Nancy Travis ပါဝင်သော ဇာတ်ကားများ

Grosse Pointe Garden Society (2025) ခွေးသခင်တွေက သူတို့ရဲ့ ခွေးနဲ့တူတယ်လို့ ဆိုကြတယ်။ ဥယျာဉ်စိုက်ပျိုးမှုမှာဆိုရင်တော့ ကိုယ်ပျိုးတဲ့ပန်းက ကိုယ်နဲ့တူတယ်လို့ ဆိုကြပါတယ်။ အဲလစ်ဆိုတဲ့ ကောင်မလေးကတော့ ကြွေပန်းလေးပါ။ ပျင်းဖို့ကောင်းတယ်ပေမဲ့ လွတ်လပ်စွာပွင့်လန်းဖို့ ဖြစ်တည်နေတယ်။ ဥယျာဉ်မှူးဖြစ်သူ ဘရက်ကတော့ ဒုဓလီပန်းလေးပါ။ နေရာတိုင်းမှာ ပေါက်ဖွားရှင်သန်နိုင်တယ်။ ကက်သရင်းကတော့ နေရောင်ခြည်လေး နည်းနည်းရရုံနဲ့ ပြည့်စုံတဲ့ ဇင်နီယာပန်းလေးဖြစ်ပြီး ဘာဒီကတော့ အရိုင်းဆန်တဲ့ လီလီပန်းလေးတစ်ပွင့်ဖြစ်တယ်။ ဒါပေမဲ့ လူသိနည်းတဲ့အချက်တစ်ခုက ဥယျာဉ်ထဲမှာ ပန်းပေါင်းစုံကို အတူစိုက်ပျိုးလိုက်တဲ့အခါ အပြင်ပန်းမှာတော့ ပြီးပြည့်စုံလှပတယ်လို့ ထင်ရတယ်။ မြေကြီးအောက်မှာတော့ ဘာတွေ ဘယ်လိုကြီးထွားရှင်သန်နေတယ်ဆိုတာကို မမြင်နိုင်ဘဲ လျှို့ဝှက်ချက်တွေ ပြည့်နေတယ်။ အဲသည်လိုပဲ... ပန်းလေးပွင့်ဖြစ်တဲ့ အဲလစ်၊ ဘရက်၊ ကက်သရင်းနဲ့ ဘာဒီတို့ဟာ နေ့စဉ်ဘဝမှာ ကိုယ်စီအလုပ်နဲ့ အေးချမ်းလှပတဲ့ ဘဝကို ပိုင်ဆိုင်ထားသူတွေလို့ ထင်ရတယ်။ ဒါပေမဲ့ တကယ့်အောက်ခြေမှာတော့ ဥယျာဉ်ထဲမှာ မြှုပ်ထားတဲ့ အလောင်းတစ်လောင်းရဲ့ နောက်ကွယ်က လူတွေဖြစ်နေပါတယ်။ သူတို့ဟာ ဒီလျှို့ဝှက်ချက်ကြီးကို နေ့စဉ်နဲ့အမျှ သယ်ပိုးဟန်ဆောင်ထားပေမဲ့ ပဟေဠိဆန်မှုတွေနဲ့အတူ မြေအောက်ထဲက လျှို့ဝှက်ချက်ဟာ မြေအောက်ထဲမှာ ကြာကြာမခံနိုင်မဲ့ အခြေအနေတွေ ဖြစ်လာတဲ့အခါ ဘာတွေဆက်ဖြစ်ကြမလဲဆိုတာ တစ်ပတ်တစ်ပိုင်း စောင့်မျှော်ကြည့်ရှုပေးကြပါဦး File Size – 800 MB(Appx;)@Episode Quality – 1080p WEB DL Duration – 42min (@Episode) Total Episodes: 5Eps Subtitle – Myanmar Hardsub Format – Mp4 Genre : Drama, Mystery, Crime Translator – Act Molemy Encoder – YK

IMDb Rating (6.3) / Rotten Tomatoes (92%) ဒီတစ်ခါတော့ The Last of us (2023)မှာ Bill အဖြစ် သရုပ်ဆောင်ခဲ့ပြီး Emmy Award ဆု ရထားတဲ့နာမည်ကြီးသရုပ်ဆောင် Nick Offerman ရဲ့ဇာတ်ကားလေးနဲ့ မိတ်ဆက်ပေးချင်ပါတယ်။ ဒါရိုက်တာ Christian Swegal ရဲ့ ပွဲဦးထွက်လက်ရာ ဒီရုပ်ရှင်ဟာ ၂၀၁၀ အာကန်ဆောမှာ ဖြစ်ပွားခဲ့တဲ့ ဖြစ်ရပ်မှန်ကို အခြေခံထားပြီး Rotten Tomatoes မှာ 92% ရထားပြီး သားအဖဆက်ဆံရေးနဲ့အစွန်းရောက်ဝါဒကို ချိတ်ဆက်ပြီး အကောင်းဆုံးရိုက်ပြထားတာပါ။ Nick Offerman ရဲ့ ဂျယ်ရီကိန်းအဖြစ် သရုပ်ဆောင်မှုကို ဝေဖန်သူတွေက“ရင်သပ်ရှုမောဖွယ်” နဲ့ “ကာရိုက်တာလေ့လာမှုရဲ့အကောင်းဆုံး ဥပမာ” အဖြစ် ချီးကျူးထားပြီး သူ့ရဲ့အကောင်းဆုံး တင်ဆက်မှုတွေထဲက တစ်ခုလို့ သတ်မှတ်ထားတယ်။ ဒီဇာတ်ကားကို လူမှုရေးသင်ခန်းစာတွေ၊ အုပ်ချုပ်ရေးဆိုင်ရာ ဆွေးနွေးပွဲတွေမှာ အသုံးပြုပြီး အစွန်းရောက်မှုရဲ့ အကျိုးဆက်တွေကို ဆန်းစစ်ဖို့ သင့်တော်ပါတယ်။ ဇာတ်လမ်းအကျဥ်းကိုပြောရရင် အမေရိကန်အစိုးရကို ဆန့်ကျင်တဲ့ Sovereign Citizen လှုပ်ရှားမှုကို ယုံကြည်တဲ့အဖေဖြစ်သူဂျယ်ရီကိန်း (Nick Offerman - Emmy ဆုရှင် "The Last of Us") နဲ့ သူ့သား ဂျိုးဇက် (Jacob Tremblay - "Room") တို့ဟာ ဥပဒေသင်တန်းတွေ ပို့ချရင်း တစ်ဖက်တစ်လမ်းက ငွေရှာကြပါတယ်။ တစ်ဖက်မှာလည်း အကြွေးပြဿနာတွေနဲ့ရှိနေပြီး ဘဏ်နဲ့ အစိုးရရဲ့ ဖိအားတွေကို ရင်ဆိုင်နေရတာကို ဘယ်လိုနည်းလမ်းတွေသုံးပြီး ဖြေရှင်းကြမလဲ.... သူတိုရဲ့ပြဿနာတွေက ပြေလည်သွားမှာလား ဒါမှမဟုတ် တစ်စတစ်စကြီးသထက် ကြီးလာမှာဆိုတာကိုတော့ ကြည့်ရှုသူတွေကိုယ်တိုင် ဆုံးဖြတ်သင့်ပါတယ်။ ဒီဇာတ်ကားမှာ ဂျယ်ရီကိန်းရဲ့ဒိုင်ယာလော့တွေက ဘယ်လိုအစွန်းရောက်ပြီး မိတ်ဆွေတို့ကို ဘယ်လိုအတွေးတွေရစေမလဲ။ မလုပ်သင့်မလုပ်အပ်တာတွေကို အစွန်းမရောက်ဖို့အကြံပေးရင် ဒီဇာတ်ကားကို အဆုံးထိကြည့်ဖို့ တိုက်တွန်းချင်ပါတယ်။ ကျေးဇူးတင်ပါတယ်။ File Size… (1.38 GB) / (811 MB) Quality… WEB-DL 1080p HEVC /720p Format…mkv / mp4 Duration…1h 40m Genre ….. Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by ZWT

Ordinary Angels (2024) Drama ရုပ်ရှင်ကောင်း ကြိုက်သူတွေအတွက် ဇာတ်ကားကောင်းတစ်ခု တင်ဆက်ပေးလိုက်ပါတယ်။ Rotten Tomatoes – 85%, IMDb rating – 7.8 ရရှိထားပါတယ်။ ၁၉၉၄ ခုနှစ် ကန်တက်ကီ ပြည်နယ်၊ လူးဝစ်ဗေးလ်မြို့က အသည်းရောဂါသည် ကောင်မလေးကို အသည်းအစားထိုးကုသနိုင်ဖို့ ရန်ပုံငွေရှာဖွေ ပေးခဲ့တဲ့ အမျိုးသမီးတစ်ယောက်အကြောင်း တကယ့်ဖြစ်ရပ်မှန်ကို အခြေတည်ပြီး ရိုက်ကူးထားတာပါ။ ဇာတ်လမ်းအကျဉ်းကတော့ အက်ဝါ့ဒ်ရှမစ်ဟာ ဇနီးဖြစ်သူထရီဆာ ရောဂါနဲ့ သေဆုံးပြီးနောက် သမီးလေး၂ယောက်နဲ့ ဘဝကို ရုန်းကန်နေရသူပါ။ ပိုပြီး ကံဆိုးတာက သမီးအငယ်လေး မီရှဲလ်ဟာ အသည်းရောဂါကို ခံစားနေရပြီး အစားထိုးကုသမှုခံယူဖို့ လိုအပ်နေပါတယ်။ သမီးလေးရဲ့ ရောဂါကို ကုပေးရင်း အကြွေးနွံထဲမှာ နစ်နေခဲ့ပါတယ်။ ထရီဆာရဲ့ အသုဘကို သိလည်းမသိဘဲ ယောင်လည်လည်နဲ့ ရောက်လာတဲ့ ရှာရွန်ဆိုတဲ့ အမျိုးသမီးနဲ့တွေ့ဆုံခဲ့ပါတယ်။ ရှာရွန်ဟာလည်း မြို့ထဲမှာ ဆံပင်အလှပြင်ဆိုင်ဖွင့်ထားပေမယ့် အရက်စွဲတဲ့ ပြဿနာရှိနေသူပါ။ လိုနဲ့ ရှာရွန်လည်း အက်ဒ်တို့ မိသားစုကို သနားသွားပြီး ကူညီပေးဖို့ ရန်ပုံငွေ ရှာဖို့ ကြိုးစားပါတော့တယ်.... ဘဝမှာ အဆိုးတွေချည်းပဲ ရှိတယ်လို့ ခံစားရတဲ့အချိန်ဆိုတာရှိမှာပါ။ ငါ့မှာမှ ဘာလို့ဒီလိုဖြစ်ရတာလဲလို့ တွေးမိနေတဲ့အချိန်တွေ ရှိမှာပါ။ အဲလိုအချိန်တွေ ကြုံရတိုင်း ဒီရုပ်ရှင်ကို ကြည့်လိုက်ပါ။ ဘဝခွန်အားတွေ အနည်းငယ်တော့ ရမယ်လို့ ထင်ပါတယ်။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Drama Quality…. 1080p | 720p File size… 1.6GB | 710MB Format… mp4 Duration…. 1h 58min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

Ride (2023) ဇာတ်လမ်းတွဲကောင်းတွေထွက်တဲ့ amazon prime ရဲ့ နွားရိုင်းစီးနင်းတဲ့ အားကစားကို အခြေခံထားတဲ့ Sports, Drama ဇာတ်လမ်းတွဲလေးဖြစ်ပါတယ် မက်မယ်ရီမိသားစုဟာ ကန်ညွန်တောင်တန်းတွေမှာ နေထိုင်ရင်း မွေးမြူရေးခြံနဲ့ နွားရိုင်းစီးနင်းမှုကိုလုပ်ကိုင်တဲ့ မိသားစုပါ သူတို့နယ်မြေမှာတော့ အကောင်းဆုံး နွားရိုင်းစီးနင်းသူ ချန်ပီယံတွေကိုမွေးထုတ်ပေးတဲ့ မိသားစုအဖြစ် ကျော်ကြားပါတယ် ဖခင်ဖြစ်သူ ဒက်စတီခေတ်က စလို့ သားဖြစ်သူ အော်စတက် မက်မယ်ရီအထိ နွားရိုင်းစီးနင်းပြိုင်ပွဲတွေမှာဗိုလ်စွဲခဲ့တာကြောင့် မြို့ဂုဏ်ဆောင်နေတဲံ့ မိသားစုလည်းဖြစ်ပါတယ် အောစတင်..ကတ်ရှ်...တက်ဖ် ဆိုတဲ့ ညီအစ်ကိုသုံးယောက်ရှိတဲ့အထဲ အော်စတင်ကတော့ မိသားစုဂုဏ်ဆောင်သားကြီးဖြစ်ပြီး အလေးပေးအခံရဆုံးပါ တစ်နေ့မှာ အော်စတင်အတွက် သမိုင်းဝင်စေမယ့် ဟာရီကိန်းနွားရိုင်းကြီးကို တစ်မြို့လုံးရှေ့မှာ ၈ စက္က့န်အကြာထိ တောင့်ခံစီးပြရင်းနဲ့ မတော်တဆဖြစ်ကာ နွားတက်နင်းပြီး သေဆုံးသွားပါတယ်... သူတို့မိသားစု ဂုဏ်သိက္ခာလည်း တဖြည်းဖြည်း ကျဆင်းလာပြီး ခြံကိုပါ ဆုံးရှုံးရမလိုဖြစ်နေပါပြီ မရိန်းတပ်မှာတာဝန်ထမ်းဆောင်ပြီး အိမ်ပြန်လာတဲ့ သားအလတ် ကတ်ရှ်က သူ့အစ်ကိုကြီး အော်စတင်ရဲ့ တာဝန်ကိုယူပြီး ကျန်ခဲ့တဲ့မိသားစုဝင်ကို စောင့်ရှောက်ဖို့တာဝန်ကျလာပါတယ် သူ့အစ်ကိုနဲ့ အဖေ့ခြေရာနင်းဖို့ နွားရိုင်းစီးနင်းသူအဖြစ် လေ့ကျင့်ရင်း ကန်ညွန်ချန်ပီယံဖြစ်အောင် ပြန်ကြိုးစားပါတော့တယ်... အပိုင်း ၁၀ ပိုင်းပါဝင်ပြီး စောင့်ကြည့်သင့်တဲ့ ဇာတ်လမ်းတွဲကောင်းလေးဖြစ်ပါတယ် အညွှန်း နဲ့ ဘာသာပြန်ကတော့ Thiha Yan Naing ပဲ ဖြစ်ပါတယ်။ Genre..... Sports, Drama, Western Quality…. 1080p | 720p File size… 800MB | 400MB Format… mp4 Duration…. 40min Subtitle…. Myanmar Subtitle (Hardsub) Translator ..... Thiha Yan Naing Encoder ..... Aaron

ဒီ​နေ့​ခေတ် Zombie apocalypseကား​တွေအ​ကြောင်း ​ပြောလိုက်ရင် Walking dead နဲ့သူရဲ့ Spin-off တစ်သိုက်၊ World War Z, Zombieland, Resident Evilsတို့ကို အရင်ဆုံး​ပြေးမြင်မိကြမှာပါ။ ဒါ​က​တော့ Walking deadရဲ့ ဘိုး​အေကြီးလို့​ပြောရမယ့် Animationဆိုလည်း မမှားပါဘူး၊ 1968တုန်းက ထွက်ရှိခဲ့တဲ့ Director George A.Romeroရဲ့ Night of the Living Deadကို animated versionအဖြစ် 2021မှာ ပြန်လည်အသက် သွင်းထားတဲ့ ဇာတ်ကားပဲဖြစ်ပါတယ်၊ ဇာတ်လမ်းအကြောင်း အနည်းငယ်ပြောပြရရင် Johnnyနဲ့ Barbaraတို့ ​မောင်နှမဟာ Pennsylvaniaပြည်နယ်မှာရှိတဲ့ အ​ဖေ့အုတ်ဂူကို လွမ်း​သူပန်း​ခွေချဖို့ သွား​ရောက်ရင်း အ​မေရိကန်တစ်နိုင်ငံလုံး တစ်ချိန်တည်းနဲ့ Zombie Apocalypseကြီးထဲကို ချက်ချင်း​ရောက်ရှိသွားတဲ့အခါ ... နီးစပ်ရာယာ​တောအိမ်ထဲကို ဝင်ပုန်းရင်း ​ဒေသခံပြည်သူ​လေး​ယောက်နဲ့တူတူ အသားစား zombie​တွေရန်က​နေ လွတ်​မြောက်​အောင် ကြိုးစားရုန်းကန်ရပါတော့တယ်။ Zombieကား​တွေရဲ့အနှစ်သာရဖြစ်တဲ့ ​သွေးသံရဲရဲ​တွေ၊ ရက်စက်ကြမ်းကြုတ်မှု၊ ရဲရင့်မှု၊ လူသားအချင်းချင်းစာနာမှု၊ တစ်ကိုယ်​ဆန် အတ္တကြီးမှု​တွေကို မြင်​တွေ့ရမှာဖြစ်ပါတယ်။ ဒီ​နေ့ခေတ် 3D animation​တွေနဲ့ ရိုက်ကူးထားတာမဟုတ်ပဲ ​ခေတ်​​​ဟောင်း 2D ကာတွန်းစတိုင်​ကို အသုံးပြုရိုက်ကူးထားလို့ မတူညီတဲ့အရသာတစ်မျိုးခံစားရ​စေသလို၊ Zombie ဘိုး​အေ animationရဲ့ ဇာတ်လမ်းဇာတ်ညွန်း​တွေက ဒီ​နေ့အချိန်ထိ ​ခေတ်မီ​နေ​ သေးတာကိုလည်း ​သေချာခံစားကြည့်ရင် သိရမှာပါ။ (ဒီဇာတ်လမ်းရဲ့ အညွှန်းကို JimX မှရေးသားပေးပြီး၊ ဘာသာပြန်ရေးသားပေးသူများကတော့ JimX, Chit Tee တို့ပဲဖြစ်ပါတယ်။) Quality – 1080p, 720p WebRip Duration - 1h 11min Subtitle – Myanmar Hardsub Format – Mp4 Genre : Animation, Horror Source : 1080p.WebRip Translator – JimX, Chit Tee Encoder – SWM

ချာလီချက်ပလင်ဆိုတာနဲ့ တစ်ကမ္ဘာလုံးကနေ ဦးထုပ်ဝိုင်း နှုတ်ခမ်းမွှေးနဲ့ တုတ်ကောက်နဲ့ ကို့ရို့ကားယား လမ်းလျှောက်ပြီး စကားပြောမပါပေမဲ့ အသံတိတ်သရုပ်ဆောင်ချက်တွေနဲ့အတူ လူတွေအားလုံးကို ရယ်မောပျော်ရွှင်စေခဲ့တာမို့ ကျွန်တော်တို့ဆီမှာလည်း ကလေးကစ ခွေးအဆုံး သိတဲ့ ကမ္ဘာကျော်တစ်ဦးပါ။ သို့ပေမဲ့ တစ်ကမ္ဘာလုံးကို ရယ်မောစေခဲ့သူကြီးဟာ သူကိုယ်တိုင်ကရော သူ့ဘဝကြီးမှာ ပျော်ရွှင်စွာနဲ့ ဖြတ်သန်းခဲ့ရပါသလား... နောက်ကွယ်မှာ ချာလီချက်ပလင်တစ်ယောက်ဟာ အနုပညာအောင်မြင်မှုတွေအပြင် ကျွန်တော်တို့လို သာမန်လူသိပ်မသိတဲ့ သူ့ အချစ်ရေး အရှုပ်တော်ပုံတွေ နိုင်ငံရေးအရ နှိပ်ကွပ်ခံရတာတွေ ပြန်ဆော်ခဲ့တာတွေ ဟာသမျက်နှာဖုံးအောက်က အထီးကျန်ဆန်မှုတွေနဲ့အတူ ဘဝကြီးကို ဘယ်လိုဖြတ်သန်းခဲ့ရသလဲဆိုတာကို ရသစုံလင်စွာနဲ့ ခံစားရမယ့် အတ္ထုပ္ပတ္တိ ရုပ်ရှင်ကားကြီး ဖြစ်ပါတယ်။ ဒီ Iconic ဖြစ်တဲ့နေရာကြီးကို ဘယ်သူက သရုပ်ဆောင်ပေးထားတာလဲဆိုတော့ကား Iron Man အနေနဲ့ အားလုံးသိထားကြတဲ့ မင်းသားကြီး Robert Downey Jr. က သရုပ်ဆောင်ပီပြင်အောင် လပေါင်းများစွာ လေ့ကျင့်ထားပြီးမှ ရှယ်သရုပ်ဆောင်ပေးထားတာပဲ ဖြစ်ပါတယ်။ အဲဒီနှစ်ရဲ့ Oscar ဆုပေးပွဲမှာလည်း မင်းသားဆု ဆန်ခါတင်ပါခဲ့ပေမဲ့ Anthony Hopkins က The Silence of the Lambs နဲ့ ရသွားလို့သာ လွဲချော်ခဲ့ရတာ ဖြစ်ပါတယ်။ တိုက်ဆိုင်စွာနဲ့ မင်းသားကြီး Anthony Hopkins က ဒီ Chaplin ကားမှာလည်း ချာလီချက်ပလင်ကို အင်တာဗျူးနေတဲ့ အယ်ဒီတာကြီးအဖြစ် ပါဝင်ထားတာပါ။ ဒီ ရုပ်ရှင်ထဲမှာဆိုရင်တော့ လန်ဒန်မြို့ ဆင်းရဲသားရပ်ကွက်ထဲက တစ်ချက်တစ်ချက် စိတ်မနှံ့သလိုဖြစ်သွားတဲ့မိခင်ကနေ မွေးဖွားလာတဲ့ ညီအစ်ကိုနှစ်ယောက်ထဲက တစ်ယောက်အဖြစ်ကနေ အစ်ကို့ရဲ့အပတ်အသက်ကနေမှ အင်္ဂလန်ပြဇာတ်တွေမှာ ဟာသဇာတ်ဆောင်နေရာကနေ အမေရိကားထိ သွားပြီး ဘယ်လိုတွေ ထင်ရှားပေါ်လွင်လာအောင် ကြိုးစားခဲ့ရတယ်ဆိုတာတွေ။ နာမည်ကျော်ဇာတ်ကောင် The Tramp ကို ဘယ်လိုဖန်တီးဖြစ်ခဲ့တာတွေ ကိုယ်ပိုင်စတူဒီယို ဘယ်လိုထောင်ခဲ့တာတွေ အသံတိတ်ရုပ်ရှင်တွေလုပ်နေရင်း စကားပြောရုပ်ရှင်တွေပေါ်လာတဲ့အခါ ဘယ်လိုမျိုး ဖြတ်သန်းခဲ့ရတာတွေ အစုံအလင်ပါတဲ့အပြင် ဆရာသမားက လီယိုနာဒို နေခဲ့တော့လို့ ပြောရမလိုပဲ မိန်းကလေးတွေဆို အသက်မပြည့်သေးတဲ့ အရွယ်ကောင်းလေးတွေနဲ့ ဇာတ်ပေါင်းစုံ ရှုပ်ခဲ့တာတွေရော စစ်ကြီး ၂ ခုကို ဖြတ်သန်းခဲ့ပြီး ကွန်မြူနစ်ဆိုပြီး စွပ်စွဲခံရတာတွေကြောင့် အမေရိကားမှာ အင်္ဂလိပ်သားအနေနဲ့ FBI က နောက်ကနေ ချောင်းမြောင်းနေပြီး ဘယ်လိုတွေ အရေးယူကိုင်တွယ်မယ်ဆိုတာတွေရော ပြည်နှင်ဒဏ်တွေ ဘယ်လိုထိခဲ့တာတွေရောကို ဘဝဇာတ်ခုံ အနိမ့်အမြင့် အတက်အကျ စုံလင်စွာနဲ့ ပုံဖော်ထားတာပါ။‌ နောက်ပြီး ဒီကားထဲမှာ ထူးခြားတာတစ်ခုက ချာလီချက်ပလင်ရဲ့အမေနေရာကို တကယ့်အပြင်က ချာလီရဲ့သမီးဖြစ်သူက ပြန်သရုပ်ဆောင်ပေးထားတာပဲ ဖြစ်ပါတယ်။ ဇာတ်သိမ်းပိုင်း ၁၉၇၂ ခုနှစ် အော်စကာစင်မြင့်ထက်မှာ အသက်ကြီးနေပြီဖြစ်တဲ့ ချာလီချက်ပလင် တစ်ယောက် Honorary Academy Award ကို ၁၂ မိနစ်ကြာ လက်ခုပ်တီးပြီး မျက်ရည်ဝဲကာ လက်ခံရယူတဲ့ မြင်ကွင်းကတော့ ရုပ်ရှင်ချစ်သူတိုင်း မျက်ရည်မဆည်နိုင်အောင် ဖြစ်ရတဲ့ သမိုင်းဝင် အခိုက်အတန့် ဖြစ်မယ်လို့ ယူဆမိရင်း ဒီအညွန်းလေးကို နိဂုံးချုပ်လိုက်ပါရစေဗျာ...။