Phyllis Logan ပါဝင်သော ဇာတ်ကားများ

A Taste for Murder (2026) S01 +++++++++++++ အပိုင်း ( ၁ မှ ၆ ) အထိ စ / ဆုံး BritBox ကနေ ၂၀၂၆ ခုနှစ်မှာ အသစ်စက်စက် ထွက်ရှိထားတဲ့ A Taste for Murder ဆိုတဲ့ ဗြိတိသျှ စုံထောက်ဇာတ်လမ်းတွဲ (TV Series) က DCI Joe Mottram (Warren Brown) ဆိုတဲ့ စုံထောက်တစ်ယောက်အကြောင်းပါ။ သူဟာ ဝမ်းနည်းစရာကောင်းတဲ့ မတော်တဆမှုတစ်ခုကြောင့် ဇနီးဖြစ်သူ ဆုံးပါးသွားပြီးနောက်မှာ စိတ်ပိုင်းဆိုင်ရာ တော်တော်လေး ထိခိုက်နေသူပေါ့။ ဒါကြောင့် သူဟာ စိတ်ဒဏ်ရာတွေကို ကုစားဖို့နဲ့ သူ့သမီးလေး Angelica နဲ့ ပြတ်တောက်နေတဲ့ ဆက်ဆံရေးကို ပြန်တည်ဆောက်ဖို့အတွက် အီတလီနိုင်ငံက Capri ကျွန်းမှာရှိတဲ့ သူ့ယောက္ခမတွေဆီကို အားလပ်ရက် ခရီးထွက်လာခဲ့ပါတယ်။ အေးအေးဆေးဆေး နားနားနေနေ နေဖို့ စိတ်ကူးထားပေမယ့် ကံကြမ္မာက သူ့ကို အလုပ်နဲ့ ပြန်ပေးတွေ့ပါတယ်။ အဲဒီကျွန်းမှာ ထူးဆန်းတဲ့ လူသတ်မှုတွေ ဆက်တိုက်ဖြစ်လာတဲ့အခါမှာတော့ Joe ဟာ ဒေသခံ စုံထောက်မလေး Lara နဲ့ ပူးပေါင်းပြီး အမှုတွေကိုလိုက်လံဖြေရှင်းရပါတော့တယ်။ ဇာတ်လမ်းရဲ့ ထူးခြားချက်က အမည်အတိုင်းပါပဲ။ အမှုတစ်ခုချင်းစီဟာ အီတလီရဲ့ နာမည်ကြီး ဟင်းလျာတွေ၊ စားသောက်ကုန်တွေနဲ့ တစ်နည်းမဟုတ်တစ်နည်း ဆက်နွယ်နေတာပါ။ (ဥပမာ - အစာထဲ အဆိပ်ခတ်တာမျိုး ဒါမှမဟုတ် စားသောက်ဆိုင် ပိုင်ရှင်တွေကြားက အားပြိုင်မှုတွေပေါ့။) အီတလီနိုင်ငံရဲ့ Amalfi Coast နဲ့ Capri ကျွန်းရဲ့ ရှုခင်းတွေကို ရုပ်ရှင်အဆင့်မီ ရိုက်ပြထားတာကြောင့် ကြည့်နေရင်းနဲ့ အီတလီကို ခရီးထွက်နေရသလို ခံစားရမှာပါ။ ဒါက စုံထောက်ကား သက်သက်တင်မဟုတ်ဘဲ ဇနီးသည်ဆုံးရှုံးသွားတဲ့ အမျိုးသားတစ်ယောက်ရဲ့ ဝမ်းနည်းပူဆွေးမှုနဲ့ သူ့သမီးလေးနဲ့ ပြန်လည်နားလည်မှုယူပုံတွေကိုပါ ထိထိမိမိ ပုံဖော်ထားပါတယ်။ A Taste for Murder က "The Menu" လိုမျိုး အစားအသောက်နောက်ခံ Mystery တွေကိုမှ ခပ်အေးအေးနဲ့ ခံစားချက်ပါပါ ကြည့်ချင်တဲ့သူတွေအတွက် အဆင်ပြေပါတယ်။ အမှုလိုက်တာတင်မကဘဲ အီတလီယဉ်ကျေးမှုနဲ့ မိသားစုတန်ဖိုးတွေကိုပါ ရောမွှေထားတဲ့ ဇာတ်လမ်းတွဲလေးပါ။ ဒီဇာတ်လမ်းတွဲက အခုမှ ထွက်ထားတာဆိုတော့ ကိုယ်က စုံထောက်ကားတွေကိုမှ ခပ်အေးအေးနဲ့ ရှုခင်းလှလှလေးတွေ ကြည့်ရတာ ကြိုက်တတ်ရင်တော့ ဒါက လုံးဝအကြိုက်တွေ့စေမှာပါ။ Size – 650MB Quality – WEB-DL 1080p HEVC Episodes -  6 Eps Duration -  48m Subtitle – Myanmar Hardsub Format – mkv Genre :  Crime , Drama , Family , Mystery

IMDb Rating 7.4/10 နာမည်ကျော် အင်္ဂလန်စာရေးဆရာမ Jane Austen နဲ့ သူ့အစ်မ Cassandra Austen တို့ကြားက ချစ်ခြင်းမေတ္တာကို ဖော်ကြူးရိုက်ကူးထားတဲ့ ဆီးရီးတစ်ခုပဲ ဖြစ်ပါတယ်.. ၂၀၂၅ ခုနှစ် ဖေဖော်ဝါရီ ၂ ရက်နေ့မှာ ပထမဆုံး ထုတ်ဝေခဲ့ပြီး season 1 မှာ အပိုင်း (၄) ပိုင်းပါဝင်ပါတယ်... ညီအစ်မနှစ်ယောက်ကြားက နက်ရှိုင်းလေးနက်တဲ့ ချစ်ခြင်းမေတ္တာကို ပေါ်လွင်အောင် ရိုက်ကူးပုံဖော်ထားတဲ့အပြင် မတူကွဲပြားတဲ့ အချစ်ဇာတ်လမ်းလေးတွေအများကြီး ပါဝင်ပါတယ်.... Jane Austen ကွယ်လွန်ပြီး ၁၃ နှစ်အကြာမှာ Jane Austen အကြောင်း အတ္တုပတ္ထိစာအုပ်ထုတ်ဝေချင်တာကြောင့် အချစ်ဆုံးသူငယ်ချင်း အယ်လိုင်ဇာဆီကို ရေးသားပေးပို့ခဲ့ဖူးတဲ့ Jane ရဲ့စာတွေကို လိုက်ရှာနေခဲ့တဲ့ ယောင်းမဖြစ်သူ Mary Austen...... လောကကြီးကို သူဟာ အင်္ဂလန်မှာ အပျော်ဆုံးကောင်မလေးတစ်ယောက်ဖြစ်ခဲ့တယ်ဆိုတာကိုသာ သိစေချင်ပြီး သူ့ကိုလူတွေဝိုင်းသနားကြတာကို မလိုချင်ခဲ့တဲ့ ညီမဖြစ်သူ Jane Austen ရဲ့ ဆန္ဒကြောင့် အယ်လိုင်ဇာဆီကိုပေးပို့ထားတဲ့ ရင်ဖွင့်စာတွေကို ယောင်းမဖြစ်သူ တွေ့သွားမှာစိုးလို့ ကာကွယ်နေတဲ့ အစ်မဖြစ်သူ Cassandra Austen ............ အခက်အခဲအတားအဆီးတွေကြားက အစ်မဖြစ်သူရဲ့ အားပေးမှုနဲ့အတူ ဝတ္ထုတွေကို အောင်မြင်စွာ ရေးသားနိုင်ခဲ့တဲ့ စာရေးဆရာမ Jane Austen........ 1500ချစ်ခြင်းမေတ္တာထက် 528ကိုသာ ဦးစားပေးခဲ့ကြတဲ့ Austen ညီအစ်မတွေရဲ့ အတိတ်ဇာတ်လမ်းတွေ...... အင်္ဂလန်ရဲ့ ရင်သပ်ရှုမောဖွယ်ရာ အလှတရားတွေ၊ ရှုခင်းတွေကိုလည်း တဝကြီးကြည့်ရှုရမယ့်အပြင် နာမည်ကျော် အင်္ဂလန်စာရေးဆရာမ Jane Austen ရဲ့ ဘဝဇာတ်ကြောင်း၊ လောကဒဏ်အလှည့်အပြောင်းတွေကြားက နက်ရှိုင်းတဲ့ ချစ်ခြင်းမေတ္တာတရားတွေကို ကြေကွဲလွမ်းမောဖွယ်ရာခံစားကြည့်ရှုရမယ့် ဆီးရီးကောင်းတစ်ပုဒ်ဖြစ်ပါတယ်။ လောကကြီးမှာ ညီအစ်မဆိုတာ သဘာဝက ပေးတဲ့လက်ဆောင်တစ်ခုပါလားလို့ ခံစားမိစေတဲ့အထိ ချစ်ခြင်းမေတ္တာကို ပေါ်လွင်အောင် ရိုက်ကူးတင်ဆက်ထားတဲ့ Miss Austen 2025 season 1 ကို ကြည့်ရှုပြီး နက်ရှိုင်းတဲ့ ချစ်ခြင်းမေတ္တာတွေကို ခံစားကြည့်လိုက်ရအောင်....... File size…(815 MB )/(425 MB) Quality….HEVC 1080p / 720p Format…mp4 Duration….01:10:00 Genre...Drama Subtitle….Myanmar Subtitle (Hardsub) Encoder….Swan Min Htet Translated by Su Mon

Downton Abbey: The Grand Finale (2025) IMDb Rating (7.6) / Rotten Tomatoes (92%) Downton Abbey လို့ဆိုလိုက်တာနဲ့ ဒီ franchise ကိုမသိသေးတဲ့ ရုပ်ရှင်ပရိသတ်တွေကတော့ ခပ်ရှားရှားပါပဲ။ ၂၀၁၀ ကနေ ၂၀၁၅ အထိ တီဗီရုပ်သံဇာတ်လမ်းတွဲအနေနဲ့စတင်ကတည်းက အောင်မြင်မှုရရှိခဲ့ပြီး အဲဒီကတည်းကနေ ရုပ်ရှင်ဇာတ်လမ်းတစ်ကားပြီးတစ်ကားရိုက်ခဲ့ရာမှာ အခုဆိုရင် Grand Finale arc ကို ရောက်လာပြီလို့ဆိုရမှာပါ။ စက်တင်ဘာလဆန်းကမှထွက်ထားပေမယ့်လည်း trailer ထွက်ကတည်းက နာမည်ကြီးဇာတ်ဝင်ခန်းတချို့ပါနေလို့ စတင်ထုတ်လွှင့်ပြီးချင်း တစ်လအတွင်းမှာပဲ IMDB မှာ 7.6 နဲ့ Rotton Tomatoes မှာလည်း tomato meter 92 ရာခိုင်နှုန်းအထိရရှိထားပြီးသားဖြစ်ပါတယ်။ ဇာတ်အိမ်ကတောင့်ပြီးသားဖြစ်တဲ့အလျောက် သရုပ်ဆောင်မင်းသားမင်းသမီးတွေရဲ့ ဇာတ်လမ်းဇာတ်ကွက်အပေါ် ဘယ်လိုပညာသားပါပါပို့ချပေးမလဲဆိုတာကို ဒီဇာတ်ကားထဲမှာထပ်ပြီးတော့ရှုမြင်ခံစားရမှာပဲဖြစ်ပါတယ်။ ဇာတ်လမ်းနောက်ခံ Downton Abby: A new Era မှာ ခရော်လီမိသားစုဝင်များ ပြင်သစ်နိုင်ငံတောင်ဘက်ခြမ်းခရီးသွားအပြီးပြန်လာတဲ့အချိန်မှာ ခရော်လီမိသားစုရဲ့ ဘဏ္ဍာရေးပြဿနာတွေပိုပြီး အတိအလင်းဖြစ်လာပါတယ်။ တစ်ချိန်တည်းမှာပဲ လေဒီမေရီဟာလည်း အိမ်ထောင်ရေးပြဿနာတက်ပြီး အရှုပ်အရှင်းကိစ္စများရှိလာကာ အိမ်ထောင်ကွဲသွားပြီး အမွေဆက်ခံရမယ့်သူဖြစ်ပေမယ့်လည်း မိသားစုအတွင်းမှာကော အသိုင်းအဝိုင်းကြားထဲမှာပါ မျက်နှာမတင့်တယ်နိုင်ဖြစ်နေပါတယ်။ ဒီလိုနဲ့ အိမ်ထောင်ကွဲတစ်ယောက်ဖြစ်တဲ့ မေရီတစ်ယောက် သူ့ရဲ့အိမ်ထောင်ရေးအလွန်က ဘဝခရီးစဉ်ကို ဘယ်လိုဆက်လျှောက်မလဲ၊ ခရော်လီမိသားစုဝင်တွေရဲ့အနာဂတ်ရှေ့ရေးက ဘယ်လိုဖြစ်လဲဆိုတာကို ဒီရုပ်ရှင်ဇာတ်လမ်းမှာ စိတ်ဝင်တစား ရှုမြင်ခံစားရမှာပဲဖြစ်ပါတယ်။ File size… (5 GB) / (1.6 GB) / (960 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama Duration…. .02:04:11 Subtitle…. Myanmar Subtitle (Hardsub)

No Way Up (2024) လတ်တလောထွက်ရှိထားတဲ့ Thriller/Actionဇာတ်လမ်းကောင်းတစ်ခုကို တင်ဆက်ပေးလိုက်ပါတယ်။ မတူညီတဲ့ နောက်ကြောင်းကိုယ်စီနဲ့ ခရီးသည်တွေပါတဲ့ ကာဘိုကိုသွားမဲ့ မနက်အစောကြီးလေယာဉ်တစ်စင်း။ မနက်အစောလေယာဉ်ဖြစ်တာမို့ ခရီးသည် များများစားစားမပါပေမဲ့ ကံဆိုးချင်တော့ သမုဒ္ဒရာထဲကို ပျက်ကျပါတယ်။ ဒီမှာပဲ တဖြည်းဖြည်း သမုဒ္ဒရာကြမ်းပြင်ဆီ မြုပ်နေတဲ့လေယာဉ်ထဲက ခရီးသည်တွေ အောက်စီဂျင်မရှိတော့မယ့် ဒုက္ခနဲ့ ငါးမန်းတွေဝိုင်းနေတဲ့ အန္တရာယ်ကိုရင်ဆိုင်ရပါတော့တယ်။ သူတို့တွေ ဒီအဖြစ်ဆိုးကနေ လွတ်မြောက်ဖို့ကြိုးစားကြတာကို အသဲတလှပ်လှပ်နဲ့ ခံစားကြည့်ရှုရမှာပါ။ (အညွှန်းနဲ့ဘာသာပြန်ကတော့ aungmo3han ဖြစ်ပါတယ်) Genre..... Action, Horror, Thriller Quality…. 1080p | 720p File size… 1.3GB | 631MB Format… mp4 Duration…. 1h 30min Subtitle…. Myanmar Subtitle (Hardsub) Translator ..... aungmo3han Encoder ..... Aaron

Surprised by Oxford (2023) IMDb Rating (6.2) ဒီဇာတ်လမ်းမှာတော့ စာအရမ်းကြိုးစားပြီး ဉာဏ်ကောင်းလွန်းလို Oxford တက္ကသိုလ်ကို ပညာသင်ဆုနဲ့ တက်ခွင့်ရသွားတဲ့ Caro Drake ဆိုတဲ့ မိန်းကလေးက UK ကို ရောက်လာပြီး Oxford မှာ ကျောင်းလာတက်တယ်။ Caro က သူ့အရင်အတိတ်က အဖေ့ရဲ့စွန့်ပစ်မှုကိုခံခဲ့ရတဲ့ traumaကြောင့် ဉာဏ်ကောင်းသလောက် ​ခံစားချက်ပိုင်းနဲ့ပတ်သက်ရင် နှလုံးသားတံခါးပိတ်ထားတတ်တဲ့ စက်ရုပ်လိုကျောင်းသူတစ်ယောက်ဖြစ်တယ်။ ဒါပေမဲ့ Kent Weber လိုခေါ်တဲ့ ဘာသာရေးကိုင်းရှိင်းပြီး သူ့လိုပဲဉာဏ်ကောင်းတဲ့ ကောင်ချောလေးနဲ့တွေ့ပြီးနောက်မှာတော့ Kent ရဲ့ Caro ယုံကြည်မှုတွေအပေါ် စိန်ခေါ်ငြင်းဆိုမှုတွေကြောင့်... Caroဘဝရဲ့ အချစ်၊ ဘာသာရေးနဲ့ ဘဝရဲ့အဓိပ္ပါယ်ကို ရှာဖွေမှုအမြင်တွေ ဘယ်လိုပြောင်းလဲလာမလဲဆိုတာကို ပညာတတ် အတွေးအခေါ်ဆွေးနွေးမှုတွေနဲ့ ကောင်းကောင်းကြည့်ရှုရမဲ့ Romance ဇာတ်လမ်းကောင်းတစ်ပုဒ်ပဲ ဖြစ်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(1.3 GB) / (740 MB) Quality….Web-Rip 1080p HEVC / 720p Format…. mkv/mp4 Genre….Drama, Mystery, Romance Duration….01:43:01 Subtitle….Myanmar Subtitle (Hardsub) Encoder….Benjamin Translated by Thwal Htoo Zin

Rocketry: The Nambi Effect က အိန္ဒိယသိပ္ပံပညာရှင်၊ လေကြောင်းနဲ့ အာကာသယာဉ်တည်ဆောက်မှု အင်ဂျင်နီယာ Nambi Narayanan ရဲ့ ဘဝအကြောင်းကို အခြေခံထားတဲ့ အတ္ထုပ္ပတ္တိဒရာမာပါ။ ပရင်စတန်တက္ကသိုလ်က ဘွဲ့ရကျောင်းသားဘဝနဲ့ သိပ္ပံပညာရှင် မဖြစ်လာခင်က အကြောင်းတွေကနေ သူလျှိုမှုနဲ့ လုပ်ကြံစွဲချက်တင်ခံရတဲ့အထိ သူ့ဘဝအဖြစ်အပျက်တွေကို ပြထားပါတယ်။ ဒီစွပ်စွဲချက်တွေနဲ့ လောကဓံကို သူဘယ်လိုရင်ဆိုင်ဖြတ်သန်းခဲ့သလဲဆိုတာလည်း ပါဝင်တယ်။ Nambi Narayanan အဖြစ် 3 Idiots ထဲက R. Madhavan က အဓိကသရုပ်ဆောင်ထားပြီး ဇာတ်လမ်း၊ ဇာတ်ညွှန်းနဲ့ ဒါရိုက်တာတာဝန်တွေကိုပါ ယူထားပါတယ်။ Shah Rukh Khan နဲ့ Suriya တို့လည်း ဧည့်သည်သရုပ်ဆောင်အဖြစ် ပါဝင်ထားတယ်။

အလုပ်အကိုင်လား..။ အောင်မြင်မှုလား..။ဇနီးမယားလား..။ မိသားစုလား..။ ရထားတစ်တွဲတစ်တွဲနဲ့ တစ်တွဲအကူးအပြောင်းမှာ အနာဂါတ်နဲ့ အတိတ်ကို ကူးပြောင်းနိုင်ခဲ့မယ်ဆိုရင် ဘယ်လိုနေမလဲ ? နောက်အိမ်ထောင်ပြုဖို့အတွက် ခပ်ငယ်ငယ် ခပ်ချောချော ဇနီးလောင်းလေးကို အိမ်ကို ပြန်ခေါ်သွားဖို့ မွေးရပ်ရှိရာ ရထားနဲ့ ပြန်လာခဲ့တဲ့ တိုနီ တာဝါ..။ ရထားတွဲတစ်ခုနဲ့ တစ်ခု အကူးအပြောင်းမှာ မတော်တဆ အနာဂါတ်ကို မြင်တွေ့လိုက်ရတဲ့အခါ..။ ချွတ်ခြုံကျပြီး စုတ်ပြတ်သတ်နေတဲ့ သူဖုန်းစားလို အနာဂါတ်ကို ပြင်ဆင်ဖို့ အတိတ်ကို ပြန်သွားပြီး အမှားတွေကို ပြင်ဆင်လာနိုင်ခဲ့မှာလား..? ဆုံးရှုံးမှုတွေကို ပြန်လည်ပြင်ဆင်ဖို့ ကြိုးစားနေရင်းက..။ မှန်ရာကို လုပ်ဖို့ကြိုးစားနေရင်းက..။ ပဋိပက္ခတွေရှိနေလျက်နဲ့ပဲ အဆုံးရှုံးမခံနိုင်တဲ့ညီဖြစ်သူရဲ့အကြောင်း လျှို့ဝှက်ချက်ကို မတော်တဆ သိလိုက်ရတဲ့အခါ...။ ဇာတ်လိုက်ကျော်ကြီး တိုနီဟာ အတိတ်မှာ ဘယ်လိုမျိုးအမှားတွေကို ပြင်ဆင်ခဲ့မှာလဲ ? အနာဂါတ်မှာရော ဘယ်လိုအရာတွေကို စွန့်လွှတ်ခဲ့ရမလဲ ? ဒါကတော့ ​ညီအစ်ကိုတွေကြားက အဆင်မပြေမှုတွေနဲ့ ချစ်ခြင်းတွေကို ခံစားမှုရသ အပြည့်အဝ ခံစားရမယ့် ဇာတ်ကားကောင်းတစ်ခုပဲ ဖြစ်ပါတယ်..။ ရထားတွဲတစ်ခုနဲ့ တစ်ခု အကူးအပြောင်းမှာလည်း မတူညီတဲ့ ခေတ်ကာလတွေ အပြင်အဆင်တွေနဲ့ ဖက်ရှင်အသုံးအဆောင်တွေကို မြင်တွေ့ရပါလိမ့်ဦးမယ်..။ တကယ်လို့များ ကိုယ်ကသာ ဒီလိုမျိုး ခရစ္စမတ်မှာ အိမ်ကို ပြန်နေရင်းနဲ့ အနာဂါတ်ဆီကိုသာ သွားနိုင်ခဲ့မယ်ဆိုရင်..။ အတိတ်ကို ပြန်သွားပြီးတော့ အမှားတွေကို ပြင်ဆင်နိုင်ခဲ့မယ်ဆိုရင်.. ။ တိုနီ တာဝါဟာ သူ တတ်နိုင်သလောက်တော့ အကောင်းဆုံးကြိုးစားခဲ့သလိုပဲ..။ ကျွန်တော်တို့ဟာလည်း မှားယွင်းခဲ့ဖူးတဲ့အတိတ်တွေကို ပြန်လည်ပြင်ဆင်နိုင်လိမ့်ဦးမှာလားဆိုတာကတော့ စဉ်းစားစရာပါပဲ..။ (ဘာသာပြန်နှင့် အညွှန်းရေးသားသူကတော့ ရှင်းမာန်ထက်မြက်ပါ ) File size…(1.8 GB) / (1 Gb) / (500 Mb) Quality….Webrip 1080p / 720p / 480p Format…mp4 Duration….01:50:00 Genre...Comedy, Drama, Fantasy Subtitle….Myanmar Subtitle (Hardsub) Encoder….Mr. Anderson Translated by Shin Mann Htet Myat

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

Secrets & Lies (1996) IMDb Rating (8.0) / Rotten Tomatoes (95%) ဒါရိုက်တာ Mike Leigh ရဲ့ အကောင်းဆုံး လက်ရာမွန်ဖြစ်သလို ၁၉၉၆ ခုနှစ် ကိန်းစ်ရုပ်ရှင်ပွဲတော်မှာ အမြင့်ဆုံးဆုဖြစ်တဲ့ Palme d'Or ကို ဆွတ်ခူးခဲ့တဲ့ ဇာတ်ကားဖြစ်ပါတယ်။ Family Drama ကောင်းကောင်းတွေကို နှစ်သက်သူတွေအတွက် "Must-Watch" စာရင်းထဲမှာ ပါဝင်တဲ့ ဂန္ထဝင်လက်ရာတစ်ခုပါ။ လန်ဒန်မြို့မှာ နေထိုင်တဲ့ Hortense ဆိုတဲ့ လူမည်းအမျိုးသမီး ရှေ့နေလေးဟာ သူမရဲ့ မွေးမိခင်အရင်းကို ရှာဖွေဖို့ ဆုံးဖြတ်လိုက်ပါတယ်။ သူမ ရှာဖွေတွေ့ရှိသွားတဲ့ အမှန်တရားကတော့ သူမရဲ့ မိခင်အရင်းဟာ ဆင်းရဲနွမ်းပါးပြီး ဘဝကို ရုန်းကန်နေရတဲ့ လူဖြူအမျိုးသမီး Cynthia ဖြစ်နေတာပါပဲ။ Hortense က Cynthia ဆီကို ရုတ်တရက်ရောက်ရှိလာတဲ့အခါမှာတော့ Cynthia ရဲ့ မိသားစုဝင်တွေကြားမှာ နှစ်ပေါင်းများစွာ ဖုံးကွယ်ထားခဲ့တဲ့ လျှို့ဝှက်ချက်တွေ၊ နာကျည်းမှုတွေနဲ့ အထင်လွဲစရာတွေတွေဟာ တစ်ခုပြီးတစ်ခု ပေါ်ပေါက်လာပါတော့တယ်။ မိသားစု စားပွဲဝိုင်းတစ်ခုမှာ အားလုံးရဲ့ လျှို့ဝှက်ချက်တွေ ပေါက်ကွဲထွက်လာတဲ့ အခန်းဟာ ရုပ်ရှင်သမိုင်းမှာ အကောင်းဆုံး အခန်းတွေထဲက တစ်ခုအဖြစ် သတ်မှတ်ခံထားရပါတဲ့ ဒရမ်မာစစ်စစ် ရုပ်ရှင်ကားကောင်းတစ်ခုဖြစ်ပါတယ်။ File size… (3.7 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Drama Duration…. 02:22:47 Subtitle…. Myanmar Subtitle (Hardsub)

1984(1984) IMDb Rating .... 7.1/10 1984ရုပ်ရှင်ဟာ စာအုပ်ကိုအရမ်းသစ္စာရှိတဲ့ ရုပ်ရှင်လို့ဆိုကြတော့ နိုင်တီးအိတ်တီဖိုးရဲ့ မူလစာရေးဆရာဖြစ်တဲ့ ဂျော့အော်ဝဲလ် အကြောင်းပြောတာပဲ ပိုကောင်းပါမှာပါပဲ။ ဂျော့အော်ဝဲလ်ဟာ မြန်မာပြည်မှာ နေသွားဖူးခဲ့တဲ့ ကမ္ဘာကျော်ဂန္တဝင် စာရေးဆရာ၊ မြန်မာပြည်နဲ့ပက်သက်တဲ့ Burmese Daysလို့ခေါ်တဲ့စာအုပ်ကိုလည်း ရေးခဲ့ဖူးတယ်။ ပဝေဏသီကတည်းက သခင်ဘသောင်းဘာသာပြန်ထားတဲ့ ဂျော့အော်ဝဲလ်ရဲ့ ခြေလေးချောင်းတော်လှန်ရေးခေါ် Animals Farmကို စာပေနဲ့မစိမ်းတဲ့သူတွေ ဖတ်ဖူးကြမှာပါပဲ။ ထိုစာအုပ်မှာလည်း အော်ဝဲလ်ဟာ လက်ဝဲစနစ်ထဲက လျှိုဝင်လာတဲ့ အာဏာရှင်ဝါဒကို သရော်စာဆန်ဆန် ပုံဖော်ထားခဲ့တယ်။ ဒီ1984ကတော့ သူ့ရဲ့Classicတန်းဝင်လက်ရာ မာစတာပိစ်တစ်ပုဒ်ကို ပြန်ရိုက်ထားတာပါ။ ၁၉၈၄ဟာ ကမ္ဘာကြီးကိုပြောင်းလဲစေခဲ့တဲ့ စာအုပ်တစ်အုပ်လို့လည်းဆိုကြတယ်။ ဒီရုပ်ရှင်ဟာလည်း စာအုပ်ကိုသစ္စာရှိစွာနဲ့ ရိုက်ထားတယ်လို့ ဝေဖန်ရေးသမားများက ဆိုပါတယ်။ ဂျော့အော်ဝဲလ်ဟာ ဆိုရှယ်လစ်တစ်ယောက်ပေမဲ့ သူ့စာတွေဟာ သူပြောသလို အနုပညာရော နိုင်ငံရေးရော ပါဝင်နေတဲ့ အကောက်အယူလွဲကြတဲ့အခါ သူ့စာတွေကို ဆိုရှယ်လစ်ကိုဖိနှိပ်ဖို့ အသုံးခံခဲ့ရတဲ့အထိဖြစ်ခဲ့တယ်။ သူ့တစ်ချို့စာတွေဟာ ခေတ်ရှေ့ပြေးလွန်းတာကြောင့် ဖော်ပြဖို့ငြင်းခဲ့တဲ့သူတွေတောင် နောက်ပိုင်းနှစ်အတော်ကြာမှာ ပြန်တောင်းပန်ခဲ့ရတယ်။ သူဟာ နိုင်ငံရေးရည်မှန်းချက်နဲ့ အနုပညာရည်မှန်းချက်ကို ပေါ်လွင်အောင်ရေးချင်ခဲ့တဲ့သူပါ။ ၁၉၃၆ခုနှစ်ကတည်းကစ သူအလေးအနက်ရေးတာမှန်သမျှဟာ တိုက်ရိုက်ဖြစ်စေ သွယ်ဝိုက်ဖြစ်စေ အကြွင်းမဲ့အာဏာရှင်စနစ်ကို ဆန့်ကျင်တာနဲ့ ဒီမိုကရက်တစ်ဆိုရှယ်လစ်စနစ်ဘက်က သူနားလည်သလို ရပ်တည်တာဖြစ်တယ်လို့ဆိုထားတော့ ၁၉၄၉မှာထုတ်ခဲ့တဲ့ 1984ရဲ့ ရပ်တည်ချက်ကလည်း ထိုနည်းလည်းကောင်းပဲ ဆိုရပါလိမ့်မယ်။ တကယ်တမ်းပြောရရင် လူဟာ သူများဝေဒနာကို ကိုယ်တိုင်ကြုံတွေ့ရချိန်မှာကလွဲ နားလည်ပေးနိုင်ခြင်း အပြည့်အဝမရှိပါဘူး။ ဟိုးတုန်းကသာ ကြည့်ခဲ့မိရင် ဒီရုပ်ရှင်ထဲက ဇာတ်ကောင်ဝင်စတန်ရဲ့ ဝေဒနာကို ကျွန်တော်နားလည်မိမှာမဟုတ်ဘူး။ အခုတော့ အားလုံးနည်းတူ ဝင်စတန်ဟာ ကျွန်တော်တို့အတွက် ခံစားလို့ရတဲ့ ဇာတ်ကောင်တစ်ခုဖြစ်လာခဲ့တယ်။ ဂျော့်အော်ဝဲလ်ဟာ နိုင်ငံရေးအရေးအသားကို အနုပညာတစ်ခု ဖြစ်အောင်လုပ်ချင်ခဲ့သူ၊ ထုတ်ဖော်စရာ မုသားတချို့ ရှိလို့... လူတွေသတိပြုမိစေ ချင်တဲ့ အချက်အလက်အချို့ ရှိနေလို့ စာရေးခဲ့တဲ့သူဆိုတော့ သူသတိပြုစေချင်တဲ့အရာကို ကျယ်ပြန့်တဲ့အနုပညာပစ္စည်းတစ်ခုအတွင်းက အတိအကျနှိုက်ယူနိုင်ပါ့မလားဆိုတာကတော့ ခံစားသူအပေါ်သာ မူတည်ပါလိမ့်မယ်။ ပုဂ္ဂလိကအမြင်အရတော့ စိတ်အရမ်းမမာရင်တော့ မကြည့်စေချင်ပါဘူး။ ဘာမှပါတာတော့မဟုတ်ပေမဲ့ ဘာရယ်ကြောင့်လဲတော့မသိ ကျွန်တော့်အတွက်တော့ စိတ်ဓာတ်ကျစရာ ရုပ်ရှင်တစ်ကားဖြစ်သွားခဲ့တယ်။ ကိုးကား - ကိုတာ ဂျော့အော်ဝဲလ်စာရေးရသောအကြောင်းအရင်း ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(1.8GB) / (1GB) Quality__1080p, 720p IMDb Rating__7.1/10 Format__mp4 Duration__01:53:00 Type__Drama , Sci-Fi Subtitle__Myanmar Subtitle (Hardsub) Translated by WiRa Aung Encoded by Naing Aung Latt