Patrick Muldoon ပါဝင်သော ဇာတ်ကားများ

Dirty Hands (2026) +++++++++ "Dirty Hands" (၂၀၂၆) ကတော့ ဒီနှစ် ဧပြီလကုန်ပိုင်းကမှ အသစ်ထွက်ရှိထားတဲ့ အက်ရှင်၊ ရာဇဝတ်မှုနဲ့ ဒရာမာအမျိုးအစား ရုပ်ရှင်ကားကောင်းတစ်ကားပါ။ ဇာတ်လမ်းက ချီကာဂိုမြို့ရဲ့ မှောင်ခိုလောကထဲမှာ ကျင်လည်နေတဲ့ ညီအစ်ကိုနှစ်ယောက်ဖြစ်တဲ့ Richie နဲ့ Danny Denton တို့အကြောင်းပါ။ သူတို့ဟာ ဒေသခံဂိုဏ်းစတားတစ်ယောက်ဆီမှာ မူးယစ်ဆေးဝါး သယ်ယူပို့ဆောင်ရေးအလုပ် လုပ်ကိုင်နေကြသူတွေပေါ့။ ပုံမှန်အတိုင်းဆိုရင်တော့ အလုပ်က ရိုးရိုးလေးပါပဲ။ ဒါပေမဲ့ တစ်နေ့မှာတော့ သူတို့ရဲ့ ပစ္စည်းလွှဲပြောင်းမှုတစ်ခုက အကြီးအကျယ် လွဲချော်သွားပြီး မမျှော်လင့်ဘဲ အင်အားကြီးတဲ့ ရာဇဝတ်အဖွဲ့အစည်း ခေါင်းဆောင်တစ်ယောက်ရဲ့ သားဖြစ်သူ သေဆုံးသွားခဲ့ပါတယ်။ အဲဒီညမှာပဲ ညီအစ်ကိုနှစ်ယောက်ရဲ့ ဘဝက ပြောင်းပြန်လှန်သလို ဖြစ်သွားပါတယ်။ သူတို့ကိုခိုင်းတဲ့ဂိုဏ်းချုပ်ကလည်း သက်သေဖျောက်ဖို့ ကြိုးစားလာသလို၊ သားဖြစ်သူ သေဆုံးသွားတဲ့ ပြိုင်ဘက်ဂိုဏ်းကလည်း သူတို့ကို အငြိုးတေးပြီး လိုက်လံသတ်ဖြတ်ဖို့ ကြိုးစားပါတော့တယ်။ Richie ရဲ့ ချစ်သူ Sheila ကလည်း သူ့ချစ်သူနဲ့ ဂိုဏ်းချုပ်အပေါ် သစ္စာစောင့်သိမှုကြားမှာ ဘယ်ဘက်ကို ရွေးချယ်ရမလဲဆိုတာ ဗျာများခဲ့ရပါတယ်။ ဇာတ်လမ်းတစ်ခုလုံးက တစ်ညတာအတွင်းမှာပဲ ဖြစ်ပျက်တာဖြစ်ပြီး ညီအစ်ကိုနှစ်ယောက်ဟာ ရန်သူတွေ ဝိုင်းနေတဲ့ကြားကနေ ဘယ်လို ရုန်းထွက်မလဲဆိုတာကို ရင်တထိတ်ထိတ်နဲ့ ကြည့်ရမှာပါ။ Patrick Muldoon နဲ့ Kevin Interdonato တို့ရဲ့ ညီအစ်ကို သံယောဇဉ်နဲ့ ပြတ်သားတဲ့ သရုပ်ဆောင်ချက်တွေက အားရစရာ ကောင်းပါတယ်။ Denise Richards လည်း ပါဝင်ထားတာကြောင့် ဇာတ်လမ်းက ပိုပြီး စွဲဆောင်မှု ရှိပါတယ်။ ၇၀ ခုနှစ်တွေက ရာဇဝတ်ကားတွေရဲ့ ပုံစံမျိုးကို အခြေခံထားတာကြောင့် ရိုက်ချက်တွေက ကြမ်းကြမ်းတမ်းတမ်းနဲ့ ပီပြင်လှပါတယ်။ ဒီကားက "Dirty Hands" ဆိုတဲ့ နာမည်အတိုင်းပဲ ကိုယ့်လက်ကို အညစ်အကြေး အပေခံပြီး အမှားတစ်ခု လုပ်မိသွားတဲ့အခါ ပေးဆပ်ရတဲ့ တန်ဖိုးတွေကို အက်ရှင်ခန်းတွေနဲ့အတူ မြင်တွေ့ရမယ့် ဇာတ်ကားပါ။ အက်ရှင်ကား ကြမ်းကြမ်းတွေကို ကြိုက်တယ်ဆိုရင်တော့ လက်မလွတ်သင့်တဲ့ ကားတစ်ကား ဖြစ်ပါတယ်နော်။ File Size… (994MB) / (595MB) Quality… WEB-DL 1080p HEVC / 720p Format…mkv / mp4 Duration…1h 20m Genre ….Crime , Thriller Subtitle….Myanmar Subtitle (Hard Sub)

Double Scoop (2025) နှစ်ထပ်ရေခဲမုန့်ဇာတ်ကားလေးတင်ဆက်ပေးပါရစေ။ Double scoop ဆိုတာကနှစ်ထပ်ရေခဲမုန့်ကိုခေါ်တာပါ။ နှစ်ထပ်ရေခဲမုန့်ဆိုတော့ အရသာနှစ်မျိုးကိုကိုယ့်စိတ်ကြိုက်ပေါင်းပြီးစားကြည့်လို့ရတာမျိုးပါ။ အခုတင်ဆက်ပေးမဲ့ ဇာတ်ကားလေးကလဲဒီလိုအရသာမတူတဲ့လူနှစ်ယောက် ဘယ်လိုပေါင်းဖက်ပြီးလိုက်ဖက်ကြမယ်ဆိုတဲ့ အဓိပ္ပာယ်ပါပဲ။ Romance Movie လေးဖြစ်ပြီးတော့ IMDB 6.1 ရထားတာဆိုတော့ကြည့်လို့ကောင်းတဲ့အချစ်ကားလေးပါပဲ။ ဇာတ်လမ်းအကျဉ်းလေးကတော့ Toxic ဖြစ်လွန်းတဲ့ဈေးကွက်ရှာဖွေရေးကုမ္ပဏီကနေရုန်းထွက်ပြီး သူသဘောကျတဲ့ကုမ္ပဏီကို အရဲစွန့်ပြီးပြောင်းရွှေ့သွားတဲ့နိုရာဆိုတဲ့ကောင်မလေးတစ်ယောက်။ ကုမ္ပဏီအသစ်ဆိုတော့ အခက်ခဲတွေအများကြီးနဲ့ကြုံနေရာမှသူငယ်ချင်းဖြစ်သူနဲ့ စကားပြောကြရင် အရမ်းစားလို့ကောင်းတဲ့ ရေခဲမုန့်ကိုရှာတွေ့သွားပါတယ်။ ဒါနဲ့အဲဒီရေခဲမုန့်လုပ်ငန်းကိုလိုက်စုံစမ်းရာကနေရေခဲမုန့်လုပ်ငန်းအတွက် ဈေးကွက်ဖြန့်ချီပေးမဲ့သူမရှိတာကိုသတိထားမိပြီးသူတို့ကုမ္ပဏီအသစ်အတွက် ဒါဟာမျှော်လင့်ချက်ရောင်ခြည်လေးဖြစ်လာပါတယ်။ ဒါနဲ့ပဲသူမှရဲ့ဘော့စ်ဖြစ်သူက ဒီရေခဲမုန့်လုပ်တဲ့နယ်မြို့လေးကိုသွားပြီးပိုင်ရှင်တွေနဲ့စကားပြောခိုင်းခဲ့ရာ အဲ့ဒီနယ်မြို့လေးမှာပဲ Toxic ဖြစ်တဲ့ကုမ္ပဏီကသူနဲ့မတည့်တဲ့ လုပ်ဖော်ကိုင်ဖက်အဟောင်းနဲ့ဆုံကြပါတော့တယ်။ နဂိုကတည်း မတည်တဲ့သူနှစ်ယောက် အလုပ်တစ်ခုကိုအပြိုင်လုကြမယ်ဆိုရာမှ ဖြစ်ချင်တော့အဲ့ဒီရေခဲမုန့်လုပ်တဲ့လုပ်ငန်းမှာ ပြဿနာလေးတစ်ခုဖြစ်သွားတဲ့အတွက် သူတို့နှစ်ယောက် တစ်ပတ်လောက် မတည့်အတူနေဖြစ်သွားကြပါတယ်။ ဒီလိုနဲ့သူတို့နှစ်ယောက်အဲ့ဒီနယ်မြို့လေးမှာပဲ အတူတူနေကြရင်း တစ်ယောက်နဲ့တစ်ယောက် မကြိုက်တဲ့အချက်တွေ ကောင်းကွက်တွေကို ဘယ်လိုတွေသိမြင်လာကြမလဲဆိုတာတော့ဆက်လက်ကြည့်ရှုအားပေးကြပါဦး File size… 1.6 GB / 800 MB Quality…WEB DL 1080p HEVC/ 720p Format…mkv/ mp4 Duration….1h 24m Subtitle….Myanmar Subtitle (Hard Sub) Translated by B Team

Marlowe (2022) ဒီကားက Philip Marlowe ဆိုတဲ့ စုံထောက်ကြီးအကြောင်းကို ရိုက်ထားတာပါ။ သူကလည်း ရှားလော့ဟုမ်းတို့ ပယ်ရီမေဆင်တို့လောက် နာမည်မကြီးတာပဲရှိတယ် နှယ်နှယ်ရရတော့မဟုတ်တဲ့ ပုဂ္ဂိုလ်ပေါ့။ ရေမွန်ချန်ဒလာဆိုတဲ့ စာရေးဆရာကြီးက ၁၉၃၀ကျော်ကတည်းက စအသက်သွင်းခဲ့ပြီး ဝတ္တုရှည်၇အုပ်နဲ့ ဝတ္တုတိုအများအပြားထွက်ခဲ့သလို နောက်ပိုင်းတခြားစာရေးဆရာတွေကလည်း ဒီဇာတ်ကောင်ကိုသုံးပြီး အများကြီးပြန်ရေးခဲ့ကြတယ်။ ဒီစာအုပ်တွေကို ဇာတ်ကားအဖြစ်လည်း ၁၃ခါပြန်ရိုက်ခဲ့သလို နောက်ဆုံးထွက်ထားတဲ့ ဇာတ်ကားက 1978 တုန်းက The Big Sleep ပါ။ ဆိုတော့ ၄၄နှစ်ကြာပြီးမှ Marlowe ဇာတ်ကောင်ကို ထပ်အသက်သွင်းတဲ့ရုပ်ရှင်ဆို‌တော့ ထူးထူးခြားခြားပေါ့။ ခုကားကတော့ 2014 ခုနှစ်ထွက် The Black-Eyed Blonde ဝတ္ထုကို ရုပ်ရှင်အဖြစ် အသက်သွင်းထားတာပါ။ 40s ခုနှစ်တွေကို အခြေပြုထားတဲ့ ဂန္ထဝင်စတိုင် စုံထောက်ရုပ်ရှင်အမျိုးအစားဖြစ်ပါတယ်။ မင်းသားကတော့ Taken မင်းသားကြီး လီယံနီဆန်ပါပဲ။ မင်းသမီးတွေကတော့ Big Fish တို့၊ The Postman Always Rings Twice တို့က Jessica Lange နဲ့ National Treasure အပြင် Inglourious Basterds ထဲက ဂျာမန်သွေးနှောအလှလေး Diane Kruger တို့ ပါပါတယ်။ စိတ်ဝင်စားစရာ စုံထောက်ကားမို့ အားလုံးကြိုက်ကြမှာပါ။ စုံထောက်ကားကိုမှ Neo-noir ကားဆိုတော့ Neo-noir ကားတွေ ကြိုက်တဲ့လူတွေလည်း အကြိုက်တွေ့ကြမှာပါ။ စုံထောက်ကြီးမာလိုဟာ ရဲတပ်ဖွဲ့ကနေ ပြဿနာတက်ပြီး ထွက်လိုက်ရလို့ ပင်စင်မရဘဲ အလွတ်စုံထောက်လုပ်စားနေရတာပဲဖြစ်ပါတယ်။ တစ်နေ့မှာတော့ ကလဲယားဆိုတဲ့ မိန်းမလှသူဌေးမလေးတစ်ယောက်က အလုပ်အပ်လာပါတယ်။ သူ့ရဲ့အငယ်အနှောင်းချစ်သူ နီကိုပီတာဆန်ဆိုတဲ့လူ ပျောက်ဆုံးမှုပါပဲ။ အစကတော့ သူ့ကိုပလစ်သွားတဲ့ဘဲကို လိုက်ရှာပေးရုံပဲထင်မိပေမဲ့ လူသတ်မှုတွေ၊ လူဆိုးဂိုဏ်းတွေနဲ့ အရှုပ်တော်ပုံတွေကြားထဲက ရောက်သွားပြီး လျို့ဝှက်ချက်တွေတစ်ခုပြီးတစ်ခုပေါ်လာတဲ့အခါ... (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size - 2GB, 880MB Quality - 1080p, 720p IMDb Rating - 5.7/10 Format - mp4 Duration - 1H 49Min Genre - Crime, Mystery, Thriller Subtitle - Myanmar Subtitle (Hardsub) Translated by Mr. Anderson Encoded by Y

အက်ဂီအန်းစတောင်းဟာ စွန့်စားခရီးထွက်ပြီး ရတနာလိုက်ရှာရတာကို နှစ်သက်သူပါ။ ဒါပေမယ့် အသက်ကြီးလာပြီး သားတစ်ယောက်ရလာတဲ့အခါ သားကိုစောင့်ရှောက်ရင်း သူတက်တဲ့ကျောင်းမှာပဲ ဆရာမအဖြစ် အလုပ်လုပ်နေခဲ့တယ်။ တစ်နေ့ အတန်းထဲမှာ တွမ်ဆောယာရဲ့ ရွှေအကြောင်း စာအုပ်ကို သင်ပေးပြီး ကလေးတွေကို အိမ်စာပေးလိုက်ပါတယ်။ သားဖြစ်သူ အန်တိုနီကတော့ သူငယ်ချင်း ဝူဒီ၊ လူတို့နဲ့အတူ စာအုပ်ထဲကနေ လေ့လာရုံနဲ့ အားမရကြဘူး။ တွမ်ဆောယာရဲ့ ရွှေတွေကို အပြင်မှာ တကယ်လိုက်ရှာဖို့ အမေမသိအောင် ခိုးထွက်သွားကြပါတယ်။ အဲဒီလိုနဲ့ သားကိုလိုက်ရှာရတဲ့ အက်ဂီလည်း စွန့်စားခရီး ပြန်ထွက်ရဖို့ အကြောင်းဖန်လာတယ်။ ရွှေတွေကို ရှာဖို့ကြိုးစားနေတာ သူတို့တစ်ဖွဲ့တည်းတော့ မဟုတ်ပါဘူး။ ကျောင်းကို အသစ်ရောက်လာတဲ့ ဆရာ မစ္စတာ အေဂျေလည်း ပါနေတယ်။ အက်ဂီဟာ ကောလိပ်တုန်းက သူ့ရဲ့သုတေသနလက်ထောက် ဖြစ်ခဲ့ဖူးပါတယ်။ ရတနာရှာတဲ့ခရီးမှာ သူတို့ ဘယ်လိုအခက်အခဲတွေကို ကျော်ဖြတ်ရမလဲဆိုတာကို ကလေးတွေအတွက် ရည်ရွယ်ထားတဲ့ စွန့်စားခန်းတွေနဲ့ တင်ဆက်ထားတယ်။ ရှုပ်ထွေးတဲ့ ဇာတ်လမ်းအလှည့်အပြောင်းတွေနဲ့ သတ်ဖြတ်ခန်းတွေ မပါဘဲ မိသားစုအတူ ပေါ့ပေါ့ပါးပါး ကြည့်နိုင်တဲ့ကားပါ။

ခင်ပွန်းဖြစ်သူကို ရှေ့တန်းမှာ မကြာသေးခင်ကမှ ဆုံးရှုံးထားရတဲ့ ကိတ်စလင်ဒါဟာ သမီးလေး အဲလက်စ်နဲ့အတူ ဂျော်ဂျီယာပြည်နယ်က မိသားစုပိုင် မွေးမြူရေးခြံမှာ နေထိုင်ပါတယ်။ ခြံအလုပ်တွေ လုပ်ရင်း မီးသတ်တပ်ဖွဲ့မှာလည်း စေတနာ့ဝန်ထမ်းအဖြစ် ဝင်ကူနေသူပါ။ မြို့က နယ်ထိန်းရဲ ဂျက်ကတော့ သူတို့ခြံရဲ့ လျှို့ဝှက်ချက်ကို သိထားပြီး အဖိုးတန်တဲ့ ဒီမြေကို အပိုင်ရဖို့ ကြိုးစားနေပါတယ်။ အဲဒီအချိန်မှာ ကိတ်ရဲ့ခင်ပွန်းနဲ့ ရှေ့တန်းမှာ အတူတာဝန်ထမ်းဆောင်ခဲ့တဲ့ စီဂျေက ဒါကိုတာဆိုတဲ့ ခွေးလေးကို ခေါ်ပြီး ရောက်လာတယ်။ အဲလက်စ်နဲ့ ရှေ့တန်းပြန်ခွေးလေး ဒါကိုတာတို့ ခြံရဲ့လျှို့ဝှက်ချက်ကို ဘယ်လိုဖော်ထုတ်ကြမလဲ၊ သူတို့မြေကို လိုချင်နေတဲ့ နယ်ထိန်းရဲကိုရော ဘယ်လိုပညာပေးကြမလဲဆိုတာ ဆက်ပြထားတဲ့ ၂၀၂၂ ခုနှစ်ထွက် မိသားစုဇာတ်ကားပါ။

၂၀၂၁ မှာ ထွက်ရှိခဲ့တဲ့ Vanquish ဇာတ်ကားဟာ နာမည်ကျော်သရုပ်ဆောင် Morgan Freeman အဓိက ပါဝင်သရုပ်ဆောင်ထားတဲ့ Action ကားကောင်းလေး တစ်ကား ဖြစ်ပါတယ် ဇာတ်လမ်းအကျဉ်းလေးပြောရမယ်ဆိုရင် Morgan Freeman သရုပ်ဆောင်ထားတဲ့ ဒေမွန်ဆိုတဲ့ ဇာတ်ကောင်က အကျင့်ပျက် ရဲဗိုလ်ချုပ်ဟောင်း တစ်ယောက်ဖြစ်ပြီး ဒုစရိုက်မှုတွေကို ဦးစီးလုပ်ကိုင်နေသူပါ. တစ်ရက်တော့ သူ့ရဲ့ မကောင်းမှုတွေ သူ့နောက်လိုက်လာတော့မလို ဖြစ်တဲ့အချိန်မှာ သူ့အိမ်က သူ့အတွက် အလုပ်လုပ်ပေးတဲ့ ကောင်မလေးနဲ့သူ့သမီးကို သူ ဘယ်လို အသုံးချမလဲ. အဲ့ကောင်မလေးကရော အတိတ်သမိုင်းတွေ ဘယ်လိုရှိပြီး ဒေမွန်ကို ဘယ်လို ဆက်ဆံမှာလဲ စတာတွေကို တစ်ကားလုံး အပစ်အခတ်တွေ လှည့်ကွက်တွေကြားမှာ ကြည့်ရှုခံစားရမဲ့ အက်ရှင်ကားကောင်းလေးဖြစ်လို့ ကြည့်ဖြစ်အောင်ကြည့်ဖို့ တိုက်တွန်းပါရစေခင်ဗျ.. File size…1.67GB / 672MB Quality…Blu-Ray 1080p 5.1CH / 720p Format…mp4 Duration….1h 34m Genre …..Action , Thriller Subtitle….Myanmar Subtitle (Hard Sub) Encoder….Min Wai Translated by Lin Aung

Deadlock (2021) ဒီဇာတ်ကားကတော့ နာမည်ကျော် မင်းသားကြီး Bruce Wills ကို ဗီလိန်နေရာကနေ မြင်တွေ့ရမဲ့ Deadlock လို့ အမည်ရတဲ့ ဇာတ်ကားပဲ ဖြစ်ပါတယ်။ ရွန် ဝစ်လော့ခ် ဦးဆောင်တဲ့ အကြမ်းဖက်လူတစ်စုက တစ်နေ့မှာ ဖစ်ချ်ရှ်မြို့မှာ တည်ရှိတဲ့ ရေအားလျှပ်စစ်စက်ရုံကို ဝင်စီးခဲ့ပါတယ်။ ရွန်တို့အုပ်စုဟာ စက်ရုံကို ဝင်စီးခဲ့တဲ့အပြင် စက်ရုံမှာရှိတဲ့ ဝန်ထမ်းတွေကိုပါ ဓားစာခံအဖြစ် ဖမ်းဆီး ခဲ့ကြတာပါ။ အဲ့ဒီအပြင် အစိုးရဘက်က သူတို့ရဲ့ တောင်းဆိုချက်တွေကို ငြင်းပယ်ခဲ့မယ်ဆိုရင် ရေလှောင်တမံကြီးကို ဖျက်ဆီးပြီး ရေကြီးရေလျှံဖြစ်အောင် လုပ်မယ်လို့ ကြေညာ ခြိမ်းခြောက်ခဲ့ပါသေးတယ်။ တစ်ဖက်မှာတော့ မက်ခ်ကားဟာ စစ်မှုထမ်းဟောင်းတစ်ယောက်ဖြစ်ပြီး ဘဝကြီးကို ပေါ့ပေါ့နေ ပေါ့ပေါ့စားဘဝနဲ့ပဲ ဖြတ်သန်းခဲ့တာကြောင့် ကောင်မလေးဆီကနေ ထားသွားခံခဲ့ရသူလည်း ဖြစ်ပါတယ်။ စစ်မှုထမ်းဟောင်းဖြစ်တဲ့ မက်ခ် တစ်ယောက် အလုပ်လုပ်နေတဲ့ ဖစ်ချ်ရှ်ရေအားလျှပ်စစ်စက်ရုံမှာ အကြမ်းဖက်ဝင်ရောက်စီးနင်းမှု ဖြစ်လာတဲ့အခါ..... ရွန်တို့အကြမ်းဖက်အဖွဲ့ကို ဘယ်လိုရင်ဆိုင်နှိမ်နင်းမလဲ... သူနဲ့အတူ ဖမ်းခံထားရတဲ့ ဓားစာခံတွေကို ကယ်တင်နိုင်မှာလား.... ရွန်ကရော အခုလို အကြမ်းဖက်မှုကို ဘာကြောင့် လုပ်ဆောင်ခဲ့ရတာလဲ....ဆိုတာ စိတ်ဝင်စားဖွယ် ကြည့်ရှုခံစားရမှာ ဖြစ်ပါတယ်။ (ဒီဇာတ်လမ်းရဲ့ အညွှန်းကို Shwe Pyae မှရေးသားပေးပြီး၊ ဘာသာပြန်ရေးသားပေးသူများကတော့ F&R Team မှဖြစ်ပါတယ်။ File Size - (1.45 GB) / (780 MB) / (500 MB) Quality – WEBRIP - 1080p /  720p / 480p Duration - 1hrs 37min Subtitle – Myanmar Hardsub Format – MP4 Genre : Action, Thriller Translator – F&R Team Encoder – SWM

၁၈ ရာစုက ပင်လယ်ဓားပြတစ်စုဟာ ရတနာမြေပုံတစ်ခုကို ရှာတွေ့ပြီး အချင်းချင်း လုကြပါတယ်။ အဲဒီအချိန်မှာ မုန်တိုင်းတစ်ခုကို ဖြတ်သန်းမိရာကနေ ၂၁ ရာစုက “ပင်လယ်ဓားပြကမ်းစပ်” လို့ခေါ်တဲ့ မြို့လေးတစ်မြို့ဆီ ရောက်လာကြတယ်။ ဒါပေမယ့် ရတနာမြေပုံကတော့ အဲဒီမြို့က ကလေးတစ်စု လက်ထဲကို ရောက်သွားပြီး ကလေးတွေလည်း ရတနာလိုက်ရှာကြပါတော့တယ်။ ခေတ်ဟောင်းက ရောက်လာတဲ့ ပင်လယ်ဓားပြတွေနဲ့ ကလေးတစ်စုကြား ဘယ်သူတွေက ရတနာကို ရသွားမလဲ၊ သူတို့ရှာနေတဲ့ တကယ့်ရတနာကရော ဘာဖြစ်မလဲဆိုတာကို စိတ်ကူးယဉ်စွန့်စားခန်းအဖြစ် ရိုက်ကူးထားပါတယ်။

Rockerကြီးတွေအတွက် ဇာတ်ကားကောင်းလေးတစ်ကားနဲ့မိတ်ဆက်ပေးပါရစေ။ ဒီဇာတ်ကားလေးကတော့ Rockဂီတကိုရူးသွပ်တဲ့ ဂျွန်နီတို့လူငယ်တစ်ဖွဲ့ဟာ တီးဝိုင်းထောင်ပြီးအောင်မြင်မှုရအောင်ကြိူးစားကြတဲ့ဇာတ်လမ်းလေးပါ။ တီးဝိုင်းအဖွဲ့ထောင်ပြီးအောင်မြင်မှုကအောင်ကြိုးစားနေချိန်မှာပဲ စေတန်နတ်ဆိုးနဲ့တွေပြီး လမ်းမှားကိုစတင်လိုက်မိပါတော့တယ်။ စေတန်နတ်ဆိုးက သူတို့အဖွဲ့ကိုအောင်မြင်အောင်လုပ်ပေးမယ်၊ သို့ပေမယ့် အပေးအယူအနေနဲ့လူသားတွေကိုယစ်ပူဇော်ပေးရပါတယ်။ အဲ့ဒါနဲ့အောင်မြင်မှုကိုတောင့်တကြတဲ့လူငယ်အတွက် အမှားတွေလုပ်မိကြပါတော့တယ်။ တီးဝိုင်းအဖွဲ့ကအောင်မြင်လာတာနဲလအမျှ အပျော်အပါးတွေပါလာပြီးနောက်ဆုံးမှာ ဆေးစွဲသွားတဲ့အထိလမ်းမှားလိုက်မိပါတော့တယ်။ အဲ့လိုအခက်အခဲတွေ၊ ပြင်မရအမှားတွေထဲကနေ ဘယ်လိုရုန်းထွက်ကြမလဲဆိုတာ ဒီဇာတ်လမ်းကလေးမှာ ဆက်လက်ကြည့်ရှု့ကမှာဖြစ်ပါတယ်။ ဇာတ်ကားထဲမှာ သုံးထားတဲ့သီချင်းတွေနဲ့ riffတီးကွက်တွေကအမိုက်စားတွေမို့လို့ Rockပရိတ်သတ်တွေအတွက်တော့ သဘောကျမှာအမှန်ပါပဲ။Rockerကြီးများ လက်လွတ်မခံသင့်တဲ့ဇာတ်လမ်းကောင်းလေးပါ။ File Size : (900 MB) and (350 MB) Quality : Blu-Ray 720p Running Time : 1hr 51min Format : Mp4 Genre :Drama, Music, Thriller Subtitle : Myanmar Subtitle (Hard Sub) Source : 1080p.BluRay.X264-AMIABLE Translated by Ye Yint Encoded by Thanhtike Zaw

IMDb 6.2 Horror ရုပ်ရှင်အဟောင်းလေးကို တင်ဆက်ပေးလိုက်ပါတယ် ဘရာဇီးက ရွာလေးတစ်ရွာမှာ လူတိုင်းချစ်ကြတဲ့ ဖာသာတစ်ပါး ပျံလွန်တော့ ဗာတီကန်စီးတီးက ဖာသာ Andrew က သွားရောက်စစ်ဆေးပါတယ် အကြောင်းကတော့ ဖာသာရဲ့ ဈာပနကျင်းပရာ ဘုရားကျောင်းမှာရှိတဲ့ အပျိုစင်မေရီရုပ်ထုက သွေးမျက်ရည်စီးကျနေလို့ပါပဲ တစ်ဖက်မှာလည်း အမေရိကန်မှာရှိတဲ့ အလှဖန်တီးရှင်၊ club တက် ပျော်ပါးတတ်တဲ့ ဘာသာမဲ့မိန်းကလေး Frankie ဟာ ခရစ်တော် ကားစင်တင်ခံရချိန်မှာ ရခဲ့တဲ့ ဒဏ်ရာဒဏ်ချက်တွေအတိုင်း ထူးထူးဆန်းဆန်း ခံစားလာရတဲ့အခါမှာတော့ ...... File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller, Fantasy  Subtitle….Myanmar Subtitle (Hardsub) Encoder….Swan Min Htet Translated by Sike Tan

ကျွန်တော်တို့ ၉၀ ခုနှစ်ကျော်က Sci-fi ကားကောင်းတွေအကြောင်း ပြောမယ်ဆိုရင် Star Wars တွေ Star Trek တွေ Alien တို့လောက်နဲ့ မပြီးဘူးဗျ ဒီ Starship Trooper ကို ဇာတ်ကားနာမည်သာ မသိမယ် ဓားခုတ်ကောင်ကြီးတွေနဲ့ ချတယ်ဆိုပြီး လူတိုင်းငယ်ဘဝက ကြည့်ခဲ့ဖူးကြမယ် ထင်ပါတယ် (တချို့အခန်းတွေအကြောင်းလည်း ပါမယ်ပေါ့လေ)။ ထားပါ ပြောချင်တာက သူကတော့ Franchise အနေနဲ့ ၃ ကားထိ ထွက်ရှိထားတာ ဖြစ်ပါတယ် အကုန်လုံး တင်ဆက်ပေးသွားမှာပဲ ဖြစ်ပါတယ်။ ဒါရိုက်တာဖြစ်တဲ့ Paul Verhoeven ဆိုရင်လည်း တခြား Robocop တို့ Hollow Man တို့ကို ရိုက်ကူးထားတဲ့လူပါ။ နောက်ပြီး ၁၉၉၈ ခုနှစ် အော်စကာဆုပေးပွဲမှာ Best Visual Effect စကာတင်လည်း ဝင်ခဲ့ပါသေးတယ် (Titanic နဲ့ Jurassic World ဆိုတော့ ယှဉ်မရဘူးပေါ့လေ) ဇာတ်လမ်းအကျဉ်းကတော့ နောင်အနာဂတ်တွေမှာ ကမ္ဘာကြီးတစ်ခုလုံးက နိုင်ငံတွေအနေနဲ့ ရှိမနေတော့ပဲ ဖက်ဒရယ်အစိုးရနဲ့ ဖက်ဒရယ် ပြည်ထောင်စုလိုက်ကြီး ဖြစ်နေပါပြီ။ ရန်စွယ်အနေနဲ့ကလည်း ကလန်ဒတ်သူဂြိုလ်က အယ်ရာခနစ်ဆိုတဲ့ ပိုးကောင်တွေဖြစ်ပြီး သူတို့ကလည်း ဥက္ကာခဲတွေ လွှတ်ပြီး တိုက်ခိုက်တယ်ပေါ့လေ။ အဲဒီအချိန် ဖက်ဒရယ်ပညာရေးကျောင်းမှာ သူငယ်ချင်း ၃ ယောက်ရှိကြတယ် ရီကိုရယ် ကားလ်ရယ် ကာမန်ရယ်ပေါ့၊ ရီကိုနဲ့ ကာမန်က အတွဲ၊ ရီကို့ကို ခိုးကြိုက်နေတဲ့ ကောင်မလေး ဒစ်ဇီဆိုတာလည်းရှိတယ်။ ကားလ်နဲ့ ကာမန်ကတော့ ဖက်ဒရယ်စစ်တာဝန် ထမ်းဆောင်ချင်ကြသူတွေပေါ့၊ ရီကိုကတော့ သူဌေးသား စိတ်ကသိပ်မပါပေမယ့် ကောင်မလေး ကာမန်သဘောကျအောင် မိဘတွေ တားနေရက်နဲ့ စစ်ထဲဝင်ချင်တဲ့ကောင်ပေါ့လေ။ ဖြစ်ချင်တော့ ဖက်ဒရယ်စနစ်မှာ အမျိုးအစားက ၃ နေရာရှိတယ် ပထမ ဉာဏ်အတော်ဆုံး ဆရာကြီးဌာနက ထောက်လှမ်းရေးပေါ့လေ (စိတ်စွမ်းအားရှိတဲ့လူတွေကို ပျိုးထောင်ပေးတဲ့နေရာ) အဲဒီကို ကားလ်က ရောက်သွားခဲ့တယ်၊ ဒုတိယကတော့ ယာဉ်တန်းစု တပ်ဖွဲ့ကြီး၊ ယာဉ်အမျိုးအစားပေါင်းစုံ မောင်းနှင်ရတာပေါ့၊ အဲဒီမှာက ပိုင်းလော့ဖြစ်ချင်တဲ့ ကာမန်ရောက်သွားတယ်၊ တတိယအနေနဲ့ကတော့ သချာၤနဲ့ အမျိုးအစားခွဲပါတယ်ဆိုမှ အမှတ်အနည်းဆုံးရရင် သွားရတဲ့ ခြေလျင်တပ်ရင်း ဖြစ်ပါတယ် ရီကိုတစ်ကောင် ဒီကိုရောက်သွားတာပေါ့၊ သူ့ကို ကြိုက်နေတဲ့ ဒစ်ဇီကလည်း ဒီကိုရောက်လာပါတယ်။ ဒီလိုနဲ့ ကိုယ်စီ ကြိုးစားလေ့ကျင့်နေကြတုန်း ရန်သူတွေဖြစ်တဲ့ အယ်ရာခနစ်တွေ ခြေလှမ်းစလှမ်းလိုက်တဲ့အခါမှာတော့……….။ ရုပ်ရှင်တစ်ကားများ ကောင်းပြီဆို ဘယ်နှခုနှစ်ကထွက်တာဖြစ်ဖြစ် ကြည့်လို့ကောင်းနေဆဲပဲ။ တစ်ခုရှိတာက အပေါ်ပိုင်းတွေ လွတ်လပ်စွာ တင်ဆက်ထားတဲ့ R Rated ကားဖြစ်တဲ့အတွက် ကြည့်ရှုမယ်ဆို သတိပြုစေလိုပါတယ် သွေးသံရဲရဲ သတ်ဖြတ်မှုတွေလည်း ပါဝင်ပါတယ်။ ကဲ Old School တွေ ပြန်ခံစားလိုက်ကြရအောင်ဗျာ File size…  3.2 GB /  1.7 GB Quality… BluRay 1080p / 720p Format… mp4 Duration…. 2h  9m Genre .....  Action , Adventure Subtitle…. Myanmar Subtitle (Hard Sub) Encoder…. Thit San Khant Translated by Thura Aung