Rob Nagle ပါဝင်သော ဇာတ်ကားများ

The Wolf and the Lamb (2026) ++++++++++++++ ဒီဇာတ်ကားဟာ ၁၈၇၀ ပြည့်လွန်နှစ်များက Montana ပြည်နယ်ရဲ့ ဝေးလံခေါင်ဖျားလှတဲ့ တောတောင်ဒေသကို နောက်ခံထားပြီး ရိုက်ကူးထားတဲ့ Folk-horror အမျိုးအစား ဖြစ်ပါတယ်။ Western စတိုင်နဲ့ ထူးခြားဆန်းပြားတဲ့ သဘာဝလွန် ဖြစ်ရပ်တွေကို ပေါင်းစပ်ထားတဲ့ ဇာတ်ကားပါ။ Montana ပြည်နယ်ရဲ့ ကျေးလက် ဒေသမြို့‌ လေးတစ်ခုမှာ ကလေးငယ်တွေနဲ့ အိမ်မွေးတိရစ္ဆာန်တွေ ဆက်တိုက်ဆိုသလို ပျောက်ဆုံးနေရာကနေ ဇာတ်လမ်းကိုအစချီထားပါတယ်။ မုဆိုးမတစ်ဦးဖြစ်တဲ့ Sara ရဲ့ သားဖြစ်သူဟာလည်း ရုတ်တရက် ပျောက်ဆုံးသွားခဲ့ရာကနေ ရက်အနည်းငယ်အကြာမှာ မမျှော်လင့်ဘဲ အိမ်ကို ပြန်ရောက်လာပါတယ်။ ဒါပေမဲ့ ပြန်ရောက်လာတဲ့ သားဖြစ်သူဟာ အရင်ကလို မဟုတ်တော့ဘဲ သူ့ရဲ့ ခန္ဓာကိုယ်ထဲမှာ တစ်စုံတစ်ရာသော မကောင်းဆိုးဝါး အမှောင်ထု က ကြီးစိုးဝါးမြိုသွားတာကို Sara တစ်ယောက် တဖြည်းဖြည်း သတိထားမိလာပါတော့တယ်။ မိခင်တစ်ယောက်ရဲ့ မေတ္တာနဲ့ မိမိရင်သွေးကို ကယ်တင်ချင်တဲ့ စိတ်၊ တစ်ဖက်မှာလည်း သားဖြစ်သူကို အသုံးချနေတဲ့ ကြောက်မက်ဖွယ် မကောင်းဆိုးဝါး အန္တရာယ်ကြားမှာ သူမ ဘယ်လို ရုန်းကန်ရှင်သန်ရမလဲဆိုတာ‌ေတွအပြင် ကလေးငယ်တွေ ပျောက်ဆုံးရခြင်းရဲ့ နောက်ကွယ်ကလျှို့ဝှက်ချက်တွေကို ရင်တထိတ်ထိတ်နဲ့ မြင်တွေ့ရမဲ့ ရုပ်ရှင်ကားတစ်ခုပဲဖြစ်ပါတယ်။ File Size… (994MB) / (595MB) Quality… WEB-DL 1080p HEVC / 720p Format…mkv / mp4 Duration…1h 36m Genre ….Drama , Horror , Mystery , Thriller , Western Subtitle….Myanmar Subtitle (Hard Sub)

Blonde က နာမည်ကျော်ရုပ်ရှင်မင်းသမီး မယ်ရီလင် မွန်ရိုးရဲ့ဘဝကို အခြေခံထားတဲ့ ဒရာမာဇာတ်ကားပါ။ သူ့ဘဝဖြစ်ရပ်တွေကို အတ္ထုပ္ပတ္တိတစ်ပုဒ်လို အတိအကျ ပြန်တင်ပြထားတာမျိုးထက် အမှန်တကယ်ဖြစ်ရပ်တွေ၊ ကောလာဟလတွေနဲ့ စိတ်ကူးယဉ်ရေးသားထားတာတွေကို ရောစပ်ထားပါတယ်။ မွန်ရိုးဟာ မိဘမဲ့ဂေဟာကနေ အနုပညာလောကထဲ ရောက်လာသူဖြစ်ပြီး အသက် ၁၆ နှစ်မှာ အိမ်ထောင်ကျခဲ့ပါတယ်။ အိမ်ထောင်သုံးဆက်ရှိခဲ့သလို အမေရိကန်သမ္မတ ဂျွန် အက်ဖ် ကနေဒီနဲ့ ပတ်သက်တဲ့ ကောလာဟလတွေအပါအဝင် သူ့ကိုဝန်းရံနေတဲ့ သတင်းတွေကလည်း မနည်းပါဘူး။ အောင်မြင်ကျော်ကြားလာပေမယ့် သူ့ဘဝအစကတော့ မလှပခဲ့ပါဘူး။ ၁၉၅၀ နဲ့ ၁၉၆၀ ကာလတွေမှာ မွန်ရိုးဟာ လိင်ဆွဲဆောင်မှုရှိတဲ့ မင်းသမီးတစ်ယောက်အဖြစ် ထင်ရှားခဲ့ပြီး လူအများရဲ့ အိပ်မက်မင်းသမီး ဖြစ်လာခဲ့တယ်။ သူ့ဂါဝန် လေထဲလွင့်နေတဲ့ပုံကလည်း အလွန်လူသိများခဲ့ပါတယ်။ ဒီဇာတ်ကားမှာ မွန်ရိုးအဖြစ် အန်နာ ဒီအားရ်မက်စ်က သရုပ်ဆောင်ထားပြီး သူ့ကို Knives Out၊ No Time to Die၊ Blade Runner နဲ့ Knock Knock တို့မှာလည်း တွေ့ဖူးကြမှာပါ။ အိပ်ရာခန်းနဲ့ ကိုယ်လုံးတီးမြင်ကွင်းတွေ ပါဝင်တာကြောင့် မိသားစုအတူကြည့်ဖို့တော့ မသင့်တော်ပါဘူး။

Los Angeles (2021) IMDb Rating - 6.1/10 ဒီဇာတ်ကားလေးကတော့ ငယ်ရွယ်တဲ့ ဆွံ့အနေတဲ့ကောင်မလေးတစ်ယောက် အကြောင်းပဲ ဖြစ်ပါတယ်။ ဂျိုဂျိုက သူကိုယ်သူ ဝက်ရုပ်ကြီးကနေတစ်ဆင့် ဘုရားသခင်ရဲ့အသံကို ကြားရတယ်လို့ထင်​နေတဲ့သူလည်း ဖြစ်ပါတယ်။ ဝက်ရုပ်ကြီးကနေ စေခိုင်းတဲ့အတိုင်းသူမက အိန်ဂျယ်၅ယောက်ကို သူရဲ့ဖိနပ်သေတ္တာလေးထဲ ထည့်ပြီးတော့ တမ်ပါကို ​ယေရှုလေးကိုရှာဖို့အတွက် ခရီးထွက်ဖို့လုပ်နေတဲ့ချိန်မှာ ကတ်ရှ်ကားပေါ်ကို တက်သွား ပါတော့တယ်။ တကယ်တော့ ကတ်ရှ်က အကျဥ်းထောင်ကနေ ထွက်ပြေးလာတဲ့အကျဥ်းသားဖြစ်ပြီး​တော့ ကား​​​နားနေတဲ့အချိန်တက်လာတဲ့ ဂျိုဂျိုက ကားပေါ်တက်လာတဲ့အတွက်ကြောင့် မတတ်သာပဲ တနေရာမှာ ချမယ်ဆိုပီးခေါ်လာရပါတော့တယ်။ သူတို့နောက်ကိုလည်း ကတ်ရှ်ကိုဖမ်းမဲ့ရဲတွေကလည်း လိုက်နေပါတော့တယ်။ ဒီလိုနဲ့ တစ်မြို့ပြီးတစ်မြို့သွားရင်းနဲ့ ကတ်ရှိတစ်ယောက်ကော ရဲလက်က လွတ်မှာလား ဂျိုဂျိုကကော ယေရှုလေးကို ရှာတွေ့မှာလား ဂျိုဂျိုရဲ့သေတ္တာလေးက ဘယ်လိုအံ့သြစရာကောင်းတဲ့အရာလေးတွေလဲဆိုတာ သိချင်ရင်တော့ ကြည့်ရှုပေးကြပါဦးနော်။ (ဒီဇာတ်လမ်းရဲ့ အညွှန်းကို Shwe Pyae မှရေးသားပေးပြီး၊ ဘာသာပြန်ရေးသားပေးသူများကတော့ Shwe Pyae, JoJoVa တို့ပဲဖြစ်ပါတယ်။) File Size - (1.4GB)/(850MB)/(460 MB) Quality – WEBRIP 1080p/720p/480p Duration - 1hrs 22min Subtitle – Myanmar Hardsub Format – MP4 Genre : Drama Translator – Shwe Pyae, JoJoVa Encoder – SWM

၁၉၈၆ ဝန်းကျင်၊ လူမျိုးရေးခွဲခြားမှုတွေ ပြင်းထန်နေတဲ့ကာလကို နောက်ခံထားပါတယ်။ လူမဲလူငယ်တွေ အုပ်စုလိုက် လမ်းလျှောက်နေရုံနဲ့တောင် အာဏာပိုင်တွေရဲ့ ဖမ်းဆီးနှောင့်ယှက်မှုကို ကြုံရတတ်ပြီး လူဖြူနဲ့ လူမဲအသိုင်းအဝိုင်းကြား တင်းမာမှုတွေလည်း ရှိနေတယ်။ Rap ဂီတကလည်း ကျယ်ကျယ်ပြန့်ပြန့် လက်ခံမှုမရသေးတဲ့ အချိန်ပါ။ ဒီလိုအခြေအနေမျိုးမှာ Compton က လူငယ်သုံးယောက်ဖြစ်တဲ့ Dr. Dre၊ Eazy-E နဲ့ Ice Cube တို့က Gangsta Rap ကို လူသိများလာအောင် လုပ်ဆောင်ကြပါတယ်။ သူတို့ရဲ့ ဂီတခရီးနဲ့အတူ Ruthless၊ N.W.A နဲ့ Death Row တို့အကြောင်း၊ အဲဒီခေတ်ရဲ့ နိုင်ငံရေးနဲ့ လူမှုအခြေအနေတွေကြား Hip Hop ဂီတ ဘယ်လိုရှေ့ဆက်လာသလဲဆိုတာကို ဇာတ်ကားမှာ ဖော်ပြထားပါတယ်။ Eminem ရဲ့ဆရာအဖြစ် သိကြတဲ့ Dr. Dre၊ Gangsta Rap နဲ့ အောင်မြင်လာတဲ့ Eazy-E၊ Friday နဲ့ 21 Jump Street လို ဟာသကားတွေကနေပါ လူသိများတဲ့ Ice Cube တို့ရဲ့ အစောပိုင်းဘဝတွေကို ပြန်တွေ့ရမှာပါ။ N.W.A ရဲ့ သီချင်းတွေကိုလည်း ထည့်သွင်းထားပြီး Compton က ဖိနှိပ်ခံလူငယ်တွေ သူတို့မြို့အပြင်အထိ ဘယ်လိုလူသိများလာကြမလဲဆိုတဲ့ ခရီးကို ဆက်ပြထားပါတယ်။

အဲရစ်မက်ဆာနဲ့ ဟောလီဘာရမ်ဆန်တို့ဟာ အချစ်ဆုံးသူငယ်ချင်းစုံတွဲက မိတ်ဆက်ပေးလို့ တစ်ခါမှမတွေ့ဖူးဘဲ ချိန်းတွေ့ခဲ့ကြပါတယ်။ ဒါပေမဲ့ အဲဒီချိန်းတွေ့မှုက အဆင်မပြေဘဲ တစ်ယောက်ကိုတစ်ယောက် မုန်းမိတဲ့အထိ ဖြစ်သွားခဲ့တယ်။ နောက်တော့ သူတို့ကို မိတ်ဆက်ပေးခဲ့တဲ့ သူငယ်ချင်းနှစ်ယောက် ကားမတော်တဆမှုနဲ့ ရုတ်တရက်ဆုံးပါးသွားပြီး သူတို့နှစ်ဦးရဲ့ဘဝလည်း ပြောင်းလဲလာပါတော့တယ်။ သူငယ်ချင်းစုံတွဲမှာ တစ်နှစ်အရွယ်သမီးလေး ဆိုဖီ ကျန်ရစ်ခဲ့တာကြောင့် မက်ဆာနဲ့ ဟောလီတို့ဟာ ကလေးကို စောင့်ရှောက်ဖို့ သူငယ်ချင်းတွေရဲ့ စံအိမ်ကြီးမှာ အတူနေကြရပါတယ်။ မတည့်တဲ့လူနှစ်ယောက် ကလေးတစ်ယောက်ကို အတူထိန်းကျောင်းရင်း သံယောဇဉ်တွေ ဖြစ်လာကြမလား၊ မိသားစုကပဲ တကွဲတပြား ဖြစ်သွားဦးမလား။ Greg Berlanti ရိုက်ကူးပြီး Josh Duhamel နဲ့ Katherine Heigi တို့ ပါဝင်ထားတဲ့ အချစ်ဟာသနဲ့ မိသားစုဒရာမာဇာတ်ကားပါ။

နေသန်နီရယ်အန်တိုနီအဲယာစ်ဂျူနီယာဟာ ငယ်ငယ်ကတည်းက ချယ်လိုတီးရာမှာ ပါရမီရှိသူတစ်ယောက်ပါ။ သူ့မိခင်က အလှပြင်ဆိုင်ဖွင့်ထားပြီး သူ့မှာ အစ်မတစ်ယောက်လည်း ရှိပါတယ်။ ဂီတကို အလွန်မြတ်နိုးသလို ဘီသိုဗင်ကိုလည်း အားကျလေးစားသူပါ။ ဒါပေမဲ့ စိတ်ကစဉ့်ကလျားရောဂါနဲ့အတူ နားထဲမှာ အသံတွေ ကြားနေရတာကြောင့် ကျောင်းပညာကို တစ်ဝက်တစ်ပျက်နဲ့ ရပ်ခဲ့ရပြီး အယ်လ်အေလမ်းမတွေပေါ် ရောက်လာခဲ့တယ်။ လှည်းတစ်စီးနဲ့ ဖြစ်သလို နေထိုင်စားသောက်နေရပေမယ့် ဂီတအပေါ် ချစ်ခင်မှုကတော့ မလျော့သွားပါဘူး။ ကောက်ရထားတဲ့ ပျက်လုနီးပါး တယောတစ်လက်ကိုလည်း တယောတီးနည်း မသင်ဖူးဘဲ ကျွမ်းကျင်စွာ တီးခတ်နေတတ်ပါတယ်။ စတိဗ်လိုပတ်ဇ်ကတော့ အယ်လ်အေစံတော်ချိန်သတင်းစာမှာ အခန်းဆက်ဆောင်းပါးတွေ ရေးနေတဲ့ စာဖတ်သူများတဲ့ ဆောင်းပါးရှင်တစ်ယောက်ပါ။ စာရေးဖို့ အကြောင်းအရာရှာရင်း နေသန်နီရယ်နဲ့ ဆုံမိတဲ့အခါ ဒီလိုပါရမီရှိသူတစ်ယောက် လမ်းပေါ်မှာ နေထိုင်နေရတဲ့ အခြေအနေကို မျက်နှာလွှဲထားလို့ မရတော့ပါဘူး။ Jamie Foxx နဲ့ Robert Downey Jr တို့ ပါဝင်ထားတဲ့ ဖြစ်ရပ်မှန်အခြေခံ ရုပ်ရှင်ပါ။ အပြင်လောကက စတိဗ်လိုပတ်ဇ်ဟာ ပူလစ်ဇာဆု ဆန်ခါတင်စာရင်းမှာ လေးကြိမ်ပါဝင်ခဲ့တဲ့ စာရေးဆရာဖြစ်ပြီး နေသန်နီရယ်ကလည်း တူရိယာမျိုးစုံကို ကျွမ်းကျင်စွာ တီးခတ်နိုင်သူ ဖြစ်ပါတယ်။

Fun with Dick and Jane(2005) IMDb....6.1 Jim Carrey ကားတွေဟာ ဟာသပြကွက်တွေဖန်တီးရင်း လူ့သဘော သဘာ၀ တွေကို အကောင်းမွန်ဆုံးဖန်တီး တင်ဆက်ပေးထားတာကြောင့် ကမ္ဘာကျော်ပြီးလူကြိုက်များတာအားလုံးလည်းအသိပါ... ... ဒီဇာတ်ကားမှာတော့ Jim Carrey ဟာ  Dick ဆိုတဲ့နာမည်နဲ့သရုပ်ဆောင်ထားပြီး သူဟာ ဂလိုဘိုဒိုင်းဆိုတဲ့ ကုမ္ပဏီတစ်ခုမှာ ၁၅ နှစ်ကြာ ထမ်းဆောင်ခဲ့တဲ့ ဝန်ထမ်းတစ်ယောက်ပါ... သူ့မှာ Jane ဆိုတဲ့ ဇနီးဖြစ်သူ နဲ့အတူ သားလေးအပါအဝင် မိသားစု သုံးယောက်ရှိပါတယ်. . Dick ဟာ သူ့ ကုမ္ပဏီမှာ ဒုဥက္ကဠ ရွေးခံရတဲ့အချိန်မှာပဲ ပြဿနာတွေစပါတော့တယ်... ဒုဥက္ကဌရာထူးတိုးပြီမို့ ဇနီးကိုလဲ အလုပ်ထွက်ခိုင်းခဲ့ပါတယ်... သူ့ရဲ့လစာနဲ့ တစ်မိသားစုလုံးကိုထောက်ပံ့နိုင်ပြီလို့ သူကတွက်ထားတာကိုးး.... ကံဆိုးတာက မကြာခင်မှာပဲ ဂလိုဘိုဒိုင်းကုမ္ပဏီရဲ့ CEO Jack ဟာ ရှယ်ယာတွေကို ရောင်းပြီး ကုမ္ပဏီကြီး ပြိုလဲခဲ့ပါတယ်. ..Dick အပါအဝင် ဂလိုဘိုဒိုင်းက ဝန်ထမ်းအားလုံး ဒုက္ခရောက်ခဲ့ပါတယ်... အလုပ်လက်မဲ့ ဖြစ်သွားတဲ့ Dick ဟာ သူ့မိန်းမ လစာ ကိုပဲ အားကိုးရမလားတွေးရုံရှိသေး.. သူ့ မိန်းမက သူ့စကားအတိုင်း အလုပ်ကနေ ထွက်ခဲ့ပါတယ်. ..လင်မယားနှစ်ယောက်လုံး အလုပ်လက်မဲ့ဖြစ်သွားပါတော့တယ်... Dick ဟာ ကုမ္ပဏီမှာ ရာထူးကြီးကြီးနဲ့ ထွက်ခဲ့သူဆိုတော့ သာမန်အလုပ်လေးတွေကို လုပ်ဖို့ဆန္ဒမရှိခဲ့ပါဘူး... နောက်ဆုံးကြံရာမရတဲ့အဆုံး လင်မယားနှစ်ယောက်လုံး ဓားပြတိုက်ကြပါတော့တယ်.... သူတို့လင်မယား(၂)ယောက်ရဲ့ဓားပြတိုက်ဖို့ ပစ်မှတ်ဟာ ဘယ်သူဖြစ်မလဲ .သူတို့ဘယ်လိုတွေ အစီအစဉ်ချလဲ...သူတို့ရည်ရွယ်ချက်တွေရောအောင်မြင်ပါ့မလား..... ကိုင်းခံစားကြည့်လိုက်ပါဦးဗျ..ဇာတ်လမ်းအညွှန်းနဲ့ဘာသာပြန်သူကတော့ ညီမငယ် Sue ဖြစ်ပါတယ်... File Size : (900 MB) and (324 MB) Quality : Blu-Ray 720p Format…mp4 Duration…01:30:00 Genre : Comedy, Crime Subtitle : Myanmar Subtitle (Hard Sub) Translated by Sue Encoded by Phyo Pyae

American Pie ဇာတ်ကားတွေဆိုတာနဲ့ အူတက်အောင် ရယ်နေရတဲ့ ကျောင်းသားဟာသ အခွီကားတွေမှန်း သိကြမှာပါ။ ဒါပေမယ့် အဲ့လိုဟာသက်သက် အပြောင်အပျက်ဇာတ်ကားတွေမဟုတ်ဘဲ သူ့မှာ တခြားအဓိပ္ပါယ်ရှိတဲ့ ချစ်ခြင်းမေတ္တာ နွေးထွေးမှုတွေအကြောင်း အများကြီးပါဝင်နေပါတယ်။ ဒါကို ရှင်းပြဖို့ဆို American Pie ဇာတ်ကားတွေကို အပိုင်း (၂)ပိုင်းနဲ့ ရှင်းပြဖို့လိုပါတယ်။ American Pie ရဲ့ Original မူလဇာတ်ကြောင်းက ဇာတ်ကား (၄) ကားပဲရှိတယ်။ - American Pie (1999) - American Pie 2 (2001) - American Wedding (2003) - American Reunion (2012) ဒီရုပ်ရှင်ကား ၄ ကားသာလျင် သရုပ်ဆောင်တွေရော ဇာတ်လမ်းရောက တဆက်တည်းဖြစ်ပါတယ်။ လူငယ်သဘာဝ လူပျိုဖော်ဝင်စ အပျိုဖော်ဝင်စ ပြသနာတွေနဲ့ ကျောင်းသားဟာသတွေကို အစပြုထားပြီးတော့ သူငယ်ချင်းတွေကြားက ခင်မင်မှုတွေ၊ ချစ်သူတွေကြားက ကြင်နာယုယမှုတွေ၊ မိသားစုတွေကြားက နွေးထွေးတဲ့မေတ္တာတွေကို အဓိကထားတင်ဆက်ထားတာမလို့ ရယ်လဲရယ်နေရသလို နွေးထွေးတဲ့ ချစ်ခြင်းမေတ္တာတွေအကြောင်းကိုလဲ ခံစားမိစေမှာပါ။ ဒီရုပ်ရှင်ကား ၄ ကားစလုံးရဲ့ ကုန်ကျစရိတ်က Budget $147 million ခန့်သာရှိခဲ့ပေမယ့် ရုံတင်ဝင်ငွေ Box office $989.5 million ပြန်ရတဲ့ထိ အောင်မြင်ခဲ့ပြီး Rating တွေလဲ ထိုက်သင့်သလောက်ကောင်းမွန်ခဲ့သလို ဝေဖန်ရေးဆရာတွေလဲ အကြိုက်တွေ့ခဲ့ကြတဲ့ ဇာတ်ကားတွေဖြစ်ပါတယ်။ နောက်တပိုင်းကတော့ American Pie ရဲ့ Spin-off ဇာတ်ကားတွေဖြစ်တဲ့ American Pie Presents ဇာတ်ကားတွေပါ။ - American Pie Presents: Band Camp (2005) - American Pie Presents: The Naked Mile (2006) - American Pie Presents: Beta House (2007) - American Pie Presents: The Book of Love (2009) - American Pie Presents: Girls' Rules (2020) ဒီ American Pie Presents ဇာတ်ကားတွေကတော့ ဇာတ်လမ်းတွေ ဆက်စပ်မှုသိပ်မရှိတော့ဘဲ ဆယ်ကျော်သက် ပါတီတွေ၊ နောက်ပြောင်မှုတွေ၊ လိင်မှုဆိုင်ရာ ဟာသတွေကိုသာ အသားပေး တင်ဆက်ထားပါတယ်။ မူလဇာတ်ကြောင်းထဲက Jim ရဲ့ အဖေဖြစ်သူနဲ့ Stifler ရဲ့မိသားစုကိုသာ အခြေခံထားပြီး Stifler ရဲ့ညီဝမ်းကွဲတွေက အဓိကဇာတ်ကောင်အဖြစ်ပါဝင်သွားပါတယ်။ ဒီ American Pie Presents ဇာတ်ကားတွေကတော့ direct-to-video(DVD)လိုအဖြစ်သာ ရိုက်ကူးထားတာဖြစ်လို့ Rating တွေလဲ သိပ်မကောင်းခဲ့ဘဲ ကျောင်းသားဟာသဇာတ်ကားတွေအဖြစ်သာ ကြည့်ရှုကြရမှာဖြစ်ပါတယ်။ +++++++++++++++ American Wedding (2003) IMDb Rating (6.3) ဒီကားကိုတော့ တနည်းအားဖြင့် American Pie 3 လို့ခေါ်ရမှာဖြစ်ပြီး ရှေ့ ၂ ကားတုန်းက ဟိုလိုဒီလိုဖြစ်နေတဲ့ ဂျင်မ်နဲ့မီရှယ်လ်တို့ ဒီအပိုင်းမှာတော့ အတည်လက်ထပ်ပါတော့တယ်။ ဂျင်မ်နဲ့ မီရှယ်ဟာ ပူပူနွေးနွေး ကျောင်းလည်းပြီး ဘွဲ့လည်းရထားပြီး အချစ်ဆိပ် အထွတ်အထိပ် တက်နေတဲ့အချိန်မှာ နှစ်ယောက်သား လက်ထပ်ဖို့ နှစ်ဘက်မိဘတွေကိုလည်း အသိပေးပြီး သူငယ်ချင်းမိတ်ဆွေတစ်သိုက်နဲ့ စည်ကားသိုက်မြိုက်စွာ မင်္ဂလာပွဲကျင်းပဖို့ ပြင်ဆင်ကြပါတော့တယ်။ ဂျင်မ်ရဲ့ ဘော်ဒါတွေကလည်း သတို့သားအရံတွေ လုပ်ဖို့ သဘောတူပြီး ဘော်ဒါတွေထဲက စတိဗ်နဲ့ ပေါလ်ဟာ သတို့သမီးအရံတဖြစ်လည်း မီရှယ့်ရဲ့ ညီမဖြစ်တဲ့ ခေးဒန်းစ်ကို ဖောင်းဒိုင်းရဖို့အတွက် နှစ်ယောက်သား အပြိုင်အဆိုင် ကြံစည်အားထုတ်ရာကနေ သောက်တလွဲလူသားတွေ စုနေတဲ့ မင်္ဂလာပွဲကြီးက ဘယ်လိုသောက်တလွဲဇာတ်တွေနဲ့ ငါးပါးမှောက်ကြမလဲဆိုတာကို အူတက်အောင်ခွီရင်း ကြည့်ရမှာဖြစ်လို့ အစာတွေနှင့် ရေတွေမသီးအောင် သတိထားကြည့်ကြဖို့ အကြုံပြုချင်ပါတယ်။ ဘာသာပြန်လက်စွမ်းပြထားတဲ့သူကတော့ ကျွန်တော် Matteo ဖြစ်ပါတယ်။ ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။ (American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။) File size…(1.7 GB)/(927 MB) Quality….BluRay Unrated 1080p / 720p Format…mp4 Duration….01:39:00 Genre... Comedy, Romance  Subtitle….Myanmar Subtitle (Hardsub) Encoder….Mr. Anderson Translated by Matteo