Mason Gooding ပါဝင်သော ဇာတ်ကားများ

I Want Your Sex (2026) သာမန် အချစ်ကား မဟုတ်ဘဲ လူတွေရဲ့ ရာဂ တဏှာအကြောင်းကို Erotic , Thriller ဆန်ဆန်ရိုက်ထားတဲ့ကားပါ စကားလုံးအသုံးအနှုန်းခပ်ကြမ်းကြမ်းနဲ့လူကြီးခန်းတွပါတာကိုတာ့ သတိထားစေချင်ပါတယ် ဇာတ်လမ်းကတော့ အသက် ၂၀ ကျော် တက်သစ်စ လူငယ်လေး "အီလီယတ်" အကြောင်းကနေ စတင်ထားတာပါ။ အီလီယတ် ဟာ ဘဝမှာ ဘာ ရည်မှန်းချက်မှ မရှိဘဲ ပျော့တိပျော့ဖတ် နေထိုင်သူဖြစ်ပေမဲ့... နာမည်ကြီး အနုပညာရှင်ကြီး "အဲရီကာ ထရေစီ" ရဲ့ ရုံးမှာ အလုပ် ရရှိသွားခဲ့ရာကနေ သူ့ရဲ့ ဘဝ စိတ်ကူးယဉ်မှုတွေဟာ မထင်မှတ်ဘဲ လက်တွေ့ ဖြစ်လာခဲ့ပါတယ်။ အဲရီကာဟာ ရုံးရဲ့ စည်းကမ်းတွေကို ဖျက်လိုက်ပြီး အီလီယတ် ကို သူမရဲ့ အသုံးတော်ခံ sex partner အဖြစ် သတ်မှတ်လိုက်ပါတော့တယ်။ ဒီလို တဏှာစိတ်တွေ ထိန်းမရအောင် တင်းမာနေတဲ့ ဆက်ဆံရေးကြားထဲ ရောက်သွားတဲ့အခါမှာတော့... အီလီယတ် အနေနဲ့ သူ့ရဲ့ ကိုယ်ပိုင် ဆန္ဒတွေနဲ့ သူ့ရဲ့ ချစ်သူကောင်မလေး နဲ့ ဆက်ဆံရေးကိုပါ ထိခိုက်လာတဲ့အခါမှာတာ့ ဒီအချစ်နွံထဲမှာ ဘယ်လိုရုန်းထွက်မလဲ ကြည့်ရမှာဖြစ်ပါတယ်

72 HOURS (2026) +++++++++ ဒီကားလေးကတော့ ၂၀၂၆ ဇူလိုင်လ ၂၄ ရက်နေ့မှာ Netflix ကနေ အသစ်ထွက်ရှိထားတဲ့ 72 Hours ဆိုတဲ့ Action-Comedy ကားလေးပါ။ ကယ်ဗင်ဟတ် (Kevin Hart) ပါဝင်သရုပ်ဆောင်ထားပြီး လူငယ်တွေကြားထဲ အတင်းဝင်ဆံ့အောင် လုပ်ရင်း အလွဲလွဲအချော်ချော်တွေဖြစ်ပုံကို ရယ်ရလွန်းလို့ အူတက်ရမယ့် R-rated ကားမျိုးပေါ့။ Hang Over ကားလိုမျိုးပါပဲ။ ဇာတ်လမ်းအကျဉ်း ++++++++++++ ဂျိုး (Kevin Hart) က အသက် ၄၀ အရွယ် ကြော်ငြာကုမ္ပဏီက အလုပ်အမှုဆောင်တစ်ယောက်ပါ။ သူ့အလုပ်အကိုင်က သိပ်အဆင်မပြေဖြစ်နေပြီး ဘော့စ်ကလည်း သူ့ကို အသက်ကြီးနေပြီလို့ ထင်နေတာပေါ့။ တစ်ရက်ကျတော့ လူငယ်အုပ်စုတစ်စုက လူပျိုညပွဲ (bachelor party) လုပ်ဖို့ ဖုန်းထဲမှာ ဂရုချတ်ဖွဲ့ရာကနေ ဂျိုးကို လူမှားပြီး ထည့်လိုက်မိရော။ ဂျိုးကလည်း လူမှားလက်စနဲ့ လူငယ်တွေနဲ့ လိုက်လျောညီထွေဖြစ်အောင်ဆိုပြီး မိုင်ယာမီ (Miami) မှာ ၃ ရက် (၇၂ နာရီ) ကြာမယ့် အဲဒီခရီးစဉ်ကို ရောယောင်ပြီး လိုက်သွားပါတော့တယ်။ ရည်ရွယ်ချက်ကတော့ လူငယ်တွေနဲ့ ပေါင်းပြီး သူ့ရဲ့ကျဆင်းနေတဲ့ ပုံရိပ်ကို ပြန်ဆယ်ဖို့ပါပဲ။ ဒါပေမဲ့ ပျော်စရာခရီးစဉ်လေးကနေ ရဲတွေနဲ့ ငြိတာတွေ၊ မူးယစ်ဆေးဂိုဏ်းပြဿနာတွေ၊ ရွက်လှေပါတီတွေနဲ့ ပါတီဘတ်စ်ကားပေါ်မှာ တကယ့်ကို ဗြောင်းဆန်သွားပါတော့တယ်။ မျိုးဆက်မတူတဲ့ လူငယ်တွေကြားမှာ အတင်းဝင်ဆံ့အောင်ကြိုးစားရင်း ဘယ်လိုတွေ ဆက်ဖြစ်မလဲဆိုတာကို ပေါ့ပေါ့ပါးပါး ရိုက်ကူးထားတာပါ။ ဒါရိုက်တာ Tim Story က ရိုက်ကူးပေးထားတာပါ။ ဟာသတွေ တောက်လျှောက်ဖောက်ထားပြီး ပေါ့ပေါ့ပါးပါးနဲ့ စိတ်အပန်းဖြေကြည့်ချင်သူတွေအတွက် အဆင်ပြေမယ့် ကားလေးဖြစ်ပါတယ်။ ရုံးပိတ်ရက်မှာ အပျင်းပြေ ကြည့်ဖို့ တကယ်ကို အကြံပေးချင်ပါတယ်။ File Size… (2.15GB) / (1.11GB) Quality… WEB-DL 1080p HEVC / 720p Format…mkv / mp4 Duration…1h 45m Genre ….Comedy Subtitle….Myanmar Subtitle (Hard Sub)

The Gates (2026) IMDb Rating (5.2) / Rotten Tomatoes (48%) နောက်ပိုင်း Scream ဇာတ်ကားတွေထဲက Mason Gooding ရဲ့ နောက်ဆုံးထွက် Thriller ဇာတ်ကားသစ်ဖြစ်ပြီးဒီနှစ်အစောပိုင်းမှာ ကွယ်လွန်သွားရှာပြီဖြစ်တဲ့ James Van Der Beek ရဲ့နောက်ဆုံးဇာတ်ကားတစ်ကားလည်းဖြစ်ပါတယ်။ ဇာတ်လမ်းအကျဉ်းကတော့ မတွေ့တာကြာပြီဖြစ်တဲ့ သူငယ်ချင်းသုံးယောက် ပါတီသွားဖို့ ခရီးထွက်လာရင်း ဝင်းခြံအခိုင်အမာနဲ့အိမ်ရာဝင်းတစ်ခုထဲမှာ ပိတ်မိသွားကြပါတော့တယ်။ အဲ့ဒီမှာပဲ လူသတ်မှုတစ်ခုကို မတော်တဆမျက်မြင်သက်သေကြုံရာက လူသတ်တရားခံ သင်းအုပ်ဆရာက သူတို့ကိုလိုက်နှိမ်နင်းဖို့ကြိုးစားပါတော့တယ်။ အန္တရာယ်ထဲတိုးဝင်မိတဲ့ လူငယ်သုံးယောက်က လူမည်းလူငယ်တွေဖြစ်နေပြီး ရပ်ကွက်ကတော့ လူဖြူတွေချည်းနေထိုင်တဲ့ လူချမ်းသာ ရပ်ကွက်တစ်ခုပါ။ အဲ့ဒီအိမ်ရာဝင်းထဲက နေထိုင်သူတွေမှန်သမျှဟာ သူတို့ကိုကူညီဖို့ထက်ပိုနစ်အောင်ထိုးချဖို့ပဲ အားသန်နေတဲ့အခါမှာတော့ အဲ့ဒီအခက်အခဲတွေထဲက ဘယ်လိုရုန်းထွက်ကြရမလဲဆိုတာစိတ်ဝင်တစား ရှုစားရမှာဖြစ်ပါတယ်။ ဇာတ်လမ်းဇာတ်ကွက်က ရိုးရှင်းသလိုနဲ့မထင်မှတ်တဲ့ လှည့်ကွက်တွေပါဝင်ပြီးဝေဖန်ရေးဆရာတွေကတော့ James Van Der Beek ရဲ့သရုပ်ဆောင်ချက်ကိုအထူးချီးကျူးကြပါတယ်။ ကိုယ့်ကိုယ်ကိုကယ်တင်ရှင်လို့ ယုံကြည်နေတဲ့ လူဖြူတစ်ယောက်ရဲ့ ရန်လိုမှုနဲ့အဇ္ဇတ္တကိုအကောင်းဆုံးပုံဖော်နိုင်ခဲ့ပါတယ်။ ဒါဟာသူ့ပရိသတ်တွေအတွက် နောက်ဆုံးလက်ဆောင်တစ်ခုလို့လည်းပြောလို့ရပါတယ်။ File size… (1 GB) / (640 MB) Quality…. WEB-DL 1080p HEVC / 720p Format…. mkv/mp4 Genre…. Thriller Duration…. 01:39:20 Subtitle…. Myanmar Subtitle (Hardsub)

Scream 7 (2026) ဒီကားကတော့ Scream ပရိသတ်တွေ အရမ်းကို စောင့်မျှော်နေကြတဲ့ ကားပါပဲ။ အရင် Scream 5 နဲ့ 6 တုန်းက မပါဖြစ်ခဲ့တဲ့ မင်းသမီး Neve Campbell က Sidney ဇာတ်ကောင်အနေနဲ့ ဒီ Scream 7 မှာ ပြန်ပါလာပါပြီ။ Jenna Ortega တို့ ညီအစ်မ ဇာတ်လမ်းကို ဆက်မသွားတော့ဘဲ မူလဇာတ်အိမ်ဖြစ်တဲ့ Sidney ရဲ့ ဘဝကိုပဲ ပြန်ပြီး အာရုံစိုက်ထားပါတယ်။ ထူးခြားတာတစ်ခုက ဒါရိုက်တာက မူလ Scream ဇာတ်လမ်းတွေကို ရေးသားခဲ့တဲ့ Kevin Williamson ကိုယ်တိုင် ပြန်လည်ရိုက်ကူးထားတာပါပဲ။ ဇာတ်လမ်းအကျဉ်း Sidney တစ်ယောက် Pine Grove မြို့လေးမှာ ရဲအရာရှိ ခင်ပွန်း Mark နဲ့ အတူ အေးအေးချမ်းချမ်း နေထိုင်နေတာပေါ့။ သူတို့မှာ Tatum ဆိုတဲ့ ဆယ်ကျော်သက် သမီးလေးတစ်ယောက်ရှိတယ်။ ဒီနာမည်က Sidney ရဲ့ ဆုံးပါးသွားတဲ့ သူငယ်ချင်းကို အမှတ်တရအနေနဲ့ ပေးထားတာပါ။ ဒါပေမဲ့ Sidney ရဲ့ အေးချမ်းတဲ့ ဘဝလေးက သိပ်မခံပါဘူး။ မျက်နှာဖုံးစွပ် လူသတ်သမား (Ghostface) အသစ်တစ်ယောက် ထပ်ပေါ်လာပြီး ဒီတစ်ခါတော့ Sidney ရဲ့သမီးလေး Tatum ကိုပါ ပစ်မှတ်ထားလာတော့တာပါပဲ။ ဒီလူသတ်သမားက တကယ်ရော ဘယ်သူဖြစ်မလဲ။ သေပြီလို့ ထင်ခဲ့ရတဲ့ Stu Macher များ ပြန်အသက်ရှင်နေတာလား ဆိုတာ စိတ်ဝင်စားစရာပါ။ Sidney တစ်ယောက် သူ့မိသားစုကို ကာကွယ်ဖို့အတွက် အတိတ်က အဖြစ်အပျက်ဆိုးတွေကို ပြန်ရင်ဆိုင်ရမယ့် အပိုင်းတွေကို ရင်တမမနဲ့ ကြည့်ရမှာပါ။ Neve Campbell, သတင်းထောက် Gale အဖြစ် Courteney Cox, ခင်ပွန်း Mark အဖြစ် Joel McHale, သမီးလေး Tatum အဖြစ် Isabel May တို့ အဓိက ပါဝင်ထားကြတယ်။ ပြီးတော့ အရင်ကားက အသက်ရှင်ကျန်ရစ်သူ အမွှာမောင်နှမ Mindy နဲ့ Chad တို့အပြင် Stu အဖြစ် Matthew Lillard ပါ ပြန်ပါလာတယ်ဆိုတော့ အရင် Scream ပရိသတ်တွေ အကြိုက်တွေ့မယ့် ကားလေးပါ။ ဒီကားက အရင်ကားတွေလိုပဲ သွေးထွက်သံယို အခန်းတွေ၊ လန့်စရာတွေ အပြည့်ပါပဲ။ Sidney ရဲ့ မိခင်မေတ္တာနဲ့ မိသားစုကို ကာကွယ်ချင်တဲ့ စိတ်ကို သေချာလေး ရိုက်ပြထားတယ်။ ရုပ်ရှင်ထဲက မျက်နှာဖုံးစွပ်ကလည်း တကယ့်ကို ရက်စက်တဲ့ လူသတ်သမားမို့လို့ သွေးထွက်သံယိုကားတွေ သဘောကျတဲ့သူတွေ၊ Scream series ကို အစကတည်းက အားပေးလာတဲ့ ပရိသတ်တွေဆိုရင်တော့ သဘောကျမယ့် ဇာတ်လမ်းလေး ဖြစ်မှာ အသေအချာပါပဲ။ File size… (6.4 GB) / (1.6 GB) / (860 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime, Horror, Mystery Duration…. 01:50:00 Subtitle…. Myanmar Subtitle (Hardsub)

Under Fire (2025) ++++++++ IMDb Rating (7.1) မင်းသားချော Dylan Sprouse နဲ့ Scream Franchise ထဲက မင်းသား Mason Gooding တို့ အပြိုင်ကြဲထားတဲ့ ခပ်ကြမ်းကြမ်းဇာတ်လမ်းတစ်ပုဒ်ပါ.. မက္ကဆီကိုက ကာတဲဂိုဏ်းတွေရဲ့ ထုံးစံအတိုင်း မူးယစ် လက်နက် ငွေမည်းတွေနဲ့ ကြီးစိုးနေတဲ့ နေရာကို အသွင်ယူ FBI နဲ့ မူးယစ်တိုက်ဖျက် DEAက အေးဂျင့် ၂ ယောက် ရောက်နေပါတယ်.. ဖြစ်ချင်တော့ အေးဂျင့် ၂ ယောက်လုံးက သူတို့အသွင်ယူထားတယ်ဆိုတာကို တစ်ယောက်နဲ့တစ်ယောက်မသိကြသလို... အချင်းချင်း ဂိုဏ်းသားအဖြစ်ပဲ ထင်နေကြတာပါ.. တစ်နေ့တော့ ငွေနဲ့ ကိုကိန်း အလဲအလှယ်လုပ်တဲ့နေရာမှာ... သူတို့အတွက်သရုပ်မှန်တွေပေါ်ဖို့ ဖြစ်လာပါတော့တယ်... File Size… (1.89GB) / (855MB) Quality… WEB-DL 1080p HEVC /720p Format…mkv / mp4 Duration…1h 32m Genre ….Drama , Thriller Subtitle….Myanmar Subtitle (Hard Sub)

Heart Eyes (2025) IMDb Rating (6.5) / Rotten Tomatoes (80%) ဒီကားက ဗယ်လင်တိုင်းတုန်းက ရုံတင်ပြီး နာမည်ကြီးခဲ့တဲ့ကားပါ။ စောင်အတွဲတွေကို ချဉ်နေတဲ့သူအတွက် အကြိုက်ပါပဲ။ တရားခံက တစ်နှစ်တစ်ခါ ဗယ်လင်တိုင်းရောက်တိုင်း စောင်အတွဲတွေကို ပိုးစိုးပက်စက် လိုက်-တ် တာပါ။ စောင်အတွဲတွေ Ro နေတုန်း ခွေးပြေးဝက်ပြေးပြေးလိုက်၊ ရှောကုန်လိုက်နဲ့ ဟာတွေကို အားရပါးရ ကြည့်ရမှာပါ။ ဟော်ရာ၊ ဟာသ အမျိုးအစားပါပဲ။ ဇာတ်လမ်းအကျဉ်း ဗယ်လင်တိုင်းဒေးတွေမှာ နှစ်နှစ်ဆက်တိုက် အတွဲတွေကို လိုက်ဖြုတ်နေတဲ့ စိတ္တဇကောင်ကြောင့် အားလုံး ကျီးလန့်စာစားနေရတဲ့အချိန်ပါ။ အတွဲမရှိတဲ့ကောင်တွေကတော့ အေးဆေးဆေးဆေး ဖြတ်သန်းနေတဲ့ အချိန်ပေါ့။ ၂၀၂၅ ဗယ်လင်တိုင်းမှာလဲ အတွဲမရှိတဲ့ မာကတ်တင်း ဝန်ထမ်းကောင်မလေးနဲ့ ကောင်လေးက အလုပ်ကိစ္စကို ဆိုင်မှာ ချိန်းတွေ့ရင်း တရားခံရှေ့မှာ အတွဲလို့အထင်လွဲခံရစရာလေးတွေ လုပ်လိုက်မိပါတယ်။ ဒါနဲ့ပဲ အသည်းပုံမျက်လုံး လူ-တ်သမားလို့ နာမည်ကြီးတဲ့ စိတ္တဇကောင်က အိမ်ထိလိုက်လာပြီး ကြိတ်တဲ့အခါ အသက်ဘေးကလွတ်အောင်ပြေးရင်း ဘယ်လိုပြန်တိုက်မလဲ၊ ဘယ်သူလွတ်မလဲ၊ တရားခံဘယ်သူလဲဆိုတာ ကြည့်ရမဲ့ ရုပ်ရှင်အမျိုးအစားပါပဲ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(1.4 GB) / (680 MB) Quality….WEB-DL 1080p HEVC / 720p Format…. mkv/mp4 Genre….Comedy,Horror,Mystery Duration….01:37:25 Subtitle….Myanmar Subtitle (Hardsub) Encoder….Double K Translated by Mr.Anderson

ဒီတစ်ခေါက်တင်ဆက်ပေးမဲ့ ဇာတ်ကားလေးကတော့ friendship နဲ့ပတ်သတ်တဲ့ ရုပ်ရှင်ကားကောင်းလေးပါ။ လူတိုင်း ဘဝမှာ အခင်ဆုံးသူငယ်ချင်းတစ်ယောက်တော့ အနည်းဆုံး ရှိကြမှာပါ။ ကျောင်းသား ကျောင်းသူဘဝတုန်းက သက်တူ ရွယ်တူ စိတ်တူ ကိုယ်တူ သူငယ်ချင်းတွေလည်း အများကြီး ရှိခဲ့ ကြဖူးမှာ‌ပေါ့။ ဒါပေမဲ့ အသက်အရွယ်တွေ ကြီးပြင်းလာပြီး 20 somethingအရွယ်တွေ ကိုရောက်တဲ့အခါမှာတော့ အဲဒီ သူငယ်ချင်းဆိုတဲ့ အဝန်းအဝိုင်းလေးက တဖြည်းဖြည်း သေးလာတာကိုလည်း ကြုံကြရမှာပါ။ အသက်အရွယ်တစ်ခုရောက်လာတဲ့အခါ ကိုယ်ဘဝ တစ်လျှောက်လုံး ပခုံးဖက်ပေါင်းလာခဲ့တဲ့ အခင်ဆုံးသူငယ်ချင်း ဟာလည်း အချိန်တိုင်းအနားမှာ မရှိနေနိုင်တော့ပါဘူး။ တစ်ခါတလေမှာဆိုရင် သဘောထားချင်းမတိုက်ဆိုင် ကြတော့လို့ ခွာပြဲကြရတာမျိုးတွေတောင်ရှိတတ်ပါ သေးတယ်။ ဒီဇာတ်ကားထဲက ကေတီနဲ့ ဒီလန်နီဟာလည်း အသက် 12နှစ် ကတည်းက မခွဲမခွာဘဲ အတူတူပေါင်းလာကြတဲ့ အခင်ဆုံး သူငယ်ချင်းတွေပါ။ ဒီလိုနဲ့ သူတို့နှစ်ယောက်အရွယ်ရောက် လာတဲ့အခါမှာ ကေတီက ချစ်သူရည်းစားအတည်တကျနဲ့ ဘဝကိုဖြတ်သန်းနေပေမဲ့ ဒီလန်နီကတော့ ဘဝကို ပျော်ပျော် ပါးပါး စားလိုက်သောက်လိုက်နဲ့ ဖြတ်သန်းနေတုန်းပါပဲ။ ဒါပေမဲ့ ဒီလန်နီက အပြောင်းအလဲတွေကို မနှစ်သက်သူမို့ သူတို့ရဲ့ သူငယ်ချင်းဆက်ဆံရေးကြားထဲမှာ ကေတီရဲ့ ကောင်လေး ဝင်လာတာကို သိပ်သဘောမကျပါဘူး။ တစ်ရက်မှာ ကေတီက သူ့ကောင်လေး‌ဆီကနေ လက်ထပ် ခွင့်တောင်းခံလိုက်ရ‌တော့ အပြောင်းအလဲတွေ သဘော မကျတတ်တဲ့ ဒီလန်နီကိုပြောပြဖို့ အခက်တွေ့လာပါတယ်။ ဒီလိုနဲ့ သူငယ်ချင်းဆက်ဆံရေးကြားထဲ ကတောက်ကဆ လေးတွေ ဖြစ်လာတာကို သဘာဝဆန်ဆန်ရိုက်ကူးပြထား တာပါ။ သူငယ်ချင်း ဆက်ဆံရေးနဲ့ပတ်သတ်တဲ့အကြောင်း အရာတွေအပြင်၊ Adult တစ်ယောက်ဖြစ်လာတဲ့အခါ ကြုံတွေ့လာရမဲ့ အမျိုးမျိုးသော အပြောင်းအလဲတွေကိုပါ လက်ခံတတ်စေဖို့ကို အဓိကထားပြီးရိုက်ကူးထားတဲ့ ရုပ်ရှင်ကားကောင်းတစ်ကားဖြစ်ကြောင်း ညွှန်းဆို လိုက်ချင်ပါတယ်။ File size… (1.43 GB) / ( 778 MB) Quality… WEB-DL 1080p HEVC /720p Format…mkv / mp4 Duration….1h 30m Genre …..Comedy Subtitle….Myanmar Subtitle (Hard Sub) Encoder….Min Wai Translated by Muse

Y2K (2024) IMDb Rating – 5.2 /10 ၁၉၉၉ ဒီဇင်ဘာအကုန် ၂၀၀၀ အကူးမှာ ကွန်ပြူတာတွေအကုန် ပျက်ပြီး ကမ္ဘာကြီးတစ်ခုလုံးထိခိုက်မယ်ဆိုတဲ့သတင်း ပြန်ခဲ့တာကို ၉၀ ဖွားတွေအကုန်မှတ်မိကြမယ်ထင်ပါတယ်။ အဲ့သတင်းကို ကျောရိုးယူပြီး ရိုက်ကူးတင်ဆက်ထားတဲ့ ဒီရုပ်ရှင်ကားမှာတော့ မင်းသား Jaeden Martell နဲ့ အခုတလော လူတော်တော်များများ မေတ္တာပို့နေကြတဲ့ စနိုးဝှိုက်မင်းသမီးလေး Rachel Zegler တို့ရဲ့ Horror/ Comedy ရုပ်ရှင်ကားလေးပဲဖြစ်ပါတယ်။ အထက်တန်းကျောင်းသားတွေဖြစ်ကြတဲ့ ‘အီလိုင်’နဲ့ ‘ဒန်နီ’တို့ သူငယ်ချင်းနှစ်ယောက်က ၁၉၉၉ ခုနှစ်ရဲ့ နှစ်သစ်ကူးညကို ရုပ်ရှင်တွေပဲ ကြည့်ရင်း အတူတူကုန်ဆုံးကြဖို့ ရည်ရွယ်ထားတာဖြစ်ပါတယ်။ ဒါပေမဲ့ အဲ့နေ့မနက်မှာပဲ အီလိုင်ရဲ့ ခရပ်ရှ်/ တစ်ကျောင်းလုံးရဲ့ အချောအလှကွင်းလေး/ ‘လော်ရာ’က အီလိုင်ကို နှစ်သစ်ကူးပါတီတစ်ခုကို လာရောက်ဖို့အတွက် ဖိတ်သွားတဲ့အခါ သကောင့်သားနှစ်ယောက်က အိမ်မှာမနေကြတော့ဘဲ ပါတီကိုသွားကြပါတော့တယ်။ သူတို့တွေ ပါတီရောက်လို့ ၂၀၀၀ ပြည့်နှစ်ကိုကူးပြောင်းသွားပါမှ ကမ္ဘာပျက်ကိန်းနဲ့ကြုံရတဲ့အခါ... (ရုပ်ရှင်အညွှန်းနဲ့ ဘာသာပြန်ကို Nway Oo K Zaw က တင်ဆက်ထားပါတယ်။) File size… 1.5 GB / 815 MB Quality…WEB DL 1080p HEVC/ 720p Format…mkv/ mp4 Duration….1h 31min Subtitle….Myanmar Subtitle (Hard Sub) Encoder….YK Translated by  Nway Oo K Zaw

ဒီတစ်ခါမှာတော့ အက်ရှင်အကြမ်းစားတွေကိုကြည့်ချင်တဲ့ ပရိသတ်တွေအတွက် အက်ရှင်ကားကောင်းတစ်ကားကို ယူဆောင်လာပါတယ်။ ဇာတ်ကားနာမည်က Aftermath ဖြစ်ပြီးတော့ အက်ရှင် ဇာတ်ကားတွေနဲ့ ဆုပေါင်းများစွာရရှိထားတဲ့ ဒါရိုက်တာ Patrick Lussier က ရိုက်ကူးထားပါတယ်။ အဓိကဇာတ်ဆောင်တွေအဖြစ် Mason Gooding, Dylan Sprouse, Dichen Lachman တို့က ပါဝင် ပေးထားပါတယ်။ ဇာတ်လမ်းအကျဉ်းကို ပြောပြရရင်တော့ အကြမ်းဖက်အဖွဲ့ တစ်ခုဟာ တံတားတစ်စင်းကိုဖောက်ခွဲပြီးတော့ တံတားပေါ်က လူတွေကို ဓားစာခံဖမ်းလိုက်ပါတယ်။ ဒါပေမယ့် အဲဒီဓားစာခံတွေထဲမှာ စစ်သားဟောင်းတစ်ယောက် ဖြစ်တဲ့ Eric နဲ့အတူ သူ့ညီမလေးပါ ပါသွားပါတယ်။ ဒီလိုနဲ့ Eric ဟာ သူ့ညီမလေးနဲ့အတူ ဓားစာခံအဖြစ်ကနေ ဘယ်လိုလွတ်မြောက်အောင်လုပ်မလဲဆိုတာကို စိတ်လှုပ်ရှားစွာနဲ့ ကြည့်ရှုကြရမှာပါ။ အမိုက်စားအက်ရှင်ခန်းတွေနဲ့အတူ အကြမ်းပတမ်းရိုက်ကူး ပြသထားပြီးတော့ အက်ရှင်ရသကို အပြည့်အဝပေးစွမ်းနိုင်တဲ့ ဇာတ်ကားကောင်းတစ်ကားဖြစ်ပါတယ်။ File size… (1.17GB) / (697 MB) Quality…WEB-DL 1080p HEVC / 720p Format…mkv / mp4 Duration….1h 37m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Austin

ဝုစ်ဘရိုမှာ ဖြစ်ခဲ့တဲ့ လူသတ်မှုတွေကနေ အသက်ရှင်ကျန်ခဲ့သူတွေဟာ ဒီတစ်ခေါက်ဇာတ်လမ်းရဲ့ အဓိကဇာတ်ကောင်တွေပါ။ ဆမ်နဲ့ တာရာ ညီအစ်မနှစ်ယောက်လည်း အခြားမြို့တစ်မြို့ကို ပြောင်းရွှေ့လာကြပါတယ်။ သရဲမျက်နှာဖုံးနဲ့ လူသတ်သမားတစ်ယောက်ရဲ့ သမီးဖြစ်တဲ့ ဆမ်က ဝုစ်ဘရိုမှာ လူသတ်သမားနှစ်ယောက်ကို သတ်နိုင်ခဲ့ပေမယ့် အင်တာနက်ပေါ်မှာတော့ သူ့အကြောင်း ကောလဟာလတွေ ပြန့်နေတယ်။ သူကသာ လူသတ်သမားအစစ်ဖြစ်ပြီး တခြားသူတွေကို ချောက်ချခဲ့တာဆိုတဲ့ စွပ်စွဲချက်တွေကြောင့် နာမည်ပျက်နေရပါတယ်။ အဲဒီလူသတ်သမားတွေကို အားကျနေသူတွေကလည်း ဆမ်ကို သတ်ဖို့ ကြိုးစားနေကြတယ်။ ဒီကြားထဲ သူတို့အနားက လူတွေ တစ်ယောက်ပြီးတစ်ယောက် အသတ်ခံလာရတဲ့အခါ ဘယ်သူ့လက်ချက်လဲဆိုတာ ရှာဖွေရပြန်ပါတယ်။ အရင်ရုပ်ရှင်တွေမှာ ပါဝင်ခဲ့တဲ့ သရဲမျက်နှာဖုံးလူသတ်သမား ကိုးယောက်အကြောင်းကိုလည်း ဒီကားမှာ အမှတ်တရထည့်သွင်းထားပါတယ်။ ဆမ်နဲ့ တာရာအဖြစ် Melissa Barrera နဲ့ Jenna Ortega တို့ ပြန်လည်ပါဝင်ထားပြီး Courtney Cox လည်း ဆက်လက်သရုပ်ဆောင်ထားပါတယ်။

ပီတာနဲ့ အမ်မာတို့ဟာ တတိုက်ထဲမှာအလုပ်တူတူလုပ်ပေမယ့် အချင်းချင်းမသိကြပါဘူး။တစ်ရက်မှာ မတော်တဆတွေ့မိရာကနေ သူတို့နှစ်ယောက်လုံး နှစ်ရှည်ကြာတွဲခဲ့တဲ့ရည်းစားတွေက မကြာသေးခင်ကပဲ ထားပစ်ခြင်းခံကြရမှန်းသိသွားကြပါတယ်။ဒီလိုနဲ့ပဲ သူတို့ရဲအရင်ရည်းစားတွေကိုပြန်ရနိုင်အောင် အချင်းချင်းကူညီပေးဖို့သဘောတူလိုက်ကြပါတယ်။သူတို့အကြံအစည်အတိုင်းလုပ်ကြရာမှာ ဟာသတွေ၊တလွဲတွေဖြစ်လာသလို နာကျင်ရမှုတွေ၊အချင်းချင်းလည်းနီးစပ်လာမှုတွေလည်း ဖြစ်လာပါတော့တယ်။ အမ်မာနဲ့ပီတာတို့နှစ်ယောက်သူတို့ဘ၀ရဲ့အချစ်စစ်ကိုရှာတွေ့နိုင်မှာလား။ဒီကားက Romantic Comedy လေးဖြစ်ပြီး Romance အပိုင်းရော Comedyအပိုင်းကိုပါ ပိုင်နိုင်‌အောင်ရိုက်ပြထားပါတယ်။ဒါရိုက်တာ Jason Orley ကရိုက်ကူးထားပြီး Jenny Slate,Charlie Day,Scot Eastwood,Gina Rodriguezတို့ပါ၀င်ထားပါတယ်။Rotten tomatoမှာ 89%,Imdb 6.7/10 ရထားပါတယ်။ File size…(1.96 GB)/(820.33 MB)/(482.88 MB) Quality….Webrip 1080p / 720p / 480p Format…mp4 Duration….01:56:00 Genre...Comedy, Romance Subtitle….Myanmar Subtitle (Hardsub) Encoder….Mr. Anderson Translated by SP

Scream ရုပ်ရှင်တွေဟာ ကမ္ဘာကျော် ဖရန်ချိုက်စ် ရုပ်ရှင်တွဲ‌တွေပဲမို့ အများစု သိပြီးသားဖြစ်မှာပါ။ အခုနောက်ဆုံးထွက်တဲ့ ရုပ်ရှင်က Scream-5 တော့ rating 7 အထိ ရထားတာပြီး အတော်ကြည့်လို့ကောင်းပါတယ်။ ခုနောက်ပိုင်း ရုပ်ရှင်တွဲပေါင်းစုံရဲ့ နောက်ဆက်တွဲတွေက ကြည့်ရတာ စိတ်ပျက်ရတာ များနေတဲ့အချိန်မှာ Scream ကတော့ တမူထူးခြားအောင်ပြသွားပါတယ်။ ဒီကားက လူသတ်ဟော်ရာကားဖြစ်သလို စုံထောက်လို လျို့ဝှက်ဆန်းကျယ်လိုလို ဟာသလိုလိုလေးတွေလည်းပါပါသေးတယ်။ ဟောလိဝုရဲ့ ရုပ်ရှင်အတွဲလိုက်ကြီးတွေကိုတောင် လှောင်သွားပါသေးတယ်. Scream-1 ဟာ အရမ်းကောင်းခဲ့ပေမဲ့ Scream 2,3,4 က သိပ်ခြေရာမနင်းနိုင်တာကိုလည်း ပြန်လှောင်ထားသလိုပါပဲ။ အရင်ရုပ်ရှင်တွေရဲ့ မူလဒါရိုက်တာက ဆုံးပါးသွားပြီဖြစ်လို့ ဒီကားကတော့ ဒါရိုက်တာအသစ်ရဲ့လက်ရာအသစ်ပါပဲ။ ဒါ့အပြင် သရုပ်ဆောင် လူငယ်အသစ်ကောင်းကောင်းတွေကို မူလရုပ်ရှင်တွေထဲက သရုပ်ဆောင်တွေနဲ့ သေချာပေါင်းစပ်ထားပြီး ဇာတ်လမ်းကိုလည်း ဆန်းသစ်ထားတာမို့ rating ကောင်းရနေတာဖြစ်ပါလိမ့်မယ်။ ဇာတ်လမ်းအကျဉ်းတော့ မပြောတော့ဘူး စပရိုက်များများဖြစ်အောင်လို့ပါ။ ကြည့်ကြည့်လိုက်ပါ ကြိုက်မှာပါ။ Scream ရုပ်ရှင်အကုန်လုံးကိုလည်း Scream Franchise ကနေ ကြည့်ရှုနိုင်ပါတယ် File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:54:00 Genre...Horror, Mystery, Thriller  Subtitle….Myanmar Subtitle (Hardsub) Encoder….Mr. Anderson Translated by Mr. Anderson

Walt က ငယ်ငယ်ကတည်းက အာကာသတစ်ခွင် လျှောက်သွားချင်ခဲ့တဲ့ ကောင်လေးတစ်ယောက်ပါ။ ကောလိပ်ကျောင်းသားတွေကို အင်္ဂါဂြိုလ်ဆီ ပို့ပေးနေတဲ့ Kovi Industries Student Mars Program ရှိပေမယ့် သူ့ရဲ့ အင်္ဂါဂြိုလ်သွားခွင့် လျှောက်ထားမှုက အကြိမ်ကြိမ် ပယ်ချခံနေရတယ်။ သူ့ရည်းစားကလည်း အင်္ဂါဂြိုလ်မှာ အလုပ်လုပ်နေသူတစ်ယောက် ဖြစ်ပါတယ်။ အဲဒီအချိန်မှာ Walt က ထူးချွန်တဲ့ကျောင်းသူ Sophie နဲ့ တွေ့ဆုံခဲ့တယ်။ Sophie ရဲ့ ရည်းစား Kelvin ကလည်း အင်္ဂါဂြိုလ်ပေါ်မှာ အလုပ်လုပ်နေပြီး တစ်နေ့တော့ Sophie က သူ့ရည်းစားဆီ သွားတွေ့ဖို့ ဆုံးဖြတ်လိုက်ပါတယ်။ အင်္ဂါဂြိုလ်သွားချင်လွန်းနေတဲ့ Walt က ဒီအခွင့်အရေးကို အသုံးချပြီး Sophie ကတစ်ဆင့် အာကာသယာဉ်ပေါ် ခိုးလိုက်လာခဲ့တယ်။ Walt ခိုးလိုက်လာတာကို Sophie သိသွားတဲ့နောက် အာကာသခရီးစဉ်တစ်လျှောက် နှစ်ယောက်သား ဘယ်လိုရှေ့ဆက်ကြမလဲ။ အင်္ဂါဂြိုလ်ပေါ်က သူတို့ရဲ့ ရည်းစားတွေနဲ့ရော ဘယ်လိုဆက်ဖြစ်ကြမလဲဆိုတာကို ဟာသနဲ့ အချစ်ဇာတ်လမ်း ရောစပ်ထားတဲ့ ၂၀၂၂ ခုနှစ်ထွက် သိပ္ပံစိတ်ကူးယဉ်ကားပါ။

တောင်တက်သမား ကောင်မလေးတစ်ယောက်ဟာ အတူတောင်တက်ရင်း ခင်ပွန်းဖြစ်သူ ပြုတ်ကျဆုံးပါးသွားတဲ့နောက် စိတ်ဓာတ်ကျနေပါတယ်။ အရက်သောက်ပြီး အခန်းထဲမှာပဲ အောင်းနေတဲ့သူ့ကို အချစ်ဆုံးသူငယ်ချင်းက စိတ်ပြေလက်ပျောက်ဖြစ်အောင် အမြင့်တစ်ခု အတူတက်ဖို့ လာခေါ်တယ်။ သူတို့တက်မယ့်နေရာက ပေ ၂၀၀၀ လောက် မြင့်တဲ့ တီဗီတာဝါတစ်ခုပါ။ အစပိုင်းမှာ သံဘောင်တွေ ကာထားတဲ့ အတွင်းလှေကားကနေ တက်ရပေမယ့် ထိပ်ဆုံးတစ်ဆင့်မှာတော့ အကာအကွယ်မရှိတဲ့ လှေကားကို ဆက်တက်ရပါတယ်။ နှစ်ယောက်သား အခက်အခဲကြားက ထိပ်ကိုရောက်အောင် တက်ပြီး ဓာတ်ပုံတွေ ရိုက်ကြတယ်။ ပြန်ဆင်းမယ့်အချိန်ကျမှ သံလှေကားဟောင်းကြီး ကျွတ်ကျသွားတော့တာပါ။ တာဝါထိပ်မှာ ပိတ်မိသွားတဲ့ သူတို့နှစ်ယောက်အတွက် အောက်ပြန်ဆင်းဖို့ လမ်းမရှိတော့ဘူး။ ပတ်ဝန်းကျင်မှာ လူမရှိ၊ လာကယ်မယ့်သူမရှိတဲ့အပြင် ဖုန်းလိုင်းလည်း မမိပါဘူး။ ဒီအမြင့်ကြီးပေါ်ကနေ အသက်ရှင်လျက် ပြန်ဆင်းလာနိုင်ဖို့ ဘယ်လိုနည်းတွေ ကြံစည်ပြီး စွန့်စားကြရမလဲ။

ဒီတစ်ခါတော့ CM ပရိသတ်ကြီးအတွက် ချစ်စရာRomance ကားလေးကိုတင်ဆက်ပေးလိုက်ရပါတယ် နှင်းတွေထူထဲစွာကျတဲ့အချိန်မှာဖြစ်ပေါ်လာခဲ့တဲ့ အချစ်ဇာတ်လမ်းလေးတွေ အကြောင်းပေါ့ နှင်းတွေကြောင့်စိတ်အနှောင့်အယှက်ဖြစ်ရတာ ချော်လဲရတာ၊နှောင့်နှေးရတာတွေရှိပေမယ့် လှပတဲ့ နှင်းမှူန်လေးတွေကို လွတ်လွတ်လပ်လပ်ကျခွင့်ပေးလိုက်ပါလို့ ပြောထားတဲ့ဒီကားလေးက အခုလိုချမ်းအေးတဲ့တန်ဆောင်တိုင်ကာလမှာ ကြည့်လို့ကောင်းတဲ့ကားလေးဖြစ်လာမှာပါ။ နာမည်ကျော်သရုပ်ဆောင်တွေပါဝင်ထားတဲ့ ဒီကားလေးနာမည်ကတော့ Let it Snow (2019) ပါ။ File Size : 875 MB Quality :  WEB-DL 720p Running Time : 1 hr 32 min Format : Mp4 Genre : Comedy , Romance Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

သင်ဟာ ဇာတ်ကားကောင်းတွေကြိုက်နှစ်သက်သူလား သင်ဟာ ကျောင်းသားဟာသကားလေးတွေ ကြိုက်နှစ်သက်သူလား … သင့်မှာ အချစ်ဆုံးသူငယ်ချင်းတစ်ယောက် ရှိပါသလား … သင်ဟာ အထက်တန်းကျောင်းလောလောလတ်လတ် ပြီးစီးထားသူလား ... ဒါဆိုရင် ၂၀၁၉ ထွက်ထားတဲ့ Booksmart ဆိုတဲ့ ဇာတ်ကားလေးတင်ဆက်ပေးလိုက်ပါတယ် … ဇာတ်ကားအမျိုးအစားလေးကတော့ Comedy/Coming of age fiction ဖြစ်ပြီး Rating တွေမအနေနဲ့ IMDb – 7.5 /10 ရရှိထားပြီး RT – 97%တောင် ရရှိထားပါတယ် ကျောင်းမှာ စာအတော်ဆုံး အချစ်ဆုံး သူငယ်ချင်းနှစ်ယောက်ဖြစ်ကြတဲ့ အေမီနဲ့ မော်လီတို့ရဲ့ အထက်တန်းပြီးမယ့် နောက်ဆုံးနေ့ကို ရောက်ရှိလာပါတယ် … သူတို့ကစာအတော်ဆုံးဖြစ်ပြီး တခြားကျန်တဲ့သူတွေကို ငတုံးတွေလို့ အထင်ရောက်နေကြတဲ့ နှစ်ယောက်ပေါ့… အတန်းထဲက တခြားသူတွေက အထက်တန်းပြီးလို့ ကောလိပ်တက်ချိန်ရောက်တဲ့အခါ သူတို့နှစ်ယောက်ကပဲ ဟားဗက်တို့လို ယေးလ် တို့လို တက္ကသိုလ်ကောင်းကောင်းတွေ တက်နိုင်မယ် လို့ အထင်ရောက်နေကြတဲ့ နှစ်ယောက်ဟာ ကျောင်းနောက်ဆုံးနေ့မှာ သူတို့ထင်တာ တက်တက်စင်အောင်လွဲနေတာ သိလိုက်ရတဲ့နောက်… စာတွေပဲ ဖိလုပ်ပြီး ပျော်ပွဲရွှင်ပွဲတွေ ပါတီတွေ တစ်ခါမှ မတက်ဖူးတဲ့ အေမီ နဲ့ မော်လီတို့ဟာ မတန်ဘူးဆိုပြီးကျောင်းနောက်ဆုံးနေ့မှာ ကျောင်းသားတွေလုပ်တဲ့ ပါတီတွေကို တက်ရောက်ဖို့ ကြိုးစားကြပါတော့တယ်… မော်လီနဲ့အေမီ သူတို့ရဲ့ နောက်ဆုံးစစ်ဆင်ရေး အောင်မြင်နိုင်ပါ့မလား ..ကိုယ်တိုင်ကြည့်ရှုခံစားတော်မူကြပါ… (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (800 MB) and (300 MB) Quality : NF WEB-DL 720p Running Time : 1hr 42min Format : Mp4 Genre : Comedy Subtitle : Myanmar Subtitle (Hard Sub) Translated by Zuel Khant Thwin Encoded by THZ