Ray Wise ပါဝင်သော ဇာတ်ကားများ

The Napa Boys (2026) IMDb Rating (5.3) / Rotten Tomatoes (54%) ကယ်လီဖိုးနီးယားပြည်နယ်ရဲ့ နာမည်ကျော် ဝိုင်ထွက်ရာဒေသ Napa Valley ကို နောက်ခံထားပြီး ရိုက်ကူးထားတဲ့ Comedy / Mystery ကားတစ်ကား ဖြစ်ပါတယ်။ ဒီဇာတ်ကားဟာ သာမန် ခရီးသွားမှတ်တမ်းကားမျိုး မဟုတ်ဘဲ ဝိုင်နဲ့ ပဟေဠိတွေကို ရောမွှေထားတဲ့ ထူးခြားတဲ့ အတွေ့အကြုံတစ်ခုကို ပေးစွမ်းမှာပါ။ ဇာတ်လမ်းကတော့ သူငယ်ချင်းတစ်စု Napa Valley ရဲ့ ဝိုင်အရသာမြည်းစမ်းတဲ့ ခရီးစဉ် (Wine trip) တစ်ခုကို ထွက်လာရာက စတင်ပါတယ်။ အဲဒီခရီးစဉ်မှာ သူတို့ဟာ "The Sommelier" လို့ လူသိများတဲ့ လျှို့ဝှက်ဆန်းကြယ်တဲ့ ပုဂ္ဂိုလ်တစ်ယောက်နဲ့ ဆုံတွေ့ခဲ့ပါတယ်။ ဒီ Sommelier ဟာ သူတို့ကို ဝိုင်စက်ရုံတွေကြားထဲ ခေါ်ဆောင်သွားရင်းနဲ့ ခရီးစဉ်ဟာ တဖြည်းဖြည်း ထူးဆန်းတဲ့ ဖြစ်ရပ်တွေ၊ စိတ်ပညာဆိုင်ရာ ကစားပွဲတွေနဲ့ ပြည့်နှက်လာပါတော့တယ်။ သူတို့ဟာ ဝိုင်အရသာကို မြည်းစမ်းနေတာလား ဒါမှမဟုတ် တစ်ခုခုရဲ့ ထောင်ချောက်ထဲကို ရောက်နေတာလားဆိုတာ ဝေခွဲမရအောင် ရိုက်ကူးထားလို့ စိတ်ဝင်စားစရာကောင်းတဲ့ ဇာတ်လမ်းတစ်ပုဒ်ပါ။ File size… (1.8 GB) / (1.1 GB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:32:09 Subtitle…. Myanmar Subtitle (Hardsub)

The Blue Rose (2023) ဒီရုပ်ရှင်ဟာ တစ်မျိုးထူးဆန်းပါတယ်။ အမျိုးအစား သတ်မှတ်ထားခြင်းမရှိတဲ့ genre bending ဖြစ်ပါတယ်။ ဒါပေမယ့် ကျွန်တော့်အမြင်မှာတော့ သဘာဝလွန်၊ မှုခင်းအမျိုးအစားလို့ သတ်မှတ်ချင်ပါတယ်။ ဒါကလည်း ကြည့်ရှုသူရဲ့အမြင်ပေါ်မှာ မူတည်သွားနိုင်ပါတယ်။ ဇာတ်လမ်းတည်ဆောက်ပုံကလည်း ထူးခြားပြီးတော့ သာမန်ကြည့်ရှုသူ ပရိသတ် ကြိုက်နိုင်တဲ့ ပုံစံမျိုး မဟုတ်ပါဘူး။ ဒါပေမယ့် ကြည့်ရှုရင်း ခံစားချက်တစ်ခုခုတော့ ပေးနိုင်လိမ့်မယ်လို့ ထင်ပါတယ်။ ဇာတ်လမ်းအကျဉ်းကတော့ ၁၉၅၀ ခုနှစ်မှာ ဒယ်လ်တန်နဲ့ လီလီဆိုတဲ့ လူသစ်စုံထောက် နှစ်ယောက်ဟာ လူသတ်မှုတစ်ခုကို လိုက်လံစုံစမ်းကြပါတယ်။ အသတ်ခံရသူက ဟဲရိုး အိုမယ်လီဆိုတဲ့ လူပါ သူ့ဇနီးသည် ဆိုဖီ အိုမယ်လီဟာလည်း ပျောက်ဆုံးနေတာမို့၊ ပြန်ပေးဆွဲခံရတာဆိုပြီး ရဲဖက်က ကောက်ချက်ချထားပါတယ်။ အယ်လ်တန်နဲ့ လီလီလည်း အခင်းဖြစ်နေရာကိုသွားကြရင်း ထူးဆန်တဲ့လက္ခဏာတွေ တွေ့ကြရပါတယ်။ တွေ့တဲ့ သဲလွန်စအရ ဆိုဖီ့အစ်မ နော်မာစတီးလ်ရဲ့ အိမ်ကို ဆက်သွားကြပါတယ်။ အဲလိုနဲ့ သဲလွန်စတွေကို လိုက်လံ့ စုံစမ်းရင်း ဒီဖက်လောကနဲ့ မတူညီတဲ့ တခြားဖြစ်တည်မှုတစ်ခုကို ရောက်သွားပါတယ်။ အဲမှာက သူတို့ရဲ့ အဆိုးဆုံးအိပ်မက်ဆိုးတွေနဲ့တည်ဆောက်ထားပြီး သူတို့ လွတ်မြောက်နိုင်ဖို့ ရုန်းကန်ကြရပါတော့တယ်..... အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Fantasy, Horror, Mystery Quality…. 1080p WEB-DL | 720p WEB-DL File size… 1.6GB | 626MB Format… mp4 Duration…. 1h 43min Subtitle…. Myanmar Subtitle (Hardsub) Translator .....Leonard Lin  Encoder ..... Aaron

IMDb Rating - 2.5 Genre - Politics, Religion ကဲ ဒီတစ်ခေါက်တော့ နိုင်ငံရေးကားအသစ်မျှော်နေတဲ့သူတွေအတွက် 2024ခုနှစ်ထွက် အမေရိကန်နိုင်ငံရေးဇာတ်ကားလေးနဲ့ မိတ်ဆက်ပေးပါရစေ။ ဇာတ်လမ်းအညွှန်း - ဖာသာ ဒေးဗစ် ဟေးလ် တစ်ယောက် မူဝါဒက နေ ဘာသာရေးကို ဖယ်ထုတ်ချင်သူတစ်ဦးနဲ့ လွှတ်တော်မတ်အဖြစ် ရွေးကောက်ပွဲမှာ ယှဉ်ပြိုင်တာကို ကြည့်ရှုခံစားရမှာဖြစ်ပါတယ်။ ယုံကြည်သက်၀င်မှုဟာ ပြည်သူလူထုရဲ့ ဘ၀မှာ ဘယ်လောက်အရေးပါသလဲ‌ဆိုတာရယ် ဘာသာရေးတန်ဖိုးများကို အစိုးရ အနေနဲ့ တစ်စိတ်တပိုင်း ပါ၀င်အားစိုက်ထုတ်ထားရန် ကြိုးစားမှုကို ဖော်ပြထားပါတယ်။ ဘာသာရေးနဲ့ နိုင်ငံရေး အားပြိုင်ထားတဲ့ ဇာတ်ကားလေးတစ်ကားဖြစ်ပါတယ်။ File size…(2.2 GB)/(1.2 GB) Quality….Webrip 1080p / 720p Format…mp4 Duration….01:48:00 Genre...Drama  Subtitle….Myanmar Subtitle (Hardsub) Encoder….Swan Min Htet Translated by IVY

Poolman ဇာတ်ကားဟာ ၂၀၂၃ ခုနှစ်ထွက် နာမည်ကျော်မင်းသား Chris Pine ပါဝင်တဲ့ Comedy, Mystery ဇာတ်ကားလေးပဲ ဖြစ်ပါတယ်။ နည်းနည်းဆန်းတဲ့ Genre အတွဲဖြစ်သလို ဇာတ်ကားလေးကလည်း နည်းနည်းလေးဆန်းပါတယ်။ အတိုပြောရရင် မင်းသားဟာ ဇာတ်ကားထဲမှာ Darren ဆိုတဲ့ ရေကူးကန်ထိမ်းသိမ်းရေးဝန်ထမ်း တစ်ယောက်ပါ။ သူက သူနေတဲ့ Los Angeles မြို့ကို အရမ်းချစ်လို့ မြို့ကို တိုးတက်အောင် အမြဲ ကြိုးစားနေတဲ့လူတစ်ယောက်ပါ။ သူ့မှာ သူ့ကို အမြဲအပြစ်မမြင် ကူညီပေးတဲ့မိတ်ဆွေတွေရှိသလို သူ့ကို ရန်သူလိုမြင်နေတဲ့လူတွေလည်း ရှိပါတယ်။ တစ်နေ့မှာ အများပြည်သူအကျိုးအတွက်လို့ နာမည်ခံထားတဲ့ မြို့ရဲ့ အိမ်ရာစီမံကိန်းနောက်ကွယ် တစ်ခုမှာ လာဘ်ပေးလာဘ်ယူတွေ ရှိနေတာကို သူ သိသွားတဲ့အခါမှာ အဲဒါကို ဖော်ထုတ်ဖို့ ကြိုးစားရင်း နောက်ကွယ်မှာ ဘယ်လိုတွေ ရှိနေမှာလဲ သူထင်တာတွေကရော မှန်ပါ့မလား ဘယ်သူတွေ ထိခိုက်ပြီး ဘယ်သူတွေ အသာစီးရသွားမှာလဲ စတာတွေကို တစ်ကားလုံး ဟာသဆန်ဆန် ရိုက်ပြ ထားတာမို့ Mystery လည်း ကြိုက် comedy လည် ကြိုက်တဲ့လူတွေ ကြည်သင့်ပါတယ်လို့ လက်တို့ လိုက်ပါရစေခင်‌ဗျ.......... File size…1.87GB / 741MB Quality…WEB-DL 1080p 5.1CH / 720p Format…mp4 Duration….1h 40m Genre ….. Comedy , Mystery Subtitle….Myanmar Subtitle (Hard Sub) Encoder….Min Wai Translated by Lin Aung

သွန်းနဲ့ ဝတ်လိုးတို့ဟာ ခေတ်သစ်စုန်းအုပ်စုတစ်စုရဲ့ ယဇ်ပုရောဟိတ်နဲ့ ယဇ်ပုရောဟိတ်မတို့ ဖြစ်ကြပါတယ်။ ဒါပေမယ့် သွန်းမှာ သူဖုံးကွယ်ထားတဲ့ အတိတ်တစ်ခု ရှိနေတယ်။ တစ်နေ့ အဲဒီအတိတ်ကို ဆက်ဖုံးထားလို့ မရတော့ဘဲ ပေါ်လာတဲ့အခါ သူတို့ဘဝတွေလည်း ကမောက်ကမ ဖြစ်ကုန်ပါတယ်။ အဲဒီနောက် သူတို့ ဘယ်လိုခရီးထွက်ရမလဲဆိုတာကို ကြောက်စရာတွေနဲ့ ရယ်စရာအလွဲတွေ ရောပြီး တင်ဆက်ထားပါတယ်။

သောက်တလွဲသူငယ်ချင်းနှစ်ယောက် Gus နဲ့ Shawn Spencer တို့ရဲ့ Psych ကတော့ အသစ်ထွက်လာပါပြီ။ Psych series ကနေ Psych 1 နဲ့ Psych 2 ထွက်ခဲ့ပြီးတော့ အခု Psych 3 ထွက်လာပါပြီ။ ( Psych2ကို Channel Myanmarမှာတင်ပေးဖူးပါတယ်) အခုဒီအပိုင်းမှာ Gus ကို အဓိကဇာတ်ကောင်အနေနဲ့ထားထားပါတယ်။ Gus က မကြာခင်ကလေးမွေးတော့မယ့်သူ့ချစ်သူနဲ့မင်္ဂလာဆောင်ဖို့ စီစဉ်နေချိန်မှာ Shawn Spencerရဲ့ သံသယတစ်ခုကနေအခြေတည်ပြီး Gusချစ်သူရဲ့ နောက်ကြောင်းတွေပေါ်လာခဲ့ပါတယ်။ ဒီလိုနဲ့နှစ်ယောက်သားလိုက်စုံစမ်းရင်းကနေတလွဲတွေဖြစ်လာတဲ့အခါမှာတော့... Psych ဇာတ်ကားပီပီ Crime,Comedy, Mystery အပြည့်နဲ့ ကြည့်ရရှုရမပျင်းရတဲ့ ကားကောင်းလေးတစ်ကားပါလို့ ညွှန်းပါရစေ။ ( အညွှန်းရေးသားထားသူကတော့ Chit Tee ပါ ) File Size__(1.7GB) / (900 MB) Quality__1080p, 720p IMDb Rating__8.3/10 Format__mp4 Duration__01:40:00 Type__Comedy, Crime, Mystery Subtitle__Myanmar Subtitle (Hardsub) Translated by Chit Tee , Oleander Encoded by Naing Aung Latt

ပထမကား god not dead 1 ကို ကြည့်ဖူးတဲ့သူတွေအနေနဲ့ မစိမ်းတဲ့ဇာတ်ကားတကားပါဗျ ခရစ်ယာန် ဘာသာကို လေ့လာခြင်သူတွေ မသိသေးတဲ့သူတွေအနေနဲ့ ကြည့်သင့်တဲ့ ဇာတ်ကားကောင်းတကားဆိုတာ ၁ ကိုကြည့်ဖူးတဲ့သူတိုင်း သိကြမယ် ထင်ပါတယ် ပထမကားလိုပဲ ဘာသာတရားကိုအယုံအကြည်မရှိတဲ့ ဆရာနဲ့ ဘာသာတရားအပေါ် လုံး၀ ယုံကြည် စွဲလန်းမှုရှိနေတဲ့ ဆရာတပည့်တို့တွေ့ဆုံကြတဲ့ အခါမှာတော့ ဘယ်လိုတွေဆက်လက်ဖြစ်ပျက်နိုင်မလဲဆိုတာကို ဆက်လက်ရှူစားကြပါလို့ File Size       :  850MB/ 433Mb Duration      :  2hr 13min Quality         :  Bluray Rip720p Encoder       :  Thanhtike Zaw

ဒီလောကကြီးထဲမှာ လူရယ်လို့ဖြစ်လာခဲ့ပြီဆိုရင် လောကဓံရဲ့ရိုက်ချက်တွေကံတရားရဲ့ ကစားကွက်တွေ ချစ်ရသူတွေကို ဆုံးရှုံးခဲ့ရတဲ့ခံစားမှုရဲ့ ဒဏ်တွေကို တစ်ခုမဟုတ်တစ်ခုကတော့ အလူးအလဲခံစားကြဖူးကြမှာပါပဲ ဒီလို နာကျင်မှုတွေ ထိုးနှက်ချက်တွေကြားမှာ လူသားတစ်ယောက်အနေနဲ့ ကြံ့ကြံ့ခံ ရပ်တည်နေနိုင်ပါ့မလား ဒါမှမဟုတ်အရှုံးပေး လက်မြှောက်လိုက်မလား...? ဒါမှမဟုတ် အရာအားလုံးကို နာကျည်းမုန်းတီးသွားမလား…? ဒီဇာတ်ကားထဲမှာတော့ Batman ရဲ့ အဓိကရန်သူတော် Villain ကြီး Joker ဟာ သူဖြတ်သန်းခဲ့ရတဲ့ လောကဓံရဲ့ ရိုက်ချက်တွေ သူ့အပေါ် ပြင်းထန်ခဲ့တဲ့ အခါမှာ သူ့ရဲ့ကျရှုံးမှုတွေ နာကျင်မှုတွေ ကနေ အရာအားလုံးကို နာကျည်း မုန်းတီးသွားခဲ့ပြီး ရူးသွပ်စွာ ရက်စက်တတ်တဲ့ သူတစ်ယောက်အဖြစ်ကို အသွင်ပြောင်းသွားခဲ့ပါတယ် နောက်ပြီး Joker ဟာ သူ့လိုပဲ လူတိုင်းဟာ စိတ်ဒါဏ်ရာ ပြင်းပြင်းထန်ထန် ရသွားခဲ့ ရင် ရူးသွပ်သွားမှာပဲဆိုတဲ့ အချက်ကို သက်သေပြဖို့အတွက် ဘယ်လို ဘယ်ပုံတွေ ရက်စက် အကွက်ချ လုပ်ပြမလဲဆိုတာကတော့ ဒီဇာတ်ကားရဲ့အဓိက ဇာတ်အိမ်ပဲဖြစ်ပါတယ် မြင်ရခဲတဲ့ Jokerရဲ့နောက်ကြောင်းရာဇဝင်ကို ဒီကားထဲ မှာမြင်တွေ့ရမှာဖြစ်ပြီး Batman နဲ့ Joker ရဲ့ကြားထဲက relationship ကို လေးလေးနက်နက်ပုံဖော်ပြထားပါတယ် 1988 ခုနှစ်ကထွက်ရှိခဲ့တဲ့The Killing Joke comicကိုအခြေခံပြီးရိုက်ကူး ထားတဲ့ဒီဇာတ်ကား ဟာ အချိန်ကန့်သတ်ပြသပေမယ့်လဲ ပြသခဲ့တဲ့ နှစ်ရက်အတွင်းမှ3.8သန်းအထိဝင်ငွေရရှိခဲ့ပြီး Box-Office ရဲ့ တတိယနေရာမှာ ခေတ္တရပ်တည်နိုင်ခဲ့ပါတယ် IMDb rating အနေနဲ့ 6.4/10ရရှိထားလို့ ဇာတ်ကားကောင်းတစ်ကားအနေနဲ့ညွှန်းပေးပါရစေ ဇာတ်ကားကို အသေအချာ ဘာသာပြန်ပေးထားပြီး (အထူးသဖြင့် Joker ရဲ့ ဒဿန ဆန်ဆန်ဒိုင်ယာလော့ခ် တွေ) အညွှန်းရေးပေးသူကတော့ ကိုHan Htoo Zaw ပဲ ဖြစ်ပါတယ်။ File Size : 575 MB Quality : Blu-Ray 720p Running Time : 1h 16min Format : Mp4 Genre : Animation, Action, Crime Subtitle : Myanmar Subtitle (Hard Sub) Translated by Han Htoo Zaw Encoded by Kaung Myat Thu

Twin Peaks: The Missing Pieces (2014) (သို့မဟုတ်) David Lynch ဝှက်ထားခဲ့တဲ့ ပဟေဠိအဖြေများ Twin Peaks ဖန်တီးရှင် ဆရာကြီး David Lynch ကို သိကြတဲ့အတိုင်းပါပဲ။ သူက ပရိသတ်ကို ဘယ်တော့မှ အချိုကျွေးလေ့မရှိပါဘူး။ ဒါပေမဲ့ ဒီ "The Missing Pieces" ကတော့ Twin Peaks ပရိသတ်တွေအတွက် တကယ့်ကို ရတနာသိုက်တစ်ခုပါပဲ။ ဒီကားကို နားလည်ဖို့ဆိုရင် အရင်ဆုံး "Director's Cut" ဆိုတာ ဘာလဲဆိုတာ နည်းနည်းပြောပြမှ ရမယ်။ Director's Cut ဆိုတာ ဘာလဲ? ပုံမှန် ရုပ်ရှင်တစ်ကား ရုံတင်တဲ့အခါ အချိန်ကန့်သတ်ချက် (ဥပမာ - ၂ နာရီခွဲထက် မပိုရဘူးဆိုတာမျိုး) ကြောင့်သော်လည်းကောင်း၊ ရုပ်ရှင်ထုတ်လုပ်သူတွေရဲ့ သဘောထားကြောင့်သော်လည်းကောင်း ဒါရိုက်တာ ရိုက်ထားပြီးသား အခန်းကောင်းတွေကို နှမြောစရာကောင်းလောက်အောင် ဖြတ်ထုတ်ပစ်လိုက်ရတာမျိုး ရှိပါတယ်။ နောင်တစ်ချိန်ကြာမှ အဲ့ဒီဖြတ်ထားတဲ့ အခန်းတွေကို ဒါရိုက်တာက သူလိုချင်တဲ့ ပုံစံအတိုင်း ပြန်ဆက်၊ ပြန်ထည့်ပြီး ထုတ်ဝေတာကို Director's Cut လို့ ခေါ်ပါတယ်။ ဒီ The Missing Pieces ကျတော့ Director's Cut ထက်တောင် ပိုပါတယ်။ ၁၉၉၂ တုန်းက ထွက်ခဲ့တဲ့ "Twin Peaks: Fire Walk with Me" ရုပ်ရှင်မှာ မပါဝင်ဘဲ ဖြတ်တောက်ခံခဲ့ရတဲ့ ဇာတ်ဝင်ခန်းတွေကို စုစည်းထားတာပါ။ ဒါပေမဲ့ ရိုးရိုး Deleted Scenes အနေနဲ့ ထည့်ပေးတာမျိုး မဟုတ်ဘဲ David Lynch ကိုယ်တိုင် အသံပိုင်းဆိုင်ရာ၊ တည်းဖြတ်မှုအပိုင်းဆိုင်ရာ သေချာပြန်လုပ်ပြီး ရုပ်ရှင်တစ်ကားလို ကြည့်လို့ရအောင် (၁ နာရီခွဲစာနီးပါး) ပြန်ထုတ်ပေးထားတာ ဖြစ်ပါတယ်။ ဒီကားထဲမှာ ဘာတွေထူးလဲ? Twin Peaks ဖန်တွေ နှစ်ပေါင်းများစွာ မေးခွန်းထုတ်နေခဲ့တဲ့ ကွက်လပ်တချို့ကို ဒီကားက ဖြည့်ဆည်းပေးပါတယ်။ Laura Palmer ရဲ့ ခံစားချက်: မူရင်းရုပ်ရှင်မှာ Laura (လော်ရာ) ရဲ့ ဘဝက အရမ်းမှောင်မိုက်လွန်းတယ်။ ဒီ Missing Pieces မှာတော့ သူမရဲ့ မိသားစု ထမင်းဝိုင်းက တင်းမာမှုတွေ၊ သူမရဲ့ အပြုံးတွေ၊ ကြောက်ရွံ့မှုတွေကို ပိုပြီး အသေးစိတ် မြင်ရတယ်။ မင်းသမီး Sheryl Lee ရဲ့ သရုပ်ဆောင်ချက်တွေက တကယ့်ကို ရှယ်ပါပဲ။ ၂။ David Bowieရဲ့ အခန်းကဏ္ဍ: "Fire Walk with Me" မှာ ခဏလေးပဲ ပါခဲ့တဲ့ David Bowie (Phillip Jeffries ) ရဲ့ ဇာတ်ကွက်ကို ဒီမှာ အရှည်ကြီး ပြန်ကြည့်ရပါမယ်။ ဒီအခန်းက Season 3 (The Return) ကို နားလည်ဖို့အတွက် အင်မတန် အရေးကြီးပါတယ်။ ၃။ Season 2 ဇာတ်သိမ်းရဲ့ အဆက်: စီးရီး Season 2 ပြီးတုန်းက Annie ဘာဖြစ်သွားလဲ၊ Cooper ဘယ်လိုဖြစ်သွားလဲဆိုတာ ပရိသတ်တွေ ရင်တမမ ဖြစ်ခဲ့ရတာလေ။ အဲ့ဒီအဖြေတချို့ကို ဒီထဲမှာ ထည့်ပေးထားပါတယ်။ ဆေးရုံက Annie ရဲ့ အခန်းက တော်တော်လေး အရေးပါပါတယ်။ ဒါက Standaloneရုပ်ရှင်မဟုတ်ပါဘူး။ ဒီတိုင်းကြည့်ရင်နားလည်မှာ မဟုတ်ပါ။ Twin Peaks စီးရီး (Season 1, 2) နဲ့ Fire Walk with Me(၁၉၉၂) ရုပ်ရှင်ကို ကြည့်ပြီးသား သူတွေ အတွက်သာ ရည်ရွယ်ပါတယ်။ ဇာတ်လမ်းအစအဆုံး မသိထားရင်တော့ ကြည့်ရတာ နားလည်မှာ မဟုတ်ပါဘူး။ဒါကြောင့် ဖော်ပြပါ စီးရီးနဲ့ရုပ်ရှင်ကို အရင်ကြည့်ဖို့ ညွှန်းချင်ပါတယ်။ "The Missing Pieces" ဟာ ဖြတ်ထားတဲ့ အခန်းတွေဆိုပေမယ့် အရည်အသွေး လျော့မနေပါဘူး။ Twin Peaks လောကကြီးကို ပိုပြီး ပြည့်စုံသွားစေတဲ့၊ မကြည့်မဖြစ် ကြည့်သင့်တဲ့ "အပိုင်းအစ" တွေ ဖြစ်ပါတယ်။ David Lynch ရဲ့ လက်ရာအတိုင်း လှပတယ်၊ ကြောက်စရာကောင်းတယ်၊ ပြီးတော့ ဆွေးမြေ့စရာ ကောင်းပါတယ်။ File size…    3.4 GB /  800 MB Quality… BluRay 1080p / 720p Format… mp4 Duration…. 1h 30m Genre ..... Drama/ Myster/ Thriller Subtitle…. Myanmar Subtitle (Hard Sub)

ပေါ်လင်ဟာ ညီမလေးတစ်ယောက်ရှိတဲ့ ဆယ်ကျော်သက်မိန်းကလေးပါ။ အရာရာကို လက်တည့်စမ်းချင်တဲ့အရွယ်မှာ သူ့ဆီမှာ ထူးခြားတဲ့ လိင်ပိုင်းဆိုင်ရာ စိတ်ကူးယဉ်မှုတွေ ရှိနေတယ်။ သူ့အမေကတော့ သမီးတွေကို မိန်းမကောင်းလေးတွေဖြစ်စေချင်တဲ့ ရှေးရိုးစွဲအယူအဆနဲ့ စည်းကမ်းတင်းတင်းကျပ်ကျပ် ထားသူပါ။ အိမ်မှာ အမေနဲ့ ဆက်ဆံရပုံ၊ ကျောင်းမှာ ကြုံရတဲ့ ဆက်ဆံရေးအခြေအနေတွေကြား ပေါ်လင် ဘာတွေလုပ်မိမလဲ။ မိဘ၊ မောင်နှမနဲ့ သူငယ်ချင်းတွေအပေါ် သူဘယ်လိုဆက်ဆံပြီး ကိုယ့်စိတ်ကူးနဲ့ ရည်မှန်းချက်တွေကို ဘယ်လိုအကောင်အထည်ဖော်ဖို့ ကြိုးစားမလဲဆိုတာကို ပြထားပါတယ်။ Richard Bates, Jr. ရိုက်ကူးထားတဲ့ ၂၀၁၂ ခုနှစ်ထွက် Horror/Drama ဖြစ်ပြီး ပေါ်လင်နေရာမှာ AnnaLynne McCord သရုပ်ဆောင်ထားပါတယ်။

(ပြင်းထန်တဲ့စကားလုံးအသုံးအနှုန်းနဲ့ ဇာတ်ဝင်ခန်းတွေကြောင့် မိသားစုနဲ့ကြည့်ဖို့မသင့်တဲ့ ဇာတ်ကားတစ်ကားအဖြစ် ကြိုတင်အသိပေးပါရစေ) Chillerama ကတော့ ရုပ်ရှင်ဝါသနာတူပြီး ဟော်ရာရုပ်ရှင်အမျိုးအစားအပေါ်မှာ အကြိုက်တူတဲ့ ဒါရိုက်တာ ၄ ယောက်တွေ့ဆုံရာကနေ မွေးဖွားလာခဲ့တဲ့ ဇာတ်ကားတစ်ကားဖြစ်ပါတယ်။ ရုပ်ရှင်ဒါရိုက်တာ Adam Rifkin နဲ့ Tim Sullivan တို့ စတင်ခဲ့တဲ့စိတ်ကူးတစ်ခုကို ခေတ်နဲ့အံမဝင်ခဲ့တာကြောင့် ပုံမဖော်ခဲ့ပေမယ့် Adam Green နဲ့ Joe Lynch တို့နဲ့ပါ တွေ့ဆုံပြီးချိန်မှာတော့ ၄ ယောက်ပေါင်း လောင်းကျော်ဖို့ ဖြစ်လာပါတော့တယ်။ ရလဒ်အနေနဲ့ Wadzilla, Teenage Werebear, Diary of Anne Frankenstine နဲ့ Zom-B-movie ဆိုတဲ့ Short Movies ၄ ကား ရလာခဲ့ပါတယ်။ ထိုဇာတ်ကားများကို စုပေါင်းပြီး Anthology Film တစ်ခုအဖြစ် Chillerama ကို ဖန်တီးခဲ့ကြပါတယ်။ ဇာတ်ကားတစ်ကားချင်းစီကလည်း ခေတ်တစ်ခေတ်ရဲ့ Horror Genre တစ်ခုချင်းစီကို လှောင်ပြောင်ထားတဲ့ ဇာတ်ကားတွေဖြစ်လို့ ပရိသတ်နဲ့ အမြင်မစိမ်းတဲ့ ဇာတ်ကားတွေထဲက ဇာတ်ကွက်များကို ဟာသအမြင်နဲ့ ပြန်လည်တင်ဆက်မှုတွေကို ပြုံးထေ့ထေ့နဲ့ ကြည့်ရမယ့်ကားမျိုးလည်း ဖြစ်ပါတယ်။ အရာရာကို ဟာသဖောက်ပြောဆိုတတ်တဲ့ လူတွေကို အပြင်လောကမှာ မြင်တွေ့နိုင်သလို ထိုအတွေးအမြင်မျိုးနဲ့ ဒါရိုက်တာတွေ စိတ်ကူးဆန်းဆန်းနဲ့ တင်ဆက်ထားတဲ့ Horror Comedy ဇာတ်ကားတစ်ကားကိုလည်း CM ပရိသတ်ရှေ့မှောက် တင်ဆက်ပေးလိုက်ပါတယ်။ File size…    1.6 GB /  754 MB Quality… BluRay 1080p / 720p Format… mp4 Duration…. 2hrs Genre ..... Action/Comedy/Horror Subtitle…. Myanmar Subtitle (Hard Sub) Encoder…. Hein Tayza Translated by Sai Sumali

Before Charles Xavier and Erik Lensherr took the names Professor X and Magneto, they were two young men discovering their powers for the first time. Before they were arch-enemies, they were closest of friends, working together with other mutants (some familiar, some new), to stop the greatest threat the world has ever known. Xmen Universe ကို Extended Version 1080p BluRay 5.1 Audio နဲ့ တင်ဆက်လိုက်ပါတယ်…. ယခင်တင်ဆက်ခဲ့တုန်းက လိုအပ်ချက်တချို့ရှိခဲ့တဲ့ စာတန်းထိုးတွေကိုလဲ ပြန်လည်ဖြည့်စွက်ပြင်ဆင်ထားပါတယ်။ File size…(2.3 GB) and (1.3 GB in Openload and Stream) Quality…Extended Blu-Ray Rip 1080p  5.1 Format…mp4 Duration….02:11:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Love at First Hiccup (2009) IMDb Rating (5.5) / Rotten Tomatoes (46%) ဒီရုပ်ရှင်လေးကတော့ 2009 မှာထွက်ရှိခဲ့တဲ့ Romantic Comedy အမျိုးအစားဖြစ်ပါတယ်။ ဇာတ်လမ်းကတော့ အထက်တန်းကျောင်းသား Victor ရဲ့အကြောင်းပဲ ဖြစ်ပါတယ်။ သူဟာ ကျောင်းကို အသစ်ရောက်လာတဲ့ Freshman တစ်ယောက်ဖြစ်ပြီး ကျောင်းမှာ လူကြိုက်များပြီး လှပတဲ့ စီနီယာကျောင်းသူ Anya ကို မြင်မြင်ချင်း စွဲလမ်းသွားပါတယ်။ ဒါပေမယ့် အန်ယာဟာ ချမ်းသာပြီး အထက်တန်းကျတဲ့ Peter နဲ့ ချစ်သူဖြစ်နေတာမို့ Victor အတွက်တော့ လက်လှမ်းမမီတဲ့အခြေအနေပါပဲ။ Victor ဟာ Anya ကို အသည်းအသန်ချစ်မိရာကနေ "Anya-itis" ဆိုတဲ့ ရောဂါတွေပါ ခံစားနေရပါတယ်။ ရှက်တတ်တဲ့ ရိုးသားကြိုးစားဖိုးသခွားလေး Anya ရဲ့ အသည်းကို ဘယ်လိုရအောင်ယူမလဲဆိုတာကို စိတ်ဝင်စားဖွယ်ဟာသနှောပြီးရိုက်ကူးထားပါတယ်။ File size… (1.4 GB) / (880 MB) Quality…. Blu-Ray 1080p HEVC / 720p Format…. mkv/mp4 Genre…. Comedy,Romance Duration…. 01:30:13 Subtitle…. Myanmar Subtitle (Hardsub)

ဇာတ်လမ်းက လူငယ်တစ်စုဆီကို ထူးဆန်းတဲ့ 'Missed Call' (ဖုန်းခေါ်ဆိုမှု) တွေ ဝင်လာရာကနေ စတင်ပါတယ်။ ထူးခြားတာက အဲဒီ Voicemail တွေဟာ သူတို့ကိုယ်တိုင်ရဲ့ အနာဂတ်ကနေ ပြန်ပို့လိုက်တဲ့ အသံတွေ ဖြစ်နေတာပါပဲ။ အသံဖိုင်ထဲမှာ ဖုန်းပိုင်ရှင်ကိုယ်တိုင် သူတို့သေဆုံးခါနီး အချိန်မှာ ကြောက်လန့်တကြား အော်ဟစ်နေတဲ့ အသံတွေနဲ့အတူ၊ သေဆုံးမယ့် ရက်စွဲနဲ့ အချိန်အတိအကျ ပါဝင်နေပါတယ်။ ပိုဆိုးတာက Voicemail မှာ ပြထားတဲ့ အချိန်ရောက်တာနဲ့ ဖုန်းပိုင်ရှင်တွေဟာ တကယ့်ကို ဆိုးဆိုးရွားရွား သေဆုံးသွားကြတာပါပဲ။ အဓိက ဇာတ်ကောင်ဖြစ်တဲ့ ဘက်သ်ရဲ့ သူငယ်ချင်းတွေ တစ်ယောက်ပြီးတစ်ယောက် ဒီလိုပဲ သေဆုံးသွားခဲ့ပါတယ်။ နောက်ဆုံးမှာတော့ ဘက်သ် ဆီကိုလည်း အဲဒီထူးဆန်းတဲ့ ဖုန်းခေါ်ဆိုမှု ရောက်လာတဲ့အခါ၊ ရဲထောက်လှမ်းရေး ဂျက်ခ် နဲ့ ပူးပေါင်းပြီး သူမ မသေခင် အချိန်မီ ဒီကျိန်စာရဲ့ ဇာစ်မြစ်ကို ဘယ်လို ရှာဖွေဖော်ထုတ်မလဲ ဆိုတာကို ရိုက်ကူးထားတာပါ။ ကိုယ့်ရဲ့ အနာဂတ်ကနေ ကိုယ့်ရဲ့ သေဆုံးမယ့် အသံကို Voicemail ကနေ ကြိုကြားရတယ် ဆိုတဲ့ အိုင်ဒီယာက အလွန်ကောင်းပါတယ်။ ဖုန်းမြည်သံလေး လာတိုင်း ကြက်သီးထစရာ ခံစားချက်ကို ပေးစွမ်းနိုင်ပါတယ်။ ဒါပေမယ့် ဒီဟောလိဝုဒ် Remake ဟာ အများအားဖြင့် ပုံမှန် Jump scares ပြကွက်တွေနဲ့ပဲ အများဆုံး ခြောက်လှန့်သွားတာကို တွေ့ရပါတယ်။ ဇာတ်လမ်း အသွားအလာဟာ အရင်က နာမည်ကြီးခဲ့တဲ့ The Ring သို့မဟုတ် Final Destination ဇာတ်ကားတွေနဲ့ အရမ်းဆင်တူနေပါတယ်။ ကျိန်စာသင့်တယ်၊ အချိန်မီ အဖြေရှာရတယ် ဆိုတဲ့ ပုံစံခွက် အတိုင်းပဲ သွားထားတဲ့အတွက် သရဲကား အကြည့်များတဲ့ သူတွေ အတွက်တော့ ဇာတ်လမ်းက ကြိုတင်ခန့်မှန်းရ လွယ်ကူနေပါတယ်။ "One Missed Call (၂၀၀၈)" ဟာ ဝေဖန်ရေးဆရာတွေရဲ့ အဆိုးဆုံး သုံးသပ်မှုတွေကို ရရှိခဲ့တဲ့ ဇာတ်ကား ဖြစ်ပေမယ့်၊ Horror Fan တစ်ယောက်အနေနဲ့ သိပ်ပြီး တွေးတောနေစရာ မလိုဘဲ ပေါ့ပေါ့ပါးပါးနဲ့ အလန့်တကြား အော်ဟစ်ရမယ့် သရဲကားမျိုးကို သူငယ်ချင်းတွေနဲ့ စုပြီး ကြည့်ချင်တယ် ဆိုရင်တော့ တစ်ခေါက်လောက် စမ်းကြည့်လို့ ရတဲ့ ဇာတ်ကားပါ။ File size… 1.88 GB / 800 MB Quality… Blu-ray 1080p / 720p Format… mp4 Duration…. 1h 27m Genre ..... Horror, Mystery Subtitle…. Myanmar Subtitle (Hard Sub)

Superman: Doomsday (2007) IMDB: 6.9/10 Rotten Tomatoes: 57% Superman: Doomsday (2007) ရုပ်ရှင်ဟာ DC Comics Book တစ်ခုဖြစ်တဲ့ The Death of Superman ကိုအခြေခံကာ ရိုက်ကူးထားတဲ့ DC Animation ဖြစ်ပါတယ်။ ဇာတ်ညွှန်း စူပါမန်းရှိတဲ့ ကမ္ဘာဟာငြိမ်းချမ်းပါတယ်။ စူပါမန်းဆိုတာ နှိုင်းယှဉ်လို့မရနိုင်တဲ့ စံပြု ပုဂ္ဂိုလ်တစ်ဦးဖြစ်ပါတယ်။ ဒါပေမယ့် ခုလိုမျိုး အနှိုင်းမဲ့တဲ့လူတောင်မှ နေဝင်ချိန်ဆိုတာရှိလာတတ်ပါတယ်။ လက်စ်လူသာဟာသူ့ရဲ့ထုံးစံအတိုင်း လက်စ်ကော်ပိုရေးရှင်းကိုအကြောင်းပြပြီး တစ်ဖက်မှာ မှောင်ခိုလုပ်ငန်းတွေကိုလုပ်နေပါတယ်။ တစ်ရက်မှာတော့ လက်စ်ကော်ပိုရေးရှင်းက သိပ္ပွံပညာရှင် အချို့ဟာမြေအောက်မှာ လုပ်ငန်းတစ်ခုဆောင်ရွက်နေရင်း ပြင်ပကမ္ဘာကလာတဲ့ ယာဉ်ပျံတစ်စီးကိုတွေ့ခဲ့ပါတယ်။ အဆိုပါယာဉ်ပျံထဲမှာပါနေတဲ့အရာဟာ Doomsday ဖြစ်ပြီး မြင်မြင်သမျှကို ဖျက်ဆီးမယ့်လူတစ်ယောက်ဖြစ်ပါတယ်။ နောက်ဆုံးတော့ Doomsday ကိုတိုက်ခိုက်နိုင်မယ့် တစ်ဦးတည်းသောသူက စူပါမန်းဖြစ်လို့လာပါတယ်။ ဒါပေမယ့် ကံမကောင်းစွာနဲ့ပဲ.... File size…    1.2 GB /  654 MB Quality… BluRay 1080p / 720p Format… mp4 Duration…. 1h 15m Genre ..... Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by LuciferMaximoff

Dead End (2003) IMDb Rating (6.4) / Rotten Tomatoes (80%) တစ်ခုသော ခရစ်စမတ်ညနေမှာ ဟာရင်တန်မိသားစုဟာ နှစ်စဉ်သွားနေကျအတိုင်း ဇနီးဖြစ်သူ လော်ရာရဲ့မိခင်ဆီမှာ ခရစ်စမတ်ညစာစားဖို့ထွက်လာခဲ့ကြပါတယ်။ ဒီညနေမှာမှ ဖခင်ဖြစ်သူ ဖရန့်ခ်က သွားနေကျလမ်းမကြီးပေါ်ကမသွားပဲ ဖြတ်လမ်းကနေမောင်းလိုက်မိပြီး တစ်နေရာမှာ မှေးကနဲဖြစ်သွားရာကနေ ပြန်နိုးလာချိန်မှာတော့ သူတို့ရောက်နေတဲ့လမ်းဟာ တစ်ခြားဖြတ်သွားဖြတ်လာကားမရှိ၊ လမ်းဘေးဆိုင်မရှိ လူသူလုံး၀မရှိတဲ့လမ်းတစ်ခုဆိုတာ တစ်စထက်တစ်စ သတိထားမိလာကြပါတော့တယ်။ အဲ့ဒီအချိန်ကစပြီး ထူးခြားတဲ့အဖြစ်အပျက်တွေစတင်ဖြစ်ပေါ်လာခဲ့တာပါပဲ။ လမ်းဘေးမှာ ကလေးပွေ့ရက်မကြာခဏတွေ့ရတတ်တဲ့ အဖြူရောင်ဝတ်အမျိုးသမီး၊ သူတို့ဘေးကနေ မကြာခဏပေါ်ပေါ်လာတဲ့ ကားနက်တစ်စီး၊ အဲ့ဒီကားနက်ပေါ်ပေါ်လာတိုင်း သူတို့မိသားစုဝင် တစ်ယောက် ကားပေါ်ပါသွားပြီးတဲ့နောက် မကြာခင် အဲ့ဒီမိသားစုဝင်ရဲ့ ရုပ်ပျက်ဆင်းပျက်အလောင်းကို ပြန်တွေ့ရတာမျိုးအစရှိတာတွေနဲ့ ခြောက်ခြားဖွယ်ရာ ညတစ်ညကို သူတို့အားလုံးရင်ဆိုင်ကြရပါတော့တယ်။ ကြည့်ပြီးသူတိုင်းကြိုက်နှစ်သက်ကြတဲ့ ဇာတ်လမ်းဖွဲ့စည်းပုံတင်ပြပုံနဲ့လှည့်ကွက်တွေကြောင့် နာမည်ကျော်တဲ့ underrated gem တစ်ခုဖြစ်ပြီး အဲ့ဒီလို dark ဖြစ်ပြီးလှည့်ကွက်တွေအပြည့်နဲ့ဇာတ်လမ်းထဲမှာ တစ်ချက်တစ်ချက် ခွီးကနဲရယ်ရမယ့် ဟာသတွေအလိုက်သင့်ပစ်ထည့်ထားနိုင်တာကလည်း စားပါတယ်။ လက်မလွတ်သင့်တဲ့ ဇာတ်ကားတစ်ကားပါပဲ။ File size… (1.7 GB) / (780 MB) Quality…. WEB-DL 1080p HEVC / 720p Format…. mkv/mp4 Genre…. Horro,Mystery,Thriller Duration…. 01:23:50 Subtitle…. Myanmar Subtitle (Hardsub)

Jepper Creeper-2ဟာဆိုရင် 2003ခုနှစ်မှာထွက်ရှိခဲ့တဲ့ Horrorဇာတ်ကားမျိုးဖြစ်ပါတယ် 2001မှာ Jeeper Creeper-1ထွက်ခဲ့တာအောင်မြင်ပြီးလူကြိုက်များခဲ့လို့ ၂ဖြစ်တဲ့ဒီကားကိုဆက်လက်ရိုက်ကူးခဲ့ပါတယ်။ ဇာတ်လမ်းလေးကတော့ ပထမပိုင်းကအဆက်လိုပဲ 23ကြိမ်မြောက်နွေဦးရာသီရောက်တိုင်းရောက်တိုင်း 23ရက်ကြာအောင် လူသားတွေကိုစားပစ်တဲ့ EastNineလမ်းမကြီးပေါ်က သေမင်းတမန်တော်တစ်ကောင်ရှိပါတယ်။အဲ့ဒီချိန်မှာပဲ ကျောင်းဘတ်စကတ်ဘောအသင်းတစ်ခုဟာ EastNineလမ်းမကြီးပေါ်ကနေဖြတ်လာတဲ့အခါမှာ အဲ့ဒီသေမင်းတမန်တော်နဲ့ တည့်တည့်တိုးပါတော့တယ်။ သူကကျောင်းသားတွေထဲက အကြောက်တရားတွေထဲမှာအနံခံပြီးသူကြိုက်တဲ့လူကိုရွေးပြီးစားမလို့လုပ်ပါတယ်။အဲ့မှာတင်ပဲ ကျောင်းသားတွေဟာ သူ့ကိုရွေးသွားတယ်ငါ့ကိုမရွေးဘူး၊ ဘယ်သူ့ကြောင့်တော့ငါတို့အသေမခံနိုင်ဘူးစသဖြင့် အချင်းချင်းစိတ်ဝမ်းကွဲကုန်ကြပါတယ်၊..... အဲ့လိုအဖြစ်အပျက်လေးတွေနဲ့ ကျောင်းသားတွေအားလုံး သေမင်းတမန်တော်လက်ထဲအလွတ်ပြေးနိုင်ခဲ့ကြလား၊ဒါမှမဟုတ် သေမင်းတမန်တော်က သူရွေးချယ်ထားတဲ့သူတွေကိုပဲအမိအရဖမ်းပြီး သတ်စားနိုင်ခဲ့လားဆိုတာတော့ဒီဇာတ်လမ်းလေးမှာစိတ်ဝင်စားဖွယ်ရာကြည့်ရှု့ရမှာပဲဖစ်ပါတယ်။ Horrorကြိုက်တဲ့ ပရိတ်တွေအတွက်တော့ လက်မလွတ်သင့်တဲ့ဇာတ်ကားကောင်းဖြစ်ပါတယ်။ File size…(1.8 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller  Subtitle….Myanmar Subtitle (Hardsub) Encoder….Swan Min Htet Translated by Ye Yint

Twin peaks fire walk with me ဆိုတဲ့ဇာတ်ကားကတော့ 1992 ကထွက်ရှိထားတဲ့ဇာတ်ကားဖြစ်ပြီး Horror / crime အမျိုးအစားဖြစ်ပါတယ်။ FBI အေးဂျင့်နှစ်ယောက်ဖြစ်တဲ့ ဆမ်နဲ့ချက်က စားပွဲထိုးမလေးထရီဆာရဲ့အသတ်ခံရတဲ့အမှုကိုလိုက်လံစုံစမ်းရာကနေစပါတယ်။အမှု့ရဲ့သဲလွန်စကိုရှာတွေ့ပြီလို့ထင်တဲ့အချိန်မှာချက်က ရုတ်တရက်ကြီးပျောက်သွားပါတော့တယ်။ဇာတ်လမ်းတစ်လျှောက် မြုပ်ကွက်နဲ့သဲလွန်စတွေကို ကြည့်ရှုသူတွေကိုယ်တိုင်စဉ်းစားသွားရမှာမလို့ တကယ်စိတ်ဝင်စားဖို့ကောင်းတဲ့ဇာတ်လမ်းလေးတစ်ပုဒ်ဖြစ်ပါတယ်။ File size…(1.8 GB)/(800 Mb) Quality….Blu-Ray 1080p / 720p Format…mp4 Duration….02:14:00 Genre...Drama, Horror, Mystery Subtitle….Myanmar Subtitle (Hardsub) Encoder….Garfield Translated by Lycoris

ရာဇဝတ်မှုတွေ ထူပြောနေတဲ့ ဒက်ထရွိုက်မြို့ရဲ့ ရဲဌာနကို မာဖီဆိုတဲ့ ရဲတစ်ယောက် တာဝန်ပြောင်းလာပါတယ်။ သူက ရဲမေ လူးဝစ်နဲ့ တွဲဖက်တာဝန်ထမ်းဆောင်ရင်း လူဆိုးဂိုဏ်းတစ်ဂိုဏ်းကို လိုက်ဖမ်းခဲ့တယ်။ ဒါပေမယ့် မာဖီဟာ အဲဒီလူဆိုးတွေလက်ထဲမှာ ရက်ရက်စက်စက် အသတ်ခံလိုက်ရပါတယ်။ တစ်ဖက်မှာတော့ OCP ဆိုတဲ့ အဖွဲ့အစည်းက ဒယ်တာမြို့သစ် တည်ဆောက်ဖို့ ဒက်ထရွိုက်အစိုးရနဲ့ စာချုပ်ချုပ်ထားပါတယ်။ သူတို့က ရဲတွေနေရာမှာ အစားထိုးသုံးဖို့ စက်ပစ္စည်းတစ်ခု တီထွင်ခဲ့ပေမယ့် ပရိုဂရမ်အမှားကြောင့် အဆင်မပြေဖြစ်ခဲ့တယ်။ အဲဒီနောက် စမ်းသပ်မှုအသစ်အတွက် သေဆုံးသွားတဲ့ မာဖီရဲ့ ခန္ဓာကိုယ်ကို အသုံးချပြီး စက်ရုပ်ရဲအဖြစ် ပြန်အသက်သွင်းလိုက်ပါတယ်။ စက်ရုပ်ရဲဖြစ်လာတဲ့ မာဖီက ဒက်ထရွိုက်မြို့အတွက် အထောက်အကူ ဖြစ်လာနိုင်မလား။ သူ့ကို သတ်ခဲ့တဲ့ လူဆိုးတွေကို ပြန်လက်စားချေမလားဆိုတာအပြင် ဒီတီထွင်မှုကို ဖျက်ဆီးချင်တဲ့သူတွေ ရှိလာဦးမလားဆိုတဲ့ မေးခွန်းတွေလည်း ရှိနေပါတယ်။

ဇာတ်လမ်းလေးဟာ ၁၉၈၂ ကထွက်ရှိခဲ့တဲ့ကားလေးဖြစ်ပြီး ယခုခေတ်နဲ့မတူတဲ့ ကင်မရာရှုထောင့်တွေစကားလေသံ အပြောအဆိုတွေနဲ့ ရွံ့ညွန်သဘာဝတောကြီးကို ဒီဇာတ်ကားထဲမှာ ကြည့်ရှုခံစားရမှာပါ။ ကျွန်တော်တို့ သက်ရှိမျိုးရိုးဗီဇတွေမှာ လူတွေနဲ့ အပင်တွေဟာ မတူကြပါဘူး။ အဲ့ဒါကို ပေါင်းစပ်ပြီးလူတွေရဲ့ ကောင်းကျိုးအတွက် အသုံးချဖို့ ဒေါက်တာ အဲလက်ဟော်လန်၊ သူ့ရဲ့ညီမဖြစ်သူနဲ့ အခြားအစောင့်အရှောက်တွေဟာ ရွံ့ညွန်တောကြီးတစ်ခုမှာ လျို့ဝှက်ပရောဂျက်အဖြစ် လုပ်ကိုင်နေခဲ့ ကြပါတယ်။ တစ်နေ့မှာသူတို့ရဲ့ အစောင့်တွေထဲကတစ်ယောက် မိကျောင်းကိုက်ခံရလို့ဆိုပြီး ကူပေးဖို့ အေးဂျင့်အမျိုးသမီးတစ်ဦးဖြစ်တဲ့ အဲလစ်စ် ကေဘယ်လ်ကို ခေါ်ခဲ့ပါတယ်။ သူရောက်လာပြီးမှ ဖော်မြူလာထုတ်တာ အောင်မြင်သွားပြီး အောင်မြင်တဲ့ညမှာပဲ သူတို့ရဲ့ဖော်မြူလာကို လုယူဖို့အကောက်ကြံနေတဲ့ လူတစ်စုရောက်လာပါတော့တယ်။ အဲ့ဒီအချိန်မှာပဲ မတော်တဆ ဖော်မြူလာဟာ ဒေါက်တာဟော်လန့်ပေါ်ကို လောင်းမိသွားပြီး အပင်နဲ့လူသားစပ် သန္ဓေပြောင်းလူသားတစ်ယောက် ဖြစ်သွားပါတော့တယ်။ ဆိုတော့ အဲလစ်စ်ကေဘယ်လ် ရောက်လာပြီးမှ ဖော်မြူလာရသွားတာဖြစ်သလို ရရချင်းမှာပဲ တိုက်ခိုက်လုယူခံရတာဆိုတော့ အဲလစ်စ်နဲ့ဘာတွေ ဘယ်လိုပတ်သက်နေမလဲ ဘာတွေဆက်မဖြစ်လဲ ဆိုတာကတော့ ဇာတ်ကားလေးကို ဒေါင်းလုဒ်ကြည့်ရှုရင်း ခံစားအဖြေရှာနိုင်မှာပါခင်ဗျာ။ File size…   1.6 GB /  715 MB Quality… BluRay 1080p / 720p Format… mp4 Duration…. 1h 31m Genre ..... Horror/Sci-Fi Subtitle…. Myanmar Subtitle (Hard Sub) Encoder…. Hein Tayza Translated by Ko Wunna