Sam Claflin ပါဝင်သော ဇာတ်ကားများ

Vanished (2026) Season 01 (စ/ဆုံး) ဇာတ်လမ်းတွဲလေးကတော့ ဒီနှစ်ထဲထွက်ထားတဲ့ Mystery Thriller အခွေတိုလေးပါပဲ။ စုစုပေါင်း ၄ ပိုင်းပဲ ပါလို့ အချိန်သိပ်မပေးရဘဲ ဇာတ်လမ်းအသွားအလာ မြန်မြန်ဆန်ဆန်နဲ့ ကြည့်လို့ကောင်းတဲ့ စီးရီးတစ်ခုလို့ ပြောလို့ရပါတယ်။ ဇာတ်လမ်းအကျဉ်း ဇာတ်လမ်းထဲမှာ မင်းသမီး Alice (Kaley Cuoco) နဲ့ သူ့ရည်းစား Tom (Sam Claflin) တို့က Paris ကို အချစ်ခရီးထွက်လာကြတာပါ။ အစပိုင်းမှာတော့ ဘာမှမဖြစ်ဘဲ ကြည်နူးစရာကောင်းနေပေမဲ့ ပြင်သစ်တောင်ဘက်ပိုင်းကို ရထားစီးပြီး ခရီးဆက်တဲ့အခါမှာတော့ ပြဿနာစတက်ပါလေရော။ ရထားပေါ်မှာတင် ရည်းစားဖြစ်သူ Tom က ရုတ်တရက်ကြီး ပျောက်သွားပါတယ်။ Alice ခင်မျာလည်း ဘာဖြစ်လို့ဖြစ်မှန်းမသိ၊ ဘာလုပ်ရမှန်းမသိနဲ့ ယောင်ချာချာဖြစ်ကျန်ခဲ့တာပေါ့။ ရဲတွေကလည်း ကူညီပေးဖို့ သိပ်စိတ်မပါကြတော့ Alice ကိုယ်တိုင်ပဲ လိုက်စုံစမ်းရတော့တယ်။ ဒီလိုနဲ့ လိုက်စုံစမ်းရင်းမှ သူ့ရည်းစား Tom က သာမန်လူမဟုတ်ဘဲ လျှို့ဝှက်ချက်တွေအများကြီးရှိနေတဲ့ လူတစ်ယောက်ဖြစ်နေမှန်း သိလာရတယ်။ Alice တစ်ယောက် အမှန်တရားကို ရှာဖွေရင်းနဲ့ အန္တရာယ်တွေကြားထဲ ဘယ်လိုရောက်သွားမလဲ၊ Tom ကရော ဘယ်သူလဲ၊ တကယ်ပဲ ပျောက်သွားတာလား၊ လုပ်ကြံခံရတာလား ဆိုတာတွေကို ရင်တထိတ်ထိတ်နဲ့ ကြည့်ရမယ့် ကားလေးဖြစ်ပါတယ်။ Big Bang Theory ထဲက မင်းသမီး Kaley Cuoco နဲ့ Me Before You မင်းသား Sam Claflin တို့ ပါထားတော့ သရုပ်ဆောင်ပိုင်းကရှယ်ပဲ။ Plot Twist တွေလည်း ပါတာမို့လို့ သည်းထိတ်ရင်ဖို ကြိုက်တဲ့သူတွေအတွက် အဆင်ပြေမယ့် ကားကောင်းလေးပါပဲဗျာ။ File size… (3 GB) / (1.3 GB) / (550 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Thriller Duration…. 45min Subtitle…. Myanmar Subtitle (Hardsub)

Lazarus 2025 LAZARUS ဟာ စာရေးဆရာ Harlan Coben နဲ့ Danny Brocklehurst တို့ဖန်တီးထားတဲ့ စိတ်ပိုင်းဆိုင်ရာ နက်နဲမှုတွေကို အခြေခံရေးသားထားတဲ့ နာမည်တူဝတ္ထုကို ပြန်ရိုက်ထားတဲ့ စိတ်လှုပ်ရှားဖွယ် လျှို့ဝှက်သည်းဖိုမှုခင်းစီးရီး ဖြစ်ပါတယ်။ ဇာတ်လမ်းကတော့ စိတ်ဝေဒနာကုထုံးဆရာဝန်တစ်ယောက်ဖြစ်တဲ့ ဂျိုရယ်လာဇရုဟာ ဖခင်ဖြစ်သူ ဒေါက်တာ လာဇရု သေကြောင်းကြံစည်ပြီး ဆုံးသွားတာကြောင့် မိသားစုအိမ်ကိုပြန်လောက်လာရင်း မူမမှန်တာတွေကို သတိထားမိတာနဲ့ အစပြုထားပါတယ်။ ဂျိုရယ်ဟာ လွန်ခဲ့တဲ့ ၂၅ နှစ်က အမှုမှန် မပေါ် ခဲ့တဲ့ အစ်မဖြစ်သူ အသတ်ခံရမှုနဲ့ပတ်သက်ပြီး စိတ်ဖိစီးနေတဲ့သူတစ်ယောက်လည်းဖြစ်ပါတယ်။ တချိန်တည်းမှာပဲ ညတိုင်းလိုလို သူ့အဖေရဲ့ လူနာရှင်ဟောင်းတွေရဲ့ ဝိညာဥ်တွေ သူ့ကို လာလာစကားပြောတာ ကြုံနေရပါတယ်။ သူ့အဖေသေဆုံးမှုအကြောင်းစုံစမ်းနေတုန်း ဂျိုရယ် ဟာ မိသားစုအတွင်း လျှို့ဝှက်ချက်တွေ၊ အကြမ်းဖက်မှုနောက်ကအမှန်တရားတွေ၊ နှစ်ပေါင်းများစွာ လျှို့ဝှက်ထားတဲ့ အမှုအခင်းတွေကို တွေ့ရှိလာပြီး လွန်ခဲ့တဲ့အတိတ်ကသေဆုံးမှုတွေနဲ့ သူ့အဖေသေဆုံးမှုတွေက ဆက်စပ်နေတာကို သိလာပါတယ်။ ဂျိုရယ်တစ်ယောက် ဒီဆက်စပ်မှုတွေကို ဖောထုတ်ပြီး အဖြစ်မှန်ကို သိနိုင်ပါ့ မလား။ ဇာတ်လမ်းတစ်လျှောက်လုံးမှာ စိတ်ဖိစီးမှု၊ အပြစ်စိတ်၊ မိသားစုမှာရှိတဲ့ လျှို့ဝှက်ချက်တွေ၊ အတိတ်နဲ့ပတ်သက်တဲ့ စိတ်ဒဏ်ရာတွေကို စုံစမ်းလေ့လာသည့်ပုံစံနဲ့ ရိုက်ကူးထားပါတယ်။ Me Before You, Love,Rosie နဲ့ Hunger Games တို့လို့ နာမည်ကြီးရုပ်ရှင်တွေမှာ ပါဝင်ထားတဲ့ မင်းသား‌ချော Sam Claflin က ဂျိုရယ်လာဇရု အဖြစ် ၊ ဂန္တဝင်မင်းသားကြီးBill Nighy က ဖခင်ဖြစ်သူ ဒေါက်တာလာဇရုအဖြစ် အသီးသီး ပါဝင်ထားကြပါတယ်။ File Size – 600 MB / 300 MB (Appx;)@Episode Quality – 1080p / 720p WEB DL Duration –35minute (@Episode) Total Episodes:6Eps Subtitle – Myanmar Hardsub Format – Mp4 Genre : Mystery

The Count of Monte Cristo (2025) Season 01 (complete) IMDb Rating (7.8) ဒီတစ်ခုကတော့ ပြင်သစ်စာရေးဆရာကြီး အဲလက်ဇ်ဇန်ဒရာဒူးမတ်စ်ရဲ့ နာမည်ကျော်၀တ္ထု မွန်တီခရစ်စတိုမြို့စားကြီးကိုပဲ တစ်ဖန်ပြန်လည်အသက်သွင်းထားတဲ့ အင်္ဂလိပ်စကားပြော mini series လေးပါ။ ဇာတ်လမ်းအစပျိုးကတော့ ပြင်သစ်စစ်ဘုရင်ကြီးနပိုလီယန် အယ်ဗာကျွန်းကို နယ်နှင်ဒဏ်ပေးခံရချိန်ကာလမှာစတင်ထားပါတယ်။ နပိုလီယန်ရဲ့သူလျှိုဆိုတဲ့ နိုင်ငံတော်သစ္စာဖောက်မှုနဲ့ အက်ဒ်မွန်ဒန်တစ်စ်ဟာ ခုံရုံးမတက်ရ မစုံစမ်းမစစ်ဆေးရပါပဲ နာမည်ဆိုးနဲ့‌ကျော်ကြားတဲ့ချိတိုဒိစ်ကျွန်းမှာ နိုင်ငံရေးအကျဉ်းသားအဖြစ်နဲ့ အဖမ်းခံလိုက်ရပါတယ်။ အဲ့လိုဖမ်းခံလိုက်ရတာရဲ့နောက်ကွယ်မှာ လက်ဝါးချင်းရိုက်ထားတဲ့လူသုံးယောက်ရှိနေပြီး အဲ့ဒီသူ့အပေါ်မ‌လိုမုန်းထားစိတ်တွေကြောင့် အက်ဒ်မွန်ဟာ အိမ်၊မိဘ၊ချစ်ရသူ၊ဘ၀ အကုန်လုံးကိုဆုံးရှုံးလိုက်ရပါတော့တယ်။ သူကျွန်းကနေထွက်လာနိုင်ပြီးတဲ့အခါမှာတော့ သူ့အပေါ်မကောင်းကြံခဲ့တဲ့လူသုံးယောက်ကို လက်စားချေဖို့အကြံစတင်ပါတော့တယ်။ အပြင်လောကမှာ ဒီလိုမတရားမှုမျိုးက တရားမျှတမှုရဖို့မလွယ်ပါဘူး။ ဒါပေမယ့် အကယ်၍ဆိုတဲ့အခြေအနေမျိုးမှာ အက်ဒ်မွန်နဲ့အတူသူ့ရဲ့ကလဲ့စားခရီးမှာ လိုက်ပါခံစားကြည့်လိုက်ကြပါ။ ဘယ်ပြန်ရိုက်တာမျိုးကမှ ၀တ္ထုကိုမမှီဖူးပါဘူး။ ဒါပေမယ့် Adaptation တစ်ခုအနေနဲ့တော့ အချိန်ပေးဖို့တန်တာမို့ ကြည့်မိလို့နောင်တမရပါဘူးနော်။ Cast တွေအနေနဲ့လည်း The Hunger Games , Me before you တို့နဲ့နာမည်ကျော်ခဲ့တဲ့ Sam Claflin က အက်ဒ်မွန်ဒန်တစ်စ် အနေနဲ့ပါ၀င်ထားလို့ လက်မလွှတ်သင့်ပါဘူး။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(700 MB) / (350 MB) Quality….WEB-DL 1080p HEVC / 720p Format…. mkv/mp4 Genre….Action & Adventure, Drama Duration….00:50:00 Subtitle….Myanmar Subtitle (Hardsub) Encoder….Benjamin Translated by Phu Thet Khin

အားလုံးရှာနေတာ ဒီဇာတ်ကားဖြစ်နိုင်တယ်—Shakespeare ရဲ့ The Tempest က နာမည်ကျော် စကားကနေ ယူထားတဲ့ (psychological crime thriller) တစ်ကားပဲ ဒါက ရိုးရိုး ရုပ်ရှင်လို မဟုတ်ဘဲ၊ လူတွေ ကြားမှာ ယုံကြည်မှု ပျက်ပြီး အတွင်းစိတ် ပျက်စီး လာတဲ့ ပုံစံပါ။ ကြည့်ရင်း တွေး စရာ နဲ့ နည်း နည်း ထိတ်လန့်စရာ ရောထားတယ်။ ဒါက ကြည့်ပြီးတာနဲ့ ဆွေးနွေး ချင်စရာ ကောင်းတဲ့ကား တစ်ကားပဲ။ နောက်ဆုံး မှာ ဘယ်လို ခံစားရလဲ ဆို တာ ကိုယ်တိုင် ကြည့်ကြည့်လိုက်ပါ အင်္ဂလန်ရဲ့ တောအုပ် Dartmoor ရဲ့ အလယ်မှာ ဖြစ်ပျက်နေတဲ့ ဇာတ်လမ်းပါ။ အဓိက ဇာတ်ကောင်တွေက ငွေ အများကြီး ခိုးခဲ့တဲ့ လူ လေးယောက်—Ronnie၊ Grady၊ Numbers နဲ့ Royce သူတို့ က အိမ်တလုံး မှာ နေရင်း စောင့် နေ ရတယ်၊ ဒါ ပေမယ့် တစ်နေ့တာ ကို ငွေရေရင်းနဲ့အချိန်ဖြုန်းနေတယ်။ တစ်ဖက်မှာ သံသယ တွေ စ ပြီး တဖြည်း ဖြည်း တက် လာ တယ်—ဘယ်သူ က သူတို့ ကို ဖမ်း ချင် နေ လဲ၊ ဘယ်သူ က သူတို့ ကို သစ္စာ ဖောက် မယ် ဆို တာ မသိ တော့ ဘူး။ အိမ်ထဲ မှာ ရှိ နေ တဲ့ လူ တွေ က တကယ် အန္တရာယ် ဖြစ် လာ တယ်။ ရိုးရိုး ပြော ရရင် ဒါက "Reservoir Dogs" နဲ့ "The Strangers" ရောထားသလိုပဲ—ဒါ ပေမယ့် ပိုပြီး စိတ်ရှုပ်စရာခံစားချက် နဲ့ တွေးစရာ များလာတယ်။ ကြည့်နေရင်းနဲ့ အိမ်ထဲ မှာ ဘယ်သူက ရန်သူလဲ ဆိုတာ ဆက်ကြည့်ရှုလိုက်ပါဦး File size…(654 GB)/(477 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

Bagman (2024) ဒီ ကြောက်စရာကောင်းတဲ့ ဟော်ရာကားက Colm McCarthy ရဲ့ လက်ရာပါ။ သူကတော့ Black Mirror, Peaky Blinders, Shelock တို့လိုအကောင်းဆုံးစီးရီးတွေမှာ အပိုင်းတွေရိုက်ကူးခဲ့တဲ့ ဒါရိုက်တာပါပဲ။ မင်းသားကတော့ Me Before You နဲ့ အားလုံးသိကြတဲ့ Sam Claflin ပါ။ ဇာတ်လမ်းအကျဉ်း ပက်ရဲ့ မြို့လေးမှာ အိတ်နဲ့လူကြီးဆိုတော့ ကြောက်စရာပုံပြင်တစ်ခုရှိတယ်။ အဲဒီလူကြီးက လိမ္မာတဲ့ကလေးတွေကို ဖမ်းပြီးပျောက်ကွယ်သွားအောင်လုပ်တတ်တယ်တဲ့။ အဲဒီကို အတော်များများက ပုံပြင်လို့ပဲ မှတ်ကြပေမဲ့ ပက်ကတော့ ကလေးဘဝတုန်းကတည်းက အဲဒီပုံပြင်ကို အရိုးစွဲအောင် ကြောက်ခဲ့တဲ့သူပါ။ ဒါပေမဲ့ သူပြောတာကို ဘယ်သူမှ မယုံပါဘူး။ သူအရွယ်ရောက်လို့ ကလေးတစ်ယောက်ရလာတဲ့အချိန်မှာ သူ့ရဲ့ ဇာတိမြို့လေးကို ပြန်လာဖို့ အကြောင်းဖန်လာတယ်။ အဲဒီအချိန်မှာပဲ အိတ်နဲ့လူကြီးဆိုတာ တကယ်ရှိကြောင်း သိလာပြီး သူ့ရဲ့သားကို ပစ်မှတ်ထားနေကြောင်းသိတဲ့အခါ ပက်နဲ့ သူ့မိန်းမက သူတို့သားကို ကယ်တင်ဖို့အစွမ်းကုန်ကြိုးစားကြပါတော့တယ်။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(2.2 GB) / (1.3 GB) / (690 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Horror, Thriller Duration….01:33:39 Subtitle….Myanmar Subtitle (Hardsub) Encoder….Benjamin, Ka Naung Translated by Mr.Anderson

ဂီတဆိုတာ ဘာလဲ။ လူတွေက ဂီတကို သူတို့ရဲ့ အထင်တွေ အမြင်တွေနဲ့ ရှု့ထောင့်မျိုးစုံကနေ ပုံဖော်ကြတယ်။ တချို့က ကြီးကျယ်ခမ်းနားမှုလို့ မြင်ကြပေမယ့် လူတချို့အတွက်က တော့ ဂီတနဲ့ အသက်မွေးတာက ထမင်းငတ်မယ့်အလုပ်လို့ မြင်ကြပါတယ်။ ဒါကလည်း ဖြတ်သန်းရပုံဘဝချင်းမတူကြလို့ အမြင်ချင်းမတူကြတာပဲ . . . ရှိပါစေတော့။ ဒါပေမယ့် လူငယ်အများစုဟာ ဂီတတွေကို ဖန်တီးပြီးတော့ လူသားသမိုင်းတစ်လျှောက် အကြီးဆုံးဖြစ်တဲ့ ဖျော်ဖြေရေး လှိုင်းလုံးကြီးထဲမှာ စီးမျှောလိုက်ပါကြဖို့ ကြိုးစားကြပါတယ်။ လှိုင်းလုံးဖြစ်တဲ့အလျှောက် အောင်မြင်မယ်ဆိုရင် လှိုင်းထိပ်ကို ရောက်မယ် ကျရှုံးမယ်ဆိုရင်တော့ လှိုင်းအောက်ကို ရောက်ရှိ သွားမှာပဲ။ ဒီလိုနဲ့ ခေတ်ပေါ် ဂီတလောကမှာ အောင်မြင်ပြီး နာမည်ကြီးကြတဲ့ တီးဝိုင်းအဖွဲ့တွေ များစွာရှိသလိုပဲ လူမသိသူမသိ ဖျက်သိမ်းသွားတဲ့ တီးဝိုင်းအဖွဲ့ဆိုတာတွေလည်း ဒုနဲ့ဒေးပါပဲ။ ဒီဇာတ်လမ်းမှာလည်း ထို့အတူပဲ ၁၉၇၇ မှာ လျှမ်းလျှမ်းတောက် အောင်မြင်ခဲ့တဲ့ Daisy Jones and The Six ဆိုတဲ့ တီးဝိုင်းအဖွဲ့ တစ်ခုဟာ အောင်မြင်မှုတွေ အလီလီဆွတ်ခူးရင်း ဂီတလှိုင်းလုံးကြီးမှာ ပျော်မွေ့ခဲ့ကြပါတယ်။ လက်မှတ်တွေ တစ်စောင်မကျန်အောင် ရောင်း ချရတဲ့ ချီကာဂိုမြို့ Solider Field က ဖျော်ဖြေပွဲတစ်ခု အပြီးမှာတော့ သူတို့အဖွဲ့ ဂီတလောက ကနေ အနားယူခဲ့ကြပါတယ်။ ဆယ်စုနှစ်တွေ ကြာအပြီးမှာတော့ ဘာဖြစ်လို့ အဖွဲ့ကို ဖျက်သိမ်းပြီး အနားယူခဲ့လဲဆို တာကို အဖွဲ့သားတွေက အမှန်အတိုင်းပြောပြဖို့ သဘောတူခဲ့ကြပါတယ်။ ဒီဇာတ်လမ်းမှာတော့ သူတို့အဖွဲ့ ဘယ်လို စတင်ဖွဲ့စည်းဖြစ်တယ်၊ ဘယ်လို နာမည်ကြီးအောင်လုပ်ကြတယ်၊ ဘယ်လိုတွေ စီးမျှောခံစားကြတယ်၊ ဘာကြောင့် အဖွဲ့ပျက်သွားတယ်ဆိုတာတွေကို ဇာတ်လမ်းတစ်လျှောက် အနိမ့်အမြင့်တွေကို သီချင်းကောင်းများစွာနဲ့ လိုက်ပါခံစားနိုင်မယ့် ဇာတ် လမ်းတွဲကောင်းတစ်ခုဖြစ်ပါတယ်။ (ဒီစီးရီးရဲ့ အညွှန်းကို Leonard Lin မှရေးသားပေးပြီး၊ ဘာသာပြန် ရေးသားပေးသူများကတော့ CM Team မှဖြစ်ပါတယ်။) File Size.............(400 MB) / (1.0 GB) Quality...............WEB-DL 720p / 1080p Duration............49Mins(@Episode) Subtitle..............Myanmar Hardsub Format...............MP4 Genre.................Drama, Music, Romance Translator..........Leonard Lin, Zaw Myo Thu, Roman Nox Encoder..............Zin Phyo Aung

Charlotte (2021) ~ IMDb - 6.4/10, Rotten Tomatoes - 71% ~ Loving Vincent ဆိုတဲ့ အန်နီမေးရှင်းကားကိုမှ ဗန်ဂိုးရဲ့ ပန်းချီဟန်တွေနဲ့ ပေါင်းစပ်ထားတဲ့ ရုပ်ရှင်ကို သိကြမယ်ထင်ပါတယ်။ ဒီရုပ်ရှင်ဟာလည်း ထိုနည်းလည်းကောင်း ရုပ်ရှင်ပါ။ Charlotte လို့ခေါ်တဲ့ ဒုတိယကမ္ဘာစစ်ကာလတုန်းက ဂျာမန်ဂျူးအစပ် ပန်းချီဆရာမလေးရဲ့ ဂျာမန်တွေဒဏ်ကိုခံနေရတဲ့ကြားက မာစတာပိစ်လက်ရာတစ်ခုကို ဖန်တီးတဲ့အကြောင်းကို ရိုက်ပြထားတာပါ။ ကျွန်တော့်လို Loving Vincent ကို အသည်းစွဲကြိုက်တဲ့လူတွေတော့ ဒီရုပ်ရှင်ကိုလည်း သဘောကျကြမှာပါ။ Charlotte ဟာ သူ့မိသားစုရဲ့ ရင်နာစရာဇာတ်ကြောင်းကို ပန်းချီကားတစ်ထောင်ကျော်နဲ့ ပုံဖော်ရေးဆွဲခဲ့ပြီး "ဘဝလေလား ပြဇာတ်လေလား" လို့ ပန်းချီတစ်ထောင်ကျော်လုံးကို တစ်စုတည်းအဖြစ် သတ်မှတ် နာမည်ပေးလိုက်ပါတယ်။ အဲဒီပန်းချီကားစုကို ပထမဆုံး ဂရပ်ဖစ်နိုဗယ်အဖြစ် သတ်မှတ်ခဲ့ကြပါတယ်။ သူဟာ ပျော်စရာတွေထက် ဝေဒနာတွေက အနုပညာပိုစစ်တယ်လို့ ယူဆခဲ့ပြီး သူ့မိသားစုရဲ့ ဝေဒနာတွေကို ပန်းချီကားပေါင်းများစွာနဲ့ ပုံဖော်ခဲ့ပါတယ်။ ဒီပန်းချီတွေကို သူပန်းချီသေချာဆွဲတတ်စ နှောင်းပိုင်းကနေ တစ်သက်လုံးအားထုတ်ရေးဆွဲခဲ့တာပါ။ သူဟာ အသက် ၂၆အထိပဲ နေသွားရပေမယ့် ဒီကာလတိုတိုလေးအတွင်းမှာ ဒီပန်းချီကားပေါင်းများစွာကို မနားမနေအားထုတ်ရေးဆွဲသွားခဲ့တဲ့ အနုပညာရှင်ပါပဲ။ Keira Knightley က Charlotte အဖြစ် အသံသရုပ်ဆောင်ထားပါတယ်။ အနုပညာကိုချစ်ခြင်းဟာ အကောင်းဆုံးဘဝနေနည်းလို့ ဆိုခဲ့ကြပေမဲ့လဲ လက်တွေ့ဘဝမှာ အနုပညာချည်းသက်သက်ကို တွယ်ဖက်ပြီး ရှင်သန်ဖို့သာ အခက်ခဲဆုံးအရာတစ်ခုပါပဲ။ ဒီရုပ်ရှင်ဟာ ပန်းချီအနုပညာကို ချစ်ခဲ့တဲ့ ပန်းချီအနုပညာကို တွယ်ဖက်ခဲ့တဲ့ အမျိုးသမီးပန်းချီဆရာမတစ်ယောက်ရဲ့ ရင်နင့်စရာ ဖြစ်ရပ်မှန်ကို animation အနေနဲ့ အသက်သွင်းထားတဲ့ ရုပ်ရှင်ပါ။ ပန်းချီကိုချစ်တဲ့သူတွေ ကြည့်ကိုကြည့်သင့်တဲ့ ရုပ်ရှင်ဆိုလည်းဟုတ်ပါတယ်။ ရင်နင့်စရာကောင်းအောင် လှပတဲ့ရုပ်ရှင်လို့လည်း တစ်ချို့ကဆိုကြပါတယ်။ ဒီရုပ်ရှင်ဟာ ဟယ်ရီပေါ်တားရဲ့ Narcissa Malfoy, Peaky Blinder ရဲ့ Polly Gray တို့အဖြစ် သရုပ်ဆောင်ခဲ့ပြီး ပရိသတ်အချစ်ကိုရရှိခဲ့တဲ့ Helen McCrory ပါဝင်သရုပ်ဆောင်ခဲ့တဲ့ နောက်ဆုံးရုပ်ရှင်လည်းဟုတ်ပါတယ်။ တိုက်တိုက်ဆိုင်ဆိုင်ပဲ ဒီရုပ်ရှင်နဲ့ဟန်အတော်ဆင်တဲ့ ရုပ်ရှင်ဖြစ်တဲ့ Loving Vincent မှာလည်း Louise Chevalier အဖြစ် အသံသရုပ်ဆောင်ခဲ့သေးပါတယ်။ ကြွေသွားတဲ့ ကြယ်တစ်ပွင့်ရဲ့ နောက်ဆုံးရုပ်ရှင်အနေနဲ့လည်း ခံစားကြရမှာပါ။ ဘဝဟာ လူတိုင်းအတွက် ကောင်းခြင်းတွေပဲ ပေးမနေပါဘူး။ ဘဝဟာ ကိုယ့်ကို အမြဲတမ်းချစ်ပေးမနေပါဘူး။ အရေးကြီးတာကတော့ ကိုယ်က ဘဝကို ချစ်နေဖို့ပါပဲတဲ့။ ဒီရုပ်ရှင်ဟာ ဘယ်လိုအကြောင်းအရာလဲ စာတစ်ကြောင်းနဲ့ ဖော်ပြခိုင်းခဲ့ရင်တော့ ကျွန်တော်ပြောနိုင်တာက... ဒီရုပ်ရှင်ဟာ ကံဆိုးမိုးမှောင်တွေကြားမှာ ဘဝကိုချစ်ရင်း အနုပညာကိုချစ်ရင်း လောကဓံကို အစိမ်းလိုက်ရင်ဆိုင်ရဲခဲ့တဲ့ မိန်းကလေးတစ်ယောက်အကြောင်းပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.3GB, 540MB Quality - 1080p, 720p IMDb Rating - 6.4/10 Format - mp4 Duration - 1H 32Min Genre - Animation Subtitle - Myanmar Subtitle (Hardsub) Translated by WiRa Aung Encoded by Y

ဒီရုပ်ရှင်ကတော့ rating အတော်မြင့်တဲ့ Horror ရုပ်ရှင်ပါပဲ။ ၁၉၆၀ အငွေ့အသက်တွေ အပြည့်ပါတယ်။ ရိုက်ချက်အလှအပတွေ အပြည့်ပါတယ်။ ခေါင်းဆောင်မင်းသမီး နှစ်ယောက်ကလည်း Anya Taylor-Joy နဲ့ Thomasin McKenzie ဆိုတဲ့ စတားလေး နှစ်ယောက်ဖြစ်နေတယ်။ အတော်ကို ကြည့်သင့်တဲ့ ရုပ်ရှင်ပါပဲ။ အယ်လီဆိုတဲ့ ဆယ်ကျော်သက်လေးတစ်ယောက် နယ်မြို့လေးတစ်ခုကနေ လန်ဒန်မှာ ဖက်ရှင်ကျောင်းတက်ဖို့ ရောက်လာခဲ့တယ်။ သ လန်ဒန်မြို့ပေါ်က မြို့ကြီးသူတွေနဲ့ အံမဝင်တဲ့အခါ ကိုယ်ပိုင်အခန်းလေးတစ်ခု ငှားနေလိုက်မိတယ်။ သူက ၁၉၆၀ သီချင်းတွေ ဖက်ရှင်တွေကို ကြိုက်တတ်တဲ့သူတစ်ယောက်ပါ။ အဲဒီအခန်းလေးမှာနေရင်းနဲ့ ၁၉၆၀ တုန်းက အဖြစ်ဆိုးကြီးကြုံခဲ့ရတဲ့ ကောင်မလေးတစ်ယောက်ကို ဆက်တိုက် မျက်စိထဲမှာမြင်လာတယ်။ သူ့ဘဝကို ကိုယ်တိုင်ခံစားနေရသလိုကို တွေ့လာတယ်။ အဲဒီလိုနဲ့ သူ ဆက်တိုက်မြင်ယောင်နေတဲ့ ကောင်မလေးအတွက် တရားမျှတမှုကို ရှာဖွေရင်းနဲ့ ကြောက်စရာ အဖြစ်မှန်တွေ ပေါ်ပေါက်လာတဲ့အခါ... File Size : (1.7 GB) & (900 Mb) Quality : Webrip HEVE, 1080p & 720p 5.1 CH Running Time : 1:56:00 Format : mp4 Subtitle : Myanmar Subtitle (Hard Sub)| Genre : Drama, Horror, Mystery Translated by CM Team Encoded by CM Team

ဒီကားလေးကို မျှော်နေတဲ့သူတွေ များမယ်ထင်ပါတယ်။ Stranger Things က အားလုံးရဲ့ အချစ်တော်လေးက ခေါင်းဆောင်မင်းသမီးအဖြစ်ပါဝင်ထားပါတယ်။ သူ့ရဲ့ ဇာတ်ကောင်နာမည်ကတော့ အန်နိုလာ ဟုမ်းစ် ပါပဲ။ မိုက်ခရော့ ဟုမ်းစ် နဲ့ ရှားလော့ဟုမ်းစ်တို့ရဲ့ ညီမဖြစ်ပါတယ်။ အင်နိုလာ နဲ့ သူ့ရဲ့ အမေဟာ အင်နိုလာရဲ့ အဖေသေဆုံးပြီး ညီအစ်ကိုနှစ်ယောက်လည်း မရှိတော့ချိန်မှာ အိမ်ကြီးတစ်ခုထဲမှာ နှစ်ယောက်ထဲနေထိုင်ပြီး အမေဖြစ်တဲ့ ယူဒိုရီရာဟုမ်းစ်က အင်နိုလာကို ပညာအစုံ သင်ပေးခဲ့ပါတယ်။ အင်နိုလာ ၁၆ နှစ်ပြည့်တဲ့နေ့မှာတော့ ယူဒိုရီရာဟာ ရုတ်တရက် ပျောက်ဆုံးသွားခဲ့ပါတယ်။ အဲဒီကိစ္စကြောင့် ဟုမ်းစ်ညီအစ်ကို နှစ်ယောက်ပြန်ရောက်လာပြီး ရှားလော့က သူ့အမေကို ရှာဖို့ မိုက်ခရော့က အင်နိုလာကို ဘော်ဒါကျောင်းတစ်ခုကို ပို့ဖို့ စီစဉ်ပါတော့တယ်။ ဒါပေမယ့် အင်နိုလာက ထွက်ပြေးလာပြီး သူ့အမေကို ကိုယ်တိုင်ရှာဖို့ စွန့်စားခန်းတွေ ဖွင့်တဲ့အခါမှာ…. File Size -  1.74 gb Quality - web-dl 1080p Subtitle -   burmese Translator - Little Neo Encoder - Thit San Khant

IMDb Rating 6.2/10 ထိရရှိထားတဲ့ ကားကောင်းလေးတစ်ကားဖြစ်ပါတယ် . . . အရင်ကြည့်ဖူးကြတဲ့ စနိုးဝိုက်ဇာတ်လမ်းက​နေတစ်မူကွဲထွက်​နေတဲ့ ကာတွန်း​ကား​ကောင်း​လေးတစ်ကားလို့​ပြောလို့ရပါတယ်။ ဒီကားထဲမှာ ပါ​လေရာသူရဲ​ကောင်း မင်းသားမာလင်နဲ့သူ့အ​ပေါင်းအပါ၆​ယောက်က ပါးစပ်သရမ်း​တော့ စုန်းမတစ်​ယောက်ရဲ့ ကျိန်စာမိပြီး လူပု​တို​လေး၇​ယောက်ဖြစ်​နေပါတယ်။ သူတို့ကျိန်စာက​နေလွတ်ဖို့အတွက် ကမ္ဘာ​ပေါ်ကအလှဆုံး​သောမိန်းက​​လေး ကနမ်းမှသာ ရမှာပါ။ စနိုးဝိုက်ကျ​တော့ တစ်မျိုး သူက ဘုတ်အီးမ​လေး သန်မာတယ် ချစ်ဖို့​ကောင်းတယ်။ သူ့မိ​ထွေးကစုန်းမ သူ့အ​ဖေကလည်း သူ့မိ​ထွေးစုန်းမမှန်းသိ​တော့ စနိုးဝိုက်​လေးကို​ဘေးကင်းရာပို့ထားတယ်။ သူကိုယ်တိုင်လည်း​ပျောက်သွားတယ်။ စနိုးဝိုက်​လေးက သူ့အ​ဖေကိုရှာဖို့ သူ့မိ​ထွေးဆီအသွား သူ့မိ​ထွေးရဲ့ ထာဝရလှပ​စေမယ့် ​မှော်ဖိနပ်​လေးကိုစီးမိပြီး တအားလှသွား​ရော သူစုန်းမလက်က​နေထွက်​ပြေးရင်း သူ့အ​ဖေမှာခဲ့တဲ့ သူရဲ​ကောင်း၇ဦး ဆိုတာကိုရှာရင်း အလွဲလွဲအ​ချော်​ချော်​လေး​တွေနဲ့ အဆုံးထိ ကြည့်ချင်​အောင်ဆွဲ​ဆောင်မှု အပြည့်ရှိလွန်းလှတဲ့ လက်ရာ​မြောက် animation ကားကောင်း​လေးဖြစ်ပါတယ်။ အသံ​နောက်ခံ​တွေ က​တော့ မင်းသား​ မာလင်​နေရာမှာ Me Before Youထဲက မင်းသား ဖြစ်ပြီး။ မင်းသမီးစနိုးဝိုက်​နေရာမှာက​တော့ ​ကော်ရီး​​တွေရဲ့ အချစ်​တော်အကိတ်မ​လေး Chloë Grace Moretz ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ဘာသာပြန်ရေးသားပေးသူကတော့ Dolly ဖြစ်ပါတယ်။) Quality – 720p  HD-Rip Duration – 1 hrs 32 mins Subtitle – Myanmar Hardsub Format – Mp4 Genre : Animation, Action, Adventure Source : 1080p.HD-RIP Translator – Dolly Encoder – San Win Maung

ချာလီ နှင့် နတ်သမီးလေးများကို ၂၀၀၀ ခုနှစ်က ကြည့်ရှုခဲ့ကြတာကို မှတ်မိကြအုံးမယ်ထင်ပါတယ်.... ၁၉ နှစ်ကြာပြီးနောက် ဒီ Charlie's Angels (2019) မှာတော့ ချာလီ သေဆုံးပြီးနောက်ကို ဇတ်အိမ်တည်ထားပါတယ် ချာလီ မရှိတော့ပေမဲ့ နတ်သမီးလေးများ အဖွဲ့ဟာ ခေါင်းဆောင်ကောင်းတွေ လက်အောက် မှာ ဆက်လက် တိုးတက် ဖွံ့ဖြိုးရင်း နိုင်ငံအကျိုး သယ်ပိုးလျက်ရှိပါတယ် ဒီတစ်ခေါက်မှာတော့ သိပ္ပံပညာရှင်မလေး အယ်လီနာ တီထွင်ထားတဲ့ လျပ်စစ်နည်းပညာ ဖော်မြူလာ တစ်ခု ခိုးယူခံရတဲ့ ကိစ္စ နှင့် ပက်သက်၍ ချာလီ ရဲ့ နတ်သမီးလေးတွေက ပူးပေါင်းကူညီရမယ့် ကဏ္ဍ ရောက်ရှိလာပါတယ် ရုပ်ရှင်ကားကို Little Neo မှ ဘာသာပြန်ပေးထားပြီး Thit San Khant မှ တင်ဆက်ပေးထားပါတယ်

ဒီတစ်ခါတော့ Channel Myanmar ပရိသတ်သတ်ကြီးအတွက် Imdb Rating 7.2/10, Rotten Tomatoes 86% တောင်ရရှိထားတဲ့ ကားကောင်းလေးတစ်ကားကိုတင်ဆက်ပေးချင်ပါတယ်။ အားလုံးချစ်တဲ့ Me before you ဇာတ်ကားထဲက မင်းသားချော Sam Claflin ကို ပုံစံအသစ်တစ်မျိုးနဲ့တွေ့မြင်ရမှာပါ။ ဇာတ်လမ်းအကျဉ်းလေးကိုလဲဖော်ပြလိုပါသေးတယ်။ လောကဓံနဲ့ရင်ဆိုင်ခဲ့ရတဲ့ တေးသီငှက်လေးအကြောင်းပါပဲ။ ကလဲရာဆိုတဲ့ အိုင်ယာလန်သူလေးဟာ ဗြိတိသျှ စစ်တပ်တွေကို တေးသီချင်းဆိုပြရတဲ့ တေးသီငှက်လေးပေါ့။ သူ့မှာ ချစ်ရတဲ့ခင်ပွန်းနဲ့ ချစ်ရတဲ့ သမီးလေးတစ်ယောက်ရှိပါတယ်။ သူမအလုပ်အကြွေးပြုနေရတဲ့ ဗြိတိသျှ တပ်ဖွဲ့ငယ်လေးရဲ့ လက်ဖတင်နင်ကတော့ သူမကိုထိပါးစော်ကားပြီး ချုပ်ကိုင်ထားတဲ့သူပါ။ တစ်နေ့မှာတော့ သူမရဲ့ဘဝထဲကို ကြံကြမ္မာဆိုးတစ်ခုဝင်ရောက်လာပါတော့တယ်။ သူမဘယ်လိုဆက်ဖြစ်မယ်? ဘာတွေရင်ဆိုင်ရမယ်ဆိုတာ စိတ်လှုပ်ရှားစွာကြည့်ရှုရမယ့်ကားလေးပါ။ လူမျိုးရေးရာခွဲခြားမှုတွေရယ်၊ချစ်ခြင်းမေတ္တာရယ်၊ ရိုးသားဖြူစင်မှုတွေရယ် ရောထွေးတင်ဆက်ထားတဲ့ ဒီကားလေးနာမည်ကတော့ The Nightingale (2019)ပါ File Size : ( 1 GB , 296 MB ) Quality :  WEB-DL 720p Running Time : 2 hr 16 min Format : Mp4 Genre :  Adventure , Drama , Thriller Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

Adrift (2018) IMDb Rating (6.7)/ Rotten Tomatoes (69%) ‌Adrift ( မျောပါခြင်း) ဆိုတဲ့သည်းထိတ်ရင်ဖိုဒီဇာတ်ကားက ၁၉၈၃ ခုနှစ်က ပင်လယ်ကိုအပျော်ခရီးထွက်ရင်း မတော်တဆလှေမောက်သွားတဲ့ ချစ်သူနှစ်ဦးရဲ့ ဖြစ်ရပ်မှန်ကို ရိုက်ကူးထားတာပါ။ Me Before You မင်းသား Sam Claflin နဲ့ The Fault in Our Stars မင်းသမီး Shailene Woodley တို့လိုနာမည်ကြီးတွေပါဝင်ထားပါတယ်။ တစ်ကားလုံးပေါင်းမှ ဇာတ်ကောင်၅ဦးပဲပါပါတယ် သမုဒ္ဒရာရေပြင်နဲ့ ရှုခင်းတွေက ကြည့်ရတဲ့သူတဲ့စိတ်ကို တကယ် အေးချမ်းစေပြီး ဇာတ်လမ်းကတော့ ရင်မောစရာအပြည့်နဲ့ပါ။ ‌ ဇာတ်လမ်းလေးကတော့ဒီလိုရှင့်... ‌ကောင်မလေးက ကယ်လီဖိုးနီးယာပြည်နယ် စန်ဒီရေးဂိုမြို့ကနေ ကောင်လေးနေတဲ့ တာဟစ်တီဆိပ်ကမ်းမြို့လေးက သင်္ဘောပေါ်မှာအလုပ်လုပ်ဖို့ရောက်လာပါတယ် ‌နောက်တော့ ကောင်လေးနဲ့တွေ့ပြီး သူ့လှေပေါ်မှာညစာလာစားဖို့ဖိတ်ခေါ်လိုက်ပါတယ် အဲ့ညမှာပဲ ချစ်သူတွေဖြစ်ရာကနေ ကောင်မလေးက ပင်လယ်မှာရွက်လွှင့်သွားရတာကြိုက်မှန်းသိလို့ ကောင်လေးက တစ်ကမ္ဘာလုံးကိုရွက်လွှင့်ပြီးလိုက်ပြဖို့ခွင့်တောင်းပါတယ် နောက်နေ့မှာတော့ ချစ်သူနှစ်ဦး အပျော်စီးလှေလေးနဲ့ ပစိဖိတ်သမုဒ္ဒရာကြီးကို ဖြတ်ပြီးရွက်လွှင့်ကြပါတော့တယ်... ‌ ဒီလိုနဲ့ရွက်လွှင့်ရင်းကနေ ပစိဖိတ်သမုဒ္ဒရာအလယ်မှာ အားပြင်းပြင်းနဲ့ဝင်ရောက်တိုက်ခတ်လာတဲ့ လေမုန်တိုင်းတစ်ခုမိသွားတဲ့အခါမှာတော့... ဖြစ်ရပ်မှန်ဆိုတဲ့အတိုင်း ခက်ခဲကြမ်းတမ်းတဲ့ လူသားတို့ရဲ့ဘဝကြီးတခုကို ခံစားထိတွေ့ရမှာပါ.... ‌ ဇာတ်ကားရဲ့အဆုံးသတ်မှာ ပရိတ်သတ်တွေ ''ဟာ''ကနဲဖြစ်သွားစေမယ့် အလှည့်အပြောင်းတခုကလဲစောင့်လို့ကြိုနေပါကြောင်း ညွှန်းဆိုလိုက်ရပါတယ်ရှင်။ (ရုပ်ရှင်အညွှန်းနဲ့ဘာသာပြန်ကို Little Cherry Cole မှ တင်ဆက်ထားပါတယ်။) ‌ File size…(2 GB )/(1.1 GB) Quality…BluRay  1080p HEVC / 720p Format…mkv/mp4 Duration….01:37:00 Subtitle….Myanmar Subtitle (Hardsub) Encoder….Ka Naung Translated by Little Cherry Cole

Journey's End (2017) IMDb Rating (6.7) / Rotten Tomatoes (91%) ဒီဇာတ်ကားကတော့ 2017ကထွက်ရှိထားပြီး IMDb 6.7/10ရရှိခဲ့တဲ့ war/dramaရုပ်ရှင်အမျိုးအစားပါပဲ။ 1928 တုန်းကပြသခဲ့တဲ့ပြပွဲတစ်ပွဲကို အခြေခံပြီး ပြန်လည်ဆန်းသစ်ရိုက်ကူးထားတာပါ။ နာမည်ကျော်" The Space between us "," Hugo "အစရှိတဲ့ဇာတ်လမ်းတွေထဲက သရုပ်ဆောင် Asa Butterfield.. " Me before u","Love Rosie!" အစရှိတဲ့ Romanceကားတွေနဲ့ နာမည်ကြီးလာခဲ့တဲ့ မင်းသား Sam Clafin.. ဒီလိုနာမည်ကြီးသရုပ်ဆောင်တွေက သူတို့ရိုက်နေကြ Characterတွေကနေခွဲထွက်ကာ ဒီဇာတ်လမ်းထဲမှာပီပြင်အောင်သရုပ်ဆောင်နိုင်သွားတာလဲ ချီးကျူးစရာပါပဲ။ Rating ကပ်စေးနည်းတဲ့ Rotten Tomatoesကတောင် 91%ပေးထားတာမို့ ကြည့်ရှုသင့်တဲ့ကားလေးတစ်ကားဆိုလဲ မမှားပါဘူး။ ရုပ်ရှင်ဝေဖန်ရေးသမားတွေကလဲ Rating တွေရက်ရက်ရောရောပေးထားတာတွေ့ရပြန်ပါတယ်။ ဇာတ်လမ်းလေးကိုမြည်းစမ်းကြည့်ဖို့အတွက် ဇာတ်လမ်းအကျဉ်းလေးလဲ တင်ပြပေးပါရစေ။ ဇာတ်လမ်းအကြောင်းကတော့ ပထမကမ္ဘာစစ်တုန်းက ရှေ့တန်းမှာရောက်နေခဲ့တဲ့အင်္ဂလိပ်စစ်သားတွေရဲ့ဘဝနဲ့ အခက်အခဲတွေကိုရိုက်ကူးပြထားတာပါ။ သူတို့စခန်းချထားတဲ့နေရာရဲ့ရှေ့မှာက အင်အားများလွန်းတဲ့ရန်သူတွေဖြစ်ပြီး နောက်ကိုပြန်ဆုတ်ဖို့ကလဲ အထက်ကလူကြီးတွေက နောက်ဆုတ်ခွင့်လုံးဝမပေးလို့ ရှေ့တိုးနောက်ဆုတ်မရဖြစ်နေတဲ့အချိန်ပါ။ ဒါ့အပြင်သူတို့တပ်စိတ်ရဲ့ကပ္ပတိန်ဖြစ်သူကပါ စိတ်ဖိစီးတာတွေများပြီး အရက်တွေပဲအမြဲသောက်နေတော့ ဘယ်လိုမှရှောင်လွဲလို့မရတော့တဲ့ကံကြမ္မာကိုဘယ်လိုရင်ဆိုင်ကြမှာလဲဆိုတာကို သေသေချာချာရိုက်ကူးတင်ဆက်ပေးထားပါတယ်။ (အညွှန်းနဲ့ဘာသာပြန်ကတော့ Mastero ဖြစ်ပါတယ်။) File size…(1.3 GB) / (710 MB) Quality….Blu-Ray 1080p HEVC / 720p Format…. mkv/mp4 Genre….Drama, War Duration….01:48:36 Subtitle….Myanmar Subtitle (Hardsub) Encoder….Benjamin Translated by Mastero

The Huntsman: Winter's War (2016) Extended Version IMDb Rating (6.2) ဒိတ်ဒိတ်ကြဲသရုပ်ဆောင်တွေနဲ့ စနှိုးဝှိုက်ဇာတ်ကားဆိုရင်တော့ ဒီကားပဲ ပြရမှာဖြစ်ပါတယ်... မင်းသား Chris Hemsworth , မင်းသမီး Charlize Theron ,Emily Blunt , Kristen Stewart , Jessica Chastain စတဲ့ ဒိတ်ဒိတ်ကြဲတွေနဲ့ အမိုက်စားရိုက်ကူးထားတဲ့ ရုပ်ရှင်ကားကြီးပါ။ ဒီဇာတ်ကားက 2012 ခုနှစ်ကထွက်ခဲ့တဲ့ Snow White and The Huntsman ရဲ့ Prequel ရော Sequel အဖြစ်ပါ ပြောလို့ရတဲ့ Huntman ရဲ့ဇာတ်အိမ်ပါပဲ။ ဇာတ်လမ်းအစောပိုင်းမှာ စုန်းမ၂ယောက်ဖြစ်တဲ့ ရဗန်နာ နဲ့သူ့ညီမ ဖရယ်ယာတို့နဲ့စတင်ထားပါတယ်။ ရဗန်နာဟာ snowwhite ကားထဲကစုန်းမဖြစ်ပြီး သူ့ညီမရဲ့ချစ်ခြင်းကိုပါ ဖျက်ဆီးခဲ့တယ်။ ဒါကြောင့်အကြီးအကျယ်ဒေါသထွက်ခဲ့တဲ့ ဖရယ်ယာ တစ်ယောက်သူ့ရဲ့ အင်ပါယာကိုစတင်တည်ထောင်မှုကနေ Huntsman ရဲ့ ဇာတ်လမ်းပါပေါ်ထွက်လာခဲ့ပါတယ်။ ဒီဇာတ်ကားဟာ Snow White ကားမစတင်ခင်ကအဖြစ်အပျက်တွေနဲ့ Snow White ကားပြီးတော့ ထပ်မံဖြစ်ပေါ်လာတဲ့ အချိန်ကာလနှစ်ခုကို ပြန်လည်ဆက်စပ်ပေးထားတဲ့ ဇာတ်ကားဆိုလည်းမမှားပါဘူး။ Snow White ရဲ့လက်ချက်နဲ့သေဆုံးခဲ့တဲ့ ရဗန်နာက ဒီဇာတ်လမ်းမှာပြန်လည်ရှင်သန်လာတာလည်းတွေ့ရပြီး . သူ့ရဲ့မှော်ကြေးမုံဟာ ဒီဇာတ်ကားမှာအဓိကနေရာကပါဝင်တဲ့ပစ္စည်းတစ်ခုဖြစ်လာပါတယ်။ စနှိုးဝှိုက်ပုံပြင်ကျောရိုးကို အက်ရှင်စွန့်စားခန်းတွေနဲ့ဆိုတော့ Fantasy ကြိုက်တတ်သူတွေလုံးဝလက်လွတ်မခံသင့်တဲ့ရုပ်ရှင်ကားကြီးပါပဲ။ Extended Version နဲ့တင်ဆက်ထားတာမလို့ ရုံတင်တုန်းကမပါတဲ့ Scene တချို့နဲ့ ပိုမိုပြည့်စုံတဲ့ Version ဖြစ်ပါတယ်။ File size…(7.1 GB) / (2.1 GB )/ (1.2 GB) Quality…BluRay  Extended 4K HEVC/ 1080p HEVC / 720p Format…mkv/mp4 Duration….02:00:00 Subtitle….Myanmar Subtitle (Hardsub) Encoder….Ka Naung Translated by Wai Yan Maung

အသက် ၂၆ နှစ်အရွယ် လူဝီဆာကလတ်ခ်ဟာ စားပွဲထိုးအလုပ် ပြုတ်သွားတဲ့အခါ အိမ်ကမိဘတွေနဲ့ ညီမသားအမိကို ထောက်ပံ့ဖို့ အလုပ်သစ် အသည်းအသန်ရှာရပါတယ်။ ဒီလိုနဲ့ ဝီလ်ထရေးနာဆိုတဲ့ အမျိုးသားကို စောင့်ရှောက်ပေးရမယ့်အလုပ်ကို လက်ခံလိုက်တယ်။ လွန်ခဲ့တဲ့ နှစ်နှစ်က မော်တော်ဆိုင်ကယ်မတော်တဆမှုကြောင့် ကိုယ်ခန္ဓာအများစု မလှုပ်ရှားနိုင်တော့တဲ့ ဝီလ်ဟာ အရင်က အောင်မြင်တဲ့ ဘဏ်လုပ်ငန်းရှင်တစ်ယောက် ဖြစ်ခဲ့သူပါ။ ဝတ်စားဆင်ယင်ပုံ ထူးခြားပြီး ပေါ့ပေါ့ပါးပါးနေတတ်တဲ့ လူဝီဆာနဲ့ အရာရာကို စိတ်အလိုမကျဘဲ ဒေါသထွက်နေတတ်တဲ့ ဝီလ်တို့ စစချင်းမှာတော့ အဆင်မပြေကြဘူး။ ကိုယ့်မြို့လေးပြင်ပကို မသွားဖူးသေးတဲ့ လူဝီဆာရဲ့ဘဝကို ဝီလ်က အားမရသလို၊ အားလုံးဝိုင်းဂရုစိုက်ပေးနေရက်နဲ့ ဘာကြောင့် ဒီလောက်စိတ်ဆိုးနေရသလဲဆိုတာကို လူဝီဆာကလည်း နားမလည်နိုင်ပါဘူး။ အချိန်ကြာလာတော့ နှစ်ယောက်သား သံယောဇဉ်တွယ်လာပြီး လူဝီဆာရဲ့ အမြင်တွေလည်း ပြောင်းလဲလာတယ်။ သူ့ကို ဘာကြောင့် ခြောက်လပဲ ငှားထားသလဲဆိုတာ သိလိုက်ရတဲ့အခါ ဝီလ်ရဲ့စိတ်ကို လူဝီဆာ ပြောင်းလဲပေးနိုင်ပါ့မလားဆိုတာက ဆက်ကြည့်စရာ ဖြစ်လာပါတယ်။ Jojo Moyes ရဲ့ဝတ္ထုကို ပြန်ရိုက်ထားပြီး လူဝီဆာအဖြစ် Emilia Clarke၊ ဝီလ်အဖြစ် Sam Claflin တို့ သရုပ်ဆောင်ထားတဲ့ အချစ်ဒရမ်မာကား ဖြစ်ပါတယ်။

The Hunger Games: Mockingjay - Part 2 (2015) IMDb Rating (6.5) / Rotten Tomatoes (70%) ကတ်နစ်တို့တော်လှန်ရေးကိုနယ်မြေတိုင်းပါဝင်ဆောင်ရွက်ဖို့လိုအပ်တာကြောင့် နယ်မြေ၂ကို ကတ်နစ်တို့အနေနဲ့ စည်းရုံးသိမ်းသွင်းဖို့လိုအပ်လာပါတယ်။ ကတ်နစ်ရဲ့ဘေးနားမှာအမြဲရှိနေပေးခဲ့တဲ့ဂေးလ်မှာ အရင်နဲ့မတူညီတဲ့စိတ်တွေကိုလဲ ကတ်နစ်တစ်ယောက်မြင်လာပါတော့တယ်။ ကတ်ပီတယ်ရဲ့မြှပ်ကွယ်တဲ့ထားတဲ့ဗုံးတွေ လက်နက်တွေကို ရှာဖွေတဲ့ရှေ့တန်းကိုကတ်နစ်ရောက်လာပြီးတော့ တခြားသောတပ်ဖွဲ့ဝင်တွေနဲ့ ပူးပေါင်းဆောင်ရွက်ပြီးတော့ စနိုးကိုဖြုတ်ချဖို့အတွက်ကြိုးစားကြပါတော့တယ်။ ဒါပေမယ့် အချိန်တွေကြာလာလေလေ ကတ်ပီတယ်ရဲ့လက်နက်တွေကြားမှာပါဝင်တဲ့တပ်ဖွဲ့ဝင်တွေရဲ့ အသက်တွေပေးလိုက်ရလေလေနဲ့ပဲ နောက်ဆုံးအချိန်ထိ ကတ်နစ်တို့တောင့်ခံပြီးတော့ စနိုးကိုရင်ဆိုင်သွားနိုင်ပါ့မလား။ တကယ်လို့ သူတို့အနေနဲ့ စနိုးတို့တည်ရှိနေတဲ့ ကတ်ပီတယ်ကိုရင်ဆိုင်တိုက်ခိုက်ပြီးသွားတဲ့အချိန်မှာ အောင်နိုင်သူတွေဖြစ်ကြတဲ့ ကတ်နစ်အဲဗာဒင်းနဲ့ ပီတာမယ်လော့ခ် ၊ဂေးလ်တို့ရဲ့သုံးပွင့်ဆိုင်အချစ်ဇာတ်လမ်းကရော နောက်ဆုံးဘယ်လို့အဆုံးသတ်သွားနိုင်မလဲဆိုတာကို ကြည့်ရှုရမှာဖြစ်ပါတယ်။ အိမ်မက်ဆိုးတွေဟာလူတိုင်းမှာရှိကြပါတယ်။ ဒီအိမ်မက်ဆိုးတွေဟာ ဘယ်တော့မှထွက်ခွာသွားကြမှာ မဟုတ်ဘူးဆိုတာကိုလဲ သိကြမှာပါ ဒီတော့ ဒါကိုဘယ်လိုရင်ဆိုင်ရမလဲဆိုတာကိုပဲ.......။ The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(3 GB)/(1.2 GB)/(900 MB) Quality…BluRay 4K HEVC/1080p HEVC/720p Format…mkv/mp4 Duration….02:16:56 Subtitle….Myanmar Subtitle (Hardsub) Encoder….Ka Naung Translated by Myo Nyunt

ရိုစီ ဆိုတဲ့ ကောင်မလေး တစ်ယောက်ရှိတယ် သူမ ဟာ ပွင့်လင်းတယ် ရဲရင့်တယ် သူ့မှာ အဲလက်စ် လို့ ခေါ်တဲ့ သူငယ်ချင်း ကောင်လေး ရှိတယ် အဲလက်စ် နဲ့ ရိုစီ ဆိုတာ အသက် ၅ နှစ်လောက်ထဲက ခင်မင်လာတဲ့ ငယ်ပေါင်း သူငယ်ချင်းတွေ အိမ်ချင်းကလဲ မျက်နှာချင်းဆိုင်ပါပဲ အဲလက်စ် ရဲ့ အရာရာဘာမဆို တိုင်ပင်နိုင်တဲ့ အကောင်းဆုံးလူဟာ ရိုစီ ဖြစ်သလို ရိုစီ ရဲ့ အတွင်းရေး အရာအားလုံးကိုသိရှိနေတာကလဲ အဲလက်စ် ပါပဲ သူတို့ ၂ ယောက်ဟာ ငယ်ငယ်ထဲက တပူးပူးတတွဲတွဲ ဖြစ်သလို အထက်တန်း အောင်ပြီးနောက်မှာလဲ တစ်မြို့ထဲ နေကြပြီး အဲလက်စ်က ဆေးကျောင်း ဆက်တက်မယ် ရိုစီက ဟိုတယ်စီမံခန့်ခွဲဆိုင်ရာ ကျောင်းကို ဆက်တက်မယ်ဆိုပြီး အိပ်မက်တွေ မက်ခဲ့ကြပါတယ်... ဒါပေမယ့် ကံကြမ္မာဆိုတာ ကြိုမမြင်ရပါဘူး... ကျောင်းကပွဲတွေပဲ ဖြစ်ဖြစ် ဘယ်လို ပါတီမျိုးကိုပဲ ဖြစ်ဖြစ် အတူတူ ကဖို့ အဲလက်စ် နဲ့ ရိုစီ တို့ဟာ စုံတွဲ တက်လေ့ ရှိပေမယ့် နောက်ဆုံး ကျောင်းပိတ် နှုတ်ဆက်ပွဲမှာတော့ အဲလက်စ် က ရိုစီ ကို ကပွဲ အတူတူ တက်ဖို့ ဖိတ်ပေမယ့် ရိုစီ က ခပ်ချောချော ကောင်လေး ရဲ့ ဖိတ်ခေါ်မှု ကို ရရှိထားတာမို့ အဲလက်စ် လဲ သူစိတ်ဝင်စားနေတဲ့ ကောင်မလေးရှိကြောင်း ဘတ်သနီ ဆိုတဲ့ ကောင်မလေး နဲ့ အတူ တွဲတက်ဖို့ စီစဉ်ထားကြောင်း ပြောဖြစ်ပြီး နှစ်ယောက်သား အတွေးကိုယ်စီနဲ့ ရှိနေခဲ့ပါတယ်... ပါတီပွဲကျင်းပတဲ့ နေ့မှာတော့ ရိုစီ ဟာ ဂျရက်ဆိုတဲ့ ကျောင်းသား တစ်ယောက်နဲ့ အတူ အိပ်မိပြီး ဆေးသောက်ခဲ့ပေမယ့် မတော်တဆ ကိုယ်ဝန် ရသွားပါတယ် ထို ကိုယ်ဝန် ကို ဂျရက်ကလဲ တာဝန်မယူ ရှောင်ပြေးသွားပြီး သူငယ်ချင်းဖြစ်သူ အဲလက်စ် ကိုလဲ သူ့ အတွက် ကျောင်းသွားမတက်တော့မှာကိုစိုးရိမ်ပြီး ထိမ်ချန်ထားခဲ့ပါတော့တယ်... တစ်ခြားမြို့မှာ ဆေးကျောင်းသွားတက်နေတဲ့ အဲလက်စ် ကတော့ ရိုစီ သူ့ဆီ ရောက်လာမယ့် အချိန်ကို အမြဲတမ်း စောင့်မျှော်နေသလို ရိုစီ ကလဲ ကလေးအတွက် ကျောင်းပညာရေးကို စွန့်လွှတ်လိုက်ရပြီး မိခင်ဘ၀ ကို ငယ်ငယ် ရွယ်ရွယ် နဲ့ ရောက်သွားခဲ့ပါတယ်... တစ်နေ့မှာတော့ အဲလက်စ် ဟာ ရိုစီ ရဲ့ အိမ်ကို အကြောင်းမကြားပဲ ရောက်လာခဲ့ပါတယ် ရိုစီ နဲ့ အဲလက်စ် တို့ ဘာဆက်ဖြစ်ကြမလဲ ဆိုတာကိုတော့ ဆက်လက်ကြည့်ရှုလိုက်ပါအုံး... ဒီရုပ်ရှင်ကားကို ဘာသာပြန်ပေးထားသူကတော့ Htet Wai Lwin ဖြစ်ပြီး Thit San Khant မှ Encode တင်ဆက်ပေးထားပါသည်။ File size - ( 1.4GB ) Quality - BluRay Rip 1080P Format - MP4 Duration - 1h 40m Translator  - Htet Wai Lwin Encoder - Thit San Khant

The Hunger Games: Mockingjay - Part 1 (2014) IMDb Rating (6.6) / Rotten Tomatoes (70%) ပြိုင်ပွဲကြီးပြီးဆုံးသွားခဲ့ပါပြီ ။ ကတ်နစ်တစ်ယောက်ပစ်လွှတ်လိုက်တဲ့မြှားတစ်စင်းက တကယ့်ကိုပဲပြိုင်ပွဲကိုအဆုံးသတ်စေခဲ့ရပါတယ်။ အရာအားလုံးကိုပြန်ပြီးတော့ သတိရနိုးထလာတဲ့အချိန်မှာ သူ့အနားမှာပီတာမရှိတော့ပါဘူး။ သူကိုယ်တိုင်လဲ နယ်မြေ၁၃ရဲ့အရိပ်အောက်မှာခိုလှုံနေရပါပြီ။ ပီတာနဲ့ ဂျိုဟန်နာတို့ကိုကတ်ပီတယ်ကနေခေါ်ဆောင်သွားခြင်းခံရတယ်ဆိုတာ ကောင်းတဲ့ကိစ္စတော့ မဟုတ်ဘူးဆိုတာကို ကတ်နစ်တစ်ယောက်ယူကြုံးမရဖြစ်ခဲ့ရပါတယ်။ တော်လှန်ရေးစတင်ဖို့အတွက်ပုံရိပ်တစ်ခုဖြစ်တဲ့မော့ကင်းဂျေနေရာမှာ ကတ်နစ်ကိုပါဝင်အားဖြည့်စေဖို့အတွက်တိုက်တွန်းမှုတွေများစွာလုပ်ခဲ့ရပါတယ်။ နယ်မြေ ၁၂ကိုပြန်လည်သွားရောက်ကြည့်ရှုလိုက်တဲ့အချိန်မှာတော့ ကတ်နစ်ဟာတော်လှန်ရေးထဲကိုပါဝင်တော့မယ်ဆိုပြီး ဖြစ်လာပါတယ်။ ဒါပေမယ့် ပီတာနဲ့တခြားသောအောင်နိုင်သူတွေကိုကယ်တင်ဖို့ကလဲရှိပါသေးတယ်။ ဒီအပိုင်း မှာတော့တိုက်ခိုက်မှုနည်းနည်းနဲ့ အခြေအနေကိုသုံးသပ်ပြီးတော့ရိုက်ကူးထားတဲ့အကြောင်းကိုကြည့်ရှုရမှာပါ။ ကတ်နစ်အဲဗားဒင်းနဲ့ ကတ်ပီတယ်ကနေကယ်ထုတ်လာရတဲ့ ပီတာမယ်လာ့ခ်တို့ရဲ့ပြန်လည်တွေ့ဆုံတဲ့အခြေအနေကတော့ တကယ့်ကို စိတ်မကောင်းစရာလို့ပဲဆိုရမှာပါ။ The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(3 GB)/(1.2 GB) Quality…BluRay 4K HEVC/1080p HEVC Format…mkv/mp4 Duration….02:02:50 Subtitle….Myanmar Subtitle (Hardsub) Encoder….Ka Naung Translated by Aye Chan Su

The Hunger Games: Catching Fire (2013) IMDb Rating (7.5) / Rotten Tomatoes (90%) ကတ်နစ်အဲဗားဒင်းနဲ့ ပီတာမယ်လော့ခ်တို့ ၇၄ကြိမ်မြေက်ကစားပွဲမှာ အနိုင်ရခဲ့ပြီးနောက် သူတို့မွေးရပ်မြေကိုပြန်လည်လို့ရောက်ရှိလာပါတယ်။ ဒါပေမယ့် သူတို့ရဲ့တာဝန်တွေကတော့အဆုံးသတ်မသွားပါဘူး။ အနိုင်ရသူတွေအနေနဲ့ နယ်မြေတိုင်းကိုသွားရောက်ပြီးတော့ မိန့်ခွန်းပြော၊ကျန်ရစ်သူမိသားစုတွေနဲ့ စကားပြောပေးရမဲ့အပြင် နောက်ဆုံးခရီးစဉ်အဆုံးသတ်မှာ ကတ်ပီတယ်ကိုပြန်ပြီးတော့ ဥက္ကဌကြီးကျင်းပပေးတဲ့ပါတီပွဲကိုဆင်နွဲရမှာပါ။ ကတ်နစ်ရဲ့ဘဝကလွယ်လွယ်ကူကူနဲ့ ပေါ့ပေါ့ပါးပါးဖြစ်သွားခဲ့တယ်ရယ်လို့တော့ မဟုတ်လှပါဘူး။ တကယ်တမ်းတော့ ကတ်နစ်တို့လို အောင်နိုင်သူတွေဟာ ခရီးစဉ်ရဲ့ရထားပေါ်မှာပဲအချိန်ကုန်ပြီးတော့ဘဝတစ်လျှောက်လုံးကို ဖြတ်သန်းသွားကြရတော့မှာဖြစ်ပါတယ်။ ဒီမှာဥက္ကဌစနိုးအရမ်းကိုစိုးရိမ်နေတဲ့ ကိစ္စတစ်ခုတော့ ရှိပါတယ်။ အဲ့ဒါကတော့ တော်လှန်ရေးပါပဲ။ နယ်မြေအသီးသီးကမကျေနပ်ချက်တွေစုပြုံလာတဲ့အချိန်မှာ သူတို့အနေနဲ့ ဒီလိုအနေအထားမျိုးကိုလက်သင့်ခံ မပေးနိုင်တာကြောင့် ကတ်နစ်ကို စနိုးကိုယ်တိုင်သွားရောက်ပြီးတော့နှစ်ဦးသဘောတူပြောကြားခဲ့တာတွေရှိလာပါတယ်။ ဒါပေမယ့် စနိုးရဲ့အကြံကဒီလောက်နဲ့ အဆုံးသတ်လို့မသွားပါဘူး။ ဆိုးရွားတဲ့လုပ်ရပ်ကိုလုပ်ဖို့ဝန်မလေးတဲ့စနိုးတစ်ယောက် ကစားပွဲတစ်ခုကိုစတင်လိုက်ပါတယ်။ ဒီတစ်ခေါက်မှာတော့ အရင်ပွဲတွေလိုမျိုးနယ်မြေအသီးသီးကယှဉ်ပြိုင်သူအသစ်တွေကို ရွေးချယ်တော့မှာ မဟုတ်ပဲ အောင်နိုင်သူတွေထဲကနေပြီးတော့ပဲ ထပ်မံရွေးချယ်မဲ့အကြောင်းကိုကြေညာလိုက်ပါတော့တယ်။ ဒီလိုနဲ့ပဲ ကတ်နစ်အဲဗာဒင်းတစ်ယောက် ကစားပွဲထဲကိုထပ်မံဝင်ရောက်ယှဉ်ပြိုင်တဲ့အခါမှာတော့ ဘယ်လိုတွေရင်ဆိုင်ပြီးတော့ ဘယ်လိုလက်လွတ်ဆုံးရှုံးမှုမျိုးတွေကိုကြုံတွေရမယ်ဆိုတာကိုကြည့်ရှုလိုက်ရအောင်ပါ။ The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(6.1 GB)/(1.8 GB)/(1.2 GB) Quality…BluRay 4K HEVC/1080p HEVC /720p Format…mkv/mp4 Duration….02:26:16 Subtitle….Myanmar Subtitle (Hardsub) Encoder….Ka Naung Translated by Wai Zin Wayne

၂၀၁၂ က Hit ဖြစ်ခဲ့တဲ့ Snow White and the Huntsman ကတော့ နာမည်ကျော်စနိုးဝှိုက်ပုံပြင်ကိုအခြေခံထားပြီး Kristen Stewart ၊ Charlize Theron ၊ Chris Hemsworth ၊ Sam Claflin နဲ့ Bob Hoskins တို့လိုအကျော်အမော်တွေက ပါဝင်သရုပ်ဆောင်ပေးထားကြပါတယ်။ ရှေးရှေးတုန်းက တိုင်းပြည်တစ်ခုမှာ ဘုရင်မကမွေးဖွားတဲ့ သမီးတော်လေးစနိုးဝှိုက်ဟာ ပြိုင်ဘက်ကင်းတဲ့အလှအပကြောင့် ကျော်ကြားပါတယ်။ တစ်ရက်မှာတော့ စနိုးဝှိုက်ရဲ့မယ်တော် ဘုရင်မဆုံးပါးသွားပြီးတဲ့နောက် ပူဆွေးသောကရောက်နေတဲ့ဘုရင်ကြီးကို စုန်းမရာဗန်းနားက မြူဆွယ်နိုင်ခဲ့ပြီး ဘုရင်မဖြစ်လာခဲ့ပါတယ်။ ဒါပေမဲ့ ရာဗန်းနားက ဘုရင်ကြီးကိုသတ်၊ သမီးတော်လေးစနိုးဝှိုက်ကို ရဲတိုက်ကြီးထဲမှာ ဖမ်းဆီးချုပ်နှောင်ပြီး တိုင်းပြည်ကိုသိမ်းပိုက်အုပ်စိုးခဲ့ပါတယ်။ အချိန်တွေကြာလာတာနဲ့အမျှ ရာဗန်းနားရဲ့စွမ်းအားတွေယုတ်လျော့ လာပြီး ရာဗန်းနားရဲ့မှော်မှန်ချပ်က စနိုးဝှိုက်ရဲ့နှလုံးသားကိုစားမှသာ ထာဝရရှင်သန်နိုင်မယ်လို့ဆိုလာခဲ့ပါတယ်။ ဒါပေမဲ့ အဲဒီအချိန်မှာပဲ စနိုးဝှိုက်ဟာ ထွက်ပြေးလွတ်မြောက်သွားခဲ့တာကြောင့် ရာဗန်းနားက မုဆိုးတစ်ယောက်ငှားရမ်းပြီး စနိုးဝှိုက်ကိုလိုက်လံဖမ်းဆီးပါတော့တယ်။ File size…7.17GB / 3.04GB / 1.46GB Quality…Blu-Ray 4K HEVC 1080p  / 720p Format…mp4 Duration….2h 7m Genre …..Action , Adventure , Drama Subtitle….Myanmar Subtitle (Hard Sub) Encoder….Min Wai Translated by JULY

ဂျက်စပဲရိုးနဲ့ လူမှားခံရတဲ့ ဂစ်ဘ်ကို ကြိုးပေးတော့မယ့်အချိန်မှာ ဂျက်က ဝင်ကယ်ပေးလိုက်ရပါတယ်။ အဲဒီနောက် သူတို့နှစ်ယောက်ဟာ ကိုယ့်အတွက်တော့ အဆင်ပြေနေတဲ့ ဘာဘိုဆာဆီ ရောက်သွားကြပြန်တယ်။ ဒါပေမဲ့ အဲဒီမှာ ဂစ်ဘ်ပဲ ကျန်ခဲ့ပါတယ်။ ဂျက်ကတော့ အချစ်ဟောင်း အန်ဂျလီကာကြောင့် မုတ်ဆိတ်နက်ဆီ ရောက်သွားပြီး ထာဝရသက်ရှည်ရေပန်းကို ရှာဖို့ ကြိုးစားရပြန်တယ်။ ဒီရှာဖွေရေးမှာ စပိန်တွေက သူတို့ထက် ခြေတစ်လှမ်းသာနေပြီဖြစ်ပါတယ်။