Rajendran ပါဝင်သော ဇာတ်ကားများ

Enna Vilai 2026 ရွှေဆွဲပြားက စတဲ့အမှု တမီလ်နာဒူး ကမ်းရိုးတန်းဒေသမှာ ရိုးရိုးသားသား အလုပ်လုပ်ကိုင်နေထိုင်တဲ့ တံငါသည် သာဗာစီဆိုတဲ့လူ ရှိပါတယ်။တစ်နေ့မှာ ပင်လယ်ရေစပ်ကို မျောပါလာတဲ့ ရွှေဆွဲပြားတစ်ခုကြောင့် သူ့ဘဝက လုံးဝ ပြောင်းလဲသွားခဲ့ရပါတယ်။ ဘယ်လိုတွေပြောင်းသွားလဲဆို အစပိုင်းမှာတော့ ဒါက သူတို့မိသားစုအတွက် ကံကောင်းထောက်မမှု၊ ဘဝအခက်အခဲတွေကို ကျော်လွှားနိုင်မယ့် ကြီးမားတဲ့ အခွင့်အရေးတစ်ခုလို့ တွေးခဲ့ကြတာပေါ့။ ဒါပေမဲ့ မကြာခင်မှာပဲ အဲဒီရွှေဆွဲပြားကြောင့်ဖြစ်လာမဲ့ ကြောက်မက်ဖွယ် ဇာတ်လမ်းတွေနဲ့အတူ သူ့အပေါ် ကျရောက်လာတဲ့ မတရား‌ အပြစ်တင်စွပ်စွဲမှုတွေက သာဗာစီ့ကို ဖိနှိပ်လာခဲ့ပါတော့တယ်။ မိသားစုရဲ့ အသက်အန္တရာယ်၊ ဂုဏ်သိက္ခာနဲ့ လုံခြုံရေးကို ကာကွယ်စောင့်ရှောက်ဖို့အတွက် တစ်ဖက်မှာ ဖိနှိပ်စိုးမိုးနေတဲ့ အဂတိလိုက်စားတဲ့ စနစ်ဆိုးကြီးကို သာဗာစီတစ်ယောက် အသက်နဲ့ရင်းပြီး ဘယ်လို ရင်ဆိုင်တိုက်ပွဲဝင်သွားမလဲဆိုတာကို ရင်ဖိုစိတ်လှုပ်ရှားဖွယ် ကြည့်ရှုရမှာပဲဖြစ်ပါတယ် File size… 1.7 GB / 1 GB Quality…WEB DL 1080p HEVC/ 720p Format…mkv/ mp4 Duration…. 2h 21m Subtitle….Myanmar Subtitle (Hard

Sathi Leelavathi 2026 လှည့်ကွက်များ IMDb 7.5 လီလာနဲ့ ဆေသူတဲ့ ငယ်စဉ်က မိဘမဲ့ကျောင်းမှာ လီလာ့မွေးနေ့အတွက် အလှူသွားလုပ်ရင်း ဆေသူနဲ့တွေ့ဆုံခဲ့တယ် အများနဲ့မတူတဲ့ကောင်လေးမို့ လီလာ့စိတ်ထဲ စွဲမြဲနေခဲ့တယ် ဒီလိုနဲ့ အသက်တွေကြီးလာတော့ အချင်းချင်းမမှတ်မိကြဘဲ ပြန်ဆုံတွေ့ကြတယ် လီလာက ရုပ်ရှင် ဒါရိုက်တာ ဆေသူက စိတ်ရောဂါအထူးကုပေါ့ တွေ့ဆုံပုံကလည်း ဆရာဝန်နဲ့ လူနာ အချင်းချင်းတွေ့ပါများတော့ ချစ်ကြိုးသွယ်ပြီး ပေါင်းဖက်ခဲ့ကြတယ် ... ဒီအထိက လီလာသိခဲ့သမျှပေါ့ လီလာ့လက်တွေ့နဲ့အတွေး တက်တက်စင်အောင်လွဲပုံကတော့ ဘာဆက်ဖြစ်မလဲဆိုတာ တွေးလေရယ်ရလေ ဟာသတွေတပြုံကြီးနဲ့ ဆက်ကြည့်လိုက်ရအောင် File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

Lucky the Superstar (2026) ခွေးကလေး လပ်ကီး ခွေးပေါက်ကလေး လပ်ကီးက သူ့အမေ ခွေးမကြီးနဲ့ကွဲကွာသွားပြီး အော်တစ်ဇင်ရောဂါ ခံစားနေရတဲ့ ကောင်မလေး အမ်မူးတို့အိမ်ကို ရောက်ရှိလာပါတယ်။ တစ်ယောက်တည်း အမြဲတမ်း ဂျီကျ ပြီးအငြိမ်မနေတတ်တဲ့ ကောင်မလေး အမ်မူးတစ်ယောက် ခွေးပေါက်လေး လပ်ကီးနဲ့ သံယောဇဉ်ဖြစ်သွားပြီး ကစားဖော်တွေဖြစ်သွားတော့တာပေါ့။ တစ်နေ့ခွေးပေါက်ကလေး လပ်ကီးကို မသမာသူတွေက ဖမ်းခေါ်သွားကြပြီး အမ်မူးတစ်ယောက် အရင်လိုဂျီကျဆိုးသွမ်း သွားတဲ့အခါမှာတော့ အမ်မူးရဲ့ဦးလေးဖြစ်သူ လက်ရှ်မန်းတစ်ယောက် လပ်ကီးကို အသဲအသန်ရှာဖွေဖို့ ကြိုးစားရပါတော့တယ်။ လပ်ကီးဆိုတဲ့ နာမည်နဲ့လိုက်အောင် ကံကောင်းစေတဲ့ ခွေးကလေးလပ်ကီး မသမာသူတွေလက်ထဲ မှာဘယ်လို အသုံးချခံဖြစ်မလဲ။လက်ရှ်မန်းတစ်ယောက် ဘယ်လိုခွေးရှာပုံတော်ဖွင့်သွားမလဲဆိုတာ ..... File size… 3.7 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2hr 3mins Subtitle….Myanmar Subtitle (Hard Sub)

Galatta Family (2025) ဗရုတ်သုတ်ခ မိသားစု ချန်ဒရန် ဟာတရားရုံးကရုံးလုလင်တစ်ယောက်ပေါ့။ ချန်ဒရန်မှာ အိမ်ထောင်မပြုရ‌ သေးတဲ့ ညီမ၃ယောက်ရှိပြီး အဖေဖြစ်သူကလည်းလက်ကြောမတင်း အိမ်ကလည်းအကြွေးတွေ ပတ်လည်ဝိုင်းပြီးတော့ တစ်အိမ်လုံးရဲ့တာ၀န်ကို သူ့ပခုံးပေါ်တင်ထားရသူပါ။ တစ်နေ့တော့ ချန်ဒရန်ရဲ့အဘိုးဖြစ်သူက သူ မ‌‌ကွယ်လွန်ခင် သူ့မြေးမတွေကို အိမ်ထောင်ပြုပေးဖို့အတွက် သူချေးငှားထားတဲ့ ပိုက်ဆံတွေအကြောင်းကို ထုတ်ပြောလာပါတော့တယ်။ ဒါပေမဲ့ ကံဆိုးချင်တော့ အဘိုးကြီးကရုတ်တရတ်ကြီး ‌ကွယ်လွန်သွားပါလေရော။ အဘိုးဖြစ်သူက ဘယ်သူတွေကို ပိုက်ဆံတွေချေးခဲ့လဲဆိုတာမသိတဲ့ ချန်ဒရန်တို့ မိသားစု အဘိုးဖြစ်သူချေးထားတဲ့ပိုက်ဆံတွေကို ပြန်လိုချင်ဇောနဲ့ ပိုက်ဆံချေးထားတဲ့လူတွေကို အပူတပြင်းလိုက်လံရှာဖွေတဲ့အခါမှာတော့.... ဗရုတ်သုတ်ခ မိသားစုရဲ့ ဘယ်လိုမျိုးအလွဲတွေနဲ့ကြုံ‌တွေ့ရမလဲဆိုတာကို ဟာသဆန်ဆန်နဲ့ရှုစားရမှာပဲဖြစ်ပါတယ်။ File size… 2 GB / 970 MB Quality…1080p HEVC/ 720p Format…mkv/ mp4 Duration….1h 51min Subtitle….Myanmar Subtitle (Hard Sub)

Gurram Paapi Reddy (2025) လောဘသားကောင်များ အလွဲအချော်ပေါင်းများစွာနဲ့ လူ့လောဘကို ဟာသနှောပြီး ရိုက်ကူးထားတဲ့ Crime Comedy ဇာတ်ကားတစ်ကားပါ ၂နာရီကျော်ကြာ‌ပေမဲ့ လုံးဝပျင်းမ သွားဘဲ ထိုင်ရယ်နေရမဲ့ကားမျိုးကြည့်ချင်သူများအတွက် ဒီကားကိုရွေးကြပါ အားလုံးရဲ့အချစ်တော် ယိုဂီဘာဘူလည်း ပါဝင်ထားပါသေးတယ် ဇာတ်လမ်းက ပုံမှန်မဟုတ်တဲ့ ရာဇဝတ်မှုတစ်ခုနဲ့အတူ စတင်ထားတာဖြစ်ပြီး Gurram Paapi Reddy က မထင်မှတ်ဘဲ အဲ့ဒီအရှုပ်အထုပ်ကြီးထဲကို ခြေစုံပစ်ဝင်လိုက်ရပါတယ် အေးအေးဆေးဆေးနေချင်တဲ့ သူ့ရဲ့ဘဝထဲကို ထူးဆန်းတဲ့ဇာတ်ကောင်တွေ တစ်ယောက်ပြီးတစ်ယောက် ရောက်လာတဲ့ အခါမှာတော့ အခြေအနေတွေဟာ သူထိန်းချုပ်လို့မရတော့ဘဲ လုံးဝ ကမောက်ကမ ဖြစ်ကုန်ပါတော့တယ် အထူးသဖြင့် လူရွှင်တော်ကြီး Brahmanandam နဲ့ အဖွဲ့သားတွေရဲ့ ကြားဝင် နှောက်ယှက်မှုတွေ၊ ငွေကြေးနဲ့ လောဘနောက်ကွယ်က အလွဲအချော်တွေကြားမှာ ဇာတ်ကောင်တွေဟာ ဘယ်သူ့ကိုယုံရမှန်းမသိအောင် ဖြစ်လာကြပါတယ် ပြောရရင် ရာဇဝတ်မှုတွေရဲ့ ပြင်းထန်မှုကို ဟာသနဲ့ ဘယ်လိုခပ်မိုက်မိုက် ချိတ်ဆက်သွားမလဲဆိုတာ ကြည့်ရှုရမဲ့ကားကောင်းတစ်ကားပဲဖြစ်ပါတယ် File size… 2.3 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2hr 24mins Subtitle….Myanmar Subtitle (Hard Sub)

Rajini Gang (2025) "မေ့တတ်သူကြီးများ" ဖွတ်မေ့ပုဒတ်မေ့ဆိုတာမျိုး အချိန်ခဏလေးအတွင်းမေ့မေ့သွားတတ်ကြတဲ့ ရာဂျနီနဲ့ အပေါင်းအပါတစ်သိုက်ရဲ့ တလွဲအခွီတွေနဲ့ရိုက်ကူးတင်ဆက်ထားတဲ့ တမီလ်ဟာသရုပ်ရှင်။ဇာတ်လမ်းအစမှာတော့ မေ့တတ်တဲ့ရာဂျနီက ရွာလူကြီးသမီးကို ခိုးပြေးလာပြီး ကားကြုံလိုက်စီးလာခဲ့ပါတယ်။ သူတို့စုံတွဲလမ်းကြုံစီးတဲ့ကားက ဝန်ကြီးကားဖြစ်နေပြီး မောင်းလာတဲ့လူက သူ့ဘာသာခိုးလို့ခိုးမှန်းတောင်မမှတ်မိတော့ဘဲ ခိုးလာခဲ့တဲ့ကားဖြစ်နေပါရော။လမ်းမှာ နောက်ထပ်ကားတားလို့ တင်လာမိသူကလည်း သူခိုးတစ်ယောက်ဖြစ်နေပြီး ခွေးတစ်ကောင်ပါပါလာတဲ့အခါ...။ မင်္ဂလာဆောင်ဖို့လုပ်တဲ့အချိန် သူခိုးဆီက မင်္ဂလာဆွဲကြိုးကိုမှ သတို့သမီးကို ဆင်မြန်းပေးမိချိန်ဆွဲကြိုးမှာ လက်စားချေချင်တဲ့ မကောင်းဆိုးဝါးပူးဝိညာဉ်တစ်ကောင် ပူးကပ်နေတဲ့အခါမှာတော့...။ File size… 2.62 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2hr 5mins Subtitle….Myanmar Subtitle (Hard Sub)

Desingu Raja 2 (2025) ဒီဆင်းဂူရာဂျာ ၂ IMDb 7.6 ဒီဇာတ်လမ်းကတော့ ၂၀၂၃ မှာထွက်ရှိထားတဲ့ Desingu Raja ရဲ့နောက်ဆက်တွဲဇာတ်လမ်းဖြစ်ပေမဲ့ အဆက်မဟုတ်ဘဲ ဇာတ်လမ်းအသစ်တစ်ပုဒ်အဖြစ် ရိုက်ကူးထားတဲ့ တမီးလ်အက်ရှင် ဟာသဇာတ်ကားဖြစ်ပါတယ် ။ စိုက်ပျိုးရေးကောလိပ်မှာ အတူတူတက်ခဲ့ပြီး အမြဲတပူးပူးတွဲတွဲဖြစ်ခဲ့ကြတဲ့ သူငယ်ချင်းသုံးယောက်ဖြစ်တဲ့ ကူလာဆီဂါရာပန်ဒီယန်၊ဆတ်သယာနဲ့ နောက်သူငယ်ချင်းတစ်ယောက်တို့အကြောင်းကို အခြေခံရိုက်ကူးထားတာဖြစ်ပါတယ်။ အရွယ်ရောက်တော့ ဘဝလမ်းကြောင်းကွဲလွဲသွားပြီး နှစ်ဦးက ရဲအရာရှိဖြစ်သွားပြီး ကျန်တစ်ဦးမှာ လူဆိုးဂိုဏ်းခေါင်းဆောင်ဖြစ်သွားပါတယ်။ တာဝန်ကိုယ်ဆီထမ်းဆောင်နေတဲ့အချိန်မှာ လျို့ဝှက်ဆန်းကြယ်အမှုကိစ္စနှစ်ခုဖြစ်လာပြီးတဲ့နောက် သူတို့တွေပြန်လည်ဆုံစည်းဖို့ အကြောင်းဖန်လာပါတော့တယ်။ ရဲအရာရှိနှစ်ဦးကလည်း အမှုကိုတရားသောဘက်မှဖြေရှင်းရန်ကြိုးစားကြပြီး သူတို့ရဲ့ရာထူး၊သစ္စာစောင့်သိမှုနဲ့ အရင်ကခင်မင်ခဲ့တဲ့သူငယ်ချင်းသံယောဇဉ်တွေကို ပဋိပက္ခဖြစ်စေတဲ့အခြေအနေတွေနဲ့ ရင်ဆိုင်ရတဲ့အခါ သူတို့သူငယ်တွေဘယ်လိုဖြေရှင်းကြမလဲ။ သူတို့တွေကိုင်တွယ်ဖြေရှင်းရမဲ့လျို့ဝှက်ဆန်းကြယ်တဲ့အမှုနှစ်ခုက ဘာဖြစ်မလဲဆိုတာ ဒီဇာတ်လမ်းမှာ ကြည့်ရှုခံစားပေးကြပါဦး။ File size… 3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

They Call Him OG (2025) အော်ရဂျင်နယ်ဂိုဏ်းစတား တေလဂူမင်းသားကြီး ပါဝမ်ကာလ်ယန်ရဲ့ ရုံတင်အမြတ်ငွေ ကုဋေ ၅၀ လောက်ပိုင်ဆိုင်ထားတဲ့ တောင်ပိုင်းကားလေးကို ခုပဲတင်ဆက်ပေးလိုက်ပါပြီ။ 1970 ခုနှစ် ယာကူဇာ ဆာမူရိုင်းတိုက်ပွဲရဲ့ တစ်ဦးတည်းသောရှင်ကျန်ရစ်သူ အိုဂျက်စ်ဂမ်ဘီရာ (အိုဂျီ) တစ်ယောက် ဘုံဘေကို ရွှေသယ်နေတဲ့ သင်္ဘောပေါ် လိုက်ပါဖို့ဖြစ်လာပါတယ်။ သင်္ဘော ဓားပြတိုက်ခံရချိန်မှာ သင်္ဘောပိုင်ရှင် ဆတ်ယာက ရွှေအစား လူတွေကို ဦးစားပေးကယ်တင်တာကိုမြင်ပြီး ဆတ်ယာရဲ့စိတ်ဓာတ်ကို သဘောကျသွားတဲ့ ဂမ်ဘီရာတစ်ယောက် ဆတ်ယာဆိပ်ကမ်းဆောက်မဲ့အကြံအစည်ကို ထောက်ခံပြီး ရန်သူတွေကနေ ကာကွယ်ပေးမယ်လို့ ကတိပေးခဲ့ပါတယ်။ ဆတ်ယာရဲ့ ထက်မြက်မှု ဂမ်ဘီရာရဲ့အကာအကွယ်တွေကြောင့် ဆိပ်ကမ်းကလည်းအကောင်အထည်ပေါ်လာသလို သူတို့အိပ်မက်တွေလည်း တကယ်ဖြစ်လာကြတာပေါ့။ ဒါပေမဲ့ ဆတ်ယာဒါဒါရဲ့ဆိပ်ကမ်းကရွှေတုံးဆိုတာကို မြင်လာတဲ့အခါ အကျိုးတူစီးပွားဖက်တွေကလည်း ဆိပ်ကမ်းကိုမောင်ပိုင်စီးချင်လာသလို ဒီဆိပ်ကမ်းကို မှောင်ခိုလုပ်ငန်းအတွက် မျက်စိကျတဲ့လူကကျနဲ့ သွေးချောင်းစီးဖို့ ဖြစ်လာချိန်မှာတော့... ကျွန်ဝောာ်တို့ရဲ့ ဇာတ်လိုက်ကျော် အိုဂျီ ဂမ်ဘီရာတစ်ယောက် သူ့ရဲ့ရပ်တည်ချက်အတွက် ဘယ်လိုတိုက်ခိုက်သွားမလဲဆိုတာ ရှုစားလိုက်ရအောင်ပါ။ File size… 2.7 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub)

Tribhanadhari Barbarik (2025) "ဘာဘာရစ်" အသစ်ထွက် တေလဂူးမှုခင်းဇာတ်လမ်းတစ်ပုဒ်ကို တင်ဆက်ပေးလိုက်ပါတယ် ဘာဘာရစ်ဆိုတဲ့ ဒဏ္ဍာရီလာ သူရဲကောင်းတစ်ယောက်ရဲ့ဇာတ်ကို အခြေတည်ထားပြီး ယနေ့ခေတ်မှုခင်းနဲ့ ပေါင်းစပ်ထားတဲ့ ဇာတ်လမ်းလေးပါ သူနှစ်နှစ်ကာကာချစ်ရတဲ့ မြေးမလေး ပျောက်သွားလို့ သောကရောက်နေရှာတဲ့ စိတ်ရောဂါကုဒေါက်တာကြီးတစ်ယောက်ရယ် နိုင်ငံခြားသွားချင်ပေမဲ့ ငွေကြေးအဆင်မပြေတဲ့ ရမ်ဆိုတဲ့ကောင်လေးနဲ့ မူးယစ်ဆေး မှောင်ခိုဂိုဏ်းတစ်ဂိုဏ်းတို့ ဘယ်လိုမျိုးဆက်စပ်နေကြမလဲဆိုတာကို စိတ်ဝင်စားစရာဒီဇာတ်ကားလေးထဲမှာ ကြည့်ရှုအဖြေရှာကြပါဦး File size… 2.3 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2:06:00 Subtitle….Myanmar Subtitle (Hard Sub)

Chennai City Gangsters (2025) ချန်နိုင်းမှဇိုးများ ဒီတစ်ခါမှာတော့ ဇိုးတော့ဇိုး ဒါပေမဲ့ နွဲ့ဇိုးလေးတွေဖြစ်နေတဲ့ အလွဲသုံးဆယ်နဲ့ ချန်နိုင်းသား ဇိုးကလေးတွေအကြောင်းရိုက်ကူးထားတဲ့ ဇာတ်လမ်းလေးတစ်ပုဒ် တင်ဆက်ပေးချင်ပါတယ်။ ပါဆူပါသီဟာ သူခိုးကြမ်းပိုးလေးဖြစ်ပြီး ခိုးရာပါပစ္စည်းနဲ့ လက်ပူးလက်ကြပ်မိခါနီးမှာ ပန်ဒီနဲ့ပူချီဆိုတဲ့ ကောင်လေးနှစ်ယောက်ကြောင့် လက်မတင်လေး လွတ်သွားပါတယ်။ အဲဒါနဲ့ပဲ ဒီကလေးနှစ်ယောက် ငါနဲ့ကံစပ်တယ်ဆိုပြီး အိမ်မှာခေါ်ထားရင်းနဲ့ ပူဒီနဲ့ပန်ချီလည်း သူခိုးကြီးမွေးစားတော့ သူခိုးလေးတွေဖြစ်လာတာပေါ့။ တစ်နေ့မှာတော့ ပါဆူပါသီရဲ့အစ်ကိုကြီး ဆိုက်ကိုဆာလင်းက သူ့ရဲ့ ၅ ယောက်မြောက် စမော‌လေးကိုအမ်းဖို့ ငွေကြပ်နေလို့ သူ့အိမ်က ‌၂ ကုဋေထည့်ထားတဲ့ ငွေထုပ် ဓားပြတိုက်ခံရသလိုဟန်ဆောင်ပြီး အာမခံလိမ်ထုတ်ဖို့ကြံနေတာကို ပါဆူပါသီကို ခေါ်ပြောပါတော့တယ်။ အသက်ကြီးနေတဲ့ ပါဆူပါသီက သူကိုယ်တိုင်မလုပ်တော့ဘဲ သူ့ရဲ့လက်သစ်တပည့်ကျော်နှစ်ယောက်ဖြစ်တဲ့ ပန်ဒီနဲ့ပူချီကို တာဝန်ပေးလိုက်တော့တာပေါ့။ နဂိုထဲက နုံနုံအအဖြစ်နေတဲ့ ပူချီနဲ့ပန်ဒီတို့ ငွေထုပ်ကို အလွဲသုံးဆယ်နဲ့ခိုးလာပြီးမှ အရက်ဆိုင်ဝင်ထိုင်မှု အကြောင်းပြုပြီး ငွေထုပ်နဲ့အမှိုက်ထုပ် မှားကောက်လာမိတဲ့အခါမှာတော့... (အညွှန်းနဲ့ဘာသာပြန်ကတော့ Alex ~ KKKZ ~ Zwe ~ Brian ~ Yunniတို့ပဲဖြစ်ပါတယ်) File size…2.2 GB / 1.1 GB Quality…WEB DL 1080p HEVC / 720p Format…mkv/mp4 Duration….2h 8m Subtitle….Myanmar Subtitle (Hard Sub) Encoder….YK Translated by Alex ~ KKKZ ~ Zwe ~ Brian ~ Yunni

Pariwar (2025)  'လက်စွပ်တစ်ကွင်းပြဿနာ' မလေယာလမ် ကျေးလက်ဟာသရုပ်ရှင်လေးတစ်ကားကို တင်ဆက်လိုက်ပါတယ် တစ်ချိန်က ဆင်တွေကိုတောင် ယဉ်အောင်လုပ်ပေးခဲ့တယ်ဆိုတဲ့ ဘာစကာရန်တစ်ယောက် အသက် ၉၉ နှစ်အရွယ်မှာ ပန်းနာနဲ့ အိပ်ရာထဲလဲနေပါတော့တယ် ဒီတော့မှပဲ သားလေးယောက် အိမ်ကိုရောက်ချလာပြီး လက်စွပ်တစ်ကွင်းကို လုကြတဲ့အခါမှာ တစ်ယောက်နဲ့တစ်ယောက် မကျေနပ်ချက်တွေပေါ်လာပြီး ဘာတွေဆက်ဖြစ်ကြမလဲ လူ့သဘာဝနဲ့ ရုပ်ဝတ္ထုစွဲလမ်းမှုအကြောင်းတိုကို ဟာသလေးနှောပြီး တင်ဆက်ထားတဲ့ ဒီမိသားစုဇာတ်လမ်းလေးမှာ ပရိသတ်တို ခံစားကြည့်ရှုပေးကြပါဦး အညွှန်းနဲ့ဘာသာပြန်ကတော့ CM Bollywood Team မှ ဖြစ်ပါတယ် File size… 1.42 GB / 756 MB Quality…WEB DL 1080p HEVC/ 720p Format…mkv/ mp4 Duration….01:56:22 Subtitle….Myanmar Subtitle (Hard Sub) Encoder….YK Translated by CM Bollywood Team

DD Next Level 2025 "သတ္တိဗျတ္တိ" IMDb - 4.8/10 Dhilluku Dhuddu ရုပ်ရှင်စီးရီးရဲ့ လေးကားမြောက်ရုပ်ရှင်ထွက်ရှိလာပါပြီ။ ရှေ့ကားတွေလိုပဲ အခွီတွေ လန့်စရာတွေနဲ့ ခပ်ဆန်းဆန်းပေါင်းဆက်ထားတဲ့ ရုပ်ရှင်ကားပါ။ Kissa47ဆိုတဲ့နာမည်နဲ့ ရုပ်ရှင်တွေကို ဝေဖန်လေကန်တဲ့ နာမည်ကျော်ရီဗျူဝါကတော့ ခရစ်ရှ်နာ။ အိမ်မှာတော့ ဘာမှလက်ကြောမတင်းတဲ့ သောက်ဖျင်းလေးပေါ့။ ရုပ်ရှင်ဆိုတာ လူတိုင်းချစ်ခင်နှစ်သက်သင့်တဲ့အရာ၊ အဲဒါကိုဘယ်သူမှ လှောင်ပြောင်ဝေဖန်တာမျိုး မလုပ်သင့်ဘူးဆိုတဲ့ ဒါရိုက်တာဟစ်ချ်ကော့။ တစ်ရက်တော့ ဒါရိုက်တာ ဟစ်ချ်ကော့ဆီကနေ ခရစ်ရှ်နာဆီကို အထူးပွဲကြည့်ဖို့ တစ်မိသားစုလုံးကြွရောက်လာပေးဖို့ ဖိတ်ခေါ်လိုက်ပါတယ်။ အဲဒီမှာပဲ ထင်မထားလောက်တဲ့ ဇာတ်လမ်းသွားရယ် အခွီတွေ လန့်စရာတွေအပြည့်မို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

Baby And Baby (2025)"က.. ကလေးငယ်" ရုပ်ရှင်တိုင်းမှာ ဆံပင်အကြေဖွလေးနဲ့ ကာရိုက်တာပြောင်းပေမဲ့ ရူပါမပြောင်းတဲ့ ဟာသမင်းသားကြီး ယိုဂီဘာဘူပါဝင်ထားတဲ့ တမီလ်စကားပြော ဟာသရုပ်ရှင်လေးကို တင်ဆက်ပေးချင်ပါတယ်။ ဇာတ်လမ်းကတော့ ရုပ်ရှင်ခေါင်းစဉ်အတိုင်းပါပဲ။ လေဆိပ်တစ်ခုမှာ ကလေးချီထားတဲ့ ကလေးအဒေါ်ကောင်မလေးကိုကျူချင်လို့ အစ်မဖြစ်သူရဲ့ သမီး တူမသေးသေးလေးကို ချီပြီး ကလေးရဲ့ ဦးလေးဖြစ်သူက ဖွန်သွားကြောင်ပါတယ်။ အဲဒီလိုကျူနေရင်း လေပေးဖြောင့်နေတုန်းမှာ ကလေးချီပြီး ဓာတ်ပုံရိုက်ချင်တဲ့ အမွှာနှစ်ယောက်ကြောင့် ကလေးချင်းလွဲသွားရာကနေ မိသားစုနှစ်ခုရဲ့ ဟာသအလွဲတွေကြုံရပုံကို ဒီရုပ်ရှင်လေးထဲမှာ ဇာတ်လမ်းဇာတ်အိမ်နဲ့ မြိုင်မြိုင်ဆိုင်ဆိုင် ကြည့်ရှုခံစားကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.8 GB / 1.4 GB Quality…WEB DL 1080p HEVC / 720p Format…mkv/mp4 Duration….2h 12min Subtitle….Myanmar Subtitle (Hard Sub) Encoder….YK Translated by CM Bollywood Team

Leg Piece (2025) တစ်ပိုင်းတစ်စ မွေးတည်းက ရွှေဇွန်းကိုက် မွေးဖွားလာသူမျိုးမဟုတ်ရင် အသက်ရှင်ရပ်တည်ရေးအတွက် ပုံစံမျိုးစုံနဲ့ ရုန်းကန်ရတာပါပဲ။ ဒီဇာတ်လမ်းလေးထဲမှာလည်း ရုန်းကန်လှုပ်ရှားနေတဲ့ လူလေးဦးရဲ့ ဘဝကိုယ်စီကို ဖော်ပြထားပါတယ်။ ဘယ်သူမဆိုရဲ့အသံကို တုပပြောဆိုနိုင်တဲ့အရည်အချင်းရှိသူတစ်ဦး။ သူက ဈေးထဲကဈေးသည်တွေကိုယ်စား သူတို့လိုချင်တဲ့အသံအတိုင်း ‌ပြောပေးပြီး ကူညီရောင်းချပေးရင်းနဲ့ ဝမ်းစာရှာဖွေရသူပေါ့။ နောက်တစ်ဦးကတော့ ဘရိတ်လည်းမကောင်း ဟွန်းလည်းပျက်နေတဲ့ ဆိုင်ကယ် အစုတ်လေးနဲ့ တစ်လမ်းဝင် တစ်လမ်းထွက် ဆံပင်လိုက်ဝယ်ရင်း အသက်မွေးဝမ်းကျောင်း နေရသူပါ။ နောက်တစ်ယောက်က မွေးတည်းက ထူးခြားတဲ့စွမ်းရည်ရှိတယ်လို့ သူ့ကိုယ်သူ သတ်မှတ်ထားတဲ့ နာနာဘာဝတွေကိုမြင်နိုင်နေတာပါ။ အိမ်ဟောင်း မြေဟောင်းတွေက မကျွတ်မလွတ်သေးတဲ့သူတွေကို ထွက်ခွာစေဖို့လို မကောင်းဆိုးဝါးနှင်တဲ့အလုပ်လုပ်ပါတယ်။ နောက်ဆုံးတစ်ယောက်ကတော့ ကြက်တူရွေးလေးနဲ့ ဗေဒင်ဟောတာပါ။ လက္ခဏာလည်းနည်းနည်းပါးပါး ကြည့်တတ်တဲ့ ဗေဒင်လက္ခဏာပညာရှင်ပေါ့။ ဒီလိုနဲ့တစ်နေ့ သူတို့လေးဦးဟာ လမ်းဆုံတစ်ခုမှာအမှတ်မထင်တွေ့ဆုံပါတယ်။ လေးယောက်တစ်ပြိုင်တည်း ပိုက်ဆံကောက်ရဝာာပါ။ ညီတူမျှတူဝေခွဲရင်း စားသောက်ဆိုင်တစ်ခုမှာ ဘဝအကြောင်း စကားစမြည်ပြောဆိုရင်း ဘဝအလှည့်အပြောင်း ကြုံလာရပုံကို တွေ့မြင်ရမှာပဲ ဖြစ်ပါတယ်။ အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ်။ File size…2.6 GB/ 1.1 GB Quality…WEB DL 1080p HEVC / 720p Format…mkv/mp4 Duration….2h 5min Subtitle….Myanmar Subtitle (Hard Sub) Encoder….YK Translated by CM Bollywood Team

Bad Boyz (2024) "ဇိုးကြီးများ" မဆလာပရိသတ်တို့အတွက် မလေယာလမ် အက်ရှင်ဟာသ ဇာတ်လမ်းတစ်ပုဒ် တင်ဆက်လိုက်ပါတယ် အန်ဒါပါတို့ သူငယ်ချင်းလေးယောက်က ကျောင်းတွင်း 'Bad Boys' ကလပ်မှ ဖြစ်ပြီး အန်ဒါပါကတော့ မေရီဆိုတဲ့ မိန်းကလေးကို ကြိတ်သဘောကျနေတာပါ အန်ဒါပါ စာမေးပွဲကျလို့ မေရီက အဖတ်မလုပ်တော့ပေမဲ့ မေရီ့ကို ဆွဲလားရမ်းလားလုပ်တဲ့ ကောင်တွေကို အုပ်စုလိုက် ဖိုက်ပြလိုက်ရင်း အန်ဒါပါဟာ မေရီ့အချစ်ကို ရခဲ့တဲ့အပြင် ဇိုးဘွဲ့ပါ ရသွားပါတော့တယ် နောက်ပိုင်း သူတို့တတွေ တကယ့်မူးယစ်ဂိုဏ်းတစ်ဂိုဏ်းနဲ့ ထိပ်တိုက်ရင်ဆိုင်ရချိန်မှာ ဘယ်လိုရယ်ရမလဲ ပရိသတ်တို့ကပဲ ဆက်လက်ကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.6 GB / 1.4 MB Quality…WEB DL 1080p HEVC / 720p Format…mkv/mp4 Duration….2h 30min Subtitle….Myanmar Subtitle (Hard Sub) Encoder….YK Translated by CM Bollywood Team

Thozhar Cheguevera 2024 သိုဇာချီဂွေဗားရား ဒီတစ်ခါတော့ သည်းထိပ်ရင်ဖိုဆန်ဆန်ဇာတ်လမ်းအမျိုးအစားတွေကို ကြိုက်နှစ်သက်သူများအတွက် ၂၀၂၄ ခုနှစ်ထွက် အိန္ဒိယ-တမီးလ်စကားပြော Action-drama အမျိုးအစားဖြစ်တဲ့ Thozhr CheGuevaraဆိုတဲ့ဇာတ်ကားကို တင်ဆက်ပေးလိုက်ပါတယ်။ ဖိနှိပ်မှုတွေ အကြမ်းဖက်မှုတွေကို တော်လှန်မယ့် ဇာတ်လမ်းအမျိုးအစားတစ်ခုဖြစ်တာကြောင့် အကြမ်းအရမ်း အလွမ်းအဆွေး ဇာတ်လမ်းဇာတ်ကွက်စုံလင်စွာနဲ့ကြည့်ရှုခံစားနိုင်မှာပါ ဇာတ်လမ်းအစမှာ ဆင်းရဲနွမ်းပါးလွန်းတဲ့ရွာကလူတွေအတွက် ပညာသင်စေချင်တဲ့အတွက် သူ့ရဲ့စိတ်ဆန္ဒတွေကိုထုတ်ဖော်မိတာကြောင့် သေလုမျောပါးဖြစ်အောင် အရိုက်ခံခဲ့ရတဲ့ကောင်လေးတစ်ယောက်ရဲ့ အရမ်းကိုမချိမဆံ့ဖြစ်စရာ ဇာတ်လမ်းပုံစံနဲ့ ဇာတ်အိမ်ကိုစတည်ထားခဲ့ပါတယ်။ အထက်တန်းလွှာ နိုင်ငံရေးသမားတစ်ယောက်ဖြစ်တဲ့ ကာလီဗာဟန်ဟာ ဆင်းရဲသားနင်းပြားတို့ကို ခေါင်းမထောင်နိုင်စေဖို့အတွက် ပညာရေးသင်ကြားခွင့်မရှိအောင် အမျိုးမျိုးဖိနှိပ်တားမြစ်ထားခဲ့တာဖြစ်ပါတယ်။ ဒီနောက်မှာတော့ ပညာရေးကိုလိုလားသူတွေ တစ်ယောက်တစ်လေပေါ်လာပြီး စာသင်ကြားခွင့်ရဖို့ အမျိုးမျိုးကြိုးစားခဲ့ကြတယ်။ ဒီထဲကမှ ကျောင်းသားလေးတစ်ယောက်က မေးခွန်းထုတ်မိတဲ့အတွက် သူ့ရဲ့အသက်အန္တရာယ်ကို ခြိမ်းခြောက်ခံလာရတဲ့အထိ ပဋိပက္ခတွေမှာ ချည်နှောင်ခံလာရပြီး သူ့ရဲ့ဘဝလေးပြိုပျက်ကာ ဇောက်ထိုးမိုးမျှော်ဖြစ်သွားခဲ့တယ်။ ဒီပညာရေးလိုလားသူတွေအနိုင်ရမလား ၊ နိုင်ငံရေးနဲ့နွယ်တဲ့ပဋိပက္ခဝင်္ကပါတွေကိုဘယ်လိုဇာတ်ကွက်တွေနဲ့ ရိုက်ပြထားမလဲဆိုတာကိုတော့ ဆက်လက်ကြည့်ရှုပေးကြပါဦးဗျာ (အညွှန်းနဲ့ဘာသာပြန်တွေကတော့ CM BOLLYWOOD TEAM ပဲဖြစ်ပါတယ်) File size… 2.17 GB / 1.08 GB Quality…WEB DL 1080p HEVC/ 720p Format…mkv/ mp4 Duration….2h Subtitle….Myanmar Subtitle (Hard Sub) Encoder….YK Translated by CM BOLLYWOOD TEAM

Haraa (2024) တစ်ကိုယ်တော်ပုစ္ဆာရှင်းတမ်း Genre – Thriller, Action IMDB – 7.8/10 အသစ်စက်စက်ထွက်ရှိထားတဲ့ တမီးလ်စကားပြော သည်းထိတ်ရင်ဖို အိန္ဒိယ အက်ရှင်ကားလေး ဖြစ်ပါတယ်။ မင်းသားကြီး Mohan တစ်ယောက် ၁၄ နှစ်ကြာ ဇာတ်ကားမရိုက်ပဲ အနားယူနေခဲ့ရာကနေ ယခုမှ ပြန်လည်ရိုက်ကူးထားတာလည်း ဖြစ်ပါတယ်။ ဇာတ်လမ်းအကျဉ်းလေးကတော့ ကွိုင်တာပူရ်မြို့မှာ ဘုရားပွဲ စီတန်းလှည့်လည်မှာကို ရဲတွေတသိုက် ပြဿနာမတက်အောင် လုံခြုံရေးတွေ တင်းကြပ်စွာ ချမှတ်ပြီး အလုပ်တွေ များနေကြတယ်။ အဲဒီမှာလည်း ပဟေဠိဆန်ဆန်နဲ့ ရမ်ဆိုတဲ့ဘဲတစ်ပွေဟာ သမီးဖြစ်သူ အဆုံးစီရင်ပြီး ဆုံးပါးခဲ့ရတာကို ပူဆွေးနေခဲ့တဲ့အတွက် တစ်ကိုယ်တော် စုံစမ်းထောက်လှမ်းနေတယ်။ သူ့နောက်ကိုလည်း ရဲလိုလို ဘာလိုလို လူတွေအုပ်လိုက်က အသည်းအသန် လိုက်ဖမ်းနေကြတယ်။ သမီးလေးဖြစ်သူ သေဆုံးမှုရဲ့ နောက်ကွယ်က လျှို့ဝှက်ချက်တွေကို ရမ်တစ်ယောက် ကြက်သွန်နွှာသလို တစ်ဆင့်ချင်း ဖော်ထုတ်နေရင်းနဲ့ မြေအောက်လောက လူမိုက်ဂိုဏ်းတွေရဲ့ နိုင်ငံရေး မသမာမှုတွေရဲ့ ကမ္ဘာထဲကို တစ်စတစ်စ ချည်းနင်းဝင်ရောက်မိခဲ့တဲ့အချိန်မှာတော့….။ (အညွှန်းနဲ့ဘာသာပြန်ကတော့ CM Bollywood Teamမှပဲဖြစ်ပါတယ်) File size… 1.9GB / 1.1GB Quality…WEB DL 1080p / 720p Format…mp4 Duration….2h 16m Subtitle….Myanmar Subtitle (Hard Sub) Encoder….YK Translated by CM Bollywood Team

Garudan 2024 (လျှို့ဝှက်မှုတို့၏နောက်ကွယ်) IMDb 7.6/10 အာဒီနဲ့ ကာရူနာတို့ဟာ ငယ်သူငယ်ချင်း ဆိုးဖော်ဆိုးဖက်ဖြစ်ကြပြီး ဘဝအခြေအနေလည်း တူညီကြတဲ့ သူငယ်ချင်းနှစ်ယောက်ဖြစ်ပါတယ်။ သူတို့ဘဝတွေ ဘယ်လောက်ထိ တူညီလည်းဆိုရင် သူတို့ရဲ့ဖခင်နှစ်ယောက်ဟာ ကားအက်စီးဒန့်တစ်ခုတည်းမှာတင်ပဲ အသက်ဆုံးပါးသွားခဲ့ပါတယ်။ အာဒီကတော့ သယ်ယူပို့ဆောင်ရေးလုပ်ငန်းကို လော်ရီကားတွေနဲ့ လုပ်ကိုင်နေပြီးတော့ ကာရူနာကတော့ တော်ဝင်မိသားစုဝင်ဖြစ်ပေမယ့် အခွံသာကျန်ခဲ့တဲ့ ဒီမိသားစုမှာ အုတ်ဖုတ်လုပ်ငန်းကိုလုပ်ကိုင်ရင်း ကာရူနာရဲ့အုတ်တွေကို အာဒီရဲ့ လော်ရီကားတွေနဲ့ သယ်ပြီးတော့ ဈေးကွက်ရှာကြပါတယ်။ဖခင်တွေသေဆုံးသွားပြီးနောက်မှာတော့ သူတို့သူငယ်ချင်းနှစ်ယောက်ကို ကာရူနာရဲ့အဘွားဖြစ်သူ ဆယ်လာရီက စောင့်ရှောက်ထားခဲ့ပါတယ်။ သူတို့နှစ်ယောက်ဟာ ဘယ်လောက်ပဲ ဆိုးမိုက်နေပါစေ ဘုရားကျောင်းကိုတော့ အသွားမပျက်ခဲ့ပါဘူး။ ဘာလို့လဲဆိုတော့ ကွမ်ဘိုင်အမ်မန်လို့ခေါ်တဲ့ ဘုရားကျောင်းရဲ့ အကြီးအကဲဟာ သူတို့ရဲ့အဘွား ဆယ်လာရီဖြစ်နေလို့ပါပဲ။ သူတို့သူငယ်ချင်းနှစ်ယောက်အကြောင်းကိုပြောတဲ့အခါမှာ ချော့ခ်ကန်ကိုလည်း မေ့ထားလို့မရပါဘူး။ ချော့ခ်ကန်ဟာလည်း မိဘမဲ့တစ်ယောက်ဖြစ်ပြီး ဘုရားကျောင်းမှာ ကြီးပြင်းလာရင်းကနေ ကာရူနာနဲ့ ခင်သွားရင်းကနေ ချော့ခ်ကန်ကိုပါ အိမ်ကိုခေါ်လာခဲ့ပါတော့တယ်။အသက်တွေကြီးလာတဲ့အခါမှာ ချော့ခ်ကန်ဟာ ကာရူနာရဲ့ သစ္စာရှိလူယုံတစ်ယောက်ဖြစ်လာခဲ့ပါတော့တယ်။ ဒီလိုနဲ့ ချော့ခ်ကန်ရဲ့ သစ္စာရှိမှု, ကိုယ့်ကိုယ်ကိုယ် လေးစားယုံကြည်မှုတို့ကို စမ်းသပ်စစ်ဆေးတဲ့နောက်မှာတော့ ဘာတွေဆက်ဖြစ်လာမလဲ ........ သူတို့နဲ့ ဆက်စပ်နေတဲ့ ကွမ်ဘိုင်အမ်မန်ဘုရားကျောင်းကရော ဘယ်လိုအကြောင်းအရာတွေ ပေါ်ပေါက်လာဦးမလဲ ..... သူတို့သူငယ်ချင်းတွေရဲ့အကြောင်းကို စုံစမ်းနေတဲ့ အင်စပက်တာနဲ့ရော ဒီကိစ္စတွေက ဘယ်လိုပုံစံနဲ့ ဆက်စပ်နေတာလဲ .... ဆိုတာတွေကို ကြည့်ရှုရမယ့် အက်ရှင်ကားကောင်းတစ်ကားဖြစ်ပါတယ်။ ( အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ် ) File size… 2.52GB / 1.12GB Quality…WEB DL 1080p / 720p Format…mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

Aranmanai 4 (2024)"ကျိန်စာသင့်ကလဲ့စား ၄" IMDb 6.1/10 နာမည်ကျော် သရဲဟာသရုပ်ရှင်တွဲဖြစ်တဲ့ Aranmanai ရုပ်ရှင်တွဲတွေရဲ့ လေးကားမြောက်ရုပ်ရှင်ကို ပရိသတ်တွေအတွက် တင်ဆက်ပေးချင်ပါတယ်။ ဒီ နံပါတ် ၄ မှာလည်း တမီလ်ဟာသမင်းသားကြီး ယိုဂီဘာဘူနဲ့အတူ အရင်ကားတွေရဲ့သရုပ်ဆောင်တော်တော်များများပြန်ပါလာတဲ့အပြင် အားလုံးချစ်တဲ့ မင်းသမီးလေး သမန်းနားလည်း အားဖြည့်ပါဝင်လာခဲ့ပါတယ်။ ဒီ လေးခုမြောက်ရုပ်ရှင်မှာလည်း Aranmanai ရုပ်ရှင်တွေရဲ့ထုံးစံ စံအိမ်ကြီးတစ်လုံးရယ်၊ အိမ်ကြီးထဲမှာ ခြောက်လှန့်နေတဲ့သရဲတွေရယ်၊ အိမ်ကြီးနဲ့ပတ်သက်နေတဲ့ ရတက်ပွေတဲ့လူတွေရယ်ကတော့ မပါမဖြစ်ပါပဲ။ ဒီရုပ်ရှင်ရဲ့ ဇာတ်လမ်းကတော့... ရှေ့နေကြီး ဆာရာဗာနန်ရဲ့ညီမဖြစ်သူတို့လင်မယား ရုတ်တရက်သေဆုံးသွားတဲ့အတွက် ဆာရာဗာနန်ဟာ သူတို့ချန်ထားခဲ့တဲ့ စံအိမ်ကြီးကိုသွားရောက်ပြီး သေဆုံးမှုနောက်ကွယ်က အကြောင်းတွေဖော်ထုတ်ရင်း လူတွေ၊ သရဲတွေနဲ့ ဇာတ်လမ်းရှုပ်မိပုံတွေကို မင်းသမီးတွေရဲ့ ငွားငွားစွင့်စွင့် အလှအပတွေနဲ့အတူ ဟာသစွက်ပြီး ကြောက်ဖို့ကောင်းအောင် ရိုက်ကူးတင်ဆက်ပြထားတာပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…3.2GB /1.5GB Quality…WEB DL 1080p / 720p Format…mp4 Duration….2h 28m Subtitle….Myanmar Subtitle (Hard Sub) Encoder….YK Translated by CM Bollywood Team

Rathnam 2024 (ပတ္တမြားမှန် နွံမနစ် ) ဒီဇာတ်ကားလေးကတော့ 2024 ခုနှစ်ထွက် တမီးလ်ဘာသာစကားပြော အက်ရှင်ဇာတ်ကားလေးပဲ ဖြစ်ပါတယ်။ IMDb rating အနေနဲ့ကတော့ 8.4 အထိတောင် ရရှိထားလို အတော်လေး ကြည့်လို့ကောင်းမှာကတော့ အသေအချာပါပဲ။ ဒီဇာတ်ကားကို ဒါရိုက်တာ Hari ကနေ ရိုက်ကူးထားပြီးတော့ 2023 ခုနှစ်က ထွက်ရှိထားတဲ့ Mark Antony ဇာတ်ကားမှ မင်းသားချော Vishal မှလည်း ခေါင်းဆောင်မင်းသားအဖြစ် ပါဝင်သရုပ်ဆောင်ပေးထားပါတယ်။ သူတင်ပဲလားဆိုတော့ မဟုတ်ပါဘူး။ အားလုံးရဲ့ အချစ်တော် ဟာသသရုပ်ဆောင် Yogi Babu ကလည်း ပါဝင်သရုပ်ဆောင်ပေးထားပါတယ်။ ဇာတ်ကားအကျဉ်းကို ပြောပြရမယ်ဆိုရင်တော့ ရာသ်နမ်ဆိုတဲ့ လူဟာ MLA ပါနီးရ်ဆယ်လ်ဗမ်ရဲ့ လက်အောက်မှာ လက်မရွံနောက်လိုက်တစ်ယောက်အနေနဲ့ အလုပ်လုပ်ရင်း ဇာတ်ကားရဲ့ အစ‌မှာတော့ အန်ဒရာ-တမီးလ်နာဒူနယ်စပ်မှာ အကြီးစားဓားပြတိုက်မှုတစ်ခုနဲ့ စတင်ခဲ့ပါတယ်။ နာမည်ကြီး မင်းသမီးချော Priya Bhavani Shankar သရုပ်ဆောင် ထားတဲ့ ဇာတ်ကောင်မိန်းကလေးမာလီဂါဟာ အင်တာဗျူးဖြေဖို့ ဗဲလ်လောရ်ကို လာတဲ့အချိန်မှာတော့ ရာသ်နမ်နဲ့ တွေ့ဆုံခဲ့ပြီး နောက်ပိုင်းမှာတော့ ဒီမိန်းကလေးရဲ့ မိသားစုပိုင်ဆိုင်တဲ့မြေယာ ကိစ္စနဲ့ပတ်သက်တဲ့ အငြင်းပွားစရာတွေ ဖြစ်လာသလို သူမဟာလည်း အန်ဒရာအခြေစိုက်ကြေးစားဂိုဏ်တစ်ခုရဲ့ ပစ်မှတ်ဖြစ်လာပါ တော့တယ်။ အဲဒါကြောင့် သူမကို သတ်ပစ်ဖို့ ကြိုးစားကြတဲ့အချိန်မှာ ရာသ်နမ်က ဝင်ကယ်ရင်း ရာသ်နမ်တစ်ယောက် မာလီဂါရဲ့ သက်တော်စောင့် သဘောမျိုးဖြစ်လာသလို ကိစ္စမျိုးစုံကြုံတွေ့ရင်း ဇာတ်လမ်း ဇာတ်ကွက်တွေ ရှုပ်ထွေးလာတာကို တွေ့မြင်ရမှာပါ။ တကယ်ပဲ ရာသ်နမ်တစ်ယောက် မာလီဂါကို ကြာကြာကာကွယ်နိုင်ပါ့မလား ဆိုတာကိုတော့ ဒီဇာတ်ကားလေးထဲမှာ စောင့်မျှော်ကြည့်ရှု အားပေးကြပါဦးရှင်။ ( အညွှန်းနဲ့ ဘာသာပြန်ကတော့ CM Bollywood Team ပါ ) File size…3.13GB /  1.61GB Quality…WEB-DL 1080p 5.1CH / 720p Format…mp4 Duration….2h 35m Genre ….. Action Subtitle….Myanmar Subtitle (Hard Sub) Encoder….Min Wai Translated by CM Bollywood Team

Yaavarum Vallavare (2024) မေ့မရတဲ့တစ်ညတာ ပူလောင်အိုက်စပ်နွေညတွေရဲ့ ရယ်ရွှင်ဆေးဖြစ်လာစေမယ့် ဇာတ်လိုက်ကျော်ကြီး ယိုဂီဘာဘူပါဝင်တဲ့ drama comedy ဇာတ်လမ်းသစ်လေးကို တင်ဆက်ပေးလိုက်ပါပြီ။ ဒီဇာတ်လမ်းမှာတော့ အခွဲလေးခုပါဝင်မှာဖြစ်ပြီးတော့ ဘယ်လိုဆက်စပ်သွားမလဲဆိုတာ ရှုစားကြပါဦး။ ကျွန်တော်တို့အားလုံး ဒုက္ခတွေ့ချိန်မှာ ကယ်တင်ရှင်ကို အမြဲမျှော်တတ်ကြပေမဲ့ ကယ်တင်ရှင်ကတော့ အမြဲပေါ်မလာတတ်ပါဘူး။ ကိုယ့်မှာ ပြေးကြည့်မှကိုယ်ပဲရှိတဲ့အချိန်တွေမှာ ကိုယ်တိုင်ပဲကယ်တင်ရှင်ဝင်လုပ်ဖို့ဖြစ်လာတဲ့အချိန်တွေ လူတိုင်းမှာ ရှိခဲ့ဖူးမှာပါပဲ။ ဒီဇာတ်ကားလေးကတော့ ကိုယ့်ဘဝရဲ့သူရဲကောင်းက ကိုယ်ဖြစ်နေတဲ့အခိုက်အတန့်လေးတွေကို ရိုက်ကူးပုံဖော်ထားတာပါ။ ဒီဇာတ်လမ်းလေးမှာ အကျင့်စာရိတ္တကောင်းမွန်မှုနဲ့ ထောင်ဒဏ်လျှော့ရက်ရပြီး ၅ နှစ်အကြာမှာလွတ်မြောက်လာတဲ့လူတစ်ယောက်၊ ၅ နှစ်လုံးလုံး မိသားစုနဲ့တွေ့ခွင့်မရတဲ့သူနဲ့ သူ့ကိုစောင့်ကြည့်နေတဲ့လူတစ်စု နိုင်ငံ့တာဝန်ထမ်းဆောင်ရင်း အကြမ်းဖက်တွေနဲ့စစ်ပွဲမှာ တိုက်ပွဲကျသွားတဲ့ စစ်သားနဲ့ ကိုယ်ဝန် ၃ လနဲ့ကျန်နေခဲ့တဲ့သူ့ဇနီးဖြစ်သူ တစ်ဖက်က ပျောက်ဆုံးနေတဲ့အဖေကို လိုက်ရှာနေတဲ့သားတစ်ယောက် နောက်ဆုံးအနေနဲ့ ရုပ်ရှင်အဖွဲ့သားယောင်ယောင်နဲ့ အိမ်မှာရုပ်ရှင်ရိုက်မယ်ဆိုပြီး ရောက်လာတဲ့ အကြံသမားနှစ်ယောက်နဲ့ အိမ်ရှင်သူဌေးမရဲ့သမီးကို ခိုးပြေးချင်တဲ့ဒရိုက်ဘာလေးရဲ့ဇာတ်လမ်း ဒီဇာတ်လမ်းလေးခုက အဖြစ်အပျက်လေးခုက တစ်ညတည်းမှာဖြစ်လာတဲ့အခါ ဒီလူတွေ ရဲ့ဘဝမှာ ဘယ်လိုရိုက်ခတ်မှုတွေဖြစ်လာမလဲဆိုတာ ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှဖြစ်ပါတယ်) File size…1.7GB / 762MB Quality…WEB DL 1080p / 720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

Thookudurai (2024) "ရေတွင်းသရဲ" IMDb 6.8 ရထားပြီး အမှန်အကန်ရယ်ရမယ့် တမီးလ် ဟာသ/သရဲကားလေး တင်ဆက်ပေးလိုက်ပါပြီ ပိုစတာမှာ ယိုဂီဘာဘူကို မြင်လိုက်တာနဲ့ အဖောက်တလိုင်း ဇာတ်ကားဆိုတာ ပရိသတ်တို့ တန်းပြီးသိမှာပါလေ ဒီလိုဇာတ်ကားမျိုးကို မဆလာဖလင်လို့လည်း ခေါ်ကြပါသေးတယ် ဇာတ်လမ်း/ဇာတ်ကောင် ရှိရှိသမျှ ရောသမမွှေထားတဲ့ အဓိပ္ပာယ်ပေါ့ခင်ဗျာ ဇာတ်လမ်းအကျဥ်းကတော့... အလုပ်မရှိ စားစရာမရှိလို့ ခိုးစားဖို့ကြံတဲ့ သူခိုးသုံးယောက်က ဒဏ္ဏာရီလာ သရဖူကိုမှ ခိုးမိသွားတယ် လွန်ခဲ့တဲ့ နှစ်နှစ်ဆယ်က သမီးရှင်အဖေ သဘောမတူလို့ ယိုဂီဘာဘူတို့ ချစ်သူနှစ်ယောက် ခိုးရာလိုက်ပြေးရာက လက်ပူးလက်ကြပ်မိတော့ ယိုဂီဘာဘူတစ်ယောက် ရေတွင်းထဲ ပြုတ်ကျပြီး အစိမ်းသေ သေသွားတဲ့အခါမှာ သူ့ကောင်မလေးယူလာတဲ့ သရဖူပါအဆစ်ပါသွားတယ် ဒီကနေ မျက်မှောက်ခေတ်မှာ သရဲဖြစ်နေတဲ့ ယိုဂီဘာဘူက အားလုံးကို လိုက်ခြောက်ပြီး ပေါက်ကရတွေ ဖြစ်ကုန်တာပါပဲ အဆက်အစပ်မတည့်တဲ့ ဟိုတစ်စဒီတစ်စ ဇာတ်လမ်းတွေအကုန် သူ့အလိုလို ပေါင်းစပ်သွားပြီး အစုံသုပ်လိုမျိုး ဦးတည်ရာ မယ်မယ်ရရ မရှိပေမယ့်လည်း... ဇာတ်လမ်းရဲ့ လိုရင်းဖြစ်တဲ့ တောင်စဥ်ရေမရ ဗြောက်သောက် ဖျော်ဖြေရေးက အားမနည်းသွားတာမို့ ကြည့်နေရင်း အချိန်ကုန်မှန်းမသိလိုက်နိုင်တဲ့ ဇာတ်ကားတစ်ကား ဖြစ်မှာ အသေအချာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…2.2GB/ 977MB Quality…WEB DL 1080p /720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

Vadakkupatti Ramasamy (2024) ဗာဒါကူပါတီဂေါကပလေး ဒီတစ်ခါ CM ဘောလီးဝုဒ်ပရိသတ်ကြီးကို တောင်ပိုင်းဟာသကားကောင်းလေးနဲ့မိတ်ဆက်ပေးပါရစေ.. ဟာသကားဆိုပေမဲ့ ဇာတ်အိမ်တည်ထားတာက ဘာသာရေးကိစ္စဖြစ်လို့ ပညာပေးဟာသကားလို့ပြောရင်လဲ မမှားပါဘူးဗျာ ရွာတစ်ရွာမှာ ရာမာဆာမီဆိုတဲ့ ဘုရားမယုံတဲ့ကောင်လေးတစ်ယောက်ရှိပါတယ် သူတို့ရွာမှာကိုးကွယ်တဲ့ သာနာကာနတ်သမီးရဲ့ကျောင်းဆောင်ဟာ ရေကြီးလို့ ပျက်စီးသွားပါတယ်တဲ့ ... အဲ့အချိန်မှာ ရာမာဆာမီက ပိုက်ဆံရဖို့အတွက် အကောင်းဆုံးနည်းလမ်းက ဘာသာရေးကိုခုတုံးလုပ်ရမယ်လို့ ဆုံးဖြတ်လိုက်ပြီး နတ်သမီးကပဲ သူ့ဆီကိုကြွလာတဲ့ပုံနဲ့ သူ့ခြံထဲမှာ ဘုရားကျောင်းဆောက်ပြီး ဂွင်ဖန်နေပါတော့တယ်.... တစ်နေ့မှာတော့ သူတို့ရွာကို အရာရှိအသစ်ရောက်လာတဲ့အခါမှာ ဒီလိုဘာသာရေးအကြောင်းပြဂွင်ဖန်နေတာကို ဘယ်လိုဆက်လုပ်မလဲ ဂေါပကလေးရာမာဆာမီတစ်ယောက် ရွာသားတွေကို ဘယ်လိုဂျင်းထည့်မလဲ ဘာတွေဆက်ဖြစ်မလဲဆိုတာကို ရီရီမောမောနဲ့ ဆက်အားပေးရမှာပါ.... ဇာတ်လမ်းလေးလဲပညာရ ဟာသကားလေးဆိုဝော့ာ စိတ်ပန်းလဲပြေစေလို့ ပရိသတ်တို့ကြည့်ရှုနိုင်ဖို့ ဘာသာပြန်တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.51GB / 1.11GB Quality…WEB DL 1080p /720p Format…mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-8.5/10 ဟာသမင်းသားစူပါစတား Santhanam ခေါင်းဆောင်ပါဝင်ထားပြီး ရှာရွတ်တို့ခေတ်တည်းက ဟာသဇာတ်ပို့အနေနဲ့ မြန်မာပရိသတ်တွေနဲ့ရင်းနှီးပြီးသား အန်ကယ်ကြီး Brahmanandam လည်း ပါဝင်ထားပါတယ်။ ဒီကားထဲက ရှီဗာနီ့ဘော့စ်နေရာမှာ ပါဝင်ထားတဲ့ ဇာတ်ပို့သရုပ်ဆောင်ကြီး Manobala မကွယ်လွန်ခင် နောက်ဆုံးသရုပ်ဆောင်‌သွားတဲ့ကားလည်းဖြစ်ပါတယ်။ ဆိုတော့ ဒီကားက ရိုက်ကွင်းရိုက်ကွက်ထက် ဒီဟာသအကျော်အမော်တွေရဲ့ ကြိုးစားမှုနဲ့ အမှတ်တရအဖြစ် ရှုစားကြည့်သင့်တဲ့ ဇာတ်ကားတစ်ကားပါ ဇာတ်လမ်းအညွှန်း ရှီဗာနီနဲ့ ဆန်တို့ရှ်ဆိုတာ အပြိုင်ကြော်ငြာအေဂျင်စီ ကုမ္ပဏီနှစ်ခုမှာ လုပ်ကြသူတွေ ၊ သူတို့အချင်းချင်းလည်း အပြိုင်အဆိုင်တော်ကြချဲကြသူတွေပေါ့ ဆန်တို့ရှ်က အမြဲဉာဏ်များပြီးနှာတဖျားသာနေတာကြောင့် ရှီဗာနီက ကြော်ငြာကောင်စီကို တိုင်စာတင်တာကအစပြု သူတို့တွေ့ကြတော့တာပါပဲ ဒီနယ်ပယ်အတွင်းက အတော်ဆုံးလူနှစ်ယောက်ထိပ်တိုက်တွေ့ကြတဲ့ပွဲကို အရယ်အမောအလွဲအချော်လေးတွေနဲ့ ကြည့်ရှူရမှာပါ အညွှန်းနှင့် ဘာသာပြန်သူတွေကတော့ BpL ~ Zwe ~ Dee ~ Alex ~ Yoon ~ KKKZ တို့ပဲဖြစ်ပါတယ် File size…3.18GB / 1.35GB Quality…1080p  WEB DL /720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by BpL ~ Zwe ~ Dee ~ Alex ~ Yoon ~ KKKZ

IMDb - 6.3/10 တောင်ပိုင်းမင်းသားချော အာဒီနဲ့ သူမပါရင်တောင်ပိုင်းကားမဟုတ်သလို ဇာတ်ကားတိုင်းမြင်နေရတဲ့ ဟာသမင်းသားကြီး ယိုဂီဘာဘူတို့ရဲ့ ထူးခြားဆန်းကြယ်ဇာတ်လမ်းလေးကို တင်ဆက်ပေးလိုက်ပါတယ်။ အာဒီက အကြွေးပူနေလို့ ငယ်သူငယ်ချင်း ဘာဘူကြီးရှိရာ ချန်နိုင်းကို ရောက်လာခဲ့ရော။ အဲဒီမှာ အသက်ရှင်ဖို့အရေး ခိုးဝှက်စားသောက်နေကြလေရဲ့။ ရိုးရိုးခိုးတာမဟုတ် ကုမ္ပဏီထောင်ခိုးတာ။ တစ်ရက် အချီကြီးကြံဖို့အရေး သူဌေးကို ဂွင်ကျော်ရိုက်ရာကအစ သိပ္ပံပညာရှင်ကြီးတစ်ယောက်ရဲ့ စမ်းသပ်ခန်းထဲက ချစ်ပ်ပြားလေးတစ်ခုကို ဝင်ခိုးရင်း ဇာတ်လိုက်ကျော်ယိုဂီဘာဘူတစ်ယောက် ဘုန်းကညာတပါး လုံးရာကပြားပြီး မင်းသမီးချောလေး ဟန်စီကာအဖြစ်ပြောင်းသွားပါရောလား။ အဲဒီကနေ ဘယ်လိုတွေတိုင်ပတ်ပြီး ပျိုကညာမဒီတပါး ပြားရာကပြန်လုံးဖို့ ကြိုးစားကြပုံကို ဝါးလုံးမကွဲဘဲ ပြုံးဖြဲဖြဲရယ်မောရင်း ကြည့်ရှုအမောဖြေကြစို့လေ။ (အညွှန်းနဲ့ဘာသာပြန်သူတွေက Zwe~BpL~V~YH~ToMo~KKKZတို့ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here ) File size…2.45GB  / 1.16GB Quality…1080p WEB DL /720p Format…mp4 Duration….2h 4m Subtitle….Myanmar Subtitle (Hard Sub) Encoder….YK Translated by Zwe~BpL~V~YH~ToMo~KKKZ

80s Buildup 2023 ဇာတ်လမ်းအကျဉ်း ဇမီးမိသားစုအိမ်တော်ဟာ မျိုးရိုးစဉ်ဆက်ချမ်းသာလာကြပြီး ရှေးဟောင်းရတနာတွေအိမ်မှာမြှုပ်ထားတယ်လို့ ဓားပြတွေတချောင်းချောင်းဖြစ်နေတဲ့အိမ်။ ထိုအိမ်မှာ ကာသီရ်နဲ့ မန်ဂျာကီလီတို့မောင်နှမနှစ်ယောက်ရှိပါတယ်။ စကားတစ်ခွန်းအပြန်အလှန်ပြောကြတာနဲ့တင် အချင်းချင်းထသတ်ကြတဲ့ မတည့်အတူနေတွေပါ။ သို့ပေမယ့်သူတို့နှစ်ယောက်မှာ ဝါသနာတူအကျင့်တစ်ခုရှိပါတယ်။ အဲဒါကတော့ အလောင်းအစားလုပ်ပြီးစိန်ခေါ်မှုလုပ်တာပါပဲ။ နှစ်ယောက်သား စိန်ခေါ်ရင် တိမ်ပေါ်ထိလိုက်မယ့်သူတွေပါ။ တစ်နေ့မှာ လူလိမ်အဖွဲ့တစ်ဖွဲ့ရတနာပစ္စည်းရှာဖို့အိမ်ကိုရောက်လာပြီး မတော်တဆမှုတစ်ခုကြောင့် အဖိုးဖြစ်သူရုတ်တရက်ဆုံးသွားရှာပါတယ်။ ဒီလိုနဲ့အသုဘမှာ ရတနာရှာမယ့်သူခိုးကတစ်ဖွဲ့ အလောင်းအစားလုပ်ပြီး စိန်ခေါ်နေတဲ့မောင်နှမကတစ်ဖွဲ့ အမွေခွဲပေးဖို့ကိုသာ မျက်စိကျနေတဲ့တစ်ဖွဲ့ အဲလိုနဲ့ပဲ အဖိုးဖြစ်သူအသုဘဟာ ပြဿနာအရှုပ်ထုပ်တွေကြား ‌အေးအေးချမ်းချမ်းနဲ့ ပြီးသွားနိုင်မလားဆိုတာကို အသုဘထဲရယ်ရမလိုလို ငိုရခက်စေမယ့် တမီးလ်ဇာတ်ကားကောင်းတစ်ကားကို တင်ဆက်ပေးလိုက်ပါတယ်။ အညွှန်းနဲ့ ဘာသာပြန်ကတော့ CM Bollywood Team မှဖြစ်ပါတယ်။ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.96GB / 1.4GB Quality…WEB DL 1080p / 720p Format…mp4 Duration….2h 2m Subtitle….Myanmar Subtitle (Hard Sub) Encoder….YK Translated by CM Bollywood Team

Vaathi (2023) IMDb-7.6/10 သရုပ်ဆောင် ဒါရိုက်တာ ပရိုဂျူဆာ တေးရေး ဇာတ်ဝင်တေးသီချင်းအဆိုတော် စွယ်စုံရမင်းသား Dhanush နဲ့ မင်းသမီးချောလေး Samyuktha Menon တို့ အဓိကပါ၀င်သရုပ်ဆောင်ထားတဲ့ Rating လည်းကောင်း ကြည်နူးမှုကြောင့်လည်းမျက်ရည်စို့ရမဲ့ အိန္ဒိယဇာတ်ကားသစ်လေးနဲ့မိတ်ဆက်ပေးပါရစေ ဇာတ်ကားအစမှာကျောင်းသားသုံးယောက်ဟာသူတို့အဘိုးပိုင်ခဲ့တဲ့ ဗီဒီယိုခွေဆိုင်အဟောင်းလေးကို ရှင်းလင်းရင်းနဲ့ ဗီဒီယိုတိတ်ခွေဟောင်းတွေကို ဖွင့်ကြည့်လိုက်တဲ့အချိန်မှာ သူတို့မနက်တုန်းမှာ ကျောင်းမှာသင်ခဲ့တဲ့ သင်္ချာပုစ္ဆာကို ဆရာငယ်ငယ်တစ်ယောက်က သင်ပေးနေတဲ့ ဗီဒီယိုမှတ်တမ်းကိုတွေ့လိုက်ပါတယ် အဲဒါနဲ့ သူတို့ကစာမလိုက်နိုင်တော့ အဲဒီဆရာဆီမှာကျူရှင်သင်မယ်ဆိုပြီး အဲ့တိတ်ခွေအဖုံးပေါ်မှာပါတဲ့ နာမည်နဲ့လိပ်စာအတိုင်းလိုက်ရှာကြည့်တော့ သူတို့တွေ့လိုက်ရတာ အဲဒီဆရာရဲ့တပည့်ဖြစ်တဲ့သူကိုပါ အဲဒီကနေတစ်ဆင့် ဆရာ့ရဲ့နာမည်က ဘာလာဖြစ်ပြီး ဆရာဘာလာရဲ့အကြောင်းတွေကို နောက်ကြောင်းပြန်ပြောပြလိုက်တဲ့အခါမှာတော့..... ဇာတ်ကားကကြည့်လို့ကောင်းတယ်ဆိုတာ ဒီနေရာမှာတင်ရပါပြီ ဇာတ်လမ်းဇာတ်ကွက်ကောင်း ပေးချင်တဲ့ message ကောင်းတဲ့အပြင် cast ကလဲကောင်း အချစ်ဒရာမာအက်ရှင် အစုံပါဝင်တာမို့ ပေးတဲ့ rating နဲ့လဲထိုက်တန်ပါတယ် အောက်ကစာကတော့ ကျွန်တော် အာချောင်ထားတာပါ ဒီဇာတ်လမ်းလေးကို မချီးကျူးခင်မှာ နယ်ဆင်မင်ဒဲလားပြောခဲ့တဲ့ စကားလေးတစ်ခုရှိပါတယ် Education is the only weapon that can change the world တဲ့ ကမ္ဘာကြီးကိုပြောင်းလဲနိုင်တဲ့တစ်ခုတည်းသောလက်နက်ဟာ ပညာရေးပါတဲ့ ၁၉၉၀ ပြည့်နှစ်တွေမှာ အိန္ဒိယမှာ စီးပွားရေးတိုးတက်လာတာနဲ့အမျှ အသိပညာရှင် အတတ်ပညာရှင်တွေ လိုအပ်လာပြီး ပညာရေးက အားလုံးအတွက် အဓိကလိုဖြစ်လာပါတယ် အဲ့ပညာရေးနဲ့အတူ ခါတော်မီ ပညာရေးကိုအမှီပြုစီးပွားရှာမဲ့လူတွေလည်း ပေါ်ပေါက်လာပါတယ် ဘော်ဒါဆောင်တွေဖွင့် ကိုယ်ပိုင်ကျောင်းတွေဖွင့်နဲ့ ပညာရေးကိုအမှီပြုစီးပွားရေးသောင်းကျန်းကြနဲ့ အကွက်ပေါင်းစုံ လှည့်ကွက်ပေါင်းစုံ လူ့သဘာဝပေါင်းစုံနဲ့ ဇာတ်လမ်းက သူပေးချင်တဲ့ Message ကို ရှုထောင့်ပေါင်းစုံကနေ ထောက်ပြသွားတာကိုတွေ့ရမှာပါ ဒီဇာတ်ကားလေးမှာ ဆရာဘာလာရဲ့နေရာကနေ သူပြချင်သွားတာက ပညာရေးဆိုတာ ဆရာတွေက စေတနာမေတ္တာတွေနဲ့ ပြည့်စုံရုံတင်မကဘဲနဲ့ စနစ်ကလည်း ပညာရေးကို အလေးပေးဖို့လိုအပ်ကြောင်းကို တစ်ခေတ်တုန်းကဖြစ်ခဲ့တဲ့အမှန်တရားတွေနဲ့ ထောက်ပြပြီး တင်ဆက်ပေးထားတာကို တွေ့ရမှာပါ ဒီအညွှန်းကို အဆုံးသတ်တဲ့အနေနဲ့ ပရိသတ်ကြီးတွေလည်း ကမ္ဘာကြီးရဲ့အစွမ်းအထက်ဆုံးလက်နက်တစ်ခုဖြစ်တဲ့ ပညာရေးဆိုတာကို တခြားနိုင်ငံတွေက ဘယ်လိုရရှိဖို့ကြိုးစားတယ် အနုပညာရှင်တွေကလည်း အခုလိုမျိုး ဝေဖန်ထောက်ပြမှုတွေဘယ်လိုလုပ်လဲဆိုတာ ပရိသတ်ကြီးတို့ ဇာတ်လမ်းလေးနဲ့အတူ ခံစားကြည့်ရှုနိုင်ကြဖို့အတွက်တင်ဆက်ပေးလိုက်ရပါတယ် File size…2.7GB / 1.2GB Quality…1080p WEB DL / 720p Format…mp4 Duration….2h 19m Subtitle….Myanmar Subtitle (Hard Sub) Encoder….YK Translated by BpL~Sai~Khin~Yunni

အာရ်သီဟာ အလုပ်လုပ်ရင်း တလွဲတချော်တွေ ဖြစ်တတ်တဲ့ ရဲစုံထောက်မလေးပါ။ တစ်နေ့မှာတော့ သူ့အဖေ ရဲမှူးအဖြစ်ကနေ အငြိမ်းစားမယူခင် ခက်ခက်ခဲခဲ ဖမ်းဆီးခဲ့ဖူးတဲ့ ရာဇဝတ်ကောင် ဒါးစ်ဟာ ထောင်ဖောက်ထွက်ပြေးသွားပါတယ်။ အဲဒီသတင်းကြားတာနဲ့ အာရ်သီလည်း ဒါးစ်ကို ပြန်ဖမ်းနိုင်ဖို့ အသည်းအသန် လိုက်ရှာတော့တယ်။ ဒါပေမဲ့ ဒါးစ်နောက်လိုက်ရင်း အလွဲအချော်တွေ ဖြစ်ပြီးတဲ့နောက် သူ့အိမ်မှာပါ အပမှီသလိုလို မသင်္ကာစရာအဖြစ်တွေ ကြုံလာရပါတယ်။ ကာဂျယ်အက်ဂါဝယ် ပါဝင်သရုပ်ဆောင်ထားတဲ့ တမီလ်စကားပြော သရဲဟာသကားဖြစ်ပြီး သူ ကလေးမွေးပြီးနောက် ပထမဆုံး ပြန်လည်ထွက်ရှိလာတဲ့ ရုပ်ရှင်ပါ။

RAW အဖွဲ့က နိုင်ငံတကာရာဇဝတ်သားတစ်ယောက်ကို အိန္ဒိယနိုင်ငံဆီ ဖမ်းခေါ်လာတုန်း လေယာဉ်ပျက်ကျသွားတာကြောင့် သူ့ကို ရဲစခန်းတစ်ခုမှာ တစ်ညထိန်းသိမ်းထားဖို့ ဖြစ်လာပါတယ်။ ဒါပေမယ့် အဲဒီညမှာပဲ ရဲစခန်း ဝင်စီးခံရပြီး စခန်းထဲက ရဲတွေအားလုံး အသတ်ခံလိုက်ရတယ်။ ဖမ်းထားတဲ့ ရာဇဝတ်သားလည်း လွတ်သွားပါတယ်။ ဒီဖြစ်ရပ်ကြောင့် ရာထူးဆိုင်းငံ့ခံလိုက်ရတဲ့ ရဲအရာရှိက လွတ်သွားသူကို ပြန်ဖမ်းဖို့ သန္နိဋ္ဌာန်ချထားတယ်။ ရာဇဝတ်သားကို ရင်ဆိုင်ဖို့ မီးကိုမီးနဲ့ ငြှိမ်းမယ့်နည်းကို ရွေးလာတဲ့အခါ ဇာတ်လမ်းက ဆက်သွားပါတယ်။ ချီရန်ဂျီဗီး၊ ရဗီတေဂျားနဲ့ ရှရူတီးဟာစန်းတို့ ပါဝင်သရုပ်ဆောင်ထားတဲ့ အက်ရှင်ရုပ်ရှင်ဖြစ်ပြီး ရိုက်ကူးစရိတ် ရူပီကုဋေ ၁၄၀ အသုံးပြုကာ ဝင်ငွေ ၂၃၃.၀၅ ကုဋေ ရရှိခဲ့ပါတယ်။

Sammathame (2022) (ချစ်ခြင်းကို နားလည်သည့်အခါ) IMDb မှာ 5.6/10 ခရှစ်ရှန ဆိုတဲ့ လူငယ်က အိမ်ထောင်ကျချင်ပေမယ့် အချစ်ကို မယုံကြည်တဲ့ အမျိုးသားတစ်ဦးပဲ ဖြစ်ပါတယ်။ သူဟာ ဟိုက်ဒရာဘက်ကို ရောက်လာပြီး မိသားစု သဘောကျပြီး အိမ်ကိစ္စကိုနိုင်နင်းမယ့် မိန်းမတစ်ဦးကို ရှာဖွေရန် ကြိုးစားပါတယ်။ အဲဒီအချိန်မှာ ဆန်ဗီ ဆိုတဲ့ မိန်းမလေးနဲ့ တွေ့ပြီး သူမနဲ့ ချစ်သူဖြစ်သွားပါတယ်။ ဒါပေမယ့် ခရစ်ရှနရဲ့ အချစ်ကို မယုံကြည်တဲ့ စိတ်ကြောင့် သူတို့အကြား အမြင်မကြည်မှုတွေ၊ အငြင်းပွားမှုတွေ ဖြစ်လာပါတယ်။ ဇာတ်လမ်းတစ်လျှောက်မှာ သူတို့ နှစ်ဦးရဲ့ အမြင်တွေကြား ကွာဟချက်ကို ဖြေရှင်းကြရင်း အချစ်နဲ့ အိမ်ထောင်ရေးအကြား အမှန်တရားကို နားလည်လာကြပါတယ်။ နောက်ဆုံးမှာတော့ ခရစ်ရှနက စစ်မှန်တဲ့ ချစ်ခြင်းမေတ္တာကို လက်ခံနိုင်သည့် လူအဖြစ် ပြောင်းလဲသွားပြီး သူတို့အချစ်ဇာတ်လမ်းကို အဆုံးသတ်သွားပါတော့တယ်။ (အညွှန်းနဲ့ ဘာသာပြန်ကိုတော့ B-Teamမှတင်ဆက်ထားပါတယ်) File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 10m Subtitle….Myanmar Subtitle (Hard Sub) Encoder…B Coder Translated by B Team

ချမ်းသာတဲ့သူတစ်ယောက်နဲ့ လက်ထပ်နိုင်ရင် ကိုယ်လည်း သန်းကြွယ်သူဌေး ဖြစ်နိုင်မယ်ဆိုတဲ့ အကြံနဲ့ ယောက်ျားလေးအဖွဲ့တစ်ဖွဲ့နဲ့ မိန်းကလေးအဖွဲ့တစ်ဖွဲ့တို့ လှုပ်ရှားနေကြပါတယ်။ နှစ်ဖွဲ့စလုံးက ကိုယ့်ကိုယ်ကိုယ် သန်းကြွယ်သူဌေးတွေလို ဟန်ဆောင်ပြီး တကယ်ချမ်းသာတဲ့သူကို လှည့်စားဖို့ ကြံထားကြတာပါ။ အဲဒီလိုနဲ့ တစ်ဖွဲ့နဲ့တစ်ဖွဲ့ အပြိုင်လှည့်စားကြတဲ့အခါ အလွဲတွေ ဖြစ်လာပါတော့တယ်။ အဲဒီအချိန်မှာပဲ သူတို့ထဲက တစ်ယောက်ဟာ တကယ့်သန်းကြွယ်သူဌေးကြီးတစ်ဦးရဲ့ ပျောက်ဆုံးနေတဲ့ သားသမီးဖြစ်တယ်ဆိုတဲ့ သတင်းကို ကြားလိုက်ကြရတယ်။ သူဌေးဟန်ဆောင်နေကြသူတွေကြား ဒီသတင်း ရောက်လာရာက ဘာတွေဆက်ဖြစ်မလဲဆိုတာကို တေလဂူဟာသကားအဖြစ် ရိုက်ပြထားပါတယ်။

Mendala ကားထဲက မင်းသားကြီး Yogi Babu ပါဝင်သရုပ်ဆောင်ထားတဲ့ Tamil Comedy ဇာတ်ကားသစ် ထွက်ရှိလာပါပြီ ခင်ဗျားမှာ Time Machine နဲ့ အချိန်ခရီးသွားဖို့ အခွင့်အရေးရလာရင် ဘာလုပ်ကြမှာလဲ အတိတ်ကိုရော အနာဂတ်ကိုပါ အချိန်ခရီးသွားလို့ရရင် ဘယ်အပိုင်းအခြားကို သွားဖြစ်ကြမလဲ မီတာရုံးမှာ အလုပ်လုပ်တဲ့ မီးသမားလေး မာနီကတော့ ဘဝမှာ ဖြစ်ခဲ့တဲ့ အန္တရာယ်အရှိဆုံး မတော်တဆမှုကြီး​ကို တားဆီးဖို့ အတိတ်ကို ပြန်သွားခဲ့ပါတယ် ဟော်ကီကစားသမားတစ်ယောက် သိပ်ဖြစ်ချင်ခဲ့တဲ့ မာနီဟာ လက်တွေ့မှာ မီးသမားပဲဖြစ်နေရတယ် ယောက္ခမအိမ်မှာလည်း သူနေရတာ အဆင်မပြေသလို သူ့မိဘအိမ်ပြန်တော့လည်း ယောက္ခမနဲ့ချွေးမမတည့်ကြလို့ စိတ်ဆင်းရဲမှုများစွာနဲ့ ဖြတ်သန်းနေရတဲ့ လက်ရှိဘဝကနေ အတိတ်ကို ပြန်သွားပြီး ပြင်ဖို့ဆုံးဖြတ်ခဲ့တဲ့အရာက ဘာဖြစ်မလဲ?????? Fiction Comedy ဇာတ်ကားဖြစ်လို့ တစ်ကားလုံး ဒိုင်ယာလော့ အလန်းစားတွေနဲ့ ရယ်နေရမှာပါ အဲ့ဒါကြောင့် မရယ်ရမှာ စိတ်မပူပါနဲ့ Yogi Babu တစ်ယောက်ရော ဒီကားထဲမှာ ဘယ်လို Character နဲ့ ပါဝင်သွားဦးမလဲဆိုတာ ကြည့်ရှုပေးကြပါဦး အညွှန်းကိုတော့ Amelia မှ ရေးသားထားပြီး ဘာသာပြန်သူများကတော့ Amelia နဲ့ Jerrica တို့ပဲဖြစ်ပါတယ် File size…1.38GB/ 2.19Gb Quality…720p / 1080p True Web DL Format…Mp4 Duration….2h 14mins Subtitle….Myanmar Subtitle (Hard Sub) Encoder….YK Translated by Amelia & Jerrica

ကောလိကူးမား (Yogi Babu) မိသားစုတွေက ငွေအတွက်ဆိုရင် ဘာမဆိုလုပ်မယ့် မိသားစုတွေပါ။ လုပ်ငန်းရှင်သူဌေးကြီးတစ်ယောက်က သူရောင်းချမယ့်အိမ်မှာ သရဲတွေသောင်းကျန်းနေတဲ့အတွက် နှင်ပေးနိုင်မယ့်လူရှာနေတဲ့ အချိန်မှာလဲ လွယ်လွယ်နဲ့ငွေရမယ့်အလုပ်ထင်တဲ့အတွက် အတင်းဝင်လုံးပြီး သရဲနှင်တဲ့မိသားစုဟန်ဆောင် အလုပ်ကိုလက်ခံခဲ့ပါတယ်။ သူတို့တွေ ပတ်တူမာလိုင်ဘန်ဂလိုဆိုတဲ့ လူသူမနီးတဲ့နေရာက အိမ်ထဲကိုဝင်မိတဲ့အချိန်ကျမှပဲ သူတို့အထင်မှားခဲ့ပြီဆိုတာကိုသိရပါတော့တယ်။ အိမ်အတွင်းက တစ်ကောင်တည်းမဟုတ်ပဲ မိသားစုလိုက်ရှိနေတဲ့ သရဲတွေဟာ သူတို့ကိုချုပ်နှောင်ထားခဲ့ပြီးတော့ ဘာကြောင့် သူတို့တွေ အခုလိုဘဝရောက်ရတယ်ဆိုတဲ့အကြောင်းတွေကို ပြသ အကူအညီတောင်းခံလာခဲ့ပြီး သူတို့ကို ဒီဘဝရောက်အောင်အကောက်ကြံယုတ်မာခဲ့သူတွေကို လက်တုန့်ပြန်ဖို့ ကြိုးစားကြပါတော့တယ်။ ဒီတောနယ်အစွန်အဖျားက အိမ်တစ်လုံးကို ဘာကြောင့် ဒီလူတွေ အသည်းအသန်လိုချင်နေကြတာလဲ။ ဘာကြောင့် ဒီမိသားစုကို ရက်ရက်စက်စက်သတ်ဖြတ်ခဲ့ရုံတင်မကပဲ တစ္ဆေဘဝထိလိုက်ဒုက္ခပေးနေကြတာလဲ။ ငွေရဖို့ ဘာမဆိုလုပ်မယ့် ကောလိကူးမားတို့ မိသားစုလဲ အမြင်မှန်ရပြီးပြောင်းလဲသွားဖို့ဖြစ်လာမလားစတာတွေကို ဘာဘူးကြီး ဇာတ်ကားတွေရဲ့ထုံးစံအတိုင်းတစ်ကားလုံးပါးစပ်မစေ့တမ်း နေရမယ့် ခွီနေရမယ့်ဟာသတွေအပြည့်နဲ့ ရှုစားကြရမှာဖြစ်ပါတယ်။ File size…(1.9 GB) / (1 GB) Quality….WEB-DL HEVC 1080p / 720p Format…mkv/mp4 Duration….01:51:50 Subtitle….Myanmar Subtitle (Hardsub) Encoder….Nyeinsaeya Aung Translated by Alias & San Thu Aung

NOTA (2018) Review ဝန်ကြီးချုပ်ကြီး ဗာစူဒေ့ဟာ ပြည်သူလူထုက အားပေးထောက်ခံတဲ့ ပါတီခေါင်းဆောင်တစ်ယောက်ပါ။ တစ်နေ့မှာ သူ့ရဲ့ အဂတိလိုက်စားမှုများပေါ်လာခဲ့ပြီး တရားစွဲဆိုခံခဲ့ရပါတယ်။ လက်ရှိရာထူးကနေနှုတ်ထွက်မှဖြစ်တော့မယ့် အခြေအနေမှာ ဗာစူဒေ့ဟာ သားဖြစ်သူ ဗာရွန်ကို သူ့ရဲ့ ဝန်ကြီးချုပ်နေရာမှာ ယာယီခန့်အပ်ဖို့ အစီစဉ်ရေးဆွဲခဲ့ပါတယ်။ သူ့အဖေရဲ့အမှုကိစ္စတွေပြီးတဲ့ထိ ယာယီဝန်ကြီးချုပ်အနေနဲ့ နေပေးရမယ့် ဗာရွန်ဟာ ဗီဒီယိုဂိမ်းဒီဇိုင်းရေးဆွဲသူတစ်ယောက်ပါ။ မိမိဝါသနာနဲ့ ဝင်ရမယ့် ရာထူးနေရာ ကိုက်ညီမှုမရှိတဲ့အပြင် နိုင်ငံရေးအသိပညာလုံးဝမရှိတဲ့ ဗာရွန်တစ်ယောက် သူ့အဖေပြန်လာမယ့်အချိန်ထိ ဝန်ကြီးချုပ်ရာထူးကို ဘယ်လိုဆက်ထိန်းသွားမှာလဲ? စီစဉ်ထားတဲ့အတိုင်းကိစ္စတွေက မဖြစ်မြောက်လာတဲ့အခါ ဗာရွန်တစ်ယောက် နိုင်ငံရေးကိစ္စတွေမှာ ဟန်ပြမဟုတ်ဘဲ ကိုယ်တိုင် ပါဝင်လာခဲ့ရပါတော့တယ်။ နိုင်ငံရေးကမရိုးရှင်းတဲ့အပြင် ဖုံးကွယ်ထားတဲ့အမှန်တရားတွေကို ဗာရွန်သိရှိလာတဲ့အချိန်မှာတော့ ..... ဘာဆက်ဖြစ်မလဲသိချင်ရင် ဇာတ်လမ်းလေးကို ကိုယ်တိုင်ဆက်လက်ခံစားကြည့်လိုက်ပါ။ ဖြစ်လေ့ဖြစ်ထရှိတဲ့ နိုင်ငံရေးအခြေအနေတွေကို တိတိကျကျရိုက်ကူးပြထားတာကတော့ ဒီကားရဲ့ အဓိကအားသာချက်ပါပဲ။ ဒါကြောင့် လှည့်ကွက်ပေါင်းများစွာနဲ့ ဇာတ်အိမ်တည်ထားတဲ့ အက်ရှင်ကားတွေကို သဘောကျတဲ့ကြည့်ရှုသူတွေအတွက် ဒီကားလေးကို ကြည့်ရှုခံစားကြဖို့ အကြံပြုပေးလိုက်ပါတယ်နော်။ Translate and Review by Shwe Poe Eain Encoded By : YK Quality :1080p WEB-HD AVC DD 5.2 and 720p File Size : 2 Gb and 1.3 Gb Duration : 2h 25mins

2018ခုနှစ်မှာ ထွက်ခဲ့တဲ့ ဒီရုပ်ရှင်လေးက Imdb 6.3 / 10 User 1.1kနဲ့ အတော်လေး ratingမြင့်ပြီး မင်းသမီး Rashmika ပါနေတာကြောင့်် တင်ဆက်ပေးလိုက်ပါတယ်.... ဇာတ်လမ်းအကျဉ်း ဒီဇာတ်ကားလေးကတော့ ရွာနှစ်ခြမ်းကွဲ‌နေတဲ့ တေလဂူဘက်နဲ့ တမီလ်ဘက်က ပဋိပက္ခလေးတွေကို ဇာတ်အိမ်တည် ရိုက်ကူးထားတဲ့ကားလေး ဖြစ်ပါတယ် ဟရီဆိုတဲ့ ရန်ဖြစ်ရတာကို ဝါသနာပါနေတဲ့သူကိုမှ စည်းကျော်ရင် သတ်မယ်ဆိုပြီး အမြဲရန်ဖြစ်‌‌နေတဲ့ ရွာကိုကောလိပ်တက်ဖို့ မိဘတွေက ပို့လိုက်ပါတယ် ဟရီတစ်ယောက် ရန်မဖြစ်ပဲ ကောလိပ်မှာ ဖူးစာရှင်လေးနဲ့ဆုံသွားခဲ့ပေမယ့် တစ်ယောက်ကတမီလ် တစ်ယောက်တေလဂူဖြစ်နေတော့ ပေါင်းဖက်ဖို့က ရွာနှစ်ခြမ်းပြန်ပေါင်းမှ ဖြစ်နိုင်မှာကိုသိသွားတဲ့အခါ ဒီရွာနှစ်ခြမ်းက ဘယ်လိုအကြောင်းကြောင့် သွေးကွဲသွားရတာလဲ ဟရီတစ်ယောက် သူရဲ့အချစ်အတွက် နှစ်ပေါင်းများစွာ မတည့်ခဲ့တဲ့ ဒီနှစ်ရွာကို ဘယ်လိုပြန်ပေါင်းမလဲ‌ဆိုတာကိုဆက်လက်ကြည့်ရှုပေးပါဦးရှင်... File size…2.2Gb / 1.1GB / 643MB Quality…1080p HD RIP 5.1Ch / 720p / 480p Format…Mp4 Duration….2h 25mins Subtitle….Myanmar Subtitle ( Hard Sub) Encoder….YK Translated by Ida

Iruttu Araiyil Murattu Kuthu (2018) "လာဆင်သရဲ" ၂၀၁၈ က ထွက်ခဲ့တဲ့ တမီလ်စကားပြော သရဲဟာသ လူကြီးရုပ်ရှင်လေးကို ပရိသတ်တွေအတွက် တင်ဆက်ပေးချင်ပါတယ်။ ဗီရာနဲ့ ဗာဆူဆိုတဲ့ သူငယ်ချင်းနှစ်ယောက်ဟာ ရည်းစားကိုယ်စီနဲ့အတူ ဘန်ကောက်မှာ အိမ်ကြီးတစ်လုံးငှားကာ အပန်းဖြေခရီးထွက်လာခဲ့ကြပါတယ်။ အခန့်မသင့်ချင်တော့ အဲဒီအိမ်ကြီးမှာ မကောင်းတဲ့ဝိညာဉ်တွေ ကိန်းအောင်းနေပြီး အဲဒီမှာရှိတဲ့ သရဲမတစ်ကောင်က ယောက်ျားလေးနှစ်ယောက်ကို ဘာညာဘာညာဖို့ကြိုးစားလာတဲ့အခါမှာတော့...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2.1GB / 1GB Quality…WEB DL 1080p /720p Format…mp4 Duration….1h 59min Subtitle….Myanmar Subtitle (Hard Sub) Encoder….YK Translated by CM Bollywood Team