Patrick Fugit ပါဝင်သော ဇာတ်ကားများ

Love & Death (2023) Completed Limited Series ~ IMDb - 7.8/10, Rotten Tomatoes - 60% ~ (အချို့သော အခန်းတွေက အနည်းငယ်ကြမ်းလို့ မိသားစုနဲ့အတူ ကြည့်ရှူဖို့ မသင့်တော်ပါဘူး) ကြက်‌သွေးရောင်စုန်းမ တဖြစ်လဲ ဝန်ဒါ ဆိုတဲ့ အဗန်ဂျာဇာတ်ကောင်အနေနဲ့ လူသိများကြတဲ့ မင်းသမီး အဲလိဇဘက်အိုဆန်ရဲ့ စီးရီးအသစ်ထွက်လာပါပြီ။ ဒီစီးရီးဟာ ဖြစ်ရပ်မှန်ပေါ်အခြေခံပြီး ဒရာမာပြန်ခင်း ရိုက်ထားတာပဲဖြစ်ပါတယ်။ ၁၉၈၀ တုန်းက လူတစ်ယောက်ကို ပုဆိန်နဲ့ ရက်ရက်စက်စက်သတ်လိုက်တဲ့ နာမည်ကျော်မှုခင်းအကြောင်းကို အခြေခံထားတာပါ။ ပုဆိန်နဲ့ အချက်ပေါင်း ၄၁ ချက်တိတိ ခုတ်သတ်ခဲ့‌လို့ ပုဆိန်လူသတ်သမ ဆိုပြီးတော့တောင် အမေရိကန်ရဲ့မှုခင်းသမိုင်းမှာ နာမည်ကျော်ခဲ့တဲ့ Candy Montgomery ရဲ့အကြောင်းပေါ့။ ကန်ဒီ့မှာ ပတ်ဆိုတဲ့ ရိုးရိုးအေးအေးယောကျ်ားတစ်ယောက်ရှိပြီ ကလေးတွေနဲ့အတူ အိမ်ထောင်ရေးကို ပျင်းရိစရာ ဖြတ်သန်းနေပါတယ်။ အဲဒီမြို့လေးမှာ သူ့လိုပဲ ပျင်းရိစရာ အိမ်ထောင်ရှင်ယောကျ်ားတစ်ယောက်ရှိနေပြန်ပါရော။ တစ်နေ့မှာတော့ သူတို့နှစ်ယောက်ဟာ ဖောက်ပြန်ဖို့ တိုင်ပင်ဖြစ်ကြပါတော့တယ်။ ဒါပေမဲ့ အိမ်ထောင်ရေးကိုမထိခိုက်ကြေး ခံစားချက်တွေမပါကြေး စသဖြင့် စည်းကမ်းတွေနဲ့ စတင်လာခဲ့ပါတော့တယ်... ဒါပေမဲ့ ဘာတွေဘယ်လိုဆက်ဖြစ်လာပြီး နောက်ဆုံးမှာ ခံစားချက်တွေ ဘယ်လို ဖောက်ပြန်လာကြပြီး လူသတ်ပွဲတွေဖြစ်လာမလဲဆိုတာကိုတော့ တစ်ပတ် တစ်ပိုင်း ဆက်စောင့်ကြည့်ကြရအောင်... (ဒီစီးရီးကို အညွှန်းရေးသား ဘာသာပြန်ပေးသူကတော့ Mr. Anderson ပဲဖြစ်ပါတယ်) Size ~ 650MB+ Total - 7 Episodes Quality – 1080p Duration ~ 57min (@Episode) Subtitle – Myanmar Hardsub Format – Mp4 Genre : Biography, Crime, Drama Source : HMAX.Web-dl.1080p Translator – Mr. Anderson Encoder – Y

၁၉၂၀ ပြည့်နှစ်တွေ နှောင်းပိုင်း၊ ဟောလိဝုဒ်မှာ အသံတိတ်ရုပ်ရှင်ကနေ အသံထွက်ရုပ်ရှင်ဆီ ကူးပြောင်းနေချိန်ကို Babylon က ဇာတ်အိမ်တည်ထားပါတယ်။ ရုပ်ရှင်လောက ပြောင်းလဲလာတာနဲ့အမျှ အောင်မြင်သူတွေ ရှိသလို ကျရှုံးသွားသူတွေလည်း ရှိလာတယ်။ သရုပ်ဆောင်တွေနဲ့ ရုပ်ရှင်လောကသားတွေရဲ့ အိပ်မက်တွေ၊ အလုပ်အကိုင်နဲ့ ဘဝအကူးအပြောင်းတွေကို ဟောလိဝုဒ်ရွှေခေတ်ရဲ့ နောက်ခံနဲ့ တွဲဖော်ပြထားတာပါ။ La La Land ဒါရိုက်တာ Damien Chazelle ရိုက်ကူးထားပြီး Brad Pitt၊ Margot Robbie၊ Tobey Maguire တို့နဲ့အတူ အဲဒီအချိန်က လူသိနည်းသေးတဲ့ Diego Calva လည်း အဓိကပါဝင်ထားပါတယ်။ ဝါရင့်သရုပ်ဆောင် Jean Smart ကိုလည်း တွေ့ရမှာပါ။ အော်စကာဆုအတွက် မူရင်းနောက်ခံတေးဂီတ၊ ထုတ်လုပ်မှုဒီဇိုင်းနဲ့ ဝတ်စုံဒီဇိုင်းဆိုတဲ့ ကဏ္ဍသုံးခုမှာ ဆန်ခါတင်ဝင်ထားပါတယ်။ ဟောလိဝုဒ်ရဲ့ ခမ်းနားမှုကို ပြထားသလို အဲဒီအလှအပနောက်က အပုပ်အစပ်တွေကိုလည်း ထည့်ဖော်ထားတယ်။ တင်ဆက်ပုံမှာ သရော်ဟာသနဲ့ အလွန်အကျူးပုံဖော်မှုတွေ ပါပြီး ဒရာမာဘက်ကိုလည်း အလေးပေးထားပါတယ်။ မူရင်းအညွှန်းက ဟောလိဝုဒ်ကို ပုံဖော်ပုံအား Once Upon A Time In Hollywood နဲ့ နှိုင်းယှဉ်ထားသလို ဒရာမာပိုင်းမှာ Citizen Kane ရဲ့ အငွေ့အသက်တွေ ရှိတယ်လို့လည်း သုံးသပ်ထားပါတယ်။ သရုပ်ဆောင်ပိုင်းမှာ Brad Pitt နဲ့ Margot Robbie တို့ကို မြင်နေကျဟန်နဲ့ ဆက်စပ်မြင်နိုင်ပေမယ့် Tobey Maguire ကတော့ ပုံမှန်တွေ့နေကျနဲ့ ကွဲပြားတဲ့ ဇာတ်ရုပ်မျိုး ပါဝင်ထားတယ်လို့ မူရင်းက ဆိုထားပါတယ်။ Diego Calva ရဲ့ ဇာတ်ရုပ်နဲ့လိုက်ဖက်မှု၊ နာမည်ကြီးသရုပ်ဆောင်တွေကြားမှာ သူ့နေရာကို ထိန်းထားနိုင်မှုကိုလည်း ဖော်ပြထားပါတယ်။ ရုပ်ရှင်သမိုင်းကို ပြန်လည်ဂုဏ်ပြုတဲ့ အကိုးအကားတွေလည်း ပါဝင်တယ်။ ကူးဘရစ်၊ အင်ဂမာဘာ့ခ်မန်းနဲ့ ချာလီချက်ပလင်တို့ရဲ့ လက်ရာတွေကနေ Singing in the Rain၊ The Wizard of Oz၊ A Trip to the Moon နဲ့ ဘူတာရုံကို ရထားဝင်လာတဲ့ ရုပ်ရှင်အထိ ထည့်သွင်းရည်ညွှန်းထားပါတယ်။ အဲဒီထဲက လက်ရာအများစုဟာ ဇာတ်အိမ်တည်ထားတဲ့ခေတ်ထက် နောက်ကျမှ ထွက်လာတာဖြစ်ပေမယ့် ရုပ်ရှင်ရဲ့ အဆင့်ဆင့်ပြောင်းလဲလာမှုကို ပြန်ကြည့်တဲ့သဘောနဲ့ ပါလာတာပါ။ ဇာတ်ကောင်တွေက စိတ်ကူးယဉ်ဖန်တီးထားသူတွေဖြစ်ပေမယ့် တကယ်ရှိခဲ့တဲ့ ရုပ်ရှင်လောကသားတွေကို အခြေခံထားပါတယ်။ Brad Pitt ရဲ့ဇာတ်ကောင်ကို အဲဒီခေတ်က မင်းသား John Gilbert အပေါ် အခြေခံထားပြီး Margot Robbie သရုပ်ဆောင်တဲ့ နယ်လီကိုတော့ Clara Bow နဲ့ ဆက်စပ်ဖန်တီးထားတာပါ။ သုံးနာရီခန့်ကြာတဲ့ ဇာတ်ကားထဲမှာ ဟာသနဲ့ ဒရာမာကို တွဲတင်ဆက်ထားပြီး လူကြီးအကြောင်းအရာတွေလည်း ပါဝင်ပါတယ်။

အချိန်ကာလကတော့ ၁၉၆၉ ခုနှစ် ..... ဇူလိုင်လ ၁၆ရက် ၁၃:၃၂နာရီ ခန့်ပေါ့............ စိတ်ကူးယဉ်ခဲ့ရတဲ့ လမင်းကြီးဆီကို သမိုင်းရဲ့ ပထမဆုံးအနေနဲ့ ကျွန်တော် ထွက်ခွာသွားရတော့မှာ .... အောင်မြင်မှာလား ကျရှုံးမှာလား.. ...ကျွန်တော် ဆက်မတွေးတော့ပါဘူး....... ဆုံးသွားတဲ့ ကျွန်တော့်ရဲ့သမီးလေးကို ဝမ်းနည်းစွာ သတိရနေတာလား.... .... ကျွန်တော့်ထက်အရင် လကမ္ဘာကိုသွားရောက်ဖို့ ကြိုးစားခဲ့တဲ့ သူငယ်ချင်းတွေရော.. . ကောင်းမွန်တဲ့ဘုံဘဝမှာ ပျော်ရွှင်ကျေနပ်နေပြီလား..... ဒါမှမဟုတ် ကျွန်တော်ပဲ ဒီအခန်းကျဉ်းလေးထဲမှာ စက်နှိုးမဲ့အချိန်ကို စောင့်စားရင်း ခြောက်ခြားနေမိတာလား ... . ကျွန်တော်တို့ရဲ့ အမြင်အာရုံကလဲ အကန့်အသတ်နဲ့ပဲမြင်နေရတယ် လက်တစ်ဝါးသာသာလောက် မှန်ပြတင်းလေးကနေ ကောင်းကင်ကြီးကို မျှော်ကြည့်ရင်း ကမ္ဘာလောကကြီးကို နှုတ်ဆက်ထွက်ခွာရတော့မယ် ကျွန်တော်ချစ်ခင်တဲ့ မိသားစုလေးကတော့ ကမ္ဘာမြေပေါ်က အိမ်လေးထဲမှာ ကျန်နေခဲ့မှာလေ ဘယ်သူမှ မရှိတဲ့ လကမ္ဘာပေါ်မှာ ကျွန်တော်တို့ အထီးကျန်နေမှာလား ပြီးတော့ ကမ္ဘာမြေပေါ် ပြန်မရောက်လာနိုင်ခဲ့ရင်ရော....... အဲ့လိုတွေးနေရင်းနဲ့ပဲ......ခရီးစဉ်ထွက်ခွာဖို့အတွက် တဆယ်.....ကိုး....ရှစ်......ဆိုပြီး... .အချိန်မှတ်နေတဲ့အသံကို မိုက်ခရိုဖုန်းထဲကနေ ကြားလိုက်ရတယ်...... အတိတ်ကိုတွေးပြီး လွမ်းဆွေးနေလို့ မဖြစ်တဲ့အချိန်ကို ရောက်နေပြီလေ..... အာရုံကိုစုစည်းပြီး....လက်ရှိပစ္စုပ္ပန်ကိုပဲ ရင်ဆိုင်ဖြေရှင်းမှ ကျွန်တော်တို့ အသက်ရှင်နိုင်မှာပေါ့..... သူ့နာမည်က နေးလ် အမ်းစထရောင်း...တဲ့ ၁၉၃၀ ဩဂုတ်လ ၅ရက်နေ့မှာ အမေရိကန်နိုင်ငံ အိုဟိုင်းယိုးပြည်နယ်.. ဝါပါကိုနီတာမြို့မှာ မွေးဖွားခဲ့ပါတယ် လူသားတို့ရဲ့သမိုင်းမှာပထမဦးဆုံးသော လကမ္ဘာပေါ် ခြေချနိုင်ခဲ့သူလဲ ဖြစ်တယ် အဲ့အချိန်ကာလတုန်းက သိပ္ပံပညာရှင်တွေဟာအာကာသအကြောင်းကို အများကြီး သိပ်မသိကြသေးပါဘူး.... လေထဲပျံသန်းတဲ့ နည်းစနစ်ကိုလည်း သူတို့ခေတ်ကာလကနေ တွက်ကြည့်ရင် လွန်ခဲ့တဲ့ နှစ်ပေါင်း ၆၀ကျော်ခန့်ကမှ စတင်သိရှိခဲ့ကြတာပါ အမေရိကန်ဟာ ဆိုဗီယက်နိုင်ငံကို အနိုင်ရချင်တဲ့ဇောနဲ့သာ အချိန်တိုလေးအတွင်းမှာ ထွက်ခွာနိုင်ဖို့ ပြင်ဆင်ခဲ့ကြပေမယ့် အရမ်းလွယ်ကူတဲ့ အရာမျိုးတော့ မဟုတ်ခဲ့ပါဘူး လကမ္ဘာပေါ်ခြေချနိုင်ဖို့ ပေးဆပ်ခဲ့ရတဲ့ တန်ကြေးတွေလည်း မနည်းခဲ့ပါဘူး ငွေကြေးတစ်ခုတည်းတင် မကဘဲ အာကာသယာဉ်မှူးများစွာရဲ့အသက်တွေကိုလည်း စတေးခဲ့ကြရပါတယ် နိုင်ငံရေးအရ အဆင်မပြေခဲ့တာတွေလဲ ရှိခဲ့ပါသေးတယ် အောင်မြင်တော့မှသာ ဝိုင်းဝန်းလက်ခုပ်တီးခဲ့ကြတာဖြစ်ပြီး မအောင်မြင်ခင်မှာတော့ အဓိပ္ပါယ်မရှိဘူးလို့ လက်ညှိုးထိုးခံခဲ့ရတဲ့ ကိစ္စတစ်ခုပါ.... သူဟာ အဖက်ဖက်က ထိုးနှက်တိုက်ခိုက်တာတွေကို နာကျည်းစရာလို့မမြင်ဘဲ ခွန်အားအဖြစ်ပြောင်းလဲ အသုံးပြုခဲ့တဲ့သူတစ်ယောက်ပါပဲ ပြီးတော့နောက်တစ်ချက်က " အောင်မြင်တဲ့ ယောကျာ်းတစ်ယောက်ရဲ့ နောက်ကွယ်မှာ ထက်မြတ်တဲ့မိန်းမတစ်ယောက် ရှိတယ်"ဆိုတဲ့စကားအတိုင်းပဲ သူ့ရဲ့အမျိုးသမီးကလည်း အကောင်းဆုံးသော ပါရမီဖြည့်ဖက်တစ်ယောက်ဖြစ်ခဲ့ပါတယ် ကိုယ့်ယောကျာ်းအပေါ်ကို နားလည်မှု အပေးနိုင်ဆုံး မိန်းမတစ်ယောက်အဖြစ် ဒီရုပ်ရှင်လေးမှာ မြင်ရမှာပါ..... အနှစ်ချုပ်ပြောရရင်တော့ First Man ဇာတ်ကားဟာ IMDB 7.3ရရှိထားပြီး အနှစ်သာရပြည့်ဝတဲ့ လကမ္ဘာပေါ် ပထမဆုံးခြေချခဲ့သူ "နေးလ် အမ်းစထရောင်း"ရဲ့အတ္ထုပ္ပတ္တိကို ပြန်လည်ရိုက်ကူးထားတဲ့ ရုံတင်ဇာတ်ကားကောင်းလေးတစ်ကားပဲဖြစ်ပါတယ် (ဒီဇာတ်ကားနဲ့အညွှန်းကို Mg King မှရင်နဲ့ခံစားပြီး ဘာသာပြန်ပေးထားပါတယ်...) File Size : (1.2 GB) Quality : BluRay 720p Running Time :2hr 21min Format : Mp4 Genre : Biography , Drama , History Subtitle : Myanmar Subtitle (Hard Sub) Translated by Mg King Encoded by Moe Myint Lwin

နစ်ဒန်းအတွက် အဲဒီနေ့ဟာ သာမန်မနက်ခင်းတစ်ခုလိုပဲ စခဲ့ပါတယ်။ အိမ်ရှေ့မှာ အမှိုက်ပုံးထုတ်ထားပြီး သူ့ညီမနဲ့အတူ ဖွင့်ထားတဲ့ The Bar ဆီ သွားတယ်။ အဲဒီနေ့က သူနဲ့ဇနီးအေမီတို့ရဲ့ ငါးနှစ်ပြည့် မင်္ဂလာနှစ်ပတ်လည်နေ့ပါ။ အေမီက ပဟေဠိတွေဖြေပြီး လိုက်ရှာမှရမယ့် လက်ဆောင်တစ်ခု ပြင်ဆင်ထားတဲ့အကြောင်း ညီမနဲ့ စကားပြောပြီး နစ် အိမ်ပြန်လာခဲ့ပါတယ်။ အိမ်ထဲရောက်တော့ တိတ်ဆိတ်နေပြီး ဧည့်ခန်းက မှန်စားပွဲဟာ ကွဲလျက် လဲနေတယ်။ ကျန်တဲ့နေရာတွေက သပ်သပ်ရပ်ရပ်ရှိပေမယ့် တစ်အိမ်လုံး လိုက်ရှာတာတောင် အေမီကို မတွေ့ပါဘူး။ နစ်က ရဲကို အကြောင်းကြားလိုက်ပြီး စုံထောက်အမျိုးသမီးတစ်ယောက်နဲ့ သူ့တွဲဖက်တို့ ရောက်လာကြပါတယ်။ သွေးစ၊ မှန်ကွဲစတွေနဲ့ တိုက်လက်စမီးပူ၊ အဝတ်အစားတွေကို စစ်ဆေးရင်း အေမီပျောက်ဆုံးမှုကို စတင်စုံစမ်းကြတော့တယ်။ နစ်ကတော့ အစပိုင်းမှာ အခြေအနေကို ပေါ့ပေါ့ပါးပါးပဲ သဘောထားနေသေးတယ်။ ရဲစခန်းမှာတောင် Law & Order ထဲက ဇာတ်ဝင်ခန်းနဲ့တူတယ်ဆိုပြီး နောက်ပြောင်လိုက်သေးတာပါ။ ဒါပေမယ့် အေမီမှာ သူငယ်ချင်းဘယ်နှစ်ယောက်ရှိလဲ၊ နေ့တိုင်း ဘာလုပ်လဲ၊ သွေးအုပ်စုက ဘာလဲဆိုတဲ့ မေးခွန်းတွေကို သူမဖြေနိုင်ပါဘူး။ ဇနီးပျောက်နေတဲ့အကြောင်း ယောက္ခမတွေကိုတောင် အကြောင်းမကြားရသေးလို့ ရဲစခန်းရောက်မှ ဖုန်းခေါ်ပြောဖြစ်ပါတယ်။ နောက်တစ်နေ့မှာ သတင်းစာရှင်းလင်းပွဲ လုပ်ရမယ်ဆိုတော့ အမှုက ဒီလောက်အထိ ကြီးသွားမယ်လို့ မထင်ထားတဲ့ နစ် အံ့ဩသွားတယ်။ အဲဒီအချိန် ရဲစခန်းအပြင်မှာ အသံကြားလို့ ထွက်ကြည့်ရာက သူငယ်ပြန်နေတဲ့ သူ့အဖေကို တွေ့ပြီး အိမ်လိုက်ပို့ပေးခဲ့ရပါသေးတယ်။ အဲဒီနောက် အေမီရဲ့ အဝတ်ဗီရိုခန်းထဲမှာ သဲလွန်စနံပါတ်တစ်ဆိုတဲ့ စာကို နစ် တွေ့လာတယ်။ ပဟေဠိကို ဖြေကြည့်တော့ သူ့ကျောင်းက ရုံးခန်းကို ညွှန်နေပြီး အဲဒီမှာ လိုက်ရှာရာက ဖိုင်တွေကြားထဲမှာ အနီရောင် အမျိုးသမီးအတွင်းခံတစ်ထည်ကို တွေ့ရပါတယ်။ အဲဒီကနေ နောက်ထပ်သဲလွန်စတွေ တစ်ခုပြီးတစ်ခု ဆက်ပေါ်လာတယ်။ ရဲဘက်က စုံစမ်းမှုတွေ ဆက်လုပ်နေသလို အေမီချန်ခဲ့တဲ့ ပဟေဠိတွေကလည်း နစ်ကို နောက်တစ်နေရာဆီ ခေါ်သွားနေပါတယ်။ အေမီရဲ့ နာကျင်မှုနဲ့ ကြောက်ရွံ့မှုတွေ တဖြည်းဖြည်း ပေါ်လာချိန်မှာ လိမ်ညာခံနေရတာ အေမီလား၊ လိမ်ညာနေတာကပဲ အေမီလားဆိုတာ မေးခွန်းဖြစ်လာတယ်။ အေမီက နစ်ကို ချစ်သေးလား၊ နစ်ကရော အေမီကို ချစ်သလားဆိုတာလည်း မေးစရာကျန်နေပါတယ်။

IMDb 7.1 ရရှိထားတဲ့ဇာတ်ကားကောင်းလေးနဲ့မိတ်ဆက်ပေးပါရစေ စွန့်စားရမယ့်ကိစ္စမျိုးတွေကိုမှ ခုံမင်နှစ်သက်သူ စာရေးဆရာ Benjamin Mee ရဲ့ ကိုယ်တွေ့မှတ်တမ်းစာအုပ်ကို မှီငြမ်းပြီးရိုက်ကူးထားတဲ့ "We bought a zoo" ဆိုတဲ့ ကားလေးနဲ့ မိတ်ဆက်ပေးပါရစေ။ ဇာတ်လမ်းအကျဉ်းအနေနဲ့ကတော့ စွန့်စားခန်းတွေကိုမှ ကြိုက်နှစ်သက်တဲ့ ဖခင်ဖြစ်သူတစ်ယောက်၊ သူမမျှော်လင့်ထားဘဲ ဇနီးဖြစ်သူရုတ်တရက် ကွယ်လွန်သွားတဲ့အခါ ကလေး ၂ ယောက်နဲ့ ဗျာများပြီး ကျန်ခဲ့ရတဲ့ အကြောင်းပဲဖြစ်ပါတယ်။ ဇနီးဖြစ်သူရှိစဉ်က အိမ်ကိစ္စအဝဝကို လှည့်ကြည့်စရာမလိုလောက်အောင် နေခဲ့ရတဲ့ Benjamin တစ်ယောက် ဇနီးဖြစ်သူဆုံးပါးသွားတဲ့အခါမှာတော့ အဆင်မပြေမှုပေါင်းများစွာနဲ့ ကြုံလာရပါတော့တယ်။ အဆိုးဆုံးကိစ္စကတော့ သားကြီးဖြစ်သူ Dylan က ကျောင်းစည်းကမ်းချိုးဖောက်မှုအပါအဝင် စိတ္တဇပုံတွေ ရေးဆွဲနေလိ့ု ကျောင်းကနေ အထုတ်ခံလိုက်ရတာပဲ ဖြစ်ပါတယ်။ သားအဖနှစ်ယောက်ကြားမှာ ခါတိုင်းလို စေ့စပ်ညှိုနှိုင်းပေးနေကြ မိခင်ဖြစ်သူ မရှိတော့တာကြောင့်လည်း Dylan တို့နှစ်ယောက်က မကြာခဏဆိုသလို ကတောက်ကဆဖြစ်နေကြပါတယ်။ သမီးအငယ်လေး Rosie ကတော့ ဒီလိုတကျက်ကျက်ဖြစ်နေတဲ့ သားအဖနှစ်ယောက်ကြားမှာနေ နေရတဲ့သူလေး ဖြစ်ပါတယ်။ သားဖြစ်သူကျောင်းကထုတ်ခဲ့လိုက်ရတဲ့ကိစ္စအပြင် ဘယ်နေရာကိုပဲ ရောက်ရောက် ဘဝတစ်ပါးကို ကူးပြောင်းသွားတဲ့ ဇနီးသည်ကိုပဲ တသသဖြစ်နေတာကြောင့် စိတ်အပြောင်းအလဲဖြစ်သွားအောင် အိမ်ပြောင်းဖို့ စီစဉ်ကြပါတော့တယ်။ ဒီလိုစီစဉ်ကြရင်း သမီးဖြစ်သူ Rosie ရဲ့ ရွေးချယ်မှုနဲ့ တိရစ္ဆာန်ရုံပါ အဆစ်ပါလာတဲ့ အိမ်ကို ဝယ်မိလိုက်တဲ့အခါမှာတော့ စွန့်စားရတာကြိုက်တဲ့ Benjamin တစ်ယောက် စွန့်စားခန်းပေါင်းများစွာနဲ့ ကြုံလာရပါတော့တယ်။ Translated & Review By Megumi Encoded By LK

A recently widowed detective still grieving over his wife's death discovers a shocking connection between himself and the suspects in a serial killing spree linked to the Four Horsemen of the Apocalypse.

ဒယ်ရန်နဲ့ စတိဗ်က ငယ်သူငယ်ချင်းတွေဖြစ်ပေမယ့် နေထိုင်ပုံရော ဝါသနာပါရာပါ မတူကြပါဘူး။ ဒယ်ရန်က မိဘစကားနားထောင်ပြီး ကျောင်းစာမှာလည်း ထူးချွန်တဲ့ ကောင်လေးပါ။ စတိဗ်ကတော့ မိဘမေတ္တာငတ်နေပြီး ခပ်ဆိုးဆိုးနေတတ်သူတစ်ယောက် ဖြစ်ပါတယ်။ ဒယ်ရန်က ပင့်ကူတွေကို စွဲလမ်းသလောက် စတိဗ်က ဗန်ပိုင်းယားတွေအကြောင်း အလွန်စိတ်ဝင်စားပါတယ်။ တစ်နေ့ သူတို့မြို့ကို နှစ်ငါးရာသက်တမ်းရှိတဲ့ လူထူးဆန်းတွေရဲ့ ဆပ်ကပ်အဖွဲ့ ရောက်လာတော့ နှစ်ယောက်သား စိတ်ဝင်တစား သွားကြည့်ကြတယ်။ အဲဒီဆပ်ကပ်အဖွဲ့ထဲမှာ ဗန်ပိုင်းယားတစ်ယောက်လည်း ပါနေပါတယ်။ ပင့်ကူတွေကို သဘောကျတဲ့ ဒယ်ရန်က အဲဒီဗန်ပိုင်းယားရဲ့ ပင့်ကူလေးကို မျက်စိကျသွားတဲ့အခါ သူတို့ရဲ့ ဆပ်ကပ်ကြည့်ခရီးကနေ ဘာတွေ ဆက်ဖြစ်လာမလဲ။

Wristcutters: A Love Story (2007) သေဆုံးပြီးနောက် ဘယ်ကိုရောက်သွားသလဲဆိုတဲ့ မေးခွန်းဟာ ဘာသာတရား၊ ယုံကြည်မှုနဲ့ ဒဿနအမြင်ပေါ်မူတည်ပြီး အဖြေကွဲပြားပါတယ်။ ဗုဒ္ဓဘာသာအရ လူတစ်ယောက်သေဆုံးရင် သူ့ရဲ့ကံကြောင့် ဘဝသံသရာထဲမှာ ပြန်လည်မွေးဖွားလာပြီး နတ်ဘုံ၊ လူ့ဘုံ၊ ငရဲဘုံစတဲ့ ဘဝတစ်ခုခုမှာ ရောက်ရှိတတ်ပါတယ်။ ခရစ်ယာန်ဘာသာမှာတော့ ယုံကြည်သူတွေဟာ ကောင်းကင်ဘုံ သို့မဟုတ် ငရဲသို့ ရောက်ရှိတယ်လို့ ယူဆပါတယ်။ အချို့ယုံကြည်မှုတွေမှာတော့ သေပြီးနောက် ဝိညာဉ်ဟာ အဆုံးမရှိတဲ့ အနားယူရာနေရာ ဒါမှမဟုတ် စကြဝဠာနဲ့ တစ်သားတည်းဖြစ်သွားတယ်လို့ ယူဆကြပါတယ်။ ကိုယ့်ကိုယ်ကိုယ် သေကြောင်းကြံစည်ခြင်းနဲ့ ပတ်သက်လာရင်တော့ ဘာသာတရားအများစုက ဒါဟာ ကောင်းတဲ့လုပ်ရပ် မဟုတ်ဘူးလို့ ယူဆပါတယ်။ ဒီလိုပါပဲ။ ဒီဇာတ်ကားလေးမှာတော့ အဲဒီအယူအဆတွေနဲ့ကွဲပြားနေပြီး လူတစ်ယောက်က ကိုယ်တိုင်သေကြောင်းကြံစည်လိုက်တဲ့အခါ ဘုံတစ်ခု ရောက်သွားတာပါ။ ဇီယာဆိုတဲ့ကောင်လေးက သူ့ကောင်မလေးနဲ့လမ်းခွဲပြီး ကိုယ့်ကိုယ်ကိုယ်အဆုံးစီရင်လိုက်ပြီးတဲ့နောက်မှာ သေကြောင်းကြံစည်သူတွေချည်း နေထိုင်တဲ့ ထူးဆန်းတဲ့ ဘဝတစ်ခုမှာ နိုးထလာပါတယ်။ အဲဒီဘဝမှာ လူတွေက ပြုံးရယ်တာမျိုးမရှိဘဲ သူ့အလုပ်သူလုပ်ပြီး ရှင်သန်ရတာပါ။ အသက်ရှင်စဥ်မှာ ကိုယ့်ကိုယ်ကိုယ် အသုံးမဝင်တော့ဘူးလို့ ခံစားရတဲ့ဇီယာတစ်ယောက် သေဆုံးပြီးချိန်မှာလည်း ရောက်သွားတဲ့ဘုံမှာ သူဘာအတွက်ရှင်သန်မှာလဲဆိုတာ အဖြေရှာကြည့်ရင်း သူကြုံ့တွေ့လာရမယ့်အဖြစ်အပျက်တွေကို ကြည့်ရှုလိုက်ကြရအောင်။ ကိုယ့်ကိုယ်ကိုယ်သတ်သေခြင်းဟာ မကောင်းတဲ့ကံကို ဖြစ်ပေါ်စေပြီး နောက်ဘဝမှာ ဆိုးရွားတဲ့အကျိုးဆက်တွေနဲ့ ရင်ဆိုင်ရနိုင်တယ်လို့ ဆိုပါတယ်။ ဒါပေမယ့် ဘဝရဲ့အခက်အခဲတွေကို ကျော်လွှားဖို့ အကူအညီရယူခြင်းဟာ ပိုမိုကောင်းမွန်တဲ့ ရွေးချယ်မှုဖြစ်ပြီး စိတ်ပိုင်းဆိုင်ရာ အကူအညီတွေ၊ မိသားစုနဲ့ သူငယ်ချင်းတွေရဲ့ ပံ့ပိုးမှုတွေက ဒီလိုအခြေအနေတွေကို ရင်ဆိုင်ဖို့ အင်အားပေးနိုင်ပါတယ်။ ဘဝဟာ အဖိုးတန်တဲ့အရာဖြစ်ပြီး ဘယ်လိုအခက်အခဲပဲရှိရှိ အသက်ရှင်နေထိုင်ဖို့ အကြောင်းတစ်ခုခုတော့ အမြဲရှိနေတတ်ပါတယ်။ (ဇာတ်လမ်းအညွှန်းကိုတော့ ZWTက ရေးသားထားပါတယ်) File Size - 2.78 GB/ 1.37 GB Quality - WEB-DL 1080p/ 720p Duration - 1h 28m Format - mp4 Genre - Comedy, Drama, Fantasy, Romance Subtitle - Myanmar Subtitle (Hard Sub) Translated by - ZWT Encoded by - Treasure Htet

IMDb Rating – 6.7/10 ဇာတ်လမ်းအညွှန်း ဆယ်ကျော်သက်အရွယ် မေရီက အမေရိကန်အီးဂဲလ်ခရစ်ယာန်အထက်တန်းကျောင်းမှာ တက်ရောက်နေပြီးတော့ ယုံကြည်သက်ဝင်သူတစ်ဦး ဖြစ်ပါတယ်။ တစ်နေ့မှာတော့ သူမနဲ့ သူမရဲ့ ရည်းစား ဒင်းတို့ ရေတူတူကူးနေတဲ့အချိန် သူမရဲ့ရည်းစားက သူ့ကိုယ်သူ ဂေးနေတယ်လို့ ထင်ကြောင်း ဝန်ခံလာပါတော့တယ်။ အထိတ်တလန့်နဲ့ မေရီက ခေါင်းဆောင့်မိပြီး ဘုရားသခင်ကို မြင်လိုက်တဲ့အပြင် ဘုရားသခင်က ဒင်းကိုကူညီပေးဖို့ သူ့ကိုပြောလိုက်တယ်လို့ ထင်လာပါတော့တယ်။ ဘုရားသခင်က သူမကို ခွင့်လွှတ်ပေးလိမ့်မယ်လို့ ယုံကြည်ပြီး ဒင်းကို ကူညီဖို့အတွက် သူမရဲ့ အပျိုစင်ဘဝကို ပေးအပ်လိုက်ပါတော့တယ်။ ကံမကောင်းအကြောင်းမလှစွာနဲ့ သူမကိုယ်ဝန်ရှိလာတဲ့အခါ ဘာသာရေးကို ယုံကြည်သက်ဝင်သူအသိုင်းအဝိုင်းအကြား သူမဘယ်လိုရုန်းကန်မလဲ။ သူမသူငယ်ချင်းတွေကရော သူမအပေါ် ဘယ်လိုမြင်ကြမလဲ။ သူမသူငယ်ချင်းတွေထဲ ဘယ်သူတွေက သူမကို ကူညီမလဲ။ ဘယ်သူတွေက သူမကို ဝိုင်းပယ်လိုက်မလဲ ဆိုတာကို ပေါ့ပေါ့ပါးပါးနဲ့ ဆက်လက်ကြည့်ရှုရမှာပဲ ဖြစ်ပါတယ်။ ဇာတ်လမ်းအမျိုးအစားကတော့ Comedy အမျိုးအစားဖြစ်ပါတယ်။ ဇာတ်လမ်းထဲမှာ မေရီအဖြစ် Jena Malone၊ မေရီရဲ့ သူငယ်ချင်း ဟယ်လာရီအဖြစ် Mandy Moore နဲ့ Home Alone ရဲ့ အဓိကဇာတ်ဆောင် ဖြစ်တဲ့ Macaulay Culkin က ဟယ်လာရီရဲ့ အစ်ကို ရိုလန်အဖြစ် သရုပ်ဆောင်ထားပါတယ်။ အညွှန်းရေးသားသူနဲ့ ဘာသာပြန်သူကတော့ nway oo k zaw ဖြစ်ပါတယ်။

၁၉၇၃ ခုနှစ်ဝန်းကျင်မှာ မိခင်ရဲ့ထိန်းချုပ်မှုအောက်မှာပဲ နေခဲ့ရတဲ့ ဆယ်ကျော်သက်ကောင်လေး ဝီလီယမ်မင့်လားဟာ သူ့ရဲ့စာရေးပါရမီကြောင့် မဂ္ဂဇင်းတိုက်တစ်တိုက်ကနေ သတင်းစာဆရာအဖြစ် ကမ်းလှမ်းတာကို ခံရပါတယ်။ ရေးရမယ့်ဆောင်းပါးအတွက် အင်တာဗျူးလုပ်ဖို့ စတေးဝါးတားဆိုတဲ့ ရော့ခ်ဂီတအဖွဲ့နောက်ကို သူလိုက်သွားခဲ့တယ်။ ကမ္ဘာလှည့်ဖျော်ဖြေနေတဲ့ အဖွဲ့နဲ့အတူ ခရီးသွားရင်း ဝီလီယမ်ဟာ အရင်က မကြုံဖူးတဲ့ ရော့ခ်ဂီတလောကထဲ ရောက်လာပါတယ်။ အောင်မြင်ကျော်ကြားမှုကို အရာရာထက် အလေးထားကြတဲ့ လောကမှာ လူတွေအကြောင်းကိုလည်း တဖြည်းဖြည်း သိလာရတယ်။ ဒီခရီးတစ်လျှောက် သူ့ရဲ့စိတ်အားထက်သန်မှုတွေနဲ့အတူ လူငယ်တစ်ယောက်အနေနဲ့ ရင်ဆိုင်ရတဲ့ အခက်အခဲတွေကို ဆက်ပြထားပါတယ်။