Matthew Goode ပါဝင်သော ဇာတ်ကားများ

ဒါကတော့ အသစ်စက်စက် ထွက်ရှိထားတဲ့ Thriller ဇာတ်လမ်းလေးပါ။ ဒါကတော့ စုံထောက် ဇာတ်လမ်းတွေကို ကြိုက်တဲ့သူတွေ အကြိုက်တွေ့စေမယ့် ဇာတ်လမ်းလေးပါ။ ကားလ်က အမှူတစ်ခုဖြစ်ရာကနေ သူငယ်ချင်းတစ်ယောက် ထိခိုက်ဒဏ်ရာရပြီး တွဲဖက်ဖြစ်သူကလည်း အကြောသေသွားတဲ့အတွက် အလုပ်ကနေခဏနားထားတဲ့သူတစ်ယောက်ပါ။ ဒါပေမဲ့ သူအလုပ်ပြန်ဝင်တော့ အထက်အရာရှိက သူ့ကိုလူလည်ကျပြီးတော့ မဖြေရှင်းနိုင်တဲ့အမှုတွေကို စုပြုံပြီးကိုင်ရမယ့် မြေအောက်ခန်းထဲက လူငါးယောက်တောင် မရှိတဲ့ Dept Q ဆိုတဲ့အဖွဲ့ကို ပို့လိုက်ပါတယ်။ ဒီအဖွဲ့ကအမှုတွေကလည်း သဲလွန်စတွေ မရှိတော့လို့လိုက်မရတော့တဲ့ မျှော်လင့်ချက်မရှိတဲ့ အမှုတွေပါ။ ဒီအမှုတွေကို ကားလ်ဘယ်လိုကိုင်တွယ်မလဲ လမ်းဆုံးရောက်နေတဲ့အမှုတွေကရော ဘယ်လိုဖြစ်နေလဲဆိုတောကို ဒီ ဇာတ်လမ်းတွဲလေးထဲမှာ ဆက်လက်စောင့်ကြည့်လိုက်ပါခင်ဗျာ။ File size…    1.2 GB /  411MB Quality… WEB-DL 1080p / 720p Format… mp4 Audio... AAC Duration…. 1h  Genre ..... Thriller / Crime / Drama Subtitle…. Myanmar Subtitle (Hard Sub) Encoder…. Thit San Khant Translated... CM Team

အက်ရှင် ဟော်ရာ ကားသစ်တစ်ကားလာပါပြီ။ ဒါရိုက်တာကတော့ လိုက်တမ်းပြေးတမ်း နဲ့ အသတ်အဖြတ်တွေ ပိုင်တဲ့ Matt Bettinelli- Olpin ပါပဲ။ Ready or Not နဲ့ Scream VI ရဲ့ ဖန်တီးရှင်ပါ။ မင်းသမီး ကတော့ Melissa Barrera၊ Ant Man ထဲက အချောလေး Kathryn Newton၊ Beauty and the Beast ထဲကမင်းသား Dan Stevens တို့ ပါဝင်ထားပါတယ်။ ဇာတ်လမ်းအကျဉ်း - ဟက်ကာတစ်ယောက်၊ မရိန်းတပ်ထွက်တစ်ယောက်၊ ဆေးတပ်သား ဟောင်းတစ်ယောက်၊ စုံထောက်ဟောင်းတစ်ယောက်၊ ကားသမားတစ် ယောက်ဟာ အိမ်ကြီးတစ်လုံးထဲက ၁၂ သမီးလေးတစ်ယောက်ကို ပြန် ပေးဆွဲလာဖို့ အလုပ်အပ်ခံရလို့ စုပေါင်းပြီး ပြန်ပေးဆွဲလာကြပါတယ်။ ဆွဲပြီးတော့ ကလေးအဖေဆီက သန်း ၅၀ တောင်းဖို့ အိမ်ကြီးတစ်လုံး ထဲမှာ ကလေးကို တစ်ရက်ပိတ်ထားပြီး စောင့်ကြည့်နေကြရတယ်။ ဒါပေမဲ့ အိမ်ကြီးထဲမှာပဲ ကြောက်စရာတွေဖြစ်လာတဲ့အချိန်၊ ကလေး အဖေ ဘယ်သူလဲဆိုတာ သိလာရသလို ကလေးက ဘယ်သူလဲဆိုတာ လည်း သိလာပြီး မုဆိုးဘဝကနေ သားကောင်ဘဝရောက်ကုန်ပါတော့ တယ်။ ဒီအဖွဲ့ထဲက ဘယ်နှယောက်မာလကီးယားပြီး ဘယ်နှယောက် နောက်တစ်ကားရိုက်ဖို့လွတ်လာမလဲ ကြည့်ရမှာပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(3.6 GB)/(1.26 GB) / (660MB) Quality............WEB-DL 4K HEVC/1080p / 720p Duration.........1Hr 49Min Subtitle...........Myanmar Hardsub Format............MKV / MP4 Genre..............Horror, Thriller Translator.......Mr.Anderson Encoder..........SWM

Freud's Last Session (2023) ~ IMDb - 6/10, RT - 45%, Meta - 49% ~ စိတ်ပညာအကြောင်းပြောတာဖြစ်ဖြစ် စိတ်ပညာကို ကိုးကားပြောတာဖြစ်ဖြစ် သူမပါရင်မပြီးတဲ့ ဆစ်ဂမန်ဖရွိုက်အကြောင်း နောက်ဆုံးအချိန်ကို ရိုက်ပြထားတဲ့ ရုပ်ရှင်ပါပဲ။ တိတိကျကျပြောရရင် ဒုတိယကမ္ဘာစစ်ဦးအစကာလမှာ ခံတွင်းကင်ဆာဝေဒနာကြောင့် သူ့ကိုယ်သူသတ်မသေခင် သုံးပတ်လောက်အလိုမှာ ဆစ်ဂမန်ဖရွိုက်ဟာ အောက်စ်ဖို့က ဒွန်တစ်ယောက်နဲ့ တွေ့ဆုံဆွေးနွေးခဲ့တဲ့အ‌ကြောင်းကိုရိုက်ပြထားတာ‌ပေါ့။ သူနဲ့ အဲဒီလိုတွေ့ခဲ့တဲ့သူကို The Chronicles of Narnia စာအုပ်တွေကိုရေးခဲ့တဲ့ စီအက်စ်လူးဝစ်လို့ ဒီရုပ်ရှင်ထဲတော့ ပြထားပေမဲ့ တကယ်တမ်း သူနောက်ဆုံးတွေ့ခဲ့တဲ့သူက အောက်စ်ဖို့ဒွန်ဆိုတာကလွဲ ဘာမှမသိခဲ့ရဘူး။ ဘာအကြောင်းဆွေးနွေးကြသလဲဆို သမိုင်းရဲ့အကြီးကျယ်ဆုံးပဟေဠိအကြောင်း။ ဘုရားသခင် ဘယ်လော ဘာလောပေါ့။ ဖရွိုက်က မယုံကြည်သူအမြင်ဘက်က ဆွေးနွေးပြီး လူးဝစ်ကတော့ ယုံကြည်သူအမြင်ဘက်က ဆွေးနွေးတယ်။ ဘုရားသခင်ကို ယုံတဲ့ယုံကြည်ခြင်းနဲ့ ဘုရားသခင်ကိုမယုံတဲ့ ယုံကြည်ခြင်းကြားက စကားရည်လုပွဲလို့ပြောလည်းရတယ်။ ဒီရုပ်ရှင်က 12 Angry Men တို့ The Man from Earth တို့လို တစ်ကားလုံး အခန်းတစ်ခန်းတည်း စကားထိုင်ပြောနေရင်းနဲ့ကို ပြီးသွားတဲ့ ရုပ်ရှင်မျိုးပဲ။ ဗုံးကြဲမယ့်ကြေညာချက်ထွက်လာလို့ ဗုံးခိုကျင်းကို သွားရှောင်တာတို့ သူတို့အတိတ်က အဖြစ်တွေကို Flashback ပြန်ပြတာတို့တော့ နည်းနည်းပါတယ်။ အဲဒါကလွဲ တစ်ကားလုံးစကားများရင်းနဲ့ကိုပြီးသွားတော့ ဒီလိုကားမျိုးကို ကြိုက်တဲ့လူတွေအတွက်ပဲ အဆင်ပြေလိမ့်မယ်။ တစ်ခုရှိတာက သူတို့ပြောနေတဲ့ အဓိက Topic က ဘုရားသခင်ကို ဦးတည်နေတာပေမဲ့ တကယ်တမ်း သူတို့ဆွဲထည့်ရတော့ နတ်ဘုရားတွေ ဘာတွေအထိပါပါလာသလို လူးဝစ်က ခရစ်ယာန်ဖြစ်နေလို့သာ ဒီ Topic က ဘုရားသခင်ကို ယုံခြင်းမယုံခြင်းဘက်သွားနေပေမဲ့ စကားလုံးအများစုကတော့ ဘာသာတရားအားလုံးနဲ့ ချိတ်ဆက်လို့ရနေတာများတယ်။ ဒါပေမဲ့ ဒီဇာတ်လမ်းရဲ့၂နာရီလုံး သူတို့ဒီအကြောင်းပြောနေကြပေမဲ့ တကယ်တမ်း အဖြေမထွက်သွားသလို ဖရွိုက်ကိုယ်တိုင်လည်း သမိုင်းရဲ့အကြီးကျယ်ဆုံး ပဟေဠိကို အဖြေထွက်မယ်ထင်နေခဲ့တဲ့ ငမိုက်သားတွေလို့ သူ့ကိုယ်သူပြန်ပြောသွားခဲ့တယ်။ ဒါပေမဲ့လည်း ဘာသာတရားတွေနဲ့ ပတ်သက်တဲ့ အမြင်တွေကို ပြောသွားတာတော့ ဘယ်သူ့အတွက်ပဲဖြစ်ဖြစ် စိတ်ဝင်စားဖို့ကောင်းနေလောက်မယ်။ ဒါအပြင်တော့ လူးဝစ်ရဲ့ နာနီယာရဲ့ ဖြစ်တည်ခြင်းကို စေ့ဆော်ပေးခဲ့တယ်လို့ ယူဆရတဲ့ ဇာတ်ဝင်ခန်းတွေ၊ သူ့သမီးနဲ့သူနဲ့ကြားက ဆက်ဆံရေး၊ ဖရွိုက်နဲ့ ဂျာမန်အသိုင်းအဝိုင်းရဲ့ဆက်ဆံရေး၊ သူ့သမီးရဲ့ စိတ်ရောဂါ၊ နောက် လူးဝစ်ဘက်ကဆို Lord of the Rings စာရေးဆရာ J. R. R. Tolkien နဲ့ လူးဝစ်တို့ရဲ့ စာပေဆွေးနွေးတဲ့အဖွဲ့ The Inklings အကြောင်းတို့ J. R. R. Tolkien အကြောင်းနည်းနည်းတို့ ထည့်သွားတယ်။ ဖရွိုက်ကိုယ်တိုင်ကလည်း Tolkien ကို ဉာဏ်ကြီးရှင်ဆိုပြီး ချီးးကျူးသွားခဲ့တယ်။ ဒီရုပ်ရှင်နဲ့ ပတ်သက်ပြီး ပုဂ္ဂလိကအမြင်အရ သဘောအကျဆုံးအချက်ကတော့ ဆစ်ဂမန်ဖရွိုက်ဆိုတဲ့ ကြီးကျယ်မြင့်မြတ်တဲ့ စိတ်ပညာရှင်ကြီးကို သာမန်လူထက်ပိုတာဆိုလို့ စိတ်ပိုင်းဆိုင်ရာသီအိုရီတွေကိုသိနေပြီး ကောင်းကောင်းပြောတတ်ဆိုတတ်တာကလွဲလို့ သာမန်လူတစ်ယောက်ပဲ ဖြစ်နေတယ်ဆိုတဲ့ ပုံစံနဲ့ပြသွားတာကိုပါပဲ။ ဖရွိုက် ခံတွင်းကင်ဆာကျွမ်းနေတဲ့ နောက်ဆုံးအချိန်မို့ သူ့စိတ်က ပိုပြီးမြင်သာနေတာလားတော့ မပြောတတ်ဘူး။ ဘာပြောပြော ဖရွိုက်ကို ခင်ဗျားတို့ ကျွန်တော်တို့လို ကြောက်တတ် ဒွိဟဖြစ်တတ် အတ္တကြီးတတ်တဲ့ လူတစ်ယောက်အနေနဲ့ပဲပြသွားတယ်။ ဖရွိုက်ကိုယ်တိုင်ကလည်း သူ့ကိုယ်သူ အမှားတွေရှိတဲ့ အားနည်းချက်တွေရှိတဲ့ လူထဲကလူလို့ပဲ ပြောသွားခဲ့တာပါပဲ။ ဒီရုပ်ရှင်ကို လက်ရှိဟောလိဝုဒ်ရဲ့ ခေါင်းဆောင်မင်းသားနေရာက သရုပ်ဆောင်ကြသူတွေထဲ သမ္ဘာအရင့်ဆုံး အခုထိလည်း အစွမ်းပြနေတုန်းဖြစ်တဲ့ Anthony Hopkins နဲ့ ဒီမှာတော့ လူသိသိပ်မများပေမဲ့ သရုပ်ဆောင်တော်တော်ကောင်းတဲ့ Matthew Goode က အဓိကသရုပ်ဆောင်ထားတယ်။ မက်သရူးဟာ Leap Year, The Imitation Game, Watchmen တို့လို ရုပ်ရှင်တွေမှာ သရုပ်ဆောင်ဖူးပြီး မနှစ်ကတော့ The Offer ထဲက Bob Evans ဇာတ်ကောင်နဲ့ ကျွန်တော်တို့ သိပ်ကြိုက်ခဲ့ရတဲ့ဘဲပေါ့။ Armand Nicholi ရဲ့ Question of God ကို အခြေတည်ထားတဲ့ ပြဇာတ်တစ်ပုဒ်ကို ပြန်ရိုက်ထားတာဖြစ်ပြီး ဖရွိုက်ကို စိတ်ပညာကို ဘာသာရေးတွေကို စိတ်ဝင်စားတဲ့လူတွေအတွက်တော့ ဒီရုပ်ရှင်ဟာ ကြည့်သင့်တဲ့ရုပ်ရှင်ပါပဲ။ ဒါပေမဲ့လည်း ဇာတ်ဟာ ဘယ်မှမရောက်သလို တုံးတိကြီးဖြစ်နေတဲ့အပြင် သူပြောခဲ့သလို သူတို့ဆွေးနွေးခန်းကလည်း ဘယ်ကိုမှမရောက်သွားတော့ ရုပ်ရှင်တစ်ကားအနေနဲ့တော့ ဇာတ်အိမ်တော်တော်ချာတယ်ပြောရမှာပါပဲ။ ဒါကြောင့်လည်း ဝေဖန်ရေးသမားတွေတော့ သဘောမကျခဲ့ကြဘူး။ ဘာနေနေ ဒီရုပ်ရှင်ဟာ စိတ်ဝင်စားဖို့ကောင်းတဲ့ အကြောင်းအရာတွေနဲ့ ဆစ်ဂမန်ဖရွိုက်အကြောင်း ဖစ်ရှင်တစ်ပုဒ်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.1GB, 880MB Quality - 1080p, 720p IMDb Rating - 6/10 Format - mp4 Duration - 1H 48Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

~ IMDb rating – 8.7/10 ~ ခင်ဗျားသာ ရုပ်ရှင်တွေကို ချစ်တဲ့လူမှန်ရင် The Offer ဟာ ခင်ဗျားဘယ်လိုမှ ငြင်းပယ်မရမယ့် ရုပ်ရှင်ပါပဲ။ The Godfather ဆိုတဲ့ နာမည်ကို ရုပ်ရှင်လောကမှာရော စာအုပ်လောကမှာရော မသိတဲ့သူ မရှိပါဘူး။ 1969 မှာထုတ်ဝေခဲ့တဲ့ မာရီယိုပူဇိုရဲ့ The Godfather ဟာ နယူးယောက်တိုင်းမ်ရဲ့ အရောင်းရဆုံး စာအုပ်စာရင်းကနေ ၆၇ပတ်အထိ မဆင်းခဲ့ဘဲ နှစ်နှစ်အတွင်းမှာ ကော်ပီကိုးသန်းကျော် ရောင်းခဲ့ရတဲ့အထိ ၀က်၀က်ကွဲအောင်မြင်ခဲ့တယ်။ 1972မှာ ထွက်ခဲ့တဲ့ ပူဇိုပဲ ဇာတ်ညွှန်းရေးပြီး ဖရန်စစ်ဖို့ဒ်ကော်ပိုလာရိုက်ခဲ့တဲ့ The Godfather ရုပ်ရှင်ဟာလည်း Greatest Of All Time ရုပ်ရှင်တစ်ကား ဖြစ်ခဲ့ပါတယ်။ ဒီဇာတ်လမ်းကတော့ အဲဒီရုပ်ရှင်ဖြစ်လာဖို့ ကြိုးစားခဲ့ရတဲ့ နောက်ကွယ်က ဇာတ်လမ်းတွေ၊ နောက်ကွယ်က လူတွေအကြောင်းပါပဲ။ ဇာတ်လမ်းတွဲရဲ့နာမည်ကိုက ဂေါ့ဖားသားကားရဲ့ နာမည်ကျော် ဒိုင်ယာလော့ဖြစ်တဲ့ ” I’m gonna make him an offer he can’t refuse.” ကို သုံးထားပါတယ်။ Offer ဆိုတဲ့ စကားလုံးနဲ့ သိပ်လိုက်အောင် ဂေါ့ဖားသား ကားဖြစ်လာဖို့လည်း မငြင်းဆိုနိုင်မယ့်ကမ်းလှမ်းမှုတွေ အများကြီးလုပ်ခဲ့ရတဲ့ အကြောင်းတွေပါ ပြထားတယ်။ ဆယ်ပိုင်းပါ ဇာတ်လမ်းတွဲပေမဲ့ ကားကောင်းဘာမှသိပ်မထွက်သေးတဲ့ ၂၀၂၂ရဲ့ ၄လတာအတွင်း ကြည့်မိခဲ့သမျှ ရုပ်ရှင်တွေထဲ တော်တော်သဘောကျမိတဲ့ ရုပ်ရှင်ဖြစ်သွားခဲ့ပါတယ်။ ~ အဓိကဇာတ်ကောင်များ ” အယ်ရတ်ဒီ ” ဂေါ့ဖားသားရဲ့ ပဲ့ကိုင်ရှင်တွေထဲက တစ်ယောက်ပေါ့။ ဂေ့ါဖားသားရဲ့ ပရိုဂျူဆာပါ။ ရုပ်ရှင်တစ်ကားရဲ့ ဖြစ်တည်လာခြင်းကို ကျွန်တော်တို့ ခင်ဗျားတို့လို သာမန်လူတွေကတော့ ဒါရိုက်တာတို့ စာရေးဆရာတို့လောက်အထိပဲ မြင်နိုင်ကြမှာပါပဲ။ ဒီရုပ်ရှင်ဟာ ရုပ်ရှင်တစ်ကားဖြစ်လာဖို့ ပရိုဂျူဆာဆိုတာ ဘယ်လောက်အရေးပါလဲ ကောင်းကောင်းကြီး ပြသွားတဲ့ ရုပ်ရှင်ပါပဲ။ ရတ်ဒီဟာ ဂေ့ါဖားသားဆိုတဲ့ ရုပ်ရှင်ဖြစ်လာဖို့ ခေတ်အဆက်ဆက်ထောင့်မကျိုးခဲ့တဲ့ စတူဒီယိုစနစ်ကြီးနဲ့ရော ဂေါ့ဖားသားစာအုပ်ကြောင့် သူတို့သိက္ခာကျရပါတယ်ဆိုပြီး ပြဿနာရှာတဲ့ ဂိုဏ်းစတားတွေနဲ့ရော ရင်ဆိုင်ပြီး ဂေါ့ဖားသားရုပ်ရှင်ဖြစ်လာအောင် အဓိကအားထုတ်ခဲ့တဲ့သူပါပဲ။ သူ့ဆုံးဖြတ်ချက်တွေ သူ့လူတွေအပေါ်ထားတဲ့ သူ့ယုံကြည်မှုတွေက ဂေါ့ဖားသားကို အသက်သွင်းပေးခဲ့တာကိုပြသပြီး ဂေါ့ဖားသားအတွက် သူ့ကာရိုက်တာရဲ့ အရေးပါမှုကို ကောင်းကောင်း ပုံဖော်ထားခဲ့ပါတယ်။ ” မာရီယိုပူဇို ” ဂေါ့ဖားသားစာအုပ်ရဲ့ စာရေးဆရာဆိုတာ မ‌ပြောလည်းသိမှာပါ။ ခွက်ခွက်လန်အောင် ရှုံးနေတဲ့ စာရေးဆရာဘ၀ကနေ မိန်းမနဲ့ ထုတ်ဝေသူ အားပေးမှုနဲ့ The Godfather စာအုပ်ကို ရေးဖြစ်သွားတဲ့ သူပေါ့။ သူနဲ့ ဂေါ့ဖားသားရုပ်ရှင်ထဲက ဂျွန်နီဖွန်တိန်း တစ်ဖြစ်လဲ ဖရန့်စင်နာထရာရဲ့ ပြဿနာတွေကိုရော။ စာရေးဆရာကနေ ဇာတ်ညွှန်းရေးခဲ့ရတဲ့ သူ့အခက်အခဲတွေကိုရော ဖရန်စစ်ဖို့ဒ်ကော်ပိုလာနဲ့ သူ့ chemistryကိုရော ပရိသတ်ရင်ထဲရောက်အောင် ပုံဖော်ထားပါတယ်။ ” ဖရန်စစ်ဖို့ဒ်ကော်ပိုလာ ” အကြီးကျယ်ဆုံး ဒါရိုက်တာကြီးတစ်ပါးဖြစ်တဲ့ ကော်ပိုလာကို‌တော့ ဒီခေတ်မှာ မသိသူမရှိပါဘူး။ တစ်ချိန်က ဆက်တင်အတွက် ဘတ်ဂျက်အသုံးကြီးလို့ ကားဆက်မရိုက်ရမလို ဖြစ်နေခဲ့တဲ့ အနုပညာအဓိကထားတဲ့ ဒါရိုက်တာပေါက်စဘ၀ကနေ ဂေါ့ဖားသားရိုက်ဖြစ်သွားတဲ့အကြောင်းကို ဒီဇာတ်လမ်းတွဲမှာ ကျွန်တော်တို့ မြင်ရမှာပါ။ ဂေါ့ဖားသား စာအုပ်ကိုဖတ်ပြီး ပရိုဂျူဆာနဲ့ ပါရာမောင့်ဥက္ကဌကို ရှင်းပြတဲ့အခန်းမှာဆို သူ့အနုပညာရည်ပြည့်၀မှုနဲ့ ခံစားနိုင်စွမ်းကို အတိုင်းသားမြင်နေရပါတယ်။ သူ့ဇာတ်ကောင်ဟာလည်း ဒီဇာတ်လမ်းကို ပိုလှပစေတဲ့ ဇာတ်ကောင်တစ်ကောင်ပါပဲ။ ~ မိသားစုများ ကော်ပိုလာကတော့ ဂေါ့ဖားသားဟာ ဂန်းစတားရုပ်ရှင်ဆိုတာထက် လူတွေအကြောင်း၊ မိသားစုအကြောင်း ပိုများပြီး ကြည့်ပြီးသွားရင် “ဒါ ငါ့မိသားစု အကြောင်းပဲ” လို့ ရေရွတ်မိစေမယ့် ရုပ်ရှင်လို့ဆိုပါတယ်။ ဒီရုပ်ရှင်ကို ရိုက်ဖို့မှာလည်း မိသားစု၃စုရဲ့ အားပြိုင်မှုတွေရှိခဲ့ပါတယ်။ ၁။ ကော်ပိုလာနဲ့ ရုပ်ရှင်ရိုက်ကူးရေးသမားများမိသားစု ဂေ့ါဖားသားဖြစ်လာဖို့ အခရာတွေထဲ ကော်ပိုလာနဲ့ ပူဇိုက အဓိကပေမဲ့ သူတို့ ဘယ်လောက်တော်နေတော်နေ သူတို့နဲ့ချည်းမဖြစ်ပါဘူး။ ရတ်ဒီရဲ့ စက္ကထရီတို့ Casting ခေါင်းဆောင် အန်ဒရေအိစ်ဝုတို့ မာလွန်ဘရန်ဒိုတို့ အယ်ပါချီနိုတို့အပါအ၀င် အကုန်လုံးရဲ့ ချစ်စိတ်နဲ့ ဖြစ်လာခဲ့တာပါပဲ။ ဇာတ်လမ်းမှာ ဒီမိသားစုထဲက တစ်ယောက်ချင်းရဲ့ ဂေါ့ဖားသားအတွက်လုပ်ခဲ့တာတွေကို ပြသွားပါတယ်။ ၂။ အီဗန်နဲ့ ပါရာမောင့်အမှုဆောင်များမိသားစု ဂေါ့ဖားသားဖြစ်လာဖို့ ရတ်ဒီက ကော်ပိုလာနဲ့ ပူဇိုတို့ကို ယုံကြည်မှုပေးခဲ့တာက အခရာအချက်တစ်ခုပါ။ ဒီလိုပဲ ပါရာမောင့်ဥက္ကဌ အီဗန်က ရတ်ဒီကို ယုံကြည်ပေးခဲ့တာကလည်း အရေးပါပါတယ်။ အီဗန်ရယ် ပါရာမောင့်ပိုင်ရှင် ချာလီရယ်ရဲ့ စီးပွားရေးသမားတစ်ပိုင်း အနုပညာသမားတစ်ပိုင်းဖြစ်နေတဲ့ ကာရိုက်တာတွေရဲ့ ရုပ်ရှင်တွေအတွက် စီမံခွဲခန့် ပုံတွေကိုမြင်ရတာ တော်တော်အားရစရာကောင်းပါတယ်။ သူတို့ခေတ် ရုပ်ရှင်တွေဟာ သူတို့လိုလူတွေရှိနေခဲ့လို့ကို မှော်ဆန်ခဲ့တာလို့ လက်ခံမိစေမယ့် သူတွေပါပဲ။ သူတို့မိသားစုဟာလည်း ဂေါ့ဖားသားရဲ့ အဓိကမိသားစုတွေထဲက တစ်ခုပါပဲ။ ၃။ ဂျိုးကိုလွန်ဘိုနဲ့ မာဖီးယားများမိသားစု The Godfather ရုပ်ရှင်ရိုက်ကူးတုန်းက တကယ့် ဂန်းစတားတွေရဲ့ တိုက်ခိုက်မှုတွေရှိခဲ့တယ်ဆိုတာ ကြားဖူးကြမှာပါ။ အဲဒီဂန်းစတားတွေက ဂျိုးတို့တွေပါပဲ။ ပူဇိုရဲ့ စာအုပ်ဟာ အီတလီမာဖီးယားတွေကို သိက္ခာကျစေတယ်လို့ မှတ်ယူပြီး ယမ်းပုံမီးကျခဲ့တဲ့ ဂျိုးတို့တွေဟာ ရုပ်ရှင်ပါရိုက်မှာလည်း သိရော အယ်ရတ်‌ဒီတို့ကိုပါ ပစ်ခတ်ခြိမ်းခြောက်ပြီး နည်းမျိုးစုံနဲ့ တားဆီးခဲ့ကြပါတယ်။ သူတို့ဟာလည်း ဂေါ့ဖားသားရုပ်ရှင်နဲ့ ပတ်သက်နေတဲ့ မိသားစုတွေထဲက တစ်ခုပါပဲ။ ဒီဇာတ်လမ်းဟာ ဒီမိသားစု၃ခုက လူပေါင်းများစွာကြားမှာ ကူးလူးဆန်ခတ်နေတဲ့ ဇာတ်လမ်းပါပဲ။ အဓိကဇာတ်ကောင် ရတ်ဒီကတော့ သူတို့မိသားစု ၃ခုလုံးရဲ့ ပေါင်းကူးလိုဖြစ်နေတဲ့သူလို့ဆိုရပါမယ်။ ” Paramount ” ဒီလိုလူတော်ပေါင်းများစွာ အခက်အခဲပေါင်းများစွာကြားက ရိုက်ခဲ့တဲ့ The Godfather ဟာ ဘတ်ဂျက်ခြောက်သန်းကျော်သုံးစွဲပြီး ၂၉၁သန်းအထိ ရုံ၀င်ငွေရခဲ့တဲ့ ရုပ်ရှင်ဖြစ်ခဲ့ပါတယ်။ ၉ကားမှာ၈ကားရှုံးနေတဲ့ ပါရာမောင့်ဟာ ဂေါ့ဖားသားကနေ စန်းထလာလိုက်တာ ‌၀င်ငွေအကောင်းဆုံးရုပ်ရှင်တွေရဲ့ တတိယနေရာမှာ ဒီနေ့ထိချိတ်နေတဲ့ တိုက်တန်းနစ်လို ရုပ်ရှင်ထုတ်နိုင်ခဲ့တဲ့အထိပါပဲ။ ဂေါ့ဖားသားကတော့ လက်ရှိမှာတော့ ပါရာမောင့်ရဲ့ ၀င်ငွေအမြင့်ဆုံးကားတွေထဲ နံပတ်၇၂ပါ။ ဂေါ့ဖားသားမထုတ်ခင် အတောအတွင်းမှာတော့ ပါရာမောင့်ဟာ တော်တော်တိုင်ပတ်နေပြီး သူ့ရှေ့မှာ Rosemary’s Baby တစ်ကားပဲ လောက်လောက်လာလားရှိခဲ့ပေမဲ့ အမြတ်ကလည်း သန်းဆယ်ဂဏန်းပါပဲ။ ဂေါ့ဖားသားဟာ ၀င်ငွေအရအောင်မြင်ခဲ့သလို Best Picture, Best Actor, Best adapted Screenplay တို့ကို ရခဲ့သလို Golden Globe နဲ့ တခြားဆုတွေကိုလည်းရခဲ့ပါတယ်။ ~ သရုပ်ဆောင်များ ဂေ့ါဖားသားကို ဂါရ၀ပြုတဲ့အနေနဲ့ ရိုက်တဲ့ရုပ်ရှင်ဆိုတော့ သရုပ်ဆောင်တွေကိုလည်း ပါချီပါချက်တွေ မသုံးထားပါဘူး။ အတော်များများက ကောင်းပေ့ဆိုတဲ့ကားတွေရိုက်ဖူးတဲ့ အားလုံးရင်းနှီးပြီးသား လူတွေပါပဲ။ မိတ်ကပ်လည်းမဆိုးလို့ မူလလူတွေနဲ့ ဆင်ကြတယ်။ လူသစ်အနေနဲ့တော့ တွမ်ဟန့်ရုပ်ပဲထွက်နေတဲ့ တွမ်ဟန့်သားအရင်းပါပါတယ်။ The Offer ဟာ ‌ဂေါ့ဖားသားလို ရုပ်ရှင်ကို ဂါရ၀ပြုထားတဲ့ ရုပ်ရှင်ဟုတ်သလို ဟောလိဝုဒ်ရွှေခေတ်ကို လွမ်းမောထားတဲ့ ရုပ်ရှင်လို့လည်း ဆိုလို့ရပါတယ်။ The Godfather ရုပ်ရှင်ကို ပိုချစ်တတ်အောင် နောက်ကွယ်ကလူတွေကိုပါ ချစ်မိလာအောင် သင်ပေးမယ့် ရုပ်ရှင်ဆိုလည်း မမှားပါဘူး။ ရုပ်ရှင်တစ်ကားရဖို့ ဘယ်လိုတွေလုပ်ရလဲ ခရေစေ့တွင်းကျ ပြသွားမှာဖြစ်သလို ရုပ်ရှင်ထုတ်လုပ်ရေးနဲ့ပတ်သက်တဲ့ မသိသေးတာတွေ အများကြီးသိရမှာပါ။ ပါရာမောင့်က ပေးလိုက်တဲ့ ရုပ်ရှင်တွေကို ချစ်တဲ့သူတိုင်းအတွက် ငြင်းပယ်လို့မရမယ့် ရုပ်ရှင်ဇာတ်လမ်းတွဲဆိုလည်း မမှားပါဘူး။ The Offer ဟာ အကြီးကျယ်ဆုံး ရုပ်ရှင် The Godfather ရဲ့ မှတ်တိုင်ကို ပိုခိုင်မာစေမယ့် ခဲတစ်လုံး အုတ်တစ်ချပ်လို့လည်း ဆိုလို့ရပါတယ်။ (ဒီစီးရီးကို အညွှန်းရေးသား ဘာသာပြန်ပေးသူကတော့ WiRa Aung ပဲဖြစ်ပါတယ်။) Size ~ 700MB Quality – 1080p Duration ~ 1Hr (@Episode) Subtitle – Myanmar Hardsub Format – Mp4 Genre : Biography, Drama Source : Web-dl.1080p Translator – WiRa Aung Encoder – Y

The house(2022) ဒီတစ်ခေါက်ကာတွန်းလေးကအရင်ထွက်ခဲ့တာတွေနဲ့သိပ်မတူဘဲ တစ်ကားတည်းမှာပဲ ဖြစ်ရပ်၃ခုကို စုပြီးရိုက်ထားတာမျိုးပါ ဇာတ်လမ်းသဘောအရ တူညီတဲ့အိမ်တစ်လုံးထဲမှာပဲ မတူညီတဲ့အချိန်ကာလမှာမတူညီတဲ့ဇာတ်‌ကောင်တွေကမတူညီတဲ့ ဖြစ်ရပ်တွေဖြစ်ပျက်ခဲ့တာပါ ဘာတန်ကြေးမှပေးစရာမလိုတဲ့ အိမ်ကြီးအိမ်ကောင်းတစ်လုံးကို လက်ခံယူလိုက်မိပြီးနောက် အိမ်ကြီးရဲ့အညှို့ကိုခံလိုက်ရပြီး ကိုယ်က ကိုယ်သဘောအကျဆုံးအရာတွေအဖြစ် ပြောင်းလဲသွားခဲ့မယ်ဆိုရင်ရော လက်ခံမိကြဦးမှာလားအိမ်အကြောင်းကို မသိဘဲပြောင်းလာခဲ့မိပြီး နောက်ပိုင်းဘာတွေဆက်ဖြစ်သွားမလဲ ဘယ်သူတွေကသေဆုံးပြီး ဘယ်သူတွေကအသက်ရှင်ကျန်ရစ်နိုင်မှာလဲ Netflix ကထုတ်လွှင့်တဲ့ Animation ဖြစ်တာကြောင့် မကောင်းမှာတော့မပူရပါဘူးနော် "The House"ဆိုတဲ့အတိုင်းပဲ အိမ်ကြီးနဲ့ပတ်သက်ပြီး စိတ်ဝင်စားစရာတွေများတဲ့ ကာတွန်းကားတစ်ကားဖြစ်တာမို့ လက်မလွှတ်တမ်းကြည့်ရှုကြဖို့တိုက်တွန်းလိုက်ပါတယ်ရှင် အညွှန်းရေးသားသူက Yunni ဖြစ်ပြီး ဘာသာပြန်တွေကတော့ Yunni& Allena & HM ပဲဖြစ်ပါတယ် File size…1.1Gb / 591Mb Quality…1080p AAC 5.1Ch / 720p Format…mp4 Duration….1h 37min Subtitle….Myanmar Subtitle (hard sub) Encoder….Yk Translated by Yunni & Allena & HM

၁၄ ရာစု ဘိုဟီးမီးယားနယ်မြေကို နောက်ခံထားပြီး စစ်သူရဲ ယန်ဇစ်ဇကာရဲ့ အစောပိုင်းစွန့်စားခန်းတစ်ခုကို ရိုက်ကူးထားပါတယ်။ ချားစ်ဘုရင် စတုတ္ထ နတ်ရွာစံပြီးနောက် နယ်မြေအတွင်းမှာ အုပ်စုတွေ ကွဲလာသလို ဘာသာရေးဘက်မှာလည်း ရောမက ပုပ်ရဟန်းမင်းနဲ့ ပြင်သစ်ဘုရင်လက်အောက်က ပုပ်ရဟန်းမင်းဆိုပြီး နှစ်ဖက်ကွဲနေတယ်။ သားတော် ဝင်ဆယ်ဆလက်စ်က နန်းတက်ရမှာဖြစ်ပေမဲ့ ရောမက ပုပ်ရဟန်းမင်းဆီမှာ နန်းတက်ပွဲခံဖို့ လိုနေပါတယ်။ ဒါကြောင့် ဘိုဟီးမီးယားကနေ ရောမအထိ ခရီးထွက်ရမယ်။ ဝင်ဆယ်ဆလက်စ်မှာတော့ ကြွေးမြီတွေများနေပြီး ခရီးအတွက် ရဲမက်စရိတ်နဲ့ စားစရိတ်ကိုတောင် ချေးငှားရမယ့် အခြေအနေပါ။ ငွေချေးနေကျ သူကြွယ်အရှင် ရိုဆင်ဘာ့ဂျ်ကလည်း ထပ်မချေးတော့တဲ့အတွက် အကျပ်ရိုက်နေတယ်။ နောက်ဆုံးမှာ ရိုဆင်ဘာ့ဂျ်ရဲ့ ဇနီးလောင်း လေဒီကတ်သရင်းကို ပြန်ပေးဆွဲပြီး ငွေတောင်းဖို့ ကြံစည်ပါတော့တယ်။ ဒီတာဝန်က ကြေးစားစစ်သည် ယန်ဇစ်ဇကာဆီ ရောက်လာတာပါ။ ကတ်သရင်းကို ပြန်ပေးဆွဲဖို့ ဇစ်ဇကာ အောင်မြင်နိုင်မလား၊ ဝင်ဆယ်ဆလက်စ်ရဲ့ အကြံကရော ထင်သလောက် လွယ်လွယ်ပြီးသွားမလား။ နောက်ကွယ်မှာ နိုင်ငံရေးနဲ့ ဘာသာရေးအရှုပ်အထွေးတွေ ရှိနေပြီး တိုက်ခိုက်သတ်ဖြတ်မှုတွေကြား ဆက်ရင်ဆိုင်ကြရပါတယ်။

ခရစ္စမတ်ရဲ့ ​ပျော်ရွှင်ကြည်နူးဖွယ် မိသားစု​မေတ္တာဖွဲ့ ဇာတ်လမ်း​တွေ​ကြောင့် ရိုးအီလာတဲ့သူ​တွေအတွက် Castအလန်းစား​တွေပါဝင်တဲ့ ခရစ္စမတ်vibeအပြည့်နဲ့ Psychological Thriller ကား​ကောင်း​တစ်ကားကို တင်ဆက်​ပေးလိုက်ပါပြီ Cast​တွေအ​နေနဲ့ Keira Knightley, Annabelle Willis, JoJo Rabitထဲက Roman Griffin Davisလို cast​တွေ ပါဝင်ထားပြီး Horror themeအ​နေနဲ့ IMDb 5.9နဲ့ Rotten Tomatoes 59%အထိ ရထားပါတယ် Nellနဲ့ Simonတို့ လင်မယားနှစ်​ယောက်ဟာ ခရစ္စမတ် ညစာစားပွဲအ​နေနဲ့ ကျောင်း​နေဖက်သူငယ်ချင်း​တွေကို ဖိတ်ပြီး စားပွဲလုပ်ခဲ့ပါတယ်၊ ဒါ​ပေမဲ့ သူတို့ရဲ့​ညစာစားပွဲက ပွဲမစည်ဘဲ လူတိုင်းမှာ ​​ကြောက်လန့်စိုးရွံ့တဲ့စိတ်ရှိ​​​နေပြီး ရယ်စရာဟာသ​တွေ၊ လက်​​ဆောင်ပစ္စည်း​တွေနဲ့ အပူရုပ်ကို ဟန်လုပ်​နေရ​ပေမဲ့ ​ကြောက်စိတ်​တွေ ဖုံးမနိုင်ဖိမရ ​ပေါ်လာတဲ့အခါ ဘာ​တွေဆက်ဖြစ်ကြမလဲ၊ သူတို့အားလုံး ဘာကို​ကြောက်​နေကြတာလဲ၊ ဘယ်လိုရင်ဆိုင်​ဖြေရှင်းမလဲ ဆိုတာကို ပ​ဟေဠိ​ဆန်ဆန် ​အ​တွေးနယ်ချဲ့လိုက်ကြပါဦး File size…(2 GB) / (1 Gb) Quality….Webrip 1080p / 720p  Format…mp4 Duration….01:32:00 Genre...Comedy, Horror Subtitle….Myanmar Subtitle (Hardsub) Encoder….Mr. Anderson Translated by Thaung Htike Zaw and MTA

IMDb Rating - 6.7/10 2021 ပြီးဆုံးခါနီးမှာ အားလုံးပဲမျှော်လင့်ခဲ့ကြတဲ့ King's Man ရုပ်ရှင်ကတော့ ထွက်ရှိလို့လာခဲ့ပါပြီ။ ထုံးစံအတိုင်းပဲ ကင်းစ်မန်းရုပ်ရှင်တွေကတော့ ကျွန်တော်တို့ကို စိတ်မပျက်စေရပါဘူး။ ဒီရုပ်ရှင်လည်းအတော်ကြီးကို ကောင်းပါတယ်။ အရင် ကင်းစ်မန်းနှစ်ကားရဲ့ အဆက်မဟုတ် ပါဘူး။ ကင်းစ်မန်းအဖွဲ့ဖြစ်ပေါ်လာပုံ ဇစ်မြစ်ကိုပြတဲ့ဇာတ်ကားပါ။ ပထမကမ္ဘာစစ် အင်္ဂလန် ရုရှား ဂျာမနီ အမေရိကန် စစ်ပွဲသမိုင်းကို အခြေခံပြီး ကင်းစ်မန်းတွေရဲ့ စစ်ဆင်ရေးကို ပြသထားတာပါပဲ။ အားရပါးရကို ကြည့်လို့ကောင်းပါတယ်။ ခံစားကြည့်လိုက်ပါဦး။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်။) File Size - (3.94 GB) / (1.59 GB) / (814 MB) / (531 MB) Quality – WebRip - (4K HEVC) / (1080p) / (720p) / (480p) Duration - 2hr 11min Subtitle – Myanmar Hardsub Format – MP4 Genre : Action, Adventure, Thriller Translator – Mr.Anderson Encoder – Mr.Anderson / San Win Maung / Nyein Saeya Aung

လူတွေဟာ ရာထူးနေရာတစ်ခု ရသွားတဲ့အခါ အဲဒီနေရာကိုစွန့်စားပြီး အခြားသူတွေအကျိုးအတွက် အမှန်ကိုထုတ်ပြောရဲဖို့ သတ္တိတွေ ပျောက်ဆုံးသွားတတ်ကြပါတယ်။ ဒီရုပ်ရှင်ကတော့ ဒီလိုသတ္တိရှိခဲ့သူ တစ်ယောက်ရဲ့ အကြောင်း ဖြစ်ရပ်မှန်ကို အခြေခံပြီး ရိုက်ကူးထားတာပါ။ လူတိုင်းတစ်ခေါက်လောက်တော့ ကြည့်ဖူးသင့်တဲ့ အမျိုးအစားပါပဲ။ အကြောင်းအရာကတော့ အီရတ်ကို ဗြိတိန်နဲ့အမေရိကန်တို့ ဝင်တိုက်တော့မယ် ကာလမှာ ဖြစ်ခဲ့တာပါ။ အီရတ်မှာ လူအစုလိုက်အပြုံလိုက် သေစေနိုင်တဲ့လက်နက်တွေ ရှိတယ်လို့ သက်သေမပြနိုင်သေးချိန်။ ကုလသမ္မဂသဘောတူညီချက် မရသေးခင်အချိန်ပဲ ဖြစ်ပါတယ်။ ဒီအချိန်မှာ အီရတ်ကို တရားဝင်ကျူးကျော်ပြီး ဆဒမ်ဟူစိန်ကို ဖြုတ်ချဖို့အတွက်ဆို ကုလရဲ့ သဘောတူညီချက်လိုပါတယ်။ မဟုတ်ရင် အမေရိကန်နဲ့ဗြိတိန်ကို စစ်ရာဇဝတ်မှုနဲ့ တရားစွဲဆိုခံရနိုင်ပါတယ်။ ဒီကာလမှာ ဗြိတိန်ထောက်လှမ်းရေး GCHQ ရဲ့ ဝန်ထမ်း ကတ်သရင်း ထရီဆာ ဂန်းဆီကို အမေရိကန် NSA က စာတိုတစ်စောင်ဝင်လာပါတယ်။ ကုလလုံခြုံရေးကောင်စီအဖွဲ့ဝင်နိုင်ငံငယ်တွေက ကိုယ်စားလှယ်တွေကို အကြပ်ကိုင်ဖို့ပါပဲ။ ဒါကိုလက်မခံနိုင်တဲ့ ကတ်သရင်းက ဒီစာကိုခိုးထုတ်ပြီး ဖြန့်လိုက်ချိန်မှာ ဆက်ဖြစ်လာတဲ့ ပြဿနာတွေကို ဆက်ကြည့်ကြည့်လိုက်ပါ။ အဖွဲ့အစည်းတွေနဲ့ နိုင်ငံရေး အသုံးလေးတွေ မှားတာရှိရင် သည်းခံပေးကြပါ။ အတတ်နိုင်ဆုံး နားလည်အောင် ဘာသာပြန်ပေးထားပါတယ်။ File Size : (1 GB , 396 MB ) Quality :  WEB-DL 720p Running Time : 1 hr 52 min Format : Mp4 Genre : Biography , Drama , Romance Subtitle : Myanmar Subtitle (Hard Sub) Translated by Little Neo Encoded by Moe Myint Lwin

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

A Discovery of Witches - Season 01+02+03 IMDb Rating - 8.0/10 | Rotten Tamatoes 94% " တစ်ချိန်က ကမ္ဘာကြီးဟာ ဆန်းကြယ်မှုတွေနဲ့ ပြည့်နှက်နေတယ်။ အခုတော့ ဒီနေရာကို လူတွေ မင်းမူသွားပြီ။ နတ်ဆိုး၊ သွေးစုပ်ဖုတ်ကောင်တွေနဲ့ စုန်းစတဲ့ သတ္တဝါတွေဟာ ပုန်းလျှိုးပျောက်ကွယ်သွားကြရတယ်။လူတွေ့မခံရဲကြတော့ဘူး။ အချင်း ချင်းတောင်မှ ရှက်ရွံ့လာကြရတယ်။ ဒိုင်ယာနာ ဘစ်ရှော့ဟာလည်း လူတွေနဲ့ ရောယှက်နေထိုင်ရင်း သမိုင်းသုတေသီအဖြစ် ဘ၀ကိုကျောင်းနေသူ စုန်းတစ်ယောက်ပါ။ ကျန်သူတွေနဲ့ တစ်ခုကွဲပြားမှုဆိုရင် သူဟာ စုန်းဆိုတဲ့ ဖြစ်တည်မှုကို ကိုယ်တိုင်ကိုယ်၌ကကို လက်မခံချင်သူဖြစ်သလို မှော်ပညာကို အားမကိုးသူမလို့ သူ့ရဲ့ အစွမ်းကိုလည်း ကောင်းစွာ မထိန်းချုပ်နိုင်သူပါ။ ဤကဲ့သို့သော ဒိုင်ယာနာဘစ်ရှော့လို လူမျိုးကိုမှ အမှောင်လောကထဲကို ပြန်ဆွဲသွင်းလိုက်တဲ့အရာကတော့ Bodleian စာကြည့်တိုက်က Ashmole 782 ဆိုတဲ့ စာအုပ်ပါပဲ။ စာအုပ်သူ့လက်ထဲရောက် ရောက်ချင်းမှာပဲ ငြိမ်သက်နေတဲ့ ရေပြင်ကို ခဲတစ်လုံးပစ်လိုက်သလို အမှောင်လောကဟာ ပြန်အသက်၀င်လာတယ်။ ဒိုင်ယာနာ့ရဲ့ ပတ်၀န်းကျင်မှာ မူမမှန်တာတွေ ဖြစ်လာတယ်။ ဒိုင်ယာနာမသိလိုက်တာက ဒီစာအုပ်ဟာ လွန်ခဲ့တဲ့ ရာစုနှစ်ပေါင်းများစွာကတည်းက ပျောက်နေခဲ့ပြီး ဘယ်သူမှ မရှာနိုင်ခဲ့တဲ့ စာအုပ်ဆိုတာပါပဲ။ ဒါ့အပြင် Ashmole 782 ကို အကြောင်းကိုယ်စီနဲ့လိုချင်သူတွေကလည်း အများသား။ ဒီတော့ စာအုပ်ကို ဆင့်ခေါ်နိုင်တဲ့ တစ်ဦးတည်းသောသူဖြစ်တဲ့အလျောက် ဒိုင်ယာနာ့ကို များစွာသော အမှောင်လောကသားတွေဟာ ချဉ်းကပ်ဖို့ ကြိုးစားလာကြတယ်.... သိုပေမဲ့ မှော်ပညာကို မထိန်းချုပ်နိုင်တဲ့ စုန်းတစ်ယောက်အနေနဲ့ သူ နားမလည်တဲ့အရာတွေကို ရင်ဆိုင်ဖို့ မက်သရူးဆိုတဲ့ ဗင်ပိုင်းယားတစ်ကောင်ရဲ့ အကူအညီကို ရယူဖို့ အကြောင်းဖန်လာရင်း Ashmole 782 အရေးတော်ပုံကြီး စတင်လာပါတော့တယ်။ Deborah Harkness ရဲ့ All Souls trilogy ကို ပြန်လည် အသက်သွင်းထားတဲ့ ဒီစီးရီးဟာ Best Drama series အတွက် ဆန်ကာတင်စာရင်းတွေလည်း ၀င်ထားပါတယ်။ The Vampire Diaries, The Originals, Legacies တို့လို စုန်းတွေ ဗင်ပိုင်းယားတွေ ပြည့်နှက်နေတဲ့ လောကကို တစ်ဖန်ပြန်လည် အလည်သွားချင်ရင် ဒီစီးရီးကို လက်မလွှတ်တမ်းကြည့်ဖို့ တိုက်တွန်းချင်ပါတယ်။ (ဒီစီးရီးရဲ့ အညွှန်းကို Yoon Sandi Aung မှရေးသားပေးပြီး၊ ဘာသာပြန်ရေးသားပေးသူများကတော့ CM Team မှဖြစ်ပါတယ်။) File Size - (800 MB) Quality – BLURAY 1080p 5.1CH Duration - 40 mins (@Episode) Subtitle – Myanmar Hardsub Format – MP4 Genre : Drama, Fantasy, Romance Translator – CM Team Encoder – SWM

ဇာတ်လမ်းအညွှန်း The Sense of n ending (2017) ဇာတ်ကားကိုမြန်မာစာတန်းထိုးဖြင့်တင်ထားပေးထားပါတယ် The sense of an ending Lionsgate နဲ့ CBS Film တို့ကနေ ဖြန့်ချီထားတဲ့ ဒီဇာတ်ကားဟာ julian barnes ရဲ့ ၂၀၁၁ ခုနှစ်မှာ The Man booker prize ဆုရခဲ့တဲ့ The sense of an ending ဝတ္ထုကို Nick Payne က ဇာတ်ညွှန်းခွဲပေးထားပြီး ဒါရိုက်တာ Ritesh Batra က ရိုက်ကူးခဲ့ပါတယ်... ဒါရိုက်တာဟာလည်း ဒီဇာတ်ကားနဲ့ပဲ ၂၀၁၇ ခုနှစ်အတွက် ကျင်းပခဲ့တဲ့ California မှာကျင်းပခဲ့တဲ့ Palm Springs International Film Festival မှာ Director to Watch ဆုကို ရရှိခဲ့ပါတယ် ဇာတ်လမ်းလေးက Tony(Jim Broadbent) ဆိုတဲ့ လူတယောက်ဆီ စာလေးတစောင်ရောက်ရှိလာရာကနေ အစပြုပြီး သူ့ငယ်ဘဝနဲ့ သူ့သူငယ်ချင်းတွေရဲ့ ဆက်စပ်မှုတွေဆီ ဖြည်းဖြည်းချင်းဆွဲခေါ်သွားမှာပါ ငယ်စဉ်က Tony မှာ Veronica Ford လို့ခေါ်တဲ့ ချစ်သူတယောက်ရဲ့ ရှိခဲ့ဘူးပြီး ချစ်သူနဲ့ပတ်သတ်လို့ ကြားရတဲ့သတင်းအပေါ် စိတ်လိုက်မာန်ပါတုံ့ပြန်ခဲ့ပါတယ် အဲဒီတုံ့ပြန်မှုဟာ အသက်အရွယ်ရလာချိန်မှာ ဘယ်လိုတန်ပြန်သက်ရောက်လာတယ်ဆိုတာရယ် ကြမ္မာရဟတ်တပတ်လည်လာတဲ့သဘောရယ် ဘဝအပေါ်မှာ သူတို့ရှုမြင်ကြပုံတွေရယ်ကို တွေးစရာ ဆွေးစရာဖြစ်အောင် ဒါရိုက်တာ Batra က လက်စွမ်းပြရိုက်ကူးထားပါတယ် ဒီဇာတ်လမ်းက Mystery Drama အမျိုးအစားဖြစ်လို့ ဒရာမာဇာတ်လမ်းကောင်းကြိုက်နှစ်သက်သူတွေ လုံးဝလက်မလွှတ်သင့်တဲ့ ဇာတ်လမ်းကောင်းတပုဒ် ဖြစ်ပါတယ် ဇာတ်လမ်းအညွှန်းရေးသူကတော့ ကိုချမ်းမြေ့သူအောင်ဖြစ်ပါတယ် File Size : (778 MB) and (296 MB) Quality : 720p Running Time : 1hr 48min Format : Mp4 Genre :Drama, Mystery Subtitle : Myanmar Subtitle (Hard Sub) Translated by Chan Myae Thu Aung Encode by Phyo Pyae

Allied (2016) IMDb Rating (7.1) / Rotten Tomatoes (60%) မင်းသား Brad Pitt နဲ့ ပြင်သစ်မင်းသမီး Marion Cotillard တို့အဓိကပါဝင်သရုပ်ဆောင်ထားတဲ့ ဒီရုပ်ရှင်က ဒုတိယကမ္ဘာစစ်အတွင်းကာလ လျှို့ဝှက်စပိုင်အခြေပြု ဒရမ်မာဇာတ်ကားကြီးဖြစ်ပါတယ်။ ပြင်သစ်မင်းသမီး Marion Cotillard ကို ထိပ်တန်းရုပ်ရှင်တော်တော်များများမှာ မြင်နေကျဆိုပေမယ့် ဒီရုပ်ရှင်မှာတော့ သူမရဲ့သွင်ပြင်လက္ခဏာတွေ လုံးဝကိုပေါ်လွင်ထင်ရှင်းနေခဲ့ပြီး မျက်လုံးအရွေ့ မျက်တောင်အခတ်လေးမှာတောင် ခဏခဏပြန်ကြည့်ချင်လောက်အောင် အထာကျကျ သရုပ်ဆောင်သွားခဲ့ပါတယ်... မင်းသားကလဲ ဘရတ်ပစ်ဆိုတော့ ပြောစရာမလိုတော့ပါဘူး... သူတို့နှစ်ယောက်စလုံးရဲ့လှုပ်ရှားမှုတိုင်း စကားလုံးတွေတိုင်းအသက်ဝင်နေပြီး ကြည့်ရှုသူကိုယ်တိုင်မျောပါသွားရမယ့်ရုပ်ရှင်ဇာတ်ကားကြီးဖြစ်ပါတယ်။ အဝတ်အစားဒီဇိုင်းတွေ ဆက်တင်တွေလဲ ခမ်းနားလှပပြီး အော်စကာဆုပေးပွဲမှာလဲ ဇကာတင်ဝင်ခဲ့ပါသေးတယ်။ ဇာတ်လမ်းလေးကလဲ အတော်ကိုစိတ်ဝင်စားစရာပါပဲ ဒါပေမယ့် ဇာတ်လမ်းကိုမသိဘဲ ဒီတိုင်းထိုင်ကြည့်လိုက်တာက ပိုအရသာရှိမှာမလို့ သိပ်မရေးပြတော့ပါဘူး။ ဒုတိယကမ္ဘာစစ်ကာလ ဂျာမန်နဲ့ အင်္ဂလန်တို့ရဲ့ တစ်ဖက်ကိုတစ်ဖက် သူလျှိုထားလုပ်ကြံကြဖို့စီစဉ်ကြတာတွေ သူလျှိုတွေရဲ့ပိရိသေသပ်မှုတွေ စစ်အတွင်းကာလအနိဌာရုံတွေ ယုံကြည်ဖို့ခက်ခဲတဲ့မစ်ရှင်တွေနဲ့ တော်တော်ကိုမှ ကောင်းမွန်သေသပ်အဆင့်မြင့်တဲ့ရုပ်ရှင်တစ်ကားဖြစ်ပါတယ်။ File size…(3.5 GB)/ (1.3 GB ) / (860 MB) Quality….BluRay 4K HEVC/ 1080p HEVC/ 720p Format…mkv/mp4 Duration….02:04:35 Subtitle….Myanmar Subtitle (Hardsub) Encoder….Ka Naung Translated by Tariq L Walker

အိမ်ခြံမြေသူဌေးကြီး ဒေမီယန်ဟေးလ်ဟာ ငွေကြေးအလွန်ချမ်းသာပေမယ့် ကင်ဆာနောက်ဆုံးအဆင့် ရောက်နေပြီး နောက်ထပ်ခြောက်လတောင် အသက်ရှင်ဖို့ မရှိတော့ပါဘူး။ အဲဒီအချိန်မှာ သူ့အသိစိတ်ကို တခြားခန္ဓာကိုယ်တစ်ခုထဲ ပြောင်းထည့်ပြီး ဆက်အသက်ရှင်နိုင်မယ်ဆိုတဲ့ «အရေခွံလဲခြင်း» အစီအစဉ်ကို လက်ခံလိုက်ပါတယ်။ ဒီလိုနဲ့ အက်ဒ်ဝပ်ကစ်ဒ်နာဆိုတဲ့ နာမည်အသစ်ကိုယူပြီး ဘဝအသစ်မှာ ပျော်ပျော်ရွှင်ရွှင် နေထိုင်လာတယ်။ ဒါပေမယ့် ထင်ယောင်ထင်မှားဖြစ်မှုတွေကနေတစ်ဆင့် သူယူထားတဲ့ခန္ဓာကိုယ်ဟာ ဓာတ်ခွဲခန်းမှာ ဖန်တီးထားတာမဟုတ်ဘဲ တကယ့်လူတစ်ယောက်ရဲ့ ခန္ဓာကိုယ်ဖြစ်နေမှန်း သိလာရပါတယ်။ အဲဒီနောက် ဖုံးကွယ်ထားတဲ့အကြောင်းတွေကို လိုက်စုံစမ်းရင်း ဘယ်လိုအန္တရာယ်တွေ ရင်ဆိုင်ရမလဲဆိုတာကို ဆက်ပြထားတယ်။ Ryan Reynolds ပါဝင်သရုပ်ဆောင်ထားတဲ့ ၂၀၁၅ ခုနှစ်ထွက် သိပ္ပံစိတ်ကူးယဉ် အက်ရှင်ဇာတ်ကားပါ။

The Imitation Game (2014) The Imitation Game ဟာ IMDb rating 8.0 အပြင် ဆုပေါင်းများစွာရရှိထားပြီး သမိုင်းစာမျက်နှာတွေကြားမှာ ဆယ်စုနှစ်များစွာကြာအောင် ဖုံးကွယ်ခံထားရတဲ့ အမည်မသိသူရဲကောင်းတစ်ဦးရဲ့ ဘဝဇာတ်ကြောင်းကို ရင်နင့်စရာကောင်းအောင် ပုံဖော်ထားတဲ့ဖြစ်ရပ်မှန် ဇာတ်ကားကောင်းတစ်ကားပဲဖြစ်ပါတယ်..... စစ်ပွဲဆိုတာ သေနတ်ချင်းပစ်တာတင် မဟုတ်ဘဲ "ဦးနှောက်ချင်း တိုက်ပွဲ" လည်း ဖြစ်နိုင်တယ်ဆိုတာကို ဒီကားမှာ တွေ့ရပါလိမ့်မယ်။ နာဇီတွေရဲ့ မဖောက်ထွင်းနိုင်တဲ့လျှို့ဝှက်ကုဒ်တွေကိုချိုးဖျက်ဖို့ အလန်တူရင်းနဲ့ သူ့အဖွဲ့ရဲ့ စက္ကန့်နဲ့အမျှ အပြိုင်လုတိုက်ပွဲဝင်ရပုံတွေက သင့်ကို ရင်တထိတ်ထိတ် ဖြစ်နေစေမှာအမှန်ပါပဲ... လူအများစုနဲ့မတူရင် လူရာမသွင်းတတ်တဲ့ လူ့အဖွဲ့အစည်းကြောင့် အလန်တူရင်းတစ်ယောက် ဘယ်လောက်အထိ အထီးကျန်ခဲ့ရသလဲဆိုတာကိုလည်းတွေ့ရမှာပါ.. Benedict Cumberbatch ရဲ့ သရုပ်ဆောင်ချက်တွေကလည်း အလန်တူရင်းရဲ့ ထက်မြက်မှု၊ ခေါင်းမာမှုနဲ့ စိတ်ဒဏ်ရာတွေကို အသက်ဝင်နေစေပြန်ပါတယ်.... နိုင်ငံအတွက်၊ ကမ္ဘာကြီးအတွက် အလုပ်အကျွေးပြုခဲ့တဲ့ သူရဲကောင်းတစ်ယောက်ဟာ သူ့ရဲ့ ဖြစ်တည်မှုကြောင့်ပဲ လူ့လောကရဲ့ ရက်စက်မှုကို ဘယ်လိုခံစားသွားခဲ့ရသလဲဆိုတာကိုလည်းတွေ့ရမှာပဲဖြစ်ပါတယ်.... ကဲ ဆိုတော့....မဖြစ်မနေကြည့်သင့်တဲ့ဇာတ်ကားလေးပါပဲ.... File size…2.09GB / 888MB Quality… BluRay 1080p/ 720p Format…mp4 Duration….1h 54m Genre ….. Psychological Thriller, War, Biography, Drama Subtitle….Myanmar Subtitle (Hard Sub)

လူဖြူ၊ လူမည်းနဲ့ မျိုးရိုးအဆင့်အတန်းကို ခွဲခြားကြတဲ့ခေတ်မှာ ဒိုင်ဒိုဘဲလ်ဟာ လူဖြူဖခင်နဲ့ လူမည်းကျွန်မိခင်တို့ကနေ မွေးဖွားလာခဲ့ပါတယ်။ ဖခင်က သူ့ကို ခေါ်ယူပြီး သူ့ဦးရီးတော်ဖြစ်တဲ့ တရားသူကြီးချုပ်ရဲ့အိမ်မှာ အုပ်ထိန်းစေခဲ့တယ်။ ဘဲလ်ဟာ လူမည်းသွေးပါပေမယ့် ဖခင်ရဲ့မျိုးရိုးကြောင့် အိမ်တော်မှာ တန်းတူနေရာပေးခံခဲ့ရပြီး လူမည်းကျွန်တွေ ဘယ်လောက်အထိ နှိမ့်ချခံနေရသလဲဆိုတာကိုတော့ ထဲထဲဝင်ဝင် မသိခဲ့ပါဘူး။ ဖြစ်ရပ်မှန်ကို အခြေခံထားတဲ့ ဒီဇာတ်ကားထဲက ပန်းချီကားဟာလည်း အပြင်လောကက ဒိုင်ဒိုဘဲလ်ရဲ့ တကယ့်ပုံတူပန်းချီဖြစ်ပါတယ်။ တစ်နေ့မှာ ဦးရီးတော်က ဇုန်းဆိုတဲ့ ကျွန်ကုန်ကူးသင်္ဘောနဲ့ ပတ်သက်တဲ့အမှုကို ကိုင်တွယ်ရတယ်။ သင်္ဘောပေါ်က ကျွန်တွေကို ရေထဲပစ်ချသတ်ပြီး အာမခံလျော်ကြေး တောင်းထားတဲ့အမှုပါ။ ဒီရက်စက်မှုကို သိလာရတဲ့ ဘဲလ်ဟာ တရားမျှတမှုအတွက် လှုပ်ရှားနေတဲ့ လူငယ်ဒဗီးနီးယားကို ကူညီပေးရင်း သူ့ကို ချစ်မိသွားပါတယ်။ ဒါပေမယ့် မိသားစုက မျိုးရိုးအဆင့်အတန်းမြင့်သူနဲ့ပဲ လက်ထပ်စေချင်တာကြောင့် ဘဲလ်ဟာ မျိုးရိုးနိမ့်တဲ့ လူဖြူလူငယ်အပေါ်ထားတဲ့ ချစ်စိတ်ကို ဖုံးကွယ်ထားရတယ်။ တစ်ဖက်မှာလည်း လူမည်းကျွန်တွေ တရားမျှတမှုရဖို့အတွက် ဦးရီးတော်နဲ့ ရင်ဆိုင်ဆန့်ကျင်နေရပါတယ်။ မိသားစုရဲ့ဆန္ဒနဲ့ ကိုယ့်ယုံကြည်ချက်တွေကြား ဘဲလ် ဘယ်လိုရွေးချယ်မလဲ။ ချစ်ရသူနဲ့ လက်တွဲနိုင်ပါ့မလား၊ လူမည်းတွေအတွက် သူလိုချင်တဲ့ တရားမျှတမှုကိုရော ရနိုင်ပါ့မလား။

သာမန်ချိန်မှာဆိုရင် ယောင်္ကျားလေးကပဲ ချစ်သူရည်းစားမိန်းကလေးကို လက်ထပ်ခွင့်တောင်းကြပေမယ့် Leap Year ရက်ထပ်နှစ်ရဲ့ Feb 29 ရက်နေ့မှာဆိုရင်တော့ မိန်းကလေးတွေက ကိုယ်ချစ်တဲ့သူကို လက်ထပ်ခွင့်တောင်းလို့ရတဲ့အစဉ်အလာရှိပါတယ်။ ဒီအကြောင်းကိုအခြေခံရိုက်ကူးထားတဲ့ မင်းသမီး Amy Adams နဲ့ မင်းသား Matthew Goode တို့ရဲ့ Romance Comedy ရုပ်ရှင်လေး Leap Year (2010) ကိုခံစားကြည့်ရှုကြပါဦး။ IMDb (6.4/10) ထိ ရရှိထားပြီး ဒီနေ့လို့ ဖေဖော်ဝါရီ ၂၉ ရက်နေ့မှာ သေချာပေါက်ကြည့်သင့်ပါတယ်။ အောက်မှာတော့ Ye Hut Khoung Wordpress ကကူးယူလာတဲ့ ရုပ်ရှင်ခံစားမှုဆောင်းပါလေး ရှိပြီးတော့ စပွိုင်လာတချို့ပါနိုင်ပါတယ်။ +++++++++++++++++++++++ LEAP YEAR (2010) ◾ ဘော့စတွန် မြို့ကကောင်မလေးတစ်ယောက်။အိမ်ခြံမြေ အလုပ်မှာ အတော်လေး နေရာရပီး ဝင်ငွေ ကောင်းပြီး အလုပ်အကိုင် လည်း အရမ်းအဆင်ပြေနေတဲ့ မိန်းကလေး။ သူက ဖော်ရွေပြီး ချစ်စရာကောင်းတယ်။ သတ္တိလည်းရှိသလို တဇွတ်ထိုးလည်း လုပ်တတ်တယ်။ ဒါပေမယ့် စိတ်ကောင်းရှိတယ်။ ◾ အိုင်ယာလန်ကို လေယဉ်နဲ့ ခရီးထွက်လာတယ်။ ခရီးဆောင်အိတ်‌ တွေနဲ့ပေါ့။ အိုင်ယာလန်မှာလည်း သူ့သူငယ်ချင်းမင်္ဂလာဆောင် ရှိတယ်။ ဖိတ်လည်းထားတယ်။ ပြီးတော့ သူ့ချစ်သူကလည်း နှလုံးအထူးကု ဆရာဝန်။ အိုင်ယာလန်က ဒပ်ဗလင်မြို့မှာ ဆေးပညာ ညီလာခံ တစ်ခုတက်ဖို့ရှိနေတယ်။သူ့ချစ်သူနဲ့လည်း တွေ့ဖို့ ရှိတယ်။ အခုလာတာလည်း သူ့အတွက်ပဲ ။ချစ်ကြိုက်ကြတာ လေးနှစ်ရှိနေပြီလေ။ အခုအချိန်ထိ Proposal မလုပ်သေးဘူး။ လက်ထပ်ခွင့်မတောင်းသေးဘူး။အဲဒီတော့ စိတ်တိုချင်စရာကြီးပေါ့။ အလုပ်ကို ပဲ တစ်ချိန်လုံးအာရုံစိုက်နေသူကြီးကို သူကပဲ စပြီး လက်ထပ်ဖို့ ကမ်းလှမ်းလိုက်တော့မယ်။ဒါပေမယ့် ဒီနိုင်ငံရဲ့ ထူးခြားပြီး မိန်းကလေးတွေ ရဲ့ အခွင့်အရေးဖြစ်ပြီး ငြင်းပယ်ရခက်၊ရိုမက်တစ်လည်းဆန်အောင် ရက်ထပ်ရက် ဖြစ်တဲ့ ဖေဖော်ဝါရီ ၂၉မှာ ဆောင်ရွက်ဖို့ ‌လျှို့ဝှက် အစီအစဉ်ရေးဆွဲထားပါတယ်။ ◾ လေမုန်တိုင်းကြောင့် လေယာဉ် အရေးပေါ် ပြောင်းလည်း ဆင်းသက်ရပီး ဝေလ(Wales) ပြည်ကို ရောက်သွားရပါတယ်။ အဲဒီကနေ ဘုတ်ငှားပြီး ဒန်ဂယ်လို့ခေါ်တဲ့ တံငါရွာ တစ်ရွာကို ရောက်သွားပါတော့တယ်။အခက်အခဲတွေ ကြုံရတယ်။ ခရီးသွားလုပ်ငန်းတစ်ခုက ကားနဲ့ ဒပ်ဗလင်ကို မောင်းပို့ပေးဖို့ စတာလင်ပေါင် ၅၀၀ နဲ့ သဘောတူခဲ့တယ်။ သူက ပို့ချင်တာမဟုတ်ဘဲ ကောင်မလေးက အတင်းအကြပ် သဘော တောင်းဆိုခဲ့တာဖြစ်ပါတယ်။ကောင်မလေး ဒပ်ဗလင်ထိရောက်ဖို့ ကောင်လေးမှာတာဝန်ရှိသွားပြီ။ ◾ လမ်းမှာ နွားအုပ်ကြီးနဲ့တွေ့တယ်။ကားက သွားမရတော့ဘူး။ နွားတွေက ပိတ်ဆို့နေတယ်။ ကောင်မလေးက ဆင်းမောင်းတယ်။ အကောင်းစားဖိနပ်မှာ နွားချေးတွေပေတယ်။ ကားပျက်တော့ တွန်းရင်း ကောင်လေးမောင်းလာတဲ့ကားလည်း ‌စမ်းချောင်းရေထဲထိုးကျသွားတယ်။ကောင်လေးစိတ်ညစ်သွားတယ်။ ခရီးဆောင်အိတ်တွေ ဆွဲပြီး လမ်း‌ေလျာက်ထွက်လာတယ်။မြို့ကြီးသူ၊ ကိန်းခန်းကြီးပြီး စမတ်ကျကျနဲ့ လှချင်နေတဲ့ ‌မိန်းကလေးနဲ့ ရိုးရိုးရှင်းရှင်း ကျေးလက်က လူငယ်တစ်ယောက်တို့ရဲ့ ခရီးလမ်း အဆင်မပြေမှုတွေကိုလည်း ရယ်စရာလေးတွေ အဖြစ် မြင်တွေ့ရပါတယ်။‌ ကောင်မလေးက ဇီဇာကြောင်သလောက်၊စိတ်မြန်သလောက် ကောင်လေးက အေးအေးဆေးဆေး၊မ ထုံ တက်တေး။လမ်းမှာ လမ်းကြုံအဖြစ် ဗင်ကားတစ်စီး ကို တားပြီး အကူအညီတောင်းတယ်။ကောင်လေးက အဲလူတွေ မယုံရဘူးလို့ ကျိတ်ပြောပြီး တားဆီးသေးတယ်။ မရဘူး။အိတ်တွေ တင်အပြီး လူတွေ မတက်ရသေးခင်မှာ ကားက ထွက်ပြေးမောင်းသွားတယ်။ အိတ်တွေ အလုခံလိုက်ရ‌ေတာ့ ကောင်မလေး အတော်စိတ်ညစ်သွားတယ်။ဒါပေမယ့် လမ်း ဘေးအရက်ဆိုင် တစ်ဆိုင်မှာ လူဆိုးတွေဆီကနေ ရအောင် ရဲရဲဝံ့ဝံ့တိုက်ခိုက်ပြီး ပြန်လုပ်ပေးရှာပါတယ်။ ◾ သူတို့ရထားနဲ့ ဆက်သွားဖို့ ရထားအလာကိုစောင့်ကြပါတယ်။ အချိန်က လိုသေးတာကြောင့် အနီးအနားတောင်ကုန်းပေါ်က ရှေးဟောင်းဘုရားကျောင်း ကိုတက်ကြည့်ကြပါတယ်။ အဲဒီမှာ ဒဏ္ဍာရီလာ ဇာတ်လမ်းတစ်ပုဒ်၊ဒဿနတစ်ပုဒ်ကို ကောင်လေးကပြောပြပါတယ်။ အသက်ကြီးတဲ့ ယောက်ကျားတစ်ယောက်ကိုလက်ထပ်ထားတဲ့ မချစ်မနှစ်သက်ပဲနေရတဲ့ ရှေးခေတ်ကကောင်မလေး အကြောင်းပါ။ မီးလောင်တဲ့ အချိန်မှာ စက္ကန့်၆၀လောက် ရတဲ့ အချိန်အတွင်းမှာ လူတွေ ဘာလုပ်ကြသလဲဆိုတဲ့ ဒဿန လည်း ပြောပြဖြစ်ပါတယ် ။‌ ကုန်းမြင့်ပေါ်ကရှေးဘုရားကျောင်း ရဲ့ ဇာတ်ဝင်ရှုခင်းတွေက အတော်ကြည့်ကောင်းပါတယ်။ ရုတ်တရက် မိုးတွေ ရွာချပြီး တောင်ကုန်းက ပြေးအဆင်းမှာ ဒလိမ့်ခေါက်ကွေး ကျပြီး ရွှံ့တွေ ဗွက်တွေ အလူးလူးနဲ့ ဖြစ်ရပါတယ်။ရထားနဲ့လည်း လွဲသွားခဲ့ရပြန်တယ်။ ◾ တည်းခိုခန်းကလည်း အခက်အခဲ ရှိ၊ရှေးရိုးစွဲ ကွန်ဆာဗေးတစ် လူတွေလည်း အများစု နေထိုင်ကြတဲ့ ဒေသမို့ တည်းရေးခိုရေး အတွက် အဆင်မပြေလှဘူး။ သူတို့ဟာ လင်မယား ယောင်ဟန်ဆောင်ပြိး တည်းခိုခဲ့ကြရပါသေးတယ်။ကောင်မလေး ကြောင့် ရှောခ် ဖြစ်မီးပျက်သွားတော့ ကောင်လေး ချက်တာ ပြုတ်တာတွေကို စားလိုက်ရတယ်။ ကောင်လေးက စာဖိုမှုး တစ်ယောက်လည်းဖြစ်တယ် လေ။ အဲဒီညက ဒေသခံ မိသားစုရဲ့ မိတ် ဆုံစားပွဲလေး တက်ဖြစ်ကြတယ်။ အယအစာ မစားခင် လင်မယားချင်း စုံတွဲ လိုက် အကြင်နာ ပေးတော့ သုတို့လည်း အတော် အကြပ်တွေ့ပြီး လိုက်လုပ်လိုက်ရပါတယ်။အဲဒီညက သူတို့ဟာ ကုတင်တစ်လုံးထဲပေါ်မှာ ကန့်ပြီးအိပ်ခဲ့ကြရတယ်။ သူတို့ဟာ တစ်ခုခုကို ခံစားခဲ့ကြရတာ ကိုယ်စီ သိပေမယ့် ဘယ်သူကမှ ဝန်မခံခဲ့ကြပါဘူး။ သန့်သန့်ရှင်းရှင်းပဲ ဆက်ဆံကြတယ်ဆိုပါတော့။ ◾ သူ့သူငယ်ချင်းမင်္ဂလာဆောင်ပွဲ ကိုတက်ဖြစ်တယ်။ ဝိုင်တွေ သောက်လိုက်တာ များသွားတယ်။ အဲဒီည က လူတွေ ကကြ ခုန်ကြ၊သောက်ကြစားကြ ပေါ့။ ကောင်မလေး အန်တယ် ။အမူးလွန်တယ်။မူးမူးနဲ့ ကောင်လေးကို ရစ်တယ်။ ကောင်လေးက အပြစ်မပြောဘူး။သည်းခံရှာတယ်။ အမှားမလုပ်မိအောင်ကူညီ ထိန်းပေးတယ် ။ ◾အဲဒီည က ပွဲ ပြီးတော့ သူ့ရည်းစားဆီ သွားမယ့် ကားစောင့်ရင်းအပြင်ဘက်ခုံတန်းလျားမှာ နှစ်ယောက်ထိုင်စောင့်ရင်း အိပ်ပျော်သွားတယ်။ ကောင်လေးရဲ့ ပေါင်ပေါ်မှာ အိပ်ပျော်သွားတယ်။ ကောင်လေးက ဘာအခွင့်အရေးမှ မယူဘူး။ မိုးလင်းသွားတယ်။ နိုးတော့ ကောင်လေးမရှိတော့ဘူး။ သူတစ်ယောက်ပဲ ကျန်တော့တယ်။ ရင်ထဲ ဟာတာတာ လိုဖြစ်သွားတယ်။ သူသိပ်ဆိုးသွားမိတာလား။ သူ့ကို စိတ်ပျက်သွားတာလား။ အခုတော့ ကားမှတ်တိုင်မှာ တစ်ယောက်တည်း။ သူမရှိမှ လွမ်းသလိုလိုခံစားရတယ်။ သူ့ကို ဖြူစင်စွာ စောင့်ရှောက်ပေးခဲ့တဲ့ လူငယ်ကို သတိယနေမိတယ်။ နောက်ကနေ လှမ်းနုတ်ဆက်တယ်။ ကောင်လေးပြန်လာပြီ။ လက်ထဲမှာ ပူပူနွေးနွေး ချောကလက် ကော်ဖီ နှစ်ခွက်ကိုင်ထားတယ်။ မင်း ဆာ‌ နေမှာစိုးလို့ သွားဝယ်တာ လို့ပြောတယ်။ ကောင်မလေး ပျော်သွားတယ်။ သူ့အထင်နဲ့သူ အတွေးချော်နေမိတာကိုလည်း ရှက်မိတယ်။ ◾ အတိုချုပ်လိုက်ရအောင်။ ကောင်မလေး ရည်းစား ရှိတဲ့ ဟိုတယ်ကို ရောက်သွားကြပြီ။သုံးပွင့်ဆိုင် တွေ့ကြတယ်။ ကောင်မလေးက သူ့ရည်းစားကိုမိတ်ဆက်ပေးတယ်။ ဒါ ဒီမြို့က သူ့ကို ကူညီ ခဲ့တဲ့ သူပါပေါ့။ သူ့ရည်းစားက အလုပ်အကိုင်ကောင်းတယ်။ ခန့်တယ်။ အလုပ်ကို အလေးနက်ထားတယ်။ ငွေရေးကြေးရေး အဆင်ပြေတယ်။ ဘာမဆို တိတိကျကျ လုပ်တယ်။ ထက်မြက်တယ်။ နေတာထိုင်တာ သပ်ရပ်တယ်။ အခု သူ့ရည်းစားက ကောင်လေးကို အလုပ်ဘာလုပ်လဲလို့ဆိုပြီး မေးတယ်။ ကောင်မလေးက မမေးဖို့ နဲ့ မကြိုက်ကြောင်းအမူအယာပြတယ်။ သိမ်ငယ်သွားမှာစိုးတဲ့ သဘောပါ။ ကောင်လေးက ပြန်ဖြေတယ်။ သူက အကြော်ဆရာပါ။စားဖိုမှုးပါပေါ့။ နုတ်ဆက်နေကြရင်းနဲ့ ပြောပြောဆိုဆို စပရိုက် လုပ်လိုက်တယ်။ ‌သူ့ရည်းစားက ရုတ်တရက် ထိုင်ချလိုက်ပြီး Will you marry me လို့ ပြောလိုက်တယ်။ဟော်တယ်ရဲ့ လော်ဘီ အခန်းမှာကိုပဲ စပရိုက် လုပ်ချလိုက်တယ်။ ကောင်မလေး အရမ်း အံ့အားသင့်သွားတယ်။ ဝမ်းလည်းသာ သွားတယ်။ ဖြတ်ကနဲ သတိယလို့ ကောင်လေးကို ကြည့်တော့ မရှိတော့ဘူး။ အခန်းအပြင်ဘက် မှာ တံခါးကို ကျောခိုင်းပြီး ရှောင်ပေးတာ တွေ့လိုက်ရတယ်။ ကောင်မလေး လက်ခံလိုက်တယ်။ ◾ ဒါပေမယ့် နောက်ရက်မှာ ကောင်မလေး ဝေဒနာ စပြီ။ ဘော်စတွန်ကို ပြန်လာခဲ့ရပေမယ့် စိတ်က မတင်မကျဖြစ်နေတယ်။ သုကောင် လေးကို အခုထိ ဘာလို့ သတိယနေသေးတာလဲပေါ့။ ခရီးသွားဟန်လွဲ တွေ့ခဲ့ကြတာပဲလေ။ စသဖြင့် စိတ်တင်းထားပေမယ့်မရဘူး။ စေ့စပ်မယ့်နေရောက်ပီ။ ကောင်မလေး စက္ကန့် ခြောက်ဆယ် သဘောတရားကို စမ်းသပ်လိုက်တယ်။ မီးလောင်တဲ့ အချက် ပေးခေါင်းလောင်းကို နိုပ်လိုက်ပြီး သူ့ရည်းစားဘာလုပ်မလဲစောင့်ကြည့်တယ်။ သူ့ရည်းစားက သူမြတ်နိုးတဲ့ နာရီ၊ဖုန်း၊တက်ပလက်၊လက်ပ်တော့ကွန်ပျူတာ တွေကိုပဲ သိမ်းနေတာ မြင်လိုက်ရတယ်။ သူ့ကို သတိမရဘူး။ ကောင်မလေးဆုံးဖြတ်လိုက်တယ်။ ငွေတွေ ရှိပေမယ့်၊တိုက်တာတွေနဲ့ နေနေရပေမယ့် ငါ့ဘဝက ဘာမှ မထူးဘူး။ သူလိုချင်တဲ့ အရာတွေ သူ့ဆီမှာ မရှိဘူးဆိုတာ သိလိုက်ရတယ်။ ဟုတ်ပြီ ဒါဆိုရင် ဘယ်သူ့ဆီမှာရှိလဲ ။ ◾ ကောင်မလေး ဘော်စတွန်ကနေ ကောင်လေးရှိရာ ဒန်ဂယ်ကို ထွက်လာခဲ့ပါတယ်။ ကောင်လေးက အကြော်ဆရာ လုပ်နေတယ်။ ကောင်လေး ရဲ့ ဆိုင်ကို လာပြီး ဟင်းလျာတစ်ပွဲမှာစားလိုက်တယ်။ ပြီးတော့ မကောင်းဘူး ပြင်ပေးပါဆိုပြီး ဝိတ်တာက တစ်ဆင့် အကြော်ဆရာကို သတင်းပါးခိုင်းတယ်။ အကြော်ဆရာ ထွက်လာတယ်။ ဟင်းပွဲကို ကိုင်ပြီး ဘယ်သူပြင်ခိုင်းတာပါလဲ လို့ စားသောက်သူတွေ ကြားထဲ ကို ဟိုဟိုဒီဒီ ရှာဖွေရင်း မေးလိုက်တယ်။ “Me” ကျွန်မပါပဲ လို့ ဆိုပြီး ကောင်မလေး ထလာတယ်။ သူ့ဆီတစ်လှမ်းချင်းလျောက်လာတယ်။ ကောင်လေးက တစ်ခွန်း ရေရွတ်တယ်။” What the hell are you doing here ” မင်းဒီကို ဘာလာလုပ်တာလဲ တဲ့။ ခပ်မာမာ လေသံမျိုးဖြစ်နေတယ်။ လူတွေ ဟာ တစ်ခါတစ်လေမှာ သူမြတ်နိုးတာ တစ်ခုခု ကို ဆုံးရှုံးခံခဲ့ရဖူးတဲ့ အခါ၊လက်လွတ်လိုက်ရတဲ့ အခါ နှလုံးသားတွေ မက လေသံတွေပါ မာကြောသွားတတ်ကြတာမျိုးလည်းရှိတယ်လေ။ ◾ ကောင်မလေးက သူပြန်လာတာဖြစ်ကြောင်း၊ စက္ကန့်ခြောက်ဆယ် စမ်းသပ်မှုမှာ သူအဖြေကိုသိသွားပြီဖြစ်ကြောင်း၊ သူ့ရည်းစားကို အဆက်ဖြတ်ခဲ့ပြီး သူနဲ့ လက်တွဲဖို့အကြောင်း ၊ သဘာဝပါတ်ဝန်းကျင်ဆိုင်ရာ ထိမ်းသိမ်းရေး သူလည်းပါဝင်လုပ်ဆောင်ကူညီလိုတဲ့အကြောင်း ၊သူနဲ့ လက်တွဲ လိုတဲ့အကြောင်းတွေ ပြောပြလိုက်တယ်။ ကောင်မလေးမျက် လုံးတွေက အရောင်တလက်လက်တောက်နေတာတွေ့ရတယ်။ဇာတ်ကားတစ်ခုလုံးမှာ အဲဒီ အခန်းမှာ မျက်ဝန်းက အရည်အလဲ့ဆုံးပါပဲ။ဒါ‌ ပေမယ့်ကောင်လေး လက်မခံခဲ့ဘူး။ မယုံကြည်တဲ့ပုံစံ ပြုံးပြီး နဲ့ လှည့်ထွက်သွားတယ်။ ကောင်မလေး ဂွမ်းပြီပေါ့။ စားသောက်ဆိုင်ထဲက ပြေးထွက်တယ်။ ပင်လယ်ကမ်းစပ်က ချောက်ကမ်းပါးစွန်းကို တစ်ယောက်တည်းထွက်ပြေးလာခဲ့ပြီး ချောက် ထိပ်မှာ ရပ်ပြီး ပင်လယ်ကြီးကို ကြည့်နေတယ်။ မျက်ရည်တွေက စီးကျလျက်ပေါ့။ သူ့ဘဝဟာ အဓိပ္ပါယ်မရှိတော့သလို ခံစားလိုက်ကတယ်။ ◾ သိပ်မကြာခင်မှာပဲ လူ‌တစ်ယောက် က သူ့ကို နောက်ကနေ လှမ်းခေါ်နုတ်ဆက် တယ်။ လှည့်ကြည့်တော့ ကောင်လေးဖြစ်နေတယ်။ ကျွန်မကို ဘာလို့ငြင်းပယ်လိုက်တာလဲ လို့ မေးတော့ ဘယ်မှာငြင်းလို့လဲတဲ့။ရှင်ထွက်သွားတယ်လေဆိုတော့ သူ့မှာ အစီအစဉ်ရှိလို့ပါ၊လက်စွပ်သွားယူတာပါ ဆိုပြီး ကောင်လေးက ဒူးထောက်ထိုင်ချလိုက်တယ်။Will you marry me ?လို့ ပရိုပိုဆယ် လုပ်တယ်။ လက်ထပ်ခွင့်တောင်းတယ်။ ကောင်မလေး ပျော်ရပြီလေ။ သူအလွန်ချစ်တဲ့၊သူ့ကိုပဲ သတိယနေမိတဲ့၊သူလိုချင်တဲ့ အရာတွေ အကုန်ရှိနေတဲ့ ကောင်လေး သူ့ကို ပစ်မထားပဲ လက်ထပ်ခွင့်လာတောင်းနေပြီလေ။ ◾ ဇာတ်သိမ်းက ပျော်စရာ ကြီးပေါ့။ ရိုက်ချက်လေးတွေ လည်း အတော်လှပါတယ်။ လူငယ်ဆန်ဆန် သရုပ်ဆောင်ချက်လေးတွေ က သဘာဝ ကျပြီးပီပြင်ပါတယ်။ ကောင်လေးကလည်း ပုသိုင်းမွေးနဲ့ ဆိုပေမယ့် အရပ်ရှည်ပြီး ကြင်နာတတ်တဲ့ မျက်လုံးရှိတယ်။ ကောင်မလေးနေရာက သရုပ်ဆောင်တဲ့ Amy Adams မျက်လုံး ကတော့ ပြောစရာတောင်မလိုတော့ဘူးထင်ပါတယ်။ ◾ ကျွန်တော် ထည့်မရေးမိတဲ့အထဲမှာ ကောင်လေးက စေ့စပ်ထားဖူးတယ်။သူ့ရည်းစားက နောက်ယောက်ကျားယူသွားပြီး လက်ထပ်မယ့်အစီအစဉ် ပျက်သွားလို့ သူ့လက်ထပ်လက်စွပ်ကို ပြန်တောင်းတယ်။ သူ့အမေ ရဲ့ အမွေ လေ။ ဒီလက်စွပ် ရ ရင် ရောင်းပြီး ဒန်ဂယ်မြို့ရဲ့ လိုအပ်နေတဲ့ သဘာဝ ပါတ်ဝန်းကျင် ထိန်းသိမ်းရေးတွေမှာ လှူဒါန်းမယ်လို့ပြောတာတွေ ပါတယ်။ ကျွန်တော် အင်္ဂလိပ်စာ အားနည်းလို့ ဘာသာပြန်တဲ့အခါ အမှားအယွင်းလေးတွေ ရှိခဲ့ရင်လည်း နားလည်ပေးစေချင်ပါတယ်။ ဇာတ်လမ်းတစ်ခုလုံးကို တစ်ခါတည်းကြည့်ပီး မှမိသလောက်ပြန်ရေးရတဲ့အတွက် လွဲ နေတာ တွေ့ရင်လည်း ထောက်ပြပေးပါ။ ◾ဒီဇတ်ကားနဲ့ ပါတ်သက်လို့ ရုံတင်တဲ့ အခါ ဒေသခံတွေ ထဲက မလိုလားသူတွေက ပြင်းထန်စွာ ကန့်ကွက်ခဲ့ကြသေးကြောင်းသိရပါတယ်။ ဒါပေမယ့်လည်း အကောင်းမြင်စိတ်နဲ့ နားလည်ပေးတဲ့သူက ပိုများတယ်၊ပိုအားပေးကြတယ်လို့သိရပါတယ်။ အနောက်နိုင်ငံတွေကတော့ သိပ်ပြသနာမရှိလှပေမယ့် အာရှ နိုင်ငံတွေ အတွက်တော့ ပြောစရာ တွေ၊အမြင်မတူတာတွေတော့ ရှိလာမယ်ထင်ပါတယ်။ ◾ မိတ်ဆွေရော? အငြင်းပွားစရာ ဒီလိုယဉ်ကျေးမှုတွေနဲ့ ချစ်စရာ လူငယ်သဘာဝတွေကြား ဘယ်လို မြင်မိပါသလဲ။ဒီဇာတ်ကားလေး အပေါ်မှာ ပြောစရာ တစ်ခုခု ရှိခဲ့ရင် အောက်မှာ ရေးပေးခဲ့စေချင်ပါတယ်။ (ရုပ်ရှင်အညွှန်းကို Ye Hut Khoung Wordpress မှ ကူးယူဖော်ပြပါသည်။) File size…(1.9 GB)/(970 MB) Quality….BluRay 1080p /720p Format…mp4 Duration….01:40:03 Subtitle….Myanmar Subtitle(Hardsub) Encoder….Ka Naung Translated by Poe Thinzar Kyaw

ဒါရိုက်တာ ဇက်စနိုင်ဒါရဲ့ စူပါဟီးရိုးလက်ရာတွေထဲက တစ်ခုဖြစ်တဲ့ Watchmen ကို ဘာသာပြန်၊ ကွာလတီ အကုန်စိတ်ကြိုက်ပြင်ပြီး ပြန်တင်ပေးထားပါပြီ။ Watchmen ဟာ Version ၃ မျိုးရှိပြီး ခုတင်ဆက်လိုက်တဲ့ Ultimate Cut ကတော့ အရှည်ဆုံး Cut ဖြစ်တဲ့ ၃ နာရီ ၃၅ မိနစ်ကျော်ကြာမြင့်တဲ့ Version ဖြစ်တာမလို့ အပြည့်စုံဆုံး Version ပါပဲ။ Watchmen ရုပ်ရှင်ဟာ နောက်ပိုင်း မာဗယ်နဲ့ဒီစီနှစ်ခုလုံးမှာထွက်နေတဲ့ပေါ့ပေါ့ပါးပါးနဲ့ ဘဝအမောပြေစေတဲ့ကားမျိုးမဟုတ်လို့ စူပါဟီးရိုးရုပ်ရှင် မှောင်မှောင်လေးကြိုက်သူတွေကြည့်သင့်ပါတယ်။ Watchmen ဆိုတဲ့နာမည်ဟာ ရောမစာရေးဆရာ ဂျဗီနယ် ၁ ရာစုလောက်မှာ ရေးသားခဲ့တဲ့ နာမည်ကြီး လက်တင်ကဗျာထဲကနေ ဆင်းသက်လာတာပါ။ noui consilia et ueteres quaecumque monetis amici, "pone seram, cohibe". sed quis custodiet ipsos custodes ငါ့မိတ်ဆွေတွေ အမြဲပြောနေတဲ့ စည်းကမ်းထိန်းသိမ်းရေး၊ မိန်းမတွေကို စည်းကမ်းတင်းကြပ်ထားဆိုတာ၊ ဒီကင်းသမားတွေကို ဘယ်သူကင်းပြန်စောင့်မလဲ ဆိုတဲ့ ကဗျာပါ။ ရောမခေတ်ရဲ့ အမျိုးသမီးဖိနှိပ်မှုတွေကိုထောက်ပြထားတာဖြစ်ပြီး အာဏာပိုင်တွေကို ဘယ်သူက ထိန်းကျောင်းမလဲဆိုပြီး မေးခွန်းထုတ်ခဲ့တာပါ။ ဇာတ်လမ်းအကျဉ်း ဒီရုပ်ရှင်ကိုတော့ အခြားအပြိုင်စကြဝဠာတစ်ခုမှာ ဇာတ်အိမ်တည်ထားတာပဲဖြစ်ပါတယ်။ အဲဒီစကြဝဠာမှာ ဒေါက်တာမန်ဟက်တန်ရဲ့ အကူအညီနဲ့ အမေရိကန်တွေ ဗီယက်နမ်မှာ စစ်နိုင်ခဲ့ပြီး အမေရိကန်ပြည်နယ် ၅၁ ခုဖြစ်သွားတာမို့ ရုပ်ရှင်ထဲက အမေရိကန်အလံတိုင်းမှာကြယ် ၅၁ လုံးပါဝင်နေတာကို တွေ့ပါလိမ့်မယ်။ အပြင်လောက အလံအစစ်က ပြည်နယ် ၅၀ ကိုကိုယ်စားပြုတဲ့ ကြယ် ၅၀ ပဲ ပါဝင်တာပါ။ Watchmen စူပါဟီးရိုးအဖွဲ့က ရဲတွေကနေ အစပြုတာပါပဲ။ ရဲအချို့ဟာ သူတို့ဖမ်းသမျှလူဆိုးတိုင်း ပြန်ပြန်လွတ်လာကြတာကို သည်းမခံနိုင်တော့တဲ့အတွက် မျက်နှာဖုံးတွေစွပ်ပြီး ဥပဒေပြင်ပ ရာဇဝတ်တိုက်ဖျက်ရေး ဗီဂျလန်တီတွေအဖြစ် လုပ်ဆောင်လာကြပါတယ်။ အဲဒီကနေမှ 1939 လောက်မှာ မျက်နှာဖုံးစွပ် ဝက်ချ်မန်းအဖွဲ့စတင်ခဲ့တာပါ။ အစပိုင်းမှာ အလုပ်ဖြစ်ခဲ့သလို ပြည်သူတွေက ထောက်ခံခဲ့ပေမဲ့ ၁၉၇၇ မှာ မျက်နှာဖုံးစွပ်ဗီဂျလန်တီတွေကို တရားမဝင်ကြေညာတဲ့ဥပဒေထွက်ပေါ်လာပြီး ဝက်ချ်မန်းအဖွဲ့အနားယူသွားခဲ့ပါတယ်။ တရားမဝင်ကြေညာထားတာကို ဂရုမစိုက်ဘဲ ဝရမ်းပြေးအဖြစ် ဆက်လုပ်နေတဲ့သူကတော့ ရော်ရှက်တစ်ယောက်ပဲ ကျန်ပါတော့တယ်။ ဇာတ်လမ်းစတင်ချိန်ကတော့ ၁၉၈၅ ဝန်းကျင် စစ်အေးတိုက်ပွဲ အရှိန်အမြင့်ဆုံးအချိန်၊ အမေရိကန်နဲ့ဆိုဗီယက် အဏုမြူစစ်ကြောင့် ကမ္ဘာကြီးပျက်စီးလုနီးနီးကာလမှာပါ။ အနားယူသွားတဲ့ ဝက်ချ်မန်းအဖွဲ့ထဲက ကော်မီဒီယံ(ဟာသသမား)ဆိုတဲ့သူ အသတ်ခံရပြီးနောက်မှာ ရော်ရှက်က မျက်နှာဖုံးစွပ်ဗီဂျလန်တီတွေကိုပစ်မှတ်ထားပြီး လုပ်ကြံတဲ့သူရှိနေပြီလို့ သံသယရှိတဲ့အတွက် လိုက်စုံစမ်းလာခဲ့ပါတယ်။ အဲဒီကမှ ဝက်ချ်မန်းအဖွဲ့ထဲက ကမ္ဘာ့ဉာဏ်အကောင်းဆုံးလူသားဆိုတဲ့ အိုဇီမန်းဒီးရက်အပြင် နိုက်အောင်း၊ ဒေါက်တာမန်ဟက်တန်တို့ပါ ပတ်သက်လာပြီး ဝက်ချ်မန်းတွေလုပ်ကြံခံနေရတဲ့နောက်ကွယ်က အကြီးဆုံးအန္တရာယ်ကြီးတွေကို တွေ့ရှိလာပါတော့တယ်။ File size…  10 GB /  3.7  GB /  1.4 GB Quality… BluRay Ultimate Cut Version 4K / 1080p / 720p Format… mp4 Duration…. 3h 35m Genre ..... Action/Sci-fi Subtitle…. Myanmar Subtitle (Hard Sub)

The Lookout(2007)အညွှန်း IMDb....7.0 Rotten tomatoes....87% Chrisဟာ ယာဉ်တိုက်မှုတစ်ခုကြောင့် ဆယ်ရက်လောက် ကိုမာဝင်ခဲ့ပြီး အတိတ်မေ့ရောဂါရခဲ့ပါတယ်.... ဒီယာဉ်တိုက်မှုရဲ့အဓိက တရားခံဟာ သူကိုယ်တိုင်ဖြစ်ပြီး ကားပေါ်ပါတဲ့သူငယ်ချင်းတွေဆုံးပါးခဲ့တဲ့အတွက် ယူကြုံးမရဖြစ်ပြီး သူ့အမှားဆိုတဲ့ စိတ်ကြီးနဲ့ပဲ အပြစ်တင်ရင်းနေလာခဲ့တယ်.... သူရဲ့တစ်နေ့တာလုပ်ငန်းစဉ်ကိုတောင် မမှတ်မိနိုင်တဲ့ Chrisအတွက် ဘဝမှာ အဆင်မပြေမှုတွေ များခဲ့တယ်...ဘဏ်တစ်ခုမှာသန့်ရှင်းရေးလုပ်ရင်း တစ်နေ့တာကို ခက်ခဲလေလွင့်စွာဖြတ်သန်းနေရတယ်...တစ်နေ့တော့ အကြီးစားဘဏ်ဖောက်မှုကျူးလွန်တဲ့သူတွေဟာ အမာခံတစ်ယောက်ရအောင် သူ့ကိုချဉ်းကပ်လာပြီး ဘဏ်ဖောက်ဖို့ စည်းရုံးသိမ်းသွင်းလာတဲ့အခါမှာတော့.... ဘဏ်ဓားပြကားတွေကြိုက်တဲ့သူတွေအဖို့ လက်မလွှတ်သင့်ပါကြောင်း... ဇာတ်လမ်းအညွှန်းနဲ့ဘာသာပြန်သူကတော့ Khine Khine Wai ပဲဖြစ်ပါတယ်... File Size : 3.12GB / 660MB Quality : Blu-Ray 1080p 5.1 CH/ Blu-Ray 720p Format…mp4 Duration…01:39:00 Genre : Crime , Drama,Thriller Subtitle : Myanmar Subtitle (Hard Sub) Translated by Khine Khine Wai Encoded by Tiff

Imagine Me & You (2005) IMDb – 6.7/10 Genre - Comdey, Drama, Romance GOT စီးရီးမှာ ဆာဆီ လန်နစ္စတာ အဖြစ်သရုပ်ဆောင်ခဲ့တဲ့ မင်းသမီး Lena Headey၊ Watchmen နဲ့ The Imitation Game မင်းသား Matthew Goode နဲ့ မင်းသမီး Piper Perabo တို့ ပါဝင်သရုပ်ဆောင်ထားတဲ့ အချစ်ဟာသရုပ်ရှင်ကားလေးကိုတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ရေချယ်က သူနဲ့အချိန်ကြာတွဲနေတဲ့ ကောင်လေးဖြစ်သူ ဟက်တာနဲ့ လက်ထပ်တော့မှာပါ။ ဒါပေမဲ့ လက်ထပ်ပွဲနေ့မှာ ပန်းအလှဆင်ပေးတဲ့ လုစ်နဲ့ တွေ့မိသွားပြီးချစ်မိသွားခဲ့ပါတယ်။ လက်ထပ်ပွဲပြီးနောက်မှာလည်း လုစ်ကို ညစာလာစားဖို့ခေါ်ရင်း သူ့ရဲ့ခံစားချက်တွေက စစ်မှန်မှန်း ပိုသိသာလာခဲ့ပါတယ်။ ဒါပေမဲ့လည်း သူ့ရဲ့ ယောင်္ကျားဖြစ်သူ ဟက်တာကိုလည်း မထားခဲ့နိုင် ၊ သူ့ရဲ့ခံစားချက်တွေကိုလည်း ဖုံးကွယ်ထားရင်းနဲ့ အိမ်ထောင်ရေးမပြေလည်မှုတွေလည်း ဖြစ်လာပြီးနောက်မှာတော့ ရေချယ်တစ်ယောက် သူ့ရဲ့နှလုံးသားနောက်ကို လိုက်မလားဆိုတာ ဆက်လက်ကြည့်ရှုလိုက်ကြပါဦး။ File size…    2.3 GB /  957 MB Quality… WEB-DL 1080p / 720p Format… mp4 Duration…. 1h 30m Genre ..... Comedy/Drama/Romance Subtitle…. Myanmar Subtitle (Hard Sub) Encoder…. LegoHeart Translated by TMMT

IMDb Rating - 7.6/10 Directed by Woody Allen ဝူဒီအယ်လန်ကားဆို စောင်တလွဲလူ့ဘောင်ကြီးကို တစ်နည်းမဟုတ် တစ်နည်းနဲ့သရော်တတ်တဲ့ ရုပ်ရှင်တွေလို့ ‌ပြေးမြင်မိကြမှာပဲ။ သူ့ကားတွေဟာ ရိုမန့် ဒရာမာ ဟာသ စာရင်းဝင်ကားတွေများတယ်။ Match Point ကတော့ ကွဲလွဲတယ်ပြောရမှာမယ်။တခြားအယ်လန်ကားတွေက နာမည်ကြီးအနုပညာသမားတစ်ချို့ကို သိမှ သူသရော်တာကို နားလည်မှာတို့ ဘာတို့ ပါတတ်ပေမဲ့ ဒီရုပ်ရှင်ကတော့ ဒါမျိုးကင်းတယ်။ မသိရင် စုံထောက်ကားလိုလိုပါပဲ။ Genresအရ Romance/Dramaပေမဲ့ ကြည့်ပြီးတဲ့သူတွေက Psychological Thriller ကားလို့ ဆိုကြတယ်။သို့ပေမဲ့ သရော်တာလည်း မကင်းပါဘူး၊ ဟာသတစ်စက်မှ မနှောဘဲ သရော်သွားတာကလွဲလို့ပေါ့။ ဒီရုပ်ရှင်မှာတော့ သူ့ THEMEကတော့ ကံပါပဲ။ ကံကိုTHEME အဖြစ်သုံးပြီး စောင်တလွဲလောကကြီးရဲ့မတရားလှတဲ့ ကံကိုသရော်သွားခဲ့တယ်။ ဇာတ်လမ်းအစမှာ သူက ဒီလိုပြောထားတယ် " ကျုပ်မတော်ချင်ဘူး ကံပဲကောင်းချင်တယ်လို့ ပြောတဲ့သူက ဘဝကို ကောင်းကောင်းနားလည်တဲ့သူပဲ။ ဘဝရဲ့တစ်စိတ်တစ်ပိုင်းက ကံပေါ်အများကြီး မူတည်နေတယ်ဆိုတာကို လူတွေက လက်မခံဝံ့ကြဘူး။ တကယ်တမ်း ဘဝမှာ ကိုယ်မထိန်းချုပ်နိုင်တဲ့အရာတွေ များတယ်ဆိုတဲ့ အသိက ထိတ်လန့်စရာကောင်းတယ်။ တန်းနစ်ပွဲတစ်ပွဲမှာ ဘောလုံးက ကွင်းလယ်က ပိုက်ကွန်ရဲ့ အပေါ်တည့်တည့်ကိုရောက်သွားတဲ့ အခိုက်အတန့်တွေရှိတယ်။ စက္ကန့်ပိုင်းအတွင်းမှာပဲ အဲ့ဒီဘောလုံးက အရှေ့ကိုကျတာဖြစ်ဖြစ် အနောက်ကိုကျတာ ဖြစ်ဖြစ် ဖြစ်သွားနိုင်တယ်။ ကံလေးနည်းနည်းကောင်းရင်တော့ အရှေ့ကို ကျသွားမယ်။ အဲ့ဒီကျ ခင်ဗျားနိုင်ပြီ။ ကံဆိုးပြီး အနောက်ကိုပြန်ကျလာရင်တော့ ခင်ဗျား ရှုံးပြီ "တဲ့ Match Pointရဲ့ အဓိကဇာတ်ကောင်ကတော့ ပြောခဲ့တဲ့အတိုင်း ကံကောင်းဖို့က အဓိကလို့ ယုံထားတဲ့ ခရစ်ဆိုတဲ့ တန်းနစ်ကစားသမား။ နောက်ကျ နည်းပြလုပ်ရာက ဗြိတန်အထက်တန်းလွှာက လူတစ်ယောက်ကို သင်ပေးရင်း ကံကောင်းပြီး အဲ့ဒီအထက်တန်းလွှာ အသိုင်းအဝိုင်းကို ဝင်ခွင့်ရသွားပြီး သူ့ဘဝကိုတက်လမ်းကို ရှာခဲ့တဲ့သူပေါ့။ ဒုတိယဇာတ်ဆောင် စကားလက်ဂျိုဟန်ဆန်ရဲ့ ဇာတ်ကောင်ကတော့ မင်းသမီးဖြစ်ဖို့ကြိုးစားနေတဲ့ နိုလာဆိုတဲ့မိန်းမတစ်ယောက်။ သူ့ဇာတ်ကောင်ကတော့ ခရစ်နဲ့ကွဲလွဲတယ်။ ခရစ်က ကံက အဓိကလို့ယုံတဲ့ လက်တွေ့သမား။ နိုလာကတော့ မာနအတွက် သူ့အတွက်မဖြစ်နိုင်တဲ့ သရုပ်ဆောင်အလုပ်ကို ‌ကျောမခိုင်းနိုင်တဲ့ သူပေါ့။ သူတို့၂ယောက်လုံးက အထက်တန်းလွှာအသိုင်းအဝိုင်းက မောင်နှမနှစ်ယောက်နဲ့ ပက်သက်မိကြရာက သူတို့ချင်းလည်း ပက်သက်မိကြတယ်။ အယ်လန်က ဒီကာရိုက်တာ၂ယောက်ကို တစ်ယောက်ကို ကံကောင်းတဲ့ကာရိုက်တာ တစ်ယောက်ကို ကံဆိုးတဲ့ ကာရိုက်တာ အနေနဲ့ ပုံဖော်ပြီး ကံကောင်းခြင်းဆိုးခြင်းဟာ ဘဝမှာဘယ်လောက်အထိအရေးပါနေပြီး ကံပေါ်မှာ ကျွန်တော်တို့ ဘဝတွေ ပုံထားရတယ်ဆိုတာကို မြင်သာအောင်ကို ပြထားတယ်။ ကျွန်တော်တော့ ဒါကို သူ့သရော်မှုတစ်ခုလို့ပဲမြင်တယ်။ ပြောရရင် ဘဝမှာ ကံလေးကောင်းလို့ ဘဝပေးကောင်းလို့ ဖြစ်ဖြစ်မြောက်မြောက်ဖြစ်လာတာကို ဟုတ်လှပြီ ထင်တဲ့လူတစ်ချို့ကို သရော်ထားတဲ့သဘောပဲလို့ မြင်တယ်။ ဒီရုပ်ရှင်ဟာ တခြားအယ်လန်ကားတွေလိုပဲ ဇာတ်လမ်းဇာတ်ကွက်ရိုးရှင်းတယ်။ ကာရိုက်တာကို အဓိကထား ပုံဖော်ထားတယ်။ တခြားအယ်လန်ကားတွေနဲ့ ကွဲတာက တခြားအယ်လန်ကားတွေက လောကကိုအရွဲ့တိုက်ရယ်မောလိုက်တဲ့သရော်ကားမျိုးဆို Match Pointကတော့ လောကကို နာနာကျင်ကျင်နဲ့ကို သရော်လိုက်တဲ့ကားမျိုးလို့ ဆိုရမယ်။ ဒီလိုpsycho thriller ပုံစံပိုကြိုက်တဲ့သူ တစ်ချို့ကတော့ ဝူဒီအယ်လန်ထဲ သူတို့အကြိုက်ဆုံးကားလို့ဆိုကြတယ်။ သူ့အရွဲ့တိုက်သရော်တာတွေကိုပဲ ပိုသဘောကျမိတဲ့ ကျွန်တော့်အတွက်တော့ဒီကားကို တခြားကားတွေနဲ့ယှဉ်ရင် သိပ်ဘဝင်မကျမိဘူး။ သို့ပေမဲ့လည်း ကျွန်တော်ကြိုက်တဲ့ အယ်လန်ကားတွေထက်တောင် ဒီကားက ratingပိုကောင်းပါတယ်။ခုနလိုပိုကြိုက်ကြတဲ့သူတွေလည်း များမှာပါပဲ။ ဘာပြောပြောပါ ဇာတ်လမ်းပြီးခါနီးထိ အယ်လန်ဟာ သူ့သရော်ဟန်ကို သစ္စာဖောက်လိုက်တယ် ထင်ရခဲ့ပေမဲ့ အဆုံးမှာတော့ အယ်လန်ဟာ သူ့သရော်ဟန်ကို သစ္စာရှိခဲ့တာကို မျက်ဝါးထင်ထင်မြင်ရမှာပါပဲ။ ကိန်းရုပ်ရှင်ပွဲတော်မှာပြတုန်းကတော့ ဒီကားကို ဝေဖန်ရေးဆရာတွေက သမားရိုးကျ ဝူဒီအယ်လန်ရုပ်ရှင်တစ်ကားမဟုတ်ဘူးလို့တောင် ဝေဖန်ခဲ့ကြပါသေးတယ်။ သရုပ်ဆောင်တွေအနေနဲ့ ဗြိတိသျှသရုပ်ဆောင်တွေချည်း သုံးထားပြီ ညှို့ဓာတ်ပြင်းတဲ့ အမေရိကန်သရုပ်ဆောင် စကားလက်ဂျိုဟန်ဆန်ကတော့ ညှို့ဓာတ်ပြင်းတဲ့ အမေရိကန်သရုပ်ဆောင်အနေနဲ့ပဲ ပြန်သရုပ်ဆောင်ထားခဲ့တယ်။ သူရဲ့ခပ်ဟော့ဟော့အခန်းတွေကိုလည်း မြင်ကြရမှာပါ။ အော်စကာဆုပေးပွဲမှာလည်း ဒီကားအတွက် ဇာတ်ညွှန်းကိုယ်တိုင်ရေးထားတဲ့ ဝူဒီအယ်လန်ဟာ ဇာတ်ညွှန်းဆုအတွက် ဆန်ခါတင်ဝင်ခဲ့ပြီး တခြားပွဲတွေမှာလည်း ဇာတ်ညွှန်းဆုတွေ အကုန်ဆန်ခါတင်ဝင်ခဲ့ပါတယ်။ ( အညွှန်းရေးသားထားသူကတော့ WiRa Aung ပါ ) File Size__2.1 GB , 1.1 GB Quality__1080p , 720p IMDb Rating__7.6/10 Format__mp4 Duration__02:04:00 Type__Drama , Romance , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt