DL 720p Running Time : 2 hr 24min Format : Mp4 Genre : Crime , Drama , Mystery Subtitle : Myanmar Subtitle (Hard Sub) Translated by Kaung Thant Win Htet Encoded by Moe Myint Lwin

Joker (2019) IMDb - (8.5/10) RT - 68% Won 2 Oscars. Another 92 wins & 199 nominations DC comic တွေထဲက ဇာတ်ကောင်တစ်ကောင်ကို အခြေခံထားတဲ့ ရုပ်ရှင်ပါ။ ဂျိုကာကိုဆို စူပါဟီးရိုး ဖန်တိုင်း သိကြမှာပါ။ ခေတ်အဆက်ဆက် လင်းနို့လူသား ရုပ်ရှင်တွေမှာအကောင်းဆုံးဗီလိန်တွေထဲက တစ်ယောက်အဖြစ် ပါနေကျပါပဲ။ ဒီကားကတော့ အရင်ဂျိုကာတွေ လင်းနို့လူသားတွေရဲ့ ဇာတ်လမ်းနဲ့ မဆက်စပ်ပါဘူး။ အာသာဖလက်ဆိုတဲ့ သာမန်လူတစ်ယောက်ကနေ ဂျိုကာဆိုပြီးဘယ်လိုဖြစ်လာလဲ ဆိုတာကို ဇာတ်ညွှန်းအသစ်နဲ့ ပြသထားတာပါ။ လက်ရှိ အအောင်မြင်ဆုံးနဲ့ ဝင်ငွေအကြမ်းဆုံး R rated ရုပ်ရှင်ပါ။ သရုပ်ဆောင်၊ ဒါရိုက်တာ အကုန်ကောင်းမွန်တဲ့အရှိန်ရယ်၊ ခေတ်အဆက်ဆက် ရှိလာခဲ့တဲ့ ပရိသတ်တွေရဲ့ အရှိန် ၂ ခုလုံးပေါင်းမိသွားတာပါပဲ။ စူပါဟီးရိုးဖန်တွေရော ရုပ်ရှင်ကောင်းကြိုက်တတ်တဲ့ သူတွေရော သဘောကျကြမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်.... File Size : (6.7 GB) /(2.0 GB) /(950 MB) Quality : BluRay 4K HEVC / 1080p/720p Running Time : 2hr 02min Format : Mp4 Genre : Crime, Drama, Thriller Subtitle : Myanmar Subtitle (Hard Sub) Source : 1080p.BluRay.x264-AAA Translated by Littleneo Encoded by Thanhtike Zaw,Ka Naung

Going in Style (2017) IMDb - 6.6/10 ဒီကားလေးကဘယ်လိုကားလေးလဲဆိုတာမမေးခင်ပါဝင်သရုပ်ဆောင်ထားတဲ့သူတွေကိုပဲအရင်ကြည့်လိုက်ပါ။ စိတ်ဝင်စားစရာဖြစ်မယ်ဆိုတာသိသာပါတယ်ဗျာ။ Now You See Meဇာတ်ကားတွေမှာအပြင်ဇာတ်ကားတော်တော်များများမှာပါဝင်တဲ့ဝါရင့်သရုပ်ဆောင်ကြီးMorgan Freeman၊ အဲဒီNUSMကားထဲမှာပဲMorganနဲ့အတူပါဝင်ခဲ့တဲ့Micheal Caineနှင့် နောက်ထပ်ဝါရင့်သရုပ်ဆောင်Alan Arkinတို့ပါဝင်ပါတယ်။ အဖိုးကြီးသုံးယောက်ပေါင်းလောင်းကျော်ပွဲကြမ်းထားကြတဲ့2017ထွက်ဟာသကားကောင်းလေးဖြစ်ပါတယ်။ ဇာတ်ကြောင်းလေးကတော့အသက်အရွယ်ထောက်လာပြီဖြစ်တဲ့ဝီလီ၊ဂျိုးနဲ့အယ်ဘာ့တ်တို့ သူငယ်ချင်းတတွေငွေကြေးအခက်အခဲတွေနဲ့ရင်ဆိုင်လာရပြီးဘဏ်တွေရဲ့နှိပ်စက်မှုတွေကိုခံနေရပါတယ်။ အဲဒီနောက်သူတို့နှစ်ပေါင်းများစွာအလုပ်လုပ်ပေးခဲ့တဲ့companyဟာပိုင်ရှင်အသစ်လက်ထဲရောက်ပြီးနောက် သူတို့ခံစားနေရတဲ့ပင်စာလစာလေးတွေကိုပါဖျက်သိမ်းတော့မယ်လို့သိလိုက်ရတဲ့အခါမှာတော့ သူတို့ချစ်တဲ့မိသားစုတွေအပေါင်းအသင်းတွေဒုက္ခနဲ့လှလှနဲ့တွေ့ရတော့မယ်ဆိုတာသဘောပေါက်လာကြပါတယ်။ အဲဒီတော့အဖိုးကြီးသုံးယောက်သားဘဏ်ကိုဓါးပြတိုက်ဖို့ဆုံးဖြတ်လိုက်ကြပါတော့တယ်။ အသက်အရွယ်တွေကြီးနေကြပြီဆိုပေမယ့် သုံးယောက်သားဘယ်လိုအချက်ကျကျသေချာစီစဉ်ပြီးပွဲကြမ်းကြမလဲဆိုတာကတော့စိတ်ဝင်စားစရာပါပဲ။ အဲတော့သူတို့သုံးယောက်ဘယ်လိုအခက်အခဲတွေကိုတူတူရင်ဆိုင်ကြမလဲ။ ဘယ်လိုဖြေရှင်းကြမလဲ။ သူတို့လုပ်ဆောင်မယ့်အကြံအစည်တွေအောင်မြင်ပါ့မလား။ ရဲတွေစုံထောက်တွကိုဘယ်လိုနှစ်ကျပ်ကွက်နင်းသွားမလဲဆိုတာကိုဟာသအမြူးလေးတွေနဲ့ရှုစားရမှာဖြစ်ပါတယ်။ တကယ်ကြည့်လို့ကောင်းပြီးစိတ်အမောပြေစေမယ့်ကားကောင်းလေးဖြစ်မယ်ဆိုတာအသေအချာပဲဖြစ်တာမို့ လက်မလွတ်စေဖို့တိုက်တွန်းချင်ပါတယ်။ Ratingအနေနဲ့လဲ6.6 ထိရထားပြီးရုံဝင်ငွေဒေါ်လာ82.1သန်းထိရရှိထားတဲ့ကားလေးဖြစ်ပါတယ်။ ကဲအဖိုးကြီးတွေလေးတေးတေးနဲ့ဘယ်လိုလက်စွမ်းပြကြမလဲဆိုတာတော့ရယ်ရင်းမောရင်းကြည့်လိုက်ရအောင်ဗျာ။ (ဘာသာပြန် သူကတော့ May Tharaphi Twinlay ပါ) File Size : (702 MB) Quality : Webrip 720p Running Time : 1hr 36minutes Format : Mp4 Genre : Comedy,Crime Translated By May Tharaphi Twinlay Encode By Thanhtike Zaw

I Saw the Light (2015) IMDb - 5.8/10 အခုတင်ဆက်ပေးမယ့်ကားလေးကတော့... မင်းသားကြီး Loki ခေါ် Tom Hiddleston နဲ့ မမ Scarlet ခေါ် မင်းသမီး Elizabeth Olsen တို့ရဲ့ကားလေးပါ... ဒီဇာတ်ကားဟာ   country သီချင်းတွေဆိုတဲ့အဆိုတော်ကြီး Hank William ဘဝအကြောင်းကိုရိုက်ထားတဲ့ကားလေးဖြစ်ပါတယ်... အဆိုတော်ကြီး Hank William ဘဝအကြောင်းကို ရိုက်ထားလေတော့ Tom Hiddleston လည်း တော်တော်ကြိုးစားခဲ့တယ်လို့ဆိုပါတယ်..သူဟာ  ဒီဖြစ်ရပ်မှန်ဇာတ်လမ်းကိုရိုက်ဖို့အတွက် ရိုက်ကွင်းပေါ်မှာ အသက်ပါတဲ့ ဂစ်တာတီးဟန်ဖြစ်ဖို့ အရေး အချိန်များစွာပေးပြီး ဂစ်တာတီးလေ့ကျင့်ခဲ့တယ်လို့ဆိုပါတယ်... ပြီးတော့ country သီချင်းဆိုဖို့ အတွက်လည်း  နာမည်ကြီး country အဆိုတော်တစ်ဦးဖြစ်သူ Rodney Crowell နဲ့ လေ့ကျင့်ခဲ့ပါတယ်တဲ့ ... ဒီဇာတ်ကားထဲက သီချင်းတွေအားလုံးကို သူကိုယ်တိုင်ပဲသီဆိုထားတယ်လို့ဆိုပါတယ်... ကိုင်း ဖြစ်ရပ်မှန် ဇာတ်ကားလေးကိုခံစားကြည့်လိုက်ပါဦးဗျို့... ဇာတ်လမ်းအညွှန်းနဲ့ ဘာသာပြန်သူကတော့  Ko Ba Nyar ပဲဖြစ်ပါတယ်... File Size : (900 MB) Quality : Blu-Ray 720p Format…mp4 Duration…02:03:00 Genre : Biography , Drama , Music  Subtitle : Myanmar Subtitle (Hard Sub) Translated by Ba Nyar Encoded by Phyo Pyae

အောင်မြင်ပြီး အလွန်ချမ်းသာတဲ့ စီးပွားရေးသမား Robert ဟာ အပြင်ကကြည့်ရင် အိမ်ထောင်ရှင်ကောင်း၊ ခင်ပွန်းကောင်းတစ်ယောက်လိုပါပဲ။ တကယ်တော့ ဇနီးကို ချစ်ဟန်ဆောင်နေပြီး နောက်ကွယ်မှာ မိန်းကလေးတွေနဲ့ တစ်ယောက်ပြီးတစ်ယောက် တွဲနေသူပါ။ ဒါ့အပြင် မိသားစုကို ဖုံးကွယ်ထားတဲ့ လျှို့ဝှက်ချက်တစ်ခုလည်း ရှိနေသေးတယ်။ အဲဒီလျှို့ဝှက်ချက် မပေါက်ကြားခင် ကုမ္ပဏီကို ရောင်းပစ်ဖို့ Robert ကြိုးစားနေပါတယ်။ အဲဒီအချိန်မှာပဲ ချစ်သူမိန်းကလေးနဲ့ ကားပတ်စီးရင်း မတော်တဆမှုဖြစ်ပြီး မိန်းကလေး သေဆုံးသွားတယ်။ ပြဿနာတွေ တစ်ခုပြီးတစ်ခု ဆုံလာတဲ့အခါ Robert ဘယ်လိုဖြေရှင်းဖို့ ကြိုးစားမလဲဆိုတာကို ဆက်ပြထားပါတယ်။ Pretty Woman ထဲက မင်းသား Richard Gere ပါဝင်သရုပ်ဆောင်ထားတဲ့ ဒရာမာနဲ့ သည်းထိတ်ရင်ဖိုဇာတ်ကားပါ။

Detachment (2011) ~ IMDb - 7.7/10, Rotten Tomatoes - 59% ~ Detachment ရဲ့ အဓိကဇာတ်ကောင်က Adrien Brody သရုပ်ဆောင်တဲ့ အစားထိုးဆရာ ဟင်နရီဘတ်ပဲ။ သူ့အလုပ်က အမြဲတမ်းဆရာလစ်လပ်နေတဲ့ ကျောင်းတွေမှာ အစားထိုးဆရာ ခဏဝင်လုပ်၊ ကျောင်းက အမြဲတမ်းဆရာရသွားတဲ့အချိန် နောက်တစ်ကျောင်းကိုကူး။ ဒီလိုပဲရှင်သန်လာခဲ့တဲ့သူ။ သူ့မှာ တွယ်ငြိရမယ့်သူ သူနဲ့သက်ဆိုင်နေတဲ့သူဆိုလို့လည်း သူ့အဘိုးတစ်ယောက်ပဲရှိတယ်။ သူ့အဖေက သူမွေးကင်းစကတည်းက သူတို့သားအမိကို ပစ်သွားခဲ့ပြီး သူ့အမေကလည်း သူရှစ်နှစ်လောက်မှာတင် ဆုံးသွားသကိုး။ ဆိုတော့ အလုပ်လုပ်လိုက် သူ့အဘိုးရှိတဲ့ လူအိုရုံကိုသွားလိုက် သူ့ဘဝက ဒါပဲ။ ဒီတစ်ခါ သူအစားထိုးဆရာ ဝင်လုပ်ပေးရမယ့်ကျောင်းက တစ်နယ်လုံးမှာ နာမည်အပျက်ဆုံးကျောင်း။ ကျောင်းသူကျောင်းသားတွေကလည်း ဆရာကိုထဆဲတဲ့ကောင်နဲ့ ဆရာမကို Gang Bang မယ်ပြောတဲ့သူနဲ့ တကယ့်အလိမ္မာတုံးလေးတွေချည်းပဲ။ ဒီလိုကျောင်းကို ဟင်နရီဘတ်ရောက်သွားတယ်။ ဒီကျောင်းသားဆိုးတွေကြားမှာ သိပ်မဆိုးတဲ့ ကျောင်းသူတစ်ယောက်ရှိတယ်။ ဒီကားရဲ့ ဒါရိုက်တာ Tony Kaye ရဲ့သမီး Betty Kaye သရုပ်ဆောင်တဲ့ မာရီဒစ်လို့ခေါ်တဲ့ ကျောင်းသူ။ သူက ကျန်တဲ့ကလေးတွေ စကားနဲ့အနိုင်ကျင့်တာကို ခံနေရတဲ့သူလည်းဟုတ်တယ်။ ကျောင်းသားတွေစော်ကားတာခံနေရတာကို ဘာမှမတုံ့ပြန်တဲ့ ဘတ်ကို မာရီဒစ်က ကျွန်မရှင့်လိုသန်မာချင်လိုက်တာလို့ပြောတော့ "သန်မာတာနဲ့ မဆိုင်ဘူး... မင်းကို အခုလိုဖိနှိပ်မယ့်လူတွေကို ဘယ်အရွယ်ပဲရောက်ရောက်တွေ့နေရဦးမှာပဲ... မင်းစိတ်ကို ဒုတိယကမ္ဘာစစ်က ကတုတ်ကျင်းလို ခိုင်မာနေအောင်လုပ်ထားဖို့လိုတယ်... " လို့ ဘတ်က ပြန်ပြောခဲ့တယ်။ နောက်ဇာတ်ကောင်က အဲရစ်ကာလို့ခေါ်တဲ့ ကလေးမလေး။ ငယ်ပေမဲ့ အားကိုးအားထားမရှိတော့‌ ပြည့်တန်ဆာလုပ်စားနေတာ။ ဘတ်က ဒီကလေးမလေးကို ဘတ်စ်ကားပေါ်မှာ စတွေ့တာ။ လုပ်ပြီး ပိုက်ဆံမပေးဘဲ အထိုးခံ အနိုင်ကျင့်ခံနေရတာကို သူစတွေ့ခဲ့တယ်။ သူက ဒီကလေးမကို ဒီဘဝက ရုန်းထွက်နိုင်အောင် ကူညီပေးချင်ခဲ့တယ်။ ဒီအချက်တွေကို ကြည့်ရင် ဘတ်ဟာ လူကောင်းလို့ ကျွန်တာ်တို့ ယူဆလို့ရတယ်။ နောက်တစ်ခြမ်းကို ဆက်သွားရရင် ဘတ်ဟာ ဖိနှိပ်ခံတစ်ယောက်လို့ ကျွန်တော်တို့ ယူဆလို့ရလို့ သူဟာ ဖိနှိပ်ခံလူတန်းစားတွေကို ကောင်းကောင်းနားလည်တာလို့ ပြောလို့ရတယ်။ ဒါပေမဲ့ သူ့အဘိုး အိမ်သာထဲ လော့ချထားပြီး ထွက်မလာလို့ ဘယ်လိုမှခေါ်မရလို့ ဂေဟာက မိန်းမက သူ့ကိုဖုန်းဆက်တော့ သူညကြီးမင်းကြီးဂေဟာကို လိုက်သွားလိုက်ရတယ်။ ဒီလိုလိုက်သွားလိုက်တဲ့အချိန်မှာ ဂေဟာက အမျိုးသမီးကို သူ့ကိုအလုပ်ရှုပ်အောင်လုပ်လို့ဆိုပြီး ရစရာမရှိအောင်ကိုပြောခဲ့တယ်။ အောက်ဆုံးထိုးကျနေတဲ့ မျက်လုံးတွေနဲ့ အမျိုးသမီးကို သူနည်းနည်းမှမညာခဲ့ဘူး။ ရှေ့မှာ ဘတ်ဟာ စိတ်ကို ကတုတ်ကျင်းလို ခိုင်မာနေအောင်ထားဖို့လိုတယ်လို့ပြောခဲ့ပေမဲ့ တကယ်တမ်း ဘတ်ဟာ စာသင်ချိန်ပြင်ပ သူ့ဘဝမှာ အမြဲတမ်း ရီဝေနေတဲ့မျက်လုံးတွေနဲ့ မှုန်ရီနေတဲ့သူပဲ။ နောက်ပိုင်း ဘတ်ဟာ မာရီဒစ်အတွက် မိတ်ဆွေအဖြစ် ရှိနေပေးခဲ့တဲ့ သူ့ဖြစ်တည်မှုကို ကျောခိုင်းခဲ့သလို အဲရစ်ကာအတွက် ဒိုင်းသဖွယ်ဖြစ်နေပေးတဲ့ သူဖြစ်တည်မှုကိုလည်း‌ ကျောခိုင်းခဲ့တယ်။ ဒီမှာ ဘတ်ဟာ လူကောင်းမဟုတ်ဘူးလို့ ကျွန်တော်တို့ ယူဆလိုက်လို့ရပြန်တယ်။ ဒါက အကုန်တော့ မဟုတ်သေးတဲ့ ဟင်နရီဘတ်ကာရိုက်တာကို ပုံဖော်ထားတဲ့ တစ်စိတ်တစ်ပိုင်းပါပဲ။ ဘာလို့ သူ့ကောင်းခြင်းမကောင်းခြင်းနဲ့ သူ့အကြောင်းပြောနေရသလဲဆို ဒီဇာတ်တစ်ခုလုံးက ဟင်နရီဘတ်စ် အဲဒီကျောင်းမှာ အစားထိုးဆရာဝင်လုပ်ခဲ့တဲ့တစ်လမှာ သူမြင်နေရတဲ့ဆရာတွေ ကျောင်းသားတွေရဲ့ ဖြစ်တည်မှုတွေကနေ သူ့ဖြစ်တည်မှုကို လာထင်ဟပ်သွားတဲ့အကြောင်းမလို့ပဲ။ အဲဒီလိုထပ်ဟပ်တာကို ပိုအသက်ဝင်အောင်လည်း ဇာတ်ဝင်ခန်းသိပ်မပါလှပေမဲ့ သူ့ဘေးကလူတွေကို သရုပ်ဆောင်ကောင်းတဲ့ လူတွေချည်းသုံးပေးထားတယ်။ James Caan, Bryan Cranston, Lucy Liu, Christina Hendricks နဲ့ Maricia Gay Harden တို့လို လူတွေပေါ့။ ဒီလူတွေရဲ့ ရိုက်ခတ်မှုနဲ့ ဟင်နရီဘတ်ဟာ သူ့ဖြစ်တည်မှုကနေ သူရွေ့လျောသွားတယ်။ ဇာတ်ရဲ့အစမှာ သုံးထားတဲ့ ကမြူးရဲ့ စာအတိုင်းပဲ ဟင်နရီဘတ်ဟာ ဒီအရာအားလုံးဟာ သူနဲ့ဆိုင်နေသလို ခံစားရရင်းမှာပဲ အရာအားလုံးဟာ သူနဲ့မဆိုင်နေသလိုပါ ခံစားလာရတယ်။ Attachment တွေအားလုံး Detachment ဖြစ်သွားတယ်။ အဲဒီအကျိုးဆက်တွေကိုလည်း သူကြုံခဲ့ရတယ်။ သူ့ကိုယ်သူ ပျောက်ဆုံးသွားခဲ့တယ်။ ဒီလိုဆိုလို့ ဒီရုပ်ရှင်မှာ အဖြေတစ်ခုခုရှိနေမယ် မက်ဆေ့တစ်ခုခုရှိနေမယ်ထင်ရင်လည်း မှားမှာပဲ။ ဘာအဖြေမှမပါတဲ့ တင်ပြသွားခြင်းသက်သက်ပဲ။ သူပြောခဲ့သလိုပဲ ဒါတွေက အခုမှရှိနေတဲ့အရာတွေလည်း မဟုတ်ဘူး။ ခန်းမထဲမှာပဲဖြစ်ဖြစ် အတန်းထဲမှာပဲဖြစ်ဖြစ် လမ်းလျှောက်နေရင်း မင်းတို့ထဲက ဘယ်သူတွေ မင်းတို့ကို ဖိနှိပ်ထားတဲ့ အလေးချိန်ကို ခံစားမိကြလဲလို့ အတန်းထဲ သူပြောခဲ့တုန်းကလိုပဲ အားလုံးလက်ထောင်တယ်။ သူကိုယ်တိုင်လည်း လက်ထောင်တယ်။ ကျွန်တော်တို့လည်း လက်ထောင်ရမှာပဲ။ ကိုယ့်ဖြစ်တည်မှုကိုကိုယ်မတွေ့ဘဲ မမြင်နိုင်တဲ့အလေးချိန်တစ်ခုကသာ ဖိနှိပ်ထားတဲ့ ခံစားချက်မျိုး လူတိုင်းနီးပါး ခံစားဖူးကြမှာပဲ။ သူ့စကားအတိုင်းပေါ့။ အဂ္ဂါအယ်လန်ပိုးက ဒီအကြောင်းတွေကို လွန်ခဲ့တဲ့အနှစ်တစ်ရာကတည်းက ရေးပြီးသား။ ပိုးရဲ့ ဝတ္တုတိုထဲက အက်ရှာအိမ်တော်ကြီးဟာ ရဲတိုက်ဟောင်းကြီးသက်သက်မဟုတ်ဘူး။ ဖြစ်တည်မှုရဲ့ နိမိတ်ပုံတစ်ခု။ အက်ရှာအိမ်တော်ကြီးအကြောင်းဟာ တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်လိမ့်မယ်။ Detachment ဟာလည်း တစ်စစီပြိုလဲနေတဲ့ ဖြစ်တည်မှုတစ်ခုအကြောင်း ဖြစ်ကောင်းဖြစ်နိုင်တယ်။ ဒီဇာတ်လမ်းရဲ့အဆုံးမှာတော့ တူညီတဲ့နှလုံးသားတစ်ခုဟာ တဆစ်ဆစ်ကိုက်နေမှာပဲ။ "တိမ်တွေ ကောင်းကင်နံရံမှာ နိမ့်ပါးစွာတွဲလျောင်းကျနေတဲ့ ဆောင်းဦးရဲ့ မှောင်မဲတိတ်ဆိတ် မှုန်မှိုင်းတဲ့နေ့တစ်နေ့မှာ မြင်းတစ်ကောင်ကိုစီးရင်း ကျေးလက်ရဲ့ မသာမယာလမ်းကြောတစ်ခုပေါ် တစ်ကိုယ်ရေတည်း ဖြတ်လာခဲ့တယ်။ ညနေခင်းရဲ့ ဆည်းဆာမှာ အရိပ်ထင်လာတဲ့အခါ လွမ်းညှို့ဖွယ်အက်ရှာအိမ်တော်ရဲ့ မြင်ကွင်းကို ငါမြင်နေရတယ်။ ဘာကြောင့်လဲ ငါမသိပေမဲ့ အက်ရှာအိမ်တော်ကြီးကို ပထမဆုံးရိပ်ခနဲမြင်လိုက်တဲ့အချိန် မခံရပ်နိုင်စရာ အဆွေးဓာတ်က ငါ့သန္တာန်မှာ လွှမ်းသွားတယ်။ အရောင်အဆင်းမရှိတော့တဲ့နံရံတွေကို... ဆွေးမြေ့ပြီးတဲ့သစ်ပင်တွေရဲ့ ပင်စည်ဖြူဖြူတွေကို... အက်ရှာအိမ်တော်ကြီးရဲ့မြင်ကွင်းကို... အကြွင်းမဲ့ပြိုလဲနေတဲ့ စိတ်နဲ့ သုန်မှုန်ရီ ငါငေးကြည့်မိတယ်။ အဲဒီမှာ နှလုံးသားတစ်ခုဟာ စက်ဆုပ်စဖွယ် အေးစက်သိမ်ငယ်နေတယ်..." စာကြွင်း။ ။ ဒါရိုက်တာ Tony Kaye ဟာ American History X ဆိုတဲ့ ပွဲဦးထွက်ရုပ်ရှင်နဲ့ ဟောလိဝုဒ်မှာ အောင်မြင်မှုရပြီးတဲ့နောက် ၂၀၀၆မှာမှ Lake of Fire ဆိုတဲ့ ဒိုကူမန်ထရီကို ပြန်ရိုက်ခဲ့တယ်။ အဲဒီနောက် American History X နောက်ပိုင်း ၁၅နှစ်နီးနီးကြာပြီး ၂၀၁၁မှာမှ သူရဲ့ ဒုတိယရုပ်ရှင် Detachment ကို ရိုက်ခဲ့တယ်။ အခု ၂၀၂၄အထိတော့ ဘာဆိုဘာမှ ထွက်မလာသေးဘူး။ ဒါပေမဲ့လည်း Tony Kaye ဟာ အတော်ဆုံး ဒါရိုက်တာတွေထဲက တစ်ယောက်လို့ပြောရမယ်။ သူရိုက်ခဲ့တဲ့ အနုပညာ ၃ခုလုံးက ပြစ်ချက်ပြောစရာမရှိလောက်အောင် ကောင်းလွန်းနေခဲ့တယ်။ နှမြောစရာကောင်းတာကတော့ အခု သူ့အသက်၇၁ထိမှာမှ သူ့ရုပ်ရှင်ဆိုလို့ ၂ကားပဲ တွေ့ရသေးတာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 1.05GB Quality - 1080p, 720p IMDb Rating - 7.7/10 Format - mp4 Duration - 1H 38Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

1987ခုနှစ်ရဲ့ကျောင်းသားတစ်ယောက်လက်တွေ့ဘဝထဲကိုဝင်ပါတော့မယ် ပြသနာကတော့မပြောင်းသွားပါဘူး ဘာအရာမှလည်းမလွယ်ကူခဲ့ပါဘူး သမီးရည်းစားရေးမှာလည်းအသည်းကွဲနေတဲ့ကွဲဘဲလေးဖြစ်ပြီး လုပ်ငန်းခွင်မှာဆိုလည်းဘာအတွေ့အကြုံမှာမရှိတဲ့ငပေါသာသာပါ မိဘတွေကလည်းကျောင်းစရိတ်မပြောနဲ့ မုန့်ဖိုးတောင်မပေးတော့တဲ့အခြေအနေကိုရောက်နေပါပြီ ပိုက်ဆံရှာဖိုလိုလာတဲ့အချိန်မှာ သူ့အားလပ်ရက်တွေကိုAdventurelandလို့ခေါ်တဲ့ ကစားကွင်းမှာလုပ်ဖို့အကြောင်းဖန်လာပါတယ် စုတ်ပြတ်နာကျင်ပြီးအတွင်းပိုင်းသေဆုံးမတတ်ဖြစ်နေတဲ့လူငယ်တစ်ယောက်က လူတွေအပန်းဖြေ ပျော်ရွှင်ဖို့လာတဲ့ကစားကွင်းမှာအလုပ်လုပ်တယ်ဆိုတာ အရမ်းကြီးဆန့်ကျင်ဘက်ဖြစ်နေသလိုပါပဲ သူ့စိတ်အခြေအနေနဲ့လူမှုရေး၊အချစ်ရေးတွေကို ကစားကွင်းမှာအလုပ်လုပ်ရင်းဘယ်လိုကျော်ဖြတ်သွားမလဲ ပုံမှန်ကားဖြစ်တဲ့အတွက်ပိုကြည့်သင်တယ်လို့ထင်ပါတယ် Sci-fiတွေFantasyတွေထက်စာရင်ဒီလိုကားတွေကပေးတဲ့messageက လက်တွေ့ဘဝမှာတကယ်အထောက်အကူဖြစ်ပါတယ် ဘာသာပြန်ပေးထားတာတော့Dollyဖြစ်ပြီးကျွန်တော်sithuကencodeပေးထားပါတယ်

Sci-fi & comedy အမျိုးအစားဖြစ်တဲ့ ဒီဇာတ်ကားထဲမှာဆိုရင် အဓိကဇာတ်လိုက်ကျော်ဖြစ်တဲ့ ဘန်ဂျေမင်း ဆိုတဲ့ ဆယ်ကျော်သက်လေးဟာ ငယ်ငယ်လေးကတည်းက Sci-fi ဇာတ်လမ်းတွေကို ကြိုက်တဲ့သူတစ်ယောက်ဖြစ်ပြီး အသက် ၇ နှစ်အရွယ်ကတည်းက ကိုယ်ပိုင်စာဆိုပေစတွေ ရေးလာခဲ့သူတစ်ယောက်ဖြစ်တယ်။ တစ်ရက်မှာ သူက နာမည်ရစာရေးဆရာတစ်ယောက်ဖြစ်တဲ့ သူ့ အိုင်ဒေါ ချီဗာလီယာရဲ့ workshop ကို သွားတက်ခဲ့ပြီး အဲကနေ တာဘာသာဆိုတဲ့ သူ့လိုပဲ အပျော်တမ်းစာရေးဆရာတစ်ယောက်ရယ်၊ လွန်နီဒီနာဟိုဆိုတဲ့ ကိုယ်ပိုင် စတူဒီယိုရှိတဲ့ ရိုက်ကူးရေးသမားတစ်ယောက်နဲ့ ရင်းနှီးခဲ့တယ်။ အဲ workshop မှာက လာကြတဲ့ လူငယ်စာရေးဆရာတွေအတွက် စာမူပြိုင်ပွဲတစ်ခုပါ အတူတွဲပါတာကြောင့် ဘန်ဂျေမင်းဟာ သူ့နောက်ဆုံးရေးထားတဲ့ “တဆေးအရှင်များ” ဆိုတာကို တင်ခဲ့လိုက်တယ်။ “တဆေးအရှင်များ” ကို ပေးဖတ်ခဲ့ဖူးတာ သူ့အမေရယ် တာဘာသာရယ်ပဲရှိတယ်။ တာဘာသာက လွန်နီနဲ့အတူ သူ့ဝတ္ထုကို adaptation လုပ်ဖို့ ဝယ်ယူခဲ့ပြီး ရုံပါတင်တဲ့အချိန်မှာပဲ ချီဗာလီယာဟာ စာအုပ်အသစ်တစ်အုပ်ကို ထုတ်ဝေခဲ့တယ်။ မယုံနိုင်အောင်ပဲ အဲစာအုပ်က သူ့ရဲ့ “တဆေးအရှင်များ” ကို ဇာတ်ဆောင်နာမည်တွေပြောင်းထားတာကြီး ဖြစ်နေခဲ့တာကို သူတွေ့လိုက်ရတယ်။ အတိုချုံ့ရရင်တော့ လူငယ်စာရေးဆရာတစ်ယောက်ရဲ့ ဇာတ်လမ်းကို ခိုးယူခဲ့တဲ့ နာမည်ကြီးစာရေးဆရာတစ်ယောက်ရဲ့ ဇာတ်လမ်းတစ်ပုဒ်ပါပဲ။

Teeth (2007) ~ IMDb - 5.4/10, Rotten Tomatoes - 80% ~ အခုတ​လော ​ရေပန်းစား​နေတဲ့ ထူးထူးခြားခြား Horror ကား​လေး ရပါပြီ​နော်။ ဘယ်လ်ိုရေပန်းစားလဲဆိုတာက​တော့ ​ပြောရမယ်ဆိုရင် သွား​တော့သွား၊ ဒါ​ပေမဲ့ စမူသွား​လေး​ပေါ့။ ​ဇာတ်လမ်း​လေးက​တော့ ​ဒေါင်းဆိုတဲ့ ​ကောင်မ​လေး​တစ်​ယောက်မှာ စမူသွား​လေး​တွေ ​မွေးကတည်းက ပါလာပါတယ်။ သူဟာ ကြီးပြင်းလာတဲ့အခါ အိမ်​ထောင်မပြုခင် လိင်ဆက်ဆံတဲ့အမှုကို ​ရှောင်ကြဉ်တဲ့ အဖွဲ့ဝင်ထားတဲ့အပြင် သူကိုယ်တိုင်လည်း တက်ကြွစွာကျင့်သုံးသူပါ။ တစ်​​နေ့မှာ​တော့ တိုဘီဆိုတဲ့​ကောင်​လေးနဲ့ ဆုံရင်း သ​ဘောကျမိကြပါတယ်။ ​ရေကန်မှာ ​ရေသွားကူးကြပြီး ဂူထဲ​​ရောက်သွားချိန် လူငယ်တို့သဘာဝ ချစ်ကြည်နူးကြရင်း.... ​ကောင်းခန်းမ​ရောက်ချင်​တော့တဲ့ ​​ဒေါင်း​လေးက ရုန်းကန်.... တိုဘီကလည်း အတင်းအကြပ်လုပ်​​တော့ စမူသွား​လေး​တွေ အစွမ်းပြလိုက်တဲ့အခါ..... ​​ဒေါင်းအတွက် ဒီသွား​တွေက ​ကောင်းချီးတစ်ခုလား ကျိန်စာတစ်ခုဖြစ်​လေမလား... လက်​တွေ့ဘဝမှာလည်း အမျိုးသမီး​တိုင်းမှာသာ ​ဒေါင်းလို စမူသွား​လေး​တွေ ပါလာမယ်ဆိုရင်​တော့ မုဒိန်း​ကောင်​တွေလည်း ​​တော်​တော် ​နောက်တွန့်​နေမယ်လို့ ​တွေးမိရင်း ကြည့်ရှုခံစားလိုက်ကြပါဦး... (ဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 2.3GB, 1GB, Quality - 1080p, 720p IMDb Rating - 5.4/10 Format - mp4 Duration - 1H 34Min Genre - Comedy, Fantasy, Horror Subtitle - Myanmar Subtitle (Hardsub) Translated by Mugiwara Ya Encoded by Y

Batman franchise နဲ့ Peaky Blinders ဇာတ်ကားတွေနဲ့ နာမည်ကြီးတဲ့ မင်းသား Cilian Murphy ရဲ့ 2007 ထွက် Watching The Detectivesဆိုတဲ့ အချစ်ဟာသကားလေးတစ်ကားနဲ့ မိတ်ဆက်ပေးချင်ပါတယ်။ နီးလ်က ဗီဒီယိုခွေအငှားဆိုင်သေးသေးလေးရဲ့ ပိုင်ရှင်တစ်ယောက်ဖြစ်ပြီး သူ့တစ်ဘဝလုံးကို ဇာတ်ကားတွေကြည့်ရင်း ကုန်ဆုံးလာခဲ့သလို သူ့ရဲ့ထူးဆန်းတဲ့ဝါသနာနဲ့အမြင်ကြောင့် ဘယ်စော်နဲ့မှမမြဲတဲ့ လူပျိုကြီးတစ်ယောက်ဖြစ်ပါတယ်။ ဇာတ်ကားကြည့်မလား စော်နဲ့လည်မလားဆိုရင်တောင် ဇာတ်ကားပဲကြည့်မဲ့သူမျိုးမို့ စော်မမြဲတာလည်း မဆန်းဘူးပေါ့ဗျာ။ ဗိုင်အိုလက်ကတော့ တစ်ရက်မှာ သူ့ဆိုင်ကိုခွေလာငှားရင်း သိကျွမ်းခွင့်ရခဲ့တဲ့ ထူးခြားတဲ့မိန်းကလေးတစ်‌ယောက် ဖြစ်ပါတယ်။ ငြိမ်ငြိမ်လေးမနေတတ်ဘဲ စွန့်စားခန်းတွေဖွင့်ရတာကိုနှစ်သက်ပြီး သူနဲ့ဝါသနာတစ်စက်ကလေးမှမတူတဲ့ ဗိုင်အိုလက်က သူ့ရဲ့ကိုယ်ရေးကိုယ်တာတွေကိုလည်း ဘာမှပေးမသိထားတာကြောင့် ‌နီးလ်အတွက်တော့ ပဟေဠိတစ်ပုဒ်လိုပါပဲ။ ပဟေဠိဆန်တာတွေကိုမှ စွဲလမ်းတတ်တဲ့လူ့သဘာဝအရ နီးလ်ဟာ ဗိုင်အိုလက်အပေါ်မှာ ထူးထူးခြားခြားငြိတွယ်သွားခဲ့ပါတယ်။ IMDB rating 6.2 အထိရရှိထားပြီး ငယ်ငယ်ကခွေအငှားဆိုင်မှာ ဗီဒီယိုအခွေတွေငှားပြီး အိမ်မှာကြည့်ခဲ့ရတဲ့ငယ်ဘဝကို ပြန်လွမ်းဆွတ်သွားစေမဲ့ ကြည့်လို့ကောင်းတဲ့ကားလေးတစ်ကားပါပဲ။ File size…(1.9 GB)/(960 Mb) Quality….Webrip 1080p / 720p Format…mp4 Duration….01:31:00 Genre...Comedy, Romance Subtitle….Myanmar Subtitle (Hardsub) Encoder….Garfield Translated by Mariposa

Little Manhattan (2005) အချစ်ဦး မြေးဦးရတဲ့ထိ မမေ့ဘူးဆိုတဲ့ စကားလေး ဘရားသားတို့ ကြားဖူးမှာပါ။ အများစုကတော့ ကြားဖူးရုံတင်မကဘူး၊ ကြည်နူးမှုတွေ နာကျင်မှုတွေ ရောပြွန်းပြီးတော့ ရင်ဘတ်ကြီးတစ်ခုလုံးနဲ့ သိခဲ့ကြမှာပါ။ အခုချိန်ထိလည်း နှလုံးသားရဲ့ အနက်ရှိုင်းဆုံး တစ်ထောင့်တစ်နေရာမှာ လွမ်းဆွတ်တသနေမယ့် အချစ်မျိုးပေါ့။ ကဲ စကားမရှည်တော့ဘူး။ ဇာတ်လမ်းအကျဉ်း ဆယ်နှစ်သားလေး ဂေ့ဘ်ဟာ မိဘတွေ ကွာရှင်းတော့မယ့်အခြေအနေကြောင့် စိတ်ညစ်ရတာကလွဲလို့ ပုံမှန် ဆယ်ကျော်သက်ဘဝကို ပျော်ပျော်ပါးပါး အပူအပင်ကင်းကင်း ဖြတ်သန်းနေတဲ့ ကောင်လေးတစ်ယောက်ပါ။ တစ်နေ့မှာ ဂေ့ဘ်ဟာ မိဘတွေကို ကရာတေးအတန်းကို ပူဆာတဲ့အချိန်မှာ သူ့မိဘတွေက ဂေ့ဘ်စိတ်ချမ်းသာဖို့ အတန်းအပ်ပေးလိုက်ရာကနေ ကရာတေးအတန်းကို သွားတက်တဲ့အခါမှာ သူလေးငါးနှစ်သားအရွယ် ကလေးဘဝက ကစားဖော် ကစားဖက် ကောင်မလေးဖြစ်တဲ့ ရိုစ့်မယ်ရီနဲ့ ပြန်ဆုံတွေ့ရပါတော့တယ်။ အစကတော့ သူ့ထက် တစ်နှစ်ကြီးတဲ့ ရိုစ့်မယ်ရီအပေါ်ထားရှိတဲ့ ခံစားချက်က ပုံမှန်အတိုင်းဆိုပေမယ့် သူတို့နှစ်ယောက် ကရာတေးလေ့ကျင့်ဖော် လေ့ကျင့်ဖက်ဖြစ်လာပြီး ခဏခဏ တွေ့ဖြစ်တဲ့အခါမှာ သူတို့နှစ်ယောက်ရဲ့ ခံစားချက်တွေက စတင်ပေါက်ဖွား အမြစ်တွယ်လာပါတော့တယ်။ ဒါပေမဲ့ ရိုစ့်မယ်ရီရဲ့ မိဘတွေက ရိုစ့်မယ်ရီရဲ့ ဘဝအတွက် အစစအရာရာ လမ်းကြောင်းချမှတ်ထားပြီးဖြစ်ပြီး နွေရာသီစခန်းသွားရမယ် ပြီးရင် ဘော်ဒါနေရတော့မယ်ဆိုတဲ့အချိန်မှာ သူတို့နှစ်ယောက်ကြားမှာ ဖြစ်တည်လာတဲ့ ခံစားချက်ကို အချင်းချင်းသိအောင် ဖွင့်ပြောနိုင်ပါ့မလား၊ သူတို့ နီးစပ်သွားကြမှာလား ဝေးကွားသွားကြမှာလားဆိုပြီး မသေချာ မရေရာ ငယ်ရွယ်လှတဲ့ ဆယ်ကျော်သက်အချစ်လေးကို ပြန်လည်ခံစားကြည့်ရှုရမှာဖြစ်ပါတယ်။

The Station Agent (2003) အရစ္စတိုတယ်ရဲ့ အဆိုအမိန့်တစ်ခုမှာ လူဟာ ပေါင်းသင်း ဆက်ဆံရေး သတ္တဝါပါတဲ့။ လူတိုင်းဟာ မတူညီတဲ့တိုက်ပွဲတွေကို ကိုယ့်ပုံစံနဲ့ကိုယ်ဆင်နွှဲနေကြရလို့ ပင်ပန်းအားငယ်လာချိန်မှာ စကားတွေကို ဝေဖန်မှုမရှိ နားထောင်ပေးမဲ့သူတစ်ယောက်၊ ပြင်ဆင်မရတဲ့ ကိုယ့်ဖြစ်တည်မှုကို ‌ဝေဖန်ပိုင်းဆစ်မှုမရှိ ပကတိအတိုင်း လက်ခံမဲ့သူတစ်ယောက်၊ ကိုယ့်စိတ်ရဲ့ နာကျင်ခံစားရမှုအတိုင်းအတာကို တန်ဖိုးလျှော့ချမှုမရှိဘဲ နားလည်ပေးမဲ့သူတစ်ယောက်တော့ ဘဝမှာလိုကြစမြဲတဲ့လေ။ လူအဖွဲ့အစည်းနဲ့ ဝေးဝေးနေချင်ကြသူတိုင်းမှာ ကိုယ့်စိတ်ကို နားလည်ပေးမဲ့သူတစ်ယောက်ကို တောင်းတနေတဲ့ မသိစိတ်လည်း ကိန်းအောင်းနေတတ်လေ့ရှိစမြဲပဲမလား။ ယခုတင်ဆက်ပေးမဲ့ ဇာတ်ကားလေးကတော့ ပြဿနာကိုယ်စီနဲ့ လူ ၃ ယောက်ရဲ့ စိတ်ပိုင်းဆိုင်ရာ၊ လူမှုဆက်ဆံရေးဆိုင်ရာ အခက်အခဲတွေ အထီးကျန်ဆန်မှုတွေနဲ့ နားလည်မှုရှိတဲ့ ပေါင်းသင်းဆက်ဆံရေးရဲ့ အရေးပါမှုတွေကို ဖော်ထုတ်တင်ဆက်ထားပြီး သိမ်သိမ်မွေ့မွေ့ကြည့်ရှုရမယ့် ဇာတ်ကားလေးဖြစ်ပါတယ်။ လူပုကလေးတစ်ယောက်ဖြစ်သူ ဖင်းဘားဟာ မိတ်ဆွေဟင်နရီနဲ့အတူ နေထိုင်သူတစ်ဦးဖြစ်ပြီး ဟင်နရီကွယ်လွန်တဲ့ အခါမှာတော့ နယူးဂျာစီပြည်နယ်အတွင်းက မီးရထားစက်ပြင်ရုံဟောင်းရှိရာ မြေဧကဝက်ကို အမွေရရှိခဲ့ပါတယ်။ လူပုကလေးတစ်ယောက်ဖြစ်နေသူအဖို့ သာမန်လူတို့ရဲ့ လှောင်ပြောင်သော၊ နှိမ့်ချသော၊ စက်ဆုပ်သော၊ သနားသော၊ ကရုဏာသက်သော စသည့် အမျိုးစုံသော စကားများ အကြည့်များကို ငြီးငွေ့နေပြီး၊ သာမန်လူတစ်ယောက်အဖြစ်သာ မြင်လိုခွင့်ကို အရေးမစိုက်ပေးသော လူအများနဲ့ ဝေးဝေးနေရန် အတွက်၊ မိတ်ဆွေထံမှ အမွေရသော ရထားစက်ပြင်ရုံဟောင်းဆီသို့ ပြောင်းရွှေ့လာခဲ့ပါတယ်။ ရထားစက်ပြင်ဟောင်းအနီး ဟော့ဒေါ့ရောင်းချသူ ဂျိုးဟာတော့ ပေါင်းသင်းဆက်ဆံရေးကောင်းမွန်သူဖြစ်ပြီး ကျန်းမာရေးချို့တဲ့သူ ဖခင်နှင့်အတူ ဘဝကို ပျော်ပျော်ရွှင်ရွှင် ဖြတ်သန်းနေသူတစ်ယောက်ဖြစ်ပါတယ်။ တစ်ချိန်တည်းမှာပဲ အရာရာကို စိတ်ကုန်ခမ်းနေသယောင် မျက်နှာထားနဲ့ အိုလစ်ဗီယာဟာ ဂျိုးရဲ့ ဖောက်သည်ဖြစ်နေပါတယ်။ တစ်ရက် ဖင်းဘားတစ်ယောက် လမ်းလျှောက်လာစဉ် လမ်းဘေးတစ်နေရာမှာ အိုလစ်ဗီယာ ကားနဲ့တိုက်မိမလိုဖြစ်ကာ ၎င်းတို့ ၃ ယောက် အချင်းချင်းသိကြဖို့ ဖြစ်လာပြီး မတူညီတဲ့ အခက်အခဲကိုယ်စီနဲ့ အထီးကျန်နေသူ သူစိမ်းပြင်ပြင် ၃ ယောက်တို့ ပတ်သက်ဆက်နွယ်ဖို့ ဖြစ်လာခဲ့ကြပါတော့တယ်။ ဒီကားဟာ အနုပညာလောကမှာ အော်စကာဆုအပါအဝင် ထူးချွန်ဆုများစွာသိမ်းပိုက်ထားတဲ့ ဇာတ်ညွှန်းရေးဆရာ၊ ဒါရိုက်တာ Tom McCarthy ရဲ့ ပထမဆုံးပွဲဦးထွက်ရုပ်ရှင်ကားပဲဖြစ်ပါတယ်။ BAFTA အကောင်းဆုံးဇာတ်ညွှန်းဆုရရှိခဲ့ပြီး ရုပ်ရှင်ဝေဖန်ရေးဆရာများအကြား အပေါင်းလက္ခဏာဆောင်ခဲ့တဲ့ရုပ်ရှင်ဖြစ်ကာ Tom McCarthy ရဲ့ အနုပညာအရည်အသွေးကို ပရိသတ်နဲ့ မိတ်ဆက်ပေးခဲ့တဲ့ ကားဆိုရင်လည်း မှားမှာမဟုတ်ပါဘူး။ စိတ်နှလုံးထိခိုက်ဖွယ်ရာ ဘဝများကို ပြုံးချင့်စဖွယ် အနုပညာမြောက်စွာ ရိုက်ကူးတင်ဆက်ထားတဲ့ ကားလေးဖြစ်လို့ ရုပ်ရှင်ချစ်မြတ်နိုးသူ ပရိသတ်များ လက်လွှတ်မခံသင့်တဲ့ ကားလေးဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ။ (ဇာတ်လမ်းအညွှန်းကိုတော့ Ye Thiha Htetက ရေးသားထားပါတယ်) File Size -2.77 GB/ 834 MB Quality - WEB-DL 1080p/ 720p Duration - 1h 29m Format - mp4 Genre - Comedy, Drama Subtitle - Myanmar Subtitle (Hard Sub) Translated by - Ye Thiha Htet Encoded by - Treasure Htet

Phone Booth 2002 IMDb 7/10 Rotten Tomatoes 72% Metacritic 56% "ကိုယ်ကတော့အရေးမပါလောက်ဘူးထင်ပြီးလုပ်မိတဲ့ကိစ္စဟာ တဖက်လူအတွက် အများကြီးစိတ်ထိခိုက်စရာဖြစ်တတ်ပါတယ်" "လူတိုင်းဟာ အပြစ်တွေကိုလုပ်မိကြတာကြီးပဲ" ဒီဇာတ်ကားကတော့ မင်းသားကြီး Colin Farewell, Forest Whitaker, Kiefer Sutherland နဲ့မင်းသမီးကြီး Katie Holmes, Radha Mitchellစတဲ့ ဒိတ်ဒိတ်ကြဲ သရုပ်ဆောင်တွေပါဝင်သရုပ်ဆောင်ထားပြီး ဒါရိုက်တာကြီး Joel Schumacherရိုက်ကူးခဲ့တဲ့ အရမ်းလန်းတဲ့ဇာတ်ကားပါ။ ဒီဇာတ်ကားရဲ့အသွားအလာဟာ တခြားဇာတ်ကားတွေနဲ့မတူပဲ တမူထူးခြားပါတယ်။ ဘာတွေထူးခြားနေလဲဆိုတာပြောပြဖို့ ဇာတ်လမ်းအကျဉ်းလေးကိုနည်းနည်းလောက် ပြောပြပါရစေ ဇာတ်လမ်းအကျဉ်းကတော့.... စတူးဝပ်ဆိုတဲ့ PRသမားတစ်ယောက်ဟာ အများပြည်သူသွားရာလမ်းပေါ်မှာရှိပြီး ဝင်ရထွက်ရလွယ်တဲ့ ဖုန်းရုံထဲမှာပိတ်မိနေပါတယ်။ သော့ခတ်ခံရလို့ပိတ်မိနေတာမျိုးမဟုတ်ပေမယ့် စတူးဝပ်ဟာ အပြင်ကိုထွက်မရပဲဖြစ်နေတာပါ။ အဲ့လိုပိတ်မိနေချိန်မှာပဲ စတူးဝပ်ဟာ ဖုန်းရုံထဲကဖုန်းနဲ့လူတစ်ယောက်နဲ့စကားပြောနေခဲ့ပါတယ်။ အဲ့ဒီနောက်မှာတော့ အခြေအနေတွေဟာ တဖြည်းဖြည်းရှုတ်ထွေးလာပြီး ရဲတွေ၊ သတင်းဌာနတွေပါရောက်လာတဲ့အခါမှာတော့..... ဇာတ်လမ်းက တမူထူးခြားနေတဲ့အတွက် spoilလည်းမဖြစ်အောင် အညွှန်းကိုထိန်းရေးရတာမလို့ဒီထက်ပိုပြီးရေးပြလို့မရတာကိုခွင့်လွှတ်ပါ။ ဒီကားဟာ ၂၀၀၂ခုနှစ်ကထွက်ရှိခဲ့တာဖြစ်ပြီး အခုပြန်ကြည့်လည်း ကြည့်လို့ကောင်းဆဲပါပဲ။ တစ်ခုရှိတာက ဒီကားမှာ Sex scenceတွေမပါပေမယ့် R-ratedရုပ်ရှင်ဖြစ်တဲ့ကားပါ။ အဓိကကတော့ စကားအသုံးအနှုံးတွေက အသက်၁၅နှစ်အောက်ကြည့်ဖို့မသင့်လျော်သလို ကလေးတွေကိုပြမယ်ဆိုရင်လည်း မိဘအုပ်ထိန်းသူတွေအရင်ကြည့်ပြီးမှ ပြသင့်မပြသင့်ဆုံးဖြတ်ပြီးမှပြရမယ့်ကားပါ။ ဟာ...ဒါဆိုရင်လည်း ဆဲဆိုတာတွေကိုဖော့ပြန်လေလို့ဆိုကြမယ်ဆိုရင်လည်း ဖော့ပြန်ဖို့မဖြစ်နိုင်ဘူးဗျ။ ဒီဇာတ်ကားရဲ့အဓိကဇာတ်ရှိန်အတက်ဆုံးနေရာတွေမှာ စကားလုံးကိုဖော့ပြန်လိုက်ရင် မင်းသားကြုံတွေ့နေရတဲ့အခက်အခဲနဲ့မွန်းကြပ်မှုကိုပါ ဖော့လိုက်သလိုဖြစ်စေနေလို့ပါ။ ဒါကြောင့် တကားလုံးကို ဖော့ပြန်မထားပဲ အရှိကိုအရှိအတိုင်းဗွင်းဗွင်းကြီးပြန်ထားပါတယ် File size…1.41GB and 884 Mb and 491MB Quality…1080p BluRay & 720p & 480p Format…Mp4 Duration….1h 21min Subtitle….Myanmar Subtitle(Hard Sub) Encoder…. YK Translated by Dr.Nyan

A beautiful mind (2001) IMDb rating - 8.2 ဇာတ်လမ်းအညွှန်း ဒီဇာတ်လမ်းလေးကတော့ (Nobel Laureate in Economics) နိုဘယ်ဆုရရှိခဲ့တဲ့ သင်္ချာပညာရှင်ကြီး John Nash ရဲ့ဘဝဇာတ်ကြောင်းကို ရိုက်ကူးထားတာဖြစ်ပါတယ်။ John Nash ရဲ့သီအိုရီတွေက modern economic အတွက် အရမ်းအထောက်အကူပြုခဲ့ပါတယ်။ သူဟာ Princeton University ကနေ ပါရဂူဘွဲ့ရပြီး အဲဒီကျောင်းမှာ ဆရာပြန်လုပ်ခဲ့ပါတယ်။ သူ့ဘဝဇာတ်ကြောင်းကို တက္ကသိုလ်နယ်မြေကအစပြုလို့ နိုဘယ်ဆုချီးမြှင့်ခံရချိန်အထိ နိုဘယ်ဆုနဲ့ထိုက်တန်အောင် သူ ဘယ်လိုမဆုတ်မနစ်ကြိုးစားခဲ့ရလဲ၊ ဘယ်လိုရုန်းကန်ရလဲ၊ အခက်အခဲတွေကို ဘယ်လိုအောင်မြင်အောင် ကျော်ဖြတ်ရလဲဆိုတာတွေကို ရိုက်ကူးထားပါတယ်။ အပိုဆုအနေနဲ့ သူ့ရဲ့မဟေသီ Alicia နဲ့ တွေ့ဆုံချစ်ကြိုက်ခဲ့တဲ့အကြောင်းတွေကို ရိုမန့်တစ်ဆန်ဆန် တင်ဆက်ထားပါတယ်။ John Nash အဖြစ် မင်းသားကြီး Russell Crowe နဲ့ Alicia Nash အဖြစ် (မမသာ အလှဆုံး) မင်းသမီးချောလေး Jennifer Connelly တို့က သရုပ်ဆောင်ထားပါတယ်။ Oscer စကာတင်တွေအများကြီးဝင်ထားပြီး Best Director ၊ Best actress in a supporting role စသဖြင့် အော်စကာဆု လေးဆုသိမ်းပိုက်ရရှိထားပါတယ်။ ဇာတ်လမ်းရဲ့ဇာတ်ရှိန်အတက်အကျတွေနဲ့ သရုပ်ဆောင်တွေရဲ့ ပီပီပြင်ပြင်သရုပ်ဆောင်မှုတွေနဲ့မို့ ကြည့်ပြီးရင် နောင်တမရစေမယ့် ဇာတ်လမ်းကောင်းလေးဖြစ်ပါတယ်။ ပညာရှင်ကြီးတွေရဲ့ကြိုးစားမှုတွေကိုပါ အတုယူနိုင်မယ့် ဇာတ်လမ်းကောင်းလေးကို CM ပရိတ်သတ်ကြီးအတွက် တင်ဆက်ပေးလိုက်ပါပြီ။ File size… 2.7 GB / 1.16 GB Quality… BluRay 1080p / 720p Format… mp4 Duration…. 2h 15m Genre ..... Biography / Drama / Mystery Subtitle…. Myanmar Subtitle (Hard Sub) Encoder…. Thit San Khant Translated by Orika

ဒါကတော့ တတိယမြောက်ကား ဖြစ်ပြီးတော့ အမှန်အတိုင်းပြောရရင် Scream franchise ထဲမှာ rating အနည်းဆုံးကား ဖြစ်ပါတယ်။ ဒါပေမယ့် scream ရဲ့ အရသာကိုတော့ မ‌ပျောက်အောင် ထိန်းထားနိုင်တာကြောင့် horror, mystery ဖန်တွေအတွက်တော့ ကြည့်ပျော်ရှုပျော်ရှိတဲ့ ကားတစ်ကားဖြစ်နေတုန်းပါပဲ။ ဒီကားကတော့ scream 2 အပြီး ၂ နှစ်အကြာမှာ ဇာတ်အိမ်တည်ထားပါတယ်။ ဒီကားမှာတော့ ဆစ်ဒနေဟာ လူသူကင်းဝေးရာနေရာမှာ ခြေရာဖျောက်ပြီး သွားနေနေပါတယ်။ အဲဒီအချိန် hollywood မှာလည်း သရဲမျက်နှာလူသတ်မှုတွေကို အခြေခံထားတဲ့ stab 3 ရှပ်ရှင်ကားကို ရိုက်ကူးရေးစနေပါပြီ။ အဲဒီအချိန်မှာ နောက်ထပ် သရဲမျက်နှာလူသတ်သမားပေါ်လာပြီး လူသတ်မှုတွေ ဆက်တိုက်ဖြစ်လာပါတော့တယ်။ ဒီတစ်ခေါက်မှာတော့ သရဲမျက်နှာလူသတ်သမားက stab 3 ရုပ်ရှင်သရုပ်ဆောင်တွေနဲ့ အရင်လူသတ်မှုမှာ အသက်ရှင်ကျန်ခဲ့သူတွေကိုပါ ပစ်မှတ်ထားနေပါတယ်။ IMDB 5.6 ရထားပြီး tomatometer 40% ရထားပါတယ်။ ဒီကားဟာ scream trilogy ရဲ့ နောက်ဆုံးကားဖြစ်ပြီး အတိတ်ကကြောင်းတွေကို ဖြေရှင်းထားလို့ scream ဖန်တွေကတော့ ကြည့်သင့်တယ်လို့ ပြောပါစေ။ Quality__Bluray 1080p, 720p and 480p IMDb Rating__5.6/10 Format__mp4 Duration__1h56min Type__Horror, Mystery Subtitle__Myanmar Subtitle (Hardsub) Translated by San Thu Aung Encoded by Htet Wai Lwin

Rounders(1998) IMDB...7.3,,,Rotten...65% Rounders ( ကျားများ) ကျား ။ ။ ကံတိုက်​ကစားတဲ့ ဖဲသမား မဟုတ်​ပဲ ဖဲလိမ်​ရိုက်​သူ ဖဲနဲ့ အသက်​​မွေးသူများကို ကျားဟု​ခေါ်သည်​။ Ref..မင်​းသိင်္ခ ဆရာသခင်​နဲ့ နှစ်​​ပေါင်​းများစွာ ခင်​ဗျား ဖဲကစားရတာ စိတ်​ဝင်​စားလား...။ ကျွန်​​တော်​​တော့ မကြာမကြာ ဖဲကစား ဖူးတယ်​။ Texas Holdem Poker လို့​ခေါ်တဲ့ ဆိုတဲ့ ဖဲကစား နည်​းလည်​း အပါအဝင်​ပါပဲ။ ဒီ ကစားနည်​းကို ကျွန်​​တော်​ ကံ နဲ့ ဆုံးဖြတ်​ချက်​ သက်​သက်​လို့ ထင်​ခဲ့ဖူးပါတယ်​... ဒီ ဇာတ်​ကားကို မကြည်​့မိခင်​ အထိ​ပေါ့။ ဖဲလိမ်​ရိုက်​တယ်​ဆိုတာထက်​ လူ့စိတ်​ကို ဖတ်​တယ်​ ဆို ပိုမှန်​မလားပဲ။ ဒီထဲမှာ Matt Damon ​ပြောခဲ့သလို ​ပြောခဲ့သလိုပါပဲ ဖဲချပ်​​တွေကို ကစားတာ မဟုတ်​ပါဘူ း လူ​တွေရဲ့ စိတ်​ကို ကစားလိုက်​တာပါ။ ဖဲတစ်​ချပ်​​ဝေတိုင်​းမှာ ဆုံးဖြတ်​မှုတစ်​ခု လုပ်​ရတယ်​။ ဆက်​လိုက်​မလား အရှုံး​ပေးလိုက်​မလား ​လောင်​း​ကြေးမြှင်​့မလား အစရှိသဖြင်​့​ပေါ့... ကိုယ်​့ဖဲက တစ်​ဖက်​ဖဲထက်​ ​ကောင်​းလျက်​နဲ့ အရှုံး​ပေးမိတာလည်​း ဖြစ်​နိုင်​​လေရဲ့ ။ တစ်​ဖက်​ဖဲထက်​ မသာပဲ နိုင်​သွားတာလည်​း ဖြစ်​နိုင်​​လေရဲ့... ဒီ​တော့ ခင်​ဗျားပဲ ​ပြောကြည်​့ပါ ဘာကို ကစားတာများလဲ...။ ဇာတ်​လမ်​းအကျဉ်​းက​တော့ ဖဲကစားတာကို မိန်​းက​လေးတစ်​​ယောက်​အတွက်​ ရပ်​ထားတဲ့ ​ရှေ့​နေစာ​မေးပွဲ ​ဖြေရ​တော့မဲ့ ကျားတစ်​​ကောင်​.... သူ့ သူငယ်​ချင်​း ​ထောင်​က ထွက်​တဲ့​နေ့မှာ သူငယ်​ချင်​း အလိုကို လိုက်​ပြီး ဖဲကစားမိရာက သူ့ သူငယ်​ချင်​း ရဲ့ ပြသ၁နာ​တွေမှာ မီးခိုးကြွက်​​လျှောက်​ ပါဝင်​မိရာက သူ့ ဘဝ အစစ်​အမှန်​ ဝါ ဖဲသမားဘဝထဲ ပြန်​​ရောက်​သွားတဲ့ အ​ကြောင်​းပါ တစ်​ကားလုံး အချစ်​ခန်​းတစ်​ခန်​းမှ မပါ​ပေမဲ့ အဆုံးသတ်​အခန်​း​လေးမှာ​တော့ စကားလုံး​တွေအများကြီးမပါပဲ သံ​ယောဇဉ်​​တွေရဲ့ အတိမ်​အနက်​ကို ရိုးရိုးရှင်​းရှင်​း​လေး ခလုတ်​တိုက်​ပြ သွား​လေရဲ့ ဘဝမှာ ​ရွေးချယ်​မှု​တွေ အမြဲ ရှိပါတယ်​။ ဘယ်​သူ့ကို ဘယ်​​လောက်​ပဲ ချစ်​ပါတယ်​​ပြော​ပြော ကိုယ်​ ဘယ်​သူလဲဆိုတာကို ကျွန်​​တော်​တို့တ​တွေ ​ကျောခိုင်​းပြီး ​ ရွေးချယ်​လို့ မရပါဘူး ရခဲ့လည်​း ခဏပါပဲ။ မ​ရွေးချယ်​ခဲ့​ပေမဲ့လည်​း အနက်​ရှိုင်​းဆုံး သိမ်​းဆည်​းထားတဲ့ ချစ်​ခြင်​းတရား​တွေလည်​း ရှိ​လေရဲ့ Matt Damon ဒီကားမှာ ​ရွေးသွားတဲ့ လမ်​း​ကြောင်​းကို ကျွန်​​တော်​တို့ မှန်​တယ်​ မှားတယ်​ မ​ဝေဖန်​ပဲ စီး​မျော ကြည်​့ကြရ​အောင်​... Matt Damon နဲ့ Edward Norton လို Legend ​တွေ ပါဝင်​ထားတဲ့ ကားလည်​း ဟုတ်​ပါတယ်​။ IMDB Rating 7.3 အထိရထားပါတယ်​။ ဇာတ်လမ်းအညွှန်းနဲ့ ဘာသာပြန်သူကတော့ Ko WiRa Aung ပဲဖြစ်ပါတယ်... File Size : (800 MB) and (314 MB) Quality : Blu-Ray 720p Format…mp4 Duration…02:01:00 Genre : Crime, Drama Subtitle : Myanmar Subtitle (Hard Sub) Translated by WiRa Aung Encoded by Phyo Pyae

ယခုအခါတင်ဆက်ပေးလိုက်တာကတော့ ဖြစ်ရပ်မှန်အပေါ်အခြေခံထားတဲ့ဥပဒေနောက်ခံဒရာမာဇာတ်လမ်းလေးပဲဖြစ်ပါတယ်...1998 ခုနှစ်ကထွက်ရှိခဲ့ပြီးတော့ အော်စကာဆုနှစ်ခုအတွက် nomination ဝင်ခဲ့ပါတယ်....အဓိကဇာတ်ဆောင်တွေအနေနဲ့ Pulp Fiction နဲ့နာမည်ကြီးတဲ့မင်းသားကြီး John Travolta နဲ့မင်းသားကြီး Robert Duvell တို့ပါဝင်ပါတယ် ဇာတ်လမ်းကတော့ ဂျန်ရှလစ်မန်းဟာအောင်မြင်တဲ့၊အလျှော့မပေးတတ်တဲ့ရှေ့နေတစ်ဦးပါ....သူဟာသူတရားစွဲတဲ့ကုမ္ပဏီတွေကိုငွေပေးပြီးကျေအေးချင်လာအောင်ဖိအားပေးပြီးတော့ အနိုင်ရအောင်ယူတတ်သူပါ....ဒီတော့ သူတို့ရှေ့နေလုပ်ငန်းဆီကိုအန်းအန်ဒါဆန်ဆိုတဲ့မိန်းမကအမှုအပ်လာပါတယ်....အမှုကတော့အန်းအန်ဒါဆန်ရဲ့သားအပါအဝင် Woburn ဆိုတဲ့မြို့ငယ်လေးက ကလေးတော်တော်များများဟာသွေးကင်ဆာရောဂါကိုခံစားနေရပြီးတော့ အန်းအန်ဒါဆန်တို့ကသူတို့မြို့ရဲ့သောက်သုံးရေကြောင့်လို့ထင်လို့ပါ.... သောက်သုံးရေဟာစက်ရုံတွေကထုတ်တဲ့ဓာတုပစ္စည်းတွေနဲ့ညစ်ညမ်းနေခဲ့လို့ စက်ရုံတွေကိုတရားစွဲချင်တာပါ.....အစကတော့အကျိုးရှိမှာမဟုတ်ဘူးလို့ထင်ခဲ့ပေမဲ့ ဂျန်ရှလစ်မန်းတစ်ယောက် စည်းကမ်းမရှိလုပ်ကိုင်နေတဲ့စက်ရုံတွေကိုမြင်တွေ့လိုက်ရတဲ့အခါမှာတော့ အမှုကိုလက်ခံလိုက်ပါတယ်....ဒီလိုနဲ့ဂျန်ရှလစ်မန်းက Beatrice ကုမ္ပဏီနဲ့ W. R. Grace ကုမ္ပဏီတို့ကိုတရားစွဲပါတော့တယ်....ထိုအခါသက်သေပြဖို့ကလည်းခဲယဉ်းပြီးတော့ အမှုကြာလေလေငွေကုန်ကြေးကျများလေလေဖြစ်လာတဲ့အခါမှတော့...ဂျန်ရှလစ်မန်းတစ်ယောက်အမှုကိုအနိုင်ရရှိသွားမလားဆက်လက်ကြည့်ရှုကြပါခင်ဗျာ.... File size…(1.4 GB)/(788 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by AKM