Joy Mathew ပါဝင်သော ဇာတ်ကားများ

Aasha 2026 ကံကြမ္မာဖန်လာသမျှ IMDb 7.6 မင်းသမီးချောလေး အိုင်ရှ်ဝါယာ လက်ရှ်မီးရဲ့ ဇာတ်ကားသစ်လေး ထွက်ရှိလို့လာခဲ့ပါပြီ။ ခင်ပွန်းဖြစ်သူ မရှိတော့တည်းက နောက်အိမ်ထောင်မပြုဘဲ သမီး၂ယောက်ကို ပြုစုပျိုးထောင်လာခဲ့တဲ့ အာရှာ။ ထုတ်မပြောပေမဲ့ အတိတ်ကဖြစ်ရပ်တွေကြောင့် စိတ်ဒဏ်ရာအတော်လေးများခဲ့တော့ စိတ်အရမ်းဆတ်တဲ့ အမေတစ်ယောက်ပေါ့။ သွားတဲ့နေရာတိုင်းမှာ စကားမများတာမရှိ စိတ်မရှည်တဲ့လူဖြစ်လာခဲ့တယ်။ တစ်နေ့မှာတော့ မူးပြီးမောင်းလာတဲ့ လူမိုက် ၂ယောက်နဲ့ ပြဿနာတက်ခဲ့ရာကစပြီး အာရှာ့ထုံးစံအတိုင်း လွယ်လွယ်နဲ့ပြီးမှာကို ရေးကြီးခွင်ကျယ်နဲ့ ရုံးရောက် ဂတ်ရောက်တွေ ဖြစ်ကုန်တာပေါ့။ ဒီကနေစလိုက်တဲ့ပြဿနာက အာရှာ့ဘဝမှာ ဘာတွေပြောင်းလဲလာမလဲ။ ထင်မှတ်မထားတဲ့ ကံကြမ္မာကြောင့် ဘာတွေဆက်ဖြစ်သွားမလဲ။ File size… 1.45 GB / 952 MB Quality…1080p HEVC/ 720p Format…mkv/ mp4 Duration….2h 7m Subtitle….Myanmar Subtitle (Hard Sub)

Aroopi 2026 ပြန်ရောက်လာတော့ ကံကြမ္မာများ IMDb 6.1 ဟိုးရှေးရှေးတုန်းက ပတ်ဒ်မီနီလို့ခေါ်တဲ့ နတ်သမီးသဖွယ် လှပတဲ့အဆင်းနဲ့ မိန်းကလေးတစ်ယောက်ရှိသတဲ့။ ဘဝရဲ့ ဆုတောင်းခြင်းတွေနဲ့ပြည့်စုံလေတော့ မြင်သမျှလူတိုင်းက ချစ်ကြ ခင်ကြနဲ့ပေါ့။ ဒီလိုပြီးပြည့်စုံနေတော့ လိုချင်ကြတဲ့လူက ခပ်များများ ဒီထဲမှာ သူ့ရဲ့မောင်ဝမ်းကွဲ ဒါသန်လည်း ပါတာပေါ့။ ဒါသန်ကတော့ အောက်လမ်းပညာတွေ လိုက်စားတဲ့ စုန်းကဝေတစ်ယောက် ပတ်ဒ်မီနီလေးကိုပိုင်ဆိုင်ရဖို့ဆို ဘာမဆိုလုပ်မဲ့လူမျိုး။ ပတ်ဒ်မီနီရဲ့ နှလုံးသားထဲမှာတော့ သူ့အတွက်နေ‌ရာမရှိဘဲ စူရီယန်ဆိုတဲ့အမျိုးသားလေးပဲရှိနေခဲ့ပါတယ်။ ဒါကို ဒါသန်က မကျေနပ် မပိုင်ဆိုင်ရတဲ့အဆုံး ပတ်ဒ်မီနီလေးကို ရက်ရက်စက်စက် သ-တ်ပစ်လိုက်ပါတော့တယ်။ ချစ်တဲ့လူနဲ့ ‌ေ-သကွဲကွဲရ ၊ လုပ်ကြံခံလိုက်ရတဲ့ ဒီကောင်မလေးက နောက်ဆုံး သူတို့ရွာလေးမှာပဲ အငြိုးအတေးကြီးမားတဲ့ ဘီလူးမတစ်ယောက် ဖြစ်သွားပါတော့တယ်။ သူမကြောင့် လူအသေအပျောက်များလာတော့ ပြောင်းပေးတဲ့လူကပြေးနဲ့ နောက်ဆုံးမှာ သူမချစ်သူကိုယ်တိုင်က သူမကို ပန်ချာလိုဟာဆိုတဲ့ ရုပ်ထုထဲ ချိတ်ပိတ်ထည့်သွင်းလိုက်ရပါတော့တယ်....။ မျက်မှောက်ခေတ်မှာလည်း ဒီအကြောင်းကို ရှေးလူကြီးတွေ လက်ဆင့်ကမ်းလာကြလို့ လူငယ်အတော်များများ ကြားဖူးနားဝရှိပြီး ရင်းနှီးကြတယ်ပေါ့။ တစ်နေ့ သူခိုး၂ယောက်က သူမကိုချိတ်ပိတ်ထားတဲ့ရုပ်ထုကို ခိုးယူမိတဲ့အခါမှာတော့....အတိတ်က အရိပ်တွေ အသစ်တဖန်ပေါ်လာပြီး ဘာတွေဆက်ဖြစ်သွားမလဲ ကြည့်လိုက်ရအောင်။ File size… 1.45 GB / 811 MB Quality…WEB DL 1080p HEVC/ 720p Format…mkv/ mp4 Duration…. 1h 55m Subtitle….Myanmar Subtitle (Hard Sub)

Chithini_(2025) "ကိုယ်ဝန်ဆောင်တစ္ဆေ ချီသီနီ" IMDb - 5.1/10 ရှပ်ရှင်ရိုက်ကူးရေးတစ်ခုမှာ ကိုယ်ဝန်ဆောင်သည်တယောက် ကြိုး-ဆွဲချ-ေသတဲ့အခန်းကို ဒေသခံလည်းဖြစ် ကိုယ်ဝန်ဆောင်လည်းဖြစ်တဲ့ ချီသီနီတယောက် ဝင်သရုပ်ဆောင်ဖို့လုပ်ပါတယ်။ ဒါပေမဲ့ ချီသီနီ အသ-တ်ခံလိုက်ရပါတယ်။ -ေသဆုံးသွားပြီးတဲ့နောက် တောထဲမှာ ချီသီနီရဲ့ ခြောက်လှန့်မှုတွေကို လူတွေအများကြီး ကြုံတွေ့ဖူးကြတယ်လို့ ဆိုကြပါတယ်။ အဲဒီကိစ္စဖြစ်သွားခဲ့တာ ၂၃နှစ်ကြာပြီးတဲ့အချိန်။ တောပတ်လည်ဝိုင်းနေတဲ့ အဲဒီဒေသကိုပဲ ထူးခြားဆန်းပြားတဲ့ ကိစ္စတွေကို စီစဉ်တင်ဆက်တဲ့ နီရှာက အဖေဖြစ်သူ နေထိုင်ရာဒေသလည်းဖြစ်တာမို့ သူ့အစီအစဉ်အတွက် ရွေးချယ်လိုက်ပါတယ်။ နောက်ထပ်ရောက်လာတာကတော့ စခန်းမှူးအသစ် အယ်လန်။ သူတို့ရောက်တဲ့နေ့မှာပဲ ကိုယ်ဝန်ဆောင်သည်တယောက် သစ်ပင်မှာ ကြိုးဆွဲချ-ေသဆုံးနေတာကို တွေ့ပြီး ကိုယ်ဝန်ဆောင်တစ္ဆေ ချီသီနီ ပြန်သောင်းကျန်းနေပြီဆိုတဲ့ ကောလာဟလနဲ့အတူ ထူးခြားဆန်းပြားတဲ့ ဖြစ်ရပ်တွေ ဆက်တိုက်ဆိုသလို ဖြစ်လာတဲ့အခါမှာတော့...။ File size… 2.5 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 26min Subtitle….Myanmar Subtitle (Hard Sub)

Haal (2025) စည်း 2025 တုန်းက ရုံတင်ခဲ့ပြီး အခုမှ Ott ထွက်လာတဲ့ သီချင်းကောင်းလေးတွေအများကြီးပါတဲ့ မာလျာလမ်စကားပြော အချစ်ဒရာမာရုပ်ရှင်လေးကို တင်ဆက်ပေးချင်ပါတယ်။ ဒီရုပ်ရှင်ရဲ့ ဇာတ်လိုက် အာဆစ်ဖ်ဟာ စာမေးပွဲတဖုန်းဖုန်းကျပြီး အလုပ်အတည်တကျမရှိသေးတဲ့ ဂီတဝါသနာရှင်လူငယ်တယောက်ပါ။ သူဟာ သူငယ်ချင်းတစ်ယောက်ရဲ့ မင်္ဂလာဆောင်မှာ မာရီယာဆိုတဲ့ ကောင်မလေးတစ်ယောက်ကိုတွေ့ပြီး သဘောကျသွားပါတယ်။ အာဆစ်ဖ်ဟာ မာရီယာရဲ့အချစ်ကိုရဖို့ကြိုးစားခဲ့ပြီး ချစ်သူတွေဖြစ်ခဲ့ကြပေမဲ့ သူတို့နှစ်ယောက်ရဲ့ မတူညီတဲ့ ဘာသာတရားတွေက ပြဿနာဖြစ်လာတဲ့အခါမှာတော့။ File size… 2.3 GB / 1.15 GB Quality…1080p HEVC/ 720p Format…mkv/ mp4 Duration….2h 45m Subtitle….Myanmar Subtitle (Hard Sub)

Randaam Yaamam (2026) ဒုတိယအခါ Thriller ကားကောင်းကောင်း ကြည့်ချင်တဲ့သူတွေအတွက် Randaam Yaamam ဆိုတဲ့ မာလာယလမ်ကားသစ်လေးကို တင်ဆက်ပေးချင်ပါတယ်။ ဒီကားက ရိုးရိုးရှင်းရှင်းဒရာမာ လိုလိုနဲ့ တကယ့်ကို ရင်တထိတ်ထိတ်ကြည့်ရမယ့် အမျိုးအစားပါ။ ဇာတ်လမ်းကတော့... ရှေးရိုးစွဲ အယူအဆတွေလွှမ်းမိုးနေတဲ့ ရွာလေးတစ်ရွာမှာ ရွာသားတွေအားကိုးကြတဲ့ သီရူမေနီဆိုတဲ့ ဂမ္ဘီရဆရာကြီးတစ်ယောက်ရှိပါတယ်။ သူ့မှာ ယာဒူနဲ့ ယာသီဆိုတဲ့ ရုပ်မတူတဲ့ အမြွှာသားနှစ်ယောက်ရှိပြီး အဲဒီထဲကတစ်ယောက်က မကောင်းတဲ့ နက္ခတ်နဲ့မွေးဖွားလာသူဖြစ်ပါတယ်။ ယာဒူဟာ သူ့အဖေခြေရာနင်းပြီး ဗေဒင် ဂမ္ဘီရပညာတွေမှာ နှံ့စပ်ပေမဲ့ ယာသီကတော့ သာမန်လူလိုနေထိုင်ချင်တာကြောင့် သူတို့အဖေဖြစ်သူရဲ့ မျက်နှာသာပေးခြင်းကို မခံရသူပါ။ အဲဒီလိုနဲ့ သူတို့ရဲ့ရွာလေးကို ဆိုဖီဆိုတဲ့ မြို့သူလေးရောက်လာပြီး ကိစ္စတစ်ခုဖြစ်သွားတဲ့အခါ မှာတော့ တည်ငြိမ်နေတဲ့သူတို့ရွာလေးမှာ သည်းထိတ်ရင်ဖိုကိစ္စတွေဖြစ်လာပါတော့တယ်။ File size… 1.97 GB / 1.07 GB Quality…WEB DL 1080p HEVC/ 720p Format…mkv/ mp4 Duration….2hr 18mins Subtitle….Myanmar Subtitle (Hard Sub)

J.S.K – Janaki V vs State Of Kerala (2025) "သားကောင်" ဒီတစ်ခါမှာတော့ ဥပဒေကို လက်တစ်လုံးခြားလုပ်ကြတဲ့ လောကကြီးထဲမှာ မတရားမှုတွေကြား ‌ သားကောင်ဖြစ်သွားရရှာတဲ့ မိန်းကလေးတစ်ယောက်အကြောင်း ရိုက်ကူးထားတဲ့ ဇာတ်လမ်းကောင်းတစ်ပုဒ်ကို တင်ဆက်ပေးချင်ပါတယ်။ အချိန်ကာလကတော့ ဘုရားကျောင်းတစ်ကျောင်းက အစပြုလာတဲ့ ပြဿနာတွေကြောင့် အသင်းတော်ကို .ကာကွယ်ဖို့ကြိုးစားနေတဲ့ ယုံကြည်ကိုးကွယ်သူတွေရယ် သူတို့ဘက်ကအာဏာပိုင်တွေရယ် ရဲတွေရယ် တရားမှုအတွက် ရဲရဲဝံ့ဝံ့ရပ်တည်ပေးမဲ့ ရှေ့နေကြီး‌ဒေးဗစ်ရယ်... သူတို့ကြားမှာ ရုန်းရင်းဆန်ခတ်တွေ ဖြစ်နေကြချိန်ပေါ့...။ အဲဒီအရှုပ်အထွေးကြားမှာ ရဲစခန်းထဲ၀င်ဖို့ ကြိုးစားနေကြတဲ့ လူတွေနဲ့ ရဲတွေထိတွေ့မှုဖြစ်ရာက လူတစ်ယောက် အသက်ဆုံးသွားခဲ့ပါတယ်။ အဲဒီအချိန်မှာပဲ ရဲစခန်းထဲရောက်လာတဲ့ မိန်းကလေးတစ်ယောက်ဟာလည်း ရုတ်တရက်မေ့လဲသွားတာကြောင့် ဆေးရုံပို့လိုက်ရပါတယ်။ နောက်မှာ အဲဒီမိန်းကလေးဟာ မုဒိမ်းမှုရဲ့သားကောင် ဖြစ်နေတာကို သိလိုက်ရပါတယ်။ အဲဒီလိုအမှုတွေရဲ့နောက်ကွယ်မှာ ဘယ်လိုမထင်မှတ်တဲ့ သူတွေရှိနေမလဲ၊ ရှေ့နေကြီးကရော အမှန်တရားဘက်ကနေ ဘယ်လိုရပ်တည်ပေးသွားမလဲ ဆိုတာကို ဒရာမာနှောပြီး သည်းထိတ်ရင်ဖို ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ B Team ဖြစ်ပါတယ်။) File size… 2 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 34m Subtitle….Myanmar Subtitle (Hard Sub) Translated by B Team

1000 Babies (2024) "ကလေးတစ်ထောင်" IMDb - 7.2/10 အပိုင်းခုနစ်ပိုင်းပါဝင်တဲ့ မလေယာလမ်းသည်းထိတ်ရင်ဖို မှုခင်းဇာတ်လမ်းတွဲကို တင်ဆက်ပေးလိုက်ပါတယ်။ ဆာရာဆိုတဲ့အဘွားကြီးကို အများက စိတ်မနှံ့တဲ့ အရူးမကြီးလို့ သတ်မှတ်ထားကြပါတယ်။ ဆာရာက အငြိမ်းစားသူနာပြုဆရာမကြီးတစ်ဦး။သူနဲ့အတူ ဘီဘင်ဆိုတဲ့ သားဖြစ်သူအတူနေပါတယ်။ ဘီဘင်က သူတို့အိမ်နားမှာပဲ အလုပ်လုပ်ပါတယ်။အမေဖြစ်သူကို အစစအရာရာလိုလေးသေးမရှိ ပြုစုလုပ်ကိုင်ပေးနေသူပါ။ တစ်နေ့မှာတော့ ဆာရာရဲ့ဝန်ခံမှုကြောင့် ဘီဘင်တစ်ယောက် ဒေါသတကြီးနဲ့ ဆာရာကိုအန္တရာယ်ပြုပြီး အိမ်ကနေထွက်ပြေးသွားပါတော့တယ်။ ဆေးရုံတက်လိုက်ရတဲ့ အမေအိုကြီးဆာရာက တရားရေးအရာရှိတစ်ယောက်နဲ့ ရဲတစ်ယောက်ကိုတွေ့ဖို့ တောင်းဆိုခဲ့တယ်။အဲဒီနှစ်ယောက်ကို ချိတ်ပိတ်ထားတဲ့စာအိတ်နှစ်လုံး ပေးထားခဲ့ပြီး မကြာခင်မှာပဲသေဆုံးသွားပါတော့တယ်။ စာအိတ်ထဲမှာ ဘာတွေပါတာလဲ။ အမေအိုကြီးကို ကောင်းကောင်းမွန်မွန်ပြုစုစောင့်ရှောက်ခဲ့တဲ့ ဘီဘင်တစ်ယောက် ဘာလို့ဒေါသပေါက်ကွဲသွားခဲ့တာလဲဆိုတာ စိတ်ဝင်စားဖွယ် ကြည့်ရှုကြရမှာပါ။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်) File Size – 1 GB (Appx;)@Episode Quality – 1080p WEB DL Duration –40 minute (@Episode) Total Episodes:7Eps Subtitle – Myanmar Hardsub Format – Mp4 Genre : Crime, Drama Translator – CM Bollywood Team  Encoder – YK

2018 (2023) (IMDb 8.8/10,RT 100%) ယခုတစ်ခါ ပရိသတ်ကြီးကို ၂၀၂၃ မေလမှာထွက်ရှိလာတဲ့ ဖြစ်ရပ်မှန်အခြေခံ survival ရုံတင်ဇာတ်ကားကောင်းလေးတစ်ကားနဲ့ မိတ်ဆက်ပေးပါရစေ Vaashi,Neelavelicham တို့မှာကျရာဇာတ်ရုပ်က ပီပြင်စွာသရုပ်ဆောင်ခဲ့တဲ့ Tovino Thomas ဟာဆိုရင်ဖြင့် ဒီကားထဲမှာလည်း ပိုင်နိုင်စွာ သရုပ်ဆောင်ထားပြန်ပါတယ် ရုံတင်ငွေဟာလည်း 171ကုဋေအထိ ပြန်ရခဲ့တဲ့ကားဖြစ်လို့ Survival ကားကြိုက် ပရိသတ်တွေအတွက် အလန်းစားဇာတ်ကားတစ်ကားပါပဲ အိန္ဒိယတောင်ပိုင်း ကယ်ရာလာမှာ လွန်ခဲ့တဲ့နှစ်နှစ်ဆယ် ဝန်းကျင်မှာ ဖြစ်ပွားခဲ့တဲ့ရေကြီးမှုကြောင့် တစ်ပြည်နယ်လုံး ရေထဲမြုပ်သွားပြီ တောင်ကုန်းပါမကျန် ဘာဆိုဘာမှ မကျန်အောင် အကုန်ရေထဲ နစ်မြုပ်ပျက်စီးခဲ့ပါတယ် အဆိုပါရေလွှမ်းမိုးမှုဟာ မိုးရေချိန်များပြားစွာ ရွာသွန်းမှု ဆည်ရေလျှံမှု ‌ မြစ်ရေကြီးမှု စသည်ဖြင့် အကြောင်းရင်းများစွာရှိခဲ့ပါတယ် ယခုအချိန် ၂၀၁၈ မှာ အဆိုပါရေကြီးမှုမျိုးထပ်မံဖြစ်လာတဲ့အခါ ရုန်းကန်လှုပ်ရှား ကယ်ဆယ်ကြရတာကို ဇာတ်လမ်းကောင်းကောင်းလေးနဲ့ ဖြစ်ရပ်မှန်အခြေပြု ရိုက်ပြလိုက်တဲ့အခါမှာ အခုလို rating တွေ လန်ပြန်ထွက် ရှယ်ကောင်းတဲ့ ဇာတ်ကားတစ်ကားဖြစ်လာပါတော့တယ် Survival ကားကောင်းကောင်း ကြည့်ချင်တဲ့ပရိတ်သတ်တွေအဖို့ လက်မလွှတ်သင့်တဲ့ ဇာတ်ကားလေးဖြစ်ကြောင်း ညွှန်းဆိုရင်း သဘာဝပတ်ဝန်းကျင်ကို ထိန်းသိမ်းပေးဖို့ပါ တိုက်တွန်းပေးလိုက်ရပါတယ်ဗျာ (အညွှန်းရေးသားသူကတော့ Sai ဖြစ်ပြီး ဘာသာပြန်တွေကတော့ Sai~Thaik~Chiclon3~YH~Aditiနဲ့ Yunni တို့ပဲဖြစ်ပါတယ်) File size…2GB / 1GB Quality…1080p WEB DL  / 720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Sai~Thaik~Chiclon3~YH~Aditi~  Yunni

Christy 2023 IMDb-5.7/10 တောင်ပိုင်းမာလာရရမ်မင်းသမီးချော မလာကာမိုဟမ်နမ်ကနေ မမအဖြစ်ဦးဆောင်ပါဝင်ထားတဲ့ ဒီဇာတ်ကားဟာ ဒါရိုက်တာအယ်ဗင်ဟင်နရီရဲ့ ဖြစ်ရပ်မှန်ခံစား ပွဲဦးထွက်ဇာတ်ကားလေးဖြစ်ပါတယ် ပင်လယ်ကမ်းခြေနယ်မြို့လေးက ကျောင်းသားလေးရွိုင်.... လူငယ်သဘာဝပျော်လိုက်ပါးလိုက်နဲ့ စာမေးပွဲတွေတဖုန်းဖုန်းကျ.... မိဘတွေက မြို့ပေါ်ခေါ်တော့မယ်လုပ်မှ ကြောက်လန့်တကြားနဲ့ စာမေးပွဲဖြေဖို့ ကျူရှင်ပြေးတက်တဲ့ ရွိုင်.... လှပတဲ့ ကျူရှင်ဆရာမ ခရစ်စတီ.... မမကလှပေမဲ့ အိမ်ထောင်ရေးကံမကောင်း အိမ်ထောင်‌စောစောကျပြီး ကွာရှင်းထားတော့ ရွိုင်ကိုကလေးလိုပဲဆက်ဆံတဲ့ မမ.... တစ်သက်လုံးဘယ်သူချွတ်ချွတ်မကျွတ်ပေမဲ့ မမချွတ်မှပဲ ပြောစကားနားထောင်မယ်ဆိုတဲ့ သားလိမ္မာလေးရွိုင်... ဇာတ်လမ်းလေးက ပုံမှန်ရိုးရိုးလေးဆိုပေမယ့် ဆန်းနေတာက သိပ်လှတဲ့မမနဲ့ သူငယ်နှပ်စားရွိုင်တို့ရဲ့ အချစ်ဇာတ်လမ်းပါ အိန္ဒိယမမဆိုတော့ အိန္ဒိယဆန်ဆန်ဆွဲဆောင်မှုလေးတော့ရှိပါတယ် ဒါ့အပြင်တခြားမိသားစုရေးရာလေးတွေ ဟာသလေးတွေလဲပါဝင်တာမို့ မပျင်းမရိနဲ့ အဝကြည့်ရမှာပါ ဆရာဝန်ညွှန်ကြားချက်မှာ လက်ဖက်ရည်တစ်ခွက်ပေးပါ ဒူးယားတစ်လိပ်ပေးပါ မမကျွန်တော့်ကိုပြန်ချစ်ပါ ဒီကောင် လက်နက်ချရမယ်တဲ့ File size…1.76GB / 883MB Quality…1080p True WEB DL / 720p Format…mp4 Duration….2h 21m Subtitle….Myanmar Subtitle (Hard Sub) Encoder….YK Translated by Sai Thu Rein~BpL~ Yunni~ Cherry

"မှတ်ဉာဏ် မီးခိုးငွေ့များ" အတိတ်က မွှေးခဲ့တဲ့မီးက ပစ္စုပ္ပန်အထိ လိုက်ပါပြီး မီးခိုးငွေ့တွေ တရိပ်ရိပ်လောင်နေတုန်းပဲ အတိတ်စာမျက်နှာရဲ့ ဘယ်နေရာမှာ ဘာတွေ မှားခဲ့လဲ အခုခံစားနေရတဲ့ အကျိုးဆက်တွေက ဘာကြောင့်လဲ ဆိုတာတောင် မသိရတဲ့ အခြေအနေ... CM ပရိသတ်ကြီး ရုံးပိတ်ရက်မှာ အနားယူဖို့ ဇာတ်အိမ်ခိုင်ခိုင်နဲ့ Malayalam စကားပြော mystery/thriller ကားကောင်းတစ်ကား တင်ဆက်ပေးလိုက်ပါတယ် ဇာတ်လမ်းအကျဥ်းကတော့ အာဗီဆိုတဲ့ စီးကရက်ကုမ္ပဏီတစ်ခုက မားကတ်တင်းမန်နေဂျာနဲ့ သူ့ရဲ့ ဇနီးသည်ဖြစ်သူ ဒီယာ တို့က ညဖက် ကားမောင်းနေတုန်း မတော်တဆမှုတစ်ခု ကြုံရပါတယ် ဇာတ်လမ်းကို အတိတ်ဖြစ်ရပ် ကာလအပိုင်းအခြားနဲ့ လက်ရှိဖြစ်နေတဲ့ timeline ကို တစ်လှည့်စီ ရိုက်ကူးပြထားပါတယ် အတိတ်နဲ့ ပစ္စုပ္ပန်တို့ရဲ့ ဇာတ်ကြောင်းနှစ်ခုဟာ ဘယ်လိုမှ မသက်ဆိုင်အောင် ကွာခြားနေပြီး ဒါကပဲ ဒီဇာတ်ကားမှာ ပရိသတ်အနေနဲ့ ဘာဆက်ဖြစ်မလဲ ခန့်မှန်းချင်စိတ်ပေါ်လာအောင် ဆွဲဆောင်ထားနိုင်တဲ့ အချက်ပါ အာဗီက လက်ရှိပစ္စုပ္ပန်မှာ အတိတ်မေ့နေပြီးတော့ သူလုပ်ခဲ့တဲ့အရာနဲ့ လက်ရှိသူ့မိန်းမနဲ့ သူတို့နှစ်ယောက်ဖြစ်နေတဲ့ ပြဿနာကို ဆက်စပ်မရဖြစ်နေပါတယ် အတိတ်ဖြစ်ရပ်မှာတော့ သူ့မိန်းမဖြစ်သူနဲ့ စတွေ့ခဲ့တဲ့ ရိုမန့်ဆန်ဆန် ဇာတ်လမ်းနဲ့အတူ အလုပ်မရှိပဲ မြို့တက်လာရာကနေ ဆစ်ဒူဆိုတဲ့ လူနဲ့ဆုံပြီး စီးကရက် ကုမ္ပဏီရဲ့ မားကတ်တင်း ရာထူးကြီးတစ်ခု မထင်မှတ်ပဲ ကမ်းလှမ်းခံရပုံကို ဖော်ပြထားပါတယ် ဇာတ်လမ်းအစမှာ အသေခံဗုံးခွဲသမားတစ်ယောက်ကို စစ်ကြောရေးတစ်ခုက မေးမြန်းနေပြီး အကြမ်းဖက်သမားက ဆေးလိပ်သောက်ခွင့်တောင်းပါတယ်... ဒါပေမယ့် ဗုံးကို အကြမ်းဖက်သမားရဲ့ လည်ချောင်းမှာထည့်ထားတာ ဖြစ်ပြီး ဆေးလိပ် သောက်တာနဲ့ ဗုံးပေါက်သွားအောင် လုပ်ထားတာပါ ဒီ ဗုံးကိစ္စနဲ့ရော ပင်မဇာတ်လမ်းနဲ့ ဘယ်လိုဆက်စပ်နေသလဲဆိုတာ ရင်ခုန်စိတ်လှုပ်ရှားစွာနဲ့ ကြည့်ရှုရမှာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 2.4GB / 1GB Quality…1080p  WEB DL /720p Format…mp4 Duration….2h 23m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီတစ်ခါမှာတော့ ပဟေဠိဆန်ဆန်ကြည့်ရှုကြရမယ့် ဇာတ်ကားကို တင်ဆက်ပေးလိုက်ပါတယ်။ နိုင်ငံရေးနဲ့ပတ်သက်နေတဲ့ လူသတ်မှုတစ်ခုကို ကျူးလွန်ပြီးတဲ့နောက်မှာ မူစသူကာဦးစီးတဲ့ ဂိုဏ်းတစ်ခုဟာ ကားတစ်စီးနဲ့ ထွက်ပြေးတိမ်းရှောင်နေပါတယ်။ ဂိုဏ်းထဲကသူတစ်ယောက် ဒဏ်ရာရသွားတဲ့အခါ ဘယ်ဆေးရုံမှာမှ ပြလို့မရပဲ ရဲတွေကိုပတ်ရှောင်နေရတဲ့သူတို့ဟာ ဆေးကျောင်းသားတစ်ယောက်ဖြစ်တဲ့ အာရွန်ကို ဒဏ်ရာဆေးထည့်ပေးဖို့ခေါ်လိုက်ပါတယ်။ ဘာမှမသိတဲ့အာရွန်တစ်ယောက် ဒီအမှုထဲ မဆီမဆိုင်ပါသွားဖို့ အကြောင်းဖန်ပါတော့တယ်။ သူတို့တွေ ဘာဆက်ဖြစ်ကြမလဲ။ အမှုကရော အမှန်တိုင်းပေါ်လာဦးမှာလားဆိုတာကို ဆက်လက်ကြည့်ရှုပေးကြပါဦး။ (အညွှန်းနဲ့ဘာသာပြန်သူတွေကတော့ V ~ Bpl ~ Yunni ~ ToMo ~ Cherry တို့ပဲဖြစ်ကြပါတယ်။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 1.8GB / 855MB Quality…1080p WEB DL /720p Format…mp4 Duration….2h 8m Subtitle….Myanmar Subtitle (Hard Sub) Encoder….YK Translated by V ~ Bpl ~ Yunni ~ ToMo ~ Cherry

ချန်ဒရာပရာကစ်ရှ်ဟာ မီဒီယာလောကမှာ နာမည်ရှိတဲ့ သတင်းတင်ဆက်သူတစ်ယောက်ပါ။ ရုပ်သံလိုင်းရဲ့ ကြည့်ရှုသူအရေအတွက် တက်လာအောင် သတင်းတွေ ရှာဖွေရေးသားဖို့ သူဌေးနဲ့ အယ်ဒီတာက အမျိုးမျိုး ဖိအားပေးနေကြတယ်။ အဲဒီအချိန်မှာ တခြားရုပ်သံလိုင်းက သတင်းတင်ဆက်သူအသစ် ပရာဒီက သူ့ထက် လက်ဦးမှုရပြီး လူအများ စိတ်ဝင်စားတဲ့ သတင်းတစ်ပုဒ်ကို တင်ဆက်နိုင်သွားပါတယ်။ ဒီနောက် ချန်ဒရာက သူလက်ကိုင်ထားခဲ့တဲ့ သတင်းသမားတစ်ယောက်ရဲ့ ကျင့်ဝတ်တွေကို စဖောက်ဖျက်လာတယ်။ လူစိတ်ဝင်စားမှုရဖို့ လုပ်ကြံဖန်တီးထားတဲ့ အန္တရာယ်ရှိသော သတင်းတွေကို ရေးသားလာပြီး အတ္တနဲ့ လောဘနောက်ကို လိုက်သွားပါတယ်။ ဘယ်သူမှ သူ့ကို မတားနိုင်တော့တဲ့အခါ သူဖန်တီးတဲ့ သတင်းတွေက ဘယ်လိုအကျိုးဆက်တွေ ဖြစ်လာစေမလဲ။

ကတ်ဒူဗာ ကူရီရာချန်ဟာ မဟုတ်မခံစိတ်ရှိပြီး အမှန်တရားဘက်က ရပ်တည်ပေးတတ်သူပါ။ “ကျား” လို့ အဓိပ္ပာယ်ရတဲ့အမည်ကို ပိုင်ဆိုင်ထားတဲ့ သူ့ကို ပါလာမြို့မှာ ကလေးကအစ လူကြီးအဆုံး သူရဲကောင်းတစ်ယောက်လို သိကြပါတယ်။ တစ်နေ့မှာ အကျင့်ပျက်ဖာသာတစ်ဦးကို ပညာပေးဖို့ အကြောင်းဖန်လာရင်း မြို့မှာ တာဝန်ကျနေတဲ့ ရဲအရာရှိ ဂျိုးဆက်ချန်ဒီနဲ့ အချင်းများသွားတယ်။ အဲဒီကစလို့ နှစ်ယောက်ကြား အငြိုးအတေးတွေ ပေါ်လာပါတယ်။ အငြိုးကြီးတဲ့ ဂျိုးဆက်က ကူရီရာချန်ကို ဘယ်လိုလက်စားချေမလဲ၊ ဒီပဋိပက္ခမှာ ဘယ်သူက အနိုင်ရမလဲဆိုတာနဲ့အတူ မတရားမှုတွေအတွက် အမှုမှန်ပေါ်လာနိုင်မလားဆိုတဲ့ မေးခွန်းလည်း ရှိနေတယ်။ Prithviraj Sukumaran နဲ့ Vivek Oberoi တို့ ပါဝင်သရုပ်ဆောင်ထားတဲ့ အက်ရှင်ဇာတ်ကားပါ။

Drishyam 2 (2021) မနေ့က ထွက်ရှိလာတဲ့ မာလာယာလမ်းစကားပြော အိန္ဒိယတောင်ပိုင်းရုပ်ရှင်တစ်ခုကို တင်ဆက်ပေးလိုက်ပါရစေ...။ ဒီဇာတ်ကားဟာ ၂၀၁၃ ခုနှစ်က ထွက်ခဲ့တဲ့ Drishyam မူရင်းဇာတ်ကားရဲ့ အဆက်ဖြစ်ပြီး ၊ ပထမကားဟာ Kannada, Tekugu,Tamil,Hindi,Simhalese,Chinese စတဲ့ ဘာသာစကားပေါင်းများစွာနဲ့ Remake များစွာရိုက်ကူးခဲ့ရတဲ့အထိ အောင်မြင်ခဲ့ပြီး ၊ သူတို့ရဲ့ ကာရယ်လာပြည်နယ်ကပေးအပ်တဲ့ Best FIlm Award တွေပါ ရရှိခဲ့တဲ့အပြင် ၊ ၄၅ကြိမ်မြောက်ကျင်းပတဲ့ နိုင်ငံတကာအိန္ဒိယရုပ်ရှင်ပွဲတော်မှာလည်း ပြသခဲ့ရပါသေးတယ်။ မြန်မာပြည်မှာတော့ Ajay Devgn ပြန်လည်ရိုက်ကူးထားတဲ့ Drishyam (2015) ရုပ်ရှင်ကို လူတွေ ပိုသိကြပါတယ်။ အထူးပြောလိုတာကတော့ Ajay Devgn ရဲ့ဇာတ်ကားကို ကြည့်ဖူးတဲ့သူဖြစ်ဖြစ် ၊ ဒီဇာတ်ကားရဲ့ မူရင်းဇာတ်ကားကိုပဲ ကြည့်ဖူးတဲ့သူဖြစ်ဖြစ် ယခုထွက်လာတဲ့ Drishyam 2 ရုပ်ရှင်ကို နားလည်မှာပါ။ (ဘယ်ဇာတ်ကားကိုမှ မကြည့်ဖူးရင်တော့ ပထမထွက်တဲ့ဇာတ်ကားကို အရင်ကြည့်ဖို့ တိုက်တွန်းပါရစေ) ဇာတ်လမ်းအကျဉ်းကို နည်းနည်းပြောပြပါရစေ...။ ပထမရုပ်ရှင်မှာပြသွားခဲ့တဲ့ ဇာတ်သိမ်းပိုင်းကနေ ဒီဇာတ်လမ်းကို အစပြန်ကောက်ထားတဲ့အတွက် ဒီရုပ်ရှင်မှာတော့ ဂျော့ဂျူတီ(GeorgeKutty) ဟာ ၊ ဗာရွန်းအမှုပြီးတဲ့နောက်မှာ ကေဘယ်တီဗီလုပ်ငန်းအပြင် ရုပ်ရှင်ရုံတစ်ခုပါ တည်ထောင်လိုက်ပြီး ၊ ရုပ်ရှင်လောကကို ဝင်ဖို့လည်း ဆုံးဖြတ်လိုက်ပါတယ်။ အရင်လို အလုပ်မှာပဲ စိတ်နှစ်မထားဘဲ မိသားစုကို အနီးကပ်စောင့်ရှောက်ရင်း လိုအပ်နေတဲ့ နွေးထွေးမှုတွေပေးနေရင်း ဘ၀ကို အေးအေးဆေးဆေး ဖြတ်သန်းနေပါပြီ။ ဗာရွန်းအမှုမှာ လက်သည်မပေါ်တဲ့အတွက် ၊ တရားခံဟာ သူတို့မိသားစုဖြစ်ကြောင်းသိပေမယ့် တရားဥပဒေရဲ့ ဟာကွက်တွေကြောင့် လူတိုင်းက အပြစ်မရှိကြောင်း လက်ခံပြီး ၊ ဒီအမှုကိုလိုက်တဲ့ ရဲဌာနဟာလည်း လူပုံအလယ်မှာ ပြက်ရယ်ပြုစရာ ဖြစ်နေခဲ့ပါတယ်။ ပထမရုပ်ရှင်ထဲမှာ ဒီအမှုကိုဦးစီးကိုင်တွယ်ခဲ့တဲ့ အရာရှိတွေဖြစ်တဲ့ ဗာရွန်းရဲ့မိခင် ဂီသာပရာဘာကားဟာ အလုပ်ကနေ အငြိမ်းစားယူလိုက်ရပြီး ၊ အရာရှိဆဟာဒေဝမ်ဟာလည်း နယ်ပြောင်းခံလိုက်ရပါတယ်။ အရာရာပြောင်းလဲသွားခဲ့ပေမယ့် ကာယကံရှင်မိသားစုနှစ်ခုကတော့ ဒီအတိတ်ဆိုးကြီးရဲ့ ခြောက်လှန့်မှုကို ခံနေရဆဲပါပဲ ။ ဗာရွန်းရဲ့မိဘနှစ်ပါးအနေနဲ့သားပျောက်သွားတဲ့အတွက် နိစ္စဓူ၀သောကရောက်နေခဲ့ရသလို ၊ ဂျော့ဂျူတီမိသားစုဟာလည်း ဘယ်အချိန်မှာ ရဲလာဖမ်းမလဲဆိုတာကို ရင်တထိတ်ထိတ်နဲ့ စိုးရိမ်နေရတယ်။ ဒီလိုနဲ့ ဒီအမှုဖြစ်ပြီးတဲ့ ၆နှစ်အကြာမှာတော့ သူတို့မြို့ကို အရာရှိအသစ်တစ်ယောက် ရောက်ရှိလာပြီး ဂျော့ဂျူတီနဲ့ သူ့မိသားစုရဲ့ ပတ်ဝန်းကျင်မှာ အသွင်ယူထားတဲ့ ရဲအရာရှိတွေကို တာဝန်ပေးပြီး တိတ်တဆိတ်စုံစမ်းပါတော့တယ်။ ဒီအချိန်မှာပဲ ဗာရွန်းသေပြီးနောက်ပိုင်းမှာ အမေရိကားကို ထွက်သွားခဲ့တဲ့ ဗာရွန်းရဲ့မိဘတွေ ဒီမြို့ကို အလည်တစ်ခေါက်ပြန်ရောက်လာတဲ့အခါမှာတော့.....။ ဇာတ်လမ်းကို အများကြီးကောက်နှုတ်မပြတာဟာ ဒီဇာတ်လမ်းရဲ့အရသာကို ပေါ့သွားစေမှာစိုးလို့ ဖြစ်ပြီး ၊ တရားခွင်မှာသုံးနှုန်းတဲ့ စကားလုံးတွေရဲ့ အဓိပ္ပာယ်တွေ လွဲမှားခဲ့သည်ရှိသော် ကျွန်တော်တို့ ဘာသာပြန်သူတွေရဲ့ ညံ့ဖျင်းမှုသာ ဖြစ်လို့ သည်းခံနားလည်ပေးစေလိုပါကြောင်း...။ File size… 2.7GB and 885MB Quality….WEB-DL 1080p 5.1CH and 720p Format…mp4 Duration…. 2hr 32min Subtitle….Myanmar Subtitle (Hardsub) Translator ..... Myint Thu & Nyi Nyi Koe Encoder ..... August

Vikramadithyan 2014 (ရဲမေလေးကိုမှချစ်မိခဲ့တဲ့ သူခိုးလေး) IMDb - 7.1/10 Lucky Baskar ဇာတ်ကားထဲက မင်းသား Dulquer Salmaan ရဲ့ 2014ခုနှစ်တုန်းက ထွက်ရှိထားတဲ့ ဇာတ်ကားဟာင်းလေးနဲ့ မိတ်ဆက်ပေးချင်ပါတယ်။ ကွန်ဂျွန်နီမီနွန်ဆိုတဲ့ သူခိုးတစ်ယောက်ဟာ လက်ရှ်မီးဆိုတဲ့ ရဲမေလေးကို မြင်မြင်ချင်း သဘောကျသွားပါတယ်။ ဖြစ်ချင်တော့ လက်ရှ်မီးတို့အိမ်ကလည်း သူ့အတွက် အိမ်ထောင်ဖက်ရှာနေချိန်ဖြစ်နေပြီး လက်ရှ်မီးကလည်း သူကိုယ်တိုင် ရဲမေဖြစ်တဲ့အပြင် အိမ်ထောင်ဖက်ကိုလည်း ရဲပဲဖြစ်စေချင်နေပါတယ်။ ဒီလိုနဲ့ သူခိုးကြီး ကွန်ဂျွန်နီမီနွန်တစ်ယောက် ရဲယောင်ဆောင်ရင်း လက်ရှ်မီးအနားကို ချဉ်းကပ်လာခဲ့ပါတော့တယ်။ ဒီလိုနဲ့ ချစ်သူတွေဖြစ်ခဲ့ကြပြီး လက်ထပ်ဖို့အထိ ဖြစ်လာပါတော့တယ်။ လက်ထပ်ပြီးတဲ့အချိန်မှ လက်ရှ်မီးတစ်ယောက် သူ့ခင်ပွန်းဟာ ရဲမဟုတ်ဘဲ သူခိုးတစ်ယောက်ဆိုတာကို သိလာတဲ့အခါမှာတော့ .......... ဘာတွေဘယ်လိုဆက်ဖြစ်မလဲဆိုတာကို ဆက်လက်ရှုစားပေးကြပါဦး။ အညွှန်းနဲ့ ဘာသာပြန်ကတော့ CM Bollywood Team ဖြစ်ပါတယ်။ File size… 3.3 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 23m Subtitle….Myanmar Subtitle (Hard Sub) Encoder….YK Translated by CM Bollywood Team

Annayum Rasoolum 2013 (ဘာသာမတူတဲ့ ချစ်ခရီးလမ်း) IMDb - 7.5/10 ကိုချီဆိုတဲ့ ဆိပ်ကမ်းမြို့လေးမှာ ကားမောင်းသမားအလုပ်ကို လုပ်ကိုင်နေတဲ့ ရာဆိုးလ်ဆိုတဲ့ မူစလင်ကောင်လေး၊ အစ်ကိုဖြစ်သူ ဟိုက်ဒါနဲ့အတူတူနေထိုင်ပြီးတော့ ဘဝကို အေးအေးဆေးဆေးပဲ ဖြတ်သန်းနေသူပေါ့။ တစ်ရက်မှာတော့ သူငယ်ချင်းတွေ အရက်စုသောက်ကြရင်းနဲ့ အရက်လေးဝင်လာတဲ့ ထုံးစံအတိုင်းပဲ ပြဿနာလိုက်ရှာရာကနေ ရန်ဖြစ်ကြပါတော့တယ်။ ဒီလိုနဲ့ ထွက်ပြေးလာခဲ့ကြပြီး မနက်ရောက်တဲ့အခါမှာတော့ ညက ရန်ပွဲကြောင့်နဲ့ သူငယ်ချင်းဖြစ်သူကို စိတ်မချတဲ့အတွက် လိုက်ပြီးတော့ ပို့ပေးဖို့ လှေဆိပ်ကို ဆင်းလာရင်းနဲ့ပဲ အန်နာဆိုတဲ့ကောင်မလေးနဲ့ တွေ့ခဲ့ပါတယ်။ တွေ့ကြပြီးတဲ့နောက်ပိုင်းမှာ မူစလင်ကောင်လေးဖြစ်တဲ့ ရာဆိုးလ်ဟာ ခရစ်ယာန်သူလေး အန်နာ့ကို ချစ်မိသွားပါတော့တယ်။ ဒီလိုနဲ့ သူတို့ရဲ့ ဘာသာမတူတဲ့ အချစ်ဇာတ်လမ်းလေးမှာ မိဘတွေရဲ့ သဘောမတူညီမှုတွေ, ဘာသာကွာခြားချက်တွေ စတဲ့ အခက်အခဲတွေကြောင့်နဲ့ သူတို့ရဲ့ ဆက်ဆံရေးဟာ အဆိုးဘက်ကိုရောက်လာပါတော့တယ်။ မူစလင်သားလေးနဲ့ ခရစ်ယာန်သူလေးတို့ရဲ့ အချစ်ခရီးလမ်းကို ဘယ်လိုတွေ ဆက်လက်လျှောက်လှမ်းသွားမလဲ ...... ဘာသာမတူတဲ့အပေါ်မှာ သူတို့ဘဝလေး အဆင်ပြေသွားအောင် ဘယ်လို အခက်အခဲတွေဖြတ်ကျော်ရမလဲဆိုတာကို ကြည့်ရှုရမယ့် အချစ်ဇာတ်လမ်းလေးတစ်ပုဒ်ဖြစ်ပါတယ်။ (အညွှန်းနဲ့ ဘာသာပြန်ကတော့ ToMo~V~Alex~Yunni တို့ပဲဖြစ်ပါတယ်) File size… 3.15 GB / 1.48 GB Quality…WEB DL 1080p HEVC/ 720p Format…mkv/ mp4 Duration….2h 48m Subtitle….Myanmar Subtitle (Hard Sub) Encoder….YK Translated by ToMo~V~Alex~Yunni