Nicholas Logan ပါဝင်သော ဇာတ်ကားများ

By Any Means [2026] ++++++++++++ By Any Means (၂၀၂၆) ရုပ်ရှင်ကားလေးကတော့ အမေရိကန်ပြည်ထောင်စုရဲ့ တကယ့်သမိုင်းဝင် ဖြစ်ရပ်မှန်ကို အခြေခံပြီး ရိုက်ကူးထားတဲ့ မှုခင်းနဲ့ သည်းထိတ်ရင်ဖို ဇာတ်ကားကောင်းလေး တစ်ကားဖြစ်ပါတယ်။ ၂၀၂၆ ခုနှစ် စက်တင်ဘာလ ၄ ရက်နေ့မှာ ရုံတင်ပြသခဲ့တဲ့ ကားလေးပါ။ ဇာတ်လမ်းက ၁၉၆၀ ပြည့်လွန်နှစ်တွေက အမေရိကန်နိုင်ငံ တောင်ပိုင်း မစ္စစ္စပီ ပြည်နယ်မှာ အခြေတည်ထားပါတယ်။ အဲဒီအချိန်က တောင်ပိုင်းမှာ လူဖြူကြီးစိုးရေးဝါဒီ ကူကလပ်ကလန် အဖွဲ့တွေက လူမည်းတွေကို အကြမ်းဖက် သတ်ဖြတ်နေတဲ့ အချိန်ပေါ့။ ၁၉၆၄ ခုနှစ် နွေရာသီမှာ လူမည်း အခွင့်အရေး လှုပ်ရှားသူ ၃ ယောက် ပျောက်ဆုံးသွားတဲ့ ဖြစ်ရပ်ကနေ ဇာတ်လမ်းစတင်ပါတယ်။ ဒီအမှုတွေကို စုံစမ်းဖို့ အက်ဖ်ဘီအိုင် က လူမည်း အေးဂျင့် ဝိန်းစတရိုက်ဒါ ကို တာဝန်ပေးလိုက်ပါတယ်။ ဒါပေမဲ့ ဒေသခံရဲတွေကရော၊ လူထုကပါ အကြောက်တရားကြောင့် ပူးပေါင်းမပါဝင်ကြပါဘူး။ တရားဥပဒေလမ်းကြောင်းအရ သွားလို့ မရတော့တဲ့အဆုံး အက်ဖ်ဘီအိုင် က နယူးယောက်က နာမည်ကြီး မာဖီးယား လူသတ်သမား ဂရက်ဂ် စကားပါး ကို လျှို့ဝှက် ငှားရမ်းပြီး စတရိုက်ဒါ နဲ့ တွဲဖက်ပေးလိုက်ပါတယ်။ တကယ့် သမိုင်းမှတ်တမ်းတွေအရလည်း အပြင်က ဂရက်ဂ် စကားပါး ဟာ အက်ဖ်ဘီအိုင် သတင်းပေးအဖြစ် အလုပ်လုပ်ခဲ့ပြီး ကူကလပ်ကလန်တွေကို နှိမ်နင်းရာမှာ ဒီလိုပဲ လျှို့ဝှက်ပါဝင်ခဲ့တယ်လို့ ဆိုပါတယ်။ စတရိုက်ဒါ က ဥပဒေဘောင်ထဲကနေ သန့်သန့်ရှင်းရှင်း အလုပ်လုပ်ချင်ပေမဲ့၊ မာဖီးယား ဂရက်ဂ် ကတော့ ကူကလပ်ကလန် အဖွဲ့ဝင်တွေကို ဖမ်းဆီး နှိပ်စက်ပြီး သတင်းနှိုက်တဲ့ ကြမ်းတမ်းတဲ့ နည်းလမ်းတွေကို သုံးလာပါတယ်။ By Any Means ဆိုတဲ့ နာမည်အတိုင်း တရားမျှတမှုကို ရှာဖွေရာမှာ ရတဲ့နည်းနဲ့ လုပ်ဆောင်သင့်သလား ဆိုတဲ့ မေးခွန်းကို ဒီဇာတ်ကားမှာ သေချာလေး မီးမောင်းထိုးပြထားပါတယ်။ တရားဥပဒေမှာ ကန့်သတ်ချက်တွေ ရှိနေပေမဲ့ ဒီလူနှစ်ယောက်မှာတော့ ကန့်သတ်ချက် မရှိဘူးဆိုတာကို ရင်ခုန်စရာ အက်ရှင်ခန်းတွေနဲ့ ကြည့်ရှုရမှာပါ။ ပါဝင်တဲ့ သရုပ်ဆောင်တွေ လူမည်း အက်ဖ်ဘီအိုင် အေးဂျင့် ဝိန်းစတရိုက်ဒါ အဖြစ် ရာယာ အဗ္ဗဒူ မာတင်း က သရုပ်ဆောင်ထားပြီး၊ မာဖီးယား လူသတ်သမား ဂရက်ဂ် စကားပါး အဖြစ် နာမည်ကြီး မင်းသား မာ့ခ် ဝေါလ်ဘာ့ဂ် က အပီပြင်ဆုံး သရုပ်ဆောင်ထားပါတယ်။ တခြား ဇာတ်ပို့တွေ အနေနဲ့ နီကိုးလ် ဗီဟာရီ နဲ့ ဂျန်ကာလို အက်စ်ပိုစီတို တို့ကလည်း အားဖြည့် ပါဝင်ထားပါတယ်။ တကယ့် သမိုင်းကြောင်း နောက်ခံအပြည့်နဲ့ လူမျိုးရေး ခွဲခြားမှုတွေကို ရိုက်ပြထားတဲ့ အက်ရှင် မှုခင်း သည်းထိတ်ရင်ဖို ဇာတ်ကားမျိုးကို သဘောကျတယ်ဆိုရင်တော့ လက်မလွတ်တမ်း ကြည့်ရှုသင့်တဲ့ ဇာတ်ကားကောင်းလေး ဖြစ်ကြောင်း ညွှန်းပေးလိုက်ပါတယ်ဗျာ။ File Size… (1.71GB) / (853MB) Quality… WEB-DL 1080p HEVC / 720p Format…mkv / mp4 Duration…1h 47m Genre …Drama , Romance Subtitle….Myanmar Subtitle (Hard Sub)

Netflix ရဲ့ စစ်ရေးဟာသဒရာမာ စီးရီးဖြစ်တဲ့ "Boots" စီးရီးကို Andy Parker ဖန်တီးခဲ့ပြီး အောက်တိုဘာလ ၉ ရက်နေ့ ၂၀၂၅ မှာစတင်ထုတ်လွှင့်ခဲ့ပါတယ် ဒီစီးရီးဟာဆိုရင် မူရင်းဇာတ်အိမ်ဖြစ်တဲ့ Greg Cope White ရဲ့ ၂၀၁၅ ခုနှစ်ထုတ် ကိုယ်တိုင်ရေး အတ္ထုပ္ပတ္တိစာအုပ် "The Pink Marine" ကို အခြေခံရိုက်ကူးထားခြင်းဖြစ်ပါတယ် ပထမပိုင်းတွင် ၁၉၉၀ ပြည့်နှစ်အလွန်မှာ လူဝီးစီးယားပြည်နယ်က လိင်တူချစ်သူဖြစ်ကြောင်းဖုံးကွယ်ထားတဲ့ ဆယ်ကျော်သက် Cameron Cope (Miles Heizer) ဟာ အချစ်ဆုံးသူငယ်ချင်း Ray McAffey (Liam Oh) နောက်လိုက်ကာ Parris Island က လိင်တူချစ်သူကန့်သတ်ထားတဲ့ အမေရိကန် မရိန်းတပ်ဖွဲ့ (United States Marine Corps) ထဲ၀င်လာခဲ့ပါတယ် သူ့ကိုယ်သူပြောင်းလဲလိုတဲ့ Cope ဟာ ကြမ်းတမ်းပင်ပန်းတဲ့ သင်တန်းတွေ စစ်ဆေးမှုတွေကို ကြုံရပြီးနောက် ၀င်လာမိတာကိုနောင်တရလာခဲ့တယ်သူ့ရဲ့သရုပ်အမှန်ပေါ်မှာကိုလည်း ကြောက်နေခဲ့ပြီး ဆိုးသွမ်းတဲ့ သင်တန်းဆရာနဲ့လည်းကြုံနေရပုံကို The Pink Marine ဆိုတဲ့အပိုင်းတစ်အနေနဲ့ ဖန်တီးပုံဖော်ထားတဲ့ စစ်ရေးဒရာမာကားလေးပဲ ဖြစ်ပါတယ် File size…(666 GB)/(375 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

The Last Stop in Yuma County ဇာတ်ကားဟာ ၂၀၂၃ ခုနှစ်ထွက် Crime Thriller ဇာတ်ကားကောင်းလေး တစ်ကား ဖြစ်ပါတယ်.... ဒီကားက ဖတ်ကြည့်လိုက်ရင် ရိုးရိုးရှင်းရှင်းလေး ဆိုပေမဲ့ ဘာတွေ ဘယ်လိုဖြစ်မလဲဆိုတာ လုံးဝကြိုမသိနိုင်ပဲ ရင်တထိတ်ထိတ် ကြည့်ရှုရမဲ့ Thriller ကားကောင်းလေး တစ်ကား ဖြစ်ပါတယ်။ အမြည်းပြောပြရမယ်ဆိုရင် အမေရိကန် အယ်ရီဇိုးနားက နယ်ဘက်လေးတစ်ခုက ဓာတ်ဆီဆိုင်နဲ့စားသောက်ဆိုင် အတွဲအစပ်လေး နေရာမှာပဲ ဇာတ်လမ်းရဲ့ 95% က ဖြစ်ခဲ့ တာပါ။ ဆီဆိုင်မှာ ဆီကားရောက်မလို့ ဆီကုန်နေတဲ့အချိန်မှာ လမ်းခရီးမှာ ဆီပြတ်ပြီးရောက်လာတဲ့ ခရီသည်တွေ စားသောက်ဆိုင်လေးမှာ သောင်တင်နေကြပါတယ်။ တစ်ချိန်ထဲမှာပဲ သူတို့ဆီကို မနက်ကမှ ဘဏ်ဓားပြတိုက်ပြီး ပြေးလာတဲ့ လူ ၂ ယောက်လည်း လာသောင်တင်ပါတော့တယ်။ ဒီစားသောက်ဆိုင်လေးထဲမှာ လူတွေ ဘယ်လိုဇာတ်လမ်းတွေ ဖြစ်ပြီး ဘယ်လိုအဆုံးသတ်မလဲဆိုတာကို ရုပ်ရှင်တစ်ကားလုံး ရင်တဖိုဖို ကြည့်ရှုနေရမှာ ဖြစ်ပါတယ်။ ကိုယ်အားပေးတဲ့ဇာတ်ကောင်က သေမလား ရှင်မလား ဘာဖြစ်မလဲဆိုတာ ရုပ်ရှင်ကို ဆုံးအောင်သာကြည့်လိုက်ဖို့ ပြောပြချင်ပါတယ်.... File size…1.63GB/ 551MB Quality… WEB-DL 1080p 5.1CH / 720p Format…mp4 Duration….1h 30m Genre ….. Crime , Thriller Subtitle….Myanmar Subtitle (Hard Sub) Encoder….Min Wai Translated by Lin Aung

Red Right Hand (2024) ဒီကားလေးကတော့ The Lord of the Rings နဲ့ Pirates of the Caribbean ကားတွေထဲမှာ ပါဝင်သရုပ်ဆောင်ခဲ့ပြီး 90's Born တွေရဲ့ အချစ်ဦးဖြစ်ခဲ့တဲ့မင်းသား Orlando Bloom ရဲ့ Thriller, Action အမျိုးအစား ကားသစ်လေးဖြစ်ပါတယ်။ ကတ်ရှ်က လူမိုက်ဘ၀ကထွက်ပြီး ယောက်ဖနဲ့တူမနဲ့အတူ ခြံကိုဦးစီးနေသူပါ။ ယောက်ဖဖြစ်သူက ခြံကိုအပေါင်ခံပြီး မြို့ရဲ့ရာဇ၀တ်ခေါင်းဆောင်"ဘစ်ကတ်"ဆီမှာ ပိုက်ဆံချေးခဲ့ပါတယ်။ ဘစ်ကတ်က ကတ်ရှ်ကိုသူ့ဆီ အလုပ်ပြန်လာလုပ်ဖို့ ယောက်ဖနဲ့တူမဖြစ်သူကိုပါ ချိန်းခြောက်ပြီး အဓမ္မစေခိုင်းခဲ့ပါတယ်။ ဒီလိုနဲ့ ဘာဆက်ဖြစ်မလဲဆိုတာ ဆက်လက်ခံစားကြပါဦး။ ဇာတ်လမ်းက နည်းနည်းမွဲပြာပုဆိုးလို့ပြောလို့ရပေမဲ့ ‌ဇာတ်ဆောင်တွေရဲ့ သရုပ်ဆောင်မှုတွေ စိတ်လှုပ်ရှားစရာဇာတ်၀င်ခန်းတွေနဲ့ ဇာတ်ကိုဆွဲခေါ်နိုင်တာမလို့ Thriller ကြိုက်တတ်တဲ့သူတွေ အကြိုက်တွေ့မှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2GB, 1GB Quality - 1080p, 720p IMDb Rating - 5.3/10 Format - mp4 Duration - 1H 51Min Genre - Action, Thriller Subtitle - Myanmar Subtitle (Hardsub) Translated by Soe Thiri Swe Encoded by Y

အက်ဘီဂေးလ်တို့ မိသားစုလေးယောက်ဟာ မုန်တိုင်းဒဏ်ကို ဖြတ်ကျော်လာပြီး Oregon Trail ကို ဆက်ဖြတ်သွားဖို့ ပြင်ဆင်နေကြပါတယ်။ အဲဒီအချိန်မှာ အက်ဘီဂေးလ်ရဲ့အဖေနဲ့ အစ်ကိုတို့ အမဲလိုက်ထွက်ရင်း ဒဏ်ရာရနေတဲ့ အမျိုးသမီးတစ်ယောက်ကို တွေ့ပြီး ကယ်ဆယ်ခဲ့ကြတယ်။ သူတို့က အမျိုးသမီးကို မိသားစုရဲ့ ယာယီစခန်းအထိ ခေါ်လာခဲ့ကြတာပါ။ အဲဒီကယ်ဆယ်မှုကနေ အက်ဘီဂေးလ်တို့မိသားစုအတွက် ကံဆိုးမိုးမှောင်ကျစရာတွေ စလာတော့တယ်။ စခန်းကို ခေါ်လာတဲ့ အမျိုးသမီးနဲ့အတူ ဘယ်လိုဒုက္ခတွေ ပါလာမလဲ၊ မိသားစုကရော ထွက်ပြေးလွတ်မြောက်နိုင်ပါ့မလားဆိုတာ ဆက်တွေ့ရမှာပါ။ အကြမ်းဖက်မှုနဲ့ လက်တုံ့ပြန်မှုတွေကို အနောက်ပိုင်းဇာတ်ကားဟန်၊ ထိတ်လန့်သည်းဖိုဟန်တို့ ရောပြီး ရိုက်ကူးထားပါတယ်။ ဇာတ်ကားနာမည်ကတော့ ၁၈၀၀ ပြည့်နှစ်တွေက အော်ရီဂွန်ချိုင့်ဝှမ်းနဲ့ မစ်ဆူရီမြစ်ကို ဆက်သွယ်ပေးခဲ့တဲ့ လှည်းလမ်းကြောင်း Oregon Trail ကို အခြေခံပေးထားတာပါ။

ဂရန်နိုက်မြို့မှာ တစ်ချိန်က အင်အားအလွန်ကြီးတဲ့ အမွှာညီအစ်ကိုနှစ်ယောက် ရှိခဲ့ဖူးပါတယ်။ သူတို့ရဲ့အားကြောင့် မြို့ခံတွေ ထိခိုက်ရတာမျိုးရှိခဲ့တော့ လူတွေက ညီအစ်ကိုနှစ်ယောက်ကို ကြောက်လာကြတယ်။ နောက်ဆုံး သူတို့အိပ်နေချိန်မှာ အိမ်ကို မီးတင်ရှို့လိုက်ကြလို့ မိဘနှစ်ပါး သေဆုံးသွားပေမယ့် ညီအစ်ကိုနှစ်ယောက်ကတော့ ဒဏ်ရာတောင်မရဘဲ လွတ်လာခဲ့ပါတယ်။ အဲဒီနောက် အစ်ကိုက ဆမယ်ရီတန်ဆိုတဲ့ နာမည်နဲ့ လူတွေကို ကယ်တင်တဲ့ သူရဲကောင်းဖြစ်လာတယ်။ ညီဖြစ်သူကတော့ နဲမီးစစ်ဆိုတဲ့ နာမည်နဲ့ တစ်မြို့လုံးကို မီးလောင်တိုက်သွင်းဖို့ ကြိုးစားလာပါတယ်။ လမ်းကွဲသွားတဲ့ ညီအစ်ကိုနှစ်ယောက် အကြီးအကျယ် တိုက်ခိုက်ကြပြီးနောက် နှစ်ယောက်လုံး ပျောက်ဆုံးသွားခဲ့တယ်။ နှစ်ပေါင်းများစွာ ကြာလာချိန်မှာတော့ ဒီစွမ်းအားရှင်နှစ်ယောက်နဲ့ ပတ်သက်တဲ့အကြောင်းတွေ ပြန်ပေါ်လာပါတယ်။ စတားလုံး ပါဝင်သရုပ်ဆောင်ထားတဲ့ စူပါဟီးရိုးအက်ရှင်ဇာတ်ကားဖြစ်ပြီး ဒရာမာနဲ့ စိတ်ကူးယဉ်အကြောင်းအရာတွေလည်း ရောစပ်ထားပါတယ်။

ဖရန့်ဟာ လိင်တူချစ်သူတွေကို မုန်းတီးတဲ့ မိခင်ရဲ့ အိမ်ပေါ်က နှင်ချခြင်းကို ခံထားရတာ ကြာပါပြီ။ နောက်တော့ မရိန်းတပ်ထဲ ဝင်လိုက်ပေမယ့် သင်တန်းကာလမှာလည်း လိင်တူချစ်သူတွေအပေါ် မုန်းတီးသူတွေနဲ့ ထပ်ကြုံရပါတယ်။ အိမ်မှာ လက်မခံခံရတဲ့ ဖရန့်အတွက် တပ်ထဲကဘဝမှာလည်း ရင်ဆိုင်စရာ အခက်အခဲတွေ ရှိနေတယ်။ ဇာတ်လမ်းရဲ့ နောက်ခံမှာ “မမေးနဲ့၊ မပြောနဲ့” ဆိုတဲ့ စစ်တပ်မူဝါဒ ရှိပါတယ်။ စစ်သားတစ်ယောက်ကို လိင်တူချစ်သူ ဟုတ်မဟုတ် လိုက်လံစုံစမ်းမေးမြန်းခွင့်မရှိသလို ကိုယ်တိုင်ကလည်း လိင်တူချစ်သူဖြစ်ကြောင်း ပွင့်ပွင့်လင်းလင်း ထုတ်ဖော်ပြောဆိုခွင့် မရတဲ့အခြေအနေပါ။ ဒီစည်းမျဉ်းတွေနဲ့ တပ်ဖွဲ့ဝင်တွေရဲ့ မတူညီတဲ့သဘောထားတွေကြားမှာ ဖရန့် ဘယ်လိုဆက်လက်နေထိုင်သွားမလဲဆိုတာကို ဇာတ်လမ်းက ပြထားပါတယ်။ The Inspection ဟာ ရွှေကမ္ဘာလုံးဆု ဆန်ကာတင်ဝင်ခဲ့တဲ့ ဒရာမာရုပ်ရှင်ဖြစ်ပြီး မရိန်းတပ်ဖွဲ့ဝင်ဟောင်းဖြစ်တဲ့ ဒါရိုက်တာက သူ့ကိုယ်တွေ့အကြောင်းကို အခြေခံရိုက်ကူးထားတာပါ။

ဇာတ်လမ်းနာမည်အတိုင်း မာလာဂရေဆန်ဟာ အိုမင်းမစွမ်းဖြစ်နေတဲ့ သက်ကြီးရွယ်အိုတွေကိုစောင့်ရှောက်ပေးတဲ့ အဖွဲ့အစည်းတစ်ခုကိုဦးဆောင်နေတဲ့ အမျိုးသမီးတစ်ဦးပါ ဒါပေမယ့် ကောင်းသောစောင့်ရှောက်ခြင်းမျိုးလားဆိုတော့ သူ့ကောင်းစားရေးအတွက် ချမ်းသာတဲ့အဘိုးအဘွားတွေကို အသုံးချနေတဲ့စောင့်ရှောက်ခြင်းမျိုးပါ မာလာဟာ ဒေါက်တာကယ်ရင်အေမို့စ်ဆိုတဲ့ ဆရာဝန်နဲ့ပေါင်းကြံပြီး လူနာတွေထဲက သူဌေးအဘိုးကြီး အဘွားကြီးတွေကို ကျန်းမာရေးချို့တဲ့လို့ ကိုယ့်ကိုယ့်ကိုမစောင့်ရှောက်နိုင်တော့ပါဘူးဆိုပြီး တရားရုံးကိုအကူအညီတောင်း၊ တရားရုံးကနေမှ မာလာ့ကိုတရားဝင်အုပ်ထိန်းသူအဖြစ် တာဝန်ခန့်အပ်ပြီး လူနာတွေကို သက်ကြီးရွယ်အိုစောင့်ရှောက်ရေးဂေဟာမှာ သွားထားထားတာပါ အဲဒီစောင့်ရှောက်ရေးဂေဟာဆိုတာကလည်း အကျယ်ချုပ်ချထားတာနဲ့မခြားပါဘူး မာလာနဲ့ပေါင်းကြံထားတဲ့အဖွဲ့အစည်းတွေပေါ့ အပြင်လောကနဲ့အဆက်အသွယ်လုံးဝဖြတ်ထားပြီး မိသားစုဝင်တွေနဲ့ပါ လုံးဝပေးမတွေ့တာပါ အဲဒီလို သက်ကြီးရွယ်အိုတွေကို ဂေဟာမှာသွားထားပြီး မာလာကတော့ သူတို့ရဲ့အိမ်တွေ၊ ကားတွေ၊ ပိုင်ဆိုင်မှုတွေကို လေလံတင်ပြီးရောင်းစားနေတာပေါ့ အကြောင်းပြချက်ကတော့ သူတို့မိသားစုဝင်တွေက အဘိုးအဘွားတွေကိုပစ်ထားတဲ့အတွက် စောင့်ရှောက်ရေးဂေဟာကိုပေးရမယ့်စရိတ်စကတွေပေးဖို့ ဒီလိုပစ္စည်းတွေကိုထုခွဲရောင်းချပြီး စီမံရပါတယ်ပေါ့ ဒီလိုနဲ့တစ်နေ့ ဒေါက်တာကယ်ရင်အေမို့စ်ချိတ်ပေးတဲ့ မိသားစုလည်းမရှိ ငွေလည်းလျှံတဲ့အပျိုကြီး ဂျနီဖာပီတာဆန်တစ်ယောက် မာလာတို့လက်ထဲရောက်လာတဲ့အခါ.... မာလာတို့အကြိုက်ပဲပေါ့နော် အမွေစားအမွေခံသားသမီးလည်းမရှိ၊ မိသားစုဝင်လည်းတစ်ယောက်မှမရှိတော့ အဘွားကြီးကို ဂေဟာမှာလှောင်ပိတ်ထားပြီး အဘွားကြီးအိမ်တွေ၊ ပိုင်ဆိုင်မှုတွေကိုရောင်း၊ ဘဏ်ထဲကမီးခံသေတ္တာတွေကို စိတ်ကြိုက်ခြယ်လှယ်တော့တာပေါ့ ဒါပေမယ့် အဘွားကြီးပြောတဲ့စကားတစ်ခွန်းက "မင်းလုပ်ခဲ့မိသမျှထဲမှာ ငါကအကြီးမားဆုံးအမှားဖြစ်လိမ့်မယ်" ဆိုတော့ ကျိကျိတက်ချမ်းသာတဲ့ အဘွားကြီးက မာလာတို့ရဲ့တကယ့်ငွေထုပ်ကြီးဖြစ်မလား ဘယ်လိုတွေဖြစ်လာမလဲဆိုတာတော့ ဇာတ်လမ်းထဲမှာပဲ ဆက်လက်ကြည့်ရှုပေးကြပါဦး File size… 2.4GB and 1.8GB Quality…. 1080p HEVC 5.1CH and 720p Format…mp4 Duration…. 1hr 58min Subtitle….Myanmar Subtitle (Hardsub) Translator ..... MTA, Yoon Sandi Aung Encoder ..... August

Instant Family (2018) IMDb Rating (7.3) / Rotten Tomatoes (82%) မင်းသားကြီး Mark Wahlberg ကို ဒီလို Family Comedy ရုပ်ရှင်မှာ သက်ဝင်စွာမြင်တွေ့ရတာ တကယ်ကောင်းတဲ့အခိုက်အတန့်တခုပါပဲ။ ဒီရုပ်ရှင်က ဇာတ်အိမ်လဲ ဆန်းသစ်ပြီးတော့ ဟာသရသ မိသားစုချစ်ခြင်းဖွဲ့ရသ ကြည်နူးဖွယ်ရသနဲ့ စိတ်နှလုံးကို တိမ်းးညွှတ်အောင်ဖမ်းစားနိုင်တဲ့ ဇာတ်ကားကောင်းတစ်ကားပါ.. မွေးကင်းစကလေးကိုပြုစုပျိုးထောင်ဖို့အတွက် အရွယ်လွန်သွားပြီလို့ယူဆထားကြတဲ့ အကြင်လင်မယားတွေဟာ မိသားစုဘဝရဲ့အနှစ်သာရကို ကျန်ရှိနေတဲ့ ဘဝတစ်လျှောက်လုံး ခံစားခွင့်မရှိတော့ဘူးလား.... အကြောင်းအမျိုးမျိုးကြောင့် မိဘအရင်းတွေရဲ့ စွန့်ပစ်ခြင်းကို ခံခဲ့ရတဲ့ ကလေးတွေကရော မေတ္တာအငွေ့အသက်တွေ လုံခြုံမှုတွေကို မရရှိနိုင်တော့ဘူးလား..... မိသားစုဆိုတဲ့စကားလုံးဟာ အင်မတန်ရိုးရှင်းပေမဲ့ သံယောဇဉ်တွေ နားလည်မှုတွေ ချစ်ခြင်းမေတ္တာတွေ အပြန်အလှန်လေးစားမှုတွေဆိုတဲ့ နက်နဲလှတဲ့သဘောတရားတွေနဲ့ ဖွဲ့စည်းထားတဲ့ ဒီကမ္ဘာမြေကြီးပေါ်က သေးငယ်တဲ့ကမ္ဘာလေးတစ်ခုဆိုရင်လည်းမမှားပါဘူး..... လူတစ်ယောက်ရဲ့ လက်တစ်ဖက်တည်းက လက်ချောင်းတွေ အတိုအရှည်မညီကြသလို.... သွေးရင်းဖြစ်တဲ့ မိသားစုတွေတောင် နားလည်မှုအမြဲထားနိုင်ကြတာမဟုတ်ပါဘူး..... ကိုယ်တိုင်ရွေးချယ်ဖန်တီးတော့မယ့် သွေးမတော်သားမစပ်မိသားစုတစ်ခုအတွက် အကောင်းဆုံးကြိုးစားပြီးပြင်ဆင်ထားပေမဲ့ တကယ်တန်းလက်တွေ့ကတော့ ထင်သလောက်မလွယ်လှဘူးလေ..... အကြင်လင်မယားနှစ်ယောက်ဟာ မိမိတို့ရဲ့ကလေးကို ကိုယ်ဝန်လွယ်ထားချိန်ကစလို့ မိဘစိတ်ကို တဖြည်းဖြည်းမွေးမြူလို့ရပေမဲ့..... ရုတ်တရက်ရောက်လာမယ့် ကလေးတွေအပေါ်မှာရော ချစ်ခြင်းမေတ္တာအပြင် မိဘပီသတဲ့စောင့်ရှောက်မှုတွေ နားလည်မှုတွေ အပြည့်အဝထားရှိနိုင်ပါ့မလား...... ဒီမေးခွန်းတွေအားလုံးရဲ့ သံသယတွေကို ဒီဇာတ်လမ်းလေးက ဖြေရှင်းပေးသွားမှာပါ..... ချစ်တာကလွဲပြီး ကျန်တာတွေကို နားမလည်နိုင်သေးတဲ့ မွေးစားမိဘနှစ်ပါးနဲ့.... မောင်လေးနဲ့ညီမလေးကို စောင့်ရှောက်ရင်း..... သူ့ကို ချစ်တဲ့လူ ဒီကမ္ဘာပေါ်မှာမရှိဘူးလို့ ထင်နေတဲ့ဆယ်ကျော်သက် ကောင်မလေးတစ်ယောက်တို့ နားလည်မှုတည်ဆောက်ကြတာကို ကြည်နူးမှုနဲ့ ဝမ်းနည်းမှုရသမြောက်အောင် ရိုက်ပြထားတာကိုတွေ့ရမှာပါ..... ငယ်ရွယ်တဲ့ကလေးတွေကို ချစ်ခြင်းမေတ္တာဂရုစိုက်မှုတွေပေးရုံနဲ့ မိဘနေရာကို ခံယူလို့ရပေမယ့်... မိခင်အရင်းကိုသိပ်ချစ်တဲ့ ၁၅ နှစ်အရွယ်ကောင်မလေးရဲ့ မိဘအဖြစ်အသိအမှတ်ပြုခြင်းကို ရဖို့ဆိုတာတော့ ချစ်ခြင်းတစ်ခုတည်းနဲ့ မဖြစ်နိုင်တော့ပါဘူး..... သူ့ဘဝကို လုံခြုံနွေးထွေးစေပြီး နားလည်မှုအပြည့်ပေးတဲ့ မိဘတွေကိုပဲ ပိုပြီးမက်မောတတ်တဲ့ အရွယ်ပေါ့...... စမ်းသပ်ကာလတစ်ခုအထိ အတူနေပြီး တရားဝင်မိသားစုဖြစ်လာဖို့ ကြိုးစားကြတဲ့ ပိ(ထ်)နဲ့အယ်လ်တို့ဟာ လစ်ဇီ ၊ ဂွမ်နဲ့ လီတာတို့ရဲ့ မိဘအဖြစ်အသိအမှတ်ပြုမှုကို နောက်ဆုံးမှာ ရရှိသွားပါ့မလားဆိုတာကိုတော့ ဇာတ်လမ်းလေးထဲမှာ အဖြေရှာရင်း လုံးဝကိုအကြိုက်တွေ့စေမယ့် ဇာတ်ကားလေးလို့ပဲ ညွှန်းဆိုပါရစေ။ File size…(4.5 GB)/(1.6 GB )/(1.1 GB) Quality….WEB-DL 4K HEVC/ 1080p HEVC/ 720p Format…mkv/mp4 Duration….01:58:00 Subtitle….Myanmar Subtitle (Hardsub) Encoder….Ka Naung Translated by Neve & Mg King