Katee Sackhoff ပါဝင်သော ဇာတ်ကားများ

ပရိသတ်ကြီးအတွက် ဒီနေ့တော့ Disney+ ကနေ ၂ ထုတ်လွှင့်ပြသလိုက်တဲ့ "LEGO Star Wars: The Mandalorian (၂၀၂၆)" အန်နီမေးရှင်း အထူးအစီအစဉ် (Animated Special) လေးကို wifqyufပေးလိုက်ပါတယ်။ Star Wars ပရိသတ်တွေ၊ အထူးသဖြင့် Mando နဲ့ Grogu (Baby Yoda) တို့ရဲ့ အမာခံ Fan တွေအတွက် ပေါ့ပေါ့ပါးပါးနဲ့ ရယ်မောပျော်ရွှင်စွာ ကြည့်ရှုနိုင်မယ့် ဇာတ်ကားလေးပဲ ဖြစ်ပါတယ်။ ဇာတ်လမ်းကတော့ The Mandalorian (Mando) နဲ့ Grogu တို့ဟာ သူတို့ရဲ့ မဟာမိတ် သူငယ်ချင်းတွေနဲ့အတူ အောင်ပွဲခံ ပါတီပွဲတစ်ခုကို ဆင်နွှဲနေကြတာကနေ စတင်ပါတယ်။ အဲဒီပါတီမှာ သူငယ်ချင်းတွေက Mando နဲ့ Grogu တို့ ဖြတ်သန်းခဲ့ရတဲ့ စွန့်စားခန်းတွေ (The Mandalorian Season 1 ကနေ 3 အထိနဲ့ The Book of Boba Fett ထဲက အဖြစ်အပျက်တွေ) ကို အပြန်အလှန် ပြန်လည်ပြောပြကြပါတယ်။ ဒါပေမယ့် ပျော်ပွဲရွှင်ပွဲ ကျင်းပနေတုန်းမှာပဲ အာကာသဓားပြ (Space Pirates) တွေရဲ့ ခြိမ်းခြောက်မှုက ရုတ်တရက် ကျရောက်လာတဲ့အခါ ဘာဆက်ဖြစ်မလဲ ဆိုတာကို ရိုက်ကူးထားတာပါ။ LEGO Star Wars ဇာတ်ကားတွေရဲ့ ထုံးစံအတိုင်း လေးနက်တဲ့ Star Wars အဖြစ်အပျက်တွေကို ကလေးဆန်ဆန်၊ ဟာသမြောက်မြောက်နဲ့ သရော်ထားတာ (Parody လုပ်ထားတာ) က အရမ်းကို သဘောကျစရာ ကောင်းပါတယ်။ မူရင်းဇာတ်လမ်းထဲက အဓိက အခိုက်အတန့်တွေကို အချိန် (၄၉) မိနစ်စာ အပိုင်းလေးအတွင်းမှာ အကောင်းဆုံး ချုံ့ပြီး (Recap) တင်ဆက်သွားတာမို့ ပျင်းဖို့ကောင်းမနေပါဘူး။ ဒီကားရဲ့ အားသာချက်ကတော့ မူရင်း Live-action ဇာတ်လမ်းတွဲတွေထဲက သရုပ်ဆောင် အများစုက သူတို့ရဲ့ LEGO ဇာတ်ကောင်တွေအတွက် အသံ (Voice Actors) အနေနဲ့ ပြန်လည်ပါဝင်ပေးထားတာပါ။ ဥပမာ- Peli Motto အဖြစ် Amy Sedaris၊ Bo-Katan အဖြစ် Katee Sackhoff၊ Ahsoka အဖြစ် Rosario Dawson နဲ့ Moff Gideon နေရာမှာ Giancarlo Esposito တို့ ပြန်လည်ပါဝင်ထားလို့ မူရင်းဇာတ်လမ်းရဲ့ အရသာကို အပြည့်အဝ ခံစားရစေမှာပါ။ ဒါပေမယ့် အဓိကဇာတ်ကောင် Mando နေရာမှာတော့ မင်းသား Pedro Pascal အစား Gavin Hammon က အသံသရုပ်ဆောင်ပေးထားတာမို့၊ Pedro ရဲ့ အသံကို မျှော်လင့်ထားတဲ့ Fan တွေအတွက်တော့ နည်းနည်း စိတ်ခုစရာ ဖြစ်နိုင်ပါတယ်။ "LEGO Star Wars: The Mandalorian" ဟာ အသစ်အဆန်း ဇာတ်လမ်းတစ်ပုဒ်ကို ဖန်တီးပြတာမျိုး မဟုတ်ဘဲ၊ မူရင်းဇာတ်လမ်းတွဲတွေကို LEGO အငွေ့အသက်လေးနဲ့ အကျဉ်းချုံးပြီး ပြန်လည်ပြောပြထားတဲ့ ဇာတ်ကား (Tribute / Recap) သက်သက်သာ ဖြစ်ပါတယ်။ ဒါပေမယ့် Mando နဲ့ Grogu တို့ရဲ့ ကြည်နူးစရာ စွန့်စားခန်းတွေကို ဟာသလေးတွေနှောပြီး ပေါ့ပေါ့ပါးပါး အပန်းဖြေကြည့်ရှုချင်တယ် ဆိုရင်တော့ လုံးဝ လက်မလွတ်သင့်တဲ့ ဇာတ်ကားလေးပဲ ဖြစ်ပါတယ်။ File size… 900 MB / 400 MB Quality… WEB-DL 1080p / 720p Format… mp4 Duration…. 49m Genre ..... Animation, Action, Comedy, Sci-Fi Subtitle…. Myanmar Subtitle (Hard Sub)

Fight or Flight (2025) IMDb Rating (6.5) ဒီဇာတ်ကားထဲမှာတော့ တစ်ချိန်ကသရုပ်ဆောင်လောကမှာ လက်စွမ်းပြနိုင်ခဲ့တဲ့ မင်းသားမင်းသမီဟောင်း​တွေကနေ တစ်ဖန်လက်စွမ်းပြထားတဲ့ အက်ရှင်ဇာတ်ဝင်ခန်းတွေကိုတွေ့မြင်ရမှာဖြစ်ပါတယ်။ ဒီဇာတ်ကားဟာဆိုရင် ၂၀၂၅ နှစ်ဆန်းပိုင်းမှာထွက်ထားတာဖြစ်ပေမယ့် IMDB 6.5 ရရှိထားပြီဖြစ်ပါတယ်။ ဇာတ်လမ်းဇတ်သွားကလည်း ပုံမှန်စပိုင်ကားတွေလိုမျိုးမဟုတ်ဘဲ ဇာတ်အိမ်လှည့်ထားတာတွေ ပါဝင်နေတဲ့အတွက် တကယ်ကြည့်သင့်တဲ့ B-rated ဇာတ်ကားတစ်ခုလို့ဆိုရမှာပါ။ ဇာတ်လမ်းအကျဉ်း တစ်နေ့ အမေရိကန်ထောက်လှမ်းရေးအေဂျင်စီတစ်ခုမှာ သူလျှိုအဖွဲ့အစည်းပေါင်းများစွာကနေ အလိုရှိနေတဲ့ "The Ghost" /သရဲ လို့လူသိများတဲ့လူတစ်ယောက်ဟာ အမေရိကန်သူထောက်လှမ်းရေးတွေကို သမပြီးထွက်ပြေးသွားခဲ့ပါတယ်။ ဒါကိုအေဂျင်စီကနေ လိုက်ပေမယ့် သရဲဟာ နည်းပညာပိုင်းထူးချွန်တဲ့ဟက်ကာတစ်ယောက်ဖြစ်နေတဲ့အတွက် ဒစ်ဂျစ်တယ်နည်းပညာနဲ့လုံးဝလိုက်ဖမ်းလို့မရပါဘူး။ ဒီလိုနဲ့ ကွင်းဆင်းနေတဲ့လူတွေကို လွှတ်ဖို့ကလည်း သရဲကိုတွေ့တဲ့နေရာက ဘန်ကောက်ဖြစ်နေတော့ အေဂျင်စီဘက်ကနေ လက်လှမ်းမမှီပါဘူး ။ အမေရိကရဲ့ စင်္ကာပူကထောက်လှမ်းအခွဲကိုလည်း လွှတ်ဖို့ကြံတဲ့အချိန်မှာ လူမအားတာနဲ့ သရဲက အေဂျင်စီလက်ကနေလွတ်သွားဖို့ အကြောင်းဖန်လာပါတယ်။ တစ်ချိန်မှာ လူးကတ်စ်ရေးယက်လို့ခေါ်တဲ့ သက်လတ်ပိုင်ယောက်ျားတစ​်ယောက်ဟာ အမေရိကအရာပိုင်တွေလက်နေ ထွက်ပြေးတိမ်ရှောင်နေရတဲ့သူတစ်ယောက်ပါ။ သူ့ရဲ့ အတိတ်ဆိုးတွကြောင့် ၂ နှစ်တိုင်တိုင်ထွက်ပြေးတိမ်ရှောင်နေတဲ့သူကိုအေဂျင်စီရဲ့ခေါင်းဆောင်ဖြစ်တဲ့ ဘရန့်ဆိုတဲ့သူက ဖုန်းဆက်လာခဲ့ပါတယ်။ ဒီလိုနဲ့ ဘရန့်နဲ့ရေးယက်တို့ကြားက ဆက်ဆ​ံရေးက ဘယ်လိုဖြစ​်နေခဲ့တာလဲ၊ရေးယက်ရဲ့ တကယ့်သရုပ​်မှန်ကကော ဘယ်လိုဖြစ်နေမလဲ၊ ဒါ့အပြင် ကမ္ဘာတစ်ခွင်လိုက်ပြီးအဖျက်အမှောက်လုပ်နေတဲ့သရဲကရော အမှန်တကယ်ကျဘယ်လိုလူမျိုးဖြစ်မလဲဆိုတာကို ဒီဇာတ်လမ်းထဲမှာ အက်ရှင်အပြည့်နဲ့ စိတ်ဝင်တစားရှုစားရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (5.9 GB) / (1.7 GB) / (940 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action, Thriller Duration….01:38:10 Subtitle….Myanmar Subtitle (Hardsub) Encoder….Benjamin Translated by Mark

Watchmen Chapter II ‌animated movie လေးကတော့ Chapter 1 ရဲ့အဆက်ဖြစ်ပါတယ် Chapter 1 မှာ Comedian အသတ်ခံရလို လိုက်စုံစမ်းနေတဲ့ Rorschach တစ်ယောက် ချောက်ချခံရပြီး ထောင်ကျနေတာကနေ စပါတယ်။ ဒီလို လုပ်ကြံမှုတွေရဲ့ နောက်ကွယ်မှာ ဘယ်လိုအကြောင်းအရာတွေ ရှိနေတာလဲ. တစ်ချိန်တည်းမှာပဲ ကမ္ဘာကြီးရဲ့ အရှေ့အနောက်အားပြိုင်မှု တွေကနေ တတိယကမ္ဘာစစ် ပေါ်လာခါနီးပြဿနာတွေကရော ဘယ်လိုဆက်စပ်နေမလဲ အဆုံးသတ်မှာ ဘယ်လိုတွေ ဖြစ်ကြမလဲ ဆိုတာကို ပညာသားပါပါ ရိုက်ပြထားတဲ့ အမိုက်စား animation movie တစ်ကားပဲ ဖြစ်လို Chapter 1 မကြည့်ရသေးရင် ၂ ခုလုံးကြည့်ဖို Chapter 1 ကြည်ပြီးသူတွေလည်း ဒါကို ဆက်ကြည့်ဖို တိုက်တွန်းလိုက်ပါတယ်........... File size… (1.12GB) / (624MB ) Quality… WEB-DL 1080p HEVC / 720p Format…mkv / mp4 Duration….1h 30m Genre ….. Animation ,  Action  , Drama , Sci-Fi Subtitle….Myanmar Subtitle (Hard Sub) Encoder….Min Wai Translated by Lin Aung

**"Watchmen: Chapter I" (2024)** ဟာ Alan Moore နဲ့ Dave Gibbons တို့ရဲ့ အထင်ကရ ဂရပ်ဖစ်ဝတ္ထုကို ကာတွန်းနဲ့ လိုက်လျောညီထွေဖြစ်အောင် ဖန်တီးထားခြင်း ဖြစ်ပါတယ်။ အချိန်ကာလ တလှည့်စီဖြစ်ပျက်နေတဲ့ ၁၉၈၅ ခုနှစ်မှာ လူမှု အသိုင်းအဝိုင်းက သဘောထားမတိုက်ဆိုင်မှုတွေကြောင့် စူပါဟီးရိုးတွေကို တရားမ၀င်သောကမ္ဘာတခုမှာ ဖြန့်ကြက်ထား တာပါ။ ‌ဇာတ်လမ်းရဲ့အဖွင့်မှာတော့ လူရွှင်တော် "The Comedian" လို့ လူသိများတဲ့ အစိုးရကထောက်ပံ့ထားတဲ့ စူပါဟီးရိုးတစ်ဦး သတ်ဖြတ်ခံရမှုနဲ့အတူ စတင်ထားပါတယ်။ Rorschach က ဒီအမှုကိုလိုက်တဲ့အခါမှာ အမှုက ပိုမိုနက်ရှိုင်း လာတာနဲ့အမျှ Nite Owl၊ Silk Spectre၊ Dr. Manhattan နဲ Ozymandias အပါအဝင် သူ့ရဲ့လုပ်ဖော်ကိုင်ဖက်ဟောင်းတွေ ပါ၀င်တဲ့ ရှုပ်ထွေးတဲ့ ပူးပေါင်းကြံစည်မှုတခုကို ဖော်ထုတ်တွေ့ရှိ ခဲ့ပါတယ်။ ဒီစုံစမ်းစစ်ဆေးမှုဟာ သူတို့ရဲ့အသက်ကို ခြိမ်းခြောက်နိုင်ရုံတင်မက သမိုင်းလမ်းကြောင်းကို ပြောင်းလဲစေမည့် အလားအလာရှိပြီစ ကမ္ဘာကြီးတခုလုံးကို ပြာပုံအတိဖြစ်စေမယ့် အကြောင်းအရာပဲ ဖြစ်ပါတယ်။ ပရိသတ်တွေကပဲ ဒီဇာတ်ကားရဲ့အနှစ်သာရကို ဆက်လက်ကြည့်ရှု ခံစားကြည့်ကြပါဦး။ ( အညွှန်းနဲ့ ဘာသာပြန်ကတော့ PHONIX ဖြစ်ပါတယ် )  File size…1.55GB / 689MB Quality…WEB-DL 1080p 5.1CH / 720p Format…mp4 Duration….1h 23m Genre ….. Animation Subtitle….Myanmar Subtitle (Hard Sub) Encoder….Min Wai Translated by PHONIX

DC ရဲ့ စူပါဟီးရိုး ကာတွန်းကားအသစ်လာပါပြီ။ ဇာတ်ကောင်အစုံနဲ့ ဇာတ်လမ်းကောင်းကောင်းနဲ့မို့ ရုပ်ရှင်အစစ်ကြီးလိုပဲ ခံစားလို့ကောင်းပါတယ်။ Flash စီးရီးကြည့်ဖူးတဲ့သူတွေကတော့ ဇာတ်လမ်းကျောရိုးကို သိနေမှာပါ။ အပြိုင်စကြဝဠာအားလုံးကို ဖျက်ဆီးမဲ့ အန်တိုင်မက်တာ၊ အန်တီမက်တာဆိုတဲ့ လှိုင်းကြီးတစ်ခုပေါ်လာပြီး စကြဝဠာတွေကို တစ်ခုပြီး တစ်ခု ဖျက်ဆီးလာပါတယ်။ ဒါကိုမှ စကြဝဠာအားလုံးကို စောင့်ကြည့်ရုံပဲကြည့်ပြီး ဘာမှမလုပ်ရတဲ့ မော်နီတာက မနေနိုင်တော့ဘဲ စူပါဟီးရိုးတွေကိုစုစည်းပြီး အန်တိုင်မက်တာကို တားဖို့ ကြိုးစားပါတော့တယ်။ ဒီနေရာမှာ ထုံးစံအတိုင်း အဓိကဖြစ်လာတာကတော့ဖလက်ရှ်ပါပဲ။ အချိန်ခရီးသွားတာနဲ့ စကြဝဠာခရီးသွားတာတွေကို တစ်ယောက်တည်းလုပ်နိုင်နေတဲ့ ဖလက်ရှ်ဟာ ဒီကိစ္စရဲ့အစအလယ်အဆုံးမှာ ပတ်သတ်နေပြီး အခြားစူပါဟီးရိုးတွေနဲ့အတူ စကြာဝဠာအားလုံးကို ကယ်တင်ဖို့ ကြိုးစားရပါတော့တယ်။ စူပါဟီးရိုးတွေကတော့ ဂျက်စတစ်လိအပြင် DC ဖန်တွေကြိုက်တဲ့ အခြားကာရိုက်တာတွေပါ ပါနေသေးတာမို့ အတော်မြိုင်မြိုင်ဆိုင်ဆိုင်ကြည့်ရပါလိမ့်မယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:39:00 Genre... Animation, Science Fiction, Action  Subtitle….Myanmar Subtitle (Hardsub) Encoder….Mr. Anderson Translated by Mr. Anderson

စုံ​ထောက်ကြီးဘတ်မန်းနှင့် ဟောလိုးဝင်းခရီးရှည်ကြီး အပိုင်း(၂) ထွက်လာပါပြီ. အပိုင်း(၁)မှာ ဂျိုကာနဲ့ နွယ်ပျိုမယ်တို့ ​ပေါ်လာကြပြီဖြစ်သလို ဇာတ်လိုက်​ကျော် ​ဟောလီး​ဒေးလူသတ်သမားကလည်း မြို့မျက်နှာဖုံးကြီး ဖယ်ကိုနီရဲ့အ​ရေးပါတဲ့မိသားစုဝင်တစ်​ယောက်ကို ထပ်သတ်ပြီးအဆုံးသတ်ထားပါတယ် အပိုင်း(၂)မှာ​​တော့ ​ဟောလီး​ဒေးအမည်ခံလူသတ်သမားက ဘယ်သူဖြစ်​နေမလဲ. စုံ​ထောက်ကြီးဘတ်မန်းထင်​နေသလို ဟာ​ဗေးဒန့်ကပဲ​ ဟောလီး​ဒေးဖြစ်​နေမလား. ပရိတ်သတ်အချစ်​တော်ဂျိုကာကြီးနဲ့ နွယ်ပျိုမယ်တို့က​ရော ဘယ်လိုအ​ဖျက်အ​မှောင့်လုပ်ငန်း​တွေ လုပ်ကြဦးမလဲ. တခြားဘယ်နာမည်ကြီးဗီလိန်​တွေ ထပ်ပါလာဦးမလဲ. ဟာ​ဗေးဒန့်ဆိုတဲ့နာမည်ကြားလိုက်ရုံနဲ့ DC fanတိုင်းသိကြတဲ့ ဗီလိန်တစ်​ယောက်က ဘယ်လို​မွေးဖွားလာမလဲ... စတဲ့​​ပ​ဟေဠိ​ပေါင်းများစွာ၊လှည့်ကွက်​ပေါင်းများစွာကို ဘတ်မန်းနဲ့အတူ ပရိတ်သတ်​​တွေကိုယ်တိုင် ​ဖော်ထုတ်အ​ဖြေရှာရဦးမှာပါ Batman:Under The Red Hood​ နောက်ပိုင်းထွက်လာတဲ့ထဲမှာ ဒီLong Halloween part 1 and 2ဟာ ​တော်​တော်​လေးDarkဖြစ်တာမို့ DC animated universe fanတိုင်း လတ်လွတ်မခံပဲကြည့်ရှုသင့်တဲ့ animationတွေပဲဖြစ်ပါတယ်. အား​ပေးကြည့်ရှုလိုက်ကြပါဦး Translated by : JimX Encoded by  YK Quality: 1080p and 720p WEB-DL File Size : 1.67GB and 970MB Duration : 1h 27mins

ဒီ​နေ့​ခေတ် Zombie apocalypseကား​တွေအ​ကြောင်း ​ပြောလိုက်ရင် Walking dead နဲ့သူရဲ့ Spin-off တစ်သိုက်၊ World War Z, Zombieland, Resident Evilsတို့ကို အရင်ဆုံး​ပြေးမြင်မိကြမှာပါ။ ဒါ​က​တော့ Walking deadရဲ့ ဘိုး​အေကြီးလို့​ပြောရမယ့် Animationဆိုလည်း မမှားပါဘူး၊ 1968တုန်းက ထွက်ရှိခဲ့တဲ့ Director George A.Romeroရဲ့ Night of the Living Deadကို animated versionအဖြစ် 2021မှာ ပြန်လည်အသက် သွင်းထားတဲ့ ဇာတ်ကားပဲဖြစ်ပါတယ်၊ ဇာတ်လမ်းအကြောင်း အနည်းငယ်ပြောပြရရင် Johnnyနဲ့ Barbaraတို့ ​မောင်နှမဟာ Pennsylvaniaပြည်နယ်မှာရှိတဲ့ အ​ဖေ့အုတ်ဂူကို လွမ်း​သူပန်း​ခွေချဖို့ သွား​ရောက်ရင်း အ​မေရိကန်တစ်နိုင်ငံလုံး တစ်ချိန်တည်းနဲ့ Zombie Apocalypseကြီးထဲကို ချက်ချင်း​ရောက်ရှိသွားတဲ့အခါ ... နီးစပ်ရာယာ​တောအိမ်ထဲကို ဝင်ပုန်းရင်း ​ဒေသခံပြည်သူ​လေး​ယောက်နဲ့တူတူ အသားစား zombie​တွေရန်က​နေ လွတ်​မြောက်​အောင် ကြိုးစားရုန်းကန်ရပါတော့တယ်။ Zombieကား​တွေရဲ့အနှစ်သာရဖြစ်တဲ့ ​သွေးသံရဲရဲ​တွေ၊ ရက်စက်ကြမ်းကြုတ်မှု၊ ရဲရင့်မှု၊ လူသားအချင်းချင်းစာနာမှု၊ တစ်ကိုယ်​ဆန် အတ္တကြီးမှု​တွေကို မြင်​တွေ့ရမှာဖြစ်ပါတယ်။ ဒီ​နေ့ခေတ် 3D animation​တွေနဲ့ ရိုက်ကူးထားတာမဟုတ်ပဲ ​ခေတ်​​​ဟောင်း 2D ကာတွန်းစတိုင်​ကို အသုံးပြုရိုက်ကူးထားလို့ မတူညီတဲ့အရသာတစ်မျိုးခံစားရ​စေသလို၊ Zombie ဘိုး​အေ animationရဲ့ ဇာတ်လမ်းဇာတ်ညွန်း​တွေက ဒီ​နေ့အချိန်ထိ ​ခေတ်မီ​နေ​ သေးတာကိုလည်း ​သေချာခံစားကြည့်ရင် သိရမှာပါ။ (ဒီဇာတ်လမ်းရဲ့ အညွှန်းကို JimX မှရေးသားပေးပြီး၊ ဘာသာပြန်ရေးသားပေးသူများကတော့ JimX, Chit Tee တို့ပဲဖြစ်ပါတယ်။) Quality – 1080p, 720p WebRip Duration - 1h 11min Subtitle – Myanmar Hardsub Format – Mp4 Genre : Animation, Horror Source : 1080p.WebRip Translator – JimX, Chit Tee Encoder – SWM

ဒစ်စနေးရဲ့ ပွဲဦးထွက် စတားဝါးစ် စီးရီးလာပါပြီ။ အတော်ကို လန်းပါတယ်။ စတားဝါးစ်ဖန်တွေ အကြိုက်တွေ့မှာပါ။ အထူးပြုလုပ်ချက်တွေနဲ့ အကောင်တွေ ယာဉ်တွေ လုပ်ထားတာအတော်ကိုကောင်းပါတယ်။ စီးရီးဆိုပေမယ့် ရုပ်ရှင့်အဆင့်နီးပါး ဖန်တီးထားတာပါပဲ။ တိုက်ခိုက်ခန်းတွေကလည်းတကယ့် စတားဝါးအငွေ့အသက်ကို ရမှာပါ။ ကြည့်လေလေ သဘောကျလေလေပါပဲ။ ဇာတ်လမ်းကတော့ တစ်ပိုင်းထဲနဲ့ ကောင်းမကောင်းပြောဖို့ခက်ပါသေးတယ်။ အပိုင်း ၁ ရဲ့ အခြေအနေအရတော့ မေးခွန်းတွေနဲ့စိတ်ဝင်စားစရာ ကောင်းနေတုန်းပါပဲ။ ဒီစီးရီးရဲ့ အချိန်ကာလကတော့စတားဝါးစ် ၆ - ရီထန်းအော့ဖ်သယ်ဂျဒိုင်း အပြီးကနေ စတင်ထားတာပါ။ ဆရာယိုးဒါး၊ အင်ပါယာ၊ ဒါ့သ်ဗိတ်ဒါတို့သေဆုံးပြီးသွားခဲ့ပါပြီး။ ဆရာယိုးဒါးဟာအသက် ၉၀၀ ဝန်းကျင်မှာ သေသွားခဲ့တာပါ။ ဒါကိုလည်း အကြောင်းရှိလို့ ပြောပြတာပါ။ စီးရီးရဲ့ နာမည် မန်ဒါလိုရီးယန်း ဆိုတာစတားဝါးစ်ရဲ့ နာမည်ကျော် မျိုးနွယ်စု တစ်ခုနာမည်ပါပဲ။ သူတို့တွေဟာ နာမည်ကျော် ချပ်ဝတ်အင်္ကျီတွေနဲ့တိုက်ခိုက်မှုကျွမ်းကျင်ကြလို့ ကျော်ကြားပါတယ်။ စတားဝါးစ် နံပါတ် ၅ အင်ပါယာ စထရိုက်ဘက်မှာမိတ်ဆက်သွားတာကို တွေ့မှာပါ။ နောက်ပြီး စတားဝါး ၂ - ကလုန်းစစ်ပွဲမှာလည်း ပါပါတယ်။ပထမဆုံး မိတ်ဆက်ခဲ့တဲ့ ဘော့ဘာဖက်ထ်ရဲ့ကာရိုက်တာကို လူကြိုက်များလာတဲ့အတွက်မန်ဒါလိုရီးယန်း ဇာတ်လမ်းတွေ ထပ်ပြီးပေါ်ပေါက်လာခဲ့တာပါပဲ။ ဒီအထဲမှာ ဘက်စကာဆိုတဲ့ မန်ဒါလိုရီးယန်းဝတ်စုံသတ္တုလည်း ပါပါတယ်။ တစ်ပတ်တစ်ပိုင်းနှုန်း ဆက်ကြည့်လိုက်ကြရအောင်။ File size… 1.6 GB/600 MB / 300MB Quality… Bluray 4K/1080p / 720 Format… mp4 Duration…. 50m @Episode Genre ..... Action , Sci-fi , Fantasy Subtitle…. Myanmar Subtitle (Hard Sub)

လက်မလွှတ်သင့်တဲ့HorrorMovieထဲမှာOcculusကတစ်ကားအပါအဝင်ဖြစ်ပါတယ်။ကြည့်ရင်းကြည့်ရင်းနဲံ့ကြောက်သထက်ကြောက်လာရမယ့်ဇာတ်လမ်းပါ။ထင်ယောင်ထင်မှားဖြစ်တာလား?သရဲတကယ်ခြောက်တာလား?ဆိုတာကိုဇာတ်လမ်းကြည့်ရင်းအဖြေရှာရမယ့်ကားပါ။ကြောက်စိတ်ဆိုတာ.....ထင်ယောင်ထင်မှားဖြစ်တာကနေအစပြုတာများပါတယ်။ မှန်ထဲမှာရှိတဲ့ ပုံရိပ်ဟာ ပုံရိပ်ယောင်ပါ။ပုံရိပ်ယောင်ကနေမှန်ကြည့်နေတဲ့လူကိုပူးကပ်လာလေမလားလို့ စိတ်ကူးယဉ်ဖူးပါသလားတကယ်ကို ပူးကပ်လာခဲ့တဲ့အခါဘာတွေဆက်ဖြစ်လာမှာလဲ? သရဲပူးကပ်နေတဲ့မှန်ကလူကိုဘယ်လိုများခြောက်လှန့်မယ်လို့ထင်ပါသလဲ?သရဲပူးကပ်နေတဲ့မှန်ကိုသိပ္ပံနည်းကျနဲ့ ဖြေရှင်နိုင်မယ်လို့ ထင်ပါသလား?

The Haunting in Connecticut 2: Ghosts of Georgia (2013) IMDb - 5.3/10 Rotten - 19% The Haunting in Connecticut 2: Ghosts of Georgia ဇာတ်ကားကတော့ Director : Tom Elkins ရိုက်ကူးထားတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားထဲမှာဆိုရင်တော့ သရုပ်ဆောင်တွေအနေနဲ့ Abigail Spencer,Morgana Shaw,Chad Michael Murray နဲ့ Emily Alyn Lind တို့က အဓိက ပါဝင်သရုပ်ဆောင်ထားပါတယ်။ စိတ်ဆိုတဲ့အရာက ထူးဆန်းလှပါတယ်။ တကယ်ရှိနေတာကို မရှိဘူးဆိုပြိးလုပ်လို့ရသလို တကယ်မရှိတာကိုလည်း အရှိလုပ်လို့ရပါသေးတယ်။ စိတ်ကိုဖိအားအရမ်းပေးတာမျိုး ၊ ကြောက်စိတ်တွေအရမ်းများနေခြင်းမျိုးတွေကလည်း လူတစ်ယောက်ရဲ့မသိစိတ်ကနေ ကြောက်နေတဲ့အရာတွေကို တကယ့်လက်တွေ့သကဲ့သို့ထင်မှတ်လာစေပါတယ်။ ဒါပေမယ့် တစ်ချို့သောအရာတွေကတော့ တကယ်မရှိဖူးလို့ထင်မှတ်ချင်ပေမယ့်လည်း..... ဒီဇာတ်ကားထဲမှာဆိုရင်တော့ စူးစမ်းလေ့လာရတာကို သဘောကျတဲ့ မိသားတစ်စုက ဟိုးရှေးခေတ်ကသမိုင်းဝင်အိမ်ကြီးတစ်အိမ်ကို လေ့လာဖို့ပြောင်းလာကြတယ်။ သူတို့တွေလေ့လာမှု့တွေလုပ်ကြတယ်။ပျော်ရွှင်နေကြတယ်။ ဒါပေမယ့် မကြာခင်မှာ ဒီအိမ်ကြီးမှာဘာတွေဖြစ်နေလဲဆိုတာ သိရှိပြီးနောက် သူတို့ရဲ့ပျော်ရွှင်မှု့တွေ အဆုံးသတ်သွားခဲ့ပါတယ်။ ဘာကြောင့်လဲ....ဘာလို့လဲဆိုတာကို သိချင်ရင်တော့ ဇာတ်ကားလေးထဲမှာ ဆက်လက်ရှု့စားကြပါတော့...။ ဒီဇာတ်ကားကတော့ Drama,Horror,Mystery ဇာတ်ကားဖြစ်သည့်အပြင် IMDb rating 5.3 ရရှိထားတာကြောင့် မိသားစုနှင့်ဖြစ်ဖြစ် ချစ်သူနှင့်ဖြစ်ဖြစ် ကြည့်ရှု့သင့်တဲ့ ဇာတ်ကားကောင်းလေးတစ်ကားဖြစ်ပါတယ်။ File size…(854 MB) Quality…BR-Rip 720p Format…mp4 Duration….01:40:59 Subtitle….Myanmar Subtitle (Hardsub) Encoded by Naing Aung Latt

IMDb (6.4/10) မင်းသားကြီး Vin Diesel ရဲ့ နာမည်ကျော် အာကာသဖိုက်တာ Riddick ဇာတ်ကားတွေပါ။ Sci-Fi အမျိုးအစားဇာတ်ကားတွေထဲမှာတော့ Action အသားပေးအနေနဲ့ အမြဲအမှတ်ရနေမိမယ့်ဇာတ်ကားမျိုးတွေပါ။ ဒီဇာတ်ကားတွေကို ကြည့်မိတိုင်း ကျွန်တော်ဟာ အာခေါင်ခြောက်ကပ်ပြီး အနာဂတ်ကိုလှမ်းမြင်နေရသလို ရင်ထိတ်လာတယ်။ အထွေထွေပျက်စီးနေတာကို တရားကျရင်း ဘာအတွက်မှန်းမသိတဲ့ အတ္တတွေ အစဉ်အဆက်ကြီးထွားနေတာကို ရွံ့မုန်းလာမိရဲ့။ တစ်ခါတစ်ခါတော့ ရှင်သန်ခြင်းကို ဇယားချကြည့်တယ်...သေခြင်းကလွဲလို့အားလုံးက မှုန်ဝါးနေရော။ ဒီလိုအချိန်မှာ Riddick ရဲ့ ဝိဉာဉ်ကို မြင်မိတာအကြိမ်ကြိမ်အခါခါ။ Riddick ဟာ တစ်စုံတစ်ခုကို ဆုပ်ကိုင်လမ်းပြထားတယ်..ကျွန်တော်တို့ ခံစားကြည့်ပါစို့။ Riddick ဇာတ်ကားအားလုံးကို   Riddick   မှာကြည့်ပါ။ File size…    3.2 GB /  1.2 GB Quality… BluRay 1080p / 720p Format… mp4 Duration…. 1h 07m Genre ..... Action / Sci-Fi Subtitle…. Myanmar Subtitle (Hard Sub) Encoder…. Thit San Khant

Frank Miller နဲ့ David Mazzucchelli တို့ ဖန်တီးခဲ့တဲ့ ဂန္တဝင် Comic ကြီးကို အသက်သွင်းထားတာဆိုတော့ Bat-Fan တွေအတွက်ကတော့ ရင်ခုန်စရာ အကောင်းဆုံးနဲ့ အကြိုက်တွေ့စေမယ့် ဇာတ်ကားကောင်း တစ်ကားပါပဲ။ ဒီကားက Bruce Wayne တစ်ယောက် ကမ္ဘာပတ်ပြီး ပညာတွေသင်ယူရာကနေ ၁၂ နှစ်အကြာမှာ Gotham မြို့ကို ပြန်ရောက်လာတဲ့ အချိန်နဲ့၊ ရိုးသားတဲ့ ရဲအရာရှိ Jim Gordon တစ်ယောက် အဂတိလိုက်စားမှုတွေ ပြည့်နှက်နေတဲ့ Gotham မြို့ရဲတပ်ဖွဲ့ (GCPD) ကို ပြောင်းရွှေ့လာတဲ့ အချိန်ကို ပြိုင်တူပြသထားတာပါ။ Bruce က လင်းနို့လူသား (Batman) အဖြစ် ခံယူပြီး ပြစ်မှုကျူးလွန်သူတွေကို နှိမ်နင်းဖို့ ကြိုးစားသလို၊ Gordon ကလည်း ဥပဒေဘောင်ထဲကနေ အကျင့်ပျက် ရဲတွေနဲ့ မာဖီယာတွေကို ရှင်းလင်းဖို့ ကြိုးစားပုံတွေကို ရင်ခုန်စိတ်လှုပ်ရှားဖွယ် ရိုက်ကူးထားပါတယ်။ ဒီကားရဲ့ အမိုက်ဆုံးအချက်က Comic ထဲက အကွက်တွေ (Panels) ကို Screen ပေါ်မှာ 1:1 နီးပါး အတိအကျ ပုံဖော်ထားတာပါပဲ။ Frank Miller ရဲ့ Dark & Gritty ဖြစ်တဲ့ အငွေ့အသက်နဲ့ မူရင်း Comic ရဲ့ Art Style ကို အပြည့်အဝ ခံစားရပါတယ်။ ခေါင်းစဉ်ကသာ Batman လို့ ပါပေမယ့်၊ တကယ်တမ်း ဇာတ်လမ်းရဲ့ တစ်ဝက်လောက်က Jim Gordon ရဲ့ ရုန်းကန်မှုတွေပါ။ အကျင့်ပျက်ခြစားနေတဲ့ ရဲတွေကြားမှာ မှန်ကန်တဲ့ ရဲတစ်ယောက်အဖြစ် ရပ်တည်ရတဲ့ Gordon ရဲ့ Character Arc က တကယ့်ကို Masterclass ပါပဲ။ Action အခန်းတွေက အရမ်းမကြမ်းပေမယ့် လက်တွေ့ကျကျ (Grounded) ဖြစ်တယ်။ ဂြိုဟ်သားတွေ၊ စူပါပါဝါတွေ မပါဘဲ Gotham မြို့ကြီးရဲ့ အမှောင်ထု၊ မိုးရွာနေတဲ့ လမ်းမတွေ၊ လူဆိုးဂိုဏ်းတွေရဲ့ လွှမ်းမိုးမှုတွေကို Noir ဆန်ဆန် အမိုက်စား တင်ဆက်ထားပါတယ်။ Jim Gordon နေရာမှာ အသံသရုပ်ဆောင်ပေးထားတဲ့ Bryan Cranston (Breaking Bad က Walter White လေ) ရဲ့ Voice Acting က လုံးဝ Perfect ပါပဲ။ Gordon ရဲ့ ပင်ပန်းနွမ်းနယ်မှု၊ ဒေါသနဲ့ ပြတ်သားမှုကို အသံမှာတင် အပြည့်အဝ ကြားနေရပါတယ်။ Batman: Year One ဟာ Batman ရဲ့ အစပိုင်း သမိုင်းကြောင်း (Origin Story) တွေကို သိချင်တဲ့သူတိုင်း မဖြစ်မနေ ကြည့်သင့်တဲ့ ကားပါ။ Superpower တွေ အများကြီးပါတဲ့ Action ကားမျိုးမဟုတ်ဘဲ၊ Crime Thriller/Noir ဆန်ဆန် ခံစားကြည့်ရှုရမယ့် လက်ရာမြောက် Animation ကောင်း တစ်ကားဖြစ်ပါတယ်။ File size… 800 MB / 400 MB Quality… Blu - Ray 1080p/ 720p Format… mp4 Duration…. 1h 14m Genre ..... Animation, Adventure, Action , Noir Subtitle…. Myanmar Subtitle (Hard Sub)

အမေရိကန်နိုင်ငံမှာ နေ့စဉ်လူတစ်သောင်းနီးပါးဟာအကြောင်းအမျိုးမျိုးနဲ့သေဆုံးလျက်ရှိပြီး သေဆုံးမှုအများစုဟာ မြို့ပြဝန်းကျင်မှာဖြစ်ပါတယ်။လူတစ်ဦးကိုသေဆုံးပြီလိုအတည်ပြုအပြီး သတိပြန်မလည်လာခင်အချိန်မှာ မျက်စိကွယ်လုနီးပါးတောက်ပတဲ့အဖြူရောင်အလင်းတန်းကိုတွေ့မြင်ရတဲ့အတွေ့အကြုံကိုသေလုနီးပါးအတွေ့အကြုံ(NDE)လို့ခေါ်ဆိုပြီး ပျှမ်းမျှအနေနဲ့ အမေရိကန်မှာ သေလုနီးပါးအတွေ့အကြုံ (NDE) ကိုကြုံဆုံရသူ တစ်နေ့ကို ၇၇၄ ဦးဝန်းကျင်ရှိတယ်လို့သိရပါတယ်။ဒီမှာဆိုရင်သေရွာပြန်လို့ခေါ်တဲ့လူမျိုးဖြစ်ပါလိမ့်မယ်။ Abe ဟာ သူ့ဇနီး၊သားတို့နဲ့အတူ မနက်စာထွက်စားနေတဲ့အချိန်မှာ လူတစ်ယောက်က သူ့ဇနီးနဲ့သားကို သေနတ်နဲ့အသေအချာချိန်ရွယ်ပစ်ခတ်ခဲ့ပြီး သူ့ကိုတောင်းပန်ကာ သူ့ကိုယ်သူလည်းသေနတ်နဲ့ပစ်သတ်သွားခဲ့ပါတယ်။ ဝေခွဲမရတဲ့စိတ် ယူကျုံးမရစိတ်တွေနဲ့ ဖြေမဆည်နိုင်တဲ့ Abe ဟာဆေးအလွန်အကျွံသောက်ပြီး သူ့ကိုယ်သူသတ်သေဖို့ကြိုးစားခဲ့ပေမယ့် သူ့သူငယ်ချင်းက အချိန်မှီသိရှိကယ်တင်နိုင်ခဲ့ပြီး သတိပြန်လည်မလာခင်အချိန်မှာ NDE အတွေ့အကြုံကိုရရှိခဲ့တဲ့နောက် Abe ဟာသေဆုံးတော့မယ့်လူတွေကိုသူတို့ဘေးမှာဖြာထွက်နေတဲ့အဖြူရောင်အလင်းတန်းတွေကတစ်ဆင့်ကြိုမြင်နိုင်စွမ်းရှိလာခဲ့ပါတယ်။ ဒီလိုနဲ့ အဲ့ဒီအစွမ်းကိုအသုံးချပြီးသေဘေးဆိုက်တော့မယ့်လူတွေကို ကယ်တင်နိုင်ခဲ့ပေမယ့် သူဟာကြီးမားတဲ့အမှားတွေတစ်ခုပြီးတစ်ခုကျူးလွန်နေခဲ့တာတွေကိုသိရှိလာရပြီးတဲ့နောက် သူ့ဇနီးနဲ့သားကိုပစ်သတ်သွားတဲ့သူဘာကြောင့် အဲ့ဒီလိုလုပ်ခဲ့ရတယ်ဆိုတဲ့အဖြေကိုပါ နားလည်လာတဲ့အခါမှာတော့..။မူရင်းဇာတ်ကားကို မှီရုံတင်မက မူရင်းထက်ပါ ပိုသာတဲ့ ရှားရှားပါးပါး Sequel တွေထဲက တစ်ခုဖြစ်ပါတယ်။မူရင်းဇာတ်ကားနဲ့ ချိတ်ဆက်မထားတဲ့ Stand alone sequel တစ်ခုလည်းဖြစ်တဲ့အတွက် Horror ပရိသတ်တွေလက်လွတ်မခံသင့်တဲ့ကားကောင်းတစ်ကားပါ။ File size…(1.6 GB)/(811 MB) Quality….Webrip 1080p / 720p Format…mp4 Duration….01:39:00 Genre...Thriller, Horror, Fantasy Subtitle….Myanmar Subtitle (Hardsub) Encoder….Mr. Anderson Translated by Alias