Lewis Pullman ပါဝင်သော ဇာတ်ကားများ

Remarkably Bright Creatures (2026) +++++++++++++++ ဒီဇာတ်ကားလေးကတော့ ရေဘဝဲတစ်ကောင်နဲ့ လူနှစ်ယောက်ကြားမှာ ထူးခြားတဲ့ဇာတ်အိမ်လေးနဲ့ ရိုက်ကူးတင်ဆက်ထားတဲ့ ဆွတ်ပျံ့ကြည်နူးဖွယ်ရာ ဇာတ်ကားကောင်းလေးပဲ ဖြစ်ပါတယ်။ ဇာတ်လမ်းအကျဉ်း +++++++++ မာဆဲလပ်စ်ဆိုတဲ့ ရေဘဝဲလေးဟာ တိရိစ္ဆာန်ကယ်ဆယ်ရေးအဖွဲ့က ခေါ်လာပြီး ငါးပြတိုက်မှာ ထားခဲ့တဲ့အတွက် သူ့ဘဝတစ်လျှောက်လုံး သူ့အိမ်ဖြစ်တဲ့ ပင်လယ်ကြီးနဲ့ ခွဲနေရရှာတဲ့ကောင်လေးပါ။ နောက်ဇာတ်ကောင်တစ်ယောက်ကတော့ ယောက်ျားဖြစ်သူရော သားဖြစ်သူပါ ဆုံးသွားပြီး တစ်အိမ်လုံးမှာ တစ်ယောက်တည်းကျန်လို့ ငါးပြတိုက်မှာ အလုပ်လာလုပ်တဲ့ တိုဗာ ဆူလီဗန်ဆိုတဲ့ သန့်ရှင်းရေးအမျိုးသမီးပါ။ နောက်ဆုံးဇာတ်ကောင်ကတော့ ကင်မရွန်ဆိုတဲ့ တခြားနယ်က ကောင်လေးတစ်ယောက်ပါ။ သူက ရေဘဝဲလေးနဲ့ သန့်ရှင်းရေးအမျိုးသမီးရှိတဲ့မြို့ကို အကြောင်းရှိလို့ လာခဲ့တာဖြစ်ပြီး ကားထဲမှာပဲ နေနေရတဲ့ အလုပ်လက်မဲ့လေးပါ။ ဒီတော့ ဒီဇာတ်ကောင်သုံးယောက်က ဒီဇာတ်လမ်းမှာ ဘယ်လိုများ တွေ့ဆုံကြုံတွေ့လာရမလဲဆိုတာကို သိချင်စိတ်ဖြစ်လာစေမဲ့ ဇာတ်ကားကောင်းလေးပဲ ဖြစ်ပါတယ်။ File Size… (2.14GB) / (1.06GB) Quality… WEB-DL 1080p HEVC / 720p Format…mkv / mp4 Duration…1h 51m Genre ….Drama Subtitle….Myanmar Subtitle (Hard Sub)

The Testament of Ann Lee (2025) IMDb Rating (7.0) / Rotten Tomatoes (86%) ဒီကားလေးကတော့ ၁၈ ရာစုတုန်းက "Shakers" ဆိုတဲ့ ဘာသာရေးဂိုဏ်းကို စတင်တည်ထောင်ခဲ့တဲ့ အမျိုးသမီးခေါင်းဆောင် Ann Lee ရဲ့ ဘဝအကြောင်းကို အခြေခံရိုက်ကူးထားတဲ့ သမိုင်းဝင် ဂီတဒရာမာ (Historical Musical Drama) ကားကောင်းလေးတစ်ကားပါ။ ဇာတ်လမ်းအကျဉ်း ဇာတ်လမ်းက အင်္ဂလန်နိုင်ငံ မန်ချက်စတာမြို့မှာ မွေးဖွားခဲ့တဲ့ Ann Lee (Amanda Seyfried ) ကနေ စထားပါတယ်။ Ann ဟာ ငယ်ဘဝမှာရော၊ အိမ်ထောင်ကျပြီးချိန်မှာပါ စိတ်ဒဏ်ရာတွေ အများကြီးရခဲ့တယ်။ ကလေး ၄ ယောက်မွေးတာ ၄ ယောက်စလုံး ငယ်ငယ်ရွယ်ရွယ်နဲ့ ဆုံးပါးသွားတဲ့အတွက် စိတ်ပိုင်းဆိုင်ရာ တော်တော်လေး ထိခိုက်ခဲ့ရရှာတယ်။ အဲဒီနောက်မှာတော့ သူဟာ ခရစ်ယာန်ဂိုဏ်းခွဲတစ်ခုဖြစ်တဲ့ Quakers တွေနဲ့ ပူးပေါင်းမိပြီး ဘာသာရေးဘက်ကို အာရုံစိုက်လာခဲ့တယ်။ ကြာလာတော့ သူ့ကိုယ်သူ ဒုတိယအကြိမ် ဝင်စားတဲ့ မေရှိယ (Messiah) အဖြစ် ခံယူကာ "Shakers" ဆိုတဲ့ ကိုယ်ပိုင်ဂိုဏ်းကို စတင်တည်ထောင်ခဲ့ပါတယ်။ သူတို့ဂိုဏ်းက တခြားဂိုဏ်းတွေနဲ့မတူဘဲ ဘုရားဝတ်ပြုတဲ့အခါမှာ သီချင်းတွေဆို၊ ကခုန်ပြီး စိတ်လှုပ်ရှားတက်ကြွစွာ ဝတ်ပြုလေ့ရှိကြတယ်။ ဒါ့အပြင် Ann Lee က ကျား/မ တန်းတူညီမျှရေး၊ လူတန်းစားခွဲခြားမှုမရှိရေးနဲ့ လိင်မှုကိစ္စရှောင်ကြဉ်ရေး (Celibacy) တွေကို အဓိကထား ဟောပြောခဲ့တယ်။ ဒါပေမဲ့ သူ့ရဲ့ ဒီလိုဟောပြောချက်တွေက အဲဒီခေတ်က အသိုင်းအဝိုင်းအတွက် လက်ခံရခက်နေတော့ ဘာသာရေးအစွန်းရောက်အဖြစ် သတ်မှတ်ခံရပြီး စုန်းမလို့ စွပ်စွဲခံရတာ၊ ရိုက်နှက်ထောင်ချခံရတာတွေ အများကြီး ကြုံခဲ့ရတယ်။ အဲဒီလို ဖိနှိပ်မှုတွေ၊ အခက်အခဲတွေကြားကနေ သူ့ရဲ့ နောက်လိုက်တပည့်တွေ၊ အစ်ကိုဖြစ်သူ William တို့နဲ့အတူ အမေရိကကို ထွက်ပြေးပြီး သူတို့ယုံကြည်တဲ့ လွတ်လပ်တဲ့ ဘာသာရေးအသိုင်းအဝိုင်းလေးတစ်ခုကို ဘယ်လိုတည်ဆောက်ခဲ့ကြလဲ ဆိုတာကို ရိုက်ကူးတင်ဆက်ထားတာပါ။ ဒီကားရဲ့ အထူးခြားဆုံးအချက်က သာမန်အတ္ထုပ္ပတ္တိကားတွေလို ရိုးရိုးကြီးပြမသွားဘဲ မူရင်း Shaker သီချင်းဟောင်းတွေကို ပြန်လည်အသက်သွင်းပြီး Musical ပုံစံမျိုး တင်ဆက်ထားတာပါပဲ။ ရုပ်ရှင်ထဲက သီချင်းတွေ၊ ကကွက်တွေက ဇာတ်ကောင်တွေရဲ့ ယုံကြည်မှုနဲ့ ခံစားချက်ကို ပိုပြီး နက်နက်ရှိုင်းရှိုင်း ရောက်သွားစေတယ်။ အထူးသဖြင့် ခေါင်းဆောင် Ann Lee နေရာက သရုပ်ဆောင်သွားတဲ့ Amanda Seyfried ရဲ့ သရုပ်ဆောင်ချက်က တကယ့်ကို အသက်ဝင်ပြီး ကြည့်ရတာ အရမ်းပီပြင်ပါတယ်။ သမိုင်းကြောင်းတွေ၊ ဘာသာရေး ယုံကြည်မှုတွေနဲ့ အမျိုးသမီးတစ်ယောက်ရဲ့ ကြံ့ကြံ့ခံ ရုန်းကန်မှုတွေကို ဂီတအနုပညာနဲ့ ပေါင်းစပ်ကြည့်ရှုချင်တယ်ဆိုရင်တော့ လက်မလွှတ်တမ်း ကြည့်သင့်တဲ့ ဇာတ်ကားကောင်းလေးတစ်ကား ဖြစ်ပါတယ်။ (18+ အခန်းတချို့နှင့် ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama,History,Music Duration…. 02:17:56 Subtitle…. Myanmar Subtitle (Hardsub)

(4K  WEB-DL  ကြည်တောက် Update ) ဒါရိုက်တာ Jake Schreier ဖြစ်ပြီး Beef စီးရီးတို့ Paper Town, Skeleton Crew တို့ရဲ့ ဖန်တီးရှင်ပီပီ ဒရာမာရော ဟာသရော အက်ရှင်ရော ကောင်းကောင်းပိုင်ပိုင်နိုင်နိုင်ရိုက်ကူးထားပါတယ်။ မင်းသားမင်းသမီးတွေကလည်း လူဟောင်းတွေချည်းပဲမို့ ဇာတ်ကောင်အသားကျပြီးသားဖြစ်ပြီး ကွက်တိသရုပ်ဆောင်နိုင်ကြပါတယ်။ ဘော့ နေရာမှာသရုပ်ဆောင်တဲ့ Lewis Pullman ကလည်း Top Gun မှာကတည်းက ဘော့နေရာမှာ ပါထားတဲ့သူဖြစ်ပြီး ဒီကားမှာလည်း အလားအလာအများကြီး ပြသွားပါပြီ။ အညွှန်း မာဗယ်ရုပ်ရှင်ရဲ့ ၃၆ ကားမြောက် ရုပ်ရှင်ဖြစ်ပြီး အဆင့်-၅ ရုပ်ရှင်တွေရဲ့ နောက်ဆုံးရုပ်ရှင်ဖြစ်ပါတယ်။ မာဗယ်ရုပ်ရှင်တွေထဲမှာ ကောင်းတယ်လို့ ပြောရတဲ့ အဆင့်ထဲကိုတော့ ရောက်တဲ့ ရုပ်ရှင်ပဲဖြစ်ပါတယ်။ Winter Soldier တို့ Iron Man တို့ကို မမီပေမဲ့ The Marvels တို့ Antman 3 တို့လောက်တော့ မညံ့ပါဘူး။ ဇာတ်လမ်းအနေနဲ့တော့ အိမ်ဖြည့် မိတ်ဆက်သဘောမျိုးရယ် မျိုးဆက်သစ်စုတဲ့သဘောမျိုးရယ်မို့ အရမ်းမဆန်းသလို၊ နောင်တတွေနဲ့ လူမိုက်ကြီးတွေ ပြန်အဖက်ဆယ်တာတို့၊ အလင်းစိတ် အမှောင်စိတ် လွန်ဆွဲတဲ့ စိတ်ထဲက တိုက်ပွဲတို့ကတော့ မဲပြာပုဆိုးဖြစ်ပါသေးတယ်။ သို့ပေမဲ့ အတင်းလုပ်ယူထားတဲ့ ဟာသတွေမပါဘဲ သဘာဝကျကျလေး ဇာတ်လမ်းဆင်ထားတာရယ်၊ နောက်လာမဲ့ ဇာတ်လမ်းတွေနဲ့အချိတ်အဆက်မိတာရယ်ကြောင့် ရုပ်ရှင်ကောင်းစာရင်းတော့ ဝင်သွားပါပြီ။ ဇာတ်လမ်းအကျဉ်း စီအိုင်အေ ညွှန်ချုပ် ဗယ်လန်တီနာဟာ စွမ်းအားရှင် စီမံကိန်းအသစ်တစ်ခုကို စမ်းသပ်နေရာကနေ တရားမဝင် လူသားတွေနဲ့ စမ်းသပ်တာတွေ လူသေမှုတွေကြောင့် ပိတ်ချလိုက်ရပါတယ်။ ဒါကို အစိုးရကလည်း စစ်ဆေးလာချိန်မှာတော့ သဲလွန်စအကုန် ဖျောက်ပစ်ဖို့ သူ့ရဲ့ ဘလက်အေးဂျင့်တွေဖြစ်တယ် ယယ်လီနာတို့ ဂို့စ်တို့ ဆွဲခန့် ကပ္ပတိန်အမေရိက ဝေါ်ကာတို့ကို တာဝန်ပေးပါတော့တယ်။ ဒါပေမဲ့ အဲဒီတာဝန်တွေကနေ သူဖျက်သိမ်းလိုက်တဲ့ စီမံကိန်းရဲ့ နောက်ဆက်တွဲတွေရှုပ်လာပြီး လူသားတွေအတွက် အန္တရာယ် ဖြစ်လာပါတော့တယ်။ ဒါကိုတားဆီးဖို့နဲ့ ဗယ်လန်တီနာကို ဖမ်းနိုင်ဖို့ သင်းကွဲလူမိုက်တွေ စုပေါင်းပြီး အဖွဲ့တစ်ဖွဲ့ ဖြစ်လာပါတော့တယ်။ File size…(5.4 GB ) / (1.71 GB) / (974 MB ) Quality…WEB-DL 4K HEVC / 1080p HEVC / 720p Format…mkv/mp4 Duration….02:06:00 Subtitle….Myanmar Subtitle (Hardsub) Encoder….Min Wai , Benjamin Translated by Mr.Anderson

တကယ့်ဒိတ်ဒိတ်ကြဲ နာမည်ကြီးသရုပ်ဆောင်ကြီးတွေပဲပါဝင်သရုပ်ဆောင်ထားတဲ့ မိသားစုဟာသဇာတ်ကားကောင်းလေးတစ်ကားကို ထပ်မံတင်ဆက်ပေးလိုက်ပါတယ်။မိသားစုဟာသကားဆိုလို့ နူးနူးညံ့ညံ့တော့မထင်လိုက်ပါနဲ့။မိသားစုတွေကြားထဲကအချစ်အကြောင်းကို ကြမ်းကြမ်းတမ်းတမ်း အပစ်အခတ်တွေနဲ့ပုံဖော်ထားတာဖြစ်ပြီးဇာတ်လမ်းကကောင်းလွန်းလို့ တစ်ကားလုံးမပျင်းရဘဲပရိသတ်ကိုစီးမျောခေါ်ဆောင်သွားမှာဖြစ်ပါတယ်။ဇာတ်ကားနာမည်ကတော့ Riff Raff ဖြစ်ပြီး လက်ရှိIMDb Rating 6.0 အထိရရှိထားပါတယ်။ သရုပ်ဆောင်တွေကလည်း လူငယ်ဘ၀မှာတင်မကဘဲအခုအသက်ကြီးတဲ့အထိ ကြမ်းနေဆဲဖြစ်တဲ့ အက်ရှင်လူကြမ်းမင်းသားကြီး Ed Harris တို့ American PieSeries မှာနာမည်ကြီးခဲ့တဲ့ Jennifer Coolidge တို့ နာမည်ကြီးကလေးဟာသသရုပ်ဆောင် Miles J. Harvey တို့အပြင်တခြားသော နာမည်ကြီးတွေများစွာပါဝင်ထားတဲ့အတွက်တစ်ခါလောက်တော့ မကြည့်မဖြစ်ကြည့်သင့်တဲ့ ဇာတ်ကားတစ်ကားလို့ပြောလို့ရပါတယ်။ဇာတ်လမ်းက မိသားစုအကြောင်းဖြစ်တဲ့အတွက် ဒီဇာတ်ကားရဲ့အဓိကမိသားစုအကြောင်းစပြောရမှာပါပဲ။ဒီဂျေဆိုတဲ့ကောင်လေးက သူ့အမေဆန်ဒီနဲ့အတူတူ သူ့ပထွေးဆိုပေမဲ့ အဖေအရင်းလိုချစ်ရပြီး အဖေလို့ပဲခေါ်တဲ့ဗင်းဆင့်တို့နဲ့အတူတူ ပျော်ရွှင်တဲ့မိသားစုလေးကိုထူထောင်ပြီးနေထိုင်ကြပါတယ်။အခုလည်း နှစ်သစ်ကူးနေ့မှာအပန်းဖြေဖို့အတွက်ကျေးလက်က သူတို့ရဲ့အပန်းဖြေအိမ်မှာသွားရောက်နေထိုင်နေကြပါတော့တယ်။ဒါပေမယ့် အဲ့ဒီညမှာပဲ သူတို့ဆီကို မထင်မှတ်ထားတဲ့ ဧည့်သည်တွေရောက်ချလာပါတော့တယ်။အဲ့ဒီဧည့်သည်တွေကဘယ်သူတွေလဲဆိုရင်တော့ ဗင်းဆင့်ရဲ့သားအရင်း ရော့ကို သူ့ကောင်မလေးနဲ့ သူ့အရင်မိန်းမ ရုသ်တို့ပဲ ဖြစ်ပါတယ်။ရောက်လာတဲ့ပုံစံကတော့ ရေးကြီးသုတ်ပျာဖြစ်နေပြီးဘာအကြောင်းအရင်းကြောင့်လဲဆိုတာလည်း သေချာမသိရသေးပါဘူး။ဒါပေမယ့် အဖေဖြစ်တဲ့ဗင်းဆင့်ကတော့ သူ့သားတစ်ကောင် ပြဿနာရှာလာပြီမှန်း တန်းသိလိုက်ပါတော့တယ်။ဒီလိုနဲ့ဒီအိမ်မှာ မိသားစု ၂ ခုအတူပေါင်းနေခဲ့ရပြီး ရော့ကိုသယ်လာတဲ့ပြဿနာတွေက ဒီအိမ်အထိလိုက်လာမလား......အဲ့ဒီပြဿနာကရော ဘာဖြစ်မလဲ....မိသားစုတစ်ခုအနေနဲ့ရော အဲ့ဒီပြဿနာကို သူတို့တွေအတူတူဘယ်လိုရင်ဆိုင်ကြမလဲဆိုတာတွေကိုပါ စိတ်ဝင်စားစရာကောင်းစွာရှုစားရမဲ့ဇာတ်ကားကောင်းလေးတစ်ကားပဲဖြစ်ပါတယ်။ File size… (1.24 GB) / (728 MB) Quality… WEB-DL 1080p HEVC / 720p Format…mkv / mp4 Duration….1h 43m Genre …. Comedy , Crime Subtitle….Myanmar Subtitle (Hard Sub) Encoder….Min Wai Translated by Saw Lay

IMDB rating - 6.0% Gerne - Drama ဒီတစ်ခေါက်မှာတော့ မင်းသား Alex Wolff နဲ့ The little mermaid(2023) ထဲက မင်းသမီး Halle Bailey တို့ ပါ၀င်သရုပ်ဆောင်ထားတဲ့ 2023 ခုနှစ်က ထွက်ရှိခဲ့တဲ့ The line ဆိုတဲ့ ဇာတ်ကားလေးကိုတင်ဆက်ပေးပါရစေ.. ဇာတ်လမ်းအကျဉ်းကတော့ တက္ကသိုလ်ဒုတိယနှစ်‌ ‌ ကျောင်းသားတွေဖြစ်ကျတဲ့ တွန် နဲ့ မစ်ခ်ျဟာ KNA လို့ခေါ်တဲ့ လူမှုရေးကလပ်ရဲ့ အဖွဲ့၀င်တွေဖြစ်ကြပါတယ်။ အဖွဲ့ခေါင်းဆောင်ကတော့ တော့ဒ် ဖြစ်ပါတယ်။ အဲ့ဒီ ကလပ်ကို ၀င်ချင်တဲ့ ပထမနှစ်က ကျောင်းသားသစ်‌တွေလဲ ရှိနေပါတယ်။ အဲ့လို အဖွဲ့၀င်ဖြစ်ဖို့ကို ကျောင်းသားသစ်တွေဟာ အဖွဲ့စည်းမျဉ်းတွေကို လိုက်နာရပါတယ်။ ကျောင်းသားသစ်ထဲမှာမှ အို ဘရိုင်ယန်ဆိုတဲ့ ကောင်လေးဟာ မဟုတ်မခံပဲ သူ့ကို ရန်စလာပြီဆို ပြန်ပြောတတ်ပါတယ်။ တနေ့တော့ မစ်ခ်ျနဲ့ အဲ့ကောင်လေးနဲ့ ကိစ္စတစ်ခုကြောင့် ပြဿနာတတ်ကြပါတယ်။ လူသစ်ရွေးပွဲပြီးတဲ့နောက် အပန်းဖြေဖို့ဆိုပြီး မစ်ခ်ျတို့ရဲ့ နေကန်နားက အိမ်ကိုသွားကြပါတယ်။ ဖြစ်ချင်တော့ တော့ဒ်က တခြားကိစ္စရှိနေတဲ့အတွက် မလိုက်နိုင်တာကြောင့် တွန့်ကိုပဲ လက်လွှဲထားခဲ့ပါတယ်။ မစ်ခ်ျရဲ့ အိမ်ကိုရောက်တော့ မစ်ခ်ျတို့စီနီယာအဖွဲ့က စပြီး အဖွဲ့စည်းကမ်းတွေကို ချိုးဖောက်ပါတော့တယ်။ အဲ့လိုပေါက်ကရတွေ လုပ်ရင်းနဲ့ ဘယ်လို လက်လွန်ကြက်သွန်တွေဖြစ်သွားမလဲဆိုတာကိုတော့ ဆက်လက်ကြည့်ရှုလိုက်ကြပါဦး .... (ပါ၀င်တဲ့ အသုံးအနှုန်းတွေက မသင့်တော်တဲ့အတွက် 18အောက်လေးတွေ ကျော်သွားပေးကြပါ) File size…(1.2 GB)/(787 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama Subtitle….Myanmar Subtitle (Hardsub) Encoder….Swan Min Htet Translated by Ivy Noe

စာရေးဆရာကြီး စတီဖင်ကင်းရဲ့ ဟော်ရာဝတ္ထုကို ရုပ်ရှင်အဖြစ် အသက်သွင်းထားတာပဲဖြစ်ပါတယ်။ ဒါရိုက်တာကလည်း Annabelle Comes Home တို့ IT တို့ရဲ့ ဇာတ်ညွှန်းဆရာ Gary Dauberman ပဲ ဖြစ်ပါတယ်။ ဒီရုပ်ရှင်ထဲက မိစ္ဆာတွေကတော့ သွေးစုပ်ဖုတ်ကောင်တွေပဲ ဖြစ်ပါတယ်။ ဒီရုပ်ရှင်ထဲက သွေးစုပ်ဖုတ်ကောင်တွေက တကယ် ကြောက်ဖို့ကောင်းတဲ့ ခေတ်ဟောင်းဗားရှင်းဖြစ်ပြီး ဒရာမာတွေ၊ ခေတ်ပေါ်နည်းပညာတွေ ထည့်ထားတဲ့ ဗားရှင်းတွေမဟုတ်ပါဘူး။ ပြီးတော့ စတီဖင်ကင်းရဲ့ ထုံးစံအတိုင်း ကလေးတွေ အများကြီး ဒုက္ခရောက်တာတွေ ကလေးတွေထဲကပဲ သူရဲကောင်းပေါ်လာတာတွေ ထည့်သွင်းထားပါတယ်။ ဇာတ်လမ်းအကျဉ်း ဆေလမ်စ်လော့ ဆိုတဲ့မြို့ကလေးကို ငယ်ငယ်က စိတ်ဒဏ်ရာတွေနဲ့ စာရေးဆရာတစ်ယောက်ရောက်လာတယ်။ သူရောက်လာပြီးမကြာခင်မှာပဲ ကလေးတစ်ယောက် ပျောက်ဆုံး၊ သေဆုံးသွားရာကနေ ထူးဆန်းတဲ့ လူသေမှုတွေ ဆက်တိုက်ဖြစ်လာတယ်။ ဒါကိုပဲ ကျောင်းဆရာတစ်ယောက်၊ မြို့ခံကောင်မလေးတစ်ယောက်၊ ဆရာဝန်တစ်ယောက်၊ သတ္တိရှိတဲ့ကလေးတစ်ယောက်နဲ့ စာရေးဆရာတို့ ပူးပေါင်းပြီး အဖြေရှာဖို့ ကြိုးစားတဲ့အခါ မြို့ထဲကို သွေးစုပ်ဖုတ်ကောင်တစ်ကောင်ရောက်နေပြီး တစ်မြို့လုံးကို သိမ်းပိုက်ဖို့ ကြိုးစားနေတာကို သိလိုက်ရတဲ့အခါ သူတို့တွေ ဘယ်လိုတားဆီးဖို့ ကြိုးစားကြမလဲ၊ ဘယ်သူတွေ အသက်ရှင်ကျန်မလဲဆိုတာ ကြည့်ရမှာပါ။ File size…(1.5 GB)/(840 MB) Quality….Webrip 1080p / 720p Format…mp4 Duration….03:03:00 Genre...  Horror  Subtitle….Myanmar Subtitle (Hardsub) Encoder….Swan Min Htet Translated by Mr. Anderson

Lessons in Chemistry (2023) IMDb Rating - 7.9/10 ဒီတစ်ခါမှာတော့ CM ပရိတ်သတ်ကြီးတို့ကို "Captain Marvel" မင်းသမီး "Brie Larson" အဓိကဇာတ်ဆောင်အဖြစ်ပါဝင်ထားတဲ့ (2023)ခုနှစ်ထွက် "Lessons in Chemistry"ဆိုတဲ့ စီးရီးကောင်းလေးနဲ့ မိတ်ဆက်ပေးချင်ပါတယ်။ 1951ခုနှစ်ကို အခြေတည်ထားတာဖြစ်တဲ့အတွက် အဲ့ဘက်ခေတ် အပြင်အဆင် မျိုးကို ကြိုက်တဲ့သူတွေ ကြည့်ချင်လောက်မဲ့စီးရီးမျိုးပါ။ စာရေးဆရာမ Bonnie Garmusရဲ့ ကျော်ကြားခဲ့တဲ့ "Lessons in Chemistry"ဆိုတဲ့ ဝတ္ထုစာအုပ်ကို အခြေတည်ပြီးရိုက်ကူးထားတာဖြစ်ပါတယ်။ မင်းသမီး Brie Larsonကို အဲ့ဘက် ခေတ် အပြင်အဆင်လေးနဲ့မြင်ရတာ အတော်မိုက်ပါတယ်။ ထိုခေတ်ထိုအခါက အမျိုးသမီးသိပ္ပံပညာရှင်တွေ ရှိပေမဲ့ ရှားတဲ့ခေတ်လို့ဆိုရမှာပါ။ ကျွန်တော်တို့ရဲ့အဓိကဇာတ်ကောင် အဲလိဇဘက်ဇော့ဟာ ဓာတုဗေဒမှာ မာစတာ ဘွဲ့ရထားပြီး ပါရဂူဘွဲ့ရတွေထက်တောင် အရည်အချင်းသာလွန်ပေမဲ့ ကျား/မခွဲခြား ဆက်ဆံတတ်တဲ့ အထက်လူကြီးရဲ့ အယောင်ပြဖိန့်လုံးဖြစ်တဲ့ "ပါရဂူဘွဲ့မရထားဘူး" ဆိုတဲ့ အကြောင်းပြချက်နဲ့ အလုပ်မှာရာထူးတိုးပေးခြင်းမခံရတဲ့အပြင် လုပ်ဖော် ကိုင်ဖက်တွေဆီကနေပါ အတွင်းရေးမှူးသာသာဆက်ဆံတာကို ခံနေရသူပါ။ တစ်နေ့တော့ သူ့အရည်အချင်းကို သတိထားမိပြီး အသိအမှတ်ပြုပေးတဲ့ အလုပ် ထဲက ကြယ်ပွင့် ဓာတုဗေဒပညာရှင်ကယ်လ်ဗင်အီဗန်နဲ့ မထင်မှတ်ဘဲ သိကျွမ်းခဲ့ရာ ကနေ သူ့ရည်မှန်းချက်ကို ယုံကြည်ပံ့ပိုးကူညီပေးမဲ့သူရှာတွေ့ခဲ့ပါတော့တယ်။ IMDb Rating 7.9 နဲ့ ခရမ်းချဉ်သီး (81)လုံးရရှိထားတဲ့ စီးရီးလေးဖြစ်တာမို့ ကြည့်ကောင်း မယ်ဆိုတာကတော့ အသေအချာမဟုတ်လား၊ ကဲ ကြည့်ရှုခံစားလိုက်ကြပါဦးဗျာ။ (ဒီစီးရီးရဲ့ အညွှန်းကို Ngwe Zin မှ ရေးသားပေးပြီး၊ ဘာသာပြန် ရေးသားပေးသူများကတော့ Ngwe Zin, EL တို့ဖြစ်ပါတယ်။) File Size.............(300 MB) / (600 MB) Quality...............WEBDL 720p / 1080p Duration............50Mins(@Episode) Subtitle..............Myanmar Hardsub Format...............MP4 Genre.................Drama Translator..........Ngwe Zin, EL Encoder..............SWM

အသက် ၁၇ နှစ်အရွယ် ဂျမ်စတာလင်ဟာ ခရစ်ယာန်ယုံကြည်မှုတွေကို တင်းတင်းကျပ်ကျပ် လိုက်နာတဲ့ အသိုင်းအဝိုင်းထဲမှာ ကိုယ့်နေရာကိုယ် ရှာတွေ့ဖို့ ရုန်းကန်နေရပါတယ်။ လူတွေကို ဆွဲဆောင်နိုင်တဲ့ လူငယ်ရေးရာသင်းအုပ်ဆရာ အိုဝင် သူတို့ဘုရားကျောင်းဆီ ပြန်ရောက်လာတဲ့အခါမှာတော့ ဂျမ်ရဲ့ဘဝဟာ ပြောင်းလဲလာပါတယ်။

Outer Range (2022) IMDb Rating - 8.2/10 ဒီစီးရီးကတော့ ထွက်ထွက်ချင်း IMDb 9 အထိ ပေးကြတဲ့ စီးရီးအသစ်လေးပါပဲ။ ခေါင်းဆောင်မင်းသားကတော့ Old Boy, Thanos, Cable ဇာတ်ကောင်တွေနဲ့ လူတွေရင်းနှီးပြီးသား ဂျို့ရှ် ဘရိုလင်ပါ။ အမျိုးအစားကတော့ သည်းထိပ်ရင်ဖို့ ထူးခြားဆန်းကြယ် အမျိုးအစားပါပဲ။ Stranger Things လိုစတိုင်ပါ။ (၈) ပိုင်းပါဝင်ပြီး အပတ်စဥ◌် သောကြာနေ့တိုင်း တစ်ပတ်နှစ်ပိုင်းထွက်ပါလိမ့်မယ်။ ဇာတ်လမ်းကိုတော့ ဂရိနတ်ဘုရား ခရိုနို့စ် အပေါ်မှာအခြေခံထားပါတယ်။ ခရိုနို့စ်ဟာ သူ့ရဲ့ တံစဉ်းလက်နက်နဲ့ ကောင်းကင်ဘုံနဲ့ကမ္ဘာမြေကြီးကြားထဲက အာကာသနေရာတစ်ခုကို အပေါက်တစ်ခုဖြစ်အောင် ခုတ်ဖြဲခဲ့ပါတယ်။ အဲဒီကနေ လက်ရှိကမ္ဘာနဲ့ အခြားကမ္ဘာကို ခြားနားပေးထားလိုက်တာပါပဲ။ ဒီစီးရီးထဲမှာတော့ မင်းသား ဂျို့ရှ်က ရိုင်ရယ်ဆိုတဲ့ နာမည်နဲ့ နွားခြံပိုင်ရှင်ကြီးတစ်ယောက်အနေနဲ့ သရုပ်ဆောင်ထားပါတယ်။ သူ့အတိတ်ကို သူမမှတ်မိ၊ သူ့နောက်ကြောင်းကို ဘယ်သူမှမသိကြပေမဲ့ သူ့မှာ မိန်းမတစ်ယောက် နဲ့ သားတွေနဲ့ မိသားစုရှိနေပြီ၊ ရီဘက်ကာဆိုတဲ့ မိန်းကလေးတစ်ယောက် သူတို့မိသားစုထဲကနေ ထူးထူးခြားခြားပျောက်ဆုံးသွားခဲ့တာကနေ ဇာတ်လမ်းကို စတင်ထားပါတယ်။ ကျန်တာတွေကိုတော့ သို့လော သို့လောနဲ့ ဆက်ကြည့်လိုက်ကြပါဦး။ (ဒီစီးရီးရဲ့ အညွှန်းနဲ့ဘာသာပြန်ရေးသားပေးသူကတော့ Mr.Anderson  ဖြစ်ပါတယ်။) File Size - (500 MB) / (250 MB) Quality – WEBDL 1080p / 720p Duration - 50Min (@Episode) Subtitle – Myanmar Hardsub Format – MP4 Genre : Drama, Mystery Translator – Mr.Anderson Encoder – SWM

Top Gun ရဲ့အဆက်မှာ မက်ဗရစ်ရဲ့မိတ်ဆွေ အိုက်စ်က ရေတပ်ဗိုလ်ချုပ် ဖြစ်နေပြီဖြစ်ပေမယ့် မက်ဗရစ်ကတော့ အထက်လူကြီးတွေနဲ့ မကြာခဏငြိတတ်တဲ့ သက်တမ်းရင့်ကပ္ပတိန်အဖြစ် ရှိနေဆဲပါ။ သူ့ကို အပြီးအပိုင် အနားပေးတော့မယ့်အချိန်မှာ ခက်ခဲလွန်းတဲ့ စစ်ဆင်ရေးတစ်ခု ပေါ်လာပါတယ်။ အဲဒီအတွက် တော့ပ်ဂန်းသင်တန်းဆင်းတွေထဲက အတော်ဆုံးလေယာဉ်မှူးတွေကို ပြန်ခေါ်ပြီး မက်ဗရစ်ကို နည်းပြအဖြစ် တာဝန်ပေးလိုက်တယ်။ ပြန်ခေါ်ထားတဲ့အဖွဲ့ထဲမှာ ဂုစ်ရဲ့သားလည်း ပါလာပါတယ်။ သူက ဖခင်သေဆုံးခဲ့ရတဲ့အတွက် မက်ဗရစ်ကို မုန်းနေသူပါ။ သူတို့ကြားက အမုန်းတွေကို ဘယ်လိုဖြေရှင်းကြမလဲဆိုတာနဲ့အတူ မဖြစ်နိုင်လောက်အောင် ခက်ခဲတဲ့ စစ်ဆင်ရေးကို ဘယ်လိုရင်ဆိုင်ကြမလဲဆိုတာကို ဆက်ပြထားပါတယ်။ ပထမကားက ဇာတ်ကောင်တွေရဲ့ နှစ်ပေါင်း ၃၀ ကျော်အကြာ အခြေအနေတွေကို ဆက်ရိုက်ထားပြီး Jennifer Connelly က ပန်နီအဖြစ် ပါဝင်ထားပါတယ်။ ရုံတင်ဝင်ငွေ ဒေါ်လာ ၁.၃ ဘီလီယံနီးပါး ရရှိခဲ့ပြီး တွမ်ခရုရဲ့ နှစ် ၄၀ ကြာ သရုပ်ဆောင်သက်တမ်းအတွင်း ဘီလီယံနဲ့ချီတဲ့ ဝင်ငွေကို ပထမဆုံးရရှိခဲ့တဲ့ ရုပ်ရှင်လည်း ဖြစ်ပါတယ်။

နာမည်ကြီးဝတ္ထုတစ်ခုကို အခြေခံထားပြီး Rotten Tomatoes 84% ရထားတဲ့စီးရီးပါ ဒုတိယကမ္ဘာစစ်ကာလမှာ အမေရိကန်လေတပ်ထဲကအဖြစ်အပျက်တွေ လှောင်ပြောင်သရော်ထားတဲ့ Dark comedy ဟာသအမျိုးအစားဖြစ်ပါတယ် 18+ ခန်းတွေလည်းပါလို့ မိသားစုနဲ့ကြည့်သင့့်တဲ့ ဟာသကားမျိုးမဟုတ်ပါဘူး သင်တန်းချိန်ပိုကြာလို့ သင်တန်းပြီးရင် စစ်လည်းပြီးလောက်ပြီဆိုပြီး လေတပ်ရဲ့ ဗုံးကျဲအဖွဲ့ထဲဝင်ခဲ့တဲ့ Yossarian ဟာ မှန်းချက်နဲ့နှမ်းထွက်မကိုက်ိုက်ဖြစ်လာလို့ တာဝန်ကရပ်ဆိုင်းခံရအောင် အကြံထုတ်ပါတော့တယ် ဗုံးကျဲ mission ၂၅ ခုပြည့်ရင် အိမ်ပြန်ရမယ်ဆိုပြီး ပြည့်ခါနီးတိုင်း လေတပ်က mission ထပ်ထပ်တိုးနေလို့ Yossarian တစ်ယောက် သည်းမခံနိုင်ဖြစ်လာပါတယ် ရူးတယ်လို့အကြောင်းပြပြီးထွက်ရဖို့ ဆရာဝန်ကိုသွားပြောတော့ ဆရာဝန်က ရူးတာကိုအ​ကြောင်းပြပြီး လုံးဝထွက်မရအောင်လုပ်ထားတဲ့ Catch 22 ဆိုတဲ့သတ်မှတ်ချက်ကို ပြောပြလိုက်ပါတယ် ဆက်တိုက်ချင်တဲ့လူတွေက ရူးနေတဲ့လူတွေဆိုတာ သိပြီးတဲ့နောက်မှာ Yossarian က လွတ်လမ်းကိုမရမကကြံဖန်ရှာပါတော့တယ် File size…(1 GB)/(528 MB) Quality….Webrip 1080p / 720p Format…mp4 Duration….00:45:00 Genre...Comedy, Drama, War & Politics Subtitle….Myanmar Subtitle (Hardsub) Encoder….Mr. Anderson Translated by Pyi T Nyein

The Strangers: Prey at Night (2018) IMDb - 5.2/10 The Staranger: Prey at Night 2018 ကတော့ Thriller၊/Horror ဇာတ်လမ်းအမျိုးအစားဖြစ်ပါတယ်။ Rating 6.2 ရထားပြီးတော့ ပရိသတ်ကို အခြား Horror ကားနဲ့ မတူတဲ့ ရသတစ်မျိုးကို ပေးနိုင်မယ့်ကားလေးပါ။ ဇာတ်လမ်းကတော့ မိသားစုတစ်စု သမီးဖြစ်သူကို ကျောင်းအသစ်ပြောင်းပေးဖို့ ခရီးထွက်လာတဲ့ညတစ်ည မှာ ဖြစ်ပျက်ခဲ့တာတွေကို ရိုက်ကူးထားတာဖြစ်ပါတယ်။ အဲ့ဒီမိသားစုဟာသူတို့ရဲ့ ဦးလေး အန်ကယ်မာဗ့် တို့ပိုင်တဲ့ ဂါလင် ရေကန် အပန်းဖြေစခန်းကို ထိုညမှာ ဝင်ရောက်တည်းခဲ့ပါတယ်။ အဲဒီမှာ သူတို့အတွက် အခန်းသော့နဲ့ မနက်မှ တွေ့မယ်ဆိုတဲ့ စာကို အန်ကယ်မာ့ဗ်က တကယ် ချန်ထားပေးခဲ့တာလား အရုပ်မျက်နှာနဲ့ တွေ့ရတဲ့ သူတွေရဲ့ မျက်နှာဖုံးအောက်က ရက်စက်မှုတွေကို သူတို့ သိလိုက်ရတဲ့အခါမှာ သူတို့မိသားစု ထွက်ပြေးလွတ်မြောက်နိုင်ပါ့မလား အဲ့ဒီအရုပ်မျက်နှာဖုံးနဲ့ လူတွေကရော ဘယ်သူတွေလဲဆိုတာကို ရင်တမမ နဲ့ ကိုယ့်ကို ဇာတ်လမ်းအဆုံးထိ ဆွဲခေါ်သွားနိုင်မယ့် ခပ်ကြမ်းကြမ်း ဇာတ်လမ်းတစ်ပုဒ်ဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ Brilliant Star  ပါ) File Size : (700 MB) Quality : WEB-DL 720p Running Time : 1hr 25min Format : Mp4 Genre : Horror Subtitle : Myanmar Subtitle (Hard Sub) Source : 720p.WEB-DL.XviD.AC3-FGT Translated by Brilliant Star Encoded by Thanhtike Zaw

IMDb - 7.1/10 Rotten - 75% အခုမိတ်ဆက်ပေးမယ့် ဇာတ်ကားကတော့ 2018 မှာ ထွက်လာတဲ့ အသစ်စက်စက်ရုံတင်ကား Bad Times At The El Royale ဆိုတဲ့ ဇာတ်ကားလေးပါ El Royale ဆိုတဲ့ ဟိုတယ်ရှေ့မှာ ဖာသာဒန်နီယယ်ဖလင်းဆိုတဲ့ ဘုန်းတော်ကြီးတစ်ပါးနဲ့ အဆိုတော်ပေါက်စခါလင်းဆွိတို့ တွေ့ဆုံတဲ့နေရာကနေ ဇာတ်လမ်းလေးကို စတင်ထားပါတယ် ဒါလင်းကတော့ ကယ်လီဖိုးနီးယားကနေ သီချင်းဆိုဖို့ လာခဲ့တာဖြစ်ပါတယ် ဒါပေမဲ့ ငွေကြေးသိပ်မပြည့်စုံလို့ ဒီဟိုတယ်မှာလာတည်းတာပါ ဖာသာဖလင်းကတော့ သူ့ညီဖြစ်သူ ဖွက်ထားခဲ့တဲ့ ငွေတွေကို ပြန်ယူဖို့ ဟိုတယ်ကို ရောက်လာခဲ့တာပါ သူတို့အရင် ဟိုတယ်မှာ ရောက်နေနှင့်တဲ့သူကတော့ ဖုန်စုပ်စက်အရောင်းဝန်ထမ်းဟန်ဆောင်ထားတဲ့ အေးဂျင့်ဘရော့ဘက်ပါ သူ့မှာလည်း လူတွေသိပ်မတည်းကြတော့တဲ့ El Royale ကို လာတည်းရတဲ့ အကြောင်းတစ်ခုရှိနေပါတယ် ဟိုတယ်တစ်ခုလုံးမှာ ဝန်ထမ်းဆိုလို့ မိုင်စ်မီလာဆိုတဲ့ ကောင်လေးတစ်ယောက်ပဲ ရှိပါတယ် သူကလဲ ဆေးကြောင်နေတာလိုလို တစ်ခုခုကိုပဲ လန့်နေတာလိုလိုနဲ့ လျှို့ဝှက်ချက်တွေနဲ့ပါ နောက်ဆုံးမှ ရောက်လာတာကတော့ အမ်မလီဆိုတဲ့ ဟစ်ပီလေးပါ သူကတော့ ဟိုတယ်မှာ ဘယ်လိုအခန်းပဲတည်းရတည်းရဆိုပီး အခန်းတစ်ခန်းကို ငှားလိုက်ပါတယ် သူကရော ဘာတွေ လျှို့ဝှက်ထားတာလဲ အကြောင်းကိုယ်စီ လျှို့ဝှက်ချက်ကိုယ်စီနဲ့ ရောက်လာကြတဲ့ သူစိမ်းတွေအားလုံး ဒီဟိုတယ်ထဲမှာ ဘယ်လိုအဖြစ်အပျက်တွေ ကြုံတွေ့ရမှာလဲဆိုတာတော့ သည်းထိပ်ရင်ဖိုနဲ့ စိတ်ဝင်စားဖွယ် ကြည့်ရှုရမယ့် ဇာတ်ကားလေးပါ IMDB rating က 7.1 ထိရထားနဲ့ ထိုက်တန်သလို ကြည့်ရအတော်ကောင်းတဲ့ ဒရမ်မာကားလေးပါ ဒါ့အပြင် ဒီထဲမှာ အော်စကာဆုရမင်းသားကြီး Jeff Bridges, Thor မင်းသား Chris Hemsworth နဲ့ Fifty Shades Of Grey မင်းသမီး Dakota Johnson တိုနဲ့အတူ တခြားနာမည်ကြီးသရုပ်ဆောင်တွေပါဝင်သရုပ်ဆောင်ပေးထားပါတယ် လက်မလွတ်တမ်း ကြည့်သင့်တဲ့ ဇာတ်ကားလေးလို့ ညွှန်းပေးပါရစေ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ မေသရဖီလွင်ပါ) File Size : (900 MB) Quality : WEB-DL 720p Running Time : 2h 21min Format : Mp4 Genre : Crime, Drama, Mystery Subtitle : Myanmar Subtitle (Hard Sub) Source : 720p.WEB-DL.H264.AC3-EVO Translated by May Tharaphi Lwin Encoded by Thanhtike Zaw

ဒီကားကတော့ ၂၀၁၇ခုနှစ်ထွက်Biography/Comedy-Drama ဇာတ်ကားကောင်းလေးဖြစ်ပါတယ်။ ဒီကားလေးဟာ ၁၉၇၃ခုနှစ် အမေရိကန်ပြည်ထောင်စုတွင် ဟိုးလေးတကျော်ဖြစ်ကာ ပြောစမှတ်တွင်ရလောက်တဲ့အထိ ဖြစ်ပွားခဲ့တဲ့ တင်းနစ်ပြိုင်ပွဲအကြောင်းပါပဲ။ ဒီတင်းနစ်ပြိုင်ပွဲဟာ သာမန်ပြိုင်ပွဲတွေနဲ့မတူပါဘူး။ ထိုခေတ်ကာလတွင်း အမျိုးသမီးတင်းနစ်ကစားသမားများဟာ အမျိုးသားများနှင့် တန်းတူရပိုင်ခွင့်တွေ ခံစားခွင့်မရကြပါဘူး။ ဒါကြောင့် ကမ္ဘာ့နံပါတ်တစ် အကောင်းဆုံးအမျိုးသမီးတင်းနစ်ကစားသမားဖြစ်တဲ့ ဘီလီဂျင်းကင်းဟာ အဲဒီအတွက်ကနေဦး တောင်းဆိုဆန္ဒပြခဲ့တဲ့ ပထမဦးဆုံး အမျိုးသမီးအခွင့်အရေးလှုပ်ရှားသူတစ်ယောက်ဖြစ်လာပါတယ်။ အဲဒီကနေစပြီး အမျိုးသမီးများ အမျိုးသားများနှင့်တန်းတူညီမျှအခွင့်အရေးခံစားခွင့်ရှိခြင်း၊ လိင်တူရပိုင်ခွင့်များနှင့် လူ့အခွင့်အရေးဆိုတာတွေ ဆက်လက်ဖြစ်ပေါ်လာတာပဲဖြစ်ပါတယ်။ တစ်ဖက်မှာလည်း ဘီလီဂျင်းကင်းကိုပါရမီဖြည့်ပေးရှာသည့်သူကတော့ ဘော်ဘီရစ်ချ်ဆိုတဲ့ နာမည်ကျော်တင်းနစ်ကစားသမားတစ်ယောက်ပါ။ သူ့ရဲ့ဝါသနာက လောင်းကစားလုပ်ခြင်းပါပဲ။ အခွင့်အရေးတွေကိုချောင်းနေတဲ့ဘော်ဘီတစ်ယောက် ဘီလီကင်းကိုမျက်စိကျသွားပါတော့တယ်။ သူ့ရဲ့အတိတ်ကရွှေရောင်နေ့ရက်တွေကိုပြန်လည်ရယူရင်း လောင်းကစားပါလုပ်လို့ရမည့်အကွက်ကို တွေ့သွားတာပဲဖြစ်ပါတယ်။ ဒီလိုနဲ့ ဘီလီဂျင်းကင်းကိုစိန်ခေါ်ပြီး တင်းနစ်ကစားပွဲပြုလုပ်ကာ အမျိုးသမီးတွေဟာ တန်းတူအခွင့်အရေးရသင့်ကြောင်း သက်သေပြရအောင်ဖန်တီးပါတော့တယ်။ အဲဒီပြိုင်ပွဲဟာ တင်းနစ်အားကစားသမိုင်းတစ်လျှောက်တွင် လူကြည့်အများဆုံးသော ကစားပွဲဖြစ်ခဲ့တာဖြစ်ပြီး ဘီလီဂျင်းကင်းနဲ့ ဘော်ဘီရစ်ချ်တို့ရဲ့ အပြိုင်အဆိုင် စကားနာထိုးမှုတွေ၊ အားပြိုင်မှုတွေဟာ ကစားကွင်းမတိုင်ခင်ကတည်းက ပုဂ္ဂိုလ်ရေးဆိုင်ရာအရရော၊ အခြားသော ရှုပ်ထွေးသည့်တိုက်ပွဲများနှင့် ပြင်းထန်ကာ မြိုင်မြိုင်ဆိုင်ဆိုင်ဖြစ်နေခဲ့ပါတယ်။ နောက်ဆုံးမှာတော့ ဘီလီဂျင်းကင်းအနိုင်ရရှိသွားပြီး အမျိုးသမီးများအတွက် ဦးဆောင်လမ်းပြပေးနိုင်ခဲ့ရုံသာမက အခြားသောလူ့အခွင့်အရေးများအတွက် လမ်းစလည်းဖွင့်ပေးနိုင်ခဲ့တာပဲဖြစ်ပါတယ်။ ဒီပြိုင်ပွဲဟာ လူမှုအဖွဲ့အစည်းတွင်းမှာ နောက်ဆက်တွဲပြောင်းလဲမှုတွေများစွာကိုဆောင်ကျဉ်းပေးခဲ့တဲ့ တကယ့်ဖြစ်ရပ်မှန်ပြိုင်ပွဲကြီးဖြစ်ပြီး ဇာတ်ကားအနေနဲ့လည်း ရသစုံစုံလင်လင်နဲ့ ရိုက်ကူးပြပေးသွားတာဖြစ်တဲ့အတွက် ကြည့်ရှုရတာ စိတ်ကျေနပ်စေမှာပဲဖြစ်ပါတယ်။ File Size : (950 MB) and (350 MB) Quality : Blu-Ray 720p Running Time : 2hr 01min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p Blu-Ray x264 SPARKS Translated by Thura Zarni Aung Encoded by Thanhtike Zaw