Ron Cook ပါဝင်သော ဇာတ်ကားများ

Ladies First (2026) ++++++++++ Netflix မှာ အသစ်စက်စက် ထွက်ရှိလာတဲ့ အမေရိကန် ဟာသရုပ်ရှင်ကားသစ်လေး "Ladies First" (2026) ကို ဒါရိုက်တာ Thea Sharrock က ရိုက်ကူးထားပြီး၊ နာမည်ကြီး သရုပ်ဆောင် Sacha Baron Cohen နဲ့ မင်းသမီးချော Rosamund Pike တို့က အဓိက အပြိုင်သရုပ်ဆောင်ထားတာပါ။ Game of Thrones ထဲက သရုပ်ဆောင်ကြီး Charles Dance ကလည်း အေဂျင်စီရဲ့ ဘော့စ်ကြီးနေရာကနေ ပါဝင်ထားပါတယ်။ ဇာတ်လမ်းရဲ့ အဓိက ဇာတ်ကောင်ဖြစ်တဲ့ Damien Sachs (Sacha Baron Cohen) ဟာ ငွေနဲ့ အာဏာကို အရမ်းမက်မောပြီး အမျိုးသမီးတွေကို အထင်သေးတတ်တဲ့အမှုဆောင်အရာရှိ တစ်ယောက်ပါ။ တစ်နေ့မှာ ပြဿနာတစ်ခုဖြစ်ပြီးနောက် Damien တစ်ယောက် ဓာတ်တိုင်နဲ့ ခေါင်းကို ဆောင့်မိသွားပါတယ်။ သူပြန်သတိရလာတဲ့အချိန်မှာတော့ အရာအားလုံးက ပြောင်းပြန်ဖြစ်နေတဲ့ ကမ္ဘာတစ်ခုကို ရောက်သွားပါတော့တယ်။ အဲဒီကမ္ဘာသစ်မှာဆိုရင် အမျိုးသမီးတွေကသာ ကုမ္ပဏီကြီးတွေကို အုပ်ချုပ်ပြီး အာဏာရှိတဲ့သူတွေဖြစ်နေကြပြီး၊ ယောကျ်ားတွေကတော့ အနှိမ်ခံရပြီး အောက်ကျနောက်ကျ ဆက်ဆံခံရတဲ့ နေရာကို ရောက်နေပါတယ်။ ဒီလို ပြောင်းပြန်ဖြစ်နေတဲ့ လူ့အဖွဲ့အစည်းကြီးထဲမှာ Damien တစ်ယောက် သူ့ရဲ့ဘဝဟောင်းကို ပြန်ရဖို့အတွက် အရင်ကထက် ပိုပြီး အင်အားကြီး၊ ဩဇာညောင်းနေတဲ့ သူ့ရဲ့ လုပ်ဖော်ကိုင်ဖက် အမျိုးသမီး Alex Fox (Rosamund Pike) ကို အကြိတ်အနယ် ရင်ဆိုင်ကျော်ဖြတ်ရပါတော့တယ်။ ဒီရုပ်ရှင်က ၂၀၁၈ ခုနှစ်က ထွက်ရှိခဲ့ပြီး တော်တော်လေး နာမည်ကြီးခဲ့တဲ့ ပြင်သစ် ဟာသဇာတ်ကား "I Am Not an Easy Man" ကို အခြေခံပြီး အမေရိကန်ဗားရှင်း ပြန်လည်ရိုက်ကူးထားတာပါ။ လူ့အဖွဲ့အစည်းရဲ့ ကျား/မ အခန်းကဏ္ဍတွေကို ပြောင်းပြန်လှန်ပြီး သရော်စာဆန်ဆန် ဟာသနှောကာ ရိုက်ကူးထားတာမို့လို့ ပေါ့ပေါ့ပါးပါးနဲ့ ရယ်ရယ်မောမော ကြည့်လို့ကောင်းမယ့် ဇာတ်ကားသစ်လေးတစ်ကား ဖြစ်ပါတယ်နော်။ File Size… (1.13GB) / (658MB) Quality… WEB-DL 1080p HEVC / 720p Format…mkv / mp4 Duration…1h 30m Genre ….Comedy Subtitle….Myanmar Subtitle (Hard Sub)

The Choral (2025) မင်းသားကြီး Ralph Finnes ရဲ့ ဗြိတိသျှ သမိုင်းနောက်ခံ ဒရာမာကားကောင်း တစ်ကားကို တင်ဆက်ပေးချင်ပါတယ်။ ဒီရုပ်ရှင်ဟာ ၁၉၁၆ ခုနှစ်၊ ပထမကမ္ဘာစစ်အတွင်းက အင်္ဂလန်နိုင်ငံ ယော့ရှိုင်းယား မြို့လေးမှာ ဇာတ်အိမ်တည်ထားပါတယ်။ စစ်ပွဲကြောင့် မြို့က အမျိုးသားအများစုဟာ စစ်မြေပြင်ကို ရောက်ရှိနေကြပြီး ကျန်ရစ်သူတွေဟာ သောကကိုယ်စီနဲ့ပါ။ ဒီလိုအချိန်မှာ မြို့ဂီတအဖွဲ့ရဲ့ လူကြီးပိုင်းတွေဟာ အဲဒီမြို့လေးရဲ့ သံစုံတီးဝိုင်း ကို ဦးဆောင်ဖို့ ဂျာမနီပြန် ပညာတတ်တစ်ဦးဖြစ်သူ ဒေါက်တာဂူသရီကို တာဝန်ပေးလိုက်ပါတယ်။ ဂျာမနီက ပြန်လာတဲ့သူဖြစ်လို့ လူတွေအသားလွတ်မုန်းတာခံနေရတဲ့ ဒေါက်တာဂူသရီဟာ စစ်ထဲမလိုက်ရသေးတဲ့ ဆယ်ကျော်သက် လူငယ်လေးတွေနဲ့ အမျိုးသမီးတွေကို စုစည်းပြီး ခက်ခဲတဲ့ တေးဂီတဖျော်ဖြေပွဲတစ်ခုဖြစ်မြောက်အောင် ကြိုးစားပုံကို ရိုက်ကူးထားပုံဖော်ပြ ထားပါတယ်။ File size… 1.58 GB / 752 MB Quality…WEB DL 1080p HEVC/ 720p Format…mkv/ mp4 Duration….1hr 52mins Subtitle….Myanmar Subtitle (Hard Sub)

လူတွေရဲ့ လောဘ၊ ဒေါသ၊ မောဟတွေ အကြောင်းကို သာမန်ရုပ်ရှင်တွေနဲ့မတူဘဲ အပ်ချည်မျှင်တွေကို အဓိကသုံးပြီး ပုံဖော်ထားတဲ့ Sew Torn ဇာတ်ကားဟာ ကြည့်ရတာနဲ့တန်တဲ့ ရသတွေကိုပေးစွမ်းမဲ့ Thriller Comedy ဇာတ်ကားကောင်းတစ်ကားဖြစ်ပါတယ်။ ရရှိခဲ့တဲ့ ဆုများ - 2025 Winner Baia del Silenzio - Redelfi Award. Best Film. Freddy Macdonald (director -2025 Nominee Jury Prize. Best Film. Freddy Macdonald (director) သရုပ်ဆောင်များ - Eve Connolly (Barbara အဖြစ်) - Calum Worthy (Joshua အဖြစ်) - John Lynch (Hudson အဖြစ်) - K. Callan (Ms. Engel အဖြစ်) - Ron Cook (အော်စကာအဖြစ်) ဇာတ်လမ်းအကျဉ်း +++++++++++++ မိခင်ကိုဆုံးရှုံးထားရတဲ့ အပ်ချုပ်သမတစ်ဦးဖြစ်သူ ဘာဘရာ (Barbara) ဟာ အထီးကျန်ဆန်ပြီး ငွေမရှိတာကြောင့် ဘဝကို စုတ်ဖြဲခံထားရတဲ့အဝတ်စတစ်ခုလို ဖြတ်သန်း နေရသူတစ်ယောက်ပါ။ တစ်ရက်မှာတော့ ငွေရချင်ဇောနဲ့ ရာဇဝတ်မှုတစ်ခုမှာ မတော်တဆပါဝင်ပတ်သက်မိရာက 1. ပြီးပြည့်စုံတဲ့ ပြစ်မှုကိုကျူးလွန်မလား 2. ရဲကိုအကြောင်းကြားမလား 3. ဒီတိုင်းပဲ ကားမောင်းထွက်သွားမလားဆိုတဲ့ ရွေးချယ်စရာ ၃ ခုရှိလာပါတယ်။ ထူးခြားချက်ကတော့ ဘယ်လမ်းကိုရွေးရွေး အပ်ချည်မျှင်တွေသုံးပြီး အသက်ဘေးကလွတ်အောင် ကြိုးစားရမှာလည်း ဖြစ်ပါတယ်. ဘယ်လမ်းဟာ သူမအတွက် အသက်ရှင်သန်နိုင်မဲ့ အကောင်းဆုံးရွေးချယ်မှု ဖြစ်မလဲဆိုတာကိုတော့ ဇာတ်လမ်းထဲမှာ ဆက်လက်ရှုစားပေးကြပါဦးနော်။ File Size… (1.27 GB) / ( 770 MB) Quality… WEB-DL 1080p HEVC /720p Format…mkv / mp4 Duration….1h 40m Genre …..Comedy , Thriller Subtitle….Myanmar Subtitle (Hard Sub) Encoder….Min Wai Translated by Vic

လန်ဒန်မြိုက အထင်ကရသတင်းစာတိုက်ကြီးမှာ ပြဇာတ်ဝေဖန်ရေးမှူး အနေနဲ့ သုံးသပ်ချက်တွေရေးရတဲ့ ဂျင်မီ အက်စကင် ဒီလူက သူ့ရဲ့စံချိန် စံနှုန်းတွေနဲ့ မကိုက်ညီဘူးလိုယူဆတဲ့ ပြဇာတ်တွေ၊ သရုပ်ဆောင်တွေကိုဆို ပိုးစိုးပက်စက် ဝေဖန်ရေးသားတတ်တာကြောင့် လူသိများပါတယ်။ အဖေဖြစ်သူ ဆုံးပါးသွားလို သတင်းစာတိုက်ပိုင်ရှင်ဖြစ်လာတဲ့ ဒေးဗစ်ဘရွတ်ခ်က သူ့ကို ပျစ်ပျစ်နှစ်နှစ်ရေးသားတာတွေ လျှော့ဖိုပြောပေမဲ့လည်း အချည်းနှီးပါပဲ... သတင်းစာတိုက်ပိုင်ရှင် ပြောင်းသွားတာနဲ့အမျှ ပြောင်းလဲလာတဲ့ စည်းမျဉ်းစည်းကမ်းတွေကို ဘဝင်မကျဖြစ်နေတဲ့ ဂျင်မီ အက်စကင် တစ်ယောက် တစ်နေ့တော့ သူ့ရဲ့အတွင်းရေးမှူးတစ်ဖြစ်လဲ ချစ်သူလိုပါ ပြောရမယ့် တွမ် တန်နာနဲ့အတူ လိင်တူနှစ်သက်မှုနဲ့ ဖမ်းဆီးခံရပါ တော့တယ်။ နဂိုကတည်းက သတင်းစာတိုက်နာမည်ပျက်မှာကို မလိုလားတဲ့ ဒေးဗစ်ဘရွတ်ခ်က ရဲဖမ်းခံရတဲ့ ဂျင်မီကို အလုပ်နားခိုင်းလိုက်တဲ့အခါ... ဒါကိုမကျေနပ်တဲ့ ဂျင်မီတစ်ယောက် ဘယ်သူတွေကိုအသုံးချပြီး ဒေးဗစ်ဘရွတ်ခ်ကို လက်တုံပြန်ဖိုကြိုးစားမလဲ...... ဒီကြိုးစားမှုကနေ ဘယ်သူတွေနစ်နာပြီး ဘယ်လိုအကျိုးဆက်တွေ ဖြစ်ပေါ်လာမလဲဆိုတာကို The Critic ရုပ်ရှင်ကားမှာ ကြည့်ရှုရမှာ ဖြစ်ပါတယ်....... File size… (1.06GB ) / (620MB) Quality…WEB-DL 1080p HEVC / 720p Format…mkv / mp4 Duration….1h 41m Genre …..Crime , Drama , Mystery , Thriller Subtitle….Myanmar Subtitle (Hard Sub) Encoder….Min Wai Translated by Chothet_mlmt

IMDb Rating - 6.7/10 2021 ပြီးဆုံးခါနီးမှာ အားလုံးပဲမျှော်လင့်ခဲ့ကြတဲ့ King's Man ရုပ်ရှင်ကတော့ ထွက်ရှိလို့လာခဲ့ပါပြီ။ ထုံးစံအတိုင်းပဲ ကင်းစ်မန်းရုပ်ရှင်တွေကတော့ ကျွန်တော်တို့ကို စိတ်မပျက်စေရပါဘူး။ ဒီရုပ်ရှင်လည်းအတော်ကြီးကို ကောင်းပါတယ်။ အရင် ကင်းစ်မန်းနှစ်ကားရဲ့ အဆက်မဟုတ် ပါဘူး။ ကင်းစ်မန်းအဖွဲ့ဖြစ်ပေါ်လာပုံ ဇစ်မြစ်ကိုပြတဲ့ဇာတ်ကားပါ။ ပထမကမ္ဘာစစ် အင်္ဂလန် ရုရှား ဂျာမနီ အမေရိကန် စစ်ပွဲသမိုင်းကို အခြေခံပြီး ကင်းစ်မန်းတွေရဲ့ စစ်ဆင်ရေးကို ပြသထားတာပါပဲ။ အားရပါးရကို ကြည့်လို့ကောင်းပါတယ်။ ခံစားကြည့်လိုက်ပါဦး။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်။) File Size - (3.94 GB) / (1.59 GB) / (814 MB) / (531 MB) Quality – WebRip - (4K HEVC) / (1080p) / (720p) / (480p) Duration - 2hr 11min Subtitle – Myanmar Hardsub Format – MP4 Genre : Action, Adventure, Thriller Translator – Mr.Anderson Encoder – Mr.Anderson / San Win Maung / Nyein Saeya Aung

သရော်ထားတဲ့ရုပ်ရှင်များထဲမှာ အရယ်ရဆုံး အကောင်းဆုံးလို့ရှာရင် Hot Fuzz ဆိုတဲ့ရုပ်ရှင်ကားက ထိပ်ဆုံးကပါတတ်ပါတယ်။ သရော်ထားချက်တွေရော သရုပ်ဆောင်တွေရော အက်ရှင်တွေရော ကြည့်လို့အင်မတန်ကောင်းတဲ့ရုပ်ရှင်ပါ။ ဇာတ်လမ်းကတော့.... ထူးချွန်လွန်းတဲ့ရဲတစ်ယောက်ဖြစ်တဲ့ Nicholas Angel ဟာ ဥပဒေကလွဲရင် ဘယ်သူ့ကိုမှ ဂရုမစိုက်တဲ့ စာအုပ်ကြီးသမားအဖြစ် လန်ဒန်ရဲတပ်ဖွဲ့မှာ အသက်ဘေးအန္တရာယ်တွေလဲ မမှုဘဲ ရဲလုပ်ငန်းတာဝန်တွေကို ရွပ်ရွပ်ချွံချွံထမ်းဆောင်နေသူပါ။ ဒီလိုထူးချွန်လွန်းလို့ ဆုတံဆိပ်ပေါင်းများစွာ အကြိမ်တိုင်းရရှိနေသူဖြစ်ပါတယ်။ ဒါပေမယ့် ရဲဌာနတစ်ခုလုံးက လုပ်ဖော်ကိုင်ဖက်တွေကတော့ သူ့ကိုမမြင်ချင်တော့ပါဘူးတဲ့... ဘာလို့လဲဆိုတော့ သူတစ်ယောက်ပဲ ထူးချွန်လွန်းနေပြီး ကျန်တဲ့ရဲတွေ အသုံးမကျသလိုခံစားလာရလို့ပါတဲ့....LoL... ဒါကြောင့်သူ့ကို ရာထူးအတင်းတိုးပေးပြီး သူ မပြောင်းရွှေ့ချင်တဲ့နယ်ဖက်ကိုပို့လိုက်ပါတယ်... သူက မပြောင်းရွှေ့ချင်ကြောင်း ရဲချုပ်ဆီ စောဒကတက်တဲ့အခါမှာတော့ သူရှိနေရင် ရဲချုပ်ကိုယ်တိုင်အသုံးမကျသလိုခံစားနေရလို့ တမင်ကိုပို့ခံရမှန်းသိလိုက်ရပါတော့တယ်.... ဒါနဲ့ပဲ ထူးချွန်လွန်းတဲ့ဝန်ထမ်းတို့ ထုံးစံအတိုင်း ချောင်ခြိုချောင်ကြား နယ်မြို့လေးတစ်ခုကို ပြောင်းရွှေ့သွားရပါတော့တယ်။ နယ်မြို့လေးဟာလဲ ထူးဆန်းစွာပဲ ဆယ်နှစ်နေလို့ အမှုတစ်ခုတောင်မရှိပါဘူးတဲ့။ ကောင်းသတင်းတွေမွှေးပြီး အေးချမ်းလွန်းတဲ့ မြို့ကလေးလို့ အများသူငှာက အားကျနေရပေမယ့် တကယ့်တကယ် အတွင်းထဲမှာ ကျက်သရေမင်္ဂလာအဖြာဖြာ ယုတ်လျော့နေတာကို ကိုထူးချွန်တစ်ယောက် သိသွားတဲ့အခါမှာတော့..... တစ်မြို့လုံးနဲ့ တစ်ယောက် ဘယ်လိုတွေ ချကြမလဲဆိုတာ.........။ လူ့သဘောတွေကို သရော်ထားတဲ့ ဒီဇာတ်ကားလေးဟာ Rating တွေလဲမြင့်မားပြီး IMDb (7.9) ...Rotten Tomatoes (91%) ထိ ရရှိထားပါတယ်။ လုံးဝလက်လွတ်မခံသင့်တဲ့ဇာတ်ကားလေးပါ။ ဒီရုပ်ရှင်ကားက ဒါရိုက်တာ Edgar Wright ရိုက်ကူးပြီး မင်းသား Simon Pegg ပါဝင်တဲ့ Three Flavours Cornetto Trilogy အဖြစ်လူသိများတဲ့ ၃ ကားထဲက တစ်ကားဖြစ်ပါတယ်။Cornetto Trilogy ဆိုတာ Shaun of The Dead (2004), Hot Fuzz (2007) နဲ့ The World’s End (2013) ဇာတ်ကားတွေပဲဖြစ်ပါတယ်။Trilogy ဆိုပေမယ့်တစ်ကားနဲ့တစ်ကားဆက်စပ်မှုတော့မရှိဘဲ သရော်ထားတဲ့ရုပ်ရှင်အမျိုးအစားအဖြစ်သာ တူညီမှုရှိပါတယ်။ File size…(5.6 GB)/(2.2 GB )/(1.2 GB) Quality….BluRay 4K HEVC/ 1080p / 720p Format…mkv/mp4 Duration….02:01:00 Subtitle….Myanmar Subtitle (Hardsub) Encoder….Ka Naung Translated by မိုးသောက်

IMDb Rating - 6.4/10 Land Of The Blind.2006 ဇာတ်ကားu နိုင်ငံရေး Drama ဇာတ်ကားပါ။ စာရေးဆရာက နိုင်ငံရေးအတွေအခေါ်ပေါ်အခြေပြုပြီးတော့ ဇာတ်လမ်းကို ဆင်ထားပါတယ်။ ကြည့်ရှုသူပရိတ်သတ်အနေနဲ့တော့ ဒါရိုက်တာတင်ပြထား တဲ့ရှုထောင့်ကပဲ တစ်သပ်မတ်တည်း ကြည့်ရှုခံစားပေးရမယ်လို့ မရှိဘဲ ဖြစ်နိုင် ခြေတွေကို ဒီဇာတ်လမ်းနှင့်အတူ ဝေဖန်သုံးသပ်ကြရမှာပါ။ ပဒေသရာဇ်အစဥ်အလာတွေကို မင်းမဲ့ဝါဒရောနှောထားတဲ့ သမ္မတဂိုဏ်သား တွေက ဖြုတ်ချပယ်ဖျက်ပြီးနောက်မှာ သမ္မတဂိုဏ်းသားတွေကလည်း သူ့တို့ ဟစ်ကြွေးခဲ့တဲ့မူတွေအတိုင်း မနေနိုင်ကြတာကြောင့် သူတို့အရေးတော်ပုံမ အောင်မြင်တဲ့အကြောင်း တင်ဆက်ထားတာပါ။ ဒါပေမယ့် ဒီနေရာမှာ စဥ်းစား စရာတွေက သမ္မတဂိုဏ်းသားတွေ လုပ်ခဲ့တဲ့လုပ်ရပ်တွေနဲ့ နည်းနာတွေက တကယ် ပဲ သူတို့ဟစ်ကြွေးထားတဲ့အတိုင်းပဲ ဖြစ်နေသလား။ ဒါရိုက်တာရဲ့တင်ဆက်မှုမှာ ဘာတွေထပ်ပြီး သုံးသပ်လို့ရမလဲဆိုတာကိုတော့ ပရိတ်သတ်က ကြည့်ရှုရင်း ဆုံးဖြတ်ပေးရမှာပါ။ Best Narrative Features အပိုင်းမှာ ဆုအတွက် တင်သွင်း ခံရပြီးတော့ IMDb rating 6.4 ရရှိထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(1.77 GB) / (573 MB) Quality............WEB-DL 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Drama, Thriller Translator.......Thy Santa Encoder..........SWM

“Thunderbirds (2004)” အနာဂါတ်မှာ ကမ္ဘာကြီးကို International Rescue လို့ခေါ်တဲ့ အဖွဲ့ဟာ Thunderbirds လို့ခေါ်တဲ့ ယာဥ်တွေကို စီးနင်းပြီး ကာကွယ် စောင့်ရှောက် လျက်ရှိပါတယ်။ ဘာပြဿနာပဲဖြစ်ဖြစ် International Rescue ဟာထိပ်ဆုံးကနေ ဖြေရှင်းပေးနေကျပါ။ International rescue အဖွဲ့က ထင်သလို JusticeLeague တို့ Avengers တို့လို လူကြီး Super Heroes တွေ မဟုတ်ပဲနဲ့ Tracy  မိသားစု‌လေးပဲဖြစ်ပါတယ်။ တနေ့ သူတို့ဟာ လူဆိုးအဖွဲ့ကြီး တခုနဲ့ ရင်ဆိုင်ရတဲ့အချိန် တမိသားစုလုံး အဖမ်းခံလိုက်ရတဲ့ အခါမှာ အခြားသူတွေနဲ့ ယှဥ်ရင် နောက်ကောက်ကျနေတဲ့ သားအငယ်ဆုံးဖြစ်သူAllan Tracy နဲ့ သူ့သူငယ်ချင်းများက ဦးဆောင် ဖြေရှင်းဖို့ ဖြစ်လာတဲ့အခါမှာတော့ ဘယ်လိုတွေဖြစ်လာမလဲဆိုတာကို စိတ်လှုပ်ရှားဖွယ် ကြည့်ရှု ရမှာပဲ ဖြစ်ပါတယ်။ ဇာတ်လမ်းလေးကFamily Genre ဖြစ်တာကြောင့် မိသားစုနဲ့ ပျော်ပျော်ပါးပါး ကြည့်ဖို့ အရမ်းကောင်းတယ်လို့ပဲ ညွှန်းပါရစေခင်ဗျာ။ File size…    2.5 GB /  1.1 GB Quality… BluRay 1080p / 720p Format… mp4 Duration…. 1h 35m Genre ..... Comedy/Action Subtitle…. Myanmar Subtitle (Hard Sub) Encoder…. Thit San Khant Translated by DrZac

အလယ်ခေတ် ၁၆ ရာစု ဝန်းကျင်မှာ ဥရောပဒေသတစ်လျှောက် ဖြန့်ကျက်နေထိုင်တဲ့ ဂျူးတွေက ဘာသာရေးအရ ခွဲခြားဖိနှိပ်ခြင်းကို ခံရပါတယ်။ ဖွံ့ဖြိုးလွတ်လပ်လှပါချည်ရဲ့ဆိုတဲ့ ဗင်းနစ်မြို့မှာတောင် ဂျူးဘာသာဝင်တွေက ခရစ်ယာန်ဘာသာဝင်တွေနဲ့ တန်းတူအခွင့်အရေး မရကြပါဘူး။ ဗင်းနစ်ရဲ့ 'ဂက်တို' လို့ခေါ်တဲ့ ရှေးဟောင်းဒေသတစ်ခုမှာပဲ ဂျူးလူမျိုးတွေကို စုစည်းနေထိုင်ခိုင်းပြီး ညနေ နေဝင်တာနဲ့ အဲဒီဒေသရဲ့ ဂိတ်တံခါးကို ခရစ်ယာန်တပ်တွေနဲ့ ပတ်လည်ဝိုင်း ပိတ်ချပါတယ်။ နေ့ဘက်ဆိုရင် ဂက်တိုဒေသကနေ ထွက်ခွာတဲ့ ဘယ်ဂျူးမဆို ဂိတ်ရိုးကို ကျော်တာနဲ့ အနီရောင်ဦးထုပ်ကို ဝတ်ဆင်ရပါတယ်။ ခရစ်ယာန်တွေနဲ့ မရောသွားအောင်ပေါ့။ အဲဒီနည်းနဲ့ ဗင်းနစ်ရဲ့ ဥပဒေထဲမှာ ဂျူးတွေကို တရားဝင်ခွဲခြားထားတာပါ။ နောက်ပြီး ဘယ်ဂျူးမဆို စည်းစိမ်ဥစ္စာ ပိုင်ဆိုင်ခွင့် မရှိပါဘူး။ ဒီတော့ ဗင်းနစ်မြို့မှာ နေတဲ့ ဂျူးဘာသာဝင်တွေက ဘာစီးပွားမှ လုပ်မရမဲ့ တူတူဆိုပြီး ရှိတဲ့ငွေကို အတိုးချေးစားကြပါတယ်။ အဲဒီငွေတိုးချေးစားတာကိုလဲ ခရစ်ယာန်ဘာသာမှာ တားမြစ်ပညတ်ထားပြန်တယ်။ ဗင်းနစ်မြို့က ကုန်သည် - The Merchant of the Venice ရုပ်ရှင်က နာမည်ကျော် ဝီလျံရှိတ်ခ်စပီးယားရဲ့ ပြဇာတ်ကို ပြန်လည်ရိုက်ကူးထားတဲ့ ၂၀၀၄ ခုနှစ်က ရုပ်ရှင်ပါ။ အလယ်ခေတ် ၁၆ ရာစုဝန်းကျင်က ဗင်းနစ်မြို့ကို အခြေတည်ပြီး ရိုက်ကူးထားပါတယ်။ ဇာတ်လမ်းအကျဉ်းက အန်တိုနီယိုလို့ခေါ်တဲ့ ဗင်းနစ်က နာမည်ကြီး ကုန်သည်တစ်ဦးက သူ့မိတ်ဆွေ ဘာဆန်နီယို အကူအညီတောင်းလို့ ရှိုင်းလော့ခ်လို့ ခေါ်တဲ့ ဂျူးလူမျိုးသူကြွယ်ဆီမှာ ငွေချေးပါတယ်။ ဘာဆန်နီယိုက ပေါ်တီယာလို့ခေါ်တဲ့ မိန်းမလှလေးတစ်ဦးကို တင်တောင်းသွားချင်တာမို့ အဲဒီငွေကို လိုတာပါ။ ဂျူးကြီးကလဲ ငွေကို အတိုးမယူဘဲ ချေးလိုက်ပါတယ်။ ဒါပေမဲ့ အပြန်အလှန်အနေနဲ့ အဲဒီငွေကို အချိန်မီ မဆပ်နိုင်ခဲ့ရင် အန်တိုနီယို့အသားတစ်ပေါင်ကို လှီးယူမယ်လို့ ကတိကဝတ်တောင်းလိုက်တာပါ။ ဒါပေမဲ့ အန်တိုနီယိုက ပြန်မဆပ်နိုင်ခဲ့ပါဘူး။ ဘာသာရေး၊ လူမျိုးရေး ခွဲခြားမှုတွေကို ကာလအဆက်ဆက် ခံလာရတဲ့ ဂျူးကြီးရဲ့ လက်စားချေချင်ဇော အဟုန်တွေက ဘယ်လောက်ပြင်းလဲ၊ ချေးထားတဲ့ ငွေကို အန်တိုနီယို တစ်ယောက် ပြန်မဆပ်နိုင်တော့တဲ့ အခါ ဘာဆက်ဖြစ်မလဲ၊ ဘာဆန်နီယိုနဲ့ ပေါ်တီယာတို့ ကြားက အချစ်ကကြိုးကရော ဘယ်လိုနှစ်ပါးသွားမလဲနဲ့ ဗင်းနစ်မြို့ရဲ့ ဥပဒေက ဂျူးတွေကို ဘယ်လိုဘယ်ပုံနဲ့ ခွဲခြားထားလဲ . . . စတာတွေကို ဥရောပအလယ်ခေတ်ရဲ့ ပြယုဂ်ကို အမိဖမ်းရင်း တစ်စိမ့်စိမ့်နဲ့ အရသာခံကြည့်ရှုနိုင်မဲ့ ဇာတ်ကားကောင်း တစ်ကားဖြစ်ပါတယ်။ အဓိက ဇာတ်လိုက်ဖြစ်တဲ့ ဂျူးကြီး ရှိုင်းလော့ခ်ကိုတော့ The Godfather ရုပ်ရှင်တွေထဲ မိုက်ကယ်ကော်လီယွန်အဖြစ် မြင်တွေ့နေကျဖြစ်တဲ့ ဂန္ထဝင်မင်းသားကြီး Al Pacino က ပါဝင်သရုပ်ဆောင်ထားပါတယ်။ အန်တိုနီယိုနေရာမှာတော့ Kingdom of Heaven နဲ့ The Man in the Iron Mask တို့မှာ ပါဝင်ခဲ့တဲ့ Jeremy Irons က အားဖြည့်ပေးထားသလို အချစ်သူရဲကောင်း ဘာဆန်နီယိုဇာတ်ကောင်ကိုတော့ Enemy at the Gate က Joseph Fiennes က ယူထားပါတယ်။ အသက်ရှူမှားအောင်ကို လှပြီး တစ်ကားလုံး မျက်တောင်မခတ်တမ်း ငမ်းရမဲ့ ရှုမငြီး အလှပဂေးလေး ပေါ်တီယာနေရာမှာတော့ X-Men, John Carter နဲ့ Walking Dead တို့မှာ ပါဝင်ဖူးတဲ့ မင်းသမီးချောလေး Lynn Collins ကို တွေ့ရပါလိမ့်မယ်။ File size…(2 GB)/(1 GB) Quality….Webrip 1080p / 720p Format…mp4 Duration….02:12:00 Genre... Drama, Romance  Subtitle….Myanmar Subtitle (Hardsub) Encoder….Mr. Anderson Translated by Zwe Thukha Min

မင်းသမီး Kate Winslet , Amelia Warner တို့နဲ့ မင်းသားကြီး Geoffrey Rush , Joaquin Phoenix , Michael Caine တို့ပါဝင်ထားတဲ့ ဇာတ်ကားတစ်ကားနဲ့ မိတ်ဆက်ပေးချင်ပါတယ်။ Quills ( က​လောင်​တံများ) IMDB - 7.3 ခရမ်​းချဉ်​သီး - ၇၅ လုံး ဒီပုံပြင်​မှာ ဘယ်​သူက မတရားတာလဲ။ * တစ်​စက်​မှ အဓိပ္ပါယ်​မရှိတဲ့ ဘဝကြီးမှာ သူခံစားရသလို ​ရေးချပြီး သူ​သေပြီးတဲ့​နောက်​ တစ်​စုံတစ်​ရာ ချန်​ခဲ့ချင်​တဲ့ စာ​ရေးဆရာ အရူးတစ်​​ယောက်​....။ * ​မေတ္တာတရား ခွင်​့လွှတ်​ခြင်​းကို အ​လေးထားတဲ့ ခရစ်​ယာန်​ ဘုန်​း​တော်​ကြီး တစ်​​ယောက်​....။ * အရူး​တွေကို သူ့နည်​းသူ့ဟန်​နဲ့ နှိပ်​စက်​ပြီး ကုသတတ်​တဲ့ ​ဒေါက်​တာ တစ်​​ယောက်​..။ ကျွန်​​တော်တို​့ ကြားဖူးတဲ့ စကားလိုပါပဲ လှံသွား ဓားသွား မြှားသွားထက်​ က​လောင်​သွားထက်​တယ်​တဲ့..။ လိင်​မှု ကိစ္စ​တွေကို အပွင့်​လင်​းဆုံး ​ရေးထားပြီး ဂုဏ်​သိက္ခာ​တွေ စည်​း​တွေ မပါပဲ လူ့​လောကကြီးကို အရိုးသားဆုံး အမြင်​နဲ့ ​ရေးသားခဲ့တဲ့ စာ​ရေးဆရာတစ်​​ယောက်​ရဲ့ ​ရေးသားမှု​တွေဟာ တစ်​ချို့လူ​တွေရဲ့ ဆုံးဖြတ်​ချက်​​တွေကို သက်​​ရောက်​​စေခဲ့ပါတယ်​။ ဒါ့အပြင်​ အဲ့​ခေတ်​အဲ့ဒီအခါအ​နေနဲ့ ညစ်​ညမ်​းလွန်​း​နေပြန်​ပါတယ်​။ ဒီ​တော့ သူ့ကို နည်​းမျိူးစုံနဲ့ စာမ​ရေး​အောင်​ ထိန်​းသိမ်​းရပါတယ်​။ စာ​ရေးဆရာတစ်​​ယောက်​ရဲ့ စာ​ရေးချင်​စိတ်​ ပန်​းချီဆရာတစ်​​ယောက်​ရဲ့ ပန်​းချီဆွဲချင်​စိတ်​ ဒါ​တွေကို ဘယ်​တံတိုင်​း​တွေကမှ တားဆီးမရပါဘူး။ ဒီ​တော့ သူ ရ​အောင်​ ​ရေးပြီး နည်​းမျိုးစုံနဲ့ အပြင်​ထုတ်​ခဲ့ပါတယ်​။ သူဟာ လူ​ကောင်​းတစ်​​ယောက်​ မဟုတ်​ခဲ့ပါဘူး ကိုယ်​့ကိုယ်​ထဲက ​သွေးနဲ့ပါ​ရေးခဲ့တဲ့သူ့အနုပညာ ဘဝကိုဒီမှော်ရုံတောထဲ နှစ်မြှပ်ထားတဲ့ အနုပညာသမားစစ်​စစ်​ဆိုတာ က​တော့မမှားပါဘူး။ ဒီဇာတ်​လမ်​းမှာ သူဟာ စိတ်​ကျန်​းမာ​ရေး ​ဆေးရုံက အရူးပါ။ ကျွန်​​တော်​့အမြင်​မှာ​တော့ သူ မရူးခဲ့ပါဘူး။ ​လောကကြီးမှာ အ​ကောင်​း​ရော အဆိုး​ရော ရှိပါတယ်​။ အ​ကောင်​းမြင်​တက်​တဲ့လူက ​ကောင်​းတယ်​ ထင်​ပြီး အဆိုးမြင်​တက်​တဲ့ လူက ဆိုးရွားတယ်​ ထင်​ပါမယ်​။ ဒီပုံပြင်​မှာ​ရော ခင်​ဗျားတို့က ဘယ်​သူ့ကို ဆိုးတယ်​ထင်​ပြီး ဘယ်​သူ့ကို ​ကောင်​းတယ်​ ထင်​ကြမှာပါလဲ...။ ဒီပုံပြင်​ဟာ က​လောင်​တံကို မှင်​အိုးထဲ အဆုံးထိနှစ်​ပြီး မသာယာတဲ့ ​လောကကြီးမှာ လွတ်​လပ်​မှုကို ရှာ​ဖွေခဲ့တဲ့ လူတစ်​​ယောက်​အ​ကြောင်​းပါ။ သရုပ်​​ဆောင်​​တွေ...ဇာတ်​အိိမ်​​တွေ.. စကားလုံး​တွေ....အကုန်​လှပတဲ့ ဇာတ်​လမ်​းတစ်​ပုဒ်​ပါ။ ဒီ​တော့ စာမျက်​နှာ​လေးကို စလှန်​ကြည်​့လိုက်​ကြပါ။ R-Rated ဖြစ်လို့ တချို့အခန်းတွေကတော့ မိသားစုနဲ့မကြည့်သင့်ပါ။ (ရုပ်ရှင်အညွှန်းနဲ့ ဘာသာပြန်တင်ဆက်ထားသူကတော့ WiRa Aung ပါ။) File size…(999 MB) and (500 MB) Quality…WEB-DL Rip 720p Format…mp4 Duration….02:04:00 Subtitle….Myanmar Subtitle (Hardsub) Encoder….Nyeinsaeya Aung Translated by WiRa Aung

Disney ကနေ Emma Stone ပါ၀င် သရုပ်ဆောင်ထားတဲ့ Cruella ဇာတ်လမ်းလည်း ထွက်လာတော့မှာဆိုတော့ အရင်တုန်းက Cruella de Vil အကြောင်းတွေထဲက တစ်ပုဒ်ဖြစ်တဲ့ 102 Dalmatians လေးကိုလည်း ပြန်ကြည့်ပြီး အတိတ်ကို ပြန်သွားကြရအောင်ပါ CM ပရိသတ်ကြီးရေ သိပြီးသားသူတွေအတွက်ရော မသိသေးသူတွေအတွက်ပါ မိတ်ဆက်ပေးရမယ်ဆိုရင်တော့ Cruella de Vil ဆိုတာ ချစ်စရာခွေးလေးတွေကိုမှ လိုက်ပြီး အန္တရာယ်ပေးတတ် ဒုက္ခပေးတတ်တဲ့ ဗီလိန်မကြီးပါပဲ ဘာသာပြန်သူအနေနဲ့ကလည်း ခွေးချစ်တတ်သူဆိုတော့ Cruella ဟာ ဘာသာပြန်သူရဲ့ အမုန်းဆုံး Disney villain ပါပဲ နာမည်ကိုက Cruel (ရက်စက်ကြမ်းကြုတ်သော) ဆိုတဲ့ စကားလုံးကနေ ဖြစ်တည်နေတာသာ ကြည့်ပါတော့ ဒီ 102 Dalmatians ကားလေးကတော့ 101 Dalmatians ရဲ့ sequel အဖြစ် 2000 ခုနှစ်မှာ ထပ်မံထွက်ရှိလာတဲ့ကားလေးပါ 101 Dalmatians မှာ ခွေးလေးတွေကို ဒုက္ခပေးမိလို့ Cruella တစ်ယောက် ထောင်ကျသွားအပြီး နောက်ပိုင်းကို ဆက်လက်ရိုက်ကူးထားတာပါ ထူးဆန်းတာက 102 Dalmatians ရောက်တဲ့အခါ Cruella တစ်ယောက် ထောင်ကနေ ခံ၀န်ချုပ်နဲ့ လွတ်လာပြီး ခွေးချစ်သူပါ ဖြစ်သွားရုံမက ခွေးဂေဟာတစ်ခုကိုပါ ၀ယ်ပြီး ခွေးသခင်ဖြစ်သွားတော့တာပဲ သူ့ကိုယ်သူတောင် Cruella မဟုတ် Ella လို့ပြောင်းခေါ်စေလောက်အောင် အင်မတန် နူးညံ့သူကြီး ဖြစ်သွားပါတော့တယ် ဒါပေမယ့် ဒီအဖြစ်က ကြာရှည်ခံပါ့မလား Cruella is always cruel ဆိုတဲ့အတိုင်း သူ့ရဲ့ ပြောင်းလဲမှုဟာ စိတ်ချယုံကြည်ရပါ့မလား IMDb rating နည်းပေမယ့်လည်း သူ့ခေတ်သူ့အခါနဲ့ ယှဉ်ရင် Disney ရဲ့ ဇာတ်လမ်းကောင်းတစ်ပုဒ်လို့ ပြောလို့ရပါတယ်။ ခွေးချစ်တတ်သူတွေအတွက်လည်း အပန်းဖြေကြည့်သင့်တဲ့ ဇာတ်ကားလေးတစ်ကားဖြစ်ပါတယ် File size…(1.5 GB) and (1 Gb) Quality….BluRay 1080p and 720p Format…mp4 Duration….01:43:00 Subtitle….Myanmar Subtitle (Hardsub) Encoder….Mr.Anderson Translated by Yoon Sandi Aung

Secrets & Lies (1996) IMDb Rating (8.0) / Rotten Tomatoes (95%) ဒါရိုက်တာ Mike Leigh ရဲ့ အကောင်းဆုံး လက်ရာမွန်ဖြစ်သလို ၁၉၉၆ ခုနှစ် ကိန်းစ်ရုပ်ရှင်ပွဲတော်မှာ အမြင့်ဆုံးဆုဖြစ်တဲ့ Palme d'Or ကို ဆွတ်ခူးခဲ့တဲ့ ဇာတ်ကားဖြစ်ပါတယ်။ Family Drama ကောင်းကောင်းတွေကို နှစ်သက်သူတွေအတွက် "Must-Watch" စာရင်းထဲမှာ ပါဝင်တဲ့ ဂန္ထဝင်လက်ရာတစ်ခုပါ။ လန်ဒန်မြို့မှာ နေထိုင်တဲ့ Hortense ဆိုတဲ့ လူမည်းအမျိုးသမီး ရှေ့နေလေးဟာ သူမရဲ့ မွေးမိခင်အရင်းကို ရှာဖွေဖို့ ဆုံးဖြတ်လိုက်ပါတယ်။ သူမ ရှာဖွေတွေ့ရှိသွားတဲ့ အမှန်တရားကတော့ သူမရဲ့ မိခင်အရင်းဟာ ဆင်းရဲနွမ်းပါးပြီး ဘဝကို ရုန်းကန်နေရတဲ့ လူဖြူအမျိုးသမီး Cynthia ဖြစ်နေတာပါပဲ။ Hortense က Cynthia ဆီကို ရုတ်တရက်ရောက်ရှိလာတဲ့အခါမှာတော့ Cynthia ရဲ့ မိသားစုဝင်တွေကြားမှာ နှစ်ပေါင်းများစွာ ဖုံးကွယ်ထားခဲ့တဲ့ လျှို့ဝှက်ချက်တွေ၊ နာကျည်းမှုတွေနဲ့ အထင်လွဲစရာတွေတွေဟာ တစ်ခုပြီးတစ်ခု ပေါ်ပေါက်လာပါတော့တယ်။ မိသားစု စားပွဲဝိုင်းတစ်ခုမှာ အားလုံးရဲ့ လျှို့ဝှက်ချက်တွေ ပေါက်ကွဲထွက်လာတဲ့ အခန်းဟာ ရုပ်ရှင်သမိုင်းမှာ အကောင်းဆုံး အခန်းတွေထဲက တစ်ခုအဖြစ် သတ်မှတ်ခံထားရပါတဲ့ ဒရမ်မာစစ်စစ် ရုပ်ရှင်ကားကောင်းတစ်ခုဖြစ်ပါတယ်။ File size… (3.7 GB) / (1.4 GB) Quality…. Blu-Ray 1080p HEVC / 720p Format…. mkv/mp4 Genre…. Drama Duration…. 02:22:47 Subtitle…. Myanmar Subtitle (Hardsub)