Nick Dimitri ပါဝင်သော ဇာတ်ကားများ

ဒန်နီမက်တီဂန်က ဂျက်စလေ့တာဆိုတဲ့ ရုပ်ရှင်ဟီးရိုးကို အရူးအမူး ကြိုက်တဲ့ကောင်လေးပါ။ တစ်နေ့မှာ သူသွားနေကျ ရုပ်ရှင်ရုံက ရုံပိုင်ရှင်နစ်ခ်ဟာ သူ့ကို မှော်လက်မှတ်တစ်စောင် ပေးလိုက်ပါတယ်။ အဲဒီလက်မှတ်ကြောင့် ဒန်နီဟာ ဘုမသိဘမသိနဲ့ ဂျက်စလေ့တာရဲ့ အသစ်ထွက်ရုပ်ရှင်ထဲ ရောက်သွားပြီး သူကြိုက်တဲ့ဟီးရိုးရဲ့ စွန့်စားခန်းတွေထဲ ပါဝင်သွားပါတော့တယ်။ ဒါပေမဲ့ မှော်လက်မှတ်က ဗီလိန်ဘန်နက်ဒစ်တ်လက်ထဲ ရောက်သွားတဲ့အခါ အခြေအနေ ပြောင်းသွားပါတယ်။ လက်မှတ်ကို ဘယ်လိုသုံးရမလဲ သိသွားတဲ့ ဘန်နက်ဒစ်တ်ဟာ ရုပ်ရှင်လောကနဲ့ အပြင်လောကကြား ကူးသန်းရင်း ရုပ်ရှင်တွေထဲက ဗီလိန်တွေကို ခေါ်ထုတ်ဖို့ ကြိုးစားလာတယ်။ ဒန်နီနဲ့ ဂျက်တို့ သူ့ကို ဘယ်လိုတားကြမလဲ၊ ရုပ်ရှင်ထဲမှာ ဘယ်လိုသတ်သတ် မသေတဲ့ဟီးရိုးက အပြင်လောကကို ရောက်လာရင်ရော အဲဒီလိုပဲ ဆက်ဖြစ်နိုင်ဦးမလားဆိုတဲ့ မေးခွန်းတွေ ပေါ်လာပါတယ်။ Arnold Schwarzenegger ပါဝင်ထားတဲ့ ၁၉၉၃ ခုနှစ်ထွက် အက်ရှင်၊ စိတ်ကူးယဉ်နဲ့ ဟာသ ရောစပ်ထားတဲ့ ဇာတ်ကားပါ။ ဒန်နီက ရုပ်ရှင်ထဲမှာ တွေ့ရတဲ့ သရုပ်ဆောင်တွေကို တခြားဇာတ်ကားတွေထဲက ဇာတ်ကောင်တွေအဖြစ် မှတ်မိပြီး ပြန်ပြောနေတဲ့ ဟာသခန်းတွေလည်း ပါဝင်ပါတယ်။

၁၉၉၂ ခုနှစ်က ရုပ်ရှင်ဇာတ်ကားပေမယ့် မူးယစ်ဆေးဝါးမှောင်ခိုသမားတွေနဲ့ အက်ဖ်ဘီအိုင် ရဲတွေကြားက အက်ရှင်ဇတ်ကားကောင်း တစ်ကားပဲဖြစ်ပါတယ်။ ခပ်မိုက်မိုက်ကြမ်းကြမ်းရမ်းရမ်း အက်ရှင်ကားကောင်းများကြည့်ချင်သူများတွက်တော့ တကယ့်ကိုကြည့်ကောင်းမဲ့ကားလေးပါပဲ။ ထိုင်းနိုင်ငံမှာ စတင်ခဲ့ပြီး၊ မာဖီးယား မူးယစ်ဆေးဝါး ဖြန့်ဖြူးသူ အန်တိုနီယို ဆယ်ရာနိုက သူရဲ့ ရင်းနှီးတဲ့ လုပ်ဖော်ကိုင်ဖက်ဖြစ်သူ မူးယစ်ဆေးဝါး ဘုရင်ခံ ကင်မန် တောင် ဆီ သွား‌ရောက်လည်ပတ်ခဲ့ပြီး ကြုံနေရတဲ့အခက်အခဲတွေကို အတူတကွ ပူးပေါင်းလုပ်ဆောင်ဖို့တောင်းဆိုပေမဲ့ အဆင်မပြေဖြစ်ခဲ့ရာမှ ပြန်လည်လက်စားချေတိုက်ခိုက်ခဲ့ပါတော့တယ်။ အဲဒီအချိန်မှာ ကံမကောင်းစွာဘဲ ဂျိတ်က ပါတီတစ်ခုသွားရောက်ရင်း မျက်မြင်သက်သေ ဖြစ်သွားခဲ့ရာမှ အရှုပ်အထွေးထဲ ရောက်သွားပြီး ဘယ်လိုရုန်းထွက်မလဲဆိုတာတော့....... Quality.....Blu-Ray 1080p / 720p File Size.....(2.2 GB) / (1.1 GB) Duration.....01:35:00

ဘရွတ်ကလင်မှာ ဂိုဏ်းစတားတွေက ကိုယ့်နယ်မြေနဲ့ကိုယ် ကြီးစိုးနေကြတဲ့အချိန် ဂျီနိုဆိုတဲ့ ကောင်လေးတစ်ယောက်ဟာ သူ့အဖေကို အလွန်အားကျနေခဲ့တယ်။ တစ်ရက်မှာ အဖေက စတိုးဆိုင်ထဲက သူခိုးတစ်ယောက်ကို ဆွဲထုတ်၊ ထိုးကြိတ်ပြီး ဂျီနို့မျက်စိရှေ့မှာပဲ ကားနောက်ဖုံးထဲ ထည့်ပိတ်လိုက်ပါတယ်။ ပြီးတော့ အဲဒီကားနဲ့ပဲ သားကို ရုပ်ရှင်သွားပြတယ်။ ရုပ်ရှင်ပြီးမှ အဖေက ဂျီနို့ကို ကားသော့ပေးပြီး လုပ်စရာရှိတာ လုပ်လို့ ပြောလိုက်တယ်။ ဂျီနိုက ကားနောက်ဖုံးကို ဖွင့်ပေးပြီး ခြိမ်းခြောက်စကားပြောလိုက်တော့ သူခိုးလည်း ထွက်ပြေးသွားပါတယ်။ ဂျီနိုက အဲဒီကတည်းက အဖေ့လို လူမိုက်ဖြစ်ချင်ခဲ့ပေမယ့် တကယ်အရွယ်ရောက်လာတဲ့အခါမှာတော့ ရဲတစ်ယောက် ဖြစ်လာတယ်။ Steven Seagal ပါဝင်သရုပ်ဆောင်ထားတဲ့ ဒီအက်ရှင်မှုခင်းကားမှာ လူမိုက်တွေနဲ့ ပေါင်းသင်းကြီးပြင်းခဲ့တဲ့ ဂျီနိုဟာ အခုတော့ ဥပဒေဘက်က ရပ်တည်နေသူပါ။ သူ့သူငယ်ချင်းတစ်ယောက်က လက်ခံနိုင်စရာမရှိတဲ့ ပြစ်မှုတစ်ခုကို ကျူးလွန်လိုက်တဲ့အခါ ဂျီနို ဘယ်လိုကိုင်တွယ်မလဲ။

ဟောင်းပေမဲ့ ကောင်းတယ်ဆိုတာ ဒါမျိုးဗျ..။ အဓိကဇာတ်ကောင်ပါတဲ့ ပိုစတာကို မြင်ပြီးရင်တော့ အထူးတလည် ညွှန်းစရာလိုမယ် မထင်ဘူး..။ Tom Hanks ဆိုတာ ဂန္တဝင်ရယ်လို့ Legendary သရုပ်ဆောင် မင်းသားကြီးတစ်ယောက်ဖြစ်လာပြီးမှ ဟိုးရှေးရှေးတုန်းက ငယ်ရွယ်တဲ့ Tom Hanks ကို ပြန်ကြည့်ရတာလည်း အရသာတစ်မျိုးပဲ..။ လွန်ခဲ့တဲ့ ဆယ်စုနှစ် နှစ်ခုမကတဲ့ အချိန်လောက်တုန်းက ရုပ်ရှင်ဆိုပေမဲ့လည်း အခုနေ ပြန်ကြည့်မိလည်း ဇာတ်ကြောင်းက ကျေနပ်စရာကောင်းသေးတယ်ဗျ..။ အိမ်မွေးတိရစ္ဆာန်လေးတွေဆီကရတဲ့ စိတ်ဒုက္ခ..၊ ပျော်ရွှင်စရာ အခိုက်အတန့်လေးတွေနဲ့ ကြည်နူးစရာ မေတ္တာတရားတွေကို ရယ်စရာ မောစရာတွေနဲ့ ရောပြီး ကြည့်ရှုနိုင်ပါမှာ..။ အိမ်မွေးတိရစ္ဆာန်လေးတွေ မွေးထားတဲ့လူတွေကတော့ ဒီချိုမြတဲ့ဒုက္ခတွေကို ကောင်းကောင်းကြီး နားလည်နိုင်မှာ အသေအချာ..။ ကမ်းခြေမြို့သေးသေးလေးတစ်ခုမှာ စုံစမ်းစစ်ဆေးရေးမှူးလုပ်နေတဲ့ မစ္စတာ တန်နာ တစ်ယောက် တခြားမြို့ကို သိပ်မကြာခင် ပြောင်းရွေ့ရတော့မယ့် ရက်ပိုင်းအတွင်းမှာမှ ဖြစ်ပေါ်လာတဲ့ မတော်တဆမှုတချို့နဲ့.. ဒီကိစ္စရပ်တွေကနေ ဆက်ပြီးတော့ ဖြစ်ပျက်လာမယ့် မှုခင်းဆက်စပ်မှုတွေ..။ အရာအားလုံးကို တိကျ ၊ သေချာ ၊ သပ်ရပ် နေမှ စိတ်တိုင်းကျတတ်တဲ့ စုံစမ်းရေးမှူးကြီး မစ္စတာ တန်နာတစ်ယောက် မမျှော်လင့်ပဲ ခွေးတစ်ကောင် ရလိုက်တဲ့အခါ..။ ဒီလိုမျိုး အားလုံးကို သူ့နေရာနဲ့သူ သပ်ရပ်နေမှ စိတ်တိုင်းကျတဲ့ Perfectionist ကြီးတစ်ယောက်နဲ့ ခွေးတစ်ကောင် ဘယ်လို ယှဉ်တွဲနေထိုင်ကြမလဲဆိုတာရယ်..၊ ငယ်ရွယ်တဲ့ စုံစမ်းစစ်ဆေးရေးမှူး တန်နာ တစ်ဖြစ်လည်း Tom Hanks တစ်ယောက် ဘာတွေ ဖော်ထုတ်ဦးမလဲဆိုတာကိုလည်း စိတ်ဝင်တစား ကြည့်ရှုကြရဦးမယ်ဗျာ..။ ပြီးတော့ ဒီခွေးတစ်ကောင် ကောင်းမှုအကြောင်းပြုလို့ ရေစက်ပါ အကြောင်းဆုံရတဲ့ အချစ်ဇာတ်လမ်းတစ်ခုအကြောင်းကိုရော..။ ရယ်ရယ်မောမော ကြည့်နေရင်း romance လေးလည်း ခံစားရမယ်..။ တိရစ္ဆာန်တစ်ကောင်နဲ့ လူသားတစ်ဦးကြားက ဆက်သွယ်မှု အခက်အခဲတွေနဲ့ မေတ္တာကိုလည်း မြင်တွေ့ရဦးမယ်..။ ဪ..။ ပြီးတော့ ကမ်းခြေမြို့ကလေးမှာရှိတဲ့ ပင်လယ်စာထုတ်လုပ်မှု လုပ်ငန်းကရော ဘယ်လို တရားမဝင်ကိစ္စတွေကို လုပ်နေပါလိမ့်ဆိုတဲ့ မှုခင်းလို အကြောင်းအရာမျိုးတွေကိုရော..။ ဒီဇာတ်ကားမှာတော့ အကြောင်းအရာအတော်များများကို ခံစားချက်မျိုးစုံ ရောယှက်ပြီးတော့ ကြည့်ရှုရနိုင်မှာပါ..။ အများကြီးတော့ မညွှန်းနေတော့ပါဘူး..။ ညွှန်းလည်း မညွှန်းတတ်ဘူးဆိုရင် ပိုမှန်မယ်လို့ ထင်တယ်..။ ဘာလို့ဆိုရင် ဒါက Tom Hanks လေ..။ ကြည့်ဖို့လွတ်သွားလို့ကတော့ ဇာတ်ကားကောင်းတစ်ခု လွတ်သွားသလို ခံစားရစေမှာမို့ သေချာပေါက် ကြည့်ကြည့်လိုက်ကြဖို့ စေတနာတွေ အများကြီး ထည့်ပြီး ညွှန်းလိုက်ရပါတယ်..။ File size…(2.4 GB)/(1.1 GB)/(650 Mb) Quality….Brrip 1080p / 720p / 480p Format…mp4 Duration….01:37:00 Genre...Drama, Crime, Comedy Subtitle….Myanmar Subtitle (Hardsub) Encoder….Mr. Anderson Translated by Shin Mann Htet Myat

တောင်းဆိုနေကြတဲ့ အာနိုးကား တင်ဆက်ပေးလိုက်ပါတယ်။ ၁၉၈၅ ခုနှစ်က Commando ဆိုတဲ့ဇာတ်ကားပါ။ သူရဲကောင်းဝါဒနဲ့ မင်းသားအသားပေးရိုက်ချက်တွေ ခေတ်စားတဲ့ကာလက ဇာတ်ကားဆိုတော့ မင်းသားက လေးလုံးပြူးလောင်ချာကြီးထမ်းပြီး လူအယောက် ၂၀ လောက် ဝိုင်းပစ်နေတဲ့ကြားကနေ ကားကားကြီးထရပ်ပြီး လမ်းလျှောက်နေတာမျိုးပေါ့။ ဇာတ်လမ်းအကျဉ်းကတော့ အာဏာရူး သမ္မတရူးတစ်ယောက်က သမ္မတလုပ်ချင်တာနဲ့ပဲ အမေရိကန်ကို လာပါသတဲ့။ သူ့ရဲ့နိုင်ငံက ဇာတ်လမ်းထဲမှာပဲရှိတယ်။ ဘာတဲ့ ဗော်လ် ဗယ်ရ်ဒေး ဆိုလားပဲ။ အဲဒီနိုင်ငံက သမ္မတကို လုပ်ကြံဖို့ မင်းသားဆီ လာအပူကပ်တာပေါ့လေ။ သတ်ပေးပါနော် ကိုကို လို့ အပူကပ်တာမဟုတ်ဘူးနော်။ မင်းရဲ့ သမီးကို ငါတို့ဖမ်းထားတယ်။ သူ့ကို မသေစေချင်ရင် လက်ရှိသမ္မတကို လုပ်ကြံပြီး ငါ့ကို သမ္မတမြောက်ပေး ဘာညာပေါ့ဗျာ။ ကျွန်တော်တို့ အာနိုးကြီးက ဂဂျိုးဂဂျောင်ကောင်မှ မဟုတ်ဘဲဗျာ။ သူ့သမီးကို ဖမ်းသွားတဲ့သူတွေ သေခြင်းဆိုးနဲ့သေအောင် လိုက်သတ်တာများ စူပါမန်းထက်မိုက်တယ်။ သိတဲ့အတိုင်းပဲ။ တုတ်ပြီးဓားပြီး သေနတ်ပြီးတဲ့ ကာနယ်ကြီး မေးထရစ် တစ်ဖြစ်လည်း အာနိုးကြီးရဲ့ အက်ရှင်ဇာတ်ကားကြီးကို ငယ်ငယ်က အငွေ့အသက်တွေနဲ့ ပြန်ခံစားကြရအောင်ဗျာ။

48 Hrs. (1982) IMDB : 6.9 Rotten Tomatoes : 92% Genre : Action / Comedy / Crime Buddy Cop (ရဲအရာရှိ နှစ်ယောက်တွဲ) အက်ရှင် ဟာသဇာတ်ကားတွေရဲ့ ရှေ့ဆောင်လမ်းပြဖြစ်တဲ့ ၁၉၈၂ ခုနှစ်က ထွက်ရှိခဲ့တဲ့ "48 Hrs" ရုပ်ရှင်ကတော့ ဒါရိုက်တာ Walter Hill ရိုက်ကူးထားပြီး နာမည်ကျော် ဟာသသရုပ်ဆောင် Eddie Murphy ရဲ့ ပထမဆုံး ပွဲဦးထွက် ရုပ်ရှင်ဇာတ်ကားလည်း ဖြစ်ပါတယ်။ ဘုပြော ဘေးထိုင် တစ်လောကလုံးကို ကြည့်မရတဲ့ရဲနဲ့ ရာဇဝတ်သား နှစ်ယောက်တွဲပြီး အမှုလိုက်ရတဲ့ ဇာတ်လမ်းပုံစံတွေကို ကြိုက်နှစ်သက်သူတွေအတွက်တော့ သဘောကျစေမယ့် ဂန္ထဝင်ဇာတ်ကားကောင်း တစ်ကားလည်းဖြစ်ပါတယ်။ ဇာတ်ညွှန်း ဆန်ဖရန်စစ္စကိုမြို့က ဘုကလန့် စုံထောက် ဂျက်ခ် ကိတ်စ် ဟာ ထောင်ပြေး လူသတ်သမား အဲလ်ဘတ် ဂန့်ဇ် နဲ့ သူ့ရဲ့ အပေါင်းအပါတွေကို ဥပဒေအရ စီရင်ဖို့ လိုက်ဖမ်းနေပါတယ်။ ဂန့်ဇ်က ရဲအရာရှိ နှစ်ယောက်ကို သတ်ဖြတ်ပြီး ထွက်ပြေးသွားခဲ့သူလည်းဖြစ်ပါတယ်။ သူတို့ကို အမိဖမ်းနိုင်ဖို့အတွက် ဂျက်ခ်ဟာ ဂန့်ဇ်ရဲ့ ဂိုဏ်းဝင်ဟောင်း တစ်ယောက်ဖြစ်ပြီး လက်ရှိမှာ ထောင်ကျနေတဲ့ ပန်ကာထိပ်က ထုံးကွက် လူလည် ရယ်ဂျီ ဟမ်းမွန်း ရဲ့ အကူအညီကို ယူဖို့ ဆုံးဖြတ်လိုက်ပါတယ်။ ရယ်ဂျီကို ထောင်ကနေ ၄၈ နာရီတိတိ ယာယီလွှတ်ပေးပြီး ဂန့်ဇ်ကို ဖမ်းဖို့ သူတို့နှစ်ယောက် ပူးပေါင်းလိုက်ကြပါတော့တယ်။ တစ်ယောက်နဲ့တစ်ယောက် လုံးဝကြည့်မရတဲ့ စုံထောက် ဂျက်ခ် နဲ့ ပါးစပ်ကို တစ်ရက် ၂၅ နာရီလောက်မပိတ်တဲ့ လူလည် ရယ်ဂျီ တို့ နှစ်ယောက်ပေါင်းပြီး အချိန် ၄၈ နာရီအတွင်းမှာ လူသတ်သမားတွေကို ဘယ်လိုလိုက်လံဖမ်းဆီးမလဲ၊ သူတို့နှစ်ယောက်ကြားက အလွဲအချော်တွေ၊ အက်ရှင်ခန်းတွေကို စိတ်ဝင်စားဖွယ် ခံစားကြည့်ရှုရမယ့် ဇာတ်ကားကောင်းလေးတစ်ကားဖြစ်ပါတယ်။ ဒီရုပ်ရှင်ဟာ Action Comedy အမျိုးအစားကို အကောင်းဆုံး ပုံဖော်ထားနိုင်ပြီး Rush Hour, Lethal Weapon တို့ရဲ့ ရှေ့ဆောင်လမ်းပြ Buddy Cop ပုံစံ ရုပ်ရှင်ဖြစ်ပါတယ်။ စုံထောက် ဂျက်ခ် ကိတ်စ် အဖြစ် မင်းသားကြီး Nick Nolte ရယ်ဂျီ ဟမ်းမွန်း အဖြစ် မင်းသား Eddie Murphy တို့က အားဖြည့်ထားကြပါတယ်။ ခံစားကြည့်ကြပါ။ File size…    2.7 GB / 1.5 GB Quality… WEB-DL 1080p / 720p Format… mp4 Duration…. 1h 35m Genre ..... Action / Comedy Subtitle…. Myanmar Subtitle (Hard Sub)

1975 ခုနှစ်က ထွက်ထားတဲ့ ဟောင်းပေမယ့်ကောင်းနေဆဲ Action/Sport အမျိုးအစားဇာတ်ကားတစ်ကားပါ ဘယ်ကလာပြီး ဘယ်ကိုသွားမယ်မှန်းမသိရတဲ့ လူထူးဆန်းတစ်ယောက်နဲ့ လမ်းဘေး Boxing ပွဲတွေမှာ ဖျံကျပြီး အသက်မွေးဝမ်းကြောင်းပြုနေတဲ့ လောင်းကစားသမားတစ်ယောက်တွေ့ပြီး ဘာတွေဆက်ဖြစ်မလဲကြည့်ရမှာပါ အပိုအလိုလည်းမရှိ Brutal လည်းဖြစ်တဲ့ fighting scence တွေက ဒီဇာတ်ကားကိုပိုပြီး ထူးခြားစေတဲ့အပြင် အရင်ခေါတ်က မင်းသားကြီးတွေရဲ့ ကောင်းမွန်တဲ့သရုပ်ဆောင်မှုတွေကလည်း အံ့မခန်းပါပဲ Fighting ကားလည်းကြိုက်တယ် ဘောလိဝုဒ်ကားတွေလို အလွန်အကျွံကြီးလည်းမကြိုက်ဘူး သဘာဝကျကျလေးလည်းကြည့်ချင်တယ်ဆိုရင် ဒီကားကသေချာပေါက်လက်မလွှတ်သင့်တဲ့ ဇာတ်ကားကောင်းတစ်ကားပါ File size…    2 GB /  649 MB Quality… BluRay 1080p / 720p Format… mp4 Duration…. 1h 40m Genre ..... Crime, Drama, Sport Subtitle…. Myanmar Subtitle (Hard Sub) Encoder…. Thit San Khant Translated by Aries