Randy Thomas ပါဝင်သော ဇာတ်ကားများ

Kindred (2025) +++++++++ ဘဝဆိုတာ တစ်ခါတလေမှာ ကိုယ်ရွေးချယ်ခွင့်မရှိတဲ့ လမ်းဆိုးကြီးတစ်ခုလိုပဲဆိုတာကို ဒီဇာတ်ကားထဲမှာတွေ့မြင်ရမှာပါ.... ရွိုင်းနဲ့အော်ကစ်တို့ချစ်သူနှစ်ယောက်ဟာ လောကဓံရဲ့ ရိုက်ခတ်မှုတွေကြားမှာ ရုန်းကန်ရင်း သူတို့နှစ်ယောက်ဟာ မဖြစ်သင့်တဲ့ လမ်းမှားတစ်ခုကို အတူတူ လျှောက်လှမ်းခဲ့ကြတယ်။ ငွေကြေးချမ်းသာတဲ့ အိမ်ကြီးတစ်အိမ်ထဲမှာ သူတို့ရှာဖွေနေတဲ့ "မျှော်လင့်ချက်" တွေ ရှိလိမ့်မယ်လို့ ထင်ခဲ့ပေမဲ့၊ တကယ်တမ်းမှာတော့ အဲဒီအိမ်ကြီးရဲ့ တံခါးနောက်ကွယ်မှာ သူတို့မသိနိုင်တဲ့ အမှောင်ထုက စောင့်ကြိုနေခဲ့ပါတယ်။ ဓားပြတိုက်သူကနေ သားကောင်အဖြစ် ပြောင်းလဲသွားရတဲ့ အခြေအနေမှာ ရွိုင်းနဲ့အော်ကစ်တို့ရဲ့ တစ်ဦးအပေါ်တစ်ဦး ထားရှိတဲ့ သံယောဇဉ်နဲ့ အသက်ရှင်သန်ဖို့ ကြိုးစားတဲ့ ခံစားချက်တွေက ဒီဇာတ်ကားရဲ့ အသက်ပါပဲ......... File Size… (856B) / (532MB) Quality… WEB-DL 1080p HEVC / 720p Format…mkv / mp4 Duration…1h 22m Genre ….Thriller Subtitle….Myanmar Subtitle (Hard Sub)

Christmas with the Knightlys (2024) ခရစ်စမတ်ဇာတ်လမ်းတွေကိုလည်း သဘောကျတယ် ဒရာမာအနည်းငယ်ပါမှလည်း ကြည့်ချင်တယ်ဆိုတဲ့ ပရိသတ်တွေအတွက်ကတော့ ဒီဇာတ်လမ်းက အံကိုက်ဖြစ်ပါတယ်။ ဖွဲ့စည်းထားတဲ့ ဇာတ်အိမ်လေးကလည်း သပ်ရပ်တဲ့အပြင် ရိုက်ချင်တဲ့ ရိုမန်တစ်ဆန်ဆန် ဇာတ်လမ်းဇာတ်ကွက်တွေကိုပါ သေချာရိုက်ကူးထားတာနိုင်တာကြောင့် IMDB 6.7 အထိတောင် ရထားတဲ့ ရိုမန်တစ်ဇာတ်လမ်းလေးတစ်ပုဒ်ဖြစ်ပါတယ်။ ဇာတ်လမ်းအကျဉ်း ဂျော်ဂျီယာဂျက်ဆန်ဆိုတဲ့အမျိုးသမီးတစ်ယောက်ဟာ အမေရိကနိုင်ငံက ပြည်နယ်ကျောင်းတစ်ခုမှာ ကျောင်းဆရာမအနေနဲ့လုပ်ကိုင်နေတဲ့အမျိုးသမီးဖြစ်ပါတယ်။ ခရစ္စမတ်အချိန်ကာလရောက်ရှိတော့မှာဖြစ်တဲ့အလျောက် ဂျော်ဂျီယာဟာ သူ့ရဲ့ကျောင်းကကလေးတွေအတွက် ကျောင်းပြပွဲပြင်ဆင်ရေးကို ဦးစီးဦးဆောင်လုပ်ပေးနေရတာပါ။ ဂျော်ဂျီယာလေးဟာ အရမ်းပြည့်စုံတဲ့မိသားစုကနေပေါက်ဖွားလာတဲ့အမျိုးသမီးမဟုတ်ပေမယ့် စိတ်နှလုံးအရမ်းပြည့်ဝပြီး ဂရုဏာအရမ်းရှိသူပါ။ စိတ်မကောင်းစွာနဲ့ဘဲ တစ်နေ့မှာ သူ့ရဲ့ ရည်းစားဟောင်းနဲ့စကားများခဲ့ကြပါတယ်။ ဂျော်ဂျီယာလေးဟာ သူ့ရဲ့ကျောင်းပြပွဲအတွက်အကောင်းဆုံးပြင်ဆင်ချင်ပေမယ့် သူ့ရည်းစားဖြစ်သူကတော့ ငွေခင်တဲ့သူဖြစ်တဲ့အတွက် နာမည်ကြီးလုပ်ငန်းရှင်မိသားစုတစ်ခုဖြစ်တဲ့ နိုက်လေမိသားစုရဲ့ ခရစ္စမတ်အကြိုညပါတီကိုအသည်းသန်သွားတက်ချင်တာပါ။ ဒါပေမဲ့ ခရစ္စမတ်အကြိုညမှာကျင်းပမယ့် ကျောင်းပြပွဲအတွက် ပြင်ဆင်ပေးဖို့စိတ်ပါနေတဲ့ ဂျော်ဂျီယာလေးကို သူ့ကောင်လေးက စိတ်ကုန်ပြီး ပစ်သွားခဲ့ပါတယ်။ ရက်ပိုင်းလောက်အကြာ သူ့ရည်းစားဟောင်းရဲ့ တူမလေးဖြစ်တဲ့ ဇိုဝီဆိုတဲ့ကလေးကို ဦးလေးဖြစ်သူလာကြိုဖို့လုပ်ရင်း အသစ်တွေ့ထားတဲ့ရည်းစားနဲ့စေ့စပ်လိုက်ပြီဖြစ်ကြောင်း အသိပေးလိုက်တဲ့အခါမှတော့ နာမည်ကျော် ချေ့စ်နိုက်လေက ဝင်ကြားခံပေးရင်း ရိုမန်တစ်ဇာတ်လမ်းလေးတစ်ခု အစပြုလာပါတော့တယ်။ File size… (1.4 GB) / (750 MB) Quality…. WEB-DL 1080p HEVC / 720p Format…. mkv/mp4 Genre…. Romance Duration…. 01:26:06 Subtitle…. Myanmar Subtitle (Hardsub)

The Apprentice (2024) IMDb Rating (7.2) / Rotten Tomatoes (82%) အမေရိကန် ရဲ့ သမ္မတဟောင်းတစ်ယောက် ဖြစ်သလို လက်ရှိအချိန်မှာလည်း ရီပါဘလီကန် ပါတီဘက်ကနေ အမေရိကန် ရွေးကောက်ပွဲမှာ သမ္မတအဖြစ် ဝင်ရောက် ရွေးချယ်ခံနေတဲ့ ကမ္ဘာကျော် ဘီလျံနာ ဒေါ်နယ်ထရန့် ရဲ့ လောလော လတ်လတ် ထွက်ထားတဲ့ Biopic ရုပ်ရှင်ပဲ ဖြစ်ပါတယ်။ ဒီ ရုပ်ရှင်မှာ ဒေါ်နယ်ထရန့် ဆိုပြီး ဖြစ်လာအောင် ကူညီပေးခဲ့တဲ့ ရှေ့နေ ရွိုင်ကုမ်း နဲ့ ဒေါ်နယ်ထရန့် တို့ရဲ့ ဆက်ဆံရေး ရှုထောင့်ကနေ ပြသထားပြီး အနိုင်ရဖို့အတွက် ဘာမဆို လုပ်ရဲတဲ့ ထရန့် ရဲ့ စရိုက်ကို သေချာ ပုံဖော်ထားပါတယ်။ Winter Soldier အဖြစ် နာမည်ကြီးတဲ့ မင်းသား Sebastian Stan က ဒေါ်နယ် ထရန့် အဖြစ် သရုပ်ဆောင်ထားပြီး သူ့ရဲ့ အကောင်းဆုံး သရုပ်ဆောင်ချက်တွေထဲက တစ်ခုအဖြစ် သတ်မှတ်လို့ရတဲ့အထိ ထရန့်နေရာကို ပီပြင်စွာ သရုပ်ဆောင်နိုင်ခဲ့ပါတယ်။ Succession နဲ့ နာမည်ကြီးတဲ့ မင်းသား Jereme strong က ရှေ့နေ့ ရွိုင်ကုမ်း အဖြစ် သရုပ်ုပ်ဆောင်ထားပြီး Rating တွေလည်း ကောင်းသလို ထရန့် ဘယ်လိုလူလဲဆိုတာ၊ သူဘာကြောင့် အောင်မြင်တာလဲဆိုတာတွေကို တစ်စွန်းတစ်စ မြင်နိုင်မှာ ဖြစ်ပါတယ်။ (အညွှန်းနဲ့ဘာသာပြန်ကတော့ Marco ဖြစ်ပါတယ်။) File size…(13.4 GB) / (4.7 GB) / (1.8 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Drama, History Duration….02:02:37 Subtitle….Myanmar Subtitle (Hardsub) Encoder….Benjamin Translated by Marco

ပြီးခဲ့တဲ့မေလ ၁၈ ရက်ကထွက်ရှိထားတဲ့ Everything Puppies ရုပ်ရှင်ဟာ Drama အမျိုးအစားဖြစ်ပြီး ချစ်စရာ ခွေးပေါက်လေးတွေနဲ့အတူ ပေါ့ပေါ့ပါးပါးကြည့်ရှု့ရမယ့် အချစ်ဇာတ်လမ်းလေးတစ်ပုဒ်ဖြစ်ပါတယ်။ တစ်စိုက်မတ်မတ်လုပ်ဆောင်တတ်တဲ့ စွန့်ဦးတီထွင်သူ တစ်ဦးဖြစ်တဲ့စကားလတ်ဟာ ခွေးတွေကိုချစ်တဲ့ စိတ်တစ်ခုတည်းနဲ့ ခွေးအရုပ်တွေ၊ ခွေးအစာတွေအစရှိ သဖြင့် ခွေးတွေနဲ့ပတ်သက်တဲ့အရာအားလုံးကို တီထွင် ဖန်တီးလေ့ရှိပါတယ်။ တစ်ရက်မှာတော့ စကားလတ်ဖန်တီးလိုက်တဲ့ ခွေးစာမုန့်တစ်မျိုးကို ခွေးတွေကအရမ်းကြိုက်လွန်း တာကြောင့် ဆိုင်တွေမှာတင်သွင်းရောင်းချဖို့ဆုံးဖြတ် လိုက်ပါတယ်။ ဒါပေမဲ့ ကုန်ပစ္စည်းအသစ်ကို ဆိုင်တွေက လက်မခံရဲကြတာကြောင့် စကားလတ်တစ်ယောက် အခက်တွေ့နေစဉ်မှာပဲ ခွေးပစ္စည်းအရောင်းဆိုင်တစ်ခုရဲ့ အထွေထွေမန်နေဂျာဖြစ်တဲ့အဲလက်စ်နဲ့တွေ့ဆုံခဲ့ပါတယ်။ အဲလက်စ်က စကားလတ်ရဲ့ကုန်ပစ္စည်းသစ်ကို အခွင့် အရေးပေးခဲ့သလို တစ်ဖက်မှာလည်း စကားလတ်ကို ချစ်မိသွားခဲ့ပါတယ်။ စကားလတ်ရဲ့တည်ထောင်ခါစ လုပ်ငန်းငယ်လေးကို အဲလက်စ်က အများကြီးကူညီ ပေးခဲ့ပေမယ့် နာမည်ကျော်ခွေးစာမုန့်တံဆိပ်တစ်ခုက လိုက်လံနှောင့်ယှက်မှုတွေကြောင့် စကားလတ်ရဲ့လုပ်ငန်းမှာ ထိခိုက်နစ်နာမှုတွေရှိလာသလို အဲလက်စ်အပေါ်မှာလည်း အထင်လွဲမှားမှုတွေဖြစ်ပေါ်လာခဲ့ပါတယ်။ စကားလတ်ရဲ့ တီထွင်ဖန်တီးမှုတွေက အောင်မြင်သွားမှာလား။ အဲလက်စ်နဲ့ရောပြန်အဆင်ပြေသွားမှာလားဆိုတာကိုတော့ ဆက်လက်စောင့်ကြည့်ရမှာပဲဖြစ်ပါတယ်။ File size…1.57GB / 785MB Quality…WEB-Rip 1080p 5.1CH / 720p Format…mp4 Duration….1h 39m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

အမေရိကန်နိုင်ငံ၊ ဝါရှင်တန်ပြည်နယ်က မြို့လေးတစ်မြို့မှာ အမ်မလီမယ်ရီပိုဆာဟာ သူငယ်ချင်းတစ်ယောက်နဲ့အတူ လိပ်ပြာမွေးမြူတဲ့အလုပ် လုပ်ပါတယ်။ မွေးထားတဲ့လိပ်ပြာတွေကို မွေးနေ့ပွဲ၊ မင်္ဂလာဆောင်လို ပွဲတွေမှာ လွှတ်ပေးရတာပါ။ အရင်အချစ်ရေးမှာ ကံမကောင်းခဲ့တဲ့ အမ်မလီအတွက် နောက်တစ်ကြိမ် ပြန်ရင်ခုန်ဖို့က မလွယ်တော့ဘူး။ ဒါပေမယ့် မွေးနေ့ပါတီတစ်ခုမှာ လိပ်ပြာလွှတ်ပေးဖို့ တာဝန်ယူရင်း ကလေးကို တစ်ယောက်တည်း ပြုစုစောင့်ရှောက်နေတဲ့ ဖခင် ဂဲရက်နဲ့ ဆုံမိလာပါတယ်။ နောက်တော့ နာမည်ကြီးမော်ဒယ်တစ်ယောက်ရဲ့ မင်္ဂလာပွဲအတွက် လိပ်ပြာအကောင် ၅၀၀ လွှတ်ပေးရမယ့်အလုပ်ကို အမ်မလီ လက်ခံရတယ်။ ဒီအလုပ်မှာ ဂဲရက်တို့သားအဖကပါ ဝင်ကူပေးလာတဲ့အခါ သူတို့ကြားမှာ အချစ်တစ်ခု စတင်လာနိုင်ပါ့မလား။ သူတို့အကြောင်းနဲ့အတူ လိပ်ပြာတွေကို ဂရုတစိုက် စောင့်ကြည့်မွေးမြူရပုံ၊ သဘာဝပတ်ဝန်းကျင်နဲ့ ဆက်စပ်နေပုံတွေအပြင် အရောင်အသွေးစုံတဲ့ လိပ်ပြာအမျိုးအစားတွေကိုလည်း တွေ့ရပါတယ်။

လဟာ သဘာဝအတိုင်း ဖြစ်ပေါ်လာတာမဟုတ်ဘဲ လူကဖန်တီးထားတဲ့ မဟာယန္တရားကြီးတစ်ခုလို့ ယုံကြည်တဲ့ လူငယ်တစ်ယောက်က လရဲ့ပတ်လမ်း ချော်နေကြောင်း သတိထားမိရာက ဇာတ်လမ်းစပါတယ်။ သူယုံကြည်ထားတဲ့ အကြောင်းပြချက်က အပိုလို ၁၁ က လောင်စာကန်အလွတ်ကို လမျက်နှာပြင်ပေါ် ပစ်ချခဲ့စဉ် တစ်နာရီလောက် ခေါင်းလောင်းလို မြည်နေခဲ့လို့ လရဲ့အတွင်းဘက်က ဗလာဖြစ်ရမယ်ဆိုတဲ့ အယူအဆပါ။ လပတ်လမ်းချော်နေတဲ့အကြောင်း နာဆာကို သတိပေးဖို့ ကြိုးစားပေမယ့် သူ့စကားကို နားမထောင်ကြပါဘူး။ ဒီလိုနဲ့ လကြီး ကမ္ဘာပေါ်ပြိုကျဖို့ ခန့်မှန်းခြေ သုံးပတ်ပဲ ကျန်တော့တဲ့အချိန်ကို ရောက်လာပါတယ်။ လက ကမ္ဘာကို ဝင်တိုက်နိုင်တဲ့အန္တရာယ်အပြင် ပိုရှုပ်ထွေးတဲ့ အကြောင်းအရာတွေပါ ဆက်ပေါ်လာတဲ့ သိပ္ပံစိတ်ကူးယဉ် အက်ရှင်ဇာတ်ကားပါ။ Independence Day၊ The Day After Tomorrow နဲ့ 2012 တို့ကို ရိုက်ကူးခဲ့တဲ့ ဒါရိုက်တာ Roland Emmerich ရဲ့ လက်ရာဖြစ်ပါတယ်။ Patrick Wilson၊ Halle Berry နဲ့ John Bradley တို့က အဓိကပါဝင်ပြီး Kelly Yu လည်း သရုပ်ဆောင်ထားပါတယ်။ သိပ္ပံသီအိုရီတွေ၊ သိပ္ပံယုံတမ်းစကားတွေနဲ့ စိတ်ကူးဆန်းတွေကို ရောနှောအသုံးပြုထားပါတယ်။

အဲလက်စ်ဆိုတဲ့ကောင်လေးတစ်ယောက်ဟာ ငယ်ငယ်ကတည်း ကွန်ပျူတာကို ဆော့ကစားရင်းကြီးပြင်းခဲ့ရသူမို့ အင်တာနက် ကွန်ပျူတာတွေနဲ့ပတ်သတ်ပြီး အကျွမ်းတဝင်ရှိနေပါတယ်။ သူရဲ့စိတ်ကူးကလည်း ဒီပညာတွေကို ပိုပြီးသင်ယူဖို့ ကောလိပ်တက်ချင်တာပါ။ မိဘတွေက မပြေလည်သူမို့ ကောလိပ်တက်ဖို့  ၁၄ နှစ်အရွယ်လောက်ကတည်းက ခက်ခက်ခဲခဲ အင်တာနက်နေပြီးမှ ငွေရှာပြီး ကိုယ့်ကျောင်းစရိတ်ကိုယ်ရှာနေတဲ့ လူကောင်းလေးတစ်ယောက်ပါ။ ကောလိပ်တက်ခါနီးမှာပဲ သူ့အမေအလုပ်လုပ်နေတဲ့ဘဏ်က သူ့အမေကိုအလုပ်ထုတ်လိုက်ပါတယ်။ သူတို့အိမ်ဂရန်အပေါင်ကလည်း ဒီဘဏ်မှာဖြစ်တဲ့အတွက် အလုပ်မရှိတော့လို့ ချေးငွေလည်းမရနိုင်နဲ့ အိမ်ကိုပါ ဆုံးရှုံးရမယ့်အခြေအနေမို့  သူအနှစ်နှစ်အလလ စုထားတဲ့ငွေလေးတွေကို ထုတ်ပေးလိုက်ပါတယ်။ သူ့ရဲ့ရင်ထဲမှာလည်း ဘဏ်တွေကို စိိတ်နာပြီး နာကျည်းချက်ဝင်နေပါတယ်။   အဲဒီအချိ်န်မှာ “ Dark Web” ဆိုတဲ့အဖွဲ့အစည်းက အင်တာနက်ကဟက်ကာအဖွဲ့အစည်းတွေဖြစ်ပြီး အင်တာနက်ကနေ ငွေကြေးတွေ လိမ်လည်ရယူနေတဲ့ နာမည်ကျော်ဟက်ကာကြီးအဖွဲ့ပါ။ ခေါင်းဆောင်ကတော့ Z  ဆိုပြီး မျက်နှာဖုံးနဲ့ လူတစ်ယောက်ပါ ။ ဒီတော့ သူစုထားတဲ့ပိုက်ဆံတွေ မရှိတော့တဲ့ အဲလက်စ်ဟာ ဒီအဖွဲ့ထဲကို ဝင်ဖို့အကြံရသွားပါတယ်။ ဒီအဖွဲ့ထဲ ဝင်ဖို့ကတော့ မလွယ်ကူပါဘူး။ Online ကနေ ငွေကြေးလိမ်လည်မှုတစ်ခုလုပ်ပြနိုင်မှ လက်ခံတာပါ။ ဒီတော့ အဲလက်စ်လည်း ကြိုးစားပြီး Online  ငွေကြေးလိမ်လည်မှုုတစ်ခုု လုပ်ပြနိုင်လို့ အောက်ဆုံးအဆင့်ကနေ ဝင်ခွင့်ရခဲ့တယ်။ ဒီအဖွဲ့ထဲ ဝင်ပြီး ကြိုးစားလုပ်ကိုင်ရင်းက ၄ ပါတ်အတွင်းမှာကို သူ ၄နှစ်စုဆောင်းထားတာလောက်ကို ရှာနိုင်လာပါတယ်။ ကောလိပ်တက်ဖို့ မြို့ကိုပြောင်းလာတဲ့အချိန်မှာ “ Dark Web” အဖွဲ့က နိုင်ငံတကာသတင်းမီဒီယာတွေကနေ ဘဏ်တွေကို ခြိမ်းခြောက်ပြီးတိုက်ခိုက်ပြမယ်လို့ ကြုံးဝါးလာခဲ့ပါတယ်။ ဒီအချိန်မှာ အဲလက်စ်က ဘဏ်တွေကိုလက်စားချေချင်နေတဲ့သူမို့ သူ ကောလိပ်မတက်တော့ပဲနဲ့ “ Dark Web” အဖွဲ့က အဖွဲ့ခေါင်းဆောင် Z နဲ့ တွေ့ဖို့ အင်တာနက်ကနေငွေကြေးလိမ်လည်မှုတွေကို တဆင့်ပြီးတဆင့်တိုးလုပ်လာပါတော့တယ်……… -အဲလက်တစ်ယောက် ဘယ်လိုများ  တဆင့်ပြီး တဆင့် Online ငွေကြေးလိမ်လည်မှုတွေကို လုပ်သွားသလဲ -သူ့ကို ဘယ်သူတွေက ကူညီပေးမှာလဲ -“ Dark Web” အဖွဲ့ခေါင်းဆောင် Z ရဲ့ အသိမှတ်ပြုမိကို ရနိုင်မှာလား - နိုင်ငံတကာ ဘဏ်တွေကိုရော လက်စားချေနိုင်အောင် စွမ်းဆောင်သွားနိုင်လား -ဒီလောက်တောင် online ကနေ ငွေတွေလိမ်လည်နေတာ အဖမ်းခံရမှာလား မခံရဘူးလား -နိင်ငံတကာရဲတပ်ဖွဲ့ နှင့် ဘဏ်တွေဖက်ကရောဘယ်လိုမျိုး တန်ပြန်တိုက်စစ်ဆင်သလဲဆိုတာကိုတော့ ဇာတ်လမ်းထဲမှာ ရှုစားကြည့်လိုက်ပါ..... ဒီကားလေးတော့ ကွန်ပျူတာကိုနေ့တိုင်း ထိတွေ့နေတဲ့ ကျွန်တော်တို့ အကြိုက်ကားလေးပဲဖြစ်ပါတယ်... Hacking အပိုင်းကိုစိတ်ဝင်စားနေတဲ့သူတွေနဲ့ လူငယ်တွေအတွက် လက်မလွှတ်သင့်တဲ့ကားကောင်းလေးတစ်ကားဖြစ်ပါတယ်... Quality…..BluRay 1080p Duration…..01:35:00 Format…Mp4 File Size…(771 MB , 386 MB ) Encoder…..Moe Myint Lwin Translator…..Htet Htet Tin Zar