Luke Wilson ပါဝင်သော ဇာတ်ကားများ

IMDB – 6.5/10, RT – 69% Netflix ကနေ အသစ်ထွက်ရှိလာတဲ့ Dark Comedy အမျိုးအစား စီးရီးလေး ဖြစ်ပါတယ်။ Luke Wilson တို့ Linda Cardellini တို့လို မင်းသား မင်းသမီးတွေအပြင် တခြားမျက်နှာသိသရုပ်ဆောင်တွေလည်း များစွာပါဝင်ထားပြီး မြိုင်မြိုင်ဆိုင်ဆိုင် တင်ဆက်ထားတာပါ။ ဇာတ်ကြောင်းလေးကတော့ LA မြို့ လမ်းထောင့်တစ်နေရာက ၁၉၂၀ ကာလဒီဇိုင်းနဲ့ စပိန်စတိုင်အိမ်တစ်လုံး ရောင်းတော့မယ်။ စိတ်ဝင်စားနေကြတာက ဘာနေနေ အဆိုးမြင်တတ်သူ ပါဝင်တဲ့ လက်ဖက်ဆီပြန် စုံတွဲတစ်တွဲရယ်၊ မိန်းမဖြစ်သူက ဗိုက်ကြီးနေပြီး အိမ်ဝယ်ချင်ပေမဲ့ ငွေမလောက်သေးလို့ အမေကို အပူကပ်ချင်တဲ့ မားမားဘွိုင်းတို့ လင်မယားရယ်၊ မိန်းမဖြစ်သူက လုပ်ချင်ရာလုပ် ယောက်ျားဖြစ်သူက မိန်းမကြိုက်တဲ့အိမ်လေး ဝယ်ပေးချင်ပေမဲ့ ရိုက်ကူးရေးမရှိလို့ ငြိမ်နေရတဲ့ သရုပ်ဆောင်တို့ လင်မယားရယ်ဖြစ်ပါတယ်။ အဲဒီမှာ အိမ်ရှင်လင်မယားကလည်း အတိတ်က သူတို့ ပြဿနာ သူတို့အပူနဲ့သူ။ ဒီအိမ်ကြီးမှာ ဘယ်လို လျှို့ဝှက်ချက်တွေ ရှိနေကြမလဲ၊ ဘယ်အတွဲက အိမ်ကြီးကို ဝယ်နိုင်သွားမလဲ၊ ထောင်ထွက်သူစိမ်းတစ်ယောက်ကလည်း ဘယ်လိုမွှေဦးမလဲ စသဖြင့် စိတ်ဝင်စားစရာတွေနဲ့ ရိုက်ကူးထားတဲ့ ဟာသဒရမ်မာစီးရီးလေး ဖြစ်ပါတယ်ဗျာ။ File Size :  700 MB , 300 MB Quality : WEB-DL 1080p / 720p Running Time : 40min Format : Mp4 Genre : Comedy, Drama Subtitle : Myanmar Subtitle (Hard Sub) Translated by : CM Team Encode by : Thit San Khant

ဒါကတော့ ဒါရိုက်တာ Ty Roberts ရိုက်ကူးထားပြီး မင်းသားကြီး Luke Wilson နဲ့ Greg Kinnear တို့ အဓိကပါဝင်ထားတဲ့ ဘေ့စ်ဘောအသင်းတစ်သင်းရဲ့ ဖြစ်ရပ်မှန် အားကစားဇာတ်လမ်း ကောင်းပါ All-Stars ဘေ့စ်ဘော့အသင်းဟာ ရာသီပွဲတွေမှာ ရှုံးပွဲတွေ ဆက်နေခဲ့ပြီး နည်းပြဂျွန်ကလဲ ရှေ့နေအလုပ်နဲ့ပဲ အလုပ်တွေရှုပ် နေခဲ့ပါတယ်။ အသင်းသားတွေဟာလဲ စည်းလုံးမှုမရှိပဲ အချင်းချင်း ရန်ဖြစ်နေကြပြီး ရာသီနောက်ဆုံးပွဲကိုပါ ရှုံးနိမ့်သွားပါတော့တယ်။ ပြဿနာကိုယ်စီနဲ့ အသင်းသားတွေဟာ ပန်းတိုင်မရှိပဲလမ်းပျောက် နေကြတဲ့ချိန်မှာ နည်းပြဂျွန်က ဘေ့စ်ဘောလူငယ်အသင်းကမ္ဘာ့စီးရီး ပြိုင်ပွဲ ဝင်ပြိုင်ဖို့ ကမ်းလှမ်းချက်ရခဲ့ပါတယ်။ ငြင်းဖို့ပြင်နေချိန် နည်းပြ‌လဲဖြစ် ကစားသမား ရောဘတ်ရဲ့ အဖေလည်း ဖြစ်တဲ့ နည်းပြဘော်ဘီက ကင်ဆာနောက်ဆုံးအဆင့်လို့ သိလိုက်ရတဲ့အခါ..... ပန်းတိုင်ပျောက်နေတဲ့ လူငယ်လေးတွေဖို့ နည်းပြဘော်ဘီအတွက် နိုင်ပွဲယူဖို့က ပန်းတိုင်ဖြစ်လာတဲ့အခါ..... အကောင်းဆုံးသူငယ်ချင်းရဲ့ အိပ်မက်တွေဖြစ်လာဖို့ နည်းပြဂျွန်ဟာ မိတ်ဆွေတွေရဲ့အကူအညီနဲ့ အသင်းကိုလေ့ကျင့်ပေးပြီး ပြိုင်ပွဲဝင်ဖို့ ဖြစ်လာပါတော့တယ်။ All-Starsအသင်းရဲ့ ပြိုင်ပွဲတစ်လျှောက် အတွေ့အကြုံတွေ ၊ လူငယ်လေးတွေရဲ့ ရင့်ကျက်လာမှုတွေ တွေ့ရမဲ့အပြင် ကမ္ဘာ့စီးရီးမှာ ဘယ်အဆင့်ထိ တက်လှမ်းနိုင်မလဲ..... ဘော်ဘီကရော ဘာဆက်ဖြစ်မလဲ...... အိပ်မက်အတွက်တိုက်ပွဲနဲ့ ဘဝအတွက်တိုက်ပွဲ နှစ်ခုလုံးမှာ အောင်မြင်သွားမလား ရှုံးနိမ့်သွားမလားဆိုတာကိုတော့.....။ File size…(1.71GB) / ( 932MB) Quality…WEB-DL 1080p HEVC / 720p Format…mkv / mp4 Duration….1h 44m Genre ….. Family , Sport Subtitle….Myanmar Subtitle (Hard Sub) Encoder….Min Wai Translated by K

ဒီဇာတ်ကားလေးကတော့ ဒါရိုက်တာ Kevin Costner က ပြောင်မြောက်စွာ ရိုက်ကူးတင်ဆက်ထားတဲ့ ဂန္ဓဝင်အနောက်တိုင်းရုပ်ရှင်ဇာတ်ကားဖြစ်ပြီးတော့ An American Saga Trilogy ရဲ့ ပထမဆုံးဇာတ်ကားဖြစ်ကာ နောက်ထပ် Sequel နှစ်ကားလာဖို့ ရှိပါသေးတယ်။ ဇာတ်လမ်းလေးကတော့ အမေရိကန်လူမျိုးတွေဟာ အမေရိကတိုက်ကြီးရဲ့ မိုးကုပ်စက်ဝိုင်းလို့ ခေါ်ဝေါ်သမုတ်တဲ့ အနောက်ဖက်အရပ်ရဲ့ ဆွဲဆောင်ညို့ယူမှုကို ခံရပြီး အမေရိကန်နိုင်ငံရဲ့နယ်နိမိတ်ကို တိုးချဲ့တိုင်းတာသတ်မှတ်ဖို့ တရွေ့ရွေ့ ခြေဆန့်ခရီးဆက်လာတဲ့အချိန်မှာ ယနေ့ခေတ်အခေါ် ဟစ်ပီတွေ တဖြစ်လည်း ဒေသခံတိုင်းရင်းသားလူမျိုးရင်းမျိုးနွယ်စုတွေဖြစ်တဲ့ အပါချီမျိုးနွယ်စုနဲ့ တခြားမျိုးနွယ်စုခွဲတွေအတွက်ကတော့ သူတို့ပိုင်ဆိုင်တဲ့မြေကို တစတစ ဖဲ့ပေးနေရတာဖြစ်တဲ့အတွက် သူတို့ကြားထဲမှာ တိုက်ပွဲတွေ ဖြစ်ပွားနေတဲ့အကြောင်းနဲ့ စတင်ထားပါတယ်။ ယဉ်ကျေးမှုနှင့် နည်းပညာတိုးတက်မှုတို့ အချိုးကျကျပေါင်းစပ်ကာ ဂီတ အနုပညာ ဖက်ရှင် ဖျော်ဖြေရေးတွေ ထွန်းကားလာပြီးတော့ ရွှေခေတ်လို့ တင်စားကြတဲ့ ၉၀ ရာစုပြည့်နှစ်တွေ မရောက်ရှိလာခင် ခေတ်အချိုးအကွေ့ရဲ့ ကနဦးအစောပိုင်းကာလကို မတူညီကွဲပြားတဲ့ ဇာတ်ကောင်တွေ ရှုထောင့်တွေနဲ့ အဘက်ဘက်ကနေ ထဲထဲဝင်ဝင် အစပျိုး ရိုက်ကူးတင်ဆက်ထားပါတယ်။ Box Office မှာ ၃၂ သန်းနီးပါး ရရှိခဲ့ပြီး IMDb Rating 6.9/10 နှင့် Rotten Tomatoes မှာ Audience Score 70% ရရှိထားကာ ဒီနေ့ခေတ် အမေရိကန်နိုင်ငံဆိုတာ ဖြစ်လာဖို့ ဘယ်ကနေ စတင်ခဲ့တယ်ဆိုတာကို စိတ်ကူးယဉ်ဇာတ်အိမ်တွေနဲ့ လက်တွေ့သမိုင်းကြောင်းတို့ကို ရောပြွန်းတင်ဆက်ထားတဲ့ ဇာတ်လမ်းကောင်းလေးဖြစ်လို့ မဖြစ်မနေ ကြည့်ရှုသင့်တဲ့ဇာတ်ကားဆိုလည်း မမှားပါဘူး။ File size…(4.7 GB)/(2.2 GB) Quality….Webrip 1080p / 720p Format…mp4 Duration….03:01:00 Genre... Western, Drama Subtitle….Myanmar Subtitle (Hardsub) Encoder….Mr. Anderson Translated by Matteo

Merry Little Batman (2023) ~ IMDb - 6.4/10, Rotten Tomatoes - 94% ~ ခရစ္စမတ်အန်နီမေးရှင်း တစ်ကားလုံးအပြည့်ကောင်းကောင်းတန်းတန်းကားလည်း မကြည့်ရတာကြာပြီ... ဘတ်မန်းအန်နီမေးရှင်းကိုလည်း မြင်နေကျပုံစံမဟုတ်ဘဲ ပုံစံအသစ်နဲ့မြင်ချင်တယ်ဆိုရင်ကြည့်ရမယ့် ဘတ်မန်းအန်နီမေးရှင်းကားအသစ်ပါပဲ။ ဒီကားကိုတော့ ထူးထူးခြားခြား ဝါနာဘရားသားက မထုတ်ဘဲ Metro-Goldwyn-Mayer ကနေ ထုတ်ထားပါတယ်။ ပြောရရင် ဝါနာဘရားသားက ထုတ်တာမဟုတ်တဲ့ ပထမဆုံး ဒီစီအန်နီမေးရှင်းကားပါပဲ။ ဘတ်မန်းရဲ့နာမည်ကျော်ဗီလိန်တွေ အကုန်ပါသလို ခရစ္စမတ်အရသာလည်း အပြည့်အဝရတာမို့ သိပ်မလိုတော့တဲ့ ခရစ္စမတ်ကို စောင့်မျှော်ရင်း ကြည့်သင့်တဲ့ရုပ်ရှင်ပါပဲ။ ပြောရရင် ဒီရုပ်ရှင်ဟာ ခင်ဗျားငယ်ငယ်က ပုတက်တို့ ကစ်ဇုန်တို့ရဲ့ ခရစ္စမတ်အထူးထုတ်တွေမှာ ဖတ်ရတဲ့ ကာတွန်းတွေရဲ့အရသာကို ပေးနိုင်ပါတယ်။ ဇာတ်ကတော့ ထူးထူးခြားခြားပဲ။ ဂေါ်သမ်မြို့မှာ ဘာမှုခင်းမှမရှိတော့တဲ့ ကာလမှာတည်ထားတယ်။ ဂေါ်သမ်ဟာ ကမ္ဘာ့ဘေးအကင်းဆုံးမြို့တော်အဖြစ်ပါ မဲပေးခံခဲ့ရတဲ့ကာလပေါ့။ ဘတ်မန်းကလည်း သူ့သား ဒေမီယန်ဝိန်းလေးကို ဖူးဖူးမှုတ်မတက် အိမ်မှာ ဂရုစိုက်နေပြီး ရဲမင်းကြီးဂေါ်ဒွန်လည်း ဘတ်ဆစ်ဂနယ်ကို မဖွင့်ဖြစ်တာ နှစ်ပေါင်းတော်တော်ကြာနေပြီဖြစ်တဲ့ကာလပေါ့။ ဘာလို့ ဒီလိုဖြစ်သွားသလဲဆို ဘတ်မန်းဟာ သူ့သားကို သိပ်ချစ်လေတော့ သူ့သားကြီးပြင်းလာတဲ့အခါ သူ့မြို့က စိတ်ချရတဲ့မြို့ဖြစ်စေချင်လို့ အကုန်လုံးကို အိုဗာတိုင်ဆင်းပြီး ရှင်းထုတ်ပစ်ခဲ့တာပါပဲ။ အောင်မြင်ခဲ့ပါတယ်။ ဘတ်မန်းလည်း အလုပ်မရှိတာ ၈နှစ်လောက်ရှိပါတော့မယ်။ ဒေမီယန်ဝိန်းလေးကတော့ စူပါဟီးရိုးအရမ်းဖြစ်ချင်လွန်းလို့ ကျားကုတ်ကျားခဲ လေ့ကျင့်ပြီး ပြဿနာတွေပတ်ရှာနေခဲ့တယ်။ ဘတ်မန်းကလည်း သူ့သားကို ပိုစိတ်မချဖြစ်လာခဲ့တယ်။ ဒီလိုနဲ့ ခရစ္စမတ်အကြိုနေ့မှာ ဘတ်မန်းကို စူပါဗီလိန်တစ်ကောင်က ဂေါ်သမ်ကနေ မျှားခေါ်ထုတ်ပြီး ခရစ္စမတ်ကို ခိုးဖို့လုပ်တယ်။ ဂေါ်သမ်မြို့ကြီးမှာ ကျန်ခဲ့တဲ့ ဒေမီယန်က သူ့အဖေအစား ခရစ္စမတ်ကို ခိုးတော့မယ့် စူပါဗီလိန်တွေကို တားနိုင်မလား ကြည့်ကြရမှာပေါ့။ ဒီအန်နီမေးရှင်းကို နှစ်ပေါင်းများစွာကြာပြီးမှ မှုခင်းတွေပြန်ဖြစ်လာလို့ ထိတ်လန့်နေတဲ့ ဂေါ်သမ်မြို့သားတွေနဲ့ စူပါဟီးရိုးဖြစ်ချင်နေတဲ့ ဒေမီယန်နဲ့ စူပါဗီလိန်တွေကြားက အုတ်အော်သောင်းနင်းအဖြစ်တွေကို ဟာသနှောပြီး တင်ဆက်ထားတယ်။ နောက် ခရစ္စမတ်ရဲ့ အရသာကိုရောပေါ့။ ခရစ္စမတ်အတွက် ကျိန်းသေကြည့်သင့်တဲ့ ရုပ်ရှင်ပါပဲ။ ဘတ်မန်းအဖြစ် Luke Wilson တို့၊ အဲဖရက်အဖြစ် James Cromwell တို့လို နာမည်ရှိ သရုပ်ဆောင်တွေက အသံသရုပ်ဆောင်ပေးထားပြီး ထွက်ခဲ့တဲ့ ဘတ်မန်းကားတွေကိုလည်း Tribute ထားပါတယ်။ တော်တော်လေး ဖောင်းထုခံခဲ့ရတဲ့ ဂျော့ကလူးနီရဲ့ Batman & Robin ကိုတော့ ခဏခဏ Tribute ထားတာကိုလည်း မြင်နိုင်ပါတယ်။ သိသလောက်ဆို ဒါပထမဆုံး Christmas Theme သုံးထားတဲ့ တစ်ကားတည်းအပြီး ဒီစီအန်နီမေးရှင်းကားလည်းဟုတ်သလို Christmas Theme သုံးထားတဲ့ ပထမဆုံးဘတ်မန်းကားလည်း ဟုတ်ပါတယ်။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size - 1.95GB, 885MB Quality - 1080p, 720p IMDb Rating - 6.4/10 Format - mp4 Duration - 1H 32Min Genre - Animation, Comedy, Family Subtitle - Myanmar Subtitle (Hardsub) Translated by W Encoded by Y

သူဌေးကြီးတစ်ဦးရဲ့သမီး ပြန်ပေးဆွဲခံရတဲ့အခါ သူ့ကိုပြန်ကယ်ဖို့ တပ်ဖွဲ့တစ်ဖွဲ့ကို ငှားရမ်းလိုက်ပါတယ်။ ကယ်ဆယ်ရေးမှာ အဖွဲ့သားတချို့ကို ဆုံးရှုံးခဲ့ရပေမယ့် သူဌေးသမီးကိုတော့ ပြန်ခေါ်လာနိုင်ခဲ့တယ်။ အချိန်တစ်ခုကြာလာတဲ့နောက် သူဌေးသမီးနဲ့ သူ့ကိုကယ်ခဲ့တဲ့အဖွဲ့ထဲက အသက်ရှင်ကျန်ရစ်သူတစ်ယောက်တို့ ချစ်သူတွေဖြစ်သွားပြီး လက်ထပ်ဖို့ စီစဉ်ကြပါတယ်။ မင်္ဂလာပွဲအတွက် ဟိုတယ်ကြီးတစ်ခုလုံးကို အပြတ်ငှားထားပေမယ့် ပွဲကျင်းပရာကို အကြမ်းဖက်သမားတွေ ဝင်စီးလာကြတယ်။ အရင်က ကယ်ဆယ်ရေးမှာ အသက်ရှင်ကျန်ခဲ့တဲ့ အဖွဲ့သားတွေဟာ ဒီတစ်ခါ မင်္ဂလာပွဲမှာပဲ အကြမ်းဖက်သမားတွေနဲ့ အပြန်အလှန် တိုက်ခိုက်ကြရတော့ပါတယ်။

ခုတစ်ခေါက်မှာတော့ သည်းထိပ်ရင်ဖိုမှုခင်းကားတစ်ကားဖြစ်တဲ့ Gasoline Alley နဲ့မိတ်ဆက်ပေးပါရစေ။ ဇာတ်လမ်းအကျဉ်းကတော့ လေး‌လောင်းပြိုင်လူသတ်မှုတစ်မှုရဲ့ အခင်းဖြစ်တဲ့နေရာမှာ "Gasoline Alley" လို့ ထွင်းထားတဲ့ မီးခြစ်တစ်ခုကို စုံထောက် Freeman နဲ့ Vargas တို့ကတွေ့ရှိခဲ့ပါတယ်။ "Gasoline Alley"ဆိုတဲ့ နာမည်က အကျဉ်းသားဟောင်းတစ်ဦးဖြစ်တဲ့ Jimmy Jayne ရဲ့ တက်တူးဆိုင်နာမည်နဲ့လာ‌တူနေတဲ့အပြင်လူသတ်မှုမဖြစ်ခင်ညက Jimmyဟာ အသတ်ခံရတဲ့လေးယောက်ထဲက တစ်ယောက်ဖြစ်တဲ့ Stars နဲ့ပတ်သက်မှုရှိနေခဲ့တော့ အမှုရဲ့သံသယရှိသူဖြစ်လာပါတော့တယ်။ အကျဉ်းကျခဲ့ဖူးပေမယ့် ကိုယ်မလုပ်တဲ့ပြစ်မှုအတွက် ထောင်အကျမခံနိုင်ပါဘူးဆိုတဲ့ Jimmy ကသံသယရှိသူဖြစ်လာတဲ့အခါမှာတော့ စုံထောက်နှစ်ယောက်နဲ့ပေါင်းပြီးနာမည်ရှင်းဖို့ရာအတွက် အမှုကိုလိုက်ပြီးစုံစမ်းပါတော့တယ်။ Jimmyတစ်ယောက် ကိုယ့်နာမည်ကိုဘယ်လိုရှင်းမလဲဆိုတာကို ပဟေဠိဆန်ဆန်နဲ့ ကြည့်ရမယ့်ကားလေးမို့ ကြည့်ရှုအားပေးကြပါဦး။ File size…1.25Gb / 700MB / 350MB Quality…1080p WEB RIP  AAC 5.1CH / 720p / 360p Format…mp4 Duration….1h 37mins Subtitle….Myanmar Subtitle (Hard Sub) Encoder….YK Translated by Allena & Honeyey

မိဘမဲ့ကလေးတွေကို ဘောင်အပြင်ကလူတွေလို အပယ်ခံတွေအဖြစ်နဲ့ တစ်ဆင့်နှိမ့်ပြီး သတ်မှတ်တတ်ကြပါတယ်။ သနားစရာကောင်းရင်ကောင်း၊ မကောင်းရင် ကြောက်စရာကောင်းတယ်လို့ မြင်တတ်ကြပါတယ်။ Youtube မှာတွေ့လိုက်တဲ့ အပြေးပြိုင်ပွဲလေးတစ်ခုအကြောင်းကို သွားပြီးသတိရပါတယ်။ ပြိုင်ပွဲဝင်တွေအားလုံးကို တညီတည်းရပ်စေပါတယ်။ မိဘရှိသူကို ခြေတစ်လှမ်းတိုးခိုင်းတယ်။ နေစရာရှိသူကို တစ်လှမ်းတိုးခိုင်းတယ်။ အလုပ်ရှိသူ၊ ဘွဲ့ရသူ စတဲ့ အားသာချက်တစ်ခုတိုင်းအတွက် ခြေလှမ်းတစ်လှမ်းစီရှေ့ကိုခိုင်းပါတယ်။ နောက်ဆုံး အားလုံးအတွက် နေရာသတ်မှတ်ပြီးတဲ့ အချိန်မှာ အနောက်ဆုံးက လူတွေဟာ သနားစရာအကောင်းဆုံး (သို့) ကြောက်စရာအကောင်းဆုံးလိုလူတွေပဲ ကျန်ခဲ့ပါတယ်။ ဒါပေမဲ့ ဒီပြိုင်ပွဲမှာတော့ သူတို့က တခြားသူတွေလိုပဲပြိုင်ပွဲဝင်ပါပဲ။ အနောက်ဆုံးမှာဆိုပေမဲ့ သူတို့မှာ ဝင်ရောက်ပြိုင်ဆိုင်ခွင့်၊ ပန်းတိုင်ကို အောင်မြင်စွာရောက်နိုင်ခွင့်ရှိနေပါတယ်။ တခြားသူတွေက သူတို့ကို အထင်သေးအမြင်သေးဖြစ်နေပေမဲ့ သူတို့ကိုယ်သူတို့ "ငါသည်လည်း ပြိုင်ပွဲဝင်တစ်ယောက်ပဲ" ဆိုတဲ့ လေးစားသမှုလေးဝင်ပြီး ပထမရဖို့ကို အားကုန်ပြေးခဲ့ကြပါတယ်။ လူ့လောကကို အပြေးပြိုင်ပွဲလေးတစ်ခုနဲ့ ဥပမာပြသွားတာ အရမ်းကိုသေသပ်ပါတယ်။ နောက်ဆုံးကနေတာထွက်ရတဲ့သူက ပထမမရဘူးလို့ ဘယ်သူကပြောနိုင်မှာလဲ။ နောက်ဆုံးကနေတာထွက်ရတောင် လောကအလည်မှာ ပထမနေရာဆိုတာကို ရနိုင်တဲ့အကြောင်းကို စွမ်းပကားကြီးတဲ့ မိဘမဲ့ကလေး ၁၂ ယောက်က ဒီဇာတ်ကားမှာ သက်သေပြသွားကြမှာပါ မိဘမဲ့ဂေဟာမှာရှိတဲ့ ကလေးတွေကို အနှိမ်ခံအပယ်ခံဘဝကနေ လွတ်မြောက်လာနိုင်အောင် ကူညီပေးပြီး ကိုယ်တိုင်က ရုန်းထွက်လာချင်အောင် စိတ်ဓာတ်ခွန်အားပေး ခဲ့တဲ့ ဘောလုံးနည်းပြတစ်ယောက်နဲ့ မိဘမဲ့ဂေဟာက တာဝန်ရှိသူတွေရဲ့ ကြိုးပမ်းမှုတွေနဲ့ လောကအလယ်မှာ ဂုဏ်ငယ်စရာလူတွေမဖြစ်ရအောင် ကြိုးစားခဲ့ကြတဲ့ မိဘမဲ့လေးတွေရဲ့ စိတ်ဓာတ်ခွန်အားကို ကိုယ်တိုင်ဝင်ပြီး ခံစားနိုင်မှာပါ။ ဘောလုံးဆိုတာတောင်မမြင်ဖူးတဲ့ ဒီကလေးတွေကို နည်းပြကြီးက ဘောလုံးအကျော်အမော်တွေဖြစ်လာအောင် နဲ့ မမျှမတဆက်ဆံခံခဲ့ကြရလို့ တစ်လောကလုံးကို အမြင်စောင်းနေကြတဲ့ သူတို့လေးတွေ လောကအလယ်မှာ အဆင်ပြေပြေ မားမားမတ်မတ်ရပ်တည်နေနိုင်အောင် ဘယ်လိုလမ်းညွှန်ပြသသွားမလဲဆိုတာကိုလည်း ဇာတ်ကားထဲမှာ ဝင်ခံစားကြည့်ကြတာပေါ့။ File size…(2.3 GB) / (1.2 MB) / (500MB) Quality…Bluray 1080p/720p/480p Format…mp4 Duration….01:58:00 Subtitle….Myanmar Subtitle (Hardsub) Encoder….d3mon Translated by Yoon Wah Wah Theint

DC's Stargirl Season (1) Christmas အကြို ညတစ်ညမှာ JSA (Justice Society of America) အဖွဲ့နဲ့ Injustice Society တို့ အပြင်းအထန် တိုက်ခိုက်ကြရင်း  JSA တစ်ဖွဲ့လုံး မျိုးကန်းသွားခဲ့ပါတယ်။  အဲဒီမှာ ဒဏ်ရာရပြီး သေခါနီးဖြစ်နေတဲ့ Starman က သူ့ရဲ့sidekickဖြစ်တဲ့ Pat ကို Comis Staff ကြီး ပေးခဲ့လိုက်တယ်။  ထိုက်တန်တဲ့ သူတစ်ယောက်ကို ပေးအပ်ခိုင်းပြီး JSA ကို ဆက်လက်ရှင်သန်အောင်ထားဖို့ မှာခဲ့တော့တယ်။ ၁၀ နှစ်ကြာပြီးတဲ့နောက်မှာ Pat ရဲ့ မယားပါသမီး Courtney Whitmore က Staff ကို မတော်တဆတွေ့သွားတွေ့သွားတဲ့အချိန်မှာ Stargirl Origin အတွက် အခြေခိုင်တဲ့ episode တစ်ခုဖြစ်လာပါတော့တယ်။  VFX တွေကလည်း တော် တော်လေး လန်းပါတယ်။  မင်းသမီးလေးလည်း အတူတူပါပဲ။  DC Fan တွေအတွက် ပေါ့ပေါ့ပါးပါးနဲ့ ကြည့်ကောင်းမယ့်seriesတစ်ခုပါ။

နုနုရွရွ ရိုမန်းတစ် ဇာတ်လမ်းလေးတွေကို ကြည့်ရှုချင်တဲ့သူတွေအတွက် ၂၀၂၀ ထွက် All the Bright Places ဆိုတဲ့ ဇာတ်ကားလေးတင်ဆက်ပေးချင်ပါတယ် IMDb – 6.5/10 နဲ့ Rotten tomatoes – 75% ရရှိထားပြီးတော့ Elle Fanning နဲ့ Justice Smith တို့ အဓိကပါဝင်သရုပ်ဆောင်ထားပါတယ် ဇာတ်လမ်းလေးရဲ့အစကတော့ ဖင့်ချ်ဆိုတဲ့ ဆယ်ကျော်သက်ကောင်လေးတစ်ယောက်ဟာ တစ်မနက်မှာ တံတားပေါ်ပြေးနေတုန်း တံတားဘောင်ပေါ်မှာ မတ်တပ်ရပ်ပြီး တံတားအောက်ကို ငုံ့ကြည့်နေတဲ့ ကောင်မလေးတစ်ယောက်ကို တွေ့ခဲ့ပါတယ် … ကောင်မလေးက သူတို့အတန်းထဲက ဗိုင််အိုလက် ဆိုတဲ့ကောင်မလေးပေါ့ … ဖင့်ချ်ဟာ ဗိုင်အိုလက် တံတားအောက် ခုန်ချမယ်အထင်ကြောင့်လားမသိ … အာရုံလွှဲဖို့ သူပါ တံတားဘောင်ပေါ် တက်လာခဲ့တယ်… သူတို့နှစ်ယောက်ရဲ့ ဆက်ဆံရေးဟာ အစမှာ ယဉ်သကို ဆိုသလို ဗိုင်အိုလက်က ဖင့်ချ်ကို မောင်းထုတ်လိုက်ပါတယ် … တစ်ခါတစ်ရံမှာ အဖြုရောင်က တကယ်ပဲဖြူသလား အမည်းရောင်က တကယ်ပဲမည်းသလား … ပျော်ပျော်နေတတ်တဲ့ သူရဲ့ နောက်ကွယ်မှာ ဘယ်လိုအမှောင်ဖက်ခြမ်းတွေရှိသလဲ … အမှောင်ထဲကလူတစ်ယောက်ဟာ အလင်းတစ်ခုဖြစ်လာနိုင်သလား ဒါတွေဟာ ကျွန်တော်တို့ ကြိုမမြင်နိုင်တဲ့အရာတွေပါပဲ … ရိုးရှင်းသော်လည်း မြင်ရခက််တဲ့ အလင်းရောင်တွေကို ဟောဒီ all the bright places ဆိုတဲ့ ဇာတ်ကားထဲမှာ ကြည့်ရှုကြရအောင်လားရွှေပွဲလာ ပရိသတ်ကြီးရေ…. File Size : (1.80 GB) and (850 MB) Quality : NF WEB-DL (1080p 5.1 and 720p) Running Time : 1hr 47min Format : Mp4 Genre : Drama, Romance Subtitle : Myanmar Subtitle (Hard Sub) Source : 1080p.NF.WEBRip.DDP5.1.Atmos.x264-NTG Translated by Zuel Khant Thwin Encoded by Thanhtike Zaw

2019 ခုနစ်ထွက် drama ဇာတ်ကားဖြစ်ပါတယ် The Fault in our stars, The Divergent series နဲ့ Baby driver တို့ရဲ့မင်းသားချော Ansel Ergot ကအဓိကမင်းသားအဖြစ်ပါဝင်သရုပ်ဆောင်ထားပြီး Nicole Kidman နဲ့ stranger things ထဲကကလေးသရုပ်ဆောင် Fin Wolfhard တို့လည်းပါဝင်ထားပါတယ် ဇာတ်လမ်းအကျဉ်းလေးကတော့ သီယိုဒေါဒက်ကာဆိုတဲ့ ၁၃နှစ်အရွယ် ချာတိတ်လေးက ဖခင်ဖြစ်သူစွန့်ပစ်သွားပြီးနောက် မိခင်ဖြစ်သူနဲ့နှစ်ယောက်တည်းနေထိုင်ပါတယ်.... တစ်ရက်တော့ မိခင်ဖြစ်သူနဲ့ ပန်းချီပြခန်းသွားရင်း အကြမ်းဖက်ဗုံးခွဲမှုတစ်ခုကြောင့် မိခင်ဖြစ်သူသေဆုံးသွားခဲ့ပါတယ်.... ​ လူ့လောကအလယ်မှာ မျက်နှာငယ်နဲ့ကျန်ရစ်ခဲ့ရတဲ့ သီယိုဒေါရဲ့ ဘဝထိုထိုကို ရိုက်ကူးထားတာဖြစ်ပြီး လူ့လောကရဲ့ကြမ်းတမ်းခက်ခဲမှုတွေကြားမှာ ဘယ်လိုရှင်သန်ရမလဲဆိုတာတွေ... မိသားစုဆိုတာသွေးသားတော်စပ်မှမဟုတ်ပဲ ချစ်ခြင်းမေတ္တာတရားပေါ်ပဲမူတည်တယ်ဆိုတာရယ်... လူတွေရဲ့အတ္တဖုံးတဲ့စိတ်ဓာတ်တွေရယ်ကို မြင်တွေ့ခံစားရမှာပဲဖြစ်ပါတယ်... File Size : (1 GB , 396 MB ) Quality :  BluRay 720p Running Time : 2 hr 29 min Format : Mp4 Genre :  Drama  Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

Zombieland (2009) ထွက်ပြီး ၁၀ နှစ်အကြာမှာ Zombieland 2 အနေနဲ့ ဒီဇာတ်ကားထွက်ရှိခဲ့ပါတယ်.. ပထမဇာတ်ကားက သရုပ်ဆောင်တွေပဲ အဓိကပါဝင်ထားပြီး မပျင်းရအောင် ရယ်ရ ကြောက်ရတုန်းပါပဲ... Rating တွေလဲ ကောင်းဆဲဖြစ်ပြီး ဇာတ်လမ်းတည်ဆောက်ထားပုံလဲ လတ်ဆတ်ပါတယ်... Zombie တွေ ဒီကမ္ဘာမှာ တကယ်ရှိလာနိုင်တာမို့ Zombieland ဇာတ်ကားတွေ ကြည့်ထားဖို့ဖိတ်ခေါ်ပါတယ်။ :P File Size : (1.7 GB),(990 MB) Quality : Blu-Ray (1080p 5.1,720p) Running Time : 1hr 39min Format : Mp4 Genre : Adventure, Comedy, Horror Subtitle : Myanmar Subtitle (Hard Sub) Translated by Aye Mon Kyaw Encoded by Nyeinsaeya Aung

လူဆိုးကြီးမှာ မမွေးခင်ကတည်းကကွဲနေတဲ့ သားခြောက်ယောက်ရှိပါတယ် လူဆိုးကြီးဟာ အသက်ကြီးလာတာကြောင့်မဆိုးနိုင်တော့ပါဘူး လူဆိုးကြီးက အချီကြီးတစ်ခါလောက်ရရင်နားမယ်ဆိုပြီးကြံနေပါတယ် လူဆိုးကြီးဟာ သူ့သားခြောက်ယောက်ကိုအယုံသွင်းပြီး ဒေါ်လာငါးသောင်းကိုဓားပြတိုက်အောင်လုပ်ပါတော့တယ် မတူညီတဲ့သားခြောက်ယောက်ရဲ့စရိုက်ကဇာတ်လမ်းကို ပုံမှန်ကောင်းဘွိုင်ကားတွေနဲ့မတူအောင်လုပ်သွားနိုင်ပါတယ် သားခြောက်ယောက်နဲ့အဖေ ဘယ်သူနိုင်သွားမလဲဆိုတာ အခုပဲဒေါင်းလုပ်ဆွဲပြီးကြည့်လို့ရပါပြီ ဘာသာပြန်ပေးထားတာတော့ကိုမျိုးညွန့်ဖြစ်ပါတယ် encoded by sithu

2015 ခုနှစ်မှာ ထွက်ရှိခဲ့တဲ့ ဒီဇာတ်ကားကို ဒါရိုက်တာ Peter Landesman က ရိုက်ကူးထားပြီး အဓိက သရုပ်ဆောင်အနေနဲ့ Will Smith က ပါဝင်သရုပ်ဆောင်ထားပါတယ်။ Dr Omalu ဆိုတဲ့ ဆရာဝန်တစ်ဦးက ‌ကိုယ့်ကိုယ်ကိုယ် သတ်သေသွားတဲ့ ဘောလုံးသမားဟောင်းတွေကို ရင်ခွဲစစ်ဆေးတဲ့ အပြင်က တကယ့်ဖြစ်ရပ်ကို စိတ်ကူးဉာဏ်ကွန့်ပြီး ရိုက်ကူးတင်ဆက်ထားတာ ဖြစ်ပါတယ်။ ‌အမေရိကန်မှာ ဘောလုံးအားကစားက အလွန်ခေတ်စားတဲ့အတွက် စီးပွားရေး ဈေးကွက်ကြီးတစ်ခုလို ဖြစ်နေပါတယ်။ ပြည်သူတွေကလည်း ဘောလုံးအတွက်ဆို ဘယ်လောက်ပင်ကုန်ကုန် ကူညီကြ ထည့်ဝင်ကြတဲ့အထိကို စိတ်ဝင်စားကြပါတယ်။ တစ်ရက်မှာ Dr Omalu က နာမည်ကြီး ဘောလုံးသမားဟောင်းတစ်ယောက် သတ်သေသွားလို့ ရင်ခွဲစစ်ဆေးရင်း အရင်က တစ်ခါမှ မကြားထားဖူးတဲ့ ရောဂါအသစ်တစ်မျိုးကို ရှာဖွေတွေ့ရှိသွားပါတယ်။ ဒီအကြောင်းကို စာတမ်းထုတ်ပြန်ဖို့ကိစ္စမှာ ဘောလုံးဘက်ကလူတွေက ဒီလိုထုတ်ပြန်လိုက်ရင် လူတွေ ဘောလုံးကိုကြောက်ပြီး အားမပေးတော့မှာကို စိုးရိမ်တာရယ်၊ ဈေးကွက်ကြီး ပျက်သွားမှာ ကြောက်တာရယ်နဲ့ သူ့ကို ပြန်တိုက်ခိုက်ကြပါတော့တယ်။ IMDb 7.1 အထိရထားတဲ့ ဇာတ်လမ်းကောင်းလေးဖြစ်လို့ ကြည့်ရှုလိုက်ကြပါဦး။ File size…    1.6 GB /  777 MB Quality… BluRay 1080p / 720p Format… mp4 Duration…. 2h 3m Genre ..... Biography/Drama/Sport Subtitle…. Myanmar Subtitle (Hard Sub) Encoder…. Hein Tayza Translated by El'Moh

မင်းသား Luke Wilson နဲ့ ကျွန်တော်တို့ မာသာဖပ်ကာကြီး Samuel L Jackson ဦးဆောင်ထားတဲ့ ထိတ်လန့်သည်းဖိုဖွယ် ဇာတ်ကားဖြစ်ပါတယ်။ ဇာတ်လမ်းအကျဉ်းကတော့ အိမ်ထောင်သည် ကလေးနှစ်ယောက်ရှိ အိမ်ခြံမြေပွဲစား ဂျွန်တစ်ယောက် အိမ်တွေလည်းမရောင်းရ ပိုက်ဆံတွေလည်းအကုန်ဆုံး အလုပ်ထုတ်ခံလာရပြီး သူ့မွေးနေ့ကို စိတ်ပျက်လက်ပျက် ပြန်လာပါတယ်၊ မိန်းမဖြစ်သူနဲ့လည်း စကားများပေါ့။ ပြီးတော့ မိန်းမက ကလေးတွေခေါ်ထွက်သွားတဲ့အချိန် တံခါးခေါက်လို့ ဖွင့်ပေးလိုက်တော့ ရစ်ချီဆိုတဲ့လူတစ်ယောက်က သူ့ကားပျက်နေလို့ဆိုပြီး ခဏလောက် တွန်းပေးဖို့ ကူညီခိုင်းပါတယ်။ အဲဒါနဲ့ ဂျွန်တစ်ယောက် ကူညီပေးတဲ့အချိန် အိပ်ဇောပေါက်ပြီး ခြေထောက်ထိသွားပါတော့တယ်။ ဒီတော့ ရစ်ချီကလည်း သူ့ကြောင့် ဖြစ်သွားရတဲ့အတွက် စိတ်မကောင်းပါဘူး ဆေးရုံလိုက်ပို့ပေးမယ်ဆိုပြီး ဂျွန်ငြင်းနေတဲ့ကြားက မရရအောင် ကားပေါ်တင်ပြီး ဆေးရုံလိုက်ပို့မယ်လုပ်ပါတယ်။ အဲဒီမှာပဲ ဂျွန့်ရဲ့ကံကြမ္မာဟာ အစကတည်းက ဆိုးနေရတဲ့ထဲ မြေနိမ့်သူကို လှံစိုက်သလို ဖြစ်လာရတော့တယ်။ ဂျွန်တစ်ယောက် ရစ်ချီဆိုတဲ့လူနဲ့ သွားလာရင်း ဘာထူးဆန်းတာတွေ ကြုံရမလဲ၊ ဘာလို့ သူ့ဆီကို ဒီရစ်ချီဆိုတာ ရောက်လာရတာလဲ၊ သူ့ဆီက ဘာလိုချင်နေတာလဲ စသဖြင့် လှည့်ကွက်တွေနဲ့ လူသတ်မှုတွေပါ ပါဝင်လာတဲ့အခါမှာတော့ ဂျွန်တစ်ယောက် သူ့မိသားစုကို ဘယ်လိုကယ်တင်မလဲဆိုပြီး စိတ်လှုပ်ရှားရတဲ့ ဇာတ်ကားတစ်ကားပါ။ ဇာတ်လမ်းရဲ့ရှေ့ဆုံးခန်းလေးကိုလည်း သေချာအာရုံစိုက်ပေးဖို့ အကြံပေးချင်တယ် မဟုတ်ရင် ခင်ဗျားတို့ သေချာပေါက် ပြန်ကြည့်ရလိမ့်မယ်...။ မာသာဖပ်ကာကြီးကတော့ သူ့အကျင့်အတိုင်း ဒီကားထဲမှာလည်း ၂ ခါတိတိ မာသာဖပ်ကာလို့ ဆဲသွားပါသေးတယ်ဗျ။ File size…1.78GB / 801.7MB Quality…Blu-Ray 1080p / 720P Format…mp4 Duration….1h 29m Genre ..... Crime , Drama , Mystery Subtitle….Myanmar Subtitle (Hard Sub) Encoder….Min Wai Translated by Thura Aung

Death at a Funeral (2010) IMDb...5.7 ရယ်မောစရာ ဇာတ်လမ်းကောင်းတွေကို ကြည့်ရှူချင်ကြတဲ့ ပရိတ်သတ်တွေအတွက် IMDb – 5.4/10 ရှိတဲ့ Death at a Funeral ဆိုတဲ့၂၀၁၀ထွက် ဇာတ်ကားကောင်းတစ်ကား တင်ဆက်ပေးချင်ပါတယ်…. ရုပ်မြင်ရင်ကိုရယ်ဖို့ကောင်းနေတဲ့  Martin Lawrence ကြီးအပြင် အခြားနာမည်ကြီးသရုပ်ဆောင်ပေါင်းများစွာပါဝင်ထားလေရဲ့.... အသုဘနဲ့ဟာသဆိုတာ ဘယ်လိုမှမနီးစပ်နိုင်ဘူးလို့ ထင်စရာကောင်းတဲ့အရာတွေပါ… ဒါပေမယ့် ဒီဇာတ်ကားထဲမှာတော့ အသုဘတစ်ခုကို ဖန်တီးလိုက်ကြပြီး နာမည်ကြီးလူမည်းဟာသသရုပ်ဆောင်တွေကို အသုဘတစ်ခုမှာ တွေ့ဆုံပေးလိုက်ခြင်းအားဖြင့် မရယ်မောဘဲ မနေနိုင်စေတဲ့ တလွဲတချော်ဖြစ်ရပ်တွေကိုအခြေတည်ပြီးတော့ ပေါ့ပေ့ါပါးပါး ရယ်မောစရာကိစ္စတွေထဲမှာ လေးနက်တဲ့လူ့ဘဝအဓိပ္ပာယ်တွေကို ပါးပါးလေးထည့်ထားတာ မြင်တွေ့ရမှာပါ ဇာတ်လမ်းအကျဉ်းကတော့ လူမည်းတစ်ယောက်ဖြစ်တဲ့ အက်ဒ်ဝပ်ရဲ့ အသုဘမှာ လူမည်း လူဖြူမိတ်ဆွေတွေ လာရောက်ဆုံစည်းကြရင်း မသေခင်ကလျှို့ဝှက်ချက်တစ်ခုပေါ်ပေါက်လာတဲ့အခါ သူ့ရဲ့သားတွေ ဒီလျှို့ဝှက်ချက်ကို လိုက်လံဖုံးဖိကြတာပဲဖြစ်ပါတယ်… ကြည့်ရှုခံစားတော်မူကြပ....ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်... File Size : (900 MB) and (372 MB) Quality : Blu-Ray 720p Format…mp4 Duration…01:30:00 Genre :  Comedy Subtitle : Myanmar Subtitle (Hard Sub) Translated by Zuel Khant Thwin Encoded by Aaron

Vacancy (2007) ဇာတ်လမ်းအကျဉ်းကတော့ ဒေးဗစ်နဲ့ အေမီတို့စုံတွဲဟာ မိဘတွေရဲ့ နှစ်ပတ်လည်ပါတီကိုသွားရင်း လမ်းမှာ မျက်စိလည်လမ်းပျောက်နေတဲ့အပြင် ကားပါပျက်သွားပါတယ်။ အဲဒါနဲ့ အခြေအနေအကြောင်းကြောင်းကြောင့် လမ်းမှာတွေ့ရတဲ့ မိုတယ်တစ်ခုမှာပဲ ဝင်တည်းဖြစ်သွားပါတယ်။ မိုတယ်အခန်းထဲမှာ ပေးထားတဲ့ ဇာတ်ကားတွေကို အပျင်းပြေဖွင့်ကြည့်လိုက်တဲ့အခါမှာတော့ သွေးသံရဲရဲနဲ့ လူသတ်ကားတွေဖြစ်နေတာကို တွေ့လိုက်ရပါတယ်။ ဇာတ်ကားတွေအားလုံးက ရိုက်ထားတဲ့ပုံစံတွေ အတူတူဖြစ်နေပြီးတော့ ရိုက်ထားတဲ့နေရာက သူတို့တည်းတဲ့ မိုတယ်အခန်းထဲမှာပဲဆိုတာ သိလိုက်ရတဲ့အချိန်မှာတော့ လူသတ်သမားတွေလက်ထဲကနေ ထွက်ပြေးနိုင်ဖို့ အချိန်နောက်ကျသွားပါပြီ။ ညဘက်ကြီး ဘယ်မှာရောက်နေမှန်းမသိတဲ့အပြင် လူသတ်သမားတွေရဲ့ စောင့်ကြည့်ခြင်းကို ခံနေရတဲ့ သူတို့စုံတွဲ လူသတ်သမားတွေလက်ထဲကနေ လွတ်မြောက်နိုင်ပါ့မလားဆိုတာကို ရင်တထိတ်ထိတ်နဲ့ ကြည့်ရှုရမယ့် ဇာတ်ကားကောင်းလေး ဖြစ်ပါတယ်။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတယ်။ Genre..... Horror, Thriller Quality…. 1080p | 720p File size… 897MB | 488MB Format… mp4 Duration…. 1h 25min Subtitle…. Myanmar Subtitle (Hardsub) Translator ..... Moh Moh Encoder ..... Aaron

Blades of Glory 2007 2007 ခုနှစ်ကထွက်ရှိထားတဲ့ Blades of Glory ဆိုတဲ့ comedy ကားလေးတစ်ခုကိုတင်ဆက်ပေးချင်ပါတယ် ရေခဲပြင်စကိတ်စီးအားကစားသမားနှစ်ယောက်ဖြစ်တဲ့ ချက်ဇ်နဲ့မက်အယ်လ်ရွိုင်းတို့ဟာ ပြိုင်ဘက်တွေဖြစ်တဲ့အလျောက်လုံးဝမတည့်ကြပါဘူး တစ်ရက်မှာ သူတို့နှစ်ယောက်ဟာဆုပေးပွဲမှာ ရွှေတံဆိပ်ဆုကိုပူးတွဲရရှိတာကြောင့် ဆုလက်ခံနေစဥ်မှာရန်ဖြစ်ခဲ့ကြပါတယ် အဲ့ဒါကြောင့်မလို့အဖွဲ့ချုပ်ကသူတို့ကိုပြိုင်ပွဲဝင်ခွင့်ရာသက်ပန်ပိတ်လိုက်ပါတယ် ဒီလိုနဲ့သုံးနှစ်ကြာအပြီးမှာ သူတို့ဟာ သူတို့ပြိုင်နေကြမဟုတ်တဲ့ နှစ်ယောက်တွဲစကိတ်စီးပြိုင်ပွဲကိုယှဥ်ပြိုင်ဖို့အသင်းဖော်တွေဖြစ်လာတဲ့အခါ "မတည့်အတူနေ"သူတို့နှစ်ယောက် ဘယ်လိုတွေရှေ့ဆက်ရမလဲ နှစ်ယောက်တွဲပြိုင်ပွဲမှာရော သူတို့အကောင်းဆုံးလုပ်နိုင်ပါ့မလား နောက်ဆုံးမှာတည့်သွားကြမလား ရွှေတံဆိပ်ဆုကိုထပ်မံရရှိဖို့အတွက်ဘယ်လိုတွေကြိုးစားသွားရမလဲ ဘယ်လိုအခက်အခဲတွေနဲ့ရင်ဆိုင်ရမလဲဆိုတာကို ဟာသနှောပြီးရိုက်ကူးထားတာဖြစ်ပါတယ်

၂၀၀၇ ခုနှစ်ကထွက်ရှိထားပြီး IMDb 7.7 ရထားတဲ့ ခပ်လန်းလန်း Cowboy ကားလေးတစ်ကားကို တင်ဆက်ပေး လိုက်ပါတယ် Walk The Line ကို ရိုက်ကူးခဲ့တဲ့ ဒါရိုက်တာ James Mangold က ရိုက်ကူးခဲ့တာဖြစ်ပြီး ပါဝင် သရုပ်ဆောင်ထားတဲ့ မင်းသားတွေကတော့ Russell Crowe, Christian Bale တို့ပဲ ဖြစ်ပါတယ်။ ဒီကားလေးက အော်စကာ ဆု၂ဆု အတွက်နာမည်စာရင်းပါခဲ့ပြီး တခြား ရုပ်ရှင်ဆု ၃ ဆုနဲ့ ဆုပေါင်း ၃၀ ရရှိခဲ့ပါတ်ယခပ်ကြမ်းကြမ်း အက်ရှင်ကားလေး ဖြစ်တာမို့ Cowboy ပရိတ်သတ်တွေအနေနဲ့ကတော့ လက်လွတ်မခံသင့်တဲ့ကားလေးပါဗျ ဇာတ်လမ်းအကျဉ်းလေးကတော့ Rancher Dan Evans ဟာသူ့ ရဲ့မြေယာပြသနာအတွက် Bisbee ကိုလာခဲ့ပြီး မထင်မှတ်ဘဲ Ben Wade ဦးဆောင်တဲ့ ဓားပြမူ နဲ့ကြုံလိုက်ရပါတယ် သိပ်မကြာခင်မှာပဲ Wade ဟာ အဖမ်းခံလိုက် ရပြီး Wade ကို ခုံရုံးတင်ဖို့ Yumaမြို့ကို ပို့ဆောင်ပါတော့တယ် ပို့ဆောင်ရာမှာ Wade ကို လိုက်လံစောင့်ကြပ်ဖို့ အတွက် ဆုငွေ USD200 ထုတ်ပါတော့တယ် ဒီလိုနဲ့ Evans တယောက် ၎င်းအလုပ်ကို လက်ခံလိုက်တဲ့အခါမှာတော့ လမ်းတလျှောက် မှာ ရှိတဲ့ ဒေသခံ Red Indian တွေနဲ့ Wade ရဲ့ အဖွဲ့သားတွေကို ဖြတ်ကျော်ပြီး Yuma မှာရှိတဲ့ ခုံရုံးကို ပို့နိုင်မလားဆိုတာကိုတော့ ဆက်လက်ကြည့်လိုက်ကြပါတော့ ဗျာ File size…(2.7 GB)/(1.9 GB) Quality….Blu-Ray 1080p / 720p Format…mp4 Duration….01:32:00 Genre...Drama, Thriller, Western Subtitle….Myanmar Subtitle (Hardsub) Encoder….Mr. Anderson Translated by Ko Khaing Lin

Jackass Number Two (2006) (စပြောရမယ်ဆိုရင်တော့ ဒီကားကို ရွံတတ်တာတို့ အူယားတာတို့ ထမင်းစားနေတုန်းတို့ဆို မကြည့်ကြပါနဲ့ နောက်ပြီး ဒီစတန့်တွေကို လိုက်လည်း မစမ်းကြည့်ကြပါနဲ့၊ ဒီကောင်တွေက ပရော်ဖက်ရှင်နယ် အနာခံနိုင်တဲ့ ငတုံးတွေဖြစ်နေလို့ပါပဲ) ကဲ စပြောရမယ်ဆိုရင်တော့ Jackass သမိုင်းပဲဗျ၊ အဓိက ဖြစ်လာစေတဲ့ ပဲ့ကိုင်ရှင်ကတော့ သရုပ်ဆောင်ဖြစ်ချင်နေတဲ့ စတန့်သမား Johnny Knoxville ပဲ သူနဲ့ တခြား ပေါက်ကရစတန့်တွေ လုပ်ကြတဲ့စကိတ်သမားတွေတို့ကို တစ်စုတစ်စည်းတည်း ပေါင်းစည်းစေခဲ့ပြီး Jackass ဖြစ်ပေါ်လာတာပဲ ဖြစ်ပါတယ်။ ၂၀၀၀ ခုနှစ်မှာတော့ ဒီ ငပိန်းတွေကို MTV ကနေ စီးရီးအဖြစ် ထုတ်ပေးခဲ့ပြီး တော်တော်ကို ပေါက်ရောက်ခဲ့ပါတယ်။ ဒါပေမဲ့ ကလေးတွေက ကြည့်ပြီးလိုက်လုပ်ကြတော့ ဆင်ဆာတွေဖြတ်ရ ဟိုဟာပိတ် ဒီဟာတားရ ဖြစ်လာတာပေါ့။ အဲဒီလိုဆို တီဗီစီးရီးက ဆင်ဆာဖြတ်တာများတယ် ငါတို့ ရုပ်ရှင်အဖြစ်ထုတ်ကြမယ်ဆိုပြီး ဆော်ရာကနေ ဒီ ရုပ်ရှင်အတွဲလိုက်တွေ ဖြစ်လာတော့တာပါပဲဗျာ။ ဒီကောင်တွေ ဘာလို့ ဒီလိုအနာခံနိုင်ပြီး ဒူပေဒဏ်ပေနဲ့ ဒီစတန့်တွေ ဘာလို့လုပ်ရတာလဲဆိုတော့ 90 ကာလအကျော်က စကိတ်ယဉ်ကျေးမှုမှာ အချင်းချင်းဘော်ဒါကြားထဲ ဘယ်ကောင်က ပိုသွေးရဲလဲ ဘယ်ကောင်က ပိုပြီး ရူးသွပ်လဲဆိုပြီး စိန်ခေါ်ရာကနေ ဖြစ်ပေါ်လာခဲ့တာပေါ့။ နောက်ပြီး အနုပညာလောကထဲဝင်ဖို့ ရုန်းကန်နေရတော့ နာမည်ကြီးချင် ပေါက်ချင်လို့လည်း ပါတာပေါ့လေ။ တကယ်လည်း အောင်မြင်ခဲ့ပါတယ် Johnny Knoxville ဆိုရင် အာနိုးကြီးနဲ့တောင် အတူတူသရုပ်ဆောင် ရိုက်ဖူးပါသေးတယ်။ ဒီ Jackass အဖွဲ့ကြီးက အရူးတစ်သိုက် ပေါက်ကရအနာခံပြီး လုပ်နေကြတာဆိုပေမဲ့ ခိုင်မာတဲ့ သူငယ်ချင်းသံယောဇဉ်နဲ့ အတူတူ ဆေးထိုးလိုက် ဒဏ်ရာတွေရရင် ဖေးကူလိုက်နဲ့ အတူတူ ဖြတ်သန်းနေကြတဲ့ ဘော်ဒါတသိုက်ပါ။ သူတို့အဖွဲ့ဝင်တွေကတော့ ခေါင်းဆောင်လို ဖြစ်နေမယ့် Johnny Knoxville တို့ စတန့်အကြမ်းစားတွေလုပ်တတ်တဲ့ Steve-O တို့ ကိုယ့်အိမ်ကိုယ် ဆေးပြန်ထိုးတတ်တဲ့ Bam Margera တို့ ၂၀၁၁ မှာ ကား အက်စီးဒန့်နဲ့ ဆုံးသွားခဲ့တဲ့ Ryan Dunn တို့ အပုလေး Wee Man နဲ့ တခြားလူတွေရောပေါ့လေ။ ရုပ်ရှင်အနေနဲ့ဆိုရင်လည်း Jackass: The Movie (2002), Jackass Number Two (2006) Jackass 3D (2010) Jackass Forever (2022) တို့အပြင် Spin-off ပုံစံမျိုး အဘိုးကြီးအဖြစ် Johnny Knoxville က မိတ်ကပ်တွေနဲ့ ပြင်ဆင်ပြီး လိုက်ဖောက်တဲ့ Jackass Presents: Bad Grandpa (2013) မျိုးလည်း ရှိပါတယ်။ နောက်လဆိုရင်လည်း Jackass: Best and Last ဆိုပြီး နောက်ဆုံးရုပ်ရှင်ကား ရုံတင်ဦးမှာပဲ ဖြစ်ပါတယ်။ ကဲ ဒီတော့ ဒီ အနာခံနိုင်တဲ့ ငပိန်းကောင်တစ်သိုက် လုပ်ပြတဲ့ ပေါက်ကရ စတန့်ပြကွက် အဖောက်ဟာကပြကွက်တွေနဲ့အတူ ဘဝအမောများ ပြေနိုင်ပါစေလို့ ဆုတောင်းပေးရင်း နိဂုံးချုပ်လိုက်ပါရစေဗျာ...။

My Super Ex-Girlfriend (2006) Ghostbusters ဇာတ်ကားတွေနဲ့ No Strings Attached လို နာမည်ကျော်ဇာတ်မျိုးကို ရိုက်ခဲ့တဲ့ ဒါရိုက်တာရဲ့ ရုပ်ရှင်ပါ။ အိုဝင်ဝီလ်ဆန်ရဲ့ညီ လုခ်ဝီလ်ဆန်နဲ့ အူမာသာမန်းတို့လို တန်းရှိ သရုပ်ဆောင်တွေကို သုံးထားပါတယ်။ လုခ်ဟာ အိုဝင်လောက်တော့ လူသိမများပေမဲ့လည်း ဝက်စ်အန်ဒါဆန်ရဲ့ ပွဲဦးထွက်ကားတွေနဲ့ တခြားကားကောင်းတွေမှာ ပါဖူးတဲ့ သရုပ်ဆောင်ပါပဲ။ Ethan Hawke ရဲ့ မိန်းမ အူမာသာမန်းကတော့ မသိသူမရှိလောက်ပါဘူး။ တာရန်တီနိုရဲ့ Kill Bill, Pulp Fiction တို့မှာ သရုပ်ဆောင်ဖူးတဲ့သူပါ။ သူ့ရဲ့အကောင်းဆုံးလက်ရာကတော့ Maya Hawke ပါပဲ။ စူပါပါဝါရှိတဲ့မိန်းကလေးတစ်ယောက်နဲ့တွဲမိရာကနေ အလွဲလေးတွေကြုံရပုံကို ကြည့်ရမှာပါ။ ဒီဇိုင်းကုမ္ပဏီတစ်ခုမှာအလုပ်လုပ်နေတဲ့ Single ဖြစ်နေတာကြာပြီဖြစ်တဲ့ မက်က ရထားပေါ်မှာတွေ့တဲ့ ဂျန်နီဆိုတဲ့ကောင်မလေးကို သူငယ်ချင်းရဲ့တိုက်တွန်းမှုကြောင့် ဖွင့်ပြောပြီး တွဲဖြစ်သွားပါတယ်။ နယူးယော့ခ်မှာ G-Girl ဆိုပြီး လူတွေကိုအန္တရာယ်တွေကနေကာကွယ်ပေးနေတဲ့ စူပါဟီးရိုးကောင်မလေးတစ်ယောက်ရှိပါတယ်။ ဂျန်နီက G-Girl မှန်း မက်သိသွားတဲ့အခါ... စူပါဟီးရိုးအနေနဲ့ Cool ဖြစ်ပေမဲ့ ရည်းစားတစ်ယောက်အနေနဲ့ စိတ်ခံစားချက်များပြီး သဝန်တိုတတ်တဲ့ ဂျန်နီနဲ့မက်တို့ အဆင်မပြေကြတော့ဘဲ မက်က သူတကယ်ချစ်တဲ့သူက ကုမ္ပဏီက လုပ်ဖော်ကိုင်ဖက် ဟန်နာဆိုတာသိသွားတဲ့အခါ... ဂျန်နီနဲ့ဟန်နာတို့ကြားမှာ မက်ဘယ်လိုဒုက္ခရောက်ဦးမလဲ... ဂျန်နီနောက်ကိုလိုက်နေတဲ့သူကရော ဘာရည်ရွယ်ချက်နဲ့လဲဆိုတာ... ဆက်ပြီးကြည့်ရှုလိုက်ပါဦး။ စူပါပါဝါတွေနဲ့ကားကိုမှ ရိုမန့်ဟာသ အသားပေးထားတာမို့ လူတိုင်းနီးပါးကြည့်လို့အဆင်ပြေမယ့် ကားကောင်းတစ်ကားပါပဲ။ (ဒီဇာတ်ကားနဲ့အညွှန်းကို Hnin Ei Pai မှ ပြန်ဆို ရေးသားထားပါတယ်) Size - 2.4GB, 975MB Quality - 1080p, 720p IMDb Rating - 5.2/10 Format - mp4 Duration - 1H 36Min Genre - Comedy, Romance, Sci-Fi Subtitle - Myanmar Subtitle (Hardsub) Translated by Hnin Ei Pai Encoded by Y

ကျွန်တော်တို့ ရုပ်ရှင်တွေ စာအုပ်တွေထဲမှာ အနာဂါတ်ဆိုတာကို ဉာဏ်ရည်ပိုမြင့်မားတဲ့လူတွေ တိုးတက်တဲ့ နည်းပညာတွေနဲ့ ပုံဖော်ကြတာကို တွေ့ကြမှာပါ။ ဒါပေမယ့် ဆင့်ကဲပြောင်းလဲမှုဖြစ်စဉ်က ဉာဏ်ရည်မြင့်မားမှုကို မပေးအပ်ခဲ့ရင် ဘယ်လိုဖြစ်လာမလဲ? ဒီဇာတ်လမ်းမှာ ကြည့်လိုက်ရအောင်။ ၂၀၀၅ ခုနှစ်ကာလမှာ ပညာရှင်တွေဟာ ကမ္ဘာကြီးရဲ့ မဟာပြဿနာကြီးကို သတိထားမိခဲ့ပါပြီ။ အဲဒါကတော့ လူသားတွေရဲ့ ဉာဏ်ရည်ဟာ အချိန်နဲ့အမျှ လျော့ကျလာနေကြတာပါ။ အဲဒီပြဿနာကနေ ကယ်တင်နိုင်ဖို့ သိပ္ပံပညာရှင်တွေဟာ သူတို့ခေတ်ရဲ့ အတော်ဆုံး အကောင်းဆုံးလူသားတွေကို နှစ်ပေါင်းများစွာ သိုလှောင်ထားနိုင်ဖို့ ကြံစည်ပါတော့တယ်။ ဒါပေမယ့် အဲဒီနည်းစနစ်ကို စမ်းသပ်ဖို့အတွက်ကိုတော့ ပထမဆုံးအနေနဲ့ လုံးဝမထူးခြားတဲ့ သာမာန်ဉာဏ်ရည်နဲ့ ဂျိုးဆိုတဲ့ ယောကျား်တစ်ယောက်နဲ့ ရီတာ ဆိုတဲ့ မိန်းမတစ်ယောက်ကို အရင်စမ်းသပ်ကြည့်ပါတယ်။ သူတို့၂ ယောက်ကို စမ်းသပ်ပြီးပြီးချင်းမှာပဲ အဲဒီစီမံကိန်း ရပ်ဆိုင်းသွားခဲ့ပြီး သူတို့ ၂ ယောက်ကို မေ့သွားကြပါတယ်။ သူတို့ ၂ ယောက်ပြန်နိုးလာတဲ့အချိန်ဟာ အနာဂါတ်နှစ် ၅၀၀ အကြာပဲဖြစ်ပါတယ်။ အဲဒီအချိန်မှာ ကမ္ဘာသားတွေရဲ့ ဉာဏ်ရည်ဟာ လုံးဝကို လျော့နည်းသွားကြပါပြီ။ နိုင်ငံတစ်ခုလုံးမှာ -မူလဘာသာစကားပျောက်ကွယ်သွားပြီ ဗန်းစကားတွေ အသံပျက်တွေပဲ ကျန်ပါတော့တယ် မူလစကားကိုကောင်းကောင်းပြောသူဟာ အခြောက်လိုလို ငကြောင်လိုလိုအထင်ခံရပါတယ် -ရုပ်ရှင်ဆိုရင်လည်း ဘာဇာတ်လမ်းဇာတ်ကွက်မှ မပါတဲ့ အောက်ပိုင်းကိုပဲ အကြိမ်ကြိမ်ထိခိုက်ပြတဲ့ ကားတွေကိုပဲ နှစ်နှစ်ခြိုက်ခြိုက်အားပေးကုန်ကြပါတော့တယ် -နိုင်ငံတစ်ခုလုံးရဲ့ အော်စကာ ၈ ဆုရ အကောင်းဆုံးရုပ်ရှင်ဟာ ဖင်တစ်ခုတည်းပဲ မိနစ် ၉၀ လုံးပြသွားပါတယ် - အခြားသော စီးပွားရေး ပညာရေး ဗဟုသုတ နယ်အားလုံးမှာ လည်း ကြပ်မပြည့်ကြတော့ပါဘူး - သမ္မတဟာလည်း ၅ ကြိမ်ဆက်တိုက် နဘမ်းချန်ပီယံ အပြာကားမင်းသား လိုလူတွေ ဖြစ်လာပါပြီ - သမ္မတရုံးတစ်ဖွဲ့လုံးကလည်း ကြပ်မပြည့်တဲ့ ဝန်ကြီးတွေနဲ့ သမ္မတအမျိုးတွေပဲ ကျန်ပါတော့တယ် အဲဒီလိုခေတ်မှာ မှတ်ပုံတင်မပါတဲ့ ဂျိုးတစ်တစ်ယောက်အဖမ်းခံရပြီး မှတ်ပုံတင်မှာ " မသေချာဘူး " ဆိုတာကိုနာမည်အဖြစ် မှားယွင်း မှတ်ပုံတင်ခံလိုက်ရပါတယ်။ ဒါပေမယ့် ထောင်ထဲမှာ ဉာဏ်ရည်စစ်ဆေးခံပြီးတဲ့နောက်မှာတော့ ဂျိုးဟာ တစ်ကမ္ဘာလုံးမှာ IQ အမြင့်ဆုံးလူအဖြစ် အားလုံးသိရှိသွားပါတော့တယ်။ ဒါကြောင့် ဂျိုးဟာ သမ္မတရဲ့ အနီးကပ်အကြံပေးအဖြစ် အတွင်းဝန်ရာထူးပေးအပ်ခံရပြီး တစ်နိုင်ငံလုံးရဲ့ ပြဿနာတွေကို ဖြေရှင်းပေးဖို့ ထိုးအပ်ခံရပါတော့တယ်။ ဒါမေပယ့် သူကိုယ်တိုင်လည်း သာမန်ဉာဏ်ရည်သာ ရှိတာမို့ ကောင်းနိုးရာရာလေး မှန်းဆလုပ်ကြည့်ရင်း လူတွေကလည်း သူလုပ်တာကို နားမလည်နိင်တာမို့ တစ်နိုင်ငံလုံး အလုပ်ပြုတ်ပြီး အငတ်ဘေးဆိုက်မလို ဖြစ်သွားခဲ့ပါပြီ။ ကဲဒီတော့ အတွင်းဝန် မစ္စတာ မသေချာဘူးရဲ့ နိုင်ငံကြီးကိုကယ်တင်မယ့်အစီအစဉ်တွေအောင်မြင်မလား၊ ကြပ်မပြည့်တဲ့ခေတ်ကြီးနဲ့ လူတွေနဲ့ ဘယ်လိုတွေ စခန်းသွားပြီး စွန့်စာခန်းဖွင့်မလဲဆိုတာ ဆက်ပြီး ကြည့်လိုက်ကြပါ။ File Size     :   600MB Duration    :   1 : 24: 12 Quality       :   Webrip Translator  :  Littleneo Encoder      :  Littleneo

စတုန်းမိသားစုမှာ သားသုံးယောက်၊ သမီးနှစ်ယောက်ရှိပြီး ခရစ္စမတ်ရောက်တိုင်း မိသားစုဝင်တွေ စုံစုံညီညီ ဆုံနေကျပါ။ ဒီနှစ်မှာတော့ အားလုံးရဲ့အချစ်တော် သားကြီးအဲဗရက်က ချွေးမလောင်း မဲရယ်ဒစ်ကို မိသားစုနဲ့ မိတ်ဆက်ပေးဖို့ ခေါ်လာပါတယ်။ မဲရယ်ဒစ်က အနေအထိုင်သိမ်မွေ့ပြီး စည်းကမ်းတင်းကျပ်သူဖြစ်ပေမယ့် စတုန်းမိသားစုကတော့ ပွင့်ပွင့်လင်းလင်းနဲ့ ပျော်ပျော်နေတတ်ကြသူတွေပါ။ နေထိုင်ပုံချင်း ကွာခြားတာကြောင့် ပြဿနာတွေစဖြစ်လာပြီး မဲရယ်ဒစ်လည်း ဒီမိသားစုကြားမှာ အနေခက်လာတယ်။ သူမကို အဲဗရက်အနားကနေ ခွာသွားအောင် မသိမသာတစ်မျိုး၊ သိသိသာသာတစ်မျိုး ကြိုးစားနေကြတာတွေကိုလည်း ရင်ဆိုင်ရပါတယ်။ မဲရယ်ဒစ်ဟာ ဒီမိသားစုထဲ ဝင်ဆံ့နိုင်ပါ့မလား၊ သူ့ကို တွန်းထုတ်နေကြတာတွေကို တောင့်ခံနိုင်ပါ့မလား။ ပျော်ရွှင်စရာ ခရစ္စမတ်အချိန်မှာ သူမအတွက်ရော ပျော်ရွှင်မှုအစစ် ရှိလာနိုင်မလား။

San Diego မြို့လို ယောကျာ်းလေးများသာ သတင်းတင်ဆက်သူဖြစ်ခွင့်ရှိတဲ့မြို့ကြီးမှာ Ron Burgundy လို့ခေါ်တဲ့ Anchorman ဟာ အာဏာအရှိဆုံးနဲ့ နာမည်အကြီးဆုံးဖြစ်လာခဲ့ပါတယ် သူနဲ့သူ့သူငယ်ချင်းများပါဝင်တဲ့ Channel 4 News Team ဟာ Network မှာငါးနှစ်ဆက်တိုက် နံပါတ်တစ်ဖြစ်လာခဲ့ပါတယ် တစ်နေ့မှာတော့ ပါတီပွဲတစ်ခုမှာ Veronica Coringstone လို့ခေါ်တဲ့ သတင်းထောက်မလေးနဲ့ တွေ့ဆုံပြီး သူမကိုသဘောကျသွားခဲ့ပါတယ် ဖြစ်ချင်တော့ Coringstone ဟာလည်း San Diego ရဲ့ရှေးရိုးစွဲအစဥ်အလာကို ချိုးဖောက်ပြီး သတင်းတင်ဆက်သူဖြစ်ချင်တဲ့ မိန်းကလေးဖြစ်နေတာပေါ့ အဲ့လိုနဲ့ နောက်တစ်နေ့မှာ Coringstone တစ်ယောက် Burgundy ရှိတဲ့ Channel 4 News ကိုရောက်လာပါတော့တယ် အဲ့မှာစပြီး Coringstone ဟာ ဟတင်းတင်ဆက်သူဖြစ်နိုင်မယ့် အခွင့်အရေးကိုစောင့်ဆိုင်းနေရင်း တစ်နေ့မှာတော့ သူဖြစ်မျှော့်လင့်ထားတဲ့ဆန္ဒပြည့်ဝသွားပြီ တွဲဖက်တင်ဆက်သူဖြစ်လာပါတော့တယ် Burgundy ချစ်သော်လည်းအလိုမလိုက်နိုင်ဆိုသလို သူ့နေရာကိုအလုယူခံလိုက်ရလို့ ဒေါသမီးတောက်လောင်ပြီး ပြဿနာလိုက်ရှာပါတော့တယ် ကဲ....အလွဲလေးတွေနဲ့ Burgundy နဲ့ Coringstone တို့ဘယ်လိုတွေဆက်ဖြစ်မလဲ ဘာတွေရန်ပွဲတွေဆင်နွှဲပြီး ရယ်မောရဦးမလဲဆိုတာ ကြည့်ရှုလိုက်ပါဦး File Size : 700 Mb Quality :WEB-DL 720p Format…mp4 Duration…01:34:00 Genre : Comedy Subtitle : Myanmar Subtitle (Hard Sub) Translated by Shoon Thu Thu Chain Encoded by Littleneo

IMDb rating 5.4/10 ရရှိထားပြီး ဗြိတိသျှ တီထွင်သူတယောက်၊ တရုပ်လူမျိုးသူခိုးနဲ့ ပြင်သစ်အနုပညာရှင်ကောင်မလေး ချောချောလေးတို့ရဲ့ စွန်းစားခန်းတွေကိုရိုက်ကူးထားတာဖြစ်ပါတယ်။ ဖီလီးယက်ဖော့ဟာ အင်္ဂလန် ဗစ်တိုးရီးယန်းမှာ နေထိုင်တဲ့ တီထွင်သူတစ်ယောက်ဖြစ်ပြီး သူဟာ ကမ္ဘာကြီးကို ရက် ရှစ်ဆယ်နဲ့ပတ်နိုင်လိမ့်မယ်လို့ ယုံကြည်နေပါတယ်။ နောက်ထပ် တီထွင်သူ တစ်ယောက်က သူ့ကို အဲ့ဒီခရီးသွားဖို့ စိန်ခေါ်မှုအလောင်းအစားကိုကို ဖီလီးယက် လက်ခံခဲ့ပါတယ်။ သူ့နဲ့ အတူ ခရီးသွားဖော်ကတော့ သစ္စာရှိ အိမ်စေတစ်ယောက်ဖြစ်တဲ့ ပါဆီပါတောက်နဲ့ လှပတဲ့ လမ်းပြတစ်ယောက်ဖြစ်တဲ့ မိုနစ်ခ် ဖြစ်ပါတယ်။ ကွဲပြားတဲ့သယ်ယူပု့ိဆောင်ရေးတွေ ပါဆီပါတောက်ရဲ့ သိုင်းပညာအစွမ်းတွေနဲ့သူတို့ သုံးယောက် ကမ္ဘာပတ်ဖို့ထွက်လာကြပါတယ်။ သူတို့ခရီးစဉ်မှာ ဘာတွေဘယ်လိုကြုံတွေ့ကြမယ် ပျောက်ဆုံးနေတဲ့ ကျောက်စိမ်းဆင်းတုကိုကော ရှာတွေ့နိုင်ပါ့မလား လောင်းထားတဲ့ အလောင်းအစားကိုကောနိုင်ပါ့မလား ဘယ်လိုများ အခက်အခဲတွေကို ရင်ဆိုင်ကျော်ဖြတ်ကြမလဲ ဆိုတာကို ရင်သပ်ရှူမောဖွယ်ရာ ရိုက်ကွင်းရိုက်ကွက်များနဲ့ ရှူစားနိုင်ဖို့ ကြည့်ရှုလိုက်ကြပါအုံးဗျာ။ ( ပါဝင်ရုပ်ဆောင်ထားတဲ့ မင်းသားကြီးကတော့ ပြည်သူ့ အသည်းကျော် ဂျက်ကီချန်းဆိုတော့ အထွေအထူးမပြောတော့ပါဘူး ) Quality__BR1080p , 720p IMDb Rating__5.9/10 Format__mp4 Duration__02:02:00 Type__Action , Adventure , Comedy Subtitle__Myanmar Subtitle (Hardsub) Translated by Myo Min Aung Encoded by Naing Aung Latt

Charlie's Angels: Full Throttle (2003) IMDb - 4.9/10 2003 ခုနှစ်ကထွက်ရှိခဲ့ပြီး တလောက တင်ဆက်ပေးလိုက်တဲ့ ၁ ရဲ့ အဆက်ကိုဆက်လက်တင်ဆက်ပေး လိုက်ပါတယ် ဇာတ်လမ်းလေးကတော့ သိထားကြတဲ့အတိုင်းပါပဲ အတိုက်အခိုက်အကြမ်းအရမ်းကိုသဘောကျတဲ့ ကိုကိုတွေ ကြိုက်ကားလေးပါ ဇာတ်လမ်းအကျဉ်းလေးကတော့ အကြမ်းဖက်မူတွေဆက်တိုက်ကျူးလွန်နေတဲ့ ရာဇဝတ်ကောင်ကြီးက အချက်အလက်တွေသိုလှောင်ထား တဲ့ ပစ္စည်းတစ်ခုခုကိုခိုးယူသွားတဲ့အခါမှ မဒီချော ၃ ယောက်ကလိုက်လံ ထောက်လှမ်းပြီး ပြန်လည်ရယူပုံတွေကို စိတ်ဝင်စားဖွယ်တင် ပြရိုက်ကူး ထားတာမို့ ပရိတ်သတ်ကြီးက အားပေးလိုက်ကြပါအုံးဗျ ဘာသာ ပြန်ကတော့ ညီမလေး မေသူစိုး ပါ သူဘာသာ ပြန်ပြီးပေးထားတာကြာပါပြီ ကျတော်မအား တာကြောင့်ကြာနေတာပါလို့တောင်းပန်ရင်း တင်ဆက်ပေးလိုက်ပါတယ်

ဒီဇာတ်ကားလေးကိုကြည့်ရင်း ကျွန်တော်သတိရမိတာက Superbad တို့ American Pie တို့လို ကျောင်းသား comedy ကားတွေကိုပါပဲ။ တစ်ခုရှိတာက အဓိကဇာတ်ဆောင်တွေက ကျောင်းသားတွေ မဟုတ်ကြဘူး၊ ဒါပေမယ့် ကျောင်းသားဟာသကားပါပဲ။ ဇာတ်လမ်းက မစ်ချ်မာတင်လို့ခေါ်တဲ့ သတ်လတ်ပိုင်း လူတစ်ယောက် အိမ်ကိုစောစောစီးစီးပြန်လာတဲ့အခါ ‌ အရိုးရဲ့ ‌‌‌အော်ပရာသီချင်းကိုလက်တွေဘဝမှာ ကြုံလိုက်ရပါတော့တယ်၊ ပိုတောင်ဆိုးသေးတယ်ဗျ သူ့မိန်းကလိင်စိတ်တော်တော်ပြင်းပြတော့ ယောကျ်ားခရီးသွားတိုင်း အဖွဲ့လိုက်ကြီးလုပ်နေကျ။ အဲဒီလိုနဲ့ စိတ်ဒဏ်ရာရသွားတဲ့ မစ်ချ်ကို သူ့သူငယ်ချင်းတွေကအရာအားလုံးကို ‌မေ့နိုင်အောင်ကူညီဖို့ကြိုးစားကြတဲ့အခါ ဘယ်လိုပြဿနာတွေတက်ကြမလဲ၊ ဘယ်လိုတွေကူညီကြမှာလဲဆိုတာကို အလွဲအချော်လေးတွေနဲ့ တင်ဆက်ထားလို့ အတော်ကိုရယ်ရပါတယ်ခင်ဗျာ။ ‌ ဇာတ်ဆောင်တွေအနေနဲ့ကလဲ comedyချစ်သူပုရိတ်သတ်နဲ့မစိမ်းတဲ့ Charlie's Angel, Death at a funeral, Idiocracy တို့မှမင်းသား Luke Wilson ပါမက Step Brothers, Anchor Man, Zoo Lander တို့မှမင်းသား Will Ferrell အပြင်ကို Wedding Crushers, The Watch, Zoo Lander တို့မှ Vince Vaughn တို့လို ဟာသကျော်ကြီးတွေ သုံးယောက်ပေါင်းဘယ်လိုလောင်းကျော်ထားမလဲဆိုတာကို ကြည့်ရမှာဖြစ်တဲ့အပြင် IMDB 7.0 တောင်ရထားတာဆိုတော့ မြည်းစမ်းကြည့်ကြပါလို့ပဲ တိုက်တွန်းလိုက်ပါတယ်ခင်ဗျာ File size…  3 GB /  1 GB Quality… BluRay 1080p / 720p Format… mp4 Duration…. 1h 28 Genre .....   Comedy Subtitle…. Myanmar Subtitle (Hard Sub) Encoder…. Thit San Khant Translated by Dr Zac

The Royal Tenenbaums ကတော့ Wes Anderson ကိုတကယ်လေးစားသင့်တဲ့ ရုပ်ရှင်တစ်ကားဖြစ်ပြီးတော့ ပုံစံတွေအများကြီးပြောင်းထားတာတွေနှင့် အထူးသဖြင့်တော့သူရဲ့သုံးထာတဲ့ကာလာတွေက ဇာတ်လမ်းကိုပိုပြီးတော့အရသာဖြစ်စေတယ်။ ဇာတ်လမ်းပိုင်းမှာတော့ Royal Tenenbaum က သူ့မိသားစုကို ပြန်လည်အဆင်ပြေအောင် ကြိုးစားတယ်။ သူသားနှစ်ယောက်နှင့် သမီးတစ်ယောက်ပေါ့ အဲ့လိုမျိုးလူတွေတစ်ယောက်စီတိုင်းမှာရှိနေတဲ့ပြဿနာတွေကို သေချာပြနိုင်တာတွေ၊ သူတို့ရဲ့ရင်ထဲမှာခံစားနေရတာတွေကိုပေါ်အောင်ပြနိုင်လို့ကာလာတွေသုံးထားတာတော့အကောင်းဆုံးပါ။ သူတို့တစ်ယောက်ချင်းစီရဲ့ဇာတ်ကြောင်းကိုလိုက်မတွေးနိုင်တဲ့သူတွေအတွက် narrator ပါပါပါတယ် ။ မိသားစုတစ်ခုမှာ ပြဿနာတွေ အနှောင့်အယှက်တွေကို စိတ်ဝင်စားအောင်သာမကပဲနဲ့၊ဇာတ်ကားမှာ သူ့ရဲ့ creativity တွေ၊ လူတစ်ယောက်နှင့် တစ်ယောက်ကြားက ကွာဟချက်တွေ၊ ကိုယ်ကိုတိုင်ပဲနားလည်တဲ့ကိုယ့်ကိုယ်ကိုအဖြေပြန်ရှာနေရတာတွေ စိတ်ခံစားချက်တွေပါမယ်။ ဇာတ်ကောင်တွေအနေနဲ့လည်းအမိုက်စားတွေပါမယ်သူတို့ကိုယ်တိုင်ရဲ့character တွေကလည်းတစ်ယောက်ကိုတစ်မူထူးခြားတာဖြစ်တယ်။ The Royal Tenenbaums သည် ကြည့်ရှုသူတွေကို စိတ်ဝင်စားစရာတစ်ခု ၊ မိသားစုပြဿနာတွေ ၊အနုပညာလက်ရာတွေ၊ မြင်ကွင်းကောင်းကောင်းတွေ cinematic scence တွေ ပါဝင်လို့ ခေတ်လူငယ်တွေအနုပညာသမားတွေတစ်ခြားအပန်းဖြေအတဲ့အနေနဲ့ကြည့်မယ်ဆိုရင်လည်းလုံးဝကိုအကြိုက်တွေ့မယ့်ဇာတ်ကားပါပဲ။ File size…(1.9 GB)/(962 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Banyar Aung

မင်းသမီး Reese Witherspoon ရဲ့နာမည်ကြီးဇာတ်ကားပါ။ IMDb Rating (6.2/10) ရရှိထားပြီး Romance/Comedy အမျိုးအစားဇာတ်ကားဖြစ်ပါတယ်။ ဖက်ရှင်ရဲ့အရေးပါပုံကို တင်စားရိုက်ကူးထားပေမယ့် ဒီထက်ပိုလေးနက်တဲ့အတွေးအမြင်ကိုပေးထားနိုင်ပါတယ်။ လူတစ်ယောက်စီတိုင်းမှာ ကိုယ်ကျွမ်းကျွင်ပိုင်နိုင်တဲ့အရည်အသွေးတွေရှိကြပြီး ဒါကိုရိုးရိုးသားသားအသုံးချနိုင်ရင် ဘယ်အရည်အသွေးပဲဖြစ်ဖြစ် အောင်မြင်မှုတစ်ခုဖြစ်ကြောင်း ထင်ဟပ်ပြထားပါတယ်။ မိန်းကလေးပရိတ်သတ်တွေ လက်လွတ်မခံတမ်းကြည့်ရှုသင့်တဲ့ ဇာတ်ကားပါ။ (ဒီဇာတ်ကားကို Su Yadanar Oo မှာခံစားတင်ဆက်ထားပါတယ်။) File size...(850MB) Quality...BR-Rip 720p Format...mp4 Duration....01:36:00 Subtitle....Myanmar Subtitle (Hardsub) Encoder....Nyeinsaeya Aung

My Dog Skip (2000) IMDb Rating (7.0) / Rotten Tomatoes (73%) ဖြစ်ရပ်မှန်ကို အခြေခံပြီး Emotional ဆန်ဆန် ရိုက်ထားတဲ့ ကားလေးဆိုရင်ရော ကြိုက်ကြလားဗျ။ ဝေဖန်ရေးသမားတွေရဲ့ပါးစပ်ဖျားကမချ ဖြစ်ခဲ့ရတဲ့ ဆုပေါင်းများစွာရရှိခဲ့တဲ့ ဒီကားလေးကတော့ Forrest Gump တို့လို vibe မျိုးရတာကြောင့် ကြည့်သင့်တဲ့ကားတွေထဲက တစ်ခုဖြစ်မယ်လို့ထင်ပါတယ်။ စစ်ပွဲကာလအတွင်း 1942ခုနှစ်ရဲ့ နွေရာသီအချိန် ဝီလီဆိုတဲ့ကောင်လေးက ခွေးတစ်ကောင်ကို မွေးနေ့လက်ဆောင်အနေနဲ့ မိဘတွေဆီက ရခဲ့ပါတယ်။ အိမ်နီးချင်းဖြစ်သူ ဘေ့စ်ဘော ချန်ပီယံ ဒေ့ဂျန်ကင် စစ်မှုထမ်းရမှာကြောင့် ဘေ့စ်ဘောသင်ပေးမည့်သူနှင့် သူငယ်ချင်း မရှိလို့ဆိုပြီး ဝီလီတစ်ယောက် စိတ်ညစ်နေသတဲ့။ ခွေးလေးနာမည်က "စကစ်" ပါ ပြီးတော့ ဝီလီကိုလဲ ပေါင်းသင်းဆက်ဆံရေး အဆင်ပြေလာအောင် ကူညီပေးရင်းနဲ့ ဝီလီဘဝမှာ ဘယ်လိုတွေ ဆက်ဖြစ်လာမလဲဆိုတာ.. (အညွှန်းနဲ့ဘာသာပြန်ကတော့ KarmT ဖြစ်ပါတယ်) File size… (2.1 GB) / (1.2 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama, Family Duration….01:35:51 Subtitle….Myanmar Subtitle (Hardsub) Encoder….Benjamin Translated by KarmT

Charlie's Angels (2000) IMDb - 5.5/10 Rotten - 68% Y2K ကထွက်ခဲ့တဲ့ အမျိုးသမီးအက်ရှင်ကားလေးကိုပရိတ်သတ်ကြီးတော်တော်များများကတော့ ရင်းနှီးကြမှာပါမင်းသမီးကြီး ဘယ်ရီမိုး ကခေါင်းဆောင်ရိုက်ကူးထားပြီးတော့ခပ်ကြမ်းကြမ်းအက်ရှင်ပရိတ်သတ်တွေကတော့မပျင်းစတမ်းကိုကြည့်ကြရမှာပါဇာတ်လမ်း အကျဉ်းလေးကတော့အမျိုးသမီးစုံထောက်၃ယောက်ကအသံအတုနည်းပညာကိုခိုးသွားတဲ့ သူတို့ သူဌေး ကိုလိုက်လံစုံစမ်းရင်း သူတို့ရဲ့ စွမ်းဆောင်ရည်တွေကိုဘယ်လိုတွေအသုံးချပြီးခိုးယူကြမလဲဆိုတာကိုတော့ဆက်လက်ကြည့်လိုက်ကြပါတော့ ( ဒီဇာတ်ကားကို May Haruko က ဘာသာပြန်ပေးထားတာဖြစ်ပြီး Kyaw Ye Aung မှ Encode တင်ဆက်ပေးထားတာဖြစ်ပါတယ်...)

Blue Streak (1999) IMDb - 6.3/10 Blue Streak ကားနဲ့ပတ်သက်လို့ ကျွန်တော့်မှာ အမှတ်တရအကြီးကြီးတစ်ခုရှိခဲ့လို့ ပြောရဦးမည်... ဒီကားက သာမန်ဟာသကားတွေနဲ့မတူ ...မင်းသားက သူခိုးအကြီးစားဖြစ်တဲ့အပြင် ဉာဏ်ကလည်းကောင်းတယ်....ဇာတ်လမ်းကလည်း ဆွဲဆောင်မှုရှိတဲ့အပြင် နောက်ခံတေးတွေကလည်း အမိုက်စား...Martin Lawrence  ကြီးကလည်း ဒါမျိုးသရုပ်ဆောင်အတော်ပိုင်သည်.. သူ့ကြည့်နေရာ တစ်ချိန်လုံးရယ်နေရတယ်...ဒီကားကြည့်ပြီးရယ်နေတာကို တစ်ချိန်တုန်းက ကျွန်တော့်ကိုရက်ရက်စက်စက်ဖြတ်ခဲ့တဲ့ရည်းစားက တွေ့သွားပြီး နင်အဲ့လိုပေါတောတော ဟီလာတိုက်တတ်လို့ နင့်ကိုဖြတ်ခဲ့တာလို့ပြောသွားတယ်... သူပြောတာကိုကြားမိတော့ ကျွန်တော်မတုံမဆိုင်းပဲ အေးပါ ရပါတယ် နင့်ကိုငါနားလည်ပါသလို ခုလည်း ငါပျော်နေပါတယ်လို့ ခပ်ပြုံးပြုံးလေးပြောမိတယ်.... ဇာတ်ကားကရယ်ရတော့ နှလုံးပါမြူးပြီးအရာအားလုံးဟာ လှပနေတယ်....အရင်က အသည်းကွဲပြီး ဘဝက စုတ်ပြတ်နေတယ်ဆိုတဲ့အတွေးတွေ ကြက်ပျောက်ငှက်ပျောက်ပဲ... စိတ်နာခဲ့ဖူးတဲ့သူကိုတောင်ခပ်ပြုံးပြုံးလေး တုန့်ပြန်နိုင်တယ်... ဒါကြောင့် ကျွန်တော်တို့ ဘဝမှာ ဟာသကားလေးတွေ လိုကိုလိုအပ်သည်........ ကျွန်တော်ပြောတာမလွန်ကြောင်း ဒီကားကြည့်ဖူးတဲ့သူတွေသိပါလိမ့်မယ်.... မကြည့်ရသေးတဲ့သူတွေအတွက်ဇာတ်လမ်းအညွှန်းလေးသွားရအောင်..... Miles ဆိုတဲ့သူခိုးတစ်ယောက်ရှိတယ်....သူကတော်သလို အချီကြီးတွေမှကြံလေ့ရှိတဲ့သူမျိုး... တစ်နေ့တော့ ၁၇သန်းတန်စိန်ကြီးကို အပေါင်းအပါတွေနဲ့အတူ ခိုးကြတယ်... သစ္စာဖောက်တစ်ယောက်ကြောင့် သူတို့အဖွဲ့ဒုက္ခရောက်ရတယ်...စိန်တုံးကြီးကို နီးစပ်ရာအဆောက်အဦးမှာ ဖွက်ထားနိုင်ခဲ့ပေမယ့် Miles တစ်ယောက်ရဲဖမ်းခံရပြီး ထောင်ကျသွားတယ်..... ထောင်ကထွက်လာတဲ့အချိန်  ဖွက်ထားတဲ့ စိန်တုံးကြီးရှိရာအဆောက်အဦးဆီကိုလာခဲ့ပေမယ့်  တွေ့လိုက်ရတဲ့မြင်ကွင်းကြောင့် သူ ရူးမတတ်ဖြစ်သွားတယ်....... အဲ့ဒါကတော့ အဆောက်အဦးကြီးက ရဲစခန်းကြီးဖြစ်နေလို့ပါ... ကိုင်း Miles ဘယ်လိုတွေရှေ့ဆက်မလဲ ..... ခံစားကြည့်လိုက်ပါ .....နင်းကန်ရယ်ရတဲ့ဟာသကားမို့ ခံစားကြည့်လိုက်ပါဦး... ဘာသာပြန်သူကတော့ Zuel Khant Thwin ဖြစ်ပါတယ်..... File Size :(1.87GB) and (876 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:33:00 Genre :  Action, Comedy, Crime Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

"Home Fries" ဟာ ၁၉၉၈ ခုနှစ်က ထွက်ရှိခဲ့တဲ့ အမေရိကန် ရိုမန်တစ်ကွန်မီဒီ ရုပ်ရှင်လေးတစ်ကားပါ။ ဒီဇာတ်ကားက ဟာသနဲ့ အချစ်ရေးကို ရောယှက်ထားပြီး နည်းနည်းလေး ဒရာမာနဲ့ လျှို့ဝှက်ဆန်းကြယ်တဲ့ အရောအနှောလည်း ပါသေးတယ်။ မိသားစုရှုပ်ထွေးမှုတွေ၊ အချစ်ဇာတ်လမ်းလေးတွေနဲ့ ပေါ့ပါးစွာ ရိုက်ကူးထားတာမို့ ကြည့်ရတာ တကယ်ကို စိတ်အပန်းပြေစရာပါ။ ဇာတ်လမ်းလေး အကျဉ်းချုပ် ဒိုရီဆိုတဲ့ ကောင်မလေး (Drew Barrymore) က ဒေသတွင်းဘာဂါဆိုင်မှာ အလုပ်လုပ်နေတဲ့ ကိုယ်ဝန်ဆောင်မိန်းကလေးတစ်ယောက်။ သူ့ဘဝမှာ ရုတ်တရက် ချစ်သူတစ်ယောက် ဆုံးပါးသွားတဲ့အခါ ထူးထူးဆန်းဆန်း အဖြစ်အပျက်တွေကြားထဲ ပိတ်မိနေရှာတယ်။ ဒီအချိန်မှာပဲ ဆယ်လ်ဗီယာ (Luke Wilson) နဲ့ သူ့အစ်ကိုဖြစ်သူ အန်းဂတ်စ် (Jake Busey) ဆိုတဲ့ ညီအစ်ကိုနှစ်ယောက်က သူတို့မိသားစုရဲ့ လျှို့ဝှက်ချက်တွေကို ဖုံးကွယ်ဖို့ ကြိုးစားရင်း ဒိုရီရဲ့ဘဝထဲ ဝင်ရောက်လာကြတယ်။ ဒိုရီနဲ့ ဆယ်လ်ဗီယာတို့ တဖြည်းဖြည်း နီးစပ်လာတော့ ဟာသတွေ၊ အချစ်ဇာတ်လမ်းလေးတွေ၊ မိသားစုရှုပ်ထွေးမှုတွေ တစ်ခုပြီးတစ်ခု ပေါ်ပေါက်လာတာပေါ့။ ဒီဇာတ်လမ်းက နှလုံးသားကို ထိတွေ့စေတဲ့ အခိုက်အတန့်လေးတွေနဲ့ ပေါ့ပါးတဲ့ ဟာသတွေကို ရောမွှေထားပြီး နောက်ဆုံးမှာ ပျော်ရွှင်စရာ အချစ်ဇာတ်လမ်းလေးတစ်ပုဒ်အဖြစ် အဆုံးသတ်ထားပါတယ်။ Drew Barrymore နဲ့ Luke Wilson ရဲ့ သရုပ်ဆောင်ပိုင်နိုင်မှုက ဒီကားကို တကယ်ကို ထူးခြားစေပါတယ်။ ဇာတ်အိမ်ရဲ့ ထူးခြားတဲ့ ဟာသအရောအနှောက တခြား အချစ်ဟာသကားတွေနဲ့ မတူတဲ့ အရသာတစ်မျိုးကို ပေးစွမ်းနိုင်ပါတယ်။ ပေါ့ပေါ့ပါးပါး အပန်းပြေရင်း အချစ်နဲ့ မိသားစုအကြောင်း ခံစားချင်တယ်ဆိုရင် "Home Fries" က လုံးဝသင့်တော်တဲ့ ရွေးချယ်မှုတစ်ခုပါ။ File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror  Subtitle….Myanmar Subtitle (Hardsub) Encoder….Swan Min Htet

မက်စ်က အသက် ၁၅ နှစ်အရွယ် အထက်တန်းကျောင်းသားတစ်ယောက်ဖြစ်ပြီး ရက်ရှ်မိုးဆိုတဲ့ ကိုယ်ပိုင်ကျောင်းမှာ ပညာသင်ဆုနဲ့ တက်နေပါတယ်။ ပညာသင်ဆုရထားပေမယ့် စာမှာတော့ အားနည်းတယ်။ ကျောင်းက အသင်းအဖွဲ့တွေမှာ ပါဝင်တာ၊ ကိုယ်တိုင်အသင်းဖွဲ့တာနဲ့ အခြားလှုပ်ရှားမှုတွေမှာပဲ အချိန်ပေးနေပြီး ပြဇာတ်ရေးတာကိုလည်း ဝါသနာပါသူပါ။ မက်စ် လေးစားအားကျနေတဲ့သူက ကျောင်းရဲ့ ပင်တိုင်အလှူရှင် ဟာမန်ဘလူးမ်ဖြစ်ပါတယ်။ အသက် ၅၀ အရွယ် ဘလူးမ်က ကိုယ့်အားကိုယ်ကိုး ကြီးပွားလာတဲ့ ပိုက်ကုမ္ပဏီပိုင်ရှင်တစ်ယောက်ဖြစ်ပြီး ဇနီးနဲ့ အမြွှာသားနှစ်ယောက် ရှိတယ်။ မက်စ်က သူ့ဆီသွားပြီး စကားပြောရာကနေ နှစ်ယောက်သား ရင်းနှီးတဲ့မိတ်ဆွေတွေ ဖြစ်လာကြပါတယ်။ တစ်နေ့ ရက်ရှ်မိုးကျောင်းကို ရို့မေရီခရော့စ်ဆိုတဲ့ ငယ်ရွယ်တဲ့ဆရာမတစ်ယောက် ရောက်လာတယ်။ မက်စ်က စာကြည့်တိုက်မှာ ဆရာမ ငှားဖတ်ခဲ့တဲ့စာအုပ်ကို ဖတ်မိရာကနေ သူ့ကို စိတ်ဝင်စားသွားပါတယ်။ ဆရာမနဲ့ ချစ်သူဖြစ်နိုင်ဖို့ ဘလူးမ်ဆီမှာ အကြံဉာဏ်တောင်းရင်း ဘလူးမ်ကိုယ်တိုင်ပါ ဆရာမကို သဘောကျသွားတော့တယ်။ မက်စ်အတွက် သုံးပွင့်ဆိုင်အချစ်ရေးကို ဘယ်လိုဖြေရှင်းမလဲဆိုတဲ့ ပြဿနာရှိလာသလို ကျောင်းမှာ အမှတ်တွေမကောင်းလို့ ကျောင်းထုတ်ခံရလုနီးပါး ဖြစ်နေတဲ့ကိစ္စလည်း ရှိနေပါတယ်။ သူအားသန်တဲ့ ကျောင်းပြင်ပလှုပ်ရှားမှုတွေနဲ့ ပြဇာတ်ရေးတာတွေကရော ရပ်သွားမှာလား။ ၁၉၉၈ ခုနှစ်ထွက် Rushmore က Wes Anderson ရဲ့ ဒုတိယမြောက်ဇာတ်ကားဖြစ်ပြီး ဇာတ်ညွှန်းကို Owen Wilson နဲ့အတူ ရေးထားပါတယ်။ Moonrise Kingdom၊ The Grand Budapest Hotel နဲ့ Fantastic Mr. Fox တို့ကို ရိုက်ကူးခဲ့တဲ့ ဒီဒါရိုက်တာရဲ့ ခေါက်ချိုးညီရိုက်ချက်တွေ၊ အရောင်အသုံးအနှုန်းတွေနဲ့ ထူးခြားတဲ့ဇာတ်ညွှန်းဟန်ကို ဒီကားမှာလည်း တွေ့ရတယ်။ ဟာသ၊ ဒရာမာနဲ့ အချစ်ဇာတ်လမ်းကို ရောစပ်ထားပြီး နောက်ခံတေးဂီတနဲ့ ရိုက်ကူးပုံတွေကလည်း ဇာတ်လမ်းကို အားဖြည့်ပေးထားပါတယ်။

Scream 2 ဟာ scream ထွက်ပြီး ၁ နှစ်တောင်မကြာသေးဘူး ထွက်လာခဲ့တာပါ။ ပထမကားရုံမတင်ခင်ကတည်း ရိုက်ကူးရေးကို စတင်ခဲ့လို့ပဲဖြစ်ပါတယ်။ ဒီကားက မူရင်းကားလောက် အကြီးအကျယ်အောင်မြင်မှုမရပေမယ့် Horror, Mystery ကားတစ်ကားအနေနဲ့ကြည့်ရင် တော်တော်လေးကြည့်ကောင်းတဲ့ စာရင်းထဲ ဝင်နေတုန်းပါပဲ။ Scream saga ထဲမှာတော့ ကြည့်ကောင်းတဲ့ ကြည့်သင့်တဲ့ ကားတစ်ကားပါ ဒီကားကတော့ ပထမကားအပြီး ၂ နှစ်အကြာမှာ နေရာယူထားပါတယ်။ သရဲမျက်နှာ လူသတ်သမားဆီကနေ လွတ်လာတဲ့ ဆစ်ဒနေလေးဟာ အခုတော့ တက္ကသိုလ်ရောက်သွားပါပြီ။ သူရဲမျက်နှာလူသတ်မှုအကြောင်းကိုလည်း ရုပ်ရှင်ပြန်ရိုက်ပြီး ရုံတောင်တင်နေပါပြီ။ အတိတ်က အဖြစ်ဆိုးကြီးက ပြီးဆုံးသွားပြီလို့ ထင်နေတုန်းမှာပဲ ကံမဆိုးမသွားရာ မိုးလိုက်လို့ရွာဆိုသလို သရဲမျက်နှာကွင်းဆက်လူသတ်မှုတွေ ထပ်ဖြစ်ပါတော့တယ်။ ဒီတစ်ခါရော သရဲမျက်နှာ လူသတ်သမားတွေ ဘယ်သူတွေများဖြစ်မလဲ? IMDB မှာ 6.2 သာရပေမယ့် tomatometer မှာတော့ မူရင်းကားထက်တောင် ကျော်ပြီး 81% တောင်ရထားပါတယ်။ Quality__Bluray 1080p, 720p and 480p IMDb Rating__6.2/10 Format__mp4 Duration__1h Type__Horror, Mystery Subtitle__Myanmar Subtitle (Hardsub) Translated by San Thu Aung Encoded by Htet Wai Lwin