Raynor Scheine ပါဝင်သော ဇာတ်ကားများ

ဒီဇာတ်ကားလေးကတော့ ဒါရိုက်တာ Kevin Costner က ပြောင်မြောက်စွာ ရိုက်ကူးတင်ဆက်ထားတဲ့ ဂန္ဓဝင်အနောက်တိုင်းရုပ်ရှင်ဇာတ်ကားဖြစ်ပြီးတော့ An American Saga Trilogy ရဲ့ ပထမဆုံးဇာတ်ကားဖြစ်ကာ နောက်ထပ် Sequel နှစ်ကားလာဖို့ ရှိပါသေးတယ်။ ဇာတ်လမ်းလေးကတော့ အမေရိကန်လူမျိုးတွေဟာ အမေရိကတိုက်ကြီးရဲ့ မိုးကုပ်စက်ဝိုင်းလို့ ခေါ်ဝေါ်သမုတ်တဲ့ အနောက်ဖက်အရပ်ရဲ့ ဆွဲဆောင်ညို့ယူမှုကို ခံရပြီး အမေရိကန်နိုင်ငံရဲ့နယ်နိမိတ်ကို တိုးချဲ့တိုင်းတာသတ်မှတ်ဖို့ တရွေ့ရွေ့ ခြေဆန့်ခရီးဆက်လာတဲ့အချိန်မှာ ယနေ့ခေတ်အခေါ် ဟစ်ပီတွေ တဖြစ်လည်း ဒေသခံတိုင်းရင်းသားလူမျိုးရင်းမျိုးနွယ်စုတွေဖြစ်တဲ့ အပါချီမျိုးနွယ်စုနဲ့ တခြားမျိုးနွယ်စုခွဲတွေအတွက်ကတော့ သူတို့ပိုင်ဆိုင်တဲ့မြေကို တစတစ ဖဲ့ပေးနေရတာဖြစ်တဲ့အတွက် သူတို့ကြားထဲမှာ တိုက်ပွဲတွေ ဖြစ်ပွားနေတဲ့အကြောင်းနဲ့ စတင်ထားပါတယ်။ ယဉ်ကျေးမှုနှင့် နည်းပညာတိုးတက်မှုတို့ အချိုးကျကျပေါင်းစပ်ကာ ဂီတ အနုပညာ ဖက်ရှင် ဖျော်ဖြေရေးတွေ ထွန်းကားလာပြီးတော့ ရွှေခေတ်လို့ တင်စားကြတဲ့ ၉၀ ရာစုပြည့်နှစ်တွေ မရောက်ရှိလာခင် ခေတ်အချိုးအကွေ့ရဲ့ ကနဦးအစောပိုင်းကာလကို မတူညီကွဲပြားတဲ့ ဇာတ်ကောင်တွေ ရှုထောင့်တွေနဲ့ အဘက်ဘက်ကနေ ထဲထဲဝင်ဝင် အစပျိုး ရိုက်ကူးတင်ဆက်ထားပါတယ်။ Box Office မှာ ၃၂ သန်းနီးပါး ရရှိခဲ့ပြီး IMDb Rating 6.9/10 နှင့် Rotten Tomatoes မှာ Audience Score 70% ရရှိထားကာ ဒီနေ့ခေတ် အမေရိကန်နိုင်ငံဆိုတာ ဖြစ်လာဖို့ ဘယ်ကနေ စတင်ခဲ့တယ်ဆိုတာကို စိတ်ကူးယဉ်ဇာတ်အိမ်တွေနဲ့ လက်တွေ့သမိုင်းကြောင်းတို့ကို ရောပြွန်းတင်ဆက်ထားတဲ့ ဇာတ်လမ်းကောင်းလေးဖြစ်လို့ မဖြစ်မနေ ကြည့်ရှုသင့်တဲ့ဇာတ်ကားဆိုလည်း မမှားပါဘူး။ File size…(4.7 GB)/(2.2 GB) Quality….Webrip 1080p / 720p Format…mp4 Duration….03:01:00 Genre... Western, Drama Subtitle….Myanmar Subtitle (Hardsub) Encoder….Mr. Anderson Translated by Matteo

Lincoln (2012) IMDb Rating = 7.3/10 Directed By Steven Spielberg အေဘရာဟမ်လင်ကွန်းဆိုတဲ့ နာမည်ကြားရင် ၁၆ဆက်မြောက် အမေရိကန်သမ္မတဆိုတဲ့ဂုဏ်ပုဒ်ထက် ငွေဝယ်ကျွန်စနစ်ကို တိုက်ဖျက်ခဲ့သူဆိုတဲ့ ဂုဏ်ပုဒ်နဲ့ ပိုသိကြတယ်။ ဂျော့ဝါရှင်တန် သောမတ်ဂျက်ဖာဆန်၊ အေဘရာဟမ်လင်ကွန်း၊ သီအိုဒိုးရုစဘဲ့စတဲ့ Mount Rushmoreမှာ ထွင်းထုထားတဲ့ အကြီးကျယ်ဆုံးအမေရိကန်သမ္မတ လေးယောက်ထဲကတစ်ယောက်။ သူကသစ်လုံးအိမ်ကလေးကနေ သမ္မတဖြစ်လာသူ၊ အသွားအပြန်ရထားပေါ်စာဖတ်ရင်းလေ့လာခဲ့တဲ့သူ စသဖြင့် အချက်တွေနဲ့လည်း နာမည်ကျော်တယ်။ တစ်ချိန်တည်းမှာပဲ အမေရိကန်သမိုင်းရဲ့ လုပ်ကြံသတ်ဖြတ် ခံရတဲ့လေးဦးတည်းသော သမ္မတတွေထဲက တစ်ယောက်ဖြစ်တယ်။ ဒီရုပ်ရှင်ဟာ သူ့နာမည်ကြီးတပ်ထားပေမဲ့ သူ့အတ္ထုပ္ပတ္တိကို ရိုက်ပြထားတာတော့ မဟုတ်ဘူး။ ငွေဝယ်ကျွန်စနစ်ကို ဖျက်သိမ်းဖို့ ဘယ်လိုဘယ်ပုံ အားလုံးကြိုးပမ်းခဲ့ရလဲဆိုတဲ့ အကြောင်းအရာဘက် ပိုသွားတယ်။ အဲ့ဒီကာလအကြောင်းသိထားမှပဲ ဒီရုပ်ရှင်ကြည့်ရတာ ပိုအဆင်ပြေ‌လောက်မယ်။ လုပ်ကြံမခံရခင်အထိ ၁၈၆၁- ၁၈၆၅ လင်ကွန်းရဲ့ သမ္မသက်တမ်းတစ်လျှောက်ဟာ ပြည်တွင်းစစ် ဖြစ်ရာကာလနဲ့ အတူတူပဲ။ ပြည်တွင်းစစ်ဟာ တောင်ပိုင်းပြည်နယ် ၁၁ခုက ခွဲထွက်ဖို့ကြိုးစားရာက စခဲ့တယ်။ အဲ့ဒီတောင်ပိုင်းပြည်နယ်တွေကို ကွန်ဖက်ဒရိတ်စီလို့ ခေါ်ပြီး ဂျက်ဖာဆန်ဒေးဗစ်က ဦးဆောင်ခဲ့တယ်။ အဲ့ဒီတောင်ပိုင်းနဲ့ ပြည်တွင်းစစ်ကို လင်ကွန်းဖြေရှင်းခဲ့တဲ့ပုံကို ကျွန်တော်တို့ ဒီရုပ်ရှင်မှာ တွေ့ရလိမ့်မယ်။ ‌ဒါရိုက်တာ စတီဗင်စပီးဘတ်ချ်က အမေရိကန်ရဲ့ လက်ရှိခေတ်အထိအကြီးကျယ်ဆုံး ပြိုင်ဘက်ပါတီနှစ်ခုဖြစ်တဲ့ ရီပတ်ဘလစ်ကန်နဲ့ ဒီမိုကရက်တွေရဲ့ ငွေဝယ်ကျွန်စနစ်ဖျက်သိမ်းရေးနဲ့ ပက်သက်ပြီး အခြေအတင်တွေကိုပါ မြင်သာအောင်ပြသွားတယ်။ နောက်ရီပတ်ဘလစ်ကန်မှာမှ ကွန်ဆာဗေးတစ် ရီပတ်ဘလစ်ကန်နဲ့ ရဒီကယ်ရီပတ်ဘလစ်ကန်တို့ရဲ့ သဘောထားကွဲလွဲမှုတွေကို ရောပေါ့။ ငွေဝယ်ကျွန်စနစ်ကိစ္စနဲ့ပက်သက်ပြီး တောင်ပိုင်းရဲ့အမြင်တစ်ချို့ကို ကျွန်တော်တို့လေရူးသုန်သုန်မှာမြင်နိုင်တယ်။ ကျွန်တွေရဲ့ဘဝကိုတော့ အန်ကယ်တွမ်ရဲ့တဲကလေးတို့ ၊ 12 YEARS A SLAVE တို့မှာ မြင်နိုင်တယ်။ အခုကတော့ ကျွန်စနစ်ဖျက်သိမ်းဖို့ ဘယ်လို ကြိုးပမ်းခဲ့တယ်ဆိုတဲ့ အကြောင်းပေါ့။ ဒီလောက်ထိသိရင်ကိုပဲ ကြည့်လို့ အဆင်ပြေပါပြီ။ ကျန်တာကိုတော့ စပီးဘတ်ချ်က သူ့နည်းသူ့ဟန်နဲ့ အဖွဲ့ပေါင်းစုံရဲ့ အမြင်ပေါင်းစုံကို မြင်သာအောင် ပြောပြထားတယ်။ ပုဂ္ဂလိကအမြင်ရတော့ သူတို့ပြဿနာတွေဟာ ကျွန်တော်တို့လက်ရှိ ပြဿနာတွေနဲ့ ကျောရိုးသဘောလောက်ဆင်နေတယ်။ အကြီးဆုံး ပြဿနာကြီး၂ခုကို သူ့သက်တမ်းမှာတင် ပြေလည်အောင် ဖြေရှင်းနိုင်ခဲ့တဲ့ လင်ကွန်းရဲ့နိုင်ငံရေး စွမ်းဆောင်ရည်ကိုလည်း စပီးဘတ်ချ်က သေချာ ပြထားတယ်။နောက်လင်ကွန်းရဲ့ အတ္တကိုရောပေါ့။ ချီးကျုးထားပေမဲ့ သူတော်ကောင်းလုံးလုံးကြီး အဖြစ်တော့ ပုံဖော်မထားဘူး။ လင်ကွန်းကို အတော်များများက အချိန်ဆွဲတဲ့လူလို့ပြောကြတယ် သိတဲ့ တတ်တဲ့လူတွေပြောကြတာတော့ နိုင်ငံရေးမှာ စိတ်ရှည်တဲ့လူက အနိုင်ပဲတဲ့ ဒီရုပ်ရှင်ကြည့်ပြီးနောက် ကျွန်တော်လင်ကွန်းကို တကယ်တော်တဲ့ နိုင်ငံရေးသမားကောင်းတစ်ယောက်ဆိုတာကို သိသွားခဲ့တယ်။ စတီဗင်စပီးဘတ်ချ်ဟာ အချက်အလက်တွေကို စုံစေ့အောင် သုံးပြီး ရိုက်ပြသွားနိုင်ခဲ့တယ်။ ဒန်နီရယ်ဒေးလူးဝစ်ဟာ ဒီရုပ်ရှင်နဲ့ BEST ACTOR IN A LEADING ROLE အော်စကာဆုကို ရသွားခဲ့တယ်။ဆန်ခါတင်တွေလည်း အတော်ဝင်ခဲ့တယ်။ Terminal , Catch Me If You Can, AI, Schindler's List, Saving Private Ryan နဲ့Indiana Jonesကားတွေကို ရိုက်ထားတဲ့ ဒါရိုက်တာ စတီဗင်စပီးဘတ်ချ်ကိုတော့ အားလုံး ရင်းနှီးပြီးသား ဖြစ်မှာပါပဲ။ တစ်ခုရှိတာက ဒါရိုက်တာရဲ့ တင်ပြပုံဟာ တော်တော်တော့ ဖျော်ဖြေရေးမဆန်ဘူး။ နိုင်ငံရေးဘက် စိတ်ဝင်စား သူတွေတော့ ကြည့်သင့်တဲ့ကားပါပဲ။ ၂နာရီခွဲအတွင်းမှာ ၁၉ရာစုရဲ့ အကြီးကျယ်ဆုံးဖြစ်ရပ်ကြီးနဲ့ အမေရိကန်ရဲ့ ပြည်တွင်းစစ်အခြေအနေ၊ နိုင်ငံရေးအခြေအနေအပါအဝင် တခြားအကြောင်းအရာတွေကိုပါ အနုလုံပဋိလုံ‌ကြေကြေနဲ့ ရိုက်ပြသွားနိုင်တာကတော့ လက်ဖျားခါလောက်စရာပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) Quality__1080p , 720p IMDb Rating__7.3/10 Format__mp4 Duration__02:30:00 Type__Biography , Drama , History , War Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Man of the Year (2006) ဒီ ဇာတ်ကားထဲက တွမ်ဒေါ့ဘ်စ်နေရာမှာ သရုပ်ဆောင်သွားတဲ့သူဟာ မင်းသားကြီး Robin Williams ဖြစ်ပြီး သူ့ကို မျက်လုံးထဲမြင်အောင်ပြောရရင် Jumanji (1995) မှာ အဓိကနေရာက ပါဝင်ခဲ့တဲ့မင်းသားပါ။ ဒီဇာတ်ကားမှာ Robin Williams ဟာ Jon Stewartနဲ့ Bill Maherတို့လို နိုင်ငံရေး သရော်စာ တီဗီရှိုးတစ်ခုရဲ့ လူရွှင်တော်တွမ်ဒေါ့ဘ်စ်Tom Dobbsအဖြစ် သရုပ်ဆောင်ထားပါတယ်။ တွမ်ဟာ ပြည်သူတွေရဲ့ နိုင်ငံရေးအပေါ် စိတ်ပျက်မှုတွေကို အခွင့်ကောင်းယူပြီး သူ့ရှိုးမှာ သမ္မတရွေးကောက်ပွဲဝင်ဖို့ အကြံပြုခံရချိန်မှာ အစပိုင်းမှာ ဟာသအနေနဲ့သာ တုံ့ပြန်ခဲ့ပေမယ့် အွန်လိုင်းကနေ ထောက်ခံမှု ၄ သန်းရရှိလာတဲ့အခါ တကယ်ပဲ သမ္မတလောင်းအဖြစ် ဝင်ရောက်ယှဉ်ပြိုင်ဖို့ ဆုံးဖြတ်ခဲ့ပါတယ်။ သူဟာ ပြည်နယ် ၁၃ ခုမှာ မဲဆန္ဒစာရင်းထဲ ဝင်ရောက်နိုင်ခဲ့ပြီး ဒီမိုကရက်တစ်သမ္မတ ကယ်လော့ဂ်နဲ့ ရီပတ်ဘလစ်ကင်လွှတ်တော်အမတ် မီးလ်စ်တို့နဲ့အတူ အမျိုးသားအဆင့် စကားစစ်ထိုးပွဲမှာ ပါဝင်ယှဉ်ပြိုင်ခဲ့တယ်။ ဒီစကားစစ်ထိုးပွဲမှာ တွမ်ဟာ သူ့ရဲ့ဟာသဉာဏ်နဲ့ ရိုးသားတဲ့ ဝေဖန်မှုတွေကို အသုံးပြုပြီး ပြည်သူတွေရဲ့ အာရုံစိုက်မှုကို ဘယ်လိုတွေဖမ်းစားသွားမလဲဆိုတာ ကြည့်လိုက်ကြပါဦး။ File Size - 2.18 GB/ 1.07 GB Quality - WEB-DL 1080p/ 720p Duration - 1h 55 m Format - mp4 Genre - Comedy, Drama, Romance Subtitle - Myanmar Subtitle (Hard Sub)

ဒီဇာတ်ကားက ဂန္ဓ၀င်မင်းသားကြီး Michael Douglas ရဲ့ဇာတ်ကားလေးပါ။ ပိထ်ဂါရစ်ဆန် နဲ့ ဘရက်ကင်ရစ်ခ်ျ တို့ဟာ သမ္မတ လုံခြုံရေးတပ်ဖွဲ့မှာ တာ၀န်ထမ်းဆောင်လာခဲ့တာ နှစ်ပေါင်းများစွာရှိနေပါပြီ။ သူတို့နှစ်ယောက်ဟာ ခင်မင်တာကြာပြီဖြစ်တဲ့ သူငယ်ချင်းနှစ်ယောက်ဖြစ်ပေမယ့် ပုဂ္ဂိုလ်ရေးကိစ္စကြောင့် စိတ်၀မ်းကွဲနေကြတဲ့သူတွေဖြစ်ပါတယ်။ တစ်ရက်မှာတော့ လုံခြုံရေးအဖွဲ့ရဲ့ အဖွဲ့၀င်တစ်ဦးဟာ သမ္မတကိုလုပ်ကြံဖို့စီစဉ်‌နေတာသိလိုက်ရတော့ လုံခြုံရေးအဖွဲ့တစ်ခုလုံး သို့လော သို့လော ဖြစ်ကုန်ကြပါတယ်။ တစ်ယောက်နဲ့တစ်ယောက် ယုံမရတော့တဲ့အနေအထားကြောင့် မုသားဖော်စက်နဲ့ တစ်ဦးချင်းစစ်ဆေးရာမှာ ပိထ် လိမ်နေတယ်လို့သိလိုက်ရပါတယ်။ ဒါပေမယ့် ပိထ်ကအဖမ်းမခံဘဲ အကွက်ချခံရကြောင်းပြောပြီး တရားခံအစစ်ကိုရှာဖို့ကြိုးစားပါတော့တယ်။ ပိထ်ဟာ သူပြောသလို အကွက်ချခံရတာလား ကိုယ်တိုင်ကပဲလုပ်ကြံရေးသမားဖြစ်နေတာလား.... File size…1.69GB / 708.9MB Quality…Blu-Ray 1080p 5.1CH / 720p Format…mp4 Duration….1h 48m Genre ..... Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Jaka

IMDb - 6.9 ————————————————— “အိမ်မက်ကိုဘယ်တော့မှလက်မလျော့ဖို့သက်သေပြခဲ့တဲ့ အသက်(၃၅)နှစ်မှ Baseballကစားသမားဖြစ်လာခဲ့တဲ့ Jimmy Morris” Professional Baseballကစားသမားဖြစ်ဖို့ရူးသွပ်တဲ့Jim Morrisကသူ့ဘဝတလျှောက်တမြို့ပြီးတမြို့ပြောင်းရွေ့လာရာကနေ နောက်ဆုံးTexasမြို့မှာအခြေချနေထိုင်ဖို့ဖြစ်လာခဲ့တယ်။ Texasမြို့မှာတော့ ဘောလုံးအားကစားကိုသာအဓိကအားပေးခဲ့တဲ့မြို့ဖြစ်ပြီး baseballကိုတော့လူစိတ်ဝင်စားမှုမရှိသလောက်နည်းတယ်။ ဒီလိုနဲ့အကြောင်းအမျိုးမျိုးကြောင့် သူ့အိမ်မက်ကိုလက်လျော့ခဲ့လိုက်ရတယ်။ ဒီလိုပဲဖြတ်သန်းလာရင်း အိမ်ထောင်ကျကလေးမွေးပြီးအထက်တန်းကျောင်းမှာသိပ္ပံဆရာတဖြစ်လဲ baseballနည်းပြအဖြစ်နဲ့ပဲနေထိုင်လာခဲ့ရင်းကနေ ဘဝတစစ်ချိုးဖြစ်တဲ့ သူ့ရဲ့အိမ်မက်ကိုအကောင်ထည်ဖော်နိုင်ဖို့အခွင့်အရေးရခဲ့တယ်။ အသက်(၃၅)နှစ်မှအငယ်တန်းအနေနဲ့ကစားရမှာဖြစ်တဲ့အတွက် မိသားစုကလည်းအားမပေးတဲ့အပြင် စားဝတ်နေရေးစတဲ့ကိစ္စအဝဝနဲ့ ကြုံလာရတဲ့အခက်အခဲများစွာကိုဘယ်လိုဖြေရှင်းပြီးအောင်မြင်အောင်ကြိုးစားခဲ့တဲ့အကြောင်းဖြစ်ပါတယ် ကြာချိန်ကတော့၂နာရီခန့်ဖြစ်ပြီး Motiရစေတာမျိုးဖြစ်တဲ့အတွက် အချိန်ပေးရတာနဲ့တန်တဲ့ဇာတ်ကားမျိုးပါ Review & Translate - La Min Khin File size…(2 GB)/(1 GB) Quality….Webrip 1080p / 720p Format…mp4 Duration….01:46:00 Genre... Drama, Family  Subtitle….Myanmar Subtitle (Hardsub) Encoder….Swan Min Htet Translated by La Min Khin

Book of Shadows: Blair Witch 2 (2000) ဒီရုပ်ရှင်မှာက ပရိသတ်ကိုအတွေးစတွေ ချန်ထားခဲ့မှာဖြစ်ပါတယ် ။ဒါကတော့ ဂျက်ဖ်တို့လူစုကြုံရတာကအစုလိုက်အပြုံလိုက် အရူးထတာလားဒါမှမဟုတ်သဘာလွန်ဖြစ်ရပ်လားဆိုတာပါပဲ။ ဒီဇတ်ကားကလည်း ငွေကြေးအရအောင်မြင်တဲ့ဇတ်ကားဖြစ်ခဲ့ပါတယ်။ဒါရိုက်တာကတော့ မှတ်တမ်းတင်ရုပ်ရှင်တွေရိုက်လေ့ရှိတဲ့ Joe Berlingerဖြစ်ပါတယ်။ အခုတိုးတက်ပြီးယဥ်ကျေးပါတယ်ပါတယ်ဆိုတဲ့ဥပရောတိုက်သားတွေကစုန်းအတတ်နဲ့ပြုစားပါတယ်လို့စွပ်စွဲပြီး၁၄၀၀ခုနှစ်ကနေ၁၇၇၅ထိ လူ၃၀၀၀၀ကနေ ၆၀၀၀၀ကို သတ်ခဲ့တယ်ဆိုရင်အံသြသွားကြမယ်ထင်ပါတယ်။ ရောမအင်ပါယာ ဂျာမဏီ ပြင်သစ် အင်္ဂလန် ဆွစ်ဇာလန် စကော့တလန် ဆွီဒင် အင်္ဂလိပ်ကိုလိုနီဖြစ်တဲ့အမေရိကနဲ့မက္ကဆီကိုတို့မှာစုန်းတွေကိုလိုက်ရှာပြီးသတ်ဖြတ်တာတွေလုပ်ခဲ့ကြပါတယ်။ အကျော်ကြားဆုံးစွပ်စွဲသတ်ခံရတဲ့သူကတော့ ပြင်သစ်အာဇာနည် “ဂျုံး”ပါ။ စုန်းအယူအဆကတော့နတ်ဆိုးနဲ့ဆက်နွယ်ပြီးလူတွေကို ကျိန်စာတိုက်ပြီးမကောင်းတာတွေဖြစ်စေတယ်ဆိုပါတယ်။ စုန်းအယူအဆကအာဖရိကနဲ့မြန်မာမှာလည်းရှိပါတယ်။အနောက်တိုင်းနဲ့တော့ကွဲပြားပါတယ်။ ၁၉၉၉ မှာထွက်တဲ့ Blair Witch Project ရုပ်ရှင်က ထိတ်လန့်သည်းဖို ရုပ်ရှင်ဖန်တွေကြားတော်တော်ကိုပေါက်ခဲ့တဲ့ရုပ်ရှင်ဖြစ်ပါတယ်။ တော်တော်ကိုကြောက်စရာကောင်းတဲ့ရုပ်ရှင်လို့ဆိုကြပါတယ် ။ငွေကြေးအရလည်းအောင်မြင်ခဲ့ပါတယ် ။ ရုပ်ရှင်ရိုက်တဲ့အမေရိကန်ပြည်ထောင်စု မေရီလန်းပြည်နယ်”ဘာ့ခ်ကစ်ဗေး”မြို့လည်း ကျော်ကြားသွားပြီးခရီးသည်တွေကြိတ်ကြိတ်တိုးလာကြလို့အမှတ်တရပစ္စည်းတွေလည်းရောင်းကောင်းသွားပါတယ်။ “ဘလဲယားစုန်းမစီမံချက်”ဇတ်ကားကဖြစ်ရပ်မှန်မဟုတ်ပေမယ့်ရုပ်ရှင်ထဲကစုန်းမလို့စွပ်စွဲခံရပြီး ၁၇၈၅ခုနှစ်မှာရွာကနှင်ထုတ်ခံရ နှင်းတောထဲမှာသေအောင်ပစ်ထားခံရတဲ့ကယ်လီကက်ထ်ဝါ့ဒ်အကြောင်းကတော့ အမေရိကန်တောင်ပိုင်းရဲ့“ဘဲလ်စုန်းမခြောက်လှန့်ခြင်း”(Bell WitchHaunting)ဒဏ္ဍာရီကိုအခြေခံထားတယ်လို့ဆိုပါတယ်။ Book of Shadows: Blair Witch 2ကတော့“ဘလဲယားစုန်းမစီမံချက်”ရုပ်ရှင်ကိုအခြေခံပြီးရိုက်ထားတာပါ။ ဇတ်လမ်းအကျဥ်း ဘလဲယားစုန်းမစီမံချက်ဇတ်ကားဝက်ဝက်ကွဲအောင်မြင်ပြီး ဘာ့ခ်ကစ်ဗေးမြို့လေးက ကမ္ဘာလှည့်ခရီးသည်တွေ ခရီးသွားတွေရုပ်ရှင်ပရိသတ်တွေနဲ့စည်ကားနေတဲ့အချိန်မှာ မြို့ခံ ဂျက်ဖ်ပက်တာဆန်က ရုပ်ရှင်ရဲ့ကျော်ကြားမှုကို စီးပွါးရေးအရအမြတ်ထုတ်ပြီး၁၉၉၉နိုဝင်ဘာလမှာခရီးစဥ်တစ်ခုကိုစတင်လိုက်ပါတယ် ။ သူ့ရဲ့ခရီးစဥ်မှာပါတဲ့သူတွေကရုပ်ရှင်နဲ့ပါတ်သက်ပြီးအစုလိုက်အပြုံလိုက်စွဲလမ်းမှုဖြစ်တာနဲ့လျို့ဝှက်ဆန်းကြယ်တာကိုသုတေသနပြုနေတဲ့ဘွဲ့လွန်ကျောင်သားစတီဖင်ပတ်ကားနဲ့ ကိုယ်ဝန်ရှိနေတဲ့သူ့ ရည်းစား ထရစ်စတန်ရိုင်လာ၊ ခေတ်သစ်ဝှစ်ကာမှော်ဘာသာရေးလိုက်စားတဲ့အဲရစ်ကာဂီယာဆန်နဲ့ဂို့သ်လိုဝတ်စားနေထိုင်တဲ့ကင်မ်ဒိုင်းမွန်းတို့ပါဝင်ပါတယ်။ သူတို့တွေကခရီးစထွက်တဲ့ညမှာပဲရပ်စတင်ပါးလ်ရဲ့အိမ်အပျက်အစီးမှာ (ရပ်စတင်ပါးလ်က ဘလဲယားစုန်းမစီမံချက်ရုပ်ရှင်ထဲကလူသတ်သမားပါ) စခန်းချကြပါတယ်။ ဂျက်ဖ်က သဘာဝလွန်ဖြစ်ရပ်တွေကိုမှတ်တမ်းတင်ရအောင်ဆိုပြီး ကင်မရာတွေကိုဆင်ထားပါတယ်။ အဲဒီအချိန်မှာပဲလူငါးယောက်ပါတဲ့ခရီးသွားအုပ်စုကရောက်လာပြီးသူတို့လည်းဒီနေရာမှာစခန်းချမယ်ပြောလာတဲ့အတွက်ခေါင်းတလားကျောက်တုံးဘက်မှာစိတ်ဝင်စားစရာတွေ့တယ်ပြောပြီးစတီဖင်တို့ပဲလက်ရှိနေရာမှာစခန်းချမယ်ပြောလိုက်ပါတယ်။ အဲဒီခရီးသည်အုပ်စုထွက်သွားပြီးတဲ့နောက် ဂျက်ဖ်တို့အုပ်စုကအရက်သောက် ဆေးခြောက်ချပြီးတစ်ညလုံးမအိပ်ပဲနေမယ်ဆိုပြီးကဲနေကြပါတယ်။ မနက်ရောက်တော့ အားလုံးအိပ်ပျော်သွားမိတာသိရပြီး စတီဖင်တို့ရဲ့ သုတေသနမှတ်တမ်းတွေရောဂျက်ဖ်ရဲ့ကင်မရာတွေပါဖျက်ဆီးခံရပါတယ်။ဂျက်ဖ်ရဲ့တိတ်ခွေတွေပဲကျန်ခဲ့ပါတယ်။ သူတို့တွေမနေ့ညက အဖြစ်အပျက်ကိုမမှတ်မိကြပါဘူး။အခြားခရီးသွားအုပ်စုနဲ့တွေ့ခဲ့တာပဲနောက်ဆုံးမှတ်မိကြပါတယ်။ထရစ်စတန်ကရုတ်တရက်ကိုယ်ဝန်ပျက်ကျပြီးဆေးရုံကိုပြေးရပါတယ်။ ဆေးရုံကဆင်းလာတော့ ဂျက်ဖ်ရဲ့အိမ် တစ်ဖြစ်လဲသစ်တောထဲကစက်ရုံဟောင်းတစ်ခုကိုသွားကြပါတယ်။ အဲဒီမှာသူတို့ကမနေ့ညကဘာဖြစ်ခဲ့သလဲသိရအောင်ဗွီဒီယိုတိတ်တွေကိုပြန်ကြည့်ရင်းသူတို့ထဲကတစ်ယောက်ကိုမသင်္ကာဖြစ်လာပါတယ်။ ထရစ်စတန်ကလည်းထူးထူးဆန်းဆန်းတွေပြောလာပြီး စျေးဝယ်ထွက်သွားတဲ့ကင်မ်ကရပ်စတင်ပါးသတ်လိုက်တဲ့တစ္ဆေကလေးတွေကိုရှောင်လိုက်လို့ကားရှေ့ဘန်ပါပျက်သွားတယ်ပြောသလိုစတီဖင်ကလည်းဒီမြို့ကနေထွက်သွားဖို့လုပ်လာပါတယ်။ မြို့ကရဲအရာရှိက ခေါင်းတလားကျောက်တုံးမှာ ခရီးသွားငါးယောက်ကို ဘလဲယားစုန်းမစီမံချက်ကားထဲကအတိုင်းသတ်ထားတာတွေ့ပြီးဂျက်ဖ်ရဲ့တိတ်ခွေကိုအခင်းဖြစ်တဲ့နေရာမှာတွေ့တာကြောင့် သူတို့ငါးယောက်ကိုဘယ်မှထွက်မသွားဖို့ဖုန်းဆက်ပြောလာတဲ့အခါမှာတော့..ဘာဆက်ဖြစ်သလဲဖန်သားပြင်ပေါ်မှာဆက်ကြည့်ကြပါ။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size…(1.8 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Horror, Mystery, Thriller Duration….01:30:40 Subtitle….Myanmar Subtitle (Hardsub) Encoder….Benjamin Translated by Khin Sakar Khin

The Quick and the Dead (1995) IMDb Rating (6.5) မင်းသားကြီး Russell Crowe , မင်းသားချော Leonardo DiCaprio , မင်းသမီးချော Sharon Stone တို့ပါဝင်ထားတဲ့ ကောင်းဘွိုင်အက်ရှင်ဇာတ်ကားပါ။ ကြမ်းကြမ်းရမ်းရမ်း မိုက်မိုက်ကန်းကန်း မြင်းတွေစီးပြီး သေနတ်တွေနဲ့ ပစ်ကြခတ်ကြ တဲ့ အနောက်ပိုင်းရုပ်ရှင်တွေကို ကြည့်ချင်သူများအတွက် ၁၉၉၅ ခုနှစ်ထွက်ရှိထားတဲ့ The Quick and the Dead ဆိုတဲ့ဇာတ်ကားလေး တင်ဆက်ပေးလိုက်ပါတယ် ဇာတ်လမ်းကတော့... အစိုးရရဲ့ ဥပဒေမစိုးမိုးဘဲ လူမိုက်တွေ ကိုသာ ဆက်ကြေးပေးနေရတဲ့ မြို့လေးတစ်မြို့မှာ သေနတ်ယှဉ်ပစ်တဲ့ ပွဲကို နှစ်စဉ်ကျင်းပလေ့ရှိပါတယ် … အနိုင်ရရှိတဲ့သူဟာ ဒေါ်လာ ၁၂၃၀၀၀ ကိုပိုင်ဆိုင်ရမှာဖြစ်တဲ့အတွက် အနယ်နယ်အရပ်ရပ်က သေနတ်သမားတွေ လာရောက်လက်စွမ်းပြလေ့ရှိတာပေါ့ တစ်ရက်မှာ အဲ့ဒီကစားပွဲကို မိန်းကလေးတစ်ယောက်ရောက်ရှိလာခဲ့ပုံက ကျားတောထဲရောက်လာတဲ့ သမင်မလေး တစ်ကောင်လိုပါပဲ … သို့သော် မိန်းကလေးဟာ သမင်မလေးဖြစ်မလား ကျားသစ်မလေးဖြစ်မလားဆိုတာ.....။ File size…(5.9 GB)/ (2 GB )/(1.1 GB) Quality…BluRay 4K HEVC/1080p HEVC / 720p Format…mkv/mp4 Duration….01:46:00 Subtitle….Myanmar Subtitle (Hardsub) Encoder….Ka Naung Translated by Zuel Khant Thwin

နယူးယောက်က ကောလိပ်ကျောင်းသား ဘီလ်နဲ့ စတန်တို့ သူငယ်ချင်းနှစ်ယောက်ဟာ အယ်လာဘားမားကို ဖြတ်မောင်းလာရင်း ကုန်စုံဆိုင်တစ်ဆိုင်မှာ ဈေးဝင်ဝယ်ကြပါတယ်။ သူတို့ထွက်လာပြီးနောက် ဆိုင်စာရေး လုယက်သတ်ဖြတ်ခံလိုက်ရတာကိုတော့ မသိခဲ့ကြဘူး။ ဘီလ်က ဆိုင်ကနေ တူနားငါးသေတ္တာတစ်ဘူး အလစ်သုတ်လာခဲ့လို့ ရဲတွေလိုက်လာတဲ့အခါ အဲဒီကိစ္စကြောင့်ပဲလို့ ထင်နေတယ်။ ရဲစခန်းမှာ စစ်မေးခံရတဲ့အထိလည်း နှစ်ယောက်စလုံး အဲဒီလိုပဲ နားလည်ထားကြတာပါ။ တကယ်တော့ သူတို့ကို ဆိုင်စာရေးသတ်မှုမှာ ပါဝင်ပတ်သက်တယ်ဆိုပြီး ဖမ်းထားတာ ဖြစ်နေပါတယ်။ နားလည်မှုလွဲပြီး ဝန်ခံမိထားတဲ့အပြင် အထောက်အထားတွေကလည်း သူတို့ဘက်ကိုပဲ ညွှန်နေတယ်။ ပြစ်မှုထင်ရှားရင် သေဒဏ်အထိ ကြုံရနိုင်တဲ့အခြေအနေမှာ ဘီလ်ရဲ့ ဝမ်းကွဲ ဗင်နီဆိုတဲ့ရှေ့နေက အမှုလိုက်ပေးဖို့ ရောက်လာပါတယ်။ ဗင်နီက ရှေ့နေကျောင်းကို ခြောက်နှစ်တက်ခဲ့ပေမယ့် တရားခွင်အတွေ့အကြုံ လုံးဝမရှိသေးသူပါ။ အယ်လာဘားမားအကြောင်းလည်း မသိ၊ သူတို့အမှုအကြောင်းလည်း မသိသေးတဲ့ ဗင်နီတစ်ယောက် ဒီနှစ်ယောက်အတွက် ဘယ်လိုရင်ဆိုင်ပေးမလဲဆိုတာကနေ ဟာသတွေ ဖြစ်လာပါတယ်။ ဗင်နီရဲ့ ဇနီးလောင်းအဖြစ်တော့ Marisa Tomei ပါဝင်သရုပ်ဆောင်ထားပါတယ်။

ဒီဇာတ်ကားဟာ လက်ရှိနဲ့ အတိတ်ကာလ နှစ်ခုယှဉ်ပြီး ရိုက်ပြထားတဲ့ နာမည်ကြီး Drama / Comedy ဇာတ်ကားတစ်ကား ဖြစ်ပါတယ်။ အိမ်ထောင်ရေး အဆင်မပြေဘဲ စိတ်ဓာတ်ကျနေတဲ့ အသက်လတ်ပိုင်း အမျိုးသမီး အက်ဗလင်းဟာ လူအိုရုံတစ်ခုမှာ သက်ကြီးရွယ်အို အဘွားအို နင်နီသရက်ဂုဒ်နဲ့ ဆုံတွေ့ခဲ့ပါတယ်။ အဘွားအိုက ၁၉၃၀ ပြည့်လွန်နှစ်များဆီက အာလာဘားမားပြည်နယ်၊ Whistle Stop မြို့ငယ်လေးမှာ ဖြစ်ပျက်ခဲ့တဲ့ သူမရဲ့ အတိတ်ဇာတ်လမ်းတွေကို အက်ဗလင်းကို ပြောပြခဲ့ပါတယ်။ အဲဒီအချိန်ကသတ္တိရှိပြီး ရဲရင့်တဲ့ ယောကျာ်းလျာစတိုင် မိန်းကလေး "အစ်ဂျီ" နဲ့ နူးညံ့သိမ်မွေ့တဲ့ "ရုသ်" တို့ရဲ့ တစ်ယောက်ကိုတစ်ယောက် သံယောဇဉ်ကြီးပြီးချစ်ခဲ့ကြပုံကို အဓိက ရိုက်ကူးထားပါတယ်။ သူတို့နှစ်ဦးဟာ "Whistle Stop Cafe" ဆိုတဲ့ ဆိုင်လေးကို အတူတူဖွင့်လှစ်ပြီး နာမည်ကြီး "Fried Green Tomatoes" (ခရမ်းချဉ်သီးစိမ်းကြော်) ကို ရောင်းချခဲ့ကြပါတယ်။ အဲဒီလိုနေလာရင်း သူတို့ရဲ့ ဘဝထဲမှာ လူမျိုးရေး ခွဲခြားမှုတွေ ရုသ်ရဲ့ နှိပ်စက်တတ်တဲ့ ခင်ပွန်းဟောင်းကြောင့် ကြုံတွေ့ရတဲ့ ဒုက္ခတွေနဲ့ မမျှော်လင့်ဘဲ ဖြစ်ပွားခဲ့တဲ့ လူပျောက်ဆုံးမှုတွေကိုလည်း ခက်ခက်ခဲခဲအတူရင်ဆိုင်ကျော်လွှားခဲ့ကြရပါတယ်။ "နင်နီ" ပြောပြတဲ့ အတိတ်က အဖြစ်အပျက်တွေနဲ့ အခက်အခဲတွေကို ရင်ဆိုင်ခဲ့ပုံတွေဟာ အက်ဗလင်းရဲ့ စိတ်ဓာတ်ကို ခွန်အားရစေခဲ့ပြီး သူမရဲ့ လက်ရှိဘဝမှာခက်ခဲနေတဲ့အိမ်ထောင်ရေးကို ပြောင်းလဲပစ်ဖို့ သတ္တိတွေ ရရှိသွားစေခဲ့ပါတယ်။ ဒီဇာတ်ကားက အမျိုးသမီးတွေရဲ့ခိုင်မာတဲ့ ချစ်ခြင်းနဲ့ဘဝကို ရင်ဆိုင်ဖြတ်သန်းပုံတွေကို နွေးနွေးထွေးထွေး ပုံဖော်ထားတဲ့ ရုပ်ရှင်ကောင်းတစ်ကား ဖြစ်ပါတယ်။ အမျိုးသမီးတစ်ယောက်ရဲ့ ဘဝကိုခက်ခက်ခဲခဲ ဖြတ်သန်းရပုံကို တစ်ခြားအမျိုးသမီးတစ်ယောက်ပြန်ကြားရတဲ့အခါ သူ့ဘဝအတွက် ဘာတွေပြောင်းလဲသွားနိုင်လဲဆိုတာ ကိုတင်ဆက်ပေးထားတာပဲဖြစ်လို့ ကြည့်ရှုသင့်တဲ့ကားကောင်းလေးတစ်ကားပါပဲ။

The Naked Gun 2½: The Smell of Fear (1991) IMDb - 6.9/10 Rotten - 56% ရဲဋ္ဌာနက ဗိုလ်လေး ဖရန့် ဒရက်ဘင် ပြန်လာပါပြီ။ ရှေ့ကားမှာ ဘုရင်မကြီးကို ကာကွယ် ပေးပြီး အမေရိကန်နိုင်ငံ ရဲ့ ဂုဏ်သိက္ခာကို ကယ်တင် ခဲ့တာကု အားလုံးသိပြီး ဖြစ်မှာပါ။ အဲ့ကားမှာ ဂျိန်း ဆိုတဲ့ မိန်းမပျိုလေးကိုတွေ့ပြီး ဖရန့် တစ်ယောက် ချစ်ကြိုက်မိပါတယ်။ ကျုပ်တို့ ရဲ့ လူလွဲ ကြီးက ဒီကိစ္စမှာတော့ မလွဲဘူးဆိုတာ သိလိုက်ကျမှာပါ။ ဒါပေမဲ့ သူတို့ လမ်းခွဲခဲ့ ရပါတယ်။ကျုပ်တို့ရဲ့ ဖရန့်ကြီးလည်း ကြေကွဲပေါ့။ ဒါပေမဲ့လည်း ရဲတစ်ယောက် ဖြစ်တာနဲ့ အညီ တာဝန် ဝတ္တရားတွေကလည်းရှိသေးတာကိုး။ ဒီတစ်ခါမှာတော့ နိုင်ငံ့အရေးနဲ့ ပတ်သတ် နေပါတယ် သမ္မတ က နိုင်ငံ့ အနာဂတ် စွမ်းအင် အတွက် ဒေါက်တာ မိုင်ဟိုင်မာ ဆိုတဲ့ ထိပ်တန်း သိပ္ပံ ပညာရှင်တစ်ယောက်ဆီကို အကြံဉာဏ်တောင်းပါတယ်။ ဒေါက်တာကလည်း အစီအရင်ခံတော့မလို့ပါပဲ။ ဒါပေမဲ့ ဒေါက်တာ မိုင်ဟိုင်မာက သဘာ၀ စွမ်းအင်ကိုသာ ဦးစားပေးတဲ့သူမို့ ရေနံအုပ်စုတွေနဲ့ နျုကလီးယားလုပ်ငန်းရှင်တွေက အဲ့အစီအရင်ခံတာကို တားဆီးဖို့ ကြိုးစားပါတော့တယ်။ဒေါက်တာ မိုင်ဟိုင်မာကို လူစားထိုးပြီး သဘာ၀ စွမ်းအင်က မကောင်းကြောင်း ပြောဖို့ပေါ့။ ဒါ့အပြင် ဒေါက်တာ တို့ နေရာမှာလည်း ဗုံးအခွဲခံရလို့ ဖရန့်က စုံစမ်းဖို့ တာဝန်ကျလာပါတယ်။ ဖရန့်တို့တစ်သိုက် ရေနံလုပ်ငန်းစု မှာ စုံစမ်းရင်း ဒေါက်တာ ကို ဖမ်းဆီး လူစားထိုးထားတာ သိရတာပေါ့။ ဒါပေမဲ့ ဖရန့်ကိုယ်တိုင်လည်း ဖမ်းဆီး ခံနေရပါပြီ။ ဒါဆို ဖရန့်တစ်ယောက် လွတ်မြောက် အောင်လုပ်ပြီး ယခုပဲ အစီအရင်ခံစာဖတ်ကြားမဲ့ ဒေါက်တာ အတု နေရာမှာ ဒေါက်တာ အစစ်ကို ဘယ်လို အစားထိုးမလဲ .... ဒါ့အပြင် အဲ့လို အစီအရင်ခံ တဲ့ အခမ်းအနား ကိုပါ ဗုံးခွဲမယ်ဆိုတဲ့ သတင်းအရ ဗုံးခွဲတာကိုကော ဘယ်လို တားမလဲ ဆိုတာကို ရယ်ရယ်မောမော နဲ့ ကြည့်ရမှာပါ။ File Size : (804MB) Quality : BluRay 720p Running Time : 1h 25min Format : Mp4 Genre : Comedy, Crime Subtitle : Myanmar Subtitle (Hard Sub) Source : 1080p BluRay x264 YTS.AG Encoded by Tariq L Walker

Nine 1/2 Weeks က အရွယ်ရောက်သူတွေအတွက် ရည်ရွယ်ထားတဲ့ ဇာတ်ကားဖြစ်ပြီး ရင်းနှီးတဲ့ဆက်ဆံရေးအတွင်းက စိတ်လှုပ်ရှားမှု၊ သာယာမှုနဲ့ လွှမ်းမိုးလိုစိတ်တို့အကြောင်းကို တင်ပြထားပါတယ်။ ၁၉၈၆ ခုနှစ်က ရိုက်ကူးပုံနဲ့ ခန္ဓာကိုယ်အလှကို ပုံဖော်ထားပုံတွေကိုလည်း တွေ့ရမှာပါ။ အချိန်ကြာလာလို့ တစ်ယောက်နဲ့တစ်ယောက်ကြား စိတ်လှုပ်ရှားမှုတွေ လျော့လာတဲ့အခါ သာယာမှုကို ဘယ်လိုပြန်ရှာကြမလဲ။ ကိုယ့်လက်တွဲဖော်အပေါ် လွှမ်းမိုးမှုက ဘယ်အတိုင်းအတာအထိ ရှိသင့်သလဲ။ သာယာမှုနောက်မှာ ဘယ်လိုဆိုးကျိုးတွေ လိုက်လာနိုင်သလဲဆိုတဲ့ မေးခွန်းတွေကို ဇာတ်ကားက တင်ပြထားပါတယ်။