Morgana Shaw ပါဝင်သော ဇာတ်ကားများ

Broken Land (2025) ++++++++++ ၂၀၂၅ ခုနှစ် ရုပ်ရှင်ပွဲတော်တွေတုန်းက La Gloria ဆိုတဲ့ နာမည်နဲ့ ပြသခဲ့ပြီး ၂၀၂၆ ဇွန်လမှာ တရားဝင် ထွက်ရှိလာတဲ့ Broken Land ဇာတ်ကားဟာ ခေတ်သစ် ကောင်းဘွိုင်စတိုင်ဒရမ်မာ ရုပ်ရှင်ကားကောင်းတစ်ကား ဖြစ်ပါတယ်။ အမေရိကန်နဲ့ မက္ကဆီကို နယ်စပ်က တရားမဝင် ရွှေ့ပြောင်းနေထိုင်သူတွေရဲ့ ပြဿနာကို လူသားချင်းစာနာထောက်ထားမှု အမြင်နဲ့ ရင်နင့်စရာကောင်းအောင် ရိုက်ကူးထားတာပါ။ ဇာတ်လမ်းရဲ့ အဓိကဇာတ်ကောင်ကတော့ တက္ကဆက်ပြည်နယ် ၊ ကျေးလက်တောရွာက မွေးမြူရေးခြံပိုင်ရှင်ကြီး ကာဆင် (Carson) ပါ။ သူက ဇနီးသည်ဆုံးပါးသွားပြီးနောက်ပိုင်း လူတွေနဲ့မရောဘဲ တစ်ယောက်တည်း အေးအေးဆေးဆေး နေချင်တဲ့သူပေါ့။ ဒါပေမဲ့ တစ်နေ့မှာတော့ သူ့ခြံဝင်းထဲကို တရားမဝင် ဖြတ်ကျော်ဝင်ရောက်လာတဲ့ ကိုယ်ဝန်ဆောင် ရွှေ့ပြောင်းအလုပ်သမား အမျိုးသမီးငယ်လေး တစ်ယောက်ကို သူက သူခိုး ဒါမှမဟုတ် ရန်သူအထင်နဲ့ မတော်တဆ သေနတ်နဲ့ ပစ်မိပါတော့တယ်။ ပစ်မိသွားတဲ့အခါ ကာဆင်တစ်ယောက် နောင်တရပြီး စိတ်မကောင်းဖြစ်သွားပါတယ်။ ဒါကြောင့် အဲဒီအမျိုးသမီးငယ်လေးကို ရဲဆီမအပ်ဘဲ သူ့ခြံထဲမှာပဲ လျှို့ဝှက်ထားပြီး ဆေးကုသပေးကာ စောင့်ရှောက်ထားဖို့ ဆုံးဖြတ်လိုက်တယ်။ ဒါပေမဲ့ ပိုပြီး စိတ်လှုပ်ရှားဖို့ကောင်းပြီး အကျပ်ရိုက်စေတာက ကာဆင်နဲ့ စိမ်းကားနေတဲ့ သူ့ရဲ့သားဖြစ်သူဟာ အဲဒီနယ်စပ်ဒေသက နယ်စပ်လုံခြုံရေးရဲတစ်ယောက် ဖြစ်နေတာပါပဲ။ သားဖြစ်သူက တရားမဝင် ဝင်လာသူတွေကို လိုက်လံဖမ်းဆီးနေချိန်မှာ ဖခင်ဖြစ်သူကတော့ ကိုယ်ဝန်ဆောင်အမျိုးသမီးလေးကို သူ့သားလက်ထဲ မရောက်အောင် အစွမ်းကုန် ကာကွယ်ပေးရပါတော့တယ်။ ဘာသာစကားလည်းမတူ၊ နောက်ခံဘဝချင်းလည်း ကွာခြားလှတဲ့ အဘိုးအို ကာဆင်နဲ့ ဒဏ်ရာရထားတဲ့ အမျိုးသမီးငယ်လေးတို့ဟာ တစ်အိမ်ထဲမှာ အတူတူဖြတ်သန်းရင်းနဲ့ တဖြည်းဖြည်း သံယောဇဉ်ဖြစ်လာကြပါတယ်။ ဒီလိုနဲ့ အမုန်းတရားတွေ၊ စိမ်းကားမှုတွေ ပြည့်နှက်နေတဲ့ နယ်စပ်မြေပေါ်မှာ သူတို့နှစ်ယောက်ရဲ့ မမျှော်လင့်ထားတဲ့ ဆက်ဆံရေးက တစ်ယောက်ရဲ့ စိတ်ဒဏ်ရာကို တစ်ယောက်က ဘယ်လိုမျိုး အပြန်အလှန် ကုစားပေးသွားမလဲဆိုတာကို ရင်နင့်စရာ မြင်တွေ့ရမှာပါ။ ဝါရင့်သရုပ်ဆောင်ကြီး David Morse ရဲ့ ပြည့်စုံလွန်းတဲ့ သရုပ်ဆောင်ချက်တွေနဲ့အတူ အမေရိကန်နယ်စပ်က တကယ့်လက်တွေ့ အကျပ်အတည်း ပြဿနာတွေကို နိုင်ငံရေးအမြင်နဲ့မဟုတ်ဘဲ "လူသားချင်းစာနာမှု" ဆိုတဲ့ ခံစားချက်ကို အသားပေးပြီး ရိုက်ကူးထားတာမို့လို့ စိတ်လှုပ်ရှားစရာလည်းကောင်းသလို နှလုံးသားကိုလည်း ထိရှစေမယ့် ဒရမ်မာကားကောင်းတစ်ခု ဖြစ်ပါတယ်။ File Size… (1.34GB) / (622MB) Quality… WEB-DL 1080p HEVC / 720p Format…mkv / mp4 Duration…1h 39m Genre ….Drama Subtitle….Myanmar Subtitle (Hard Sub)

The Other (2025) Body Horror ရုပ်ရှင်ကောင်းကောင်းရှာနေသူတို့အဖို့ “ The Other “ ဆိုတဲ့ရုပ်ရှင်ကလည်း ကြည့်ရှုသူတို့အဖို့ Plot twistများစွာ နဲ့ မသတီစရာမြင်ကွင်းများစွာကို ဖွယ်ဖွယ်ရာရာနီးပါးကြည့်ရှုနိုင်မှာပဲဖြစ်ပါတယ်။ ဇာတ်လမ်းအကျဉ်း ဒန်နီရယ် နဲ့ ရော်ဘင်တို့ ဇနီးမောင်နှံနှစ်ယောက် ကေသေလီယာဆိုတဲ့ ရှစ်နှစ်အရွယ်ကောင်မလေးတစ်ယောက်ကိုမွေးစားပြီးတော့ ဘယ်လိုကြောက်စရာဖြစ်ရပ်တွေကိုကြုံတွေ့ရမလဲဆိုတာကို ခြောက်ခြားဖွယ်ရိုက်ကူးတင်ဆက်ပြသထားတာပဲဖြစ်ပါတယ်။ (အညွှန်းနဲ့ဘာသာပြန်ကတော့ Myat Noe Yamone ဖြစ်ပါတယ်။) File size… (1.2 GB) / (680 MB) Quality…. WEB-DL 1080p HEVC / 720p Format…. mkv/mp4 Genre…. Horror, Thriller Duration…. 01:39:17 Subtitle…. Myanmar Subtitle (Hardsub) Encoder…. Benjamin Translated by Myat Noe Yamone

IMDb 7.2 Tomato 97% ဒီရုပ်ရှင်ကတော့ ဟာသအက်ရှင်အမျိုးအစားပါ၊ Netflix ရဲ့ ပေါကားတွေကြားထဲမှာ ရှားရှားပါးပါး စိတ်ဝင်စားစရာ ကားကောင်းလေးပါပဲ။ ဒါရိုက်တာက Before Trilogy ရဲ့ ဖန်တီးရှင် Richard Linklater ဆိုတော့ ဒိုင်ယာလော့ လန်းလန်းတွေ ပါတာပေါ့။ ဇာတ်လမ်းကတော့ နာမည်အတိုင်း ကြေးစားလူသတ်သမား တစ်ယောက်အကြောင်းလို့ ထင်မိရင် မှားမယ်။ မဟုတ်ပါဘူး။ ဒီဇာတ်လမ်းအရဆိုရင် ကြေးစား လူသတ်သမားဆိုတာ တကယ်မရှိပါဘူး။ ဘယ်ကောင်မှ သေဒဏ်ကျနိုင်တဲ့ကိစ္စကို ငွေလေးနှစ်ပဲတစ်ပြားနဲ့ မလုပ်ပါဘူးတဲ့။ ဒီတော့ လူတစ်ယောက်ကို သတ်ချင်လို့ လိုက်ငှားတဲ့သူတွေကို ရဲက စုံစမ်းမိပြီဆိုရင်သူတို့ရဲ့ လက်ရွေးစင် အသွင်ယူ ကြေးစားလူသတ်သမားကြီးကို ခေါ်လိုက်ပါတယ်။ သူက ကလိုင်းယန့်တွေကိုလေ့လာပြီး သူတို့ယုံမဲ့ပုံစံ စကားတွေနဲ့ အလုပ်အပ်တာကိုလက်ခံပြီးမှ ရဲတွေက သက်သေနဲ့ တစ်ခါတည်း ဖမ်းပါတယ်။ ဒီလိုနဲ့ တစ်နေ့မှာ ယောကျာ်းကိုသတ်ဖို့ အလုပ်လာအပ်တဲ့ ကောင်မလေးတစ်ယောက်ကို မဖမ်းဘဲ ဆုံးမပြီး ပြန်လွှတ် လိုက်ပါတယ်။ အဲဒီကောင်မလေးနဲ့ ပြန်တွေ့ရကနေ နောက်ဆက်တွဲတွေ ရှုပ်ကုန်ပြီး တကယ့် လူသတ်သမားတွေ အဖြစ် ဘယ်လိုပြောင်းသွားလဲ ကြည့်ရမှာပါ။ အစအဆုံး ဘာဖြစ်မလဲ သိချင်စိတ်ဖြစ်စေတဲ့ရုပ်ရှင်မျိုးမို့ သေချာပေါက် ကြည့်လိုက်ကြပါဦး။ File size…(8.2 GB) / 2.84GB / 873MB Quality…WEB-DL 4K/1080p 5.1CH / 720p Format…mp4 Duration….1h 55m Genre ….. Action , Comedy , Crime Subtitle….Myanmar Subtitle (Hard Sub) Encoder….Min Wai Translated by Mr.Anderson

The Passenger (2023) ~ IMDb - 5.9/10, Rotten Tomatoes - 76% ~ နာမည်ကျော် Horror ဇာတ်ကား‌တွေကို ထုတ်ထုတ်ပေးနေကျ Blumhouse ရဲ့ နောက်ဆုံးထွက်ကားပါ။ ခုဇာတ်ကားကတော့ ငယ်ငယ်ကတည်းက Introvert ဖြစ်ပြီးတော့ Neurodevelopmental Disorder ဆိုတဲ့ စိတ်ရောဂါရနေတဲ့ ဘရက်ဒ်လေဆိုတဲ့ ကောင်လေးတစ်ယောက်အကြောင်းကို ရိုက်ကူးထားတပါ။ ဘရက်ဒ်လေက သူငယ်ငယ်တုန်းက ကျောင်းမှာမတော်တဆမှု တစ်ခုဖြစ်ပြီးကတည်းက ဘယ်အရာမှာမဆို ဆုံးဖြတ်ချက်ချဖို့အတွက် တွန့်ဆုတ်နေတတ်ပါတယ်။ ကိုယ်တိုင်ဆုံးဖြတ်ချက်ချပြီး ကိုယ့်ပေါ်ကိုယ် ရပ်တည်ရမယ့်အစား သူများပြောတာမှန်သမျှကို ခေါင်းညိတ်ပြီး အောက်ကျခံတဲ့လူစားမျိုးပေါ့။ တစ်နေ့ သူ့အလုပ်မှာ လုပ်ဖော်ကိုင်ဖက်အချင်းချင်း ရန်ဖြစ်ရင်း လူသတ်မှုဖြစ်သွားပါတယ်။ အဲဒီလိုနဲ့ ဘန်ဆန်ဆိုတဲ့ ဘရက်ဒ်လေ့ လုပ်ဖော်ကိုင်ဖက်ဟာ ဘရက်ဒ်လေ့ရဲ့ စိတ်ဒဏ်ရာ(ရောဂါ) ကိုကုဖို့ဆိုပြီး ရှာပုံတော်ထွက်ပါတော့တယ်။ ဒီဇာတ်ကားဟာ Semi-Thriller နဲ့ Horror ဇာတ်ကားဖြစ်လို့ မိုးအေးအေးလေးမှာ Chill ချင်တဲ့ သူများအတွက် ရှယ်ပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 2.47GB, 555MB Quality - 1080p, 720p IMDb Rating - 5.9/10 Format - mp4 Duration - 1H 34Min Genre - Horror Subtitle - Myanmar Subtitle (Hardsub) Translated by Mark Encoded by Y

ဝီးလိုးလမ်းမကြီးပေါ်က ဂရေဟမ်မိသားစုရဲ့ စိုက်ခင်းမှာ သရဲခြောက်တယ်ဆိုတာ တစ်မြို့လုံး သိကြပါတယ်။ ဒါပေမယ့် ဖခင် ဂျိုဆိုင်းယား၊ မိခင် မီရီယမ်နဲ့ သားသမီးသုံးယောက်ဖြစ်တဲ့ အီလိုင်၊ မယ်ရီ၊ တွမ်မီတို့ကြားက အတိတ်ဆိုးကိုတော့ ဘယ်သူမှ မသိကြဘူး။ ဘာသာရေးကိုင်းရှိုင်းပြီး မိသားစုကို ချစ်တဲ့ မီရီယမ်ဟာ ဘာကြောင့် ဝက်သစ်ချပင်မှာ ကြိုးဆွဲချပြီး အသက်ဆုံးခဲ့သလဲဆိုတာကလည်း မေးခွန်းတစ်ခု ဖြစ်နေပါတယ်။ မီရီယမ် ခြောက်လှန့်နေတဲ့ ခြံထဲမှာ ဂျိုဆိုင်းယားနဲ့ သားအငယ်ဆုံး တွမ်မီတို့ပဲ ကျန်ခဲ့ကြတယ်။ အိမ်က ထွက်သွားတဲ့ အီလိုင်ကတော့ လေလွင့်နေပြီး လောင်းကစားအကြွေးတွေ ပြန်ဆပ်ဖို့ ကြိုးစားနေရပါတယ်။ မယ်ရီလည်း ကလေးဘဝက ရခဲ့တဲ့ စိတ်ဒဏ်ရာတွေကြောင့် အိမ်ထောင်သည်ဘဝကို ခက်ခက်ခဲခဲ ဖြတ်သန်းနေရတယ်။ တစ်နေ့မှာ ရေနံကုမ္ပဏီတစ်ခုက ပိုက်လိုင်းဆောက်ဖို့ သူတို့ခြံကို ငွေအမြောက်အမြားပေးပြီး ဝယ်ဖို့ ကြိုးစားလာပါတယ်။ အဲဒီအခါ ငွေလိုနေတဲ့ အီလိုင်နဲ့ အတိတ်ကို မမေ့နိုင်သေးတဲ့ မယ်ရီတို့ ခြံဆီ ပြန်လာကြတယ်။ မောင်နှမသုံးယောက် ပြန်ဆုံကြရင်း အတိတ်က ဖြစ်ရပ်ဆိုးတွေကို အစပြန်ဖော်မိတဲ့အခါ ဘာတွေ ဆက်ဖြစ်လာကြမလဲ။

The Haunting in Connecticut 2: Ghosts of Georgia (2013) IMDb - 5.3/10 Rotten - 19% The Haunting in Connecticut 2: Ghosts of Georgia ဇာတ်ကားကတော့ Director : Tom Elkins ရိုက်ကူးထားတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားထဲမှာဆိုရင်တော့ သရုပ်ဆောင်တွေအနေနဲ့ Abigail Spencer,Morgana Shaw,Chad Michael Murray နဲ့ Emily Alyn Lind တို့က အဓိက ပါဝင်သရုပ်ဆောင်ထားပါတယ်။ စိတ်ဆိုတဲ့အရာက ထူးဆန်းလှပါတယ်။ တကယ်ရှိနေတာကို မရှိဘူးဆိုပြိးလုပ်လို့ရသလို တကယ်မရှိတာကိုလည်း အရှိလုပ်လို့ရပါသေးတယ်။ စိတ်ကိုဖိအားအရမ်းပေးတာမျိုး ၊ ကြောက်စိတ်တွေအရမ်းများနေခြင်းမျိုးတွေကလည်း လူတစ်ယောက်ရဲ့မသိစိတ်ကနေ ကြောက်နေတဲ့အရာတွေကို တကယ့်လက်တွေ့သကဲ့သို့ထင်မှတ်လာစေပါတယ်။ ဒါပေမယ့် တစ်ချို့သောအရာတွေကတော့ တကယ်မရှိဖူးလို့ထင်မှတ်ချင်ပေမယ့်လည်း..... ဒီဇာတ်ကားထဲမှာဆိုရင်တော့ စူးစမ်းလေ့လာရတာကို သဘောကျတဲ့ မိသားတစ်စုက ဟိုးရှေးခေတ်ကသမိုင်းဝင်အိမ်ကြီးတစ်အိမ်ကို လေ့လာဖို့ပြောင်းလာကြတယ်။ သူတို့တွေလေ့လာမှု့တွေလုပ်ကြတယ်။ပျော်ရွှင်နေကြတယ်။ ဒါပေမယ့် မကြာခင်မှာ ဒီအိမ်ကြီးမှာဘာတွေဖြစ်နေလဲဆိုတာ သိရှိပြီးနောက် သူတို့ရဲ့ပျော်ရွှင်မှု့တွေ အဆုံးသတ်သွားခဲ့ပါတယ်။ ဘာကြောင့်လဲ....ဘာလို့လဲဆိုတာကို သိချင်ရင်တော့ ဇာတ်ကားလေးထဲမှာ ဆက်လက်ရှု့စားကြပါတော့...။ ဒီဇာတ်ကားကတော့ Drama,Horror,Mystery ဇာတ်ကားဖြစ်သည့်အပြင် IMDb rating 5.3 ရရှိထားတာကြောင့် မိသားစုနှင့်ဖြစ်ဖြစ် ချစ်သူနှင့်ဖြစ်ဖြစ် ကြည့်ရှု့သင့်တဲ့ ဇာတ်ကားကောင်းလေးတစ်ကားဖြစ်ပါတယ်။ File size…(854 MB) Quality…BR-Rip 720p Format…mp4 Duration….01:40:59 Subtitle….Myanmar Subtitle (Hardsub) Encoded by Naing Aung Latt

ဒီတခါတော့ အဟောင်းပေမယ့်ကောင်းနေသေးတဲ့ ဟာသဇာတ်မြူးကားလေး တစ်ခုကို တင်ဆက်ပေးလိုက်ပါပြီ. Imdb 5.8ရထားပြီး Comedy/Heistဆိုတော့ လူတိုင်းကြိုက်ကြမယ့် ကားလေးပေါ့ဗျာ. ဇာတ်လမ်းအကျဉ်းကတော့ ဘရစ်ဂတ်ရဲ့ခင်ပွန်း ဒွန်ဟာ နှစ်ပေါင်းများစွာ လုပ်ခဲ့တဲ့ အလုပ်ကနေ ပြုတ်သွားတာကြောင့် တသက်လုံး အေးဆေးနေခဲ့တဲ့ ဘရစ်ဂတ်တို့မိသားစုဟာ ဒုက္ခရောက်တာပေါ့ဗျာ. ခင်ပွန်းဒွန်ကလဲ အလုပ်ပြုတ်ပြီး စိတ်ဓာတ်တွေ တဖြုတ်ဖြုတ်ကျတာကြောင့် ဘာမှမလုပ်နိုင်ဖြစ်ပြီး စီးပွားရေးအခြေအနေက ပို ဆိုးလာခဲ့ပါတယ်. ဘယ်လောက်တောင် ဆိုးလဲဆို သူတို့အိမ်ဖော်ကိုတောင် လခမပေးနိုင်လို့ အကြွေးတောင်းခံရတဲ့ထိပါပဲ. ကံကောင်းချင်တော့ အဲ့ဒီအိမ်ဖော်မလေးကပဲ ဘရစ်ဂျတ်ကို အလုပ်တစ်ခုလုပ်ဖို့ အကြံပေးခဲ့ပါတယ်. အဲ့ဒီအလုပ်ကတော့ ဘဏ်မှာ သန့်ရှင်းရေးလုပ်တာပါပဲ. ဘရစ်ဂျတ်ကလဲ ငွေလိုနေတာဆိုတော့ ဝင်လုပ်တာပေါ့ဗျာ. ဝင်လုပ်ရင်းနဲ့ ပဲ ဘဏ်ရဲ့ဟာကွက်တချို့ကို တွေ့ပြီး အဲ့ဒီကနေ ငွေရပေါက်အကြီးကြီးဖြစ်သွားတာပေါ့. ဒါပေမယ့် သူတစ်ယောက်တည်းလုပ်ဖို့ကျ အဆင်မပြေတာကြောင့် ဘဝတူ ဘဏ်ဝန်ထမ်းအဖော်နှစ်ယောက်စုပြီး သုံးယောက်ပေါင်းကာ ကွက်ကျော်ရိုက်ကြပါတယ်. သူတို့ရဲ့ ငွေရပေါက်ဟာ တရားမဝင်တော့ လူအင်အားပိုလိုလာလို့ လူစုရင်းနဲ့ အုပ်စုတစ်ခုလိုဖြစ်ပြီး အတူတူ ကွက်ကျော်ရိုက်ကြရင်း အလွဲတွေဖြစ်ပြီး တိုင်ပတ်တာကို ရိုက်ပြထားတဲ့ ဟာသဇာတ်မြူးလေးပေါ့ဗျာ. ဒီဇာတ်လမ်းကိုကြည့်ရင် ဘဝအမောတွေ ကျိန်းသေပြေစေမှာမလို့ ကြည့်ဖြစ်အောင် ကြည့်လိုက်ကြပါဦးဗျာ File Size - 1.1 gb Quality - bluray 1080p Subtitle -  burmese Translator - YK Encoder - Thit San Khant

ဝေါလ်တာဆိုတဲ့ ဆယ့်လေးနှစ်သားလေးဟာ လိမ္မာရှာပေမဲ့ မြာပွေတဲ့ အမေနဲ့နေ နေရရှာတဲ့ ဖတဆိုးသားလေးပါ ဒီလိုနဲ့တစ်နေ့မှာ သူ့အမေ ရည်းစားရှာထွက်ဖို့ ကောင်လေးဝေါ်လ်တာကို သူ့ရဲ့ လူပျိုကြီးအဖိုးလေးနှစ်‌ယောက်ဖြစ်တဲ့ ဟက်ဘ်နဲ့ ဂါ့သ်ဆီမှာ ချန်ထားခဲ့ပါတယ် ဒီလူပျိုကြီးနှစ်ယောက်ဆီမှာ ဝှက်ထားတဲ့ပိုက်ဆံတွေရှိနေတယ်လို့သတင်းထွက်လို့ အမျိုးတိုင်းက စိတ်၀င်‌စားနေကြတာပါ ဒီလိုနဲ့ ဝေါလ်တာက ဟက်ဘ် နဲ့ ဂါ့သ်တို့အိမ်ရောက်အပြီးမှာ‌တော့ တကယ်ပဲပိုက်ဆံတွေရှိနေလား သူတို့နှစ်ယောက်က ဘယ်လိုနောက်ကြောင်းတွေရှိမလဲ ဝေါ်လ်တာကရော ဘာဆက်ဖြစ်လာမှာလဲ စတဲ့အကြောင်းအရာပေါင်းများစွာကို ကြည့်ရှုရမဲ့ မိသားစုဇာတ်ကားကောင်းလေးတစ်ကား ဖြစ်ပါတယ် File Size : 600 Mb and 300mb Quality : webrip 720p/480p Format…mp4 Duration…1hr 49min Genre :   Comedy, Drama, Family  Subtitle : Myanmar Subtitle (Hard Sub) Translated by Chuck Chuck Encoded by Littleneo

ကျွန်တော်တို့ရဲ့ အချစ်တော်ကြီး အမေရိကန်နေထူးနိုင် ချက်ခ်နိုးရက်စ် ရဲ့ ကြမ်းကြမ်းရမ်းရမ်း အက်ရှင်ကားတကားထပ်လာပါပြီ။ ဒီကားထဲမှာတော့ ချက်ခ်နိုးရက်စ် က ကားစကတည်းက ဆရာကြီးဖြစ်နေပါပြီ။ တက္ကသိုလ်မှာ ပါမောက္ခ အဖြစ်နေနေပြီးတော့ တကယ်တည်းအလုပ်ကတော့ သမ္မတရဲ့ လူယုံတော်တယောက်ပါ။ သမ္မတခိုင်းတဲ့ မဖြစ်နိုင်တဲ့ စစ်ဆင်ရေးတွေကိုပဲ ကိုင်တာဖြစ်ပါတယ်။ သမ္မတရဲ့ စူပါမန်းပါပဲ။ သမ္မတ မိန်းမကိုကယ်တာကအစ နူကလီယားဗုံးလုပ်တဲ့သူတွေကို ဖမ်းတာက အဆုံး မလုပ်နိုင်တာမရှိပါဘူး။ တကယ့်နေထူးနိုင်ပါပဲ။ ဒါပေမဲ့ ကွီးချက်နိုးရက်စ်မှာလည်း အတိုင်းအတာတခုရှိပါတယ်။ ဒီအလုပ်ကို ငယ်ငယ်ကတည်းကလုပ်လာတဲ့အတွက် အသက်ကြီးလာတဲ့အခါ သမီးလေးနဲ့ နှစ်ယောက်တည်းအေးဆေးနေချင်ပါတော့တယ်။ ဒါကြောင့် သူနေရာကိုအစာထိုးဖို့ သူလို့ လူတယောက်ကိုရှာရပါတော့တယ်။ ဒါပေမဲ့ ဘယ်သူ့မှ ကွီးချက်နိုးရက်စ်လောက် မကြမ်းနိုင်ပါဘူး။ ဒါကြောင့် သူ့လောက်နည်းပါးကြမ်းနိုင်မယ့် သူတယောက်ကိုရှာပြီးတော့ လေ့ကျင့်‌ပေးရပါတော့တယ်။ လူငယ်လေးက အစွမ်းအစရှိပေမဲ့ ကွီးချက်စ် လောက် မတော်တော့ ကွီးချက်စ်အစမှ စိတ်ညစ်ရပါတော့တယ်။ ဆရာမပြ နည်းမကျတွေဖြစ်လာတဲ့အတွက် ကွီးချက်စ်က သေချာလေးလေ့ကျင့်ရပါတော့တယ်။ ကွီးချက်စ် လုပ်ရင်မဖြစ်နိုင်တာ မရှိတော့ သူ့တပည့်လေးကို သင်ကြားပေးလိုက်ပါတော့တယ်။ သူ့လောက်နည်းပါးတော့မကြမ်းပေမဲ့ သူ့လောက်နီးနီးကြမ်းအောင်သင်ပေးပြီး နှစ်ယောက်ပေါင်းဘယ်လိုတွေကြမ်းမလဲဆိုတာကို ကြည့်ရှုရမှာပါ။ File size… 1.7 GB/ 1 GB Quality…BluRay 1080p/ 720p Format… mp4 Duration…. 1h 30m Genre .....Adventure, Action Subtitle…. Myanmar Subtitle (Hard Sub)

ဒီကားမှာတော့ ကွီးချက်က အကြမ်းလွန်ပြီး ကိုယ်တိုင်တောင်မပါတော့ပဲ သူ့တူသားပေါက်လေးကိုပဲ သင်ပေးတာတောင် သူ့တူလေးကတနိုင်ငံလုံးပတ်ချနိုင်လောက်အောင်စွမ်းပါတယ်။ ကွီးချက်ပညာနဲ့တောင် ဘယ်လောက်စွမ်းလဲဆိုတာကိုကြည့်ပါ။ ဇာတ်လမ်းဟာ အသက် (၁၀) နှစ်အရွယ် ကောင်လေး လိုဂန် ဖယ်လွန် (Logan Fallon) ကနေ စတင်ပါတယ်။ လိုဂန်ရဲ့ ဖခင်ဟာ ခရိုင်ရှေ့နေတစ်ဦးဖြစ်ပြီး မာဖီးယားဂိုဏ်းကြီးတစ်ခုကို အမှုဖွင့်ဖို့ ပြင်ဆင်နေချိန်မှာပဲ မိသားစုတစ်ခုလုံး လုပ်ကြံသတ်ဖြတ်ခြင်း ခံလိုက်ရပါတယ်။ လိုဂန် တစ်ယောက်တည်းသာ အသက်ရှင်ကျန်ရစ်ခဲ့ပြီး မိသားစုကို သတ်သွားတဲ့ လူဆိုးတွေကို လက်စားချေဖို့ ဆုံးဖြတ်လိုက်ပါတယ်။ လိုဂန့်ကို အမေရိကန် အထူးတပ်ဖွဲ့ဝင် (Army Ranger) ဟောင်းဖြစ်တဲ့ ဦးလေးဖြစ်သူ ဂျိတ်ခ် (ကွီးချက်) က ခေါ်ယူမွေးစားခဲ့ပါတယ်။ ဦးလေးဖြစ်သူက လိုဂန်ကို ကိုယ်ခံပညာတွေ၊ လက်နက်ကိုင်တွယ်နည်းတွေ သင်ပေးခဲ့ပြီး လိုဂန်ကိုယ်တိုင်လည်း ကြီးလာတဲ့အခါ Ranger တပ်ဖွဲ့ထဲ ဝင်ရောက်ခဲ့ပါတယ်။ နှစ်တွေကြာလာတဲ့အခါမှာတော့ အရွယ်ရောက်လာပြီဖြစ်တဲ့ လိုဂန် (သရုပ်ဆောင် Eddie Cibrian) ဟာ တပ်ကနေထွက်ပြီး သူ့မိသားစုကို သတ်ခဲ့တဲ့ မာဖီးယားဂိုဏ်းထဲကို "ဂျင်မီ တက်စတာ" (Jimmy Testa) ဆိုတဲ့ ကြေးစားလူသတ်သမား နာမည်နဲ့ လျှို့ဝှက် ဝင်ရောက်ပါတော့တယ်။ အဲဒီနောက် ဦးလေးဖြစ်သူ ဂျိတ်ခ်ရဲ့ အကူအညီနဲ့ လူဆိုးတွေကို ဘယ်လို လက်စားချေမလဲ ဆိုတာကို ၉၀ ပြည့်လွန်နှစ် အက်ရှင်စတိုင်လ်နဲ့ ကြည့်ရှုရမှာပါ။ File size… 1.83 GB / 1 GB Quality… Blu-Ray 1080p / 720p Format… mp4 Duration…. 1h 30m Genre ..... Action, Drama Subtitle…. Myanmar Subtitle (Hard Sub)

"Home Fries" ဟာ ၁၉၉၈ ခုနှစ်က ထွက်ရှိခဲ့တဲ့ အမေရိကန် ရိုမန်တစ်ကွန်မီဒီ ရုပ်ရှင်လေးတစ်ကားပါ။ ဒီဇာတ်ကားက ဟာသနဲ့ အချစ်ရေးကို ရောယှက်ထားပြီး နည်းနည်းလေး ဒရာမာနဲ့ လျှို့ဝှက်ဆန်းကြယ်တဲ့ အရောအနှောလည်း ပါသေးတယ်။ မိသားစုရှုပ်ထွေးမှုတွေ၊ အချစ်ဇာတ်လမ်းလေးတွေနဲ့ ပေါ့ပါးစွာ ရိုက်ကူးထားတာမို့ ကြည့်ရတာ တကယ်ကို စိတ်အပန်းပြေစရာပါ။ ဇာတ်လမ်းလေး အကျဉ်းချုပ် ဒိုရီဆိုတဲ့ ကောင်မလေး (Drew Barrymore) က ဒေသတွင်းဘာဂါဆိုင်မှာ အလုပ်လုပ်နေတဲ့ ကိုယ်ဝန်ဆောင်မိန်းကလေးတစ်ယောက်။ သူ့ဘဝမှာ ရုတ်တရက် ချစ်သူတစ်ယောက် ဆုံးပါးသွားတဲ့အခါ ထူးထူးဆန်းဆန်း အဖြစ်အပျက်တွေကြားထဲ ပိတ်မိနေရှာတယ်။ ဒီအချိန်မှာပဲ ဆယ်လ်ဗီယာ (Luke Wilson) နဲ့ သူ့အစ်ကိုဖြစ်သူ အန်းဂတ်စ် (Jake Busey) ဆိုတဲ့ ညီအစ်ကိုနှစ်ယောက်က သူတို့မိသားစုရဲ့ လျှို့ဝှက်ချက်တွေကို ဖုံးကွယ်ဖို့ ကြိုးစားရင်း ဒိုရီရဲ့ဘဝထဲ ဝင်ရောက်လာကြတယ်။ ဒိုရီနဲ့ ဆယ်လ်ဗီယာတို့ တဖြည်းဖြည်း နီးစပ်လာတော့ ဟာသတွေ၊ အချစ်ဇာတ်လမ်းလေးတွေ၊ မိသားစုရှုပ်ထွေးမှုတွေ တစ်ခုပြီးတစ်ခု ပေါ်ပေါက်လာတာပေါ့။ ဒီဇာတ်လမ်းက နှလုံးသားကို ထိတွေ့စေတဲ့ အခိုက်အတန့်လေးတွေနဲ့ ပေါ့ပါးတဲ့ ဟာသတွေကို ရောမွှေထားပြီး နောက်ဆုံးမှာ ပျော်ရွှင်စရာ အချစ်ဇာတ်လမ်းလေးတစ်ပုဒ်အဖြစ် အဆုံးသတ်ထားပါတယ်။ Drew Barrymore နဲ့ Luke Wilson ရဲ့ သရုပ်ဆောင်ပိုင်နိုင်မှုက ဒီကားကို တကယ်ကို ထူးခြားစေပါတယ်။ ဇာတ်အိမ်ရဲ့ ထူးခြားတဲ့ ဟာသအရောအနှောက တခြား အချစ်ဟာသကားတွေနဲ့ မတူတဲ့ အရသာတစ်မျိုးကို ပေးစွမ်းနိုင်ပါတယ်။ ပေါ့ပေါ့ပါးပါး အပန်းပြေရင်း အချစ်နဲ့ မိသားစုအကြောင်း ခံစားချင်တယ်ဆိုရင် "Home Fries" က လုံးဝသင့်တော်တဲ့ ရွေးချယ်မှုတစ်ခုပါ။ File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror  Subtitle….Myanmar Subtitle (Hardsub) Encoder….Swan Min Htet