Minho ပါဝင်သော ဇာတ်ကားများ

Romance in the House (2024) ဒီတစ်ခေါက်မှာတော့ ဝါရင့်မင်းသား မင်းသမီးတွေဖြစ်တဲ့ Ji Jin-hee, Kim Jee-s00, Son Na-eun၊ Choi Min-ho တို့နဲ့ အတူ အခြားဇာတ်ပို့ဇာတ်ရံများစွာပါဝင်ထားတဲ့ မိသားစုကားသစ်လေးကို တင်ဆက်ပေးလိုက်ပါတယ်။ ဇာတ်လမ်းအကျဉ်း.. Byeon Mu-Jin နဲ့ တို့ Geum Ye-Yeon တို့ဟာ လက်ထပ်ပြီး သားသမီးနှစ်ယောက်ဖွားမြင်ခဲ့ပေမဲ့ လက်ထပ်ပြီးနောက် ဘာစီးပွားရေးလုပ်လုပ် မအောင်မြင်တဲ့ ခင်ပွန်းဖြစ်သူ Mu-Jin ကို Ye-Yeon တို့ သားအမိတွေဟာ စိတ်ပျက်ပြီး စွန့်ပစ်ခဲ့ကြပါတယ်။ ဒီလိုနဲ့ ၁၁နှစ်အကြာ သားသမီးတွေကလည်း အရွယ်ရောက်လာပြီး သမီးအကြီးဖြစ်သူကတော့ Shopping Mall တစ်ခုရဲ့ MD အဖြစ်နဲ့လုပ်ကိုင်ကာ မိသားစုရဲ့ စားဝတ်နေရေးကို ရှေ့ကနေ ဦးဆောင်ပြီး မိခင်ဖြစ်သူ မှီခိုအားထားနိုင်ဖို့အတွက် ကြိုးစားနေတဲ့သူဖြစ်လာသလောက် သားဖြစ်သူကတော့ အဖေတူသားပီပီ အခုထိကို မိသားစုအတွက် ပြဿနာတွေ ရှာကောင်းဆဲပါ။ အဲဒီလိုနဲ့ တစ်နေ့မှာတော့ Mu-Jin ဟာ အေးချမ်းနေတဲ့ Ye-Yeon တို့ သားအမိတွေရှေ့ကို ပေါ်လာပါတော့တယ်။ ဒါပေမဲ့လည်း အရင်ကလို အရှုံးသမားမဟုတ်တော့ဘဲ သူတို့မိသားစုနေထိုင်တဲ့ ဗီလာရဲ့ ပိုင်ရှင်အဖြစ်နဲ့ ပြန်လည်ရောက်ရှိလာခဲ့တာပါ။ အဲဒီနောက်မှာတော့ ဇနီးဟောင်းအနားကို ပြန်လည်ချဉ်းကပ်ပြီး ပြန်ပေါင်းထုတ်ဖို့ ကြိုးစားနေတဲ့ ဖခင်နဲ့ အဖေကို ခါးခါးသီးသီးဆန့်ကျင်နေတဲ့ သမီး ၊ အဖေနဲ့ တစ်ဖက်တည်းဖြစ်တဲ့ သားတို့ ကြားထဲက မိသားစုပြဿနာလေးတွေကို ဟာသလေးနှောပြီး ပေါ့ပေါ့ပါးပါး ကြည့်ရှုသွားရမှာဖြစ်ပါတယ်။ (အညွှန်းကိုတော့  Yati Naing မှ ရေးသား‌ထားပါတယ်။) Aired: Aug 10, 2024 - ? Aired On:  Saturday, Sunday Genres: Romance, Drama, Family, Melodrama Episodes: 12 Original Network: jTBC Translated by Yati Esth, Zuri Theint, Yupar Alice & Zoronoa Encoded by Tiff

Bros on Foot (2023) ဒီအစီအစဉ်ကတော့ လူ ၄ ယောက်က မစ်ရှင်ဖြင့် ခရီးထွက်ကြမဲ့ Bros on foot ဆိုတဲ့ အစီအစဉ်ပဲ ဖြစ်ပါတယ်။ မစ်ရှင်တစ်ခုပြီးမြောက်တိုင်း Dream Ticket ကို ရရှိမှာပါ။ ထို Dream Ticket ကို အများပြည်သူ ခရီးသွားလာနိုင်ဖို့အတွက် အသုံးပြုမှာဖြစ်ပြီး Ticket များနိုင်သမျှ များအောင် ကြိုးစားရမှာဖြစ်ပါတယ်။ ဒီခရီးသွားအစီအစဉ်မှာ ပါဝင်ကြမဲ့ သူတွေကတော့ - Along with the Gods ဇာတ်ကားမှာ ပါဝင်ခဲ့တဲ့ နာမည်ကျော်ဆုရသရုပ်ဆောင်ဖြစ်တဲ့ မင်းသားကြီး Ha Jung Woo - နာမည်ကြီး Kingdeom စီးရီးရဲ့ ဇာတ်ဆောင်မင်းသား Ju Ji Hoon - Hotel Delluna ဇာတ်လမ်းတွဲက မင်းသားချော Yeo Jin Goo နဲ့ - SHINee အဖွဲ့ရဲ့ အဖွဲ့ဝင်တစ်ဦးဖြစ်တဲ့ အဆိုတော်၊ သရုပ်ဆောင် Choi Minho တို့ပဲ ဖြစ်ပါတယ် ။ “ငါ ဒုက္ခခံ‌ပေးမယ်၊ မင်းတို့ခရီးထွက်နိုင်ပါတယ်” ဆိုတဲ့ဆောင်ပုဒ်အတိုင်း သူတို့ ၄ ယောက်က မစ်ရှင်တွေကို စေတနာထားပြီး တာဝန်သိစိတ်ဖြင့် ပျော်ရွှင်စွာကြိုးစားလုပ်ကြတာကို မြင်တွေ့ရမှာပါ။ အံ့သြဖွယ်ကောင်းတဲ့ ရှုခင်းတွေ၊ စိန်ခေါ်မှုအသစ်တွေနဲ့အတူ သရုပ်ဆောင်များကြားက အံ့သြဖွယ်တွဲဖက်ညီနေမှု‌ တွေကိုလည်း မြင်တွေ့ရဦးမှာဖြစ်လို့ အခုပဲ အတူတူ ကြည့်လိုက်ရအောင်နော် ။ အညွှန်းကိုတော့ NanThin က ရေးထားပေးပြီးတော့ ဘာသာပြန်ထားတာကတော့ CM Variety Team ပဲ ဖြစ်ပါတယ်။ Genre..... Reality Quality…. 1080p | 720p File size… Format… mp4 Duration…. 1h 30min Subtitle…. Myanmar Subtitle (Hardsub) Translator ..... CM Variety Team Encoder ..... Aaron

New Normal (2023) ပုံမှန်မြင်တွေ့နေကျ K Drama တွေနဲ့မတူဘဲ တမူထူးခြားတဲ့ ဇာတ်လမ်းပုံစံလေးနဲ့ New Normal (2023) ကတော့ ၂၀၂၂ ခုနှစ်အတွင်း ဆိုးလ်မြို့ရဲ့ နေ့ရက် ၄ ရက်အကြောင်းကို ရိုက်ကူးထားတာဖြစ်ပါတယ်။ ဒီ ၄ ရက်တာကို အပိုင်းလေးတွေခွဲထားပြီး တစ်ပိုင်းနဲ့တစ်ပိုင်းဟာလည်း အနည်းအကျဉ်းစီ ဆက်စပ်နေကြပါတယ်။ တစ်ပိုင်းချင်းစီမှာ ကိုယ့်အနေနဲ့ တစ်ခါမှကြုံတွေ့ဖူးမှာမဟုတ်တဲ့ အံ့အားသင့်ထိတ်လန့်စရာ နေ့ရက်တစ်ရက်စီကို ရိုက်ကူးပြထားပြီး နေ့စဉ်ဘဝမှာ ကိုယ်မျှော်လင့်မထားမိတဲ့ အန္တရာယ်နဲ့အကြောက်တရားတွေအကြောင်း သရုပ်ဖော်ပြထားတာပါ။ SHINee’s Minho, Strong Girl Gang Nam Soon ထဲက Lee Yoo Mi တို့အပြင် Choi Ji Woo တို့လို မင်းသမီးကြီးတွေပါ ပါဝင်ထားတာမို့ ကြည့်ရတန်စေမယ်လို့ ထင်ပါတယ်နော်။ အညွှန်း နဲ့ ဘာသာပြန်ကတော့ Hmwe ပဲ ဖြစ်ပါတယ်။ Genre..... Comedy, Horro, Thriller Quality…. 1080p | 720p File size…1.1GB | 441MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Hmwe Encoder ..... Aaron

The Fabulous (2022) [အစ-အဆုံး] အပိုင်းသစ် - ၈ (ဇာတ်သိမ်းပိုင်း) ရပြီနော် အားလုံးစောင့်နေကြတဲ့ Minho နဲ့ Soo Bin တို့ရဲ့ The Fabulous ဇာတ်လမ်းတွဲလေးထွက်လာပါပြီ။ ဖက်ရှင်လောကထဲမှာ သူတို့ဘဝတွေကို နှစ်မြှုပ်ထားပြီးတော့ ရှင်သန်နိုင်ဖို့အတွက် ရုန်းကန်နေကြတဲ့ လူငယ်တွေအကြောင်းကို ရိုက်ကူးထားတာပါ။ ဖက်ရှင်ဦးစားပေး ဇာတ်ကားလေးဖြစ်လို့ လူငယ်တွေ တော်တော်များများ ကြိုက်နှစ်သက်ကြမယ်လို့ ထင်ပါတယ်။ ဇာတ်လမ်းအကျဉ်း ... ဂျီအူမင်ကတော့ ဓာတ်ပုံတွေကို ပိုမိုပြီး လှပအောင်လို့ ပြုပြင်ပေးတဲ့ freelancer retoucher တစ်ယောက်ဖြစ်ပါတယ်။ ရုပ်ရည်ချောမောရုံသာမကဘဲ အလုပ်လုပ်တဲ့နေရာမှာလည်း အရည်အချင်းရှိတဲ့လူငယ်တစ်ယောက်ပါ။ ဒါပေမဲ့ သူ့ရဲ့အလုပ်မှာ အချစ်ရေးမှာရော သူက သိပ်ပြီး စိတ်အားထက်သန်မှုတွေ ရှိမနေခဲ့ပါဘူး။ ဖြိုဂျီအွန်းဆိုတဲ့ကောင်မလေးကတော့ ငယ်ငယ်လေးကတည်းက ဖက်ရှင်လောကမှာ အလုပ်လုပ်ဖို့အတွက် အိပ်မက်တွေရှိခဲ့တဲ့ ကောင်မလေးတစ်ယောက်ပါ။ ဇိမ်ခံဘရန်းတွေကို ပရိုမိုးရှင်းဆင်းပေးတဲ့ ကုမ္ပဏီတစ်ခုမှာ ဌာနခွဲမှူးတစ်ယောက်အဖြစ်အလုပ်လုပ်ကိုင်လျက်ရှိပါတယ်။ ဖက်ရှင်လောကမှာ ရှင်သန်နိုင်ဖို့အတွက် ကြိုးစားချိန်မှာတော့ ဒီလောကထဲမှာ အမြဲတမ်း တက်ကြွပြီး အကောင်းမွန်ဆုံးဖြစ်အောင်ကြိုးစားလာရတယ်။ သူရဲ့ကြိုးစားမှုတွေကြောင့် အောင်မြင်မှုတွေရလာနိုင်မလား? အပြိုင်အဆိုင်များလွန်းတဲ့ ဖက်ရှင်လောကဟာ ထင်သလောက်လွယ်ကူပါ့မလား ? ဒီလောကထဲမှာ ရှင်သန်ချင်တယ်ဆိုရင် ဘယ်လောက်ထိကြိုးစားရမလဲ ? လူငယ်တွေရဲ့ စိတ်ကူးအိပ်မက်တွေကို ဘယ်လိုမျိုး အကောင်အထည်ဖော်ကြမလဲ? ဆိုတာကို ဒီဇာတ်လမ်းတွဲလေးမှာ ဆက်လက်ကြည့်လိုက်ကြစို့နော်။ (အညွှန်းကိုတော့ Hay Thar Oo က ရေးပေးထားပါတယ်။) Aired: Dec 23, 2022 Aired On: Friday Genres: Comedy, Romance Duration: 54mins Episodes: 8 Original Network: Netflix File Size: 1080p(~850MB) Translated by Hay Thar Oo, Hnin Wut Yi, Hazel & Tiff Encoded by Kinnov

Battle of Jangsari (2019) IMDb Rating (6.8) ဒီတစ်ခါမှာတော့ ၁၉၅၀ ခုနှစ်၊ စက်တင်ဘာလ ၁၄-၁၅ ရက်နေ့၊ တောင်ကိုရီးယားနိုင်ငံ၊ မြောက်ဂယောင်းဆန်းပြည်နယ်၊ ယောင်းဒေါ့မှာရှိတဲ့ ဂျန်ဆာရီကမ်းခြေမှာ ဖြစ်ပွါးခဲ့တဲ့ ဖြစ်ရပ်မှန်ကို အခြေခံရိုက်ကူးထားတဲ့ action-war ဇာတ်လမ်းအမျိုးအစားလေးကို တင်ဆက်ပေးလိုက်ပါတယ်။ Cast တွေအနေနဲ့ မင်းသားကြီး Kim Myung Min, Choi Min Ho, Kim Sung Cheol, Lee Jae Wook, Kwak Shi Yang နဲ့အတူ မမလှလှ Megan Fox တို့က အဓိက ပါဝင် သရုပ်ဆောင်ထားပါတယ်။ ~ ဇာတ်လမ်းအညွှန်း ~ တပ်မှူးကြီးအီမြောင်ဂျွန် ဦးဆောင်တဲ့ ကျောင်းသား စစ်သား ၇၇၂ ယောက်ပါဝင်တဲ့ ဂယ်လီလာတပ်ဖွဲ့ဟာ မွန်းဆန်းဟိုသင်္ဘောကို စီးပြီး သူတို့ရဲ့ ပန်းတိုင်ဖြစ်တဲ့ ဂျန်ဆာရီကမ်းခြေဆီကို ဦးတည်နေပါတယ်။ သူတို့ရဲ့ တာဝန်ကတော့ တောင်ကိုရီးယားတပ်ဖွဲ့က အဲဒီနေရာမှာ နောက်ဆုံး ထိုးစစ်ဆင်မယ်ဆိုပြီး မြောက်ကိုရီးယားတွေကို ယုံအောင် လှည့်စားဖို့ပါပဲ။ ဒါပေမဲ့ အဲဒီလို လှည့်စားနိုင်ဖို့ဆိုရင် အင်ချွန်းဆိပ်ကမ်းကပ်တဲ့ စစ်ဆင်ရေးကို အရင်ဆုံး အောင်မြင်စွာ လုပ်ဆောင်ဖို့ကလည်း လိုအပ်ပြန်နေပါသေးတယ်။ တစ်ဖက်မှာလည်း အမေရိကန်သတင်းထောက်ဖြစ်တဲ့ စစ်ရေးသတင်းထောက်မလေးဟာ ကိုရီးယားစစ်ပွဲအခြေအနေကို အဆက်မပြတ် ဖော်ပြပြီး လက်နက်ခဲယမ်း၊ ရိက္ခာမလုံလောက်မှုကြောင့် နိုင်ငံတကာအသိုင်းအဝိုင်းဆီကနေ အကူအညီရရှိဖို့အတွက် ကြိုးစားပေးနေပေမဲ့ အခြေအနေတွေက အဖက်ဖက်က မလွယ်ကူတဲ့အခါမှာတော့......... တပ်မှူးကြီး အီမြောင်ဂျွန်နဲ့ လေ့ကျင့်ရေး ၂ ပတ်သာ ဆင်းရသေးပြီး စစ်ရေးအတွေ့အကြုံ လုံးဝ မရှိတဲ့ အသက် ၁၇ နှစ်အရွယ် ကျောင်းသား စစ်သား ၇၇၂ ယောက်တို့ ဂျန်ဆာရီကမ်းခြေမှာ သူတို့ရဲ့ စစ်ဆင်ရေးကို အောင်မြင်စွာ လုပ်ဆောင်နိုင်သွားမလားဆိုတာကို ဒီဇာတ်ကားလေးထဲမှာ ကြည့်ရှုလိုက်ရအောင်နော်။ File Size : 1.95GB/ 950MB Quality : BluRay 1080p 5.1CH/ 720p Format…mp4 Duration… 1hr 44m Genre : Action, Military, Historical, War Subtitle : Myanmar Subtitle (Hard Sub)

The Princess and the Matchmaker (2018) နန်းတွင်းကားကိုမှ အချစ်ဟာသပုံစံမျိုးလေး ကြည့်ချင်တယ်ဆိုသူတွေ အတွက် ဒီကားလေးကို ကြည့်ကြည့်ပါနော်။ Fabricated City ရဲ့ မင်းသမီး Shim Eun Kyung, My Girlfriend Is A Gumiho ဇာတ်လမ်းတွဲနဲ့ လူကြိုက်များခဲ့တဲ့ Lee Seung Gi တို့အပြင် တကယ့်နာမည်ကြီးမင်းသားတွေဖြစ်တဲ့ Yeon Woo Jin, Kang Min Hyuk, Choi Woo Sik တို့လည်း ပါဝင်ထားပါတယ်။ တိုင်းပြည်ရဲ့ မိုးခေါင်မှု ပြဿနာကို ဖြေရှင်းဖို့အတွက် မင်းကြီးရဲ့ မှူးမတ်တွေက မင်းသမီးလေး ဆုန်းဟွာကို လက်ထပ်ထိမ်းမြားပေးဖို့လုပ်ပါတယ်…။ အယူအရ မင်းသမီးလေးကိုသာ ကောင်းမွန်တဲ့ ယောက်ျားတစ်ယောက်နဲ့ ထိမ်းမြားပေးလိုက်မယ်ဆို ကံဆိုးမိုးမှောင်ကျနေတဲ့တိုင်းပြည်ကို ကယ်တင်နိုင်မယ်ပေါ့…။ အဲဒီလိုနဲ့ ဆောဒိုယွန်းဆိုတဲ့ နက္ခတ်ဗေဒပညာရှင်ကိုခေါ်ဆောင်ပြီး မင်းသမီးလေးနဲ့ ဇာတာကိုက်ညီမှုရှိတဲ့ ယောက်ျားတစ်ယောက်ကို ရွေးခိုင်းပါတော့တယ်။ မင်းသမီးလေးရဲ့ သတို့သားဖြစ်ဖို့အတွက် တိုင်းပြည်က ယောက်ျားတိုင်းကိုလည်း သတ်မှတ်ချက်နဲ့ညီရင် လျှောက်ထားစေပါတယ်။ ဒီလိုနဲ့ လျှောက်ထားသူတွေထဲမှာ နောက်ဆုံးအဆင့်ထိရောက်ခဲ့တဲ့သူ ၄ယောက်အထိရှိလာတယ်ပေါ့…။ အဲဒီအချိန်မှာ မင်းသမီးလေးက အဲဒီ ၄ယောက်ကို ကိုယ်တိုင်အကဲဖြတ်ပြီး အချစ်စစ်ကိုရှာဖို့အတွက် နန်းတွင်းကနေ ခိုးထွက်ပါတော့တယ်…။ အဲဒီလိုနဲ့ ဇာတ်လမ်းကိုအစပြုထားပြီး နောက်ပိုင်းမှာ ဟာသတွေ၊ ရင်မောစရာတွေ ဆက်ထည့်ထားတဲ့အတွက် ကြည့်လို့ကောင်းတာတော့ အသေအချာပါပဲ…။ ဒါ့အပြင် ကိုရီးယားရဲ့ ကံကြမ္မာဖတ်ကြည့်လေ့ရှိတဲ့ ရိုးရာကို အသက်သွင်းထားတဲ့ ရုပ်ရှင် သုံးကားတွဲထဲက တစ်ကားဖြစ်ပါတယ်…။ ကျန်တဲ့နှစ်ကားကတော့ The Face Reader နဲ့ Feng Shui တို့ပဲဖြစ်တဲ့အတွက် အဲဒီကားတွေကို နှစ်သက်တဲ့သူဆို ဒီကားလေးကိုလည်း သဘောကျလောက်မှာမို့ ညွှန်းဆိုပေးလိုက်ရပါတယ်။ File Size - 680 MB/ 1.4 GB Quality - BluRay 1080p/ 720p Duration - 1h 50m Format - mp4 Genre - Comedy, History, Romance Subtitle - Myanmar Subtitle (Hard Sub)

Illang: The Wolf Brigade (2018) IMDb..... 6.3 ပရိသတ်ကြီးတို့အတွက် ဒီတစ်ခေါက်မှာတော့  Japan Anime "Jin-Roh: The Wolf Brigade"ကို remake ပြန်ရိုက်ထားတဲ့ Sci-Fi ဇာတ်ကားကောင်းလေးကို တင်ဆက်ပေးလိုက်ပါတယ်။ Cast တွေအနေနဲ့ကတော့ A-list မင်းသား၊ မင်းသမီးတွေဖြစ်ကြတဲ့ Gang Dong-Won၊ Jung Woo-Sung၊ Huh Joon-Ho၊ Han Hyo-Joo၊ Kim Moo-Yul၊ Choi Min-Ho တို့အပြင် ပရိသတ်တွေနဲ့ မစိမ်းတဲ့ နာမည်ကြီး သရုပ်ဆောင်များစွာ ပါဝင်ထားကြတာဖြစ်လို့ Cast  တွေနဲ့တင် လက်မလွှတ်သင့်တဲ့ ကားကောင်းလေးဖြစ်ပါတယ်။ ဇာတ်လမ်းအညွှန်း ~ ၂၀၂၄ ခုနှစ်မှာ တောင်ကိုရီးယားနဲ့ မြောက်ကိုရီးယားက ပေါင်းစည်းရေးအတွက် ၅ နှစ်တာ ကြိုတင်ပြင်ဆင်မှုကာလကို ကြေညာလိုက်ပြီးနောက် ပေါင်းစည်းရေးကြောင့် ကိုရီးယားက အာရှမှာ အင်အားကြီးသွားမှာကို မလိုလားတဲ့ ကမ္ဘာ့အင်အားကြီးနိုင်ငံများက ပေါင်းစည်းရေးကို တားမြစ်ဖို့အတွက် ကိုရီးယားရဲ့ စီးပွားရေးကို ဖျက်ဆီးဖို့ ကြိုးစားပါတော့တယ်။ နိုင်ငံရဲ့ စီးပွားရေး ပျက်စီးလာတာကြောင့်ပဲ မတည်ငြိမ်မှုတွေ ဖြစ်လာပြီး ပေါင်းစည်းရေး အစိုးရကို ဆန့်ကျင်တဲ့ Sect ဆိုတဲ့ အကြမ်းဖက်အဖွဲ့ တစ်ဖွဲ့ပေါ်ပေါက်လာပါတော့တယ် ။ အင်အားကြီးတဲ့ Sect  အဖွဲ့ကို သာမန်ရဲတပ်ဖွဲ့ဝင်တွေ နှိမ်နင်းဖို့ မဖြစ်နိုင်တဲ့အတွက် အထူးလေ့ကျင့်ထားကြတဲ့ အထူးတပ်ဖွဲ့ကို ဖွဲ့စည်းလိုက်ပြီးနောက်မှာ သွေးစွန်းတဲ့သောကြာဆိုတဲ့ အပြစ်မဲ့ကလေးတွေ သေခဲ့ကြတဲ့ ဖြစ်ရပ်တစ်ခု ဖြစ်ပေါ်လာပြီးနောက်မှာတော့ အထူးတပ်ဖွဲ့ရဲ့ လျှို့ဝှက်တပ်ဖွဲ့လို့ ကောလာဟလထွက်နေတဲ့ လူသားဝံပုလွေဆိုတဲ့ အဖွဲ့တစ်ခုပါ ထပ်ပေါ်လာခဲ့ပါတော့တယ် ။ ဒီလိုနဲ့ပဲ လက်ရှိ ၂၀၂၉ ခုနှစ်ဖြစ်တဲ့ ဖရိုဖရဲဖြစ်နေတဲ့ ခေတ်ကြီးထဲမှာအဖွဲ့အစည်းများစွာရဲ့ အာဏာလုပွဲတွေ စတင်လာခဲ့ပြီးနောက်မှာတော့... ရိုက်ချက်တွေလည်း လှပြီး အက်ရှင်ခန်းတွေပါဝင်တဲ့ စိတ်ကူးယဉ်သိပ္ပံကားကောင်းလေးဖြစ်လို့ ပရိသတ်ကြီးတို့အတွက် တင်ဆက်ပေးလိုက်ရပါတယ်။ File Size : 2.68GB/ 1.14GB Quality : BluRay 1080p 5.1CH/ 720p Format…mp4 Duration…2hr 20m Genre : Action, Military, Thriller, Sci-Fi Subtitle : Myanmar Subtitle (Hard Sub)

ဒီဇာတ်လမ်းတွဲလေးကတော့ ရှီလာခေတ်ကို အခြေတည် ရိုက်ကူးထားပြီး အဆင်ချောချောလေးတွေကို တစ်ဝကြီး ကြည့်လိုရမယ့် ဇာတ်ကားကောင်းလေး တစ်ကားဖြစ်ပါတယ်။ ဒီကားထဲမှာ Park Seo Jun , Park Hyun Sik, Go A-Ra, အချေမမ Seo YeJi အပြင် SHINee Choi Min Ho, Do Ji Han, Jo Yoon Woo နဲ့ အာမီလေးတိုရဲ့ အချစ်တော် Kim Tae Hyungကလည်း ပါဝင်သရုပ်ဆောင်ထားပါတယ်။ မွေးနာမည်တောင် မရှိဘဲ ခွေးငှက်လို ခေါ်ကြပြီး သူငယ်ချင်း ဖြစ်သူရဲ့ သေဆုံးမှုကို လက်တုံပြန်ဖိုအတွက် မြိုတော်ကို ရောက်လာကာ ဟွာရန်းထဲ ဝင်ရောက်လာတဲ့ ဆောင်းအူ ... ရှီလာရဲ့ ဘုရင်ဖြစ်ပေမယ့် မိခင်ဖြစ်သူက ကိုယ်စားအုပ်ချုပ်နေပြီး လူလုံးထွက်ပြလို မရတဲ့ ရုပ်သေးရုပ်ဘုရင်ဖြစ်နေတာကြောင့် အင်အားစုစည်းဖို Hwarangထဲကို ဝင်ရောက်ခဲ့တဲ့ ဂျီဒွီ ... ရှီလာမှာ အာဏာအရှိဆုံး အဖိုးဖြစ်သူ လက်အောက်မှာ ကြီးပြင်းလာပြီး သူငယ်ချင်းအစစ် ဆိုတာမျိုး မရှိခဲ့တဲ့ ဘန်းရူကလည်း ပြိုင်ဖက်ဖြစ်တဲ့ ပျိုတိုင်းကြိုက် နှင်းဆီခိုင် ၊ ရင်းနှီးဖော်ရွေတတ်ပြီး ဘက်စုံထူးချွန်တဲ့ ဆူဟိုနဲ့ ရန်ဖြစ်ပြီးနှစ်ယောက်သား ဟွာရန်းဖြစ်လာခဲ့တယ်။ အစ်ကို ဖြစ်သူက သူ့ထက်အရာရာ တော်နေပေမယ့် သွေးသန့်ဆိုတဲ့ အကြောင်းပြချက်နဲ့ တစ်မိသားစုလုံးရဲ့ မျှော်လင့်ချက် ဖြစ်နေတဲ့ ဟန်ဆောင်း ... တစ်ပြည်လုံးမှာ အလှဆုံး အမျိုးသားအဖြစ် သတ်မှတ်ခံရတဲ့ ယောအူးရ် ... သူတိုအားလုံး ဟွာရန်းထဲမှာ တွေ့ဆုံကြပြီး ဘယ်လိုမျိုး ပြဿနာ အခက်အခဲတွေကို ဖြေရှင်းပြီး ရှီလာပြည်ကို ကယ်တင်မလဲဆိုတာကို စိတ်ဝင်တစား ကြည့်ရှုရမှာ ဖြစ်ပါတယ်။ မောင်နှမအဖြစ် သိထားပေမယ့် တစ်ယောက်နဲ့ တစ်ယောက် မေတ္တာရှိနေကြတဲ့ ဆောင်းအူနဲ့ အာရို၊ အာရိုကို တစ်ဖက်သတ် ကြိုက်နေတဲ့ ဂျီဒွီရဲ့ သုံးပွင့်ဆိုင် အချစ်ဇာတ်လမ်း ... ရှီလာရဲ့ တော်ဝင်မင်းသမီးဖြစ်ပြီး ဆောင်းအူကိုမှ တစ်ဖတ်သတ် သဘောကျမိသွားတဲ့ ဆုမြောင်း ... တစ်သက်လုံး ရန်ဘက်ဖြစ်‌လာပြီး ဆူဟိုရဲ့ ညီမကိုမှ သဘောကျမိသွားတဲ့ ဘန်းရူ တို့အပြင် တခြား အရံဇာတ်ကောင်တွေကလည်း ဟာကွက်မရှိအောင် အပြည့်အဝ ပံပိုးပေးထားတာကြောင့် ရိုးအီမနေဘဲ ဟာသ၊ ဒရာမာ၊ သမိုင်းကြောင်း တွေကို တစ်ကားထဲမှာ ကြည့်လို့ရပြီး ရသမျိုးစုံ ပေးနိုင်တဲ့ ဇာတ်ကားကောင်းလေးတစ်ကား ဖြစ်တာမလို လက်လွှတ်မခံသင့်ပါဘူး။ (အညွှန်းကိုတော့ Win က ရေးပေးထားပါတယ်။) Aired: December 19, 2016 --  February 21, 2017 Aired On: Monday, Tuesday Duration: 60mins Episodes: 20 Quality & File Size: 1080p(~1.2GB) & 720p(~450MB) Genres: Action, Historical, Comedy, Romance Translated by Yumeko, Shoon, Chit The, Win & ChoThet Encoded by  Kinnov

Canola (2016) IMDb... 7.4 CM ပရိသတ်ကြီးတို့အတွက် ဒီတစ်ခေါက်မှာတော့ မြေးအဘွားသံယောဇဥ်ကို လှလှပပလေး ဖော်ကျူးထားတဲ့ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။ မင်းသမီးကြီး Youn Yuh-jung နဲ့ Kim Go-eun တို့ အဓိကပါဝင်ထားတဲ့ ကားမို့ ကြည့်ကို ကြည့်ရမဲ့ဇာတ်လမ်းလေးဆိုတာတော့ အသေအချာပါပဲ။ ဇာတ်လမ်းအညွှန်းအနေနဲ့ကတော့ ဂျယ်ဂျူကျွန်းမှာ ရေငုပ်သမအဖြစ် အသက်မွေးဝမ်းကြောင်းပြုနေတဲ့ အဘွားဂယ်ချွန်းဟာ မိဘတွေမရှိတော့တဲ့ သူ့မြေးမလေးဟယ်ဂျီကို တုန်နေအောင်ချစ်ရှာပါတယ်။ တစ်ကောင်ကြွက်ကလေးမို့ မရှိရှိတာ အကုန်ဖြည့်ဆည်းပေးရင်း တစ်နေ့မှာတော့ ကံဆိုးစွာနဲ့ ဟယ်ဂျီတစ်ယောက် ပျောက်ဆုံးသွားပါတော့တယ်။ သိပ်ချစ်ရတဲ့ မြေးမလေးဟယ်ဂျီပြန်အလာကို နှစ်ပေါင်း၂၀ကျော်ကြာအောင် အထီးကျန်စွာ စောင့်ဆိုင်းရင်း ဟယ်ဂျီပြန်ရောက်လာတဲ့အချိန်မှာတော့ အဘွားဂယ်ချွန်းရဲ့ဘဝဟာ အရင်လိုပြန်လည်စိုပြေလာခဲ့တာပေါ့။ ဒါပေမဲ့ ဟယ်ဂျီအဖြစ်ရောက်လာတဲ့ ကလေးမဟာ အဘွားဂယ်ချွန်းမျှော်နေခဲ့တဲ့ မြေးမလေး မဟုတ်မှန်း သိလိုက်ရတဲ့အချိန်မှာတော့ အဘွားရဲ့ဘဝဟာ ကံဆိုးမိုးမှောင်ကျသွားပါတော့တယ်။ ဒါဆို ဟယ်ဂျီအဖြစ်ဟန်ဆောင်ပြီးရောက်လာတဲ့ ကလေးမက ဘယ်သူဖြစ်မလဲ.. ဘာလို့ဟန်ဆောင်ပြီးရောက်လာရတာလဲ... မြေးအတုနဲ့ အဘွားဂယ်ချွန်းကြား ဘာတွေဆက်ဖြစ်မလဲဆိုတာကို စိတ်ဝင်စားစွာနဲ့ ရင်သပ်လှိုက်မောဖွယ် ကြည့်ရှုသွားရမှာပဲဖြစ်ပါတယ်။ ကောင်းမွန်တဲ့ဇာတ်လမ်းဇာတ်ကွက်တွေအပြင် ရိုက်ကူးပုံရှုခင်းတွေကအစ အင်မတန်လှတာမို့ ကြည့်မိလို့ နောင်တမရမယ့်ကားလေးဖြစ်ကြောင်း ညွှန်းဆိုပေးချင်ပါတယ်နော်။ (ဇာတ်လမ်းအကျဉ်းကို  Hsu Pyae မှ ရေးသားပေးထားပါတယ်။) File size… 2.00GB/ 830MB Quality…WEB-DL 1080p 5.1 CH / 720p Format…mp4 Duration….1h 57m Genre …..  Drama, Melodrama Subtitle….Myanmar Subtitle (Hard Sub) Encoder….Tiff Translated by Hsu Pyae

ဒီနေ့မှာတော့ ကိုရီးယားကောင်းလေးတစ်ကားနဲ့မိတ်ဆက်ပေးကရစေ ဇာတ်လမ်းလေးကတော့........ဂျင်အီ၊ဂါယောင်း၊ဘွန်ဂီနဲ့ မင်ယောင်းတို့၄ယောက်က သူငယ်ချင်းစုံတွဲတွေဖြစ်သလို အိမ်ကနေထွက်ပြေးလာတဲ့ အိမ်ပြေးလေးတွေလဲဖြစ်ပါတယ်။ ဖုန်းတွေအလစ်သုတ်လိုက်ကားတွေခိုးလိုက် ဆိုင်ကယ်တွေခိုးလိုက် ပြီးရင်ပြန်ရောင်းပြီး တစ်နေ့စာ အခက်အခဲတွေကိုဖြေရှင်းနေတဲ့ လူငယ်တွေပါ လူငယ်ထိန်းသိမ်းရေးစခန်းတွေကိုလဲ ခဏခဏရောက်ဖူးပြီး သူငယ်ချင်း၄ယောက် စုပေါင်းလေလွင့်နေတဲ့သူတွေပါ တစ်ခါတစ်လေများဆို ဂါယောင်းနဲ့ မင်ယောင်းတို့၂ယောက် ကပြည့်တန်ဆာဟန်ဆောင်ပြီး လာခေါ်တဲ့ဘဲနဲ့မိုတယ်လိုက်သွားပြီးမှ ရေချိုးခန်းထဲဝင်ပြီး အခန်းနံပါတ်ပြော အဲ့အခါ ဘွန်ဂီနဲ့ ဂျင်အီက ဝုန်းဒိုင်းကြဲဝင်လာပြီး ငွေညှစ်တဲ့အထိပါလုပ်ကြပါတယ်။ ပြောရရင် ပိုက်ဆံရဖို့ အကုန်လုပ်တဲ့ ခပ်ဆိုးဆိုး ကလေးတွေပါ ဒါပေမယ့်လဲဂျင်အီက ဂါယောင်းကိုသိပ်ချစ်ပါတယ်။ တစ်နေ့မှာ ဂါယောင်းတစ်ယောက် မတ်တပ်ရပ်နေတုန်း ပြည့်တန်ဆာအထင်နဲ့ လူတစ်ယောက်က လာခေါ်ပါတယ်။ အစကငြင်းပေမယ့် ငွေလိုနေတဲ့ ဂါယောင်းက ထုံးစံအတိုင်း ရွှေ့နေကျအကွက်အတိုင်းလုပ်ဖို့ မိုတယ်လိုက်သွားပါတယ်။ တကယ်က သူ့ကိုလာခေါ်တဲ့သူက ကာရာအိုကေ ဘားပိုင်ရှင်ဖြစ်ပြီး သူ့ဆီမှာလာလုပ်ဖို့ စကားပြောချင်ရုံသက်သက်ပါပဲ ဒါကို ဂျင်အီတို့ကမသိဘဲ ဝုန်းဒိုင်းကြဲဝင်လာ အဲ့လူကြီးကို သမပြီး အဲ့လူကြီး ကားနဲ့ ပိုက်ဆံအိတ်ပါ ယူပြေးပါတော့တယ် နောက်တော့ ဖမ်းမိသွားပြီး ခိုးသွားတဲ့ကား တန်ကြေးပြန်ဆပ်ဖို့ ဂါယောင်းကို သူ့ရဲ့ ကာရာအိုကေဘားမှာ အလုပ်လုပ်စေပါတော့တယ်။ ချစ်သူဂါယောင်းကို ကာရာအိုကေဘားကနေပြန်ရွေးဖို့ ဂျင်အီတစ်ယောက် နည်းလမ်းမျိုးစုံနဲ့ ကြိုးစားလာရတဲ့အပြင် ဂါယောင်းနဲ့ ဂျင်အီတို့ရဲ့ ရန်သူတော် တစ်ယောက်ပါထောင်ကထွက်လာပြီး သူတို့ကို လိုက်ရှာနေတဲ့အခါ.... ဂျင်အီအဖြစ် Shineeက Min Hoကသရုပ်ဆောင်ထားပြီး မိသားစုကိုချစ်တတ် ဂါယောင်းကိုသမီးလေးလိုသဘောထားပြီးစောက်ပေးတဲ့ဘားပိုင်ရှင် အဖြစ်ကျွန်တော်တို့အချစ်တော်ကြီး Ma Dong Seokကသရုပ်ဆောင်ထားပါတယ်။ (ဇာတ်လမ်းအညွှန်းနဲ့ ဘာသာပြန်သူကတော့ Waizin ဖြစ်ပီ Arkar မှ encode ပေးထားပါတယ်) File Size : (983 MB) & (433MB) Quality : 1080HD Running Time :1hr  31min Format : Mp4 Genre    : Action, Crime Subtitle : Myanmar Subtitle (Hard Sub) Translated by Waizin Encoded by Arkar Phyo (Yrfatt)

Medical Top Team (2013) အပိုင်း (၁ မှ ၂၀) စ/ဆုံး မကြာသေးခင်က ထုတ်လွှင့်ပြသခဲ့တဲ့ The Trauma Code ဇာတ်လမ်းတွဲထဲက မင်းသားကြီး Ju Ji Hoon ပါဝင်ထားတဲ့ Medical Top Team ဆိုတဲ့ ဆရာဝန်ကားလေးနဲ့ မိတ်ဆက်ပေးပါရစေ။ ဒီကားထဲမှာတော့ Ju Ji Hoon နဲ့အတူ မင်းသားကြီး Kwon Sang Woo၊ Shinee ရဲ့ Choi Min Hoနဲ့ မင်းသမီး Jung Ryeo Won၊ Oh Yeon Seon တို့က Main Cast တွေ အဖြစ် ပါဝင်ထားကြပြီး ပရိသတ် ရင်းနှီးပြီးသား တခြား ဝါရင့် ဇာတ်ပို့ သရုပ်ဆောင်များစွာလည်း ပါဝင်ပါတယ်။ ဇာတ်လမ်းအညွှန်း ဌာနမှူး ဟန်ဆွန်းဂျယ် ဦးဆောင်ဖွဲ့စည်းမဲ့ "Medical Top Team" ဆိုတာကတော့ ဆေးပညာရပ်နယ်ပယ် အသီးသီးက ကျွမ်းကျင်ဆရာဝန်တွေနဲ့ သီးသန့်ဖွဲ့စည်းထားတဲ့ ဌာနတွင်း အဖွဲ့အစည်း တစ်ခုဖြစ်ပါတယ်။ လူ့ဂွစာ စရိုက်မျိုးရှိတဲ့ ဆရာဝန် ဘတ်ထယ်ရှင်း(Kwon Sang Woo)ကတော့ ဘယ်လိုအခြေအနေမျိုးမှာပဲဖြစ်ဖြစ် လူနာတွေကို ပထမဦးစားပေး နေရာမှာ ထားတတ်တဲ့သူမျိုးပါ။ ပါမောက္ခ ဆောဂျူယောင်း (Jung Ryeo Won) ကတော့ အရည်အချင်းရှိတဲ့ ဆရာဝန်ပီပီ အလုပ် လောဘရှိပြီး ပညာမာနလေးလည်း ထားတတ်သူပါ။ တစ်နေ့မှာတော့ အခြေအနေအရပ်ရပ်ကြောင့် တခြားဆေးရုံက ဆရာဝန်ဖြစ်တဲ့ ဘတ်ထယ်ရှင်းဟာ ပါမောက္ခ ဆောဂျူယောင်းတို့ ဆေးရုံက လူနာရဲ့ ခွဲစိတ်မှုကို ဝင်ရောက် ကူညီဖို့ ဖြစ်လာခဲ့ပါတယ်။ ဒီလိုကနေ ဘတ်ထယ်ရှင်းရဲ့ အရည်အချင်းကို မျက်စိကျသွားတဲ့ ဟန်ဆွန်းဂျယ်ဟာ ပြင်ပဆရာဝန်ဖြစ်တဲ့ ဘတ်ထယ်ရှင်းကို Top Team အဖွဲ့ဝင်အဖြစ် လာရောက်လုပ်ကိုင်ဖို့ ကမ်းလှမ်းပါတော့တယ်။ လူနာတွေကို ဦးစားပေးတတ်တဲ့ ဆရာဝန်နဲ့ အရည်အချင်းကို အသိအမှတ်ပြုခံချင်တဲ့ ဆရာဝန်၊ ခံယူချက် အသီးသီးနဲ့ ပန်းတိုင် အသီးသီး ရှိသူတွေ ပါဝင်လာမဲ့ ဒီ Medical Top Team ဟာ လူနာတွေရဲ့ အသက်ကို ဘယ်လို ပူးပေါင်း လုပ်ဆောင်ပြီး ကယ်တင်သွားမလဲ ဆိုတာကို ကြည့်ရှူခံစားဖို့ ညွှန်းဆိုပေးလိုက်ရပါတယ်။ (အညွှန်းကို Treasure Htet မှ ရေးသားပေးထားပါတယ်) Episodes: 20 Aired: Oct 9, 2013 - Dec 12, 2013 Aired On: Wednesday, Thursday Original Network: MBC Genres: Drama, Medical Translated by Htoo Pyae, Treasure Htet, Nyein Sandi, Khinni, Phyu Phyu Thein & May Thet  Encoded by AHtet

To the beautiful you (2012) ကျောင်းသားဇာတ်လမ်းလေးတွေကို ကြည့်တတ်တဲ့သူဆိုရင် ဒီဒရာမာလေးကို မသိတဲ့သူရှားလောက်မယ်ထင်ပါတယ် လွန်ခဲ့တဲ့ ၁၀ စုနှစ်ကျော်က ထွက်ခဲ့တဲ့ဒရာမာလေးဆိုပေမဲ့ old but gold ပါ ဘယ်အချိန်ကြည့်ကြည့်မရိုးနိုင်သောလေးပေါ့ ကိုယ်တွေရဲ့ ငယ်ဘဝကို ဒီဒရာမာလေးတွေနဲ့ ကုန်ဆုံးခဲ့တာဆိုလည်း မမှားပါဘူးနော အကုန်လုံးသိကြမယ်ဆိုပေမဲ့ ဇာတ်လမ်းအကျဉ်းလေးကိုပြန်နွှေးကြတာပေါ့နော ဂူဂျယ်ဟီးဆိုတဲ့ကောင်မလေးဟာ သူ့ရဲ့အခက်ခဲဆုံးအချိန်တွေကို အမြင့်ခုန်အားကစားသမားဂန်ထယ်ဂျွန်းကြောင့် ဖြတ်ကျော်နိုင်တဲ့အတွက် အမေရိကကနေ ဂန်ထယ်ဂျွန်းတက်တဲ့ကျောင်းကို လာတက်ဖို့ တက်ကြွနေပါလေရော ဂန်ထယ်ဂျွန်းတက်တဲ့ကျောင်းဆိုတာကလည်း အားကစားသမားတွေပဲရှိတဲ့ ယောက်ျားလေးကျောင်းဆိုတော့ မိန်းကလေးကနေ ယောက်ျားလေးအဖြစ်ဟန်ဆောင်ပြီး ခက်ခက်ခဲခဲသွားတက်ရပါတော့တယ် ယောက်ျားလေးအဖြစ် ဟန်ဆောင်ထားတာဆိုတော့ မပေါ်အောင်လို့ အမျိုးမျိုးဖုံးဖိရင်းကနေ အကုန်လုံးသိသွားမယ့်အချိန်ကျ ဘယ်လိုမျိုးဖြေရှင်းမလဲ ဂူဂျယ်ဟီးကရော သူ့ရဲ့အိပ်မက်ဖြစ်တဲ့ ဂန်ထယ်ဂျွန်းနဲ့အဆင်ပြေသွားနိုင်မလား ယောက်ျားလေးကျောင်းအထိသွားတက်ရတဲ့အတွက် သူဘာပြန်ရလိုက်မလဲဆိုတာ ကြည့်လိုက်ပါဦးနော် နောက်လလောက်ဆိုရင် Sulli ရဲ့ Persona လေးကို Netflix ကနေ ထုတ်လွှင့်သွားမှာဆိုတော့ CM ကလည်း Sulli ကို သတိရခြင်းများစွာနဲ့ ဘာသာပြန်တင်ဆက်လိုက်ရပါတယ်နော်.. အညွှန်းကိုတော့ Joyz က ရေးထားပေးပြီးတော့ ဘာသာပြန်ထားတာကတော့ Joyz, Hmwe, Laii, Milkeux, NanThin, Myo Myo, Hsu, Thae Thae တို့ပဲ ဖြစ်ပါတယ်။ Genre..... Comedy, Drama, Sports Quality…. 1080p | 720p File size… 1.5GB | 500MB Format… mp4 Duration…. 1h 10min Subtitle…. Myanmar Subtitle (Hardsub) Translator ..... Joyz, Hmwe, Laii, Milkeux, NanThin, Myo Myo, Hsu, Thae Thae Encoder ..... Aaron