Lo Hung ပါဝင်သော ဇာတ်ကားများ

The Peeping Tom (1997) မိန်းမတွေရဲ့ သွယ်လျလှပတဲ့ခြေထောက်တွေကိုပဲ အရူးအမူးတန်းတန်းစွဲနေတဲ့ စိတ္တဇနှာဘူးဆိုက်ကိုတစ်ယောက်... ကောင်မလေးတွေကို ပြန်ပေးဆွဲ မဒိန်းကျင့်ပြီးခါမှ ခြေထောက်လှလှလေးတွေကို ပေါင်ရင်းကနေစ ဖြတ်ပစ်ပြီးသတ်တဲ့ သူ့ရဲ့ကွင်းဆက်လူသတ်မှုကြောင့် ဟောင်ကောင်မြို့တစ်ခုလုံးက ကောင်မလေးတွေ အတိုအပြတ်မဝတ်ရဲတဲ့အထိ ထိတ်လန့်ကြောက်ရွံ့နေရတဲ့ ကပ်ဘေးတစ်ခုလို ဖြစ်နေခဲ့တယ် တနေ့ သေနတ်ချင်းယှဉ်ပစ်နေတဲ့ လမ်းမပေါ်က စစ်ဆေးရေးမှူးစုံထောက်မလေး ချန်ဆူအန်ကိုတွေ့မိခဲ့ရင်းက လူသတ်သမားက ဆူအန်ကို သူဖမ်းနေကြကောင်မလေးတွေနဲ့မတူ တမူသဘောကျမိသွားပြီး လူသတ်သမားနဲ့ စုံထောက်ရဲမေတို့ကြားက ပဋိပက္ခတွေကို သည်းထိတ်ရင်ဖို ခပ်ကြမ်းကြမ်းလေး ခပ်ထန်ထန် ကြည့်ရှုရမှာပါ။ ဆိုက်ကိုလူသတ်ကားနဲ့ အက်ရှင်ကြိုက်သူတို့အဖို့တော့ ကြည့်ရှုသင့်တဲ့ ၁၉ရာစုရဲ့လက်ရာ တရုတ်ရုပ်ရှင်ကားတစ်ခုပါ။ Mature Rated NC-17 ကြမ်းတာမို့ အသက် ၁၇နှစ်နှင့်အောက် မကြည့်ရနှင့် ပြည့်ပြီးသူများဖြစ်ရင်တောင် နှလုံးရောဂါ ရှိသူများ ကြည့်ရန်မသင့်တော်ပါ။ ( အညွှန်းရေးသားထားသူကတော့ Hay Mann Thitsar ပါ ) Quality__720p IMDb Rating__5.9/10 Format__mp4 Duration__01:30:00 Type__Crime , Thriller Subtitle__Myanmar Subtitle (Hardsub) Translated by Hay Mann Thitsar Encoded by Naing Aung Latt

ဒီကားလေးကတော့ ဂျက်လီရဲ့ ကားလေးတွေထဲက တစ်ကားဖြစ်ပြီးတော့ ပရိတ်သတ်ကြီးတို့သိတဲ့အတိုင်းပဲ comedy ဆန်ဆန်လေးနဲ့ သိုင်းချတာတွေကိုပါ ရောပြီးပါဝင်ရိုက်ကူးထားတဲ့ ဇာတ်ကားလေးပဲဖြစ်ပါတယ်ဗျ။ ဇာတ်အိမ်လေးကတော့ မင်းသားကြီးဂျက်လီဟာ စစ်တပ်ရဲ့ဗုံးတွေတပ်ဆင်ရေးဌာနမှာ အလုပ်လုပ်နေတဲ့ဗိုလ်ကြီး ကစ်ထ်လီ ဖြစ်ပါတယ်။ တနေ့မှာ သူ့မိန်းမ(ဆရာမ)နဲ့သားလေးဟာ မူကြိုမှာကစားနေတုန်း အကြမ်းဖက်လူတစ်စုဟာ ကလေးတွေကိုဖမ်း ကားပေါ်တင်ပြီး ချိန်ကိုက်ဗုံးတပ်ဆင်ထားပါတော့တယ်။ ကစ်ထ်လီဟာ သူ့အဖွဲ့သားတွေနဲ့အချိန်မီလာနိုင်ခဲ့ပေမဲ့ ဗုံးကိုဖြေရှင်းခဲ့ရာမှာ မှားယွင်းခဲ့ပြီး မိန်းမရော၊သားလေးကိုပါ ဆုံးရှုံးလိုက်ရပါတယ်။ ဒီလိုနဲ့သူဟာ တပ်ကထွက်ပြီး ၂ နှစ်အကြာမှာတော့ ကွန်ဖူးသိုင်းကားတွေရိုက်တဲ့ ဖရန်ကီရဲ့ ကိုယ်စောင့်လူရံတော်အဖြစ်အလုပ်လုပ်နေပါတော့တယ်။ တစ်နေ့မှာ ဖရန်ကီဟာ ဂရန်ဒီဟိုတယ်ဖွင့်ပွဲအခမ်းအနားရဲ့ ရတနာပြပွဲကို ဖိတ်ခေါ်ခံခဲ့ရပြီး ကစ်ထ်လီပါလိုက်ပါသွားခဲ့တယ်။ မထင်မှတ်ထားမိလိုက်တာက ကစ်ထ်လီရဲ့မိသားစုကို သတ်သွားခဲ့တဲ့ အဲ့ဒီအကြမ်းဖက်လူစုဟာ ဒီရတနာပြပွဲရဲ့ ရတနာတွေကိုခိုးယူဖိုကြံနေပါတော့တယ်။ ဒီလိုရှုပ်ထွေးနေတဲ့ ကလဲ့စားချေမှုတွေနဲ့ သန်မာလွန်းတဲ့ရန်သူအကြမ်းဖက်သမားတွေကို ကစ်ထ်လီဟာ ဘယ်လိုပြန်ပြီး လက်စားချေသွားမလဲဆိုတာ အားလုံးပဲကြည့်ရှုလိုက်ကြရအောင်။ File size…(2.3 GB)/(1.4 GB) Quality….Blu-Ray 1080p / 720p Format… mp4 Duration…. 01:41:00 Genre... Action, Comedy, Crime, Thriller Subtitle….Myanmar Subtitle (Hardsub)

1995 ခုနှစ်ကထွက်ရှိခဲ့ပြီး သေးထွက်မတတ်ရီ ရမဲ့ ဟာသမင်းသားကြီး စတီဗင် ချောင် ရဲ့ ဟာသကား တစ်ကားကိုတင်ဆက်ပေးလိုက်ပါတယ် ဇာတ်လမ်းလေးက တော့ မစ္စတာလီ နဲ့ သူ့ဇနီးတို့ဟာ တိုက်ခန်းအသစ်ငှားပြီးပြောင်းရွေ့ နေထိုင်ကြပါတယ်ဒါပေမဲ့ ကံဆိုးတာတစ်ခုက တိုက်ခန်းမှာ အဖွားကြီး ဟာသေဆုံးထားပြီး သူသေဆုံးမှုကို မကျေနပ်နိုင်ပဲ လိုက်လံ အပြစ်တင်နေပါတော့တယ် မစ္စတာလီ တို့ လင်မယားကို ဂျင်းထည့်ခံခဲ့ရပြီး အဖွားကြီးရဲ့ ခြောက်လန့် မှုကြောင့် မစ္စတာလီတို့ လင်မယားဟာ သည်းညည်းမခံနိုင်တော့ပဲ တိုက်ခန်းက လုံခြုံရေး နဲ့ ပူးပေါင်းပြီး ဒီပုံမှန်မဟုတ်တဲ့ဖြစ်စဉ်တွေကို ဖော်ထုတ်ဖို့ လုပ်ဆောင်ပါတော့တယ် ဒါပေမဲ့ အရင်က တိုက်ခန်းမှာ စိတ်နောက်နေတဲ့ ကောင်မလေး ကို ကုသပေးဖူးတဲ့ စိတ်ကျန်းမာရေး ဆရာဝန် တစ်ဖြစ်လဲ စတီဗင်ချောင်ပါ ပါဝင်ပတ်သက်လာတဲ့အခါမှာတော့ ကဲ ဘယ်လို သောက်ပေါက်ကရတွေ များလုပ်မလဲဆိုတာကိုတော့ တဝကြီး ကြည့်လိုက်ကြပါတော့ဗျာ :P ဘာသာပြန်ကတော့ ကိုကွန်ပိုက်ပါဗျ..

ရှီစီဟာ အစက သာမန်မိန်းကလေးတစ်ယောက်ပါ။ အဲဒီဘဝကနေ ရက်စက်ပြီး ဘယ်သူ့ကိုမှ မငဲ့ညှာတဲ့ ဧကရီမကြီး ဖြစ်လာပုံကို Lover of the Last Empress မှာ ရိုက်ပြထားပါတယ်။ မနူးမနပ်ဘဝကနေ မင်းကြီးကို စွဲလမ်းစေဖို့ လိင်မှုရေးရာတွေ သင်ယူခဲ့ပုံကိုလည်း တွဲဖော်ပြထားတာကြောင့် အရွယ်ရောက်သူတွေအတွက် ရည်ရွယ်တဲ့ Category III ရုပ်ရှင်ဖြစ်ပါတယ်။ အဓိကသရုပ်ဆောင် Chingmy Yau ဟာ ၁၉၈၀ နှောင်းပိုင်းနဲ့ ၁၉၉၀ ကာလ ဟောင်ကောင်ရုပ်ရှင်လောကမှာ နာမည်ရခဲ့တဲ့ မင်းသမီးတစ်ယောက်ပါ။ ချောင်ယွန်ဖတ်ရဲ့ God of Gamblers Returns၊ စတီဖင်ချောင်ရဲ့ Lawyer Lawyer နဲ့ Royal Tramp နှစ်ကား၊ ဂျက်ကီချမ်းရဲ့ City Hunter၊ ဂျက်လီရဲ့ Kung Fu Cult Master၊ အန်ဒီလောင်ရဲ့ Casino Tycoon နဲ့ အာရွန်ကော့ရဲ့ Legend of the Liquid Sword တို့မှာ ပါဝင်ခဲ့ဖူးပါတယ်။ Naked Killer အပါအဝင် Category III ရုပ်ရှင်တွေမှာလည်း သရုပ်ဆောင်ခဲ့ပါတယ်။ ဒီကားကို Infernal Affairs ရဲ့ ဒါရိုက်တာတွေထဲက တစ်ယောက်ဖြစ်တဲ့ Andrew Lau က ရိုက်ကူးပြီး ဝမ်ကျင်းက ဇာတ်လမ်းရေးထားပါတယ်။ ဝမ်ကျင်းဟာ စတီဖင်ချောင်ရဲ့ ရုပ်ရှင်အတော်များများကို ရိုက်ကူးခဲ့သလို အတူလည်း သရုပ်ဆောင်ခဲ့ဖူးသူပါ။ Chingmy Yau နဲ့အတူ တိုနီလျောင်ခဖိုင်၊ Shanghai Noon မှာ ပါဝင်ဖူးတဲ့ Rongguang Yu တို့လည်း သရုပ်ဆောင်ထားကြပါတယ်။

ဂေါ်ဖီထုပ်ကလေးဆိုတဲ့ ခြေသေးမမိန်မပျိုလေးဟာ ဆေးဆရာယန်နေဝူ ဆီမှာအိမ်တော်ထိန်းအဖြစ်တာဝန်ထမ်းနေပါတယ်။ ဒါပေမယ့် ယန်က သူ့အပေါ်တိမ်းညွတ်နေပြီးတစ်ချိန်မှာ ကိုယ်လုပ်တော်အဖြစ်မြှောက်စားဖို့အထိ ဆန္ဒရှိနေပါတယ်။ ယန်ရဲ့ဇနီးဖြစ်သူနဲ့အောက်ရုံးတရားသူကြီးရဲ့ သားနဲ့ဖောက်ပြန်နေတဲ့ ဇာတ်လမ်းကိုဂေါ်ဖီထုပ်ကလေး အမှတ်မထင်မြင်သွားတဲ့နောက်မှာတော့ သူ့ရဲ့ဇာတ်လမ်းပေါ်လာမှာစိုးရိမ်စိတ်နဲ့ဂေါ်ဖီထုပ်ကလေးကို ယောက်ျားပေးစားပြီးအဝေးပို့လိုက်ရုံမကပဲ ဆက်လက်ဒုက္ခပေးဖို့အကြံဆိုးတွေကြံပါတော့တယ်။ အဲ့ဒါကတော့ သူပေးစားလိုက်တဲ့ဂေါ်ဖီထုပ်ကလေးရဲ့ယောက်ျားကိုတစ်ဖက်လှည့်နဲ့လုပ်ကြံပြီး အဲ့ဒီအမှုကိုဂေါ်ဖီထုပ်ကလေးနဲ့ခင်ပွန်းသည် ယန်နေဝူတို့အပေါ်ပုံချလိုက်တာပါပဲ။ဒီအမှုကိုစစ်တဲ့တရားသူကြီးကိုယ်တိုင်က ဘက်လိုက်တဲ့သူဖြစ်တဲ့အတွက်တရားခွင်မှာ အဲ့ဒီအချိန်က တရားဝင်ပြဌာန်းထားတဲ့ ရက်စက်ကြမ်းတမ်းလွန်းတဲ့နှိပ်စက်နည်းအမျိုးမျိုးနဲ့စစ်မေးတော့မှာဖြစ်ပါတယ်။ ဟောင်ကောင်ရုပ်ရှင်ရွှေခေတ် ၁၉၉၀ လွန်နှစ်များဆီက ဂန္ဓဝင်ဇာတ်ကားတစ်ကားပါ။ ဇာတ်ကားနာမည်နဲ့တွဲမသိရင်တောင် ဂရုထဲမှာ လာမေးကြတဲ့ လေပေါ်မှာဝဲပျံပြီးကိုယ်ဖော့ပညာနဲ့ဂျိန်းကြတဲ့ ဟောင်ကောင်ကတုံးကြီး Elvis Tsui ရဲ့နာမည်ကျော်ဇာတ်ဝင်ခန်းကို သိကြမှာပါ။ ဇာတ်ကားနာမည်နဲ့လိုက်အောင်အလွန်ရက်စက်ပြီး စိတ်မသက်သာဖွယ် ညှင်းပန်းနှိပ်စက်နည်းပေါင်းစုံနဲ့ကြံကြံဖန်ဖန်ပေါက်ပေါက်ရှာရှာလို့ပြောရမယ့် လိင်ဇာတ်ဝင်ခန်းတွေပါဝင်ပါတယ်။ဒါပေမယ့်လည်း Dark comedy ဆန်ဆန်မြူးမြူးသွက်သွက်နဲ့ပေါ့ပါးတဲ့တင်ဆက်ပုံအရ ကြည့်ရတာပျော်စရာကောင်းပြီး entertaining ဖြစ်တဲ့ကားပါ။ File size…(880 Mb)/(520 Mb) Quality….Webrip 720p/480p Format…mp4 Duration….01:28:00 Genre...Drama Thriller Comedy Subtitle….Myanmar Subtitle (Hardsub) Encoder….Garfield Translated by Alias

IMDb 7.5အထိ ရရှိထားတဲ့ စတီဖင်ချောင်ဇာတ်ကားပါ။ ခေတ်ကာလ ဘယ်လောက်ပြောင်းပြောင်း လာဘ်ပေးလာဘ်ယူဆိုတာ ပျောက်ရိုးထုံးစံမရှိတဲ့ လောကကြီးမယ်... ပါအိုလောင်ဆင်(စတီဗင်ချောင်)ကတော့ မျိုးရိုးအစဉ်အဆက်ကြောင့် တရားသူကြီးဖြစ်လာတဲ့သူ။ ငွေရှိတိုင်းမနိုင်တဲ့ တရားဥပဒေ ပညာတတ်တိုင်းမနိုင်တဲ့ တရားဥပဒေကို ပါအိုလောင်ဆင်(စတီဗင်ချောင်)က ဘယ်လိုနည်းတွေသုံးပြီး အနိုင်ယူလိုက်တယ်ဆိုတာတော့....။ (ရုပ်ရှင်အညွှန်းကို Con Pike မှရေးသားထားပါတယ်။) File Size…(900MB) Quality…BluRay 720p Format…mp4 Duration…01:46:00 Subtitle…Myanmar Subtitle(Hardsub) Encoder…Nyeinsaeya Aung Translated by Missy

၁၉၉၀ က ထွက်ရှိခဲ့တဲ့ "Skinny Tiger, Fatty Dragon" ဟာ ကွန်ဖူးမင်းသားကြီး (Sammo Hung) နဲ့ (Karl Maka) တို့ အဓိကပါဝင်သရုပ်ဆောင်ထားတဲ့ ဟောင်ကောင် comedy action ကားကောင်းတစ်ကားပဲဖြစ်ပါတယ်။ ​"ဝတုတ်" နဲ့ "ထိပ်ပြောင်" တို့ဟာ ဟောင်ကောင်ရဲတပ်ဖွဲ့က စရိုက်မတူတဲ့ စုံထောက်နှစ်ယောက် ပါ ​သူတို့နှစ်ယောက်ဟာ စရိုက်ချင်းမတူလို့ အမြဲတမ်း ရန်ဖြစ်လိုက် စနောက်လိုက်နဲ့ ညီအစ်ကိုလို တွဲဖက်တွေဖြစ်ပါတယ်။ တစ်နေ့မှာ သူတိုနှစ်ယောက်ကို ဟောင်ကောင်က အဓိက မူးယစ်ဆေးဝါးမှောင်ခိုဂိုဏ်းကြီးတစ်ခုကို စုံစမ်းဖို့တာဝန်ပေးခံရပါတယ်။ ​စုံစမ်းစစ်ဆေးမှုတွေလုပ်ရင်း တရားခံတွေကို ဖမ်းဆီးဖို့ ကြိုးစားတဲ့အခါ သူတိုရဲ့ ထုံးစံအတိုင်း အလွဲလွဲအချော်ချော်နဲ့ မြို့ထဲမှာ ပျက်စီးဆုံးရှုးမှုတွေ အများကြီးဖြစ်အောင် လုပ်မိသွားကြပါတယ် အဲဒါနဲ့ပဲ ရာထူးဆိုင်းငံ့ ခံလိုက်ရတော့တာပေါ့။ ​ဒါပေမဲ့ သူတို့နှစ်ယောက်ဟာ လက်မလျှော့ဘဲနဲ့မူးယစ်ဂိုဏ်းခေါင်းဆောင် ပြည်ပကိုမထွက်ပြေးခင် ဖမ်းဆီးနိုင်ဖို့အတွက် ကြံဖန်ပြီးလျှို့ဝှက်စုံစမ်းစစ်ဆေးမှုကို ဆက်လုပ်ကြပါတယ်။ ဒီလိုနဲ့ ရန်သူတွေက သူတို့ရဲ့ မိသားစုနဲ့ ချစ်သူတွေကိုပါ ရန်ရှာလာတဲ့အတွက် နောက်ဆုံးမှာတော့ သူတို့နှစ်ယောက်ဟာ ဂိုဏ်းတစ်ခုလုံးကို အပြတ်ရှင်းဖို့ လက်နက်ကိုယ်စီ သိုင်းကွက်ကိုယ်စီနဲ့ ဝင်ရောက်စီးနင်းပါတော့တယ်။ မှုခင်းကြီးတစ်ခုရဲ့ နောက်ကွယ်က အမှန်တရားကို ဖော်ထုတ်ရင်း ရယ်စရာ အလွဲအချော်တွေ မထင်မှတ်ထားတဲ့ သစ္စာဖောက်မှုတွေ အက်ရှင်တိုက်ကွက်တွေကို အဆုံးထိ စိတ်ဝင်စားစွာ ကြည့်ရှုရမယ့် ဇာတ်ကားကောင်းတစ်ကားပဲဖြစ်ပါတယ်။

Love is Love (1990) ဒီဇာတ်ကားလေးကတော့ ကျနော်တို့ အချစ်တော် မင်းသားကြီး စတီဗင်ချောင်ရဲ့ အတိတ်ကို လွမ်းဆွတ်စရာ ဇာတ်လမ်းတွေထဲက တစ်ပုဒ် ဖြစ်ပါတယ်။ ရှီကျင့်ရွှီ ဆိုတဲ့ကောင်လေးဟာ မိမရှိဖမရှိ တစ်ကောင်ကြွက် မျက်နှာမွဲ ဖြစ်ပြီးတော့ ငယ်ငယ်ကတည်းက သူဌေးတစ်ယောက်ဆီမှာ အလုပ်လုပ်လာခဲ့ပါတယ်။ ဒီလိုနဲ့ အရွယ်ရောက်လာတော့ ရှီကျင့်ဟာ သူ့သူဌေးရဲ့ သမီးဖြစ်သူ တီနဲ့ လူငယ်သဘာဝ ချစ်ကြိုက်မိကြပြီးတော့ သူ့သူဌေးမသိအောင် ခိုးတွဲနေရပါတယ်။ တစ်နေ့မှာတော့ သူဌေးဟာ သူတို့နှစ်ယောက် ခိုးတွဲနေတာကို သိပြီးတော့ သူ့ကို အိမ်ပေါ်က မောင်းချတဲ့အခါမှာ သူတို့နှစ်ယောက်သား မခွဲနိုင်တဲ့အတွက် ခိုးပြေးဖို့ ဆုံးဖြတ်လိုက်ကြပါတော့တယ်။ ဒီတော့ သူတို့နှစ်ယောက်သား လောကဓံရဲ့ စမ်းသပ်မှုကို အချစ်တစ်မျက်နှာတည်းနဲ့ ဘယ်လိုရင်ဆိုင်ကြမလဲဆိုတာကို ၉၀ ရာစု ဟောင်ကောင်အငွေ့အသက်တွေအောက်မှာ ဆွတ်ပျံ့ကြည်နူးဖွယ်ရာ ကြည့်ရှုရမှာဖြစ်ပါတယ်။

မင်းသားကြီးစတီဖင်ချောင်ရဲ့ 1990 နှစ်တုန်းကဇာတ်ကားဖြစ်ပါတယ်။ စတီဖင်ချောင် မျက်ခွက်မပြောင်ဘဲ အမှန်အကန်သရုပ်ဆောင်ထားတဲ့ ဇာတ်ကားဆိုရင်လဲ မမှားပါဘူး။ အယောင်ဆောင်ရဲနဲ့ စိန်သူခိုးတို့ ခင်မင်သွားကြရာကနေ ဘာတွေဆက်ဖြစ်မလဲဆိုတာ..။ IMDb (6.3) ပါ။ File size…(999 MB) and (490 MB) Quality…HD-Rip 720p Format…mp4 Duration….01:38:00 Subtitle….Myanmar Subtitle (Hardsub) Encoder….Nyeinsaeya Aung Translated by Lyric Lynn Khant

မင်းသားကြီးဂျက်ကီချန်း နုစဉ်အခါက ဇာတ်ကားပါ။ ဂျက်ကီချန်းရဲ့ အငွေ့အသက်ကို အကုန်နီးပါးပြန်ခံစားနိုင်မယ့်ဇာတ်ကားပါ။ Action,Comedy,Crime,Drama အမျိုးအစားဖြစ်ပြီး ပုံမှန်ကားလေးတွေနဲ့ နည်းနည်းလေးကွဲထွက်နေတဲ့ကားလေးတစ်ကားပါပဲ..... File size…(1.7 GB)/(1 GB) Quality….Webrip 1080p / 720p Format…mp4 Duration….02:19:00 Genre...Action, Comedy, Crime Subtitle….Myanmar Subtitle (Hardsub) Encoder….Garfield Translated by Missy Win

The Killer (1989) ဟောင်ကောင်ရုပ်ရှင်ရဲ့ ရွှေခေတ်... ဂျွန်ဝူးရဲ့ရွှေခေတ်.... ချောင်ယွန်ဖတ်ရဲ့ရွှေခေတ်က အက်ရှင်ကားတစ်ကားပေါ့။ တစ်ချို့ကတော့ ဒီရုပ်ရှင်ကို ချောင်ယွန်ဖတ်ရဲ့ အကောင်းဆုံးကားလို့ သတ်မှတ်ကြတယ်။ဟောင်ကောင်အက်ရှင်တွေရဲ့ ဘုရင်ဟောင်းဂျွန်ဝူးရဲ့ Ratingအကောင်းဆုံးကားဆိုလည်း မမှားဘူး။ အဖွင့်မှာတင်ပါလာတဲ့ နောက်ခံသီချင်းလေးကလည်း တော်တော့်ကို ကောင်းတာပါပဲ။ ပုံစံကခပ်အေးအေး အကြည့်က ခပ်စူးစူးနဲ့ တစ်ချက်ပစ်ရင် လူတစ်ယောက်ထိကိုထိတဲ့ နာမည်ကျော်ကြေးစားလူသတ်သမားတစ်ယောက်ရှိတယ်။ စင်တင်စားသောက်ဆိုင်တစ်ခုမှာ ပစ်မှတ်ကို သွားသတ်ရင်း အဆိုတော်မလေးရဲ့ မျက်လုံးကို ကျည်နဲ့ ရှပ်ထိသွားပြီး ကောင်မလေးရဲ့ မျက်လုံးဟာ ကန်းတော့မယ့်လုဆဲဆဲ ဖြစ်သွားခဲ့တယ်။ လူသတ်သမားပေမဲ့ ကိုယ်ပိုင်စည်းမျဉ်းနဲ့ သိက္ခာရှိရှိနေတဲ့ ချောင်ယွန်ဖတ်ရဲ့ ကျည်ဟာ ဘယ်တော့မှ အပြစ်မရှိသူရဲ့ အရေပြားပေါ် မဖိတ်စဉ်ဖူးဘူး။ ဖိတ်စဉ်မိခဲ့ရင်လည်း သူ့တာဝန် သူယူတတ်တဲ့သူဆိုတော့ အနားယူဖို့စီစဉ်ထားပေမဲ့ ကောင်မလေးရဲ့ မျက်လုံးကို ပြန်ကုပေးဖို့ နောက်ဆုံးအလုပ်တစ်ခုကို လက်ခံလိုက်တယ်။ ကံဆိုးချင်တော့ နောက်ဆုံးအလုပ်မှာ သူ့ကိုခိုင်းတဲ့သူတွေက သူ့ကိုပြန်နှုတ်ပိတ်သတ်ဖို့ကြံရာက ရဲတွေရော ရာဇဝတ်ဂိုဏ်းတွေကပါ သူ့နောက်ကိုလိုက်ကြတော့တာပါပဲ။ ဇာတ်အိမ်က သူ့ခေတ်က ထူးပေမဲ့ နောက်ပိုင်း ဒီပုံစံတွေ တွေ့ဖန်မြင်ရများလို့ မဆန်းတော့တဲ့ ဇာတ်အိမ်ပါပဲ။ သို့ပေမဲ့ လတ်ဆတ်တုန်းက အပြုံးချိုချိုနဲ့ ချောင်ယွန်ဖတ်နဲ့ လိုက်ဖက်လွန်းနေတဲ့ သိက္ခာရှိတဲ့ ကြေးစားလူသတ်သမားဇာတ်ကောင်က ဒီဇာတ်လမ်းကို ဘယ်တော့မှမဟောင်းမယ့် ဇာတ်လမ်းတစ်ပုဒ်ဖြစ်သွားအောင် အရောင်တင်ပေးခဲ့တယ်။ သဘောကျစရာကောင်းတာက နောက်ပိုင်းကားတွေထဲက ဇာတ်လိုက်တွေလို လူလွန်မသားတွေ ဖြစ်မနေဘူး။ ကြမ်းတယ် ကျည်တစ်ချက်တစ်ကောင်သေတယ်။ သို့ပေမဲ့ ဒဏ်ရာလည်း အသေရတယ်.. ရရင်လည်း လူပီပီ နာပြကျင်ပြ ခံစားပြတယ်။ လူကိုး။ ခိုးကိုးရာမဲ့ချိန် တစ်ချိန်ချိန်မှာ စိတ်ရဲ့အမြင့်ကလည်း ပြုတ်ကျလာတတ်တာပဲ။ဒီအက်ရှင်ကားရဲ့ တစ်ချို့အခန်းတွေဟာ ရင်ထဲနင့်စရာ သိပ်ကောင်းတယ်။ ဂျွန်ဝူးဟာ သူ့ခေတ်သူ့အခါက တကယ်တော်ခဲ့တဲ့ ဆရာတစ်ပါးပါပဲ။ ရုပ်ရှင်ကိုတောင် ရိုက်နေရင်းမှ ဇာတ်ညွှန်းရေးခဲ့တဲ့သူ တစ်ယောက်ပါ။ နောက်ဒီရုပ်ရှင်ကို ရိုက်ရာမှာ ပီပီပြင်ပြင်ရှိစေဖို့ ဂျွန်ဝူးဟာ တကယ့်သေနတ်အစစ်တွေသုံးပြီး ရိုက်ခဲ့တယ်။ လမ်းမပေါ် ရိုက်တဲ့အချိန်ဆို ဖြတ်သွားဖြတ်လာ လူတွေကတောင် ဓားပြတိုက်နေတယ်လို့တောင် ထင်ခဲ့ကြတဲ့အထိပါပဲ။ 1991မှာ အနောက်ကလူတွေက ဒန်ဇယ်ဝါရှင်တန်နဲ့ Remakeလုပ်ဖို့ ကြံခဲ့ကြပါတယ်။ နောက်ကျ ဟောလိဝုဒ်က ဒန်ဇယ်နဲ့ Remake လုပ်ဖို့ အဆင်မပြေတော့ ကီယာနူးရိဗ်ကို ငှားခဲ့ပေမဲ့ သူကတော့ ငြင်းလိုက်ပါတယ်။ မငြင်းရင်လည်း အဆင်ပြေမယ်မထင်ပါဘူး။ သို့ပေမဲ့ ကီယာနူးရိဗ်ဟာ John Wickမှာမှ The Killerကို Inspiration ယူခဲ့တယ်။ အစမှာတော့ ချောင်ယွန်ဖတ်ရဲ့ အကောင်းဆုံးရုပ်ရှင်လို့ ပြောကြတာကို နည်းနည်းလွန်တယ် ထင်မိပေမဲ့ ဇာတ်အသိမ်းမှာတော့ ငြင်းဆန်နိုင်စွမ်း မရှိတော့ဘူး။ ဒါရိုက်တာဟာ ပြန်ပြောပြဖို့တော်တော်ခက်လိမ့်မယ့် အရသာတစ်ခုကို ထပ်ဆောင်းပေးခဲ့လိုက်ပြီ။ ဒီအရသာက ကျွန်တော် ဘယ်တော့မှ မေ့တော့မှာမဟုတ်တဲ့ အရသာတစ်ခုပဲ။ ရုပ်ရှင်အပြီးမှာ တစ်ခုသောစာသားကလေးကိုပဲ ကျွန်တော် ပြေး သတိရမိတယ်။ " ဘဝသည် နာကျင်ဖွယ်အတိနဲ့ ကြင်နာတတ်ကြောင်း ပြလိမ့်ဦးမည်"တဲ့...... (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.3GB, 890MB Quality - 1080p, 720p IMDb Rating - 7.8/10 Format - mp4 Duration - 1H 51Min Type - Action, Crime, Drama Subtitle - Myanmar Subtitle (Hardsub) Translated by WiRa Aung Encoded by Y

ဟောင်ကောင်အလှလေးနဲ့ 98ခေတ်ကမှိုင်းပြပြအရောင်လေးနဲ့တစ်မျိုးဆန်းကြယ်တဲ့ Fetal Love ဆိုတဲ့ဇာတ်ကားလေးလာပါပြီ ။ ဇာတ်ကားကတော့ နာမည်အတိုင်း 1998ခုနှစ်တုန်းကထွက်ခဲ့တဲ့ကားပါ ။ ဇာတ်လမ်းအညွှန်းလေးအနေနဲ့ -မိဘနောက်ခံကောင်းပြီးဟောင်ကောင်ကကြေညာကုပ္မဏီတစ်ခုမှာအလုပ်လုပ်နေတဲ့ ချီကင်ဆိုတဲ့ ကောင်လေးတစ်ယောက်ရှိပါတယ် ။ သူ့နာမည်အသံထွက်ကကြက်သားနဲ့အသံထွက်တူနေလို့ သူ့ကိုကြက်တောင်ပံလို့တောင်ခေါ်ကြတာပါ ။ တစ်နေ့သူအလုပ်ကအပြန်ကားမောင်းလာတုန်းမှာ လူပြတ်တဲ့နေရာတစ်ခုမှာ ဝတ်ရုံဖြူနဲ့ကောင်မလေးတစ်ယောက်က ကားလာတားပါတော့တယ် ။ အဲဒီကောင်မလေးက လှပြီးဆွဲဆောင်မှု့ရှိရုံတင်မကဘူး အဲဒီနေ့ညက သူ့ကိုအနမ်းတစ်ပွင့်ပေးပြီး ‌စွဲလမ်းသွားအောင်လုပ်သွားပါတော့တယ် ။ ဒါပေမဲ့ အဲဒီနေရာမှာပဲ ပျောက်သွားပြီးတော့ ချိကင်တစ်ယောက် ကောင်မလေးကို တမ်းတမ်းတတပြန်လိုချင်နေမိပါတော့တယ် ။ တိုက်တိုက်ဆိုင်ဆိုင်ကုမ္ပဏီကလည်း ကြေညာမော်ဒယ်လိုနေတဲ့အချိန်ဆိုတော့ သူပထမဆုံးစဉ်းစားမိတာက အဲဒီနေ့ညကတွေ့ခဲ့တဲ့ ဝတ်စုံဖြူနဲ့ပဟေဠိဆန်ဆန်သူမကိုပါပဲ ။ သူစိတ်ပိုင်းဖြတ်ပြီး အဲဒီမိန်းကလေးကိုပြန်ရှာတဲ့အခါမှာတော့ မိန်းကလေးကကားတိုက်ပြီးသေသွားပြီဆိုတာကိုသိလိုက်ရပါတော့တယ် ။ ကဲဇာတ်ကားထဲမှာတော့ ဒီမိန်းကလေးကိုမှရူးရူးမူးမူးစွဲလမ်းသွားတဲ့ ကိုကြက်တောင်ပံတစ်ယောက် ဘယ်လိုတွေမယုံကြည်နိုင်ကောင်မလေးကိုဆက်ရှာဖွေသွားမလဲ ကောင်မလေးကတကယ်သေသွားတာရောဟုတ်ရဲ့လား ? ကောင်မလေးနဲ့သူ့ကြားမှာတကယ်ပဲ ဘယ်လိုဆက်နွယ်မှုတွေရှိနေလဲဆိုတာကို စိတ်ဝင်စားဖွယ်ကြည့်ရမှာဖြစ်လို့ လက်မလွှတ်ဘဲခုကတည်းကကြည့်လိုက်တော့နော် Filesize : 1.62 GB / 919 MB Quality : WEB-DL 1080p HEVC , 720p HEVC Format : mp4 Genres : Thriller , Drama Runtime : 1h 32 min Subtitle : Myanmar Subtitle ( Hardsub )