Martin Covert ပါဝင်သော ဇာတ်ကားများ

Bohemian Rhapsody တို့လို Rock Star တို့လို Lords of Chaos တို့လို Rock ဂီတဆိုင်ရာ ရုပ်ရှင်တွေကို ကြိုက်နှစ်သက်ကြတဲ့ ပရိသတ်တွေအတွက် ၂၀၁၉ ခုနှစ်ထဲထွက်ရှိထားတဲ့ the Dirt ဆိုတဲ့ ဇာတ်ကားလေးတင်ဆက်ပေးချင်ပါတယ် … IMDb – 7/10 တောင်ရရှိထားတဲ့ ဇာတ်ကားလေးပါ The Dirt ဇာတ်ကားဟာ ၁၉၈၀ ပတ်ဝန်းကျင်မှာ စတင်ကျော်ကြားခဲ့တဲ့ အမေရိကန် ဟဲဗီးမက်တယ် ဂီတတီးဝိုင်းတစ်ခုဖြစ်တဲ့ Motley Crue တီးဝိုင်းရဲ့ ဟောလိဝုဒ်လမ်းမတွေထက်ကနေ နိုင်ငံတကာ စင်မြင့်တွေထက်ကို ရောက်ရှိလာပုံတွေကို ဝိုင်းတော်သားတွေက ကိုယ့်အကြောင်း ကိုယ်ပြောပြနေတဲ့ပုံစံနဲ့ ရိုက်ကူးထားတာပါ … Motley Crue တီးဝိုင်းဟာ မြန်မာ Rock ပရိသတ်တွေနဲ့လည်း မစိမ်းပါဘူး … မျိုးကြီးရဲ့ ကျောက်စာများ…ဇော်ဝင်းထွဋ်ရဲ့ သွေးတိတ်တေး စတဲ့ သီချင်းတွေဟာလည်း သူတို့ရဲ့မူရင်းတေးသီချင်းတွေဖြစ်ပါတယ်… ဒီဇာတ်ကားထဲမှာ Motley Crue ဝိုင်းတော်သား လေးယောက်ရဲ့ လမ်းဘေးရောက် ဘဝအဖုံဖုံကနေ Rock ဂီတကိုရူးသွပ်ပြီး အခွေအချပ် သန်းတစ်ရာကျော်ရောင်းချရတဲ့ ကမ္ဘာကျော်တွေဖြစ်လာခဲ့ပုံတွေ… နာမည်ကြီးပြီးနောက် လိင် မူးယစ်ဆေး အိမ်ထောင်ရေးဖောက်ပြန်မှုတွေနဲ့ ပြိုလဲခဲ့ကြပုံတွေ ကို ရိုက်ကူးတင်ဆက်ထားတဲ့အတွက် ရော့ခ်ဂီတကြိုက်တဲ့ပရိသတ်ကြီးအတွက် ဇာတ်ကားကောင်းတစ်ကားဖြစ်မှာ မလွဲမသွေပါပဲခင်ဗျား…။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ Zuel Khant Thwin ပါ)

ဒီဇာတ်လမ်းလေးကတော့ Horror/ Thriller/Film Noir အမျိုးအစားဖြစ်ပါတယ်။ IMDB 5.7 ရထားပြီးတော့ ဒီဇာတ်လမ်းမှာ လူတွေရဲ့ လုပ်ရပ်ကြောင့် ဒီကမ္ဘာကြီးဘယ်လောက်ဆိုးရွားပျက်ဆီး ကပ်ဆိုက်နေပြီလဲ ဆိုတာကို စိတ်လှုပ်ရှားဖွယ်ရိုက်ကူးပေးထားတာဖြစ်ပါတယ်။ ဇာတ်လမ်းအကျဉ်းကတော့ မာခ့် ဆိုတဲ့ လူတစ်ယောက်ဟာ ကွာရှင်းပြီးသား သူ့မိန်းမနဲ့ ပြန်လည်ပေါင်းထုတ်ဖို့ သူ့မိန်းမကို သွားခေါ်တာကနေစပြီး သူတို့နှစ်ယောက် အတူတူ ခရီးထွက်လာကြတာဖြစ်ပါတယ်။ ဒါပေမဲ့ ကမ္ဘာကြီးမှာ အကြင်နာတရားတွေ ကိုယ်ချင်းစာမှုတွေ မရှိတော့တဲ့ လူ့သရဲတွေ များပြားလာတဲ့အခြေအနေနဲ့ အစာ ရှားပါးဘေးကပ်ဆိုက်နေလို့ လူလူချင်းပြန်စားနေကြရတဲ့အခြေအနေမှာ ခရီးတစ်ခုထွက်ဖို့ဆိုတာ အသက်ကို ဖက်နဲ့ ထုပ်ထားရသလိုပါပဲ။ အဲ့တော့ သူတို့နှစ်ယောက်ဟာ တကယ်ရော အချစ်ဆိုတဲ့အရာရှိသေးလို့ ပြန်လည် ပေါင်းထုတ်ကြတာလား သူတို့ကရော အဲ့ဒီ လူ့သရဲ လူမိုက်ဂိုဏ်းတွေ လက်ခုပ်ထဲကရေလိုပဲ သေသွားရမှာလား ဒါမှမဟုတ် ထွက်ပြေးလွတ်မြောက်နိုင်ပါ့မလားကို သဲထိတ်ရင်ဖို ဇာတ်လမ်းအဆုံးထိကြည့်ရမှာဖြစ်ပါတယ် (ဘာသာပြန်သူကတော့ Brilliant Star ပါ) File Size : (700 MB) Quality : AMZN WEB-DL 720p Running Time : 1hr 35min Format : Mp4 Genre : Horror, Thriller Subtitle : Myanmar Subtitle (Hard Sub) Source : 1080p.AMZN.WEBRip.DDP5.1.x264-NTG Translated by Brilliant Star Encoded by Thanhtike Zaw

ဂျက် ရီချာ ပြန်လာပါပြီ။ ဒီကားမှာတော့ မေဂျာဘဝကနေ အနားယူသွားတဲ့ ဂျက်ဟာ ဒီစီကို ပြန်လာရင်း သူ့မိတ်ဆွေ ဗိုလ်မှုးမလေး တန်နာ မတရားစွပ်စွဲခံရပြီး ဖမ်းထားခံထားရတာကို လိုက်ရင်း အစိုးရကန်ထရိုက်တာကြီးတစ်ခုရဲ့ မသမာမှုတွေကို ဖော်ထုတ်ပေးရပါတော့တယ်။ ကုမ္မဏီဘက်က ကြေးစားတွေက သူ့ရဲ့ သမီးလို့ထင်ရတဲ့ ဆမ် ဆိုတဲ့ မိန်းကလေးနောက်ကိုပါ လိုက်လာတဲ့အတွက် ဂျက်ဟာ တန်နာ ဆမ်တို့ကို ကာကွယ်ရင်း စွန့်စားခန်းထပ်ဖွင့်ဖို့လိုလာတဲ့အခါ.....။ Tom Cruise, Cobie Smulders, Danika Yarosh သရုပ်ဆောင် ၃ ယောက်လုံးဟာ အတွဲညီနေတော့ ဒီကားကတော့ အတော်ကိုကြည့်လို့ကောင်းတဲ့ ဇာတ်ကားတစ်ကား ဖြစ်လာတာပါပဲ။ File size…(5.1 GB)/(1.9 GB)/(1 GB) Quality….BluRay 4K HEVC/1080p/720p Format…mkv/mp4 Duration….01:58:09 Subtitle….Myanmar Subtitle(Hardsub) Encoder….Ka Naung Translated by Bo Phway & Littleneo

ဖြစ်ရပ်မှန် ဇာတ်လမ်း တစ်ပုဒ် ။ ၁၉၈၃ ခုနှစ် နိုဝင်ဘာလ။ စီးပွားရေး မပြေလည်တဲ့  သာမန်သူငယ်ချင်းတစ်စုက ရာစုနှစ်အတွင်း အကြီးကျယ်ဆုံး ပြန်ပေးဆွဲမှုကို ကျူးလွန်ခဲ့ကြပါတယ်။ သူတို့ရဲ့  ဓါးစာခံကတော့ ကမ္ဘာ့အချမ်းသာဆုံး စာရင်းဝင် ဟိုင်နီကန်ဘီယာ အုပ်စုရဲ့ အုပ်ချုပ်သူအကြီးအကဲ ဖရက်ဒီ ဟိုင်နီကန် ပဲဖြစ်ပါတယ်။ အမ်စတာဒမ်မြို့ ရဲ့ လမ်းလည်ခေါင်မှာ ဖြစ်ပွားခဲ့တဲ့ အဲ့ဒီ ပြန်ပေးဆွဲမှု အတွက် ပြန်ရွေးရန် တောင်းဆိုငွေက  ဥရောပငွေ ယူရို ၁၆သန်းခန့် ဖြစ်ပြီး  လူတစ်ဦးထဲကို ပြန်ပေးဆွဲမှု ဖြစ်စဉ်အားလုံးမှာ ပြန်ရွေးရငွေ အမြင့်ဆုံးသော အမှု ဖြစ်ပါတယ် ။ ဇာတ်လမ်းအစမှာ   စီးပွားရေးမပြေလည်တဲ့ ကိုဗန်ဟောက် (Cor Van Hout) ၊ ဝီလီယမ် ဟိုလီဒါ (Willem Holleeder) စတဲ့ ဆိုးတူကောင်းဖက် သူငယ်ချင်း ၅ယောက်ဟာ ဘဏ်တစ်ခုကို သွားပြီး ငွေချေးပါတယ်  တစ်ခုထဲသော အာမခံအဖြစ်ထားနိုင်တဲ့ သူတို့ ပိုင်တဲ့ မြေက ကျူးကျော်တွေ နေထိုင်တဲ့ အတွက် ဘဏ်က ငြင်းလိုက်ပါတယ် ။ နောက်ဆုံးမှာတော့ ဗန် ရဲ့ အကြံအတိုင်း သူတို့ရဲ့ ငွေကြေးအကြပ်အတည်းကို ပြန်ပေးဆွဲခြင်းဖြင့် ဖြေရှင်းဖို့  ဆုံးဖြတ်လိုက်ကြပါတယ် ။ ဟိုလီဒါ က ပြန်ပေးဆွဲတဲ့အခါ  ရာဇဝင်လူဆိုးဂိုဏ်းကြီးတွေနည်းတူ လက်နက်ကိရိယာတွေ ဆက်သွယ်ရေး ပစ္စည်းတွေ သုံးနိုင်မှ ရဲတွေကို ခြေရာဖျောက်နိုင်မှာ ဖြစ်တဲ့အတွက် ပြန်ပေးဆွဲနိုင်ဖို့ လုံလောက်တဲ့ငွေ အရင်ရှာဖို့ အကြံပေးပြန်တဲ့အခါ  ဘဏ်ငွေသိမ်းတဲ့ကားကို ဓါးပြတိုက်ပြီး ပြန်ပေးဆွဲနိုင်ဖို့  လုံလောက်တဲ့ငွေကို အရင်ဆုံး ဖန်တီးခဲ့ကြပါတယ် ။ အဲ့ဒီနောက် ဟိုင်နီကန် ရဲ့ နေအိမ် ဝန်းကျင်မှာ သူ့ရဲ့ အသွားအလာကို စုံစမ်း ၊ ဓါးစာခံ ထားတဲ့နေရာ၊ ပြန်ပေးဆွဲရာမှာ သုံးမယ့်ကား စသည်ဖြင့် ပြင်ဆင်ရင်းနဲ့ ပြန်ပေးဆွဲမယ့်နေ့ကိုရောက်လာပါတယ်။ မျက်နှာဖုံးစွပ်တွေ ဝတ်ထားတဲ့ ဗန်တို့အဖွဲ့က အပြင်သွားခါနီး ဟိုင်နီကန်ကို အိမ်တံခါးဝမှ အတင်းဆွဲခေါ်ကာ သူ့ရဲ့ ကားဒရိုင်ဘာနဲ့အတူ အမ်စတာဒမ်မြို့ တစ်နေရာ၊ အလုပ်သမား တန်းလျား တစ်ခုက လျှိ့ုဝှက်တံခါး၊ အသံလုံခန်းတွေနဲ့ အထူးစီမံ ထားတဲ့ သူတို့ရဲ့ ဓါးစာခံထားရာ အခန်းလေးကို ဖမ်းပြီးခေါ်ခဲ့ပါတယ်။  နောက် ရဲတွေနဲ့ ခြေရှုပ်နေတဲ့ ဟိုင်နီကယ်ရဲ့ အိမ်တံခါး၀ မှာရှိတဲ့ စာတိုက်ပုံးထဲကိုလည်း ငွေတောင်းတဲ့စာကို တိတ်တဆိတ် သွားထားခဲ့ပါတယ်။ နောက်နေ့တွေမှာတော့ သတင်းမီဒီယာအမျိုးမျိုးမှ သူတို့ရဲ့ ပြန်ပေးဆွဲမှုကို တခမ်းတနားဖော်ပြတဲ့အပြင် ပြန်ပေးဆွဲတဲ့သူတွေကိုလည်း ကျွမ်းကျင်အဆင့်ရှိသူတွေလို့ သုံးသပ်ကြကြောင်း သိရတဲ့အတွက် ဗန်တို့ ပျော်သွားကြပါတယ်။ ဒါပေမယ့် သူတို့သတ်မှတ်ထားတဲ့ နောက်ဆုံးရက်နဲ့ နီးကပ်လာပြီး ဓါးစာခံဘက်မှ အဆက်အသွယ်လဲမရတဲ့အပြင် ဟိုင်နီကန်ကလည်း အဖမ်းခံရတာကို နည်းနည်းမှ မဖြုံတဲ့ပုံနေပြတဲ့အခါ သူတို့ရဲ့ အပျော်တွေလည်း တဖြည်းဖြည်း ပျောက်ကွယ်ရတော့မှာလား …………… ဖစ်ရပ်မှန်မှာတော့ အဲ့ဒီ နံမည်ကြီးပြန်ပေးဆွဲမှုအတွက် ဗန်တို့ဟာ နှစ်နှစ်နီးပါး ကြိုးစားခဲ့ပြီးမှ အောင်မြင်ခဲ့ခြင်းဖြစ်ပြီး သူတို့ကိုလည်း ချက်ချင်း ဖမ်းမမိခဲ့ပါဘူး။ ရုပ်ရှင်ထဲမှာတော့ သူတို့ရဲ့ အောင်မြင်တဲ့ ပြန်ပေးဆွဲမှုတစ်ခုကိုပဲ သူတို့ဘယ်လိုအားထုတ်ခဲ့ကြောင်း ကို ရိုက်ပြထားပါတယ်။ ဖြစ်ရပ်မှန်နဲ့ အနည်းငယ်ကွဲလွဲနေတဲ့ ဒီရုပ်ရှင်မတိုင်ခင် ၂၀၁၁ ခုနှစ်မှာလည်း ဒီဇာတ်လမ်းကိုပဲ ဒတ်ချ် မှုခင်းရုပ်ရှင်အနေနဲ့ ရိုက်ကူးထုတ်လွှင့်ခဲ့ဖူးပေမယ့် ယခုရုပ်ရှင်ရဲ့ အားသာချက်တွေကတော့ ဟိုင်နီကန်အဖြစ်  မင်းသားကြီး အန်သိုနီ ဟော့ပ်ကင်း (Anthony Hopkins)  က ပါဝင်သရုပ်ဆောင်ထားခြင်း ဇာတ်လမ်းထဲက ဟိုင်နီကန်က အဖမ်းခံထားရတဲ့ အခန်းကျဉ်းလေးထဲမှာ တေးသံသာလေးတွေ ဖွင့်ခိုင်းပြီး စိတ်တည်ငြိမ်အောင် ကြိုးစားနေထိုင်ရင်း ပြန်ပေးဆွဲတဲ့ သူတွေကို ယဉ်ယဉ်ကျေးကျေး ဆက်ဆံရင်း နောက်ဆုံးမှာ သူ့ဘက်က အသာစီးရအောင် သွေးအေးအေးနဲ့ နေနိုင်သူအဖြစ် ဇာတ်ရှိန်မြင့်အောင် သရုပ်ဆောင်ခဲ့ပါတယ်။ ထို့အပြင် သမ္မာအာဇီ၀ စီးပွားရေး လုပ်ငန်းဖြင့် ဘယ်လိုမှ မအောင်မြင်နိုင်တဲ့အဆုံး ရာဇဝတ်မှုနဲ့ စီးပွားရှာဖို့ဆုံးဖြတ်လိုက်တဲ့ ဗန် အဖြစ် 21 ဇာတ်လမ်းနဲ့ နံမည်ကြီးခဲ့တဲ့ မင်းသား ဂျင်စတားဂျက်စ် (Jim Sturgess) နောက်ထပ်သူငယ်ချင်းတွေဖြစ်တဲ့ ဟိုလီဒါ အဖြစ် Avator ရုပ်ရှင်နဲ့ ကျော်ကြားတဲ့ မင်းသား ဆမ် ဝေါ့သ်သင်းတန်ဂ်  (Sam Worhington) ဂျန် (Jan) အဖြစ် The Right Kind of Wong မှ မင်းသား ရိုင်ရန် ကွမ်တန် (Ryan Kwanten) ဖရန့်စ် (Frans) အဖြစ် နယ်သာလန်မင်းသားချော မာ့ခ်ဗန်အူဝင် (Mark Van Eeuwen) မာတင် (Martin) အဖြစ် အော်စတြေးလျ မင်းသားချော သောမတ်စ် (Thomas Cocquerel ) စတဲ့ နံမည်ကြီး မင်းသားပေါင်းများစွာ ပါဝင်သရုပ်ဆောင်ထားတဲ့  ဒီဇာတ်လမ်းက ပြသချိန် ၁နာရီခွဲခန့် ကြာမြင့်ပါတယ်။ ရုပ်ရှင်မှ တချို့စကားပြောခန်းများကြောင့်  မိဘအုပ်ထိန်းသူများအရင်ကြည့်ပြီးမှ ကလေးသူငယ်များကြည့်ရန်သင့်မသင့်ဆုံးဖြတ်တဲ့စနစ် (restricted R ) အဖြစ် သတ်မှတ်ထားပြီး လောလောလတ်လတ် မတ်လ  ၆ ရက်နေ့မှာ တရားဝင်ဖြန့်ချီခဲ့ကာ IMDB rating 6.0  ရရှိထားတဲ့ ဒီကားက ကြည့်သင့်တဲ့ ကားကောင်းတစ်ခုဖြစ်ကြောင်း လက်တို့လိုက်ရပါတယ်။ ဒီဇာတ်လမ်းမှာ သဘောကျမိတဲ့စကားတစ်ခွန်းရှိပါတယ်။ မစ်စတာဟိုင်နီကန်နဲ့ ဗန်တို့ အပြန်အလှန်စကားပြောတဲ့ ဇာတ်ဝန်ခန်းမှာ ဟိုင်နီကန်က လောကမှာ လူချမ်းသာ ၂ မျိုးပဲရှိတယ်။ ပိုက်ဆံချမ်းသာတဲ့သူ နဲ့  မိတ်ဆွေချမ်းသာတဲ့လူ။  လူတစ်ယောက်က ၂ မျိုးလုံးတော့ တပြိုင်နက်မချမ်းသာနိုင်ဖူး ဆိုတဲ့စကားပါ ။ (ရုပ်ရှင်အညွှန်းမှာ mmmovieguide မှ ဖြစ်ပါသည် ) Filesize : 779.2MB Quality : 720p Format : mp4 During :01:34:44 Subtitle : Myanmar Subtitle ( Hardsub) Encoder : LK

မင်းသားကြီး Will Smith နဲ့ ဟာလေကွင်း မင်းသမီးချော Margot Robbie တို့ အဓိကပါဝင်ထားတဲ့ ဇာတ်ကားပါ။ ဇာတ်လမ်းက လူလိမ်သူခိုးဇာတ်လမ်းဆိုတော့ ကတုံးပေါ်ထိပ်ကွက် ခွကွက် ကျော်ကွက်တွေ အများကြီးနဲ့ တင်ဆက်ထားပါတယ်... Professional လုပ်ငန်းတွေမှာ ပါစင်နယ်ကိစ္စတွေ မရောသင့်ဘူးဆိုတာမျိုးကို အနောက်နိုင်ငံမှာ ပိုသုံးကြပါတယ်။ လူလိမ်လုပ်ငန်းမှာဆိုရင်တော့ ပိုဆိုးတာပေါ့..ပါစင်နယ်ရောလို့မရဘူး။ တစ်ယောက်ကိုတစ်ယောက် လျှို့ဝှက်တတ်တဲ့ လူလိမ်ပါတ်ကား ၂ ယောက် တစ်ယောက်ကိုတစ်ယောက် ချစ်သွားကြတဲ့အခါမှာတော့... သူတို့ရဲ့မစ်ရှင်တွေအောင်မြင်ပါ့မလားဆိုတာ.......။ သရုပ်ဆောင် ၂ ယောက်ရဲ့ အက်တင်ကောင်းကောင်းနဲ့ ဇာတ်လမ်းရဲ့လှည့်ကွက်တွေကို ရှုစားရမှာပါ။ IMDb Rating (6.6) ရရှိထားပါတယ်။ File size…(4.5 GB)/(1.4 GB)/(700 MB) Quality….WEB-DL 4K HEVC /1080p/720p Format…mkv/mp4 Duration….01:44:41 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

Matthew McConaughey ကိုနာမည်မကြားဖူးတောင် လူတိုင်းရုပ်မြင်တာနဲ့ သိလောက်မယ့်သရုပ်ဆောင်တယောက်ပါ။ တက္ကဆက် ရီုဒီရိုကောင်းဘွိုင်စတိုင်နဲ့ တက္ကဆက်စတိုင်စကားပြောနဲ့ သရုပ်ဆောင်အလွန်ကောင်းပါတယ်။ သူ့ကို ကြိုက်တဲ့သူဆိုရင် ဒီဇာတ်ကားက ကြည့်ကိုကြည့်သင့်တဲ့ကားထဲမှာပါပါတယ်။ ဒီဇာတ်ကားက သူ့ကို ၂၀၁၄ အော်စကာမှာ အကောင်းဆုံး အမျိုးသားဇာတ်ဆောင်ဆုကို ထိုက်ထိုက်တန်တန်ကြီးကို ရစေခဲ့တဲ့ရုပ်ရှင်ဇာတ်ကားပါ။ မင်းသား Matthew ဟာ ရွန် ဝုဒ်ရုဖ် နေရာမှာ သရုပ်ဆောင်ဖို့အတွက် သူ့ရဲ့ ခန္ဓာကိုယ်အလေးချိန် ပေါင် ၄၀ အထိ (အစွန်းရောက် ပိန်ကျုံးသွားသည်အထိ) လျှော့ချခဲ့ပါတယ်။ အစပိုင်းမှာ လိင်တူချစ်သူတွေကို မုန်းတီးပြီး အတ္တကြီးတဲ့ လူကြမ်းတစ်ယောက်အဖြစ်ကနေ၊ နောက်ပိုင်းမှာ ရောဂါဝေဒနာရှင်တွေကို ကူညီကယ်တင်ပေးတဲ့ ခေါင်းဆောင်တစ်ယောက်အဖြစ် စိတ်ပိုင်းဆိုင်ရာ ပြောင်းလဲသွားပုံကို အကောင်းဆုံး သရုပ်ဆောင်နိုင်ခဲ့ပါတယ်။ ဒီဇာတ်ကားမှာ သူနဲ့အပြိုင် ပီပီပြင်ပြင်သရုပ်ဆောင်သွားနိင်တာကတော့ Suicide Squad နဲ့ Morbious ထဲက မင်းသား Jared Leto ပါပဲ။ သူ့သရုပ်ဆောင်က ဒီဇာတ်ကားထဲမှာ Matthew McConaughey ထက်မပိုရင်တောင် သူနဲ့အတူတူကောင်းလောက်တဲ့အထိကို လိင်ကွဲချစ်သူ ရေယွန်ဆိုတဲ့ ဇာတ်ကောင်ကို ပီပီပြင်ပြင်သရုပ်ဆောင်သွားနိုင်ပါတယ်။ Jared ရဲ့ ဒီသရုပ်ဆောင်မှုဟာ ပရိသတ်တွေကို မျက်ရည်ကျစေခဲ့ပြီး သူ့အတွက်လည်း 'အကောင်းဆုံး အမျိုးသား ဇာတ်ပို့ဆု' (Best Supporting Actor) အော်စကာဆုကြီးကို ရရှိစေခဲ့ပါတယ်။ ဒီဇာတ်ကားက ဇာတ်လမ်းအနေနဲ့လဲ ၁၉၈၅ ခုနှစ်ဝန်းကျင်က HIV လူနာတွေရဲ့ ဘဝတွေ ကိုအကောင်းဆုံးထင်ဟပ်စေပြီးတော့ ကုသဖို့ဆေးစပ်သပ်ဆဲ ကာလတွေမှာ FDA ရဲ့ ငွေမက်မှုတွေ ကူးစက်ခံလူနာတွေအပေါ်ထားတဲ့ လူတွေရဲ့ သဘောထားတွေကို ကွံက်ကွက်ကွင်းကွင်းကြီးမြင်အောင်ပြသနိုင်ခဲ့ပါတယ်။ ဇာတ်လမ်းအကျဉ်းကတော့ ၁၉၈၅ ခုနှစ်တုန်းက တကယ့်အဖြစ်အပျက်ကို အခြေခံထားတာပါ။ တက္ကဆက်ပြည်နယ် ဒါးလက်စ် (Dallas) မြို့က လျှပ်စစ်ပညာရှင်နဲ့ နွားရိုင်းစီးသမား ရွန် ဝုဒ်ရုဖ် (Ron Woodroof) ဟာ ရုတ်တရက် HIV/AIDS ရောဂါ ကူးစက်ခံထားရပြီး အသက်ရှင်ဖို့ ရက် ၃၀ ပဲ အချိန်ကျန်တော့တယ်လို့ ဆရာဝန်တွေက သတ်မှတ်လိုက်ပါတယ်။ အဲဒီခေတ်က AIDS ဟာ ဆေးမရှိသေးတဲ့အပြင် လိင်တူချစ်သူတွေမှာပဲ ဖြစ်တယ်လို့ အများက ထင်မြင်ယူဆထားတဲ့ အချိန်ပါ။ ရွန် ဟာ လက်မြှောက်အရှုံးမပေးဘဲ အမေရိကန် အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) က တရားဝင် ခွင့်မပြုရသေးတဲ့ ဆေးဝါးတွေကို မက္ကဆီကိုနိုင်ငံနဲ့ တခြားနိုင်ငံတွေကနေ ခိုးသွင်းလာခဲ့ပါတယ်။ အဲဒီနောက်မှာတော့ သူ့လို ဝေဒနာရှင်တွေအတွက် ရည်ရွယ်ပြီး "Dallas Buyers Club" ဆိုတဲ့ အသင်းကို တည်ထောင်ကာ ဆေးဝါးတွေ ဖြန့်ဝေပေးပြီး အသက်ရှင်ဖို့ ရုန်းကန်ကြိုးစားခဲ့ပုံကို ရိုက်ကူးထားတာ ဖြစ်ပါတယ်။ ဒီကားက တခြားဘာမှမကြည့်တောင် မင်းသားနှစ်ယောက်ရဲ့ သရုပ်ဆောင်ပုံနဲ့ လိင်တူချစ်သူတွကို မုန်းတီးတဲ့ ဝုဒ်ရုဖ် တယောက်နဲ့ လိင်တူချစ်သူ ရေမွန်တို့ကြားက အချိန်အဆက်တွေကို မျက်ရည်ကျစရာ ကိုယ်ချင်းစာစရာကောင်းလောက်အောင် ဖော်ပြနိုင်မှုတွေနဲ့တင် ကြည့်ရတာတကယ်တန်တဲ့ ဇာတ်ကားကောင်းတကားဖြစ်ပါတယ်။ File size…    2 GB / 1 GB Quality… Blu-ray 1080p / 720p Format… mp4 Duration…. 1h 57m Genre ..... Drama , History Subtitle…. Myanmar Subtitle (Hard Sub)