Luke Treadaway ပါဝင်သော ဇာတ်ကားများ

Mother's Pride (2026) အကြွေးတွေဝိုင်းဝိုင်းလည်နေတဲ့ ရွာဘီယာဆိုင်ပိုင်ရှင် Mick Harley က သူ့ရဲ့သား တစ်ကိုယ်တော်ဖခင်ဖြစ်တဲ့ Jake နဲ့အတူ ငွေရေး‌ကြေးရေး အခက်အခဲ‌ဖြစ်နေကြတဲ့သူတွေပါ။ သူတို့ရဲ့ ဘီယာဆိုင်လေးက ဘီယာဆက်ချက်ဖို့ ပိုက်ဆံမရှိတော့တဲ့အပြင် ရွာကလူတွေအားလုံးကလည်း မောက်မာတဲ့ စီးပွားရေးသမား Pritchard ရဲ့ ခေတ်မီအဆင့်မြင့်တဲ့ ဘီယာဆိုင်ကြီးဆီကိုပဲ အားပေးကြပါတော့တယ်။ Pritchard ကတော့ Harley တို့ ဆိုင်နယ်မြေကို အပိုင်သိမ်းဝယ်နိုင်ဖို့ Harley မိသားစု ဒေဝါလီခံဖို့ မျှော်လင့်နေတဲ့သူတစ်ယောက်ပေါ့။ နောက်တော့ လွန်ခဲ့တဲ့သုံးနှစ်က ဂီတအိပ်မက်နောက်ကိုလိုက်ဖို့ ထွက်ပြေးသွားခဲ့ပြီး နာမည်ကြီးအဆိုတော်တစ်ယောက် ဖြစ်လာခဲ့တဲ့ Mick ရဲ့ နောက်ထပ်သားဖြစ်သူ Cal က ရွာကိုပြန်လာခဲ့တဲ့အချိန်မှာတော့ သူ့ကို ခွင့်မလွှတ်သေးတဲ့ အဖေဖြစ်သူ Mick ရဲ့ ဝမ်းပမ်းတသာ ကြိုဆိုခြင်းကိုမခံခဲ့ရပါဘူး။ ဒါပေမဲ့ Harley မိသားစုရဲ့ ဘီယာဆိုင်လေးက ဒေဝါလီခံခါနီးဖြစ်နေတာကို သိလိုက်ရချိန်မှာတော့ မိသားစုကြားက မကျေမနပ်မှုတွေရှိပေမဲ့ သူတို့ရဲ့ မိသားစုဆိုင်လေးကို ကယ်တင်ဖို့အတွက် ဘယ်လိုတွေအတူတူပူးပေါင်းပြီး စည်းစည်းလုံးလုံးကြိုးစားကြမလဲဆိုတာကို ရယ်မောစရာဟာသတွေနဲ့ ကြည်ကြည်နူးနူး ကြည့်ရှုရမှာပဲဖြစ်ပါတယ်။ File size… (1.5 GB) / (790 MB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 01:33:00 Subtitle…. Myanmar Subtitle (Hardsub)

Series လည်း ကြည့်ချင်တယ် အရှည်ကြီးကြည့်ရမှာလည်း ပျင်းတယ်ဆိုတဲ့သူတွေရှိရင် အပိုင်းနည်းနည်း‌နဲ့ ကြည့်လို့ကောင်းတဲ့ series တစ်ခုနဲ့ မိတ်ဆက်ပေးချင်ပါတယ်။ ဇာတ်ကားနာမည်က The Serial Killer's Wife ဖြစ်ပြီးတော့ 2023 ခုနှစ် December ကမှ ထွက်ရှိထားတာ ဖြစ်ပါတယ်။ ဇာတ်လမ်းအကျဉ်းကို ပြောပြရရင်တော့ ဘတ်သ်ရဲ့ အမျိုးသား တွန်က ကျေးလက်ဒေသက ဆရာဝန်တစ်ဦးပါ။ တွန်ရဲ့ ဆေးခန်းအကူ ကေတီ သေဆုံးရာကနေ ဇာတ်လမ်းအစပြုပါတယ်။ တစ်နေ့ ဘတ်သ်နဲ့ တွန်တို့ ဧည့်သည်တွေနဲ့အတူ မွေးနေ့ကျင်းပနေတုန်း ရဲတပ်ဖွဲ့က ရောက်လာပြီးတော့ တွန်ကို လူသတ်မှု သံသယတရားခံအဖြစ် ဖမ်းသွားခဲ့တယ်။ အခြေအနေတွေကလည်း ဖရိုဖရဲဖြစ်ပြီး ဧည့်သည်တွေရှေ့မှာ မျက်နှာပျက်စရာတွေ ဖြစ်ကုန်ပါတယ်။ ဘတ်သ်ဟာ အတင်းအဖျင်းတွေကို ရင်ဆိုင်ရင်း ယောက်ျားဖြစ်သူ အပြစ်ကင်းကြောင်း သက်သေပြဖို့ တွန်ရဲ့ ပစ္စည်းတွေကို ရှာဖွေခဲ့တယ်။ မမျှော်လင့်ထားဘဲ တွန်က ကေတီအပါအဝင် တခြားအမျိုးသမီးတွေနဲ့ ဖောက်ပြန်နေတာကို ဘတ်သ်တစ်ယောက် သိလိုက်ရပါတယ်။ ဒီကစလို့ ဇာတ်လမ်းဟာ ပိုမိုရှုပ်ထွေးလာပြီးတော့ ဘတ်သ်နဲ့ တွန်ရဲ့ မရိုးရှင်းတဲ့ အတိတ်အကြောင်းတွေပါ ပါလာမှာပါ။ ရဲတွေကရော လူသတ်မှုကို ဘယ်လိုဖော်ထုတ်မလဲ၊ လူသတ်တရားခံအစစ်က ဘယ်သူလဲ၊ တခြားကွင်းဆက် လူသတ်မှုတွေနဲ့ ဘယ်လိုချိတ်သွားမလဲ၊ ဘတ်သ်နဲ့ တွန်ရဲ့ ဆက်ဆံရေးကရော ဘယ်လိုဆက်ဖြစ်မလဲဆိုတာတော့ ကိုယ်တိုင်ကြည့်ရှုလိုက်ပါ။ ဇာတ်လမ်းအစအဆုံး လူသတ်သမားက ဘယ်သူလဲဆိုတာကို plot twist ပေါင်းများစွာနဲ့ ရင်ခုန်စွာ ကြည့်ရှုရမယ့် ဇာတ်ကားကောင်းလေးဖြစ်တာမလို့ ကြည့်ဖြစ်အောင်ကြည့်သင့်ကြောင်း recommend ပေးလိုက်ပါတယ်။ File size…  700 mb Quality… WEB Rip 1080p Format… mp4 Duration….  45 m Genre .....  Drama, Crime Subtitle…. Myanmar Subtitle (Hard Sub) Encoder…. Thit San Khant Translated by..   Htet Nyein Khant , Zin San Oo , Orica

A Christmas Gift From BOB 2020 A street cat name BoBထဲက BoB ဆိုတဲ့ကြောင်လေးကိုအကုန်လုံးသိကြမှာပါ ဒီကားက 2020ခရစ်စမတ်အတွက်ထွက်ထားတဲ့ BoBလေးရဲ့ ဒုတိယမြောက်ကားလေးပါ ဘော့ပ်နဲ့သူ့သခင်တို့ဟာအမြဲတမ်းအတူသွားအတူစားအတူနေကြတဲ့အချစ်ဆုံးသူငယ်ချင်းကြီးတွေလိုပါပဲ ဒါပေမယ့်ဘော့ပ်သခင်ဘိုဝမ်ကလမ်းဘေးမှာသီချင်းဆိုပြီးငွေတောင်းရတော့ ပိုက်ဆံလည်းများများစားစားမရရှာပါဘူး ခရစ်စမတ်ရောက်ခါနီး ဆောင်းတွင်းအအေးလှိုင်းဖြတ်တော့ ရေပူဝယ်ဖို့တောင်ပိုက်ဆံမရှိရှာပါဘူး စားဖို့တောင်အနိုင်နိုင်ဖြစ်နေတဲ့သူနဲ့သူ့ကြောင်လေးကြားဂြိုလ်ဆိုးကဝင်လာပါတော့တယ် သူနဲ့ဘော့ပ်လမ်းဘေးမှာသီချင်းဆိုနေတုန်းတိရစ္ဆာန်စောင့်ရှောက်ရေးအဖွဲ့ကတွေ့ပြီး ဘော့ပ်ကိုသူတို့ဆီပို့ဖို့အကြံလာပေးပါတော့တယ် ဘိုဝမ်ခမျာသူ့ကြောင်လေးကိုတအားချစ်တော့ဘယ်သူ့ကိုမှမပေးနိုင်ဘူးလို့ငြင်းလိုက်ပေမယ့် ဘော့ပ်အတွက်စားစရာတောင်သူမဝယ်ပေးနိုင်တော့တဲ့အချိန်မှာ ဘယ်လိုတွေဆက်ဖြစ်မလဲဆိုတာ ကြည့်ကြပါဦးလို့ BoBလေး မရှိတော့ပေမယ့် BoBလေးကိုသတိရတဲ့အမှတ်တရအနေနဲ့ ဒီကားလေးကိုကြည့်ကြည့်ပါလို့... We Miss You BoB Review and Translated by : Dolly Encoded by : YK

Ethel & Ernest (2016) IMDb Rating (7.7) / Rotten Tomatoes (97%) ကျွန်တော့်ဘ၀မှာ TV မှာတစ်ခါလာလို့ကြည့်ဖူးပြီး တစ်သက်လုံးမမေ့တဲ့ကားတွေထဲကမှ တစ်ကားကိုပြောပါဆိုရင် Ethel and Ernest လို့ပဲပြောရမှာပါပဲ။ ဒီကားဟာ ဇာတ်လမ်းအရမ်းမိုက်ပြီး plot twist တွေနဲ့ အရမ်းမိုက်နေတဲ့ကားတစ်ကားမလို့လားဆိုရင်တော့ လုံး၀မဟုတ်ပါဘူး။ ဇာတ်လမ်းဟာ ရိုးရှင်းလွန်းပါတယ်။ ရိုးရှင်းလွန်းသလို နူးညံ့လွန်းပါတယ်။ နူးညံ့လွန်းသလို လှပလွန်းပါတယ်။ လှပလွန်းသလို သဘာ၀ဆန်လွန်းပါတယ်။ သဘာ၀ဆန်တာကို ချစ်မြတ်နိုးသူတွေ၊ လက်တွေ့ကျကျအလှအပတွေကို ချစ်မြတ်နိုးသူတွေအတွက် ဒီဇာတ်ကားဟာ နွေရာသီမှာတိုက်ခတ်လိုက်တဲ့ လေပြေလို၊ မိုးရာသီမှာ အမှတ်တမဲ့ရလိုက်တဲ့ မြေသင်းနံ့လို၊ ဆောင်းရာသီမနက်ခင်းမှာ သောက်လိုက်ရတဲ့ ကော်ဖီပူပူတစ်ခွက်လို ရင်ထဲကျေနပ်မှုကို ခံစားရစေမှာပါ။ Ethel & Ernest ဆိုတဲ့ ဒီဇာတ်လမ်း‌လေးဟာဆိုရင် British ကာတွန်းရေးဆရာ Raymond Briggs ရဲ့ မိဘအရင်းတွေဖြစ်တဲ့ မိခင် Ethel နဲ့ ဖခင် Ernest တို့ရဲ့ ဘဝဇာတ်ကြောင်းကို hand-drawn animation ပုံစံနဲ့ ရိုက်ကူးထားတဲ့ ရုပ်ရှင်ကား ဖြစ်ပါတယ်။ Hand-drawn frames ပေါင်း 67,680 သုံးထားတယ်လို့သိရပါတယ်။ အဲ့အပြင် ဒီဇာတ်လမ်းကိုပဲ Graphic novel အဖြစ်နဲ့ 1998 မှာထွက်ခဲ့ပြီးသားပါ။ Graphic novel ဖတ်တတ်တဲ့သူတွေကိုလည်း ရှာပြီးဖတ်ကြည့်ဖို့ recommend ပေးလိုပါတယ်။ ဒါပေမယ့် ရုပ်ရှင်ကတော့ ပေးချင်တဲ့ခံစားချက်တွေ ဘ၀ရဲ့ရိုးရှင်းမှုတွေကို ပိုပြီး အဓိပ္ပါယ်ရှိအောင်ပုံဖော်ထားနိုင်တယ်လို့ ထင်ပါတယ်။ ဇာတ်လမ်းအကျဉ်းကိုပြောပါဆိုရင် အရသာပျက်မှာလည်းကြောက်ရသေးတယ်။ ဒါပေမယ့် အရသာမပျက်အောင်ချုံပြောရရင်တော့ ဗြိတိန်နိုင်ငံ လန်ဒန်မြို့မှာနေတဲ့ သာမန်လူတန်းစားနှစ်ဦးဖြစ်တဲ့ Ethel နဲ့ Ernest ဟာ စတင်တွေ့ဆုံခဲ့တဲ့အချိန်ကစပြီး သေတဲ့အထိ မပျက်စီးတဲ့ ချစ်ခြင်းမေတ္တာတွေ၊ မိသားစုဘဝထူ‌ထောင်ပုံတွေ၊ ဘ၀မှာကြုံလာရတဲ့ အခက်အခဲတိုင်းကို အတူတူရင်ဆိုင် ဖြေရှင်းပုံတွေ (ဥပမာ - ဒုတိယကမ္ဘာစစ်၊ စစ်ပြီးခေတ် အပြောင်းအလဲများ၊ လူနေမှုစနစ်များ) ကို ရိုးရိုးရှင်းရှင်းပဲ ပုံဖော်ထားပါတယ်။ လင်မယားနှစ်ယောက် လက်ဖက်ရည်သောက်တဲ့ scene၊ သတင်းစာဖတ်တဲ့ scene တွေဆို တော်တော်လေးချစ်စရာကောင်းပါတယ်။ သုံးထားတဲ့ soundtrack တွေကလည်း အရင်ခေတ်ကာလကို ‌ပြန်ပြီးခံစားချင်တဲ့သူတွေအတွက်လည်း သဘောကျစရာဖြစ်နေပါလိမ့်မယ်။ ဆွဲထားတာလည်း အပြစ်ပြောစရာမရှိအောင်ကို လှပါတယ်။ ဒါကတော့ တစ်ယောက်နဲ့တစ်ယောက်အကြိုက်တူချင်မှ တူပါလိမ့်မယ်။ ဒီလို art style မျိုးကို ကြိုက်ပါတယ်ဆိုတဲ့သူအတွက်တော့ နှစ်ခါပြန်တွေးစရာကိုမလိုတဲ့ ကားလေးပါ။ File size… (1.8 GB) / (970 MB) Quality…. Blu-Ray 1080p HEVC / 720p Format…. mkv/mp4 Genre…. Animation,Drama,History,War Duration…. 01:35:14 Subtitle…. Myanmar Subtitle (Hardsub)

ဒီရုပ်ရှင်ကားဟာ ဖြစ်ရပ်မှန်ဖြစ်ကြောင်း ပထမဆုံးအနေနဲ့ ပြောပါရစေ ပြီးတော့ ဒီဇတ်လမ်းကို ရိုက်ဖို့ သရုပ်ဆောင်တဲ့ ကြောင်လေး ကလဲ ဇတ်လမ်းဖြစ်တည်ခဲ့တဲ့ ကြောင်လေး Bob ကိုယ်တိုင်ပါပဲ ကြောင်လေး Bob ဟာ ကျနော် မြင်ဖူးသမျှ ကြောင်တွေထဲမှာ အလိမ္မာဆုံး ကြောင်လေး တစ်ကောင်ဖြစ်ပြီး အံ့အောထူးဆန်းဖွယ် အပြည့်နဲ့ပါပဲ... တိရိစ္ဆာန် ဇတ်လမ်းတွေမှာ ခွေးတွေကို သင်ပေးရတာ လွယ်ပြီး ကြောင်တွေကို လိုရာအတိုင်းခိုင်းနိုင်ဖို့ အတော်ခက်ခဲပါတယ် ကြောင်လေး Bob အနေနဲ့ ပီပီပြင်ပြင် အားလုံးကို သရုပ်ဆောင်သွားနိုင်ပါတယ်... (Nine Live 2015 လို ကားမျိုးလဲ ရှိသေးလို့ ရှာဖွေ ကြည့်ရှုပါရန်) ဇတ်လမ်းပုံစံကတော့ ဆေးစွဲပြီး လမ်းစ ပျောက်နေတဲ့ ဂျိန်း ဟာ ငယ်ရွယ်ပေမယ့် သူ့ ဘ၀ က မူးယစ်သားကောင်ဖြစ်နေပြီး မူးယစ်ဆေးမှာ နစ်မွန်းနေပါတယ် ဒါကို ကယ်တင်ဖို့ မူးယစ်ဆေး ဖြတ်ဖို့ ကူညီပေးတဲ့ ဌာန မှ ဗယ်လ် က ဂျိန်း ကို ပြန်လည်ထူထောင်ဖို့ ကြိုးစားခဲ့ပါတယ်... ဂျိန်း သည် အလွန်းဆိုးဝါး လွန်းတဲ့ အတွက် ဖခင် ဖြစ်သူ ကိုယ်တိုင် အဖက်မလုပ်တော့ပဲ အိမ်မှ နှင်ချထားတာဖြစ်ပြီး ဝမ်းရေးအတွက် လမ်းဘေးတွင် ဂစ်တာတီး သီချင်းဆိုရင်း အလှူခံနေရသူ ဖြစ်ပါတယ်... ညအိပ်စရာဆိုလဲ တွေ့ရာနေရာအိပ် အလှူခံမရတဲ့နေ့တွေဆိုရင် အမှိုက်ပုံးများမှ အစားကျွင်းကျန်များရှာဖွေစားသောက်ရသည် အထိ ဘ၀ က ဆိုးဝါးလွန်းပါတယ်.... တစ်ရက်မှာတော့ ဂျိန်း ဆေးဖြတ်ဖို့ အတွက် ဗယ်လ် မှ အခန်းသေးသေးလေး တစ်ခု လူမှု ကယ်ဆယ်ရေးအဖွဲ့မှ တောင်းဆိုပေးခဲ့ပြီး တည်တည်ငြိမ်ငြိမ် နေထိုင် ဆေးဖြတ်နိုင်ရန် ဆောင်ရွတ်ပေးခဲ့ပါတယ်... တစ်နေ့မှာတော့ သူ့ အိမ်ထဲ နောက်ဖေး မီးဖိုချောင်မှ တဆင့် မဖိတ်ခေါ်ပဲ ဝင်ရောက်လာတဲ့ ဧည့်သယ်လေး တစ်ယောက် ရောက်ရှိလာပါတော့တယ် သူကတော့ ကြောင်ဝါလေး Bob ပဲ ဖြစ်ပါတယ်... Bob ရောက်လာကတည်းက ဂျိန်း ဟာ မူးယစ်ဆေးဝါး ဘက်ကို စိတ်မဝင်စား သူ့အချိန်အားလုံးကို Bob အတွက် မြုတ်နှံထားလိုက်ပါတော့တယ်.....  ကျနော်တို့ ကြောင်လေးတွေကို ချစ်တာထက် သူပိုချစ်နိုင်ခဲ့ပါတယ်... ဒါပေမယ့် ကံကြမ္မာရဲ့ အလှည့်အပြောင်းတွေက ဂျိန်း နဲ့ Bob တို့ ၂ ဦးကို ဘယ်လို ဒုက္ခတွေ ဝေဒနာတွေ ပေးမလဲ ပျော်ရွှင်စေရမလဲ ဆိုတာတော့ အညွှန်းလေးကို ဖတ်တာရပ်ပြီး ကြည့်ရှုလိုက်ကြပါစို့..... ဒီရုပ်ရှင်ကားကို ဘာသာပြန်ပေးထားသူကတော့ Tariq L Walker ဖြစ်ပြီး အညွှန်းကိုတော့ ကျနော် Thit San Khant မှ ရေးပေးထားပါတယ်...

မင်းသမီး Angelina Jolie က ရိုက်ကူးထားတဲ့ Unbroken ရုပ်ရှင်ဇာတ်ကားဟာ Laura Hillenbrand ရဲ့ Unbroken: A World War II Story of Survival, Resilience, and Redemption စာအုပ်ကို မှီငြမ်းထားပြီး Oscars ဆုပေးပွဲမှာ nomination ၄ ခုအပါအဝင် အခြားဆုတွေ nomination တွေ တစ်သီတစ်တန်းကြီးရရှိထားပါတယ်။ ဇာတ်လမ်းကတော့ စစ်အတွင်း အမေရိကန်သုံ့ပန်းတွေထဲက သုံ့ပန်းတစ်ယောက်နဲ့ ဂျပန်စစ်ဖက်အရာရှိ တစ်ယောက်တို့ရဲ့ ယှဉ်ပြိုင်မှုတွေကို အဓိကထားပြီးရိုက်ပြထားတာပါ။ တကယ့်အဖြစ်အပျက်ဖြစ်ပြီးတော့ မင်းသား Jack O'Connell က အိုလံပစ် အပြေးချန်ပီယံဟောင်း လူးဝစ်ဇမ်ပီရီနီအဖြစ် အဓိကသရုပ်ဆောင်နေရာကနေ အကောင်းဆုံး သရုပ်ဆောင်ထားပါတယ်။ ဒါ့အပြင် ဂျပန်စစ်ဗိုလ် Watanabe အဖြစ်သရုပ်ဆောင်တဲ့ Miyavi ကလည်း အဆိုတော်ဆိုပေမယ့် သူ့ character ကို အကောင်းဆုံးသရုပ်ဆောင်ပြသွားပါတယ်။ IMDb Rating(7.2/10) ထိရရှိထားတဲ့ ဇာတ်ကားကောင်းတစ်ကားပါ။ စစ်ပြီးနောက် ဆက်ဖြစ်တဲ့အကြောင်းအရာတွေကိုတော့ slideshow နဲ့ဆက်ပြပါတယ်။ Louie က အိမ်ထောင်ကျပြီး သားသမီး နှစ်ယောက်ရပါတယ်။ Phil လည်း အသက်ရှင်လွတ်မြောက်ခဲ့ပြီး သူ့ချစ်သူနဲ့လက်ထပ်ပါတယ်။ Mutsuhiro “Bird” Watanabe က ထိပ်တန်းဂျပန်စစ်ရာဇဝတ်ကောင် ၄၀ စာရင်းမှာပါပေမယ့် ထွက်ပြေးပုန်းရှောင်နေခဲ့လို့ ဥပေဒေရှေ့မှာ တရားမျှတမှုနဲ့ ရင်မဆိုင်ခဲ့ရပါဘူး။ Louie ဟာ သူ့ကို ဖမ်းဆီးနှိပ်စက်ခဲ့တဲ့သူတွေကို ခွင့်လွှတ်ပေးခဲ့ပြီး အများစုနဲ့တွေ့ဆုံခဲ့ပါတယ်။ Watanabe ကတော့ Louie ကို အတွေ့မခံခဲ့ပါဘူး။ ၁၉၉၈ ခုနှစ် ဇန်နဝါရီလ ဂျပန်နိုင်ငံ နာဂါနို မှာ ကျင်းပတဲ့ ဆောင်းရာသီ အိုလံပစ်ပြိုင်ပွဲမှာ မီးရှုးတိုင်ကို သယ်ဆောင်ပေးခဲ့ပါတယ်။ သူ့ပြေးခဲ့တဲ့နေရာက အရင်က သူနေခဲ့ရတဲ့ စစ်သုံ့ပန်းစခန်းတွေထဲက တစ်ခုရဲ့ အနီးမှာရှိပါတယ်။ အပိတ် title မှာတော့ Louis Zamperini ဟာ အသက် ၉၇ နှစ် ဇူလိုင်လ ၂ ရက် ၂၀၁၄ ခုနှစ်မှာ ကွယ်လွန်ခဲ့တယ်ဆိုတာကို ပြသသွားပါတယ်။ ဒီဇာတ်ကားကိုကြည့်ပြီးတဲ့အခါမှာတော့ ဘယ်သူမှချိုးဖျက်လို့မရတဲ့ ခိုင်မာတဲ့ယုံကြည်ချက်တွေအကြောင်းကို အတွေးနယ်ချဲ့နေမိပါတော့တယ်။ (ရုပ်ရှင်အညွှန်းကို Motaku Film Review မှထုတ်နှုတ်တင်ပြထားပါသည်။) File size…(3 GB)/ (1.1 GB) Quality….BluRay HEVC 1080p / HEVC 720p Format…mkv Duration….02:17:21 Subtitle….Myanmar Subtitle (Hardsub) Encoder….Nyeinsaeya Aung Translated by Murphy

လန်ဒန်တောင်ပိုင်း ဘရစ်စတွန်က တိုက်ခန်းတွဲကြီးတစ်ခုရဲ့ ပတ်ဝန်းကျင်မှာ မိုးဇက်၊ ပက်ဇ်၊ ဂျရုန်း၊ ဘစ်ဇ်နဲ့ ဒန်းနစ်တို့ ပါဝင်တဲ့ BLOCK ဆိုတဲ့ လူငယ်အဖွဲ့တစ်ဖွဲ့ ရှိပါတယ်။ သူတို့က ညဉ့်နက်သန်းခေါင်ဆို ရပ်ကွက်ထဲ လျှောက်သွားပြီး ကြုံရင်ကြုံသလို ခိုးဆိုးလုနှိုက်တတ်ကြသူတွေပါ။ တစ်ညမှာ အလုပ်ကပြန်လာတဲ့ သူနာပြုမလေး ဆမ်ကို သူတို့ ဓားပြတိုက်နေတုန်း အနီးကကားတစ်စီးပေါ် ကောင်းကင်က မီးလုံးကြီးတစ်ခု ကျလာတယ်။ ပစ္စည်းတစ်ခုခု ရနိုင်မလားဆိုပြီး သွားကြည့်ကြတဲ့အခါ မျောက်ဝံလိုပုံစံနဲ့ ကိုယ်ထည်နက်မှောင်တဲ့ အမျိုးအမည်မသိ သတ္တဝါတစ်ကောင်က သူတို့ကို တိုက်ခိုက်ပါတယ်။ မိုးဇက်တို့လည်း အခဲမကျေဖြစ်ပြီး အဲဒီသတ္တဝါကို လိုက်သတ်ကြတယ်။ အကောင်သေကို ရောင်းရင် ပိုက်ဆံရမယ်ထင်လို့ ပြန်သယ်လာပြီး အနိုင်ရခဲ့တာကို ပျော်နေကြပေမယ့် ပြဿနာက အဲဒီမှာတင် မပြီးသေးပါဘူး။ နောက်ထပ်သတ္တဝါတွေ အများကြီး သူတို့မြို့ဆီ ရောက်လာကြပါတယ်။ ပွဲတော်ညဖြစ်လို့ မီးရှူးမီးပန်းတွေ ဖောက်နေကြတာကြောင့် တခြားလူတွေတင်မက ရဲတွေပါ သတိမထားမိကြဘူး။ မိုးဇက်တို့ကတော့ ဓားပြမှုကြောင့် ရဲလက်က ထွက်ပြေးနေရင်း ဒီသတ္တဝါတွေနဲ့ ထပ်ရင်ဆိုင်ရပါတော့တယ်။ ဒီညကို အသက်ရှင်လျက် ကျော်ဖြတ်နိုင်ဖို့ သူတို့ ဘယ်လိုကြိုးစားကြမလဲ။ ကျူးကျော်လာတဲ့ သတ္တဝါတွေကို ရှင်းပြီး ကိုယ့်နေရာကို ကာကွယ်ဖို့ ကြိုးစားတာကရော အောင်မြင်နိုင်ပါ့မလား။ ၂၀၁၁ ခုနှစ်ထွက် အက်ရှင်၊ စွန့်စားခန်းနဲ့ ဟာသဇာတ်ကားဖြစ်ပြီး လူငယ်တွေ ဦးဆောင်တဲ့ဇာတ်လမ်းဆိုပေမယ့် တိုက်ခိုက်မှုအခန်းတွေကတော့ ကြမ်းတမ်းပါတယ်။

၂၀၁၀ ပြည့်နှစ်ကထွက်ရှိခဲ့တဲ့ ကနေဒါမှတ်တမ်းရုပ်ရှင်ဒရမ်မာ အမျိုးအစားဖြစ်တဲ့ The Whistle Blower ကို ဒါရိုက်တာ Larysa Kondracki က ရိုက်ကူးပေးထားပြီး မင်းသမီး Rachel Weisz က အဓိကပါဝင်သရုပ်ဆောင်ထားပါတယ်။ ၁၉၉၉ ခုနှစ်က ဘော့စနီးယားမှာ စစ်ပွဲလွန်ကာလအတွင်း DynCrop International အတွက် ကုလသမဂ္ဂငြိမ်းချမ်းရေး စောင့်ရှောက်သူအဖြစ်တာဝန်ထမ်းဆောင်ခဲ့တဲ့ အမေရိကန်ရဲ အရာရှိအမျိုးသမီး Kathryn Bolkovac ရဲ့ဖြစ်ရပ်မှန်ဇာတ်လမ်းကို အခြေခံရိုက်ကူးထားတာပါ။ ဒီရုပ်ရှင်ထွက်ရှိလာပြီးတဲ့နောက် အဲဒီအချိန်က ကုလသမဂ္ဂအထွေထွေ အတွင်းရေးမှူးချုပ်ဖြစ်တဲ့ဘန်ကီမွန်းက လူကုန်ကူးခြင်းနဲ့ပြည့်တန်ဆာ အဖြစ်အဓမ္မခိုင်းစေခြင်းတို့အပါအဝင် အမျိုးသမီးနဲ့ကလေးငယ်တွေကို လိင်ပိုင်းဆိုင်ရာအမြတ်ထုတ်မှုတွေကိုတိုက်ဖျက်ရေးအတွက် အဖွဲ့အစည်းရဲ့ ကြိုးပမ်းအားထုတ်မှုတွေနဲ့ပတ်သက်ပြီး ဆွေးနွေးပွဲတစ်ရပ်ခေါ်ယူခဲ့ ရတဲ့အထိ ဖြစ်ခဲ့ပါတယ်။ ဇာတ်လမ်းအကျဉ်း အမေရိကန်ရဲအရာရှိတစ်ယောက်ဖြစ်တဲ့ကတ်သီဟာ ဒီမိုကရာလို့ခေါ်တဲ့ပုဂ္ဂလိကကန်ထရိုက်တာအတွက် ကုလသမဂ္ဂနိုင်ငံတကာရဲတပ်ဖွဲ့နဲ့အတူ ဘော့စနီးယားမှာ တာဝန်ထမ်းဆောင်ဖို့ကမ်းလှမ်းချက်ကိုလက်ခံခဲ့ပါတယ်။ ဘော့စနီးယားကို ကတ်သီရောက်လာချိန်မှာတော့ လိင်ပိုင်းဆိုင်ရာခေါင်းပုံဖြတ်နေတဲ့ ဒေသခံလူကုန်ကူးမှု အဖွဲ့တစ်ခုနဲ့ ရင်ဆိုင်ခဲ့ရပါတယ်။ ဒီအဖွဲ့ဟာ တကယ်တော့ ဒီမိုကရာကဝန်ထမ်းတွေကို ဝန်ဆောင်မှုပေးနေရတာဖြစ်ပြီး ဒီရဲတွေကိုယ်တိုင်က လူကုန်ကူးမှုမှာပါဝင်နေတာကို အံ့အားသင့်ဖွယ်သိရှိလိုက်ရပါတယ်။ ကတ်သီက ဒီအဖွဲ့ကို နှိမ်နှင်းဖို့ကြိုးစားခဲ့တဲ့အတွက် အလုပ်ဖြုတ်ခံခဲ့ရပြီး နိုင်ငံတွင်း ကနေလည်း နှင်ထုတ်ခံခဲ့ရပါတယ်။ နည်းလမ်းရှာမရတော့တဲ့ အဆုံးမှာ ကတ်သီက ဒီအကြောင်းအရာတွေကို ဒီမိုကရာ အခြေစိုက်ရာဗြိတိန်မှာ ဘီဘီစီသတင်းဌာနကိုဖွင့်ချခဲ့ပြီး မတရားအလုပ်ဖြုတ်ခံခဲ့ရတဲ့အတွက်လည်း ဒီမိုကရာကို အမှုအနိုင်ရရှိအောင် စွမ်းဆောင်နိုင်ခဲ့ပါတယ်။ File size…1.56GB / 664MB Quality…WEB-Rip 1080p 5.1CH / 720p Format…mp4 Duration….1h 52m Genre …..Biography , Crime ,  Drama Subtitle….Myanmar Subtitle (Hard Sub) Encoder….Min Wai Translated by JULY

မြွေခေါင်းတွေနဲ့မယ်ဒူဆာကို အကြည့်ချင်းဆုံမိတာနဲ့ ကျောက်ရုပ်ဖြစ်သွားတတ်တဲ့ ဒဏ္ဍာရီကို ကြားဖူးရင် ဒီဇာတ်ကားကို အတော်များများသိကြမှာပါ... ဒီရုပ်ရှင်ကားကို မင်းသားမင်းသမီး A list တွေနဲ့ရိုက်ကူးထားပါတယ်...Avator မင်းသား Sam Worthington ,Taken မင်းသားကြီး Liam Neeson,ဟယ်ရီပေါ်တာရဲ့ဗိုဒီမော့ Ralph Fiennes,Hansel and Gretel မင်းသမီး Gemma Arterton တို့အပြင် ဇာတ်ရံပေါင်းများစွာပါဝင်ပါတယ်။ ဇာတ်လမ်းကတော့...သိကြတဲ့အတိုင်းပါပဲ...ဂရိဒဏ္ဍာရီလာ နတ်ဘုရားတွေအကြောင်းရိုက်ကူးထားခြင်းဖြစ်ပါတယ်။ လူသားတွေကိုဖန်ဆင်းထားတဲ့ နတ်ဘုရားတွေ...တန်ခိုးပါဝါအာဏာတွေတပ်မက်ရင်း လူသားတွေလိုစိတ်ဆိုးပြီး...နေရာလု ရန်ဖြစ်ကြပါတော့တယ်...ဒီပြသနာက လူ့ပြည်ထိ ရိုက်ခတ်လာတဲ့အခါမှာတော့...လူတစ်ပိုင်း နတ်ဘုရားတစ်ပိုင်း ပါးစီးရပ်စ်နဲ့...ဘာတန်ခိုးမှမရှိတဲ့လူသားတို့ အခက်အခဲတွေကို လူသားဆန်ဆန် ရင်ဆိုင်ဖြေရှင်းကြတဲ့အကြောင်းပါ။ Clash of the Titans ကိုကြည့်ထားမှ သူ့ရဲ့အဆက် Wrath of The Titans(2012) ကို ဆက်ကြည့်ကြပါ။ File size…(3.1 GB) and (1 GB) Quality….BluRay 1080p & 720p Format…mp4 Duration….01:46:07 Subtitle….Myanmar Subtitle (Hardsub) Encoder….Ka Naung