Peter Ho ပါဝင်သော ဇာတ်ကားများ

ဒီတစ်ခါတော့ Melo Drama ကောင်းလေးတစ်ကား တင်ဆက်ပေးသွားမှာပါ။ ဇာတ်လမ်းက Melo Drama မို့ ကြည့်ရတာ တစ်ပိုင်းဆိုတစ်ပိုင်းထိမိနေမှာပါ ပရိသတ်ရေ။ ဒီဇာတ်ကားထဲမှာ ကိုကို Chang Hua Sen နဲ့ မမလှလှလေး Li Yi Tong တို့က MC တွေအဖြစ် အဓိကပါဝင်ထားကြပါတယ်။ Melo Drama အမျိုးအစားဆိုပေမဲ့ Plot ကတော့ Strong Woman Plot ကို ပိုအသားပေးထားတာပါ။ ဇာတ်လမ်းအညွှန်း >>> ယန်းကျဲမြစ်ဝကျွန်းပေါ်ဒေသကနေ တစ်ဦးတည်းသောအောင်မြင်လာသူ ယွီမုံ့ဟာ Lifestyle Bagger တစ်ယောက်ဖြစ်ပြီး ပတ်ဝန်းကျင်ကလူတိုင်း အားကျရတဲ့ ကံကောင်းလွန်းသူလေးအဖြစ် သတ်မှတ်ခံထားရသူပါ။ ဒါပေမဲ့ (၅) နှစ်မြောက် မင်္ဂလာနှစ်ပတ်လည်နေ့မှာပဲ အရာရာပြည့်စုံပြီး ပျော်စရာကောင်းလှပါတယ်ဆိုတဲ့ဘဝကြီးဟာ ဝရုန်းသုန်းကားပြိုလဲသွားခဲ့ပါတော့တယ်။ လူအများအားကျရတဲ့ စံပြခင်ပွန်းဖြစ်သူနဲ့ အိမ်ထောင်ရေးဟာ အေးစက်ပျက်စီးလာခဲ့ရုံတင်မကဘဲ ယောက္ခမအသိုင်းအဝိုင်းရဲ့ခေါင်းပုံဖြတ်တာ၊ ငွေကြေးအရ အနိုင်ကျင့်အမြတ်ထုတ်ခံရတာတွေအပါအဝင် အခက်အခဲပေါင်းမြောက်မြားစွာနဲ့ ကြုံတွေ့လာရတဲ့အခါ ယွီမုံ့တစ်ယောက် ပျောက်ကွယ်လုနီးပါးဘဝနဲ့ အလှတရားအစစ်မှန်ကို ပြန်လည်ရှာဖွေဖို့ ရုန်းကန်ရပါတော့တယ်။ Melo Drama တို့ရဲ့ထုံးစံအတိုင်း Female Lead ဟာ ဇာတ်နာပြိုလဲကြေကွဲပြီးမှ ပြာပုံထဲကနေ နိုးထလာတဲ့ဇာမဏီငှက်အသွင် ပြန်လည်ရုန်းထလာမှာမို့ ကြည့်ရင်း ရသအစုံကိုခံစားရမဲ့အပြင် အိမ်ထောင်ရေးတစ်ခုရဲ့ပကတိအမှန်တရားကို ရိုက်ပြထားလို့ အိမ်ထောင်ရေးဇာတ်အိမ်မျိုးကြိုက်သူတွေ လက်မလွှတ်သင့်တဲ့ဇာတ်လမ်းလေးပါနော်။ Total Episodes : 28 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

ဒီတစ်ခါယူဆောင်လာပေးတာကတော့ ရုပ်ရည်လန်းသလောက် သရုပ်ဆောင်တာတွေကပါ ပျံထွက်ကွက်တိကျတတ်တဲ့ ကိုကိုရှောင်ဟိုရဲ့ကားသစ်လေးနဲ့ မိတ်ဆက်ပေးချင်ပါတယ်။ ကိုကိုရှောင်ဟိုပါတာမို့ ကောင်းမကောင်းကတော့ ပြေးကြည့်စရာကိုမလိုတာပါ။ ဇာတ်အိမ်က Historical ဇာတ်ကြောင်းကိုမှ Romance ပါးပါးလေးအုပ်ထားတာမျိုးလေးမို့ ကိုကို့အချစ်မျက်ဝန်းတွေကြားနစ်မွန်းရင်း နှလုံးသားလေး ကလိကလိဖြစ်ရမှာအသေချာပါပဲ။ ကိုကိုနဲ့အတူ မမလှလှလေး Ai Mi ကလည်း ပါဝင်ထားပါတယ်။ မမ Ai Mi ကတော့ FoF မှာ Support Role ကနေပါဝင်ခဲ့ပါသေးတယ်။ ရှန်းရှဝူရှတွေနဲ့ မတရားလိုက်ဖက်တဲ့ကိုကိုရှောင်ဟိုအပြင် မမလှလှလေး Ai Mi ကလည်း ထက်မြက်ပြီးဆွဲ‌ဆောင်မှုရှိတဲ့ဇာတ်ရုပ်နဲ့ အင်မတန်မှလိုက်ဖက်တာမို့ မကြည့်တဲ့သူက ရူးနေလို့ပါပဲ ချစ်ပြိတ်သတ်ကြီးရေ။ ဇာတ်လမ်းအညွှန်း >>> သာ့ယုံတိုင်းပြည်ရဲ့အင်အားကြီးနယ်စားတစ်ဦးက ပုန်ကန်ခြားနားလိုက်တာမို့ တစ်တိုင်းပြည်လုံးဟာ ဖရိုဖရဲဖြစ်ပြီး စစ်ဘုရင်တွေ နေရာအနှံ့ ထကြွလာခဲ့ကြပါတယ်။ အဲဒီလိုပရမ်းပတာဖြစ်နေတဲ့အခြေအနေထဲမှာ မြောက်ပိုင်းစစ်တပ်ရဲ့သွေးအေးရက်စက်တဲ့ စစ်သေနာပတိချုပ်ရှောင်းဝူယီဟာ ချန်းရှမြို့စားမင်းရဲ့ပုန်ကန်မှုကို နှိမ်နင်းနိုင်ဖို့အတွက် ပရိယာယ်တစ်ခုဆင်ခဲ့ပါတယ်။ အဲဒါကတော့ ပိုက်ဆံသာရမယ်ဆိုရင် သေလူကိုတောင်ထခိုင်းမယ့် ဉာဏ်များလှတဲ့နန်းတွင်းပညာရှိကြီး ရှဲ့ဟွိုင်ကွေ့ရဲ့တစ်ဦးတည်းသောသမီးပျိုလေး ရှဲ့ကျားယွီကို လက်ထပ်ဖို့ပါပဲ။ တော်ဝင်အမိန့်တော်အရထိမ်းမြားလိုက်ရတဲ့ သူတို့နှစ်ယောက်ရဲ့မင်္ဂလာပွဲဟာ အချစ်ကြောင့်မဟုတ်ဘဲ နောက်ကွယ်က လျှို့ဝှက်ချက်တွေကို အသုံးချဖို့အတွက်ပဲ ဖန်တီးထားတာဖြစ်လို့ တကယ့်ကိုကစားကွက်တစ်ခုပါပဲ။ သူတို့နှစ်ယောက်ရဲ့အမူအရာတိုင်းမှာ မာယာတွေဖုံးကွယ်ထားသလို ခြေလှမ်းတိုင်းကလည်း နန်းအာဏာလုပွဲကြီးရဲ့တွက်ချက်မှုတွေပဲ ဖြစ်ပါတယ်။ ဒါပေမဲ့ တော်ဝင်အမိန့်အရ ထိမ်းမြားထားရတဲ့ဘဝကနေတစ်ဆင့် ဘဝလက်တွဲဖော်တွေဖြစ်လာချိန်မှာတော့ သံသယတွေ၊ အငြင်းပွားမှုတွေကြားကနေ အချစ်နဲ့စည်းလုံးမှုဆီကို ဦးတည်လာခဲ့ကြပါတယ်။ နောက်ဆုံးမှာတော့ ရည်မှန်းချက်ချင်းပြိုင်ဆိုင်နေတဲ့ ပြိုင်ဘက်တွေကနေ အသက်အန္တရာယ်များလှတဲ့ကစားပွဲကြီးထဲမှာ တစ်ယောက်ရဲ့လျှို့ဝှက်ချက်ကို တစ်ယောက် ဖော်ထုတ်ရင်း မသိလိုက်ချိန်မှာပဲ နှလုံးသားချင်းထပ်တူကျတဲ့ စစ်မှန်တဲ့ဘဝလက်တွဲဖော်တွေ ဖြစ်သွားကြပါတော့တယ်။ ဒီဇာတ်လမ်းက Power Couple အမျိုးအစားဖြစ်လို့ ကိုကိုရှောင်ဟိုရော မမ Ai Mi တို့က Strong Couple Relationship ပုံစံကြီးကို မြိုင်ဆိုင်နေအောင် ဆေးစက်ကျရာအရုပ်ထင်ကြမှာပါ။ နှစ်ယောက်လုံးက အချစ်ကို ဒုတိယနေရာမှာထားပြီး ကိုယ့်အကွက်နဲ့ ကိုယ်ကစားရင်းနဲ့မှ မထင်မှတ်ဘဲ တကယ်ချစ်မိသွားကြမဲ့ Slow-burn Vibe မျိုးဆိုတော့ ရင်ခုန်ကောင်းမှာကလည်း စကားထဲတောင် ထည့်ပြောစရာမလိုတာမို့ ရင်ခုန်စိတ်လှုပ်ရှားပြီး ရိုလာကိုစတာမုဒ်ခံစားချင်ရင်တော့ ဒီစီးရီးလေးက must watch ပါပဲနော်။ Total Episodes : 28 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

ကဲ~ဒီတစ်ခါမှာတော့ ရဲရဲတောက်အလံနီကြီးတွေကိုမှကြိုက်ပါတယ်ဆိုတဲ့သူလေးတွေအတွက် ostတို့ရဲ့ပဲ့ကိုင်ရှင် Liu Yu Ning နဲ့ မင်းသမီးချောလေး Song Zu'erတို့ရဲ့ costume drama အသစ်ဖြစ်တဲ့ "The prisoner of beauty"ကို ချန်နယ်မြန်မာကဘာသာပြန်တင်ဆက်ပေးလိုက်ပါပြီနော်။ ဇာတ်လမ်းအညွှန်း ××××××××××× အမုန်းတရားတွေနဲ့စတင်ခဲ့တဲ့အချစ်ဇာတ်လမ်းတစ်ပုဒ် နူးညံ့သိမ်မွေ့ပြီးပန်းတစ်ပွင့်လိုလှပတဲ့ ချောင်အိမ်တော်ရဲ့သခင်မလေး "ချောင်မန်"ကိုမှသိမ်းပိုက်ခဲ့တဲ့ ကလဲ့စားချေလိုစိတ်တွေပြင်းထန်နေတဲ့ရက်စက်လှတဲ့ "ဝေ့ရှောက်" ဝေ့အိမ်‌ေတာ်သခင်ဖြစ်တဲ့ "ဝေ့ရှောက်"ဟာတစ်ချိန်က ဖခင်နဲ့အစ်ကိုဖြစ်သူကိုဆုံးရှုံးခဲ့ရတဲ့အပြင် မျိုးနွယ်တစ်စုလုံးသတ်ဖြတ်ခံရပြီးသွေးချောင်းစီးခဲ့ရတယ်။အရာအားလုံးကိုဆုံးရှုံးခဲ့ရတယ်။ အမုန်းတရားတွေကိုရင်ဝယ်ပိုက်ပြီးရှင်သန်နေတဲ့"ဝေ့ရှောက်"အတွက် ဒီလုပ်ကြံသတ်ဖြတ်မှုနဲ့ ဆက်နွှယ်နေတယ်လို့ယူဆရတဲ့ ချောင်အိမ်တော်ဟာပစ်မှတ်တစ်ခုဖြစ်လာခဲ့တယ်။ ဝေ့ရှောက်နဲ့ အတင်းစေခိုင်းလက်ထပ်ခဲ့ရတဲ့ ချောင်အိမ်တော်ရဲ့သခင်မချောင်အိမ်တော်ရဲ့ သခင်မလေးချောင်မန့်ကတော့ ဒီအမုန်းတရားတွေအတွက်နယ်ရုပ်တစ်ခုသာသာ... ဒီလိုနဲ့အမုန်းတရားကနေအချစ်ဇာတ်လမ်းတစ်ပုဒ်ဘယ်လိုပေါက်ဖွားလာမလဲ အလှလေးကိုသိမ်းပိုက်ပြီးအကျဉ်းသားလိုဆက်ဆံ‌ခဲ့ပေမဲ့ ကိုယ်တိုင်ကအလှတရားရဲ့အကျဉ်းသားဖြစ်သွားခဲ့ရသလား... ရက်စက်ခက်ထန်လှပါတဲ့ဆိုတဲ့ ဝေ့ရှောက်ကိုမှ ဘယ်အရာတွေကပြောင်းလဲစေခဲ့တာလဲ လုပ်ကြံသတ်ဖြတ်မှုနဲ့ပတ်သတ်ပြီးအမှန်တရားကိုရောဖော်ထုတ်နိုင်မှာလားဆိုတာ... ရင်ခုန်စိတ်လှုပ်ရှားစွာနဲ့စောင့်မျှော်ကြည့်ရှုရမဲ့ဇာတ်လမ်းလေးဖြစ်တဲ့အပြင် မင်းသားနဲ့မင်းသမီးဟာလည်းသိပ်ကိုတွဲဖက်ညီပြီးဇာတ်ကောင်ကိုအသက်ဝင်စွာ သရုပ်ဖော်ထားတာမလို့ အတူလိုက်ပါစီးမျောလိုက်ရအောင်လားရှင် Quality : WEB-DL 4K HEVC , 1080p, 720p Total Episodes : 36 Format : mp4 , mkv Genres : Historical, Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Hanni Honey Encoded by LK

အသစ်ထွက်ရှိလာတဲ့ The Legend of Heroes (2024) သိုင်းကားစစ်စစ်ဖြစ်ပါတယ် ဂန္ဓာဝင်စာရေးဆရာကြီး ကျင်းယုံရဲ့ လက်ရာဖြစ်တဲ့ Condor Trilogy ထဲက ပထမဆုံး စာအုပ်ကို ပြန်လည်ဆန်းသစ်ရိုက်ကူးတင်ဆက်ထားခြင်းဖြစ်ပါတယ် သိုင်းကားစစ်စစ် ငတ်နေကြတဲ့ သိုင်းပရိသတ်တွေအတွက်တော့ မျှော်လင့်ထားရမယ့် စီးရီးတွဲတခုဖြစ်ပါတယ် 2020 နောက်ပိုင်း ဆရာကြီးကျင်းယုံရဲ့ Novel တွေကို ပြန်ရိုက်သမျှ Remake တွေလိုပဲ အစဉ်အလာမပျက် Fail ဦးမလား ဒါမှမဟုတ် အောင်မြင်မှာလားဆိုတာတော့ ကျွန်တော်တိုဆက်လက်ရှုစားကြရအောင်ပါ ရိုက်ကူးရေးမှာတော့ Director ၅ ယောက် နဲ့ Screen Writer ၅ ယောက် ပါဝင်ထားပါတယ် Part တွေခွဲပြီးရိုက်ကူးသွားကြမှာဖြစ်ပြီး Shen Li ရဲ့ ဒါရိုက်တာ အပြင် Legend Of Zhuo Hua ရဲ့ ဒါရိုက်တာလဲပါဝင်ကြောင်းသိရပါတယ် ဇာတ်လမ်းကောင်းတွေကိုရိုက်ကူးခဲ့တဲ့ ဒါရိုက်တာတွေလဲ ပါဝင်ကြတာဖြစ်တဲ့အတွက် မျှော်လင့်ဖိုထိုက်တန်တဲ့ Drama လေးတခုအဖြစ် သိုင်းပရိသတ်တွေရင်ခုန်နေမှာအမှန်ပါပဲ ဒီဇာတ်လမ်းရဲ့ မူရင်းဝတ္ထုဖြစ်တဲ့ The Legend of the Condor Heroes (射鵰英雄傳) ကို ၁၉၅၇ ခုနှစ်မှာ ပထမဆုံးအကြိမ် စတင်ထုတ်ဝေခဲ့ပါတယ် အခု ထွက်လာမဲ့ Drama မှာတော့ Part 5 ခုခွဲပြီး ရိုက်ကူးတင်ဆက်သွားမယ်လို သိရပြီး စုစုပေါင်းအပိုင်း ၆၀ ပါဝင်မှာပါ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုအကြောင်းကိုလဲ အကျယ်တဝံ့ရိုက်ကူးတင်ဆက်မယ့်အခန်းတွေလဲပါပါတယ် ဒီဇာတ်လမ်းရဲ့ ခေတ်ကိုတော့ စုန့်မင်းဆက်မှာ အခြေခံထားပါတယ်။ ကာလကတော့ ကျင်းလူမျိုးတွေ အင်အားကြီးမားနေချိန်၊ မွန်ဂိုတွေက သဲကန္တာရကို စိုးမိုးနေချိန်ပဲ ဖြစ်ပါတယ်။ စုန့်ဘုရင်ကလည်း စာပေအနုပညာကလွဲပြီး တိုင်းရေးပြည်ရေးကို စိတ်မဝင်စားတော့ပါဘူး။ သူ့ရဲ့ အမတ်ချုပ်ကြီး ကျင့်ဟိုင်က သစ္စာရှိအမတ်တွေကို ရှင်းထုတ်ရင်း နန်းတွင်းမှာ အုပ်စိုးနေပါတော့တယ်။ စစ်သူကြီးယွဲဖေးကို သတ်ဖြတ်ခဲ့ပြီး ကျင်းလူမျိုးတွေနဲ့ စစ်ပြေငြိမ်းထားပါတယ်။ နေရာအနှံမှာလည်း အမတ်တွေ အကျင့်ပျက်ပြီး ပြည်သူတွေကို ဖိနှိပ်နေချိန်ပါ။ ဒါကြောင့် သိုင်းလောကသားတွေ ဒီအတိုင်း ကြည့်မနေနိုင်တော့ဘဲ နေရာအနှံမှာ အကျင့်ပျက်အမတ်တွေကို သုတ်သင်ရင်း တိုက်ပွဲတွေ ဖြစ်လာပါတော့တယ်။ ဒီတိုက်ပွဲတွေကြားထဲမှာ ညပ်ပြီး ဒုက္ခရောက်သွားတဲ့ ကောမိသားစုနဲ့ ယန်မိသားစု၊ သူတိုရဲ့ သားတွေဖြစ်တဲ့ ကောကျင့် နဲ့ ယန်ခန်းတိုက အဓိက ဇာတ်ကောင်တွေဖြစ်လာပါတယ်။ သိုင်းလောကထဲမှာတော့ ဒီကာလမှာ ထိပ်သီးကြီး ၅ ဦးပေါ်ပေါက်လာပါတော့တယ်။ အရှေ့မက်မွန်ကျွန်းသခင်၊ အနောက်အဆိပ်၊ တောင်ပိုင်းဘုန်းကြီး၊ မြောက်ပိုင်း သူဖုန်းစားနဲ့ အလယ်ပိုင်း သူတော်စင်တိုပါပဲ။ ဒီဇာတ်လမ်းဟာ သိုင်းလောက နဲ့ နိုင်ငံရေးစစ်ရေးတွေကို ဟာကွက်မရှိအောင် ရေးသားထားတဲ့ ဂန္ဓာဝင်ဝတ္ထုကြီးကို ပြန်လည်ရိုက်ကူးထားတာပြီး အခု ဒီ Remake ဟာ Hit ဖြစ်လာမလား Fail သွားမလားဆိုတာကိုတော့ ပရိသတ်ကပဲ ဆုံးဖြတ်သွားမှာ ဖြစ်ပါတယ် Quality : WEB-DL 720p, 1080p Total Episodes : 60 Format : mp4 Genres : Drama, Romance, Historical Runtime : 45 min Subtitle : Myanmar Subtitle ( Hardsub ) Translated by CM Team Reviewed By LK Encoded by LK

လော့ချင်းလျန်ဟာ အားကိုးရတဲ့ခင်ပွန်းကောင်းတစ်ယောက်ရှာပြီး ဘဝကိုအေးအေးချမ်းချမ်းနေသွားချင်တဲ့မိန်းကလေးတစ်ယောက်ပါ။ ဒါပေမယ့် လော့ချင်းလျန်က မင်းသားကြီးရဲ့တတိယသား ဟယ်လျန်ရှင်းရဲ့ကိုယ်လုပ်တော်ဖြစ်လာခဲ့ပါတယ်။ သူဟာဒီအာဏာလုတဲ့အရှုပ်အထွေးတွေကြားက လွတ်မြောက်ချင်ပေမယ့် အချိန်ကြာလာတဲ့အမျှဟယ်လျန်ရှင်းဟာ သူထင်သလိုဆိုးရွားတဲ့သူမဟုတ်ပဲ ပြည်သူတွေကိုဂရုစိုက်တဲ့လူကောင်းတစ်ယောက်ဆိုတာ သိလိုက်ရတဲ့အခါမှာတော့ ဟယ်လျန်ရှင်းဘေးမှာပဲဆက်နေဖို့ဆုံးဖြတ်လိုက်ပါတယ်။ အဲဒီလိုနဲ့ သူတို့နှစ်ယောက်ဟာအာဏာလုပွဲကိုအတူတူရင်ဆိုင်ကြရင်း အချစ်တွေပိုတိုးလာတဲ့အချစ်ဇာတ်လမ်းလေးပဲဖြစ်ပါတယ်။ ဒီကားလေးမှာတော့ ထိုင်ဝမ်မင်းသားကြီး Peter Hoက ဇာတ်ဆောင်မင်းသားအဖြစ်ပါဝင်ထားပါတယ်။ Quality : WEB-DL 1080p , 720p Total Episodes : 36 Format : mp4 Genres : Drama , Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Nu Mon Encoded by LK

ဒီတစ်ခါCMကနေ တင်ဆက်ပေးမဲ့နန်းတွင်းကားလေးကတော့ လနတ်အရှင်နဲ့ နဂါးနိုင်ဓားထဲက ကျောက်မိန်လေးတိုရဲ့ ကားသစ်လေးပါ ဒီဇာတ်လမ်းလေးထဲမှာ လနတ်အရှင်က မိန်းမစိုးရှောင်တုအနေ သရုပ်ဆောင်ထားတာပါ ကျောက်မိန်လေး ကတော့ အစေခံပုယွင်လော့အနေနဲ့ သရုပ် ဆောင်ထားတာပါ လုံဟွာခေတ်ကာလမှာ မိန်းမစိုးရှောင်တုက ဖုဝမ်ထီးနန်းတက်ရဖိုအတွက် အစွမ်းကုန်ကြိုးစားပေးခဲ့ပါတယ်ဘုရင်ကြီးနတ်ရွာစံရင် အသေခံတွေပါလိုက်သေပေးရတဲ့ဓလေ့အတိုင်း ပုယွင်လော့လေးဟာလည်း ဘုရင်ကြီးနဲ့အတူမြေမြုပ်သင်္ဂြိုလ်ခံရမှာပါ ဒါပေမဲ့နောက်တက်မဲ့ဘုရင် ဖုဝမ်ဟာ ပုယွင်လော့ကို ချစ်မိသွားတဲ့အတွက် သင်္ဂြိုလ်တဲ့ထဲမသွားစေဘဲ မိန်းမစိုးရှောင်တုအိမ် တော်မှာ ဖွက်ထားခဲ့ပါတော့တယ် ပုယွင်လော့နဲ့ရှောင်တုဟာ အိမ်တော်မှာ ခဏခဏတွေ့ကြရာမှ လူငယ်သဘာဝချစ်ကြိုက်သွားကြမလား? အစောထဲက ဘုရင်နှစ်သက်သူမိန်းကလေးမို ဘယ်လိုအလက်အခဲတွေ ကြုံတွေ့ရမလဲ? နောက်ဆုံးအချိန် ကာကွယ်ပေးနိုင်ပါ့မလားဆိုတာ ဇာတ်လမ်းလေးထဲ ကြည့်ရအောင်ပါ ရှောင်တုအဖြစ် Dylan Wang ပုယွင်လော့အဖြစ် Chen Yu Qi (Yukee Chen) (အညွှန်းရေးသားထားသူကတော့ Kong Hou ဖြစ်ပါတယ်) Quality : WEB-DL 1080p Total Episodes : 36 Format : mp4 Genres : Romance, Historical Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

Side Story Of Fox Volant (2022) ဒီကားလေးက သိုင်းလောကသားတွေအားလုံးသိကြတဲ့ နှင်းတောင်သူရဲကောင်းကားလေးကို ပြန်လည်ရိုက်ကူးထားထားပါ နှင်းတောင်သူရဲကောင်းဆိုတာနဲ့ ထွေထွေထူးထူးမိတ်ဆက်နေစရာမလိုလောက်အောင်ကို အားလုံးကြားဖူးနေမှာပါ ဟူမိသားစုရဲ့မျိုးဆက် ဟူဖေးမွေးပြီးချိန်မှာ သူ့အဖေဟူသူရဲကောင်းနဲ့ သူငယ်ချင်းဖြစ်သူမြောင်သူရဲကောင်းတိုဟာ မသမာသူတစ်ယောက်ကြောင့် တိုက်ခိုက်ရင်း ဟူသူရဲကောင်းသေဆုံးသွားခဲ့ရပါတယ် သူ့အဖေသေဆုံးမှုဟာ သွေးရိုးသားရိုးမဟုတ်မှန်းသိတဲ့ဟူဖေးတစ်ယောက် အဖေမရှိဘဲရှင်သန်ရင်း သူ့အဖေထားခဲ့တဲ့မိသားစုအမွေအနှစ်သိုင်းကျမ်းကို ကျင့်ကြံကာ အဖေကိုသတ်ခဲ့တဲ့ရန်သူကို ပြန်လက်စားချေဖို အစီအစဥ်တွေဆွဲပါတော့တယ် လက်စားချေဖိုလျှောက်လုပ်ရင်း ပြသနာအရှုပ်အထွေးတွေရောပါကာ သူ့အဖေရဲ့ရန်သူကိုတွေ့ရပါ့မလား ကလဲ့စားချေနိုင်ပါ့မလားဆိုတာတော့ ဇာတ်လမ်းထဲတွေ့ရမှာပါ သိုင်းFanတွေလက်မလွှတ်သင့်တဲ့ ကားကောင်းတစ်ကားပါနော် အရင်versionလည်းကြည့်ဖူးပြီးသားမို အခုvetsionမှာဘာတွေကွာသွားမလဲ စိတ်ဝင်တစား ကြည့်ကြည့်ရအောင်နော် (အညွှန်းရေးသားထားသူကတော့ Kong Hou ဖြစ်ပါတယ်) Quality : WEB-DL 720p Total Episodes : 40 Format : mp4 Genres : Wuxia Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

နန်ကျောက်နဲ့ ပေယန်တို့ကြား နှစ်ပေါင်းများစွာ စစ်ဖြစ်ပြီး တင်းမာနေချိန်မှာ ပေယန်ဘုရင်သစ် နန်းတက်လာပါတယ်။ ဘုရင်သစ်က နန်ကျောက်ကို တိုက်ဖို့ ပြန်ပြင်ဆင်နေသလို နန်ကျောက်ဘုရင်ကို လုပ်ကြံဖို့ ကြိုးပမ်းမှုတွေကြောင့်လည်း တိုင်းပြည်အခြေအနေက ရှုပ်ထွေးလာတယ်။ ဒီအချိန်မှာ နန်ကျောက်ရဲ့အမတ်ချုပ် ကွမ်းက စစ်သေနာပတိချုပ်ရွေးချယ်မယ့် သိုင်းပြိုင်ပွဲကို ပြန်ကျင်းပဖို့ ကြိုးစားလာပါတယ်။ တုန်းယီလုံက ကိုယ့်ဘဝဇစ်မြစ်ကို သိချင်တာနဲ့ ကိုယ့်အစွမ်းကို သက်သေပြချင်တာကြောင့် ဒီပြိုင်ပွဲထဲ ဝင်လာသူပါ။ ချူဟွမ်နဲ့ တခြားအပေါင်းအသင်းတွေနဲ့အတူ အသက်ရှင်ဖို့နဲ့ ဂုဏ်သိက္ခာအတွက် တိုက်ပွဲဝင်ကြရတယ်။ ပြိုင်ပွဲစည်းကမ်းတွေကတော့ ရက်စက်လွန်းပါတယ်။ မျိုးနွယ်စုအသီးသီးက ကိုယ်စားလှယ်တွေကို သံကြိုးနဲ့ချည်နှောင်ပြီး ယှဉ်ပြိုင်ခိုင်းသလို စစ်သေနာပတိချုပ်ဖြစ်ဖို့ဆို ကိုယ့်အသင်းသားအချင်းချင်းကိုပါ သတ်ဖြတ်ရမယ့် စည်းကမ်းလည်း ရှိနေတယ်။ ခက်ခဲတဲ့အဆင့်တွေကို အတူကျော်ဖြတ်ရင်း အချင်းချင်း ကူညီစောင့်ရှောက်လာကြသူတွေအတွက် ဒီစည်းကမ်းက သူတို့ရဲ့ခင်မင်မှုနဲ့ သစ္စာရှိမှုကို စမ်းသပ်လာပါတယ်။ ပြိုင်ပွဲအတွင်းက အသက်လုပွဲတွေနဲ့အတူ အမတ်ချုပ်ကွမ်းရဲ့ ကြံစည်မှုတွေနဲ့ နိုင်ငံရေးအရ အသုံးချဖို့ လှည့်ကွက်တွေလည်း ရှိနေပါတယ်။

Jan 3 (2018) ရက်နေ့ကမှ ရုံတင်ပြသသွားတဲ့ Kung Fu Monster ဆိုတဲ့ဇာတ်ကားကောင်း..ဇာတ်ကားသစ်လေးနဲ့မိတ်ဆက်ပေးလိုက်ပါတယ် ဇာတ်လမ်းအညွှန်းလေးကတော့ မင်မင်းဆက်ခေတ်နှောင်းပိုင်းမှာ နန်းတွင်းမှာအာဏာကြီးနေတဲ့ မိန်းမစိုး စွေးယွိဟော့ဟာ အမွှေးမဲတွေဖုံးလွှမ်းနေတဲ့ မကောင်းဆိုးဝါး တစ်ကောင်ကို လူသတ်လက်နက်အဖြစ်လေ့ကျင့်ပေးဖို့ သူ့ရဲ့ကိုယ်ရံတော်ခေါင်းဆောင် ဖုံးစေ့ဟိုင်ကို တာဝန်ပေးလိုက်ပါတယ် ဒီမကောင်းဆိုးဝါးလေးရဲ့ဖြူစင်ပြီး ချစ်စရာကောင်းတဲ့ဟန်ပန်လေးကို တွေ့ပြီးမလေ့ကျင့်ပေးရက်တော့ပဲ လွှတ်ပေးလိုက်မိတယ် ဒီလိုနဲ့ ဖုံးစေ့ဟိုင်နဲ့ မကောင်းဆိုးဝါးကောင်လေးကို ဆုတွေအများအပြား ထုတ်ပြီး လိုက်လံဖမ်းဆီးခြင်းကိုခံရတာပေါ့ ဖုံးစေ့ဟိုင်အဖမ်းခံရတဲ့အခါမှာ သူ့ချစ်သူက သူ့ကိုကယ်တင်ဖို့ အဖွဲ့တစ်ဖွဲ့စုပြီး တော့ မကောင်းဆိုးဝါးကောင်လေးနဲ့ပါ ပူးပေါင်းလိုက်ပါတယ်..ဒီလိုပုံစံမတူနဲ့အဖွဲ့နဲ့ မကောင်းဆိုးဝါလေးတို့ ပူးပေါင်းပြီး စွင်းယိဟော့ကိုဘယ်လိုရင်ဆိုင်ရကြမလဲ.. စိတ်ဝင်တစားစောင့်ကြည့်ရမယ့်ဇာတ်ကားလေးဖြစ်သလို Monster နဲ့ပတ်သတ်တဲ့တရုတ်ကားတွေထဲမှာတော့ ဒီကားလေးကိုအတော်လေးသဘောကျမိပါတယ် ဘာသာပြန်နဲ့အညွှန်း Phyo Zaw ဖြစ်ပါတယ် Filesize : 1.90 GB / 1.13 GB Quality : WEB-DL 1080p , 720p Format : mkv Genres : Action , Fantasy Runtime : 1h 44 min Subtitle : Myanmar Subtitle ( Hardsub ) Translated by CM Team Reviewed By Phyo Zaw Encoded by LK

၁၉၃၀ ၀န်းကျင်မှာ ရှန်ဟိုင်းမြိုဟာ မငြိမ်မသက်မှုမျိုးစုံနဲ့။ လီ‌ဇစ်ဟောင်ဟာ ကျောင်းသားခေါင်းဆောင်တစ်ဦးဖြစ်ပြီး ကျောင်းသားသပိတ်တစ်ခုမှာ အဖမ်းခံခဲ့ရလို့ နှိပ်စက်ခံ အကျဉ်းချခံခဲ့ရတယ်။ ထောင်ထဲကနေ ကောင်လေးတစ်ယောက်နဲ့အတူ ထွက်ပြေးလာခဲ့ပြီးနောက်မှာ သူဌေးသမီးလေးတစ်ယောက်ကိုလည်း လူဆိုးတွေလက်ထဲကနေ ကယ်ပေးခဲ့ရပြန်တယ်။ ကယ်ပေးခဲ့တဲ့ကျေးဇူး‌တရားတွေကြောင့် အိမ်ခြေယာမဲ့နေတဲ့သူ့ကို အိမ်ခေါ်သွားခဲ့ချိန်မှာ သူ့အဖေ့ဟာ ရှန်ဟိုင်းရဲ့အာဏာပိုင်ကြီးတွေထဲကတစ်ယောက်ဖြစ်ပြီး သူ့ရဲ့သူငယ်ချင်းတွေကို သတ်မိန့်ပေးခဲ့သူကြီးဖြစ်နေတော့ ......။ File size…(2.6 GB)/(1.6 GB) Quality….Blu-Ray 1080p / 720p Format… mp4 Duration…. 02:20:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by Su

2016 ခုနှစ်က တောင်ကိုရီးယား-တရုတ် ပူးပေါင်းရိုက်ကူးထားတဲ့ ရယ်ရခက်ခက် ငိုရခက်တဲ့ ဟာသ လူသတ်သမားကားလေးကို ဘာသာပြန်တင်ဆက်ပေးလိုက်ပါတယ်... ဇာတ်လမ်းလေးကို အကြမ်းဖြင်းမိတ်ဆက်ပေးရမယ်ဆို.. ဟိုတယ် ဧည့်ကြိုလေး ဝူတကျစ်ဟာ ကိုယ်ဝန်ဆောင် ဇနီးအသစ်စက်စက်လေးကို ဟန်နီးမွန်းမပို့နိုင်လို့ သူအလုပ်လုပ်တဲ့ ဟိုတယ်မှာပဲ ပျားရည်စမ်းဖို့ စဉ်းစားခဲ့တာပေါ့... တိုက်တိုက်ဆိုင်ဆိုင် ရုပ်ရှင်မင်းသမီးဆိုသူက သူဟန်နီးမွန်းဖို့ကြံထားတဲ့ အခန်းကိုမှ ရွေးတည်းခဲ့တယ်လေ... ဒီမင်းသမီးက ထူးတော့ ထူးဆန်းတယ်... ညကြီးအချိန်မတော် ကွန်ဒိုတိုက်ခန်းထဲရောက်သွားပြီးတော့... နောက်နေ့မှာ မန်နေဂျာလည်းမပါ... အဝတ်တစ်ထည်ကိုယ်တစ်ခုနဲ့ မန်နေဂျာကို ပိုက်ဆံပေးပြီး... မှတ်ပုံတင်မအပ် စာရင်းလည်းမသွင်းတဲ့အပြင်.. ဟိုတယ်တောင် အနောက် အရေးပေါ် အခန်းကနေ ဝင်ပြီးတည်းတာနော်... ဒီမင်းသမီးက ဒီဟိုတယ်မှာ ပလတ်စတစ်ဆာဂျရီနဲ့ တွေ့ဖို့ကြံထားတာဖြစ်ပြီး... တိုက်တိုက်ဆိုင်ဆိုင် အဲ့ ဆာဂျရီက ဝူတကျစ်ရဲ့ တစ်ရွာတည်းသား မ်ဝမ်ရဲ့ လက်ရှိယောက်ျားဖြစ်နေပြီး လောင်းကစားအကြွေးရှုံးလို့ ထွက်ပြေးနေရသူပေါ့... ကဲမင်းသမီးနဲ့ ဆာဂျရီနဲ့တွေ့ဖြစ်မှာလား... ဝမ်ဝမ်ကရော ဘာလို့ ဟိုတယ်ရောက်နေတာလဲ... ဝူတကျစ်ရော သူ့ဟန်နီးမွန်းအခန်း မင်းသမီးဆီက တောင်းလို့ရမှာလား... ဇာတ်ကားလေးက အလင်းပြပါလိမ့်မယ် Filesize : 2.24 GB / 1.06 GB Quality : WEB-DL 1080p HEVC , 720p HEVC Format : mkv Genres : Crime , Comedy , Mystery , Thriller Runtime : 1h 37 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

သိုင်းလောကသားတွေအတွက် ၂၀၁၆က Peter Huo နဲ့ Lin Geng xinတို့ရဲ့ သိုင်းကားကောင်းကိုပြန်တင်ဆက်ပေးလိုက်ပါတယ်။ ယန်ရှီဆန်း......သိုင်းလောကထိပ်ခေါင်ဖြစ်ဖို့အတွက် အရူးအမူးဖြစ်နေတဲ့ ဓားသမားတစ်ယောက်...... ရှဲ့ရှောင်ဖုန်း.....ဓားစံအိမ်ရဲ့တတိယသခင်လေးဖြစ်ပြီး ပြိုင်ဘက်မရှိတဲ့ဓားသမား ဓားသခင်လို့အမွှန်းတင်ခံရတဲ့ သိုင်းသမားတစ်ယောက်..... သိုင်းလောကကြီးတစ်ခုလုံးကသူတို့ (၂)ယောက်ရဲ့တိုက်ပွဲကို စိတ်ဝင်တစားစောင့်ကြည့်နေခဲ့ကြတယ်။ ဒါပေမယ့် ယန်ရှီဆန်းက ဓားစံအိမ်ကိုစိန်ခေါ်ဖို့ရောက်လာတဲ့အချိန်မှာ သူ့ကိုကြိုဆိုနေခဲ့တာကတော့ ရှဲ့ရှောင်ဖုန်းရဲ့အုတ်ဂူပဲဖြစ်ပါတယ်။ သူ့ရဲ့အကြီးဆုံးပြိုင်ဖက်ကိုဆုံးရှုံးလိုက်ရတဲ့ ယန်ရှီဆန်းက အကြီးအကျယ်စိတ်ပျက်ဝမ်းနည်းသွားခဲ့ပါတယ်။ အဲ့ဒီအချိန်မှာ လျှို့ဝှက်ဆန်းကြယ်တဲ့မုရုံမိန်းကလေးပေါ်လာပြီး ယန်ရှီဆန်းကို ရှဲ့ရှောင်ဖုန်းမသေသေးကြောင်း အသိပေးလိုက်တဲ့အခါမှာတော့ သိုင်းလောကတစ်ခုလုံးစောင့်ကြည့်နေတဲ့ ထိပ်တန်းသိုင်းပညာရှင်၂ယောက်ရဲ့စိန်ခေါ်ပွဲကပြန်ပြီးအသက်ဝင်လာပါတော့တယ်....... Filesize : 2.96 GB / 1.47 GB Quality : WEB-DL 1080p HEVC , 720p HEVC Format : mp4 Genres : Action Runtime : 1h 48 min Subtitle : Myanmar Subtitle ( Hardsub )

The Monkey King (2014) IMDb - 4.9/10 2014 ခုနှစ်မှာထွက်ရှိခဲ့ပြီး အထူးသဖြင့် မြန်မာပရိတ်သက်အများအပြားအထူးကြိုက်နှစ်သက်အားပေးခဲ့ကြတဲ့ စွန်းဝူခုန်းဇာတ်ကားလေးပါ။ Visual Effect အလန်းစားတွေနဲ့စွန်းဝူခုံး မွေးဖွားလာပုံကနေစပြီး နဂါးပြည်သို့သွားရောက်မွှေနှောက်ပြီး သူ့ရဲ့လက်စွဲတော်ရွှေတုတ်တံရှာပုံတော်ဖွင့်ပုံ . နတ်ပြည်သို့သွားရောက်ပြီး မွှေနှောက်ခဲ့ပုံများကို အလန်းဆုံးသရုပ်ဆောင်မှုတွေနဲ့ ကြည့်ရမယ့်ကားလေးပါ။ နောက်ဆုံးမှာ မိစ္ဆာတွေနှိမ်နှင်းပြီးတဲ့နောက်မှာတော့ နတ်ပြည်ကိုဖျက်ဆီးခဲ့မှုတွေကြောင့် ဘုရားရဲ့အပြစ်ပေးခြင်းကို ခံခဲ့ရပြီး လက်ငါးချောင်းတောင်အောက်မှာ အနှစ် ၅၀၀ တိတိ ချုပ်နှောင်ခံခဲ့ရပါတယ်။ အနောက်ဘက်ကိုသွားပြီး ကျမ်းစာတွေကိုသွားရောက်ပင့်ဆောင်မယ့် ဘုန်းကြီးနဲ့တွေ့မှသာ လက်ငါးချောင်းတောင်အောက်ကလွတ်ပြီး အနောက်ဘက်ကကျမ်းစာတွေပင့်ဆောင်ပြီးမှသာ အပြီးလွတ်ကျွတ်ဖို့ သတ်မှတ်ခံခဲ့ရပါတယ်။ ( Part 2 မှာ ကျမ်းစာပင့်ဆောင်ဖို့ စတင်မှာပါ။ ) (ဒီဇာတ်ကားကိုဘာသာပြန်ပေးသူကတော့ Ko Nyein Saeyar Aung ပဲဖြစ်ပါတယ်။) (ဒီဇာတ်ကားကို ကျွန်တော်ကိုယ်တိုင်ဘာသာပြန်ထားခြင်းဖြစ်ရာ အမှားအယွင်းနှင့် လိုအပ်ချက်များရှိပါက... ကျွန်တော့်မှာသာတာဝန်ရှိကြောင်းကြိုတင်အသိပေးပါရစေခင်ဗျာ...) Filesize : 9.90 GB / 3.06 GB / 1.49 GB Quality : WEB-DL 4K HEVC , 1080p HEVC  , 720p HEVC Format : mkv Genres : Action , Adventure , Family , Fantasy Runtime : 1h 30 min Subtitle : Myanmar Subtitle ( Hardsub ) Translated by Nyein Saeyar Aung Encoded by LK

One Missed Call မူရင်း ဂျပန်ကားတွေက ကျွန်တော်တို့ငယ်စဉ်ကာလ ၂၀၀၀ ခုနှစ်ကျော်ကာလတွေမှာ နာမည်ကြီးခဲ့တဲ့ ဂျပန်သရဲကားတွေပဲ ဖြစ်ပါတယ်။ အဲဒီတုန်းက ဂျပန်သရဲလိုင်းဆို Ring မူရင်းတို့ The Grudge မူရင်းတို့တွေ ကြီးစိုးနေတဲ့အချိန်ပေါ့။ ဒီ One Missed Call ထဲက ဖုန်း Ringtone သံဆိုရင် ဖုန်းကိုင်တဲ့လူငယ်တွေကြားတောင် တော်တော်လေး ပေါက်သွားသေးတယ်ပြောရမယ်။ သူက အလွယ်လေး သရဲကားလို့ခေါ်လိုက်ပေမဲ့ တကယ်တမ်း ကိုယ့်ဖုန်းထဲကို အနာဂတ်တစ်ချိန်ချိန်ကနေ ကိုယ့်အသံနဲ့ ကိုယ့်ဖုန်းဆီကို Voicemail ရောက်လာပြီ အဲဒီအချိန် သေတော့မယ်ဆိုတာကို နမိတ်ကြိုပြတာမျိုးဆိုတော့ Final Destination တို့လို သည်းထိတ်ရင်ဖိုလိုင်းလည်း ဖြစ်တာပဲ။ ဒီဂျပန်ရုပ်ရှင် Franchise မှာတော့ ၃ ကားတိတိ ထွက်ရှိထားပြီး Hollywood ကပါ နံပါတ် ၁ ကားကို Remake ပြန်ရိုက်ခဲ့ပေမဲ့လည်း သိပ်တော့ အောင်မြင်လှခြင်းမရှိပါဘူး။ One Missed Call (2003) ဒါကတော့ နံပါတ် ၁ မူရင်းကား ၃ ကားထဲမှာလည်း အကောင်းဆုံးလို့ပဲ ဆိုရမှာပေါ့။ သူ့ဇာတ်လမ်းက ကောလိပ်ကျောင်းသူတွေဆီကို ကိုယ့်နာမည် ကိုယ့်ဖုန်းကြီးနဲ့ အသံမေးလ်တွေ ရောက်ရောက်လာတယ်။ ရက်စွဲတွေကလည်း နောက် ၁ ရက် ၂ ရက်နေမှဆိုတော့ အနာဂတ်ကနေ လှမ်းပို့သလိုကြီး။ ဒါပေမဲ့ ဒီထက်ပိုပြီး ထူးခြားတာကတော့ အဲဒီနေ့ အဲဒီအချိန်ဆို အဲဒီအပို့ခံရတဲ့လူက ထူးဆန်းတာတွေ မြင်ရ ကြားရ ကြုံရပြီး သွေးပျက်ဖွယ်ရာ သေဆုံးသွားတာမျိုး။ အစပိုင်းမှာတော့ မတော်မဆလို့ပဲ ထင်ခဲ့ကြပေမဲ့ တဖြည်းဖြည်းနဲ့ သေဆုံးသူတွေများပြားလာပြီး မင်းသမီးဆီ ရောက်လာတဲ့အခါမှာတော့ ဒီ ဖုန်းကျိန်စာဟာ ဘာကြောင့်လဲဆိုတာကို အဖြေရှာပြီး ရပ်တန့်သွားအောင် ကြိုးစားကြတာတွေကို ကြည့်ရမှာပါ။ One Missed Call 2 (2005) ဒါကတော့ ဒုတိယမြောက်ကား၊ သူက တိုက်ရိုက်ချိတ်ဆက်ထားပြီး ပထမကားဖြစ်ရပ်အပြီး ၁ နှစ်အကြာကို အခြေခံထားတယ်။ ဒီမှာကျ မူလတန်းကျောင်းဆရာမလေးနဲ့ တရုတ်စားသောက်ဆိုင်ဝန်ထမ်း ဓာတ်ပုံဆရာကောင်လေးဆီ ဒီဖုန်းကျိန်စာက ပြန်လည်ရောက်ရှိလာပြီး ဒီကိစ္စတွေကို အတွေ့အကြုံရှိသူ ဂျာနယ်လစ်မကလည်း လာရောက်ကူညီပေးမှာပါ။ ဒီကားမှာကျ ဒီဖုန်းကျိန်စာအကြောင်း ပိုမိုသိရှိရမှာဖြစ်ပြီး ဒီကျိန်စာရဲ့ တကယ့်ဇစ်မြစ်ကို အဖြေရှာရင်း ထိုင်ဝမ်နိုင်ငံထိ ရောက်သွားပြီး ကျိန်စာဘယ်လိုဖြေမလဲဆိုတာကို ကြည့်ရမှာပဲ ဖြစ်ပါတယ်။ Wind and Cloud ခေါ် နဲ့ဖုန်းနဲ့ ပုကျင်းရင် သိုင်းကားထဲက ပုကျင်းရင်နေရာက ထိုင်ဝမ်နာမည်ကြီးမင်းသား Peter Ho လည်း ပါဝင်သရုပ်ဆောင်ထားပါသေးတယ်။ One Missed Call 3 Final (2006) သူကတော့ တတိယမြောက် ဖိုင်နယ်ဆိုပြီး ထွက်လာခဲ့ပေမဲ့ ရှေ့ ၂ ကားနဲ့ ဘာမှမဆက်စပ်တာကို မြင်ရတယ်။ နံပါတ် ၂ ကားမှာ ထိုင်ဝမ်ထိ နယ်ချဲ့လာခဲ့တဲ့ဇာတ်ကားက‌ ဒီကားထဲမှာလည်း တောင်ကိုရီးယားထိ ရောက်သွားပြန်ပါတယ်။ ကိုရီးယားရောက်မှတော့ ကိုရီးယားမင်းသား Jang Keun-suk လည်း အဓိကဇာတ်ကောင်တစ်ယောက်အဖြစ် ဝင်ပါသရုပ်ဆောင်ထားပါသေးတယ်။ ဒီကားမှာကျ ကျောင်းသူကျောင်းသားတွေ ဂျပန်ကနေ ကိုရီးယားကို လေ့လာရေးခရီးထွက်လာတဲ့အချိန် သူတို့ကျောင်းမှာ အနိုင်ကျင့်ခံရပြီး ကိုယ့်ကိုကိုယ် အဆုံးစီရင်ထားတဲ့ကောင်မလေးက ဒီဖုန်းကျိန်စာတိုက်လို့ တစ်ယောက်ပြီးတစ်ယောက် ခွေးဖြစ်ကြမယ့်ဇာတ်လမ်း။ ဒါပေမဲ့ ဒီကားမှာကျ နည်းနည်း ပိုထူးခြားသွားတာက ကိုယ့်ဆီ အဲဒီ Voicemail ရောက်လာရင် ကိုယ့် Contact ထဲက နောက်တစ်ယောက်ဆီကို Forward လုပ်လို့ရပြီး အသက်သေမယ့်ရန်ကနေ ကာကွယ်နိုင်တာပဲ။ ဒီအချက်ပါလာတဲ့အတွက် လူတွေရဲ့ တကယ့်စိတ်ရင်းတွေကိုလည်း မြင်ရပြီး သရဲအပြင် လူအချင်းချင်း ရက်စက်ကြတာမျိုးတွေလည်း ကြည့်ရပါဦးမယ်။

၂၀၀၀ ပြည့်လွန်နှစ်တွေတုန်းက ရုပ်မြင်သံကြား ဖန်သားပြင်တွေရှေ့မှာ ပရိသတ်တွေကို အထိုင်မထ ကြည့်ရှုစေခဲ့ပြီး သိုင်းလောကရဲ့ အမိုက်စား ဇာတ်လမ်းတွဲတွေထဲက တစ်တွဲဖြစ်တဲ့ ငယ်ဘဝအမှတ်တရ ဂန္ထဝင်သိုင်းစီးရီးကြီးတစ်ခုနဲ့ မိတ်ဆက်ပေးပါရစေ။ ၂၀၀၂ ခုနှစ်က ထွက်ရှိခဲ့တဲ့ နာမည်ကျော် "Wind and Cloud" (သိုင်းလောကမုန်တိုင်း) ဆိုတဲ့ Classic Wuxia စီးရီးပဲ ဖြစ်ပါတယ်။ တရုတ်စာရေးဆရာ Ma Wing-shing ရဲ့ နာမည်ကြီး ကာတွန်းကို အသက်ဝင်ဆုံး ပြန်လည်ရိုက်ကူးထားတာဖြစ်ပြီး၊ ဇာတ်ကားထဲမှာ ပုကျင်းယွင်အဖြစ် Peter Ho၊ နျဲ့ဖုန်း အဖြစ် Vincent Zhao နဲ့ ရှုံပါ့ (Xiong Ba) အဖြစ် သရုပ်ဆောင်ကြီး Sonny Chiba တို့က အကောင်းဆုံး ပါဝင်သရုပ်ဆောင်ထားပါတယ်။ သိုင်းလောကတစ်ခုလုံးကို လွှမ်းမိုးချုပ်ကိုင်ချင်နေတဲ့ ထျန်းရှဂိုဏ်းရဲ့ ဂိုဏ်းချုပ် ရှုံပါ့ဟာ တစ်နေ့မှာတော့ သူ့ရဲ့ကံကြမ္မာနဲ့ ပတ်သက်ပြီး ထူးခြားတဲ့ ဟောကိန်းတစ်ခုကို ကြားသိခဲ့ရပါတယ်။ အဲဒါကတော့ "လေနဲ့ တိမ်ကို ပိုင်ဆိုင်ရင် သိုင်းလောကကို စိုးမိုးနိုင်မယ်" ဆိုတဲ့ ဟောကိန်းပါပဲ။ ဒါကြောင့် ရှုံပါ့ ဟာ အဲဒီဟောကိန်းအတိုင်း မွေးရာပါ ပါရမီရှင် ကလေးနှစ်ယောက်ဖြစ်တဲ့ 'နျဲ့ဖုန်း' နဲ့ 'ပုကျင်းယွင်' တို့ရဲ့ မိသားစုတွေကို ရက်ရက်စက်စက် သတ်ဖြတ်ပြီး ကလေးနှစ်ယောက်ကို သူ့ရဲ့ တပည့်ရင်းတွေအဖြစ် မွေးစားကာ သိုင်းပညာတွေ သင်ပေးခဲ့ပါတယ်။ အချိန်တွေကြာလာတဲ့အခါ နျဲ့ဖုန်း နဲ့ ပုကျင်းယွင် တို့ဟာ သိုင်းလောကမှာ ပြိုင်စံရှား သူရဲကောင်းတွေ ဖြစ်လာပြီး ရှုံးပါ ရဲ့ အင်ပါယာကြီးကို အကျယ်ပြန့်ဆုံးဖြစ်အောင် ကူညီပေးနိုင်ခဲ့ပါတယ်။ ဒါပေမဲ့ ရှုံပါ့ ရဲ့ နောက်ထပ်ကံကြမ္မာ ဟောကိန်းတစ်ခုက ထပ်ထွက်လာခဲ့ပါတယ်။ အဲဒါကတော့ "လေနဲ့ တိမ် ကြောင့် အောင်မြင်ခဲ့သလို၊ လေနဲ့ တိမ်ကြောင့်ပဲ ပြန်လည်ပျက်စီးရလိမ့်မယ်" ဆိုတာပါပဲ။ ဒီဟောကိန်းကို ကြောက်လန့်သွားတဲ့ ရှုံပါ့ ဟာ သူ့တပည့်နှစ်ယောက်ကို အချင်းချင်း ရန်တိုက်ပေးပြီး ဖယ်ရှားဖို့ ကြိုးစားပါတော့တယ်။ ဒီအတွက် အရမ်းလှပတဲ့ မိန်းကလေး ခုံချီကို အသုံးချပြီး သူတို့ကြားမှာ အချစ်ရေး အရှုပ်အထွေးတွေ ဖန်တီးခဲ့ပါတယ်။ နောက်ဆုံးမှာတော့ ကိုယ့်မိသားစုကို သတ်ခဲ့တဲ့ ရန်သူက ကိုယ့်ဆရာဖြစ်နေမှန်း သိသွားတဲ့ လေ နဲ့ တိမ် ညီနောင်နှစ်ယောက်၊ သူတို့ကို ပြန်လည်သတ်ဖြတ်ဖို့ ကြိုးစားနေတဲ့ ရှုံပါ့ တို့ရဲ့ အားပြိုင်မှုတွေ၊ သိုင်းလောကရဲ့ သွေးစွန်းတဲ့ တိုက်ပွဲတွေကို ရင်ခုန်စိတ်လှုပ်ရှားဖွယ် ကြည့်ရှုရမှာပါ။ Total Episode : 44 Quality : WEB-DL 1080p HEVC Format : mkv Genres : Action , Drama , Fantasy Runtime : 45 min Subtitle : Myanmar Subtitle ( Hardsub )