Method Man ပါဝင်သော ဇာတ်ကားများ

Relationship Goals (2026) ဒီကားက ၂၀၂၆ ခုနှစ်၊ ဖေဖော်ဝါရီလ ၄ ရက်နေ့ကမှ ထွက်ထားတဲ့ အသစ်စက်စက် Rom-Com ကားလေးပါ။ မင်းသမီး Kelly Rowland နဲ့ မင်းသား Method Man တို့ ခေါင်းဆောင်ပါဝင်ထားပါတယ်။ ဇာတ်လမ်းကတော့... Leah ဆိုတဲ့ တီဗီအစီအစဉ် ထုတ်လုပ်သူ အမျိုးသမီးက သူ့အလုပ်မှာ ရာထူးတိုးဖို့၊ နယူးယောက်ရဲ့ ထိပ်တန်း မနက်ခင်းအစီအစဉ်ကို ဦးစီးခွင့်ရဖို့ ကြိုးစားနေတာပါ။ ပြဿနာက သူ ရာထူးရဖို့အရေး ကြိုးပမ်းနေတဲ့အချိန်မှာ သူ့ရည်းစားဟောင်း Jarrett ကလည်း အဲဒီနေရာကိုပဲ လာပြိုင်တာပါပဲ။ Jarrett ကတော့ သူအရင်လို မဟုတ်တော့ဘူး၊ "Relationship Goals" ဆိုတဲ့ စာအုပ်ကို ဖတ်ပြီး လူသစ်ဖြစ်နေပြီ၊ ပြောင်းလဲသွားပြီလို့ ဆိုပါတယ်။ Leah ကတော့ အချစ်ရေးထက် အလုပ်ကိုပဲ အာရုံစိုက်ချင်ပေမဲ့ ရည်းစားဟောင်းနဲ့ ပြိုင်ဘက်တွေဖြစ်၊ နီးစပ်လာတဲ့အခါမှာ သံယောဇဉ်ဟောင်းတွေ ပြန်ပေါ်လာမလားဆိုတာကို ကြည့်ရမှာပါ။ Workplace Rom-Com ကြိုက်တဲ့သူတွေ၊ အချစ်ဟောင်းနဲ့ ပြန်တွေ့တဲ့ Second Chance Romance မျိုး ကြိုက်တဲ့သူတွေအတွက် ပေါ့ပေါ့ပါးပါး ကြည့်လို့ကောင်းမယ့် ကားလေးဖြစ်ပါတယ်။ File size… (6 GB) / (2.3 GB) / (950 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy, Romance Duration…. 01:33:00 Subtitle…. Myanmar Subtitle (Hardsub)

Bad Shabbos (2025) IMDb Rating (6.5) / Rotten Tomatoes (83%) ဒီကားလေးကတော့ 2024 ကပဲထွက်ထားတဲ့ ဟာသကားလေးဖြစ်ပါတယ်။ ဇာတ်လမ်းအကျဉ်းကတော့ David (Jon Bass) နဲ့ Meg (Meghan Leathers) ဆိုတဲ့ စေ့စပ်ထားတဲ့ စုံတွဲတစ်တွဲရှိပါတယ်။ သူတို့က ဘာသာခြားတွေပေါ့။ Meg က ကက်သလစ်ကနေ ဂျူးဘာသာကို ကူးပြောင်းဖို့ စဉ်းစားနေတဲ့သူပါ။ သူတို့ရဲ့ မိဘနှစ်ဖက် ပထမဆုံး တွေ့ဆုံမယ့်ပွဲက David ရဲ့ ရိုးရာဓလေ့အတိုင်းလုပ်တဲ့ Shabbos ညစာစားပွဲလုပ်ကြတယ်ပေါ့။ အစကတော့ အေးအေးဆေးဆေး စားသောက်ကြမယ့် မိသားစုတွေ့ဆုံပွဲလေးပါပဲ။ ဒါပေမဲ့ ဒီပွဲကို David ရဲ့ ညီမ Abby (Milana Vayntrub) ရဲ့ ချစ်သူ Benjamin (Ashley Zukerman) ပါ တက်ရောက်လာတော့မှ ဇာတ်လမ်းက စရှုပ်ပါတော့တယ်။ မထင်မှတ်ထားတဲ့ မတော်တဆသေဆုံးမှုတစ်ခု ဖြစ်သွားပါတယ်။ ဒီတော့ ဒီဂျူးမိသားစုတစ်စုလုံးဟာ မတော်တဆဖြစ်ရပ်ကို ဖုံးကွယ်ဖို့၊ ပြီးတော့ Meg ရဲ့ မိဘတွေ ရောက်မလာခင် ဒီပြဿနာကို ဖြေရှင်းဖို့ ကြိုးစားရင်း ရယ်စရာကောင်းတဲ့ အခြေအနေတွေနဲ့ ရှုပ်ထွေးမှုတွေဆက်တိုက် ဖြစ်လာတော့တာပါပဲ။ ဒီရုပ်ရှင်က မိသားစုပြဿနာတွေ၊ ဘာသာရေး ကွဲပြားမှုတွေနဲ့ ပတ်သက်တဲ့ Dark Comedy အမျိုးအစားပါ။ File size… (1.1 GB) / (670 MB) Quality…. WEB-DL 1080p HEVC / 720p Format…. mkv/mp4 Genre…. Comedy Duration…. 01:24:44 Subtitle…. Myanmar Subtitle (Hardsub)

Trouble Man! (2025) ဒီဇာတ်ကားထဲမှာ Jaxen (Michael Jai White) ဆိုတဲ့ ရဲဘ၀ကနေ အငြိမ်းစားယူပြီး အတ္တလန်တာမြို့မှာ ပုဂ္ဂလိကစုံစမ်းစစ်ဆေးရေးသမား (PI) အဖြစ် အလုပ်လုပ်နေတဲ့ သူတစ်ယောက်အကြောင်းကို ပြထားတယ်။ တစ်နေ့မှာ သူ့ဆီကို R&B အဆိုတော်ကြယ်ပွင့် Jahari ဆိုတဲ့ မိန်းကလေး ပျောက်ဆုံးနေတယ်ဆိုတဲ့ အမှုတစ်ခုရောက်လာတယ်။ ဒီအမှုကို စုံစမ်းရင်း Jaxen တစ်ယောက် သာမန်ပျောက်ဆုံးမှုထက် ပိုကြီးတဲ့ ပူးပေါင်းကြံစည်မှုတစ်ခုနဲ့ ဆက်စပ်နေတာကို ရှာတွေ့သွားတယ်။ လမ်းမပေါ်က လူမိုက်တွေ၊ လိမ္မာပါးနပ်တဲ့ လူဆိုးဂိုဏ်းတွေ၊ တရုတ်မာဖီးယားတွေကို ကျွမ်းကျင်တဲ့ သိုင်းပညာ၊ ဉာဏ်ရည်နဲ့ ရင်ဆိုင်ရင်း Jahari ကို အချိန်မီ ကယ်တင်ဖို့ ကြိုးစားရတော့တယ်။ ဒါပေမယ့် စုံစမ်းလေလေ၊ သူ့ပတ်ဝန်းကျင်က လူတွေနဲ့ သူ့ရဲ့အတိတ်ကိုပါ သံသယဝင်လာလေလေ ဖြစ်လာပါတယ်။ အက်ရှင်ကြမ်းကြမ်း၊ ဟာသပေါ့ပေါ့ပါပါးနဲ့ စိတ်လှုပ်ရှားစရာ စုံစမ်းမှုတွေပေါင်းစပ်ထားတဲ့ “Trouble Man” ဟာ ပရိသတ်ကို ထိုင်ရာက မထနိုင်အောင် ဆွဲထားမှာ သေချာပါတယ်ဗျ။ (အညွှန်းနဲ့ဘာသာပြန်ကတော့ Min Khant ဖြစ်ပါတယ်။) File size… (1.6 GB) / (710 MB) Quality…. WEB-DL 1080p HEVC / 720p Format…. mkv/mp4 Genre…. Action, Comedy Duration…. 01:33:12 Subtitle…. Myanmar Subtitle (Hardsub) Encoder…. Benjamin Translated by Min Khant

Shadow Force (2025) IMDb Rating (4.7) / Rotten Tomatoes (34%) ဒီတစ်ခုကတော့ ဒါရိုက်တာ Joe Carnahan ရိုက်ကူးထားပြီး Kerry Washington ၊ Omar Sy နဲ့ Mark Strong တို့ပါ၀င်သရုပ်ဆောင်ထားပါတယ်။ ဇာတ်လမ်းကတော့ အိုက်ဆာနဲ့ ခိုက်ရာတို့က နိုင်ငံတကာက လက်ရွေးစင်တွေနဲ့ ဖွဲ့စည်းထားတဲ့ စီအိုင်အေရဲ့ အထူးလျှို့ဝှက်အဖွဲ့ဖြစ်တဲ့ အရိပ်တပ်ဖွဲ့ရဲ့ ပူးတွဲခေါင်းဆောင်နှစ်ယောက်ပါ။ အသင်းသားအချင်းချင်းကြားပတ်သက်မှုကို တင်းတင်းကျပ်ကျပ်တားမြစ်ထားတဲ့ကြားကနေ သူတို့နှစ်ယောက်က ချစ်ကြိုက်သွားကြပြီး အဖွဲ့ကနေ ထွက်ပြေးသွားကြပါတယ်။ အဖွဲ့ရဲ့ဦးစီးသူဂျက်ခ်စင်ဒါက အဲဒီနှစ်ယောက်က သူတို့ရဲ့လျှို့ဝှက်ချက်တွေများစွာကို သိနေခဲ့တာကြောင့် ၀ရမ်းပြေးအနေနဲ့သတ်မှတ်ပြီး ဆုကြေးသတ်မှတ်ကာ အရိပ်တပ်ဖွဲ့တွေကိုပဲ လိုက်ခိုင်းခဲ့ပါတယ်။ ဖြစ်ချင်တော့ ခိုက်ရာက ထွက်ပြေးသွားတဲ့အချိန်မှာ ကိုယ်၀န်ရှိနေခဲ့ပြီး သားလေးတစ်ယောက်မွေးခဲ့တော့ ဒီလိုအန္တရာယ်ကြားမှာ ကလေးဖြစ်သူအတွက်ကိုပါ တာ၀န်ရှိလာခဲ့ပါတယ်။ ဂျက်ခ်ရဲ့လက်က သူတို့မိသားစုလွတ်မြောက်နိုင်ပါ့မလားဆိုတာကိုတော့ ကိုယ်တိုင်ကြည့်လိုက်ကြနော် ။ (အညွှန်းနဲ့ဘာသာပြန်ကတော့ Serenity ဖြစ်ပါတယ်။) File size…(5.8 GB) / (1.8 GB) / (900 MB) Quality….WEB-Rip 4K HEVC / 1080p HEVC / 720p Format…. mkv/mp4 Genre….Action,Thriller Duration….01:45:54 Subtitle….Myanmar Subtitle (Hardsub) Encoder….Double K Translated by Serenity

ငယ်ရွယ်တဲ့အချစ်ရဲ့ ရင်ကိုခုန်စေတဲ့ခံစားချက်၊ လူငယ်ဘဝရဲ့ အပူအပင်ကင်းလွတ်လပ်ပေါ့ပါးမှု၊ ချစ်ရတဲ့သူလေးနဲ့ ချိန်းတွေ့ရတဲ့ အခိုက်အတန့်၊ နွေရာသီတစ်ခုရဲ့ အချစ်ဇာတ်လမ်းလေး။ ဇာတ်လမ်းအညွှန်း ရုပ်ရှင်ဝါသနာအိုး ဘရိုင်ရန်ဒေးဗစ် နဲ့ သူ့သူငယ်ချင်းနှစ်ယောက်တို့က အမေရိကန်က အထက်တန်းကျောင်းသားလေးတွေပါ။ ဘရိုင်ရန်ဒေးဗစ်ကတော့ ရုပ်ရှင်တွေကို အရမ်းဝါသနာပါသူဖြစ်ပြီး သူ့မှာ ကြိတ်သဘောကျရတဲ့ မယ်လိုဒီဘားနီးဂတ် ဆိုတဲ့ ခပ်ချောချော ကောင်မလေးတစ်ယောက်ရှိတယ်။ ဇာတ်လမ်းဇာတ်အိမ်ကိုတော့ နွေရာသီအားလပ်ရက် မြို့ငယ်လေးတစ်ခုမှာ ဇာတ်အိမ်တည်ထားပြီး ပေါ့ပေါ့ပါးပါးလေးပဲ ရိုက်ကူးတင်ဆက်ထားပါတယ်။ ဘရိုင်ရန်ဒေးဗစ်က သူကြိတ်သဘောကျရတဲ့ ‌မယ်လိုဒီဘားနီးဂတ် ကို ရုပ်ရှင်အတူတူကြည့်ရင်း ချိန်းတွေ့ဖို့ ဖိတ်ခေါ်တာကနေ ဇာတ်လမ်းလေးကို အစပျိုးထားပါတယ်။ ဒီဇာတ်လမ်းလေးမှာတော့ လူငယ်ဘဝရဲ့ ပေါ့ပါးတဲ့ခံစားချက်၊ သူငယ်ချင်းဆက်ဆံရေးရဲ့ ပျော်ရွှင်စရာအနှစ်သာရတွေ၊ တိတ်တခိုး သဘောကျရသူလေးကြောင့် ခံစားရတဲ့ရင်ခုန်စိတ်လှုပ်ရှားမှုတွေကို ခံစားသက်ဝင်ရင်း အပူအပင်ကင်းပြီး လွတ်လပ်တဲ့ လူငယ်ဘဝကို တစ်ဖန်ပြန်လည်ခံစားကြရမှာပါ။ File size…2.44GB / 937MB Quality…WEB-DL 1080p HEVC / 720p Format…mkv / mp4 Duration….1h 27m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Wil

IMDb 6.2 / RT 63% ရရှိထားတဲ့ဒရာမာရုပ်ရှင်လေးနဲ့မိတ်ဆက်ပေးချင်ပါတယ်။ ဒီရုပ်ရှင်လေးကိုကြည့်မိရင်း "အစ်ကိုကြီးတော့ အဖအရာ"တဲ့စကားလေးကိုတောင် သတိရသွားပါတယ်။ ဒန်နီရယ် နဲ့ အီလိုင်ဆိုတဲ့ အာဖရီကန်-အမေရိကန် ဆယ်ကျော်သက်ညီအစ်ကိုနှစ်ယောက်ဟာ မိဘနှစ်ယောက်ရဲ့ရုတ်တရက်စွန့်ပစ်မှုကို ခံလိုက်ကြရပါတယ်။ အစ်ကိုဖြစ်သူ ဒန်နီရယ်ဟာ အီလိုင်ကို ဖခင်တစ်ယောက်နေရာကနေ အမြဲဂရုစိုက်စောင့်ရှောက်ပေးလာခဲ့သူပါ။ အီလိုင်က ငယ်ဘ၀က မိသားစုထရော်မာတွေကြောင့် စကားက မပြောသလောက်ကို နည်းတဲ့သူတစ်ဦးပါ။ ဒီလိုနဲ့ မိဘနှစ်ပါးမရှိတော့တဲ့နောက် ညီအစ်ကိုနှစ်ယောက်ဟာ အချင်းချင်းဖေးမကူညီရင်း ခက်ခဲကြမ်းတမ်းတဲ့လောကဓံကြီးကို အံတုရင်ဆိုင်ပြီး ဆက်လက်ရှင်သန်နိုင်ကြဖို့ကြိုးစားကြပါတော့တယ်။ ဒီရုပ်ရှင်လေးက တော်တော်လေးကိုနွေးထွေးတဲ့ရုပ်ရှင်လေးပါ။ ညီအစ်ကိုနှစ်ယောက်အကြားက ချစ်ခြင်းမေတ္တာသံယောဇဉ်ကို လှလှပပပုံဖော်ထားတဲ့အပြင် ဘ၀မှာ အမြဲရှောင်ပြေးနေရတဲ့ ပြောမပြနိုင်လောက်အောင် နာကျင်ခဲ့ရတဲ့ ဒဏ်ရာတွေရှိခဲ့ရင်တောင်မှ တချိန်မှာဒါတွေကို ရင်ဆိုင်လက်ခံလိုက်ပြီး ရှေ့ဆက်အသက်ရှင်ဖို့အတွက် ခွန်အားမွေးကြရမယ့်အကြောင်းကို ပြသသွားပါတယ်။ တစ်ကားလုံးမှာ ဂျက်ဇ်တေးသီချင်းတွေနဲ့ ဆိတ်ငြိမ်တဲ့ဇာတ်၀င်ခန်းတွေနဲ့အတူ လှလှပပရိုက်ကူးပုံဖော်ထားတာမလို့ ခံစားကြည့်ရှုလိုက်ကြပါဦး။ File size…(1.7 GB)/(850 Mb) Quality….WEB-DL 1080p / 720p Format…mp4 Duration….01:44:00 Genre...Drama Subtitle….Myanmar Subtitle (Hardsub) Encoder….Garfield Translated by Steven Khant

ယခင်ကအရမ်းတော်ခဲ့တဲ့ ရဲစုံထောက်ဟောင်းချာလီ ဝေါလ်ဒိုဟာ အခုတော့တောင်ပေါ်မှာတယောက်တည်း ခြိုးခြံတဲ့ ပုံစံနဲ့နေထိုင်နေပါတယ်။တရက်မှာတော့သူ့အရင်ရည်းစားဟောင်းကရောက်လာပြီး အလုပ်ကမ်းလှမ်းတဲ့အခါမှာ ဝေါလ်ဒိုတ‌ယောက်လည်း ၀န်လေးပေမယ့် အခြေအနေအမျိုးမျိုးကြောင့်သူထားပစ်ခဲ့တဲ့လောကကိုပြန်လည်၀င်ရောက်ရပါတော့တယ်။သူအရင်ကကျင်လည်ခဲ့တဲ့ LA မြို့ကြီးကိုပြန်လာပြီးမိန်းမကိုမူးရူးပြီးသတ်တယ်ဆိုပြီးစွပ်စွဲခံရတဲ့ နာမည်ကြီးရုပ်ရှင်မင်းသားတယောက်ကိုကူညီဖို့ အလွတ်စုံထောက်တယောက်အနေနဲ့စုံစမ်း‌ ပေးဖို့ဖြစ်လာရပါတယ်။အများထင်သလိုရိုးရှင်းမနေတဲ့ လူသတ်မှုရဲ့ တကယ့်လက်သည်ကဘယ်သူလဲ၊ဝေါလ်ဒိုကရော ဘာလို့သုံးနှစ်လုံးလုံးလူတိုင်းနဲ့အဆက်အသွယ်ဖြတ်ပြီးတောင်ပေါ်မှာနေနေရတာလဲ၊သူ့အရင်ရည်းစားကရောဘယ်လိုလူတွေနဲ့ပတ်သက်နေတာလဲဆိုတာကြည့်ရှူရမှာပါ။ စုံထောက်ဇာတ်လမ်းကြိုက်သူတွေအတွက် သင့်တော်တဲ့ရုပ်ရှင်ဖြစ်ပါတယ်။ဒါရိုက်တာTim Kirkby ရိုက်ကူးထားပြီးCharlie Hunnam,Mel Gibson,Morena Baccarin,Lucy Fry တို့ပါ၀င်ထားပါတယ် File size…(1.7 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:50:00 Subtitle….Myanmar Subtitle (Hardsub) Encoder….Mr. Anderson Translated by Sett Paing

Power Book II: Ghost Genre – Crime, Drama အရှေ့က Power ဇာတ်လမ်းတွဲမှာတော့ Ghost လို့ခေါ်တဲ့ James St. Patrick ရဲ့ မြေအောက်လောကကနေ တဖြည်းဖြည်းဆရာကျလာတဲ့အကြောင်းကို တင်ဆက်ထားပြီး နောက်ဆုံးပိုင်းမှာ သူ့ရဲ့ သေဆုံးမှုကနေ ဒီ Power Book II က တိုက်ရိုက်ဆက်ထားတာပဲ ဖြစ်ပါတယ်။ ဒါပေမဲ့ ဒီဇာတ်လမ်းတွဲမှာတော့ သူ့ရဲ့သားဖြစ်သူ Tariq St. Patrick အကြောင်းကို ဗဟိုပြုပြီး တင်ဆက်ထားတာပါ။ ဖခင်သေဆုံးမှုအတွက် အမေဖြစ်သူ ဖမ်းခံရပြီး တရားရင်ဆိုင်နေတဲ့အချိန် Tariq တစ်ယောက် ကောလိပ်တက်ရင်းနဲ့ မိခင်ဖြစ်သူကို ကယ်ဆယ်နိုင်ဖို့ ဥပဒေဘောင်မဲ့ထဲကနေ ဘယ်လိုတွေ ကြိုးပမ်းမလဲ ကြည့်ရမှာ ဖြစ်ပါတယ်။ တစ်ဖက်မှာလည်း အဆောင်ဖော်တစ်ယောက်ကြောင့် တခြား မူးယစ်ဆေးဂိုဏ်းတစ်ခုနဲ့ ခင်မင်သွားပြီး တွဲလုပ်ဖို့ ဖြစ်လာကာ ဘယ်လို အရှုပ်တွေကြားထဲ ရောက်သွားဦးမလဲ ဖအေ့ခြေရာကို နင်းမလား သူ့ထက်ကျော်မလားဆိုတာတော့ မြေအောက်လောကဂိုဏ်းတွေနဲ့ ကောလိပ်ကြား ဗျာများရင်း ဘာတွေဆက်ဖြစ်မလဲဆိုတာတော့…. ရှုစားကြကုန်။ (အညွန်းနဲ့ ဘာသာပြန်ကတော့ CM Team ဖြစ်ပါတယ်) File Size – 1GB (Appx;)@Episode Quality – 1080p WEB DL Duration –60minute (@Episode) Total Episodes:10Eps@Season Subtitle – Myanmar Hardsub Format – Mp4 Genre : Crime ~ Drama Translator – CM Team Encoder – YK

Netflix မှာ မကြာသေးခင်ကမှ ပူပူနွေးနွေးထွက်ထားတဲ့ ဇာတ်ကားလေး တစ်ကားနဲ့မိတ်ဆက်ပေးချင်ပါတယ်ခင်ဗျာ ဇာတ်လမ်းလေးကတော့ Lil Mayor ,Bobby နဲ့ Luis တို့က တစ်ရပ်ကွက်တည်းသား အချစ်ဆုံးသူငယ်ချင်းသုံးယောက်ပါ Lil Mayor က သူ့ရဲ့ ရပ်ကွက်လုံခြုံရေးကို အရမ်းအရေးထားတဲ့ကလေးတစ်ယောက်ပါ ဒါပေမဲ့ သူတို့ရဲ့ မြို့ကို သွေးစုပ်ဖုတ်ကောင် အဖွဲ့တစ်ဖွဲ့က နယ်မြေသစ်အဖြစ် နေရာလုပ်ဖို့ မျက်စိကျပြီး မြို့ပေါ်ကဆိုင်တွေအိမ်တွေကို တစ်ခုပြီးတစ်ခု လိုက်၀ယ်သလိုနဲ့ အားလုံးကို သွေးစုပ်သတ်ပြီးလုယူ‌နေကြတာပါ ညတစ်ညမှာတော့ Lil Mayor တစ်ယောက် သွေးစုပ်ဖုတ်ကောင်တစ်ကောင်က သူ့ကိုအနိုင်ကျင့်နေကြ လူ Slim ကို သွေးစုပ်သတ်နေတာကို အမှတ်မထင်တွေ့လိုက်ရပြီး သူငယ်ချင်းတွေနဲ့ စုကာ ရပ်ကွက်ကို ကယ်တင်ဖို့ ကြိုးစားကြပါတော့တယ် ကလေးသုံးယောက်ရဲ့ရပ်ကွက်အတွက်ကြိုးပမ်း စွန့်စားခန်းထုတ်ပုံတွေကိုတော့ ဇာတ်လမ်းထဲမှာပဲ ဆက်လက်ကြည့်ရှုပေးကြပါခင်ဗျာ...... ဇာတ်ကားကို Jaden Michael , Gerald W. Jones III ,Gregory Diaz IV နဲ့ Sarah Gadon တို့က အဓိကပါ၀င်သရုပ်ဆောင်ထားပြီး comedy horror ရုပ်ရှင်အမျိုးအစားဖြစ်ပါတယ်........... File Size : 1GB and 500mb Quality : webrip 1080p/ 720p Format…mp4 Duration…1hr 25 min Genre : Comedy, Horror  Subtitle : Myanmar Subtitle (Hard Sub) Translated by Nay Oo Lwin Encoded by Littleneo

Concrete Cowboy (2021) IMDb Rating - 6.3/10 အရှိတရားကနေကင်းလွတ်ပြီး ပြောင်မြောက်တဲ့ ရုပ်ရှင်တွေလည်းရှိပေမဲ့ အရှိတရားကို ရိုက်ပြပြီး ပြောင်မြောက်တဲ့ ရုပ်ရှင်တွေက ပိုများတာတော့ သေချာပါတယ်။ ဒီရုပ်ရှင်ဟာ လက်သစ်ဒါရိုက်တာ Ricky Staubရဲ့ ပွဲဦးထွက်ရုပ်ရှင်ပါပဲ။ ထိပ်တန်းရုပ်ရှင်တော့ ဖြစ်မသွားပေမယ့် အလယ်အလတ်တန်းအဆင့်ရဲ့ထိပ်ဆုံးမှာ ရပ်နေမယ့်ကားလို့တော့ အာမခံလို့ရတယ်။ အကြောင်းအရာကတော့ ဒီနေ့ခေတ်ထိရှိနေတဲ့ ခေတ်ကာလနဲ့မကိုက်တဲ့ အ‌လေ့အထုံတစ်ခုကို ကိုင်စွဲပြီး ရုန်းကန်နေရတဲ့ လူမဲကောင်းဘွိုင်တွေ အကြောင်း။ ဒီဇာတ်လမ်းကို တစ်ချို့တွေကတော့ အတော်သဘောကျကြတယ်။ ဇာတ်အိမ်တည်ဆောက်မှု အားနည်းတဲ့ တစ်ချက်ကြောင့် တစ်ချို့ကတော့ သိပ်သဘောမကျကြဘူး။ ကျွန်တော့်အနေနဲ့ ပြောရရင်တော့ အဲ့ဒီနှစ်ခုကြားလို့ဆိုရမယ်။ ဇာတ်လမ်းတင်ပြပုံနဲ့ အခြေအနေနဲ့ Cinematographyလှလှကို တွဲသုံးပြီး ဆွဲငင်လိုက်တဲ့ အခန်းတစ်ချို့ကိုတော့ အတော်သဘောကျမိတယ်။သို့ပေမဲ့ ကျွန်တော်ဟာ ကောင်းဘွိုင်ဓလေ့လည်း မသသလို သူတို့ယဉ်ကျေးမှုနဲ့လည်း အလှမ်းဝေးတဲ့အတွက် တစ်ချို့အခန်းတွေကိုတော့ ခံစားလို့မ၀င်လိုက်ဘူး။ ဒါပေမဲ့ တစ်ချို့ပြောကြတဲ့ ဇာတ်အိမ်အားနည်းမှုဆိုတဲ့အချက်နဲ့ သဘော မကျမိတာတော့မဟုတ်ဘူး။ ဇာတ်အိမ်ဟာ အားမနည်းဘူး။ဇာတ်အိမ်ဟာ ဘ၀ပါပဲ။ ကျွန်တော်သာတစ်နေ့နေ့ရိုက်နိုင်ခဲ့ရင် ပုဂံရယ် နေအ၀င်ခြင်းခတ်တဲ့လူတွေရယ်ကို ဇာတ်အိမ်တကူးတကမလိုဘဲ ရိုက်ပြနိုင်ချင်တယ်ဆိုတဲ့ စိတ်ကူးရှိတယ်။ ဒီဒါရိုက်တာကလည်း သူ့အရပ်သူ့ဒေသက မြင်းစီးတဲ့လူတွေအကြောင်းကို သူတို့ ယဉ်ကျေးမှုကိုပြပြီး ရိုက်ပြသွားတာပါပဲ။ ပွဲဦးထွက်မှာ ဒီအနေရိုက်ပြနိုင်တာ နောင်များ အတော်ကောင်းတဲ့ကားတွေ လာနိုင်ဦးမယ်လို့ မျှော်လင့်လို့ရပါတယ်။ ခေတ်သစ်ကောင်းဘွိုင်တွေရဲ့ကမ္ဘာထဲကို ၀င်သွားကြည့်ရင် အမြင်အားဖြင့် လှပမနေတဲ့အရာတွေများပေမဲ့ သူတို့ရဲ့သူတို့ဘ၀အပေါ်ချစ်ခြင်းက လှပမနေတဲ့အရာတွေကိုတောင် လှပစေနိုင်တယ်။ မြင်းချီးတွေကြားထဲ မြင်းနဲ့အတူနေတဲ့လူတွေ မြင်းကို ဧည့်ခန်းထဲထည့်ထားတဲ့လူတွေ အငတ်ခံပြီး မြင်းကိုအစာကျွေးတဲ့လူတွေ မြင်းသေပုပ်ကိုတောင် မလွှင့်ပစ်ရက်တဲ့လူတွေ ခင်ဗျားမြင်ရမယ်။သူတို့မြို့ကလေးရဲ့ နေအ၀င်မှာ ကောင်းဘွိုင်ကောင်လေးကို ကောင်းဘွိုင်မလေးက နမ်းလိုက်တာကိုလည်း ခင်ဗျားမြင်ရလိမ့်မယ်။ ဒါပေမဲ့ သူတို့ အချစ်အကြောင်းစကားတစ်ခွန်းမှ ဆိုတာကိုတော့ ခင်ဗျား မြင်ရမှာမဟုတ်ဘူး။ ဒါပေမဲ့ တာကော့စကီးရုပ်ရှင်ထဲကစကားလေးလိုပဲ "Unspoken Feelings are unforgettable" ထုတ်ပြောမထားတဲ့ခံစားချက်တွေဟာ ပိုမမေ့ရက်နိုင်စရာကောင်းတာပဲမဟုတ်လား။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ WiRa Aung ပဲဖြစ်ပါတယ်။) Quality – 1080p, 720p WebRip Duration - 1h 51min Subtitle – Myanmar Hardsub Format – Mp4 Genre : Drama Source : 1080p.WebRip Translator – WiRa Aung Encoder – SWM

Shaft (2019) IMDb Rating (6.4) / Rotten Tomatoes (34%) နက်ဖလစ်ကနေ ဆမ်မြူရယ် ဂျက်ဆန် ကားတစ်ကား အသစ်ထွက်လာပါတယ်။ Hitman bodyguard တုန်းက ရခဲ့တဲ့ ရသမျိုး ပြန်ရတာပါပဲ။ အခွီတွေရယ် အက်ရှင်ရယ် ပေါင်းထားတာပါ။ တကယ်ကို ကြည့်လို့ကောင်းပါတယ်။ ဇာတ်လမ်းအကျဉ်း ရှက်ဖ်ထ်ဆိုတဲ့ ရဲဟောင်းကြီးဟာ ပေပေတေတေ လူ့ခွစာ အလွတ်စုံထောက်အဖြစ် အသက်မွေးပါတယ်။ သူ့ကို သည်းမခံနိုင်တော့လို့ စွန့်ပစ်သွားတဲ့ သူ့မိန်းမနဲ့အတူ သူ့သားလေး ပါသွားခဲ့တယ်။ ၂၅ နှစ်လောက် ကြာချိန်မှာတော့ သူ့ရဲ့ သားက အက်ဖ်ဘီအိုင်မှာ အလုပ်ရသွားပါတယ်။ တစ်နေ့မှာတော့ အက်ဖ်ဘီအိုင်ကရော ရဲတွေရော မလိုက်နိုင် အမှုကြီးတစ်ခုကို ရှက်ဖ်ထ်ရဲ့ သားက ကိုုယ်တိုင်လိုက်ဖို့ ရှက်ဖ်ထ်ကို အကူအညီလာတောင်းပါတော့တယ်။ သူတို့ သားအဖနှစ်ယောက် နယူးယောက် ဟာလမ်မှာ ဘယ်လိုတွေသောင်းကျန်းပြီး ဘယ်လိုတလွဲတွေ လုပ်ကြမလဲ ကြည့်ရမှာပါ။ (အညွှန်းနဲ့ဘာသာပြန်ကတော့ Littleneo ဖြစ်ပါတယ်။) File size…(1.6 GB) / (890 MB) Quality….WEB-Rip 1080p HEVC / 720p Format…. mkv/mp4 Genre….Action, Comedy, Crime Duration….01:53:18 Subtitle….Myanmar Subtitle (Hardsub) Encoder….Benjamin Translated by Littleneo

Rating 6.5 ရရှိထားတဲ့ အက်ရှင်ကားကောင်းတစ်ကားနဲ့ မိတ်ဆက်ပေးချင်ပါတယ်.... မိသားစုအပေါ်မှာ မေတ္တာတရားကြီးမားတဲ့ မိန်းမသားတစ်ဦး၊ မူးယစ်ရာဇာတစ်ဦး၏ စေခိုင်းမှုကြောင့် သူမချစ်တဲ့ ခင်ပွန်းသည်နဲ့ သမီးငယ်တို့ သူမမျက်စိရှေ့မှာတင် ရက်ရက်စက်စက် သတ်ဖြတ်ခံရတဲ့အပြင် သူမကိုယ်တိုင်လည်း သေနတ်ဒဏ်ရာများဖြင့် ဆေးရုံပေါ်ရောက်ခဲ့ရပါတယ်။ ဒါတင်မကသေးပဲ ဆေးရုံဆင်းဆင်းချင်းမှာပဲ တရားစွဲဆိုမှုက အကျင့်ပျက်ခြစားတဲ့ ဥပဒေဘက်တော်သားများကြောင့် အရှုံးကိုသာ ရင်ဆိုင်ခဲ့ရသောအခါ တရားမျှတမှုဆိုတာကို ရှာဖွေဖို့အတွက် နူးညံ့မှုကိုဖျောက်ပြီး သူမကိုယ်သူမ ပြောင်းလဲခဲ့ရပါတယ်။ ငါးနှစ်တာကာလကို ကျော်လွန်ပြီးခဲ့ချိန်မှာတော့ ဘယ်လိုအရာတွေနဲ့ တစ်ကျော့ပြန်လာမလဲဆိုတာ စိတ်ဝင်တစားကြည့်ရှုရမယ့် အက်ရှင်ကားကောင်းတစ်ကားပဲ ဖြစ်ပါတယ်။ Rating 6.5 ရရွိထားတဲ့ အက္ရွင္ကားေကာင္းတစ္ကားနဲ႕ မိတ္ဆက္ေပးခ်င္ပါတယ္.... မိသားစု​အ​ေပၚမွာ ​ေမတၱာတရားႀကီးမားတဲ့ မိန္​းမသားတစ္​ဦး၊ မူးယစ္​ရာဇာတစ္ဦး၏ ​​​​ေစခိုင္းမႈ​ေၾကာင္​့ သူမခ်စ္​တဲ့ ခင္​ပြန္​းသည္​နဲ႔ သမီးငယ္​တို႔ သူမမ်က္​စိ​ေ႐ွ႕မွာတင္​ ရက္​ရက္​စက္​စက္​ သတ္​ျဖတ္​ခံရ​တဲ့အျပင္​ သူမကိုယ္​တိုင္​လည္​း ​ေသနတ္​ဒဏ္​ရာမ်ားျဖင္​့ ​ေဆးရံု​ေပၚ​ေရာက္​​ခဲ့ရပါတယ္​။ ဒါတင္​မက​ေသးပဲ ​ေဆးရံုဆင္​းဆင္​းခ်င္​းမွာပဲ တရားစြဲဆိုမႈက အက်င္​့ပ်က္​ျခစား​တဲ့ ဥပ​ေဒဘက္​​ေတာ္​သားမ်ား​ေၾကာင္​့ အရံႈးကိုသာ ရင္​ဆိုင္​ခဲ့ရ​ေသာအခါ တရားမ်ွတမႈဆိုတာကို ႐ွာ​ေဖြဖို႔အတြက္​ ႏူးညံ့မႈကို​ေဖ်ာက္​ၿပီး သူမကိုယ္​သူမ ​ေျပာင္​းလဲခဲ့ရပါတယ္​။ ငါးႏွစ္​တာကာလကို ​ေက်ာ္​လြန္​ၿပီးခဲ့ခ်ိန္​မွာ​ေတာ့ ဘယ္​လိုအရာ​ေတြနဲ႔ တစ္​​ေက်ာ့ျပန္​လာမလဲဆိုတာ စိတ္​ဝင္​တစား​ၾကည္​့ရွုရမယ္​့ အက္​႐ွင္​ကား​ေကာင္​းတစ္​ကားပဲ ျဖစ္​ပါတယ္​။ File Size : (878 MB) Quality : Web DL 720p Running Time :1hr 41min Format : Mp4 Genre : Action , Drama ,Thriller Subtitle : Myanmar Subtitle (Hard Sub) Translated by Tartee Poe Encoded by Moe Myint Lwin

ဒဲလ်က တစ်နေ့တစ်နေ့ ရပ်ကွက်ထဲမှာ သူငယ်ချင်းဂျု့စ်နဲ့ ပေါက်ကရလုပ်လိုက်၊ သူငယ်ချင်းမလေးကို ပိုးပန်းလိုက်နဲ့ ပေါ့ပေါ့ပါးပါး နေတတ်တဲ့လူငယ်တစ်ယောက်ပါ။ တစ်နေ့ သူတို့ရဲ့ အားကစားရုံကို ဘဏ်က သိမ်းတော့မယ်ဆိုတာ သိလိုက်ရတဲ့အခါမှာတော့ စိတ်ညစ်ရပါတော့တယ်။ အဲဒီအချိန်မှာ ဘဏ်ဓားပြတိုက်မှုနဲ့ အဖမ်းခံထားရတဲ့ သူ့အဖေက ဖွက်ထားတဲ့ပိုက်ဆံတွေ ဘယ်မှာရှိတယ်ဆိုတာ ပြောပြလာတယ်။ ဒဲလ်လည်း အဲဒီငွေတွေကို လိုက်ရှာဖို့ ဖြစ်လာပါတယ်။ ပိုက်ဆံတွေက တကယ်ရှိရဲ့လား၊ ရှာတွေ့ပြီး အဆင်ပြေသွားမလား၊ ဒါမှမဟုတ် အဖေ့လိုပဲ ထောင်ထဲရောက်သွားမလားဆိုတဲ့ အဖြစ်တွေကို ဟာသနဲ့ ဆက်ပြထားပါတယ်။

Patersonဇာတ်ကားဟာ အချစ် ကဗျာစာပေ နဲ့ မျှော်လင့်ချက်အိမ်မက် တွေအကြောင်း အသားပေးရိုက်ကူးထားတဲ့ဇာတ်ကားဖြစ်တယ်။ Patersonမြို့ရဲ့အလှအပကိုကဗျာဆန်ဆန် ခံစားပြထားသလို Paterson အမည်ရှိဇာတ်ကောင်က နေ့စဉ်ကြုံတွေ့ရသမျှကိုလည်း ကဗျာ ဆန်ဆန်တွေးပြီးခံစားပြထားပါတယ်။ ကဗျာခံစားတတ်သူတို့ရဲ့နူးညံ့တဲ့စိတ်သဘောထားနဲ့ တခြားသာမန်လူတွေရဲ့နေ့စဉ်ဘဝအပေါ်မှာတုန့်ပြန်မှုစိတ်သဘောထားကို ယှဉ်ပြီးပြထားတယ်။ ရိုးရှင်းတဲ့ဘဝပုံစံနဲ့ ဇနီးမောင်နှံနှစ်ဉီးရဲ့အပြန်အလှန်ချစ်ခင်ဖေးမမှုတွေကို ဇာတ်လမ်းထဲမှာကြည်နူး ဖွယ်တွေ့နိုင်တယ်။ မျှော်လင့်ချက်တွေဟာ လက်တွေ့လုပ်ရင်ဖြစ်လာကြောင်းကို ပညာပေးဆန်ဆန် ပြထားပါတယ်။ အဆိုးတွေကြုံလာသည့်တိုင်အောင် အေးဆေးတည်ငြိမ်စွာတုံ့ပြန်တတ်တဲ့ ကဗျာဆရာတစ်ဉီးရဲ့လှပတဲ့နှလုံးသားကိုမြင်တွေ့ရမှာပါ။ မင်းသားကြီးAdam Driverအဓိကသရုပ်ဆောင်ထားပြီး ကဗျာဆရာRon Padgettရဲ့ကဗျာတွေကိုအသုံးပြုထားတဲ့ စိတ်နှလုံးအေးချမ်းမှုရသ ကိုပေးစွမ်းနိုင်တဲ့ စွဲမက်စရာဇာတ်ကားကောင်းလေးပါ။ (ဒီဇာတ်ကားရဲ့ အညွှန်းနဲ့ဘာသာပြန်ရေးသားပေးသူကတော့ Mya Phyo Nandar ပဲဖြစ်ပါတယ်။) Quality –  1080p, 720p BluRay Duration - 1hr 49min Subtitle – Myanmar Hardsub Format – Mp4 Genre : Drama, Romance Source : 1080p. BluRay Translator – Mya Phyo Nandar Encoder – SWM

ကောင်မလေးက ထားသွားလို့ အသည်းကွဲနေတဲ့ ရဲလ်ရဲ့အိမ်ရှေ့ကို တစ်နေ့မှာ ကြောင်လေးတစ်ကောင် ရောက်လာပါတယ်။ ရဲလ်က မြင်မြင်ချင်း မွေးစားဖို့ ဆုံးဖြတ်လိုက်ပြီး ကီနူးလို့ နာမည်ပေးထားတယ်။ ဒါပေမဲ့ ဒီကြောင်လေးက သာမန်လမ်းဘေးကြောင် မဟုတ်ဘဲ အယ်လ်အေက မူးယစ်ရာဇာတစ်ယောက် မွေးထားတဲ့ကြောင် ဖြစ်နေပါတယ်။ တစ်နေ့ ရဲလ်နဲ့ သူ့အစ်ကိုဝမ်းကွဲ ကလဲရန့်စ်တို့ ရုပ်ရှင်ကြည့်ပြီး ပြန်လာတဲ့အခါ အိမ်ဖောက်ခံထားရပြီး ကီနူးလည်း ပျောက်နေတယ်။ နှစ်ယောက်သား လိုက်စုံစမ်းကြည့်တော့ ကြောင်လေးကို လူဆိုးဂိုဏ်းတစ်ဂိုဏ်းက ခိုးသွားတာ ဖြစ်နေပါတယ်။ ကီနူးကို ပြန်ရဖို့ ကြိုးစားရင်း သူတို့နှစ်ယောက် ဘယ်လိုအရှုပ်အထွေးတွေထဲ ဝင်မိကြမလဲဆိုတာကို အက်ရှင်နဲ့ ဟာသရောပြီး တင်ပြထားတာပါ။ ဟာသသရုပ်ဆောင်နှစ်ယောက်ဖြစ်တဲ့ Key နဲ့ Peele တို့ ပါဝင်ထားပြီး ကြောင်လေးကီနူးအဖြစ် ကီနူး ရီဗ်က အသံသရုပ်ဆောင်ထားပါတယ်။

စိတ်ပိုင်းဆိုင်ရာအရ ငယ်စဉ်မှာ မိသားစုနဲ့ ပတ်သက်ပြီး စိတ်ဒဏ်ရာခံစားခဲ့ရတဲ့ကလေးတွေဟာ သူတို့စိတ်ထဲမှာ ဒဏ်ရာ ရခဲ့တာကို စွဲလမ်းနေတတ်ပြီး အသက်ကြီးလို့ လက်တွဲဖော်ရွေးတဲ့အခါမှာလည်း ကိုယ့်အပေါ် မကောင်းတဲ့လူ၊ နာကျင်စေတတ်တဲ့လူတွေကပဲ ရွေးချယ်နေတတ်ကြတယ်လို့ ဆိုကြပါတယ်။ Amy Townsend ကတော့ အဖေနဲ့ အမေရဲ့ အိမ်ထောင်ရေးအကွဲအပြဲကြား “တစ်လင်တစ်မယား စနစ်ဆိုတာ လက်တွေ့မဆန်ဘူး”ဆိုတဲ့ စကားနဲ့ ကြီးပြင်းလာရတဲ့ ကောင်မလေးပါ။ ရည်းစားတွေ တစ်ယောက်ပြီးတစ်ယောက် တွဲတတ်ပေမဲ့ ဘယ်သူ့ကိုမှ အတည်မတွဲဘဲ အပေါ်ယံ ပေါ့ပျက်ပျက်ပဲ ဆက်ဆံတတ်ပါတယ်။ S’nuff မဂ္ဂဇင်းတိုက်မှာ အယ်ဒီတာအနေနဲ့ အလုပ်လုပ်နေတဲ့ Amy တစ်ယောက် အားကစားသမားတွေကို ခွဲစိတ်ပေးနေတဲ့ နာမည်ကြီးဆရာဝန် ဒေါက်တာ Aaron ကို အင်တာဗျူးလုပ်ဖို့ တာဝန်ပေးခံရတဲ့အခါမှာတော့….. ဒီရုပ်ရှင်ရဲ့ ဇာတ်ညွှန်ကို Amy Schumer ရေးထားပြီး Amy Townsend အဖြစ် ကိုယ်တိုင်သရုပ်ဆောင်ထားပါတယ်။ နာမည်ကြီးခွဲစိတ်ဆရာဝန် Dr. Aaron အဖြစ် Bill Hader က သရုပ်ဆောင်ထားပါတယ်။ Action မင်းသားကြီး John Cena လဲ ရည်းစားတွေထဲက တစ်ယောက် အဖြစ် ပါဝင်သရုပ်ဆောင်ပေးထားပါသေးတယ်။ ဇာတ်ကွက်အနေနဲ့ မထူးဆန်းပေမဲ့ ပေါ့ပေါ့ပါးပါး ရယ်‌မောပြီး ဘဝအမောတွေ ပြေစေမယ့် Rom-Com ရုပ်ရှင်လေးကို ခံစားကြည့်ကြပါဦးနော် File size…  2.1 GB / 752  MB Quality… Web-DL 1080p / 720p Format… mp4 Duration…. 2h 5m Genre .....  Drama , Comedy Subtitle…. Myanmar Subtitle (Hard Sub) Encoder…. Thit San Khant Translated by Phu Myat Thwe

ဒီဇာတ်လမ်းလေးကတော့ စိတ်ပျော်စရာကောင်းမယ့် ဟာသကားတစ်ကား ဖြစ်ပါတယ်။ ဒီဇာတ်ကားက ၂၀၁၄ ကတည်းက ထွက်ထားတာဖြစ်ပေမယ့် ဆိုင်တွေပေါ်မှာတော့ အခုမှ ပြန်တင်လာတာကြောင့် ရွေးချယ်ပေးလိုက်ပါတယ်။ ကမ္ဘာကျော် ဟာသသရုပ်ဆောင် အဒမ်ဆန်ဒလာ (Adam Sandler) ရဲ့ နောက်ထပ် ထူးဆန်းထွေလာ ဟာသကားလေးပဲဖြစ်ပါတယ်။ နယူးယောက်မြို့မှာ မက်စ်ဆိုတဲ့ ဖိနပ်ချုပ်သမားတစ်ဦး ရှိတယ်။ မက်စ် (Max) က အိမ်ထောင်မရှိသေးတဲ့ လူပျိုကြီး တစ်ယောက်ဖြစ်ပြီး မျိုးဆက်လေးဆက်လောက် လုပ်ကိုင်လာတဲ့ ဖိနပ်ဆိုင်ကို ဆက်ပြီး အမွေခံထားတယ်။  သ့ူဆိုင်လေးက ခပ်သေးသေးဖြစ်ပေမယ့် လူတော်တော်များများက အားကိုးတကြီး လာကြတယ်။ တစ်ရက်တော့ သူ့ဆိုင်ကို ခပ်ရင့်ရင့် လူမိုက် ကပ္ပလီတစ်ယောက် သူ့ဖိနပ်ကို ခွာလဲဖို့လာအပ်တယ်။ ညနေ ၆ နာရီလောက်မှာ အပြီးလိုချင်တယ်ဆိုပြီး ပြောတာနဲ့ သူဖိနပ်ကို အပြီးသတ်နေတုန်း ဖိနပ်ချုပ်စက်က ရှော့ခ်ဖြစ်ပြီး ပျက်သွားတယ်။ ကြံရာမရတဲ့ မက်စ်က အဲဒီဖိနပ်ပြီးဖို့ မြေအောက်ခန်းထဲ ဝင်၊ သူ့အဘိုးတွေ လက်ထက်ကတည်းက သုံးတဲ့ ချုပ်စက်အဟောင်းကြီး နဲ့ အပြီး သတ်လိုက်တယ်။ အဲဒီနောက် လာရွေးမယ့် လူကို အဆင်သင့် စောင့်နေရင်း သူပြင်ထားတဲ့ဖိနပ်က သူ့ဆိုဒ် နဲ့ တစ်ထပ်တည်းဖြစ်နေတော့ စမ်းဝတ်ကြည့်ပါလေရော။ (ဒီနေရာမှာ တစ်ခု ဖြတ်မေးချင်တာက တကယ်လို့များ ကျွန်တော်တို့တွေ သူများဖိနပ်ကို စီးကြည့်ရုံ နဲ့ ရုပ် ပြောင်း ရုပ်လွဲလုပ်နိုင်မယ်ဆိုရင် ဘာလုပ်ကြမလဲ) ဟုတ်ပါတယ်။ မက်စ်တစ်ယောက် ဖိနပ်စီးပြီး မှန်ထဲကြည့်လိုက်တဲ့ အချိန် မှာ သူ့ရုပ်က ဖိနပ်ပိုင်ရှင်ကပ္ပလီ ရုပ်ပြောင်းသွားပါတယ်။ အံ့သြ ထိတ်လန့်သွားတဲ့ မက်စ်က ဆိုင်မှာအပ်ထားတဲ့ တခြားသူတွေရဲ့ ဖိနပ်တွေကို တစ်ရံပြီး တစ်ရံ လျှောက်စီးတယ်။ ဘာမှမထူးပါဘူး။ နောက်ဆုံး အဖြေကတော့ သူတို့ ဘိုးဘေးတွေ သုံးလာတဲ့ မြေတိုက်ခန်းထဲက ချုပ်စက်အ ဟောင်းကြီးက ဒီထူးဆန်းတဲ့ အဖြစ်တွေကို ဖြစ်စေတာပါ။ ဒီလျှို့ ဝှက်ချက်ကို သိသွားတဲ့မက်စ်က ဆိုင်မှာရှိတဲ့ ဖိနပ်ဟောင်းတွေကို သူ့စက်ကြီး နဲ့ တစ်ရံပြီးတစ်ရံပြင်၊ ရုပ်အမျိုးမျိုးပြောင်းပေါ့။ နောက်ရက် နောက်ရက် တွေမှာတော့ ဖိနပ်သမား မက်စ် တစ်ယောက် ဖိနပ်တွေအများကြီး ထည့်ထားတဲ့ အိတ်တစ်လုံးလွယ်၊ ရုပ်ပြောင်း ရုပ်လွဲတွေ လုပ်ပြီး တစ်မြို့လုံးပတ်လို့ စိတ်ကူးတည့်ရာ လုပ်ပါတယ်။ ဒီနေ့တော့ ဖိနပ် သမား မက်စ်ရဲ့ ဇာတ်လမ်းက စိတ်ဝင်စားစရာ ဖြစ်ပါလိမ့်မယ်။ပြီးတော့ မက်စ် တစ်ယောက် ဘာတွေ ဆက်ဖြစ်မလဲဆိုတာတော့ ဆက်လက်ကြည့်ရှုပါဦး ။ (ဇာတ်ကားအညွန်းကိုတော့ Ohn Phwa Pageမှ ကူးယူဖော်ပြသည်) @joker

ဒုတိယကမ္ဘာစစ်အတွင်းမှာ Tuskegee airmen လို့ ခေါ်ကြတဲ့ အာဖရိကန်အမေရိကန် လေသူရဲတွေဟာ လူမျိုးရေးခွဲခြားမှုနဲ့ နေရာမပေးချင်မှုတွေကို ကြုံနေရပါတယ်။ အဲဒီအတားအဆီးတွေကြားကနေ လေသူရဲတွေအဖြစ် တာဝန်ထမ်းဆောင်ပြီး ဘာလင်ကို ဗုံးကြဲတဲ့ စစ်ဆင်ရေးမှာပါ ပါဝင်ခဲ့ကြတဲ့ သူတို့အကြောင်းကို ရိုက်ထားတာပါ။ တကယ့်ဖြစ်ရပ်တွေကို အခြေခံထားပေမယ့် စိတ်ကူးယဉ်ဇာတ်ကောင်တွေနဲ့ ပေါင်းစပ်တင်ဆက်ထားပါတယ်။ ဂျော့လူးကပ်စ်က ဒီရုပ်ရှင်ကို စတင်စီစဉ်ခဲ့ပြီး ၂၀၁၂ ခုနှစ်မှာ ထွက်ရှိခဲ့ပါတယ်။ ရိုက်ကူးမှုအများစုကိုတော့ Anthony Hemingway က တာဝန်ယူထားတာပါ။ Terrence Howard၊ Cuba Gooding Jr. နဲ့ Michael B. Jordan တို့အပါအဝင် လူမဲသရုပ်ဆောင်တွေ ပါဝင်ထားပါတယ်။ ဇာတ်ကားမှာ လေကြောင်းတိုက်ပွဲတွေကို ဆက်တိုက်အသားပေးထားပြီး ကိုယ်ထင်ရာလုပ်တတ်၊ အမိန့်မနာခံတတ်တဲ့ လေသူရဲတစ်ယောက်ရဲ့ တိုက်ခိုက်ခန်းတွေလည်း ပါတယ်။ မူရင်းသုံးသပ်ချက်အရတော့ ဒရာမာနဲ့ ဇာတ်ကောင်အချင်းချင်း ဆက်ဆံရေးကို အချိန်ပေးဖော်ပြတာ နည်းပြီး တချို့နေရာတွေမှာ ရုတ်တရက် ထည့်ထားသလို ဖြစ်နေပါတယ်။ လေကြောင်းတိုက်ခိုက်မှုတွေကတော့ ခဏနားပြီး ပြန်တိုက်ကြတဲ့ပုံစံနဲ့ ဇာတ်ကားတစ်လျှောက် အများအပြား ပါဝင်နေပါတယ်။

Noah, is not your typical entertain-the-kids-no-matter-how-boring-it-is kind of sitter. He's reluctant to take a sitting gig; he'd rather, well, be doing anything else, especially if it involves slacking. When Noah is watching the neighbor's kid he gets a booty call from his girlfriend in the city. To hook up with her, Noah takes to the streets, but his urban adventure spins out of control as he finds himself on the run from a maniacal drug lord.

လောကကြီးမှာ လူတန်းစားနှစ်မျိုးနှစ်စားရှိပါတယ်။အဲ့ဒီနှစ်မျိုးကတော့ အပြစ်သားတွေနဲ့ သူတော်စင်တွေပဲဖြစ်ပါတယ်။သင်ကရောဘယ်လို လူတန်းစားထဲမှာပါပါသလဲ။ အခုတင်ဆက်ပေးမဲ့ Sinners And Saints ဆိုတဲ့ ဇာတ်ကားထဲမှာလည်း  အဲ့ဒီလူတန်းစားနှစ်မျိုးကို အဓိကတွေ့ရမှာဖြစ်ပြီး အဲ့ဒါကိုပုံဖော်ဖို့အတွက် အကောင်းဆုံးဇာတ်ကောင်တွေဖြစ်တဲ့ ရဲနဲ့လူဆိုးတို့နဲ့ ပုံဖော်ထားတာကိုတွေ့ရမှာဖြစ်ပါတယ်။ရဲနဲ့ လူဆိုးဆိုပေမဲ့ ပျင်းစရာကောင်း လောက်အောင်လိုက်စုံစမ်းနေတာတွေ လိုက်ဖမ်းနေတာတွေပဲ တွေ့ရမှာမဟုတ်ဘဲ ဟိုဘက် ဒီဘက်သေနတ်တွေနဲ့အပြန်အလှန်ရှယ်ပစ်တဲ့ အက်ရှင်အကြမ်းကြီးတွေကို အဓိကထားရိုက်ကူးထားတာပါ။ IMDb မှာ Rating 6.1 အထိရရှိထားပြီး အက်ရှင်ဇာတ်ကြမ်းကြိုက်တဲ့ သူတွေ အတွက်တော့ အံကိုက်ပါပဲ။ရှောင်ရိုင်လေဆိုတဲ့ ရဲစုံထောက်ကစစ်ဆင်ရေးတစ်ခုမှာ တွဲဖက်ကိုဆုံးရှုံးခဲ့ရပြီးနောက်ပိုင်း တစ်ကိုယ်တည်းလှုပ်ရှားနေသူတစ်ယောက် ဖြစ်ပါတယ်။ဒီလိုနဲ့ တစ်နေ့မှာတော့ သူတို့မြို့မှာအလောင်းတွေကို ရက်ရက်စက်စက် မီးရှို့ထားတဲ့ အမှုနဲ့ကြုံတွေ့လာရပါတော့တယ်။အဲ့ဒီမှာ တခြားရဲဌာနကစုံထောက် ဝေလ်ဂန့်ဇ်ဆိုသူနဲ့ တွေ့ခဲ့ကြပြီး ဒီအမှုကိုအတူတူလိုက်ဖို့ဖြစ်လာပါတော့တယ်။ အမှုကိုလိုက်နေတဲ့ကြားက မီးရှို့ခံထားရတဲ့အလောင်းတွေကို ထပ်တွေ့လာရတဲ့အခါမှာ ဒီအမှုက သွေးရိုးသားရိုးမဟုတ်ဘဲ ဒုစရိုက်အဖွဲ့အစည်းတစ်ခုခုနဲ့သက်ဆိုင်နေမယ် ဆိုတာကို သိခဲ့ရပါတော့တယ်။ပိုထူးဆန်းတာက အဲ့ဒီအမှုကရှောင်ရဲ့ အချစ်ဆုံး သူငယ်ချင်းနဲ့ ပတ်သတ်နေတဲ့အခါမှာတော့ ဘယ်လိုအရှုပ်အထွေးတွေကိုကြုံတွေ့လာရပြီး လျှို့ဝှက်နက်နဲပြီး သေသပ်တဲ့ဒီအမှုကို စုံထောက်ရှောင်နဲ့ ဝေလ်တို့ ဘယ်လိုအတူဖြေရှင်း ကြမယ်ဆိုတာကိုကြည့်ရမှာပဲဖြစ်ပါတယ် File size…2.01 GB / 0.98GB Quality…Blu-Ray 1080p  / 720p Format…mp4 Duration….1h 44m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Meet the Spartans က နာမည်ကျော် 300 ဇာတ်ကားကို အခြေခံပြီး ဟာသလုပ်ထားတဲ့ Parody ရုပ်ရှင်ပါ။ Parody ဆိုတာ ရှိပြီးသားဇာတ်ကားတွေရဲ့ ဇာတ်လမ်းနဲ့ ဇာတ်ဝင်ခန်းတွေကို ယူပြီး ပြောင်လှောင်သရော်တဲ့ ပုံစံဖြစ်ပါတယ်။ Scary Movie ဇာတ်ကားတွေကလည်း နာမည်ကြီးရုပ်ရှင်တွေထဲက အကြောင်းအရာတွေကို ရောစပ်ပြီး အဲဒီလို ဟာသလုပ်ထားတာမျိုးပါ။ မူရင်း 300 ရဲ့ နောက်ခံကတော့ ဘီစီ ၄၈၀ မှာ စပါတာဘုရင် လီယိုနိုင်းဒတ်စ်က စစ်သည်သုံးရာနဲ့ ဇာဆီရဲ့ အင်အားအဆမတန်များတဲ့ ပါရှန်တပ်ကို ရင်ဆိုင်ခဲ့တဲ့ သာမိုပလေစစ်ပွဲ ဖြစ်ပါတယ်။ ဒီအကြောင်းကို Zack Snyder က ၂၀၀၆ ခုနှစ်မှာ ရုပ်ရှင်အဖြစ် ရိုက်ကူးခဲ့ပြီး Meet the Spartans ကတော့ ၂၀၀၈ ခုနှစ်မှာ ထွက်ရှိလာတာပါ။ ဒီဟာသဗားရှင်းမှာ အဲဒီခေတ်က ရေပန်းစားခဲ့တဲ့ အနုပညာရှင်တွေ၊ တီဗီအစီအစဉ်တွေ၊ ရုပ်ရှင်တွေနဲ့ နိုင်ငံရေးသမားတွေကိုပါ ထည့်သွင်းသရော်ထားပါတယ်။ ဟောလီးဝုဒ်အနုပညာရှင်တွေရဲ့ အဲဒီအချိန်က သတင်းတွေကို ကိုးကားထားတာတွေ ပါလို့ တချို့ဟာသတွေကတော့ အဲဒီခေတ်အကြောင်း သိထားသူတွေအတွက် ပိုရင်းနှီးနေမှာပါ။

သည်းထိပ်ရင်ဖို horrorကား၊ သေပြေးရှင်ပြေး ပြေးရတဲ့ကားတွေကိုမှ ကြိုက်နှစ်သက်ရင် ဒီကားလေးကလည်း တစ်မျိုးတစ်မည်တော့ ခံစားရမှာပါ....။ ဇာတ်လမ်းလေးကတော့ ဗူဒူးစုန်းအတတ် ဓလေ့တစ်ခုကို အမှီပြုပြီးဇာတ်အိမ် တည်ထားတာပါ...။ ဗူဒူးစုန်းပညာမှာ လူသတ်သမားတွေ၊ဆိုးယုတ်သူတွေရဲ့ ဝိညာဥ်တွေ၊ နတ်ဆိုးတွေရဲ့ ဝိညာဥ်တွေကို အပင်းထုတ်သလိုထုတ်ပြီး သူတစ်ပါးကို ဒုက္ခမပေးနိုင်အောင် သေချာစီမံသိမ်းဆည်းထားတတ်တဲ့ ဓလေ့တစ်ခုလည်းရှိတယ်....။ ဥပမာ- ပုလင်းတစ်လုံးထဲဖြစ်ဖြစ်၊ အိုးတစ်ခုတည်းဖြစ်ဖြစ် ထည့်သိမ်းပြီး တစ်နေရာရာမှာမြှုပ်နှံထားတတ်ကြတယ်ပေါ့...။ အကယ်၍များအဲ့ဒီနတ်ဆိုးဝိညာဥ်တွေ လွတ်ထွက်သွားရင်တော့ တစ်ယောက်ယောက်ကို ပူးကပ်ပြီး ကောင်းကောင်းကြီးဒုက္ခပေးတော့တာပါပဲ....။ အခုဇာတ်လမ်းလေးကလည်း ဒီလိုအကြောင်းအရာလေးကိုမှ ရိုက်ကွင်းရိုက်ကွက် ကောင်းကောင်းနဲ့ ရိုက်ကူးထားတာမို့ ကြည့်ရှုလို့ကောင်းမယ့် သည်းထိပ်ရင်ဖို ကားလေးတစ်ကားပဲဖြစ်ပါတယ်.... File size…1.51GB / 802MB Quality…Blu-Ray 1080p 5.1 CH/ 720p Format…mp4 Duration….1h 27m Genre ….. Horror Subtitle….Myanmar Subtitle (Hard Sub) Encoder….Min Wai Translated by Themes

Scary Movie ဆိုတာကတော့ သူ့ခေတ်အခါက နာမည်ကြီးမှန်သမျှတွေကို ဟာသသက်သက် လှောင်ပြောင်ထားသောဇာတ်ကားများဖြစ်ပါတယ်။ အထူးသဖြင့်တော့ နာမည်ကြီး ဇာတ်ကားတွေ သရုပ်ဆောင်တွေကို လှောင်ပြောင်ထားတာပါ။ မူရင်းဇာတ်ကားတွေကို ကြည့်ဖူးထားရင် Scary Movie ရဲ့ လှောင်ပြောင်ချက်တွေက အတော်လေး ခွီနေရပါတယ်။ (Scary Movie စုစုပေါင်း ၅ ကားထွက်ထားပါတယ်။ အခုကတော့ နံပါတ် ၃ ဇာတ်ကားကိုတင်ပေးလိုက်တာပါ။ နောက်ဇာတ်ကားတွေကိုလဲ အဆင်ချောသလို တင်ဆက်သွားပါ့မယ်။ တစ်ကားနဲ့တစ်ကား အဆက်အစပ်မရှိတဲ့အတွက်ဘယ်ကကြည့်ကြည့်အဆင်ပြေပါတယ်။ Scary Movie တွေနဲ့ ပတ်သတ်ပြီး မှတ်မိနေတာကတော့....ကျွန်တော် ငယ်ငယ်တုန်းက... Horror ဇာတ်ကားဆိုရင် ညဖက် အိပ်မပျော်အောင်ထိ ကြောက်ခဲ့ဖူးပါတယ်။ ဒါပေမယ့် Scary Movie တွေ ကြည့်ပြီးနောက်မှာ ဘယ် Horror ဇာတ်ကားမှ မကြောက်တတ်တော့ပါ။ သူတို့လှောင်ထားတဲ့ Horror ဇာတ်ကားတွေကြည့်ပြီး ရယ်ပဲရယ်ချင်တော့ပါတယ်။ File Size : 2.5 GB / 1 GB Quality : Blu-Ray 1080P / 720p Running Time : 1hr 24min Genre : Comedy Subtitle : Myanmar Subtitle (Hard Sub)

ဒီဇာတ်ကားကတော့ နာမည်ကြီးRapperတွေဖြစ်တဲ့ DMXနဲ့ Nasတို့မှ အဓိကပါဝင်သရုပ်ဆောင်ထားပါတယ်။ ၁၉၉၀ခုနှစ်ဝန်းကျင်မှာဖြစ်ပြီး နယူးယောက်မှာရှိတဲ့ လူမည်းတွေရဲ့လူနေမှုဘဝတွေ၊ ‌မူးယစ်ဆေးအရောင်းအဝယ်တွေ၊ တရားမဝင်လုပ်ငန်းတွေအကြောင်းရိုက်ပြထားတာပါ။ ဇာတ်လမ်းအညွှန်းကတော့ ငယ်ငယ်ကတည်းကသူငယ်ချင်းတွေဖြစ်ခဲ့တဲ့ တွမ်မီနဲ့ ဆန်စီရာတို့ဟာ မူးယစ်ဆေးလုပ်ငန်းမှာနာမည်ကြီးတဲ့သူတွေပါ။ သူတို့နှစ်ယောက်မှာမတူတာကတော့ တွမ်မီကပိုက်ဆံသာရရင် ဘာပဲလုပ်ရလုပ်ရလုပ်တဲ့သူဖြစ်ပေမယ့် ဆန်စီရာကအေးအေးဆေးဆေးနေပြီး မကောင်းတဲ့ဘဝကနေထွက်သွားချင်နေတာပါ။ တစ်နေ့မှာတော့တွမ်မီက လုပ်နေကျအလုပ်ကနေတစ်ဆင့်ထပ်မြှင့်ချင်လာတဲ့အခါမှာတော့ အမြင်မတူတဲ့သူငယ်ချင်းနှစ်ယောက်ဟာလမ်းခွဲပြီး ကိုယ့်လမ်းကိုယ်လျှောက်ကြရင်း သူတို့ကြုံတွေ့ရတဲ့ အခက်အခဲတွေ၊ အတွေ့အကြုံတွေအကြောင်းကိုရိုက်ပြပေးထားတာပါ။ File size…(1 GB)/(481 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Crime, Drama  Subtitle….Myanmar Subtitle (Hardsub) Encoder….Swan Min Htet Translated by Mastero

Cop Land (1997) James Mangold ရိုက်ကူးထားတဲ့ ၁၉၉၇ ခုနှစ်ထုတ် သည်းထိတ်ရင်ဖို ဒရာမာကား "Cop Land" ရုပ်ရှင်ဇာတ်ကားကြီးက အကောင်းဆုံး ရုပ်ရှင်ကားတွေထဲက တစ်ကားဖြစ်ပြီး Sylvester Stallone လို အက်ရှင်မင်းသားကို မတူညီတဲ့ ပုံစံမျိုးနဲ့ တွေ့မြင်စေမှာ ဖြစ်ပါတယ်။ Robert De Niro, Harvey Keitel, Ray Liotta စတဲ့ ထိပ်တန်းသရုပ်ဆောင်တွေလည်း ပါဝင်တာကြောင့် ကြည့်ရှုသူတွေအတွက် လက်မလွှတ်တမ်း ကြည့်ရှုသင့်တဲ့ ဇာတ်ကားတစ်ကား ဖြစ်ပါတယ်။ နယူးယောက်ရဲတပ်ဖွဲ့မှ ရဲများနေထိုင်ရာ Garrison ဆိုတဲ့ ငြိမ်းချမ်းယောင်ဆောင်ထားသော မြို့လေးတစ်မြို့၏ အကြောင်းကို ရိုက်ကူးထားခြင်းဖြစ်ပါတယ်။ ရဲတွေရဲ့ အကျင့်ပျက်ခြစားမှု၊ လျှို့ဝှက်ဆန်းကြယ်မှုများနှင့် ဥပဒေချိုးဖောက်နေတဲ့ ဥပဒေဘက်တော်သားများကို တွေ့မြင်ရမှာ ဖြစ်ပါတယ်။ ရဲတပ်ဖွဲ့ဝင်အများစုကို ဦးဆောင်နေသူမှာ ဒုတိယရဲအုပ်ကြီး Ray Donlan က ဘယ်လိုနည်းလမ်းနဲ့မဆို သူ့လူတွေကို ကာကွယ်ပေးတတ်သူတစ်ယောက်ဖြစ်ပါတယ်။ ရဲအရာရှိ Freddy Heflin က နားမကြားတဲ့ ရဲအရာရှိငယ်လေးတစ်ဦးဖြစ်ပြီး၊ မတော်တဆမှုတစ်ခုဖြစ်ပြီးနောက် Freddy က သူ့ရဲ့ မိတ်ဆွေရဲတပ်ဖွဲ့တွေရဲ့ လျှို့ဝှက်ချက်တွေကို တဖြေးဖြေး သိရှိလာခဲ့ပါတယ်။ သူ့အိမ်နဲ့အသက်ကိုပါစွန့်စားပြီး ဖုံးကွယ်နေတဲ့ အမှန်တရားကို ဖော်ထုတ်ဖို့ ဆုံးဖြတ်လိုက်တဲ့ ဖရတ်ဒီတစ်ယောက် ဘာတွေကို တွေ့ရှိရမလဲဆိုတာကိုတော့ ဒီဇာတ်လမ်းမှာ ဆက်လက်ကြည့်ရှုပေးကြပါအုံး။ File size… (1.7 GB) / (820 MB) Quality…. Blu-Ray 1080p HEVC / 720p Format…. mp4 Genre…. Crime, Drama, Thriller Duration…. 01:45:05 Subtitle…. Myanmar Subtitle (Hardsub)