Mike Chute ပါဝင်သော ဇာတ်ကားများ

40 Acres (2025) IMDb Rating (6.6) / Rotten Tomatoes (89%) ကပ်ရောဂါဆိုးကြီးဖြစ်ပြီးနောက်ပိုင်းမှာ ကမ္ဘာပေါ်မှာ မြေဆီလွှာတွေပျက်စီး ရောဂါပိုးမွှားတွေကပ်ပြီး စိုက်ပျိုးသီးနှံတွေခေါင်းပါးလာပါတယ်။ အခုလို စားသောက်ကုန်ကြမ်းတွေလျော့ပါးလာတဲ့အလျောက် အစားအသောက်တွေလည်း ရှားပါးလာပြီး ကမ္ဘာကြီးဟာ ယိုယွင်းလာပြီး လူတွေဟာ သမိုင်းဦးဘုံမြေက လူရိုင်းတွေလိုမျိုး အသိစိတ်မရှိတော့တဲ့အထိဖြစ်လာပါတယ်။ ကြီးနိုင်ငယ်ညှင်းဆိုတဲ့အတိုင်း အားကြီးတဲ့ယောက်ျားသားတွေနဲ့ဖွဲ့စည်းထားတဲ့အဖွဲ့တွေဟာ အားနည်းတဲ့ အမျိုးသမီးအများစုနဲ့ဖွဲ့စည်းထားတဲ့မိးသားစုတွေကို အမဲလိုက်ပြီး "သေရင်မြေကြီး ရှင်ရင်ရွှေထီး" လိုတောင်မဟုတ်တော့ဘဲ သေရင်တောင် အလောင်းမကျန်တဲ့အထိ သတ်ဖြတ်စားသောက်ခံကြရတာပါ။ ဒီလိုနဲ့ပဲ ပုံမှန်အသိစိတ်ရှိတဲ့လူတွေမှာ လူနည်းစုလောက်ပဲရှင်သန်ပြီး သူတို့အတွက် ကောက်ပဲသီးနှံအထွက်တိုးတဲ့ လယ်ယာစိုက်ခင်းတွေကပဲ သူတို့အသက်ဖြစ်လာကြပါတယ်။ ဒီဇာတ်ကားထဲမှာတော့ အမေရိကန်ပြည်တွင်းစုတုန်းက ကနေဒါကိုပြောင်းရွေ့လာတဲ့မျိုးဆက်ကနေဆင်းသက်လာတဲ့ လူမည်းကနေဒီယန်မိသားစုတစ်စုဟာ ရှင်ကျန်နေတဲ့ လူနည်းစုအဖွဲ့တွေကို လိုက်လံဖမ်းဆီးစားသောက်နေတဲ့ ဇာတ်တူသားစားလူဆိုးတွေကဆီကနေ တွန်းလှန်ကာကွယ်ပုံကို ဒရာမာဆန်ဆန် အက်ရှင်အပြည့်နဲ့တွေ့ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (1.6 GB) / (860 MB) Quality…. WEB-DL 1080p HEVC / 720p Format…. mkv/mp4 Genre…. Drama,Science Fiction,Thriller Duration…. 01:53:47 Subtitle…. Myanmar Subtitle (Hardsub) Encoder…. Double K Translated by Mark

ထရန်စဖော်မာရုပ်ရှင်တွေရဲ့ ခုနစ်ကားမြောက်ဖြစ်တဲ့ ဒီကားမှာ သားရဲပုံစံတွေကို အများဆုံး ပြောင်းတတ်တဲ့ မက်စီမယ်မျိုးနွယ်စု ပါလာပါတယ်။ ဒီတစ်ခေါက် အော်တိုဘော့တွေ ရင်ဆိုင်ရမှာက ဒီဆက်တီကွန်တွေ မဟုတ်ဘဲ ဂြိုလ်တွေကို တစ်လုံးလုံး ဝါးမျိုနိုင်တဲ့ ယူနီခရွန်နဲ့ သူ့တပ်ဖွဲ့တွေပါ။ ယူနီခရွန်ဟာ မက်စီမယ်တွေရဲ့ ဂြိုလ်ကို ဖျက်ဆီးပြီး သူတို့လက်ထဲက ထရန်စဝါ့သော့ကို လုယူဖို့ ကြိုးစားတယ်။ ဒီသော့က စကြဝဠာတွေထဲ ခရီးသွားနိုင်မယ့် ပေါ်တယ်တံခါးတွေကို ဖွင့်ပေးနိုင်တာကြောင့် ယူနီခရွန်အတွက် နောက်ထပ်ဂြိုလ်တွေကို ရောက်ပြီး ဝါးမျိုနိုင်မယ့်နည်းလမ်း ဖြစ်နေတာပါ။ ယူနီခရွန်၊ သူ့လက်အောက်က တယ်ရာကွန်တွေနဲ့ သူတို့ခေါင်းဆောင် စကာ့ဂျ်ကို မယှဉ်နိုင်တဲ့ မက်စီမယ်တွေဟာ သော့ကိုယူပြီး ကမ္ဘာပေါ်မှာ ပုန်းနေကြရပါတယ်။ ဒါပေမယ့် စကာ့ဂျ်က ခြေရာခံလိုက်လာပြီး သော့ကို လုဖို့ ကြိုးစားလာတယ်။ အဲဒီအခါ ဆိုက်ဘာထရွန်စစ်ပွဲကို ရှောင်တိမ်းလာတဲ့ အော့တိမတ်ပရိုင်းရဲ့ အော်တိုဘော့တွေနဲ့ အော့တိမတ်ပရိုင်မယ်ရဲ့ မက်စီမယ်တွေ ပူးပေါင်းပြီး ယူနီခရွန်ရဲ့တပ်ဖွဲ့တွေကို တားဆီးရပါတော့တယ်။

Kin (2018) အီလိုင်ဂျာဆိုတဲ့ကောင်လေးဟာ သူ့ရဲ့ပထွေးဖြစ်သူနဲ့ အတူနေထိုင်ပါတယ်။ မုန့်ဖိုးသိပ်မရတာကြောင့် သူ့ရဲ့ အသုံးအဆောင်ပစ္စည်းတွေဝယ်ဖို့အတွက် လူမနေတော့တဲ့ အိမ်အဟောင်းတွေဆီမှာ သံတိုသံစတွေကို ကောက်ပြီးတော့ ရောင်းစားလေ့ရှိပါတယ်။ ဒီလိုနဲ့ တစ်နေ့မှာ သံတိုသံစကောက်ဖို့အတွက် အဆောက်အဦးတစ်ခုထဲကို ရောက်သွားတဲ့အချိန်မှာ ထူးဆန်းတဲ့ဝတ်စုံတွေကို ဝတ်ဆင်ထားကြတဲ့ လူသေအလောင်းတွေကို တွေ့လိုက်ရပါတော့တယ်။ ညဘက်မှာ အဲဒီနေရာကိုပြန်သွားတော့ ဘာမှမရှိတော့ဘဲ ပစ္စည်းတစ်ခုကိုပဲတွေ့တာကြောင့် ကောက်ယူလာလိုက်ပါတော့တယ်။ အဲဒီအချိန်မှာ သူ့အဖေရဲ့သားအရင်းဖြစ်တဲ့ ဂျင်မီဟာ ထောင်ကနေထွက်လာပြီးတော့ အိမ်ကိုပြန်ရောက်လာပါတော့တယ်။ ဂျင်မီဟာ လူပဲပြန်ရောက်လာတာမဟုတ်ဘဲ ထောင်ထဲမှာပတ်သက်ခဲ့တဲ့ လူမိုက်တွေနဲ့အရှုပ်အရှင်းတွေကိုပါ အိမ်ကို သယ်ပြန်လာခဲ့တာပဲဖြစ်ပါတယ်။ ဒီလိုနဲ့ ထောင်ထွက်လူမိုက်တွေနဲ့ ပြဿနာဖြစ်ကြရင်း ထွက်ပြေးကြတဲ့အချိန်မှာ အီလိုင်ဂျာယူလာခဲ့တဲ့ ပစ္စည်းလေးကို မတော်တဆအသုံးပြုမိပြီး လွတ်မြောက်သွားကြပါတော့တယ်။ ဒါကြောင့် အဲဒီပစ္စည်းလေးက ဘယ်လိုအစွမ်းသတ္တိတွေရှိပြီးတော့ အီလိုင်ဂျာလက်ထဲကို ဘယ်လိုရောက်လာတာလဲဆိုတဲ့ဇာတ်ကြောင်းကို ကြည့်ရှုရမှာပဲဖြစ်ပါတယ်။ File Size - 1.86 GB/ 889 MB Quality - BluRay 1080p/ 720p Duration - 1h 42m Format - mp4 Genre - Action, Drama, Sci-Fi Subtitle - Myanmar Subtitle (Hard Sub)

Death Wish (2018) IMDb - 6.4/10 2018 ခုနှစ်ထွက် အက်ရှင်ဇာတ်ကားသစ် Death Wish ကိုတော့အထူးတလည်မိတ်ဆက်ပေးနေစရာ မလိုဘူးလို့ထင်ပါတယ်။ ဒီဇာတ်ကားကို1972 ခုနှစ်မှာထွက်ရှိခဲ့တဲ့ စာရေးဆရာ Brian Garfield ရဲ့စာအုပ်ကိုအခြေခံပြီးရိုက်ကူးထားတာပဲဖြစ်ပါတယ်။ ဒါရိုက်တာကတော့ Eli Roth ဖြစ်ပြီး၊Die Hard Franchise မှာဇာတ်ဆောင်အဖြစ်သရုပ်ဆောင်ခဲ့သူ ဖြစ်ပြီး အက်ရှင်မင်းသားတစ်ဦးအဖြစ် လူအများသိကြတဲ့ မင်းသားကြီး Bruce Willis က ခေါင်းဆောင်မင်းသားနေရာကနေ ပါဝင်သရုပ်ဆောင်ထားပါတယ်။ ဒီဇာတ်ကားဟာ Box Office မှာ ထင်သလောက် မအောင်မြင်ခဲ့ပေမယ့်လည်း IMDb rating 6.4 ရှိတာကြောင့် တော်တော်ကြည့်လို့ကောင်းတဲ့ အက်ရှင်ကားတစ်ကားလို့ဆိုရမှာပဲဖြစ်ပါတယ်။ ဇာတ်လမ်းအကျဉ်း ပေါလ်ကာစီဟာ ခွဲစိတ်ဆရာဝန်တစ်ဦးဖြစ်ပြီး ဇနီးဖြစ်သူ လူစီသမီးဖြစ်သူ ဂျော်ဒန်တို့နဲ့အတူ မိသားစုဘဝလေးကိုပျော်ရွှင်စွာဖြတ်သန်းနေတဲ့လူအေးကြီးတစ်ယောက်လည်းဖြစ်ပါတယ်။ တစ်ရက်မှာတော့ သူတို့မိသားစုအပေါ်ကံဆိုးမိုးမှောင်ကျရောက်ခဲ့ရပါတော့တယ်။ ဓားပြတွေရဲ့လက်ချက်နဲ့ ဇနီးဖြစ်သူ လူစီသေဆုံးပြီး သမီးဖြစ်သူဂျော်ဒန်ဟာမသေရုံတမယ်ဘဝမျိုးကိုရောက်ရှိသွားပါတော့တယ်။ အဆိုပါမှုခင်းဖြစ်ပြီး ရက်အတော်ကြာတဲ့အထိ ဘာသတင်းမှမထူးတာကြောင့် ရဲတွေကို အားကိုးလို့မရဘူးဆိုတာကို ဒေါက်တာကာစီတစ်ယောက် သဘောပေါက်သွားပြီး သူ့မိသားစုအတွက် တရားမျှတမှုကို သူကိုယ်တိုင်ဆောင်ကြဉ်းဖို့ ကြိုးစားပါတော့တယ်........။ မင်းသားကြီး ဘရုစ်ဝီလီရဲ့အက်ရှင်ဇာတ်ကားကောင်းဖြစ်တဲ့အတွက် လက်မလွှတ်တမ်းကြည့်ရှုသင့်တဲ့ဇာတ်ကားတစ်ကားလည်းဖြစ်ပါတယ်။ (ဇာတ်လမ်းအညွှန်းနဲ့ဘာသာပြန်သူကတော့ ကိုမျိုးသန့်ပါ) File Size :(1.6GB) (900 MB) Quality : Blu-Ray( 1080p)( 720p) Running Time : 1hr 47min Format : Mp4 Genre : Action, Crime, Drama Subtitle : Myanmar Subtitle (Hard Sub) Translated by Myo Thant Kyaw Encoded by Thanhtike Zaw

Pacific Rim (2013) IMDb Rating (6.9) / Rotten Tomatoes (72 %) အမေရိကန် စိတ်ကူးယဉ်သိပ္ပံ Monster ရုပ်ရှင် ဖြစ်တဲ့ Pacific Rim ဟာ 2013 မှာစတင်ထွက်ခဲ့ပြီး Monster ရုပ်ရှင်ကြိုက်တဲ့ သူတွေကြားမှာ အရမ်းအောင်မြင်မှုရရှိခဲ့ဖူးပါတယ်။ အကြောင်းအရာကတော့ အနာဂတ်ကာလမှာ Kaiju လို့ခေါ်တဲ့ ပင်လယ်သမုဒ္ဓရာထဲ ဧရာမ မွန်းစတားကြီးတွေရဲ့ ကျူးကျော်တိုက်ခိုက်မှုကို လူသားတွေဟာ ဧရာမစက်ရုပ်ကြီး (Jaegers) တွေ တည်ဆောက်ပြီး ပြန်လည်တိုက်ခိုက်ခဲ့တဲ့ အကြောင်းပါ။ 2013 မှာ ထွက်ရှိခဲ့တဲ့ Pacific Rim ဟာ visual effects၊ action scene တွေနဲ့ ပတ်သက် အများအပြား ချီးကျူးခံခဲ့ရပေမဲ့ U.S Box office မှာ underperforming ဖြစ်ခဲ့ပါတယ်။ သို့သော်လည်း တစ်ကမ္ဘာလုံး အတိုင်းအတာနဲ့တော့ အရမ်းအောင်မြင်မှု ရခဲ့တဲ့အပြင် ဝင်ငွေ စုစုပေါင်း $411 million ထိ ရရှိခဲ့ပါတယ်။ ငယ်ငယ်က DVD အခွေနဲ့ ထပ်ခါထပ်ခါ အကြိမ်ကြိမ် ကြည့်ခဲ့ရတဲ့ မွန်းစတားကား တစ်ခုဆိုလည်း မမှားဘူး။ ဇာတ်လမ်းအကျဉ်း - Pacific သမုဒ္ဓရာ ကြမ်းပြင်တစ်နေရာက Interdimensional Portal ကနေ ထွက်လာတဲ့ Kaiju ခေါ် Alien Monster ကြီးတွေဟာ အချိန်အပိုင်းအခြားတစ်ခုကြာတာနဲ့ ကုန်းပေါ်တက်လာပြီး မြို့ကြီးပြကြီးတွေကို လိုက်ဖျက်စီးခဲ့ကြပါတယ်။ စစ်ဘက်ဆိုင်ရာ လက်နက်တွေနဲ့ မတိုး‌တဲ့ ဒီ Kaiju တွေကို ခုခံဖို့ လူသားတွေဟာလည်း သူတို့ရဲ့ ကိုယ်ပိုင် Monster (Jaegers ခေါ် ဧရာမစက်ရုပ်ကြီးများ) တွေကို တည်ဆောက်ကာ ပြန်လည်တိုက်ခိုက်ခဲ့ကြပါတယ်။ သိုသော်လည်း ခုခံနေရုံ မပြီးမှန်းသိရှိလာတဲ့ အခါမှာတော့ လူသားတွေဟာ Kaiju တွေ အမြဲထွက်လာတဲ့ Pacific သမုဒ္ဓရာ ကြမ်းပြင်က portal ကို ပိတ်ဖို့ Mission နဲ့အတူ ကျန်‌ရှိနေတဲ့ Jaegers အကုန်လုံးစုစည်းပြီး စေလွှတ်ခဲ့ပါတယ်။ Monster ကားကြိုက်တတ်တဲ့သူမျိုးဆိုရင် ချန်ထားလို့မရတဲ့ ကြည့်ကို ကြည့်ရမယ့် ဇာတ်ကားမျိုးဖြစ်တာကြောင့် မကြည့်ရသေးရင် ကြည့်ဖို့ တိုက်တွန်းချင်ပါတယ်၊ - Paras1te (ရုပ်ရှင်အညွှန်းကို AnemoiVerse FB Page မှ ကူးယူဖော်ပြပါသည်။) File size…(11 GB)/ (4 GB )/(3.1 GB) Quality…BluRay  4K HEVC/ 1080p HEVC / 720p Format…mkv/mp4 Duration….02:12:00 Subtitle….Myanmar Subtitle (Hardsub) Encoder….Ka Naung

ဒီ Hero ကားလေးကတော့ ၂၀၁၀ က ထွက်ရှိခဲ့တဲ့ Kick Ass ရုပ်ရှင်ဇာတ်ကားရဲ့အဆက်အနေနဲ့ ၃ နှစ်အကြာမှာထပ်မံထွက်ရှိလာတဲ့ Kick Ass 2 ပဲဖြစ်ပါတယ်... ဇာတ်လမ်းကလဲ ဆက်စပ်ပြီးတော့ Kick Ass 2 ရဲ့အဓိကဗီလိန်ကတော့ Kick Ass 1 မှာ ပါဝင်ခဲ့တဲ့ Red Mist ဟာ Mother Fucker ဆိုတဲ့ နာမည်အဆန်းကြီးနဲ့ ပြန်လည်မွေးဖွားလာလို့ပါပဲ... (သူ့ဟာနဲ့သူတော့ဟုတ်နေတာပဲ...ဘာလို့လဲဆိုတော့ သူ့အမေကို မတော်တဆသတ်မိလိုက်လို့တဲ့ဗျာ....) သူ့ရဲ့ရည်ရွယ်ချက်ကတော့ရှင်းပါတယ်... သူ့အဖေကို ဘစူကာကြီးနဲ့မညှာမတာပစ်သတ်ခဲ့တဲ့ Kick Ass ကို မသေမချင်းပြန်သတ်ဖို့ပါပဲ... ဒါကြောင့် ကြေးစားလူမိုက်တွေအကုန်လိုက်စုစည်းပြီးတော့ အကြီးမားဆုံးရာဇဝတ်မှု့ကို ကျူးလွန်ကြတော့မှာပါ... ဒီ Kick Ass 2 မှာထူးခြားလာတာကတော့ Kick Ass တစ်ယောက်တည်း မျက်နှာဖုံးနဲ့မဟုတ်တော့ပါဘူး... Kick Ass 1 မှာကတည်းက Kick Ass ကိုသဘောကျထောက်ခံတဲ့လူတွေအများစုက သူ့တို့ကိုယ်တိုင်လည်းမျက်နှာဖုံးတွေဝတ်ပြီးတော့ မကောင်းမှုတွေကို လိုက်လံရှာဖွေနေကြတာကိုမြင်ရတော့မှာပါ... သူတို့ဟာ ဘာအစွမ်းအစမှမရှိပါဘူး...ဒါပေမယ့် သူတို့ရဲ့စံပြကြီး Kick Ass လိုမျိုးမျက်နှာဖုံးတပ်လိုက်တာနဲ့ သူတို့ကိုယ်သူတို့အားအင်တွေ ရှိလာကြမယ်ဆိုတာ သူတို့ကိုယ်တိုင်ယုံကြည်နေကြလို့ပါ.... (သူရဲကောင်းဆိုတာ လက်ရုံးရည်မရှိလဲ နှလုံးရည်ရှိလည်းရတယ် ဆိုသလိုပေါ့..) နောက်ပြီးတော့ Kick Ass 1 မှာ ၁၃ နှစ်သာသာပဲရှိနေသေးတဲ့ လူကြမ်းမလေး Hit Girl ကတော့ သူ့ရဲ့အဖေ Big Daddy သေဆုံးပြီးနောက်ပိုင်းမှာ ဦးလေးရဲ့အုပ်ထိန်းမှုအောက်မှာကြီးပြင်းလာရင်း သတ်ဖြတ်မှုတွေကိုတတ်နိုင်သလောက်ရှောင်နေခဲ့ပါတယ်.... ဒီကားမှာတော့ Hit Girl လေး အသက်ကြီးလာပြီဖြစ်လို့ တော်တော်လေးကိုချောနေတယ်ဆိုတာ ငြင်းမရပါဘူး... ဒါဆိုရင် ကျွန်တော်တို့ရဲ့ဇာတ်လိုက်ကျော်ကြီး Kick Ass ကော..... Kick Ass ကတော့ ထုံးစံအတိုင်းပဲ တုတ်ကလေးနှစ်ချောင်းကိုကိုင်ပြီး လူသားတွေကို  ဘာမှမရဘဲ လိုက်လံကာကွယ်ပေးနေတုန်းပါပဲ... သူရတာတွေကတော့ ကွဲပြဲ ဒဏ်ရာတွေပါပဲ.... သူရဲကောင်းတိုင်းမှာ စွန့်လွှတ်မှုတွေအများကြီးရှိကြပါတယ်... ဘာအမြတ်အစွန်းမှမပါဘဲ အားလုံးရဲ့အကျိုးကိုလိုက်လံဆောင်ရွက်ပေးနေတဲ့ Kick Ass ရဲ့စွန့်လွှတ်လိုက်ရတာကတော့ ဒီ Kick Ass 2 မှာ အကြီးမားဆုံးပါပဲ.... ဘာလဲဆိုတာကိုတော့....။ (ရုပ်ရှင်အညွှန်းကို Moe Myint Lwin မှ တင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(4.3 GB)/(2.3 GB)/(1.2 GB) Quality….BluRay 4K HDR/1080p/720p Format…mkv/mp4 Duration….01:43:00 Subtitle….Myanmar Subtitle(Hardsub) Encoder….Ka Naung

သေဆုံးခြင်းနောက်ကွယ်က တမလွန်ဘဝဟာ ဘယ်လိုရှိမယ်ဆိုတာ မိတ်ဆွေတို့ တွေးကြည့်ဖူးကြလားခင်ဗျ။ ဘာသာတိုင်းမှာ သေလွန်ပြီးရင် ရောက်ရှိမယ့် နိဗ္ဗာန်၊ ကောင်းကင်ဘုံ၊ ငရဲ၊ နတ်ပြည်၊ ဗြမ္မာပြည် အစရှိသဖြင့် ဘုံအမျိုးမျိုးရှိကြပါတယ်။ ဒါပေမဲ့ တစ်ကယ်တမ်းတွေးကြည့်ရင် သေခါနီးအသက်ငင်နေချိန်မျိုးမှာ လူတွေဘာမြင်ရမလဲ သေဆုံးခြင်းက အဆုံးသတ်လား၊ ဒါမှမဟုတ် စတင်ခြင်းလား ဆိုတဲ့မေးခွန်းတွေပေါ်လာပါတယ်။ ဒီဇာတ်ကားအစမှာတော့ လူစီဆိုတဲ့ကလေးမလေးဟာ ဒဏ်ရာဒဏ်ချက်ဗရပွနဲ့ ဆောက်လုပ်ရေးဆိုဒ်တစ်ခုကနေ ထွက်ပြေးလာပြီး လူတွေက တွေ့ရှိရာကနေ စတင်ထားပါတယ်။ သူမကို မုဒိန်းကျင့်ထားတာမျိုးတော့မရှိပေမယ့် ခန္ဓာကိုယ်တစ်ခုလုံးကို စုတ်ပြတ်သပ်နေအောင် နှိပ်စက်ထားပါတယ်။ ဒီလိုနှိပ်စက်မှုမျိုးကြောင့် စိတ်ဒဏ်ရာရရှိသွားတဲ့ လူစီဟာ တစ်ကယ်မရှိတဲ့သရဲလိုလိုအကောင်ကို မြင်နေရပြီးတော့ သူ့ကိုယ်သူ ဒဏ်ရာရအောင်လုပ်တာမျိုးတွေ ရှိလာပါတယ်။ ဒီလိုနဲ့ သူမကို တွေ့ရှိပြီးတဲ့နောက်မှာ မိဘမဲ့ဂေဟာတစ်ခုကို ပို့လိုက်တဲ့အခါမှာ အန်နာဆိုတဲ့ကောင်မလေးနဲ့ ခင်မင်သွားပါတော့မယ်။ ဆယ့်ငါးနှစ်အကြာမှာတော့ လူစီဟာ သူမကိုနှိပ်စက်ခဲ့တဲ့လူကို ခြေရာခံနိုင်ခဲ့ပြီး တစ်မိသားစုကို သေနတ်နဲ့ ပစ်သတ်ခဲ့ပါတယ်။ ပြီးတာနဲ့ သူဟာ အန်နာကို ဖုန်းခေါ်တဲ့အချိန်မှာ သူငယ်ချင်းကောင်းဖြစ်တဲ့ အန်နာက လိုက်လာခဲ့ပြီး အပြစ်မဲ့တဲ့မိသားစုကို သတ်ပစ်လိုက်တဲ့အတွက် မခံစားနိုင် သူ့သူငယ်ချင်းထောင်ကျမှာကိုလည်း မကြည့်ရက်ဘဲ အလောင်းတွေကို လက်စဖျောက်ပစ်ဖို့လုပ်ပါတော့တယ်။ ဒီလိုလက်စဖျောက်နေရင်းနဲ့ အဲဒီအိမ်မှာ စနစ်တကျတည်ဆောက်ထားတဲ့ လျှို့ဝှက်မြေအောက်ခန်းကို တွေ့လိုက်ရပြီး ဆင်းသွားတဲ့အခါမှာ အမှောင်ခန်းထဲမှာ အလုံပိတ်ပြီး နှိပ်စက်ခံထားရတဲ့ ကောင်မလေးတစ်ယောက်ကို တွေ့ပြီး ဒီမိသားစုဟာ သူထင်သလို အပြစ်မကင်းဘဲ လူစီပြောတာ မှန်နေခဲ့ကြောင်းသိလိုက်ရပြီး ထိုကောင်မလေးကို ကယ်ထုတ်လာပါတော့တယ်။ အန်နာတစ်ယောက် ဒီပြဿနာ ဒီမိသားစုနဲ့ ပြီးပြီထင်ခဲ့ပေမယ့် နောက်ထပ်လူတွေထပ်ရောက်လာပါတော့တယ်။ ဒီအချိန်မှာ ဒီကိစ္စဟာ မိသားစုတစ်စုဆိုက်ကိုဖောက်ပြီး လူတွေဖမ်းဆီးနှိပ်စက်နေတာမဟုတ်ဘဲ နောက်ကွယ်မှာ (နည်းစနစ်တကျ ညှင်းပန်းနှိပ်စက်ခြင်းအားဖြင့် နာကျင်မှုခံနိုင်ရည်ကိုကျော်လွန်ပြီး သေလွန်ပြီးကာလအပိုင်းအခြားကို ရှုမြင်နိုင်သူ) မာတာဆိုတဲ့ဖြစ်တည်မှုကို မွေးဖွားလာစေပြီး သေလွန်ပြီးရင် ဘာဆက်ဖြစ်မယ်ဆိုတာကို သိချင်ကြတဲ့ ယုံကြည်မှုတစ်ခုကို စွဲကိုင်ထားကြတဲ့ လူကုံထံအသိုင်းအဝိုင်းက ကြေးရတတ်တွေပါဝင်နေတဲ့ အဖွဲ့အစည်းကြီးတစ်ခုလုံး ရှိနေမှန်း သိလိုက်ရပါတော့တယ်။ ဒီလိုနဲ့ အန်နာဟာ သူလူစီ့ကိုကယ်ချင်ခဲ့တဲ့ငရဲတွင်းထဲကို သူပါ ကျရောက်သွားပါတော့တယ်။ ဒီတော့ သူမဟာ ဘယ်လိုမွန်းကြပ်စရာကောင်းအောင် နှိပ်စက်ခံရမလဲ၊ ဒီငရဲတွင်းထဲကနေ လွှတ်မြောက်နိုင်မလား၊ ဒီမာတာဆိုတဲ့ဖြစ်တည်မှုကရော တစ်ကယ်တည်ရှိတာလားဆိုတာကို စိတ်ကျဉ်းကြပ် ဖိစီးဖွယ် အသက်ရှုမဝကြည့်ရမယ့် Horror ဇာတ်ကားကောင်းပဲဖြစ်ပါတယ်။ IMDb မှာ Rating 7/10 ရရှိထားပြီး စိတ်ဝင်စားစရာ ဇာတ်လမ်းဇာတ်အိမ်နဲ့ တည်ဆောက်ထားပြီး နိုင်ငံတကာက အကြီးအကျယ်အားပေး ဆွေးနွေးကြတဲ့ ဇာတ်ကားဖြစ်တဲ့အတွက် မြန်မြန်သာ ကြည့်ရှုလိုက်ဖို့ တိုက်တွန်းလိုပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:39:00 Genre...Horror Subtitle….Myanmar Subtitle (Hardsub) Encoder….Garfield Translated by Matteo

ါရှင်တန်ဒီစီရဲ့ လူသတ်မှုစုံထောက်တစ်ယောက်ဟာ အိမ်ဖြူတော်မှအစိုးရဝန်ထမ်းတစ်ဦးရဲ့ လူသတ်မှုကိုစုံစမ်းရန်အကြောင်းဖန်လာပါတော့တယ်။ တစ်ဖက်မှာလည်း အမေရိကန်လေကြောင်းတပ်သားတွေကို မြောက်ကိုရီးယားမှဓားစာခံအဖြစ် ဖမ်းချုပ်နှိပ်စက်နေမှုကြောင့် မြောက်ကိုရီးယားကိုထိုးစစ်ဆင်ဖို့ သမ္မတကြီးကိုဖိအားပေးနေကြတာပဲဖြစ်ပါတယ်။ ဒီလိုအရှုပ်အထွေးတွေကြားမှာ အိမ်ဖြူတော်အတွင်းလူသတ်မှုဖြစ်လာတဲ့အခါ အိမ်ဖြူတော်ရဲ့သတင်းအချက်အလတ်နဲ့ ပတ်သတ်ပြီး တင်းကြပ်တဲ့စည်းမျဉ်းတွေကြားမှာ စုံထောက်ကြီးတစ်ယောက် ခက်ခက်ခဲခဲအမှုလိုက်ရပုံ နိုင်ငံရေးလှည့်ကွက်တွေကြားမှာ လက်အောက်ငယ်သားတွေ မြေစာပင်ဖြစ်ရပုံစသည်တို့ကိို ကြည့်ရှုရမည့် စုံထောက်ဇာတ်ကားတစ်ကားဖြစ်ပါတယ်။ File size…(1.6 GB)/(1 GB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)