Oh Chae-eun ပါဝင်သော ဇာတ်ကားများ

ယုံဘယ်က ကားအငှားလောကမှာ လူသိများသူတစ်ယောက်ပါ။ တစ်နေ့တော့ သူပို့ပေးရမယ့် ကားတစ်စီးကို သူငယ်ချင်း ဒုန်းရှစ်က ယူပြီး ပျောက်သွားလို့ အခက်တွေ့ပါတော့တယ်။ ပျောက်သွားတဲ့ ကားထဲမှာ သူတို့ရဲ့ အဖိုးတန်ပစ္စည်းတွေ ပါသွားတယ်ဆိုပြီး လူဆိုးဂိုဏ်းတစ်ခုကပါ ယုံဘယ်ကို အပူတပြင်း လိုက်ရှာနေကြတယ်။ ဒီကြားထဲ အဖေဆုံးတဲ့သတင်းကို ကြားလိုက်ရလို့ ယုံဘယ်က ဈာပနကို သွားခဲ့ရပါတယ်။ အဲဒီမှာ အဖေ တက္ကစီမောင်းပြီး အသက်မွေးခဲ့တဲ့ ကားဟောင်းလေးကို ရှာတယ်။ အရင်က သူသိထားတဲ့ ဇိမ်ခံကားလေးဟာ အခုတော့ တံခါးတောင် ကောင်းကောင်းဖွင့်မရတော့တဲ့ အခြေအနေကို ရောက်နေပြီ။ ဒါပေမယ့် ယုံဘယ်က ဒီကားလေးကိုပဲ စီးပြီး ပျောက်နေတဲ့ကားကို လိုက်ရှာဖို့ စီစဉ်လိုက်ပါတယ်။ လူဆိုးတွေ အသည်းအသန်လိုက်နေတဲ့ အဖိုးတန်ပစ္စည်းက ဘာများဖြစ်မလဲ။ ယုံဘယ်ကတော့ အဖေ့ကားဟောင်းလေးနဲ့ ကားပျောက်လိုက်ရှာရင်း ဒုက္ခမျိုးစုံနဲ့ အလွဲတွေ ကြုံရပါတော့တယ်။ Terius Behind Me ထဲက Son Ho Jun၊ Squid Game မှာ နံပါတ် 101 အဖြစ် ပါဝင်ခဲ့တဲ့ Heo Sung Tae နဲ့ All of Us Are Dead ထဲမှာ စုံထောက်အဖြစ် သရုပ်ဆောင်ခဲ့တဲ့ Lee Kyu Hung တို့က ဒီဇာတ်ကားမှာ အဓိကဇာတ်ကောင်တွေအဖြစ် ပါဝင်ထားကြပါတယ်။

ကိုရီးယား အမျိုးသားထောက်လှမ်းရေးရုံးရဲ့ နိုင်ငံခြားဌာနခွဲတစ်ခုမှာ Kang-in က ဌာနမှူးအဖြစ် တာဝန်ယူထားပါတယ်။ သူဟာ အကောင်းဆုံးအေးဂျင့်တွေကို စုဖွဲ့ထားတဲ့ Black Team ကို ဦးဆောင်ပြီး လျှို့ဝှက်မစ်ရှင်တွေ ဆောင်ရွက်နေသူပါ။ လိုချင်တာရဖို့ဆို ညှာတာမှုမရှိဘဲ ရက်စက်တတ်လို့ လူတွေကိုဝါးမျိုတဲ့ ဝိညာဉ်လို့ အဓိပ္ပာယ်ရတဲ့ “Yaksha” ဆိုတဲ့ နာမည်ဆိုးနဲ့ ကျော်ကြားနေတယ်။ တစ်နေ့မှာတော့ ဌာနချုပ်က Black Team ကို စစ်ဆေးဖို့ အမှုစစ် Ji Hoon ကို စေလွှတ်လိုက်ပါတယ်။ အဲဒီမှာ သူတို့ဆောင်ရွက်ရမယ့် စစ်ဆင်ရေးအစစ်က အရှေ့အာရှတစ်ခွင်လုံးကို လှုပ်ခတ်သွားစေနိုင်တဲ့ အမှုတစ်ခုနဲ့ ပတ်သက်နေကြောင်း သိလာကြတယ်။ Sol Kyung-gu၊ Park Hae-soo နဲ့ Hiroyuki Ikeuchi တို့ ပါဝင်ထားတဲ့ မှုခင်းအက်ရှင်ဇာတ်ကားဖြစ်ပါတယ်။

Alienoid Part 1 မှာ ဂိုလျောခေတ်ကို ဂြိုဟ်သားတွေ ရောက်လာကြပါတယ်။ လက်ရှိခေတ်မှာလည်း ဂြိုဟ်သားတွေ ကမ္ဘာမြေပေါ် ရောက်လာကြပြန်တယ်။ ခေတ်နှစ်ခေတ်က အဖြစ်အပျက်တွေကို ယှဉ်ပြထားပြီး အချိန်ကာလနှစ်ခုကြား ဘယ်လိုဆက်နွယ်နေလဲဆိုတာကိုတော့ မြှုပ်ကွက်အဖြစ် ထားထားပါတယ်။ သိပ္ပံစိတ်ကူးယဉ်၊ အက်ရှင်နဲ့ ဟာသ ရောစပ်ထားတဲ့ ဒီကားဟာ Kim Woo Bin ရဲ့ ရုပ်ရှင်လောကထဲ ပြန်လာတဲ့လက်ရာပါ။ Reply 1988 ထဲက Ryu Jun Yeol၊ Our Blues ထဲက Kim Woo Bin၊ 25-21 ထဲက Kim Tae Ri နဲ့ မြန်မာပရိသတ်တွေ ဘတ်ချောအွန်းလို့ သိကြတဲ့ So Ji Sub တို့ ပါဝင်သရုပ်ဆောင်ထားပါတယ်။

True Beauty (2020) အပိုင်း (1 မှ 16) စ/ဆုံး မိန်းကလေးဆိုတဲ့အမျိုးက ကလေးဘဝကထဲက အလှအပကိုစိတ်ဝင်စားသလို လှပအောင်လည်း ကြိုးစားနေထိုင်တတ်ကြတယ်... မှန်လေးကြည့်လိုက်လို့ သူတို့ရုပ်ရည်လေးအဆင်ပြေနေမှ ကိုယ့်ကိုယ်ကိုယ် ယုံကြည်ချက်လည်းရှိကြတာကိုး... ဒါ့ကြောင့် Selfie ဆွဲလို့ ပိုလှတဲ့ ဖုန်းတွေရောင်းကောင်းကြတာမဟုတ်လား... ဒီအထဲက ကောင်မလေးတစ်ယောက်လည်း အဲဒီလိုပါပဲ... သူ့ရုပ်ရည်အပေါ် ယုံကြည်ချက်မရှိလို့ make-up tutorial တစ်ခုကို ကြိုးစားပန်းစားပြင်လိုက်မှ မဟာသရဲမကြီးနဲ့တူပြီး ကြိုက်တဲ့ကောင်လေးဆီက ငြင်းတာခံလိုက်ရလို့ ကိုယ့်ကိုယ်ကိုယ် သတ်သေဖို့အထိတောင်ဖြစ်သွားရတယ်... ဒီလိုသတ်သေတဲ့အချိန် ကောင်လေးတစ်ယောက် တားဆီးလိုက်လို့ အသက်မသေခဲ့တာ ကံကောင်းတယ်ပြောရမှာပါ... အဲဒီနောက်တော့ ကျောင်းပြောင်းရတဲ့ အနေအထားဖြစ်တော့ သူမအတွက် အနည်းငယ်ခံသာသလိုဖြစ်သွားတယ်... ကျောင်းအသစ်မှာ မိတ်ကပ်ပြင်နည်းတွေ အမှန်အကန် ကြိုးစားပြီး ကျောင်းတက်တဲ့ အခါမှာတော့ အရင်တုန်းက ခပ်ဆိုးဆိုးရင်ဆိုင်ရဲ့တဲ့ အနေအထားတွေဟာ ရုတ်ချဉ်းပြောင်းလဲသွားပါတော့တယ်... ဘာတွေဆက်ဖြစ်မလဲဆိုတာကိုတော့ ခံစားကြည့်ကြပါဉီး.. ဒီစီးရီးက ဆယ်ကျော်သက်ကျောင်းသား ကျောင်းသူဘဝကို အဓိက ကျောရိုးပြုရိုက်ကူးထားတာဖြစ်ပြီး ပေါ့ပေါ့ပါးပါး ဟာသလေးတွေနဲ့မို့ ကြည့်ရအတော်ကောင်းပါတယ်... လှတပတလေးတွေနဲ့ မျက်စိအပန်းပြေသလို ကောင်လေးတွေရော ကောင်မလေးတွေပါ အလှအပရေးရာနဲ့ ပတ်သက်ပြီး ပညာရစေတဲ့ကားလေးဆိုလည်းမမှားပါဘူး... Aired: Dec 9, 2020 - Feb 4, 2021 Aired On: Wednesday, Thursday Genres: Comedy, Romance, Youth, Drama Episodes: 16 Original Network: tvN

Psychopath Diary (2019) အပိုင်း (1 မှ 16) စ/ဆုံး ဒီတစ်ခါမှာတော့ သရုပ်ဆောင် Yoon Shi Yoon, Jung In Sunနဲ့ Park Sung Hoonတို့ အဓိက ပါဝင်သရုပ်ဆောင်ထားတဲ့ Psychopath Diary ဆိုတဲ့ ဟာသမှုခင်းစီးရီးလေးကို တင်ဆက်ပေးလိုက်ပါတယ်။ ဇာတ်လမ်းအညွှန်း.. Yook Dong Sik ဆိုတဲ့လူဟာ အာမခံကုမ္ပဏီက ဝန်ထမ်းတစ်ဦးဖြစ်ပြီး ရိုးအလွန်းတဲ့စရိုက်ကြောင့် ကုမ္ပဏီတစ်ခုလုံးက သူတွေအပြင် အခင်ဆုံးသူငယ်ချင်းဆီကနေပါ အမြတ်ထုတ်ခံရတဲ့သူပါ။ အဲဒီလို အလုပ်မှာအဆင်မပြေဖြစ်နေတဲ့ Dong Shik တစ်ယောက် တစ်ရက်မှာ စိတ်ညစ်ညစ်နဲ့ အိမ်အပြန်အလာ လူသတ်မှုတစ်ခုစီကို မှတ်တမ်းတင်ထားတဲ့ ကွင်းဆက်လူသတ်သမားရဲ့ ဒိုင်ယာရီကို ကောက်ရခဲ့ပါတယ်။ ဒါ့အပြင် အဲဒီလူသတ်သမား လူသတ်နေတာကို မျက်မြင်တွေ့ပြီး ထိတ်လန့်တကြား ထွက်ပြေးရာက ရဲအရာရှိ Shim Bo Kyung မောင်းလာတဲ့ကားနဲ့ ဝင်တိုက်သွားမိပါတယ်။ အဲဒီနောက်မှာ မှတ်ဉာဏ်ပျောက်ဆုံးသွားပြီး သူကောက်ရခဲ့တဲ့ဒိုင်ယာရီထဲက လူသတ်မှုတွေကို သူလုပ်ခဲ့တာပါလို့ ထင်မှတ်မှားပါတော့တယ်။ အဲဒီနောက်မှာ သူ့ကိုယ်သူ လူသတ်သမားလို့ထင်နေတဲ့ Dong Shik တစ်ယောက် ဘယ်လိုတလွဲတွေလုပ်မလဲ... Bo Kyung ကရော လူသတ်သမားကို ဘယ်လိုကူဖမ်းပေးမလဲ... လူသတ်သမားကရော ဘယ်သူလဲဆိုတာတွေကို အူတက်အောင်ကြည့်ရမဲ့ မှုခင်းဟာသစီးရီးကောင်းလေးဖြစ်တာမလို့ မကြည့်ရသေးရင် အမြန်ဆုံးကြည့်ဖို့ ညွှန်းချင်ပါတယ်။ (အညွှန်းကိုတော့ Eric မှ ရေးသားထားပါတယ်။) Aired: Nov 20, 2019 - Jan 9, 2020 Aired On: Wednesday, Thursday Genres: Thriller, Mystery, Comedy, Crime Duration: 70 mins Episodes: 16 Original Network: tvN Translated by Eric, Chothet_mlmt, Lai Laii, Hazelle Kit, Shwe Pyae & Hsu Pyae Encoded by Tiff

Tune in for Love (2019) IMDb... 7.2 လမ်းကလေးတစ်ခုမှာ အတူဖြတ်လျှောက်မိကြတဲ့ သူစိမ်းနှစ်ယောက်ဟာ မတော်တဆ အဝတ်အစားအချင်းချင်း ပွတ်တိုက်မိခဲ့ရုံဆိုရင်တောင် အတိတ်ဘဝမှာ သူတို့ဟာ ရေစက်ဆုံခဲ့ကြဖူးလို့ ဖြစ်ပါတယ်။ အကယ်၍များ လူနှစ်ယောက်ဟာ ဖူးစားကံပါပြီး ဘဝတစ်သက်တာ အတူ ဖြတ်သန်းခွင့်ရခဲ့ရင်တော့ သူတို့ဟာ ဘဝပေါင်း ၈၀၀၀ လောက် ရေစက်ဆုံခဲ့ကြဖူးလို့ပါပဲတဲ့။ ချစ်ရသူနဲ့ပေါင်းဖက်ရဖို့က အဲဒီလောက်အထိ ရှားပါးခက်ခဲပါတယ်။ အကြောင်းတစ်စုံတစ်ခုကြောင့် မကိုင်မိတဲ့ ဖုန်းတစ်လုံး၊ မသွားခဲ့မိတဲ့နေရာလေးတစ်နေရာကြောင့် ဝေးရဖို့အကြောင်းဖန်လာခဲ့ရင် ခင်ဗျားတို့ ခံနိုင်ရည်ရှိပါ့မလား... နာမည်ကြီး ထိပ်တန်းမင်းသားမင်းသမီးတွေဖြစ်ကြတဲ့ Jung Hae In နဲ့ Kim Go Eun တို့ကတော့ ဒီလိုသေးငယ်တဲ့ ရွေးချယ်မှုလေးတွေကြောင့် အတူလျှောက်မဲ့လမ်းတွေမှာ အဖော်မဲ့သွားနိုင်ကြောင်းကို ဆွေးမြေ့ချစ်ကြည်နူးဖွယ်ကောင်းအောင် Tune in for love မှာ အတူပုံဖော်ပေးထားကြပါတယ်။ ဇာတ်လမ်းအကြောင်းလေး ပြောပြရရင်တော့ "မီဆူ" ဟာ သူ့အစ်မဖြစ်သူနဲ့ မုန့်ဆိုင်လေးတစ်ဆိုင် ဖွင့်ထားပါတယ်။ အဲဒီမုန့်ဆိုင်မှာပဲ လူငယ်ထိန်းသိမ်းရေးစခန်းက လွတ်မြောက်လာတဲ့ "ဟျွန်းအူ" နဲ့ တွေ့ဆုံကြတယ်ပေါ့နော်။ "ဟျွန်းအူ" တစ်ယောက် မုန့်ဆိုင်လေးမှာ အချိန်ပိုင်းဝင်လုပ်ရင်း "မီဆူ" နဲ့ ရင်းနှီးလာရာကနေ အချင်းချင်း ခံစားချက်တွေဖြစ်တည်လာခဲ့ကြပါတယ်။ သို့သော်လည်း "ဟျွန်းအူ" မှာ လူသိမခံချင်တဲ့ ဆိုးရွားတဲ့ အတိတ်တစ်ခုရှိနေပြီး တစ်နေ့မှာတော့ ရုတ်တရက် မုန့်ဆိုင်‌လေးကနေ ထွက်ခွာသွားရာက "မီဆူ" နဲ့ အဆက်အသွယ်ပြတ်သွားကြပါတယ်။ ဒါပေမဲ့ သူတို့ရဲ့ ဇာတ်လမ်းက ဒီမှာတင် အဆုံးမသတ်သေးဘဲ  တစ်နေ့မှာ ပြန်ဆုံဖို့ အကြောင်းဖန်လာခဲ့ပါတယ်။ ရိုးရိုးရှင်းရှင်း အချစ်ဇာတ်လမ်းလေးဆိုပေမဲ့ နာမည်ကြီး မင်းသား မင်းသမီးတွေ ရွေးချယ်ရိုက်ကူးထားတဲ့ ဇာတ်လမ်းဖြစ်တာကြောင့် ရုပ်ရှင်ကြည့်ပရိသတ်ကြီးတို့ စိတ်ပျက်ရမှာ မဟုတ်တာတော့ သေချာပါတယ်။ သူတို့နှစ်ယောက်ရဲ့ အချစ်ဇာတ်လမ်းလေးရဲ့ အဆုံးသတ်ကို သိချင်ရင်တော့ အခုပဲ ကြည့်ရှုဖို့ တိုက်တွန်းချင်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့  Lai Laii ပဲ ဖြစ်ပါတယ်။) File Size : 2.09GB/ 850MB Quality : BluRay 1080p 5.1CH/ 720p Format…mp4 Duration…02:02:50 Genre : Romance, Life, Drama, Melodrama Subtitle : Myanmar Subtitle (Hard Sub) Translated by Lai Laii Encoded by Tiff