Mark Moses ပါဝင်သော ဇာတ်ကားများ

ဒီ ဇာတ်လမ်းလေးကအမေရိကန် နိုင်ငံရဲ့ အယောက်လေးဆယ်မြောက်ရုပ်ရှင် သရုပ်ဆောင်ကနေ သမ္မတလာဖြစ်တဲ့ ရော်နယ်ရေဂန် ရဲ့ ဘဝဇာတ်ကြောင်း Biography ဇာတ်လမ်းလေးပါ၊ ဒီဇာတ်လမ်းက Paul Kengor ရဲ့ The Crusader: Ronald Reagan and the Fall of Communism ဆိုတဲ့ စာအုပ်ကို Inspired ယူပြီး ရိုက်ထားတာပါ ။ ရော်နယ်ရေဂန်က ဟောလိဝုဒ်မင်းသားကနေ California ရဲ့ မြို့တော်ဝန်ဖြစ်လာပြီး အမေရိကန် နိုင်ငံရေးလောကထဲကို ဝင်လာပြီးတော့ အမေရိကန်နဲ့ ဆိုဗီယက်တို့ စစ်အေးတိုက်ပွဲ အပြင်းအထန်ဖြစ်နေတဲ့အချိန်မှာ သမ္မတဖြစ်ခဲ့တာပါ။ အခု ဂျိုးဘိုင်ဒန်မတိုင်ခင်အထိ ရေဂန်က အမေရိကန် သမ္မတတွေထဲမှာ အသက်အကြီးဆုံး သမ္မတ တစ်ယောက်ပါ။ ဆိုဗီယက် ပြည်ထောင်စုကြီး ပြိုကွဲတာ သူ့ကြောင့်လို့ တော်တော်များများကအခုချိန်ထိပြောကြပါတယ် ။ ဒီထဲမှာတော့ ဆိုဗီယက် KGB အေးဂျင့်ဟောင်းတစ်ယောက်က သူ့အကြောင်းကို ပြန်ပြောတဲ့ Narrative ပုံစံမျိုးနဲ့ ဇာတ်လမ်းကို သွားထားပါတယ်။ ဟောပြောပွဲတွေမှာ စကားနဲ့ ပြည်သူကို သိမ်းသွင်းနိုင်ပြီး ဟာသဉာဏ် ရွှင်ရွှင်နဲ သမ္မတ ရော်နယ်ရေဂန်ရဲ့ ဘဝအတက်အကျနဲ့ အမေရိကန်ရဲ့ စစ်အေးတိုက်ပွဲကာလ အခြေအနေတွေနဲ့သမိုင်းကြောင်းတွေကို သေချာလေးသိချင်ရင်တော့ ဒီကားလေးကို ကြည့်သင့်ပါတယ်။ File size…(2.2 GB)/(1 GB) Quality….Webrip 1080p / 720p Format… mp4 Duration…. 02:21:00 Genre... Docudrama, Biography, Drama, History Subtitle….Myanmar Subtitle (Hardsub) Encoder….Garfield Translated by Nikobaby

The Gandhi Murder (2019) IMDb Rating - 5.4/10 ၂၀၁၉ ခုနစ်ထွက် Historical/ Political ဇာတ်ကာဒချစ်သူတွေအတွက် A Must Watch ဇာတ်ကားတစ်ကားဖြစ်ပါတယ်.... ကိုယ်နှုတ်နှလုံးသုံးပါးစလုံး ထပ်တူကျနေရင် ဒါဟာပျော်ရွှင်မှုပဲ အားနည်းတဲ့သူတွေဟာ ခွင့်မလွှတ်နိုင်ကြဘူး ခွင့်လွှတ်ခြင်းဆိုတာ သန်မာတဲ့လူတွေပဲ ပိုင်ဆိုင်တဲ့အရည်အချင်းတစ်ခုဖြစ်တယ်လို့  မဟတ္တမဂန်ဒီက မိန့်ဆိုခဲ့ဖူးပါတယ်။ အကြမ်းမဖက်ရေးလမ်းစဉ်သမား မေတ္တာရှင်ကြီး မဟတ္တမဟာ ၁၉၄၈ ခုနစ် ဇန်နဝါရီလ ၃၀ ရက်နေ့ နယူးဒေလီမှာ လုပ်ကြံ သတ်ဖြတ်ခံခဲ့ရပါတယ်။ ဒီဇာတ်ကားဟာ ဂန္ဒီရဲ့အမြင်ကိုရိုက်ကူးထားတာမဟုတ်ပဲ လက်တွေ့ဘဝမှာရှိခဲ့တဲ့ ရဲအရာရှိသုံးယောက်ရဲ့ အမြင်ကို ဝိရောဓိဆန်ဆန် မှီငြမ်းရိုက်ကူးထားတာဖြစ်ကြောင်း သတိချပ်စေချင်ပါတယ်။ အခြေတည်ထားတာက ဂန္ဒီလုပ်ကြံမခံရမီ အိန္ဒိနိုင်ငံ ပူပူနွေးနွေး လွတ်လပ်ရေးရပြီးကာစ ကာလမှာဖြစ်ပါတယ်... ပြည်တွင်းစစ်ဖြစ်လာတော့မှာ ကျိန်းသေသလောက်ဖြစ်နေပြီး အမျိုးဘာသာဂိုဏ်းကွဲ အစွန်းရောက်တွေကြောင့် နိုင်ငံဟာ ချောက်ထဲကျလုကျခင်အခြေအနေဖြစ်နေပါတယ်.... ပါကစ္စတန်က ငွေကြေးထောက်ပံ့ဖို့ ကို ပယ်ချခံရတဲ့ကိစ္စအတွက် ဂန္ဒီဟာ အစာငတ်ခံဆန္ဒပြခဲ့တာကြောင့် ဟိန္ဒူပါတီဝင်တွေက မကျေမနပ်ဖြစ်ပြီး လုပ်ကြံဖို့ကြံစည်နေကြပါတယ်.... အဲဒါကို ဘုံဘေရဲတပ်ဖွဲ့ဝင် ဒီစီပီဂျင်မီနဲ့ ဒီအိုင်ဂျီရေနာတို့က ကြိုတင်သတင်းရထားခဲ့ပေမယ့်  သူတို့ရဲ့ ရွေးချယ်မှုက ဘာဖြစ်မလဲ ဆိုတာကို... ဘာသာရေးမှိုင်းတိုက်လွှမ်းမိုးမှုတွေ ကင်းစင်တဲ့အိန္ဒိယနိုင်ငံ ရုပ်လုံးပေါ်လာအောင် ဘယ်လိုစတေးမှုတွေ အနစ်နာခံမှုတွေ လုပ်ခဲ့ကြရသလဲဆိုတာကို ကိုယ်တိုင်ကြည့်ရှုခံစားစေချင်ပါတယ်... (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ May Myat Thu ပဲဖြစ်ပါတယ်။) Quality – 1080p, 720p WebRip Duration - 2h 18min Subtitle – Myanmar Hardsub Format – Mp4 Genre : Drama, History Source : 1080p.WebRip Translator –  May Myat Thu Encoder – SWM

ဒါကတော့ 2019ရဲ့ လူစောင့်ကြည့်ခံရတဲ့ကားတွေထဲကတစ်ကားဆိုတာကတော့ ရုပ်ရှင်နဲ့ရင်းနှီးသူတွေသိပြီးသားဖြစ်မှာပါ။ ရုပ်သံတင်ဆက်သူအမျိုးသမီးတွေကိုဇာတ်အိမ်တည်ထားတဲ့အတွက် တကယ့်အ‌ချောအလှဒိတ်ဒိတ်ကြဲမင်းသမီးတွေဖြစ်တဲ့ Charlize Theron, Nicole Kidman နဲ့ Margot Robbieတို့ ဦးဆောင်ပါဝင်ထားတာပါ။ Charlize Theronနဲ့ Margot Robbieတို့ Oscar ဆန်ကာတင်စာရင်းတွေဝင်ပြီး တခြားဆုတွေရရှိပြီး အောင်မြင်မှုရခဲ့ပါတယ်။ ဇာတ်လမ်းကတော့ Republicanပါတီကိုအလေးပေးတဲ့ Fox News ရုပ်မြင်သံကြားချန်နယ်အတွင်း အမျိုးသမီးအစီစဉ်တင်ဆက်သူများစွာဟာ ခေါင်းဆောင်ပိုင်းအမျိုးသားတွေရဲ့ လိင်ပိုင်းဆိုင်ရာနှောက်ယှက်ခံရမှု၊ ဖိအားပေးခံရမှုတွေကိုခံခဲ့ရတဲ့အကြောင်းပါ။ ရာထူးအာဏာကြီးပြီး ပိုက်ဆံကျောထောက်နောက်ခံရှိတဲ့သူကို တရားစွဲဖို့လုပ်ရင်း ဘယ်လိုဂယက်တွေကြုံတွေ့ဆိုတာမြင်ရမှာပါ။ အပြင်မှာလည်း လိင်ပိုင်းဆိုင်ရာနှောက်ယှက်ခံရသူအမျိုးသမီးများစွာလည်းရှိနေပါတယ်။ တစ်ချို့ကတော့ လိင်ကိစ္စနှင့်အောင်မြင်မှုကို လဲလှယ်ခဲ့ကြသူတွေပေါ့။ နစ်နာသူတစ်ယောက်ယောက်က မဖွင့်ဟခဲ့လို့ တခြားသူတွေပါနစ်နာရတဲ့အဖြစ်မျိုးတွေဖြစ်ရတာကိုပြသသွားခဲ့ပါတယ်။ မင်းသမီးတွေကိုကြည့်ရတာနဲ့တင်တန်နေတာမို့ ခံစားကြည့်ရှုကြည့်ပါအုံး။ File Size : ( 1 GB , 372 MB ) Quality : WEB-DL 720p Running Time : 1 hr 49 min Format : Mp4 Genre : Biography , Drama Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

Seeking a Friend for the End of the World (2012) IMDb....6.7 ၃ပတ်အတွင်းမှာ ကမ္ဘာကြီးက ဂြိုလ်ဆိုင်တစ်ခုနဲ့တိုက်မိပြီး ကမ္ဘာပျက်တော့မယ်တဲ့ နောက်ဆုံးအချိန်လိုဖြစ်နေတဲ့ (၃)ပတ်မှာ ခင်ဗျားဆိုရင်ရော ဘာတွေဆက်လုပ်မိမှာပါလိမ့်.... Dodgeဆိုတဲ့ အာမခံဝန်ထမ်းတစ်ယောက်ကတော့ အဲဒီသတင်းကို ကြားလိုက်ရပြီး ခဏတာ သွေးပျက်သွားခဲ့သလို တိုက်တိုက်ဆိုင်ဆိုင် အဲဒီအချိန်မှာ သူ့မိန်းမကလည်းထားသွားခဲ့တယ်.. ဒါပေမဲ့ သူ့ဘဝကို သူ ပုံမှန်ဆက်သွားဖို့ ကြိုးစားတယ် ... Pennyဆိုတဲ့ ကောင်မလေး သူ့မိသားစုဆီသွားဖို့ နောက်ဆုံးလေယာဉ်ကို လွတ်သွားတယ်.. ကမ္ဘာကြီးကလည်း(၃)ပတ်အတွင်း ပျက်သုဥ်းသွားနိုင်သတဲ့... သူတို့၂ယောက်ကအိမ်နီးချင်းတွေ... (၃)ပတ်ဆိုသော ကာလလေးမှာ သူတို့(၂)ယောက်ဟာ ဘယ်လိုဖြတ်သန်းကြမလဲ.... ... ဒီကားထဲကဟာသမင်းသားကြီး Steve Carell  နဲ့ မင်းသမီးချော Keira Knightleyကိုတော့ ထွေထွေထူးထူးမိတ်ဆက်ပေးစရာမလိုဘူးထင်ပါတယ်... ဟာသဟန်တွေနဲ့ ဘဝနေနည်းတစ်ချို့ကို အချိန်ကိုက်ပြသွားတဲ့ကားလေးမို့ ကြည့်လိုက်ပါဦးလို့......... (ဇာတ်လမ်းအညွှန်းနဲ့ဘာသာပြန်သူကတော့ JtheKoala ဖြစ်ပါတယ်..) File Size : 1.32GB/ 550MB Quality : Blu-Ray 1080p 5.1 CH/ Blu-Ray 720p Format…mp4 Duration…01:41:00 Genre : Adventure, Drama, Comedy Subtitle : Myanmar Subtitle (Hard Sub) Translated by JtheKoala Encoded by Tiff

ကမ္ဘာပျက်ကိန်း Apocalypse နဲ့ပတ်သက်တဲ့ဇာတ်ကားတွေကြိုက်သူများအတွက် လက်မလွှတ်သင့်တဲ့ ဇာတ်ကားကောင်းတစ်ကားပါ။ ဒီဇာတ်ကားမှာ မင်းသား Chris Pine က Lead အနေနဲ့ ပါဝင်သရုပ်ဆောင်ထားပါတယ်။ ဇာတ်လမ်းကတော့ လူသားမျိုးနွယ်တွေရဲ့ အသက်အန္တရာယ်ကိုခြိမ်းခြောက်နေတဲ့ ကူးစက်မြန်ဗိုင်းရပ်စ်တစ်မျိုးရဲ့ရန်ကနေ ရှောင်ရှားထွက်ပြေးရင်း လမ်းပေါ်မှာတွေ့ကြုံရတဲ့ အခက်အခဲများစွာကို ကြိုးစားဖြတ်ကျော်ပုံတွေကို သဘာဝကျကျ ရိုက်ကူးတင်ပြထားတာပါ။ Survival of the fittest ဆိုတဲ့စကားအတိုင်း ဗိုင်းရပ်စ်ဆီကနေရှောင်ရှားဖို့အတွက် ကျန်ရစ်သူတွေက စည်းမျဥ်းတွေအတိုင်းလိုက်နာပြီး ပတ်ဝန်းကျင်နဲ့ လိုက်လျောညီထွေစွာနေနိုင်မှသာ အသက်ရှင်နိုင်မှာပါ။ ဒါကြောင့်မို့ အသက်အန္တရာယ်နဲ့တွေ့ရတဲ့အခါ လူသားအချင်းချင်းတောင် ကိုယ်လွတ်မြောက်နိုင်ဖို့အတွက် ဘယ်သူ့ကိုမှ မငဲ့ညှာဘဲ ခက်ခဲတဲ့ဆုံးဖြတ်ချက်တွေချမှတ်ရပုံများနဲ့ အဖြူအမဲဒွန်တွဲနေတဲ့လူ့သဘာဝကို အပြင်လောကကြီးအတိုင်း လက်တွေ့ဆန်စွာ ကြည့်ရှုခံစားရမှာဖြစ်ပါတယ်။ File size…(1.8 GB)/(900 MB) Quality….Webrip 1080p / 720p Format…mp4 Duration….01:32:00 Genre...Action, Drama, Horror, Thriller Subtitle….Myanmar Subtitle (Hardsub) Encoder….Mr. Anderson Translated by Vader

IMDb rating တွေတခြား rating မပြောခင် အိုင်ဝိုဂျီးမားကျွန်းမှပေးစာများ ဇာတ်လမ်းအကြောင်းပြောရရင်တော့ ဂျပန်စစ်သည်တွေရဲ့စစ်ရံှုးခါနီးခံစားချက် အိမ်လွမ်းတဲ့ခံစားချက်တွေကို ဖော်ညွှန်းထားတဲ့ ဂရုဏာရသကိုအဓိက ဦးစားပေးရိုက်ကူးထားတဲ့ ဇာတ်လမ်းတခုပဲ ဖြစ်ပါတယ်။စစ်သည်လို့ဆိုတဲ့နေရာမှာ သူတို့ကိုဦးစီးတဲ့ဗိုလ်ချုပ်အပါအဝင်ပေါ့.... သူတို့ခံစစ်ဆင်မယ့် ကျွန်းပေါ်က ကလေးတယောက်ကစားနေတာကိုမြင်ပြီး အိမ်က ကလေးကိုသတိရသွားတဲ့ဗိုလ်ချုပ်... ဒီအချိန်လေးမှာပဲကိုယ်ချင်းစာစိတ်တခုပေါ်လာပြီး အပြစ်မဲ့ပြည်သူတွေကို တတ်နိုင်သလောက် ဘေးကင်းရာကိုရွှေ့ခိုင်းခဲ့တယ်ဗိုလ်ချုပ်ရဲ့ လုပ်ရပ်ဟာ ပင်ပန်းနေတဲ့သူ့စစ်သည်တွေကိုနားလည် သလို တဖက်ကိုလည်းကိုယ်ချင်းစာစိတ်တခုကို ပေါ်လွင်အောင်ပြသွားတဲ့မျက်နှာပေးတွေကလဲ ဂျပန်တွေရဲ့အနုပညာဖန်တီးမှုတခုပါ.... ခေါင်းဆောင်ကောင်းတယောက်က ကြာပွတ်ကိုမသုံးဘူး ဦးနှောက်ကိုသုံးတယ်ဆိုတဲ့ ဆုံးမစကားကလဲမှတ်သား စရာပါ.... အဆမတန်များပြားတဲ့ ရန်သူတွေလာမယ်ဆိုတာသိသိကြီးနဲ့ ခံစစ်ပြင်ဆင်နေတဲ့ဂျပန်စစ်သားတွေ ရဲ့ အင်ပါယာစစ်သားဆိုတဲ့ဂုဏ်ကို တန်ဖိုးထားတတ်ပုံ အချင်းချင်းရိုင်းပင်းကုူညီပုံ မိသားစုဆီပြန်သွားရမယ်ဆိုတဲ့ အသိစိတ်တွေက ဒီကျွန်းက ရောဂါဘယတွေ ရေမကောင်းတာတွေ ရိက္ခာအပြည့်အဝမရတဲ့ ဒဏ်တွေကိုကျော်လွှားနိုင်စေပါတယ်။ သူတို့အားလုံးအိမ်ကိုပြန်လာနိုင်ကြရဲ့လား....? ရှင်တိုဝါဒဟာလဲ သူတို့နိုင်ငံအတွက်ဂုဏ်ယူစေတဲ့အချက် တခုဖြစ်တယ်ဆိုတာ ဇာတ်ကားရဲ့မဖော်ပြထားတဲ့ အပိုင်းမှာလေ့လာခဲ့ရပါတယ်... ဒါကဇာတ်လမ်းထဲကပေးတဲ့ မက်ဆေ့တချို့ ဒီဇာတ်လမ်းနောက်မှာ ရှိတဲ့ ခိုင်မာတဲ့သမိုင်းကြောင်းတွေကတော့..... ပထမတခုကဂျပန်တွေဟာ ဗုဒ္ဓဘာသာ ခရစ်ယာန် ဇင်ကျင့်စဉ်နဲ ့ဝိဉာဉ်ကိုးကွယ်မှုတွေကိုယုံကြည်လေ့ရှိတယ် ရှင်တိုဝါဒ ဟာလဲ ဒုတိယကမ္ဘာစစ်တွင်းက ဂျပန်တပ်မတော်မှာ လေ့ကျင့်ပေးခဲ့တဲ့ကျင့်စဉ်တခုပဲဖြစ်ပါတယ်..ရဲဘော် သုံးကျိပ်ဝင်တွေ ဂျပန်ပြည်မှာစစ်ပညာလေ့လာစဉ်ကလဲ ရှင်တိုကျင့်စဉ်ကိုလေ့ကျင့်ပေးတယ်လို့ ၁၉၉၀ ဝန်း ကျင်ထုတ်ဂျာနယ်တခုမှာ လေ့လာခဲ့ဖူးပါတယ် ဘုရားသခင်ရဲ့ကျင့်စဉ်လို့ အမည်ပေးထားတဲ့ဒီကျင့်စဉ်ကို နိုင်ငံတော်ဝါဒအဖြစ်ကျင့်သုံးခဲ့တဲ့ဝါဒလဲဖြစ်တယ် အရင်ဆုံးသွေးပူလုပ်ရတယ်၊စိတ်တည်ငြိမ်မှုလုပ်ရတယ် နောက်မှာတော့ သင်ပေးတဲ့ဆရာကလဲ တည်တည်ငြိမ်ငြိမ်နဲ့သန္နိဌာန်ချပြီး ဘုရင့်အတွက်အသက်စွန့်ပါမည်ဆိုတဲ့ စိတ်ဓါတ်မျိုးရိုက်သွင်းပေးရတယ်...။ရှင်တိုဝါဒဟာ စစ်ဝါဒကိုအသက်သွင်းတဲ့ဝါဒသပ်သပ်သာဖြစ်ပြီးဘာသာရေး နဲ့မသက်ဆိုင်တဲ့ဝါဒသပ်သပ်သာဖြစ်တယ်လို့ယူဆတဲ့အတွက် ဒုတိယကမ္ဘာစစ်အပြီးမှာမဟာမိတ်တပ်တွေရဲ့ စစ်သေနာပတိချုပ် ဗိုလ်ချုပ်ကြီးမက်အာသာက အမိန့်ထုတ်ပယ်ဖျက်ခဲ့တဲ အတွက် ရှင်တိုဝါဒဟာလဲ တိုင်းပြည်ဝါဒအဖြစ်မှ ပျောက်ကွယ်ခဲ့ရပါတယ်.... နောက်တချက်ကတော့.... ဒီကျွန်းတိုက်ပွဲမှာခံစစ်ဆင်သွားတဲ့ပုံစံအကြောင်းပါ ၁၉၄၄ ခုနှစ်ဇွန်လတွင်းမှာဖြစ်ပွါးခဲ့တဲ့ နယူးဂီနီကျွန်းတိုက်ပွဲရဲ့ ဂျပန်တပ်မှူးဗိုလ်မှူးကြီး နာအိုယူကီ-ကူဇူမီက ကမ်းတက် တိုက်ပွဲစစ်နည်းအသစ်ကိုတီထွင်ခဲ့တယ်..။ယခင် ပုံစံတွေလို ကမ်းတက်လာမယ့်ရန်သူတွေကို ကမ်းခြေကနေ စီးကြိုတိုက်တဲ့ပုံစံက ခွဲပြီး ကမ်းခြေမှာခံစစ်မယူတော့ဘဲ တောတွင်းလျှိုမြောင်၊သဘာဝနဲ့လူလုပ်အတားအဆီးတွေပုံ စံပြင်ဆင်ပြီး အနီးကပ်တောတွင်းတိုက်ပွဲ၊ညတိုက်ပွဲ၊ခြုံခိုတိုက်ပွဲပုံစံတွေနဲ့စစ်ဆင်ခဲ့ပါတယ်။ဒီလိုစစ်ဆင်ခြင်းအားဖြင့် ယခင် ကမ်းမှာစောင့်ပြီးခံစစ်ယူတဲ့အားနည်းချက်တွေကိုပြင်ဆင်နိုင်ခဲ့သလို ရန်သူကနေသတင်းအတိအကျထောက်လှမ်းလို့ မရခြင်း၊အနီးကပ်တိုက်ပွဲဝင်ရတဲ့အတွက်ရန်သူ့လက်နက်ကြီး ပစ်ကူထိထိရောက်ရောက်မရခြင်း၊မိမိဘက်ကအကျအဆုံး အနည်းငယ်နဲ့ရန်သူ့အင်အားများများကိုဖြုန်းတီးပစ်နိုင်တဲ့အပြင် တော၊ရာသီဥတု၊ရောဂါ၊နယ်မြေကျွမ်းကျင်မှုနဲ့ပေါင်းစပ် ပြီး ရန်သူ့စိတ်ဓါတ်ကိုပါရိုက်ချိုးနိုင်ခဲ့ပါတယ်...။အရင်ပုံစံကမ်းခြေမှာစီးကြိုခံစစ်ဆင်ခြင်းအားနည်းချက်တွေဖြစ်တဲ့ -ရန်သူမှအတိအကျသတင်းမထောက်လှမ်းနိုင်ခြင်း -ရန်သူ့ပစ်အားကောင်းတဲ့ ရေတပ်လက်နက်ကြီးတွေကြိုတင်မွှေနှောက်ချေမှုန်းပစ်ခတ်မှုကြောင့်ခံစစ်ကျိုးပေါက်တပ်ပျက်ခြင်း -မိမိထက်လူလက်နက် နည်းပညာအင်အားသာသူကိုတန်ပြန်ချေမှုန်းနိုင်ခြင်း -မိမိအင်အားမလိုအပ်ဘဲကျဆုံးခြင်းစတဲ့ အားသာချက်တွေကိုရရှိခဲ့သလို တကယ်လဲထိရောက်ခဲ့ပါတယ်။ ဆိုင်ပန်ကျွန်းတိုက်ပွဲ(Windtalker ရုပ်ရှင်) အိုကီနာဝါကျွန်းတိုက်ပွဲ(ကျွန်တော့်လက်ရာပစိဖိတ်ဇာတ်ကား) အခုဇာတ်လမ်းမှာပါတဲ့အိုင်ဝိုဂျီမားကျွန်းတိုက်ပွဲတွေဟာဆိုရင်ဒီစစ်နည်းဗျူဟာကိုသုံးခဲ့တဲ့ထင်ရှားတဲ့တိုက်ပွဲတွေပဲဖြစ်ပါတယ် ကျွန်တော့်အနေနဲ့ပြောချင်တာကတော့ ဒီဇာတ်လမ်းအတွက်စာဖိုင်ရှာတဲ့အခါ ဂျပန်စာဖိုင်ပဲတွေ့လို့ ဂျပန်စာကနေ အင်္ဂလိပ်စာတဆင့်ပြောင်းရတဲ့အတွက်အလွဲအချော်အနည်းငယ်ရှိကောင်းရှိနိုင်ပေမယ့် အနီးစပ်ဆုံးနဲ့အသင့်တော်ဆုံးဖြစ်အောင်ပြန်ဆိုထားပါတယ် နောက်တချက်က စစ်သုံးဝေါဟာရတွေ ကိုလဲသတိထားပြန်ဆိုထားရပါတယ်... တခုခုအလွဲအချော်ရှိခဲ့ရင်လဲ ကျွန်တော်ရဲ့ညံ့ဖျင်းမှုကြောင့်သာဖြစ်ပါလိမ့်မယ် သမိုင်းဆိုင်ရာအချက်အလက်တွေလဲ အမှားအယွင်းပါခဲ့ရင် ကျွန်တော့်ထက်ပိုသိသူများမှပြင်ပေးစေလိုပါသည် အလွမ်းအဆွေးသနားစရာ ဂရုဏာရသကိုပေးနိုင်တဲ့ဇာတ်လမ်းတခုဖြစ်လို့မလွတ်တမ်းကြည့်သင့်တဲ့ဇာတ်ကားတခုလို့ညွှန်းပါရစေ ဘာသာပြန်နဲ့အညွန်းကတော့ ကိုမြန်မကြီးပါ။

Big Momma's House 2 (2006) ရှေ့ကတင်ဆက်ခဲ့တဲ့ Big Momma's House 1 (2000)ရဲ့ FBIအေးဂျင့် မယ်လ်ကွန်တစ်ယောက် ယခုဒုတိယမြောက်ဇာတ်ကားမှာ သားနဲ့မယားနဲ့ အပြင် လူ့လောကရောက်လာတော့မဲ့ ပေါက်စနတစ်ကောင်နဲ့ ပျော်စရာ မိသားစုလေးကိုပိုင်ဆိုင်နေပါပြီ။ ဒါပေမဲ့ သူ့မိန်းမရှယ်ရီက နောင်ရေးကို တွေးပြီးယောက်ျားဖြစ်သူကို ရဲအလုပ်ကနေ တခြားအလုပ်ပြောင်းလုပ်ခိုင်း နေပါတယ်။ အဲဒီအချိန်မှာပဲ မယ်လ်ကွန့်ရဲ့ပထမဆုံးပါတနာအေးဂျင့်ဟာ အသွင်ယူစုံစမ်း ရာကနေ သရုပ်မှန်ပေါပြီး လက်စဖျောက်ခံလိုက်ရပါတယ်။ မယ်လ်ကွန်ဟာ အဲဒီအမှုကို သူပဲဆက်ပြီးတာဝန်ယူချင်ပေမဲ့ အထက်လူကြီးကတော့ တခြား အလုပ်ပါတွဲလုပ်နေရပြီး၊ မကြာခင်ကလေးအဖေဖြစ်တော့မဲ့ မယ်လ်ကွန့်ကို အန္တရာယ်များမှာစိုးလို့ ကွင်းဆင်းအေးဂျင့်အဖြစ်ကနေ ရပ်စဲပစ်လိုက်ပါတယ်။ ဒါပေမဲ့ အေးဂျင့်ပိုးမသေသေးတဲ့ မယ်လ်ကွန်ကတော့ အားလုံးကိုတစ်ပတ် ရိုက်ပြီး အဲဒီအမှုထဲပါဝင်ပတ်သက်နေတဲ့ နည်းပညာကုမ္ပဏီအကြီးအကဲ တွမ်ဖူလာရဲ့အိမ်မှာ ကလေးထိန်းအဖြစ် သူ့သဘောနဲ့သူ အလုပ်သွားလျှောက် လိုက်ပါရော။ ဒါပေါ့ဗျာ။ ရှေ့ကားထဲကအတိုင်း မိန်းမဝဝဝတ်စုံကြီးကို နောက်တစ်ခါထပ်ဝတ်ပြီး မယ်လ်ကွန်တစ်ယောက် မေမေကြီးဇာတ်ကို တဖန်ပြန်က ပါတော့တယ်။ ဒီတစ်ခါ မှာလည်း မေမေကြီးရဲ့ပြောင်မြောက်လှတဲ့ အမှုလိုက်ပုံတွေကို ကြည့်ရှုခံစားလိုက် ပါဦးလို့။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(2.0 GB) / (1.0 GB) Quality............BLU-RAY 1080p / 720p Duration.........1Hr 39Min Subtitle...........Myanmar Hardsub Format............MP4 Genre..............Action, Comedy, Crime Translator.......Ngwe Zin Encoder..........SWM

After the Sunset (2004) အလစ်သုတ်ရာမှာ ကျွမ်းကျင်လှပါတယ်ဆိုတဲ့ မက်စ် နဲ့ လိုလာတို့ဟာ တစ်​နေ့မှာ​တော့ FBI ​အေးဂျင့် စတန်လေ ကိုယ်တိုင် ​စောင့်​ရှောက်​နေတဲ့ ကြားက​နေ စိန်တုံးတစ်တုံးကို ခိုးယူသွားခဲ့ပါတယ်။ အဲဒီစိန်တုံးက နပိုလီယံ ပိုင်ဆိုင်ခဲ့တဲ့ စိန်တုံး သုံးတုံး ထဲက ဒုတိယ​မြောက် အတုံးဖြစ်ပါတယ်။ ဒီကိစ္စ ပြီးတဲ့​နောက်မှာ​တော့ မက်စ်နဲ့ လိုလာတို့ဟာ သူခိုး​လောကက​နေ အနားယူခဲ့ပြီး Bahamas နိုင်ငံက Paradiseကျွန်း​ပေါ်မှာ အပန်း​​ဖြေ​နေခဲ့ကြပါတယ်။ ဖြစ်ချင်​တော့ နပိုလီယံရဲ့ တတိယ​​မြောက် စိန်တုံးဟာ တ​နေ့မှာ Paradiseကျွန်း​ပေါ်ကို ဆိုက်ဆိုက်​​မြောက်​မြောက် ​ရောက်လာပါ​တော့တယ်။ ဒီ​နောက်မှာ​တော့ ဘာ​တွေဆက်ဖြစ်ကြမလဲ။ မက်စ်နဲ့ လိုလာတို့ဟာ တကယ်ပဲအနားယူသွားတာလား။ တတိယ​မြောက် စိန်တုံးကို ထပ်အလစ်သုတ်ဦးမလား။ FBI​အေးဂျင့် စတန်​လေ က​ရော ဒီတ​ခေါက် ဘာအကြံအစည်​တွေများ ရှိ​နေဦးမလဲ။ သူတို့​တွေရဲ့ အားပြိုင်မှု ကြားထဲ Paradise ကျွန်း​ပေါ်က ​ဒေသခံ ဂိုဏ်း​တစ်ခုကပါ ပါ၀င်လာတဲ့ အချိန်မှာ​တော့...... IMDb rating 6.2 ရရှိထားပြီး ကြာမြင့်ချိန် ၁နာရီ ၄၀မိနစ် ရှိတဲ့ ဒီကားဟာ Comedy, Actionနဲ့ Crime တို့ ​ပေါင်းစပ်ထားတဲ့ ဇာတ်ကား​ကောင်း​လေးဖြစ်ပါတယ်။ မင်းသားကြီး Pierce Brosnan၊ Woody Harrelsonနဲ့ မင်းသမီး Salma Hayekတို့က အဓိက သရုပ်​ဆောင်ထားကြပြီး မလွတ်တမ်း ကြည့်ရှုသင့်တဲ့ ဇာတ်ကား​ကောင်း တစ်ကား ဖြစ်ပါတယ်။ File Size : (1.92GB) and (884 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:37:00 Genre : Action , Comedy , Crime Subtitle : Myanmar Subtitle (Hard Sub) Translated by K Encoded by AHtet

IMDb Rating – 7.2/10 ခေါင်းစားပြီး စိတ်ပညာမှုခင်းဇာတ်ကားတွေကြိုက်တဲ့လူတွေအတွက်တော့ အကြိုက်ဖြစ်စေမယ့် ဇာတ်ကားတစ်ခုပါ အဓိက ဇာတ်ကောင်နှစ်ယောက်ဖြစ်တဲ့ Anthony Hopkin & Edward Norton တို့နှစ်ယောက်ရဲ့ Chemistry မိမိနဲ့ သရုပ်ဆောင်မှုတွေကို တဝကြီးကြည့်ရမှာပါ။ ဇာတ်လမ်းအညွှန်း ဝယ် ဂရေဟမ်ဟာ FBI Agent တစ်ယောက်ဖြစ်ပြီး မှုခင်းတွေစုံစမ်းတဲ့နေရာမှာ သူမတူတဲ့ ဖြတ်ထိုး ဉာဏ်တွေးခေါ်မှုတွေအမှုပေါင်းများစွာကို ဖော်ထုတ်ခဲဲ့တဲ့လူတစ်ယောက်ပါ။ မှုခင်းစုံစမ်းရေးတွေမှာ သူ့ကိုကူညီနေတဲ့ စိတ်ပညာရှင် ဟန်နဘယ် လက်တာဆိုတာ FBI ကိုအိပ်ကပ်ထဲထည့်ထားပြီး တစ်ဖက်မှာ လူပေါင်းများစွာကို သွေးအေးအေးနဲ့သတ်ပြီး ခန္တာဗေဒကိုလေ့လာနေတဲ့ ကြောင်သူတော်တစ်ယောက်လို့ ပြောရမယ် ။ အကြောင်းစုံကိုသိသွားတဲ့ ဂရေဟမ်က ဟန်နဘယ်လက်တာကို ဖမ်းဆီးဖော်ထုတ်နိုင်ခဲ့ပြီး သူ့ရဲ့ FBI Agent ဘဝကိုလည်း ပြည်ဖုံးကားချလိုက်ပါတော့တယ် ။ နှစ်ပေါင်းများစွာကြာတဲ့အခါ ကိစ္စတွေက မပြီးသွားပဲ လက်တာလိုမျိုး အရမ်းထူးခြားတဲ့ စိတ္တဇလူသတ်သမားတစ်ယောက်ပေါ်လာခဲ့တာကြောင့် ဂရေဟမ် , လက်တာ နှစ်ယောက်ပေါင်းကာ အဲ့ဒီလူသတ်ကောင်ကို ထပ်မံဖမ်းဆီးရပါတော့တယ်။ အခန်း တိုင်းမှာ လျှိ့ကွက်လေးတွေရှိနေပြီး Genius 3 ယောက်ရဲ့ အားပြိုင်မှု စိန်ခေါ်မှုတွေနဲ့ လူသတ်မှုကို တစ်စတစ်စချင်းစီဖော်ထုတ်သွားတဲ့အချက်က ဟာကနဲတွေဖြစ်သွားမှာပါ၊ (ဒီဇာတ်ကားနဲ့ အညွှန်းနဲ့ဘာသာပြန်ဆိုသူကတော့ Thiha Yan Naing ဖြစ်ပါတယ်။) Quality – 1080p, 720p BluRay 5.1CH Duration – 1hr 24min Subtitle – Myanmar Hardsub Format – Mp4 Genre : Crime, Drama, Thriller Source : 1080p.BluRay Translator – Thiha Yan naing Encoder – SWM

နက္ခတ္တဗေဒကို ဝါသနာပါတဲ့ ဆယ်ကျော်သက်တစ်ယောက်ဟာ ညဘက်မှာ မှန်ပြောင်းနဲ့ ကောင်းကင်ကို ကြည့်နေရာက အမျိုးအမည်မသိတဲ့ ကြယ်တံခွန်ကြီးတစ်လုံးကို တွေ့သွားပါတယ်။ အဲဒီကြယ်တံခွန်က နယူးယောက်မြို့လောက် ကြီးမားပြီး ကမ္ဘာဆီကို ဦးတည်လာနေတာပါ။ ကမ္ဘာကို ဝင်တိုက်တော့မယ့် ဒီအန္တရာယ်ကြီးကို အစိုးရဘက်က ဘယ်လိုကိုင်တွယ်ဖြေရှင်းမလဲဆိုတာကို သိပ္ပံစိတ်ကူးယဉ်၊ အက်ရှင်နဲ့ ဒရာမာပေါင်းစပ်ပြီး ရိုက်ကူးထားပါတယ်။ အမေရိကန်သမ္မတအဖြစ် Morgan Freeman က ပါဝင်သရုပ်ဆောင်ထားပါတယ်။

Born on the Fourth of July(1989) ဒီရုပ်ရှင်ဟာ အမေရိကန်ရဲ့လွတ်လပ်ရေးနေ့ဖြစ်တဲ့၊ ဂျူလိုင် ၄ရက်နေ့မှာမွေးဖွားခဲ့တဲ့ စစ်ဆန့်ကျင်ရေးလှုပ်ရှားသူ အမေရိကန်-ဗီယက်နမ် စစ်ပြန်ကြီး Ron Kovicအကြောင်းဇာတ်အိမ်တည်ရိုက်ကူးထားတဲ့ စစ်ဆန့်ကျင်ရေး အတ္ထုပတ္တိကားကောင်းတစ်ကားပဲဖြစ်ပါတယ်။ Ronရဲ့ငယ်စဥ်ကလေးဘဝဟာ ထိုခေတ်ထိုကာလကထုံးစံအတိုင်း စစ်ပွဲအောင်နိုင်မှုတွေအကြောင်း၊ တိုင်းပြည်တာဝန်ထမ်းပြီး စစ်တိုက်ရတာမှဂုဏ်ရှိတယ်၊ ကွန်မြူနစ်ဝါဒကို တိုက်ဖျက်ရမယ်ဆိုတဲ့ ပတ်ဝန်းကျင်မှာကြီးပြင်းခဲ့ရပါတယ်။ ဒါ့ကြောင့်လည်း အမေရိကန်-ဗီယက်နမ်စစ်ပွဲဖြစ်တော့ သူကိုယ်တိုင်ရော သူငယ်ချင်းတွေပါစိတ်လိုလက်ရ မရိန်းတပ်ထဲဝင်ပြီး တိုက်ပွဲဝင်ပါတော့တယ်။ ဒီစစ်ပွဲအတွင်းမှာပဲ စစ်ပွဲရဲ့ခါးသီးမှုတွေကြုံခဲ့ရပြီး စိတ်ဝေဒနာလည်းရ အကြောပါသေ၊ မြုံတဲ့ဘဝ ဒုက္ခိတဖြစ်ခဲ့ရပါတယ်။ ဒါပေမယ့်လည်း အဲ့အချိန်ထိ သူ့ရဲ့ စစ်ပွဲအပေါ်အယူအဆတွေက ပြောင်းလဲမသွားသေးပါဘူး။ စစ်ဆေးရုံကဆင်း မွေးရပ်ကိုပြန်ရောက်တော့မှ အဲ့ကာလမှာ စစ်ဆန့်ကျင်ရေးလှုပ်ရှားသူတွေ၊ နိုင်ငံရဲ့လက်ရှိအခြေအနေတွေကိုမြင်ရကြားရပြီး မျက်စိပွင့်နားပွင့်ဖြစ်လာကာ၊ ကိုယ်ကိုယ်တိုင်ကလည်း စစ်ပွဲနဲ့ပတ်သက်ပြီး စိတ်မလုံခဲ့သူမို့... Ron Kovidတစ်ယောက် စစ်တိုက်ရတာဂုဏ်ယူတဲ့လူငယ်လေးဘဝကနေ စစ်ဆန့်ကျင်ရေးသမားကြီးဘဝကို ဘယ်လိုကံကြမ္မာတွေ၊ အဖြစ်အပျက်တွေကြောင့် ရောက်လာလဲဆိုတာ ရိုက်ကူးပြသထားတဲ့ anti-war movieလေးပါပဲ။ File Size :(3.3GB)(1.3GB) and (714MB) Quality : BLU-RAY 1080P5.1Ch,720p Format…mp4 Duration…02:25:00 Genre : War, Biography , Drama Subtitle : Myanmar Subtitle (Hard Sub) Translated by Themes Encoded by Phyo Pyae

"Someone to Watch Over Me" ဟာ ၁၉၈၀ ပြည့်လွန်နှစ်တွေက အငွေ့အသက်တွေကို အပြည့်အဝ ခံစားရစေမယ့် ဂန္ထဝင် အချစ်နှင့် သည်းထိတ်ရင်ဖို (Romantic Thriller) ရုပ်ရှင်ကားကောင်းတစ်ကား ဖြစ်ပါတယ်။ နာမည်ကျော် ဒါရိုက်တာ Ridley Scott ရဲ့ လက်ရာဖြစ်တာကြောင့် ရုပ်ရှင်ရဲ့ မြင်ကွင်းအလှအပတွေနဲ့ တင်ဆက်ပုံတွေက ယနေ့တိုင် ဆွဲဆောင်မှုရှိနေဆဲပါ။ ဇာတ်လမ်းကတော့ နယူးယောက်မြို့က ရိုးရိုးရှင်းရှင်းနေထိုင်တဲ့ အိမ်ထောင်သည် ရဲစုံထောက် Mike Keegan (Tom Berenger) ဟာ လူသတ်မှုတစ်ခုကို မျက်မြင်တွေ့ရှိခဲ့တဲ့ ချမ်းသာကြွယ်ဝတဲ့ အထက်တန်းလွှာ အမျိုးသမီး Claire Gregory (Mimi Rogers) ကို အစောင့်အရှောက်ပေးရတဲ့ တာဝန်ကျရာကနေ စတင်ပါတယ်။ စောင့်ရှောက်ရင်းနဲ့ သူတို့နှစ်ဦးကြားမှာ မတူညီတဲ့ လူနေမှုအဆင့်အတန်းတွေ ရှိနေပေမယ့်လည်း မမျှော်လင့်ဘဲ သံယောဇဉ်ငြိတွယ် မိသွားကြပါတယ်။ တစ်ဖက်မှာလည်း Mike မှာ ချစ်ရတဲ့ ဇနီးသည် Ellie (Lorraine Bracco) နဲ့ သားလေးရှိနေတဲ့အတွက် အချစ်၊ သစ္စာတရားနဲ့ တာဝန်ဝတ္တရားတွေကြားက ရှုပ်ထွေးတဲ့ စိတ်ခံစားမှု ပဋိပက္ခတွေကို စိတ်ဝင်စားဖွယ် တင်ဆက်ထားပါတယ်။ Ridley Scott ရဲ့ လက်ရာပီပီ ရုပ်ရှင်ရဲ့ မြင်ကွင်းတွေ၊ အလင်းအမှောင် အသုံးပြုပုံတွေနဲ့ အနုပညာမြောက်မှုက အရမ်းကို လှပပါတယ်။ ၁၉၈၀ ပြည့်လွန်နှစ်တွေက နယူးယောက်မြို့ရဲ့ ညရှုခင်းတွေ၊ ခမ်းနားတဲ့ အိမ်ကြီးတွေနဲ့ ရိုးရှင်းတဲ့ ရဲအရာရှိတစ်ယောက်ရဲ့ ဘဝပတ်ဝန်းကျင်ကို ခြားနားချက်သိသာစွာနဲ့ သေသပ်စွာ ရိုက်ကူးပြသထားပါတယ်။ om Berenger နဲ့ Mimi Rogers တို့ရဲ့ ဇာတ်ကောင်နှစ်ခုကြားက ဆွဲဆောင်မှု (Chemistry) က အတော်လေး ကောင်းမွန်ပါတယ်။ ဒါပေမယ့် ဒီဇာတ်ကားမှာ အထူးချီးကျူးရမယ့်သူကတော့ ဇနီးဖြစ်သူနေရာကနေ သရုပ်ဆောင်သွားတဲ့ Lorraine Bracco ပါ။ ခင်ပွန်းဖြစ်သူရဲ့ ဖောက်ပြန်မှုကြောင့် ခံစားရတဲ့ နာကျင်မှုနဲ့ ဒေါသတွေကို အပီပြင်ဆုံး သရုပ်ဆောင်သွားနိုင်ပြီး ကြည့်ရှုသူတွေရဲ့ စာနာမှုကို အပြည့်အဝ ရယူနိုင်ခဲ့ပါတယ်။ ရိုးရာ အခြေခံလူတန်းစား မိသားစုဘဝနဲ့ ဇိမ်ကျကျ နေထိုင်ရတဲ့ အထက်တန်းလွှာဘဝ နှစ်ခုကြားက ကွာဟချက်ကို ဇာတ်လမ်းထဲမှာ သေသေချာချာ မီးမောင်းထိုးပြနိုင်ခဲ့ပါတယ်။ အချုပ်အားဖြင့်ဆိုရရင် "Someone to Watch Over Me" ဟာ အက်ရှင်နဲ့ မှုခင်းကို အပြင်းအထန် အသားပေးထားတဲ့ ကားမျိုးမဟုတ်ဘဲ လူသားတွေရဲ့ ခံစားချက်၊ သံယောဇဉ်၊ အမှားအမှန် ရွေးချယ်မှုတွေအပေါ် အခြေခံထားတဲ့ စိတ်ဝင်စားဖွယ် ရုပ်ရှင်ဖြစ်ပါတယ်။ ၈၀ ပြည့်လွန်နှစ်တွေက ရုပ်ရှင်အရသာကို လွမ်းဆွတ်သူတွေ၊ သေသပ်လှပတဲ့ ရိုက်ကူးရေးစတိုင်လ်ကို နှစ်သက်သူတွေနဲ့ Ridley Scott ရဲ့ ပရိသတ်တွေအတွက်တော့ သေချာပေါက် အချိန်ပေးပြီး ကြည့်ရှုသင့်တဲ့ ရုပ်ရှင်ကားတစ်ကား ဖြစ်ပါတယ်။ File size…3.48 GB / 1.9 GB Quality… Blu-Ray 1080p/ 720p Format… mp4 Duration….1h 43m Genre ..... Drama / Crime Subtitle…. Myanmar Subtitle (Hard Sub)

Platoon (1986) [ Dir: Oliver Stone ] IMDb - 8.1/10, Rotten Tomatoes - 87% " ငါတို့တွေဟာ တိုက်လာတဲ့ စစ်ပွဲတိုင်း နိုင်ခဲ့ကြတာချည်းပဲလေ။ ဒီတစ်ပွဲတော့ရှုံးသင့်ပါတယ် " Sergeant Elias ကနေ ညတစ်ညမှာ တပ်သားလေး Chris ကိုပြောခဲ့တဲ့စကား။ Platoon ဟာ Oliver Stone ရဲ့အအောင်မြင်ဆုံးဇာတ်ကားကြီးတွေထဲကတစ်ခုပေါ့။ သူ့အတွေ့အကြုံ သူ့ခံစားချက်တွေကို ချပြခဲ့တယ်။ Vietnam စစ်ပွဲမှာ အမေရိကန်တွေစစ်ရှုံးသွားပုံတွေပေါ့။ ပိုဆိုးတာက စိတ်ဓာတ်တွေပါ ဆုံးရှုံးသွားခဲ့ရတာ။ Chris ရဲ့အဖိုးဟာ ပထမကမ္ဘာစစ်မှာ ဝင်ကြမ်းခဲ့တဲ့ သူရဲကောင်း။ အဖေက ဒုတိယကမ္ဘာစစ်မှာ အမေရိကန်တွေအတွက် ဂုဏ်ဆောင်ပေးခဲ့တဲ့သူ။ သူကိုယ်တိုင်ကရော ဒီ Vietnam စစ်ပွဲမှာ ဘာလုပ်ပေးနိုင်မလဲ? Chris ဟာတစ်ယောက်ထဲ စာရေးနေတတ်တယ်။ စကားတွေလဲပြောတတ်တယ်။ ဘယ်ကမှန်းမသိ ရှိလဲမရှိတဲ့ သူ့အဖွားဆီကိုပေါ့။ နည်းနည်းတော့ ကြောင်တောင်တောင်နိုင်ပေမဲ့ ဒီ ဇာတ်လမ်းတစ်ခုလုံးက သူ့ ဒဿနတွေချည်းပဲလေ။ တပ်သား Chris ဟာ ကောလိပ်တက်ခွင့်ရသူပါ။ ပညာတတ်တစ်ယောက်။ သူ့ရုပ်ရည်ရူပါဟာ စစ်ပွဲနဲ့ မအပ်စပ်ဘူး။ လုံးဝကို မအပ်စပ်တာ။ ရိုးသားပြီး စိတ်ကောင်းရှိတဲ့လူ။ Vietnam မြေပြင်ပေါ်ကို သူဘာလာလုပ်တာလဲ? ကျောင်းထွက်ပြီး စစ်ထဲကို စေတနာ့ဝန်ထမ်းလုပ်ပြီးဝင်လာတာတဲ့။ "ချမ်းသာတဲ့သူတွေကျတော့ စစ်ပွဲနဲ့‌ရှောင်နေတယ်။ ဆင်းရဲတဲ့လူတွေကျတော့ တိုက်ပွဲထဲမှာ ရုန်းနေရတယ်" သူက အဲ့လိုလူမျိုးထဲမှာမပါဘူး။ အဆင့်အတန်းဂုဏ်တွေ ချောင်ထိုးထားပြီး စစ်ပွဲမှာ တိုင်းပြည်တာဝန်လာထမ်းတာ။ "ကောလိပ်တက်နေလဲဘာထူးမှာလဲ။ လူ့လောကအကြောင်း ဘာမှ ရေရေရာရာသင်ပေးတာမှမဟုတ်တာ" ခုတော့ "Vietnam စစ်မြေပြင်" ဆိုတဲ့ ကျောင်းတော်ကြီးမှာ ပညာတွေသင်နေလေရဲ့... Vietnam ရောက် အမေရိကန်တွေဟာ စိတ်ဓာတ်တွေ ရေစုန်မြောနေပြီ။ အကုန်လုံးက စုတ်ပဲ့နေတာ။ တပ်သားအသစ်တွေဆို ပစားမပေးဘူး နှိမ်ခိုင်းတယ်။ မြန်မြန်သေ အေးတယ်။ ဒါမှ ဒုက္ခမပေးနိုင်မှာ။ ဘာလို့လဲဆို တိုက်ပွဲ အတွေ့အကြုံ မရှိလို့တဲ့။ သေရေးရှင်ရေးဆိုရင်တော့ တပ်သားအသစ်တွေကို ရှေ့တန်းတင်တော့တာပဲ။ Sergeant Elias ကတော့ တခြားသူတွေနဲ့မတူဘူး။ သူဟာ အမြဲတန်း စစ်နိုင်သူပဲ။ စိတ်ထားကောင်းပြီး တပ်သား အသစ်တွေအပေါ် စိတ်ရှည်ရှာတယ်။ လိုအပ်တာတွေ သေချာသင်ပေးတယ်။ သူနဲ့ဆန့်ကျင်ဘက်က Sergeant Barnes ဆိုတဲ့ ဘဲကြီးပေါ့။ မျက်ခွက်ကိုက ဆွဲထိုးချင်စရာ ရုပ်ကြီးနဲ့။ Platoon ( တပ်စု ) ထဲမှာ အဖွဲ့နှစ်ဖွဲ့ကွဲတယ်။ Elias ရဲ့ ဘက်တော်သားနဲ့ Barnes ရဲ့အစေခံကျွန်သပေါက်တွေ။ Chris ကတော့ Elias ရဲ့ အကောင်းဆုံး တပည့်ပေါ့။ အဖွဲ့နှစ်ဖွဲ့ဟာ အယူအဆမတူသလို အချင်းချင်းလဲ အမြင်စောင်းနေကြတာပါ။ တစ်ရက်မှာ ရန်သူ့ စခန်းတစ်ခုကို ဝင်မွှေပါတယ်။ ရန်သူတွေ ရှိမနေပေမဲ့ ရန်သူတွေရဲ့ စွန့်ခွာလက်ဆောင် မိုင်းလေးကြောင့် တပ်သားနှစ်ယောက် ကြွသွားတယ်။ အလောင်းကတော့ တူးနေပြီ။ တစ်ယောက်ကတော့ ဒယိမ်းဒယိုင် ထွက်လာတယ်။ လက်တော့မရှိတော့ဘူး။ အူတွေကလဲ အလိပ်လိုက်ထွက်လို့... Barnes အရမ်းတင်းသွားတယ်။ ရန်သူတွေ ဝင်သွားခဲ့တယ်ဆိုတဲ့ ရွာကို အမြန်လိုက်။ ပြီးတော့... ရွာသားတွေကို နှိပ်စက်ပြီးမေးတော့တာပဲ။ ဒီမှာ...... စိတ်ကောင်းရှိပါတယ်ဆိုတဲ့ Chris တစ်ယောက်ဟာ နောက်တစ်ယောက်ဖြစ်သွားတော့တာပဲ။ ခြေတစ်ဖက်မရှိတဲ့ ကောင်လေးကို အော်ဟောက်နေမိတယ်။ အမေအိုကြီးက တောင်းပန်ငိုယိုလို့နေတာ...။ Chris ကတော့ ရပ်မနေခဲ့ပါဘူး။ အဲ့ကောင်လေးကို တွန်းလှဲပြီး ခေါင်းကို သေနတ်ဒင် နဲ့ထုသတ်လိုက်တယ်။ ဦးနှောက်တွေတောင်ထွက်လာတယ်။ အမေအိုကြီး အငိုတိတ်သွားတယ်။ သူ့မျက်လုံးကတော့ သားဆီမှာ... မယုံနိုင်တဲ့ အကြည့်တွေနဲ့ပေါ့... ငိုဖို့တောင် မျက်ရည်မကျန်ရှာတော့ဘူး... သူငယ်ချင်းတစ်ယောက်ကလဲ Chris ကိုကြည့်လို့။ မယုံနိုင်ဘူး။ Chris ကတော့ မျက်နှာ မှိုင်ပြီး ထွက်သွားတယ်။ Oliver Stone ဟာ လူတွေရဲ့ ပတ်ဝန်းကျင်ကြောင့်ပြောင်းလဲသွားတဲ့စရိုက်ကို အကောင်းဆုံးချပြလိုက်တာပါ။ Sergeant Barnes ဟာ အစစ်အမေးကြမ်းလွန်းတယ်။ ရွာသူကြီးကို အတင်းစစ်မေးတယ်။ ဝင်ရှုပ်နေတဲ့ သူ့မိန်းမကို Headshot နဲ့ Kill လိုက်တယ်။ မကျေနပ်နိုင်သေးတဲ့ သူ့စိတ်က အဖိုးကြီးရဲ့ သမီးလေးကို မဲတော့တာပဲ။ Elias ကပြေးဝင်ပြီးတားတယ်။ ထိုးကြကြိတ်ကြနဲ့။ ရန်ဖြစ်။ ဝင်ဆွဲ။ လုံးထွေးနေကြတယ်။ ပွဲပြီးတော့ Barnes ဟာ Elias ကို ကြည့်လိုက်တယ်။ " တွေ့ကြသေးတာပေါ့ " ဆိုတဲ့ အဓိပ္ပာယ်နဲ့။ Barnes ရဲ့ ကောင်တွေက ခြုံတစ်ခုမှာ ကောင်မလေးတစ်ယောက်ကို မုဒိန်း ကျင့်နေကြတာ။ အောက်တန်းကျတဲ့ ခွေးမျိုးတွေ။ Chris ဝင်ချလာတယ်။ ဒီမှာတော့ သူ့စိတ်ကောင်းက လွှမ်းမိုး‌နေတဲ့အချိန်။ ကောင်မလေးကို ဆွဲခေါ်တယ် ကျင့်နေတဲ့ကောင်တွေကို ခပ်ကြမ်းကြမ်း ဆဲဆိုနေတယ်။ ဟိုကောင်တွေက Chris ကိုပြောတယ်..... "မင်းက သောက်ခြောက်လား? ဒီဟာမ က Vietnam ကွ" နာကျည်းနေတဲ့ Chris က ပြန်‌အော် ပြောလိုက်တယ် .... " She's a f**king human being !!! F**k you !!! " လူလူချင်းတောင် တိရိစ္ဆာန်သဖွယ် သဘောထားနိုင်သွားတဲ့ စုတ်ချာ နေတဲ့ စိတ်ဓာတ်တွေကို ကွက်ကွက် ကွင်းကွင်းကြီးပြသွားတာပဲ။ ဒါတောင် အမေရိကန်တွေနော်။ ဖွံဖြိုးပြီး နိုင်ငံတစ်ခုရဲ့ စစ်သားတွေပါ။ ပထမကမ္ဘာစစ်တင်မက ဒုတိယကမ္ဘာစစ်မှာပါ လူတွေရဲ့ အားကျမှုကို ရခဲ့တဲ့ တပ်မတော်။ ဘာမဟုတ်တဲ့ Vietnam တောထဲမှာ ဖြစ်ပျက်သွားတာက မြင်မကောင်းရှုမကောင်းကိုဖြစ်လို့...... Chris ဟာ သူသိလိုက်ရတယ်... သူလိုချင်နေတဲ့ လူ့ဘဝကြီးအကြောင်းကိုပေါ့... " ကျနော်တို့ဟာ ရန်သူတွေနဲ့ စစ်တိုက်နေကြရတာမှမဟုတ်ပဲ။ အချင်းချင်း တိုက်နေကြရတာ။ အထူးသဖြင့် ကိုယ့်စိတ်ထဲက ဆိုးတာနဲ့ကောင်းတာရဲ့ မဟာစစ်ပွဲကြီးပေါ့ " ( Chris Taylor ) ခင်ဗျားတို့ ကျနော်တို့လဲ နေ့စဉ်ရက်ဆက် တိုက်နေကြရတာပဲမဟုတ်လား? ရလဒ်ကော ကောင်းကြရဲ့လား? Barnes နိုင်သွားလား? Elias နိုင်သွားလား? ဒီဇာတ်ကားတွေထဲက ဇာတ်ဝင်ခန်းတွေဟာ တကယ့်အဖြစ်အပျက်တွေပေါ်အခြေခံထားတာပါ။ Oliver Stone ဟာ Vietnam စစ်ပွဲအပေါ် အရမ်း အာရုံကျနေခဲ့တာပါ။ ဒီတစ်ခါတော့ သူ ကြမ်းပြလိုက်ပြီလေ။ Cinematography ကို Robert Richardson ကကိုင်ခဲ့တာပါ။ Shutter Island ( 2010 ) နဲ့ Hugo ( 2011 ) ကိုကောင်းကောင်းကိုင်ခဲ့သူ။ ဒါ့အပြင် The Aviator, Once Upon a Time In Hollywood, Kill Bill စတာတွေရဲ့ Cinematography ဖန်တီးရှင်ကြီးပါ .. Rating: 8.1 Rotten Tomatoes: 87% Metacritic: 92% ကိုလဲ ရထားပါတယ်။ ဇာတ်လမ်းလေးပြီးသွားရင်.. သေချာပါတယ် Chris Taylor ရဲ့ အတွေးတစ်ပိုင်းတစ်စ ဟာ ခေါင်းထဲ နစ်မြုပ်ကျန်နေရစ်တော့မှာပါ ...... ( ရုပ်ရှင်ပရိသတ်တစ်ယောက်အနေနဲ့ ခံစားရေးထားတာမို့လို့ အမှားပါခဲ့ရင် ခွင့်လွှတ်ပေးပါ ) (ဒီဇာတ်ကားရဲ့ အညွှန်းအတွက် Ultimate Classic Films ပေ့ဂ်ကို Credit ပေးပါတယ်ခင်ဗျာ) Size - 2.88GB, 1.44GB, 430MB Quality - Remastered Bluray 1080p, 720p, 480p IMDb Rating - 8.1/10 Format - mp4 Duration - 2H Type - Drama, War Subtitle - Myanmar Subtitle (Hardsub) Translated by Nay Lin Thar Encoded by Y