Liu Lin ပါဝင်သော ဇာတ်ကားများ

ဒီတစ်ခါတော့ ၁၉၈၀ ပြည့်နှစ်ကို ဇာတ်အိမ်တည်ထားတဲ့ C drama ကောင်းလေးတစ်ခုနဲ့ မိတ်ဆက်ပေးချင်ပါတယ်။ ၁၉၈၀ ပြည့်နှစ်အပြင်အဆင်ကိုမှ ကလေးချင်းအလဲခံလိုက်ရတဲ့ဇာတ်အိမ်ဆိုတော့ အတော်တော့စိတ်ဝင်စားဖို့ကောင်းပါတယ်နော်။ ဒီစီးရီးရဲ့အဓိကဇာတ်ဆောင်တွေဖြစ်တဲ့ Guan Xiao Tong၊ Wang Zi Qi၊ Liu Lin တို့အပြင် Guo Xiao Dong၊ Yuan Qing၊ Guo Tao တို့ကပါ ပါဝင်အားဖြည့်ထားကြပါတယ်။ ပါဝင်ထားတဲ့သရုပ်ဆောင်တွေက ရှယ်တွေပဲမို့ ဇာတ်လမ်းဇာတ်ကွက်ကလည်း လုံးဝမြိုင်နေမှာအသေချာပါပဲ တို့ပြိတ်သတ်ရေ။ ဇာတ်လမ်းအညွှန်း >>> ၁၉၈၀ ပြည့်လွန်နှစ် တွေရဲ့သာမန်မြို့ပြလေးတစ်ခုမှာတော့ မထင်မှတ်ထားတဲ့ကလေးချင်း မှားယွင်းလဲလှယ်ခံလိုက်ရမှုကြီးကြောင့် မိသားစုနှစ်စုရဲ့ကံကြမ္မာဟာ လုံးဝပြောင်းလဲသွားခဲ့ပါတယ်။ ဒီလိုကြမ္မာဖန်တဲ့ကလေးချင်းအလဲခံရမှုကြောင့် မွေးရာပါ Albinism ရောဂါရှိပေမဲ့ ရဲရင့်ထက်မြက်လှတဲ့ ချီရှစ်နဲ့ အရာရာမှာ စည်းကမ်းရှိပြီး ပြည့်ဝစုံလင်လွန်းသူလို့ လူတိုင်းက သတ်မှတ်ထားကြတဲ့ချောင်ရှင်းတို့ရဲ့ဘဝတွေဟာလည်း ကွာခြားကုန်ကြပါတယ်။ ကလေးနှစ်ယောက်လုံးဟာ စိန်ခေါ်မှုတွေပြည့်နှက်နေတဲ့လောကကြီးထဲမှာ ကိုယ့်အထောက်အထားအမှန်၊ မိသားစုသံယောဇဉ်နဲ့ စစ်မှန်တဲ့အချစ်တို့ကိုရှာဖွေရင်း ဘဝကို ကြံ့ကြံ့ခံရုန်းကန်ခဲ့ကြရပါတယ်။ မိဘတွေရော ကလေးတွေပါ ကိုယ်ပိုင်အခက်အခဲတွေအပြင် လူမှုအဖွဲ့အစည်းရဲ့စိစစ်စိန်ခေါ်မှုတွေကိုပါ ရင်ဆိုင်ခဲ့ကြရပါတယ်။ အပြောင်းအလဲများပြားလှတဲ့ခေတ်ကာလကြီးထဲမှာ သူတို့အားလုံးဟာ အခက်အခဲပေါင်းစုံကို အတူတကွပူးပေါင်းကျော်ဖြတ်ရင်း နောက်ဆုံးမှာတော့ ကိုယ်ပိုင်ပျော်ရွှင်မှုနဲ့ နွေးထွေးမှုအမှန်ကို ရှာဖွေတွေ့ရှိသွားခဲ့ကြပါတော့တယ်။ Total Episodes : 30 Quality : WEB-DL 1080p HEVC , 720p Format : mp4 Genres : Life, Drama Runtime :45 min Subtitle : Myanmar Subtitle ( Hardsub )

C drama fan တို့အတွက် ဒီတစ်ခါယူဆောင်လာပေးတာကတော့ ဘဝပေးအခြေအနေမတူတဲ့လူနှစ်ဦးရဲ့ချစ်ခရီးလမ်းအကြောင်း ရိုက်ကူးထားတဲ့ဇာတ်လမ်းလေးပါ။ ဒီဇာတ်လမ်းက သားသတ်သမားရဲ့သမီးဖြစ်သူနဲ့ ကံဆိုးမိုးမှောင်ကျပြီး လက်စားချေဖို့ကြိုးစားနေတဲ့စစ်သူကြီးတို့အကြောင်းကို ရိုက်ကူးထားတာပါ။ ဇာတ်အိမ်က သမိုင်းနောက်ခံနဲ့ စစ်ပွဲကိုနောက်ခံထားတာမို့ လွမ်းမောဖွယ်ရာဖြစ်မှာအမှန်ပါပဲ။ ဒီကားမထွက်ခင်ကတည်းက C drama fan တွေကြား နာမည်ကြီးနေပြီး ရွေးထားတဲ့သရုပ်ဆောင်တွေကလဲ ကာရိုက်တာနဲ့ လုံးဝကွက်တိကျလှပါတယ်။ နောက်ပြီး ဇာတ်လမ်းကိုပါ နာမည်‌ကျော်စာရေးဆရာ Tuan Zi Lai Xi ရဲ့ Zhu Yu (逐玉) ဝတ္ထုကို ကျောရိုးယူမှီငြမ်းရိုက်ကူးထားတာပါ။ ဒီစီးရီးမှာဆိုရင် The Best Thing မှာ ဆရာဝန်လေးဟယ်စူးယဲ့အဖြစ် ပါဝင်ခဲ့ပြီး ကြည့်ရှုသူအမျိုးသမီးထုရဲ့ Standard ကိုမြင့်မားစေခဲ့တဲ့ ကိုကို Zhang Ling He က ရှဲ့ကျန်းအဖြစ် အဖြစ်ပါဝင်ထားပြီး Moonlit Reunion မှာ ချစ်စရာ‌ကြောင်မိစ္ဆာအလှလေးအဖြစ်ပါဝင်ခဲ့တဲ့ မမ Tian Xi Wei တို့က ဓာတု‌ရော ရူပမိမိပါ တွဲဖက်သရုပ်ဆောင်ထားကြပါတယ်။ ဇာတ်လမ်းအညွှန်း >>> ဘဝအခြေအနေချင်းမတူတဲ့ ဖန်းချန်ယွိနဲ့ရှဲ့ကျန်းတို့ဟာ အကျိုးစီးပွားအတွက် ဟန်ဆောင်လက်ထပ်ခဲ့ကြပါတယ်။ ဟန်ဆောင်အိမ်ထောင်ရေးလေးဟာ တဖြည်းဖြည်းနဲ့ စစ်မှန်တဲ့အချစ်တွေအဖြစ် ပြောင်းလဲသွားခဲ့ပေမဲ့ ရက်စက်လှတဲ့စစ်ပွဲကြီးက သူတို့နှစ်ဦးကို တကွဲတပြားစီဖြစ်အောင် ခွဲပစ်လိုက်ပါတယ်။ ဇွဲထက်သန်လှတဲ့ဖန်းချန်ယွိဟာ သားသတ်ဓားကိုကိုင်စွဲပြီး တရားမျှတမှုနဲ့ ပျောက်ဆုံးနေတဲ့ ခင်ပွန်းဖြစ်သူကိုရှာဖွေဖို့ စစ်မြေပြင်ထဲအထိ ဆင်းခဲ့ပါတယ်။ တစ်ဖက်မှာလည်း ရှဲ့ကျန်းဟာ သူ့ရဲ့ဂုဏ်ဒြပ်တွေကိုပြန်လည်ရယူနိုင်ခဲ့ပြီး နိုင်ငံတော်နဲ့ချစ်ရသူကို ကာကွယ်ဖို့အတွက် တိုက်ပွဲဝင်နေခဲ့ပါတယ်။ စစ်ပွဲတွေကြား ပြန်လည်ဆုံတွေ့ကြတဲ့အခါမှာတော့ သူတို့နှစ်ဦးဟာ ကံကြမ္မာကိုအတူတကွအံတုရင်း ဖုံးကွယ်ထားတဲ့အမှန်တရားတွေကို အတူဖော်ထုတ်ခဲ့ကြပါတယ်။ ဒီစီးရီးလေးမှာ မမ Tian Xi Wei ကို လင်ထိပ်ထားစံသဲသဲကဲကဲလေးအဖြစ်မြင်တွေ့ရမှာမို့ ကြည့်ရင်း အချိုတွေပါ စားရမှာပါ။ ကိုကိုကျန်းလင်ဟော့ကလည်း အရမ်းမိမိုက်လွန်းတာမို့ ဒီလိုဇာတ်အိမ်မျိုးမှာ ဒီလိုသရုပ်ဆောင်တွေနဲ့ရိုက်ထားတဲ့စီးရီးကိုမှ မကြည့်ရင် ဘာသွားကြည့်ကြမလဲ ပြိတ်သတ်ရေ...! Quality : WEB-DL 1080p,720p Total Episodes : 40 Format : mp4 Genres : Drama, Romance Runtime : 45 min

“တစ်ခါတစ်လေ ပြန်မရနိုင်တော့တဲ့ အချိန်တွေကို ဒဏ်ရာတွေက နှစ်သိမ့်ပေးလေ့ရှိပါတယ်…”ဒီနေ့မှာတော့ ရူပါပိုင်းမှာ ထူးထူးခြားခြား မလှပပေမယ့် ဇာတ်အိမ်နဲ့ ဇာတ်လမ်းပိုင်းမှာတော့ စိတ်ဝင်စားစရာကောင်းတဲ့ Once Upon A Time ဆိုတဲ့ ဇာတ်ကားကောင်းလေးကို ဘာသာပြန်တင်ဆက်ပေးလိုက်ပါတယ်… ချန်ထောင်း ဆိုတဲ့ စာအုပ်ဖတ်ရတာကို ရူးသွပ်တဲ့ သာမန်လူငယ်တစ်ယောက်ဟာ သူအလုပ်လုပ်နေတဲ့ စာအုပ်ဆိုင် ပိတ်သိမ်းသွားတာကြောင့် အလုပ်လက်မဲ့ဖြစ်သွားပါတယ်။ ဘဝကို ရိုးရိုးရှင်းရှင်း ဖြတ်သန်းနေတဲ့ အသက် ၃၀ ကျော် လူငယ်တစ်ယောက်ဖြစ်ပေမယ့်… သူ့ဘဝမှာ သာမန်လူတွေနဲ့ မတူတဲ့ လျှို့ဝှက်ချက်တစ်ခု ရှိနေခဲ့ပါတယ်။ စာအုပ်တွေကို အလွန်အမင်း စွဲလမ်းသူတစ်ယောက်ဖြစ်တဲ့ ချန်ထောင်းဟာ သူဖတ်နေတဲ့ စာအုပ်ထဲကို စိတ်ကူးယဉ်ကမ္ဘာတစ်ခုအဖြစ် ဝင်ရောက်သွားနိုင်တဲ့ ထူးခြားတဲ့ စွမ်းအား တစ်ခုကို ပိုင်ဆိုင်ထားသူတစ်ယောက် ဖြစ်နေခဲ့တာပါ။အလုပ်လက်မဲ့ဖြစ်ပြီးနောက် ဘဝမှာ အလွယ်တကူရနိုင်မယ့် အမွေတစ်ခုခုကို တမ်းတမိတဲ့ ချန်ထောင်းဟာ သူ့အဖေက သူ့အသက် ၃၀ ပြည့်တဲ့အချိန်မှာ ဖတ်ဖို့ ချန်ထားခဲ့တဲ့ ဒိုင်ယာရီစာအုပ်လေး တစ်အုပ်ကို မမျှော်လင့်ဘဲ ဖတ်မိသွားပါတယ်။ အဲဒီစာအုပ်ထဲကို ဝင်ရောက်သွားတဲ့အခါမှာတော့… အထက်တန်းကျောင်းစာမေးပွဲမတိုင်ခင်ကတည်းက ဆုံးပါးသွားခဲ့တဲ့ သူ့အဖေနဲ့ တစ်ဖန်ပြန်လည်တွေ့ဆုံခွင့် ရလာခဲ့ပါတယ်။ နှစ်တွေကြာပြီးမှ ပြန်တွေ့ရတဲ့ အဖေကို သူမေးချင်ခဲ့တာတွေ မေးရင်း၊ ပြောချင်ခဲ့တာတွေ ပြောရင်းနဲ့… သူ့ဘဝမှာ နောင်တရခဲ့ရတဲ့ အရာတချို့ကို ပြန်လည်ပြောင်းလဲနိုင်မလားဆိုတဲ့ အတွေးတွေ ဝင်လာခဲ့ပါတယ်။အဖေ့ဆီက ရရှိလာတဲ့ အဖြေတချို့ကြောင့် ချန်ထောင်းဟာ သူ့ဘဝကို တစ်ချိုးကွေ့ ပြောင်းလဲဖို့ ကြိုးစားပါတော့တယ်။ ဒါပေမယ့် အတိတ်ကို ပြောင်းလဲလိုက်တိုင်း အရာအားလုံးက သူမျှော်လင့်ထားသလို ဖြစ်လာမှာတော့ မဟုတ်ပါဘူး…အတိတ်ကို ပြန်ပြင်နိုင်ခဲ့ရင်… လက်ရှိဘဝမှာ ပျောက်ဆုံးသွားခဲ့တဲ့ အရာတွေ အားလုံးကို ပြန်ရနိုင်မလား? ဘာတွေဆက်ဖြစ်မလဲ၊ ချန်ထောင်းရဲ့ ရွေးချယ်မှုတွေက သူ့ဘဝကို ဘယ်လိုပြောင်းလဲသွားစေမလဲဆိုတာကိုတော့ ဇာတ်လမ်းရဲ့ အဓိကအရသာပျက်သွားမှာစိုးလို့ ဒီမှာပဲ ရပ်ထားလိုက်ပါမယ်။ သေချာတာတစ်ခုကတော့… ဒီဇာတ်ကားရဲ့ ဇာတ်သိမ်းပိုင်းကို မျက်ရည်မကျဘဲ ကြည့်နိုင်ဖို့ဆိုတာ တော်တော်လေး ခက်ပါလိမ့်မယ်။ “ငါ မငိုဘူးဆိုတာ သေချာတယ်…” ဆိုတဲ့သူတွေရှိရင်တော့ ကိုယ်တိုင်ကြည့်ပြီး စိန်ခေါ်ကြည့်လိုက်ကြပါလို့ ဖိတ်ခေါ်လိုက်ပါတယ်… Filesize : 1.44 GB / 848 MB Quality : WEB-DL 1080p HEVC , 720p HEVC Format : mp4 Genres : Comedy and Drama Runtime : 1h 55 min Subtitle : Myanmar Subtitle ( Hardsub )

အသက်မပြည့်သေးသူတွေရဲ့ တရားရေးအမှုတွေကို အဓိကထားတဲ့ အမှုစစ်အရာရှိလင်ကျစ်ထောင်နဲ့ လက်ထောက်ပိုင်အန်းယွီတို့က အတူလက်တွဲကာ စစ်ဆေးရေးအဖွဲ့တည် ထောင်ခဲ့ပြီး ကလေးတွေအတွက် လူ့မိစ္ဆာတွေကို တိုက်ခိုက်ခဲ့ကြတယ်။ ဒီခရီးလမ်းက သည်းထိပ်ရင်ဖိုမှုတွေနဲ့ စတင်ခဲ့ပြီးတော့ ပေးဆပ်ခြင်းတွေနဲ့ အဆုံးသတ်ခဲ့တယ်။ ကလေး တွေရဲ့အမှုတွေကို ဆရာတပည့်အမှုစစ်နှစ်ယောက်က လက်တွဲညီညီနဲ့ ဘယ်လိုဖြေရှင်းကြမလဲဆိုတာကို စိတ်ဝင်စားဖို့ ကောင်းစွာ စောင့်ကြည့်ရမှာပါ ပိုင်အန်းယွီအဖြစ် မတွေ့ရတာကြာပြီဖြစ်တဲ့ သုံးဟွာသိကျွင်းကို မတူညီတဲ့ ကာရိုက်တာသစ်တစ်ခုနဲ့ မြင်တွေ့ရမှာပါ။ လင်ကျစ်ထောင်အဖြစ် Ren Su Xi က ပါဝင်ထားဝာာမို့ စောင့်မျှော်ကြည့်ရှုပေးပါဦးနော် Quality : WEB-DL 1080p, 720p Total Episodes : 24 Format : mp4 Genres : Thriller, Mystery Runtime : 45 min Subtitle : Myanmar Subtitle ( Hardsub ) Translated by CM Team Reviewed By Minnie Encoded by LK

ဒီတစ်ခါမှာတော့ Song Wei Long နဲ့ Vicky Chen တို့ပါဝင်ထားတဲ့ Sci-Fi, Thriller ဇာတ်လမ်းကောင်းလေးကို တင်ဆက်ပေးလိုက်ပါတယ်။ နည်းပညာတိုးတက်လာနဲ့အမျှ လူသားနဲ့အနီးစပ်ဆုံးတူတဲ့ စက်ရုပ်တွေကိုဖန်တီးထုတ်လုပ်နိုင်လာကြပါတယ်။ "လူတစ်ပိုင်း" လို့အမည်ပေးထားတဲ့ ဒီစက်ရုပ်တွေဟာ လူသားတွေထက်ပိုပြီးအစွမ်းထက်လာကြပါတယ်။ သူတို့ကိုကနဦးထည့်သွင်းထားတဲ့ပရိုဂရမ်အပေါ်မူတည်ပြီး အလုပ်လုပ်တာကြောင့် သူတို့ဟာသစ္စာရှိတဲ့ဝန်ထမ်းကောင်း၊ လိမ္မာတဲ့သားသမီး စသဖြင့် လူသားတွေရဲ့စိတ်ဖြေရာအ​ဖြစ် ကမ္ဘာတစ်ဝှမ်းကျယ်ပြန့်စွာသုံးစွဲလာကြပါတယ်။ အကျိုးအပြစ်ဒွန်တွဲနေတယ်ဆိုသလိုပဲ လူတစ်ပိုင်းတွေဟာလူသားတွေရဲ့ အန္တရာယ်အ​ဖြစ်ခြိမ်းခြောက်မှုတစ်ခုဖြစ်လာတဲ့အခါ နိုင်ငံတကာစုဝေးပြီး လူတစ်ပိုင်းတွေကိုထုတ်လုပ်ဖြန့်ဖြူးမှုကိုရပ်တန့်ဖို့၊ ပျံ့နှံ့နေတဲ့လူတစ်ပိုင်းတွေကိုပြန်လည်ခေါ်ဆောင်ထိန်းချုပ်ဖို့ လုပ်ဆောင်ပါတော့တယ်။ ထိန်းချုပ်ဖို့ဌာနတစ်ခုကိုလည်းဖွဲ့စည်းခဲ့ကြပါတယ်။ ဒါပေမဲ့လဲလူသားနဲ့လူတစ်ပိုင်းတွေကိုခွဲခြားဖို့ကအလွန်ခက်ခဲတာကြောင့် အလုပ်မတွင်ဖြစ်ခဲ့ရပြီး နှစ်ပေါင်းများစွာကြာတဲ့အထိ လူတစ်ပိုင်းတွေဟာလူသားတွေကြားမှာရောနှောတည်ရှိနေဆဲဖြစ်ပါတယ်။ အဲ့ဒီလူတစ်ပိုင်းတွေဟာအငြိမ်မနေဘဲ လူသားတွေကိုအန္တရာယ်ပေးပြီးပြစ်မှုတွေ ကျူးလွန်လာခဲ့အခါ... အဲ့ဒီ လူတစ်ပိုင်းစက်ရုပ်ပြဿနာကိုဘယ်လိုဖြေရှင်းလေမလဲ။ ပြစ်မှုတွေရဲ့တရားခံကရော တကယ်ပဲလူတစ်ပိုင်းတွေလား။ ထူးဆန်းထွေလာစုံထောက်ဇာတ်လမ်းများကိုကြိုက်တတ်တဲ့ပရိသတ်ကြီးအတွက် နောက်ထပ်အကြိုက်တွေ့စရာဇာတ်လမ်းကောင်းတစ်ခု ဖြစ်လာ ဦးမှာမို့ စောင့်မျှော်ကြည့်ရှုလိုက်ကြပါဦး။ Quality : WEB-DL 1080p , 720p Total Episodes : 12 Format : mp4 Genres : Drama , Crime , Mystery , Sci-Fi & Fantasy Runtime : 1h 10 min Subtitle : Myanmar Subtitle ( Hardsub ) Translated by CM Team Reviewed By Yin Wai Phyo Encoded by LK

ဟဲလို ဒီတစ်ခေါက် CM မှာတင်ဆက်ချင်တဲ့ကားလေးကတော့Xu Kai နဲ့ yang mi နာမည်ကြီး မင်းသား မင်းသမီးပါဝင်သရုပ်ထားတဲ့ ဇာတ်ကားလေးဖြစ်ပါတယ် ရှေ့နေ့ချင်းစစ်ဟာ အလုပ်မှာပဲစိတ်၀င်စားသူတစ်ဦးဖြစ်ပြီးသူ့မိဘနှစ်ပါးက သူ့ကို အတင်းအိမ်ထောင်ပြုခိုင်းတယ်။ထိပ်တန်း ရှေနေ့ကုမ္ပဏီဖြစ်တဲ့ Chen And Hui ဟာအိမ်တွင်းရေးကိစ္စမှာ နိုင်နင်းတဲ့ ရှေ့နေတစ်ယောက်ကိုအလုပ်ခန့်ချင်တယ်။ သူ့သတ်မှတ်ချက်က‌တော့အလုပ်လျှောက်သူဟာ အိမ်ထောင်ပြုပြီးသားသူ ဖြစ်ရမယ် ။ချင်းဝိန်းက ချင်းစစ်ရဲ့ အလုပ်လျှောက်လွှာမှာmarriage status မှာ သူခွင့်ပြုချက် မရှိဘဲအိမ်ထောင်ပြုပြီးသူ အဖြစ် တိတ်တခိုးပြင်ရေးခဲ့တယ်။ချင်းစစ်မှာ ဘာမသိလိုက်ရဘဲ အလုပ်ခန့်အပ်ခြင်းခံရတယ် ။ ချင်းစစ်က အလွန်ထက်မြတ်သောကြောင့်လုပ်ငန်းရှင် လောင်ကျင်းရဲ့ အသိမှတ်ပြုတာခံရပြီးသူ့ကို အမျိုးသမီးလုပ်ငန်းရှင် အသင်းအဖွဲရဲ့ ရှေ့နေအကြံပေးအဖြစ် ထောက်ခံချက်ပေးတဲ့အခါဘယ်လိုတွေဆက်ဖြစ်နိုင်မလဲထိုစဉ် သူ၏ ခင်ပွန်းလောင်းအဖြစ်ရုတ်တရက် ပေါ်ထွက်လာတဲ့ ရန်ဟွာကရောဘယ်လိုမျိုးချင်းစစ်ဆီ အကူညီတောင်းမလဲ ....အိမ်ထောင်မပြုချင်တဲ့ နှစ်ယောက်ကြားမှာဘယ်လို သံယောဇဉ်တွေ ညှိနိုင်မလဲအဲ့အချိန်မှာ ချင်းစစ်ရည်စားဟောင်းဖြစ်သူမှာလည်းရှေ့နေကုမ္ပဏီသို ဝင်ရောက်လာတဲ့အခါမှာဘာ‌တွေဆက်ဖြစ်နိုင်မလဲ သူတိုသုံးယောက်ကြားကရှုပ်ထွေးမယ့် အချစ်ဇာတ်လမ်းကိုစိတ်၀င်တစား ကြည့်ရှုနိုင်ရန် CM မှတင်ဆက်လိုက်ပါသည်။ (အညွှန်းရေးသားထားသူကတော့ Mei Mei ဖြစ်ပါတယ်) Quality : WEB-DL 1080p Total Episodes : 40 Format : mp4 Genres : Friendship, Romance, Family Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဟွမ်ချွဲ့မြို့ရဲ့ အဓိကတံတားဖြစ်တဲ့ ကျုံးနမ်တံတား ပြိုကျသွားတဲ့အခါ တံတားအတွင်းကနေ လူသေအရိုးစုတစ်ခု တွေ့လာရပါတယ်။ သေဆုံးသူက တက္ကသိုလ်ကျောင်းသူ ဝမ်ရှောင်းယွီရဲ့ဖခင် ဝမ်လျောင့်ဖြစ်နေတယ်။ အဖေ့သေဆုံးမှုရဲ့ အမှန်တရားကို ရှာဖွေနေတဲ့ ဝမ်ရှောင်းယွီဟာ မျက်မြင်သက်သေဖြစ်သူ စက်ပြင်သမား မုန့်ချောင်းရဲ့ အကူအညီနဲ့ ဒီသေဆုံးမှုဟာ သွေးရိုးသားရိုးမဟုတ်ကြောင်း သိလာရပါတယ်။ နှစ်ယောက်သား ဖုံးကွယ်နေတဲ့ သဲလွန်စတွေကို တစ်စချင်း လိုက်ရှာကြရင်း ဝမ်ရှောင်းယွီရဲ့ မွေးစားအဖေ ကျူးဖန်းကျန့်က လူသတ်သမားဖြစ်နိုင်တယ်ဆိုတဲ့ အချက်ကို တွေ့လာကြတယ်။ ဒါပေမယ့် တကယ့်လူသတ်သမားက သူတို့ထင်ထားတဲ့သူပဲလား၊ နောက်ကွယ်မှာ ဘာတွေရှိနေသေးလဲဆိုတာတော့ ဆက်ရှာရဦးမှာပါ။ မုန့်ချောင်းအဖြစ် TFBOYS အဖွဲ့ခေါင်းဆောင် ဝမ်ကျွင့်ခိုင်နဲ့ ဝမ်ရှောင်းယွီအဖြစ် မာစစ်းချွမ်တို့ ပါဝင်သရုပ်ဆောင်ထားပါတယ်။

လော့ကျီဟာ စာတော်ပြီး ထူးချွန်တဲ့ အထက်တန်းကျောင်းသူတစ်ယောက်ပါ။ သူက ရှန့်ဟွိုင်နန်ဆိုတဲ့ ကောင်လေးကို တစ်ဖက်သတ်ချစ်နေခဲ့ပေမယ့် ကောင်လေးကတော့ ဘာမှမသိခဲ့ပါဘူး။ လော့ကျီရေးခဲ့တဲ့ ဒိုင်ယာရီတစ်အုပ်လုံးမှာလည်း အဲဒီကောင်လေးအကြောင်းတွေပဲ ပြည့်နေခဲ့တယ်။ အထက်တန်းပြီးတဲ့နောက် သူတို့နှစ်ယောက် တက္ကသိုလ်တစ်ခုတည်းမှာ တက်နေကြတာကို လော့ကျီ သိလိုက်ရပါတယ်။ မထင်မှတ်ဘဲ ပြန်ဆုံပြီး ရင်းနှီးလာကြပေမယ့် ရင်ထဲကအချစ်ကိုတော့ ဖွင့်မပြောရဲသေးဘူး။ ကြီးပြင်းလာတာနဲ့အမျှ ဘဝရဲ့ဖိအားတွေကလည်း သူတို့ကို စောင့်နေပါတယ်။ လော့ကျီအတွက်တော့ တစ်ဖက်သတ်အချစ်ဟာ ထိန်းသိမ်းဖို့လည်း လွယ်သလို ပျက်စီးသွားဖို့လည်း လွယ်တဲ့အရာပါ။ သူ့စကားထဲမှာ ရှန့်ဟွိုင်နန်နဲ့ အရင်အချိန်တွေကို မေ့နိုင်ဖို့ ကိုယ့်ကိုယ်ကိုယ် အလုပ်တွေနဲ့ မအားအောင်ထားခဲ့ရတယ်လို့ ဆိုထားတယ်။ ရှန့်ဟွိုင်နန်ကလည်း နှစ်ယောက်အတူ နှစ်သက်ခဲ့တဲ့ မိုးရာသီဟာ သူ့အတွက် ခက်ခဲတဲ့နေ့ရက်တွေ ဖြစ်သွားခဲ့တယ်လို့ ပြောထားပါတယ်။ သူတို့ရဲ့အချစ်က ဘဝဖိအားတွေကြားမှာ ဘယ်လိုဆက်ဖြစ်သွားမလဲ။

Wuhanဆိုတဲ့ အမည်ကိုကြားလိုက်တာနဲ့ ကျွန်​တော်တို့ရဲ့အ​တွေးထဲမှာ ​နေရာတစ်ခုကိုတန်းပြီး ​ပြေးမြင်မိမှာပါ၊ ဟုတ်ပါတယ် ..... တစ်ကမ္ဘာလုံးက လူသန်း​ပေါင်းများစွာကို ဒုက္ခ​​ပေးခဲ့၊ ​ပေးဆဲဖြစ်တဲ့ Covid 19လို့​​ခေါ်တဲ့ ကမ္ဘာ့ကပ်​ရောဂါဆိုးကြီး စတင်​ပေါ်​ပေါက်ခဲ့တဲ့​နေရာပါ၊ ဒီရုပ်ရှင်က​တော့ Wuhan မြို့မှာ Corona virusစတင်​တွေ့ရှိချိန်ကစပြီး ရိုက်ကူးထားတဲ့ ရုပ်ရှင်မျိုးပါ၊ ရုပ်ရှင်လို့လည်း ဆိုနိုင်သလို Real footage ​တွေပါ ပြန်သုံးထားတဲ့အတွက် Documentary လို့​​လည်း သတ်မှတ်လို့ရနိုင်ပါတယ် ဒီရုပ်ရှင်ထဲမှာ ဒီ Virusက ဘယ်​လောက်ထိ​ကြောက်ဖို့​ကောင်းလဲ ​ရောဂါအ​ကြောင်း ဂဃနဏမသိ​သေးတဲ့ စမ်းတဝါးဝါးအချိန်မှာကတည်းက ဘယ်​လောက်ထိ ဒုက္ခ​ပေးနိုင်လဲဆိုတာ ကိုယ်တိုင်တကယ်ကြုံ​နေရသလို ခံစားရမယ်၊ ဇာတ်​ကောင်​တွေနဲ့အတူ စီး​မြောပြီး ရင်​​မောရပါမယ် ပြီး​တော့ ဆရာဝန်​တွေရဲ့ကျင့်ဝတ်နဲ့ ကိုယ်ကျိုးယှဉ်လာတဲ့အချိန်မှာ ဘယ်​လောက်ထိ ​ဝေခွဲရခက်တယ်၊ ​ရွေးရခက်တယ်ဆိုတာ မြင်နိုင်တယ်၊ အပြင်လူ​တွေသိဖို့ခက်တဲ့ ဆရာဝန်​တွေရဲ့ဘဝကို​​တွေ့ရမယ်၊ လူနာအသက်ကိုကယ်ဖို့ဆိုရင် ဘာမဆိုလုပ်ရလုပ်ရဆိုတဲ့ သမားဂုဏ်ကိုလည်း ​ပေါ်လွင်​အောင် ရိုက်ကူးပြထားတယ် Covidအ​ကြောင်းပဲလား၊ ဆရာဝန်​တွေရဲ့ရှု​ထောင့်ပဲလားဆိုရင် မဟုတ်ပြန်ပါဘူး၊ လူနာ​တွေရဲ့ ဘဝ​တွေ၊ မိသားစု​တွေရဲ့ ဇာတ်​ကြောင်း​တွေ၊ Panicဖြစ်လာချိန်မှာ အမြဲကြုံရတဲ့ လူ့သ​ဘောလူ့မ​နော​တွေကိုလည်း မလွတ်​စေရ​အောင်ရိုက်ကူးထားပြန်ပါတယ် ဒါ့အပြင် ရုပ်ရှင်တစ်ကားလုံးဟာ အ​ရေး​ပေါ်အ​ခြေအ​နေမှာ Covid 19ဆိုတဲ့ ​ရောဂါကြီးကို နဖူး​တွေ့ဒူး​တွေ့စမြင်ဖူးတဲ့အချိန်ကို ရိုက်ကူးထားတာဖြစ်လို့ Caseတိုင်းနီးပါးက အ​ရေး​ပေါ်အသက်ကယ်ရတဲ့ အ​ခြေအ​နေ​တွေချည်းပါပဲ၊ ဒီလိုCaseမျိုး​တွေမှာ ဘာလက္ခဏာ​တွေ​ပေါ်တတ်လဲ၊ ဘယ်လိုအသက်ကယ်နည်း​တွေသုံးတယ်၊ ဘယ်လို​ဆေး​တွေသုံးတယ်ဆိုတာကအစ တကယ့်အပြင်က အသက်ကယ်​ဆေးကုသနည်း​တွေကိုပါ ရှင်းရှင်းလင်းလင်းသ​ဘော​​ပေါက်​အောင်လည်း ရိုက်ပြထားပါတယ် ဇာတ်​​ကောင်တိုင်းဟာ အဓိက​ဇာတ်​ဆောင်ဖြစ်​နေတဲ့ ရုပ်ရှင်ဆိုတာ အရမ်းရှားပါတယ်၊ ဒီကားမှာက​တော့ ဆရာဝန်​တွေဟာလည်း ​ခေါင်း​​ဆောင်​မင်းသား၊ မင်းသမီး​တွေဖြစ်သလို လူနာ​တွေဟာလည်း ​ခေါင်း​ဆောင်​တွေပါပဲ၊ ဘယ်ရှု​ထောင့်ကပဲ ကြည့်ကြည့် ဇာတ်ကားထဲကလူတိုင်းက အ​ရေးပါအ​ရာ​​ရောက်​နေတဲ့သူ​တွေချည်းပါပဲ၊ သူတို့​တွေ​ပျော်တဲ့အချိန်ဆို ကိုယ်ပါဝင်​ပျော်မိသလို ဝမ်းနည်းပူ​​ဆွေးရတဲ့အခန်းဆိုရင် ကိုယ်တိုင်ဖြစ်​နေသလို လိုက်ပါခံစားရပြန်ပါတယ် တချို့ရုပ်ရှင်ကား​တွေက ရသပီပြင်​​အောင်ညွှန်းရတာခက်ပါတယ်၊ ကိုယ်တိုင်ခံစားကြည့်မှ ချိုချဉ်ငန်စပ်ခါး ရသာစုံကို ​တွေ့ရမှာပါ၊ ဒီရုပ်ရှင်ဟာလည်း ဒီလိုပါပဲ၊ Documentaryပုံစံ ဇာတ်ကားဖြစ်​ပေမယ့် ကြည့်ရှုသူနဲ့ စိတ်ခံစားချက်အ​ပေါ်လိုက်ပြီး ဗဟုသုတရနိုင်တဲ့ ဇာတ်ကားလည်းဖြစ်နိုင်သလို ရသအပြည့်အဝ​ပေးစွမ်းနိုင်တဲ့ ဇာတ်ကားလည်း ဖြစ်သွားနိုင်ပါတယ်၊ ကြည့်ရှုတဲ့ ရှု​ထောင့်​ပေါ်မူတည်ပြီး ဝိဝါဒကွဲလွဲသွားနိုင်ပါတယ်၊ ဒါ​ပေမယ့် ​သေချာတာတစ်ခုက ဘယ်လိုရှု​ထောင့်နဲ့ပဲ ကြည့်ကြည့် ဒီရုပ်ရှင်ကားက အချိန်၂နာရီ ​ပေးရကျိုးနပ်​စေမယ့်၊ ကြည့်မိလို့ ​​နောင်တလုံးဝမရ​စေမယ့် ဇာတ်ကားဆိုတာကို​တော့ ​သေချာ​ပေါက်ညွှန်းဆိုနိုင်ပါတယ် ဘာသာပြန် နဲ့ အညွှန်းကတော့ JimX ပဲ ဖြစ်ပါတယ်။ Quality….WEB-DL 1080p and 720p and 480p File size…1.76GB and 1.1GB and 539MB Format…mp4 Duration….2h 9min Subtitle….Myanmar Subtitle (Hardsub) Translator ..... JimX Encoder .....August

ဝေ့ဟယ်ခရိုင်၊ ကျောက်ကျားရွာ ပြန်လည်တည်ဆောက်ရေးအတွက် အဆောက်အအုံတွေ ဖျိုဖျက်နေတုန်း မတော်တဆမှုတစ်ခု ဖြစ်ပွားခဲ့ပါတယ်။ အဲဒီဖြစ်ရပ်ကြောင့် ခရိုင်ဘက်က ရာဇဝတ်မှုနှိမ်နင်းရေး ရဲတပ်ဖွဲ့ကို စေလွှတ်ပြီး ဒေသတွင်း စစ်ဆေးမှုတွေ လုပ်ခိုင်းလိုက်တယ်။ အဖွဲ့ခေါင်းဆောင် စုန့်ရီးရွေ့ရဲ့ ညွှန်ကြားမှုနဲ့ ရွာမှာ မျက်နှာကြီးတဲ့ သားအဖနှစ်ယောက်ကို အမှုနဲ့ပတ်သက်ပြီး စစ်ဆေးကြပါတယ်။ စုံစမ်းရင်း စီမံကိန်းစီစဉ်ရေးခေါင်းဆောင် ချီဖေးယွီကိုပါ စစ်ဆေးလာခဲ့ပေမယ့် အမှုပေါ်ခါနီးမှာ သူက ကိုယ့်ကိုယ်ကိုယ် သတ်သေသွားတယ်။ စုံစမ်းရေးအဖွဲ့လည်း အကြိမ်ကြိမ် ခြိမ်းခြောက်ခံရပေမယ့် လက်မလျှော့ဘဲ နောက်ကွယ်က ကြိုးကိုင်သူတွေကို တစ်စချင်း လိုက်ရှာနေပါတယ်။ အန္တရာယ်တွေကြားကနေ အဖြစ်မှန်ကို ဖော်ထုတ်နိုင်ပါ့မလား၊ ဒေသခံတွေ မျှော်လင့်ထားတာကိုရော ဖြည့်ဆည်းပေးနိုင်ပါ့မလား။

The Phantom Lover (1995) ~ IMDb - 6.6/10, Rotten Tomatoes - 60% ~ လတ်စလီချောင်ရဲ့ သမိုင်းတစ်လျှောက်က အရမ်းမခမ်းနားရင်တောင် လတ်စလီချောင်ကားမို့ အလိုလိုခမ်းနားသွားတဲ့ ရုပ်ရှင်တွေထဲကတစ်ကားပေါ့။ ဒါပေမဲ့ The Phantom Lover က တကယ်ဆို တော်တော်ခမ်းနားတဲ့ ကလပ်စစ်ကားဖြစ်သွားသင့်တာကို မဖြစ်သွားခဲ့တာဆိုတော့ နှမြောစရာတော့ကောင်းတယ်။ ဘာလို့ဆို The Phantom Lover ဟာ နာမည်ကျော် The Phantom of the Opera ဝတ္တုကိုပဲ မှီးပြီးရိုက်ခဲ့တာမို့ပါပဲ။ အင်္ဂလိပ်ကားတွေလည်း တစ်သီတစ်သန်းကြီး ထွက်ခဲ့ဖူးတဲ့ ဝတ္တုပေါ့။ The Phantom Lover ဟာတော့ ဒါရိုက်တာလည်းကောင်း သရုပ်ဆောင်တွေလည်းကောင်းပေမဲ့ သရုပ်ဆောင်နှစ်ယောက်ကြားက Chemistry က ပေါ်သင့်သလောက်မပေါ်သွားတာကြောင့် ကလပ်စစ်တန်းဝင်ကားတော့ မဖြစ်သွားခဲ့ဘူး။ ဒီလိုဆိုလို့ ဒါရိုက်တာမကောင်းလို့လားဆိုတော့ မဟုတ်ပြန်ဘူး။ The Phantom Loverရဲ့ ဒါရိုက်တာ Ronny Yu ဟာ ဟီးရိုးပြီးရင် ဂျက်လီရဲ့ ဒုတိယအကောင်းဆုံးကားလို့ ပုဂ္ဂလိက အမြင်အရ ကျွန်တော်သတ်မှတ်ထားတဲ့ Fearless ကို ရိုက်ခဲ့တဲ့ ဒါရိုက်တာလည်းဟုတ်သလို ကမ္ဘာသိ အများကြိုက်ကြတဲ့ Freddy vs. Jason ကို ရိုက်ခဲ့တဲ့သူလည်း ဟုတ်တယ်။ နောက် ဒီကားမှာ လတ်စလီချောင်အပြင် ကျွန်တော်သဘောကျတာက ဂျက်ကလင်းဝူ။ ဂျက်ကလင်းဝူဟာ A Moment of Romance ထဲ အချစ်ကလွဲ ဘာမှမမြင်တဲ့ ချစ်စရာကောင်မလေးအဖြစ် သရုပ်ဆောင်တဲ့နေရာမှာ အတုမရှိအောင် ပြောင်မြောက်ခဲ့သလို ဒီရုပ်ရှင်ထဲက အချစ်ကို ဘဝတစ်ခုလုံးနဲ့ ရင်းခဲ့တဲ့ဇာတ်ကောင်နေရာမှာလည်း အံဝင်ခွင်ကျဖြစ်နေတယ်။ ဒါရိုက်တာဘက်ကလိုနေရင်တောင် သရုပ်ဆောင်တွေ မျက်နှာထောက်ပြီး ကြည့်တော့ကြည့်သင့်တဲ့ရုပ်ရှင်လို့ပြောရမှာပဲ။ ဟောင်ကောင်ပရိသတ်တွေတော့ ကျွန်တော့်လိုပဲ လတ်စလီချောင်နဲ့ ဂျက်ကလင်းဝူနဲ့တင် သဘောကျကြမှာပဲ။ The Phantom of the Opera ကို မှီးထားတယ်ဆိုပေမဲ့လည်း ဒီရုပ်ရှင်ထဲက ကာရိုက်တာကတော့ တကယ်ရှိခဲ့တဲ့ တရုတ်အော်ပရာသမား ထန်ချောင်ကိုလည်း မှီငြမ်းထားသေးတယ်။ ရိုမီရို ဂျူးလိယက်ဇာတ်ကိုသုံးပြီးလည်း ဇာတ်ကို ပိုကြွအောင်လုပ်ထားသေးတယ်။ ဇာတ်လမ်းကတော့ ၁၉၄၀ဝန်းကျင် တရုတ်ပြည်က နာမည်ကျော် အော်ပရာသမားတစ်ယောက်ရယ် သူချစ်တဲ့ မြို့မျက်နှာဖုံးသူဌေးသမီးရယ်။ တားမြစ်ထားတဲ့အချစ်ကို ဖန်တီးမိတဲ့သူတို့၂ယောက်ကို ခွဲကြမယ့်သူတွေရယ်ကြားက ဇာတ်ပေါ့။ ကြမ္မာဆိုးတွေ ဝိုင်းရံခြင်းခံရတဲ့ ချစ်ခြင်းတစ်ခုအကြောင်းဆိုလည်း မမှားဘူး။ ထူးတာကတော့ ဒါရိုက်တာက အတိတ်နဲ့ လက်ရှိမှာ လက်ရှိကို မှုန်မှုန်မှိုင်းမှိုင်းပြပြီး အတိတ်ကိုကြည်ကြည်လင်လင်ပြသွားတယ်။ မြင်နေကျစတိုင်တော့မဟုတ်ပေမဲ့ ဒီရုပ်ရှင်ရဲ့ပစ္စုပ္ပန်က မှုန်မှိုင်းနေပြီး လှပခဲ့တဲ့ အချိန်တွေက အတိတ်မှာပဲကျန်နေတာဆိုတော့ ဒီလိုပဲဖြစ်သင့်တယ်လို့ ပြောရမှာပဲ။ ဘာနေနေပါ ဂျက်ကလင်းကို ချစ်မိဖူးတဲ့လူတွေ၊ ဟောင်ကောင် ဂန္ထဝင်တစ်ပါးဖြစ်တဲ့ လတ်စလီချောင်ရဲ့ ကြွင်းရစ်တဲ့ ဖန်တီးမှုတွေကို ချစ်တဲ့လူတွေအတွက် ဒီကားဟာ အရမ်းကြီးမကောင်းတောင် ကောင်းနေပါလိမ့်မယ်။ ဒီရုပ်ရှင်ရဲ့ Theme song ကိုလည်း လတ်စလီချောင်ကိုယ်တိုင်သီဆိုခဲ့ပြီး သူ့အယ်လ်ဘမ်မှာ ပြန်ထည့်ခဲ့ဖူးပါတယ်။ ဒီရုပ်ရှင်ဟာလည်း လတ်စလီကို လွမ်းဆွတ်တဲ့ နောက်ထပ်ရုပ်ရှင်တစ်ကားပဲပေါ့။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.2GB, 865MB Quality - 1080p, 720p IMDb Rating - 6.6/10 Format - mp4 Duration - 1H 40Min Genre - Drama, Music, Romace Subtitle - Myanmar Subtitle (Hardsub) Translated by WiRa Aung Encoded by Y