Maria Britneva ပါဝင်သော ဇာတ်ကားများ

လိင်တူချစ်ခြင်းကို တင်းတင်းကျပ်ကျပ် ဖိနှိပ်ထားတဲ့ အင်္ဂလန်လူ့အသိုင်းအဝိုင်းမှာ Maurice ဟာ ကျောင်းနေဘက်သူငယ်ချင်း Clive ကို ချစ်မိသွားပါတယ်။ သူ့အတွက်တော့ မိသားစုနဲ့ ပတ်ဝန်းကျင်ရဲ့ သဘောထားတွေကို ရင်ဆိုင်ပြီး ချစ်ရတဲ့သူဖြစ်ပေမယ့် Clive က သူ့လို မရင်ဆိုင်ရဲခဲ့ပါဘူး။ Maurice ကို နှစ်သက်ပေမယ့် လူ့အသိုင်းအဝိုင်းကို ဆန့်ကျင်ဖို့တော့ သတ္တိမရှိခဲ့တာပါ။ လိုချင်တဲ့ချစ်ခြင်းမေတ္တာကို မရခဲ့တဲ့ Maurice ဟာ ကိုယ့်ကိုယ်ကိုယ် အပြစ်တင်ရင်း အရာအားလုံးကို လျစ်လျူရှုနေခဲ့တယ်။ အချိန်တစ်ခုကြာလာတဲ့အခါ နောက်ထပ်အချစ်တစ်ခု ပေါ်ပေါက်လာဖို့ အကြောင်းဖန်လာပါတယ်။ ဒါကို Clive ဘယ်လိုတုံ့ပြန်မလဲ။ Maurice ကိုယ်တိုင်ကရော ဒီတစ်ကြိမ်မှာ အရာအားလုံးကို ရင်ဆိုင်ပြီး ကိုယ့်နှလုံးသားအတိုင်း ရှေ့ဆက်ရဲပါ့မလား၊ ဒါမှမဟုတ် စွန့်လွှတ်ဖို့ပဲ ရွေးချယ်မလား။

"A Room with a View" ဇာတ်ကားကတော့ အော်စကာဆု (Academy Awards) ၈ ဆု ဆန်ခါတင်ဝင်ခဲ့ပြီး အကောင်းဆုံး ဇာတ်ညွှန်းဆု၊ အကောင်းဆုံး ဒီဇိုင်းဆု အပါအဝင် အော်စကာ ၃ ဆု ဆွတ်ခူးခဲ့တဲ့ သမိုင်းဝင် အချစ်ဒရာမာ (Romantic Period Drama) ဇာတ်ကားတစ်ကားပဲ ဖြစ်ပါတယ် "လူစီ" ဟာ အစ်မဖြစ်သူ "ရှာလော့" နဲ့အတူ အီတလီနိုင်ငံ Florence ကို ခရီးထွက်လာပါတယ်။ သူတို့တည်းခိုရတဲ့အခန်းက မြင်ကွင်းမလှတာကြောင့် စိတ်ပျက်နေတဲ့အချိန်မှာ "ဂျော့ချ်"နဲ့ သူ့အဖေ "အီမာစန်"တို့က သူတို့ရဲ့ အခန်းကို လူစီတို့နဲ့ လဲပေးဖို့ ကမ်းလှမ်းခဲ့တာပါ။ စည်းကမ်းနဲ့ အစဉ်အလာတွေကို အလေးထားတဲ့အသိုင်းအဝိုင်းထဲမှာ ကြီးပြင်းလာရတဲ့ လူစီနဲ့ ရိုးသားပြီး လူမှုအသိုင်းအဝိုင်းရဲ့ စည်းမျဉ်းတွေကို မလိုက်နာဘဲ လွတ်လွတ်လပ်လပ်နေတတ်တဲ့ ဂျော့ချ်တို့ ရင်းနှီးခဲ့ကြပြီး လူစီရဲ့ စိတ်ထဲမှာ မထင်မှတ်ဘဲ ခံစားမှုတွေ ဖြစ်လာခဲ့ပါတယ်။ ဒါပေမယ့် အင်္ဂလန်ကို ပြန်ရောက်လာတဲ့အခါ လူစီက လူမှုအဆင့်အတန်းနဲ့ မိသားစုမျှော်လင့်ချက်တွေကြောင့် "စီတေူလ်" ဆိုတဲ့ အမျိုးသားနဲ့ စေ့စပ်လိုက်ရပါတယ်။ စီဆေးလ်က ပညာတတ်ပြီး ယဉ်ကျေးပုံရပေမယ့် လူစီကို သူ့ကိုယ်ပိုင်လူတစ်ယောက်ထက် ထိန်းချုပ်ရမယ့်သူလို ဆက်ဆံတတ်ပါတယ်။ ဒါ​ပေမဲ့လည်း မထင်မှတ်ဘဲ ဂျော့ချ်တို့ သားအဖ အင်္ဂလန်ကို ပြောင်းရွှေ့လာပြီး ဂျော့ချ်နဲ့ လူစီ ထပ်ဆုံတွေ့ကြတဲ့အခါမှာတော့ လူစီတစ်ယောက် သူတကယ်ချစ်ရတဲ့သူနဲ့ မိသားစုအတွက်သင့်တော်တဲ့သူကြား လွန်ဆွဲပွဲ ဖြစ်လာတဲ့အခါ... Lucy ရဲ့နှလုံးသားက နောက်ဆုံးမှာ ဘယ်သူ့ကို ရွေးမလဲဆိုတာတော့… ဇာတ်ကားကို ကိုယ်တိုင်ကြည့်ပြီးမှပဲ သိနိုင်မှာပါရှင်