Kevin Dunn ပါဝင်သော ဇာတ်ကားများ

72 HOURS (2026) +++++++++ ဒီကားလေးကတော့ ၂၀၂၆ ဇူလိုင်လ ၂၄ ရက်နေ့မှာ Netflix ကနေ အသစ်ထွက်ရှိထားတဲ့ 72 Hours ဆိုတဲ့ Action-Comedy ကားလေးပါ။ ကယ်ဗင်ဟတ် (Kevin Hart) ပါဝင်သရုပ်ဆောင်ထားပြီး လူငယ်တွေကြားထဲ အတင်းဝင်ဆံ့အောင် လုပ်ရင်း အလွဲလွဲအချော်ချော်တွေဖြစ်ပုံကို ရယ်ရလွန်းလို့ အူတက်ရမယ့် R-rated ကားမျိုးပေါ့။ Hang Over ကားလိုမျိုးပါပဲ။ ဇာတ်လမ်းအကျဉ်း ++++++++++++ ဂျိုး (Kevin Hart) က အသက် ၄၀ အရွယ် ကြော်ငြာကုမ္ပဏီက အလုပ်အမှုဆောင်တစ်ယောက်ပါ။ သူ့အလုပ်အကိုင်က သိပ်အဆင်မပြေဖြစ်နေပြီး ဘော့စ်ကလည်း သူ့ကို အသက်ကြီးနေပြီလို့ ထင်နေတာပေါ့။ တစ်ရက်ကျတော့ လူငယ်အုပ်စုတစ်စုက လူပျိုညပွဲ (bachelor party) လုပ်ဖို့ ဖုန်းထဲမှာ ဂရုချတ်ဖွဲ့ရာကနေ ဂျိုးကို လူမှားပြီး ထည့်လိုက်မိရော။ ဂျိုးကလည်း လူမှားလက်စနဲ့ လူငယ်တွေနဲ့ လိုက်လျောညီထွေဖြစ်အောင်ဆိုပြီး မိုင်ယာမီ (Miami) မှာ ၃ ရက် (၇၂ နာရီ) ကြာမယ့် အဲဒီခရီးစဉ်ကို ရောယောင်ပြီး လိုက်သွားပါတော့တယ်။ ရည်ရွယ်ချက်ကတော့ လူငယ်တွေနဲ့ ပေါင်းပြီး သူ့ရဲ့ကျဆင်းနေတဲ့ ပုံရိပ်ကို ပြန်ဆယ်ဖို့ပါပဲ။ ဒါပေမဲ့ ပျော်စရာခရီးစဉ်လေးကနေ ရဲတွေနဲ့ ငြိတာတွေ၊ မူးယစ်ဆေးဂိုဏ်းပြဿနာတွေ၊ ရွက်လှေပါတီတွေနဲ့ ပါတီဘတ်စ်ကားပေါ်မှာ တကယ့်ကို ဗြောင်းဆန်သွားပါတော့တယ်။ မျိုးဆက်မတူတဲ့ လူငယ်တွေကြားမှာ အတင်းဝင်ဆံ့အောင်ကြိုးစားရင်း ဘယ်လိုတွေ ဆက်ဖြစ်မလဲဆိုတာကို ပေါ့ပေါ့ပါးပါး ရိုက်ကူးထားတာပါ။ ဒါရိုက်တာ Tim Story က ရိုက်ကူးပေးထားတာပါ။ ဟာသတွေ တောက်လျှောက်ဖောက်ထားပြီး ပေါ့ပေါ့ပါးပါးနဲ့ စိတ်အပန်းဖြေကြည့်ချင်သူတွေအတွက် အဆင်ပြေမယ့် ကားလေးဖြစ်ပါတယ်။ ရုံးပိတ်ရက်မှာ အပျင်းပြေ ကြည့်ဖို့ တကယ်ကို အကြံပေးချင်ပါတယ်။ File Size… (2.15GB) / (1.11GB) Quality… WEB-DL 1080p HEVC / 720p Format…mkv / mp4 Duration…1h 45m Genre ….Comedy Subtitle….Myanmar Subtitle (Hard Sub)

Mermaid (2026) ++++++++ ဘဝရဲ့ အောက်ခြေအဆင့်ကို ရောက်နေပြီး အရာရာကို လက်လျှော့ဖို့ ကြိုးစားနေတဲ့ ဒေါ့ဂ် ဆိုတဲ့ အမျိုးသားတစ်ယောက်ရဲ့ အထီးကျန်ကမ္ဘာထဲကို မမျှော်လင့်ဘဲ လျှို့ဝှက်ဆန်းပြားတဲ့ ရေသူမတစ်ကောင် ရောက်ရှိလာတဲ့အခါ... ဒါပေမဲ့ ဒီရေသူမက ကျွန်တော်တို့ မြင်ဖူးနေကျ Disney ပုံပြင်တွေထဲကလို ချစ်စရာကောင်းပြီး လှပနေတာမျိုး မဟုတ်ပါဘူး။ ထက်မြက်တဲ့ သွားတွေ၊ ကြောက်စရာ အကြေးခွံတွေနဲ့ ရိုင်းစိုင်းတဲ့ ပင်လယ်သတ္တဝါတစ်ကောင်လို ဖြစ်နေတာပါ။ အားလုံးက ဝိုင်းပယ်ထားတဲ့ ဒဏ်ရာရ ရေသူမလေးကို ဒေါ့ဂ် က "Destiny" လို့ နာမည်ပေးပြီး သူ့အိမ်က ရေချိုးကန်ထဲမှာ ခေါ်ယူစောင့်ရှောက်ရင်း သူတို့နှစ်ယောက်ကြားမှာ ထူးဆန်းတဲ့ သံယောဇဉ်တစ်ခု စတင်ခဲ့ပါတယ်။ တစ်ဖက်မှာ Dark Comedy နဲ့ Horror ပုံစံမျိုး ရင်တထိတ်ထိတ်နဲ့ ရယ်မောကြည့်ရှုရမှာဖြစ်သလို၊ တစ်ဖက်မှာလည်း ဘဝမှာ အထီးကျန်ပြီး အားကိုးရာမဲ့နေတဲ့ လူနှစ်ယောက် (လူနဲ့ သတ္တဝါ) ကြားက သံယောဇဉ်ကို ရိုးရိုးရှင်းရှင်းနဲ့ ရင်ထဲထိအောင် ပုံဖော်ထားတဲ့ ဇာတ်ကားကောင်းတစ်ကား ဖြစ်ပါတယ်..... File Size… (1.32GB) / (776MB) Quality… WEB-DL 1080p HEVC / 720p Format…mkv / mp4 Duration…1h 45m Genre ….Action , Comedy , Horror , Thriller Subtitle….Myanmar Subtitle (Hard Sub)

ဒီဇာတ်ကားလေးကတော့ 2012 ခုနှစ်တုန်းက ထွက်ရှိခဲ့တဲ့ Amber Alert ဆိုတဲ့ရုပ်ရှင်ကို remake ပြန်ရိုက်ထားတဲ့ ရုပ်ရှင် ဖြစ်ပါတယ်။ IMDb မှာ 5.9/10 ဆိုတဲ့ rating ကို ရရှိထားပြီးတော့ အရင်ဇာတ်ကားဟောင်းရဲ့ ဒါရိုက်တာကပဲ ဒီဇာတ်ကားအသစ်ကို ရိုက်ကူးထားတာဖြစ်ပါတယ်။ အဓိကဇာတ်ဆောင်တွေအနေနဲ့ Tyler James Williams, နာမည်ကြီး Heroes series နဲ့အတူ နာမည်ရလာတဲ့ Hayden Panettiere, ဝါရင့်သရုပ်ဆောင်ကြီး Kevin Dunn တို့က ပါဝင်ထားပါတယ်။ ဇာတ်လမ်းအကျဉ်း အနောက်နိုင်ငံတွေမှာ ကလေးပြန်ပေးဆွဲမှုဖြစ်ပြီဆိုရင် AMBER alert ဆိုတဲ့ သတိပေးချက်ကို ထုတ်ပြန်ပြီးတော့ ဒေသခံတွေရဲ့အကူအညီနဲ့ အတူ တရားခံကိုဖမ်းဆီးပါတယ်။ ဒီဇာတ်ကားထဲမှာတော့ Jacqueline နဲ့ Shane ဆိုတဲ့ ဒေသခံနှစ်ယောက်က ပြန်ပေးဆွဲတရားခံကို ရဲတပ်ဖွဲ့နဲ့ ပူးပေါင်းပြီး ဖမ်းဆီးကြပုံကို စိတ်လှုပ်ရှားဖွယ်ကြည့်ရှုရမှာဖြစ်ပါတယ်။ Thriller Genre ဖြစ်တာနဲ့အညီ ကြည့်ရှုသူတွေကို Plot twist တွေနဲ့ အသည်းတယားယားဖြစ်အောင် ရိုက်ကူးထားပါတယ်။ ဇာတ်လမ်းအသွားက တကယ်မိုက်ပြီးတော့ ရသမျိုးစုံပေးစွမ်းနိုင်ကာ ကြည့်ရှုသူပရိသတ်ကို ဇာတ်လမ်းအဆုံးထိ ခေါ်သွားနိုင်တဲ့ ဇာတ်ကားကောင်း တစ်ကားဖြစ်ပါတယ်။ File size…1.12GB / 642 MB Quality…WEB-DL 1080p HEVC / 720p Format…mkv / mp4 Duration….1h 30m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Austin

အခုတစ်ခေါက်တင်ဆက်ပေးမယ့် ဇာတ်ကားလေးကတော့ ပျောက်သွားတဲ့ ညီမလေးကိုလိုက်ရှာနေတဲ့ လက်ဝှေ့ဖိုက်တာမလေးတစ်ဦးရဲ့ စွန့်စားခန်းလေးကို ရင်တဖိုဖိုရိုက်ကူးထားတဲ့ ဇာတ်ကားလေးပဲဖြစ်ပါတယ်။ ဘယ်လောက်ပဲ စိတ်ဓါတ်ခိုင်မာသူဖြစ်ပါစေ ချစ်ရသူတွေကိုဆုံးရှုံးရတဲ့အခါ ပြိုလဲ ကြရတာပါပဲ။ ပရိသတ်အားပေးခံရတဲ့ လက်ဝှေ့သမတစ်ဦးဖြစ်တဲ့ K.O ဟာလည်း ချစ်ရတဲ့ညီမလေးပျောက်ဆုံးသွားပြီးနောက် ပြိုင်ပွဲတွေကို အာရုံမစိုက်နိုင်တော့ဘဲ ညီမကိုလိုက်ရှာနေခဲ့ပါတယ်။ ပိုက်ဆံစုပြီး သတင်းလိုက်ရာကနေ ညီမငယ်ကို ဖမ်း သွားတဲ့ဂိုဏ်းနောက်လိုက်ဖို့ သူ့ကိုယ်သူ လူမှောင်ခိုကူးခံရမယ့် ကောင်မလေးတစ် ယောက်အဖြစ် အသွင်ပြောင်းလိုက်ပြီးချိန်မှာတော့ . . . K.O တစ်ယောက် ဒုစရိုက် ဂိုဏ်းရဲ့ ခရီးကြမ်းတွေကြား အကြမ်းစားဖိုက်တင်းစကေးတွေနဲ့ ဘယ်လိုဖြတ်ကျော် မလဲဆိုတာကို ရင်တဖိုဖိုနဲ့ကြည့်ရှုရမယ့် ဇာတ်လမ်းလေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Lwin Lwin Aung ဖြစ်ပါတယ်) File Size - (1.17 GB) / (456 MB) / (290 MB) Quality – WebDL 1080p / 720p/480p Duration - 1h 25mins Subtitle – Myanmar Hardsub Format – MP4 Genre : Crime, Thriller Translator – Lwin Lwin Aung Encoder – SWM

ရစ်ချက် ဝီလီယျံဟာ သမီးတွေ မမွေးခင်ကတည်းက သူတို့ကို တင်းနစ်ချန်ပီယံဖြစ်စေဖို့ အစီအစဉ်ဆွဲထားတဲ့ ဖခင်တစ်ယောက်ပါ။ သူ့သမီးတွေကတော့ နောက်ပိုင်း တင်းနစ်လောကမှာ နာမည်ကြီးလာတဲ့ ဆီရီနာနဲ့ ဗီးနပ်စ် ဝီလီယျံတို့ ဖြစ်ပါတယ်။ King Richard က ဒီညီအစ်မနှစ်ယောက်ရဲ့ ငယ်ဘဝကနေ ပရော်ဖက်ရှင်နယ်တင်းနစ်သမားတွေ ဖြစ်လာဖို့ ဖခင်နဲ့အတူ ရုန်းကန်ခဲ့ကြရတဲ့အကြောင်းကို ရိုက်ကူးထားတာပါ။ လူဖြူတွေ လွှမ်းမိုးထားတဲ့ တင်းနစ်လောကထဲမှာ အာဖရိကန်-အမေရိကန် ညီအစ်မနှစ်ယောက် ရှေ့ရောက်လာဖို့ ရစ်ချက်က နောက်ကွယ်ကနေ လမ်းညွှန်ပေးခဲ့တယ်။ သမီးတွေကို ချန်ပီယံဖြစ်စေမယ်ဆိုတဲ့ သူ့ရည်မှန်းချက်ကို အကောင်အထည်ဖော်ရာမှာ ဘယ်လောက်အထိ ကြိုးစားခဲ့ရသလဲဆိုတာကို ဖခင်ရဲ့ဘက်ကနေ ပြထားပါတယ်။ ၂၀၂၁ ခုနှစ်က ထွက်ရှိတဲ့ ဒီအားကစားအတ္ထုပ္ပတ္တိဇာတ်ကားမှာ ရစ်ချက်အဖြစ် Will Smith ပါဝင်ထားပါတယ်။ တကယ့်ဖြစ်ရပ်တွေကို အခြေခံထားပြီး ဆီရီနာနဲ့ ဗီးနပ်စ်တို့ရဲ့ ငယ်ဘဝ၊ တင်းနစ်ပြိုင်ပွဲတွေနဲ့ သားအဖတွေရဲ့ ကြိုးပမ်းမှုတွေကို နှစ်နာရီခွဲခန့်ကြာ တင်ဆက်ထားပါတယ်။

ရဲတွေ FBI တွေရာဇဝတ်မှုတစ်ခု နောက်ကိုလိုက်တဲ့အခါမှာ သူတို့အတွက် တန်ဖိုးအရှိဆုံးအရာကတော့ သူတို့လိုချင်နေတဲ့ သတင်းတွေကို အသေးစိတ်ပြောပြပေးနိုင်မဲ့သတင်းပေးတွေပါပဲ။ အဲ့ဒီသတင်းပေးတွေကြောင့်ပဲ ဖော်ထုတ်နိုင်ခဲ့တဲ့ရက်စက် ကြမ်းကြုတ်တဲ့ ဒုစရိုက်မှုတွေဆိုတာလည်းမနည်းပါဘူး။ သတင်းပေးတွေက ရဲတွေကိုသတင်းပေးရာမှာ လျှို့ဝှက် သတင်းပေးရတာလည်းရှိသလို တရားရုံးမှာသက်သေထွက်ဆို ပေးရတဲ့အထိ လုပ်ပေးရတာတွေလည်းရှိပါတယ်။ သတင်းပေးတွေဖက်က အဲ့လိုသတင်းပေးရတဲ့ အကြောင်း ပြချက်တွေကလည်း မျိုးစုံရှိကြပါတယ်။အခုတင်ဆက်ပေးမဲ့ Above Suspicion ဆိုတဲ့အပြင်လောကက ဖြစ်ရပ်မှန်အကြောင်း အရာတစ်ခုကို အခြေခံပြီးရိုက်ကူးထားတဲ့ ဇာတ်ကားထဲမှာ အထက်မှာပြောခဲ့သလိုသတင်းပေးနဲ့ FBI အေးဂျင့်တစ်ယောက်ရဲ့ ကြားမှာ ဖြစ်ခဲ့တဲ့စိတ်ဝင်စားစရာအကြောင်းအရာတွေကို တွေ့ရ မှာပဲဖြစ်ပါတယ်။ ငယ်စဉ်ကတည်းကနေ အခုအချိန်အထိ ပိုက်ဗေးလ်မြို့မှာ နေထိုင်ခဲ့တဲ့ ဆူဇန်ဆိုတဲ့အမျိုးသမီးတစ်ယောက်က ယိုယွင်းပျက်စီးနေတဲ့ ပိုက်ဗေးလ်မြို့ရဲ့စီးပွားရေးအကြပ် အတည်းတွေကို အံကြိတ်ပြီး ရှင်သန်နေရတဲ့ကွာရှင်းထားတဲ့ ကလေးအမေတစ်ယောက်ပဲဖြစ်ပါတယ်။သူတို့မြို့က ဘယ်လောက် ပျက်စီးနေလဲဆိုရင် ပိုက်ဆံရှာဖို့ အသုဘလုပ်ငန်းနဲ့ မူးယစ်ဆေး ရောင်းဝယ်တဲ့လုပ်ငန်း ၂ ခုပဲရှိတော့တဲ့အထိကိုဆိုးဝါးနေခဲ့တာပါ။ အဲ့ဒါတွေကြောင့်ပဲ ဒီမြို့ကနေထွက်သွားချင်တဲ့ သူ့ရဲ့ရည်မှန်းချက်က ဘယ်တုန်းကမှ မပြည့်၀ခဲ့သလို အရာရာပြည့်စုံတဲ့ယောက်ျား တစ်ယောက်နဲ့ ပျော်ရွှင်စရာကောင်းတဲ့အိမ်ထောင်ရေးတစ်ခုကို ပိုင်ဆိုင်ချင်တာကတော့ သူ့ရဲ့အိပ်မက်ကြီးတစ်ခုပါပဲ။အဲ့ဒီ အိပ်မက်တွေအားလုံးက တစ်နေ့မှာတော့သူတို့မြို့ကို FBI အေးဂျင့်မာ့ခ်ရောက်လာတဲ့အခါမှာ ပြည့်၀သွားသလိုခံစား လိုက်ရပါတယ်။အေးဂျင့်မာ့ခ်မှာ သားနဲ့မယားနဲ့ဆိုပေမဲ့ အဖက်ဖက်က ပြည့်စုံနေတဲ့ ယောက်ျားတစ်ယောက်မျိုးဖြစ်တဲ့ အတွက် ဆူဇန်အတွက်ရေငတ်နေချိန်ဝိုင်ချိုတွေ့လိုက်ရသလို အေးဂျင့်မာ့ခ်ကို တမ်းတမ်းစွဲဖြစ်ပြီး သတင်းပေးအနေနဲ့ ချဉ်းကပ်ခဲ့ပြီးတဲ့နောက်မှာတော့ သူတို့နှစ်ယောက်ကြားမှာ ဘယ်လို စိတ်ဝင်စားစရာကောင်းတဲ့ အဖြစ်အပျက်တွေ ဆက်ဖြစ်လာမယ်ဆိုတာကို ရိုက်ကူးပြသထားတဲ့ ဖြစ်ရပ်မှန် ဇာတ်ကားလေးတစ်ကားပဲဖြစ်ပါတယ်။ File size…1.55GB / 660MB Quality…WEB-Rip 1080p 5.1CH / 720p Format…mp4 Duration….1h 44m Genre ….. Action , Biography , Crime Subtitle….Myanmar Subtitle (Hard Sub) Encoder….Min Wai Translated by Saw Lay

Rating 7 ရရှိထားတဲ့ ကားဖြစ်ပါတယ်..... ​ခေတ်​လွန်​အ​မေရိကန်​ ​တော်​လှန်​​ရေးကားဆိုလည်းမမှားပါဘူး.... အညွှန်​းက​တော့ အနာဂတ်​မှာ အ​မေရိကန်​နိုင်​ငံအပါအဝင်​ ကမ္ဘာ​ပေါ်ကမြို့ကြီး​တော်​​တော်​များများကို ဂြိုလ်​သားများနှင်​့ ဥပ​ဒေပြုသူများဆိုတဲ့ အဖွဲ့အစည်​းတစ်​ခုက သိမ်​းပိုက်​ထားတာကို ပြည်​သူ​တွေက ပြန်​လည်​တွန်​းလှန်​ကြတဲ့အ​ကြောင်​းကို ဇာတ်​အိမ်​ဖွဲ့ရိုက်​ကူးထားတာ ဖြစ်​ပါတယ်​။ အနာဂတ်​မှာ ဖြစ်​လာနိုင်​တဲ့ စနစ်​အသစ်​​တွေကိုလည်​း စိတ်​ဝင်​စားဖွယ်​ ထည်​့သွင်​းရိုက်​ကူးထားတဲ့ ကားတစ်​ကားလည်​းဖြစ်​တာမို့ အား​ပေးကြပါဦး.. File Size : (1 GB) & ( 285 MB) Quality : BluRay 720p Running Time : 1 hr 49 min Format : Mp4 Genre :  Sci-Fi , Thriller Subtitle : Myanmar Subtitle (Hard Sub) Translated by Tar Tee Poe Encoded by Moe Myint Lwin

ဒီဇာတ်ကားက စုံထောက်အက်ရှင်ဟာသဇာတ်ကားပါ။ Wonder Woman အဖြစ်နာမည်ကျော်တဲ့ Gal Gadot ရဲ့ ခပ်ဟော့ဟော့အက်ရှင်သရုပ်ဆောင်မှုတွေကြောင့် ဇာတ်လမ်းအကြောင်းကို စဉ်းစားစရာမလိုဘဲ ကြည့်သင့်တဲ့ဇာတ်ကားတစ်ကားလို့ ဆိုပါရစေ။ သူတင်ပဲလားတော့မဟုတ်သေး...Hangover ဇာတ်ကားရဲ့ နာမည်ကျော်သရုပ်ဆောင် Zach Galifianakis လဲပါပါသေးတယ်။ ဒါ့အပြင် မင်းသား Jon Hamm နဲ့ မင်းသမီး Isla Fisher တို့ကိုလဲ မြင်တွေ့ရဦးမှာပါ။ ဇာတ်လမ်းအရသာကလဲ Action,Comedy အရသာမို့ အေးအေးဆေးဆေးအနားယူရင်း ရယ်မောကြည့်ရှုရမှာပါ။ ခံစားအားပေးကြပါဦး။ File size…(905 MB) Quality…Blu-Ray Rip 720p Format…mp4 Duration….01:45:00 Subtitle….Myanmar Subtitle (Hardsub) Encoder….Nyeinsaeya Aung

NFL Draft ဟာ အသင်း ၃၂ သင်းက ကစားသမား ၂၂၄ ယောက်ထဲကနေ ကိုယ်လိုချင်တဲ့သူကို အကြိတ်အနယ် ရွေးချယ်ကြရတဲ့ အချိန်ပါ။ Cleveland Browns အသင်းရဲ့ အထွေထွေမန်နေဂျာ Sonny Weaver Jr. ကတော့ ဒီအချိန်မှာ ဖိအားတွေ ဝိုင်းနေပါတယ်။ နည်းပြတစ်ယောက်ဖြစ်တဲ့ သူ့အဖေ Sonny Weaver က ပြီးခဲ့တဲ့အပတ်ကပဲ ဆုံးသွားခဲ့တယ်။ လူတွေက သူ့ကို အဖေနဲ့ နှိုင်းယှဉ်ဝေဖန်ကြသလို အသင်းအပေါ် ပရိသတ်တွေရဲ့ မျှော်လင့်ချက်ကလည်း ကြီးနေပါတယ်။ ဇာတ်လမ်းက Seattle Seahawks အသင်းက Tom ရဲ့ ကမ်းလှမ်းမှုတစ်ခုနဲ့ စပါတယ်။ ဘိုကယ်လာဟန်ကို ရဖို့ Browns ဘက်က အလဲအလှယ်လုပ်ရမယ့် ကမ်းလှမ်းချက်ပါ။ ကိုယ့်ဆုံးဖြတ်ချက်တစ်ခုက အသင်းရဲ့ အနာဂတ်ကိုပါ သက်ရောက်နိုင်တာကြောင့် ဘိုကယ်လာဟန်ဟာ တကယ်သင့်တော်တဲ့ ရွေးချယ်မှုလားဆိုတာ Sonny နဲ့ အသင်းသားတွေ အဖြေရှာကြရတယ်။ လှည့်ကွက်တွေနဲ့ အရွှေ့အပြောင်းတွေကြားမှာ Sonny တစ်ယောက် သူလိုချင်တဲ့အသင်းကို ပုံဖော်နိုင်ပါ့မလား။

နီကိုလတ်ကေ့ဂျ်ပါဝင် သရုပ်ဆောင်ထားတဲ့ ဖြစ်ရပ်မှန် စိတ္တဇ လူသတ်သမားကား လေးကိုတင်ဆက်ပေးလိုက်ပါတယ်။ ဆာဂျင်ဟော့ခ်(နီကိုလတ်ကေ့ဂျ်) ဟာအလက်စကာ မှာနေထိုင်တဲ့ ရဲတပ်သားတစ်ဦးဖြစ်ပါတယ်။တစ်ရက်မှာ စင်ဒီပေါလ်ဆန်ဆိုတဲ့ မိန်းကလေး တစ်ယောက်ကို သူ့အခန်းထဲမှာ လက်ထိပ်ခတ်နှိပ်စက်ထားတာကိုတွေ့ကျရပါတယ်။စင်ဒီက သူ့ကို ဒီလိုနှိပ်စက်ပြီး အဓမ္မပြုကျင့်သွားသူဟာ ရောဘတ် ဟန်ဆန် ဖြစ်တယ်လို့ ပြောခဲ့ပါတယ် ဒါပေမဲ့ ရောဘတ်ဟာ အများလေးစားရတဲ့ သားမယားနဲ့ နေတဲ့ သူဖြစ်တာကြောင့် ရဲတွေက အယုံအကြည် မရှိခဲ့ပါဘူး စင်ဒီလဲ အရင်လို လမ်းပေါ်မှာ တေလေ နေပါတော့တယ်။ အဲ့နောက်မှာ အဲ့နောက်မှာဆာဂျင် ဟော့ခ်ဟာ မိန်းကလေး ခုနှစ်ယောက် အသတ်ခံရတဲ့ အမှု့ကို ကိုင်တွယ်ပါတော့တယ်။စင်ဒီရဲ့အမှု့ကို လည်း စုံထောက်တစ်ယောက်က ဆာဂျင်ဟော့ခ်ဆီကို ပို့ပေးလိုက်ပါတယ်။ဒီလိုနဲ့ ရောဘတ် ဟန်ဆန်ဟာ ဒီအမှု့တွေရဲ့ တရားခံဆိုတာ ဆာဂျင်ဟော့ခ်က ယုံကြည်သွားခဲ့ပါတယ်။ဒါပေမဲ့ သက်သေအထောက်အထားတွေလက်ဆုပ်လက်ကိုင် ပြစရာ မရှိသေးပါဘူး။သက်သေ အထောက်အထားတွရဖို့ ဆာဂျင်ဟော့ခ်က စင်ဒီ့ဆီက အကူအညီကို ရယူမှဖြစ်မှာပါ။ဒါပေမဲ့ အရင်ဆုံးစင်ဒီ့ဆီက ယုံကြည်မှု့ကို ရဖို့လိုပါတယ်။ဆာဂျင်ဟော့ခ်. တစ်ယောက် စင်ဒီ့ဆီက ယုံကြည်မှု့ရအောင်ဘယ်လို လုပ်မလဲ..... ရောဘတ် ဟန်ဆန်ကို စွဲချက် တင်ဖို့ သက်သေအထောက်အထားတွေ ဘယ်လိုရှာဖွေမလဲ.... အများလေးစားပြီး အေးဆေးနေတက်တဲ့ ရောဘတ်ဟန်ဆန်က သူထင်နေတဲ့ သူကော ဟုတ်ရဲ့လား..... စတာတွေကို စိတ်ဝင်စားစွာကြည့်ရှု့ရမှာပါ။ File Size : 900MB/360 MB Quality : Blu Ray 720P Running Time : 1h 45min Format : Mp4 Genre : Crime, Drama, Mystery Subtitle : gurelia Encoder : Tariq L Walker

Director: Joshua Michael Stern ရိုက်ကူးတင်ဆက်ထားပြီး August 15, 2013 မှာ ရုံတင်ခဲ့တဲ့ Apple ရဲ့ ဖခင်ကြီး Steve Jobs ရဲ့ ကိုယ်ရေး အတ္တူပတိ ရုပ်ရှင် ဇတ်လမ်းဖြစ်ပါတယ်... Jobs ဟာ ဒီလိုအောင်မြင်ဖို့ အတွက် Mac Os အသုံးပြုတဲ့ Apple Computer ကို စတင်တီထွင် ဖို့ အသုံးပြုခဲ့တာ စက်ရုံတစ်ခု မဟုတ်ပဲ ကားဂိုဒေါင် ကျဉ်းကျဉ်းလေးမှာ စတင်ခဲ့တာပါ ရှုံးနိမ့်မှုတွေ လဲ အကြိမ်ကြိမ် ဖြစ်ခဲ့ပါတယ် Apple Co.Ltd ကို သူများကို ပေးလိုက်ရပြီး Founder အဖြစ်ကနေ ရာထူးကျပြီး ထွက်ခဲ့ရပါသေးတယ်... ဒါပေမယ့် ရှုံးနိမ့်လဲ လဲမကျတဲ့ စိတ်ဓါတ်တွေနဲ့ ဆန်းသစ်တဲ့ အတွေးအခေါ်တွေနဲ့ အကောင်းဆုံးဆိုတာကိုသာ ပေးချင်တဲ့ စိတ်တွေကြောင်း ယခု Jobs မရှိတော့ပေမယ့် Apple ကို ချစ်တဲ့ သူတွေနဲ့ အောင်မြင်မှု သရဖူဆောင်းနေလျက်ပါပဲ... ဒီရုပ်ရှင်က Jobs ရဲ့ အကြောင်းကို ခရေစေ့တွင်းကျ ပြောမပြနိုင်ပေမယ့် တစ်စေ့တစ်စောင်းတော့ သိလာမှာပါလို့ မှတ်ချက်ပြုရင်း.... File size…    2.2 GB /  962 MB Quality… BluRay 1080p / 720p Format… mp4 Duration…. 2h 9m Genre ..... Drama Subtitle…. Myanmar Subtitle (Hard Sub) Encoder…. Thit San Khant Translated by... JimX

Fire with Fire (2012) IMDb Rating (6.0) အက်ရှင်နဲ့ ကလဲ့စားချေတဲ့ကားတွေကို ကြိုက်တတ်ရင်တော့ အခုမိတ်ဆက်ပေးမယ့် 2012 ခုနစ်က ထွက်ခဲ့တဲ့ Fire with Fire ဆိုတဲ့ ကားကတော့ ကြည့်လို့ကောင်းမယ့် ကားတစ်ကားပါ ပရိတ်သတ်ကြီးတို့ရေ။ ဇာတ်လမ်းကတော့ မီးသတ်သမားတစ်ယောက်ဖြစ်တဲ့ ဂျယ်ရမီ ဟာ လူသတ်မှုတစ်ခုကို မတော်တဆ မြင်တွေ့ခဲ့ရာကနေ စတာပါ။ သူက လူသတ်သမားကို သက်သေထွက်ဆိုဖို့ ကြိုးစားပေမဲ့ အဲဒီလူသတ်သမားက သြဇာကြီးတဲ့ ဂိုဏ်းစတားတစ်ယောက်ဖြစ်နေတော့ သူနဲ့ သူ့ချစ်သူရဲ့ အသက်အန္တရာယ်က စိုးရိမ်ရတဲ့ အခြေအနေ ဖြစ်လာပါတယ်။ ရဲတွေက သူ့ကို အကာအကွယ်ပေးထားပေမဲ့လည်း ဂိုဏ်းစတားတွေက သူ့နောက်ကို အရိပ်လို လိုက်နေတာကြောင့် နောက်ဆုံးမှာတော့ သူက ထွက်ပြေးနေရုံနဲ့ မပြီးတော့ဘူးဆိုတာ သိသွားပြီး သူ့နည်းသူ့ဟန်နဲ့ ပြန်ပြီး တိုက်ခိုက်ဖို့ ဆုံးဖြတ်လိုက်ပါတော့တယ်။ ဒီကားမှာ Josh Duhamel က မီးသတ်သမားအဖြစ် သရုပ်ဆောင်ထားသလို နာမည်ကြီး မင်းသားကြီး Bruce Willis နဲ့ Rosario Dawson တို့လည်း ပါဝင်ထားပါတယ်။ ဇာတ်လမ်းက ရိုးရှင်းပေမဲ့ မီးသတ်သမားတစ်ယောက်က သူ့မှာရှိတဲ့ ကျွမ်းကျင်မှုတွေကို သုံးပြီး လူဆိုးတွေကို တစ်ယောက်ချင်း ပြန်နှိမ်နင်းတဲ့ အက်ရှင်ခန်းတွေက တကယ့်ကို အားရစရာကောင်းပြီး ရင်တထိတ်ထိတ်နဲ့ ကြည့်ရမယ့် ကားမျိုးပါပဲဗျာ။ File Size : 1.49GB/ 730MB Quality : BluRay 1080p 5.1CH/ 720p Format…mp4 Duration…1hr 38m Genre : Action, Crime, Drama, Thriller Subtitle : Myanmar Subtitle (Hard Sub)

Warrior(2011) အညွှန်း IMDb Rating            .........  8.2/10 Rotten Tomatoes   .........   83% ((အလန်းစားကားမို့ 1080P5.1CH ပါ လုပ်ပေးထားပါတယ်...)) အရက်စွဲရာမှ ပြန်လည်နာလန်ထူနိုင်ဖို့ ကြိုးစားနေတဲ့ ဖခင်ဖြစ်သူ "ပက်ဒီ" ဆီကို..... နှစ်ပေါင်းများစွာ ခွဲခွာသွားပြီး သူ့ကိုစိတ်နာနေခဲ့တဲ့ သားဖြစ်သူ မရိန်းတပ်သားဟောင်း တွန်မီ ရောက်လာပြီးတော့ ကိုယ်ခံပညာပေါင်းစုံပြိုင်ပွဲသမိုင်းမှာ ဆုကြေး အမြင့်ဆုံး ဖြစ်တဲ့ “စပါတာ”ဆိုတဲ့ပြိုင်ပွဲကို ဝင်ပြိုင်ဖို့အတွက် လေ့ကျင့်ပေးဖို့တောင်းဆိုလာပါတယ်... ပက်ဒီ တစ်ယောက် သားဖြစ်သူကို ပြိုင်ပွဲဝင်ဖို့ လေ့ကျင့်ပေးရတဲ့ အခွင့်အရေးကို အသုံးချပြီး နွေးထွေးတဲ့ဆက်ဆံရေး ပြန်ရဖို့ကြိုးစားပါတော့တယ်... ပက်ဒီ မှာ  တွန်မီ လိုပဲ သူ့ကိုအသိအမှတ်မပြုဘဲ စိတ်နာနေတဲ့ ဘရန်ဒန် ဆိုတဲ့....(လက်ဝှေ့သမား ဘ၀မှ အနားယူပြီး ကျောင်းဆရာလုပ်နေတဲ့) အိမ်ထောင်သည် သားတစ်ယောက်လည်းရှိနေပါသေးတယ်... ဘရန်ဒန် ကတော့ ရောဂါသည်သမီးငယ်ရဲ့ ဆေးကုသစရိတ်ကြောင့် သူတို့မိသားစုရဲ့ အိမ်ကို ဘဏ်ကအသိမ်းခံရမဲ့ အခြေအနေတစ်ခုကြုံနေရပြီး အဲဒီပြဿနာကို ဖြေရှင်းဖို့အတွက် “စပါတာ” လက်ဝှေ့ပြိုင်ပွဲကို ဝင်ရောက်ယှဉ်ပြိုင်ဖို့ အကြောင်းတိုက်ဆိုင်လာပါတော့တယ်... ဒီလိုဆက်ဆံရေးအဖုအထစ်တွေရှိနေတဲ့ သူတို့သားအဖ သုံးယောက်... “စပါတာ” လက်ဝှေ့ပြိုင်ပွဲမှာ ဘယ်လိုတွေဆက်ပြီး ဖြစ်ပျက်ကြမလဲ... ပြိုင်ပွဲမှာ ဘယ်သူက ဘယ်လိုအနိုင်ရသွားမလဲဆိုတာကတော့… (MMA) ဇာတ်ကားတစ်ကား ဖြစ်တဲ့အတွက် ဇာတ်ကားတစ်လျှောက်လုံးမှာ အမိုက်စား တိုက်ခိုက်ထိုးသတ်မှုတွေကို အားပါးတရ ခံစားရမှာဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲဖြစ်ပါတယ်... File Size :(2.5GB)(1.08GB) Quality : Blu-Ray 1080p 5.1 CH, Blu-Ray 720p Format…mp4 Duration…02:20:00 Genre : Action ,Sport , Drama Subtitle : Myanmar Subtitle (Hard Sub) Translated by Thar Htet Encoded by Phyo Pyae

ဇာတ်လမ်းအကျဉ်းကတော့........ စိုင်ဘာထရွန် စစ်ပွဲများကြားကနေ ထွက်ပြေးလွတ်မြောက်ခဲ့တဲ့ စိုင်ဘာထရွန်ဂြိုလ်က အာကာသယာဉ်ကြီးက လရဲ့အမှောင်ဘက်ခြမ်းကို ပျက်ကျသွားခဲ့တယ်။ ၁၉၆၉ ခုနှစ်မှာ အမေရိကန် အာကာသယာဉ် ‘အပိုလို ၁၁’က လကမ္ဘာပေါ်ကို ဆင်းသက်ပြီး The Ark ရဲ့နမူနာတွေကို ကောက်ယူခဲ့တယ်။ အော့(ပ်)တီးမတ် (စ်)ပရိုင်းက တိုင်လုံးတွေကို ရှာဖွေပြီး စင်တီနယ်ပရိုင်းကို အသက်ပြန်သွင်းဖို့ လပေါ်ကို သယ်ဆောင်သွားခဲ့တယ်။ အခုလို သယ်ဆောင်ခြင်းက ကမ္ဘာမြေကို ကျူးကျော်တိုက်ခိုက်မယ့် ဂြိုလ်သားစစ်တပ်အတွက် ဆောင်ရွက်နေတယ် ဆိုတာကို အမေရိကန် ကာကွယ်ရေးဝန်ကြီး ရှားလော့(တ်)မီးရင်းသိရှိသွားတယ်။ ဒီဆက်(ပ်)တီကွန်က The Ark ယာဉ်ကိုပိုင်ဆိုင်ခွင့်ရဖို့ ဆယ်စုနှစ်ပေါင်းများစွာ စောင့်ဆိုင်းခဲ့တယ်။ အော်တိုဘော့တွေက ကမ္ဘာမြေကနေ ပြည်နှင်ဒဏ် ပေးခံရတယ်။ အဲဒီအဖြစ်အပျက်တွေကို အခြေတည်ပြီး အက်ရှင်ဇာတ်ကား အဖြစ်ပုံဖော်ထားခြင်းဖြစ်ပါတယ်........။ ~ Review Credit (Transformers ဇာတ်ကားအားလုံးကို  https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(6.8 GB)/(4.3 GB)/(2 GB) Quality….BluRay 4K HDR HEVC/1080p/720p HEVC Format…mkv/mp4 Duration….02:34:23 Subtitle….Myanmar Subtitle (Hardsub) Encoder….Nyeinsaeya Aung

IMDb Rating(6.8) / Rotten Tomatoes (87%) မင်းသားကြီးဒန်ဇယ်ဝါရှင်တန်ရဲ့ဇာတ်ကားဆိုတော့ ရုပ်တည်ကြီးနဲ့ အလေးအနက်ခံစားရမယ့်ဇာတ်ကားဆိုတာ မှန်းမိနေမှာပါ။ Chris Pine တို့...Rosario Dawson တို့လဲ ပါသေးတယ်.. ဇာတ်လမ်းကတော့... လူမပါဘဲလွတ်ထွက်သွားတဲ့ အန္တရာယ်ရှိတဲ့ အရှိန်ပြင်းပြင်းရထားကြီးကို ရပ်တန့်အောင် လိုက်လုပ်ရမှာပါ... ပြောတော့တာ လွယ်ပေမယ့် တကယ်ကြည့်လိုက်ရင် ကိုယ်တိုင်ပါ အသက်ရှူရပ်မတန့် ဖြစ်သွားရမယ့် အခိုက်အတန့်တွေအများကြီးပါပဲ... Rating တွေလဲ မြင့်သလို တကယ်လဲမိုက်တဲ့ဇာတ်ကားမို့ လက်လွတ်ခံလို့မဖြစ်ပါဘူး။ File size…(1.7 GB) / (999 MB) / (500 MB) Quality…BluRay 1080p/720p/480p Format…mp4 Duration….01:38:30 Subtitle….Myanmar Subtitle (Hardsub) Encoder….Nyeinsaeya Aung Translated by Myo Min Aung(MMA)

Transformers 2007 ခုနှစ်က ဇာတ်ကားရဲ့ အဆက်အဖြစ်ဆက်လက်ရိုက်ကူးထားတဲ့ဇာတ်ကားပါ.. ပထမဇာတ်ကားက မင်းသား Shia LaBeouf ပဲ အပြောင်းအလဲမရှိ ပါဝင်ထားပြီး မင်းသမီး Megan Fox ကိုလဲ ညှို့အားပြင်းစွာဆက်လက်မြင်တွေ့ရမှာပါ။ ထုံးစံအတိုင်း Autobots တွေရဲ့ တိုက်ပွဲဝင်ခန်းတွေကို ဦးစားပေးကြည့်ရှုရပါမယ်။ (Transformers ဇာတ်ကားအားလုံးကို  https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(7.3 GB)/(4.4 GB)/(1.7 GB) Quality….BluRay 4K HDR HEVC/1080p/720p HEVC Format…mkv/mp4 Duration….02:29:53 Subtitle….Myanmar Subtitle (Hardsub) Encoder….Nyeinsaeya Aung

IMDb----7.1/10 မင်းသမီးချော စကားလက်ဂျိုဟန်ဆန် ငယ်ရွယ်နုပျိုစဥ်အခုတုန်းကရိုက်ထားတဲ့ဇာတ်ကားလေးပါ ဘာစီလိုနာမြို့မှာအခြေတည်ရိုက်ထားတဲ့ဇာတ်ကားလေးဖြစ်ပြီးတော့ ဘာစီလိုနာရဲ့မြို့အလှမြင်ကွင်းတွေကိုသေချာမြင်တွေ့နိုင်မယ့်ဇာတ်ကားလေးလည်းဖြစ်ပါတယ် အချစ်ရဲ့အဓိပ္ပါယ်ဖွင့်ဆိုပုံခြင်းမတူကြတဲ့သူငယ်ချင်းနှစ်ယောက် ဘာစီလိုနာမြို့ကို နွေရာသီအားလပ်ရက်အနားယူဖို့ရောက်လာရာကနေ ဇနီးဟောင်းနဲ့သမုဒယကြိုးတွေမပြတ်နိုင်သေးတဲ့ စပိန်ပန်းချီဆရာတစ်ယောက်ကိုတစ်ပြိုင်တည်း စိတ်ဝင်စားမိရာက အချစ်နဲ့ဘဝရဲ့ ပဟေဠိတွေကို အဖြေရှာကြတဲ့အကြောင်းလေးပါ မင်းသမီးချော စကားလက်ဂျိုဟန်ဆန်ရဲ့ Lost in translation 2003ကိုကြိုက်နှစ်သက်ကြသူတွေဆို ဒီကားလေးကိုလဲ သဘောကျပါလိမ့်မယ် ကြည့်ပြီးတာနဲ့ လူတစ်ယောက်နဲ့တစ်ယောက် ဇာတ်ကားအပေါ်ခံစားရပုံခြင်းမတူကြပဲ အချစ်နဲ့ဘဝရဲ့ပတ်သက်တဲ့မေးခွန်းလေးတွေကိုတွေးမိနေစေမယ့်ဇာတ်ကားလေးပါ File size…(1.7 GB)/(1 GB) Quality….Webrip 1080p / 720p Format…mp4 Duration….01:36:00 Genre...Drama, Comedy, Romance Subtitle….Myanmar Subtitle (Hardsub) Encoder….Garfield Translated by Su Tz

Lions for Lambs(2007) IMDb....6.2 ဒီကားထဲမှာပါတဲ့ အဓိကသရုပ်ဆောင်တွေဖြစ်တဲ့ Tom Cruise ,Robert Redford နဲ့ Meryl Streep  တို့ကိုတော့ အတော်များများသိကြမယ်ထင်ပါတယ်... အမှန်ပြောရရင် ကျွန်တော်ကတော့ Meryl Streep ကို The post မှာ ခမ်းနားတဲ့သူ့ရဲ့သရုပ်ဆောင်ဟန်တွေကြောင့်သတိထားမိခဲ့တာပါ. တကယ့်လူတွေ တစ်ပြိုင်နက်သုံးထားတော့ ဒီကားကို နည်းနည်းစူးစမ်းမိသွားတယ်....... ဒီကားဟာ scene (၃) ခုကို အလှည့်ကျပြသွားရင်း ကြီးကျယ်ခမ်းနားတဲ့ ဒိုင်ယာလော့တွေနဲ့ ကြည့်ရှူသူ ပရိတ်သတ်ကိုပခုံးဖက်တွဲခေါ်ပြီး အတွေးအခေါ်တွေ ဖြန့်ကျက်စေတဲ့လိုဆိုရမယ်ထင်တယ်.. အဲဒါတွေကြောင့် တကယ့်လူ ၃ ယောက်ကို သရုပ်ဆောင်ခိုင်းထားတယ်ထင်တယ်... Andrew Garfield လည်းပါသေးတယ်... ပထမ Scene ပရော်ဖက်ဆာတစ်ယောက်ဟာ ကျောင်းသားတစ်ယောက်ကို သူ့ရုံးခန်းထဲခေါ်တွေ့တယ်... အဲ့ဒီကျောင်းသားဟာ ထက်မြက်ပေမယ့် ပရော်ဖက်ဆာ အမြင်မှာ လွဲမှားဟန်ရှိတဲ့အယူအဆတစ်ချို့ကြောင့် ဆွေးနွေးဖို့ခေါ်လိုက်တာပါ.... ဒုတိယ Scene အဖဂန်နစ်စတန်စစ်မြေပြင်နဲ့ပတ်သက်ပြီး အမတ်တစ်ယောက်ဟာ ရှေ့တန်းစစ်မြေပြင်ထိုးစစ်တွေအကြောင်းကို ဂျာနယ်လစ် တစ်ယောက်ကိုခေါ်ပြောပြတယ်.... သူတို့တွေ ဘယ်လိုထိုးစစ်ဆင်တယ် .. ဘယ်လိုတွေအတွက် ဒီတိုက်ပွဲကိုဆင်နွှဲနေတယ်...ဂျာနယ်လစ်ရဲ့ မေးခွန်းတွေနဲ့ အမတ်ရဲ့ အဖြေတွေနဲ့ပေါ့... တတိယ Scene အမေရိကန်ရှေ့တန်းစစ်မြေပြင်အခြေစိုက်စခန်းတစ်ခုရဲ့ တကယ့်စစ်မြေပြင် ထိုးစစ်အသွင်တွေကို ပြတာပါ.... ဒီကားဟာ ဖျော်ဖြေရေးမဆန်ဘူး.... သူ့ရဲ့ဆိုလိုရင်းဟာ ဘာလဲဆိုတာကိုတော့ ကျွန်တော်မပြောချင်ဘူး.. ..ပြောပြဖို့လည်းခက်တာမို့ ကိုယ်တိုင်ပဲ ခံစားကြည့်ရှုစေချင်ပါတယ် .. File Size : (1.71 GB) and (548 MB) Quality : Blu-Ray 1080p, 720p  Format…mp4 Duration…01:32:00 Genre : Drama, Thriller, War Subtitle : Myanmar Subtitle (Hard Sub) Translated by JtheKoala Encoded by AHtet

ပထမ Transformer ဇာတ်လမ်းအဓိကကျောရိုးက All Spark ကိုလိုတာနဲ့ စပါတယ်။ Transformer အမည်ခံစက်ရုပ်များဟာ သူတို့နေထိုင်တဲ့ Cybertron ဆိုတဲ့ဂြိုဟ်မှာ Autobots နဲ့ Decepticons တွေ တိုက်ပွဲဖြစ်ခဲ့ပြီး Decepticons ခေါင်းဆောင် Megatron ရဲ့ ဖျက်ဆီးမှုကြောင့် Cybertron ဂြိုဟ်ပျက်စီးခဲ့ပါတယ် ။ ( All Spark ဆိုတာ ပထမ Transformer movie မှာတွေ့ရတဲ့ ကုဗတုံးတစ်ခုပါ ) Autobots တွေဟာ All Spark ကို ပြန်လည်ရှာဖွေပြီးတော့ သူတို့မူလဂြိုဟ်ဟောင်း Cybertron ကို ပြန်လည်တည်ဆောက်ချင်ပါတယ် ။ Decepticons တွေကတော့ All Spark ကို ရှာဖွေပြီး စကြဝဠာကို စိုးမိုးချင်သူများပါ ။ Decepticons ခေါင်းဆောင် Megatron ဟာ ကမ္ဘာဂြိုဟ်ပေါ်မှာ All Spark ရှိနေတယ်ဆိုတဲ့ သတင်းကို ကြားလျှင်ကြားချင်း ကမ္ဘာပေါ်သက်ဆင်းရာမှာ အခန့်မသင့် crash landing ကြောင့် အာတိတ်သမုဒ္ဒရာ ရေခဲအောက်မှာ ခဲသွားခဲ့ပါတယ် ။ ဒါကို Sam ရဲ့ အဖိုး ကပ္ပတိန် Witwicky တွေ့ရှိခဲ့ပါတယ် ။ ဒီမှာတင် မတော်တစ်ဆ Megatron ရဲ့ navigational system ကို အက်တီဗိတ်လုပ်မိတာကြောင့် သူ့ မျက်မှန်မှာ ကိုအော်ဒီနိပ်များနဲ့ ဖော်ပြလိုက်သလိုဖြစ်သွားပါတယ် ။ ဒီ ရေခဲအောက်မှာ ခဲနေတဲ့ Megatron နဲ့ All Spark ကို အမေရိကန်အစိုးရ ရဲ့ ထိပ်တန်းလျှို့ဝှက်အဖွဲ့အစည်းဖြစ်တဲ့ Sector 7 မှ သိမ်းဆည်း ခဲ့ပါတယ် ။ All Spark မှ စွမ်းအင်အဆက်မပြတ်ထုတ်လွှတ်မှုကို ကာကွယ်တဲ့ အနေနဲ့ ၎င်းထားရှိရာ လျှို့ဝှက်နေရာရဲ့ပတ်ပတ်လည်မှာ ရေလွှဲဆည်အကြီးကြီး တစ်ခုကို တည်ဆောက်ခဲ့ပါတယ် ။ ဒါကို Autobots နဲ့ Decepticons တွေသိရှိပြီး All Spark ကို လိုချင်လို့ တိုက်ပွဲဖြစ်ကြပြီး ဘယ်လိုစခန်းသွားကြမလဲဆိုတာ........။ ~ Review Credit (Transformers ဇာတ်ကားအားလုံးကို   https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(6.8 GB)/(3.3 GB)/(1.5 GB) Quality….BluRay 4K HDR HEVC/1080p/720p HEVC Format…mkv/mp4 Duration….02:23:27 Subtitle….Myanmar Subtitle (Hardsub) Encoder….Nyeinsaeya Aung

The Black Dahlia (2006) ခုတခေါက်တင်ဆက်ပေးမယ့် ကားလေးကတော့ The Black Dahlia ဆိုတဲ့ Crime/Thriller အမျိုးအစား ဇာတ်ကားလေးပဲဖြစ်ပါတယ်...၁၉၄၇ ခုနှစ်မှာ အမှန်တကယ်ဖြစ်ပွားခဲ့တဲ့ The Black Dahlia မှုခင်းအပေါ် မှီငြမ်းဇာတ်အိမ်တည်ရေးထားတဲ့ဝတ္ထုကို ဒါရိုက်တာကြီး Brian De Palma က ရုပ်ရှင်အနေနဲ့ ပြန်လည်ဖန်တီးထားတာဖြစ်ပါတယ်... ယင်းဒါရိုက်တာ Brian De Palma ဟာဆိုရင် နာ‌မည်ကျော်ရုပ်ရှင်ကားများဖြစ်တဲ့ Carrie(1976), Dresses to Kill(1980), Scarface(1983), The Untouchables(1987) နဲ့ Mission: Impossible (1996) တို့ရဲ့ ခေါင်းကိုင်ဖခင်ကြီးလည်းဖြစ်ပါတယ်... ဇာတ်လမ်းအကျဉ်း Bucky Bleichert နဲ့ Lee Blanchard တို့ဟာ လော့စ်အိန်ဂျလိရဲဌာနက လက်ဝှေ့သမားဟောင်း ရဲအရာရှိများဖြစ်ပြီး တစ်နေ့ကျ သံသယရှိတရားခံကို တူတူစောင့်ကြရင်း မမျှော်လင့်ထားတဲ့ သေနတ်ပစ်ခတ်မှုဖြစ်စဉ်မှာ Lee ဟာ သူ့တွဲဖက်ကို ကယ်တင်နိုင်ခဲ့ပါတယ်... အဲဒီအချိန်ကစပြီး Bucky တစ်ယောက် သူ့တွဲဖက်ကို ယုံကြည်အားကိုးကာ ကျေးဇူးတင်မဆုံးဖြစ်ရပါတော့တယ်... ထိုဖြစ်စဉ်အပြီးမကြာမီမှာပဲ ရက်စက်စွာအသတ်ခံရတဲ့ မိန်းမငယ်လေး Elizabeth Short အမှုပေါ်ပေါက်လာပြီး ရဲဌာနတစ်ခုလုံး ခေါင်းရှုပ်ရပါတော့တယ်...တပြိုင်တည်းမှာ Lee ကိုင်တွယ်ဖမ်းဆီးခဲ့တဲ့ လူသတ်မှုတရားခံတွေကလည်း လွတ်ငြိမ်းခွင့်ရကာ လော့စ်အိန်ဂျလိစ်မြို့ဆီပြန်ရောက်နေခဲ့ပါတယ်... မိန်းမငယ်လေး သေဆုံးမှုအတွက် ၎င်းရာဇဝတ်သားများကို သံသယရှိသူ Bucky နဲ့ အပြည့်အဝကာကွယ်ပေးသူ Lee တို့ သဘောထားချင်းမတိုက်ဆိုင်ချိန်မှာတော့… ဒီရုပ်ရှင်ကားလေးဟာ ကျယ်ပြန့်ရှုပ်ထွေးတဲ့ဇာတ်ကောင်တွေနဲ့ ဖွဲစည်းထားပြီး အမှုကနေအံချော် ကောက်ချက်ဆွဲနိုင်စရာဖြစ်ရပ်တွေနဲ့ ပုံဖော်ထားလို့ ဇာတ်ကားပြီးဆုံးချိန်နားထိ မြှုပ်ကွက်တွေရှာရင်း ကြည့်ရှုရမှာဖြစ်တဲ့အတွက် ဇာတ်အိမ်ရှုပ်ရှုပ်ထွေးထွေးနှစ်သက်သူ ရုပ်ရှင်ချစ်ပရိသတ်များ ကြည့်ရှုခံစားနိုင်ရန် ညွှန်းဆိုပေးလိုက်ရပါတယ်ခင်ဗျာ... File Size : 2.05GB / 762MB Quality : BluRay 1080p 5.1ch / 720p Duration : 2hr Genres : Crime, Thriller Subtitle : Myanmar Subtitle (Hard Sub) Translated by Ye Thiha Htet Encoded by Heather Oo

ဟောလိဝုဒ်က ရိုက်ကူးထားတဲ့ ဂျပန်တို့ရဲ့ ဂေါ်ဇီလာဇာတ်ကားပါ။ ဂေါ်ဇီလာဇာတ်ကောင်ကို မိတ်ဆက်နိုင်ခဲ့ပြီး အားပေးမှုအတော်အတန်ရရှိခဲ့သလို ဝင်ငွေလဲကောင်းခဲ့ပါတယ်။ ဒီဇာတ်ကားကနေအစပြုလို့ ဂေါ်ဇီလာပါဝင်တဲ့ MonsterVerse ဇာတ်ကားတွေ တောက်လျှောက်ပေါ်ထွက်လာဖို့ရှိပါတယ်။ File size…(2.3 GB) and (1.2 GB) Quality….Blu-Ray 1080p & 720p Format…mp4 Duration….02:20:00 Subtitle….Myanmar Subtitle (Hardsub) Encoder….Nyeinsaeya Aung

ဒီဇာတ်ကားလေးကြည့်ပြီးခလေးဘဝကို ပြန်ခံစားမိမှာအမှန်ပါပဲဲ ဟိုးအရင်က ကြိုက်ခဲ့ရတဲ့ဇာတ်ကားဆိုလဲမမှားပါဘူး။ Heartland အရုပ်စက်ရုံဟာ ပြိုင်ဆိုင်မှုတွေကြားမှာ နစ်မြုပ်နေတဲ့ အဆင့်မြင့်နည်းပညာတွေ ထုတ်လုပ်တဲ့ ကုမ္ပဏီကြီးတစ်ခုပါ Hearland Play Service ကတော့ အရုပ်တွေထုတ်လုပ်တဲ့စက်ရုံကြီးပေါ့ ကုမ္ပဏီရဲ့ CEO ဖြစ်တဲ့ဂေးမာစ်းတစ်ယောက် သူ့ကုမ္ပဏီကအရုပ်တွေကို သာမန်အရုပ်တွေနဲ့မတူ တမူထူးခြားအောင်လုပ်ချင်တဲ့ ဆန္ဒကိုရှေ့တန်းတင်မိတဲ့အခါမှာတော့ မထင်မှတ်ထားတဲ့ ကလေးကစားစရာအရုပ်လေးတွေဟာ ငိုအားထက်ရယ်အားသန်ဆိုသလို စောင်ဆန်းကြီးတွေ လုပ်လာပါတော့တယ်အရုပ်တွေစောင်ဆန်းအကွက်တွေနင်းလို့ တိုင်ပတ်နေတဲ့လူငယ်လေးအယ်လန်တစ်ယောက် ဒီအရှုပ်တော်ပုံကြီးကို ဘယ်လိုဖြေရှင်းမလဲဆိုတာ ကြည့်ရမှာတော့ စိတ်ဝင်စားစရာပါ။ Small Soldier ဇာတ်ကားဟာ သာမန်အမြင်နဲ့ကြည့်ရင်တော့ ကလေးကြိုက်ကားလို့ထင်ကြေးပေးနိုင်ပေမယ့် သေချာခံစားကြည့်ရှုရင် အတော်လေး ခွီရတဲ့အပြင် မတူညီတဲ့ဒေသနှစ်ခု ကခံစားချက်လေးတွေကို ခံစားရမှာပါကလေးဘဝတုန်းကတော့ အသဲယားစရာကောင်းတဲ့ စစ်သားရုပ်တွေကိုအော်ဂလီဆန်ခဲ့တယ် လူငယ်ဖြစ်လာတော့ ဟာသအထွေအထူးမထည့်ထားပေမယ့် အတော်လေး ဗိုက်အောင့်လောက်အောင်ခွီရတဲ့ကားမှန်းသိလာတယ် ဟုတ်တယ်လေ။ လက်တစ်ဖဝါးစာစစ်သားရုပ်လေးတွေ တကယ့်တိုက်ပွဲဝင်စစ်သားတွေလို အတည်ပေါက်နဲ့အမိန့်တွေပေး mission တွေလုပ်နေတာကိုကြည့်ရတဲ့အရသာက တမျိုးလေးဗျ Long Long ago Spiderman Triology ထဲကမင်းသမီးချောလေးပါတွေ့ရတော့ ကြည့်ရတာ မတန်ဘူးလို့ ငြင်းချက်ထုတ်စရာမရှိပါဘူး။ ကလေးကားပေမယ့် ကလေးတကာ့ကလေးကားတွေထဲက ခွဲထွက်လာတဲ့ လူငယ်တွေကို ရသတမျိုးအထူးဆန်းခံစားစေမယ့် ကားလေးလို့ဆိုလဲ မမှားပါဘူး။ (ဇာတ်လမ်းအညွှန်းနဲ့ ဘာသာပြန်သူကတော့ Hein That Naing ဖြစ်ပြီး Arkar Phyo မှ Encode ပေးထားပါတယ်။) File Size : (1.15 GB) & (450MB) Quality : 1080p.BluRay Running Time :1hr  49min Format : Mp4e Genre    : Action, Adventure, Comedy Subtitle : Myanmar Subtitle (Hard Sub) Translated by Hein That Naing Encoded by Arkar Phyo (Yrfatt)

အံစာတုံးနှစ်တုံးလုံးမှာ တစ်မှတ်စီကျတာကို မြွေမျက်လုံးနှစ်လုံးနဲ့ တူလို့ Snake Eyes လို့ ခေါ်ကြပြီး ကံဆိုးမှုနဲ့လည်း တင်စားကြပါတယ်။ ဒီဇာတ်ကားမှာ Nicolas Cage က အကျင့်ပျက်ချစားမှု၊ ငွေညှစ်မှုနဲ့ ဖောက်ပြန်မှုတွေ ရှိနေတဲ့ ရဲသား ရစ်ချက်ဆန်တိုရိုအဖြစ် သရုပ်ဆောင်ထားပါတယ်။ ရစ်က လောင်းကစားလုပ်ဖို့နဲ့ ရာထူးတိုးဖို့အတွက် သူငယ်ချင်းရဲ့ အကြီးအကဲကို မျက်နှာလုပ်ဖို့ဆိုပြီး ဟဲဗီးဝိတ်ချန်ပီယံပွဲကို သွားခဲ့တယ်။ ဒါပေမဲ့ သူလောင်းထားတဲ့ဘက်က နိုင်ဖို့ သေချာနေရာက ရှုံးသွားသလို သူ အကူအညီတောင်းဖို့ ကြံထားတဲ့ အကြီးအကဲကလည်း ပွဲခင်းထဲမှာပဲ လုပ်ကြံခံလိုက်ရပါတယ်။

လက်စလီအက်ဒ်ဝေါ့ဒ်နဲ့ ဘာသိုလိုမြူးတို့နှစ်ယောက်ဟာ အမေရိကန်အရှေ့ဘက်ကနေ အနောက်ဘက် ပစိဖိတ်အထိ ရောက်အောင် စွန့်စားခရီးထွက်ကြပါတယ်။ သူတို့နှစ်ယောက်ရဲ့ ခရီးကို ဟာသတွေနဲ့ ရိုက်ကူးထားပြီး ဇာတ်အိမ်ထက် ရယ်စရာအဖြစ်အပျက်တွေကို ပိုဦးစားပေးထားတဲ့ စွန့်စားခန်းဇာတ်ကားပါ။ ၁၉၉၈ ခုနှစ်မှာ ထွက်ရှိခဲ့ပြီး အဓိကသရုပ်ဆောင်တစ်ဦးဖြစ်တဲ့ Chris Farley မကွယ်လွန်ခင် ရိုက်ကူးခဲ့တဲ့ ဇာတ်ကားတစ်ကားလည်း ဖြစ်ပါတယ်။

အရင်ဆုံး ဇတ်ကားထဲပါတဲ့ Ref: လေးတွေကို Run through ပါမယ်။ အခုကမ္ဘာပေါ်ကလူ‌တွေဟာ ရုပ်ကျွင်းလောင်စာတွေကိုအဓိကထား အသုံးပြု၊ စွမ်းအင်ထုတ်လုပ်ပြီး အသုံးပြုလည်ပတ်နေကြတာပါ။ တစ်ကမ္ဘာလုံးမှာ ကျောက်မီးသွေး၊ ရေနံ၊ သဘာ၀ဓာတ်ငွေ့တို့ကို အဓိကအသုံးပြုကြပါတယ်။ လက်ရှိခန့်မှန်းထားသလောက် ၂၀၈၁ မှာ ကမ္ဘာ့လက်ကျန် ရုပ်ကျွင်းလောင်စာတွေအားလုံး ကုန်ခမ်းလိမ့်မယ်လို့ တွက်ချက်ထားကြပါတယ်။ နေစွမ်းအင် ဆိုလာတို့ ရေအားလျှပ်စစ်တို့လိုပဲ ဟိုက်ဒရိုဂျင်ကိုလဲလောင်ကျွမ်းစေပြီး ပေါများတဲ့စွမ်းအင် ထုတ်နိုင်ပါတယ်။ ရေထဲက ဟိုက်ဒရိုဂျင်ကို လျှပ်ကူးစေပြီး အောက်စီဂျင်နဲ့ ဟိုက်ဒရိုဂျင်ကိုခွဲထုတ်ကာ ဟိုက်ဒရိုဂျင်သက်သက်ကိုလောင်စာအဖြစ်အသုံပြုတဲ့နည်းပါ။ ၁၉ လောက်မှာ ခေတ်စားခဲ့ပါတယ်။ ဟိုက်ထရိုဂျင် လောင်စာကိုထုတ်လုပ်ဖို့ ကြိုးစားကြတဲ့တကယ့်စာတမ်းတွေလဲရှိပါတယ်။ ဟိုက်ဒရိုဂျင်လောင်စာကို ၁၈၃၉ မှာ ဆာဝီလယမ် ကစပြီး ပထမဆုံးစိတ်ကူးရခဲ့တာပါ ရေထဲကို လျှပ်စစ်ဖြတ်၊ ဟိုက်ဒရိုဂျင်ကို ခွဲထုတ်ပြီး စွမ်းအင်အဖြစ်လောင်ကျွမ်းစေပါတယ် ၁၉၅၉ မှာလက်တွေ့အလုပ်လုပ်နိုင်တဲ့ မြင်းကောင်ရေ ၂၀ နဲ့ အင်ဂျင်ကို စထုတ်နိုင်ခဲ့ပါတယ်။ အခုတော့ အင်ဂျင်တော်တော်များများ ထုတ်ပြီးစမ်းနေကြပါပြီ။ ဟိုက်ဒရိုဂျင်လောင်စာရဲ့ လောင်ကျွမ်းအပူချိန်က သဘာ၀ဓာတ်ငွေ့ ကရတဲ့စွမ်းအင်နဲ့ ထပ်တူနီးပါးရှိပြီး လောင်းကျွမ်းအသုံးပြုလို့ ဘေးထွက်ဆိုးကျိုး၊ ပတ်၀န်းကျင်ညစ်ညမ်းမူ စတာတွေ မရှိတဲ့ သန့်စင်တဲ့ လောင်စာတစ်ခုဖြစ်တဲ့အတွက် လူတိုင်းကစိတ်ဝင်စားကြ လိုချင်ကြပါတယ် နောက်ရုပ်ကျွင်းလောင်စာမဟုတ်လို့ လွယ်လွယ်မကုန်ခမ်းနိုင်ပါဘူး။ တွေးကြည့်ပါဗျာ မီးခိုးမထွက်တဲ့ မီးစက်။ ကား၊ ဘေလ်ဆောင်စရာမလို မီးဘယ်တော့မှမပျက်တဲ့ EPC စိတ်ကူးကြည့်ချင်စရာပဲမလား။ နာဆာက နျူကလိယား စွမ်းအင်ကထိန်းချုပ်ရခက်လို့ အာကာသ ယဉ်တွေမှာ ဘက်ထရီနဲ့ နေစွမ်းအင်ကို အဓိကအသုံးပြုတာပါ နောက်ပိုင်းမှာ အသုံးပြုဖို့ကြံနေပုံပါ fuel cell research ကို ကောင်းကောင်းထောက်ပံ့ပြီး သုတေသနတွေကိုလုပ်ခိုင်းထားပါတယ်တဲ့။ Moore Foundation ဆိုတာက အနာဂတ် မျိုးဆက်သစ်‌တွေ အတွက်နည်းပညာသစ်တွေရှာဖွေ၊ သုတေသနပြုဖို့ဖွဲ့စည်းထားတဲ့ အဖွဲ့အစည်းတစ်ခုပါ အမေရိကန်နိုင်ငံ ကလဖိုးနီးယားမှာ ရုံးရှိပါတယ်။ ဒါလေးတွေအကြမ်းဖျင်းသိထားရင် ဇတ်ကားကြည့်ရတာ ပိုကောင်းမယ်ထင်လို့ပါ။ အိုကေ အခု ဇတ်ကားအကြောင်းလာပါပြီ။ ဒီကားက ၁၉၉၆ မှာထွက်တဲ့ကားပါ ခင်ဗျ။ ဒီဇတ်ကားမှာ ပေါလ် ရှန်နွန် (မောဂန်ဖရီးမန်းကြီး) က Moore Foundation ကလူပါ အစိုးရနဲ့တိုက်ရိုက်ချိတ်ဆက်ပြီး ဟိုဒရိုဂျင်လောင်စာ ပရောဂျက်ကို ကိုင်တွယ်နေသူပေါ့။ ပေါလ်က ဟိုက်ဒရိုဂျင်လောင်စာဆဲလ် ကိုသုံးပြီး တစ်ကမ္ဘာလုံးကို အခမဲ့စွမ်းအင်ထောက်ပံ့ပေးချင်နေတဲ့ ဒေါက်တာ အဲလက်စတာကို ခေါင်းဆောင်ထားပြီး ဟိုက်ဒို လောင်စာဆဲလ် သုတေသနပြုအဖွဲ့နဲ့ လက်တွေ့လောင်စာထုတ်လုပ်နိုင်ဖို့ သုတေသနလုပ်ကြပါတယ်။ အက်ဒီကဆဲလဘစ်ခ်ျ (ကီနျူးရီ‌ဗ်) က ဒီပရောဂျက်မှာ စက်ပိုင်းဆိုင်ရာ ကူညီပေးရင်း ကျောင်းဆင်းဘွဲ့ယူဖို့စာတမ်းရေးနေတဲ့ မက္ကန်းနစ်တစ်ယောက်ပါ ကျောင်းသားတစ်ယောက် အနေနဲ့ထူးချွန်တော့ ဒေါက်တာ အဲလက်စတာကော ပေါလ်တို့ကပါ သဘောကျကြပါတယ်။ တစ်ရက် အက်ဒီ စမ်း‌သပ်‌နေရင်း မတော်တဆ ရေထဲက ဟိုက်ဒရိုဂျင်ကို တည်ငြိမ်စွာခွဲထုတ်ပေးနိုင်မယ့် ကြိမ်နှုန်းကို ရခဲ့ပါတယ်။ အဲ့ဒီကြိမ်နှုန်းနဲ့ စမ်းသပ်တာ အောင်မြင်ခဲ့ပြီး တစ်ဖွဲ့လုံးအောင်ပွဲခံကြပါတယ်။ အိမ်ပြန်ကြချိန်မှာ ဒေါက်တာဘာကလေ နဲ့ ဒေါက်တာချန် တို့သာ စက်ရုံထဲမှာကျန်ခဲ့ပြီး အဲဒီညမှာပဲ စမ်းသပ်ဌာန စက်ရုံအပါအ၀င် မြို့တစ်ပိုင်းစာလောက် ပေါက်ကွဲသွားခဲ့ပါတယ် မတော်တဆလား ဘယ်သူ့လက်ချက်လဲ ဆိုတာအပြင် ကြားက ဆားညပ်ကာ အချိန်အခါမသင့်လို့ တရားခံထင်ခံရတဲ့ အက်ဒီ ဟာ အက်ဖ်ဘီအိုင် ကလိုက်ဖမ်းတာခံရပြီး ၀ရမ်းပြေးဘ၀ရောက်သွားပါတော့တယ်။ ကျွန်တော် ကီနျူးရိဖ်ကြီးကို ဒီကားကျမှ မှတ်မှတ်ရရစကြည့်ဖူးတာပါ နောက်မှ SPEED တို့ ကိုစံသိန်းတို့ Buddha တို့ ရေလွှာလျှောစီး အက်ဘီအိုင်ကြီးတို့ ဆက်ကြည့်ဖူးတာပါ။ နောက် The Mummy ဇတ်ကားတွေထဲက မင်းသမီး ရေချယ်လဲပါပါတယ် ဒီကားမှာ အေးဂျင့်ဖိုဒ့် အဖြစ်သရုပ်ဆောင်တဲ့ ဖရက် ဝဒ့် သရုပ်ဆောင်တာကို ကျွန်တော်အကြိုက်ဆုံးပါ။ ဝင်ငွေပိုင်းနဲ့ Rating ပိုင်းမှာ အားရစရာမရှိပေမဲ့ ကြည့်ရ ကီနျူးရိ နဲ့ ဘယ်မှာနေနေ သူမပါမပြီးတဲ့ မန်ဒဲလား ဖရီးမန်းကြီး တို့နဲ့တင်ကြည့်ရတာ တန်ပါတယ်။ ဒီထဲမှာ ကီနျူးရိဖ်ကြီး John Wick မဖြစ်ခင်က ဘယ်လိုပြေးခဲ့လဲဆိုတာကို ကြည့်ရပါမယ်ခင်ဗျ။ File size…(920MB) Quality…720p Blu-ray H264 FGT Format…mp4 Duration…1h 47min Subtitle….Myanmar Subtitle (Hardsub) Encoder…sithu Translator...Myo Ko

ချာလီချက်ပလင်ဆိုတာနဲ့ တစ်ကမ္ဘာလုံးကနေ ဦးထုပ်ဝိုင်း နှုတ်ခမ်းမွှေးနဲ့ တုတ်ကောက်နဲ့ ကို့ရို့ကားယား လမ်းလျှောက်ပြီး စကားပြောမပါပေမဲ့ အသံတိတ်သရုပ်ဆောင်ချက်တွေနဲ့အတူ လူတွေအားလုံးကို ရယ်မောပျော်ရွှင်စေခဲ့တာမို့ ကျွန်တော်တို့ဆီမှာလည်း ကလေးကစ ခွေးအဆုံး သိတဲ့ ကမ္ဘာကျော်တစ်ဦးပါ။ သို့ပေမဲ့ တစ်ကမ္ဘာလုံးကို ရယ်မောစေခဲ့သူကြီးဟာ သူကိုယ်တိုင်ကရော သူ့ဘဝကြီးမှာ ပျော်ရွှင်စွာနဲ့ ဖြတ်သန်းခဲ့ရပါသလား... နောက်ကွယ်မှာ ချာလီချက်ပလင်တစ်ယောက်ဟာ အနုပညာအောင်မြင်မှုတွေအပြင် ကျွန်တော်တို့လို သာမန်လူသိပ်မသိတဲ့ သူ့ အချစ်ရေး အရှုပ်တော်ပုံတွေ နိုင်ငံရေးအရ နှိပ်ကွပ်ခံရတာတွေ ပြန်ဆော်ခဲ့တာတွေ ဟာသမျက်နှာဖုံးအောက်က အထီးကျန်ဆန်မှုတွေနဲ့အတူ ဘဝကြီးကို ဘယ်လိုဖြတ်သန်းခဲ့ရသလဲဆိုတာကို ရသစုံလင်စွာနဲ့ ခံစားရမယ့် အတ္ထုပ္ပတ္တိ ရုပ်ရှင်ကားကြီး ဖြစ်ပါတယ်။ ဒီ Iconic ဖြစ်တဲ့နေရာကြီးကို ဘယ်သူက သရုပ်ဆောင်ပေးထားတာလဲဆိုတော့ကား Iron Man အနေနဲ့ အားလုံးသိထားကြတဲ့ မင်းသားကြီး Robert Downey Jr. က သရုပ်ဆောင်ပီပြင်အောင် လပေါင်းများစွာ လေ့ကျင့်ထားပြီးမှ ရှယ်သရုပ်ဆောင်ပေးထားတာပဲ ဖြစ်ပါတယ်။ အဲဒီနှစ်ရဲ့ Oscar ဆုပေးပွဲမှာလည်း မင်းသားဆု ဆန်ခါတင်ပါခဲ့ပေမဲ့ Anthony Hopkins က The Silence of the Lambs နဲ့ ရသွားလို့သာ လွဲချော်ခဲ့ရတာ ဖြစ်ပါတယ်။ တိုက်ဆိုင်စွာနဲ့ မင်းသားကြီး Anthony Hopkins က ဒီ Chaplin ကားမှာလည်း ချာလီချက်ပလင်ကို အင်တာဗျူးနေတဲ့ အယ်ဒီတာကြီးအဖြစ် ပါဝင်ထားတာပါ။ ဒီ ရုပ်ရှင်ထဲမှာဆိုရင်တော့ လန်ဒန်မြို့ ဆင်းရဲသားရပ်ကွက်ထဲက တစ်ချက်တစ်ချက် စိတ်မနှံ့သလိုဖြစ်သွားတဲ့မိခင်ကနေ မွေးဖွားလာတဲ့ ညီအစ်ကိုနှစ်ယောက်ထဲက တစ်ယောက်အဖြစ်ကနေ အစ်ကို့ရဲ့အပတ်အသက်ကနေမှ အင်္ဂလန်ပြဇာတ်တွေမှာ ဟာသဇာတ်ဆောင်နေရာကနေ အမေရိကားထိ သွားပြီး ဘယ်လိုတွေ ထင်ရှားပေါ်လွင်လာအောင် ကြိုးစားခဲ့ရတယ်ဆိုတာတွေ။ နာမည်ကျော်ဇာတ်ကောင် The Tramp ကို ဘယ်လိုဖန်တီးဖြစ်ခဲ့တာတွေ ကိုယ်ပိုင်စတူဒီယို ဘယ်လိုထောင်ခဲ့တာတွေ အသံတိတ်ရုပ်ရှင်တွေလုပ်နေရင်း စကားပြောရုပ်ရှင်တွေပေါ်လာတဲ့အခါ ဘယ်လိုမျိုး ဖြတ်သန်းခဲ့ရတာတွေ အစုံအလင်ပါတဲ့အပြင် ဆရာသမားက လီယိုနာဒို နေခဲ့တော့လို့ ပြောရမလိုပဲ မိန်းကလေးတွေဆို အသက်မပြည့်သေးတဲ့ အရွယ်ကောင်းလေးတွေနဲ့ ဇာတ်ပေါင်းစုံ ရှုပ်ခဲ့တာတွေရော စစ်ကြီး ၂ ခုကို ဖြတ်သန်းခဲ့ပြီး ကွန်မြူနစ်ဆိုပြီး စွပ်စွဲခံရတာတွေကြောင့် အမေရိကားမှာ အင်္ဂလိပ်သားအနေနဲ့ FBI က နောက်ကနေ ချောင်းမြောင်းနေပြီး ဘယ်လိုတွေ အရေးယူကိုင်တွယ်မယ်ဆိုတာတွေရော ပြည်နှင်ဒဏ်တွေ ဘယ်လိုထိခဲ့တာတွေရောကို ဘဝဇာတ်ခုံ အနိမ့်အမြင့် အတက်အကျ စုံလင်စွာနဲ့ ပုံဖော်ထားတာပါ။‌ နောက်ပြီး ဒီကားထဲမှာ ထူးခြားတာတစ်ခုက ချာလီချက်ပလင်ရဲ့အမေနေရာကို တကယ့်အပြင်က ချာလီရဲ့သမီးဖြစ်သူက ပြန်သရုပ်ဆောင်ပေးထားတာပဲ ဖြစ်ပါတယ်။ ဇာတ်သိမ်းပိုင်း ၁၉၇၂ ခုနှစ် အော်စကာစင်မြင့်ထက်မှာ အသက်ကြီးနေပြီဖြစ်တဲ့ ချာလီချက်ပလင် တစ်ယောက် Honorary Academy Award ကို ၁၂ မိနစ်ကြာ လက်ခုပ်တီးပြီး မျက်ရည်ဝဲကာ လက်ခံရယူတဲ့ မြင်ကွင်းကတော့ ရုပ်ရှင်ချစ်သူတိုင်း မျက်ရည်မဆည်နိုင်အောင် ဖြစ်ရတဲ့ သမိုင်းဝင် အခိုက်အတန့် ဖြစ်မယ်လို့ ယူဆမိရင်း ဒီအညွန်းလေးကို နိဂုံးချုပ်လိုက်ပါရစေဗျာ...။

မြန်မာပေါကားတွေကြည့်ရတာရိုးနေပြီလား? အမေရိကန်ပေါကားစစ်စစ်ကြည့်ချင်ပါသလား? ဒါဆိုရင်တော့ Hot Shots ကို ကြည့်ဖြစ်အောင်ကြည့်လိုက်ပါ။ Hot Shots ရုပ်ရှင်ဟာ ဟောလီးဝုဒ်က နာမည်ကြီးဇာတ်ကားတော်တော်များများကို သရော်ထားတဲ့ရုပ်ရှင်ကားပါ။ အခုတင်ဆက်ပေးလိုက်တဲ့ Hot Shots Part 1 ကတော့ 1986 ခုနှစ်ကထွက်ရှိခဲ့တဲ့ Top Gun ဆိုတဲ့ရုပ်ရှင်ကို အဓိကထား သရော်ထားတာဖြစ်ပြီး Kevin Costner ရဲ့ Dances with Wolves လို နာမည်ကျော်ကားကြီးတွေကိုလဲ နည်းနည်းစီ သရော်ထားပါတယ်။ အခု Part 1 မှာတော့ အဖေ့ရဲ့နာမည်ဆိုးကို အမွေဆက်ဆံထားရတဲ့ တော်ပါဟာလေကို လေတပ်က ပြန်လည်ဆင့်ခေါ်လိုက်ပြီး လျှို့ဝှက်မစ်ရှင်အကြီးစားတစ်ခုမှာ ပါဝင်ခိုင်းတဲ့အကြောင်းဖြစ်ပါတယ်။ ဂျက်လေယာဉ်ကြီး လေပေါ်မှာ Drift ဆွဲတာ၊ ဘရိတ်အုပ်လိုက်တာတွေအပြင် ရယ်မောစရာအခန်းတွေအများကြီးပါတာကြောင့် မြန်မာရွာကားတွေကြည့်ရတာ ပျင်းရိလာတဲ့ပရိသတ်တွေအတွက် ကြည့်သင့်တဲ့ အမေရိကန်နွားကျောင်းသားကားတစ်ကားဖြစ်ပါတယ်။ မကြာခင်မှာလဲ စတားလုံးရဲ့ Rambo ရုပ်ရှင်ကားတွေ အဓိကထားသရော်ထားတဲ့ Hot Shots Part 2 ကို ဆက်လက်တင်ဆက်ပေးသွားမှာဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုအာကာဖြိုးပါ) File Size : (800 MB) Quality : Blu-Ray 720p Running Time : 1hr 24min Format : Mp4 Genre :Action, Comedy Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Arkar Phyo Encoded by Thanhtike Zaw

ဒီကားလေးဟာဆိုရင်တော့ မင်းသားကြီး Steven Seagal ရဲ့ ၁၉၉၀ ကထွက်ရှိထားတဲ့ action ကားကောင်းတစ်ကားပါ။ ဇာတ်လမ်းရဲ့အစမှာတော့ မင်းသားက မစ်ရှင်တစ်လုပ်နေတုန်းမှာ သူ့လုပ်ဖော်ကိုင်ဖက်က သေနတ်မှန်သွားရာကနေ ဒီအလုပ်ကို ဆက်မလုပ်ဘဲအနားယူဖို့ဖြစ်လာပါ တော့တယ် အဲဒီလိုနဲ့ သူ့ရဲ့မွေးရပ်မြေကို ပြန်သွားရာက သူတို့မြို့မှာ မူးယစ်ဂိုဏ်းတွေက သောင်းကျန်းနေတဲ့အချိန်နဲ့ တိုးပါတော့တယ် မင်းသားကြီးကရော အနားယူနေတဲ့ အတိုင်းပဲနေမှာလား ဘယ်လိုပြသနာတွေကရော ဘယ်လိုလာရှာမလဲ ဘယ်လိုဖြေရှင်းမလဲ ဆိုတာတွေကို ဖိုက်တင်ခန်းမိုက်မိုက်လေးနဲ့ ကြည့်ရမယ့် အက်ရှင်ကားကောင်း တစ်ကားမို့ စိတ်ဝင်စားဖွယ် ရင်ခုန်စရာကြည့်ရှုရမယ့်ကားလေးတစ်ကား ဖြစ်ပါတယ် File size…(1.7 GB)/(830 Mb) Quality….Blu-Ray 1080p / 720p Format…mp4 Duration….01:33:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by Kaung Myat

1984 မှာထွက်ရှိခဲ့တဲ့ Ghostbusters ရဲ့ အဆက်ဖြစ်တဲ့ ဒုတိယမြောက်ရုပ်ရှင်ပါ။ ဒီရုပ်ရှင်မှာတော့ နယူးယော့မြို့တော်ကြီးကို မာ့ရှ်မယ်လို လူသားကြီးရဲ့ ရန်ကနေ ကာကွယ်ပေးခဲ့ပေမဲ့ အဆောက်အဦးပျက်စီးမှုတွေအတွက် သရဲဖမ်းသမားအဖွဲ့ကိုဖျက်သိမ်းပြီး သရဲဖမ်းတဲ့အလုပ်တွေလုပ်ခွင့်ရပ်ဆိုင်းထားပါတယ်။ ဒီကိစ္စတွေဖြစ်ပြီး ငါးနှစ်အကြာမှာ မိတ်ဆွေဟောင်းတစ်ယောက်ရဲ့ အကူအညီတောင်းမှုကြောင့် သရဲဖမ်းသမားဟောင်းတွေ သဘာဝလွန်ဖြစ်ရပ်တစ်ခုကိုစုံစမ်းကြရင်း နယူးယော့ခ်မြို့အောက်မှု စီးဆင်းနေတဲ့ အကျိအချွဲမြစ်ကြီးကို တွေ့ခဲ့ကြပါတယ်။ ဒီအကျိအချွဲတွေက လူတွေရဲ့ မကောင်းတဲ့စိတ်ကိုတုံ့ပြန်နိုင်ပြီး လူမျိုးစုံရှိနေတဲ့ နယူးယော့ခ်မြို့လည်မှာစီးဆင်းနေတာပါ။ ဒီအကျိအချွဲတွေစီးဆင်းနေကြတာကလည်း မန်ဟက်တန် အနုပညာပြတိုက်မှာရှိနေတဲ့ 17 ရာစုနှစ်က မင်းဆိုးတစ်ပါးဖြစ်တဲ့ ဗီဂိုရဲ့ပုံတူပန်းချီကားဆီဖြစ်ပြီး မြို့ထဲမှာလည်း သဘာဝလွန်ဖြစ်ရပ်ဆန်းတွေမျိုးစုံ ကမောက်ကမဖြစ်လာတာကို သရဲဖမ်းသမားတွေ ဘယ်လိုတားဆီးကြမလဲ၊ ဗီဂိုပုံတူပန်းချီကားမှာရော ဘယ်လိုသဘာဝလွန်အစွမ်းတွေရှိနေမလဲဆိုတာ ဆက်လက်ကြည့်ရှုလိုက်ကြပါဦးဗျ။ File size…(1.8 GB)/(994 MB) Quality….Webrip 1080p / 720p Format…mp4 Duration….01:48:00 Genre... Comedy, Fantasy  Subtitle….Myanmar Subtitle (Hardsub) Encoder….Mr. Anderson Translated by TMTT

Mississippi Burning ဆိုတဲ့ကားလေးကတော့ ဖြစ်ရပ်မှန်အပေါ်မှာ အခြေခံပြီး ရိုက်ကူးထားတဲ့ 1988 ခုနှစ်မှာ ထွက်ခဲ့တဲ့ ဇာတ်ကားကောင်းတစ်ခုပဲဖြစ်ပါတယ်။ ဆရာကြီး Williem Dafoe ရဲ့ ဇာတ်ကားလည်းဖြစ်ပါတယ်။ အမေရိကန်မှာ လူဖြူ လူမဲ ခွဲခြားမှု ပြင်းထန်နေသေးတဲ့ ကာလမှာ ဇာတ်လမ်းတည်ထားပြီး အဓိက ဇာတ်လိုက် နေရာမှာ FBI ရဲနှစ်ယောက်ကိုတွေ့ရမှာပါ။ ပြည်သူ့ရေးရာ ဝန်ထမ်းသုံးယောက် မစ္စစ္စပီမှာ လူမဲတွေ မဲပေးခွင့်ရရှိရေး လာရောက် လုပ်ဆောင်ချိန်မှာ အသတ်ခံလိုက်ရတာနဲ့ ဇာတ်လမ်းစထားပါတယ်။ ဒီအမှုကိုလိုက်ဖို့ FBI နှစ်ယောက် မြို့ကိုရောက်လာချိန်မှာတော့ မြို့နေလူထုက သူတို့ကို အမှုလိုက်ဖို့ မကူညီပေးကြပါဘူး။ ဒီလိုနဲ့ပဲ သူတို့နှစ်ယောက်သား လုပ်ရိုးလုပ်စဉ်အတိုင်းမဟုတ်ပဲ ဉာဏ်ကိုလွှာသုံးပြီး အမှုလိုက်ရပုံကိုကြည့်ရှူရမှာပါ။ ဒါ့အပြင် လူမျိုးရေးခွဲခြားမှုရဲ့ အကျည်းတန်မှု ရက်စက်မှုတွေကိုလည်း ချပြထားပါသေးတယ်။ ဇာတ်ကားကောင်းလေး ဖြစ်တာမလို့ ကြည့်ရှူခံစားကြည့်ဖို့ တိုက်တွန်းလိုက်ပါတယ်။ File size…(2.8 GB)/(1.6 GB) Quality….Blu-Ray 1080p / 720p Format… mp4 Duration…. 02:08:00 Genre... Crime, Drama, Mystery, Thriller Subtitle….Myanmar Subtitle (Hardsub) Encoder….Garfield Translated by Alvaro