KAORI ပါဝင်သော ဇာတ်ကားများ

Pokémon Ranger and the Temple of the Sea (2006) IMDb (5.9/10) ပိုကီမွန်ကားများစွာ၊ စီးရီးများစွာရှိတဲ့ထဲကမှ ၉ကားမြောက်ဖြစ်တဲ့ ဒီကားလေးကတော့ ၂၀၀၆ခုနစ်မှာ ထွက်ရှိခဲ့ပြီး မတူထူးခြားစိတ်ဝင်စားဖို့ကောင်းတဲ့ ဇာတ်ကားလေးတစ်ကားပါ။ ဒီကားလေးထဲမှာ ပိုကီမွန်တွေကို ကာကွယ်ပြီး သဘာဝတရားကို ဟန်ချက်ညီအောင်ဆောင်ရွက်ပေးနေတဲ့ ပိုကီမွန်ပဲ့ကိုင်ရှင် ဂျက်ဝေါ့ကာကို မိတ်ဆက်ပေးထားပါတယ်။ ဂျက်ဝေါ့ကာလို ပဲ့ကိုင်ရှင်တွေက သူများတွေလို Poké Balls တွေနဲ့ ပိုကီမွန်မဖမ်းကြပါဘူး။ သူတို့က Capture Styler လို့ခေါ်တဲ့စက်လေးနဲ့ တောရိုင်းပိုကီမွန်တွေကို ခဏတာဖမ်းပြီးပဲ အသုံးချတာပါ။ ဒီကားလေးက ပိုကီမွန်ပဲ့ကိုင်ရှင်ကို ပထမဦးဆုံးဖော်ညွှန်းပေးထားတဲ့ ကားဆိုရင်လည်းမမှားပါဘူး။ ပိုကီမွန်ပဲ့ကိုင်ရှင်နဲ့အတူ ကဏ္ဌဝင်ရေပိုကီမွန်ဖြစ်တဲ့ မန်နာဖီကို ဖော်ကျူးထားတဲ့ပထမဆုံးကားလည်း ဖြစ်ပါတယ်။ ဇာတ်အိမ်ဇာတ်ညွှန်းလည်းကောင်း၊ ပင်လယ်ကမ်းခြေတွေလို Scene လှလှလေးတွေ အများကြီးပါဝင်တဲ့အပြင် ၁၀၅ မိနစ်ရှိတာကြောင့် တစ်နာရီကျော်ကြာအောင် တစ်ဝကြီး အေးအေးဆေးဆေးဇိမ်နဲ့ ကြည့်ရမှာပဲဖြစ်ပါတယ်။ ဇာတ်လမ်းကိုတော့ ခရီးထွက်နေကြတဲ့ စသာရှိ(Ash)၊ ဘရော့ခ်(Brock)၊ ဟတသာ(May)၊ မာဇသာ(Max)တို့နဲ့ အစပြုထားပါတယ်။ မြို့တစ်မြို့အရောက်မှာ လျှို့ဝှက်ဆန်းကျယ်တဲ့ ဥတစ်လုံးကိုကာကွယ်ဖို့ မစ်ရှင်နဲ့ရောက်နေတဲ့ ဂျက်ကီနဲ့ဆုံတွေ့ခဲ့ကြပါတယ်။ အဲဒီအချိန်မှာပဲ အကြောင်းတစ်ခုကြောင့် ဥကို သည်းကြီးမည်းကြီးလိုက်ရှာနေတဲ့ ဟမ်သို (Phantom) လည်းရောက်လာပါတယ်။ ဥဟာ စသာရှိတို့ ရောက်နေတဲ့မြို့က ရေလောကသားတွေရဲ့ မျိုးဆက်တွေနေတဲ့ အိမ်လေးတစ်အိမ်မှာ ရှိနေပြီး ဒါကိုတွေ့သွားတဲ့သူခိုးအဖွဲ့ကလည်း ဆုကြေးရလိုတာကြောင့် ဟမ်သို့ဆီအကြောင်းကြားခဲ့တဲ့အပြင် ဥကိုပါခိုးယူသွားခဲ့ကြပါတယ်။ ဂျက်ကီတို့ ဥကိုဘယ်လိုပြန်ယူလာပေးပြီး စောင့်ရှောက်ပေးကြမလဲ၊ ဒီဆန်းပြားတဲ့ ကဏ္ဌဝင်ဥလေးကဖြစ်လာမယ့်အကောင်လေးမှာ ဘယ်လိုအစွမ်းတွေပိုင်ဆိုင်ထားမလဲဆိုတာ သိရအောင် Adventure, Fantasy, Family, Action ကားလေးဖြစ်တဲ့ Pokémon Ranger and the Temple of the Sea (2006) လေးကြည့်ပြီး ရှာဖွေလိုက်ကြရအောင်။

Pokémon: Lucario and the Mystery of Mew (2005) ရှေးခေတ်သူရဲကောင်းတစ်ဦးကို ဂုဏ်ပြုတဲ့ပွဲတော်တစ်ခုမှာ Ash နဲ့ သူ့သူငယ်ချင်းတွေဟာ ရာစုနှစ်ပေါင်းများစွာ ချိတ်ပိတ်ခံထားခဲ့ရတဲ့ Pokémon တစ်ကောင်ဖြစ်တဲ့ Lucario နဲ့ တွေ့ဆုံခဲ့ပါတယ်။ တချိန်ထဲမှာပဲ Pokémon Mew က Pikachu ကို ရုတ်တရက် ခေါ်ဆောင်သွားတဲ့အခါ Ash၊ Lucario နဲ့ သူတို့ရဲ့ အပေါင်းအသင်းတွေဟာ နက်နဲဆန်းကြယ်တဲ့ သစ်ပင်ကြီးရဲ့အစ (Tree of Origin) ဆီကို ခရီးစတင်ခဲ့ကြပါတယ်။ အဲ့ဒီမှာ သူတို့ဟာ အတိတ်က လျှို့ဝှက်ချက်တွေကို ဖော်ထုတ်ပြီး သစ်ပင်ကြီးရော ကမ္ဘာကိုပါ ခြိမ်းခြောက်နေတဲ့ အန္တရာယ်တွေကို ဘယ်လိုဖြေရှင်းကြမလဲဆိုတာကို တင်ဆက်ပြထားတာဖြစ်ပါတယ် Pokemon Franchise ရဲ့ ပရိတ်သက်ဆိုရင် မကြည့်မဖြစ် ကြည့်သင့်တဲ့ ကားပဲဖြစ်လို့ ခံစားကြည့်ရှူကြပါလို့ပဲ ပြောချင်ပါတယ်ခင်ဗျာ...။

IMDB Rating 6 အထိ ရရှိထားပြီး အားလုံးရဲ့ငယ်ဘဝမှာ အမှတ်တရတစ်ခုအနေနဲ့ ရှိခဲ့တဲ့ Pokémon: Destiny Deoxys ရုပ်ရှင်ကို ပရိသတ်ကြီးအတွက် တင်ဆက်ပေးလိုက်ပါတယ်။ ခေတ်မီပြီး နည်းပညာအဆင့်မြင့်မားတဲ့ LaRousse မြို့ကို Ash Ketchum ကသူ့ရဲ့အဖွဲ့သားတွေက အဲဒီမြို့ရဲ့ Battle Tower မှာကျင်းပမဲ့တိုက်ပွဲဝင်ဖို့အတွက် လာခဲ့ကြပါတယ်။ ဒါပေမဲ့ အကြောင်းအမျိုးမျိုးကြောင့် Ash နဲ့အတူ ပြိုင်ဖွဲဝင်ရမဲ့အဖော်က Pokémon တွေကိုကြောက်တတ်တဲ့ Tory ဆိုတဲ့ကောင်လေးတစ်ယောက်ဖြစ်နေတဲ့အခါ.... ပြိုင်ပွဲမှာသူတို့အနိုင်ရနိုင်ပါ့မလား? အဲဒီနောက် Deoxys ဆိုတဲ့ အာကာသထဲက Pokémon တစ်ကောင်က LaRousse မြို့ကိုရောက်လာပြီးလူတွေရော Pokémon တွေကိုရောပါ ဖမ်းဆီးပစ်ပါတယ်။ Deoxys အပြင် Rayquaza ဆိုတဲ့ Pokémon တစ်ကောင်ပါရောက်လာပြီး အပြန်အလှန်တိုက်ခိုက်ကြတာကြောင့် Ash တို့တွေ မြို့ရဲ့တစ်နေရာမှာပိတ်မိသွားကြပါတယ်။ Ash တို့အဖွဲ့ ပိတ်မိနေရာကနေ အဆင်ပြေပြေထွက်နိုင်ပါ့မလား? Deoxys ကရော ဘာကြောင့်အားလုံးကိုလိုက်ဖမ်းနေရတာလဲ? Tory ကရော သူ့ရဲ့ Pokémon ကြောက်တဲ့စိတ်ကို ကျော်လွှားနိုင်ပါ့မလား ဆိုတာတွေကို ကြည့်ရှုခံစားရင်း အဖြေရှာရမှာဖြစ်ပါတယ်။

Pokémon ရုပ်ရှင်ကားတွေထဲမှာ ၆ ကားမြောက်ဖြစ်တဲ့ "Jirachi, Wish Maker" (ဂျီရာချီ၊ ဆုတောင်းဖန်ဆင်းရှင်) ဟာ Pokémon ပရိသတ်တွေအတွက်ရော၊ ကလေးတွေအတွက်ပါ ကြည်နူးစရာကောင်းပြီး စိတ်လှုပ်ရှားစရာကောင်းတဲ့ စွန့်စားခန်းရုပ်ရှင်တစ်ခု ဖြစ်ပါတယ်။ ဇာတ်လမ်းအကျဉ်း ဒီတစ်ခါတော့ Ash (အက်ရှ်)၊ Pikachu (ပီကာချူး) တို့ သူငယ်ချင်းတစ်စု (May, Max, Brock) ဟာ ထူးခြားတဲ့ "ထောင်စုနှစ် ဥက္ကာပျံ" (Millennium Comet) ပေါ်လာချိန်နဲ့ တိုက်ဆိုင်ပြီး ကျင်းပတဲ့ ကြီးကျယ်ခမ်းနားတဲ့ ပွဲတော်ကြီးတစ်ခုဆီကို ရောက်သွားကြပါတယ်။ အဲဒီပွဲတော်မှာ သူတို့ဟာ နှစ်တစ်ထောင်မှာမှ ၇ ရက်တိတိ နိုးထလာပြီး ဆုတောင်းသုံးခုကို ဖြည့်ဆည်းပေးနိုင်တယ်ဆိုတဲ့ ဒဏ္ဍာရီလာ ပိုကီမွန် "ဂျီရာချီ" (Jirachi) နဲ့ တွေ့ဆုံဖို့ အကြောင်းဖန်လာပါတယ်။ အထူးသဖြင့် အဖွဲ့ထဲက အငယ်ဆုံးဖြစ်တဲ့ မက်စ် (Max) ဟာ ဂျီရာချီလေးနဲ့ အလွန်ကို ရင်းနှီးခင်မင်တဲ့ သူငယ်ချင်းတွေ ဖြစ်သွားကြပါတယ်။ ဒါပေမဲ့ ဒီပွဲတော်ကို ဦးဆောင်ကျင်းပတဲ့ မျက်လှည့်ဆရာကြီး ဘတ္တလာ (Butler) မှာတော့ ဂျီရာချီရဲ့ အံ့ဖွယ်စွမ်းအားကို အသုံးချပြီး သူဖြစ်ချင်နေတဲ့ ကြီးမားတဲ့ ရည်ရွယ်ချက်တစ်ခုကို အကောင်အထည်ဖော်ဖို့ ကြံစည်နေပါတယ်။ Ash တို့ သူငယ်ချင်းတစ်စုဟာ ဂျီရာချီကို ဘတ္တလာရဲ့ အကြံအစည်ဆိုးကနေ ကာကွယ်ရင်း၊ ဂျီရာချီ ဘေးမသိရန်မခ ပြန်သွားနိုင်ဖို့ ကူညီရမယ့် စွန့်စားခန်းကြီးတစ်ခုကို ရင်ဆိုင်ကြရပါတော့တယ်။ File size…    1.64 GB /  780 MB Quality… BluRay 1080p / 720p Format… mp4 Duration…. 1h 21m Genre ..... Action , Adventure , Animation Subtitle…. Myanmar Subtitle (Hard Sub)