Mitchell Ryan ပါဝင်သော ဇာတ်ကားများ

Liar Liar (1997) ဒီရုပ်ရှင်ကတော့ The Mask, The Truman Show, Yes Man အစရှိတဲ့ ရုပ်ရှင်တွေနဲ့ ပရိသတ်အချစ်ကို အခိုင်အမာရရှိထားတဲ့ ဟာသသရုပ်ဆောင်မင်းသား Jim Carrey ရဲ့ Comedy ရုပ်ရှင်ကားပေါင်းများစွာထဲက တစ်ကားပဲဖြစ်ပါတယ်။ ရှေ့နေဆိုတဲ့အလုပ်အကိုင်ဟာ စကားအလိမ္မာနဲ့ လိမ်ညာစကား နှစ်ခုကြားက မျဉ်းပါးပါးလေးပေါ်မှာ ရပ်တည်နေရတဲ့အလုပ်အကိုင်ဆိုပေမဲ့ ကိုယ့်အမှုသည် မှန်မမှန်ဆိုတာထက် သူကိုင်တွယ်တဲ့အမှုနိုင်ဖို့ကိုပဲ ဦးစားပေးတတ်တဲ့ ရှေ့နေ ဖလက်ချာ ရိဒ်... လိမ်ညာစကားကို သူ့ရဲ့နေ့စဉ်ဘဝမှာ ထမင်းစားရေသောက်လို ပြောဆိုနေတတ်တဲ့သူ... အဲဒါတွေကြောင့်ပဲ မိန်းမဖြစ်သူနဲ့ ကွာရှင်းထားရပြီး သားဖြစ်သူ မက်စ်လေးကိုပါ ကတိတွေအထပ်ထပ်ပေးပြီး မတည်နိုင်တဲ့ ဖခင်တစ်ယောက်ဖြစ်လို့နေပါတယ်... အဖေဖြစ်သူရဲ့ မတည်နိုင်တဲ့ကတိတွေကိုပဲ နားထောင်နေရတဲ့ မက်စ်တစ်ယောက် သူ့ရဲ့ငါးနှစ်ပြည့်မွေးနေ့ကိုပါ ရောက်အောင်မလာနိုင်တဲ့ အဖေဖြစ်သူကြောင့် သူ့မွေးနေ့ဆုတောင်းကို အဖေတစ်ယောက် တစ်ရက်လောက်ပဲ လိမ်မပြောနိုင်ပါစေနဲ့လို့ ဆုတောင်းခဲ့ပါတယ်... ဖြစ်ချင်တော့ ဒီငါးနှစ်သားလေးရဲ့ဆုတောင်းက ချက်ချင်းပြည့်ဝသွားပြီး လိမ်ညာစကားကို ထမင်းစားရေသောက်လိုပြောနေတဲ့ ဖလက်ချာတစ်ယောက် နေ့စဉ်ဘဝနဲ့ လုပ်ငန်းခွင်မှာ ဘယ်လိုအခက်အခဲတွေကြုံရပြီး ဘာတွေကိုစွန့်လွှတ်လိုက်ရမလဲဆိုတာကို ရယ်မောရင်းနဲ့ ခံစားကြည့်ရှုနိုင်မှာဖြစ်ပါတယ်... File Size - 1.02 GB/ 2.1 GB Quality - BluRay 1080p/ 720p Duration - 1h 26m Format - mp4 Genre - Comedy Subtitle - Myanmar Subtitle (Hard Sub)

ဒီတစ်ခါမှာတော့ IMDB-7.3/10ရရှိထားတဲ့ Comedy action ဇာတ်ကားလေးတစ်ခုကိုတင်ဆက်ပေးချင်ပါတယ် John Cusack, Dan Aykroyd, Minnie Driver တို့က အဓိကပါဝင်သရုပ်ဆောင်ထားပါတယ် ဇာတ်လမ်းအကျဥ်း ပရော်ဖက်ရှင်နယ်ကြေးစားလူသတ်သမား မာတင်ဘလန့်ဟာ မီချီဂန်ပြည်နယ် ဂရော့စ်ပွိုင့်မှာ လုပ်ကြံရေးမစ်ရှင်တစ်ခုကိုလက်ခံလိုက်ပါတယ် သူ့ရဲ့မွေးရပ်မြေလည်းဖြစ်တာကြောင့် အဲ့ဒီကိုအလုပ်ကိစ္စနဲ့ရောက်ရင်း 10နှစ်ကြာခဲ့ပြီဖြစ်တဲ့ အထက်တန်းကျောင်းက ကျောင်းသားဟောင်းတွေ့ဆုံပွဲကိုတက်ဖို့စီစဥ်ခဲ့ပါတယ် ဘလန့်ဟာ သူကြီးပြင်းခဲ့တဲ့မြို့လေးကိုပြန်ရောက်ချိန်မှာ သူ့ရဲ့ငယ်သူငယ်ချင်းတွေရော သူ့ရဲ့မေ့မရတဲ့ငယ်ချစ်ဦးကိုလည်းပြန်တွေ့ရပြီး ဒီတစ်ခါမစ်ရှင်ပြီးရင် ဒီအလုပ်ကိုစွန့်လွှန့်ဖို့ဆုံးဖြတ်လိုက်ပါတယ် ဒါပေမဲ့ အဲ့ဒီမြို့မှာ သူ့ကိုပြန်လုပ်ကြံမယ့် တခြားသူတွေလည်းရှိနေတာကိုသိလိုက်ရတဲ့အခါမှာတော့...... File size…(1.6 GB)/(901 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

အင်ဒီယာနာဂျုန်းမင်းသားကြီး Harrison Ford နဲ့ Brad Pitt တို့ အပြိုင်ကြဲထားတဲ့ thriller/drama ရုပ်ရှင်ကားကြီးကို တင်ဆက်ပေးလိုက်ပါတယ်.. အရင်ရက်ကထွက်ထားတဲ့ The Banshees of Inisherinကို ကြည့်ထားရင် အချိတ်အဆက်ပိုမိပါတယ်.. အိုင်ယာလန်ပြည်တွင်းစစ်အပြီး နှစ်၅၀ကျော်အကြာ ၁၉၇၂မှာ ဇာတ်လမ်းစထားတာပါ.. ၁၉၆၀နှောင်းပိုင်းကနေ ၁၉၉၈အထိ နှစ်၃၀နီးပါးကြာခဲ့တဲ့ “မြောက်အိုင်ယာလန် ပဋိပက္ခကြီး” ဖြစ်ခဲ့ပါတယ်.. အိုင်ယာလန်သမ္မတစနစ်ထောက်ခံသူ (Republican)နဲ့ မြောက်အိုင်ယာလန်ကို ဗြိတိသျှနဲ့ပေါင်းပြီး ပြည်ထောင်စုဖွဲ့ချင်သူ (Loyalist)တွေကြား ဖြစ်ပွားခဲ့တာပါ.. မြောက်အိုင်ယာလန်လူ့အခွင့်အရေးဆန္ဒပြပွဲကို ဗြိတိသျှတပ်နဲ့ Loyalistတွေပေါင်းပြီး ဖြိုခွဲရာကစပါတယ်.. အဲဒီကနေဆန္ဒပြပွဲတွေ ထပ်ပွားလာပြီး နှစ်၃၀ကြာတဲ့ ဖွဲမီးလှိုက်လောင်ပါတော့တယ်.. လူပေါင်း ၄၈၀သေခဲ့တဲ့ ၁၉၇၂က ပဋိပက္ခရဲ့အဆိုးဆုံးနှစ်ပါပဲ.. ဒါတွေက ရုပ်ရှင်ထဲမှာမပါပါဘူးနော်.. ဇာတ်အိမ်တည်ထားတဲ့ ၁၉၇၂ နဲ့ ၁၉၉၃ကို အကြမ်းဖျင်းသိအောင် ပြောပြတာပါ.. ဇာတ်လမ်းအကျဥ်း ၁၉၇၂မှာ ဖရန်ကီ(Brad Pitt)က ၈နှစ်သားပဲရှိပါသေးတယ်.. မြောက်အိုင်ယာလန်ရဲ့ ကမ်းရိုးတန်း အစွန်အဖျားမှာနေတဲ့ တံငါမိသားစုလေးပေါ့.. တစ်ညမှာအိမ်ထဲကို လူတစ်ယောက်ဝင်ချလာပြီး မျက်စိရှေ့တင် အဖေဖြစ်သူကိုပစ်သတ်သွားပါတော့တယ်.. သူ့အဖေက သမ္မတစနစ်ထောက်ခံသူမလို့ပါတဲ့.. အနှစ်၂၀ကြာပြီး ၁၉၉၃မှာတော့ ဖရန်ကီ နယူးယောက်ကို ရောက်လာပါတယ်.. အသိရဲ့အကူအညီနဲ့ တွမ်(Harrison Ford)ရဲ့ မြေအောက်ခန်းထဲမှာ အလကားနေခွင့်ရခဲ့ပါတယ်.. တွမ်က ဖြောင့်မတ်ပြီးသဘောကောင်းတဲ့ ရဲအရာရှိပါ.. ဖရန်ကီကိုလည်း သားတစ်ယောက်လို သဘောထားပါတယ်.. ဒါပေမယ့် ဖရန်ကီရဲ့ သရုပ်မှန်ကို သိသွားတဲ့အချိန်မှာတော့.... ဖရန်ကီက ဘယ်သူလဲ... နယူးယောက်ကို ဘာလာလုပ်တာလဲ... ဖရန်ကီသရုပ်မှန်ကို သိသွားတဲ့တွမ်ကရော ဘာဆက်လုပ်မှာလဲ..... စိတ်ဝင်စားစရာကောင်းပြီး မင်းသားကြီး၂ယောက် အပြိုင်ကြဲထားတာမလို့ အချိန်ပေးရကျိုးနပ်မှာ အသေအချာပါပဲ File size…(1.6 GB)  / (840 MB) Quality….BluRay 1080p / 720p Format…mp4 Duration….01:51:00 Subtitle….Myanmar Subtitle (Hardsub) Encoder….Mr. Anderson Translated by Ei Thwal

ခုနှစ် ၂၁၀၀ ကျော်မှာ ကမ္ဘာကြီးဟာ လူတွေနေထိုင်ဖို့ မဖြစ်နိုင်တော့တဲ့ အခြေအနေကို ရောက်လာပါတယ်။ အသက်ရှင်ကျန်ဖို့အတွက် လူတွေက မီဂါမြို့တော်တွေ တည်ထောင်ပြီး နေရာကျဉ်းကျဉ်းထဲမှာ စုပြုံနေထိုင်ကြရတယ်။ လူဦးရေနဲ့အတူ ရာဇဝတ်မှုတွေပါ များလာတဲ့အခါ သာမန်တရားရေးစနစ်နဲ့ မထိန်းနိုင်တော့လို့ စနစ်အသစ်တစ်ခု ကျင့်သုံးလာကြပါတယ်။ ဒီစနစ်ထဲက စီရင်သူတွေဟာ ရဲ၊ ဂျူရီလူကြီးနဲ့ ကွပ်မျက်သူတာဝန်တွေကို တစ်ပြိုင်တည်း ယူထားကြသူတွေပါ။ မီဂါမြို့တော်တစ်မှာတော့ ဥပဒေကို အလေးအမြတ်ထားတဲ့ စီရင်သူ ဒရက်ဒ်က ရာဇဝတ်မှုတွေကို ဦးဆောင်ဖြေရှင်းနေပါတယ်။ ဒါပေမယ့် တစ်နေ့မှာ သတင်းထောက်လင်မယားမိသားစုကို သတ်မှုနဲ့ သူကိုယ်တိုင် ဖမ်းဆီးစွဲချက်တင်ခံလိုက်ရတယ်။ အပြစ်ရှိကြောင်း သက်သေတွေ့တဲ့အတွက် အက်စပန်ထောင်မှာ တစ်သက်တစ်ကျွန်း ကျခံဖို့ အမိန့်ချခံရပါတော့တယ်။ ဒရက်ဒ်မရှိတော့တဲ့ မြို့မှာလည်း ၄၈ နာရီအတွင်း စီရင်သူ ၁၀၈ ယောက် အသတ်ခံရပြီး ဖရိုဖရဲဖြစ်လာတယ်။ “ငါက တရားဥပဒေပဲ” လို့ ကြွေးကြော်ခဲ့သူဟာ အခုတော့ သူတန်ဖိုးထားတဲ့ ဥပဒေအရ အကျဉ်းသားဖြစ်သွားပါပြီ။ ဒီလူသတ်မှုကို သူတကယ်ကျူးလွန်ခဲ့သလား၊ အမှန်တရားကို ဖော်ထုတ်နိုင်ပါ့မလားဆိုတဲ့ မေးခွန်းတွေ ကျန်နေပါတယ်။ စတားလုံး ပါဝင်သရုပ်ဆောင်ထားတဲ့ ၁၉၉၅ ခုနှစ်ထွက် သိပ္ပံစိတ်ကူးယဉ်ဇာတ်ကားဖြစ်ပြီး ၂၀၁၂ ခုနှစ်မှာလည်း Dredd အမည်နဲ့ ဇာတ်ကားတစ်ကား ထပ်မံထွက်ရှိခဲ့ပါတယ်။

“သမီးတို့မေမေက ရေလိုပဲကွယ့် ရေမှာ H2O ဆိုတဲ့ တူညီတဲ့မူရင်းတန်ဖိုးရှိပေမယ့် သူဟာ တစ်ခါတစ်ရံမှာ အရည်အဖြစ်ရှိနေတတ်ပြီး တစ်ခါတစ်ရံ ရေခဲ ဒါမှမဟုတ် ရေငွေ့အဖြစ်ရှိနေတတ်တယ်။ ဖေဖေကတော့ အချိန်တစ်ခုကြာကတည်းက သမီးတို့မေမေရဲ့ကိုယ်ရည်ကိုယ်သွေးတစ်ခုတည်းကိုပဲ ကြည့်ပြီးချစ်လိုက်တော့မယ်လို့ ဆုံးဖြတ်ထားတယ်။” အချစ်ကြီးတဲ့ စစ်သားကြီး ဟန့်ခ်မာရှယ်တစ်ယောက် ဒီလိုပြောခဲ့ပါတယ်။ ဒါပေမယ့် ကာလီမာရှယ်ပြောခဲ့တဲ့ စကားတစ်ခွန်းကတော့“အဖေကြီးရယ် မှားမိသွားတာပါ” တဲ့ မူရင်းဝတ္ထုရေးဆရာမ Rama Laurie Stagner ရဲ့ မိဘများကို အခြေခံထားတဲ့ ဒီဇာတ်လမ်းဟာ ၁၉၆၂ခုနှစ်မှာ ဇာတ်အိမ်တည်ထားပြီး စစ်အေးခေတ်အမေရိကန်နိုင်ငံရဲ့ နိုင်ငံရေး၊ စစ်ရေးတင်းမာမှုတွေကို ပါးပါးလေးပုတ်ပြထားတဲ့ ဒရာမာကားတစ်ကားဖြစ်ပါတယ်။ ၁၉၉၀ခုနှစ်မှာ ရိုက်ကူးခဲ့ပေမယ့် ထုတ်လုပ်ရေးကုမ္ပဏီက ဒေဝါလီခံသွားခဲ့ရတာကြောင့် ၄နှစ်အကြာမှ ဖြန့်ချီနိုင်ခဲ့ပါတယ်။ ဇာတ်ကားရဲ့ ဒါရိုက်တာ Tony Richardson အတွက်လည်း Blue Skyဟာ သူ့ရဲ့နောက်ဆုံးလက်ရာဖြစ်ခဲ့ပြီး ၁၉၉၁ ခုနှစ်မှာ ဆုံးပါးသွားခဲ့တာကြောင့် ရုပ်ရှင်ဖြန့်ချီပြသချိန်မှာ သူမရှိနေခဲ့တော့ပါဘူး။ ဒါအပြင် ဝင်ငွေနည်းခဲ့လို့ ကုန်ကျစရိတ်ကိုတောင် ပြန်မကာမိခဲ့တဲ့ ရုပ်ရှင်ဖြစ်ခဲ့ပါသေးတယ်။ ဒီလိုအခက်အခဲတွေ များစွာရှိခဲ့ပေမယ့် အမျိုးသမီးဇာတ်ဆောင် Jessica Lange တစ်ယောက် အကောင်းဆုံးအမျိုးသမီး ဇာတ်ဆောင် အကယ်ဒမီဆု နဲ့ ရွှေကမ္ဘာလုံးဆုတို့ကို ဆွတ်ခူးနိုင်ခဲ့သလို ရုပ်ရှင်ဟာလည်း IMDb 6.4 နဲ့ Rotten Tomatos 80%ရရှိထားပြီး ထွက်ရှိလာချိန်မှာ ကောင်းမွန်တဲ့မှတ်ချက်တွေကိုလည်း ပိုင်ဆိုင်ထားခဲ့ပါတယ်။ CM ပရိသတ်ကြီးလည်း Blue Skyနဲ့အတူ စီးမြောရင်း မိသားစုဘဝနဲ့ ချစ်ခြင်းတရားကို ဝေဖန်သုံးသပ်ကြည့်ပါဦးလို့… File size…(2.2 GB)/(1.2 GB) Quality….Blu-Ray 1080p / 720p Format… mp4 Duration…. 02:41:00 Genre... Drama, Romance Subtitle….Myanmar Subtitle (Hardsub) Encoder….Garfield Translated by Khatar

မနေ့ကတင်ပေးခဲ့တဲ့ Hot Shot Part 1 ရဲ့အဆက်လာပါပြီ။ ဒီကားကတော့ ရုပ်ရှင်ပရိသတ်တွေရဲ့အချစ်တော် စတားလုံးရဲ့ Rambo ဇာတ်ကားကို သရော်ထားတာဖြစ်ပါတယ်။ ဒါ့အပြင် ဆာဒမ်ဟူစိန်ကိုလဲသရော်ထားပြီး Basic Instinct ကိုပါ ဟာသအဖြစ်ထည့်ထားပါသေးတယ်။ ဒီ Part 2 မှာတော့ သူရဲကောင်းကြီး တော်ပါဟာလေဟာ ချစ်သူ ရမန်ဒါနဲ့ကွဲကွာသွားပြီး အာရှမှာ ဇာတ်မြုပ်နေခဲ့ပါတယ်။ တစ်ဖက်မှာလဲ အမေရိကန်အစိုးရက အရှေ့အလယ်ပိုင်းဒေသမှာ ဖမ်းခံထားရတဲ့ အမေရိကန်ဓားစာခံတွေကို ကယ်ထုတ်တာ လုံးဝမအောင်မြင်ဘူးဖြစ်နေခဲ့ပါတယ်။ အဲ့ဒါကြောင့် ထုံးစံအတိုင်း တော်ပါဟာလေကို ပြန်ခေါ်ဖို့ကြိုးစားခဲ့ရပြီး ဓားစာခံတွေကို ဘယ်လိုကယ်ထုတ်မလဲ၊ တော်ပါဟာလေနဲ့ ရမန်ဒါတို့ကရော ဘာကြောင့်ကွဲကွာသွားရတာလဲ၊ ဆာဒမ်ဟူစိန်ကိုရော ဘယ်လိုရှင်းကြမလဲဆိုတာတော့ ဆက်လက်ခံစားကြည့်ရှုကြပါ။ ဒီကားမှာ နာမည်အကြီးဆုံးကတော့ ကြက်နဲ့မြားပစ်တဲ့အခန်းပါ။ ဒါ့အပြင် နာမည်ကြီးရုပ်ရှင်တွေထဲက ဇာတ်ဝင်ခန်းတွေကိုပါ သရော်ထားပြီး Part 1 တုန်းကထက်တောင် ပိုပြီးရယ်ရပါသေးတယ်။ Part 1 ကြည့်ပြီးတဲ့သူတွေအတွက်တော့ Part 2 နဲ့ဆို အချိတ်အဆက်ပိုမိသွားပြီး ပိုရယ်နေရမှာပါ။ အခု Part 2 မှာ ရုပ်ရှင်ပရိသတ်တွေရဲ့ အချစ်တော် နာမည်ကြီးဟာသသရုပ်ဆောင် နောက်တစ်ယောက်လဲ ပါပါသေးတယ်။ ဘယ်သူလဲဆိုတာတော့ မပြောပြတော့ပါဘူး။ တစ်ခုအသိပေးချင်တာကတော့ Hot Shots နှစ်ကားလုံးမှာ အသုံးပြုသွားတဲ့ဟာသပြက်လုံး၊ ထေ့လုံးတွေဟာ မြန်မာပရိသတ်တွေအတွက် အလှမ်းဝေးနေပြီး မူရင်းစာသားအတိုင်းပြန်ကြည့်တဲ့အခါ ဟာသအရသာပျောက်သွားပြီး မရယ်ရတော့ပါဘူး။ မင်းသား၊မင်းသမီးနာမည် အသုံးအနှုန်းကအစ ၁၉၉၀ ဝန်းကျင်က မင်းသားမင်းသမီးဟောင်းကြီးတွေရဲ့ နာမည်ကိုယူပြီး ပြက်လုံးထုတ်ထားတာဖြစ်တဲ့အတွက် CM ကနေ မြန်မာပရိသတ်နားလည်လွယ်အောင်၊ ဟာသကိုသဘောပေါက်လွယ်အောင်လို့ ပြက်လုံးအတော်များများကို မြန်မာမှုအနည်းငယ် ပြုထားပါတယ်။ ဒါဟာ ပျော်စေ၊ ပျက်စေသဘောနဲ့လုပ်တာမဟုတ်ပဲ ဟာသတစ်ခုကို အဓိပ္ပါယ်နားလည်လွယ်အောင်လို့ Contextualize လုပ်တယ်လို့ နားလည်ပေးစေချင်ပါတယ်။ ဘာသာပြန်တဲ့ကျွန်တော်ကိုယ်တိုင်လဲ ဒီကားကျမှ ဒီလိုမြန်မာပြက်လုံးတွေထည့်သုံးထားတာဖြစ်ပြီး တခြားကားတွေမှာဆို မူရင်းနဲ့မူကွဲ တစ်သားထဲ ကျအောင်ပြန်နေကျဖြစ်တဲ့အကြောင်း အသိပေးပါတယ်ခင်ဗျ။ (ဇာတ်လမ်းအညွှန်းနဲ့ဘာသာပြန်သူကတော့ ကိုအာကာဖြိုးပါ) File Size : (800 MB) Quality : Blu-Ray 720p Running Time : 1hr 26min Format : Mp4 Genre :Action, Comedy Subtitle : Myanmar Subtitle (Hard Sub) Source : 720p.BluRay.X264-AMIABLE Translated by Arkar Phyo Encoded by Thanhtike Zaw

ရဲအရာရှိ ရော်ဂျာက ဘဝကို အေးအေးချမ်းချမ်း ဖြတ်သန်းနေသူပါ။ အသက် ၅၀ ပြည့်မွေးနေ့ကို မိသားစုနဲ့ ပျော်ပျော်ရွှင်ရွှင် ကုန်ဆုံးပြီး ခါတိုင်းလို အလုပ်သွားတဲ့အခါမှာတော့ သတင်းဆိုးတစ်ခု ကြားလိုက်ရတယ်။ စစ်ပွဲမှာ အတူတိုက်ခဲ့ဖူးပြီး သူ့အသက်ကိုပါ ကယ်ခဲ့တဲ့ သူငယ်ချင်းဟောင်းရဲ့သမီး တိုက်ပေါ်က ခုန်ချသွားတဲ့အမှုပါ။ အဲဒီသူငယ်ချင်းနဲ့ ရော်ဂျာ အဆက်အသွယ်ပြတ်နေတာလည်း ၁၂ နှစ် ရှိနေပြီဖြစ်ပါတယ်။ ဒီအမှုကို အတူလိုက်ဖို့ ရလာတဲ့ တွဲဖက်အသစ်က မာတင်ရစ်ဂ်ဆိုတဲ့ လူငယ်ရဲအရာရှိပါ။ အရင်က အထူးတပ်ဖွဲ့ဝင်ဖြစ်ခဲ့ပြီး အရည်အချင်းရှိပေမယ့် ချစ်ရတဲ့ဇနီး မကြာသေးခင်က ဆုံးပါးသွားလို့ စိတ်မတည်မငြိမ် ဖြစ်နေတယ်။ ကိုယ့်အသက်ကို အဆုံးစီရင်ဖို့တောင် ကြိုးစားနေသူပါ။ ကမူးရှူးထိုးနဲ့ စိတ်ထင်သလို လုပ်တတ်တဲ့ ရစ်ဂ်နဲ့ အေးအေးဆေးဆေး နေချင်တဲ့ ရော်ဂျာတို့ဟာ စရိုက်ချင်း ဆန့်ကျင်နေပေမယ့် ဒီအမှုမှာတော့ တွဲပြီး အလုပ်လုပ်ကြရပါတယ်။ Mel Gibson ငယ်စဉ်က ပါဝင်သရုပ်ဆောင်ခဲ့တဲ့ အက်ရှင်၊ မှုခင်းနဲ့ သည်းထိတ်ရင်ဖို ရုပ်ရှင်ဖြစ်ပါတယ်။ သူဟာ Braveheart၊ Conspiracy Theory တို့မှာ သရုပ်ဆောင်ခဲ့သလို Hacksaw Ridge ကိုလည်း ဒါရိုက်တာအဖြစ် ရိုက်ကူးခဲ့သူပါ။

ဒီဇာတ်ကားက ဒုတိယကမ္ဘာစစ်မှာ ပစိဖိတ်စစ်ပွဲရဲ့ စစ်ရေးချိန်ခွင်လျှာကို ပြောင်းလဲသွားစေတဲ့ မစ်ဝေးတိုက်ပွဲကို ရိုက်ကူးထားတာ ဖြစ်တယ်။ အချိန်ကာလကတော့ ဂျပန်တွေ ပုလဲဆိပ်ကမ်းကို ဗုံးကျဲပြီး ၆လအကြာ... ရေတပ်ဗိုလ်ချုပ်ကြီး နီမစ်ဇ် ဦးဆောင်တဲ့ အမေရိကန်ရေတပ်ဟာ အတော်လေးကိုမှ အခက်တွေ့နေခဲ့ရတာ ဖြစ်ပါတယ်။ အမေရိကန်ရေတပ်က လေယာဉ်တင်သင်္ဘောတွေကို မနည်းပြင်ဆင်နေရတယ်ဆိုတာကို ရိပ်စားမိတဲ့ ဂျပန်ရေတပ်ဗိုလ်ချုပ်ကြီး ယာမာမိုတိုက မစ်ဝေးကျွန်းကို လာရောက်တိုက်ခိုက်ဖို့ ခွင့်ပြုချက်ရယူလိုက်တယ်။ ရန်သူအင်အား ၂ဆပိုများတဲ့၊ ကမ္ဘာ့အင်အားအကြီးဆုံး ရေတပ်ဘွဲ့ကို ရထားတဲ့ ဂျပန်ဘုရင့်ရေတပ်မတော်ကို ဗိုလ်ချုပ်ကြီးနီမစ်ဇ် ဦးဆောင်တဲ့ အမေရိကန်ရေတပ်က ဘယ်လိုတွေ ချေမှုန်းမလဲဆိုတာကို မြင်တွေ့ရမှာ ဖြစ်တယ်။ မစ်ဝေးတိုက်ပွဲအကြောင်း ပုံဖော်ထားတဲ့ ၁၉၇၆ခုနှစ်ထွက် ဒီဗားရှင်းကတော့ သူတို့ခေတ်အခါက အမိုက်စား cast တွေကို သုံးထားပြီး Sensurround sound system ကိုသုံးထားခဲ့တယ်။ မျိုးချစ်စိတ်ကို ပိုပြီးပေါ်လွင်စေပါတယ်တဲ့။ ၂၀၁၉ ခုနှစ်ထွက်ဗားရှင်းကတော့ သမိုင်းကြောင်းအချက်အလက်အရ ပိုမိုမှန်ကန်တယ်လို့ ဆိုကြပါတယ်။ အညွှန်းနဲ့ ဘာသာပြန်ကတော့ Nway Oo K Zaw ဖြစ်ပါတယ်။ File size…(2.7 GB)/(1.5 GB) Quality….Blu-Ray 1080p / 720p Format… mp4 Duration…. 02:12:00 Genre... Action, Drama, History, War Subtitle….Myanmar Subtitle (Hardsub)