Peter Riegert ပါဝင်သော ဇာတ်ကားများ

အမေရိကန်နဲ့ ဗီယက်နမ်စစ်ပွဲကာလကို နောက်ခံထားတဲ့ ဇာတ်လမ်းပါ။ အထက်ကလူတွေက အောက်ခြေပြည်သူတွေရဲ့ဘဝကို လျစ်လျူရှုထားတဲ့အခါ ပြည်သူတွေဘက်က ပြန်လည်တွန်းကန်တော်လှန်ကြတဲ့ ခေတ်ရဲ့အငွေ့အသက်တွေ ပါဝင်ပါတယ်။ ဇာတ်လမ်းထဲမှာ ဆွိဒ်ဆိုတဲ့ ရုပ်ရည်ချောမောပြီး မိန်းကလေးတွေ သဘောကျကြတဲ့ အမျိုးသားတစ်ယောက်နဲ့ နယူးဂျာစီမယ်ဆု ရထားတဲ့ ဒေါင်းတို့ကို တွေ့ရမှာပါ။ သူတို့နှစ်ယောက်မှာ မယ်ရီဆိုတဲ့ သမီးလေးတစ်ယောက် ရှိပါတယ်။ ဒီမိသားစုရဲ့ဘဝ ဘယ်လိုအလှည့်အပြောင်းတွေ ကြုံလာမလဲ၊ ရှုပ်ထွေးမှုတွေကို ဘယ်လိုဖြေရှင်းကြမလဲဆိုတာ ဇာတ်လမ်းက ဆက်ပြသွားပါတယ်။ ဂျန်နီဖာကော်နယ်လီ၊ အီဝမ်မက်ဂရက်ဂေါနဲ့ ဒါကိုတာဖန်းနင်းတို့ ပါဝင်သရုပ်ဆောင်ထားပြီး Lionsgate က ထုတ်လုပ်ဖြန့်ဖြူးထားတဲ့ မှုခင်းဒရာမာကား ဖြစ်ပါတယ်။

လူငယ်တို့ရဲ့ချစ်ခြင်းမဟုတ်တဲ့ အိမ်ထောင်ရှိလူကြီးနှစ်ယောက်ရဲ့ တနေ့တာကာလအတွင်းကြုံတွေ့ခဲ့ရတဲ့ အချစ်တွေကို ရိုက်ပြထားတဲ့ အချစ်ဟာသဇာတ်မြူးကားလေးကိုတင်ဆက်ပေးလိုက်ပါတယ်။ Conjuring Universe မှာ Lorraine Warren အဖြစ်သရုပ်ဆောင်ခဲ့တဲ့ မင်းသမီး Vera Farmiga နဲ့ မင်းသားကြီး Andy Garcia တို့က အဓိကပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ အီဒစ် မာတင် (Vera Farmiga) ဟာ ကလေးအသုံးအဆောင်ပရိဘောဂတွေရောင်းတဲ့အမျိုးသမီးတယောက်ဖြစ်ပြီး သူ့ရဲ့သမီး အော်ဒရေ မာတင် ကောလိပ်တက်ဖို့အတွက် မစ်ဒဲတန်ကောလိပ်ကို သူ့သမီးနဲ့အတူ လာရောက်လေ့လာသူပါ။ ဂျော့ ဟာ့မန်း (Andy Garcia) ကတော့ နှလုံးခွဲစိတ်ပါရဂူတယောက်ဖြစ်ပြီး မစ်ဒဲတန်မှာ ကောလိပ်တက်ဖို့စိတ်မပါတဲ့ သူ့သားဖြစ်သူ ကွန်ရတ် ဟာ့မန်းနဲ့အတူ ကျောင်းကိုလာလေ့လာသူပါ။ ဒီလိုနဲ့ သူတို့နှစ်ဖွဲ့လုံး မစ်ဒဲတန်ကောလိပ်လေ့လာရေးခရီးစဉ်မှာဆုံမိကြပြီး ခေါင်းမာတတ်တဲ့မိဘတွေရဲ့သဘာဝအရ သူတို့သားသမီးတွေကို အရှက်ခွဲမိသလိုဖြစ်သွားခဲ့ပါတယ်။ ဒါကြောင့် အီဒစ်နဲ့ ဂျော့တို့ နှစ်ယောက်သား အဖွဲ့ထဲကနေလစ်ထွက်လာခဲ့ပြီး ဘာကိုမှတာဝန်ယူစရာမလိုတဲ့ လူငယ်တွေအဖြစ် ကျောင်းဝန်းထဲမှာ လျောက်သွားကြပြီး ပေါက်ကရတွေလုပ်ကြရင်း နေ့တဝက်ထဲမှာတင် ချစ်မိသွားကြပုံကို ရယ်ရယ်မောမောနဲ့ ကြည့်ရှုလိုက်ကြပါဦးဗျ။

IMDb 7.1 ရရှိထားတဲ့ဇာတ်ကားကောင်းလေးနဲ့မိတ်ဆက်ပေးပါရစေ စွန့်စားရမယ့်ကိစ္စမျိုးတွေကိုမှ ခုံမင်နှစ်သက်သူ စာရေးဆရာ Benjamin Mee ရဲ့ ကိုယ်တွေ့မှတ်တမ်းစာအုပ်ကို မှီငြမ်းပြီးရိုက်ကူးထားတဲ့ "We bought a zoo" ဆိုတဲ့ ကားလေးနဲ့ မိတ်ဆက်ပေးပါရစေ။ ဇာတ်လမ်းအကျဉ်းအနေနဲ့ကတော့ စွန့်စားခန်းတွေကိုမှ ကြိုက်နှစ်သက်တဲ့ ဖခင်ဖြစ်သူတစ်ယောက်၊ သူမမျှော်လင့်ထားဘဲ ဇနီးဖြစ်သူရုတ်တရက် ကွယ်လွန်သွားတဲ့အခါ ကလေး ၂ ယောက်နဲ့ ဗျာများပြီး ကျန်ခဲ့ရတဲ့ အကြောင်းပဲဖြစ်ပါတယ်။ ဇနီးဖြစ်သူရှိစဉ်က အိမ်ကိစ္စအဝဝကို လှည့်ကြည့်စရာမလိုလောက်အောင် နေခဲ့ရတဲ့ Benjamin တစ်ယောက် ဇနီးဖြစ်သူဆုံးပါးသွားတဲ့အခါမှာတော့ အဆင်မပြေမှုပေါင်းများစွာနဲ့ ကြုံလာရပါတော့တယ်။ အဆိုးဆုံးကိစ္စကတော့ သားကြီးဖြစ်သူ Dylan က ကျောင်းစည်းကမ်းချိုးဖောက်မှုအပါအဝင် စိတ္တဇပုံတွေ ရေးဆွဲနေလိ့ု ကျောင်းကနေ အထုတ်ခံလိုက်ရတာပဲ ဖြစ်ပါတယ်။ သားအဖနှစ်ယောက်ကြားမှာ ခါတိုင်းလို စေ့စပ်ညှိုနှိုင်းပေးနေကြ မိခင်ဖြစ်သူ မရှိတော့တာကြောင့်လည်း Dylan တို့နှစ်ယောက်က မကြာခဏဆိုသလို ကတောက်ကဆဖြစ်နေကြပါတယ်။ သမီးအငယ်လေး Rosie ကတော့ ဒီလိုတကျက်ကျက်ဖြစ်နေတဲ့ သားအဖနှစ်ယောက်ကြားမှာနေ နေရတဲ့သူလေး ဖြစ်ပါတယ်။ သားဖြစ်သူကျောင်းကထုတ်ခဲ့လိုက်ရတဲ့ကိစ္စအပြင် ဘယ်နေရာကိုပဲ ရောက်ရောက် ဘဝတစ်ပါးကို ကူးပြောင်းသွားတဲ့ ဇနီးသည်ကိုပဲ တသသဖြစ်နေတာကြောင့် စိတ်အပြောင်းအလဲဖြစ်သွားအောင် အိမ်ပြောင်းဖို့ စီစဉ်ကြပါတော့တယ်။ ဒီလိုစီစဉ်ကြရင်း သမီးဖြစ်သူ Rosie ရဲ့ ရွေးချယ်မှုနဲ့ တိရစ္ဆာန်ရုံပါ အဆစ်ပါလာတဲ့ အိမ်ကို ဝယ်မိလိုက်တဲ့အခါမှာတော့ စွန့်စားရတာကြိုက်တဲ့ Benjamin တစ်ယောက် စွန့်စားခန်းပေါင်းများစွာနဲ့ ကြုံလာရပါတော့တယ်။ Translated & Review By Megumi Encoded By LK

Traffic (2000) IMDb Rating (7.6) / Rotten Tomatoes (93%) ဒီတစ်ခေါက်တင်ဆက်ပေးမယ့်ဇာတ်လမ်းလေးကတော့ အော်စကာဆု ၄ခုရရှိထားတဲ့ Traffic ဆိုတဲ့ မှုခင်းဇာတ်လမ်းလေးပဲဖြစ်ပါတယ်။ ဒီဇာတ်ကားလေးမှာတော့ မူးယစ်ဆေးဝါးကို မှောင်ခိုရောင်းဝယ်နေကြတဲ့ ကုန်အဖွဲ့ကြီးတွေ မူးယစ်ဆေးဝါးဖြန့်ဖြူးရောင်းချသူတွေနဲ့ မူးယစ်ဆေးဝါး ကူးသန်းရောင်းဝယ်မှုကို တိုက်ဖျက်ဖို့ကြိုးစားနေသူတွေကြားက မူးယစ်ဆေးဝါးတိုက်ပွဲကို စိတ်ဝင်စားဖွယ်တွေ့မြင်ရမှာပါ။ ဒီဇာတ်ကားလေးထဲမှာတော့ မူးယစ်ဆေးဝါးဂိုဏ်းတွေကို ဖမ်းဆီးဖို့ကြိုးစားရင်း အထက်လူကြီးတစ်ဦးရဲ့ တားဆီးမှုကိုခံရပြီးနောက် နောက်ကွယ်ကဖြစ်ရပ်တွေကိုသိ ရှိသွားတဲ့ မက်ဆီကိုနိုင်ငံမှ ရဲအရာရှိ Javier အမျိုးသားမူးယစ်ဆေးထိန်းချုပ်ရေးအဖွဲ့မှာ ခန့်ထားခံရပြီး မူးယစ်ဆေးဝါးကုန်သွယ်နေတဲ့ ဂိုဏ်းကြီးတွေကို နှိမ်နင်းဖို့ ကြိုးစားနေတဲ့ တရားသူကြီး Robert Wakefield ကျောင်းမှာ စာသာမက ဘက်စုံတော်တဲ့ ကျောင်းသူတစ်ဦးဖြစ်ပေမယ့် မူးယစ်သားကောင်ဖြစ်နေတဲ့ Caroline မူးယစ် ဆေးဝါးဖြန့်ဖြူးသူအဖြစ် တရားစွဲခံထားရသူ ခင်ပွန်းသည်ကို အမှုမှလွတ်ဖို့ နည်းမျိုးစုံနဲ့ ကြိုးစားနေတဲ့ Helena မူးယစ်ဂိုဏ်းကိုတရားဥပဒေအရ အပြစ်ပေးခံရဖို့ ကြိုးစားနေရင်း မိတ်ဆွေရဲဘော်ကိုဆုံးရှုံးလိုက်ရတဲ့ အမေရိကန်ရဲအရာရှိ Moty စတဲ့ဇာတ်ကောင်တွေရဲ့ မတူညီတဲ့ရုန်းကန်မှုတွေကို တွေ့ရမှာပဲဖြစ်ပါတယ်။ မူးယစ်ကုန်သည်ဂိုဏ်းကြီးတွေနဲ့ မူးယစ်ဆေးဝါးကိုတိုက်ထုတ်ဖို့ကြိုးစားနေတဲ့ သူတို့အကြား အစိုးရဘက်ကပဲ မူးယစ်ဂိုဏ်းတွေကိုအနိုင်ရသွားမလား မူးယစ်ဆေးဝါး ကုန်သည်တွေကို တရားဥပဒေအတိုင်းအပြစ်ပေးသွားနိုင်မလား တိုင်းပြည်အတွင်း မူးယစ်ဆေးဝါးသုံးစွဲမှုလျော့ကျအောင် တိုက်ပွဲဝင်နေတဲ့ Wakefield တစ်ယောက် သမီးဖြစ်သူရဲ့ဘဝကိုရော ကယ်တင်ပေးနိုင်ပါ့မလား ဆိုတာကို စိတ်ဝင်စားဖွယ်မြင်တွေ့ရမယ့် ဇာတ်ကားလေးမို့ ကြည့်ရှုကြဖို့ ညွှန်းဆိုလိုက်ပါတယ်။ (အညွှန်းနဲ့ဘာသာပြန်ကတော့ Lwin Lwin Aung ဖြစ်ပါတယ်။) File size…(6.1GB) / (3 GB) Quality….Blu-Ray 1080p HEVC /720p Format…. mkv/mp4 Genre….Crime,Drama,Thriller Duration….02:28:18 Subtitle….Myanmar Subtitle (Hardsub) Encoder….Double K Translated by Lwin Lwin Aung

1994 ခုနှစ် မိတ်ဆွေတို့ ကျွန်တော်တို့ ပေါက်စနဘဝလေးပဲရှိသေးတဲ့အချိန် အဲဒီအချိန်ခုနှစ်မှာပဲ အခု Deadpoolထွက်ပြီးတဲ့အချိန်ထိ ဒါမှမဟုတ် နောက်ရာစုနှစ်တွေအထိ အရယ်ရဆုံး ComicBook Movie တစ်ခုဖြစ်လာမယ့် The Mask ကို မွေးဖွားခဲ့ပါတယ် IMDB: 6.9/10 Metacritic : 56% Rotten Tomatoes : 77% Edge City ဆိုတာ အမေရိကန်နိုင်ငံက မထင်မရှားဆိပ်ကမ်းမြို့လေးတစ်မြို့ အဲဒီမြို့လေးက မြို့သား Stanley Ipkissကလည်း Edge City ဘဏ်မှာ အလုပ်လုပ်နေတဲ့ မထင်မရှားမြို့သားတစ်ယောက် သူရဲ့စိတ်ထားအင်မတန်ကောင်းလွန်းနေတာရယ် အလျှော့ပေးဆက်ဆံတတ်တဲ့ အကျင့်ကြောင့် လူချစ်လူခင်ပေါတဲ့လူတစ်ယောက် တစ်နေ့ ဘဏ်ကိုဓားပြတိုက်ဖို့ အကြံအစည်နဲ့ရောက်လာတဲ့ Tina Carlleyl ဆိုတဲ့ကောင်မလေးကို တန်းတန်းစွဲဖြစ်သွားပြီး လိုက်ပိုးရာက တလွဲတွေဖြစ် အိမ်အပြန်လမ်းမှာ ထူးထူးဆန်းဆန်း မျက်နှာဖုံးတစ်ခုကို ကောက်ရရာကနေ Stanleyရဲ့ဘ၀ ကပြောင်းကပြန် ပြောင်းလဲဖို့ဖြစ်လာပါတော့တယ်... The Truman Show, Man on The Moon, Eternal Sunshine of the Spotless Mind ဇာတ်ကားတွေဟာ Jim Carrey ရဲ့ အရည်အချင်းကိုအကောင်းဆုံးမှတ်ကျောက်တင်ပေးခဲ့တယ်ဆိုရင် အခု The Mask ကားဟာ Jim Carrey ဆိုတဲ့ မင်းသားတစ်ယောက်ကို ကမ္ဘာ့ရုပ်ရှင်ဇာတ်ခုံပေါ်တင်ပေးခဲ့တယ်လို့ ပြောနိုင်ပါတယ် ဒါတင်မကပဲ နောင်တစ်ချိန်မှာ ထိပ်တန်းမင်းသမီးတစ်ယောက်ဖြစ်လာမယ့် Cameron Diaz ကိုစင်တင်ပေးခဲ့တဲ့ ဇာတ်ကားလည်းဖြစ်ခဲ့တယ်Visual Effect ကဏ္ဍအတွက် nomitationတွေလည်း အများကြီးပါခဲ့ရုံတင်မကပဲ Jim Carrey ကို Golden Globes မှာ Best Actor စာရင်းဝင်စေခဲ့တဲ့ ပထမဆုံးကားလည်း ဖြစ်ခဲ့တယ်။ Jim Carrey ရဲ့အကောင်းဆုံးအချိန်က အကောင်းဆုံးကားဖြစ်ခဲ့တဲ့ The Mask ဟာ မူရင်းကောမစ်က သွေးပျက်ခြောက်ခြားစရာကောင်းနေပေမယ့်လည်း ယခုအချိန်ထိ ဒါမှမဟုတ် နောင်နှစ်များထိတိုင်အောင် အကောင်းဆုံး အရီရဆုံး ComicBook Movie ပါလို့ပြောရင် ဘယ်သူကများ ငြင်းနိုင်ဦးမှာလဲ " From Zero To Hero... " File size…(2.1 GB)/(1 GB) Quality….Blu-Ray 1080p / 720p Format…mp4 Duration….01:41:00 Genre... Action, Comedy, Crime Subtitle….Myanmar Subtitle (Hardsub) Encoder…. Mr. Anderson Translated by Ye Khant Min

Animal House 1978 ၁၉၆၂ ခုနှစ်မှာ Faber College ရဲ့ ကျောင်းသားသစ်တွေ ဖြစ်တဲ့ Larry Kroger နဲ့ Kent Dorfman တို့ဟာ သူတို့ ဝင် ချင်တဲ့ ကျောင်းသားအသင်းကို ရှာဖွေကြရာ နာမည်ကြီး ပြီး စည်းကမ်းတင်းကျပ်တဲ့ Omega Theta Pi အသင်း မှာ သူတို့ကို လက်မခံခဲ့လို့ သူတို့ဟာ နာမည်ပျက်ပြီး စည်းကမ်းမဲ့တဲ့ Delta Tau Chi အသင်းကို ရောက်ရှိသွား ပါတယ်။ Delta Tau Chi အသင်းဟာ ကျောင်းရဲ့အဆိုးဆုံး၊ အညစ် ပတ်ဆုံး၊ အသောက်အစားအများဆုံး အသင်းအဖြစ် နာမည်ကြီးပါတယ်။ Faber College ရဲ့ ကျောင်းအုပ် ကြီး Dean Vernon Wormer ကတော့ Delta အသင်းကို ကျောင်းကနေ ဖယ်ရှားပစ်ဖို့ အမြဲတမ်း ကြိုးစားနေတာ ပါ။ သူဟာ Delta အဖွဲ့ကို ပြင်းထန်တဲ့ စည်းကမ်း ထိန်းသိမ်းမှုအောက်မှာ ထားတဲ့အပြင် Omega အသင်း ရဲ့ ဥက္ကဋ္ဌ Greg Marmalard ကိုလည်း Delta ကို ဖြုတ်ချ ဖို့ အကူအညီတောင်းခံပါတယ်။ Delta အသင်းသားတွေဟာ Dean Wormer နဲ့ Omega အသင်းရဲ့ ဖိအားပေးမှုတွေကို အမျိုးမျိုးသော စည်းကမ်းမဲ့ အပြုအမူတွေ၊ ပြက်လုံးတွေနဲ့ ပြန်လည် တုံ့ပြန်ကြပါတယ်။ ဒါကြောင့်ပဲ Delta အသင်းဟာ ကျောင်းရဲ့ စည်းကမ်းထိန်းသိမ်းရေးဘုတ်အဖွဲ့ကို ဆင့်ခေါ်ခံရပြီး နောက်ဆုံးမှာတော့ သူတို့အသင်းရဲ့ လိုင်စင်ကို ဖျက်သိမ်းခံလိုက်ရပါတယ်။ အသင်း ဖျက်သိမ်းခံရပြီးနောက် Delta အသင်းသားတွေ ဟာ သူတို့အပေါ် နာကျည်းမှုတွေအတွက် ပြန်လည် လက်စားချေဖို့ ဆုံးဖြတ်ခဲ့ကြပါတယ်။ သူတို့ဟာ ကျောင်းရဲ့ ကျောင်းသားဟောင်း ပြန်လည်တွေ့ဆုံချီ တက်ပွဲကို ဝင်ရောက်ဖျက်ဆီးဖို့ အကြံထုတ်ကြပါတော့တယ်။ File size…    2.72 GB /  1 GB Quality… BluRay 1080p / 720p Format… mp4 Duration…. 1h 40m Genre ..... Comedy/Thriller Subtitle…. Myanmar Subtitle (Hard Sub)